အလုပ်သမားသမဂ္ဂများ ဖွဲ့စည်း

2012-03-26

ရွှေပြည်သာမြို့နယ်ရှိ ပေါ်ပြူလာ၊ Ever First ၊ အိပ်ဇဲလ် စတဲ့ ချည်မျှင်နဲ့ အထည်ချုပ် လုပ်ငန်းတွေက အလုပ် သမားတွေ စုပေါင်းပြီး မနေ့က သမဂ္ဂ ဖွဲ့စည်းခဲ့ကြကြောင်း သတင်း ရရှိပါတယ်။

အလားတူ ဒဂုံမြို့နယ်အတွင်းက ဆောက်လုပ်ရေး အလုပ်သမားတွေကလည်း မနေ့ကပဲ သမဂ္ဂ ဖွဲ့စည်း ခဲ့ကြပါတယ်။

အခုလို သမဂ္ဂတွေ ဖွဲ့စည်းနိုင်ဖို့ လွတ်လပ်သော အလုပ်သမားသမဂ္ဂများ ပေါ်ထွန်းရေး ကော်မတီက ကူညီ ဆောင်ရွက် ပေးနေကြောင်း ဒေါ်အိရွှေစင်က ပြောပြပါတယ်။

လက်ရှိ မြန်မာနိုင်ငံက တည်ဆဲ ဥပဒေတွေအရဖြစ်စေ၊ နိုင်ငံတကာ အလုပ်သမား အခွင့်ရေးတွေ အရ ဖြစ်စေ အလုပ် သမားတွေ ရရှိ ခံစားနိုင်တဲ့ အခွင့်အရေးတွေ အတွက် ကာကွယ် ဆောင်ရွက်သွားဖို့ သမဂ္ဂတွေ ဖွဲ့စည်း ရတာ ဖြစ်ကြောင်း သိရပါတယ်။

ဒီသမဂ္ဂတွေကို တရားဝင် မှတ်ပုံတင်သွားမှာ ဖြစ်ကြောင်းကိုလည်း တာဝန်ရှိသူတွေက ပြောဆိုခဲ့ပါတယ်။ မနက်ဖြန် မနက်ပိုင်း ရွှေပြည်သာ ၉ ရပ်ကွက်မှာ ဒီအလုပ်သမား သမဂ္ဂတွေ ဖွဲ့စည်း ပြီးကြောင်းကို တရားဝင် ရှင်းလင်းပွဲ ပြုလုပ်မှာ ဖြစ်တဲ့ အတွက် တက်ရောက် လိုတဲ့ အလုပ်သမား အားလုံးကို ဖိတ်ကြား ထားကြောင်းလည်း သိရပါတယ်။

Ref: RFA News