ထက်နိုင်ဇော်
May 21, 2013
သမ္မတ ဦးသိန်းစိန်နှင့် အမေရိကန်သမ္မတ မစ္စတာ အိုဘားမားတို့ မေလ ၂၀ ရက်နေ့က သမ္မတ အိမ်ဖြူတော်တွင် တွေ့ဆုံကာ နှစ်နိုင်ငံ နိုင်ငံရေး၊ စီးပွားရေး ကိစ္စများ အမြင်ခြင်း ဖလှယ်ခဲ့ ကြသည်။ မြန်မာနိုင်ငံ၏ နိုင်ငံရေး၊ စီးပွားရေး ဆိုင်ရာ ပြုပြင်ပြောင်းလဲမှု၊ လူ့အခွင့်အရေး အပါအ၀င် တိုင်းရင်းသား ကိစ္စရပ်များနှင့် ဘာသာရေး တင်းမာမှု ပြဿနာများ ဖြေရှင်းနိုင်ရေး စသည့် အရေးကြီး ကိစ္စရပ်များ ဆွေးနွေး ခဲ့ကြသည်။ ဆွေးနွေးပွဲ အပြီး သမ္မတ အိမ်ဖြူတော်တွင် သမ္မတနှစ်ဦးက ပူးတွဲ သတင်းစာ ရှင်းလင်းပွဲ ပြုလုပ် ခဲ့သေးသည်။ သမ္မတ ဦးသိန်းစိန်က ဒီမိုကရေစီ စနစ်ဖြင့် တိုင်းပြည်ရှေ့ဆက် သွားရန် ပြည်ပ အကူအညီ ရယူ လုပ်ဆောင်မည် ဟု သတင်းစာ ရှင်းလင်းပွဲ အပြီး သတင်းထောက် များကို ပြောကြား ခဲ့သည်။ မြန်မာနိုင်ငံ၏ ဒီမိုကရေစီ ပြုပြင်ပြောင်းလဲရေးတွင် အမေရိကန် ပြည်ထောင်စု၏ အခန်းကဏ္ဍနှင့် ပတ်သက်၍ ပြည်တွင်းရှိ နယ်ပယ်ကဏ္ဍ အသီးသီးမှ ပုဂ္ဂိုလ်များအား ဧရာဝတီမှ ဆက်သွယ်မေးမြန်းပြီး ကောက်နုတ်ဖော်ပြ လိုက်ပါသည်။
ဦးစိုင်းလိတ် (ရှမ်းတိုင်းရင်းသားများဒီမိုကရေစီအဖွဲ့ချုပ်- ပြောခွင့်ရပုဂ္ဂိုလ်)
ကျနော်ကတော့ အမေရိကန်-မြန်မာ ဆက်ဆံရေးကောင်းလာတာကို အကောင်းမြင်တယ်။ အရင်က အိမ်နီးချင်း အင်အားကြီး နိုင်ငံတစ်ခုရဲ့ လက်ဝေခံဖြစ်နေတာကို ခြေဖျက် လိုက်တဲ့ သဘောပဲ။ အခုလို တိုက်ရိုက် ထိတွေ့လာတာ ကောင်းတဲ့ပုံရိပ် တစ်ခုလို့ မြင်တယ်။ နှစ်နိုင်ငံပူးပေါင်းဆောင်ရွက်တဲ့ အခါမှာ ပြည်တွင်း ငြိမ်းချမ်းရေး အတွက် အထောက်အကူ ဖြစ်လာမယ်လို့ မြင်တယ်။ ဒီမိုကရေစီ အကူးအပြောင်း လုပ်နေတဲ့ အချိန်မှာ စီပွားရေး တိုးတက်ဖို့ပဲ ဖြစ်ဖြစ်၊ နိုင်ငံရေးအရ တိုးတက်ဖို့ပဲ ဖြစ်ဖြစ် အဓိကအားဖြင့်တော့ ပြည်တွင်း ငြိမ်းချမ်းရေး ရှိဖို့လိုတယ်။ ပြည်တွင်းငြိမ်းချမ်းရေးရှိမှ တခြားကိစ္စတွေကို ထိထိရောက်ရောက် လုပ်နိုင်မှာ။ အမေရိကန်နဲ့ အဆင်ပြေရင် နိုင်ငံရေးမှာ အကျိုးအမြတ်တွေ ရှိမယ်။ စီးပွားရေးမှာလည်း အမေရိကန်ဆန်ရှင် မရှိတော့ရင် မြန်မာအတွက် အခွင့်အလမ်းတွေ အများကြီးပဲ။ အမေရိကန်က ဖွင့်ပေးလိုက်ရင် ဥရောပနိုင်ငံတွေရော၊ ဂျပန်နိုင်ငံရော ချမ်းသာတဲ့နိုင်ငံတွေက ဒီမှာ လာပြီးတော့ ရင်းနှီးမြှုပ်နှံမှုတွေ လုပ်လာနိုင်တယ်။ ရင်းနှီးမြှုပ်နှံမှုတွေ ၀င်လာရင် ကျနော်တို့က ရင်းနှီးမြုပ်နှံမှု ဥပဒေကောင်းကောင်းရှိရမယ်။ပြည်သူလူထုကို အကာအကွယ်ပေးနိုင်တဲ့ ပွင့်လင်းမြင်သာတဲ့ ဥပဒေဖြစ်ဖို့လိုတယ်။ ပညာရေးနဲ့ ပတ်သက်ရင်တော့ ကျနော်တို့နိုင်ငံက အများကြီးနောက်ကျနေပြီ။ အဲဒါကြောင့် ပညာရေးကတော့ အမေရိကန်အပါအ၀င် တခြားတိုးတက်တဲ့ နိုင်ငံအားလုံးရဲ့ အကူအညီလိုတယ်။ အခု ပညာရေးကို အမေရိကန်က ကူညီမယ်လို့ ပြောတဲ့အတွက် ကျနော်တို့ ၀မ်းသာတယ်။ အရင်တုန်းကလို နိုင်ငံကြီးတစ်ခုကို လုံးဝအားကိုးစရာ မလိုတော့ဘူး။
ဒေါက်တာတူးဂျာ (ကချင်တိုင်းရင်းသားခေါင်းဆောင်)
ကျနော်တို့က နိုင်ငံတကာဆက်ဆံရေးမှာ အများကြီး ဆက်ဆံရေးကောင်းဖို့ လိုတယ်။ ကမ္ဘာ့အလယ်မှာ မတင့်တယ်တာ ကြာပြီလေ။ အခုက ဒီမိုကရေစီအစိုးရ ဖြစ်လာပြီ။ အစစအရာရာ လမ်းကပွင့်လာပြီလေ။ မနှစ်ကလည်း အမေရိကန်သမ္မတကြီးက ကျနော်တို့ဆီ လာလည်တယ်လေ။ အခု ကျနော်တို့ ခေါင်းဆောင်က ပြန်သွားလည်တာ ဂုဏ်ယူစရာကောင်းပါတယ်။ အခုလိုတွေ့ဆုံမှုကနေ စပြီးတော့ ကျနော်တို့နိုင်ငံကလည်း ပွင့်လင်းမြင်သာစွာနဲ့ ဒီမိုကရေစီ ဖြစ်ထွန်းလာဖို့ လိုအပ်တယ်လေ။ ပြည်တွင်းငြိမ်းချမ်းရေး၊ စစ်မှန်တဲ့ ပြည်ထောင်စုစနစ်ဆီကိုသွားဖို့ လိုအပ်နေပြီလေ။ တွေ့တယ်။ ပြောကြတယ်။ နောက်ပိုင်းကျတော့ ဘာမှ အကောင်အထည်ပေါ်မလာတဲ့ဟာတော့ မဖြစ်သင့်ဘူး။ခေါင်းဆောင်ကြီးနှစ်ဦးရဲ့ တွေ့ဆုံမှုဟာ ရေရှည်တည်တံတဲ့ ပြည်တွင်းငြိမ်းချမ်းရေးဆီသွားတဲ့ ပထမဆုံးခြေလှမ်းပဲ ဖြစ်စေချင်ပါတယ်။ ပြည်တွင်းငြိမ်းချမ်းရေးအတွက် အမေရိကန် အကူအညီရဖို့ မျှော်လင့်ပါတယ်။ အမေရိကန်ပြည်ထောင်စုဆိုတာ ကမ္ဘာမှာ အဖိနှိပ်ခံပြည်သူတွေကို ကူညီပေးနေတဲ့နိုင်ငံပဲလေ။ သူတို့ ကူညီခဲ့တာတွေလည်း ရှိပါတယ်။ အမေရိကန်ဆီကတောင် မရနိုင်ဘူးဆိုရင် ဘယ်နိုင်ငံကို မျှော်လင့်လို့ ရနိုင်မလဲ။ မြန်မာနိုင်ငံရေးကိုလည်း တခြားနိုင်ငံတွေထက် အကူအညီပေးနိုင်မယ်လို့ မျှော်လင့်တယ်။
အမေရိကန်နဲ့ ဆက်ဆံရေးကောင်းလာတာကို တရုတ်က စိုးရိမ်စရာမလိုပါဘူး။ ကျနော်တို့က အနောက်တံခါးဖွင့်လိုက်ပေမယ့် အရှေ့တံခါးကို မပိတ်ပါဘူး။ တစ်နိုင်ငံနဲ့ တစ်နိုင်ငံဆက်ဆံရေးက သူဟာနဲ့သူ ရှိနေတာပါပဲ။ အထူးဦးစားပေးဆိုတာလည်း ရှိချင်မှ ရှိမှာပါ။ နိုင်ငံတကာဆက်ဆံရေးဆိုတာက သူ့အကျိုး ကိုယ့်အကျိုးရှိဖို့ လိုပါတယ်။ တရုတ်နိုင်ငံက အိမ်နီးချင်းနိုင်ငံဖြစ်တဲ့အတွက် အဆက်အသွယ် မလုပ်လို့မှ မရတာ။
အခုက တိုင်းပြည်မှာ နိုင်ငံရေးစနစ်ပြောင်းလဲဖို့လိုတယ်။ အဲဒါက ဖက်ဒရယ်ပြည်ထောင်စုပဲ။ အမေရိကန်က ဖက်ဒရယ်ပြည်ထောင်စုကို အပြည့်အ၀ လိုက်နာကျင့်သုံးနေတော့ သူ့ဆီက အကူအညီ အကြံဉာဏ်ရနိုင်ရင် အကောင်းဆုံးပါပဲ။
ဟံသာဝတီဦးဝင်းတင် (သတင်းစာဆရာကြီး၊ နိုင်ငံရေးသမား)
အမေရိကန်-မြန်မာဆက်ဆံရေးမှာ အရေးကြီးတာ နှစ်ချက်ပဲရှိတယ်။ အခုလို စီးပွားရေးပိတ်ဆို့မှုတွေ လျော့လိုက်ရင် အမေရိကန်စီးပွားရေးလုပ်ငန်းရှင်တွေ အများကြီးလာဖို့ရှိတယ်။ သူတို့ လာရင်မြန်မာနိုင်ငံက စီးပွားရေးပွင့်သွားမှာပဲ။ ဒါကတစ်ချက်။ နောက်တစ်ချက်က စစ်တပ်ကိစ္စကို ဆွေးနွေးလိမ့်မယ်လို့ ထင်တယ်။ စစ်သားတွေ အမေရိကန်မှာ စစ်သင်တန်းတက်ဖို့ ကိစ္စတွေဘာတွေ ပေါ်လာနိုင်တယ်။ အဲဒါဆိုရင် စစ်တပ်ထဲမှာ လှုပ်လှုပ်ရှားရှား ဖြစ်လာလိမ့်မယ်လို့ မျှော်လင့်တယ်။ အခုက စစ်တပ်က ဘယ်နေရာမှာ ရောက်နေမှန်းကို မသိဘူး။ အခုစစ်တပ်က ဗိုလ်သင်တန်းလက်ခံတဲ့ အရေအတွက်တွေ လျော့တယ်ဗျ။ ၃၀ ရာခိုင်နှုန်းလောက်ကို လျှော့ပစ်တယ် ပြောတယ်။ သူတို့ပြောတာကတော့ စစ်တပ်မှာ ဘတ်ဂျက်မရှိလို့တဲ့ဗျ။ တခြားဘာမှ မလှုပ်သေးဘူး။ အဲလိုမျိုး တခြားလှုပ်တာ မရှိသေးဘူး။
တရုတ်က မြန်မာအပေါ်မှာ စီးပွားရေးအရ စီးထားတယ်။ တရုတ်က မြန်မာနဲ့ ပတ်သက်ပြီးတော့ ဘာမှခံရတာ မရှိဘူး။ လက်ပံတောင်းကိစ္စမှာလည်း ဒေါ်အောင်ဆန်းစုကြည်က ၀င်ကယ်ထားတယ်။ ဒေါ်အောင်ဆန်းစုကြည် ၀င်ခံတာနဲ့ သူတို့အများကြီး သက်သာတယ်။ မြစ်ဆုံကိစ္စကိုလည်း ခဏခဏထုတ်ပြောနေတယ်။ ပြီးတော့ ရှမ်းပြည်က ဟတ်ကြီးတို့ အပါအ၀င် သံလွင် တကြောက စီမံကိန်းတွေမှာ ၀င်လုပ်နေတယ်။ တရုတ်က တပြည်လုံးမှာ စီမံကိန်း ၃၈ လောက်လုပ်နေတာ။ ဗမာပြည်ကို အနောက်နိုင်ငံတွေက ၀င်လာလည်း တရုတ်က ဈေးကွက်ကိုစီးပြီးသား။ အစိုးရအဆက်ဆက်ကလည်း အမေရိကားတို့ ဘာတို့မသွားခင်မှာ နိုင်ငံရေးဂယက်ရိုက်မှာ မလိုချင်လို့ တရုတ်ကို ဂါရ၀ သွားပြုရတာ ရှိတယ်။
ရှင်းရှင်းပြောရရင် ဗမာပြည်အမေရိကန် ၀င်ရေးကိစ္စဟာ Geo-Politics ( ပထ၀ီနိုင်ငံရေး) နဲ့ ဆိုင်တယ်။ အမေရိကန်ရဲ့ ပထ၀ီနိုင်ငံရေးနဲ့လဲ တိုက်ရိုက်ပတ်သက်တယ်။ အမေရိကန်ရဲ့ ပေါ်လစီက ဗမာပြည်တစ်ခုတည်း ကွက်ကြည့်ပြီးတော့ ၀င်လာတာမဟုတ်ဘူး။ ဦးသိန်းစိန်ပြုပြင်ပြောင်းလဲရေး လုပ်တာတစ်ခုတည်း ကြောင့်လည်းမဟုတ်ဘူး။ ဒေါ်အောင်ဆန်းစုကြည်လုပ်လို့လည်း ၀င်လာတာ မဟုတ်ဘူး။ အဓိက အကြောင်းရင်းက သူရဲ့ အရှေ့ဖျားကိစ္စ၊ ဥပမာ ကိုးရီးယားတို့၊ ဖိလစ်ပိုင်တို့ ဂျပန်တို့ကို အာရှတခုလုံး ခြုံကြည့်ပြီးတော့ ၀င်လာတာ။ အခု ပစိဖိတ်သမုဒ္ဒရာက ၂၁ ရာစုမှာ အမေရိကန်ပြည်ထောင်စုအတွက် အရေးကြီးတဲ့ နေရာဖြစ်လာတယ်။ ကုန်သွယ်ဖို့၊ ကာကွယ်ဖို့ အတွက် နေရာယူပြင်လာတာ။ ဒေါ်အောင်ဆန်းစုကြည်ကြောင့် ၀င်လာတာမဟုတ်ဘူး။ တရုတ်မှားလို့ ၀င်လာတာ မဟုတ်ဘူး။ ပစိဖိတ်ဧရိယာ တခုလုံးရဲ့ ပထ၀ီနိုင်ငံရေးနဲ့ ပတ်သက်ပြီးတော့မှ ၀င်လာတာ။ ဗမာနဲ့ အမေရိကန်အဆင်ပြေတဲ့အတွက် တရုတ်ကို ဘာမှထိခိုက်စရာ မရှိပါဘူး။
ကိုမြအေး (၈၈ မျိုးဆက်ကျောင်းသားခေါင်းဆောင်)
ကျနော်တို့နိုင်ငံက နှစ်ပေါင်းများစွာ စစ်အစိုးရ လက်ထက်တလျှောက်လုံး အမေရိကန်အပါအ၀င် အနောက်နိုင်ငံတွေနဲ့ ဆက်ဆံရေး အလွန်တရာမှ ကျဲခဲ့တယ်။ အဲဒါကြောင့် အိမ်နီးချင်းနိုင်ငံကြီးတခုနဲ့ပဲ ဆက်ဆံရေးကောင်းအောင် တည်ဆောက်နိုင်ခဲ့တယ်။ ချိန်ခွင်လျှာ ညှိဖို့အတွက် ကျတော့ အနောက်နိုင်ငံတွေနဲ့ ဆက်ဆံရေး အဆင်ပြေဖို့ အရေးကြီးတယ်။သမ္မတနှစ်ယောက် တွေ့ကြတာကို ကြိုဆိုတယ်။ FDI အရ နိုင်ငံတကာရင်းနှီး မြှပ်နှံမှုတွေဝင်လာရင် အသိပညာ၊ အတတ်ပညာ နဲ့ အလုပ်အကိုင်အခွင့်အလမ်းတွေ ရလာမယ်။ စီးပွားရေးတက်လာမယ်လို့ မျှော်လင့်တယ်။ ကျနော်တို့ဆီရောက်လာမမယ့် အမေရိကန် ကုမ္ပဏီတွေလည်း အကျိုးအမြတ်ရှိမှာပါ။
တခုပြောချင်တာက သမ္မတနှစ်ယောက်တွေ့ဖို့ရှိလို့ နိုင်ငံရေးအကျဉ်းသားတွေကို လွှတ်ပေးတာမျိုး မလိုချင်ဘူး။ ကျနော်တို့ကလည်း တိုင်းပြည်တည်ဆောက်ရေးမှာ ရိုးရိုးသားသားဝင်ကူမယ်။ ကျနော်တို့ကိုလည်း ရိုးရိုးသားသား ဆက်ဆံစေချင်တယ်။ အမေရိကန်သွားခါနီးကျမှ အကျဉ်းသား တချို့တ၀က် လွှတ်ပေးလိုက်တာမျိုးကတော့ မကောင်းဘူးပေါ့ဗျာ။
အမေရိကန်နဲ့ဆက်ဆံလို့ တိုက်ရိုက်အကျိုးရှိမယ့်ဟာမျိုးကတော့ အမေရိကန်ရဲ့ မဟာမိတ် ဂျပန်က မြန်မာကို အကြွေးတွေ လျော်ပစ်လိုက်တယ်။ ဒါက တိုက်ရိုက်အကျိုးခံစားရတဲ့ဟာပဲ။ နောက်ပြီးတော့ ချေးငွေတွေ အကူအညီတွေ အများကြီးရမယ်။ ကျနော်တို့ နိုင်ငံကို မြင့်တင်ဖို့ ဆိုတာက သယံဇာတတွေကို ထုတ်ရောင်းနေလို့ မရဘူး။ လူ့စွမ်းအား ဖွံ့ဖြိုးဖို့အတွက် ပညာရေးအထောက်အပံတွေ အများကြီးလိုပါတယ်။ ကျန်းမာရေး အထောက်အပံတွေ တိုက်ရိုက်ရလာဖို့ မျှော်လင့်ပါတယ်။
ဒေါ်သန်းမြင့်အောင် (လူမှုရေးတက်ကြွလှုပ်ရှားသူ၊ စာရေးဆရာမ)
သမ္မတဦးသိန်းစိန်က သူတို့ဆီက အကူအညီတွေ ယူကောင်းယူပါလိမ့်မယ်။ ဒါပေမယ့် တခုယူပြီး တခုပြန်ပေးလိုက်ရတာမျိုးတော့ မဖြစ်စေချင်ဘူး။ ပြန်ပေးလိုက်ရတဲ့ဟာက ကိုယ့်နိုင်ငံက အရင်းအမြစ်တွေ ပါမသွားဖို့ အရေးကြီးတာပေါ့။ စေတနာ သန့်သန့်နဲ့ပေးရင်တော့ လိုချင်တယ်။ ယူမှလည်း ကိုယ့်နိုင်ငံက ဖွံဖြိုးတိုးတက်ရေးလုပ်ဖို့ အဆင်ပြေမှာ။ စီးပွားရေး၊ ကျန်းမာရေး အကူအညီနဲ့ အတတ်ပညာပိုင်းတွေတော့ အကူအညီယူ ရပါလိမ့်မယ်။ ယူတယ်ဆိုတဲ့နေရာမှာ ကိုယ်က ဘာပြန်ပေးရမလဲဆိုတာ ပြန်စဉ်းစားဖို့ လိုတာပေါ့။
ကျမတို့နိုင်ငံက သက်ကြီးရွယ်အိုတွေအတွက် အာမခံချက်ရှိတဲ့ ဥပဒေမျိုးလိုချင်တယ်။ အမေရိကန်ပြည်ထောင်စုမှာ သက်ကြီးရွယ်အိုတွေအတွက် စောင့်ရှောက်မှုကောင်းတယ်လို့ ကြားတယ်။ ကျမတို့ လူအိုရုံမှာ အငြိမ်းစားဝန်ထမ်းတွေ အများကြီးပဲ။ တက္ကသိုလ်က ဆရာ ဆရာမတွေ၊ ကျောင်းဆရာ ဆရာမတွေ။ ပြောမယ်ဆိုရင် ဋ္ဌာနဆိုင်ရာ ၀န်ထမ်းတွေ အများကြီးပဲ။ ရဲမှူးကြီး အငြိမ်းစားတွေတောင်ပါတယ်။ အသက်ကြီးလာပြီး သားသမီး ကျောထောက်နောက်ခံလည်း မရှိတော့ တကယ့်ကို ဒုက္ခရောက်ကုန်တာ။ အခု ပြောတာ အရင်တုန်းက ၀န်ထမ်းကြီးတွေပါ။ ၀န်ထမ်းဘ၀ပြီးသွားတဲ့ အခါကျတော့ စုဆောင်းထားတာ မရှိဘူး။ ပင်စင်နဲ့ စားမလောက်ဘူး။ ကျန်းမာရေးအတွက် အာမခံချက် မရှိဘူး။ ကျမတို့ ၀န်ထမ်းတွေအတွက် အာမခံချက် ရှိစေချင်တယ်။ စုဆောင်းဖို့အတွက် လုပ်ကြရင်းနဲ့ နိုင်ငံက လဘ်ပေးလဘ်ယူတွေ များလာသလား မပြောတတ်ဘူး။ အစိုးရက သက်ကြီးရွယ်အို စောင့်ရှောက်ရေး လုပ်ပေးနိုင်ရင် တော်တော်ကောင်းမယ်။
ဦးကျော်သူ (နာရေးကူညီမှုအသင်း)
သမ္မတနှစ်ယောက်တွေ့တာ ဘာမှ မပြောလိုဘူး။ အစိုးရဆိုတာ ကိုယ့်ပြည်သူတွေပေါ်ကို ကောင်းဖို့လိုတယ်။ အစိုးရ ကောင်းပေမမယ့်လည်း ပြည်သူလူထုက လက်မခံရင် အလကားပဲ။ ကျနော်တို့ ပြီးခဲ့တဲ့ အပတ်က အမှိုက်လိုက်ကောက်တယ်။ ကောင်းတာလုပ်တယ်။ ပေးမလုပ်ဘူး။ ပြည်ပကူညီထောက်ပံမှုကတော့ လိုအပ်တာပဲ။ အမေရိကန်လို ဒီမိုကရေစီနိုင်ငံကြီးတွေက ကူညီထောက်ပံမှုက ပိုတောင် လိုသေးတယ်။ အမေရိကန်အဖွဲ့တွေ ကျနော်ဆီလာတာရှိပါတယ်။ သမ္မတဦးသိန်းစိန်လည်း သူ့အိမ်က ကားလွှတ်ပြီး အလှူငွေ လာထည့်ဖူးတယ်။ ငွေပမာဏကိုတော့ မမှတ်မိတော့ဘူး။
ဦးဝဏ္ဍရွှေ (အစ္စလာမ်ဘာသာရေး ခေါင်းဆောင်)
အမေရိကန်နဲ့ မြန်မာဆက်ဆံရေး ကောင်းလာတာ မြန်မာဟာ လူ့အခွင့်အရေးနဲ့ ဒီမိုကရေစီကိ်ု ပိုလေးစားတဲ့ နိုင်ငံတစ်ခုဖြစ်လာမယ်။ နိုင်ငံအတွင်းမှာ လူမျိုးစုအခွင့်အရေးတွေ၊ ဘာသာရေးလွတ်လပ်ခွင့်တွေ ပိုရလာမယ်လို့ ယုံကြည်တယ်။ အမေရိကန် ပြည်ထောင်စုဆိုတာ ကမ္ဘာပေါ်မှာ ဘာသာရေးလွတ်လပ်ခွင့် ရှိတဲ့နိုင်ငံပါ။ အမေရိကန်ပြည်ထောင်စုမှာ လူတဦးချင်းစီရဲ့ လွတ်လပ်ခွင့်ကို အာမခံချက်ပေးထားသလို ဘာသာတစ်ခုနဲ့ တစ်ခု ထိခိုက်မှု မရှိအောင် ဘယ်လိုလုပ်ဆောင်သလဲဆိုတာ မြန်မာနိုင်ငံ အနေနဲ့ နမူနာယူလို့ ရပါတယ်။ သူတို့ဆီမှာ အသားရောင်ခွဲခြားမှု ရှိခဲ့ပေမဲ့ အောင်မြင်စွာ ကျော်လွှားနိုင်ခဲ့တယ်။ ဒါပေမယ့် လူ့အခွင့်အရေး လေးစားမှုတွေ ရှိခဲ့တဲ့အတွက် သူတို့ အောင်မြင်ခဲ့တယ်။ ကျနော်တို့ဆီမှာလည်း အမေရိကန်ပြည်ထောင်စုကို နမူနာယူပြီးတော့ နိုင်ငံသားချင်း လေးစားတဲ့စိတ်ဓါတ် လူသားချင်း လေးစားတဲ့ စိတ်ဓါတ်တွေ ရှိလာရင် စိတ်ပိုင်းဆိုင်ရာ ငြိမ်းချမ်းမှုတွေရလာမယ်။
ဒေါက်တာ အေးမောင် ( ရခိုင်တိုင်းရင်းသားခေါင်းဆောင်၊ လွှတ်တော်အမတ် )
အမေရိကန်ပြည်ထောင်စုနဲ့ ထိတွေ့ခဲတဲ့နိုင်ငံတွေရဲ့သမိုင်းကို လေ့လာရမယ်။ တောင်ကိုးရီးယား တိုးတက်သွားတယ်။ ဂျပန် ဒုတိယ ကမ္ဘာစစ်နောက်ပိုင်း အရမ်းတိုးတက်လာတယ်။ ဖိလစ်ပိုင်၊ ထိုင်း အမေရိကန်နဲ့ ဆက်ဆံရေး ကောင်းလို့ ဖွံ့ဖြိုးတိုးတက်လာတယ်။ နှစ်နိုင်ငံကြားမှာ အပြန်အလှန်အကျိုးရှိခဲ့ကြတယ်။ အာရှ၊ အာဖရိကနဲ့ လက်တင်အမေရိက တိုင်းပြည်တွေက အမေရိကန်နဲ့ အဆင်ပြေတဲ့ နိုင်ငံတချို့ကို လေ့လာကြည့်ပါ။ သူတို့ စီးပွားရေးလာလုပ်တာကို ကြိုဆိုရမယ်။ အိမ်နီးနားချင်းနဲ့ စီးပွားရေးလုပ်ရတာ အန္တရာယ်များတယ်။ မကျေနပ်ရင် ခြံစည်းရိုးဖျက်ဝင်လာမှာလေ။ အိမ်နီးချင်းနိုင်ငံက ပို့တဲ့ တောသားကြိုက် ပစ္စည်းတွေ သုံးရတဲ့ ဘ၀က လွတ်သင့်ပြီ။
ဦးမော်သန်း ( စီးပွားရေးပညာရှင်)
အမေရိကန်ပြည်ထောင်စု ဆိုတာက စီးပွားရေးအရရော၊ နည်းပညာ အရရော ကမ္ဘာမှာ နံပါတ်တစ်ပဲလေ။ ဒီလိုနိုင်ငံနဲ့ ဆက်သွယ်ဆောင်ရွက်နိုင်ဖို့ လိုတယ်။ မြန်မာနိုင်ငံကလည်း သယံဇာတပေါကြွယ်ဝတယ်။ မြန်မာနိုင်ငံမှာ အရင်းအမြစ်ကောင်းတွေ ရှိတဲ့အတွက် အမေရိကန်လုပ်ငန်းရှင်တွေလည်း လာလေ့လာသွားပြီ။ လူတွေကလည်း အဆင်သင့်ပဲဆိုရင် နိုင်ငံခြားရင်းနှီးမြှပ်နှံမှုတွေလာရင် တိုင်းပြည်ဖွံ့ဖြိုးဖို့ပဲ ရှိတယ်။ လောလောဆယ်မှာတော့ ဘဏ်လုပ်ငန်းနဲ့ ပတ်သက်ရင် ကိုယ်စားလှယ်ရုံးပဲ ဖွင့်ခွင့်ရှိသေးတယ်။ သူတို့ကတော့ အကျိုးအမြတ်ရမှာပဲ လာလုပ်မှာ။ မြန်မာနိုင်ငံမှာတော့ လယ်ယာစိုက်ပျိုးရေးကစ လာလုပ်လို့ရတာတွေ အများကြီး ရှိတယ်။ တဖြည်းဖြည်းနဲ့တော့ ကဏ္ဍတိုင်းမှာ ရင်းနှီးမြှပ်နှံမှုတွေ ၀င်လာပါလိမ့်မယ်။ စီးပွားတက်ဖို့ကတော့ နိုင်ငံခြားရင်းနှီးမြှပ်နှံမှုက အားကိုးဖွယ်ရာပါပဲ။ တိုင်းပြည်အနေနဲ့ကတော့ သူတို့လာလုပ်ရင် ကိုယ်ပဲ အကျိုးအမြတ်ရရမယ်ဆိုတဲ့ စိတ်ပဲထားလို့မရဘူး။ အလုပ်အကိုင်ပွင့်လာမယ်။ နိုင်ငံခြားပို့ကုန်တွေလည်း တိုင်းပြည်စာရင်းထဲ ၀င်လာမယ်။ ကိုယ်ကလည်း သဘောထားကြီးဖို့လိုမယ်။ အမေရိကန်အတွက်လည်း မြန်မာနိုင်ငံနဲ့ ဆက်သွယ်လာတဲ့အတွက် သူတို့စီးပွားရေး အကျိုးအမြတ်သာမက နိုင်ငံရေး အကျိုးအမြတ်ပါရမယ်။
Ref: ဧရာဝတီ
Wednesday, May 22, 2013
ဦးသိန်းစိန် အမေရိကန်ခရီးအပေါ် သူတို့အမြင်
Tuesday, May 21, 2013
သမ္မတဦးသိန်းစိန်နဲ့ အမေးအဖြေ
20.05.2013
ဦးသန်းလွင်ထွန်း။ ။ မင်္ဂလာပါခင်ဗျ။ အခု ဗွီအိုအေမြန်မာပိုင်း ကနေပြီးတော့ မြန်မာနိုင်ငံကို ရုပ်မြင်သံကြားကနေ တိုက်ရိုက် ထုတ်လွှင့်မယ့် သမ္မတကြီး ဦးသိန်းစိန်နဲ့ အထူးသဖြင့် ဗွီအိုအေ အပါအ၀င် ဗွီအိုအေကနေ အိမ်ရှင်အဖြစ် လက်ခံ ကျင်းပပေးမယ့် ဒီစီ အနီးတ၀ိုက်မှာ ရှိတဲ့ မြန်မာ အသိုင်းအ၀ိုင်းကနေပြီးတော့၊ နိုင်ငံရေး၊ စီးပွားရေး၊ ဘာသာရေး၊ လူငယ်ရေးရာ ဘက်ပေါင်းစုံက အသိုင်းအ၀ိုင်းက သမ္မတကြီးနဲ့တွေ့ပြီးတော့ မေးချင်တာ၊ နှုတ်ဆက် ချင်တာတွေနဲ့ အတူ တွေ့ဆုံပွဲကို စတင်ပါပြီခင်ဗျ။
အထူးသဖြင့် ဒီမိုကရေစီနိုင်ငံတွေမှာပဲ အများအားဖြင့် တွေ့ရလေ့ရှိတဲ့ Town Hall meeting လို့ခေါ်တဲ့ မြို့တော်ခန်းမ ပုံစံမျိုး၊ ရင်းရင်းနှီးနှီး ပွင့်ပွင့်လင်းလင်း တွေ့ဆုံပွဲကို သမ္မတကြီး အနေနဲ့ လိုလိုလားလားနဲ့ ကျနော်တို့ ဆီကို လာပြီးတော့ အခုလို လာပေးတာ ကျေးဇူးတင်ကြောင်း အရင် ပြောပါရစေ။ အလားတူပဲ တက်လာတဲ့ ပရိသတ်တွေ ဆိုရင်လည်း သမ္မတနဲ့ တွေ့ဆုံခွင့် ရပြီးတော့ အားလုံး အနေနဲ့ ရိုးရိုးသားသား ပွင့်ပွင့်လင်းလင်း ရှင်းရှင်းလင်းလင်း မေးစရာ ရှိတာလေးတွေကို မေးပြီးတော့ သမ္မတကြီး ဆီကလည်း ပွင့်လင်း ရှင်းလင်းတဲ့ အဖြေတွေကို ရနိုင်လိမ့်မယ်လို့ ကျနော်တို့ ယူဆပါတယ်။ အဲဒီတော့ အကန့်အသတ်လေး နည်းနည်းရှိတဲ့ အတွက်ကြောင့် မေးခွန်းတွေ၊ မှတ်ချက်လေးတွေ ပေးရင်တော့ အချိန် အတိုင်းအတာလေးနဲ့ ဖြစ်စေ ချင်ပါတယ်။ မေးချင်တဲ့မေးခွန်းတွေကို ပေးပြီးသားဖြစ်တဲ့ အတွက်ကြောင့်မိုလို့ သမ္မတကြီးပြောတဲ့ အကြောင်းအရာလေးတွေ နဲ့ ကိုက်ညီတဲ့ အားလျော်စွာ ကျနော် ခေါ်ပြီးတော့ မေးခွန်းလေးတွေ မေးခွင့်ပေး ပါမယ်။ ဒီထောင့်မှာလာပြီးတော့ မေးခွန်းမေးပေးဖို့ ပါပဲ။
ကျနော့်အနေနဲ့ ပထမဦးဆုံးကတော့ မေးချင်တဲ့ အကြောင်းကတော့ သမ္မတကြီး အနေနဲ့ နိုင်ငံရဲ့ ၄၇ နှစ် အတွင်း မြန်မာနိုင်ငံရဲ့ ပထမဆုံး သမ္မတ အနေနဲ့ အမေရိကန်ပြည်ထောင်စုကို တရားဝင် အလည်အပတ် ရောက်ရှိ လာတယ်။ အဲဒီမှာ သမ္မတကြီးအနေနဲ့ အမေရိကန်ပြည်ထောင်စု သမ္မတ ဘရက် အိုဘားမားနဲ့လည်း မနက်ဖြန်ဆိုရင်တွေ့ဆုံဖို့ ရှိပါတယ်။ ဒီသမိုင်းဝင် ခရီးစဉ် အတွင်းမှာ သမ္မတကြီး အနေနဲ့ ဘယ်လို မြန်မာနိုင်ငံရဲ့အကျိုးအတွက် ရလဒ်တွေကို မျှော်မှန်းနိုင်ဖို့ ရည်ရွယ်ချက် ရှိထားပါလဲ ဆိုတာလေးကို သမ္မတကြီးအနေနဲ့ အတိုချုပ်လေး ရှင်းပြပေးစေချင်ပါတယ်။ အလားတူပဲ သမ္မတကြီး ဦးဆောင်ပြီးတော့ လုပ်နေတဲ့ မြန်မာနိုင်ငံတွင်းမှာ ရှိတဲ့ ပြုပြင်ပြောင်းလဲရေး လုပ်ငန်းစဉ်တွေရဲ့ လက်ရှိအခြေအနေ၊ ရင်ဆိုင်ရတဲ့ အကြောင်းလေးတွေကိုလည်း အတိုချုပ် ရှင်းပြပေးစေချင်ပါတယ်။ အဲဒါပြီးရင်တော့ ပရိသတ်ထဲက မေးစရာ ရှိတာလေးတွေကို သမ္မတကြီးအနေနဲ့ ဖြေကြားပေးစေ ချင်ပါတယ်။
သမ္မတဦးသိန်းစိန်။ ။ အားလုံးပဲ တက်ရောက်လာကြတဲ့ အဖွဲ့တွေကို ကျနော့် အနေနဲ့ ကျေးဇူးတင်ကြောင်း ပြောကြား ချင်ပါတယ်။ ဒီမှာ အကြောင်း အမျိုးမျိုးနဲ့ ရောက်နေပေမဲ့လည်း မြန်မာနိုင်ငံသားတွေဖြစ်တဲ့ အတွက်ကြောင့် စိတ်ထဲမှာတော့ စောစောကပြောသလိုပါပဲ။ ကိုယ့်သွေး ကိုယ့်သားတွေ လိုပဲ စိတ်ထဲမှာ သဘောထား ပါတယ်။ ခင်ဗျားတို့နဲ့ တွေ့နိုင်အောင် အခုလို စီစဉ်ပေးခဲ့တဲ့ ဗွီအိုအေက တာဝန်ရှိတဲ့ ပုဂ္ဂိုလ်တွေလည်း ကျေးဇူးတင်ကြောင်း ကျနော် ပြောလိုပါတယ်။ စောစောက ကျနော် ပြောသလိုပါပဲ မြန်မာနိုင်ငံနဲ့ အမေရိကန် ဆက်ဆံရေးဟာ ၁၉၄၇ ခုနှစ်ဆိုတော့ လွတ်လပ်ရေးတောင် မရသေးပါဘူး။ လွတ်လပ်ရေး မရခင်ကတည်း ကျနော်တို့က သံတမန်ဆက်သွယ်မှု ရှိခဲ့တယ်။ နောက် ဟိုတုန်းကတော့လည်း သွားလာဆက်ဆံမှုတွေ ရှိပါတယ်။ အဲဒီတော့ ၁၉၅၅ ခုနှစ်ကဆိုလို့ရှိရင်ဝန်ကြီးချုပ်ဦးနု ဒီကိုလာခဲ့ပါတယ်။ ဧည့်သည်အဖြစ်နဲ့။ နောက် တခါ ၂ နှစ်အကြာ ၁၉၅၇ ခုနှစ်မှာ သမ္မတကြီး ဦးမန်းဝင်းမောင် က ဆေးဝါးကုသဖို့ဆိုပြီးတော့ ဒီကိုလာခဲ့ဖူးပါတယ်။ နောက်တော့ ၁၉၆၆ ခုနှစ်မှာ ကျနော်တို့ ဗိုလ်ချုပ်ကြီးနေ၀င်းပေါ့လေ။ တရားဝင်အလည်အပတ်ခရီး လာခဲ့ဖူးပါတယ်။ အဲဒီတော့ ၁၉၆၆ ခုနှစ်ကနောက်ပိုင်းမှာ ကျနော်တို့ အဆက်အသွယ်တွေ ပြတ်သွားကြတယ်။ အသွားအလာတွေ နည်းသွားကြတာ အခု ကျနော်ရောက်တဲ့အချိန်ထိဆိုရင် အားလုံး ကျနော်တို့ ၄၇ နှစ်။ ၄၇ နှစ်အတွင်းမှာ ကျနော်တို့ မြန်မာနိုင်ငံရဲ့ တာဝန်ရှိတဲ့အကြီးအကဲတယောက် အနေနဲ့ အမေရိကန်နိုင်ငံကို၊ မြို့တော်ဝါရှင်တန်ကို ရောက်လာတာဖြစ်ပါတယ်။ အဲဒီတော့ အဓိက ကတော့ ကျနော်တို့ မြန်မာနိုင်ငံနဲ့ အမေရိကန်ဆက်ဆံရေး ဟာ သမ္မတအိုဘားမား လက်ထက်မှာ ပြန်လည်ပြီးတော့ ပွင့်လင်းသွားပြီးတော့ မှ နှစ်နိုင်ငံ ဆက်ဆံရေးဟာ နွေးနွေးထွေးထွေးနဲ့ ကျနော်တို့ ရှိလာတယ်။ နှစ်ပေါင်း ၂၀ လောက် အဆက်အသွယ် အကျိတ်အခဲတွေပေါ့နော်။ အခက်အခဲတွေ ရှိနေရာကနေ အခုတော့ ကျနော်တို့ နှစ်နိုင်ငံရဲ့ ဆက်သွယ်ရေးဟာ သမ္မတအိုးဘားမားရဲ့ ကျင့်သုံးတဲ့ ပေါ်လစီအရ ပြန်လည် ပြီးတော့ ထိတွေ့ဆက်ဆံမှုတွေ၊ ဆက်သွယ်မှုတွေ ကျနော်တို့ရှိလာပါတယ်။ အဲဒီတော့ လာရတဲ့ခရီးစဉ်ရဲ့ အဓိက ကတော့ နှစ်နိုင်ငံ ကျနော်တို့ရဲ့ ခင်မင်ရင်းနှီးမှုကို ဆက်လက်ပြီးတော့ အဓွန့်ရှည်အောင် တည်ဆောက်နိုင်ဖို့ အတွက် ဒါ ကျနော်တို့ လာရောက် လည်ပတ်ခြင်းဖြစ်ပါတယ်။ ဒါကတော့ အဓိက အကြောင်းတစ်ချက်ပေါ့။ အဲဒီတော့ ကျနော်တို့ သမ္မတကြီးနဲ့တွေ့ရင်းနဲ့ ကျနော်တို့နိုင်ငံရဲ့ ဖြစ်ပေါ်တိုးတက်မှုတွေ၊ ကျနော်တို့ တွေ့ကြုံရတဲ့ အခက်အခဲတွေ၊ ကျနော်တို့ရဲ့ ရှေ့အလားအလာတွေ ဒါတွေနဲ့ ပတ်သက်ပြီးတော့ အမေရိကန်နိုင်ငံအနေနဲ့ အဘက်ဘက်ကနေပြီးတော့ ကျနော်တို့နိုင်ငံအပေါ် နားလည်မှု ရှိဖို့၊ တချို့အခက်အခဲတွေ ကို ဖြေရှင်းပေးနိုင်မယ့်ဟာတွေကို ဖြေရှင်းပေးနိုင်ဖို့ ဆိုတဲ့ ဒီလို ရည်ရွယ်ချက်တွေနဲ့ ကျနော်တို့ ဒါ သမ္မတကြီးနဲ့တွေ့ဖို့ဖြစ်ပါတယ်။
ဦးသန်းလွင်ထွန်း။ ။ နောက်ထပ် အကြောင်းအရာတစ်ခုကို မဆက်ခင်မှာပဲ အခု ပရိသတ်ထဲမှာ မေးချင်တဲ့သူတွေထဲက သမ္မတကြီး အခုရှင်းပြတဲ့ အမေရိကန်ပြည်ထောင်စုကို လာရတဲ့အကြောင်းရင်းတွေ ထဲမှာပဲ ပါတဲ့အချက်လေးတခုကတော့ အမေရိကန် ဒီမိုကရေစီစနစ်မှာ မြန်မာနိုင်ငံ အတွက် အတုယူစရာဘာများ ရှိပါသလဲ။ ကိုအောင်သူငြိမ်းက မေးချင်ပါတယ်။ ကိုအောင်သူငြိမ်းကတော့ မြန်မာနိုင်ငံ နယ်စပ်မှာနေနေတဲ့ သူပါ။ အဲဒီတော့ ကိုအောင်သူငြိမ်းအနေနဲ့ မေးချင်တဲ့မေးခွန်းလေးကို မေးစေချင်ပါတယ်။
ဦးအောင်သူငြိမ်း။ ။ ကျေးဇူးတင်ပါတယ် သမ္မတကြီးခင်ဗျ။ ကျနော် အောင်သူငြိမ်းပါ။ ကျနော် ဗဟုဖွံ့ဖြိုးမှုအဖွဲ့ကပါ။ သမ္မတကြီးတို့ ဖိတ်ခေါ်မှုနောက်ပိုင်းမှာ ကျနော် တိုင်းပြည်ကိုလည်း ပြန်ရောက်ပါတယ်။ တချို့သုတေသနလုပ်ငန်းလည်း ကျနော် လုပ်ပါတယ်။ ကျနော် မေးချင်တဲ့မေးခွန်းကတော့ အခုလို ဒီအမေရိကန်ကို လာပြီးတော့ ဒီသမိုင်းဝင်ခရီးစဉ်မှာ အမေရိကန်ရဲ့ ဒီမိုကရေစီစနစ်ကနေ ကျနော်တို့နိုင်ငံက အတုယူစရာ၊ လေ့လာစရာဘာတွေ ရှိမလဲ။ ဒါနဲ့ပတ်သက်လို့ ကျနော် ပထမမေးချင်ပါတယ်။ ဆိုတော့ ဒုတိယကတော့ ကျနော်တို့နိုင်ငံရဲ့ ပညာရေးစနစ် ပြုပြင်ပြောင်းလဲမှု လုပ်တဲ့နေရာမှာ သမ္မတကြီးရဲ့ခရီးစဉ်အတွင်း ဘယ်လိုအထောက်အပံ့ အကူအညီတွေ ရနိုင်မလဲ။ မျှော်လင့်နိုင်မလဲပေါ့။ ဒါလည်း ကျနော်တို့ သိချင်ပါတယ်ခင်ဗျ။
သမ္မတဦးသိန်းစိန်။ ။ အဲဒီတော့ ပထမမေးခွန်းအနေနဲ့ ကျနော်တို့ အမေရိကန်နိုင်ငံဟာ ဒီမိုကရေစီ ကျင့်သုံးလာတာ နှစ်ပေါင်းရာနဲ့ချီ ကြာခဲ့ပြီဖြစ်ပါတယ်။ နောက် ကျနော်တို့နိုင်ငံအနေနဲ့ ပြန်ကြည့်မယ်ဆိုရင် ဒီမိုကရေစီစနစ်ကို ၁၉၄၈ ခုနှစ်မှာ လွတ်လပ်ရေး ကျနော်တို့ရခဲ့တယ်။ ရခဲ့ပြီးတော့ တက်လာတဲ့အစိုးရဟာ ကျနော်တို့ ဒီမိုကရေစီစနစ်ကို ကျင့်သုံးတဲ့အစိုးရပါ။ သို့သော်လည်း ကျနော်တို့ ၁၄ နှစ်ပေါ့နော်။ သက်တမ်းအားဖြင့် ၁၄ နှစ်ပဲ ကျနော်တို့ ကြာညောင်းခဲ့ပြီးတော့၊ ကျန်တဲ့အချိန်တွေဟာ တိုင်းပြည်ရဲ့ တည်ငြိမ်အေးချမ်းမှု၊ လုံခြုံမှု အခြေအနေတွေအရ တပ်မတော်ကပဲ တလှည့်တပြန်စီ တာဝန်ယူသွားရတာ။ အဲဒီတော့ ဒီမိုကရေစီနဲ့ ကျနော်တို့ ကင်းကွာတာ အတော်လေးလည်း ကြာခဲ့ပါပြီ။ ဒီမိုကရေစီနဲ့ကင်းကွာတာ အတော်လေးကြာခဲ့ပြီ။ နောက်တခါ အခု ကျနော်တို့အစိုးရတက်လာတော့ ဒီမိုကရေစီစနစ်ကို ကျင့်သုံးတယ် ဆိုပေမဲ့လည်း ကျနော်တို့မှာ အချိန်ကာလအားဖြင့်က နှစ် နှစ်ပဲ ကျနော်တို့ရှိပါသေးတယ်။ အဲဒီတော့ ဒီမိုကရေစီနဲ့ပတ်သက်ပြီးတော့ ကျနော်တို့မှာ အတွေ့အကြုံတွေ၊ အလေ့အကျင့်တွေ အများကြီးနည်းပါသေးတယ်။ အဲဒီတော့ ဒီမိုကရေစီဆိုတာကို ကျင့်သုံးနေတဲ့ နိုင်ငံကြီးအတွက်တော့ ပြည်သူတွေပိုင်းကလည်း ဒီိမိုကရေစီကို အပြည့်အ၀ခံစားခွင့် ရသလို၊ ဒီမိုကရေစီနဲ့ပတ်သက်ပြီးတော့ တာဝန်ယူမှု၊ တာဝန်ရှိမှုတွေကလည်း အပြည့်အ၀ ပြည်သူတွေက ခံယူထားတယ်လို့ ကျနော်နားလည်ပါတယ်။ ဒါကြောင့် ဒီမိုကရေစီနဲ့ပတ်သက်ပြီးတော့ တဘက်ကလည်း ဒီအခွင့်အရေးတွေ၊ လွတ်လပ်ခွင့်တွေ အပြည့်ဝ ယူချင်သလို၊ တဘက်ကလည်း အမေရိကန်ပြည်သူတွေလို ဒီမိုကရေစီနဲ့ပတ်သက်တဲ့ တာဝန်ရှိမှုတွေ၊ တာဝန်သိမှုတွေ ဒါတွေဟာ ကျနော်တို့နိုင်ငံအတွက် အတုယူဖွယ်ရာဖြစ်တယ်လို့ ကျနော့်အနေနဲ့ပြောချင်ပါတယ်။ ဒါက မေးခွန်းတခုပေါ့။
ဒုတိယမေးခွန်းက ပညာရေးနဲ့ပတ်သက်ပြီးတော့ တိုင်းပြည်တွေ ဖွံ့ဖြိုးတိုးတက်ဖို့အတွက် ပညာရေးဟာ အင်မတန်မှ အဓိကကျပါတယ်။ ပညာရေးဟာ အဓိကကျပါတယ်။ အဲဒီတော့ ကျနော်တို့ရဲ့ ပညာရေးဟာ ကျနော်တို့လေ့လာကြည့်တဲ့အခါမှာ ဒီ လွတ်လပ်ရေးစရပြီးတဲ့ ကာလတွေအပိုင်းမှာ အရှေ့တောင်အာရှမှာဆိုရင် ကျနော်တို့ပညာရေးဟာ အတော်လေးကို ရှေ့တန်းကျကျနဲ့ ရှိနေတဲ့အနေအထားဖြစ်ပါတယ်။ ဟိုတုန်းကလည်း ကျနော်တို့ နိုင်ငံခြား တက္ကသိုလ်ကြီးတွေမှာ နံမည်ကြီးတက္ကသိုလ်ကြီးတွေမှာ ဘွဲ့ရခဲ့တဲ့ ဆရာကြီး၊ ဆရာမကြီးတွေ။ သူတို့ကနေတဆင့် တက္ကသိုလ်တွေမှာ ပြန်လည်သင်ကြားပေးတဲ့ အတွက်ကြောင့် ကျနော်တို့ရဲ့ပညာရေးဟာ ပြောရမယ်ဆိုရင် အရှေ့တောင်အာရှတင် မဟုတ်ပါဘူး။ အာရှမှာပါ ရှေ့ကနေပြီးတော့ ပြေးနေတဲ့ အနေအထား ရှိပါတယ်။ သို့သော်လည်းနောက်ပိုင်းမှာတော့ တိုင်းပြည်ရဲ့အခြေအနေတွေအရ တဖြည်းဖြည်းနဲ့ ပညာရေးနဲ့ပတ်သက်ပြီးတော့ အနောက်နိုင်ငံ တက္ကသိုလ်တွေကနေ၊ နံမည်ကြီးတက္ကသိုလ်တွေကနေ ဘွဲ့ရတဲ့ဆရာကြီးတွေ၊ ဆရာမတွေက တဖြည်းဖြည်းနဲ့ အသက်အရွယ်တွေကြီးလာတာ။ တချို့လည်း ပင်စင်သွားကြတယ်ဆိုတော့ အဆက်အသွယ်တွေ ပြတ်သွားတဲ့အနေအထားမျိုး ဖြစ်ပါတယ်။ အဆက်ပြတ်သွားတဲ့အနေအထားမျိုးဖြစ်တယ်။ ဖြစ်တော့ ပညာရေးဟာ တကယ်တော့ တိုင်းပြည်တပြည် ထူထောင်ဖို့အတွက် အရေးကြီးဆုံး အရာဖြစ်ပါတယ်။ ပညာရေးကိုလည်း ကျနော်တို့ အလေးထားပြီးတော့မှ ရင်းနှီးမြှုပ်နှံဖို့ ကျနော်တို့လိုပါတယ်။
အဲဒီတော့ ကျနော်တို့ ပညာရေးကို မြှင့်တင်ဖို့အတွက် ဒီကနေ့ ကျနော်တို့ ဘက်ပေါင်းစုံ နည်းလမ်းပေါင်းစုံနဲ့ ကျနော်တို့ ကြိုးစားနေပါတယ်။ အဲဒီတော့ ကျနော်တို့ ပညာရေးဟာ ပြောင်းလဲနေတဲ့ ကျနော်တို့နိုင်ငံရဲ့ အခြေအနေအရဆိုရင်တော့ လက်တွေ့လုပ်ငန်းခွင်ကို ထိထိရောက်ရောက် ၀င်နိုင်တဲ့ ပညာရေးမျိုးဖြစ်ဖို့ လိုပါတယ်။ ဥပမာဆိုကြပါစို့။ ကျနော်တို့ စီးပွားရေး ဖွံ့ဖြိုးတိုးတက်ဖို့အတွက် နိုင်ငံခြားရင်းနှီးမြှုပ်နှံမှုတွေ ဖိတ်ခေါ်နေတယ်။ စက်ရုံတွေဆောက်မယ်။ အလုပ်ရုံတွေဆောက်မယ်။ ပြီးရင် ဒီ စက်ရုံတွေ အလုပ်ရုံတွေ ပြီးသွားတဲ့အခါမှာ skill labor တွေ လိုလာတယ်။ ကျနော်တို့ဆီမှာ ဘွဲ့ရတဲ့ကလေးတွေ အများကြီးရှိပါတယ်။ ကွန်ပျူတာနဲ့ဘွဲ့ရတဲ့ ကလေးတွေ၊ အင်ဂျင်နီယာနဲ့ဘွဲ့ရတဲ့ကလေးတွေ၊ သိပ္ပံဘာသာရပ်၊ ၀ိဇ္ဇာဘာသာရပ်နဲ့ ဘွဲ့ရတဲ့ကလေးတွေ။ ဒီကလေးတွေက အလုပ်ရုံ စက်ရုံထဲကို ဘွဲ့ရပြီးတော့ တိုက်ရိုက်ကူးဝင်လို့ ရမလားဆိုတော့ ကျနော်တို့မှာ မရနိုင်သေးပါဘူး။ ဘာဖြစ်လို့လဲဆိုတော့ လုပ်ငန်းခွင်ကို ကျနော်တို့ လုပ်နိုင်တဲ့ ပညာရေးစနစ်မျိုး မဟုတ်သေးဘူး။ မဟုတ်သေးတဲ့အတွက်ကြောင့် အနည်းဆုံးတော့ vocation training ခြောက်လတန်သည်။ တစ်နှစ်တန်သည် ကျနော်တို့ ပြန်ပြီးတော့ ပေး ရမှာဖြစ်ပါတယ်။ အဲဒီတော့ တိုင်းပြည်ဖွံ့ဖြိုးတိုးတက်ဖို့အတွက် ကျနော်တို့မှာ ဘာတွေလိုအပ်သလဲ။ အင်ဂျင်နီယာတွေ အများကြီးလိုအပ်နေလား။ ဆရာဝန်တွေ အများကြီးလိုနေလား။ အဲဒီတော့ တက္ကသိုလ်ကနေ မွေးထုတ်ပြီးတော့ ဘွဲ့ရတဲ့ကလေးတွေဟာ တိုက်ရိုက်လုပ်ငန်းခွင့်မှာဝင်ပြီးတော့ အကျိုးပြုနိုင်တဲ့ ပညာရေးမျိုး ဖြစ်သင့်တယ်။ ဒီပညာရေးမျိုးဖြစ်အောင် ကျနော်တို့ ဒီကနေ့ ကြိုးပမ်းဆောင်ရွက်နေတယ်လို့ ပြောရမှာပါဖြစ်ပါတယ်။
ဦးသန်းလွင်ထွန်း။ ။ ပညာရေးနဲ့ တဆက်ထဲပဲ အခု ဒီမှာရောက်နေတဲ့ ပညာတော်သင်ထဲက ပဲပေါ့နော်၊ Humphrey Fellow ပေါ့၊ သူက ဒေါ်မာမာသွင်ပါ။ သူကလည်း အလားတူ မေးခွန်းလေးပဲ မေးထားတော့ သူ့ရဲ့မေးခွန်းကို ဖတ်ပြ လိုက်ပါ့မယ်။ လောလောဆယ် နိုင်ငံရပ်ခြားမှာ ပညာတော်သင် ကိစ္စတွေနဲ့ ပတ်သက်ပြီး Exchange Program တွေကို သမ္မတကြီး ဒီမှာရှိနေတဲ့ အချိန်မှာ ဘာတွေမှာ ထူးထူးခြားခြား လုပ်ဆောင်ဖို့ ရှိပါသလဲ ခင်ဗျ။ အထူးသဖြင့် မနက်ဖြန် ဆိုလို့ရှိရင်လည်း ၀ါရှင်တန်မှာ ရှိတဲ့ Johns Hopkins မှာ သွားရောက်ပြီးတော့ စကားပြောမယ်၊ တွေ့ဆုံဖို့တွေ ရှိတယ်ဆိုတော့ အထူး အစီအစဉ်လေးတွေများ မြန်မာနိုင်ငံကနေပြီးတော့ အဆင့်မြင့် ပညာတွေကို လာပြီးတော့ သင်ဖို့ ကိစ္စလေးတွေများ အစီအစဉ် ရှိပါသလား။
သမ္မတဦးသိန်းစိန်။ ။ ဒီတော့ ဒီကိစ္စက အမေရိကန်နိုင်ငံတင် မဟုတ်ပါဘူး။ ကျနော်တို့ရောက်ခဲ့တဲ့ နိုင်ငံတိုင်းမှာ ပညာရေးနဲ့ ပတ်သက်ပြီးတော့ ကျနော်တို့ ခုနကလို ထိုက်သင့်တဲ့ ပူးပေါင်း ဆောင်ရွက်မှုတွေ ပြုပေးဖို့။ အထူးသဖြင့်တော့ ကျနော်တို့ဆီက ပညာတော်သင်တွေကို လက်ခံဖို့။ နောက်တခုကလည်း ပညာတော်သင်တွေကို လက်ခံပေးတယ် ဆိုရင်လည်း သူတို့က သင်ပေးပေမယ့် စရိတ် စကတို့ ဘာတို့ နေရေးအတွက်၊ စားရေးအတွက် ဒါကတွေကလည်း ရှိနေတော့ ၀န်ထုပ် ၀န်ပိုး ဖြစ်ပါတယ်။ ဖြစ်နိုင်လို့ရှိရင်တော့ နိုင်ငံခြားမှာရှိနေတဲ့ တက္ကသိုလ်မျိုး ကျနော်တို့ ပညာတော်သင်တွေကို လက်ခံပြီးတော့ သင်ပေးမယ့် တက္ကသိုလ်ခွဲတွေပေါ့၊ ဥပမာ ဆိုကြပါစို့ အခု Johns Hopkins တက္ကသိုလ်တို့ ဘာတို့ဆို ကျနော်တို့တွေ့ပါတယ်။ ဥက္ကဌတို့ ဘာတို့နဲ့လည်း တွေ့တယ်။ ခင်ဗျားတို့ဗျာ ကျနော်တို့ ဒီမှာလာပြီးတော့ တက်ဖို့ ပညာတော်သင်ကို လက်ခံပေးမယ်ဆိုရင်လည်း ကျနော်တို့မှာ ခုနကလို စားစရိတ်ကြီးတာတွေ၊ နေရေးထိုင်ရေးအတွက် စရိတ်ကြီးတာတွေ ဒါတွေက ရှိနေတယ်။ ကျနော်တို့ မလုပ်နိုင်ဘူး။ ဥပမာ လူဦးရေ သန်း ၆၀ ရှိတဲ့အနက်က ၂ ယောက်လောက် လွှတ်ပြီးတော့ သင်ယုံနဲ့က ဘာမှ ကျနော်တို့က အကျိုး မရှိနိုင်ဘူး။ ဖြစ်နိုင်လို့ရှိရင် ခင်ဗျားတို့ တက္ကသိုလ်ခွဲတွေ လာပြီးတော့ ထူထောင်ပေးပါ။ ကျနော်တို့မှာ ရှိပါတယ် နေရာတွေက အစ။ ဒါကို ကျနော်တို့ အဓိက အလေးအနက်ထားပြီးတော့ ပထမတော့ ကျနော်တို့ ပညာတော်သင်တွေကို။ များများ သင်ပေးနိုင်ဖို့အတွက်က ကိုယ့်ပြည်တွင်းမှာ လာပြီးတော့ ဌာနခွဲတွေကို လာရောက် ဖွင့်ပေးဖို့ဆိုပြီးတော့ ကျနော်တို့ ပြောဖို့ ရှိပါတယ်။ ကျနော်တို့ မနက်ဖြန်တွေ့တဲ့ ပြုတဲ့အခါမှာလည်း ပညာရေးနဲ့ ပတ်သက်လို့ တိုက်ဆိုင်လာရင် ဒီကိစ္စကို ပြောမယ်လို့ ကျနော်တို့ စိတ်ကူးထားပါတယ်။
ဦးသန်းလွင်ထွန်း။ ။ သမ္မတကြီးရဲ့ ခရီးစဉ်အတွင်းမှာ အားလုံး သေသေချာချာ အလေးအနက်ထားပြီးတော့ လေ့လာ ကြည့်ရှုနေကြတဲ့ အချက်ကတော့ အမေရိကန် - မြန်မာ ဆက်ဆံရေးပေါ့။ အမေရိကန် မြန်မာ ဆက်ဆံရေးမှာလည်း လောလောဆယ် အားဖြင့် အမေရိကန် မြန်မာ ဆက်ဆံရေးဟာ ပြန်ပြီး နွေးထွေး လာတယ်ဆိုတာ သမ္မတကြီးလည်း အစောပိုင်းက ပြောပြခဲ့ဘူးပါတယ်။ ဒါပေမယ့်လည်း အမေရိကန်နိုင်ငံ အနေနဲ့က လောလောဆယ် ပိတ်ဆို့ ကန့်သတ်ထားမှုတွေကို ချန်ထားတာလေးတွေ ရှိနေသေးတယ်ခင်ဗျ။ အကုန် မရုပ်သေးပဲနဲ့။ အဲဒီတော့ ဒီကန့်သတ်ချက်တွေကို သမ္မတကြီးရဲ့ ခရီးစဉ်အတွင်းမှာ လွှတ်တော်ပိုင်းကရော၊ ဥပဒေကြောင်းပိုင်းကရော ကြေကြေလည်လည် ရုပ်သိမ်းသွားရေး အောင်မြင်အောင် ဆောင်ရွက်သွားနိုင်မယ်လို့ ယူဆပါသလား။
သမ္မတဦးသိန်းစိန်။ ။ ကျနော်တို့ Sanction ကိစ္စနဲ့ ပတ်သက်လို့ကတော့ ခင်ဗျားတို့လည်း အားလုံး ကြားထားကြ ပြီးသား ဖြစ်မှာပါ။ အဲဒီတော့ ဒီကနေ့ ကျနော်တို့ရဲ့ ပြည်သူ အများစုကတော့ ၊ ပြည်သူအများ အနေနဲ့ တူညီတဲ့ သဘောဆန္ဒ နှစ်ခုရှိပါတယ်။ တခုကတော့ ကျနော်တို့တိုင်းပြည် တည်တည်ငြိမ်ငြိမ် အေးအေးချမ်းချမ်းနဲ့ တရားဥပဒေ စိုးမိုးတဲ့ နိုင်ငံဖြစ်ဖို့ ဒါဟာ လူတိုင်းရဲ့ ဆန္ဒ သဘောထားပဲ ဖြစ်ပါတယ်။ ဒီဟာက ခုနကလို နိုင်ငံရေးနဲ့ သက်ဆိုင်တဲ့ ကိစ္စပေါ့။
အဲဒီတော့ နိုင်ငံရေးအရ ပြုပြင် ပြောင်းလဲမှုတွေလည်း ပြည်သူလူထုရဲ့ ဒီဆန္ဒတွေအပေါ် မူတည်ပြီးတော့ နိုင်ငံရေး တည်ငြိမ်အောင်၊ ကျနော်တို့ရဲ့ နိုင်ငံရေးလုပ်ငန်းစဉ်မှာ အားလုံး ပါဝင်နိုင်အောင်၊ ဒါတွေ ကျနော်တို့ လုပ်ပေးမှာပါ။ နိုင်ငံရေးအကျဉ်းသားတွေ လွတ်ပေးတာ ပြုပေးတာက အစပေါ့။ နောက်တခုကလည်း ကျနော်တို့ နှစ်ပေါင်း ၆၀ ကျော်လောက် ရှိကြခဲ့တဲ့ လက်နက်ကိုင် ပဋိပက္ခ။ လက်နက်ကိုင် ပဋိပက္ခနဲ့ ပတ်သက်ပြီးတော့ ပြည်သူတွေဟာ အင်မတန်မှကို ညည်းငွေ့နေကြပါတယ်။ တချို့ အတွင်းပိုင်းကျတဲ့ မြို့ကြီးတွေမှာ မသိသာပေမယ့်လည်း နယ်စပ်ဒေသတွေမှာ ဒါတွေကို ခါးစည်းပြီးတော့ ခံနေရတာပေါ့။ ဒါကြောင့် ငြိမ်းချမ်းရေးကို ကျနော်တို့ လိုချင်နေကြပါတယ်။ ဒီလက်နက်ကိုင် ပဋိပက္ခတွေ ချုပ်ငြိမ်းဖို့အတွက် ငြိမ်းချမ်းရေး တည်ဆောက်ဖို့အတွက် ကျနော်တို့ ကြိုးပမ်းနေတာ ခင်ဗျားတို့လည်း ကြားပါတယ်။ ခင်ဗျားတို့လည်း သိပါတယ်။
နောက်တခုကတော့ ခုနကလို ဒီမိုကရေစီရှင်သန်ဖို့အတွက် တိုင်းပြည်တည်ငြိမ်အေးချမ်းဖို့၊ လုံခြုံဖို့၊ တရားဥပဒေစိုးမိုးဖို့ လိုအပ်သလိုပဲ တဘက်ကလည်း လူမှုစီးပွားရေးတွေ ဖွံ့ဖြိုးတိုးတက်ဖို့ လိုအပ်ပါတယ်။ အဲဒီတော့ စီးပွားရေး ဖွံ့ဖြိုးရေး တိုးတက်ရင်ပဲ လူမှုရေးကလည်း ထပ်ချပ်မကွာ လိုက်လာတာဖြစ်ပါတယ်။ အဲဒီတော့ စီးပွားရေးဖွံ့ဖြိုးတိုးတက်တယ်၊ အလုပ်အကိုင်တွေ ရတယ်။ အလုပ်အကိုင်တွေရတဲ့အတွက်ကြောင့် ၀င်ငွေတွေ ရလာတယ်။ ၀င်ငွေတွေ ရတဲ့အတွက်ကြောင့် နေနိုင်တယ်၊ စားနိုင်တယ်။ ကလေးတွေကို ကျနော်တို့ ကျောင်းထားနိုင်တယ်။ နေထိုင်မကောင်းဖြစ်ရင် ကျနော်တို့ ဆေးဝါးကုသနိုင်တယ်။ အဲဒီတော့ စီးပွားရေးနဲ့ လူမှုရေးဟာ ဒွံတွဲပြီးတော့ ပါလာတယ်။ အဲဒီတော့ တိုင်းပြည်မှာ ကျနော်တို့ စီးပွားရေးကို ထိထိရောက်ရောက် ဖြစ်ဖြစ်မြောက်မြောက်ဖြစ်အောင် ထူထောင်ဖို့ကြတော့ ကျနော်တို့မှာ လိုအပ်ချက်တွေ ရှိတယ်။
လိုအပ်ချက်က တစ်အချက်ကဘာလဲဆိုရင် ကျနော်တို့မှာ ရင်းနှီးမြှုပ်နှံဖို့ အရင်းအနှီး ကျနော်တို့မှာ လုံလုံလောက်လောက်မရှိဘူး။ ပြည့်ပြည့်စုံစုံ မရှိဘူး။ နောက်တစ်ခုကတော့ နည်းပညာပိုင်းပေါ့။ နည်းပညာပိုင်းနဲ့ ပတ်သက်ပြီးတော့လည်း ကျနော်တို့က နောက်ကျနေတယ်။ တတိယ အချက်ကတော့ လူ့စွမ်းအားအရင်းအမြစ်တွေ။ လူ့စွမ်းအားအရင်းအမြစ်တွေ ကတော့ ခင်ဗျားတို့သိတဲ့အတိုင်းပဲ။ အခုပဲ နေရာအနှံ့မှာ တက္ကသိုလ်တွေ ထောင်ပြီးတော့ အခုမှ မွေးမြူနေရတဲ့ အနေအထားရှိတယ်။ အဲဒီတော့ အရေအတွက်တွေကတော့ အထိုက်အလျောက် ကျနော်တို့ရတယ်။ သို့သော်လည်း ဒီအရေအတွက်တွေကို အရည်အချင်းအဖြစ် ပြောင်းလဲဖို့ မှာ ကျောင်းကပြီးတာနဲ့ ကျနော်တို့ လုပ်ငန်းခွင်မှာဝင်ပြီးတော့ အလုပ်လုပ်နိုင်တဲ့ အရည်အချင်းတွေ ပြောင်းလဲဖို့အတွက် ဒါတွေလည်း ကျနော်တို့ ဆောင်ရွက်နေပါတယ်။ အဲဒီတော့ ကျနော်တို့မှာ အရင်းအနှီးမရှိဘူး။ နောက် နည်းပညာ နောက်ကျနေတယ်။ ဒီအတွက်ကြောင့် ကျနော်တို့က နိုင်ငံခြားရင်းနှီးမြှုပ်နှံမှုတွေကို ကျနော်တို့က ဖိတ်ခေါ်ရတာ။ နိုင်ငံခြားရင်းနှီးမြှုပ်နှံမှုတွေကို ဖိတ်ခေါ်ရတာ။
အဲဒီတော့ နိုင်ငံခြား ရင်းနှီးမြှုပ်နှံဖို့ဆိုတာ ကျနော်တို့နိုင်ငံကို လာပြီးတော့ ရင်းနှီးမြှုပ်နှံချင်ကြပါတယ်။ ဘာဖြစ်လို့လဲဆိုတော့ ကျနော်တို့မှာ သဘာဝရဲ့ အခြေခံအရင်းအမြစ်တွေက ကျနော်တို့ အများကြီးရှိပါတယ်။ gas တွေ၊ oil တွေ၊ သစ်တောတွေ၊ သားငါးတွေရှိတယ်။ ရာဘာတွေရှိတယ်။ နောက်တခါ စားသုံးကုန်ပစ္စည်းတွေနဲ့ပတ်သက်ပြီးတော့လည်း အစားအသောက်မျိုးစုံ ထုတ်လုပ်နိုင်တဲ့ လယ်ယာကဏ္ဍ ဒါတွေ ကျနော်တို့မှာရှိနေတယ်။ ရင်းနှီးချင်တဲ့နိုင်ငံတွေက အများကြီးပါ။ အခုလည်းပဲ ခုနကလို တစ်ရက်ခြားနီးပါးလောက်က အမြဲတမ်း စီးပွားရေးလုပ်ငန်းရှင်တွေနဲ့ ထိတွေ့နေရတဲ့အနေအထား ရှိပါတယ်။ အဲဒီတော့ နိုင်ငံခြားသားက လာရောက်ပြီးတော့ ရင်းနှီးမြှုပ်နှံဖို့ ငွေထုပ်ကြီးကိုပိုက်ပြီးတော့ ကျနော်တို့နိုင်ငံကိုလာ ရင်းနှီးမြှုပ်နှံဖို့ဆိုတာ တကယ်တော့ ကျနော်တို့နိုင်ငံကို ချစ်လွန်းအားကြီးလို့၊ ကျနော်တို့ကို ဖွံ့ဖြိုးတိုးတက်စေချင်လို့ လာပြီးတော့ ရင်းနှီးမြှုပ်နှံတာမဟုတ်ပါဘူး။ ဒီရည်ရွယ်ချက်က နည်းပါတယ်။ အဓိက ကတော့ သူတို့အတွက် ဘာအကျိုးရှိမလဲ၊ အကျိုးအမြတ် ဘယ်လောက်ရနိုင် မလဲ။ နောက်တစ်ခု သူတို့ကို ဘယ်လိုအကာအကွယ်ပေးမလဲ။ နောက်တစ်ခုက သူတို့ရဲ့ မျှော်မှန်းချက်၊ ရည်မှန်းချက်တွေက ဘာတွေရှိလဲ ဒါတွေကို သူတို့ကြည့်မယ်။ ဒါတွေကို ကြည့်တဲ့အခါမှာ ဘာတောင်းလဲဆိုတော့ ပထမဆုံး Foreign Investment Law ကိုတောင်းတယ်။ အဲဒီတော့ Foreign Investment Law နဲ့ပတ်သက်ပြီးတော့ ကျနော်တို့မှာ ဥပဒေဟာ ပတ်ဝန်းကျင်မှာရှိနေတဲ့ ရင်းနှီးမြှုပ်နှံချင်သူတွေရဲ့ နိုင်ငံတွေနဲ့ လိုက်လျောညီထွေ မဖြစ်ဘူး။ မဖြစ်တဲ့အတွက်ကြောင့် ဒီ Foreign Investment Law ကို ပြီးခဲ့တဲ့နှစ်က ပြန်ပြီးတော့ ရေးဆွဲတယ်။ နိုင်ငံ လေး ငါး ခြောက်နိုင်ငံလောက်ကို စံနမူနာယူပြီးတော့မှ ဒီ law ကို ကျနော်တို့ ပြန်ရေးဆွဲတယ်။ ရေးဆွဲပြီးတော့မှ လွှတ်တော်ထဲမှာလည်း တော်တော်လေး အခြေအတင် ဆွေးနွေးကြ၊ ပြုကြနဲ့ ဒီလိုတွေ ကျနော်တို့ လုပ်ရပါတယ်။ အခုတော့ ခုနကလို နိုင်ငံခြားရင်းနှီးမြှုပ်နှံမှု ဥပဒေဟာ ကျနော်တို့ ပြဌာန်းပြီးဖြစ်ပါတယ်။ လာရောက်ပြီးတော့ ရင်းနှီးမြှုပ်နှံမယ့်နိုင်ငံတွေကလည်း ဘာပဲဖြစ်ဖြစ် ဒီဥပဒေကို သဘောကျပါတယ်။ ဒီအခက်အခဲတခုကတော့ ကျနော်တို့ ကျော်လွှားနိုင်တယ်။
နောက်ပြီးတော့ နောက်တစ်ခု ရင်းနှီးမြှုပ်နှံတာ။ စက်ရုံတွေဆောက်တယ်။ အလုပ်ရုံတွေဆောက်တယ်။ ကုန်ပစ္စည်းတွေထုတ်တယ်။ ထွက်လာတဲ့ ကုန်ပစ္စည်းတွေကို မ၀ယ်ဘူး၊ မပြုဘူး ပိတ်ပင်ထားတယ်ဆိုရင် ဘယ်သူမှလာပြီးတော့ ရင်းနှီးမြှုပ်နှံမှာ မဟုတ်ပါဘူး။ အဲဒီတော့ ဒုတိယအခက်အခဲကတော့ ဒီဟာက sanctions နဲ့သွားပြီးတော့ ဆိုင်ပါတယ်။ အဲဒီတော့ ကျနော်တို့ ဒီမိုကရေစီကိုလိုလားတယ်။ ခုနကလို ဒီမိုကရေစီစနစ် ရှေ့ကိုဆက်ပြီးတော့ ရှင်သန်ဖွံ့ဖြိုးစေချင်တယ်ဆိုရင် ဒါ ဒီမိုကရေစီနဲ့ နိုင်ငံရေး၊ ဒီမိုကရေစီနဲ့စီးပွားရေးဟာလည်း တခုနဲ့တခုဟာ ကွင်းဆက်လို ဖြစ်နေတဲ့အတွက်ကြောင့် မြန်မာနိုင်ငံမှာ စီးပွားရေးဖွံ့ဖြိုးတိုးတက်ဖို့အတွက် ဒါကို စာနာထောက်ထားသင့်တယ်။ ဒါတွေ အခက်အခဲအတားအဆီးတွေကို ဖယ်ရှားပေးသင့်တယ် ဆိုတဲ့ ဒါလေးကိုတော့ ကျနော် ပြောမယ်ပြောပါတယ်။
ဦးသန်းလွင်ထွန်း။ ။ သမ္မတကြီးဆိုလိုချင်တဲ့သဘောကတော့ အနောက်နိုင်ငံတွေရဲ့ ပိတ်ဆို့ထားမှုကို ရုတ်သိမ်းဖို့ အထူးလိုအပ်နေပြီ။ လိုအပ်နေတဲ့အချိန်မှာ လက်ရှိမှာ တဖက်မှာလည်း အလုံးစုံ မဖြေဖျောက်နိုင်သေးတဲ့ကိစ္စက မြန်မာနိုင်ငံရဲ့ ပြုပြင်ပြောင်းလဲတဲ့အပေါ်မှာ သူတို့ကြည့်ပြီးတော့ ဆုံးဖြတ်နေတယ်ဆိုတဲ့ သဘောပေါ့။ အဲလိုဆိုရင် မြန်မာပြည်ရဲ့ ပြုပြင်ပြောင်းလဲ့မှုလုပ်ငန်းတွေမှာ ကြုံတွေ့နေရတဲ့ အတားအဆီးလေးတွေ၊ အခက်အခဲလေးတွေ၊ မပြေပျောက်နိုင်သေးတဲ့ အချက်လေးတွေရှိပါတယ်။ အဲဒါလေးတွေကို တချက်လောက်ပြန်ပြောပြပေး ပါလား။
သမ္မတ ဦးသိန်းစိန်။ ။ ကျနော်စောစောကပြောသလိုပေါ့။ ကျနော်တို့မှာသက်တမ်းအားဖြင့် ၂နှစ်ပဲရှိသေးတယ်။ ဒါအစိုးရဲ့ သက်တမ်း လွှတ်တော်ရဲ့ သက်တမ်းပေ့ါ။ နောက်ပြည်သူလူထုကလည်း ဒီမိုကရေစီနဲ့ ကင်းကွာနေတာ ကြာခဲ့ပြီ။ အတွေ့အကြုံနည်းတယ်။ အလေ့အကျင့်က နည်းတယ်ဆိုတဲ့အတွက်ကြောင့်၊ တစ်အချက်က လွတ်လပ်မှုအခွင့်အရေး ပိုင်းက ပေးသင့်သလောက် ကျနော်တို့ကပေးပြီးသွားပြီ။ တချို့ကိစ္စတွေ ကျတော့လည်း ကန့်သတ်မှုတွေ ကျနော်တို့ရှိခဲ့တယ်။ ပြည်သူအပိုင်းကလည်း တာဝန်ယူမှု၊ တာဝန်ရှိမှု၊ တာဝန်သိမှုက နည်းပါးသေးတယ်။ နည်းပါးသေးတဲ့အတွက်ကြောင့် တချို့ကိစ္စတွေမှာလည်း ကျနော်တို့ အရေးယူ ရတာတွေ ဆောင်ရွက်ရတာတွေ၊ ဒါတွေကျနော်တို့ရှိပါတယ်။ ဒါတွေကို အကြောင်းပြပြီး ဒီအပေါ်မှာ စောင့်ကြည့်နေတဲ့ စောင့်ကြည့်နေတဲ့ သဘောထားတွေရှိပါတယ်။ အဲတော့ ကျန်တာတွေကတော့ ကျနော်တို့ တက်နိုင်သလောက်တော့ ကျင့်သုံးတဲ့ စနစ်နဲ့ လိုက်လျောညီထွေဖြစ်အောင်လို့ ကျနော်တို့ များစွာပြောင်းလဲပြီး ပေးနေတယ်။ သို့သော်လည်းပဲ တချို့ကိစ္စတွေက ဥပမာ ကျနော်တို့ ဆိုကြပါစို့ ယုံမှားသံသယဖြစ်တဲ့ ကိစ္စတွေလည်း ကျနော်တို့ ရှိခဲ့ပါတယ်။ ဥပမာ မြောက်ကိုရီးယားနဲ့ လက်နက်ခဲယမ်းကိစ္စတွေနဲ့ ပတ်သက်ပြီးကျနော်တို့ ဆက်သွယ်တယ်တို့၊ သံသယတွေနဲ့ ကျနော်တို့ကို စောင့်ကြည့်နေတဲ့ သဘောပါပဲ။ မြန်မာနိုင်ငံမှာ အဏုမြူလုပ်နိုင်တဲ့အနေအထားလဲမရှိပါဘူး။ ပိုက်ဆံလည်းမရှိပါဘူး။ အတတ်ပညာလည်းမရှိပါဘူး။ သူများကလည်း ဘယ်သူမှ ကျနော်တို့ကို လာပြီးလုပ်ပေးမှာမဟုတ်ပါဘူး။ လုပ်ရင်လည်းကျနော်တို့ အကုန်လုံးဝိုင်းပြီးတော့ ကန့်ကွက်ကြမှာဖြစ်ပါတယ်။ သို့သော်လည်း မြောက်ကိုရီးယားကို ကျနော်တို့ ဆက်ဆံရတာတွေရှိပါတယ်။ ဟိုတုန်းက ကျနော်တို့ အကုန်ပိတ်ဆို့ထားတဲ့အခါမှာ ကျနော်တို့လည်း ကိုယ့်နိုင်ငံကို ကာကွယ်ဖို့အတွက်၊ ကိုယ့်ကို ကူညီနိုင်မယ့် နိုင်ငံကို ရှာရတာပါ။ သံတမန် ဆက်သွယ်မှုတော့ရှိခဲ့တယ်။ ဒီဘက်ပိုင်းမှာတော့ ကျနော်တို့ အစိုးရတက်လာတဲ့အခါမှာ စစ်ရေးအားဖြင့်ဆက်သွယ်မှုတွေလုံးဝမရှိပါဘူး။ သံတမန်ပဲရှိပါတယ်။ သို့သော်လည်း ဒီအပေါ်မှာ ကျနော်တို့ အနည်းလေး မယုံသင်ကာမှုတွေနဲ့ရှိတဲ့ သဘောမျိုးဖြစ်မယ်လို့ ကျနော်တို့ထင်ပါတယ်။ ခုနကလို ကျနော်တို့ကို sanction တွေရုတ်ပေးပါ၊ ရုပ်ပေးပါလို့ ပြောပေမဲ့လည်း၊ သူတို့ရဲ့ အခြေအနေက ဒီလိုကြည့်နေရတဲ့ အခြေအနေရှိနေတယ်လို့ ကျနော်ထင်ပါတယ်။ ဒါကြောင့်မို့ ကျနော်အတင်းအကြပ်တော့ မတောင်းဆိုပါဘူး။ သို့သော်လည်း ကျနော်တို့ ဒီမိုကရေစီစနစ် ရှင်သန်ဖွံ့ဖြို့ဖို့ဆိုရင် စီးပွားရေးဖွံ့ဖြိုးတိုးတက်ဖို့လိုတယ်။ အဲတော့ စီးပွားရေးဖွံ့ဖြိုးတိုးတက်ဖို့ဆိုရင် ဒီလို ပိတ်ဆို့တားဆီးမှုတွေက အဟန့်အတားတွေဖြစ်စေတယ်။ အဟန့်အတားတွေကို ကျနော်တို့က တတ်နိုင်သလောက်ဖယ်ရှားပေးဖို့ ဆိုတဲ့ ဒီသဘောလောက်ပါပဲ။
ဦးသန်းလွင်ထွန်း။ ။ ဟုတ်ကဲ့ သံသယတွေဖြေဖျောက်သွားပြီဆိုရင်တော့ မကြာခင်မှာရုတ်သိမ်းမှုတွေ လုပ်လာမှာပေါ့။ သမ္မတကြီးပြောသွားတဲ့ အထဲမှာ မြန်မာပြည်သူလူထုအနေနဲ့ လွတ်လပ်မှုတွေ အခုပိုပြီးရလာတဲ့ အချိန်မှာ တချို့လည်း ကျင့်သားမရသေးဘူးလို့ ပြောသွားပါတယ်။ ဒါနဲ့ပတ်သက်ပြီးတော့ ဒေါ်အတာ မေးထားတဲ့ မေးခွန်းလေးတခုကို ကျနော်တွေ့ပါတယ်။ ဒေါ်အတာကတော့ ဒီက ၀ါရှင်တန်ဒီစီမှာ လူငယ်ပိုင်းမှာ တော်တော်လေးကို တက်တက်ကြွကြွလုပ်ဆောင်တဲ့ အမျိုးသမီးတဦးပါ။ သူက မြန်မာနိုင်ငံရဲ့ တရားဥပဒေနဲ့ပတ်သက်ပြီးတော့ သမ္မတကြီးတို့အစိုးရအနေနဲ့ လုပ်ကိုင်နေတာလေးတွေနဲ့ ပတ်သက်ပြီးမေးချင်ပါတယ်လို့ပြောပါတယ်။
ဒေါ်အတာ။ ။ မင်္ဂလာပါရှင်။ သမ္မတကြီးကို ကျမအနေနဲ့ မေးချင်တာက လက်ရှိ အခြေအနေက ရရှိထားတဲ့ ပါဝါ အနေနဲ့ ကျမတို့ ဒီ ၂၀၀၈ ဥပဒေ ဆိုတဲ့ လူတစု အတွက် ဖွဲ့စည်းထားတဲ့ အခြေခံ ဥပဒေ ဘယ်တော့ ပြင်မှာလဲဆိုတာကို ကျမအနေနဲ့ သိချင်ပါတယ်။ နောက်တခုက ကျမတို့ အခု လက်ရှိဖြစ်ပေါ်နေတဲ့ လက်ပံတောင်းတောင်မှာ တရုတ် ကိုလိုနီတွေ အနေနဲ့ သိမ်းပိုက်နေတဲ့ လယ်ယာ ဘယ်တော့ ရပ်တန့်မှာလဲ။ အဲဒီ ရပ်တန့်မှုတွေ အပေါ်မှာ လူထုအနေနဲ့ နှိုးကြွလာမှုတွေနဲ့ ပတ်သက်ပြီး ဆန္ဒပြမှုတွေ ဖြစ်လာတဲ့အခါမှာ ဆန္ဒပြမှုတွေကို မျက်လှည့်ပြတဲ့ အနေနဲ့ ကျမတို့ ဒီနေ့ပဲ၊ နောက်အပတ်လောက် ဆိုရင်တော့ ဒီပဲရင်း ဆယ်နှစ်ပြည့် ပါတော့မယ်။ ဒီပဲရင်းကို လုပ်ကြံခဲ့တဲ့ လူတစုအနေနဲ့ ကျမတို့ ဗမာ ပြည်သူ လူထုတွေကနေပြီးတော့ ကုလားနဲ့ တိုက်ပြီးတော့ ဘာသာရေး အဓိကရုဏ်း လုပ်နေတဲ့ ဟာကို သမ္မတကြီး အနေနဲ့ ဘယ်လိုများ ဖြေရှင်းနိုင်မလဲ၊ အရေးယူပေးနိုင်မလဲ ဆိုတာ သိချင်ပါတယ်။
သမ္မတဦးသိန်းစိန်။ ။ ဒီမေးခွန်းနဲ့ ပတ်သက်ပြီးတော့ တချို့ ကိစ္စတွေကလည်း တဖက်က အမြင်ပဲဖြစ်ပါတယ်။ တဖက်က အမြင်ဆိုတော့ အလုံးစုံတော့ မှန်ချင်မှ မှန်မယ်ပေါ့။ တဖက်ထဲက ကြည့်ရင်တော့ ၀ါးခြမ်းပဲ မြင်နေမှာပါ။ ဒီဘက်ကကြည့်ရင်လည်း ၀ါးခြမ်းပဲ မြင်နေမှာပဲ။ နှစ်ဘက်လုံးက လှည့်ပတ်ကြည့်မှသာ ၀ါးလုံးပါလား ဆိုပြီး သိရမှာမြင်ရမှာဖြစ်ပါတယ်။ အဲဒီတော့ ဖွဲ့စည်းပုံ အခြေခံဥပဒေဟာ လူတစုအတွက် မဟုတ်ပါဘူး။ လူအများထောက်ခံ အတည်ပြု ထားတဲ့ ဖွဲ့စည်းပုံ အခြေခံ ဥပဒေဖြစ်ပါတယ်။ နောက် ဖွဲ့စည်းပုံ အခြေခံဥပဒေ ဆိုတာ သော့ခတ်ထားတဲ့ သံမဏိမျိုး ဟုတ်ပါဘူး။ သူ့မှာ ပြင်ဆင်နိုင်တဲ့ amendment ပါပြီးသားဖြစ်ပါတယ်။ အဲတော့ ဖွဲ့စည်းပုံ အခြေခံဥပဒေကို ပြင်ဆင်မယ် ဆိုရင် ဒီ amendment သူ့မှာ လုပ်ထုံးလုပ်နည်းတွေ ရှိပါတယ်။ ဒီ လုပ်ထုံးလုပ်နည်းတွေ အတိုင်း ကျနော်တို့ ပြင်ဆင်လို့ ရပါတယ်။ ဒီဟာက တချက်ပေါ့နော်၊ နောက် လက်ပံတောင်းတောင် ကိစ္စနဲ့ ပတ်သက်ပြီးတော့ ဆန္ဒပြနိုင်တဲ့ အခွင့်အရေးတွေ နိုင်ငံတော်ကနေပြီးတော့ တရားဝင် ဥပဒေနဲ့ ပြဌာန်း ပေးထားတာဖြစ်ပါတယ်။ တဖက်က ဒီဥပဒေနဲ့ အညီ ပြဖို့ လိုပါတယ်။ ဒီကိစ္စတွေဟာ ကျနော်တို့ အစိုးရဖြစ်လာတော့မှ ပေါ်ပေါက်လာတဲ့ ကိစ္စတွေ မဟုတ်ပါဘူး။ အရင်တုန်းက စာချုပ်စာတမ်း အရ လုပ်ခဲ့ ပြုခဲ့ကြတဲ့ ကိစ္စ ကျနော်တို့က ၀င်ပြီး ဖြေရှင်းပေးတဲ့ သဘောပဲဖြစ်ပါတယ်။ ဒီမှာ ကျနော်တို့ ရက်ရက်စက်စက် သတ်တယ်ဖြတ်တယ် ဆိုတာလဲ intentionally လုပ်တာပြုတာ မဟုတ်ပါဘူး။ ရဲကတော့ တရားဥပဒေ ထိန်းသိမ်းရေး အရ တကမ္ဘာလုံးမှာ လုပ်ရိုးလုပ်စဉ် ထိန်းသိမ်းနည်းတွေနဲ့ ထိန်းသိမ်းရတာဖြစ်ပါတယ်။ သို့သော်လည်းပဲ ဘုန်းကြီးရဟန်းတွေ ကျနော်တို့လည်း ဗုဒဘာသာ တဦးပါ။ ဘုန်းကြီးရဟန်းကို ရှိခိုး ဦးခိုက်နေရပါတယ်။ ဒီဘုန်းကြီး ရဟန်းတွေလည်း ကျနော်တို့ ဒီလို ဖြစ်ချင်တဲ့ ဆန္ဒတွေ မရှိပါဘူး။ သို့သော်လဲ ကျနော်တို့ မမျှော်လင့်ပဲနဲ့ အခန့်မသင့်ပဲနဲ့ ဖြစ်သွားတဲ့ ကိစ္စတွေပါပဲ။ ဖွဲ့စည်းပုံ အခြေခံဥပဒေနဲ့ ပတ်သက်ပြီး ပြန်ပြောရမယ် ဆိုရင် ကျနော်တို့ ပြင်နိုင်ပါတယ်။ Amendment ကျနော်တို့ ရှိတယ်။ လူတစုအတွက် ဆိုတာကတော့ စွပ်စွဲတာပဲဖြစ်တယ်။ ဘာကြောင့်လဲဆိုရင် ကျနော်တို့ ရာခိုင်နှုံးအားဖြင့် ပြောလို့ရတယ်။ ပြည်သူလူထု ဘယ်လောက်ထောက်ခံလဲ ဆိုတာ ဖွဲ့စည်းပုံ အခြေခံဥပဒေရဲ့ ပထမ၊ ဒုတိယ စာမျက်နှာတွေမှာ ကျနော်တို့ ပါပြီး ဖြစ်ပါတယ်။ သို့သော်လည်း ကျနော်တို့ ဒါ သံမဏိစည်းမျဉ်း ဟုတ်ဘူး။ သော့ခတ်ထားတာ မဟုတ်ဘူး။ amendment ကျနော်တို့ ပေးထားတယ်။ လွှတ်တော်က ပြင်နိုင် တယ်။ ပြည်သူက ပြင်နိုင်တဲ့ အနေအထား ကျနော်တို့ ရှိပါတယ်။
ဦးသန်းလွင်ထွန်း။ ။ ကျနော် ဖြည့်စွက်မေးချင်တာလေးတစ်ခုကတော့ အုပ်ချုပ်ပုံ အခြေခံ ဥပဒေ ပြုပြင်ရေးနဲ့ ပတ်သက်လို့ပေါ့။ လာမယ့် ၂၀၁၅ ခုနှစ်မှာ ဆိုလည်း နောက်ထပ်ရွေးကောက်ပွဲ တစ်ခု စပါမယ်။ ဒီနေရာမှာ မြန်မာနိုင်ငံရဲ့ ၂၀၀၈ ခုနှစ်၊ ဖွဲ့စည်းပုံ အခြေခံဥပဒေနဲ့ ပတ်သက်လို့ ထောက်ပြနေကြတဲ့ ကိစ္စ တစ်ခုကတော့ လွှတ်တော်ထဲမှာ စစ်တပ်က ၂၅ % ပါနေတဲ့ ကိစ္စပေါ့နော်။ အဲဒီကိစ္စကို ပြန်ပြီးတော့ သုံးသပ်ဖို့၊ ပြင်ဆင်ဖို့လည်း လွှတ်တော်ထဲမှာ ဆွေးနွေးနေကြတာတွေ၊ တင်ပြလာတာတွေလည်း ကျနော်တို့ ကြားရပါတယ်။ အဲဒါနဲ့ပတ်သက်လို့ သမ္မတကြီးတို့ အစိုးရပိုင်းရဲ့ သဘောထားကရော ဘယ်လိုရှိပါသလဲ၊ သိချင်ပါတယ်။
သမ္မတဦးသိန်းစိန်။ ။ ပွင့်ပွင့်လင်းလင်းပေါ့ဗျာ။ ကျနော်တို့ တပ်မတော်နဲ့ ပတ်သက်ပြီးတော့ - ခင်ဗျားတို့လည်း သိပါတယ်။ လွတ်လပ်ရေး စပြီးတော့ ကြိုးပမ်း ကတည်းက ဗိုလ်ချုပ်အောင်ဆန်းက တပ်မတော်ရဲ့ ခေါင်းဆောင် တစ်ဦးပါ။ ဗိုလ်ချုပ်အောင်ဆန်းက တပ်မတော်ကို ဖွဲ့ပေး လိုက်ပြီးတော့မှ ဒီ တပ်မတော်နဲ့ ပြည်သူလူထု ပူးပေါင်းပြီး လွတ်လပ်ရေး ရအောင် ကြိုးပမ်းဆောင်ရွက်ခဲ့တာ ဖြစ်ပါတယ်။ ကျနော်တို့ရဲ့ သမိုင်းကြောင်းမှာ တပ်မတော်ဟာ --- (၁း၀၁) အဖွဲ့အစည်း တစ်ခု ဖြစ်ပါတယ်။ ဒီဘက်ပိုင်းမှာလည်း လွတ်လပ်ရေးနဲ့ အတူ ပေါက်ဖွားလာတဲ့ လူမျိုးစု လက်နက်ကိုင် ပဋိပက္ခတွေနဲ့ တိုင်းပြည်ဟာ ဆူဆူပူပူဖြစ်ပြီးတော့ အစိုးရတောင်မှာ ရန်ကုန်အစိုးရ ဆိုပြီးတော့တောင်မှ ပြောတာ ဆိုတာ ခံရတာ ရှိပါတယ်။ အဲဒီတော့ တိုင်းပြည်က အခုနကလို သောင်းကြမ်းမှု အန္တရာယ်တွေနဲ့ ဒုက္ခသုက္ခတွေ ရောက်နေတဲ့အချိန်မှာ ကျနော်တို့ တပ်မတော်ကပဲ ဝင်ပြီးတော့မှ ဒီအခက်အခဲတွေ၊ အကျပ်အတည်းတွေ- ဒါတွေကို ဝင်ပြီး ဖြေရှင်း ဆောင်ရွက်ပေးတဲ့ အနေလည်း ရှိပါတယ်။ အဲဒီတော့ ကျနော် ပြောချင်တာက ကျနော်တို့ တပ်မတော်ဟာ ကျနော်တို့ သမိုင်းကြောင်း အခြေခံတွေက တခြား နိုင်ငံက တပ်မတော်တွေနဲ့ တူချင်မှ တူမယ်ပေါ့လေ။ လွတ်လပ်ရေး ကြိုးပမ်းမှု သမိုင်းမှာလည်း ပြည်သူနဲ့ပူးပေါင်းပြီးတော့ မှ ဆောင်ရွက်ခဲ့တာတွေ ရှိတယ်။ တိုင်းပြည်မှာ အခက်အခဲ အကြပ်အတည်းတွေ ဖြစ်ပေါ်လာတဲ့အခါမှာလည်း အခုနကလို တပ်မတော်ဟာ ကျရာ အခန်းကဏ္ဍကနေပြီး ပါဝင်ဆောင်ရွက်ပေးခဲ့တာ ရှိပါတယ်။ ဒါကြောင့်မို့လို့ မြန်မာ့နိုင်ငံရေးမှာ တပ်မတော်ကို ပစ်ပယ်ထားဖို့ မသင့်ဘူးလို့ကျနော် ဒီလို ထင်ပါတယ်။ တပ်မတော်ကို ပစ်ပယ်ထားလို့ မရပါဘူး။ ပြည်သူနဲ့ပေါင်းပြီးတော့ ဘာပဲဖြစ်ဖြစ် တပ်မတော် အခန်းကဏ္ဍတစ်ရပ်အနေနဲ့ ဆောင်ရွက်နေရမှာပါ။
အဲဒီတော့ လွှတ်တော်ထဲမှာ ပါနေတယ်ဆိုတဲ့ဟာက အမှန်ဖြစ်ပါတယ်။ အဲဒီတော့ နိုင်ငံရေးလုပ်ငန်းစဉ်မှာ တပ်မတော်က ပါဝင်ခွင့် မရှိဘူးလို့ ဒီလိုပြောလို့ ဒါတော့ မမှန်ဘူးလို့ ကျနော် ထင်ပါတယ်။ တဖြည်းဖြည်းနဲ့ ဒီမိုကရေစီ ရင့်ကျက်လာတဲ့အမျှ လွှတ်တော်ထဲက တပ်မတော်ရဲ့ကိုယ်စားလှယ်တွေဟာ လျော့ပါးသွားမှာ ဖြစ်ပါတယ်။ အင်ဒိုနီးရှားတို့ ဘာတို့ ပြောင်းသွားတာလည်း ဒီအတိုင်းပါပဲ။ တပ်မတော်က နိုင်ငံရေးနဲ့ ကင်းကွာလို့တော့ မရပါဘူး။ အစဉ်အလာ ရှိခဲ့ပါတယ်။ သမိုင်းကြောင်း ရှိခဲ့ပါတယ်။ တိုင်းပြည်မှာ အခက်အခဲတွေ အကြပ်အတည်းတွေ တွေ့တိုင်း၊ တွေ့တိုင်း တပ်မတော်ကနေ ဝင်ရောက်ပြီး ဆောင်ရွက်ခဲ့တာတွေ ရှိပါတယ်။ ၂၅ % ဆိုတာက လွှတ်တော်ထဲမှာ လောလောဆယ်မှာတော့ ရှိသင့်ရှိထိုက်တယ်၊ သို့သော်လည်းပဲ တဖြည်းဖြည်း ဒါတွေဟာ ကျနော်တို့ လျော့ပါးလာမယ်၊ နည်းပါးလာမယ်- ဒီလိုပဲ မြင်မိပါတယ်။
ဦးသန်းလွင်ထွန်း။ ။ မြန်မာနိုင်ငံမှာ လုပ်ဆောင်နေတဲ့ ကိစ္စတွေဟာ အင်မတန် အပြုသဘောဆောင်တဲ့ အကြောင်းအရာတွေအပေါ်ကို တစ်ခါ တစ်ခါ --- တဲ့ အမည်းစက်တွေ ရှိပါတယ်။ ရုပ်ဆိုးအကျည်းတန်တဲ့ ကိစ္စရပ်တွေပေါ့နော်။ အထူးသဖြင့် ရခိုင်ပြည်မှာ ဖြစ်ခဲ့တဲ့ ကိစ္စလိုမျိုး၊ ဘာသာရေးနဲ့ ပတ်သက်တဲ့ အဓိကရုဏ်းတွေပေါ့နော်။ ဒီကိစ္စတွေနဲ့ ပတ်သက်လို့ကတော့ တိုင်းပြည်တစ်ပြည်ရဲ့ အပြုသဘောဆောင်နေတဲ့ အခြေအနေတွေ ကြားထဲမှာ လက်ညှိုးထိုးပြစရာ အမြင်မျိုး ဖြစ်နေတယ်ဆိုတော့- ဒီကိစ္စနဲ့ ပတ်သက်ပြီးတော့ ဘာသာရေးအကြောင်းအရာနဲ့ ပတ်သက်ပြီးတော့ မေးမြန်းဖို့ ဆိုပြီးတော့ ဦးဝင်းအောင်ရှိနေပါတယ်။ ဦးဝင်းအောင်အနေနဲ့ ထပြီးတော့ မေးနိုင်ပါတယ်။ ဦးဝင်းအောင်ကတော့ အစောပိုင်းက ကျနော်တို့ ဗွီအိုအေရဲ့ ဌာန ဝန်ထမ်းဟောင်းပါပဲ။
ဦးဝင်းအောင်။ ။ ကျနော် ဝင်းအောင်ပါ။ ကျနော်တို့ ညီအကိုမောင်နှမ ၁၂ ယောက်ရှိတယ်။ မြန်မာပြည်က ထွက်လာ ပြီးတဲ့နောက် အနှစ် ၂၀ ကြာတဲ့ အခါမှာ တော်တော်များများ ကွယ်လွန်သွားတာ - အခု ပြုပြင်ပြောင်းလဲမှု အရ ကျနော် မြန်မာပြည်ကို ပြန်ရောက်ပြီးတော့ လည်ပတ်ခွင့် ရတဲ့အခါမှာ အသက်မသေ ရှင်ကျန်နေတဲ့ ညီအကို မောင်နှမတွေကို မသေခင်မှာ တွေ့ရတဲ့ အတွက် သမ္မတကြီးကို ကျေးဇူးတင်ကြောင်း အရင် ပြောလိုပါတယ်။ ကျနော် ဗွီအိုအေမှာ ၁၅ နှစ် မလုပ်ခင် မြန်မာ့အသံမှာ အနှစ် ၂၀ လုပ်ခဲ့ပါတယ်။ ကျနော်ဟာ အင်္ဂလိပ် ကျွန်ခေတ်မှာ မွေးပါတယ်။ ဂျပန်ခေတ်ကိုလည်း ကြုံပါတယ်။ နောက် ပြည်တွင်းစစ် ဖြစ်တော့လည်းပဲ ကျနော်တို့ ကွန်မြူနစ် အုပ်စိုးတာတို့-ဘာတို့ ဖြစ်လာတော့ နောက် ကျနော် မြန်မာ့ အသံမှာ အနှစ် ၂၀ လုပ်တဲ့ အခါမှာ အိမ်စောင့်အစိုးရ- စသဖြင့် ခေတ်အဆက် ဆက် နောက်ဆုံး ခေတ်အဆက်ဆက်ကို ကျနော် ကြုံခဲ့ပါတယ်။ ကျနော် သတင်းစာ ဆရာပါ။ နှစ်ပေါင်း ၅၀ ကျော် ကလောင် ကိုင်ခဲ့တဲ့သူပါ။ အဲဒီတော့ကာ ဒီလို မြန်မာပြည်မှာပေါ့လေ- ပြုပြင်ပြောင်းလဲရေး ဖြစ်လာတဲ့ အတွက် အင်မတန်ကို ဝမ်းသာစရာ ဖြစ်ပါတယ်။ နောက် ကျနော်တို့ မြန်မာပြည်ကို ပြန်ကြည့်တဲ့ အခါမှာ မြန်မာပြည်ကို ပြန်သွားချင်တဲ့ အခါမျိုးမှာ၊ အခုနက သမ္မတကြီး အမိန့်ရှိသလို ကျနော်တို့က အမြတ်ထုတ်ဖို့၊ Invest လုပ်ဖို့ မဟုတ်ပါဘူး။ ကျနော် အခုနက ပြောသလို ကျနော့် ညီအကို မောင်နှမအရင်းတွေ အဲဒီမှာ ရှိနေပါမယ်။ အဲဒီတော့ကာ မကြာသေးခင်က ဖြစ်နေတဲ့ ကိစ္စတွေ၊ အင်မတန် အကျည်းတန် အရုပ်ဆိုးတဲ့ ကိစ္စတွေ ဖြစ်နေတာက မြန်မာပြည်အတွင်းမှာ ဘယ်လောက်ထိ သိကြတယ်၊ မြင်ကြတယ်ဆိုတာကို မသိရပေမဲ့လို့ ပြည်ပမှာကတော့ သမ္မတကြီးလည်း သိတဲ့ အတိုင်းပါပဲ။ ဒီကနေ့ ခေတ်ပေါ် တိုးတက်တဲ့ နည်းပညာတွေအရ သမ္မတကြီးအိမ်မှာ နေ့လည်စာ ဘာတို့စရာနဲ့၊ ဘာဟင်းနဲ့ စားလဲဆိုတာကိုတောင်မှ သိလို့ မြင်လို့ရတဲ့ အခြေအနေမျိုး ဖြစ်သွားပါပြီ။
ဦးသန်းလွင်ထွန်း။ ။ ဦးဝင်းအောင်ခင်ဗျာ။ ဘာသာရေးနဲ့ ပတ်သက်တဲ့ ဦးဝင်းအောင် မေးစရာရှိတာကို မေးပေးပါ။
ဦးဝင်းအောင်။ ။ ဒီလို ဘာသာရေး အကျည်းတန်၊ အရုပ်ဆိုးတဲ့ ဖြစ်ရပ်တွေကို ပြင်ပမှာ မြင်နေရတဲ့ တွက်က သမ္မတကြီး ဦးဆောင်တဲ့ ပြုပြင်ပြောင်းလဲရေး လုပ်ငန်းစဉ်ကို အင်မတန် အကျည်းတန် အရုပ်ဆိုးစေပါတယ်။ အထူးသဖြင့် ဒီ မုန်းတီးရေးကို ဖန်တီးနေတဲ့- ပြောင်ပြောင်တင်းတင်း လုပ်နေတာကို တရားဥပဒေ စိုးမိုးရေး အရ ဘယ်လိုမှ ဘာကြောင့် အရေးမယူလဲ ဆိုတာ - ကျနော်ဟာ အစ္စလာမ် ဘာသာဝင် မူဆလင် တစ်ယောက်ပါ။ မွတ်ဆလင် တစ်ယောက် အနေနဲ့လည်း ကျနော် တော်တော် စိတ်မကောင်းဖြစ်ပါတယ်။ မြန်မာပြည် မှာ မွေးတဲ့ လူတစ်ယောက် အနေနဲ့လည်း ဝမ်းနည်းပါတယ်။ နောက် အနှစ် ၅၀ သတင်းသမားတစ်ယောက် အနေနဲ့လည်း ကျနော် အံ့သြမိပါတယ်။
ဦးသန်းလွင်ထွန်း။ ။ ဟုတ်ကဲ့၊ ကျေးဇူးတင်ပါတယ်၊ ဦးဝင်းအောင် ခင်ဗျ။ မေးချင်တဲ့ သဘောတော့ ကျနော် နားလည်ပါတယ်။ ကျနော် နားလည်တာက လက်ရှိ မုန်းတီးရေးတွေ လှုံဆော်နေတာတွေကို ဘာကြောင့် အရေးမယူသလဲ၊ အရေးယူမှု ရှိသလားဆိုတာကို သိချင်တယ်။
သမ္မတဦးသိန်းစိန်။ ။ ကျနော် ပြောရမယ်ဆိုရင်တော့ ကျနော်တို့ နိုင်ငံရေးအရ ပြုပြင်ပြောင်းလဲမှုတွေ လုပ်တယ်။ တခါ စီးပွားရေးအရ ပြုပြင်ပြောင်းလဲမှုတွေ လုပ်တယ်။ အဲတော့ အောင်မြင်မှုတွေလည်း ကျနော်တို့ အထိုက်အလျောက် ရပါတယ်။ အခက်အခဲတွေ စိန်ခေါ်မှုတွေ ဒါတွေလည်း ကျနော်တို့ တွေ့ရပါတယ်။ အဲတော့ ရခိုင်မှာဖြစ်တဲ့ ကိစ္စတွေက ဖြစ်ရိုးဖြစ်စဉ် ထပြီးတော့ ဖြစ်ကြတဲ့ ပုံစံမျိုးတော့ မဟုတ်ပါဘူး။ ရာဇ၀တ်ပြစ်မှု အပေါ်မှာ မူတည်ပြီးတော့ လူအုပ်စု တစုနဲ့ တစု မီးရှိုကြ အကြမ်းဖက်ကြနဲ့မှ ကြီးထွားလာတဲ့ ကိစ္စဖြစ်ပါတယ်။ ဒါနဲ့ပတ်သက်ပြီးတော့ စုံစမ်း စစ်ဆေးရေးကော်မရှင် ဖွဲ့ပါတယ်။ စုံစမ်းစစ်ဆေးရေးကော်မရှင်မှာ ဟိုဖက်က ဒေါက်တာ ပါပါတယ်။ ဒီကိစ္စနဲ့ ပတ်သက်ပြီးတော့ ဒေါက်တာ နဲနဲလေး ဖြေပေးလိုက်ပါ။
ဒေါက်တာကျော်ရင်လှိုင်။ ။ အချိန်အရဆိုတော့ အများကြီးတော့ ကျနော် မပြောတော့ပါဘူး။ သို့သော် ခြုံပြီးပြောမယ်ဆိုရင် တဖက်နဲ့တဖက် ယုံကြည်မှုတွေ လျှော့ပါးနေတာတွေ၊ နောက်ပြီး မုန်းတီးမှုတွေ ရှိနေတာက မြန်မာပြည်မမှာရော ရခိုင်ပြည်နယ်မှာပါ အတော်ကြာကြာ ရှိနေပြီးသားပါ။ ပြုပြင်ပြောင်းလဲမှုတွေ လုပ်လာတဲ့ အခါ ပွင့်လာတဲ့အခါ မကျေနပ်မှုတွေကို ပိုပြီး ပြလာတဲ့ အခြေအနေမှာရှိတော့ ဖြစ်သွားတဲ့ ရာဇ၀တ်မှုပေါ် မူတည်ပြီးတဲ့ အခါမှာ ရခိုင်ပြည်နယ်မှာ Community Level မှာပဲ အဓိက ဖြစ်ခဲ့တာပါ။ ဒါနဲ့ပတ်သက်လို့ Report ကိုလည်း လူပေါင်း နှစ်ထောင်ကျော်လောက်ကို အင်တာဗျူးပြီး ရေးခဲ့တာပါ။ ဒါနဲ့ ပတ်သက်လို့လည်း Online မှာ အင်္ဂလိပ်လိုရော မြန်မာလိုရော ရပါမယ်။ အဓိက ပြောချင်တာက မကျေနပ်မှုတွေ မုန်းတီးမှုတွေက အရမ်း များလာတဲ့ အခါမှာ အခွင့်အရေးယူပြီး မြောက်ထိုးပင့်ကော်မှုတွေကလည်း အများကြီး ပါလာတယ်။ အဲဒီ ပါလာတဲ့ အပိုင်းတွေက အခြေအနေတွေကို ပိုပြီး ဆိုးသွားစေတာပါ။ နောက် အစိုးရအနေနဲ့ အရေးယူမှုမပြုဘူးဆိုတာ အဲဒါတော့ မဟုတ်ပါဘူးဗျ။ မိတ္တီလာမှာ ပြီးပြီးတဲ့အချိန်မှာလည်း အရေးယူမှုတွေ အများကြီးလုပ်ပါတယ်။ ရခိုင်မှာလည်း ကျနော်တို့က အရေးယူမှုတွေ အများကြီးလုပ်ပါတယ်။ ရခိုင်မှာလည်း အရေးယူမှုတွေနဲ့ပတ်သက်ပြီး ကျနော်တို့ ကော်မရှင်အနေနဲ့က အားလုံးကို ကြည့်ခွင့်ရတဲ့အတွက် အရေးယူမှုတွေက အများကြီးလုပ်ထားပါတယ်။ နောက်ဆုံး တခု ပြောချင်တာက ဒီအစိုးရအနေနဲ့ ဘာမှ လုပ်မထားဘူးဆိုတာနဲ့ပတ်သက်လို့ Interfaith Dialogue တွေကို တနိုင်ငံလုံးအတိုင်းအတာနဲ့ လုပ်ဖို့ လုပ်နေပါတယ်။ ရခိုင်ပြည်နယ်နဲ့ပတ်သက်ပြီးတော့ ရခိုင်ပြည်နယ်တည်ငြိမ်ရေးနဲ့ ဖွံဖြိုးတိုးတက်ရေးတွေကနေ ဒါတွေကို လုပ်နေပါတယ်။ ရခိုင်ကော်မရှင်ကိစ္စ ပြီးသွားတော့ ဒီကိစ္စမှာ ပါဝင်ခဲ့တဲ့လူတွေနဲ့ ဆက်ပြီးလုပ်နေ ကျနော်တို့ အကြံပြုနေတယ် ၀င်ပြီး ကူညီနေတဲ့အချိန်မှာ ဒီ Interfaith Dialogue တွေကို ရန်ကုန်မှာလည်း လုပ်နေပါတယ်။ ရခိုင်မှာလည်း အဖွဲ့တွေက အစ္စလာမ်ဘာသာဝင်တွေ ဗုဒ္ဒဘာသာဝင်တွေ အတူတွဲသွားပြီးတော့ ကျယ်ကျယ်ပြန့်ပြန့်လုပ်ဖို့ ၀ိုင်းပြီးလုပ်နေကြပါပြီ။ အားလုံးကို ကျေးဇူးတင်ပါတယ်။
သမ္မတဦးသိန်းစိန်။ ။ ကိုသန်းလွင်ထွန်းရေ ကျနော်ကို ခွင့်ပြုပါ။ ကျနော် အစီအစဉ်လေးတခု ရှိနေလို့ ။ ကျန်တဲ့မေးခွန်းတွေကို ဖြေမယ့် ပုဂ္ဂိုလ်တွေ ရှိပါတယ်။ အားလုံးပဲ ကျနော့်ကို ခွင့်လွှတ်ပါ။
ဦးသန်းလွင်ထွန်း။ ။ ဟုတ်ကဲ့ သမ္မတကြီး။ ကျေးဇူးတင်ပါတယ်ခင်ဗျ။
Ref: VOA News
“နောက်ကျော ဓားနဲ့ အထိုးခံခဲ့ရတာ”
May 20, 2013
၉ နှစ်တာမျှ နိုင်ငံတော် စာရင်းစစ်ချုပ်၊ ပြည်ထောင်စု စာရင်းစစ်ချုပ် အဖြစ် တာဝန်ထမ်းဆောင် ခဲ့ပြီး ယခုလက်ရှိ မွန်ပြည်နယ် ဘီးလင်းမြို့ အဝင်တွင် အောင်ပြည့်စုံ အမည်ရှိ ထမင်းဆိုင်ကို ဦးစီးဖွင့်လှစ် လုပ်ကိုင်နေသည့် အငြိမ်းစား ဗိုလ်ချုပ် လွန်းမောင် (ယခု ဦးလွန်းမောင်) ၏ ပြည်ထောင်စု စာရင်းစစ်ချုပ် တာဝန်မှ အနားပေး ခံခဲ့ရသော ဖြစ်ရပ်နှင့် ပတ်သက်၍ ဧရာဝတီ သတင်းထောက် မေခက သွားရောက်တွေ့ဆုံ မေးမြန်းခဲ့ပါသည်။
မေး။ ။ လက်ရှိရွေးချယ်ခဲ့တဲ့ ဘ၀က ဦးလွန်းမောင်အတွက် အံဝင်ခွင်ကျတဲ့ ဘ၀တခုလို့ ပြောလို့ရပါသလား။
ဖြေ။ ။ ကျနော်က ငယ်ငယ်ကတည်းက ဆင်းရဲခဲ့တဲ့ မိသားစုက ဆင်းသက်လာသူပါ။ ဒီအချိန်မှာ ငယ်ငယ်က ဘ၀ ကြမ်းသလောက် မကြမ်းပါဘူး၊ ပျော်ပါတယ်။ အံဝင်ခွင်ကျ ရှိတယ်ဆိုတာထက် လူတိုင်းက သူရတဲ့ ဘ၀မှာ နေပျော်နေဖို့ လိုပါတယ်။ အခုအချိန်မှာ ဒီအလုပ်အတွက် အချိန်တောင် မလောက်ပါဘူး။
မေး။ ။ နိုင်ငံတနိုင်ငံလုံးရဲ့ စာရင်းစစ်ချုပ် တယောက် ဘ၀ကနေ ဒီလိုမျိုး ဈေးရောင်းရတဲ့ ဘ၀တခုနဲ့ ဖြတ်သန်းဖို့ ဘယ်လိုစိတ်ကူး ရခဲ့တာလဲ။ အရင်ကတည်းက စိတ်ကူးထားခဲ့တာလား။
ဖြေ။ ။ ပြောင်းသွားတဲ့ ရည်ရွယ်ချက်ကတော့ ဒီလိုပါ။ နိုင်ငံတော်က အနားပေးလိုက်တယ် ဆိုတော့ နားလိုက်တာပေါ့။ နားချိန်မှာ အေးအေးဆေးဆေး နားချင်ပေမယ်လို့ အမျိုးသမီးရဲ့ လုပ်လက်စ ဒီဆိုင်လုပ်ငန်းကြီးရှိတော့ ကိုယ်က တယောက်တည်းကို လွှတ်ရုန်းလို့ မရဘူး။ မရတဲ့အခါ သူ့အလုပ်ကို ထောင့်ပေါင်းစုံ ဟာတဲ့ နေရာတွေမှာ လိုက်ဖြည့်ပြီး လုပ်ပေးတာပေါ့။ စားပွဲထိုး ၅ ယောက်လိုရင် အဲဒီနေရာကို ငါရအောင် လုပ်မယ်ဆိုတဲ့စိတ်နဲ့ နောက်ဆုံး ဗုန်းဗုန်းလဲသွားတဲ့ အထိပေါ့။ တချိန်တုန်းက နိုင်ငံ့ တာဝန်တွေ ထမ်းဆောင်နေတဲ့ အချိန်တုန်းကလို မိသားစုနဲ့နေလည်း မိသားစု တာဝန် ကျေရမယ်ဆိုတဲ့ စိတ်နဲ့ လုပ်ဖြစ်ခဲ့တာ။ အမျိုးသမီးကလည်း ကိုယ်မပါဘဲ တယောက်တည်း ပင်ပန်းနေခဲ့ရတာ ၁၀ နှစ်ကျော်ရှိပြီ။ ကိုယ်က အခု ဝင်လုပ်တာ လပိုင်းပဲ ရှိသေးတယ်။
မေး။ ။ နိုင်ငံတာဝန် ထမ်းဆောင်တာနဲ့ မိသားစုတာဝန် ထမ်းဆောင်တာ ဘယ်ဟာပိုခက်ခဲလဲ။
ဖြေ။ ။ ဒါကတော့ ရိုးစင်းတာပေါ့။ ဒါက ခက်ခဲပေမယ့် ခေါင်းမသုံး ရဘူးပေါ့။ ဘာလို့လဲ ဆိုရင် အဆင့်နိမ့်တာကိုး။ တပ်တာဝန် ကတော့ ဒီထက် အဆင့်မြင့်တာပေါ့။ တပ်မှာလည်း အမြင့်ဆုံးပေါ့ တပ်မတော် စစ်ဆေးရေး အရာရှိချုပ် လုပ်ခဲ့တာကိုး။ တပ်တာဝန် ကတော့ ကြီးတာပေါ့။ ကြီးတော့ ဦးဏှောက် စားရတာပေါ့။ ဒီဟာကတော့ ရိုးစင်းတဲ့ ဘ၀လေးပါ။
မေး။ ။ ဒီဘ၀ကိုကော ကျေနပ်နှစ်သက်ရဲ့လား။
ဖြေ။ ။ ကျေနပ်တာပေါ့။ ကြိုက်လို့ပဲ အခု ဖြတ်သန်းတာပေါ့။ အခုက ၀တ္တရား ကျေပွန်အောင် လုပ်တာမျိုး မဟုတ်ဘူး။ စေတနာနဲ့ လုပ်တာပေါ့။ ဒီမှာ အသေးစိတ်က အစ ကိုယ်တိုင် လုပ်တယ်။ ထန်းလျက် ထည့်တာက အစ သေချာထည့်တယ်။ စားပွဲက အစ ဝင်သုတ်တယ်။ ဒီလိုမျိုး ဖြတ်သန်းရတာက ဘာပဲပြောပြော စေတနာနဲ့ လုပ်ဆောင်နေတာမို့ စိတ်ချမ်းသာ နေရတာပေါ့။
မေး။ ။ အောက်ခြေသိမ်း အလုပ်ကို လုပ်ဆောင်တော့ အရင်ဘ၀နဲ့ တော်တော် ကွာဟသွားပြီ။ ဒီလို အချိန်မျိုးမှာ အခက်အခဲ မရှိဘူးလား။
ဖြေ။ ။ ပြောရရင် ဒီမှာ ခဏခဏ တပည့်တွေ လာစားတယ်။ နောက် ကိုယ့်သူငယ်ချင်းတွေ လာစားတယ်။ တခါတလေ တပည့်ဝိုင်းတွေကို သန့်ရှင်းရေး လုပ်ပေးရင် သူတို့က မစားရဲတော့ဘူး။ ကိုယ်က ပြောရတယ်၊ ငါ ဘာမှ မဟုတ်ဘူးလို့။ ဒီမှာက အဝေးပြေး ကားတွေက ၁ နာရီခြား၊ ၂ နာရီခြား လာတာဆိုတော့ အားချိန် မရှိဘူး။ ဒီအချိန်မှာ ငါသိတဲ့လူ ပါမှာပဲ ဆိုတဲ့စိတ်မျိုး မရှိဘူး။ ငါ့အလုပ် ငါလုပ်တယ်၊ နောက် ဒီအပေါ်မှာလည်း ဘာခံစားချက်မှ မရှိပါဘူး။
မေး။ ။ ဗိုလ်ချုပ်လွန်းမောင် အနေနဲ့ ဖြတ်သန်းရချိန်နဲ့ ဦးလွန်းမောင် အနေနဲ့ ဖြတ်သန်းရချိန် ဒီမှာ ကြုံလာတဲ့ လူတွေရဲ့ ဆက်ဆံမှု ဘယ်လို ကွာခြားလဲ။
ဖြေ။ ။ ကွာတယ်၊ တော်တော် ကွာတယ်။ ကိုယ့်ကို သိသူကတော့ အရင်က ဆက်ဆံမှု အတိုင်းပဲ ရှိပါတယ်။ လာတဲ့သူ တချို့ကတော့ ကိုယ့်ကို သာမန်ဈေးသည် အနေနဲ့ ဆက်ဆံတာတွေ ရှိတယ်။ တော်တော်ကို မာနချနိုင်လို့ တော်တာ။ တော်တော်ကို မာနချရတယ်။ တခါကဆို မန္တလာမင်း ဒရိုင်ဘာက ဆိုင်ရှေ့မှာ တိုးရစ်ကား လာရပ်ထားတာကို တဘက်ကို ရွှေ့ဖို့ မပြောလို့ ကားမရှင်းထားရ ကောင်းလား ဆိုပြီး ရန်လာတွေ့တယ်။ စော်ကား ခံရတာတွေ အရမ်းများတယ်။ တော်တော် သည်းခံရတယ်။ ဟိုးတချိန်တုန်းက လုပ်ခဲ့တဲ့ ဗိုလ်ချုပ်တို့၊ စာရင်းစစ်ချုပ်တို့ ဒါတွေကို အကုန်ကုန်မေ့လိုက်တော့မယ်။ ငါ အခု ဈေးသည်၊ ဒီလိုကို မနည်း ခံယူရတယ်။ ဒီထက်ဆိုးတဲ့ စော်ကားမှုတွေတောင် ရှိပါတယ်။ တခါတလေ ကိုယ့်ကို ကျွန်တယောက်လို ငေါက်ငမ်း သွားတာမျိုးတွေတောင် ရှိတယ်။
မေး။ ။ နှစ် ၄၀ ကျော် တိုင်းပြည် အုပ်ချုပ်ခဲ့တဲ့ စစ်တပ်ရဲ့ သြဇာရှိတဲ့ လူတွေထဲမှာ တယောက် အပါအဝင် ဖြစ်ခဲ့တော့ လက်ရှိ အခြေအနေကို လက်ခံဖို့ လွယ်ကူခဲ့ရဲ့လား။
ဖြေ။ ။ ခက်တာတော့ တော်တော် ခက်ခဲတယ်။ ငယ်ငယ်ကတည်းက ခန္တီပါရမီ ရှိခဲ့တယ်လို့ ပြောရမှာပါ။ နောက်တခုက ဘ၀လည်း မမေ့ခဲ့တာပါမယ်။ နောက် မာနကတော့ ထားလို့တော့ မရဘူးပေါ့။ မာနကို ဘယ်မှာမှ မထားချင်တာ။ ကိုယ်လည်း ဆင်းရဲတဲ့ ဘ၀ကနေ တက်လာခဲ့တယ်။ အဖေကော အမေကောက ရှမ်းတွေ၊ မြန်မာစကား မတတ်ဘူး၊ ကိုယ်လည်း ရှမ်းစကားပဲ တတ်ခဲ့တာ၊ ဒီလိုဘ၀ကနေ ကိုယ်က ဗိုလ်ချုပ်ဖြစ်လာခဲ့တာ။ အောက်သက် ကျေခဲ့တဲ့ လူတယောက်ပါ။ နောက် ဒီဘ၀ကို ဘယ်တော့မှ မမေ့ခဲ့ဘူး။ ရာထူး ကြီးခဲ့ပေမယ့် သိပ်ပြီး မက်မက်မောမော မရှိခဲ့တော့ ခံသာပါတယ်။ အရင်က ဘ၀ကို သိပ်တွယ်တာ တပ်မက်နေတဲ့သူ ဆိုရင်တော့ ဘယ်ခံသာမလဲ။
မေး။ ။ ဗိုလ်ချုပ်ဘ၀မှာ ကြုံခဲ့ရတဲ့ အချိန်ရှားပါးမှုနဲ့ အခု လက်ရှိဘ၀ အချိန်ရှားပါးမှု ဘယ်ဟာက ပိုပြီး ကျေနပ်ဖို့ ကောင်းတယ်လို့ ထင်လဲ။
ဖြေ။ ။ ပြောရရင် အခုအချိန်က လူပင်ပန်းတယ်။ ဗိုလ်ချုပ် ဘ၀ကျတော့ ပိုတည်ငြိမ်တာပေါ့။ လူကြီး ဆိုတော့လေ။ ကိုယ်က အောက်က ကလေးတွေ တင်လာတဲ့ စာရင်းကို နိုင်ငံတော်အဆင့် မှန်မမှန် စစ်ပြီး လက်မှတ် ထိုးရတာ။ ကိုယ့်ထက် ကလေးတွေက ပိုအလုပ်များတယ်။ ဘယ်တော့မှ ဂုဏ်ယူမပြောဘူး။ ကိုယ် တခွန်းခိုင်းရင် သူတို့မှာ အလုပ်တွေ ရှုပ်ရပြီ။ တာဝန်ကြီးပေမယ့်လို့ အဆုံးအဖြတ် ပေးတဲ့အခါပဲ တာဝန်ယူရတော့ အဆုံးအဖြတ် မမှားဖို့ဘဲ။ ဒီမှာကျတော့ ဒီလို မဟုတ်ဘူးလေ။ တကယ့်ကို အချိန်ရှားတာ။
မေး။ ။ အနားပေးခံရတဲ့ အပေါ်မှာ ဘယ်လိုကြောင့် အပေးခံခဲ့ရတာလဲ။ အပြင်မှ သတင်းတွေ မျိုးစုံ ထွက်နေတော့ ကာယကံရှင် ကပဲ အမှန်တရား တခု ပြောပေးပါလား။
ဖြေ။ ။ ဒီကိစ္စတွေကို ပြန်မပြောချင်တော့ဘူး။ စေတနာ အမှားပေါ့။ တချို့သော သူတွေက ကိုယ့်စေတနာကို ကိုယ်ကျိုး သုံးခဲ့ကြတော့ ကိုယ်က ခံရတာပေါ့။ ဒီအပေါ် အာဃာတ မထားဘူး။ သမ္မတ ဘက်က ကြည့်တော့ မှန်တာပေါ့။ ကိုယ်စစ်ခဲ့တဲ့ စာရင်းတွေကို လွှတ်တော်က တဂျီဂျီ တောင်းခဲ့တယ်။ ဒါတွေက စစ်ပြီးသားတွေပဲလေ။ လွှတ်တော် ကလည်း ပေါ်လာခါစ ဆိုတော့ အလုပ်က မရှိဘူး။ ဒီစာရင်းတွေ ရမှ ငွေစာရင်း ကော်မတီက အလုပ် လုပ်ရမှာ။ ဒီတော့ စစ်ပြီးသားတွေ ပေးလိုက်တယ်။ ဒါကို အစည်းအဝေးမှာ အသုံးချရမှာကို လွှတ်တော် ကိုယ်စားလှယ်တွေကို ဖြန့်လိုက်တယ်။ ကိုယ်က အဲဒီအချိန် အိန္ဒိယရောက်နေတာ။ ပြန်ရောက်တော့ သူငယ်ချင်း တင်အောင်မြင့်ဦးက ဘတ်ဂျက်ကိစ္စ ၀ိုင်းကူပေးဆိုလို့ ကူညီပေးနေတာ၊ ဘာမှ မသိလိုက်ရဘူး။ နောက်ကျော ဓားနဲ့ အထိုး ခံခဲ့ရတာပေါ့။
မေး။ ။ ဒီစာရင်းတွေက အစိုးရ ထိပ်ပိုင်းတာဝန်ရှိသူတွေကို တော်တော်လေး တုန်လှုပ် သွားစေတဲ့ စာရင်းတွေ ဖြစ်ခဲ့တယ်၊ ဒါတွေကြောင့် အပြောင်းအလဲ တချို့ ဖြစ်ခဲ့တယ်လို့ ပြောနိုင်လား။
ဖြေ။ ။ တပ်မတော် တုန်းကလည်း ငွေစာရင်းကွာတာတွေ အများကြီးပဲ။ တပ်မတော် စစ်ဆေးရေး အရာရှိလည်း လုပ်ခဲ့တာကိုး။ နိုင်ငံတော် စာရင်းစစ်ချုပ် ဆိုတာ တပ်မတော် အောက်မှာ လုပ်ခဲ့ရတာကိုး။ အမုန်းခံပြီး ၀န်ကြီးတွေကို တွယ်ခဲ့ရတာ။ ပြည်သူတွေ မသိခဲ့ဘူး။ ကုန်ကုန်ပြောရရင် ၀န်ကြီး တော်တော်များများ ကတော့ ၀မ်းသာမှာပါ။ ဘာကြောင့်ဆို ကိုယ့်ကို တော်တော် မုန်းကြတာ။ ကိုယ်တွယ်ခဲ့တာ မနည်းဘူး။ စကားမပြောတဲ့ ၀န်ကြီးတွေ အများကြီးပဲ။ လက်ရှိ နေပြည်တော် ၀န်ကြီးချုပ်တို့၊ သတ္ထုတွင်းကတို့ ဆိုရင် စကားတောင် ပြောတာ မဟုတ်ဘူး။
မေး။ ။ ဦးလွန်းမောင်ရဲ့ အဖြစ်အပျက်ကို မှန်လွန်းလို့ ရွာပြင် အထုတ်ခံရတဲ့ အဖြစ်တခုလို့ မြင်မိလား။ အပြင်မှာ တချို့က အဲဒီလိုပဲ ပြောနေကြလို့ပါ။
ဖြေ။ ။ ကိုယ်မှန်တယ်လို့ မပြောပါဘူး။ ယူသော် ရ၏ပေါ့။ မှန်တယ်လည်း မပြောဘူး၊ မှားတယ်လည်း မပြောဘူး။ သုံးသပ်သူ အပေါ်မှာပဲ မူတည်တာပေါ့။ ပထမတော့ စိတ်မကောင်း ဖြစ်ရတာပေါ့။ နောက်တော့ နားချိန်တန်လို့ နားရတာ လို့ပဲ တွေးတယ်။ ဒီအပေါ် ဘာမှ စိတ်ထဲ မထားတော့ဘူး။ မှန်တယ်ထင်ပြီး လုပ်ခဲ့လည်း တဘက်က ကိုယ့်ကို မငဲ့တော့ ဘာမှ မပြောလိုပါဘူး။ အဓိက မငဲ့ခဲ့သူကတော့ သူရ ဦးရွှေမန်းပေါ့။ သူက ကိုယ့်နောက်ကျော ဓားနဲ့ ထိုးခဲ့သူပေါ့။ သူနဲ့က ဟိုးငယ်ငယ် ကတည်းက၊ ဗိုလ်လောင်းထဲက သူက ၁၁၊ ကိုယ်က ၁၂။ မိုးကောင်းမှာလည်း အတူတူ တာဝန်ကျခဲ့တာ။ သို့သော် ကိုယ်မြင်တာက သူတို့မှာ အာဏာအတွက် ဆန္ဒ ရှိနေသေးတယ်၊ ကိုယ်ကတော့ မရှိတော့ဘူး။ ဒါကြောင့် ဒီလိုနေနိုင်တာပေါ့။
မေး။ ။ အခု အဖြစ်အပျက်နဲ့ ပတ်သက်လို့ သမ္မတ အပေါ်မှာကော ဘယ်လိုမြင်လဲ။
ဖြေ။ ။ သူနားလည် ပါလိမ့်မယ်လေ၊ သူ့အပိုင်းတော့ သိပ်မပြောလိုပါဘူး။ သူလုပ်သင့်တယ် ထင်လို့ လုပ်ခဲ့တယ် လို့ပဲ မြင်ပါတယ်။ ကိုယ်ကတော့ ဘာမှ မပြောလိုတော့ပါဘူး။
မေး။ ။ နောက်လာမယ့် ရွေးကောက်ပွဲကျရင်ကော ပုံစံတခုအနေနဲ့ ၀င်လာဖို့ရှိသေးလား။ ပါတီနိုင်ငံရေး လုပ်ဦးမလား။
ဖြေ။ ။ မရှိဘူး။ စထွက်လာခဲ့ ကတည်းက စစ်စွပ်ကျယ်တောင် မ၀တ်တော့ဘူးလို့ ဆုံးဖြတ်ထားတာ။ တိုက်ပုံလည်း ဘယ်တော့မှ မ၀တ်တော့ဘူးလို့ ဆုံးဖြတ်ထားတယ်။ အလုပ် လုပ်တော့ စွပ်ကျယ် အဖြူက အပေတေ မခံလို့ စစ်စွပ်ကျယ် ၀တ်ဖြစ်တာ၊ နို့မို့ဆို ၀တ်ဖြစ်မှာ မဟုတ်ဘူး။
မေး။ ။ စစ်သား တယောက်ဘ၀ကို စိတ်နာခဲ့လို့လား။
ဖြေ။ ။ မရှိဘူး။ စိတ်လည်းမနာဘူး။ တခါတလေ စိတ်နာစရာတွေ ရှိခဲ့လည်း ချက်ချင်း ဖျောက်ပစ်တယ်။ ကိုယ်ဖြစ်ခဲ့တာ ၀ဋ်ရှိလို့ပေါ့။ ဘာမှ မပြောလိုပါဘူး။ သတင်းမှာ ပါလာမှ ကိုယ်ပါတယ် သိတာ။ ကြိုလည်း မသိခဲ့ဘူး။
မေး။ ။ နောက်ဆုံးမေးခွန်း အနေနဲ့ လက်ရှိပြောင်းလဲလာတဲ့ နိုင်ငံရေးအပေါ် ဘယ်လိုမြင်မိပါသလဲ။
ဖြေ။ ။ အကောင်း မြင်ပါတယ်။ ကောင်းတဲ့ဘက်ကို ဦးတည်တယ်လို့ပဲ မြင်တယ်။
Ref: ဧရာဝတီ
Tuesday, March 26, 2013
“ယုံကြည်မှုမရှိလို့ ယုံကြည်မှု တည်ဆောက်နေတယ်”
March 25, 2013
ရှမ်းပြည် တိုးတက်ရေး ပါတီ(SSPP/SSA) သည် ၂၀၁၂ ခု ဇန်န၀ါရီ ၂၈ ရက်တွင် နိုင်ငံတော်အဆင့် အပစ်အခတ် ရပ်စဲရေး လက်မှတ် ထိုးပြီး လက်ရှိ ငြိမ်းချမ်းရေး အတွက် ယုံကြည်မှု တည်ဆောက်နေစဉ် ကာလတွင် ၂၀၁၃ ခုနစ် ဖေဖော်ဝါရီက စပြီး တိုက်ပွဲများ ပြန်လည် ဖြစ်ပွားနေခြင်းများနှင့် ပတ်သက်ပြီး SSPP/SSA နာယက ဒုတိယ ဗိုလ်ချုပ်ကြီး ဆေထင် အား ဧရာဝတီ သတင်းထောက် နန်းဆိုင်နွမ် က တွေ့ဆုံ မေးမြန်းထားပါသည်။
ဒုတိယ ဗိုလ်ချုပ်ကြီး ဆေထင် သည် ရှမ်းပြည်နယ် မြောက်ပိုင်း လားရှိုးမြို့နယ် လားရှိုး မိုတယ်တွင် ရှမ်းပြည်နယ်နှင့် ကယား ပြည် နယ်အတွင်းရှိ နိုင်ငံရေးပါတီများ၊ လက်နက်ကိုင် အဖွဲ့များ၏ မတ်လ ၂၀ ရက် မှ ၂၂ ရက်အထိ ကျင်းပသော ငြိမ်းချမ်းရေး အတွက် ယုံကြည်မှု တည်ဆောက်ရေး ဆွေးနွေးပွဲသို့ တက်ရောက်ခဲ့သူ ဖြစ်သည်။
မေး။ ။ ယုံကြည်မှုကို တည်ဆောက်နေတဲ့အချိန်မှာ တဖက်ကလည်း စစ်ဖြစ်နေတဲ့အပေါ် ဒု ဗိုလ်ချုပ်ကြီး ဦးဆေထင် အနေနဲ့ ဘယ်လို မြင်လဲ။
ဖြေ။ ။ စစ်ရပ်စဲရေး လုပ်တာဟာ ဒီတပ်မတော်နဲ့ အစိုးရနဲ့က နားလည်မှုတွေက သူတို့ တလွဲဆီဖြစ်နေတာပေါ့။ ဆိုလိုတာက ဒီတပ်မတော်က အစိုးရရဲ့လက်အောက် မရှိသလို ဖြစ်နေတယ်။ တပ်မတော်က အစိုးရ အမိန့်ကို မနာခံ သလိုမျိုးပေါ့။ ဒီအစိုးရ က လုပ်တဲ့ စစ်ရပ်စဲရေး ကို အသိအမှတ် မပြုဘူးလေ။ ဒီကိစ္စကို ဘယ်လိုလုပ်ပြီးတော့မှ ဖြေရှင်းမလဲ ဆိုတာကိုတော့ ဦးအောင်မင်း နဲ့တော့ ဆွေးနွေးထားပါတယ်။ သတ်မှတ်နယ်မြေတွေ ပြန်သတ်မှတ် ပေးဖို့လိုတယ်ပေါ့။ နယ်မြေတွေကို မသတ်မှတ်ခင်မှာ ရနိုင် သမျှ သူတို့ များများလိုချင်တယ်လေ။ အဲ့ဒါကြောင့် ကျနော်တို့ကို သူတို့က ထိုးစစ်ဆင်နေတယ်လို့ ထင်တာပါပဲ။
မေး။ ။ အစိုးရ တပ်မတော်ကနေပြီး SSA တပ်တွေကို နောက်ဆုတ်ခိုင်းတဲ့ အပေါ်မှာရော ဘယ်လိုရှိလဲ။
ဖြေ။ ။ အဲ့ဒီနေရာတွေက ကျနော်တို့ နေရာတွေလေ။ မြို့ထဲမှာဆိုရင်တော့ သူတို့နေတယ်ဆိုတာတော့ ထားလိုက်တော့ ။ကျနော် တို့က သူတို့ကို ဘာမှ မနှောင့်ယှက်ဘူးလေ။ အခု တောထဲမှာလည်း ကျနော်တို့တပ်က မနေရလို့ ဘယ်နေရာတွေမှာ သွားနေရမှာလဲ။ ဒါသူတို့တွေ တမင်တကာ ဒီ ဥစ္စာတွေ ဖြစ်လာဖို့ သူတို့ ဖန်တီးတယ်လို့ ထင်ပါတယ်။ အဲ့ဒီကိစ္စကတော့ တော်တော် အန္တရာယ် များတယ်ပေါ့။
မေး။ ။ SSA နဲ့ “ ၀”ပြည် သွေးစည်း ညီညွတ်ရေး တပ်မတော် (UWSA) ကို ဆက်သွယ်ရေး ပျက်ပြားအောင် အစိုးရ တပ်က လုပ်နေတယ်လို့ ကြားတယ်။ အဲ့ဒီအပေါ်မှာရော ဘယ်လိုမြင်ပါသလဲ။
ဖြေ။ ။ ဟုတ်ပါတယ်။ အစိုးရ ဖြတ်တောက်ချင်နေတာပါ။ သံလွင်မြစ် အရှေ့ဘက်မှာ ဆိုရင် “ ၀” ၊ အနောက်ဘက်ခြမ်းမှာ ဆိုရင် ကျနော်တို့ SSA ဒေသလေး တခုရှိတယ် သိပ်မကျယ်ပါဘူး။ အဲ့ဒီနေရာမှာ ကျနော်တို့တပ်က နေရာယူထားတာပေါ့၊ သူတို့ က အဲ့ဒီ ဆက်သွယ်ရေး ဖြတ်လိုက်ရင် UWSA နဲ့ ကျနော်တို့ တပ်နဲ့ အဆက်အသွယ်ပြတ်တောက် သွားမှာပေါ့ ။ ရှင်းရှင်းပြောရမယ် ဆိုရင် UWSA နဲ့ ကျနော်တို့က အပြန်အလှန် ကူညီ ကြဖို့ စာချုပ်ရှိပါတယ်။ ဒါတွေမကပါဘူး လက်နက် ခဲယမ်းတွေကိုလည်း ဒီ UWSAဘက်ကနေပြီးတော့မှ ရထားတာ။ အဲ့ဒါတွေကို သူတို့က ဖြတ်ချင်တာ။ အမှန်တကယ် သူတို့က ပြည်တွင်းငြိမ်းချမ်းရေးကို အမှန်တည်ဆောက် ချင်ရင်၊ မြန်မာ့နိုင်ငံရေး ပြဿနာတွေကို နိုင်ငံရေးအရ ဖြေရှင်းချင်ရင် ဒါတွေ လုပ်ဖို့မလိုပါဘူး။ ဒါကြောင့်မလို့ တော်တော် စဉ်းစားစရာ ဖြစ်ပါတယ်။ စစ်ရပ်ဆဲရေးဟာ အန္တရာယ်ရှိနေတယ်ပေ့ါ။
မေး။ ။ လက်တလော ကချင် လွတ်လပ်ရေး တပ်မတော်(KIA) နဲ့ အစိုးရက ငြိမ်းချမ်းရေး အတွက် ဆွေးနွေးပွဲတွေ လုပ်နေကြပြီး စစ်ပွဲတွေ ရပ်ထားကြတယ်။ အဲ့ဒါကို ရပ်ဆိုင်းတဲ့ အချိန်မှာ ရှမ်းပြည်နယ်ဘက်ကို ပြန်လည် တိုက်စစ်တိုးလာတာကရော ပိုပြီး ထိုး စစ် ဆင်လာနိုင်ပါသလား။
ဖြေ။ ။ ဟုတ်ပါတယ်။ ကျနော်တို့ဘက်ကို ပိုပြီး ထိုးစစ်ဆင်လာနိုင်ပါတယ်။ အခုကတော့ ဒီ စစ်ရေး အသာရမှုပေါ့။ Political(နိုင်ငံ ရေး) မှာ စားပွဲခုံပေါ်မှာ စကားပြောရင် အသာရဖို့ လိုအပ်သလို စစ်ရေးမှာ အသာရဖို့လည်း အရေးကြီးတယ်။ ကျနော်တို့ဘက် က စစ်ရေး အရ အားနည်းနေတယ်ဆိုရင် အစိုးရ အနေနဲ့ ကျနော်တို့ဘက်ကို ပိုပြိး ဖိလို့ရတာပေါ့။ ဆိုလိုတာကတော့ ဒီအချက် ကတော့ လိုက်နာ မလိုက်နာလို့ရှိရင် ကျနော်တို့ စစ်ရေး စမယ်ဆိုတဲ့ စကားအရ သူတို့ ဖန်တီးတာပါ။ ဒါကတော့ မဆန်းပါဘူး။
မေး။ ။ ငြိမ်းချမ်းရေး ယုံကြည်မှု တည်ဆောက်တဲ့အချိန်မှာ ဘာတွေက အဓိက ကျပါသလဲ။
ဖြေ။ ။ ပထမဆုံး အရေးကြီးတာကတော့ ဒီ အပစ်အခတ်ရပ်စဲထားတဲ့ ကိစ္စ တည်မြဲဖို့ပါပဲ။ ကျနော်တို့ဘက်ကတော့ ဒီဥစ္စာကို ခိုင်ခိုင်မာမာ လိုက်နာတာပေါ့။ တပ်မတော်ပဲလေ သူတို့အခု ကျနော်တို့ တပ်တွေကို ကျူးကျော်ပြီးတော့ လုပ်နေတာပဲလေ။ အရင် ကဆိုရင် KIA က လမ်းမှာ ခြုံခိုတိုက်တယ်။ တံတားတွေခွဲတယ်လို့ ပြောကြတယ်။ ကျနော်တို့က အဲ့ဒီလို တခါမှ မလုပ်ဘူး။ ကိုယ့် ကိုယ်ကိုယ် ကာကွယ်ပြီး တိုက်တာပဲရှိပါတယ်။ ဒါပေမယ့် ဒီထက်အဆတိုး လာမယ်ဆိုရင်တော့ မပြောတတ်ဘူး။ စစ် ရပ်စဲရေး ရပ်ဆိုင်းထားတယ်။ ဒီစစ်က အခုထက် ကြီးလာနိုင်တယ်ပေါ့။ ကျနော်တို့ တပ်ကလည်း ရှမ်းပြည်နယ် မြောက်ပိုင်း နောင်ပိန် ၊ နောင်ချိူ ၊ မုံကိုး ၊ ကျောက်မဲ၊ သီပေါ၊ အဲ့ဒီနေရာတွေမှာလည်း ဖြန့်ထားတယ်။ အဲ့ဒီကတပ်တွေနဲ့ပါ ဖြစ်လာရင်တော့ တိုက်ပွဲက ကြီး လာ နိုင်ပါတယ်။ ဒီတိုက်ပွဲဖြစ်ဖို့လည်း ကျနော်တို့ က မလိုလားပါဘူး။
မေး။ ။ လက်ရှိ စစ်ဖြစ်နေတဲ့ အပေါ်မှာ အစိုးရကိုရော ဘာပြောချင်ပါသလဲ။
ဖြေ။ ။ အစိုးရကိုပြောတယ်။ အခု သမ္မတ ဦးသိန်းစိန်ကိုလည်း စာတွေဘာတွေ တင်ထားပါတယ်။ ဦးသိန်းဇော်တို့ ဦးအောင်မင်း တို့ ဟိုတနေ့ကလည်း ဦးအောင်မင်းနဲ့ ဆွေးနွေးဖြစ်ပါသေးတယ်။ စစ်ရပ်ဆိုင်းရေးကိစ္စတွေကို သူတို့ တပ်မတော်ဘက်က လူတွေကိုလည်း ထိန်းသိမ်းပေးဖို့ ကျနော်တို့ တောင်းဆိုတယ်။ ဒါပေမယ့် သူတို့ကလည်း တာဝန်မယူနိုင်ဘူး။ သမ္မတကြီး ကိုယ်တိုင်ကိုက တခါတလေ တာဝန်မယူနိုင်တဲ့ စကားတွေပြောတယ်။ ဒါကတော့ နည်းနည်းထူးဆန်းတယ်။ ဆိုလိုတာကတော့ တပ်မတာ် ပေါ်မှာ သူတို့ သြဇာမရှိဘူးဆိုတာကို နည်းနည်းတော့ ပေါ်လွင်တယ်။
မေး။ ။ လက်ရှိ SSA အနေနဲ့ ဘာတွေများ လုပ်ဆောင်နေပါသလဲ။
ဖြေ။ ။ ကျနော်တို့ တပ်အတွင်းမှာ စစ်ရပ်စဲတဲ့အချိန် တပ်တွေကို ပြန်ပြီးတော့မှ အရည်အချင်း မြှင့်တင်တာတွေ။ ပြီးတော့ လူထု စည်းလုံးရေးတွေ၊ လူထု ပညာရေး ကျန်းမာရေး တွေကို တတ်နိုင်သလောက် လုပ်ပေးနေတဲ့ အချိန် ဖြစ်တယ်လေ။
မေး။ ။ ရှမ်း စစ်သား၊ တပ်သားတွေရဲ့ မိသားစုနောင်ရေးတွေ အတွက်ရော ဘာတွေ လုပ်ဆောင်ပေးပါသလဲ။
ဖြေ။ ။ ရှမ်းစစ်သားတွေအတွက်က သိပ်မခက်ဘူးလေ။ သူတို့ မိသားစုတွေက နယ်ခံတွေဆိုတော့ တောင်ယာခုတ်တယ်၊ လယ် ယာတွေ လုပ်တယ်။ ဒီ တပ်သားတွေကတော့ ကျနော်တို့ ထောက်ပံ့ထားပါတယ်။ မိသားစုကတော့ လုပ်သင့် လုပ်ထိုက်တဲ့ အသက် မွေးဝမ်းကျောင်းတွေ ရှိပါတယ်။ အဲ့ဒါ သူတို့လုပ်တယ်လေ။
မေး။ ။ ရှမ်းပြည်နယ်က မူးယစ်ဆေးဝါးနဲ့ ပတ်သက်ရင် အရောင်းအ၀ယ်နှင့် သုံးစွဲမှုမြင့်မားတဲ့ နယ်မြေလို့ သတ်မှတ်ထားကြ တယ်။ SSA အနေနဲ့ရော မူးယစ်ဆေးဝါးနဲ့ ပတ်သက်ပြီး ဘာတွေလုပ်ဆောင် နေပါသလဲ။
ဖြေ။ ။ မူးယစ်ဆေးဝါး ကိစ္စကတော့ ကျနော်တို့လည်း ဆန့်ကျင်နေပါတယ်။ မူးယစ်ဆေးဝါးကို ရောင်းလည်း မရောင်းဘူး။ လုပ် လည်း မလုပ်ဘူး။ ဒါပေမယ့် ရှမ်းပြည် တောင်ပိုင်း၊ မြောက်ပိုင်းမှာဆိုရင် တောင်ပိုင်းက ဘိန်းစိုက်တာတွေ ပိုများလာတယ် ဆိုတာ တွေ့ရတယ်။ ဒါပေမယ့်လို့ မူးယစ်ဆေးဝါး ပြဿနာ က နှစ်ပေါင်း ရာချီဖြစ်နေတယ်။ ဒါကြောင့် မြန်မာပြည်မှာ တရားဥပဒေ မစိုးမိုးလို့ ဒီဘိန်းတွေ လုပ်နေတာ။ တရားဥပဒေ စိုးမိုးမှုတွေရှိရင် ကောင်းကောင်းအုပ်ချုပ်နိုင်မှာပေါ့။ စိုးမိုးမှုမရှိလို့ ဒီဘိန်းတွေ မူးယစ် ဆေးဝါး ပိတ်ပင်ရေးတွေ လုံးဝမဖြစ်နိုင်ဘူး။ ဒါကြောင့်မလို့ ဒီ မူးယစ်ဆေးဝါး ပိတ်ပင်ရေးကို လုပ်ချင်ရင် တရားဥပဒေ စိုးမိုးမှုကို အရင်လုပ်ဖို့ လိုမယ်ထင်ပါတယ်။
မေး။ ။ နောက်ဆုံး မေးခွန်းအနေနဲ့ လက်ရှိ အစိုးရကို ယုံကြည်မှု ရှိပါသလား။
ဖြေ။ ။ အခု လောလော ဆယ်တော့ ယုံကြည်မှုမရှိလို့ ယုံကြည်မှု တည်ဆောက်နေတယ်။ ယုံကြည်လာအောင် ဘယ်လို လုပ်ကြမှာလဲ ဆိုတာ အခု ပြောကြဆိုကြနေတာပဲလေ။ ဒါကတော့ ဒုတိယ အဆင့်ပေါ့။ ရန်ကုန်မှာ လုပ်တာ ပထမအဆင့်လေ။ နောက်ထပ် တတိယ စတုတ္ထ ပဉ္စမ သွားရဦးမယ်။ အစိုးရ က ကျနော်တို့ ယုံကြည်နိုင်လောက်အောင် ပြဖို့ လိုပါတယ်။ ယုံကြည်မှု တည်ဆောက်ရေး ဆိုတာ နှစ်ဘက်ရှိတာပေါ့။ သူ့ဘက် ကိုယ့်ဘက် ရှိတာပေါ့။ ကိုယ်ကပဲ တောင်းဆိုပြီး သူ့ဘက်က လက်မခံဘူး တုန့်ပြန်မှုမရှိဘူး ဆိုရင် ယုံကြည်မှုတည်ဆောက်ရေး ဆိုတာ အခက်အခဲ ရှိတာပေါ့။ ။
Ref: ဧရာဝတီ
Monday, March 25, 2013
“ပွဲဖျက်ပြီးတော့ ကယ်တင်ရှင် ဝင်လုပ်မှာလား”
ခိုင်ခိုင်
သောကြာနေ့၊ မတ်လ ၂၂ ရက် ၂၀၁၃
ရန်ကုန်(မဇ္ဈိမ)။ ။ မတ်လ ၂၀ ရက်နေ့က ရွှေဆိုင်တဆိုင်တွင် အငြင်းပွားရာမှ စတင်၍ အဓိကရုဏ်း တခုအဖြစ် ကျယ်ပြန့် သွားခဲ့ရသည့် မိထ္ထီလာ ရာဇဝတ်မှုကြီးများမှာ ၂၀၁၂ ခုနှစ်က ရခိုင်ပြည်နယ် ပဋိပက္ခများ နောက်တွင် အဆိုးရွားဆုံးသော အဖြစ်အပျက်ကြီးတခု ဖြစ်ခဲ့သည်။
အုပ်စုဖွဲ့၍ အားနည်းသူကို အနိုင်ကျင့်သတ်ဖြတ်မှုများ၊ မီးရှို့ ဖျက်ဆီးမှုများဖြင့် အမှောင် လွှမ်းသော မိထ္ထီလာ နေ့ရက်များမှာ ပုဒ်မ ၁၄၄ ထုတ်ပြန်ရရုံနှင့် မပြီးဘဲ အရေးပေါ်အခြေအနေအဖြစ် အကြေညာလိုက်သည်အထိ အခြေအနေ ဆိုးရွားခဲ့ရ သည်။
အခင်းဖြစ်ပွားရာ မိထ္ထီလာသို့ အခြေအနေ ဝိုင်းဝန်းထိန်းသိမ်းရန် သွားရောက် ခဲ့ကြသူများ ထဲတွင် ၈၈ မျိုးဆက် ကျောင်းသား ခေါင်းဆောင်များလည်း ပါဝင်သည်။
ကိုယ်တိုင် သွားရောက်ခဲ့သည့် ကိုမင်းကိုနိုင်အား ၎င်းမြင်တွေ့ခဲ့ရသည့် အခြေ အနေနှင့် အလားအလာကို သုံးသပ် ပေးရန် မဇ္ဈိမက တွေ့ဆုံမေးမြန်းခဲ့သည်။
အကြမ်းဖက်မှု၊ မတရားမှုများ ကျယ်ပြန့်ကြီးမားလာရပုံနှင့် လုံခြုံရေး တာဝန်ရှိသူ များ၏ အားနည်းချက် များကို ကိုမင်းကိုနိုင် က ထောက်ပြ အကြံပြုထားပြီး ၎င်းတို့ အတွေ့အကြုံအရ ထိုသို့သော အဖြစ်အပျက်များ ဖြစ်လာနိုင်ချေ ရှိကြောင်း ကြိုတင်စိုးရိမ် တွေးထင်ခဲ့သည်ဟု ကိုမင်းကိုနိုင် က အစချီ ပြောပြထားသည်။
မိတ္ထီလာကို ရောက်ရောက်ချင်း ဘယ်လို အနေအထားတွေနဲ့ ကြုံတွေ့ခဲ့ရလဲ။
မင်း။ ။ ကျနော်တို့ လွန်ခဲ့တဲ့ ရက်ပိုင်း၊ လပိုင်းကတည်းက စိတ်ထဲမှာ စိုးရိမ် ပူပန်မှုတွေ ရှိခဲ့တယ်။ အဲဒါတွေက မိတ္ထီလာမှာ စဖြစ်တယ်။ ဘယ်နေရာမှာ ဖြစ်မယ်ဆိုတာ မသိတာ စိတ်ထဲမှာ စိုးရိမ်ပူပန်မှုတွေကတော့ အုပ်စုဖွဲ့ တိုက်ခိုက်မှုတွေတော့ ဖြစ်လာတော့မယ်လို့တော့ ကျနော်တို့ရဲ့ အသက် ၅၀၊ နိုင်ငံရေး အသက် ၂၅၊ ထောင်သက် ၂၀၊ အဲဒီ အတွေ့အကြုံက တခုခု ဖြစ်လာတော့မယ်လို့ ထင်နေခဲ့တာ။ မိထ္ထီလာမှာ စဖြစ်တယ် ဆိုတော့ အတိုင်းအဆကို ကျနော် မေးလိုက်တယ်။ ပြောတာက လိုအပ်နေတယ်၊ အရေးကြီးတယ်ဆိုတော့ ကျနော်တို့ ညတွင်းချင်း လိုက်သွားတယ်။
ပြဿနာတွေကို ဘယ်လိုညှိနှိုင်းခဲ့ရလဲ။
မင်း။ ။ လူတွေ ပိတ်မိရင် အရေးကြီးတယ်။ ကယ်ဆယ်ရေးက အဓိကပဲ။ ခရိုင် အုပ်ချုပ်ရေးမှူးနဲ့ အဆက်အသွယ် ရတယ်။ ကျနော်တို့တွေ တိုင်းဒေသကြီး ဝန်ကြီးလည်း ရှိနေတဲ့အတွက် သွားတွေ့တယ်။ ဝန်ကြီးချုပ် ဦးရဲမြင့်နဲ့ အဖွဲ့တွေနဲ့တွေ့ပြီးတော့ လူထုကို စည်းရုံးသိမ်းသွင်းပေးဖို့ ပြောတယ်။ သူတို့တွေကလည်း ဖြေရှင်းဖို့ကို တက်တက်ကြွကြွ ရှိပါတယ်။
လုံခြုံရေးတွေက အထက်အမိန့် မရသေးတဲ့အတွက် ဘာမှ မလုပ်ဘဲ ရပ်ကြည့်နေတယ် ဆိုတဲ့အပေါ် ဘယ်လိုမြင်လဲ။
မင်း။ ။ တခုတော့ ရှိတာပေါ့ဗျာ။ အမိန့်မရဘဲ လူတွေရဲ့ အသက်ကို ကယ်မိမယ်၊ ရာဇဝတ်သားကို ဖမ်းလိုက်မယ် ဆိုရင် ဘာဖြစ်သွားမလဲပေါ့။ သူတို့ကိုယ်တိုင်လည်း သိဟန် မတူပါဘူး။ ဘယ် ဥပဒေမှ လည်း ကျနော်တို့ တိတိကျကျ ပြဋ္ဌာန်းထားတာ မတွေ့ရဘူး။ လက်နက်ကိုင် အဖွဲ့အစည်းတွေရဲ့ ပုံမျိူး သူတို့တွေရဲ့ အသက်ဟာ အမိန့်နာခံမှု ဖြစ်နေတယ်။ အဲတော့ တချို့ကိစ္စတွေဟာ ရှုတ်ထွေးနက်ရှိုင်းပေမယ့် မျက်စိရှေ့မှာတင် လက်နက်မျိုးစုံ ကိုင်ထားပြီးတော့ လူ တယောက်ကို အစစ်ဆေး မေးမြန်းမရှိ ဥပဒေမဲ့ သတ်ဖြတ်နေတဲ့ကိစ္စ၊ ဥပဒေမဲ့ အိုးအိမ်တွေ ဖျက်ဆီးနေတာကို ဘာမှ အထွေအထူး အမေးအမြန်း လုပ်နေစရာမလိုဘူး။ ကျနော်တို့ လူသားဝါဒအရ ချက်ချင်းလက်ငင်း ကာကွယ်ပေးဖို့ ပါပဲ။ ပြီးတော့မှ ပြည်သူလူထုရဲ့ အသက်အိုးအိမ်ကို ကာကွယ်မှုနဲ့ ကြိုးစင်ကို တက်ဆိုရင်လည်း တက်ဖို့ အဆင်သင့်ပါပဲ။
လက်ရှိ ဖြစ်ပေါ်နေတဲ့ အဓိကရုဏ်းအပေါ် ဘယ်လိုသုံးသပ်လဲ။
မင်း။ ။ သက်သက် ညှာညှာ စဉ်းစားမယ်ဆိုရင်တော့ တော်တော့်ကို အားမရစရာ ကောင်းပါတယ်။ ကျနော်တို့ အပြန်မှာ ဆိုရင် ဓါတ်ဆီဆိုင် တဆိုင်မှာ ကင်ဒိုဓါးကိုင်ပြီးတော့ ဆိုင်ကယ်တစီးနဲ့ တယောက်ထဲ ရမ်းနေတာကို တွေ့ရတယ်။ အုပ်ချူပ်ရေးပိုင်းက၊ လုံခြုံရေးပိုင်းက လူတွေက ဒီအတိုင်းကို မတ်တပ်ရပ် ကြည့်နေကြတာ။ ဒီပုံအတိုင်းဆို အမိန့်တစုံတရာ စောင့်စရာ မလိုတော့ဘူး။ ဘာကြောင့်လဲ ဆိုတော့ တရားဥပဒေ စိုးမိုးရေ ဆိုတာဟာ လက်နက်ကိုင်ပြီးတော့ ချိူးဖောက်နေပြီ ဆိုရင် အဲဒီဓါတ်ဆီဆိုင်ကို ကာကွယ်ပေးထားရမယ်။ အဲဒါကို ရဲတွေက ဘာလို့ ဝိုင်းပြီး ကြည့်နေတာလဲ။ ရဲတပ်ဖွဲ့ဝင်တွေက အမိန့်မရလို့ပြောတယ်။ ကျနော့် သဘောကတော့ အမိန့် မလိုပါဘူး။ အမိန့်မရဘဲနဲ့ ရာဇဝတ်ကောင် တကောင်ကို ဖမ်းလိုက်လို့ အပြစ်ပေးမယ်ဆိုရင် ကြိုးစင်တက်ဖို့ပဲ ရှိတော့တယ်။ ဒီလောက် လက်နက်တွေနဲ့ ရမ်းကားနေတာတွေကို မသိလို့လည်း မဟုတ်ဘူး။
အဲဒါတွေက သိပ်သံသယဖြစ်ဖို့ ကောင်းတယ်။ နောက်တခုက တားထားတဲ့ ဒိုင်းတွေ ကြားထဲကနေ တိုးဝှေ့ပြီး ဝင်သွားကြတာတွေ ရှိတယ်။ ငြိမ်းချမ်းစွာ ဆန္ဒပြနေတဲ့ လူတွေတုန်းကတော့ ဆက်ဆံ ပုံက တမျိုး၊ အခုလို ဖျက်ဆီးနေ ကြတာကျတော့ တမျိူးနဲ့ဗျာ။ စိတ်အပူရဆုံး လို့တော့ မဟုတ်ဘူးဗျ။
ကျနော် ခေါင်းစဉ်ခွဲ ပြောရမယ်ဆိုရင် ကျနော်တို့တွေဟာ ဘဝတွေကို ပေးဆပ်ပြီး သုညဘဝကနေ ပြီးတော့ အစက နေပြန်စရတာ။ အခုကတော့ ဖျက်ဆီးခံ ရတာတွေနဲ့ စိုးရိမ်စရာ ဖြစ်နေတယ်။ တယောက်နဲ့ တယောက် မျိုးတုံး သတ်ဖြတ်ပစ်ဖို့ ဆိုတာမျိုး တိုင်းရင်းသား လူမျိုးတွေရဲ့ စိတ်ထဲမှာ ဘယ်တုန်းကမှ မရှိခဲ့ဘူး။ မရှိခဲ့တဲ့ အပေါ်မှာ အဲလိုမျိုး လုပ်နေပါတယ်လို့ အစွပ်စွဲခံရပြီးတော့ နိုင်ငံတကာ အသိုင်းအဝိုင်းနဲ့ ကျနော်တို့နဲ့ နားလည်မှု လွဲနေတယ်။ မဖြစ်သင့်တဲ့ အရာတွေ၊ ဒုက္ခတွေ နောက်ထပ် အကြပ်အတည်း ပေါင်းစုံတွေ ရင်ဆိုင်ရမှာ တွေးပူမိတယ်။ တသက်လုံးမှာ ကျနော်တို့က ဘာသာလူမျိူးပေါင်းစုံနဲ့ ချစ်ချစ်ခင်ခင် တွဲပြီးတော့ နေခဲ့တာပါ။ အဲဒီအစဉ်အလာ ဆိုတဲ့ဟာတွေ ပျောက်သွားပြီးတော့ သံသယတွေနဲ့ တချိန်လုံး မအေးချမ်းမှုတွေ ဖြစ်လာနိုင်တာတွေ ကိုလည်း စိုးရိမ်ရတယ်။ စိုးရိမ်မှုတွေကတော့ ပြောလို့ ကုန်မှာ မဟုတ်တော့ဘူး။
ဝါဒဖြန့်မှုတွေက ဘယ်လောက်အထိ အကျိူး သက်ရောက်မှု ရှိသွားမလဲ။
မင်း။ ။ အထူးသဖြင့် အွန်လိုင်း စာမျက်နှာတွေမှာ ပျံ့နှံ့နေတဲ့ အရာတွေက ရေးတဲ့သူ၊ တင်ထားတဲ့ လူတွေက ကိုယ်လုပ်တဲ့ဟာကို ကိုယ်တာဝန်ယူတယ်။ အဲဒီလိုမှ မဟုတ်ရင် သူ့ရဲ့ နာမည်နဲ့ မတင်ထားတဲ့ လူတွေ တွေ့အကြောင်း ထိုင်ပြီး မကောင်းပြောမယ်။ ညစ်ညမ်းတာတွေ ရေးမယ်။ အကောင်းဘယ်လောက်ပဲ လုပ်လုပ် မဟုတ်တမ်းတရား စွပ်စွဲမှာပေါ့။ အဲတော့ အွန်လိုင်းမှာ တက်လာတဲ့ သတင်း (သို့) ဝါဒဖြန့်ချီမှုတွေကို မျက်စိ မှိတ်ပြီးတော့ မယုံပါနဲ့၊ ဓါတ်ပုံတွေက အစ လုပ်ကြံလို့ ရနေတာကိုဗျာ။
ကမ္ဘာ့ တနေရာမှာဗျာ သတ်ဖြတ်ခဲ့တဲ့ ဟာကိုမြန်မာပြည် တနေရာလို့ ပြောမယ်ဆိုရင်လည်း ယုတ္ထိရှိအောင် လုပ်လို့ ရနေတယ်။ တတ်နိုင် သမျှကတော့ ဆန်းစစ်ဖို့ လိုပါတယ်။
ဘယ်လောက်အထိ သက်ရောက်နိုင်လဲဆိုတော့ တိုင်းပြည် ပျက်သွား တဲ့အထိ ဖြစ်နိုင် ပါတယ်။ ကျနော်တို့ အားလုံးရဲ့ ဉာဏ်အမြော်အမြင် ရှိမှုနဲ့ တဦးကို တဦးအပြန်အလှန် ထိန်းကြောင်းနိုင်မှုတွေနဲ့ပဲ ဒီကိစ္စကို ကာကွယ်နိုင်ပါလိမ့်မယ်။
အစိုးရကို ဘယ်လိုအကြံပေးချင်လဲ၊ ဘာတွေလုပ်ဖို့ လိုနေတယ်လို့ ပြောချင်လဲ။
မင်း။ ။ ရဲတွေ၊ လုံထိန်းတွေက အထက်က အမိန့်မပေးရင် ရပ်ကြည့်ဆိုရင်လည်း ကြည့်နေတာပဲ မနာခံလို့ မရဘူး ။ သူတို့ရှေ့မှာ လက်နက်တွေ ကိုင်ပြီးတော့ သွားလာနေကြတာကို ဘုရားသွားဖို့ ပန်းကလေးတွေ လက်မှာ ကိုင်သွားသလိုပဲ ရပ်ကြည့်နေတာ။ အကုန်လုံး တုံ့နှေးတုံ့နှေးပဲ။ ပွဲဖျက်ပြီးတော့မှ ကယ်တင်ရှင် ဝင်လုပ်မှာလားလို့ တွေးမိတယ်။
ဖြည့်စွက်ပြောချင်တာများ ရှိသေးလား။
မင်း။ ။ အရေးတကြီး လိုအပ်ချက်က ကိုယ့်အိမ် လုံခြုံရေးကို ဂရုစိုက်ကြဖို့။ ဂရုစိုက်တယ် ဆိုတဲ့နေရာမှာ သံသယ အခြေခံပြီးတော့ ရန်သူရှာတာမျိူး မဖြစ်စေရဘူး။ ကျနော်တို့ ဈေးထဲမှာ တယောက်နဲ့တယောက် ပုခုံးချင်း တိုက်မိမှာပဲ။ အဲဒီအခါမျိုး ဘယ်ဘာသာဝင်က ဘယ်ဘာသာဝင်ကို တိုက်မိတယ် ဆိုတာမျိူး မဖြစ်ပါစေနဲ့။ ရိုးသားလား ရည်ရွယ်သလား ဆိုတာတော့ သေသေချာချာ ပိုင်းခြားရလိမ့်မယ်။ သူတို့ ကိုယ်တိုင်မှပဲ သိလိမ့်မယ်။ အဲဒီကနေပြီးတော့ ပျံ့ပြီးတော့ နည်းဗျူဟာက ပြောင်းလဲတာတွေ ရှိနိုင်ပါတယ်။
နောက်တချက်ကတော့ ဝါဒဖြန့်မှုတွေပါ။ ဒီနေရာမှာ ဘယ်သူက ဘယ်သူကို ဘာတွေ လုပ်သွားလဲ ဆိုတာမျိုး အဲဒါတွေကို သေချာ ဆန်းစစ်ပါ။ တကယ်အကြံအစည် တခုခု ရှိနေတဲ့ လူတွေဟာ အဲဒီနည်းတွေကို သုံးပါတယ်။ အဲဒီတော့ ကျနော်တို့ဟာ ဘာမဆို ဆန်းစစ်မှ ရပါမယ်။ ကာကွယ်တာနဲ့ အတူသွားပြီးတော့ ကျူးကျော် တိုက်ခိုက်တာကို ခွဲခြားနိုင်ရပါမယ်။
Ref: မဇ္ဈိမ
Friday, March 22, 2013
“ရည်မှန်းချက်က ကိုယ်ပိုင် အုပ်ချုပ်ရေး ပြည်နယ် ပေးဖို့ပါပဲ”
March 22, 2013
ရှမ်းပြည်နယ် မြောက်ပိုင်းလားရှိုးမြို့တွင် ကျင်းပသည့် ရှမ်းပြည်နယ်နှင့် ကယားပြည်နယ် ငြိမ်းချမ်းရေး အတွက် ယုံကြည်မှု တည်ဆောက်ခြင်း ဆွေးနွေးပွဲသို့ လာရောက်လေ့လာသည့် မြန်မာနိုင်ငံ အထူးဒေသ ၂ “၀” ပြည် သွေးစည်း ညီညွတ်ရေး တပ်မတော် (UWSA) မှ ပြည်ပ ဆက်ဆံရေး ဒု – ဌာနကြီးမှူး ဦးဆမ်ခွန်းအား ၎င်းတို့ UWSA ၏ လက်ရှိ လုပ်ဆောင်ချက်၊ အစိုးရအပေါ် အမြင်နှင့် ၎င်းတို့၏ ရှေ့လုပ်ငန်း စဉ်များနှင့် ပတ်သက်၍ ဧရာဝတီ သတင်းထောက် နန်းဆိုင်နွမ်က တွေ့ဆုံမေးမြန်းခဲ့ပါသည်။
မေး။ ။ လက်ရှိ UWSA အနေနဲ့ လုပ်ဆောင်ချက်တွေကို ပြောပြပေးပါ။
ဖြေ။ ။ လုပ်ဆောင်ချက်ဆိုရင် ဘာမှမရှိဘူး။ ကျနော်တို့ဆီက မိမိဒေသ ဖွံ့ဖြိုးရေး လုပ်ငန်းတွေ၊ အဓိက ကျန်းမာရေး ၀န်ထမ်း၊ ပညာရေး ၀န်ထမ်းတွေကိုပဲ တောင်းဆိုပါတယ်။ ဒါတွေကို လုပ်ဆောင်ပေးထား ပါတယ်။ ကျန်တဲ့ စစ်တပ်တို့၊ အုပ်ချုပ်ရေး ၀န်ထမ်းတို့ကိုတော့ ကျနော်တို့ဆီမှာ အ၀င်မခံဘူး။
မေး။ ။ ငြိမ်းချမ်းရေး အတွက် ဘယ်လောက်အထိ မျှော်လင့်ချက် ထားပါသလဲ။
ဖြေ။ ။ ကျနော်တို့ကို “၀” ဗဟိုက မှာထားတယ်။ ဒီအစည်းအဝေးက ကျနော်တို့ကို ဖိတ်တဲ့ အတွက်ကြောင့် သွားသင့်တယ်၊ လာရောက်လေ့လာတဲ့ အဆင့်ပါပဲ။ တိုင်းရင်းသား ညီအစ်ကို လက်နက်ကိုင် အဖွဲ့အစည်းတွေရဲ့ သဘောထားကို လာလေ့လာတဲ့ အဆင့်ပဲ။ ဒီကနေ အစည်းအဝေးတက်ပြီးတော့ “၀” ပြည်ကိုရောက်ရင် ကျနော် မှတ်ထားတဲ့ မှတ်တမ်းတွေ ဟိုမှာ ပြန်ပြီးရှင်းပြမယ်၊ ချပြမယ်။ ကျနော်တို့ “၀” ဗဟိုက ပြန်သုံးသပ်မယ်။ ဒါပါပဲ။ ကျနော်တို့ စာတမ်းလည်း မပြုစုပါဘူး။
မေး။ ။ တရုတ်အစိုးရနဲ့ “၀” ပြည် စည်လုံးညီညွတ်ရေး ပါတီတို့ရဲ့ ဆက်ဆံရေး အပိုင်း ဘယ်လိုရှိပါသလဲ။
ဖြေ။ ။ ဒါကတော့တရုတ်နဲ့ “၀” က နယ်နိမိတ်ချင်း ဆက်နေတော့ ဟိုအရင်ကတည်းက နှစ်ဘက်ပြည်သူတွေပါ။ ဟိုဘက် နိုင်ငံကလည်း ကျနော်တို့ “၀” တိုင်းရင်းသားတွေပါပဲ၊ ဒီဘက်ကလည်း ကျနော်တို့ “၀” တိုင်းရင်းသားတွေပါ။ အဲဒီတော့ လူမှုရေးရော၊ စီးပွားရေးပါ နေ့စဉ်နဲ့အမျှ သွားလာဆ က်သွယ်မှုတော့ ရှိတယ်။ တရုတ်ပြည်နဲ့ ကျနော်တို့က ကုန်သွယ်ရေး ဆက်သွယ်မှု၊ ဆက်ဆံရေးပဲ ရှိပါတယ်။ “၀” ပြည် တခုလုံးက စီးပွားရေးနဲ့ ပတ်သတ်ပြီးတော့ တရုတ်ပြည်မှာပဲ ဈေးကွက်ရှိတယ်။ တရုတ်ပြည်နဲ့တော့ ပိုပြီး ဆက်ဆံရေး၊ ဆက်သွယ်ရေး ရှိပါတယ်။ စီးပွားရေးနဲ့ ပတ်သက်လို ဆက်ဆံတာ နေ့စဉ်နဲ့အမျှ ရှိပါတယ်။
မေး။ ။ လက်ရှိ “၀” ပြည်နယ်မှာ မူးယစ်ဆေးဝါး တိုက်ဖျက်ရေးကိစ္စနဲ့ ပတ်သက်ပြီး ဘာတွေလုပ်ဆောင် နေပါသလဲ။
ဖြေ။ ။ ကျနော်တို့က ၂၀၀၅ ခုနှစ် ကတည်းက “၀” ပြည်မှာ ဘိန်းစိုက်ပျိုးမှု လုံးဝ ပပျောက် သွားတယ်လေ။ ပြီးတော့ အရေးယူတယ်။ အသက် ၆၀ အောက် မူးယစ်သုံးစွဲသူ အားလုံးကို ဖမ်းတယ်။ ပထမ အနေနဲ့ ဘိန်းချက် စခန်းတွေကို ကျနော်တို့ သုံးနှစ်လောက် ဖျက်ခိုင်းတယ်။ ကျနော်တို့က ဘိန်းလည်း မစိုက်တော့ဘူးဗျာ၊ မထုတ်လုပ်တော့ဘူးဗျာ။ မဖြန့်ဖြူးတော့ဘူး၊ ရောင်းဝယ်ဖောက်ကားမှု မရှိတော့ဘူး။ တချို့က ဟိုပြည်ပက လာတဲ့ ဘိန်းတွေ ရှင်းရှင်းပြောမယ်ဗျာ၊ ကုန်သည်တွေက သံလွင်မြစ်ကြီးကနေ ခိုးလာရောင်းကြတာတော့ အနည်းအကျဉ်း ရှိတာပေါ့။ တွေ့ရင်တော့ ဖမ်းတယ်။ ထောင်ချတယ်။ မူးယစ်နဲ့ ပတ်သတ်ရင်တော့ ပြင်းပြင်းထန်ထန် အရေးယူတယ်။
မေး။ ။ ၂၀၁၅ ခုနှစ်မှာ ရွေးကောက်ပွဲဝင်ဖို့အတွက် တရားဝင် ပါတီထောင်ဖို့ကိစ္စရော စဉ်းစားနေပြီလား။
ဖြေ။ ။ မလျှောက်သေးဘူး။ အခုကျနော်တို့ “၀” အဖွဲ့က တရားဝင်ပါတီ မထောင်သေးဘူး၊ မလျှောက်သေးဘူး။ ကျနော်တို့ ပါတီက ရှိပြီးသား “၀” ပြည် သွေးစည်းညီညွတ်ရေးပါတီ။ အဲဒါကြောင့် ကျနော်တို့က အသစ် ထပ်ထောင်စရာ မလိုဘူး။ နောင်တော့ မသိဘူးပေါ့။ ကျနော်တို့ ဥက္ကဋ္ဌ ပြောဖူးတယ်။ ၂၀၀၈ ခုနှစ် ကတည်းက ဗိုလ်ချုပ်ရဲမြင့် ကျနော်တို့ကို ဒီ ရွေးကောက်ပွဲ ပါဝင်နိုင်ဖို့ ခင်ဗျားတို့ “၀” တရားဝင် ပါတီတခု လျှောက်ပါလား ဆိုတာ ကျနော်တို့ ဥက္ကဋ္ဌ ဖြေဖူးပါတယ်။ ကျနော်တို့ အခုလက်ရှိ ပါတီကိုပဲ အသိအမှတ်ပြုပါမယ်။ ကျနော်တို့ ဒီပါတီရော၊ နောက်ပါတီပါ ထပ်ထောင်ရင် ကမ္ဘာရော၊ မြန်မာပါ မျက်စိလည် သွားမယ်လေ။ အခုအထိ ကျနော်တို့က “၀” ပြည် သွေးစည်းညီညွတ်ရေး ပါတီကိုပဲ ဆက်လက် လုပ်ဆောင်သွားမယ်။ ကျနော်တို့ “၀” က ပါတီရှိတယ်ဗျာ။ “၀” ပြည် သွေးစည်းရေး ပါတီ၊ “၀” ပြည် သွေးစည်းရေး တပ်မတော်၊ “ ၀ ” ပြည်သူ့ အစိုးရဆိုပြီး ရှိပြီးပါပြီ။
မေး။ ။ ဒီပွဲကနေ အစိုးရကို ဘာတွေ တောင်းဆိုသွားမှာလဲ။
ဖြေ။ ။ ၁၉၉၃ ခုနှစ်က စတင်ကျင်းပခဲ့တဲ့ နိုင်ငံတော် ဖွဲ့စည်းပုံ အခြေခံဥပဒေ ရေးဆွဲရေး အမျိုးသားညီလာခံသို့ “၀” ပြည် သွေးစည်း ညီညွတ်ရေး တပ်မတော်က “၀” ကိုယ်စားလှယ်တွေ စေလွှတ်တော့ “၀” ပြည်နယ် ကိုယ်ပိုင် အုပ်ချုပ်ရေး ရရှိဖို့ စာနဲ့ အကြိမ်ကြိမ် တင်ပြတောင်းဆိုခဲ့ပါတယ်။ အခု ဒုတိယအကြိမ် ငြိမ်းချမ်းရေးကာလမှာ ငြိမ်းချမ်းရေး ဖော်ဆောင်မှု ဒုတိယဥက္ကဋ္ဌ ဦးအောင်မင်းတို့အဖွဲ့ကိုလည်း “၀” ပြည်နယ်ကို ကိုယ်ပိုင်အုပ်ချုပ်ရေး ပေးဖို့ ထပ်မံတင်ပြ တောင်းဆိုခဲ့ပါတယ်။ ယနေ့အထိ နိုင်ငံတော် အစိုးရ အနေနဲ့ “ ၀ ”ကိုယ်ပိုင် အုပ်ချုပ်ရေးရ တိုင်းအဆင့်ကိုပဲ သတ်မှတ် ပေးတဲ့အတွက် မိမိတို့ အနေနဲ့ “၀” ကိုယ်ပိုင် အုပ်ချုပ်ခွင့်ရပြည်နယ် ရရှိဖို့ ဆက်လက်ကြိုးပမ်း ဆောင်ရွက် သွားမှာပါ။ ကျနော်တို့ နောက်ဆုံး အချက်အနေနဲ့ မျှော်လင့်ချက်၊ ရည်မှန်းချက်က ကိုယ်ပိုင် အုပ်ချုပ်ရေး ပြည်နယ် ပေးဖို့ပါပဲ။ ဘာမှမတောင်းဘူး။
မေး။ ။ အခုကရော “၀” က ကိုယ်ပိုင်အုပ်ချုပ်ရေး နယ်မြေအဖြစ် သတ်မှတ်ထားပြီးတဲ့ အပေါ် ဘယ်လိုမြင်ပါသလဲ။
ဖြေ။ ။ အဲဒါကို ပြောရမယ်ဆိုရင်တော့ ဟိုတုန်းက ထုတ်ပြန် ကြေညာပြီးပါပြီ။ “၀” ကိုယ်ပိုင်အုပ်ချုပ်ရေးလို့ အစိုးရက အသိအမှတ် ပြုထားတာပေါ့နော်။ ကျနော်တို့ “၀” အနေနဲ့တော့ မည်သည့် ပါတီမဆို၊ မည်သည့် ပုဂ္ဂိုလ်မဆို “၀” ကိုယ်ပိုင်အုပ်ချုပ်ရေး ဆိုတာကိုတော့ အသိအမှတ်မပြုဘူး။ အစိုးရတော့ပေးပြီ။ ကျနော်တို့ တောင်းတာ “၀” ကိုယ်ပိုင် အုပ်ချုပ်ရေး ပြည်နယ်။ အစိုးရ ပေးတာက “၀” ကိုယ်ပိုင်အုပ်ချုပ်ရေး အတိုင်း ပေါ့နော်။ အဲဒီတော့ ကျနော်တို့လည်း ကိုယ်ပိုင် အုပ်ချုပ်ရေးပြည်နယ် ရဖို့အထိ ဆက်လက်ပြီးတော့ တောင်းဆိုသွားမှာပဲ။
မေး။ ။ အဲဒီ ကိုယ်ပိုင် အုပ်ချုပ်ရေးရဖို့အတွက် ဘယ်အရာက အဓိက ကျမယ်လို့ ထင်ပါသလဲ။
ဖြေ။ ။ အဓိကကတော့ သွေးစည်း ညီညွတ်ရေးပါပဲ။ တိုင်းရင်းသား ညီအစ်ကို မောင်နှမတွေ အားလုံးအတွက်ပေါ့။ အကြမ်းအားဖြင့်တော့ ဒီဆွေးနွေးပွဲက နားထောင်ဖို့ ကောင်းတာပါပဲ။ နိုင်ငံတော် အတွက်ရော၊ ကျနော်တို့ ဒီကချင်ပြည်နယ် တိုင်းရင်းသားတွေ၊ တိုင်းရင်းသားပါတီတွေ အားလုံးအတွက်တော့ ကျနော် နားထောင်တာ အားလုံးကောင်းတာပေါ့။ အလားအလာ ကောင်းတယ်။ ။
Ref: ဧရာဝတီ
Wednesday, March 20, 2013
နိုင်ငံရေးမှာ တပ်မတော်ဦးတည်မှုကဏ္ဍ ဖွဲ့စည်းပုံမှာ ပြင်ဆင်သင့်
ကိုသားညွန့်ဦး
20.03.2013
၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးအဆိုကို အာဏာရ ကြံ့ခိုင်ရေးပါတီက တင်သွင်းခဲ့တာဟာ အများ စိတ်ဝင်စား စရာ ဖြစ်လာပါတယ်။ ဒါပေမဲ့လည်း ဖွဲ့စည်းပုံပါ စစ်တပ်ရဲ့ လုပ်ပိုင်ခွင့်တွေကို တကယ်ပဲ လျှော့ချမလား။ လူ့အခွင့်အရေးနဲ့ ပတ်သက်လို့ အာမခံချက်တွေ တကယ်ပဲ တိုးလာမလား။ စိုးရိမ် သံသယတွေ ရှိနေတာ တွေ့ရပါတယ်။ AHRC အာရှ လူ့အခွင့်အရေးကော်မရှင်က လူ့အခွင့်အရေးရှေ့နေ ဦးမင်းလွင်ဦးရဲ့ အမြင်ကိုတော့ ကိုသားညွန့်ဦး က ဆက်သွယ်မေးမြန်း ထားပါတယ်။
မေး။ ။ ၂၀၀၈ ခုနှစ်တုန်းက စစ်အစိုးရ လက်ထက်မှာ ရေးဆွဲတာကို ခေတ်နဲ့ အညီ ပြန်ပြင်ဖို့ လိုအပ်တယ်လို့ ဆိုပါတယ်ခင်ဗျ။ အဲ့တော့ အခု ဒီမိုကရေစီ အရပ်သား အစိုးရ အနေနဲ့ ခေတ်နဲ့ ညီအောင်ဆိုရင် ဘယ်လို အချက်တွေကို ပြင်သင့်တယ်လို့ လူ့အခွင့်အရေးရှေ့နေတဦးဖြစ်တဲ့ ကိုမင်းလွင်ဦးရဲ့ အမြင်ပေါ့။
“ဒီ ၂၀၀၈ ဖွဲ့စည်းပုံ အခြေခံဥပဒေကို စပြောင်းမယ် ဆိုလို့ရှိရင် ပထမဆုံး အနေနဲ့ကတော့ ထိပ်ဆုံးမှာ ရှိတဲ့ အမျိုးသားနိုင်ငံရေး ဦးတည်မှု အခန်းကဏ္ဍတွင် တပ်မတော်က ပါဝင် ထမ်းဆောင်နိုင်ရေးကို အစဉ်တစိုက် ဦးတည်သည် ဆိုတဲ့ အချက်ကို စတင်ပြီးတော့ ပြောင်းရမှာဖြစ်ပါတယ်။ ဒီမိုကရေစီ နိုင်ငံတော်တွေကို တည်ထောင် တဲ့အခါမှာ တပ်မတော်က အစဉ်တစိုက် ဦးဆောင်တာ မဟုတ်ဘဲနဲ့ ပြည်သူတွေ ရဲ့ ရွေးချယ် တင်မြှောက်တဲ့ အစိုးရက အစဉ်တစိုက် ဦးဆောင် သွားတာဖြစ်တယ်။ မဖြစ်မနေ ပြောင်းလဲဖို့ လိုအပ်တဲ့ အချက်တွေ ၁၂ ချက်လောက်ရှိပါတယ်။”
“လွှတ်တော် ကိုယ်စားလှယ်တွေက ပြည်ထောင်စုဝန်ကြီး ဒါမှမဟုတ် ဒုတိယ၀န်ကြီး အဖြစ် ခန့်အပ်ထားခြင်းခံရ တယ်ဆိုရင် လွှတ်တော် ကိုယ်စားလှယ်အဖြစ်က နှုတ်ထွက်ပြီးသား ဖြစ် ရမယ်လို့ သတ်မှတ်ထားတယ်။ ဒါပေမဲ့လည်း ကာကွယ်ရေး၊ ပြည်ထဲရေးနဲ့ နယ်စပ်ရေးရာ ၀န်ကြီးဌာနအတွက် ခန့်အပ်ထားတဲ့ တပ်မတော်သား ကိုယ်စားလှယ်တွေကိုကျတော့ အငြိမ်းစားယူရန်၊ နှုတ်ထွက်ရန်မလို ဆိုပြီးတော့ သတ်မှတ်ထားပြန်တယ်။ အဲ့တော့ အဲ့ဒီတွေမှာ လွှတ်တော်ကိုယ်စားလှယ်တွေခြင်း တူလျက်သားနဲ့ အခွင့်အရေးတွေ မတူနေတာတွေကို ပြန်လည် ညှိနှိုင်းပေးဖို့ လိုပါတယ်။”
“နိုင်ငံတော်သမ္မတနဲ့ ဒုသမ္မတ က စစ်ရေးအမြင်ရှိရမယ်လို့ဆိုတယ်။ သို့သော်လည်း ကျနော်တို့ အခု လက်ရှိ ဖြစ်နေတဲ့အချိန်မှာ ပြန်ကြည့်လိုက်ပါ။ ဒုသမ္မတ ဦးစိုင်းမောက်ခမ်း က အရပ်သားအဖြစ်က တက်လာတဲ့သူ ဖြစ်တယ်။ ဒါတွေက အခြေခံဥပဒေနဲ့ကို အခု ကတည်းကကို မကိုက်ညီတဲ့ အချက်အလက်တွေ ဖြစ်တဲ့အတွက် အဲ့ဒီအချက်တွေပါ ကိုက်ညီအောင် ပြုပြင်ပြောင်းလဲဖို့ လိုအပ်တယ်လို့ ကျနော်မြင်ပါတယ်။”
မေး။ ။ ဟုတ်ကဲ့ လူ့အခွင့်အရေးထောင့်ကနေ ပြောလို့ရှိရင် လူ့အခွင့်အရေး တိုးတက်ကောင်းမွန် လာစေဖို့ဆိုရင်ပေါ့ ဖွဲ့စည်းပုံမှာ ဘယ်အချက်တွေက ပြင်ဖို့ လိုအပ်တယ်လို့ မြင်ပါသလဲ။
“နိုင်ငံသားတွေရဲ့ အခွင့်အရေး၊ တရားဥပဒေဆိုင်ရာ အခွင့်အရေး၊ ဥပဒေပိုင်း ဆိုင်ရာ အခွင့်အရေးတွေကို စာအုပ်မှာတင် ရေးထားတာမဟုတ်ဘဲနဲ့ အပြင်မှာ ထိထိရောက်ရောက် လိုက်နာ ကျင့်သုံးနိုင်တဲ့ အခြေအနေအထိရောက်အောင် ဆောင်ရွက်ပေးနိုင်တဲ့ အစိုးရတရပ် ပေါ်ပေါက်လာဖို့ လိုတယ်။ ဖွဲ့စည်းပုံ အခြေခံဥပဒေက နိုင်ငံတနိုင်ငံလုံးရဲ့ အမြင့်ဆုံး အထွတ်အထိပ် ဥပဒေဖြစ်တဲ့အတွက် ဖွဲ့စည်းပုံ အခြေခံဥပဒေပုံပါ စကားရပ် များနဲ့ ဆန့်ကျင်ကွဲလွဲခြင်း မရှိစေရဆိုတဲ့ အချက်အလက်မျိုးတွေ ထည့်သွင်းဖို့ လိုအပ် တယ်လို့ ကျနော်ကတော့ အကြံပြုချင်ပါတယ်။”
မေး။ ။ ၂၀၀၈ ခုနှစ် ဖွဲ့စည်းပုံဆိုတာကလည်း ဒီ ဗိုလ်ချုပ်တွေပဲ၊ နောက် ကြံ့ခိုင် ဖွံ့ဖြိုးရေး ပါတီကို ဦးဆောင်တဲ့ သူတွေ သူတို့ပဲ ကိုယ်တိုင် ရေးဆွဲခဲ့တာပါ။ အခုချိန်ကျတော့မှ ဘာကြောင့် ပြင်ဖို့ ကြိုးစားတယ်လို့ မြင်ပါသလဲ။
“နိုင်ငံတကာခရီးစဉ်တွေကို သွားတဲ့အခါမှာ နိုင်ငံတကာက နိုင်ငံတနိုင်ငံရဲ့ အုပ်ချုပ်တဲ့ အခါမှာ တရားဥပဒေ စိုးမိုးမှု ရှိ မရှိ၊ ဒီမိုကရေစီလမ်းကြောင်းကို တကယ် သွားနိုင်ခြင်း ရှိ မရှိ ဆိုတာတွေကို ဖွဲ့စည်းပုံ အခြေခံဥပဒေကို လေ့လာယုံနဲ့ သူတို့တွေ သိရှိသွားတယ်။ တပ်မတော်က ၂၅ ရာခိုင်နှုန်း ပါနေတာတွေရှိတယ်။ ဖွဲ့စည်းပုံ အခြေခံဥပဒေ ပြင်ဖို့ အတွက်ဆိုရင် ၇၅ ရာခိုင်နှုန်းကျော်က ထောက်ခံမှ ဒါ ပြင်ဆင်လို့ရမယ်ဆိုတဲ့ အချက် အလက်တွေက ဒီမိုကရေစီ နည်းလမ်းမကျဘူး ဆိုတာတွေကို သူတို့ကိုယ်တိုင်ကို နိုင်ငံခြား အစိုးရ ပညာရှင်တွေကလည်း ထောက်ပြလာတာတွေ တွေ့လာရတဲ့အချိန်မှာ ဒါ ပြင်ဖို့
ဖြစ်လာတယ်လို့ ကျနော်တို့ ထင်မြင်ယူဆပါတယ်။”
“နောက်တချက်က ၁ နှစ်ခွဲကာလအတွင်းမှာ အစိုးရသစ်အနေနဲ့ ပြင်ဆင်ထားတာတွေ အများကြီး တော်တော်များများရှိပါတယ်။ ဘာဖြစ်လို့လဲဆိုတော့ အရပ်ဘက်မှာရော၊ စစ်တပ်ဘက်မှာရော အုပ်ချုပ်ရေးပိုင်း အားလုံးကို သူတို့ဘက်က အခြေတကျ ပြင်ဆင် ထားပြီး ဖြစ်နေတဲ့အတွက် ဒါကြောင့်လည်း အခုလိုမျိုး ပြောတယ်လို့ ကျနော်တော့ ထင်မြင်ယူဆပါတယ်။”
မေး။ ။ ဟုတ်ကဲ့ တဘက်လှည့်တွေးမယ်ဆိုရင်တော့ အရင်ဖွဲ့စည်းပုံထဲမှာတော့ စစ်တပ်ရဲ့ ပါဝင်မှုက ကြီးပါတယ်။ အခု သူတို့ ဆန်းစစ်မယ် ပြင်မယ်ဆိုရင် စစ်တပ်ပါ ၀င်မှုက ခြေလှမ်း နောက်ဆုတ်သွားနိုင်တယ် ဆိုပြီးတော့ အကောင်းသဘော တွေးလို့ကော မရနိုင်ဘူးလား။ ဖြစ်လာနိုင်ချေပေါ့။
“တွေးလို့မရဘူးလားဆိုတာက ကာကွယ်ရေးနဲ့ လုံခြုံရေးကော်မတီမှာ ၁၁ ဦးရှိတဲ့ အထဲမှာ တကယ်တမ်း အဆုံးအဖြတ်ပေးနိုင်တဲ့ ၆ ဦးက စစ်တပ်က ဖြစ်နေတယ်။ ဒါတွေကို သူတို့ လျှော့ပေးမလား။ အဲ့ဒီလိုမျိုး လျှော့ပေးတယ်ဆိုရင်တော့ ဒါတကယ်ပဲ သဘောထား အစစ်အမှန်နဲ့ ပြောင်းလဲတယ်ဆိုတဲ့ အခြေအနေမျိုးလို့ ကျနော်တို့ တစိတ်တပိုင်း လက်ခံလို့ရတာပေါ့။”
ဖွဲ့စည်းပုံအခြေခံဥပဒေပြင်ဆင်မှုက စစ်တပ်ရဲ့ လုပ်ပိုင်ခွင့်ကို ဘယ်လိုများ ရိုက်ခတ်နိုင်မလဲ ဆိုတာ AHRC က ရှေ့နေ ဦးမင်းလွင်ဦး ကို ကိုသားညွန့်ဦး က ဆက်သွယ်မေးမြန်းခဲ့တာဖြစ်ပါတယ်။
Ref: VOA News
Tuesday, March 19, 2013
“ကောင်းတဲ့ ပယောဂ”သမား (သို့မဟုတ်) ဟန်ဝင်းအောင်
မေစစ်ပိုင်
March 18, 2013
လက်ပံတောင်းတောင် ကြေးနီစီမံကိန်း ဆန္ဒပြ လှုပ်ရှားမှု များတွင် နောက်ကွယ်မှ ကြိုးကိုင်နေပြီး ဒေါ်အောင်ဆန်းစုကြည် အား ဆန့်ကျင်နေသော ခေတ်သစ် ဦးစောဟု ဆိုရှယ်မီဒီယာ ဖေ့ဘွတ် စာမျက်နှာများတွင် စွပ်စွဲပြောဆိုနေကြသည့် နိုင်ငံရေး အကျဉ်းသား မိသားစုများ ကူညီစောင့်ရှောက်ရေး ကော်မတီမှ တာဝန်ခံ ကိုဟန်ဝင်းအောင်ကို အစီရင်ခံစာ အပေါ် သဘောထား၊ စွပ်စွဲမှုများအပေါ် ထင်မြင်ချက်၊ ရှေ့ဆက်လုပ်မည့် အနေအထားတို့အား ရန်ကုန် အခြေစိုက် ဧရာဝတီ သတင်းဌာန သတင်းထောက် မေစစ်ပိုင်မှ မေးမြန်း ထားပါသည်။
မေး။ ။ ဖေ့ဘွတ်ခ် စာမျက်နှာတွေထက်မှာ တချို့ ဘလော့တွေမှာ ကိုဟန်ဝင်းအောင်ကို ခေတ်သစ် ဦးစော လို့ ပြောနေကြတယ်၊ ဘယ်လိုမြင်ပါသလဲ။
ဖြေ။ ဒါဟာ စစ်အာဏာရှင်စနစ် ထောက်ခံပြီး စစ်အကျိုးစီးပွားကို လိုလားတဲ့ ထောက်လှမ်းရေး သမားတွေနဲ့ ဦးပိုင် ကုမ္ပဏီဘက်ကို လိုက်ပြောတဲ့ သူတွေက ပြောတဲ့ အပြောတွေလို့ ပဲ သတ်မှတ်ပါတယ်။ ဘာကြောင့်လဲ ဆိုတော့ အကြောင်းအရင်း အားလုံး မှားယွင်းနေတဲ့ အတွက်ကြောင့်ပါ။ ပထမ တချက်က ဒေါ်အောင်ဆန်းစုကြည် က တုံရွာ၊ ဆည်တည်းရွာ၊ မိုးကြိုး ပြင်ရွာတွေမှာ ဖြစ်ခဲ့တဲ့ ပြဿနာတွေက ကျနော် နောက်ကနေ ရှိနေတယ်လို့ ပြောတာ စွပ်စွဲပြောဆိုချက်တွေပါ။ အဲဒါဟာ ထောက်လှမ်းရေးနဲ့ ဦးပိုင် အလိုတော်ရိတွေက ပြောတယ်လို့ ယူဆပါတယ်။
မေး။ ။ ဖြစ်ခဲ့တဲ့ပြဿနာတွေက ကိုဟန်ဝင်းအောင် ကြိုးကိုင်နေတာ ဆိုပြီး ပြောနေကြတယ်။
ဖြေ။ ။ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ဒီမိုကရေစီ အရေးဆောင်ရွက်နေတဲ့ အင်အားစုတွေကို ထိခိုက်အောင် လုပ်ဆောင်ချင်တဲ့ စစ်ဘက် ထောက်လှမ်းရေးတွေရဲ့ ပြောဆိုချက်တွေပါ။ အသိပညာ နိမ့်ပါးတဲ့ သူတချို့ရဲ့ ဝေဖန်ချက်တွေပါ။ အဲ့အချိန်မှာ ကျနော် နိုင်ကျဉ်းက ကိုသက်ဦးနဲ့ ရွာတရွာမှာ ရှိနေခဲ့တာပါ။ ဒေါ်စုကို လမ်းဆင်းလျှောက်ပါ၊ ဓားမြှောင်နဲ့ ထိုးမယ်လို့ ကျနော်က ပြောတယ် ဆိုပြီး ပြောဆိုနေခဲ့ ကြပါတယ်။ တော်တော် အခြေအနေ ရှုပ်ထွေးပါတယ်။ ဒါဟာ ဝါဒဖြန့်တာ၊ ဒေါ်စုကိုလည်း သိက္ခာကျစေ၊ ကျနော့်ကိုလည်း သိက္ခာကျစေ ဆိုပြီး ကောလဟလ လွှင့်ခဲ့ကြတာပါ။ ဖြစ်နေနိုင်တာ တခုက စနစ်ကျသော အဖွဲ့အစည်းတွေနဲ့ နိုင်ငံရေး အဖွဲ့တချို့ ပါလာနေပြီ။ ဒီမိုကရေစီအရေးဆောင်ရွက်နေတဲ့ အင်အားစုတွေကို သွေးခွဲဖို့ အရေး လှုံ့ဆော်နေတဲ့ ကိစ္စတခုလို့ပဲ မြင်ပါတယ်။
မေး။ ။ ဆည်တည်းရွာမှာ ကိုဟန်ဝင်းအောင်တို့က ဒေါ်အောင်ဆန်းစုကြည်ကို ခြိမ်းခြောက်မှုတွေ လုပ်ခဲ့တယ် ဆိုတာကော ဟုတ်လား။။
ဖြေ။ ။ တကယ်တန်း ပြဿနာတွေ ဖြစ်တဲ့အချိန်မှာ ကျနော် နိုင်ငံရေး အကျဉ်းသားကော်မတီက ကိုသက်ဦး၊ ABSDF က ကိုရဲမြင့် အပါအဝင် တခြား နိုင်ငံရေးသမား အချို့နဲ့ ရွာလေး တရွာမှာ စကားပြောနေတာပါ။ ဒီလူတွေကို အချိန်မရွေး ဆက်သွယ်ပြီး မေးလို့လည်း ရတယ်။ ဆည်တည်းရွာမှာ ဖြစ်ပွားတဲ့ ကိစ္စက အဆိုတော် ကိုလင်းလင်းရဲ့ ဖေ့ဘုတ် စာမျက်နှာပေါ် တင်လိုက်တဲ့ အချက် အလက်ပေါ့ဗျာ။ ကျနော် အပါအဝင် ငါးယောက်က ဓားမြှောင်နဲ့ ထိုးဖို့ ဆိုပဲ။ အဲဒီအချိန်မှာ တခြား ရွာတရွာမှာ ရန်ကုန်က လာတဲ့ ဧည့်သည်တွေနဲ့ တွေ့နေတာပါ။ ဒေါ်အောင်ဆန်းစုကြည်က အင်မတန် ချစ်ခင်လေးစားစရာ ရေကာင်းပါတယ်။ တလှေတည်းစီး တခရီးတည်း သွားနေတဲ့ သူတွေပါ။ သဘောထား ကွဲလွဲစရာ ကန့်ကွက်စရာ မရှိဘူး။ ဒေသခံတွေကတော့ စိတ်ဒဏ်ရာတွေဖြစ်နေတော့ ထိထိရောက်ရောက် မဖြေရှင်းနိုင်တော့ စိတ်ကွက်မှုလေးတွေ ရှိတယ်။ ဒေါ်စုကို ကန့်ကွက်ခိုင်းတာ မဟုတ်ဘူး၊ ဦးပိုင် စီမံကိန်း ဖျက်သိမ်းရေး ကိုပဲ တောင်းဆိုကြတာပါ။ ဒေသခံတွေ ထဲက ဘယ်သူ့ကိုမဆို မေးနိုင်တယ်။ သူတို့ကို ကျနော်က ဓားနဲ့ထိုးမယ်ပြောတာ တကယ် သက်သေရှိသလား။
မေး။ ။ လက်ပန်းတောင်းတောင် ဆန္ဒပြမှု အစကတည်းက ဝင်ပါခဲ့တယ် မဟုတ်လား။
ဖြေ။ ။ ဟုတ်ပါတယ်၊ ဒီလို ပြောဆိုနေကြတဲ့အပေါ် ဝမ်းသာစွာ ကြိုဆိုပါတယ်။ နှစ် နှစ်ကျော် ကာလကြာ ပြည်သူတွေက ဘယ်သူမှ မသိဘဲ ဖိနှိပ် ခံခဲ့ရတာပါ။ မိုးကြိုး ဆာလဖျူလစ် အက်ဆစ် စက်ရုံ ဆိုတာလည်း နိုင်ငံတော် အဆင့်တွေက ဘယ်သူမှ ခွင့်ပြုချက် မရှိဘဲ ခိုးပြီး လုပ်နေကြတာတွေ ဖြစ်တယ်။ ပြည်သူတွေရဲ့ နစ်နာချက်ကို ကျနော် သိသိချင်း လက်ပံတောင်းကို သွားတယ်။ ဆန္ဒတွေ ထုတ်ဖော်မှုတွေ လုပ်ခဲ့တယ်။ ဟုတ်တယ်၊ အဲ့ဒါကို ကျနော်ဝန်ခံတယ်။ အပြစ်မဲ့ပြည်သူတွေဘက်က ဆန္ဒ ထုတ်ဖော်ရင်း ရပ်တည်မှာပါ။ ဖိနှိပ် ခံရတဲ့ပြည်သူဘက်က ရပ်တည်ခဲ့တာ ကျွန်တော် ဝန်ခံတယ်။
မေး။ ။ လက်ပံတောင်းတောင် အစီရင်ခံစာကို ဘယ်လိုမြင်ပါသလဲ။
ဖြေ။ ။ အစီရင်ခံစာက ဦးပိုင်ကို အပြီးအပိုင် ဖျက်သိမ်းအောင်တော့ မလုပ်နိုင်ပါဘူး။ ရက်ပေါင်းများစွာ ပြည်သူတွေရဲ့ လှုပ်ရှားမှုတွေကြောင့် နှစ်ပေါင်းများစွာ ဖိနှိပ် ခံခဲ့ရတာတွေကို ဖော်ထုတ်နိုင်ခဲ့တာကို ကြိုက်တယ်။ အနိုင်ကျင့် ခံနေရတဲ့အပေါ် သေချာ မဖြေရှင်းနိုင်သေးတာကိုတော့ ကျနော် အားမရသလို ဒီက ပြည်သူတွေလည်း အားမရဘူး။
မေး။ ။ ဆန္ဒပြမှုတွေက အရပ်ဘက်အဖွဲ့အစည်းတွေ ရောက်လာပြီးမှ စတင် ခဲ့ကြတယ်လို့ အစီရင်ခံစာမှာ ရေးသားထားတဲ့ အပေါ်ကိုရော ဘယ်လိုမြင်လဲ။
ဖြေ။ ။ အပြစ်တော့ သိပ်မပြောချင်ဘူး။ ဒေသကို သေချာ မရောက်ဘူးတဲ့ သူတွေကြောင့်လို့ပဲ ထင်ပါတယ်။ ဒေသခံတွေက သူတို့မြေတွေ စသိမ်းတယ် ဆိုကတည်းက ၁၂ ရက် ၁၂ လ ၂၀၁၀ ခုနှစ် ကတည်းက ဆန္ဒပြမှုတွေဖြစ်ခဲ့တာပါ။ ဘယ်နိုင်ငံရေး သမားမှ မရှိခင် ကတည်းကပါ။ ဘယ်သတင်းဌာန၊ ဘယ်နိုင်ငံရေး သမားမှ မပါဘူး။ ဦးပိုင်က ဖိနှိပ်တယ်၊ ဆားလင်းကြီး ရဲစခန်းက ဘာမှ မလုပ်ပေးဘူး။ ဒါကြောင့် ၈၈ ကျောင်းသား ကိုမျိုးသန့်က ဝက်မှေးရွာ က မသွဲ့သွဲ့ဝင်းတို့ နဲ့အတူ ကျနော့်ကို လာရောက် ကူညီပါဦးလို့ ဖိတ်ခေါ်တဲ့ အတွက်ကြောင့် လက်ပန်းတောင်း ကိုရောက်သွားခဲ့တာပါ။ ကျနော်ရောက်ခဲ့တဲ့ အချိန်မှာ ကိုမင်းကိုနိုင်တို့ ကိုဒီငြိမ်းလင်း တို့တွေ ရောက်ခဲ့ပြီးပြီ။ ဖိနှိပ်မှုတွေ ရှိခဲ့တဲ့အတွက် သူ့သဘာဝ အလျောက် ဆန္ဒ ထုတ်ဖော်မှုတွေဖြစ်တယ်။ ဒီမိုကရေစီ အင်အားစုတွေက ပြည်သူတွေဘက်က ရပ်တည် ခဲ့ကြတာဟာ ပယောဂ မဟုတ်ဘူး၊ ပယောဂ ဆိုရင်တောင် ကောင်းတဲ့ ပယောဂတခုပဲ ဖြစ်ခဲ့လိမ့်မယ်။ ကျနော်တို့ လှုပ်ရှားခဲ့ကြတယ် ဆိုတာ သံဃာတော်တွေကို မီးလောင်တိုက် သွင်းဖို့ မဟုတ်ဘူး။ ပြည်သူကို ဖိနှိပ်တဲ့ ဦးပိုင်စစ်ကုမ္ပဏီဘက်က မရပ်တည်ဘူး။ ဒီနေ့အချိန်ထိ တောက်လျှောက် ဒေသခံတွေနဲ့ အတူ တိုက်ပွဲ ဝင်နေကြတာပါ။ ဒါကို မကူညီသင့်ဘူးလား၊ မဆောင်ရွက်သင့်ဘူးလား။ ဒေသခံတွေက သိပ်နာကျင် လွန်းတာကြောင့် ဆန္ဒပြမှုတွေဖြစ်လာတာပါ။
မေး။ ။ ဆန္ဒပြမှုတွေကို ပြည်ပက နောက်ကွယ်က ထောက်ပံ့ပေးမှုတွေရှိနေတယ်လို့ သုံးသပ်ကြတဲ့ အပေါ်ကော။
ဖြေ။ ။ မိုးသီးဇွန်၊ ဒေါက်တာနိုင်အောင်၊ မခင်ဥမ္မာ၊ ဒေါက်တာကျော်သူ၊ ကိုဘိုကြည်တို့က ထောက်ပံ့တယ်လို့ ပြောနေကြတယ်။ ကျနော်ပြောမယ်၊ သူတို့နဲ့ ငါးပြားမှ မပတ်သက်ခဲ့ဘူး။ သူတို့ လုပ်ခိုင်းလို့ ဒီကိစ္စ ဖြစ်ရောလား။ မေးလို့ရတယ် ဖြေလို့ရတယ်။ စွပ်စွဲမှုတွေ ကြည့်လုပ်ကြဦး။
မေး။ ။ နောက်ထပ် လှုပ်ရှားမှုတွေရော ဆက်လုပ်သွားဖို့ ရှိလား။
ဖြေ။ ။ တိုက်ပွဲတွေမှာ တတ်နိုင်တဲ့ ဘက်က ကူညီဦးမှာပါ။ ဘယ်သူတွေ ကန့်ကွက် ဆန့်ကျင်ပါစေ၊ ဘယ်လိုပြောပြောပါ။ ကျနော် အဖိနှိပ်ခံ ပြည်သူဘက်က ဆက်ပြီး ရပ်တည်နေမှာပါ။ ။
Ref: ဧရာဝတီ
Wednesday, February 6, 2013
ဖုန်းဆင်းမ်ကတ်တွေ အိမ်တိုင်ရာရောက် အလကားပေးမယ်
တင်ဇာအောင်
အင်္ဂါနေ့၊ ဖေဖေါ်ဝါရီလ ၀၅ ရက် ၂၀၁၃
ဆက်သွယ်ရေးလုပ်ငန်းများ လုပ်ဆောင်နိုင်ရန် တင်ဒါစိစစ် ရွေးချယ်ရေး ကော်မတီက ဇန်နဝါရီလ ၁၅ ရက်တွင် တင်ဒါခေါ်ယူ ထားရာ Red Link ကုမ္ပဏီလည်း လျှောက်ထားလိုက်ပြီး လုပ်ငန်း လုပ်ဆောင်ခွင့် ရရှိမည် ဆိုပါက ဖုန်းဆင်းမ်ကတ် များကို အိမ်တိုင်ရာရောက် အခမဲ့ လိုက်လံဝေငှပေးမည်ဟု ကုမ္ပဏီ ဒုဥက္ကဋ္ဌ ဦးမင်းဆွေလှိုင်ကပြောဆိုသည်။
Red Link ၏ ဝေဖန်မှုခံနေရသော အင်တာနက် ဝန်ဆောင်မှု နှေးကွေးခြင်းကိုလည်း ဦးမင်းဆွေလှိုင်က ဝန်ခံပြောကြား လိုက်ပြီး ကိုယ်တိုင် ပင်လျှင် ကျေနပ်မှု မရှိဟု ဆိုသည်။ ကုမ္ပဏီ၏ ဥက္ကဋ္ဌဖြစ်သူမှာ လွှတ်တော်ဥက္ကဋ္ဌ ဦးရွှေမန်း၏ သားဖြစ်သူ ဦးတိုးနိုင်မန်းဖြစ်ရာ ယခုလအတွင်း ဆက်သွယ်ရေး ဝန်ထမ်းများနှင့် ဆက်သွယ်ရေး ဝန်ဆောင် လုပ်ငန်းများ လုပ်ဆောင်နေသည့် ကုမ္ပဏီများကို ခေါ်ယူစစ်ဆေးမှုများ ရှိနေသည် ဟူသည့် ထင်မြင်ချက်များနှင့် ပတ်သက်၍လည်း ဦးမင်းဆွေလှိုင်က ရှင်းလင်းထားသည်။
ဆက်သွယ်ရေး လုပ်ငန်းများတွင် ကြိုးနီစနစ် လွှမ်းမိုးနေသည်ဟုဝေဖန်လိုက်သူ Red Link ဒုဥက္ကဋ္ဌ ဦးမင်းဆွေလှိုင် ကို ၂ဝ၁၃ အရှေ့တောင်အာရှ အားကစားပြိုင်ပွဲတွင် အင်တာနက် သုံးစွဲသူများ အတွက် ဝန်ဆောင်မှုလုပ်ငန်းများ အတွက်ပြင်ဆင်နေမှု Red Link ကုမ္ပဏီနှင့်ဆက်သွယ်ရေး ဝန်ထမ်းတို့၏ ဆက်ဆံရေး အခြေအနေ တို့ကို မဇ္ဈိမက မေးမြန်း ထားခြင်းဖြစ်သည်။
ပထမဆုံး မေးချင်တာက ဖုန်းကဒ် ဈေးနှုန်းတွေနဲ့ ပတ်သတ်ပြီး လုပ်ငန်းရှင် တယောက်အနေနဲ့ ဘယ်လောက် ဖြစ်သင့်တယ်လို့ ထင်ပါသလဲ။
ဈေးနှုန်းက နိုင်ငံတကာဈေးပဲပေါ့။ နိုင်ငံတကာမှာ ဘယ်လောက်နဲ့ရောင်းသလဲ။ ဒီလောက်ပဲပေါ့။ ဈေးနှုန်းက သူများမှာ ရောင်းနိုင်ပြီး ကိုယ်က မရောင်းနိုင်ရင် တစ်ခုခု မှားလို့ပေါ့။ ပြည်သူကတော့ နိုင်ငံတကာ ဈေးအတိုင်း လိုချင်တာပေါ့။
အကယ်၍ပေါ့ Red Link က ဆက်သွယ်ရေး ၀န်ဆောင်မှုတွေ လုပ်ပိုင်ခွင့်ရမယ်ဆိုရင် Red Link အနေနဲ့ အများပြည်သူတွေ စိတ်ဝင်စားနေတဲ့ ဖုန်းကဒ်တွေကို ဘယ်ဈေးလောက်နဲ့ ရောင်းနိုင်မလဲဆိုတာ ပထမဆုံး မေးချင်တယ်။
ကျွန်တော်တို့က Zero Cost (အခမဲ့)တင် မဟုတ်ဘူး။ တစ်အိမ် တက်ဆင်း တံခါးခေါက်ပြီး ကျွန်တော်တို့ဟာ ဝယ်ပါလို့ သွားမှာပဲ။ အလကားပေးရုံတင် မကဘူး အိမ်အရောက် လာပေးမှာ။ မြို့ကြီးတွေမှာ ဆိုရင် ခြောက်လအတွင်းပေးနိုင် ပါတယ်။ တစ်နိုင်ငံလုံး ဆိုရင်တော့ တစ်နှစ်ခွဲ လောက်အတွင်း ပေးနိုင်ပါတယ်။ နှစ်နှစ် သုံးနှစ်လောက် အတွင်း အကုန်အပြီး ပေးနိုင်ပါတယ်။
Red Link က ဖုန်းကတ်ကို အခမဲ့ပေးမယ် ဆိုတော့ ဆိုတော့ ဝမ်းသာ စရာပါပ။ဲ ဒါပေမယ့် အခုRed Link က ဝန်ဆောင်မှုပေးနေတဲ့ အင်တာနက် သုံးစွဲခ ဈေးနှုန်းတွေက တော်တော် များနေတယ်လို့ဝေဖန် ကြပါတယ်။ အခုဖုံးကတ် ကိစ္စ ပြောလာတဲ့အခါမှာ လက်တွေ့ကော ဖြစ်နိုင်ရဲ့လား။
ဈေးများတယ်ဆိုတာ ကျွန်တော်တို့လည်း ဝန်ခံပါတယ်။ ကျွန်တော်တို့ မူကိုက Initial Price (ကနဦး ဈေးနှုန်း) ကို Zero(သုည)နဲ့ ပေးဖို့ ရည်ရွယ်ချက် ရှိတယ်။ ကျွန်တော်တို့ကလည်း အစိုးရက တောင်းဆို ထားတာတွေ ရှိပါတယ်။ ကျွန်တော်တို့ ကိုလည်း တစ်နိုင်ငံလုံး လုပ်ကိုင်ခွင့် လိုင်စင် ဒီနေ့သာပေးလိုက်။ မနက်ဖြန် ကျွန်တော်တို့ Initial Cost ကို Zero ပေးလို့ရတယ်။ အခုက Full (အပြည့်အဝ) လိုင်စင် မရှိသေးဘူး။
ကျွန်တော်တို့က ဆက်သွယ်ရေးအောက်၊ ရတနာပုံ တယ်လီပအောက်မှာ လုပ်နေရတာ ဆိုတော့ လွတ်လွတ် လပ်လပ် လုပ်ခွင့် မရသေးဘူး။ သူတို့ သတ်မှတ် ထားတာတွေ ရှိတယ်။ သူတို့ကို Sharing လုပ်နေရတာတွေ ရှိတယ်။ ဒါတွေကTransaction Cost တွေပဲ။ ဒါတွေက ပေးနေရတာပဲ။ ကိုယ်တို့ကို လုပ်ပိုင်ခွင့် သာပေးလိုက်မယ် ဆိုရင် မရှိတော့တဲ့ အတွက်နိုင်ငံတကာနှုန်းနဲ့ ရောင်းနိုင်ပါတယ်။
REd Link ရဲ့အင်တာနက် ၀န်ဆောင်မှုတွေ အပေါ်မှာလည်းတော်တော်လေး ဝေဖန်နေတာ တွေ့ရ ပါတယ်။ ဒီအပေါ်မှာကော ဘာတွေပြောချင် ပါသလဲ။
Service (ဝန်ဆောင်မှု) ကိုပြောမယ်ဆိုရင်တော့ ဒီService ကကျေနပ် ဖွယ်ရာ မရှိပါဘူး။ ကျွန်တော် ကိုယ်တိုင်လည်း မကျေနပ်ပါဘူး။
သုံးတဲ့သူကတော့ ကောင်းကောင်းသုံးချင်တာပဲ။ ဒါကို Service ပေးဖို့က ဝန်ဆောင်မှုပေးတဲ့ သူတွေမှာ တာဝန် ရှိပါတယ်။ ကျွန်တော်တို့က ကြားခံ ဖြစ်နေပါတယ်။ ဆက်သွယ်ရေးက Miss Management (လွဲချော်သည့် စီမံခန့်ခွဲမှု)နဲ့ မလုပ်ပေးနိုင်ရင် ကျွန်တော်တို့က အခက်အခဲတွေရှိပါတယ်။
ကျွန်တော်တို့ကို ပြည်သူနဲ့သာ တိုက်ရိုက် ချိတ်ဆက် ခွင့်ပေးလိုက်ရင် နိုင်ငံတကာနဲ့ ချိတ်ခွင့်ပေးရင် ကျွန်တော်တို့ အကောင်းဆုံး Quality (အရည်အသွေး) ပေးနိုင်ပါတယ်။ ဝေဖန်နေတာလည်း တကယ် မကောင်းလို့ဆိုတာ လက်ခံပါတယ်။
ကျွန်တော်တို့မှာလည်း Limitation (အကန့်အသတ်တွေ) ရှိတယ်။
ဒါဆို အင်တာနက် အမြန်နှုန်းတွေကောင်းဖို့ ကောဘာတွေ လုပ်ဖို့ လိုမယ်ထင်လဲ။
လိုအပ်တာက ပုဂ္ဂလိက ဆန်ဆန် အားလုံးကလုပ်မှရမယ်။ ကြိုးနီစနစ်၊ ဗျူရိုကရေစီစနစ် မရှိမှရမယ်။ ဒီလုပ်ငန်းက မိနစ်နဲ့အမျှ နည်းပညာကို ပြောင်းလဲနိုင်ရမယ်။ နောက်တစ်ချက်ကဈေးကွက် ကို ယုံယုံကြည်ကြည်နဲ့ ဖွင့်ပေးစေချင်တယ်။
ဆက်သွယ်ရေးနဲ့ ပတ်သတ်တဲ့ Mobil Project တွေမှာ Red Link အနေနဲ့ ဘာကြောင့်များ ၀င်မပါ ဖြစ်တာလဲ။
Red Link အနေနဲ့ အစည်းအဝေးတွေ တက်ခဲ့တယ်။ သူတို့ရဲ့ ငွေကြေးတွက်ချက်မှုမှာ Per line Cost က နိုင်ငံတကာနဲ့ယှဉ်ရင် သုံးဆလောက်များနေတယ်။ အဲဒါကြောင့်ကျွန်တော်တို့က အဲဒီပရောဂျက်ပေါ်မှာ ယုံကြည်မှု မရှိလို့ မပါခဲ့ပါဘူး။ ဒီလို သန်းခြောက်ဆယ်သော ပြည်သူအတွက် စဉ်းစားတဲ့ National Level ပရောဂျက်ကို စဉ်းစား တာပညာရှင် ပါကိုပါရမယ်။ စီးပွားရေးပညာရှင်၊ နည်းပညာ ပညာရှင် ပါရမယ်။ ဒါတွေမပါဘဲ အင်ဂျင်နီယာ တစ်ယောက် ဆွဲခဲ့တာလေးကို နေရှင်နယ်ပရောဂျက်အဖြစ် ဆွဲခဲ့တာကိုက မှားတယ်လို့ ကျွန်တော်တို့ကယူဆတယ်။ နောင်တစ်ချိန်လုပ်တဲ့ ပရောဂျက်တွေ ဆိုရင်တော့ နားလည်တဲ့ ပညာရှင်တွေ၊ စီးပွားရေး ပညာရှင်တွေ၊ နိုင်ငံတကာ နဲ့ ဆက်ဆံလုပ်ကိုင်နေတဲ့သူတွေ ဖိတ်ခေါ်သင့်တယ်။ အဲဒီတုန်းက ပရောဂျက် ဏူညေက တစ်နှစ်တစ်လကြာရင် မြတ်မယ်ဆိုခဲ့တယ်။ ဒီလို မြတ်တယ်ဆိုတာပုံမှန် စီးပွားရေးမှာ မမြတ်ပါဘူး။ဘိန်းရောင်းမှပဲ မြတ်မယ်။
အခုကတော့ ဈေးနှုန်းကိစ္စမှာ တော်တော်လေး ပြဿနာတွေဖြစ်တယ်လည်းကြားပါတယ်။
ဒီကိစ္စမှာ ဆက်သွယ်ရေးနဲ့ နီးစပ်တဲ့ ကုမဏီတွေကိုလည်း စစ်ဆေးနေတယ်လို့ ကြားပါတယ်။ Red Link ကုမဏီ ကောပါဝင်ပါလား။
ကျွန်တော်တို့ကတော့ အစစ်မခံရတဲ့အတွက် သေချာမသိပါဘူး။စစ်ဆေးခံရတာကိုတော့ ဘာမှန်းမသိဘူး။ ကျွန်တော် တို့ကလည်း ဘာမှပတ်သက်ထားခြင်း မရှိပါဘူး။ ရှုပ်ထွေးမှုရှိတယ်လို့ ယူဆလို့ပါ။ ကျွန်တော်တို့က အော်ပရေတာပဲ လုပ်ချင်တယ်။
အခုဆို ဆက်သွယ်ရေး ၀န်ကြီးလဲ အပြောင်းအလဲ ဖြစ်သွားပြီ။ ဒီအပြောင်းအလဲ အပေါ်မှာအကောင်း ဘက်က ဘာမျှော်လင့်လို့ ရနိုင်မယ်လို့ ထင်ပါသလဲ။
ကောင်းသော အပြောင်းအလဲပဲ မျှော်လင့်ပါတယ်။ ကြားရတာကတော့ ပြည်တွင်း လုပ်ငန်းရှင်တွေကိုလည်း ဦးစားပေးချင်တယ်လို့ သမ္မတကြီးက ညွှန်ကြားထားတာ ရှိတယ်လို့ ကြားပါတယ်။ ကြိုဆိုပါတယ်။ ပြည်တွင်းမှာလည်း တကယ် မတတ်ဘဲနဲ့ လုပ်နေတဲ့ ပညာရှင်တွေ ကြီးစိုး သွားမှာကို ကျွန်တော်တို့က မလိုလားပါဘူး။ ကျွန်တော်တို့လည်း ပညာရှင်ဘဝကနေ တစ်ဆင့်ချင်း တက်လာတာပါ။ ကျွန်တော်တို့ဆိုလည်း တစ်ကျပ်တစ်ပြားကအစ စိစစ်ပြီး လုပ်ကိုင်မှ ဒီလိုလုပ်ငန်းမျိုးက လုပ်နိုင်တာပါ။ တစ်ကျပ်ရင်း တစ်ဆယ်မြတ်တဲ့ လုပ်ငန်းမဟုတ်ပါဘူး။ ကျွမ်းကျင်တဲ့ ပညာရှင်တွေ မပါဘဲနဲ့ လုပ်နိုင်တဲ့လုပ်ငန်းမဟုတ်ပါဘူး။
ဆက်သွယ်ရေး လုပ်ငန်း လုပ်ကိုင်မဲ့ ကုမဏီ နှစ်ခုရှိပြီးပြီပေါ့။ ရတနာပုံ တယ်လီပို့နဲ့ မြန်မာ့ဆက်သွယ်ရေး ပေါ့ ။ နောက်နှစ်ခုကိုလဲ ထပ်ခေါ်ထားတော့ လေးခုပေါ့။ လေးခုတင် လုံလောက်မယ်လို့ ထင်ပါသလား။
အိုင်ဒီယာမျိုးစုံပေါ့။ မိုဘိုင်းအော်ပရေတာ ကမ္ဘာပေါ်မှာ အများကြီး Survive မဖြစ်တော့ဘူး။ လေးခုဆိုတာ လုံလောက်တယ် ပြောလို့ရတယ်။ ဒါပေမယ့် အခြေအနေပေါ်မှာမူတည်တာပေါ့။ ကျွန်တော့်အမြင်တော့ စပေးတာက လေးခုထက်မကပေးသင့်တယ်ထင်တယ်။ ပြုတ်သွားနိုင်တာ ရှိသေးတာကိုး။
Sea Game မှာ ၀ိုင်ဖိုင်လွှင့်ခွင့် ကို Red Link က ရတယ်လို့ သိရပါတယ်။
အဲဒီမှာ ကျွန်တော်တို့ စကားအသုံးအနှုန်းကိုတော့ နည်းနည်း စိတ်မကောင်းဖြစ်မိ ပါတယ်။ လုပ်ခွင့် ရတယ်လို့ ပြောလိုက်တော့ ကျွန်တော်တို့က လုပ်ပိုင်ခွင့်ရသလို ဖြစ်နေတယ်။ အခုဟာက ကျွန်တော်တို့က Sea Game မှာ ၀ိုင်ဖိုင် သုံးလို့ရအောင် အခမဲ့ လှူတာ။ အခုကဆက်သွယ်ရေးဘက်က ပြောတာက Red Link ကို လုပ်ပိုင်ခွင့် ပေးတယ်ဆိုတော့ ကျွန်တော်တို့က ပြောရရင်ရွှေတိဂုံမှာ ရွှေသင်္ကန်းကပ်ဖို့ လှူတာကို ရွှေသင်္ကန်းကပ်ခွင့် လိုင်စင် ပေးလိုက်သလို ဖြစ်နေတယ်။ နားမလည်လို့ ပြောတာလည်းဖြစ်မှာပါ။ ကျွန်တော်တို့က ၂ဝ၁၃ Sea Game မှာ ဒီတိုင်းပြည်မှာ လုပ်လို့ Contribute လုပ်လို့ Free စပွန်စာ ပေးတာ၊ကုမ္ပဏီပေါင်း ၅ဝ လောက် ဝင်ပြိုင်တဲ့အထဲမှာမှ ကျွန်တော်တို့တစ်ဦးတည်း ရခဲ့တာ။ အမှန်တကယ်က ကျွန်တော်တို့ တစ်ဦးတည်းပဲ။ ဒါပေမယ့် နိုင်ငံတော် အကြီးအကဲတွေက တစ်ဦးမဟုတ်ဘူး။ နှစ်ဦးပေးပါဆိုလို့ Sky net ပါ ပါလာတယ်။ ကျွန်တော်တို့က ကျွန်တော်တို့ Brand ကို ၂ဝ၁၃ Sea Game နဲ့ အတူ ကြော်ငြာမယ်။ လုပ်ပိုင်ခွင့်ပေးတယ် ဆိုတော့ အများပြည်သူတွေအမြင်မှာ Red Link ကခရိုနီတွေတော့ ရပြန်ပြီ ထင်မှာပေါ့။
တကယ်တော့ မဟုတ်ပါဘူး။ ကျွန်တော်တို့က Contribute လုပ်တာပါ။ကျွန်တော်တို့က လှူဒါန်းတာပေါ့။ လှူဒါန်းတဲ့ ပမာဏနဲ့ညီတဲ့ ကြော်ငြာခွင့်တော့ ကျွန်တော်တို့ကို အားကစားဝန်ကြီးဌာနက ပြန်ပေးမှာပေါ့။
ဘယ်နေရာတွေမှာ ၀န်ဆောင်မှု ပေးမှာပါလဲ။
ကျွန်တော်တို့ ရထားတာကမြန်မာနိုင်ငံအောက်ပိုင်းအတွက် ရထားပါတယ်။ ရန်ကုန်၊ ပုသိမ် (ငွေဆောင်)ပေါ့။ အဲဒီမှာ ကျွန်တော်တို့ Wifi Hotspot တွေ လွှင့်ပေးမယ်။
ကျွန်တော်တို့က ဒီကာလမှာfree ပေးချင်တဲ့ ရည်ရွယ်ချက်ရှိတယ်။ မူချထားတာကလည်း free ပါ။ ကျွန်တော်တို့ ဒီမှာပါဝင်ဖို့လည်း တကယ်ကို ယှဉ်ပြိုင်ခဲ့ရတာပါ။ ဒါကြောင့် Local ကုမ္ပဏီတစ်ခုအနေနဲ့ လုပ်ကိုင်ခွင့်ရတာကို ဂုဏ်ယူပါတယ်။
အမြန်နှုန်းကိုရော ဘယ်လိုများ အကောင်းဆုံးဖြစ်အောင် စီစဉ်ပေးမှာပါလဲ။
အဲဒီကိစ္စကိုလည်း ကျွန်တော်တို့ ဒုဝန်ကြီး ဦးသောင်းတင်ကို သွားတွေ့ဖို့ စီစဉ်ထားပါတယ်။ သူကလည်း အင်တာနက် မြန်ဆန်ရေးကိုတော်တော်လေး အာရုံစိုက်နေတယ်။ကျွန်တော်တို့ကလည်း အင်ဂျင်နီယာတွေ Technician တွေ ဖြစ်တဲ့အတွက် သူ့ကိုလည်း အကောင်းဆုံးအကြံဥာဏ်တွေ ပေးမယ်။ အဓိကကတော့ ဒီမှာက ပစ္စည်းတွေလည်း ရှိတယ်။ Bandwidth တွေလည်းရှိတယ်။ ဒါပေမဲ့ Fully Utilized မလုပ်နိုင်ဘူး။ Poor Management ဖြစ်နေတယ်။
Poor Management ကဘာတွေကို ရည်ရွယ်ပါသလဲ။
Poor Management ကအစိုးရ ဝန်ကြီးဌာနက ဝန်ထမ်းတွေကိုင်တွယ်တဲ့အတွက် limitation တွေရှိမှာပေါ့။ lack of Technical Knowledge ပေါ့ ။ နောက်တစ်ခုက ဗျူရိုကရေစီစနစ်တွေ ရှိကောင်းရှိနိုင်တယ်။ အိုင်တီသမားက Configuration တစ်ခု ပြောင်းဖို့အတွက်ကိုအထက်ကို စာတင်ရတယ်။ အထက်က ခွင့်ပြုမှဆိုရင် အထက်ကလည်း နားလည်ချင်မှ နားလည်မယ်။ ကိုယ့်ရဲ့တာဝန်က မြန်ဆန်ဖို့ ဆိုတာကိုကိုင်တွယ်တဲ့လူက နားလည်ဖို့လိုတယ်။ မမြန်သေးသရွေ့ ငါမှားနေတယ်ဆိုတာ သိရမယ်။ ငါမလုပ်နိုင်လည်း ငါထွက်မယ်ဆိုတဲ့ စိတ်ဓါတ်ကို ဒီဝန်ကြီးဌာနမှာ ရှိတဲ့ အင်ဂျင်နီယာ level အထိက ရှိမှ ပြည်သူ ဗဟိုပြု ဆားဗစ်ကို သွားလို့ရမယ်။
ပြည်သူ ဗဟိုပြု တကယ်သွားချင်ရင်တော့ Mindset ကို ပြောင်းရမယ်။ ပြည်သူက နှေးနေ ပါတယ်လို့ ပြောတာကို လက်ခံ ပြီးတော့ ငါဘယ်လိုမြန်အောင် လုပ်ရမလဲဆိုတာ ပြောင်းဖို့ လိုနေပြီ။ အဲဒါကိုလည်း ဒုဝန်ကြီး ဦးသောင်းတင်ကို ပြောထားပါတယ်။ သူလည်း ကြိုးစားနေတယ်။
အခုဒီအပြောင်းအလဲမှာတော့ ကောင်းသွားနိုင်တယ်လို့ ယူဆပါတယ်။ ဒါပေမယ့်လည်း စောင့်ကြည့် ရမှာပေါ့။
Sea Game အမြန်နှုန်းနဲ့ ပတ်သတ်ပြီး ဘယ်လောက် ပမာဏအတွင်း ပေးရမယ်လို့ သတ်မှတ်ထားတာ ရှိပါသလဲ။
Sea Game မှာ လိုအပ်တာက Bandwith နဲ့သုံးတဲ့ အနေအထား ညီမျှဖို့ပါ။ ဒါပေမယ့် Bandwith ကပြဿနာ မရှိပါဘူး။ လိုတာကတော့ Poor Management မဖြစ်ဖို့ပါ။ ကျွန်တော်တို့ အမြဲတမ်းပြောထားတာ ရှိပါတယ်။ အင်တာနက် မြန်ဖို့ဆိုရင် ပညာရှင်ကို နိုင်ငံခြားက ခေါ်စရာ မလိုပါဘူး။ ပြည်တွင်းမှာရှိတဲ့ ပညာရှင် လက်ထဲကို တစ်ရက်လောက်ပဲပေးထည့်လိုက်ပါ။ မြန်လာ ပါလိမ့်မယ်။ အခုလက်ရှိ တစ်နိုင်ငံလုံး သုံးနေတဲ့ Bandwith က 14 G ဆိုတော့ ကျွန်တော်တို့ မှန်းတာကနောက်ထပ် 10 G အထက်တော့ လိုပါလိမ့်မယ်။ တကယ့်ကို Hight Speed နဲ့ သွားမယ်ဆိုရင်ပေါ့။ လာအိုမှာဆိုရင် Sea Game မတိုင်မီနဲ့ Sea Game အတွင်းမှာ Bandwith ကို သုံးဆ ချဲ့တယ်။
Sea Game မှာ ၀ိုင်ဖိုင်ပေးခွင့်ရတာက အရင်ဆက်သွယ်ရေး ၀န်ကြီး လက်ထက်က လုပ်ခဲ့တာပါလား။
အဲဒါက တင်ဒါရွေးချယ်ရေးအဖွဲ့ဆိုတာရှိပါတယ်။ အဲဒီမှာ ဒုဝန်ကြီး ဦးသောင်းတင်က ဒုဥက္ကဋ္ဌအနေနဲ့ လုပ်တာပါ။ အရင်ဝန်ကြီးနဲ့ မဆိုင်ပါဘူး။ လက်ရှိ ပြည်တွင်းမှာ သုံးနေရတာက ရှိနေတဲ့ Bandwith ထက်စာရင်နှေးတယ်လို့ ပြောနိုင်ပါသလား။ Gateway မှာ ရှိတဲ့ Management က တော်တော်လေးကို အားနည်းနေတယ် ဆိုနိုင်ပါတယ်။ လက်ရှိသုံးတဲ့ အနေအထားနဲ့ဆို 14Gက လုံလောက်ပါတယ်။ ဒါပေမယ့် မိုဘိုင်းသုံးတဲ့ User များနေတယ် ဆိုရင်တော့ မလုံလောက်ဘူးပေါ့။ ကျွန်တော်တို့ Red Link Subscriber တွေဆိုရင်လည်းတော်တော်ကို ကြာပါတယ်။ အဲဒီတော့ Bandwith မရှိရင်ကျွန်တော်တို့က အရောင်း ခဏရပ်၊ရှိမှ ပြန်ရောင်း အဲဒီလို လုပ်နေရတယ်။
နောက်ဆုံးမေးခွန်းပါ ဆက်သွယ်ရေး ဥပဒေကြမ်းအပေါ် ဘယ်လို အမြင်ရှိပါသလဲ။
လက်ရှိဥပဒေကို ဝန်ကြီးကို လုပ်ပိုင်ခွင့်ပေးလွန်းတာကို ထောက်ပြ ထားတယ်။ နောက်တစ်ခုက နိုင်ငံတကာ နဲ့ ချိတ်ဆက်တဲ့ အပိုင်းမှာ အားလုံးကို ဆက်သွယ်ရေးက ကိုင်ထားတော့ ကြိုးနီ စနစ် ဆန်တယ်လို့ ထောက်ပြချင်ပါတယ်။
Ref: မဇ္ဈိမ
Wednesday, January 16, 2013
“ကချင်ကို ဒီလောက်တိုက်ရတာ ဘာကြောင့်လဲ၊ ဘာစိတ်မကျေနပ်တာ ရှိလဲ”
ဖနိဒါ
အင်္ဂါနေ့၊ ဇန်နဝါရီလ ၁၅ ရက် ၂၀၁၃
ချင်းမိုင်(မဇ္စျိမ)။ ။ ၁၉၄၇ ခုနှစ်က ပင်လုံစာချုပ် ချုပ်ဆိုရာတွင် ဦးဆောင်ခဲ့သူ ဟိုဝါး ဒူဝါ ခွန်ဖုန်း Howa Duwa M.Hkun Hpung ၏ သား ဟိုဝါး ဒူဝါဇော်ဂမ် Howa Duwa Zau Gam အား ကချင်ပြည်နယ် ငြိမ်းချမ်းရေးနှင့် ပတ်သက်၍ ၎င်း၏ အမြင်များကို သိရှိနိုင်ရန် မဇ္စျိမက ဆက်သွယ် မေးမြန်းခဲ့သည်။
ဒုတိယ ကမ္ဘာစစ်အတွင်း မဟာမိတ်အဖွဲ့တွင် ပါဝင်တိုက်ခိုက်ခဲ့သူ ဟိုဝါး ဒူဝါဇော်ဂမ်မှာ ယခု အသက် ၈၅ နှစ်ရှိပြီဖြစ်ပြီး မြစ်ကြီးနားမြို့၊ စီတာပူ ရပ်ကွက်တွင် ဘာသာရေး လုပ်ငန်းများ ဆောင်ရွက်နေထိုင်လျက် ရှိသည်။
KIO နဲ့ အစိုးရ တိုက်ပွဲတွေနဲ့ ပတ်သက်လို့ ဘာတွေ ကြားနေရလဲ။
ဖြေ။ ။ တိုက်ပွဲတွေ ရပ်စဲသွားမယ်လို့ ကျနော်ကြားရလို့ ကျနော် ဝမ်းသာတယ်။ အသံလိုင်း သတင်းတွေမှာ ကြားရတာက အခု ဆွေးနွေးမှုတွေမှာ UNFC ကနေ အဆို တင်သွင်းမယ် ဆိုတာ ကြားရလို့ ဝမ်းသာတယ်။ ဒါမှမဟုတ်ရင် ရေရှည် တိုက်ပွဲ ဖြစ်နေမှာပဲ။ အခုက လူမျိုးရေး တိုက်ပွဲဖြစ်နေသလို ကျနော်တို့ ခံစားရတယ်။
တိုက်ပွဲတွေက တနှစ်နဲ့ ရှစ်လကျော်လာပြီ။ ဒီတိုက်ပွဲများက ဘာကြောင့် ဖြစ်ပေါ် ခဲ့တယ်လို့ ပြောလို့ရလဲရှင်။
ဖြေ။ ။ ခုတိုက်ပွဲတွေက ပြည်သူလူထု နာနေကြတယ်။ ခေါင်းဆောင်ပိုင်းမှာ စီမံ ခန့်ခွဲတဲ့နေရာမှာ လွဲမှားနေတယ်လို့ ကျနော်မြင်ရတယ်လေ။ အကောင်းဆုံးက စားပွဲပေါ်မှာ ဘာမကျေနပ်တာရှိလဲ၊ ကချင်ကို ဒီလောက် တိုက်ရတာ ဘာကြောင့်လဲ၊ ဘာစိတ် မကျေနပ်တာ ရှိလဲ၊ ဘာမှားတာ ရှိလဲ၊ ဘာအပြစ်ရှိလဲ။ အဲဒါမျိုးတွေ မေးရမှာ။ အခု ကျနော်တို့ သိသလောက် နယ်ခြားစောင့် တပ်ကို လက်မခံလို့ တိုက်တယ်လို့ ပြောတယ်။ အဲဒီဟာကိုလည်း ဘာဖြစ်လို့ နယ်ခြား စောင့်တပ်ကို ဖွဲ့ရသလဲ၊ အဲဒါ မဖွဲ့ရော ဘာဖြစ်လဲ ဆိုတာကို အဖြေရှာရင် ကျနော်တို့ ပြည်သူလူထုတောင် အဖြေ ပေးနိုင်ပါတယ်။ အဲဒါ ပြောချင်တယ်။ ဒီငြိမ်းချမ်းရေး အကြောင်းက ဖြည်းဖြည်းဆွေးနွေးလို့ ရတယ်။
ဒူဝါ အနေနဲ့ ဒီတိုက်ပွဲတွေ ရပ်ဆိုင်းသွားဖို့ နှစ်ဖက်စလုံးကို ဘာအကြံပြုချင်လဲ။
ဖြေ။ ။ ကျနော်တို့ ဆွေးနွေးရမယ်။ ပြေလည်အောင် ဆွေးနွေးပေးရမှာပေါ့။ အမိန့်ချလို့ မရဘူး။ တဖက်စောင်းဖြစ်မှာ စိုးလို့ မပြောချင်ဘူး။ ဒါကြောင့် ကျနော့်ကို ဘယ်သူဖြစ်ဖြစ် ခေါ်ပါ။ ကျနော်က အဆင်သင့် ရှိပါတယ်။ အတတ်နိုင်ဆုံး ညှိနှိုင်းမှာပါ။
ခုနောက်ပိုင်း ပင်လုံစာချုပ်ကိစ္စကို သိပ်ပြောဆိုလာတာ မရှိဘူး။ အဲဒီအပေါ် ဒူဝါအနေနဲ့ ဘာပြောချင်လဲ။
ဖြေ။ ။ ကျနော့်အမြင်က ထာဝရ ငြိမ်းချမ်းရေး ရဖို့အရေးဆိုတာက အဲဒီ ပင်လုံ စာချုပ် ကနေ ပြန်စရင် ကောင်းမယ်နော်။ ကျနော် အခု စာတွေ ဖတ်နေတဲ့အခါ ပင်လုံစာချုပ် ချုပ်တုန်းက လူမျိုး၊ ဘာသာ၊ အဆင့်အတန်းမရွေး စုစည်းပြီး ငြိမ်းချမ်းရေး အတွက် လုပ်တာ။ ကျနော်တို့ အဲဒီလို အစည်းအဝေးလို ဖြစ်မှကောင်းမှာပါ။
ပင်လုံစာချုပ်ကို ဗိုလ်ချုပ်အောင်ဆန်းနဲ့အတူ တိုင်းရင်းသားတွေက ပင်လုံစာချုပ်ကို ရိုသေတယ်။ လေးစား၊ လိုက်နာတယ်ဆို လက်ခံ ထားတယ်။ မဖျက်ချင်ဘူး။ ကောင်းတယ်ဆိုတာ လက်ခံထားတယ်။ ဒါပေမယ့် အခုလက်ရှိ အစိုးရက ပင်လုံစာချုပ်ကို သိပ်ဂရု မစိုက်ဘူး ဆိုရင်တော့ ဆောရီးပဲလို့ ပြောရမှာပေါ့။ ဒီစာချုပ်ကို ဖျက်လိုက်မယ် ဆိုရင်၊ အလေးမပြုဘူးဆိုရင် ကျနော်တို့လည်း ဝမ်းနည်းစွာ ဆုတ်ခွာရမှာ ဖြစ်တယ်။ ပေါင်းချင်လျက်သားနဲ့ မပေါင်းနိုင်အောင် လုပ်တာက ပေါင်းဖို့ မလိုဘူး၊ လူမျိုးပြုန်းတီးအောင်လုပ် ဆိုတဲ့သဘော သက်ရောက်တာကို မြင်ရတယ်။ ဝမ်းနည်းတယ်။ ဒါကြောင့် ဒီပင်လုံစာချုပ်နဲ့ ပတ်သက်လို့ ကျနော်ပြောစရာတွေ အများကြီးရှိပါတယ်။
အခုက အောက်ခြေ ရာဇဝင်ကို၊ ပြည်တွင်း အစဖြစ်လာတဲ့ ရာဇဝင်ကို ကောင်းကောင်း နားမလည်ဘဲ အပေါ်ယံ လိုချင်တာပဲ လုပ်သွားရင်တော့ မှားသွားမယ်လေ။ အဲဒါကို ကျနော်ကတော့ နိုင်ငံရေးအရ ကျနော့်အဖေက နိုင်ငံရေး လုပ်ခဲ့တဲ့ လူဖြစ်တော့ သူပြောပြတာ အကုန်လုံး မှတ်ထားတာ ရှိတယ်။ “ငါတို့ ပင်လုံမှာ လက်နဲ့ ထိုးထားတဲ့ဟာကို မင်းတို့ သားသမီးတွေ၊ နောင်လာနောက်သားတွေက ခြေထောက်နဲ့ မဖျက်နဲ့” လို့ နှစ်ခါတောင် ပြောထားတာ ရှိတယ်လေ။ ဒါကြောင့် ကျနော်က အမြဲတမ်း ဘယ်သူ့ကိုမဆို ပြောပြတယ်။
ဒေါ်အောင်ဆန်းစုကြည်က ကချင်တိုက်ပွဲကိစ္စတွေမှာ ဘာမှ ပြောဆိုလာတာ မရှိတဲ့အပေါ်မှာရော ဒူဝါအနေနဲ့ ဘယ်လို သုံးသပ်လို့ ရမလဲ။
ဖြေ။ ။ ကာတွန်းတခုမှာ တွန်းလှည်းမှာ ဦးသိန်းစိန်က သူ့ကို တွန်းတဲ့အခါကျတော့ ဒေါ်အောင်ဆန်း စုကြည်က “အေးအေး အဘ ဟိုးမှာ ရှေ့မှာ ကျင်းကြီး အနက်ကြီး”လို့ ပြောတယ်။ ဆိုတော့ သူ့ကို ကျင်းထဲ တွန်းချမလား ဆိုတဲ့ဟာမျိုး သူ သံသယ ဖြစ်နေတာနဲ့ တူတယ်။ လူအများ မြင်တာပေါ့လေ။ သူက တိုင်းရင်းသား အရေးမှာ ဘာပြောလို့ ဖြစ်မလဲ။ သူပြောရင် တပ်မတော်နဲ့ ၃၄ ဖြစ်သွားမှာ ကြောက်ရ တယ်လေ။ သူ့ကိုလည်း ရေငုံ နှုတ်ပိတ် ပေါ့လေ။ ခုက အပယ်ခံရမယ့် အဆင့်မှာလည်း ရှိတယ်။ အသုံးခံရမယ့် အဆင့်မှာလည်း ရှိတယ်။ သူက နိုင်ငံတော် လက်ရှိ အစိုးရရဲ့ လက်ထဲမှာ ရှိပါတယ်။ သူကတော့။ အသုံး ချရင်တော့ ကောင်းတာပေါ့။
ကချင်ပြည်နယ် ငြိမ်းချမ်းရေးနဲ့ ပတ်သက်လို့ ဘယ်လို လုပ်ဆောင်သင့်တယ်လို့ ယူဆလဲ။
ဖြေ။ ။ ငြိမ်းချမ်းရေးအတွက် စားပွဲပေါ်မှာပဲ စကားပြောရမှာပေါ့။ အစိုးရက ဖိတ်ခေါ်ပြီးမှ အကုန်လုံးဆွေးနွေး ရင်တော့ ရမှာပေါ့။ မဆွေးနွေးဘဲ အခုက တပ်မတော်က ဆွေးနွေးချင်တဲ့ စိတ်မရှိဘူးဆိုတာ ကျနော်တို့ မြင်ရတယ်။ အပြတ် ရှင်းချင်တယ်။ လက်နက်နဲ့ပဲ အဖြေ ရှာချင်တယ်ပေါ့။ လက်နက်နဲ့ အဖြေရှာခဲ့တယ်ဆိုတာက ခေတ်ကုန်သွားပြီ။ ဘယ်ဟာမှ စားပွဲပေါ်မှာ မဖြေရှင်းဘဲ ရပ်တန့်လို့ မရဘူး။ လူမျိုး တမျိုး ပြုန်းတီးသွားအောင် တိုက်ရမယ် ဆိုတာက အရင်တုန်းက ဟစ်တလာ၊ နာဇီတို့ လုပ်ခဲ့တယ်။ ဒါပေမယ့် ဘယ်ဟာမှ အောင်မြင်မှု မရှိဘူးလေ။ နောက်ဆုံးက လက်နက်ကိုပဲ အားကိုးတဲ့လူတွေက အရှုံးပေး သွားရတယ်။
မြန်မာအစိုးရ သတင်းစာမှာ ကြားရတဲ့အတိုင်းဆိုရင်တော့ တပ်မတော်က ထိုးစစ်ဆင်တာ မဟုတ် ပါဘူးတဲ့။ သူတို့ စခန်းမှာ သူတို့ ရိက္ခာပို့တာ အဲဒီမှာ KIA က လာတိုက်တယ်။ အရင်တုန်းက အစိုးရစခန်းတွေ မရှိတာ၊ ခုရှိလာတာက ဘယ်သူက ထိုးစစ် ဆင်တယ်လို့ ပြောရမှာလဲ။ KIA က ဖိတ်ခေါ်လို့လား။ တဖက်သတ်ကြီးလည်း စဉ်းစားလို့ မရဘူးလေ။ အခုက ထိုးစစ် ဆင်တယ်လို့ ပြောရမှာက တပ်မတော်က ထိုးစစ်ဆင်တာလား။ KIA က ထိုးစစ်ဆင်တာလား ဆိုတာ ကျနော်တို့ ဝေဖန် ကြည့်ရမယ်။ KIO ကလည်း ခံစစ်သဘောနဲ့ပဲ တက်လာတဲ့ စစ်ရန်ကိုတော့ လမ်းဖြတ်တာတို့ သူတို့ ရန်သူ မလာနိုင်အောင် ကြိုးစားတာပေါ့။ ခုက လေယာဉ်ပျံနဲ့ လာတဲ့ အခါကျတော့ ငုံ့ခံနေရတာပေါ့။ လေကြောင်းနဲ့ တိုက်နေတာက ပြည်သူတွေကိုပဲ ထိခိုက်တယ် ဆိုတာ ဒါက KIA ခံစစ် မဟုတ်တော့ဘူး။ ရှောင်စစ် ဖြစ်နေတာ။ ဆိုတော့ ရှောင်တဲ့လူတွေက ထိုးစစ် ဆင်တာလား။ ပစ်တဲ့လူတွေက ထိုးစစ် ဆင်တာလား။ ကျနော်တို့ ဝေဖန်တာထက် ကလေးကို မေးကြည့်ရင်တောင် သိပါတယ်။
ခုဖြစ်နေတဲ့ တိုက်ပွဲတွေက ဘယ်သူ့မှာ တာဝန်ရှိတယ်လို့ ယူဆလဲ။
ဖြေ။ ။ အခု တိုက်ပွဲတွေက အပစ်အခတ် ရပ်စဲရေး ၁၇ နှစ်ကြာပြီးနောက်မှာ စစ်ပြန်တိုက်ဖို့ ဆိုတာက သမ္မတ ကပဲ အကြံပြုတယ်လို့ ထင်တယ်လေ။ ကျနော့်အမြင်က ဦးသိန်းစိန်လို့ မခေါ်ချင်ဘူး။ ဗိုလ်ချုပ် သိန်းစိန်လို့ပဲ ခေါ်ချင်တယ်။
ဒီလက်နက်ကြီး၊ လက်နက်ငယ်၊ လေကြောင်း၊ ကုန်းကြောင်း နေ့စဉ် ပစ်ခတ်နေတာက ကျနော်တို့ စဉ်းစား လို့တောင် သဘော မပေါက်ဘူး။ လက်နက်နဲ့ ဖြေရင်းလို့ မရဘူး ဆိုတာကိုတော့ ကျနော် မြင်မိတယ်။
ဆွေးနွေးပွဲ လုပ်တဲ့အခါ ကျနော့်ကို ခေါ်ရင် ကျနော် ပြောချင်တာ အများကြီးရှိပါတယ်။ စစ်ရေးအရရော ကျနော် စစ်ထဲမှာ နေခဲ့ဖူးတော့ ကျနော် နားလည်ပါတယ်။ နိုင်ငံရေးအရ ဆိုရင်လည်း အဖေက အမြဲတမ်းပြောပြလို့ ကျနော်ပြောလို့ ရပါတယ်။ ကျနော် နားမလည်တာ ကျနော်မေးမယ်။ ကျနော်ဖြေဖို့လည်း အဆင်သင့် ရှိပါတယ်။
တခြား ဘာပြောချင်တာ ရှိသေးလဲ။
ဖြေ။ ။ ကျနော့်အနေနဲ့ အေးအေးဆေးဆေး ခေါင်းပြားအောင် အိပ်နေလို့တော့ မရဘူး။ တိုင်းပြည်က ဒီလို ဖြစ်တော့ စိတ်ထဲမှာ အင်မတန် ဝမ်းနည်းတာပေါ့။ ဝမ်းနည်းတော့ ဘယ်က ဘယ်လို ဝင်ပါပြီးမှ လုပ်ဆောင်ရမလဲ၊ အကြံပေးရမလဲ ဆိုတာ အမြဲတမ်း သတိ ဝီရိယနဲ့ နေနေပါတယ်။ ဒါကြောင့် ခေါ်တဲ့အခါ ဘယ်မှာဘဲ ခေါ်ခေါ် အချိန်မရွေးတိုင်းမှာခေါ်ခေါ်၊ ပြည်နယ်မှာဘဲ ခေါ်ခေါ်၊ ဗဟိုမှာဘဲ ခေါ်ခေါ် ကျနော်က သွားဖို့ အဆင်သင့်ရှိပါတယ်။
Ref: မဇ္ဈိမ
Posts
