တားမြစ်တဲ့ကြားက ဆန္ဒပြဖို့ အီရန် အတိုက်အခံတွေ ကြိုးပမ်း

တနင်္ဂနွေ, 13 ဖေဖော်ဝါရီ 2011

အီဂျစ်နဲ့ တူနီးရှားနိုင်ငံတွေမှာ အောင်မြင်ခဲ့တဲ့ အစိုးရ ဆန့်ကျင်ရေး လူထု အုံကြွမှုတွေကို ထောက်ခံတဲ့ လူထု အစည်းအဝေးပွဲကြီး တရပ်ကို တီဟီရန် မြို့တော်မှာ ဒီကနေ့ ပြုလုပ်ဖို့ အီရန် အတိုက်အခံတွေက လှုပ်ရှား စီစဉ် နေကြပါတယ်။

အီရန် ပြည်ထဲရေး ၀န်ကြီးဌာနကတော့ ဒီ လူထုအစည်းအဝေးပွဲ လုပ်ခွင့် တောင်းခံ ထားတာကို ငြင်းပယ်လိုက်ပြီး ဒါဟာ အစိုးရကို အကြည်ညို ပျက်စေတဲ့ အဓိကရုဏ်းတွေပဲ ဖြစ်လာ လိမ့်မယ်လို့ အစိုးရ အရာရှိတဦးက ပြောပါတယ်။

အီရန်က ပြုပြင်ပြောင်းလဲရေး ခေါင်းဆောင် မက်ဒီ ကာရူဘီ (Mehdi Karroubi) ဟာ ဒီ လူထု အစည်းအဝေးပွဲ လုပ်ခွင့် တောင်းခံတာနဲ့ ဆက်စပ်ပြီး ထိန်းသိမ်း ခံထားရပါတယ်။

မနေ့က တနင်္ဂနွေနေ့မှာတော့ မစ္စတာ ကာရူဘီနဲ့ တခြား အတိုက်အခံ ခေါင်းဆောင် မီယာ ဟူစိန် မူဆာဗီ (Mir Hossein Mousavi) တို့ရဲ့ အင်တာနက် ၀က်ဘ်ဆိုက်ဒ် တွေမှာ ဒီကနေ့ လူထု အစည်းအဝေး ပွဲကြီးကို ဖြစ်အောင် ပြုလုပ်ဖို့ လှုံ့ဆော် ထားပါတယ်။

အီရန်အစိုးရရဲ့ လူထု အစည်းအဝေးပွဲ လုပ်ခွင့် ငြင်းပယ်ခြင်းဟာ ငြိမ်းချမ်းမှု အရှိဆုံး ယဉ်ယဉ် ကျေးကျေးနဲ့ နိုင်ငံရေး အရ ဆန္ဒပြကြမယ့် လူထုကို အစိုးရက ကြောက်ရွံ့နေတာနဲ့ အစိုးရရဲ့ ပျော့ညံ့ အားနည်းမှုတွေကို ပြသနေခြင်း ဖြစ်တယ်လို့ မစ္စတာ ကာရူဘီရဲ့ ၀က်ဘ်ဆိုက်ဒ်မှာ ဖော်ပြထားပါတယ်။

Ref: VOA News