ကျော်ခ
October 2, 2012
အစိုးရငြိမ်းချမ်းရေးအဖွဲ့နှင့် ကချင်လွတ်လပ်ရေးအဖွဲ့ (KIO) တို့ နှစ်ဘက် တွေ့ဆုံ ဆွေးနွေး နိုင်ရေးအတွက် သမ္မတ ဦးသိန်းစိန်၏ ညွှန်ကြားချက်မှ တဆင့် ငြိမ်းချမ်းရေးအဖွဲ့က အစိုးရရုံးစိုက်ရာ နေပြည်တော်သို့ ကမ်းလှမ်း ထားသော်လည်း အဆင်မပြေ ဖြစ်ခဲ့ကြောင်း သိရသည်။
KIO က ၎င်းတို့နယ်မြေအတွင်း အစိုးရတပ်များဘက်က အင်အားတိုးချနေသည့် အပြင် စစ်ရေး ပြင်ဆင်မှုများ ရှိနေကြောင်း၊ ထိုကဲ့သို့သော အခြေအနေများက နှစ်ဘက် တပ်များအပေါ် ယုံကြည်မှု ကင်းမဲ့နိုင်သောကြောင့် နောက်ဆုံး အကြိမ် ကမ်းလှမ်းချက် ဖြစ်သည့် နေပြည်တော်တွင် ဆွေးနွေးရန်ကိစ္စ မဖြစ်နိုင်ကြောင်း ယခင်လ ၁၇ နှစ်ရက်နေ့က အကြောင်း ပြန်ထားသည်ဟု KIO ဘက်က ပြောသည်။
“အခုဆို ကျနော်တို့ ဗဟိုဌာနချုပ်နဲ့ အနီးဆုံးနေရာတွေကို သူတို့က အမြှောက်တပ်တွေချပြီး ပြင်ဆင်နေကြတယ်။ ဒီလိုမျိုး လုပ်နေတဲ့ အချိန်မှာ အစိုးရ ထိန်းချုပ်ထားတဲ့ မြို့တော်သွားပြီး တွေ့ဆုံဖို့ ဆိုတာကတော့ မဖြစ်နိုင်သေးဘူး ဆိုတာ ဦးအောင်မင်းကို စာပို့ပြီးသားပါ။ သူတို့ဘာမှ အကြောင်း ပြန်မလာသေးဘူး” ဟု KIO ပြောရေးဆိုခွင့်ရှိသူ ဦးလနန်က ဧရာဝတီသို့ ပြောသည်။
KIO ဘက်က မြန်မာအစိုးရနှင့် တွေ့ဆုံရန် ကချင်ပြည်နယ် လွယ်ဂျယ်မြို့နယ် သို့မဟုတ် ရှမ်းပြည်နယ် မြောက်ပိုင်း မူဆယ် မြို့နယ်တို့ကို အဆိုပြုထားချက်အပေါ် အစိုးရဘက်က သဘောတူချက် မပေးနိုင်သကဲ့သို့ အစိုးရဘက်က ဗန်းမော်မြို့နှင့် ယခု နေပြည်တော်သို့ ကမ်းလှမ်းချက်များကိုလည်း နှစ်ဘက် ယုံကြည်မှု မပေးနိုင်သေးသော အခြေအနေများအရ ဟုဆိုကာ KIO ဘက်က ငြင်းဆိုလိုက်ခြင်း ဖြစ်သည်။
အစိုးရသစ်အနေဖြင့် တိုင်းရင်းသားလက်နက်ကိုင် ၁၀ ဖွဲ့နှင့် ငြိမ်းချမ်းရေး ဖော်ဆောင်နိုင်သည့် အနေအထားကို ရောက်ရှိနေပြီ ဖြစ်ကြောင်း၊ ကျန်ရှိနေသော ကချင်လွတ်မြောက်ရေး တပ်မတော် (KIA) နှင့်လည်း မကြာမီ အဆင်ပြေသွားနိုင်ကြောင်း ဘီဘီစီ မြန်မာပိုင်း အစီအစဉ်သို့ သမ္မတ ဦးသိန်းစိန်က ၎င်း၏ အမေရိကန် ခရီးစဉ်အတွင်း ပြောဆိုသွားသည်။
သမ္မတ၏ ပြောဆိုမှုနှင့် ပတ်သက်၍ ဦးလနန်က “သမ္မတ ပြောဆိုချက်က ပေါ့ဆလွန်းတယ်၊ နိုင်ငံရေးနည်းနဲ့ ဖြေရှင်းတဲ့နည်း မဟုတ်ဘဲနဲ့ ကျနော်တို့ တပ်တွေလည်း မပစ်တော့ဘူး။ KIA လည်း မပစ်တော့ဘူး ဆိုရင်တော့ ငြိမ်းချမ်းရေးရသွားမယ်ဆိုတဲ့ အလွယ်နည်း၊ ပြဿနာကို ရှောင်တဲ့ နည်းလမ်းကို သုံးတယ်၊ ဘယ်လိုဖြေရှင်းမယ်ဆိုတာမျိုးမဟုတ်ဘဲနဲ့ အဖြစ်မှန်ကို ဖုံးကွယ်ပြီး နိုင်ငံရေးအမြတ်ထုတ်ပြောဆိုသွားတယ်” ဟု ပြောသည်။
KIA နှင့် အစိုးရတပ်များ အကြား ကချင်ပြည်နယ်အတွင်း တိုက်ပွဲများဖြစ်ပွားနေခြင်းကို တပ်မတော်ဘက်မှ တိုက်ခိုက်မှုများ မပြုလုပ်ရန် သမ္မတက အမိန့်ထုတ်ခဲ့သော်လည်း KIA ဘက်က ယင်းသို့ အမိန့်ထုတ်ပြန်မှုများ ပြုလုပ်ခြင်းမရှိကြောင်း ဦးသိန်းစိန်က ပြောဆိုခဲ့သည်။
“ကျနော်တို့ ဘက်ကတော့ ကိုယ့်ကိုယ်ကိုယ် ခုခံ ကာကွယ်ဖို့အတွက် ကိုယ့်ကို ပစ်လာရင် ကိုယ်ကလည်း ပြန်ပြီးတော့ ပစ်ရမှာပဲ။ အဲဒီတော့ ဒီအမိန့်ကို မနာခံတာ တပ်မဟုတ်ပါဘူး၊ တပ်ကတော့ ကျနော်တို့ပေးထားတဲ့ အမိန့်အတိုင်းပဲ လိုက်နာဆောင်ရွက် ပါတယ်။ တဘက်က ပစ်လာတယ်ဆိုတော့ ပစ်ရ၊ ခတ်ရ၊ တိုက်ရတဲ့ သဘောပါ၊ တပ်က အမိန့် မနာခံဘူးဆိုတာ မရှိပါဘူး” ဟု ဦးသိန်းစိန်က ဆိုသည်။
ထို့အပြင် အတိုက်အခံ ခေါင်းဆောင် ဒေါ်အောင်ဆန်းစုကြည် အနေဖြင့် ငြိမ်းချမ်းရေး လုပ်ငန်းစဉ်တွင် ကိုယ်တိုင် ပါဝင် ဆောင်ရွက် နိုင်ခြင်း မရှိသေးသော်လည်း ထိုလုပ်ငန်းစဉ်အတွက် ဝန်ကြီးများက ဒေါ်အောင်ဆန်းစုကြည်ထံမှ အကြံဉာဏ်များ ရယူခဲ့ရကြောင်း ၎င်းက ဆက်ပြောထားသည်။
ယခုနှစ် နှစ်ဆန်းပိုင်းက KIA ကို တိုက်ခိုက်မှုများ မပြုလုပ်ရန် သမ္မတ ညွှန်ကြားချက်များ ကြားသိရပြီးနောက် KIA ကလည်း အောက်ခြေ တပ်အဆင့်ဆင့်ကို ပစ်ခတ်မှုများ မလုပ်ရန် လျှို့ဝှက်ညွှန်ကြားထားကြောင်း၊ သို့သော်လည်း ထိုအခြေအနေကို အစိုးရတပ်များက အခွင့်ကောင်းယူကာ လက်နက်ခဲယမ်းများနှင့် စစ်သည်အင်အားများ ဆက်တိုက် ဖြည့်တင်းလာမှုကြောင့် တိုက်ပွဲများ အရှိန်မြင့်လာခဲ့ရကြောင်း KIO ဘက်ကပြောသည်။
ထို့နောက် အစိုးရတပ်များက KIA ၏ တပ်စခန်းများကို သိမ်းပိုက်နိုင်ရေးအတွက် စခန်းသိမ်းတိုက်ပွဲများအတွက် ၁၂၀ မမ အမြှောက်ကြီးများကိုပင် အသုံးပြု၍ ထိုးစစ်ဆင်နေကြောင်း၊ ယခုအခါတွင် KIO ဗဟိုဌာနချုပ်အနီးသို့ပင် ရောက်ရှိနေပြီဖြစ် ကြောင်းနှင့် စက်တင်ဘာလ အတွင်း၌ပင် တိုက်ပွဲပေါင်း ၁၀၅ ပွဲ ဖြစ်ပွားခဲ့ကြောင်း ဦးလနန်က ပြောသည်။
“အဆင်ပြေဖို့ကတော့ လက်ရှိ အစိုးရက တိုင်းရင်းသား ပြဿနာနဲ့ ပတ်သက်ပြီးတော့ နိုင်ငံရေး နည်းလမ်းနဲ့ ဖြေရှင်းကြမယ်၊ အဲဒီနိုင်ငံရေး နည်းလမ်းကလည်း စစ်မှန်တဲ့ ဖက်ဒရယ် ပြည်ထောင်စု မူအတိုင်းသွားတဲ့ နိုင်ငံရေး နည်းလမ်း ဖြစ်မယ် ဆိုတဲ့ ကိစ္စကို သူအမှန်တကယ်ပဲ ထုတ်ဖော် ပြောဆိုလိုက်မယ်ဆိုရင်တော့ ပြည်တွင်းမှာ ဖြစ်ပွားနေတဲ့ စစ်ပွဲတွေက အတိုင်းအတာ တခုအထိ ပြေလျော့သွားဖို့ ရှိတယ်” ဟု သူက ဆိုသည်။
ရှမ်းပြည်နယ် မြောက်ပိုင်း ကွတ်ခိုင်မြို့နယ်နှင့် နမ့်ဆန် မြို့နယ်တို့တွင်လည်း KIA၊ ပလောင် လွတ်လပ်ရေး တပ်မတော် (TNLA) ပူးပေါင်းတပ်များနှင့် အစိုးရတပ်များ အကြား ယမန်နေ့နှင့် ယနေ့မနက်ပိုင်းများတွင် တိုက်ပွဲများ ဆက်တိုက် ဖြစ်ပွားလျက် ရှိကြောင်း TNLA ၏ အတွင်းရေးမှူး မိုင်းဖုန်းကျော်က ဧရာဝတီသို့ပြောသည်။
KIO နှင့် အစိုးရတပ်များအကြား ၂၀၁၁ ခုနှစ် ဇွန်လပိုင်းမှ စတင်ကာ ကချင်ပြည်နယ်အတွင်း တိုက်ပွဲများ ဖြစ်ပွားလျက်ရှိရာ သောင်းနှင့်ချီသော ဒေသခံများမှာ အိုးအိမ်၊ တောင်ယာများကို စွန့်ခွာ၍ တရုတ် – မြန်မာနယ်စပ် ဒုက္ခသည် စခန်းများ၊ ပြည်တွင်းစစ်ဖြစ်ရာ ဒေသအနီးရှိ မြို့ပေါ်များနှင့် တောတောင်များထဲတွင် ထွက်ပြေးခိုလှုံနေကြရပြီး နေရပ်ရင်းသို့ မပြန်နိုင်ကြသေးပေ။
Ref: ဧရာဝတီ
Wednesday, October 3, 2012
အစိုးရနှင့် KIO တို့ ဆွေးနွေးနိုင်ရေး ကြန့်ကြာနေ
ပန်းဝါ အကြမ်းဖက်မှု မသင်္ကာသူများကို ဖမ်းဆီး
ငြိမ်းချမ်း
October 2, 2012
ပြီးခဲ့တဲ့ တနင်္ဂနွေနေ့က ဘင်္ဂလားဒေ့ရ်ှနိုင်ငံ ပန်းဝါ (ခေါ်) ရာမူးမြို့က စတင်ခဲ့တဲ့ ဗုဒ္ဓ သာသနိက အဆောက် အဦးတွေကို မီးရှို့ဖျက်ဆီးမှု ဖြစ်ပွားခဲ့တာဟာ အစ္စလမ် အခြေခံ ဝါဒီတွေရဲ့ လက်ချက်ကြောင့်ဖြစ်ပြီး တိုက်ခိုက်မှုနဲ့ ပတ်သက်လို့ ထိန်းသိမ်းထားတဲ့ လူ ၁၇၀ ကျော်ထဲမှာ အတိုက်အခံ ပါတီဝင်တွေ ပါဝင်နေတယ်လို့လည်းလို့ ဘင်္ဂလားဒေ့ရှ် ပြည်ထဲရေး ဝန်ကြီးက တနင်္လာနေ့မှာ ပြောကြား လိုက်ပါတယ်။
ဘင်္ဂလားဒေ့ရှ် ပြည်ထဲရေးဝန်ကြီး မိုဟိအူဒင် ခန် အလမ်ဂါက အခင်းဖြစ်ပွားရာကို သွားရောက်ခဲ့စဉ် အတွင်း အခုလို ပြောဆိုခဲ့တာ ဖြစ်ပြီး နယ်မြေခံ အတိုက်အခံ ဘင်္ဂလားဒေ့ရှ် နေရှင်နယ်လစ် ပါတီခေါင်းဆောင်ကို အရေးအခင်း ဖြစ်ပွားအောင် လှုံ့ဆော်တယ်လို့လည်း ပြောကြား လိုက်ပါတယ်။
တပြိုင်နက်တည်းမှာ ဒါကာက အတိုက်အခံ ပါတီခေါင်းဆောင် ခါလီဒါဇီယာက ဘင်္ဂလားဒေ့ရှ် အစိုးရဟာ နိုင်ငံ အတွင်းမှာ မှီတင်းနေထိုင်နေကြတဲ့ ဗုဒ္ဓဘာသာဝင် လူနည်းစုကို လုံခြုံမှု မပေးနိုင်တဲ့ အပြင် အရေးအခင်းကို အကြောင်းပြပြီး အတိုက်အခံ တွေကို နှိပ်ကွပ်မှာ စိုးရိမ်တယ်လို့ ကြေညာချက် ထုတ်ပါတယ်။
ဘင်္ဂလာဒေ့ရ်ှနိုင်ငံ ပန်းဝါမြို့က စတင်လိုက်တဲ့ အကြမ်းဖက်မှုတွေဟာ စစ်တကောင်း တိုင်းအတွင်းက ကော့စ်ဘာဇာ ခရိုင်၊ ဦးကီယာ၊ တက္ကနာနဲ့ စစ်တကောင်း ခရိုင် ပေါ်တီယာမြို့တွေကို ပျံ့နှံ့ သွားခဲ့ပြီးနောက် အကြမ်းဖက်မှုနဲ့ ပတ်သက် သူတွေကို အာဏာပိုင်တွေက ဆက်တိုက် ဖမ်းဆီးမှုတွေ ပြုလုပ် လာခဲ့တာ အခုဆို လူ ၁၇၀ ကျော်ကို ဖမ်းဆီး ရမိထားကြောင်း ဘင်္ဂလာဒေ့ရ်ှနိုင်ငံရဲ့ မြို့တော် ဒါကာထုတ် သတင်းစာတွေနဲ့ ဒေသတွင်း သတင်းစာတိုင်းမှာ ဖော်ပြနေပါတယ်။
ဖမ်းဆီးမှုတွေအကြောင်း ကော့စ်ဘာဇာ ရဲအရာရှိတဦးက “ဖမ်းတာတွေကတော့ ၁၇၀ ကျော်ပြီ။ သူတို့ကို စစ်တကောင်း မြို့နယ်နဲ့ ကော့စ်ဘာဇာ မြို့နယ်တွေက ဖမ်းဆီး ထားတာပါ” လို့ ဧရာဝတီကို ပြောပါတယ်။
ဘုန်းတော်ကြီးကျောင်း ၁၀ ကျောင်းနဲ့ အိမ် ၄၀ လောက် မီးရှို့ဖျက်ဆီး ခံရအပြီး ဒေသတွင်းမှာ နေထိုင်ကြသူ ဒုက္ခသည် ဗုဒ္ဓ ဘာသာဝင်တွေ ရပ်ရွာကို ပြန်လာကြရာမှာ စစ်တပ်နဲ့ လုံခြုံရေး တပ်ဖွဲ့ဝင်တွေက အကာအကွယ် ပေးပါတယ်။
ဒေသခံ ဘင်္ဂလားဒေ့ရှ် စစ်တပ်ရဲ့ အဆိုအရ လူ တထောင်လောက် ထွက်ပြေးခဲ့ရပြီး အခု တိုက်ခိုက်မှုတွေ မရှိတော့ဘူးလို့ သိရပါတယ်။ ပျက်စီးသွားတဲ့ အိုးအိမ်တွေကို ပြန်ဆောက်ပေးမယ် လို့လည်း အစိုးရက ပြောပါတယ်။
အစ္စလမ်ဘာသာကို အများစု ကိုးကွယ်ကြတဲ့ ဘင်္ဂလားဒေ့ရှ် နိုင်ငံရဲ့ လူဦးရေ ၁၅၃ သန်းမှာ ဗုဒ္ဓ ဘာသာဝင်ဟာ ၁ ရာခိုင်နှုန်းသာ ရှိပြီး မြန်မာနယ်စပ်နဲ့ ကပ်နေတဲ့ ဒေသတွေမှာ နေထိုင်လာခဲ့ကြတာ ဖြစ်ပါတယ်။
ဘင်္ဂလားဒေ့ရှ် ဗုဒ္ဓဘာသာ အသင်း ဥက္ကဋ္ဌရဲ့ အဆိုအရ ပြီးခဲ့တဲ့ တိုက်ခိုက်မှုဟာ ပါကစ္စတန်က ခွဲထွက်ပြီး ဘင်္ဂလားဒေ့ရ်ှနိုင်ငံ လွတ်လပ်ရေး ကြေညာခဲ့ချိန်က စလို့ ဒီလိုမျိုး တခါမှ မကြုံသေးဘူးလို့ သိရပါတယ်။ တိုက်ခိုက်မှုနဲ့ ပတ်သက်ပြီး ဩဇာရှိတဲ့ လူမှုရေးခေါင်းဆောင် ၉ ဦးကလည်း တရားဥပဒေ အရ စုံစမ်းစစ်ဆေးရေး အမြန်စဖို့ တောင်းဆို ထားပါတယ်။
ရိုဟင်ဂျာ ဒုက္ခသည်တွေ တိုက်ခိုက်မှုမှာ ပါတယ်လို့ ကောလာဟလတွေ ထွက်နေပေမယ့် ခိုင်မာတဲ့ အထောက် အထား မရှိဘဲ အဖမ်းအဆီး ခံရမှုများလည်း မရှိသေးပါဘူး။
Ref: ဧရာဝတီ
စစ်တွေ မွတ်စလင် ရပ်ကွက် ပြောင်းရွှေ့ရန် ဒေသခံများလိုလား
ခင်ဦးသာ
October 2, 2012
ရခိုင်ပြည်နယ်၊ စစ်တွေမြို့ရှိ အင်ဘာလာ ရပ်ကွက် (အောင်မင်္ဂလာ) အား မြို့ပြင်သို့ ပြောင်းရွှေ့ပေးရန် ဒေသခံ ပြည်သူ များ၏ တောင်းဆိုမှုကို နိုင်ငံတော် သမ္မတထံ ပြည်နယ်အစိုးရအဖွဲ့ က တင်ပြထားကြောင်း သိရသည်။
အင်ဘာလာရပ်ကွက်၌ စက်တင်ဘာလ ၂၈ ရက်က ကလေးတဦးသည် အင်ဘာလာ ရပ်ကွက် ထဲသို့ ရေခဲချောင်း ရောင်းချရန် သွားစဉ် ထိုရပ် ကွက်နေသူ များက ၀ိုင်းဝန်း ရိုက်နှက်မှုကြောင့် ဒဏ်ရာပြင်းထန်စွာ ရရှိသွားသည်ဟု ကောလဟာလ သတင်းများ ရုတ်တရက်ပြန့်နှံ့ သွားခြင်း ကြောင့် စစ်တွေမြို့ဒေသခံ ထောင်ချီ၍ အင်ဘာလာ ရပ်ကွက်ကို ၀ိုင်းထားကာ ထိုကလေးအား ထုတ်ပေးရန် တောင်းဆိုရာမှ ပြဿနာများ ဖြစ်ပွား ခဲ့ကြသည်။
ပဋိပက္ခများ ဖြစ်ပွားပြီးနောက် ထိုရပ်ကွက်အား မြို့ပြင်ပြောင်း ရွှေ့ပေးရန် စစ်တွေ လူထုက ဆက်လက် တောင်းဆိုသောကြောင့် ပြောင်းရွှေ့ခြင်း ကိစ္စသည် ပြည်နယ် အစိုးရ လုပ်ဆောင်ရမည့် ကိစ္စ မဟုတ်ကြောင်း၊ ထို့ကြောင့် သမ္မတထံ တင်ပြပေးမည်ဟု ပြည်နယ်ဝန်ကြီးချုပ် ဦးလှမောင်တင် က ပြောဆိုကြောင်း အစိုးရအဖွဲ့ က ဆိုသည်။
“ရပ်ကွက်ရွှေ့ပေးမယ်လို့ ကျနော်တို့က ကတိပေးတာ မဟုတ်ပါဘူး၊ ဒီကိစ္စဟာ လတ်တလောဖြစ်ပွားနေတဲ့ ပဋိပက္ခတွေကို ပြေလည်စေဖို့ အတွက် သမ္မတကို တင်ပြပေးမယ်လို့ ၀န်ကြီးချုပ် က ပြောတာပါ”ဟု ရခိုင် ပြည်နယ် အစိုးရ အဖွဲ့၏ သတင်းပြန် ကြားရေးဆပ်ကော်မတီ ဥက္ကဋ္ဌနှင့် ပြည်နယ် ဥပဒေချုပ် ဦးလှသိန်း က ဧရာဝတီ ကို ပြောသည်။
အင်ဘာလာရပ်ကွက်သည် မွတ်စလင်အများစု နေထိုင်ရာ ရပ်ကွက်တခုဖြစ်ကြောင်း၊ ဒေသခံတိုင်းရင်းသားများ၊ ကျောင်းသား များ၊ အမျိုးသမီးများအနေဖြင့် ထိုရပ်ကွက်ထဲမှ ဖြတ်သန်းသွားပါက ရပ်ကွက်နေသူ တချို့၏ နှောက်ယှက်မှု၊ ခြိမ်းခြောက်မှုကို ခကြာခဏ ခံနေရ ကြောင်း၊ ထို့ကြောင့် ထိုရပ်ကွက် ကို မြို့ပြင်သို့ ပြောင်းရွှေ့ပေးရန် တောင်းဆို ရခြင်းဖြစ် ကြောင်း စစ်တွေ မြို့ခံများ က ပြောသည်။
ဇွန်လအတွင်း စတင်ခဲ့သည့် ပဋိပက္ခများကြောင့် စစ်တွေမြို့မှ မွတ်စလင်များ ကို မြို့ပြင်ရှိ ၎င်းတို့လူမျိုးများ နေထိုင်ရာ ကျေး ရွာများသို့ ပြောင်းရွှေ့၍ နေရာချပေးထားမှု များ ရှိခဲ့ပြီး အင်ဘာလာ ရပ်ကွက်သည် ပြောင်းရွှေ့ခြင်းမရှိဘဲ ကျန်ရှိသည့် ရပ်ကွ က်တခု ဖြစ်သည်။
မွတ်စလင်များအား သီးသန့်နေရာချထားပေးခြင်းဖြင့် လတ်တလောဖြစ်ပွားနေသည့် ပြဿနာ တည်ငြိမ်မှု ရရှိနိုင်မည် မှန် သော်လည်း ရေရှည်တွင် မွတ်စလင်များအတွက် အခွင့်အရေး ဆုံးရှုံးနိုင်ကြောင်း၊ ရေရှည်တည်ငြိမ်ရေးအတွက် နှစ်ဦးနှစ်ဘက် ပြန်လည် ယုံကြည်မှုရလာအောင် တည်ဆောက်ပေးသင့်ကြောင်း အစ္စလမ်သာသနာရေးရာ ကောင်စီဌာနချုပ်၏ ပြောခွင့် ရသူ ဦးဝဏ္ဏရွှေ က ဧရာဝတီ ကို ပြောသည်။
“ပြဿနာဖြစ်နေချိန်မှာတော့ သီးခြားစီထားတာ သဘာဝကျပါတယ်၊ ဒါပေမယ့် ရေရှည်မှာတော့ သီးခြားစီ ထားမယ်ဆိုရင် လည်းပဲ ပြဿနာက ပြေလည်မှာမဟုတ်ဘူး၊ သူတို့နေတဲ့ နေရာကိုတော့ သူတို့ကို ပြန်ပေးသင့်တာပေါ့”ဟု ၎င်းက ဆိုသည်။
စစ်တွေမြို့၏ ယနေ့အခြေအနေသည် တည်ငြိမ်မှု ရှိနေပြီး အင်ဘာလာရပ်ကွက်နှင့်အနီးတ၀ိုက်၊ မြိုပေါ်ရှိ လမ်းဆုံများ၊ လူ စည်ကားရာ နေရာတချို့တွင် လုံခြုံရေးများ ချထားကြောင်း စစ်တွေ ဒေသခံများ က ပြောသည်။
ရခိုင်ဒေသတွင်း တည်ငြိမ်နေသော်လည်း ဘင်္ဂလာေးဒ့ရ်ှနိုင်ငံ၊ စစ်တကောင်း ဒေသ၌ ဖြစ်ပွားနေသော အကြမ်းဖက်မှုများ ရခိုင်ဒေသသို့ ပြန့်နှံ့လာမည်ကို ဒေသခံများက စိုးရိမ်နေကြ ကြောင်းသိရပြီး စစ်တကောင်း ဒေသ၌ ဗုဒ္ဓဘာသာဝင် များနှင့် မွတ်ဆလင်များ အကြား ပဋိပက္ခ ကြောင့် ဘုန်းကြီး ကျောင်းများ၊ ဒေသခံ ဗုဒ္ဓ ဘာသာ မာရမာလူမျိုးများ၏ နေအိမ်များ မီးရှို့ ခံရခြင်း၊ လူတချို့ ဒဏ်ရာရခြင်း တို့ရှိသည်။
ပြည်နယ်အစိုးရကပြောရာတွင် ဘင်္ဂလားဒေ့ရ်ှနိုင်ငံနှင့်ရခိုင်နယ်စပ်ဒေသဖြစ်သော မောင်တောနှင့်နယ်စပ် တ၀ိုက်၌ လုံခြုံရေး ချထားကြောင်း ရခိုင်ပြည်နယ် ပဋိပက္ခများနှင့်ပတ်သက်၍ ဖွဲ့စည်းထားသော ပြန်ကြားရေးအဖွဲ့ တာဝန်ခံ ဦးဝင်းမြိုင် က ဧရာဝ တီ ကို ပြောသည်။
မောင်တောမြို့နယ်ရှိ သရေကုန်တန်းကျေးရွာ အုပ်ချုပ်ရေး မှူးနေအိမ်အား စက်တင်ဘာလ ၃၀ ရက်နေ့က မီးရှို့ခံရကြောင်း ဒေသခံ တချို့က ဧရာဝတီကို ပြောသည်။ ထိုကိစ္စအား ပြည်နယ် အစိုးရက လည်း အတည်ပြု ပြောဆိုသည်။ ထိုနေ့၌ ပင် မင်းပြားမြို့တွင် လည်း ပဋိပက္ခ တချို့ရှိခဲ့ပြီး ယခုအခါ တည်ငြိမ်နေကြောင်း အာဏာပိုင်တို့က ဆိုသည်။
ဘင်္ဂလားဒေ့ရ်ှနိုင်ငံ၊ စစ်တကောင်း ဒေသမှ ပြဿနာသည် ရခိုင်ပြည်သို့ ရိုက်ခတ်မှု ရှိလာနိုင်သကဲ့သို့ ရခိုင်ဒေသက ပြဿနာ သည်လည်း ဘင်္ဂလားဒေ့ရှ် နယ်စပ်သို့ ရိုက်ခတ်မှု တချို့ ရှိခဲ့ခြင်းကြောင့် ရခိုင်ပြည်သူများ အနေဖြင့် သတိထား၍ နေထိုင်ရန် လို အပ်ကြောင်း ရခိုင်တိုင်းရင်းသားများ တိုးတက်ရေးပါတီ (RNDP) ၏ ပြောခွင့်ရသူ ဦးခိုင်ပြည်စိုး က ပြော သည်။
“သွေးထိုးလှုံဆော်မှုတွေ၊ ကောလဟာလထုတ်လွှင့်မှုတွေ ရှိနေတဲ့အတွက် ရခိုင်ပြည်သူတွေအနေနဲ့ အရာရာကို သတိထားပြီး နေထိုင်ဖို့ လိုအပ်ပါတယ်”ဟု ၎င်းက ဆိုသည်။
ဇွန်လဆန်းတွင် ဖြစ်ပွားခဲ့သော ရခိုင်ဒေသတွင်း ပဋိပက္ခများကြောင့် မောင်တောနှင့်စစ်တွေ တွင် ဒုက္ခသည်များ ရှိနေ ဆဲဖြစ် ပြီး၊ ၎င်းတို့ရေရှည် နေထိုင်စားသောက်ရေး အတွက် အခက်အခဲ များရှိကြောင်း သိရပြီး ရခိုင်နှင့်တခြားတိုင်းရင်းသား ဒုက္ခ သည်များသည် ဘုန်းတော်ကြီးကျောင်းများ၌ တည်းခိုနေဆဲဖြစ်ပြီး မကြာမီ နေရာချထားနိုင်မည် ဟု အာဏာပိုင်အဖွဲ့ က ဆို သည်။
စစ်တွေမြို့နယ်အတွင်းမှ မွတ်စလင် ဒုက္ခသည်များကို မြို့ပြင်၌ စခန်းများ တည်ဆောက်၍ နေရာ ချပေးထားသော် လည်း နေအိမ် လုံလောက်မှု မရှိကြောင်း၊ လူဦးရေများပြားပြီး ရေအိမ်သာ နည်းပါးခြင်း၊ ကျန်းမာရေး စောင့်ရှောက်မှု အားနည်းခြင်း တို့ ရှိကြောင်း ဦးဝဏ္ဏရွှေ က ပြောသည်။
“ဆောက်ပေးတဲ့ တဲအိမ်ကသေးနေပြီး လူအရေအတွက်ကများတော့ မိုးရာသီမှာ နေထိုင်ရ ခက်ခဲနေကြပါတယ်၊ လူဦးရေနဲ့ လိုက်ဖက်တဲ့ တဲအိမ်တွေနဲ့ ကျန်းမားရေးစောင့်ရှောက်မှု၊ အစားအစာ အဓိက လိုအပ်နေပါတယ်”ဟု ၎င်း က ဆိုသည်။
စစ်တွေမြို့နယ်အတွင်းရှိ ဒုက္ခသည်စခန်းများ၌ မွတ်စလင်ဦးရေ ၆ သောင်းဝန်းကျင်ရှိကြောင်း၊ အစိုးရအဖွဲ့အပြင် နိုင်ငံတကာ အဖွဲ့အစည်းများက ထောက်ပံ့လှုဒါန်းမှုများ ရှိကြောင်း၊ အာဏာပိုင်များအနေဖြင့် စစ်တမ်းကောက်ယူထားသည့် လူဦးရေ စာ ရင်းအတိုင်း အားလုံးကို ထောက်ပံ့ပေးနေ၍ လုံလောက်မှု ရှိကြောင်း ဦးဝင်းမြိုင် က ပြောသည်။
၎င်းက“ကျနော်တို့ စစ်တမ်းမှာရှိတဲ့ စာရင်းအတိ အကျပေးပါတယ်၊ ဒါပေမယ့် စခန်းတွေထဲကို ခိုးဝင်လာသူတွေ ရှိနေတယ်လို့ သိရပါတယ်၊ ဒီလိုမျိုး တိုးပွားလာနေသူတွေက စာရင်းမရှိတော့ ရိက္ခာမရတာနေမှာပါ”ဟု ဆိုသည်။
မွတ်စလင်ဒုက္ခသည် စခန်းများသို့ ပြည်တွင်း မီဒီယာများ အပြင် နိုင်ငံတကာ မီဒီယာများ၊ ရုပ်သံများကို လွတ်လပ်စွာ သတင်းရခွင့် ပေးထားကြောင်း၊ ဒုက္ခသည်များကိုလည်း လွတ်လပ်စွာ အင်တာဗျူးများ လုပ်ခွင့်ပေးထားကြောင်း ပြည်နယ် အာဏာပိုင် တို့က ဆိုသည်။
Ref: ဧရာဝတီ
Tuesday, October 2, 2012
မြန်မာ့ဒီမိုကရေစီရေး အတွက် အခြားရွေးချယ်စရာ ရှိသေးလား
၂၀၁၂ ခုနှစ် အောက်တိုဘာလ ၂ ရက်၊ အင်္ဂါနေ့
၆၇ ကြိမ်မြောက် ကမ္ဘာ့ ကုလသမဂ္ဂ အထွေထွေညီ လာခံကို တက်ရောက် မိန့်ခွန်း ပြောကြားဖို့ အမေရိကန် နိုင်ငံ ခရီးစဉ်ကို သွားရောက် ခဲ့တဲ့ သမ္မတ ဦးသိန်းစိန်ဟာ အောက်တိုဘာလ ၁ ရက်က မြန်မာ နိုင်ငံကို ပြန်လည် ရောက်ရှိ ခဲ့ပါတယ်။ ကြံ့ဖွံ့ပါတီ အပါအဝင် စီးပွားရေး လုပ်ငန်းရှင်များ၊ စက်ရုံ အလုပ်ရုံများမှ အလုပ်သမားများ၊ အနုပညာ ရှင်များက ရန်ကုန်-မင်္ဂလာဒုံ အပြည်ပြည် ဆိုင်ရာ လေဆိပ်မှာ ကြိုဆို ခဲ့ကြတာကို မီဒီယာတွေက တခမ်းတနား ဖေါ်ပြ နေကြတာ တွေ့မြင်ရပါတယ်။ သမ္မတ ရဲ့ နိုင်ငံဂုဏ်ဆောင် ခရီးစဉ်ဆိုပြီး ချီးမွမ်း ထောပနာပြုမှုတွေ ကြားသိနေရပြီး သမ္မတ ဦးသိန်းစိန်ဟာ ပြုပြင် ပြောင်းလဲရေး သမား Reformist နဲ့ လက်တွေ့ အကျိုး သက်ရောက်မှုကို မျှော်ကိုး လိုလားသူ Pragmatist တဦး ဖြစ်ကြောင်း ပုံဖေါ် နေတာကိုလည်း သတိ ပြုမိပါတယ်။
- တပြိုင်တည်းမှာပဲ သမ္မတဦးသိန်းစိန်က ဥက္ကဌအဖြစ်နဲ့ နိုင်ငံရေးပါတီ ထူထောင်ပြီး ၂၀၁၀ ပြည့်နှစ် နိုဝင်ဘာလ ရွေးကောက်ပွဲ ဝင်ရောက်ဖို့ လုပ်ဆောင်ခဲ့တဲ့ ကြံ့ဖွံ့ပါတီ USDP အတွင်းမှာလည်း နအဖ စစ်အုပ်စု ခေါင်းဆောင် ပိုင်းတွေမှာ ပါဝင် ခဲ့ဖူးကြသူတွေ အချင်းချင်းကြား စွပ်စွဲ တိုက်ခိုက်မှုတွေ၊ ကျောင်းတော်က ရန်စ မကျေနပ်ချက် တွေနဲ့ အပြုတ်ဆော်ဖို့ အားထုတ်မှု တွေကိုလည်း ခပ်စိတ်စိတ်လေး တွေ့လာရပါတယ်။ ဥပဒေပြုရေး အာဏာပိုင် ပြည်ထောင်စု လွှတ်တော်နဲ့ အုပ်ချုပ်ရေး အာဏာပိုင် အစိုးရ အဖွဲ့တို့အကြား တိုက်ပွဲမှာ ဖြုတ်ထုတ်ရှင်းထဲ ပါသွားခဲ့တဲ့ နိုင်ငံတော် ဖွဲ့စည်းပုံ အခြေခံဥပဒေ ဆိုင်ရာ ခုံရုံးက ဗိုလ်ချုပ်ဟောင်း ဦးသိန်းစိုးနဲ့ ခုံရုံး အဖွဲ့ဝင်များ ကိစ္စ အပြီး ဧရာဝတီတိုင်း ဒေသကြီး အစိုးရ၊ တိုင်းဒေသကြီး လွှတ်တော် နဲ့ ကြံ့ဖွံ့ပါတီ (ဗဟို) တို့ ကြားက သုံးပွင့်ဆိုင် ဇာတ်လမ်းကလည်း ပါတီတွင်း တိုက်ပွဲတခု အဖြစ် ကျယ်ကျယ် ပြန့်ပြန့် ပေါ်ထွက် လာနေပါတယ်။
- စင်္ကာပူနိုင်ငံနဲ့သြစတြေးလျနိုင်ငံတွေရဲ့ ပါလီမန် လွှတ်တော်တွေကို လေ့လာရေး ခရီးစဉ် သွားရောက် ခဲ့တဲ့ ပြည်သူ့ လွှတ်တော် ဥက္ကဌ သူရ ဦးရွှေမန်းကလည်း “ မြန်မာနိုင်ငံ ပြုပြင်ပြောင်းလဲရေး အတွက် အဓိက အတား အဆီးတွေ ကတော့ အရင်ခေတ်က ဥပဒေတွေနဲ့ အရင်ခေတ်က စိတ်ဓာတ်တွေ၊ အမြင်တွေပဲ ” လို့ စက်တင် ဘာလ ၂၇ ရက်နေ့ BBC နဲ့ တွေ့ဆုံ မေးမြန်းခန်းမှာ ပြောခဲ့တာမို့ နဝတ၊ နအဖ စစ်ကောင်စီ ခေတ်က စစ်အုပ်စု ခေါင်းဆောင်ဟောင်း လက်ကျန်တွေရဲ့ ရှင်းတမ်းကို ထင်ထင်ရှားရှား မြင်လာရမယ့် သဘော ဆောင်နေတာ သတိ ပြုမိပါတယ်။ နိုင်ငံတော် အာဏာကို ထာဝရ လက်မလွှတ်စတမ်းလို့ စစ်အုပ်စု ခေါင်းဆောင်တွေ အနေနဲ့ ရည်မှန်းချက် တူညီ ချမှတ်ထားတာ၊ သန္နိဌာန် စိတ်အခိုင်အမာ ထားရှိကြတာ အထူးပြောစရာ မလိုပေမယ့် သူတို့အုပ်စု ထဲက ဖြုတ်ထုတ်ရှင်း တိုက်ပွဲတွေကိုတော့ တတ်နိုင်သမျှ ဖုံးဖုံးဖိဖိ လုပ်တတ်ကြတာပါ။
- နဝတ၊ နအဖ ခေတ်တလျှောက်မှာ နဝတဥက္ကဌ ဗိုလ်ချုပ်မှူး ကြီးစောမောင်ကို ရူးသွားသလို သတင်းလွှင့်ပြီး ဗိုလ်သန်းရွှေ၊ ဗိုလ်ခင်ညွန့်တို့ ပူးပေါင်း ဖြုတ်ချခဲ့တာနဲ့ အဲဒီ နောက်ကွယ်မှာ စစ်အာဏာရှင်ကြီး ဦးနေဝင်း ပါဝင်ခဲ့တာ၊ နဝတကနေ နအဖ အမည်ပြောင်းတဲ့ အချိန်မှာ စစ်ဘုရင်တွေ၊ နယ်စား ပယ်စား ဒါဒီတွေလို့ တံဆိပ် ကပ်ခံရတဲ့ ထိပ်တန်း စစ်ဗိုလ်ချုပ် ၁၄ ဦးကို အကြံပေး ထားပြီးမှ မကြာခင်မှာ အားလုံးကို ဖြုတ်ထုတ်လိုက်တာ၊ အတွင်းရေးမှူး ၂ ဗိုလ်တင်ဦးကို အကြိမ်ကြိမ် လုပ်ကြံကြပြီး နောက်ဆုံးမှာ တပ်မတော် ရဟတ်ယာဉ် ပျက်ကျတဲ့ အထဲ ဗိုလ်တင်ဦး၊ ဗိုလ်မောင်လှ၊ သီဟသူရ သူရစစ်မောင်တို့ အပါအဝင် ဗိုလ်ချုပ်တစု အပြတ်ရှင်း ခံရတာ၊ ၂၀၀၄ ခုနှစ် အောက်တိုဘာ လမှာ ဗိုလ်ခင်ညွန့်နဲ့ ထောက်လှမ်းရေး အုပ်စုကို ရှင်းထုတ်အပြီး ဗိုလ်သန်းရွှေ တဦးတည်း ပြိုင်ဘက်မရှိ ကြီးစိုးခဲ့တဲ့ ဖြတ်သန်းမှုတွေက နိုင်ငံရေးမှာ ဝင်ရောက်စွက်ဖက် လိုတဲ့ စစ်အုပ်စုရဲ့ ဇတ်တူသားစားတဲ့ သရုပ်မှန်တွေ ဖြစ်ခဲ့တာမို့ စစ်အုပ်စု လက်ကျန်ရှင်းတမ်းတွေကို ဦးသိန်းစိန် ဘယ်လို ကိုင်တွယ် ဆောင်ရွက်မလဲ စောင့်ကြည့်ကြရမှာပါ။
- သမ္မတဦးသိန်းစိန်ဟာ ၁၉၆၆ ခုနှစ်က အမေရိကန်နိုင်ငံကို သွားရောက်ခဲ့တဲ့ ဦးနေဝင်း နောက်ပိုင်းမှာ နှစ် ပေါင်း ၄၆ နှစ်အတွင်း အမေရိကန် နိုင်ငံကို သွားရောက်ခဲ့တဲ့ ပထမ ဦးဆုံး နိုင်ငံတော် အကြီးအကဲ ဖြစ်တဲ့အတွက် သမိုင်းဝင် ခရီးလို့ ပုံဖေါ်နေကြပေမယ့် ဘာကြောင့် မြန်မာ - အမေရိကန် ဆက်ဆံရေးကို ခုမှ တိုးမြှင့်ဆောင် ရွက်ချင်နေရတာလဲ ဆိုတဲ့အကြောင်း ကိုတော့ ဦးသိန်းစိန်ရဲ့ ကြံ့ဖွံ့ အစိုးရ အနေနဲ့ အသိဆုံး ဖြစ်မှာပါ။ မြန်မာ နိုင်ငံဒီမိုကရေစီ အရေး၊ လူ့အခွင့်အရေး မြှင့်တင်ရေးတို့ အတွက် တောက်လျှောက် တွန်းအားပေး ဆောင်ရွက် လာတဲ့ အမေရိကန် အပါအဝင် ဥရောပသမဂ္ဂ အဖွဲ့ဝင် နိုင်ငံတွေရဲ့ လိုလားချက် တွေကိုလည်း လိုက်လျောဟန် ပြုရင်း၊ အိမ်နီးချင်း တရုတ်နဲ့လည်း ဆက်ဆံရေး စိမ်းမသွားရအောင် ကာလံ၊ ဒေသံနဲ့ အညီ ပယောဂံ အားစိုက်ထုတ်မှု လုံ့လကို ပြုနေကြရတာကို နိုင်ငံရေး မကင်းသူတိုင်း ကလည်း နားလည် နေကြပါတယ်။ စစ်အာဏာရှင် ဗိုလ်သန်းရွှေရဲ့ မူအတိုင်း တရုတ်၊ အန္ဒိယ၊ အာဆီယံ၊ ဂျပန်၊ အမေရိကန်၊ EU နဲ့ အနောက်အုပ်စု တို့ အကြားမှာ စစ်အုပ်စု အကျိုးဖြစ်ထွန်းအောင် လုပ်ဆောင်နေတယ် ဆိုတာလည်း ထင်ရှားပါတယ်။ သမ္မတရဲ့ ယခု အမေရိကန် ခရီးစဉ်ကလည်း တနိုင်ငံလုံး အကျိုးစီးပွား အတွက်လား၊ စစ်အုပ်စုရဲ့ နို်င်ငံရေး အာဏာ လက်မလွှတ်စတမ်း ရည်မှန်းချက် အတွက်ပဲ လုပ်ဆောင် နေသလားဆိုတာ အချိန်ဖြတ်သန်းမှုက အဖြေမှန် ပေးသွားမှာ ဖြစ်ပါတယ်။
- ကမ္ဘာ့ထိပ်တန်းခေါင်းဆောင် ၁၁၆ ဦးစုံလင်တဲ့၊ နိုင်ငံပေါင်း ၁၉၃ နိုင်ငံ ကိုယ်စား ပြုထားတဲ့ ကမ္ဘာ့ ကုလသမဂ္ဂ အထွေထွေ ညီလာခံလို နေရာမျိုးမှာ မြန်မာပြည်ပြုပြင် ပြောင်းလဲရေး သမားအဖြစ် ပွဲထွက်ပြရတဲ့ အခွင့်အရေး ကိုတော့ ဦးသိန်းစိန်က ဗျူဟာမြောက် ဆောင်ရွက်ခဲ့တာ တွေ့ရပါတယ်။ ဒီလို လူစုံတဲ့ ပွဲကြီးမှာ ကမ္ဘာ့ကုလ သမဂ္ဂရဲ့ တတိယမြောက် အထွေထွေ အတွင်းရေးမှူးချုပ် ဦးသန့်နဲ့ ၁၉၉၁ ခုနှစ် ကမ္ဘာ့ငြိမ်းချမ်းရေး နိုဗယ်လ် ဆုရှင် ဒေါ်အောင်ဆန်းစုကြည် တို့ကို ချီးကျူး ဂုဏ်ပြုစကား ပြောပေး ရတာကလည်း ဗျူဟာမြောက် နည်းလမ်း တခုကို အသုံးချခဲ့တာပါပဲ။
- ဒီခရီးစဉ်အတွင်းမှာပဲ စက်တင်ဘာလ ၃၀ ရက်နေ့က BBC သတင်း ဌာနနဲ့ လူတွေ့ မေးမြန်းခန်း လုပ်တဲ့အခါ အရင် အစိုးရ လက်ထက်က ဖြစ်ခဲ့တဲ့ လူ့အခွင့်အရေး ချိုးဖေါက်မှုတွေနဲ့ ပတ်သက်တဲ့ မေးခွန်းအပေါ် “ အရင် အစိုးရ လက်ထက်က ဖြစ်ခဲ့တဲ့ ကိစ္စဆိုတော့ သူ့ဟာနဲ့သူ တိုင်းပြည်အတွက် ဖြေရှင်း ဆောင်ရွက် သွားခဲ့တဲ့ ကိစ္စတွေ ဖြစ်ပြီး ကျွန်တော့်အပိုင်းနဲ့ မဆိုင်တော့ဘူးလို့ ပြောရမှာပဲ၊ ကျွန်တော့် အပိုင်းက ဒီမိုကရေစီ ကျင့်သုံးဖို့၊ တိုင်းပြည် ဒီမိုကရေစီ ရှင်သန် ဖွံ့ဖြိုးအောင် လုပ်ဖို့ဖြစ်တယ် ” လို့ ပြောဆို သွားတာ ကြားသိရပါတယ်။ တြိဂံတိုင်း စစ်တိုင်းမှူးနဲ့ နအဖ စစ်ကောင်စီဝင်၊ အမျိုးသား ညီလာခံ ကျင်းပရေး ကော်မတီ ဥက္ကဌ၊ နအဖ အတွင်းရေးမှူး ၂ နဲ့ အတွင်းရေးမှူး ၁ ၊ နောက်ဆုံးမှာ စစ်အစိုးရ ဝန်ကြီးချုပ် အထိ တာဝန်ထမ်းခဲ့တဲ့ ဗိုလ်ချုပ်ကြီးဟောင်း ဦးသိန်းစိန်ရဲ့ တိုင်းပြည်မှာ ဖြစ်ရှိခဲ့တဲ့ လူ့အခွင့်အရေး ချိုးဖေါက်မှုတွေနဲ့ ပတ်သက်ပြီး ခံယူထားတဲ့ စိတ်နေသဘောထား ကိုလည်း ထင်ထင်ရှားရှား တွေ့လိုက် ရတာပါပဲ။
- ရန်ကုန်တက္ကသိုလ် ကျောင်းသားသမဂ္ဂ အဆောက်အဦကို ဘယ်သူ ဒိုင်းနမိုက်နဲ့ မိုင်းခွဲ ဖြိုချ ဖျက်ဆီး ခဲ့တယ် ဆိုတဲ့ အမိန့်ပေးမှု၊ ဆောင်ရွက်မှု- အဖြစ်မှန်၊ အမှန်တရားတွေ အတွက် စစ်အာဏာရှင် ဦးနေဝင်းက ဘူးကွယ် ခဲ့တဲ့ အစဉ်အလာကနေ ဒီကနေ့ ဦးသိန်းစိန် လက်ထက်အထိ စစ်အုပ်စု အဆက်ဆက်က ကျူးလွန် ဖေါက်ဖျက်ခဲ့တဲ့ လူ့အခွင့်အရေး ချိုးဖေါက်မှု State Action တွေ အတွက် တာဝန်ယူ၊ တာဝန်ခံမှု Accountability မရှိဘူးဆိုတာကို ဦးသိန်းစိန်ရဲ့ စကားက သက်သေ ထူလိုက်သလို ဖြစ်ပါတယ်။ “ လူ့အခွင့်အရေးဆိုတဲ့ ဟာမှာ ကျွန်တော်တို့ဆီမှာ ဥပဒေဆိုတာ ရှိတယ်၊ ဥပဒေအရ လိုက်နာ လုပ်ဆောင် ရတာတွေဖြစ်တဲ့ အတွက် လူ့အခွင့်အရေး ချိုးဖေါက်တယ်လို့ ပြောလို့ မရပါဘူး ” လို့ အဲဒီ အင်တာဗျူးမှာပဲ ပြောပြန်တဲ့ အတွက် စစ်အုပ်စု အဆက်ဆက် ချမှတ် ကျင့်သုံးခဲ့တဲ့ ဥပဒေတွေဟာ အာဏာရှင် စံနစ် ခိုင်မြဲစေဖို့ ပြဌာန်းထားတဲ့ ဖိနှိပ်ရေး ဥပဒေတွေဖြစ် နေတာ၊ ဦးသိန်းစိန်ကို သမ္မတ ဖြစ်အောင် လုပ်ဆောင်ပေးတဲ့ ၂၀၀၈ ဖွဲ့စည်းပုံ အခြေခံဥပဒေ ထဲက နိုင်ငံသား အခွင့်အရေးတွေတောင် မရရှိလို့ ဆန္ဒပြပွဲတွေ တောက်လျှောက် ဖြစ်ပွားနေတာ၊ အဲဒီလို ဆန္ဒ ထုတ်ဖေါ်မှုတွေ လုပ်ဆောင်ဖို့ ကိုတောင် နည်းဥပဒေက ထပ်ပြီး ကန့်သတ်ထားလို့ အပြည်ပြည်ဆိုင်ရာ လူ့အခွင့်အရေး ကြေညာစာတမ်း UDHR အပိုဒ်ခွဲ ၁၉ နဲ့ ၂၀ ကို ချိုးဖေါက် ထားသလို ဖြစ်နေတာတွေကို သိသိကြီးနဲ့ မျက်ကွယ် ပြုထားသလို လုပ်တာဟာ သမ္မတရဲ့ ပုံရိပ်ကို ထိခိုက်စေမှာ ဖြစ်ပါတယ်။
- နအဖစစ်ကောင်စီဝင်၊ ကြည်းရေလေ ညှိနှိုင်း ကွပ်ကဲရေးမှူးနဲ့ ဗိုလ်ချုပ်ကြီးဟောင်း ပြည်သူ့ လွှတ်တော်ဥက္ကဌ သူရ ဦးရွှေမန်းကလည်း “ မြန်မာနိုင်ငံ ပြုပြင်ပြောင်းလဲရေး အတွက် အဓိက အတားအဆီး တွေကတော့ အရင်ခေတ်က ဥပဒေတွေနဲ့ အရင်ခေတ်က စိတ်ဓာတ်တွေ အမြင်တွေပဲ၊ ဥပဒေတွေဟာ အရင် အစိုးရ လက်ထက်က ရေးဆွဲထားတဲ့ ဥပဒေတွေဖြစ်ပြီး ပြုပြင်ပြောင်းလဲရေး လုပ်ဖို့ နှစ်ပေါင်းများစွာ နောက်ကျ ခဲ့ရတာကတော့ မြန်မာ ပြည်နိုင်ငံရေးဟာ ရှုတ်ထွေးကြောင်းနဲ့ လက်နက်ကိုင် အဖွဲ့တွေ ရှိတာကလည်း ဒီရှုတ်ထွေးမှုကို ပိုဆိုးစေကြောင်း ” စက်တင်ဘာလ ၂၇ ရက်က ပြောခဲ့တဲ့ အတွက် “ သမ္မတက ဥပဒေနဲ့ အညီ လုပ်တယ်ဆိုပြီး ဖုံး၊ ပြည်သူ့ လွှတ်တော် ဥက္ကဌက အဲဒီ ဥပဒေတွေဟာ အဓိက အတားအဆီး တွေလို့ ဖေါ် ” နဲ့ မြန်မာ့ဒီမိုကရေစီလမ်း ကြောင်းဟာ မရေမရာ ပြဇာတ် တပုဒ်လို ဖြစ်နေတာကို တွေ့ရပါတယ်။
- နအဖစစ်ကောင်စီလက်ထက်က ဒုတိယတန်း စစ်အုပ်စုခေါင်းဆောင် တွေလို့ ပြောရမယ့် တိုင်းမှူး၊ တပ်မမှူး၊ တပ်ရင်းမှူး၊ စစ်အစိုးရရဲ့ ဒုဝန်ကြီး၊ ဝန်ကြီးတွေ အဖြစ် တာဝန် ထမ်းဆောင် ခဲ့ကြတဲ့ လက်ရှိ ဧရာဝတီတိုင်း ဒေသကြီး လွှတ်တော် ဥက္ကဌ ဒု- ဗိုလ်ချုပ်ကြီးဟောင်း ဦးဆန်းဆင့်၊ တိုင်းဒေသကြီး ဝန်ကြီးချုပ် ဗိုလ်ချုပ်ဟောင်း ဦးသိန်းအောင်၊ ကြံ့ဖွံ့ပါတီ ဗဟို အထွေထွေ အတွင်းရေးမှူး ဗိုလ်ချုပ်ဟောင်း ဦးဌေးဦး - တို့ အကြား စက်တင် ဘာလ ၉ ရက်က ညောင်တုန်း ရိပ်သာမှာ ပြုလုပ်ခဲ့တဲ့ ပါတီဗဟိုနဲ့ လွှတ်တော် ကိုယ်စားလှယ်တွေ စည်းဝေးပွဲ နောက်ပိုင်း တရိပ်ရိပ် တက်လာတဲ့ ပါတီတွင်း ပေါက်ကွဲမှုတွေ အတွက် လက်ရှိ ပါတီ ဒု-ဥက္ကဌ သူရဦးရွှေမန်း၊ ဥက္ကဌဟောင်း ဦးသိန်းစိန်၊ ကြံ့ဖွံ့အသင်းကို နာယက လုပ်ခဲ့တဲ့ စည်းကမ်း ပြည့်ဝသော ဒီမိုကရေစီ ဇာတ်ညွှန်းရေး ဆရာကြီး ဦးသန်းရွှေတို့ ဘယ်လို ညှိနှိုင်းပြီး ဖြုတ်ထုတ် ရှင်းပွဲတွေ လုပ်ကြမလဲ ဆိုတာကို သိပ်မကြာခင် တွေ့မြင် ကြားသိကြရမှာပါ။
- ၁၉၉၃ ခုနှစ် စက်တင် ဘာလ ၁၅ ရက်မှာ စတင်ဖွဲ့စည်း ထူထောင်ပြီး ၂၀၁၀ ပြည့်နှစ် ဧပြီလ ၂၉ ရက်မှာ နိုင်ငံရေး ပါတီ အဖြစ် ထူထောင်ခွင့် လျှောက်ထားခဲ့တဲ့ ကြံ့ဖွံ့ပါတီဟာ ၂၀၁၀ ပြည့်နှစ် နိုဝင်ဘာ ၇ ရက် ရွေးကောက်ပွဲမှာ ပြည်သူ့ လွှတ်တော် ၃၂၅ နေရာရှိတဲ့ အနက် ၂၅၉ နေရာ၊ အမျိုးသား လွှတ်တော် ၁၆၈ နေရာ ရှိတဲ့အနက် ၁၂၉ နေရာ၊ တိုင်းဒေသကြီးနဲ့ ပြည်နယ် လွှတ်တော် ၆၆၁ နေရာ ရှိတဲ့အနက် ၄၉၄ နေရာ အနိုင် ရခဲ့ပြီး လွှတ်တော် အားလုံးရဲ့ ၁၁၅၄ နေရာမှာ ၈၈၂ နေရာနဲ့ လွှတ်တော်တွေရဲ့ ၇၆ ဒဿမ ၅ ရာခိုင်နှုန်းကို ရယူ ထားခဲ့တာပါ။
- ၂၀၁၀ ပြည့်နှစ် ဒီဇင်ဘာလ ၅ ရက်နေ့ထုတ် မြန်မာ့အလင်း သတင်းစာ စာမျက်နှာ ၁၃ မှာ ပြည်သူသို့ ကျေးဇူးတင်လွှာ ဆိုပြီး သူတို့ရဲ့ အောင်ပွဲခံ သဝဏ်လွှာကို ကြော်ညာ ထည့်တဲ့အခါ “ ပြည်သူများက ကြံ့ဖွံ့ပါတီကို ယုံကြည် အားကိုးစွာ တခဲနက် ထောက်ခံ ဆန္ဒပြု ရွေးချယ် တာဝန် ပေးအပ်တဲ့ အတွက် မိဘပြည်သူ များကို လှိုက်လှဲစွာ ကျေးဇူး တင်ကြောင်းနဲ့ ကျေးဇူး သိတတ်စွာဖြင့် တိုင်းရင်းသား ပြည်သူတို့၏ ဘဝလုံခြုံရေး၊ စားဝတ်နေရေးနှင့် လူမှုရေး လိုအပ်ချက်များ ပြည့်စုံရေး၊ လူ့အခွင့်အရေးနှင့် ဒီမိုကရေစီ ကျင့်စဉ်ပါ အခွင့်အရေး များ ရရှိ ခံစားနိုင်ရေး အတွက် ပြည်သူနဲ့ လက်တွဲ ကြိုးပမ်းသွားမည် ” လို့ ဖေါ်ပြ ခဲ့တာတွေကို ပါတီတည်ထောင် သူများ သတိ တရ ရှိဦးမယ် ဆိုရင်တော့ အောက်တိုဘာလ အတွင်း ကျင်းပမယ်လို့ လျာထားတဲ့ ပါတီ ညီလာခံမှာ ကြံ့ဖွံ့ပါတီ USDP ကို နိုင်ငံရေးပါတီ တကယ် ပီပီသသ ဖြစ်အောင် ပြင်ဆင် နိုင်ကြမလား ဆိုတာ ကြည့်ြ့က ရမယ်လို့ ယူဆ ရပါတယ်။ ဦးဌေးဦးက လာမယ့် အောက်တိုဘာလ ပါတီ ညီလာခံမှာ ပါတီ ဖွဲ့စည်းပုံ စည်းမျဉ်း အတည်ပြု ပြဌာန်းမယ်လို့ ဆိုတဲ့ အတွက် ၂၀၁၀ ရွေးကောက်ပွဲမှာ ကြံ့ဖွံ့ပါတီ ဘယ်လိုပုံစံနဲ့ အနိုင်ရခဲ့သလဲ ဆိုတာ ပိုထင်ရှား သွားပါတယ်။
- သမ္မတဦးသိန်းစိန်ရဲ့ကြံ့ဖွံ့အစိုးရ သက်တမ်း ၁၉ လအတွင်းမှာ စစ်အုပ်စု အဖွဲ့ဝင် လက်ကျန်တွေ ခေါင်းဆောင် ထားတဲ့ လွှတ်တော်များ၊ အစိုးရအဖွဲ့၊ ကြံ့ဖွံ့ပါတီနဲ့ ဒု- ဗိုလ်ချုပ်မှူးကြီး မင်းအောင်လှိုင်ရဲ့ စစ်တပ်တို့ ပေါင်းပြီး တိုင်းပြည်ရဲ့ နိုင်ငံရေး အာဏာနဲ့ လုပ်ပိုင်ခွင့် မှန်သမျှ အကြားအလပ် မရှိအောင် ဆောင်ရွက် ထားကြပေမယ့် ဖေါက်ပြန်တဲ့ စံနစ်ရဲ့ အတွင်း သရုပ်အတိုင်း နိုင်ငံရေး၊ စီးပွားရေး အာဏာလုပွဲ တွေကိုတော့ ခပ်စိတ်စိတ် တွေ့လာရပြီ ဖြစ်ပါတယ်။ ဒီမိုကရေစီရေးကို တကယ် ပြောင်းလဲ ဖေါ်ဆောင်မယ် ဆိုရင်တော့ တိုင်းရင်းသား လက်နက်ကိုင်တွေကို အပြစ်ပုံချလိုက်၊ အရင်ခေတ်က ဥပဒေတွေကြောင့် ဆိုပြီး ပြစ်တင် ပြောဆိုလိုက်- လုပ်မနေကြပဲ အခြားရွေးချယ်စရာ နည်းလမ်းတွေနဲ့ ကုစားကြဖို့ လိုကြောင်း တင်ပြလိုက်ပါတယ်။
တောင်တရုတ်ပင်လယ်နှင့် မဟာဗျူဟာရေးရာ (၃)
October 1, 2012
Spratlys ကျွန်းစုမှာ အနည်းဆုံး (၁၉၀) barren islets တွေ ရှိပြီး၊ အကျယ်အ၀န်း အားဖြင့် ခန့်မှန်း 150,000 square mile ရှိပါတယ်။ အချို့ကျွန်းတွေဟာ ရံဖန်ရံခါမှာ ပင်လယ် ရေအောက်မှာ နစ်မြုပ် နေတာကြောင့် အကျယ်အ၀န်း တိုင်းတာချက်တွေမှာ ကွဲလွဲမှုတွေလဲ ရှိနိုင်ပါတယ်။ Spratlys ကျွန်းစု တည်ရှိရာနေရာဟာ ဗီယက်နမ် ကမ်းရိုးတန်းနဲ့ မိုင် (၃၀၀) အကွာမှာ ရှိပြီး၊ ဟိုင်နန်ကျွန်းနဲ့ မိုင် (၆၀၀) အကွာမှာ ရှိပါတယ်။ ဖိလစ်ပိုင်ရဲ့ Palawan ကျွန်းနဲ့ မိုင် (၅၀-၉၀) အကွာမှာ ရှိပြီး၊ မလေးရှား state of Sabah နဲ့ မိုင် (၁၆၀) အကွာမှာ ရှိပါတယ်။ ဒီဒေသနဲ့ ပတ်သက်ပြီး စနစ်တကျ တိုင်းတာ သတ်မှတ်မှုတွေ မရှိဘဲ navigation charts တွေပေါ်မှာ “Dangerous Ground” အဖြစ် သတ်မှတ် ခံထား ရပါတယ်။
တရုတ်ပြည်သူ့သမ္မတနိုင်ငံ၊ ထိုင်ဝမ်နဲ့ ဗီယက်နမ်နိုင်ငံတို့က ဒေသ တခုလုံးကို ပိုင်ဆိုင်ကြောင်း အဆိုပြု ထားကြပြီး၊ ဖိလစ် ပိုင်၊ မလေးရှားနဲ့ ဘရူးနိုင်း နိုင်ငံတို့ကတော့ တစိတ်တပိုင်း ပိုင်ဆိုင်ကြောင်း အဆိုပြု ထားကြပါတယ်။ ဘရူးနိုင်းက လွဲရင် ကျန်တဲ့ နိုင်ငံတွေက သူတို့ အဆိုပြုချက်ကို သက်သေပြနိုင်မယ့် islets တွေကို သိမ်းပိုက် ထားနိုင်ကြပါတယ်။
အကြီးဆုံးကျွန်းဖြစ်တဲ့ Thitu ကျွန်းကို ဖိလစ်ပိုင်က သိမ်းယူထားပြီး၊ (၀.၅) square miles ရှိပါတယ်။ နောက်ထပ် အကြီးဆုံး ကျွန်းဖြစ်တဲ့ Itu Aba ကိုတော့ ထိုင်ဝမ်က သိမ်းယူထားပြီး 0.15 square miles ရှိပါတယ်။ ကျန်တဲ့ ကျွန်းတွေက တော့ အကြီးဆုံး ကျွန်းကတောင် 0.1 square miles ပဲ ကျယ်ဝန်း ပါတယ်။ နိုင်ငံ တနိုင်ငံချင်းဆီရဲ့ နယ်မြေ ပိုင်ဆိုင်မှု အဆိုပြုချက် များကို ဆက်လက် ဖော်ပြပါမယ်။
(၁) ဘရူနိုင်း
ဘရူနိုင်းနိုင်ငံရဲ့ ရေပိုင်နက်အဆိုပြုချက်က continental shelf တလျှောက်မှာ ရှိတဲ့ ကမ်းရိုးတန်းကို တိုးချဲ့ပြီး အဆိုပြု ထားတာ ဖြစ်ပါတယ်။ ဒါက တရုတ်၊ မလေးရှား၊ ထိုင်ဝမ်၊ ဗီယက်နမ်တို့ရဲ့ အဆိုပြုထားတဲ့ ရေပိုင်နက်နဲ့ overlap ဖြစ်နေ ပါတယ်။ ဘရူနိုင်းရဲ့ ရေပိုင်နက် အဆိုပြုချက်က (၁၉၅၄) ခုနှစ်မှာ ဗြိတိန် အစိုးရက သတ်မှတ်ချက် ဖြစ်တဲ့ 100-fathom line မှာ အဆုံးသတ်မှုကနေ ကျော်လွန်ပြီး Rifleman Bank အထိ တိုးချဲ့ အဆိုပြု ထားတာ ဖြစ်ပါတယ်။ ဘရူနိုင်း အဆို ပြုချက်က UN Convention on the Law of the Sea (UNCLOS) မှာ ဖော်ပြထားတဲ့ continental shelf ဆိုင်ရာ Articles 76 နဲ့ 77 ကို အခြေပြု ထားပါတယ်။ သူ့တောင်းဆိုချက်မှာ Louisa Reef (မလေးရှား အဆိုပြုထားသော နေရာ) နဲ့ Rifleman Bank တို့ ပါဝင်ပါတယ်။
(၂) တရုတ်ပြည်သူ့သမ္မတနိုင်ငံ
တရုတ်ပြည်သူ့သမ္မတနိုင်ငံရဲ့ အဆိုပြုချက်ကတော့ သမိုင်းနောက်ခံ အခြေအနေ တွေကို အခြေပြု ထားပါတယ်။ ဟန် မင်းဆက် လက်ထက် (206 B.C. to 220 A.D.) ကတည်းက တောင်တရုတ် ပင်လယ်ကို တရုတ်ငါးဖမ်း သမားတွေက အ သုံးပြုခဲ့တာ ဖြစ်ကြောင်း ဆိုထား ပါတယ်။ ပထမဦးဆုံး တရားဝင် နယ်မြေပိုင်နက် အဆိုပြုချက်က (၁၈၈၇) ခုနှစ်မှာ ပြင် သစ်နဲ့ ချုပ်ဆိုခဲ့တဲ့ treaty နဲ့ သက်ဆိုင် ပါတယ်။ အဲဒီမှာ Tonkin ပင်လယ်ကွေ့နဲ့ ပတ်သက်ပြီး နယ်မြေ ခွဲဝေရေး အချက် အလက်တွေ ထည့်သွင်း ဖော်ပြ ထားပါတယ်။ တရုတ်နိုင်ငံက ဒီ treaty အရ Tonkin Gulf ပင်လယ်ကွေ့ အပါအ၀င် တောင်တရုတ် ပင်လယ် အတွင်းက ကျွန်းစုတွေကိုပါ ပိုင်ဆိုင်ခွင့် ရှိကြောင်း အဆိုပြုပါတယ်။
၁၉၄၇ ခုနှစ်မှာ တရုတ်အစိုးရ ပြည်ထဲရေး ဌာနက ထုတ်တဲ့ မြေပုံထဲမှာ တောင်တရုတ် ပင်လယ်ထဲက ကျွန်းတွေကို ထည့်သွင်း ဖော်ပြထားတဲ့ လိုင်းတွေ ပါဝင်ပါတယ်။ ဒီမြေပုံနဲ့ ပတ်သက်လို့ တရားဝင် ကြေငြာချက်တွေ မပြုလုပ်ခဲ့ပေမယ့် တရုတ်နဲ့ ထိုင်ဝမ်တို့က ဒီမြေပုံပေါ်မှာ အခြေပြုပြီး ရေမြေပိုင်နက် အဆိုပြုချက်ကို ပြုလုပ် နေကြပါတယ်။ အဲဒီမြေပုံမှာ eleven dotted lines တွေ ပါဝင်ပြီး၊ ဒီလိုင်းတွေ ထဲက ကျွန်းတွေ အားလုံးက တရုတ်ပိုင်နက် ဖြစ်ပါတယ်။ နောက်ပိုင်းမှာ nine dotted lines အဖြစ် ပြန်ပြီး ပြင်ဆင် ခဲ့ပါတယ်။
၁၉၅၈ ခုနှစ်မှာ တရုတ်နိုင်ငံက “Declaration of Territorial Sea” ကို ထုတ်ပြန် ကြေငြာ ပါတယ်။ အဲဒီမှာ တရုတ်ရဲ့ territorial sea ကို ရေမိုင် (၁၂) မိုင် ထပ်ချဲ့ထားပြီး၊ Spratly (Nansha) Islands, Taiwan, the Paracels, Macclesfield Bank, and the Pescadores တို့ကို တရုတ်ပိုင်နက် အဖြစ် ကြေငြာ ထားပါတယ်။ (၁၉၉၂) ခနှစ်မှာ ထုတ် ပြန်တဲ့ “Law on the Territorial Waters and their Contiguous Areas” မှာ ရေမိုင် (၂၄) မိုင်ရှိတဲ့ Contiguous Zones ကို ထပ်မံ ဖြည့်စွက်ပြီး၊ ၁၉၅၈ ခုနှစ် ကြေငြာချက်ကို အတည်ပြု ထားပါတယ်။ ထိုင်ဝမ် အရှေ့ဘက်က Senkaku islands တွေကိုလဲ ထပ်မံ ထည့်သွင်း ထားပါတယ်။ ဒီလို အဆိုပြုချက် တွေနဲ့ ပတ်သက်ပြီး လိုအပ်လာရင် စစ်အင်အား သုံးဖို့ကိုလဲ ဥပဒေအရ ခွင့်ပြု ထားပါတယ်။
၁၉၇၄ ခုနှစ်မှာ ဗီယက်နမ်တွေ ဆီကနေ Paracel Islands ကို တရုတ် ရေတပ်က သိမ်းယူ ခဲ့ပါတယ်။ တရုတ်နိုင်ငံက Paracel Islands တွေကို Xisha Islands လို့ခေါ်တွင်ပြီး ၁၉၈၈ ခုနှစ်မှာ Hainan Island province ထဲမှာ ထည့်သွင်း ခဲ့ပါတယ်။ Spratlys က ကျွန်းတွေကို တရုတ်ရဲ့ ပထမဦးဆုံး သိမ်းပိုက်မှုက ၁၉၈၈ မှာ စတင်ခဲ့ပါတယ်။ ၁၉၈၈ မှာ Spratlys ထဲက reefs တွေကို သိမ်းယူပြီး၊ Fiery Cross Reef မှာ စစ်အခြေစိုက် စခန်း တည်ခဲ့ပါတယ်။ နောက်ပိုင်းမှာ တခြား reefs တွေကိုလဲ ထပ်မံ သိမ်းပိုက် ခဲ့ပါတယ်။ ၁၉၉၅ အစောပိုင်းမှာတော့ ဖိလစ်ပိုင်က သူ့ရေပိုင်နက် အဖြစ် ကြေငြာ ထားတဲ့ Mischief Reef မှာ “fisherman’s structures” တည်ဆောက်မှုနဲ့ ပတ်သက်ပြီး ဖိလစ်ပိုင်နဲ့ တရုတ် အကြားမှာ တင်းမာမှုတွေ ရှိခဲ့ပါတယ်။
(၃) မလေးရှား
မလေးရှားရဲ့ အဆိုပြုချက်ကတော့ continental shelf ပေါ်မှာ အခြေပြု ထားပြီး၊ Spratly ရဲ့ အရှေ့ပိုင်း၊ တောင်ပိုင်း ကျွန်းစုတွေ ပါဝင်ပါတယ်။ ဒီအဆိုပြုချက်က တရုတ်၊ ထိုင်ဝမ်၊ ဗီယက်နမ်တို့ရဲ့ အဆိုပြုထားတဲ့ နေရာတွေနဲ့ ထပ်တူဖြစ် နေပြီး၊ ဖိလစ်ပိုင်က အဆိုပြုထားတဲ့ reefs တွေနဲ့လဲ ထိစပ် နေပါတယ်။ ၁၉၇၉ ခုနှစ်မှာ တရားဝင် မြေပုံ ထုတ်ပြန်ပြီး၊ အဆိုပြုချက်ကို စတင်ခဲ့တာ ဖြစ်ပါတယ်။ ၁၉၈၃ ခုနှစ်မှာ အခြေချ စစ်စခန်း တခုကို Swallow Reef မှာ တည်ထောင်ခဲ့ပြီး၊ ၁၉၉၁ ခုနှစ်မှာတော့ airstrip တခုကိုပါ ထပ်မံ အင်အား ဖြည့်ခဲ့ပါတယ်။ ကျွန်းပေါ်မှာ ကမ္ဘာလှည့် ခရီးသွား စင်တာ တခုကိုပါ ထပ်မံ တည်ထောင် ခဲ့ပါတယ်။ Mariveles နဲ့ Ardasier Reefs တွေကိုလဲ ၁၉၈၆ ခုနှစ်မှာ သိမ်းယူခဲ့ပါတယ်။
(၄) ဖိလစ်ပိုင်
ဖိလစ်ပိုင်နိုင်ငံရဲ့ အဆိုပြုချက်ကတော့ ဖိလစ်ပိုင်နဲ့ နီးစပ်တဲ့ Kalayaan Islands တွေကို ပိုင်ဆိုင်ကြောင်း အဆိုပြုချက် ဖြစ်ပါတယ်။ မနီလာက တာဝန်ရှိသူ များက Kalayaans ကျွန်းတွေဟာ Spratlys နဲ့ သီးခြား ဖြစ်တယ်လို့ ဆိုပါတယ်။ ဒါ ပေမယ့် ဒီအဆိုပြုချက်တွေက တရုတ်၊ မလေးရှား၊ ထိုင်ဝမ်နဲ့ ဗီယက်နမ်တို့ရဲ့ အဆိုပြုချက်တွေနဲ့ overlap ဖြစ်နေပါ တယ်။ ဖိလစ်ပိုင် တပ်တွေက ကျွန်းအချို့ကို ၁၉၆၈ ခုနှစ်ကတည်းက စတင် သိမ်းပိုက် ခဲ့ပါတယ်။ ၁၉၇၁ ခုနှစ်မှာတော့ Kalayaan Islands ကျွန်းတွေလို့ အမည် သတ်မှတ် ခဲ့ပါတယ်။ ၁၉၇၈ ခုနှစ်မှာ ဖိလစ်ပိုင် သမ္မတ ခွင့်ပြုချက်နဲ့ ဖိလစ်ပိုင် နယ်မြေပိုင်နက် ဖြစ်လာပြီး၊ နိုင်ငံတော် လုံခြုံရေးနဲ့ စီးပွားရေး အခြေအနေ တည်တံ့ရေး အတွက် အရေးကြီးတဲ့ ကျွန်းတွေ အဖြစ် သတ်မှတ် ခဲ့ပါတယ်။ တရုတ်နိုင်ငံရဲ့ သမိုင်းကြောင်း အဆိုပြုချက်တွေဟာ လက်ရှိခေတ်နဲ့ မကိုက်ညီ တော့ကြောင်း ဖိလစ်ပိုင်က ဝေဖန်ခဲ့ပါတယ်။ ဘာကြောင့်လဲ ဆိုတော့ ရှေးခေတ် သမိုင်းကြောင်း အခြေပြု အဆိုပြုချက်တွေ အရ ကြည့် မယ်ဆိုရင် ဖိလစ်ပိုင်၊ မလေးရှားနဲ့ အင်ဒိုနီးရှား နိုင်ငံတို့မှာလဲ ရှေးခေတ် အခါက တရုတ်ငါးဖမ်း သမားတွေက ဒီကျွန်းတွေ အားလုံးကို ယာယီ စခန်းချတဲ့ နေရာတွေအဖြစ် အသုံးပြုခဲ့ကြလို့ ဖြစ်ပါတယ်။
(၅) ထိုင်ဝမ်
ထိုင်ဝမ်ကတော့ တောင်တရုတ်ပင်လယ် အတွင်းက U-shaped line အတွင်းမှာရှိတဲ့ Spratly Islands အပါအ၀င် ကျွန်း အားလုံးကို သူ့ရဲ့ အချုပ်အခြာ အာဏာပိုင် နယ်မြေအဖြစ် အဆိုပြု ထားပါတယ်။ ဒီကျွန်းတွေ အားလုံးကို Itu Aba (Taiping) ကျွန်းကနေ ထိန်းချုပ်မယ်လို့ ဆိုထားပါတယ်။ Itu Aba ကျွန်းပေါ်မှာ မရင်းစစ်သည် (၁၀၀) ကျော် စခန်းချ တပ်စွဲထားပြီး၊ ရေဒါ စခန်း၊ မိုးလေ၀သ ဌာနနဲ့ power plant တခုပါရှိပါတယ်။ ကျွန်းပေါ်မှာ ဆက်သွယ်ရေး ဌာနတခုကို ထပ်မံ တည်ဆောက်နေပြီး airstrip တခုကိုပါ ထပ်ဖြည့်မယ့် အစီအစဉ် ရှိပါတယ်။
(၆) ဗီယက်နမ်
ဗီယက်နမ်ရဲ့ အဆိုပြုချက်ကတော့ ပြင်သစ် ဆီကနေ လွတ်လပ်ရေး ရယူပြီး ကတည်းက Spratlys နဲ့ Paracels ကျွန်းစု တွေရဲ့ အချုပ်အခြာ အာဏာ နယ်မြေ ပိုင်ဆိုင်မှုကိုပါ ရရှိပြီး ဖြစ်တယ် ဆိုတဲ့ အယူအဆ ပေါ်မှာ အခြေခံ ထားပါတယ်။ ပြင် သစ်က Spratly ကျွန်းစုကို ၁၉၂၉ ခုနှစ် ကတည်းက အုပ်ချုပ်ခံ နယ်မြေအဖြစ် ကြေငြာခဲ့ပြီး၊ ၁၉၃၀ ခုနှစ်မှာ သိမ်းယူခဲ့ပါ တယ်။ ၁၉၃၃ ခုနှစ်မှာ Spratly ကျွန်းစု ထဲက ကျွန်းကိုးကျွန်းကို တရားဝင် သိမ်းယူပြီးကြောင်း ပြင်သစ်က ကြေငြာပါ တယ်။ ၁၉၅၁ ခုနှစ်မှာ Spratly Islands ကို ပိုင်ဆိုင်ကြောင်း ဗီယက်နမ်က ကြေငြာခဲ့ပြီး၊ ၁၉၅၆ ခုနှစ်မှာ တောင်ဗီယက် နမ်က ထပ်မံ အတည်ပြုခဲ့ပါတယ်။ ၁၉၆၁ ခုနှစ်မှာ တောင်ဗီယက်နမ်က ကျွန်းတွေကို ဗီယက်နမ် နယ်မြေ ပိုင်နက်အဖြစ် အုပ်ချုပ် ခဲ့ပါတယ်။ တရုတ်နိုင်ငံကတော့ ဒါဟာ တောင်ဗီယက်နမ်ရဲ့ ကြောငြာချက်သာ ဖြစ်ပြီး၊ မြောက်ဗီယက်နမ် ကတော့ ၁၉၅၆ ခုနှစ်ကနေ ၁၉၇၅ ခုနှစ် ကာလ အတွင်းမှာ တရုတ်ရဲ့ အဆိုပြုချက်ကို လက်ခံခဲ့ကြောင်း ဆိုထားပါတယ်။ မြောက် ဗီယက်နမ်က ထုတ်ဝေတဲ့ မြေပုံတွေနဲ့ ကျောင်းသုံးသင်ခန်းစာတွေမှာ တရုတ်ရဲ့ အဆိုပြုချက်အတိုင်း တောင်တရုတ် ပင်လယ်က ကျွန်းတွေကို တရုတ်က ပိုင်ဆိုင်ကြောင်း ထည့်သွင်း တာတယ်လို့ တရုတ်နိုင်ငံက ကြေငြာ ထားပါတယ်။
(၇) အင်ဒိုနီးရှား
အင်ဒိုနီးရှားနိုင်ငံက UNCLOS က ခွင့်ပြုထားတဲ့ 200 mile EEZ ကို အဆိုမပြု ထားပါဘူး။ သို့ပေမယ့် တောင်တရုတ် ပင်လယ် အတွင်းမှာ တရုတ်နဲ့ ထိုင်ဝမ်တို့က အဆိုပြုထားတဲ့ ရေပိုင်နက်တွေက အင်ဒိုနီးရှားရဲ့ EEZ နဲ့continental shelf တွေထဲ အထိ ရောက်ရှိ နေပါတယ်။ အဲဒီထဲမှာ အင်ဒိုနီးရှားရဲ့ Natuna gas field ပါ ပါဝင် နေတာကြောင့် အင်ဒိုနီးရှားက ရေပိုင်နက် အငြင်းပွားမှု ထဲမှာ အဆိုပြုချက် မလုပ်ပဲ ပါဝင် လာရတာ ဖြစ်ပါတယ်။
ဒီလိုအပြိုင်အဆိုင် အဆိုပြုချက်တွေနဲ့အတူ အဆိုပြုချက်တွေ ခိုင်မာစေဖို့ အတွက် စစ်အင်အား တိုးချဲ့မှုတွေ၊ သိမ်းပိုက် ထားတဲ့ ကျွန်းတွေပေါ်မှာ infrastructure တည်ဆောက်မှုတွေ ကလဲ ပေါ်ထွက် လာပါတယ်။ အရှေ့တောင် အာရှနိုင်ငံ များရဲ့ စစ်အင်အား တိုးချဲ့မှု (အထူးသဖြင့် ရေတပ် အင်အားတိုးချဲ့မှု) ကလဲ တစထက်တစ ကြီးထွား လာပါတယ်။ ဗီယက် နမ်က Ho Chi Mihn Trail နှစ်ငါးဆယ်ပြည့် နှစ်ပတ်လည် အခမ်းအနားမှာ ရုရှားက ၀ယ်ယူထားတဲ့ စစ်သင်္ဘောတွေကို ထည့်သွင်း ပြသထားပြီး၊ Spratlys ကို ကာကွယ်နေတဲ့ ရေတပ်သားရဲ့ ပိုစတာကို ချိတ်ဆွဲ ပြသခဲ့ပါတယ်။ ရုရှားကနေ Gepard class frigates တွေ ထပ်မံ ၀ယ်ယူပြီး ရေတပ် အင်အားကို ထပ်မံဖြည့်တင်း ထားပါတယ်။
မလေးရှားနိုင်ငံကလဲ Scorpene Class submarines တွေ ထပ်မံ ၀ယ်ယူပြီး ရေတပ် အင်အား ဖြည့်တင်း ထားသလို၊ အင် ဒိုနီးရှား နိုင်ငံကလဲ တောင်ကိုးရီးယား ကနေ Chanbogo Class submarines တွေနဲ့ ရုရှားထုတ် Kilo Class submarines တွေကို ထပ်မံ ၀ယ်ယူပြီး အင်အားဖြည့်တင်း ထားပါတယ်။ ဖိလစ်ပိုင်ရေ တပ်ကတော့ ဖိလစ်ပိုင်ရဲ့ အကျိုး စီးပွားများကို ကာကွယ် စောင့်ရှောက်ရန် အမေရိကန် ပြည်ထောင်စုနဲ့ ချုပ်ဆိုထားတဲ့ Mutual defence Treaty ကို အားပြုထားပြီး၊ စစ်ရေး ပူးတွဲ လေ့ကျင့်ခန်းတွေကို တောင်တရုတ် ပင်လယ်အတွင်းမှာ အမေရိကန် ရေတပ်နဲ့ အတူ ပြုလုပ်လျက် ရှိပါတယ်။ တောင်တရုတ်ပင်လယ် ရေပိုင်နက် အငြင်းပွားမှု ပြဿနာတွေကြောင့် မဟာဗျူဟာ အကျိုးဆက် (Strategic implications) များစွာ ရှိနိုင်ပါတယ်။
(ဆက်လက်ဖော်ပြပါမည်)
ခင်မမမျိုး
Ref: နေ့သစ်
တောင်တရုတ်ပင်လယ်နှင့် မဟာဗျူဟာရေးရာ (၂)
September 30, 2012
၂၀၁၂ ခုနှစ်၊ ဧပြီလမှာ တောင်တရုတ်ပင်လယ် အတွင်းမှာ ဖြစ်ပွားခဲ့တဲ့ The Scarborough Shoal incident က ကမ္ဘာ့ စစ်ရေး၊ နိုင်ငံရေး ဇာတ်ခုံကိုပါ လှုပ်ရှား သွားစေခဲ့ပါတယ်။ The Scarborough Shoal ရဲ့ ဖိလစ်ပိုင် အမည်က Panatag Shoal ဖြစ်ပြီး၊ တရုတ်အမည်က Huangyan Dao ဖြစ်ပါတယ်။ ဒါကြောင့် ဒီဖြစ်ရပ်ကို အမည်သုံးမျိုးနဲ့ သတ်မှတ် ခေါ်တွင် နေကြပါတယ်။ မနီလာနဲ့ (၃၅၀) ကီလိုမီတာ အကွာမှာရှိပြီး၊ ဟောင်ကောင် အရှေ့ပိုင်းကနေ ကီလိုမီတာ (၈၀၀) အကွာမှာ ရှိပါတယ်။ ၁၉၆၅ ခုနှစ်မှာ ဖိလစ်ပိုင် ရေတပ်က Scarborough’s lagoon အနီးမှာ တာဝါတခု တည်ဆောက် ထားခဲ့ပါတယ်။ ၂၀၁၁ ခုနှစ်၊ ဇွန်လ (၆) ရက်နေ့မှာတော့ Scarborough Shoal မှာရှိတဲ့ Masinloc town ကို ဖိလစ်ပိုင် နိုင်ငံရဲ့ မြို့တမြို့ အဖြစ် အတည်ပြု ခဲ့ပါတယ်။
Scarborough Shoal အနီးတ၀ိုက်မှာ marine resources တွေ များတာကြောင့် ဖိလစ်ပိုင်နဲ့ တရုတ်ငါးဖမ်း သင်္ဘောတွေ ရောက်ရှိ လာတတ်တဲ့ နေရာဖြစ်ပါတယ်။ နှစ်နိုင်ငံလုံးက ပိုင်နက် အဖြစ် ကြေငြာ ထားတာကြောင့် ထိပ်တိုက် ရင်ဆိုင်မှုတွေ ဖြစ်ပွားလေ့ ရှိပါတယ်။ ၁၉၉၈ ခုနှစ် အတွင်းမှာ တရုတ်ငါးဖမ်း သင်္ဘောသားတွေကို ဖိလစ်ပိုင် ရေတပ်က ဖမ်းဆီးခဲ့ပါတယ်။ ၁၉၉၉ ခုနှစ်၊ မေလမှာ တရုတ်ငါးဖမ်း သင်္ဘောတစီးကို ဖိလစ်ပိုင်ရေတပ် ကင်းထောက် ရေယာဉ်က နစ်မြုပ်ခဲ့ပါတယ်။ ဒါနဲ့ ပတ်သက်ပြီး ရေတပ် တာဝန်ရှိသူများကို ပြစ်ဒဏ်ပေးဖို့နဲ့ လျော်ကြေးပေးဖို့ တရုတ်က တောင်းဆိုခဲ့ပါတယ်။ တောင်းဆို ချက်ကို ဖိလစ်ပိုင်က ငြင်းဆန်ခဲ့ပါတယ်။ ၂၀၀၀ ခုနှစ်၊ ဇန်န၀ါရီလမှာ တရုတ် သင်္ဘောတွေနဲ့ စစ်လေယာဉ် အချို့ကို Scarborough Shoal အနီးတ၀ိုက်မှာ တွေ့ရှိရတဲ့ အတွက် ဖိလစ်ပိုင်နိုင်ငံက တရုတ်နိုင်ငံကို diplomatic protest ပြုလုပ် ခဲ့ပါတယ်။ ဒါပေမယ့် ဖေဖော်ဝါရီလ၊ မတ်လနဲ့ ဧပြီလတွေ တလျှောက်မှာ ဒိုင်းနမိုက်များ သယ်ဆောင်လာတဲ့ တရုတ် သင်္ဘောတွေကို ဖိလစ်ပိုင် ရေတပ်က ခြောက်လှန့် ပစ်ခတ်ပြီး၊ ဒေသတွင်း ကနေ ထွက်ခွာခိုင်းရတဲ့ ဖြစ်စဉ်တွေ အများအပြား ရှိလာပါတယ်။ ၂၀၀၂ ခုနှစ်၊ နိုဝင်ဘာလမှာ အာဆီယံနဲ့ တရုတ်တို့ အကြား Declaration on the Conduct of Parties on the South China Sea သဘော တူညီချက် ရရှိတဲ့အတွက် ပဋိပက္ခတွေက အနည်းငယ် ငြိမ်သက် သွားပါ တယ်။
၂၀၁၁ ခုနှစ်၊ ဇွန်လမှာ Scarborough Shoal မှာ ရှိတဲ့ Masinloc town ကို ဖိလစ်ပိုင် နိုင်ငံရဲ့ မြို့တမြို့ အဖြစ် အတည်ပြု ကြေငြာပြီး နောက်ပိုင်းမှာ ဖိလစ်ပိုင်နိုင်ငံရဲ့ အကြီးမားဆုံး စစ်သင်္ဘောကြီး ဖြစ်တဲ့ Raja Humabon ကို Scarborough Shoal အနီးတ၀ိုက်မှာ ကင်းလှည့်ဖို့ ဖိလစ်ပိုင် ရေတပ်က စေလွှတ်ခဲ့ပါတယ်။ ဒါကို တရုတ်နိုင်ငံက တုံ့ပြန်တဲ့ အနေနဲ့ တရုတ်ရဲ့ အကြီးမားဆုံး maritime patrol ship ဖြစ်တဲ့ Haixun-31 ကို ဖိလစ်ပိုင် အနောက်ဘက် ပင်လယ်ကို ဖြတ်သန်း ပြီး စင်ကာပူကို သွားဖို့ စေလွှတ်ခဲ့ပါတယ်။ ဖိလစ်ပိုင် သမ္မတ က ဘေဂျင်းအနေနဲ့ နိုင်ငံငယ်လေးတွေကို ခြိမ်းချောက် အနိုင်ကျင့်မှုတွေကို ရပ်တန့်ဖို့နဲ့ ဖိလစ်ပိုင် ရေပိုင်နက်ကို ကျူးကျော် ၀င်ရောက်ခြင်း မပြုဖို့ ပြောဆိုခဲ့ပါတယ်။
၂၀၁၂ ခုနှစ်၊ ဧပြီလ (၈) ရက်နေ့မှာ ဖိလစ်ပိုင် ရေတပ် ကင်းထောက် လေယာဉ်က Scarborough Shoal မှာ တရုတ်ငါး ဖမ်းသင်္ဘောရှစ်စီး ကျောက်ချ ရပ်နားထားတာကို တွေ့ရှိခဲ့ပါတယ်။ ဧပြီလ (၁၀) ရက်နေ့မှာ ဖိလစ်ပိုင် ရေတပ်သားတွေက ငါးဖမ်း သင်္ဘောတွေကို တက်ရောက် စစ်ဆေးခဲ့တာမှာ marine species များ တွေ့ရှိရတဲ့ အတွက်၊ ဖိလစ်ပိုင် နိုင်ငံခြားရေး ၀န်ကြီးက တရုတ်ငါးဖမ်း သင်္ဘောတွေဟာ တရားမ၀င် ငါးခိုးဖမ်းမှုတွေနဲ့ ရှားပါး ရေသတ္တ၀ါတွေကို ဖမ်းဆီးမှုတွေ ပြုလုပ် နေကြောင်း ပြောဆို ခဲ့ပါတယ်။ မကြာခင်မှာပဲ တရုတ်ရေတပ် ကင်းလှည့်ရေယာဉ် နှစ်စင်းဖြစ်တဲ့ China Marine Surveillance 75 (Zhongguo Haijian 75) နဲ့ China Marine Surveillance 84 (Zhongguo Haijian 84) တို့က ဖိလစ်ပိုင် ရေတပ်စစ်သင်္ဘော BRP Gregorio del Pilar နဲ့ တရုတ်ငါးဖမ်း သင်္ဘောတွေ အကြားမှာ ၀င်ရောက် နေရာယူပြီး၊ တရုတ်ငါးဖမ်း သင်္ဘောတွေကို ကာကွယ် ပေးလိုက်ပါတယ်။ ဧပြီလ (၁၂) ရက်နေ့ မှာတော့ နောက်ထပ် တရုတ်သင်္ဘော တစီးက ဒေသထဲကို ထပ်မံ ၀င်ရောက် လာတာကြောင့်၊ ရိက္ခာနဲ့ လောင်စာ ဖြည့်တင်းရန် အကြောင်းပြပြီး ဖိလစ်ပိုင်ရေတပ် စစ်သင်္ဘောက ဒေသတွင်းကနေ ထွက်ခွာပေးလိုက်ပါတယ်။
နောက်ပိုင်းမှာ ဒါနဲ့ပတ်သက်ပြီး နောက်ဆက်တွဲဖြစ်ရပ် အများအပြား ဖြစ်ပွား လာပါတယ်။ တရုတ်ထုတ် ကုန်ပစ္စည်းများ ကို သပိတ်မှောက်ဖို့ လှုံ့ဆော်မှုတွေ ဖိလစ်ပိုင်နိုင်ငံမှာ ပေါ်ထွက် လာပါတယ်။ Governor Joey Salceda ဆိုသူက တိုင်း ပြည်ရဲ့ နယ်မြေနဲ့ အမျိုးဂုဏ်၊ ဇာတိဂုဏ်ကို တိုင်းတပါးက ခြိမ်းချောက် လာချိန်မှာ ဖိလစ်ပိုင် လူမျိုးတွေရဲ့ ညီညွတ်မှုကို ပြတဲ့ အနေနဲ့ တရုတ် ထုတ်ကုန် ပစ္စည်းများကို သပိတ်မှောက်ဖို့ စည်းရုံး ဟောပြောခဲ့ပါတယ်။ ဒီလို သပိတ်မှောက်ခြင်း အားဖြင့် တရုတ်ရဲ့ စီးပွားရေးနဲ့ စစ်ရေး အင်အားကို အနိုင်ယူနိုင်မှာ မဟုတ်ပေမယ့်၊ တရုတ်ရဲ့ နိုင်ငံငယ်များကို စီးပွားရေး၊ စစ်ရေး နယ်ချဲ့တဲ့ မဟာဗျူဟာကို နိုင်ငံတကာက သတိပြုမိ လာအောင် လုပ်နိုင်ကြောင်း သပိတ်မှောက် သူတွေက ယုံကြည် ထားကြပါတယ်။ U.S. Pinoys for Good Governance နဲ့ ဖလော်ရီဒါ အခြေစိုက် ဗီယက်နမ် အမျိုးသား အင်အားစုတွေ ကလဲ တရုတ်ပစ္စည်းတွေကို သပိတ်မှောက် ခဲ့ကြပါတယ်။
၂၀၁၂ ခုနှစ်၊ ဧပြီလ (၂၀) ရက်နေ့မှာ ဖိလစ်ပိုင် တက္ကသိုလ်ရဲ့ အင်တာနက် စာမျက်နှာ တိုက်ခိုက်ခြင်း ခံခဲ့ရပြီး၊ တိုက်ခိုက် သူတွေက “We come from China! Huangyan Island is Ours ” ဆိုတဲ့ စာတမ်းကို ချန်ရစ် ခဲ့ကြပါတယ်။ နောက် တနေ့မှာ “Anonymous #Occupy Philippines” ဆိုတဲ့ အုပ်စုတခု က တရုတ် တက္ကသိုလ်၊ မီဒီယာ သမဂ္ဂ အင်တာနက် စာမျက်နှာကို တိုက်ခိုက်ခဲ့ပြီး “Chinese government is clearly retarded. Scarborough Shoal is ours!” ဆိုတဲ့ စာတမ်းကို ချန်ရစ် ခဲ့ပါတယ်။ ဧပြီလ အတွင်းမှာ နောက်ထပ် တိုက်ခိုက်မှုတွေ ဖြစ်ပွားလာပြီး ဖိလစ်ပိုင်ရဲ့ Official Gazette၊ သမ္မတရဲ့ ဆက်သွယ်ရေးနှင့် မဟာဗျူဟာ စီမံကိန်းဌာန၊ Presidential Museum နှင့် စာကြည့်တိုက် စတာတွေ တိုက်ခိုက် ခံခဲ့ရပါတယ်။
မေလရောက်တော့ ဖိလစ်ပိုင်ကနေ တရုတ်ကို တင်ပို့တဲ့ ငှက်ပျော်သီး တွေကို တရုတ်က ပိတ်ဆို့ ငြင်းဆန်မှုတွေ ပြုလုပ် လာပါတယ်။ အရည်အသွေး မပြည့်မှီတာကို အကြောင်းပြပြီး သင်္ဘောလိုက် ပြန်ပို့တာတွေ အထိ ဖြစ်ပွား လာပါတယ်။ တရုတ် အာဏာပိုင်တွေက ဖိလစ်ပိုင်ကနေ တင်ပို့တဲ့ နာနတ်သီးနဲ့ အခြား သစ်သီးဝလံ များကိုလဲ စနစ်တကျ စစ်ဆေးဖို့ ညွှန်ကြားချက်တွေ ထုတ်ပြန် လာပါတယ်။ တပြိုင်နက် တည်းမှာပဲ တရုတ်နိုင်ငံကနေ ဖိလစ်ပိုင်နိုင်ငံကို အလည်အပတ် ခရီးသွားမယ့် ခရီးစဉ်တွေကို တရုတ်ဘက်က ရပ်စဲမှုတွေ ပြုလုပ် လာပါတယ်။
မေလ (၁၁) ရက်နေ့မှာ ဖိလစ်ပိုင်နဲ့ ဟောင်ကောင် တို့မှာ ဆန္ဒပြပွဲတွေ ဖြစ်ပွား လာခဲ့ပါတယ်။ မနီလာမြို့ တရုတ် သံရုံးအ နီးမှာ တရုတ်ရဲ့ မူဝါဒတွေကို ဆန့်ကျင်တဲ့ ဆန္ဒပြပွဲ ဖြစ်ပွားခဲ့ပြီး၊ လူ (၅၀၀) ခန့် ပါဝင်ခဲ့ပါတယ်။ တခြားနိုင်ငံက တရုတ်သံ တမန်ရေးရာ မစ်ရှင်တွေမှာလဲ ဆန္ဒပြပွဲတွေ ပြုလုပ်မယ်လို့ ဆန္ဒပြပွဲကို ဦးဆောင် ကျင်းပသူတွေက ကြေငြာခဲ့ပါတယ်။ မနီလာ အခြေစိုက် တရုတ်သံရုံးက ဆန္ဒပြပွဲတွေ ဖြစ်ပွားချိန်မှာ တရုတ်လူမျိုးတွေ သံရုံးအနီးကို မလာဖို့ သတိပေးတား မြစ်ခဲ့ပါတယ်။ ထိုင်ဝမ်ကလဲ ဖိလစ်ပိုင်မှာ နေထိုင်တဲ့ ထိုင်ဝမ်နိုင်ငံသား တရုတ်များအတွက် အလားတူ သတိပေးချက်တွေ ထုတ်ပြန် ခဲ့ပါတယ်။ တရုတ်နိုင်ငံက ဖိလစ်ပိုင် သံရုံးရှေ့မှာလဲ ဖိလစ်ပိုင်လူမျိုး (၂၀၀) လောက် သွားရောက်စုဝေး ဆန္ဒပြခဲ့ ကြပါတယ်။
ဟောင်ကောင်ဆန္ဒပြပွဲကကျတော့ တရုတ်ရဲ့ နယ်မြေပိုင်ဆိုင်မှု အဆိုပြုချက်ကို ထောက်ခံတဲ့ အနေနဲ့ ဟောင်ကောင် အခြေစိုက် ဖိလစ်ပိုင်သံရုံး အနီးမှာ ဆန္ဒ ပြခဲ့ကြတာ ဖြစ်ပါတယ်။ ဆန္ဒပြသူတွေက သံတမန် ၀န်ထမ်းတွေကို အိတ်ဖွင့်ပေးစာ တစောင် ပေးအပ်ခဲ့ပါတယ်။ ဒီအိတ်ဖွင့်ပေးစာမှာ Scarborough Shoal ကို တရုတ်က ပိုင်ဆိုင်ခဲ့တာ ၁၂၇၉ ခုနှစ်၊ Yuan Dynasty လက်ထက် ကတည်းက ဖြစ်ကြောင်းကို ဖော်ပြ ထားခဲ့ပါတယ်။ မေလ (၁၂) ရက်နေ့မှာတော့ တရုတ်နိုင်ငံအ ခြေစိုက်၊ ဖိလစ်ပိုင် သံရုံးရှေ့မှာ တရုတ်လူမျိုး ငါးဦးက “Huangyan Island will always belong to China” နဲ့ “Keep your hands off Huangyan Island” ဆိုတဲ့ စာတမ်းများကို ကိုင်ဆောင်ပြီး ဆန္ဒပြခဲ့ကြပါတယ်။
မကြာခင်မှာပဲ Scarborough Shoal အနီးက တောင်တရုတ် ပင်လယ်မှာ မေလ (၁၆) ရက်နေ့မှ သြဂုတ်လ (၁) ရက်နေ့ အထိ ငါးဖမ်းခြင်း မပြုကြဖို့ တရုတ် အစိုးရက ထုတ်ပြန် ကြေငြာ ခဲ့ပါတယ်။ ဖိလစ်ပိုင်ကလဲ တရုတ်ရဲ့ ကြေငြာချက်ကို အသိ အမှတ်မပြုဘဲ မေလ (၁၆) ရက်နေ့မှ ဇူလိုင်လ (၁၅) ရက်နေ့ အထိ ငါးဖမ်းခြင်း တားမြစ်ချက်ကို ထုတ်ပြန် ကြေငြာပါ တယ်။ ယခုစာရေးချိန် စက်တင်ဘာလ အထိ နောက်ထပ် ထိပ်တိုက် ရင်ဆိုင်မှုများ မဖြစ်ပွားသေး ပေမယ့် Scarborough Shoal အနီး တ၀ိုက်မှာကတော့ တရုတ် သင်္ဘောတွေနဲ့ ဖိလစ်ပိုင် သင်္ဘောတွေ အပြန်အလှန် နေရာ ယူထားကြဆဲ ဖြစ်တာ ကြောင့် မဟာဗျူဟာ ပညာရှင်တွေကတော့ “cold standoff” အဖြစ် သတ်မှတ်ထားဆဲပဲ ဖြစ်ပါတယ်။
Scarborough Shoal နဲ့ ပတ်သက်တဲ့ အငြင်းပွားမှုတွေ မပြီးဆုံးသေးချိန်မှာပဲ ၂၀၁၂ ခုနှစ်၊ ဇူလိုင်လ (၁၁) ရက်နေ့မှာ တရုတ်ပြည်သူ့ လွတ်မြောက်ရေး တပ်မတော် (PLA) ရေတပ်ရဲ့ missile frigate Dongguan ဟာ ဖိလစ်ပိုင်နိုင်ငံ၊ Palawan ကျွန်းရဲ့ ရေမိုင် ခြောက်ဆယ် အကွာမှာရှိတဲ့ Half Moon Shoal ကို ရောက်ရှိပြီး ကင်းလှည့် တာဝန်ထမ်းဆောင် လာပြန်ပါတယ်။ Half Moon Shoal ဟာ Spratly Islands ရဲ့ တစိတ်တပိုင်း ဖြစ်ပြီး၊ တရုတ်နိုင်ငံရဲ့ ပိုင်နက်ဖြစ်ကြောင်း တရုတ်ဘက်က ကြေငြာ ထားသလို၊ ဖိလစ်ပိုင်ကလဲ ဖိလစ်ပိုင် နိုင်ငံရဲ့ internationally defined exclusive economic zone (EEZ) အဖြစ် အဆိုပြု ကြေငြာ ထားပါတယ်။ ဒီဒေသကို တရုတ်ရေတပ် စစ်သင်္ဘောတွေ ဖြတ်သန်း သွားလာ ခဲ့ဖူးပြီး၊ ဖိလစ်ပိုင် ရေတပ်နဲ့ ထိတွေ့တဲ့ incidents တွေ ရှိခဲ့ဖူးပါတယ်။ ဒါပေမယ့် တရုတ် ရေတပ်က ဖြတ်သန်း သွားလာတာ မ ဟုတ်တော့ဘဲ ကင်းလှည့် လာတာကတော့ ပထမဦးဆုံး အကြိမ် ဖြစ်လာတဲ့ အတွက် ဖိလစ်ပိုင်နိုင်ငံ တာဝန်ရှိသူတွေ အ ကြားမှာ စိုးရိမ်မကင်း ဖြစ်လာပါတယ်။ ဖိလစ်ပိုင် တက္ကသိုလ်၊ နိုင်ငံတကာ ဥပဒေ လေ့လာရေး သိပ္ပံက နိုင်ငံခြား စစ်သင်္ဘော တွေအနေနဲ့ အငြင်းပွားဖွယ်ရာ ရေပိုင်နက် အတွင်းကို ၀င်ရောက်ပြီး ကင်းလှည့်ပိုင်ခွင့် မရှိကြောင်း ထုတ်ပြန် ကြေငြာခဲ့ပ့ါ တယ်။
တောင်တရုတ်ပင်လယ်ထဲမှာ စစ်ရေး ထိတွေ့မှုတွေ ဖြစ်ပွား လာနိုင်မလား ဆိုတာကိုတော့ ယနေ့ အချိန်ထိမှာ ဘယ်သူမှ တပ်အပ်သေချာ မပြောနိုင် ကြသေးပါဘူး။ ရေပိုင်နက် အငြင်းပွားမှု တွေကို ငြိမ်းချမ်းစွာ ဖြေရှင်းဖို့ကိုတော့ ဒေသတွင်းနိုင်ငံ အများစုနဲ့ အင်အားကြီး နိုင်ငံများက တိုက်တွန်း နေကြဆဲပါ။ ပဋိပက္ခ ဖြေရှင်းရေး မူဝါဒများကိုလဲ သုတေသန အဖွဲ့အစည်း များနဲ့ ပညာရှင် များစွာက တင်ပြ ဆွေးနွေး နေကြပါတယ်။ သံတမန်ရေး၊ စစ်ရေး ထိတွေ့မှုတွေ ဖြစ်ပွားသွားစေနိုင်မယ့် triggers နဲ့ drivers တွေကို ဖော်ထုတ်ပြီး၊ ဘယ်လို စီမံခန့်ခွဲ သင့်တယ် ဆိုတာကိုလဲ ဆွေးနွေး ဖော်ထုတ် နေကြပါတယ်။ Scarborough Shoal incident ဟာ တရုတ်နဲ့ ဖိလစ်ပိုင်တို့ အကြားမှာ ဖြစ်ပွားလာတာ ဖြစ်ပေမယ့်၊ တောင်တရုတ်ပင် လယ်အရေးသာ စစ်ရေး ထိပ်တိုက် ရင်ဆိုင်မှုတွေအနေနဲ့ ကြီးထွား လာခဲ့ရင် တိုက်ရိုက် ပါဝင် ပတ်သက်နေတဲ့ အခြားနိုင်ငံ များနဲ့ သွယ်ဝိုက် အကျိုးစီးပွားရှိနေတဲ့ အမေရိကန် နိုင်ငံတို့ကိုပဲ စစ်ပွဲထဲ ဆွဲသွင်းသလို ဖြစ်လာနိုင်တာကြောင့်၊ လူအများ က ရင်တမမနဲ့ လေ့လာ သုံးသပ် နေကြပါတယ်။ အခု ဆက်လက်ပြီး တောင်တရုတ် ပင်လယ် အတွင်းက ရေပိုင်နက် အငြင်း ပွားမှုတွေမှာ ပါဝင် ပတ်သက်နေတဲ့ တရုတ်၊ မလေးရှား၊ ဖိလစ်ပိုင်၊ ဗီယက်နမ်၊ ဘရူးနိုင်း၊ ထိုင်ဝမ်တို့ရဲ့ အပြိုင်အဆိုင် အ ဆိုပြုချက်များ (competing claims) နဲ့ မဟာဗျူဟာ အကျိုးဆက်များ (strategic implications) ကို ဆက်လက် တင်ပြပါမယ်။
(ဆက်လက်ဖော်ပြပါမည်)
ခင်မမမျိုး
Ref: နေ့သစ်
သမ္မတ ဦးသိန်းစိန် နဲ့ ဗွီအိုအေသီးသန့် တွေ့ဆုံ မေးမြန်းခန်း
ဦးသန်းလွင်ထွန်း
29.09.2012
သတင်းမီဒီယာတွေဟာ ကိုယ့်တိုင်းပြည်ရဲ့ သိသင့်တဲ့ ကိစ္စတွေကို ကြော်ငြာပေးရာ ရောက်တဲ့ အတွက် ကျေးဇူး တင်တယ်လို့ သမ္မတ ဦးသိန်းစိန်က ပြောလိုက်ပါတယ်။ ကုလသမဂ္ဂ အထွေထွေ ညီလာခံမှာ မိန့်ခွန်းပြောဖို့ အမေရိကန် ပြည်ထောင်စုကို လာခဲ့တဲ့ သမ္မတ ဦးသိန်းစိန်ရဲ့ ခရီးစဉ်အပြီး ဗွီအိုအေ မြန်မာပိုင်းက သီးသန့် တွေ့ဆုံ မေးမြန်းခဲ့စဉ်မှာ ခုလို ပြောခဲ့တာ ဖြစ်ပါတယ်။ သမ္မတရဲ့ ခရီးစဉ်အတွင်း ဒေါ်အောင်ဆန်းစုကြည်နဲ့ နယူးယောက် မြို့မှာ တွေ့ဆုံခဲ့တဲ့ ကိစ္စ၊ လွှတ်တော်နဲ့ ချိန်ခွင်လျှာညှိ အုပ်ချုပ်တဲ့နေရာမှာ တွေ့ရတဲ့ အခက်အခဲ၊ စီးပွားရေး အကျိုးအမြတ်တွေကို အခွင့်ထူးခံတွေပဲ မခံစားရအောင် ဘယ်လို ကာကွယ်မလဲ ဆိုတဲ့ အမေးတွေကို သမ္မတ ဦးသိန်းစိန်က ဖြေကြားခဲ့ပါတယ်။ ဗွီအိုအေ ဌာနမှူး ဦးသန်းလွင်ထွန်းနဲ့ သမ္မတ ဦးသိန်းစိန်တို့ သီးသန့် တွေ့ဆုံမေးမြန်း ထားတာ ဖြစ်ပါတယ်။
သမ္မတကြီးရဲ့ ကုလသမဂ္ဂ အထွေထွေညီလာခံ မိန့်ခွန်းက မြန်မာနိုင်ငံရဲ့ ပြုပြင် ပြောင်းလဲမှုတွေကို တကမ္ဘာလုံးက၊ နိုင်ငံပေါင်းစုံက၊ နိုင်ငံ ခေါင်းဆောင်တွေက နေပြီးတော့ အသိအမှတ် ပြုမှုတွေ ရသွားစေတဲ့ အားလုံး လှိုက်လှိုက်လှဲလှဲ ချီးကျူးရတဲ့ မှတ်ကျောက် တင်နိုင်တဲ့ မိန့်ခွန်းပါ။ ဒီနေရာမှာ သတိထားမိတာက အခုလို ပြောဆို သွားတဲ့ နိုင်ငံရေး ပြုပြင် ပြောင်းလဲမှုတွေမှာ ဆိုရင် အဂတိ လိုက်စားမှုနဲ့၊ သမ္မတကြီးလည်း အရင် ပြောဖူးပါတယ်။ ဥပဒေ စိုးမိုးရေး ကိစ္စတွေပါ။ တဆက်တည်းမှာပဲ လွှတ်တော်ထဲမှာဆိုရင် ဒေါ်အောင်ဆန်းစုကြည်က နေပြီးတော့ တရားဥပဒေ စိုးမိုးရေး ကော်မရှင် ဆိုတာကို ခေါင်းဆောင်မှု တာဝန်ယူထား နေပါပြီ။ အဲဒီတော့ ဒေါ်အောင်ဆန်းစုကြည် ဦးဆောင်တဲ့ တရားဥပဒေ စိုးမိုးရေး ကော်မရှင်ကို သမ္မတကြီးတို့ အစိုးရ အဖွဲ့ အနေနဲ့ ဘယ်လိုများ ကူညီပံ့ပိုးမှုတွေ၊ ပူးပေါင်း လုပ်ဆောင်မှုတွေ လုပ်သွားမလဲ ဆိုတာ သိပါရစေ။ -
“ဒီကိစ္စနဲ့ ပတ်သက်လို့ လွှတ်တော်ကလည်း ဒါ သူတို့ လုပ်သင့်လုပ်ထိုက်တဲ့ ကိစ္စ ဖြစ်ပါတယ်။ နောက်တခါ ဒေါ်အောင်ဆန်းစုကြည် ကလည်း rule of law ဆိုပြီးတော့ အမြဲတမ်း ပြောလေ့ပြောထ ရှိတယ်။ ပြောလေ့ပြောထ ရှိတဲ့အတွက်ကြောင့် တရားဥပဒေ စိုးမိုးရေး၊ အဂတိလိုက်စားမှုတွေနဲ့ ပတ်သက်ပြီးတော့ ဒီဟာက ကျနော်တို့ရဲ့ ရည်မှန်းချက်လည်း ဖြစ်ပါတယ်။ အဲဒီတော့ ကျနော်တို့ အစိုးရ ဘက်ကလည်း လုပ်တယ်။ လွှတ်တော်ကလည်း ဒီလို ၀ိုင်းပြီးတော့ လုပ်ပေးတော့ ဒါက ဘာပဲဖြစ်ဖြစ် ကောင်းတဲ့ အလားအလာ တခု ဖြစ်တယ်ပေါ့။”
ဒီကော်မရှင်အနေနဲ့ သမ္မတကြီးရော၊ နောက်ပြီးတော့ ဒေါ်အောင်ဆန်းစုကြည်ပါ ပြည်ပခရီး ထွက်နေတဲ့ အချိန်မှာ ရန်ကုန် တိုင်းတွင်းမှာ ရှိတဲ့ တချို့ ရဲစခန်းလေးတွေကို သွားပြီးတော့ ကြည့်တယ်။ တရားသူကြီး အဖွဲ့တွေနဲ့ ဆွေးနွေးတယ် ဆိုတာလည်း ကျနော်တို့ ကြားပါတယ်။ အဲဒီနေရာမှာ တချက်ပေါ့နော်၊ ဒါကတော့ လက်တွေ့ ဖြစ်တဲ့ ကိစ္စလေးတွေပေါ့။ မိသားစု တစုကို ဖမ်းထားပြီးတော့ အာမခံမပေးတဲ့ ကိစ္စမျိုးတွေကို တွေ့ရတယ် ဆိုတာမျိုး ကြားပါတယ်။ ဒါမျိုးတွေနဲ့ ကြုံလာရင် အစိုးရ အဖွဲ့အနေနဲ့ ဘယ်လိုများ တုံ့ပြန် ဆောင်ရွက်သွားဖို့ အစီအစဉ် ရှိလဲခင်ဗျ။ -
“ဒီကိစ္စက ကျနော် ထင်တယ်၊ ဥပဒေ အတိုင်းပဲ ကျနော်တို့ လုပ်ကြရမယ့်ကိစ္စ ဖြစ်ပါတယ်။ ဥပဒေနဲ့ မညီညွတ် တာကို လုပ်တဲ့ အတွက်ကြောင့် ဒီအဖွဲ့ကနေ သွားပြီးတော့ ရဲစခန်းတွေကို ကြည့်တယ်၊ မှန်တယ် ပြုတယ် ဆိုရင် ဒါကို ဥပဒေအတိုင်း ဖြစ်အောင် ကျနော်တို့က အစိုးရပိုင်းက ဆောင်ရွက်ဖို့ ရှိပါတယ်။”
ဒေါ်အောင်ဆန်းစုကြည်နဲ့ ပတ်သက်လို့ပေါ့နော်၊ သမ္မတကြီး အနေနဲ့ ဒီပြည်ပခရီးကို မထွက်ခင် မှာလည်း မကြာသေးခင်က ဒေါ်အောင်ဆန်းစုကြည် နဲ့ တွေ့ဆုံခဲ့တာ ရှိပါတယ်။ အလားတူပဲ ပြည်ပကို ရောက်တဲ့ အခါမှာလည်း အထူးတလည် ဒေါ်အောင်ဆန်းစုကြည်က သမ္မတကြီးကို လာပြီးတော့ နှုတ်ဆက် ဂါရ၀ပြုတာ တွေ့ရပါတယ်။ အဲဒီတော့ ဘယ်လို အကြောင်းတွေနဲ့ ထူးထူးခြားခြားလေးများ ပြည်ပမှာရောက်တုန်း ဆွေးနွေးဖြစ်တယ်ဆိုတာ သိပါရစေခင်ဗျ။ -
“သူတို့ကတော့ ကျနော့်ကို အကြီးအကဲ တယောက်အနေနဲ့ သူလည်း ဒီမှာရောက်နေတယ်၊ ကျနော် ကလည်း ဒီ UN ရဲ့ အထွေထွေ ညီလာခံမှာ မိန့်ခွန်းပြောဖို့ လာတယ် ဆိုတော့ သူကတော့ လာပြီးတော့ တွေ့ဆုံ နှုတ်ဆက်တဲ့ သဘောပါ။ ဘာမှတော့ ထွေထွေထူးထူး တိုင်ပင်တာ ပြောတာတွေ မရှိပါဘူး။ နှုတ်ဆက်တဲ့ သဘောပါပဲ။”
စောစောတုန်းက ကျနော် ပြောတဲ့အထဲမှာ လွှတ်တော်ရဲ့ ကော်မရှင်တွေပေါ့နော်၊ လွှတ်တော်ရဲ့ ကော်မရှင်တွေ ကိစ္စမှာ ထူးခြားတဲ့၊ မြန်မာနိုင်ငံရဲ့ သက်တမ်း နုနယ်သေးတဲ့ ဥပဒေပြု လွှတ်တော် အခြေအနေနဲ့ သမ္မတကြီး တို့ရဲ့ ပြုပြင် ပြောင်းလဲမှုတွေကို တစိုက်မက်မက် လုပ်နေတဲ့ အစိုးရ အဖွဲ့ကြားထဲမှာ အများ အမြင်ပေါ့နော်၊ အပြင်ဘက်ကအမြင်မှာ နည်းနည်း တင်းမာမှုတွေ ရှိနေတယ် ဆိုတဲ့ သဘောပေါ့နော်။ လွှတ်တော်ကော်မရှင်တွေကို ပြည်ထောင်စု အဆင့် ထားရှိရေး ကိစ္စနဲ့ ပတ်သက်ပြီးတော့ ငြင်းကြ ခုန်ကြတဲ့ ပုံစံလေးတွေ ဖြစ်တယ်။ နောက် အခြေခံဥပဒေ ဆိုင်ရာ ခုံရုံးအဖွဲ့ကို နုတ်ထွက် ခိုင်းလိုက်ရတဲ့ အခြေအနေမျိုးတွေ ဖြစ်ခဲ့တော့ တချို့ဆိုရင် ဒါကို ဖွဲ့စည်းပုံ အခြေခံဥပဒေ crisis ပေါ့နော်၊ ပြဿနာကြီးတရပ် လို့တောင် ပြောချင်တဲ့သူတွေ ရှိနေကြတယ်ခင်ဗျ။ အဲဒီတော့ ဒါနဲ့ ပတ်သက်လို့ သမ္မတကြီးရဲ့ အမြင်ကို ရှင်းပြပေးပါလား။ -
“ဖွဲ့စည်းပုံ အခြေခံဥပဒေမှာ ပြဿနာတရပ် ရှိလာလို့ရှိရင်၊ နောက်တခါ ဒီ ဖွဲ့စည်းပုံ အခြေခံ ဥပဒေက တာဝန်ပေးထားတဲ့ ဖွဲ့စည်းပုံ အခြေခံ ဥပဒေဆိုင်ရာ ခုံရုံးကနေ ဒီပြဿနာကို ဖြေရှင်းပေးဖို့ တာဝန် ရှိပါတယ်။ အဲဒီတော့ ဒီ အခြေခံဥပဒေ ခုံရုံးကနေပြီးတော့ ဖြေရှင်းပေးတဲ့ ကိစ္စတခုကို လွှတ်တော်ကနေ မှန်တယ် မှားတယ်၊ ဒါကတော့ သူတို့ပဲ ဆုံးဖြတ်ပြီးတော့ လိုက်နာ လုပ်ဆောင်ရမယ့် ကိစ္စတွေ ဖြစ်ပါတယ်။ အဲဒီတော့ မှားတယ်ဆိုရင်လည်း ဒါ သူတို့ရဲ့ အများစုနဲ့ မှားတဲ့အကြောင်း၊ မှန်တယ်ဆိုလို့ရှိရင်လည်း ဒါ သူတို့ရဲ့ အပိုင်းပါပဲ။ ဒီကိစ္စကြောင့် ကျနော်တို့နဲ့တော့၊ အစိုးရပိုင်းနဲ့တော့ ပြဿနာ မရှိဘူး။ သို့သော်လည်း ပထမ ဒီကိစ္စနဲ့ ပတ်သက်ပြီးတော့ ခုနကလို ဒီလူတွေ ထွက်သွားရအောင် ဖြစ်မယ့်အစားပေါ့လေ။ တခြား ထွက်ပေါက် တခု ရှိပါသေးတယ်။ ဒီထွက်ပေါက်ကတော့ ခုနကလို လွှတ်တော်မှာ ဖွဲ့စည်းပုံ အခြေခံဥပဒေမှာ အခန်း (၂၀) မှာ ပြဌာန်းထားတယ်။ amendment ပေါ့။ ပြင်ဆင်လို့ ရတယ်။ အဲဒီတော့ ဖွဲ့စည်းပုံ အခြေခံဥပဒေထဲမှာ တိတိကျကျနဲ့ မပါဘူးဆိုရင် တိတိကျကျ ပါအောင် ထပ်ပြီးတော့ ထည့်လို့ရတယ်။ ကျနော်ကတော့ ဒီဟာလေး လမ်းကြောင်းလေးတော့ ပေးလိုက်ပါတယ်။ သို့သော်လည်းပဲ ဒီအဖွဲ့အစည်းနှစ်ခုဟာ သီးခြား ဆောင်ရွက်ပေးထားတဲ့ အဖွဲ့အစည်း နှစ်ခုဖြစ်တဲ့အတွက်ကြောင့် ကြိုက်တဲ့ နိုင်ငံရေး လမ်းကြောင်းကို သူတို့ ရွေးချယ်သွားခြင်းပဲ ဖြစ်ပါတယ်။”
သမ္မတကြီးရဲ့ ကုလသမဂ္ဂ မိန့်ခွန်းမှာပဲ ကျနော် သတိထားမိတဲ့အချက်က အရင်အစိုးရဟာ စစ်တပ်နဲ့ အုပ်ချုပ်တဲ့၊ အမိန့်အာဏာနဲ့ အုပ်ချုပ်တဲ့ အစိုးရ၊ အခုဆိုရင် အရပ်သား အစိုးရ အနေနဲ့ ဥပဒေပြု အဖွဲ့တွေ၊ အတိုက်အခံတွေနဲ့ ချိန်ခွင်လျှာ ညှိပြီးတော့ အုပ်ချုပ်ရတဲ့ အစိုးရပုံစံမျိုး ဖြစ်လာပြီဆိုတော့၊ ဒီလို အထူးသဖြင့် လွှတ်တော်နဲ့ ချိန်ခွင်လျှာ ညှိပြီး အုပ်ချုပ်ရတဲ့ အနေအထားမျိုးမှာ ဘယ်လို အခက်အခဲမျိုးတွေ ရှိနေလဲ။ -
“အမှန်ကတော့ လွှတ်တော်ကလည်း ဥပဒေပြုရေးအပိုင်းမှာ သီးခြား လုပ်ဆောင်ခွင့် သူ့မှာရှိတယ်။ သူ့ရဲ့ အဓိက တာဝန်ကတော့ ဥပဒေပြုရေး အပိုင်းပေါ့လေ။ ကျနော်တို့ အစိုးရပိုင်းဆိုတာက အုပ်ချုပ်ရေး အပိုင်းပေါ့။ အဲဒီတော့ ဒီ ဖွဲ့စည်းပုံ အခြေခံဥပဒေ အရ မဏ္ဍိုင်ကြီး သုံးခုပေါ့။ ဥပဒေပြုရေးအပိုင်း၊ အုပ်ချုပ်ရေး အပိုင်းနဲ့ တရားစီရင်ရေး အပိုင်း ဆိုပြီးတော့ ဒီလို ခွဲခြားပြီးတော့ သတ်မှတ်ပေးထားပါတယ်။ အမှန်ကတော့ ကိုယ့်အလုပ် ကိုယ်လုပ်ကြတဲ့အပိုင်းပါပဲ။ သို့သော်လည်း တခုနဲ့တခုက ထိန်းကျောင်းပေးဖို့ ဆိုတဲ့ဟာကလည်း ဖွဲ့စည်းပုံ အခြေခံဥပဒေထဲမှာ ပါပါတယ်။ အမှားအယွင်း မရှိရအောင်၊ အစိုးရအဖွဲ့ကလည်း ခုနကလို တချို့ကိစ္စတွေ လွှတ်တော်ကို ထောက်ပြစရာ ရှိတာ ထောက်ပြ ရမှာဖြစ်သလို၊ လွှတ်တော် အပိုင်းကလည်း အစိုးရအဖွဲ့ကို ထောက်ပြရမှာ ဖြစ်ပါတယ်။ ဒါကို ဖွဲ့စည်းပုံ အခြေခံဥပဒေ အရ အကောင်အထည်ဖော် ဆောင်ရွက်ခြင်းပဲ ဖြစ်တယ်လို့ ကျနော်တို့ ခံယူထားပါတယ်။”
သမ္မတကြီးရဲ့ အခု ကုလသမဂ္ဂ ညီလာခံနဲ့ တိုက်ဆိုင်ပြီးတော့ လာတဲ့ အမေရိကန် ခရီးစဉ်က အောင်မြင်မှုတွေ တော်တော် ကြားရပါတယ်။ အထူးသဖြင့် သမ္မတကြီး ဒီမှာရှိနေတုန်းမှာပဲ မြန်မာနိုင်ငံရဲ့ ပို့ကုန်တွေကို ပိတ်ဆို့ထားတဲ့ ကိစ္စ နဲ့ပတ်သက်ပြီးတော့ ပယ်ဖျက်ပေးမယ် ဆိုတဲ့ ကြေညာချက်လည်း ထွက်ပါတယ်။ ဒီလို ပို့ကုန်တွေ ပိတ်ဆို့ထားမှု ပယ်ဖျက်လိုက်ပြီဆိုရင် မြန်မာနိုင်ငံမှာရှိတဲ့၊ တချို့က စိုးရိမ်နေတယ်ပေါနေ့ာ်၊ cronies လို့ခေါ်တဲ့ အခွင့်ထူးခံ လူနည်းစုပဲ အသာစီး ရယူပြီးတော့ စီးပွားလမ်းဖြစ်သွားမယ့် ပုံစံမျိုး မဖြစ်အောင်ဆိုရင် သမ္မတကြီးရဲ့ အမြင်က ဘယ်လိုများ ကူညီဆောင်ရွက်ဖို့ ရှိမလဲ။ -
“ဒီဟာကတော့ ကျနော်တို့ investment law နဲ့သွားပြီးတော့ ဆိုင်ပါတယ်။ အဲဒီတော့ investment law မှာလည်း ကိုယ့်နိုင်ငံသား၊ နောက်တခါ နိုင်ငံခြားသား စသည်ဖြင့်ပေါ့လေ။ နိုင်ငံငခြားကနေ လာပြီးတော့ ရင်းနှီးမြှုပ်နှံတယ် ဆိုရင် ကျနော်တို့က မူဝါဒ ပေးထားပါတယ်။ တစ်အချက်ကတော့ ကိုယ့်နိုင်ငံသားတွေရဲ့ အကျိုးစီးပွားကို မထိခိုက်စေရဘူး။ နှစ်အချက်ကတော့ ကိုယ့်နိုင်ငံရဲ့ ဂုဏ်သိက္ခာကို မထိခိုက်စေရဘူး။ ဥပမာ - အနောက်နိုင်ငံတွေကနေ လာပြီးတော့ လက်ဝါးကြီး အုပ်သွားတာ၊ တရုတ်ကပဲ လာပြီးတော့ စီးပွားရေး လုပ်ငန်းတွေမှာ လက်ဝါးကြီး အုပ်သွားတာ ဆိုရင် နိုင်ငံလည်း သိက္ခာကျတယ်လေ။ အဲဒီတော့ ကိုယ့်နိုင်ငံရဲ့ ဂုဏ်သိက္ခာလည်း မထိခိုက်စေရဘူး။ နောက်တခုကတော့ အချုပ်အချာ အာဏာပေါ့။ အဲဒီတော့ အချုပ်အချာ အာဏာ ဆိုတော့ နိုင်ငံရေး သမားနဲ့ စီးပွားရေး သမားဟာ သိပ်ပြီးတော့ အချိတ်အဆက် လုပ်ပြီးတော့မှ လှုပ်ရှားရတဲ့သဘော ရှိပါတယ်။ ဥပမာ - နိုင်ငံရေး သမားကလည်း မဲရွေးဖို့ဆိုရင် စီးပွားရေးသမားဆီက လိုတဲ့ငွေကို အလှူခံရတာတွေ၊ လက်ခံရတာတွေ၊ ဒါတွေ ရှိတာပေါ့။ ဒါမှမဟုတ်ရင် နိုင်ငံရေးသမား အာဏာရတဲ့အခါမှာလည်း စီးပွားရေး သမားကို ပြန်ပြီးတော့ နေရာပေးရတာတွေလည်း ရှိတာပေါ့။ သို့သော်လည်း ဒီဟာတွေက သိပ်ပြီးတော့ ထဲထဲဝင်ဝင်နဲ့ သိပ်ပြီးတော့ များလာလို့ရှိရင် စီးပွားရေးသမားက အချုပ်အချာ အာဏာမှာလာပြီးတော့ ချုပ်ကိုင်တဲ့ သဘောမျိုးတွေ သက်ရောက်နိုင်တယ်။ ဒါကြောင့်မိုလို့ အချုပ်အချာအာဏာကိုတော့ မထိခိုက်စေ ရဘူး။ နောက်တခုကတော့ သဘာဝပတ်ဝန်းကျင်ကို ကျနော်တို့ မပျက်ယွင်း စေရဘူး။ ဘာဖြစ်လို့လဲဆိုတော့ ရှိသမျှ အကုန်ထုတ်ယူပြီးတော့ အကုန်လုပ်သွားလို့တော့ မဖြစ်ဘူး။ ဘာဖြစ်လို့လဲ ဆိုတော့ ကျနော်တို့ သားစဉ်မြေးဆက် ချန်ထားခဲ့ရဦးမှာ။ ဒါကြောင့်မိုလို့ ရင်းနှီးမြှုပ်နှံမှု အပိုင်းနဲ့ ပတ်သက်ပြီးတော့ လာပြီးတော့ ဒီလို ရင်းနှီးမြှုပ်နှံခြင်းအားဖြင့် ကိုယ့်တိုင်းရင်းသားရဲ့ အကျိုးစီးပွားကို ထိခိုက်စရာ အကြောင်းမရှိပါဘူး။ ကျနော်တို့ ဒါကို အကာအကွယ် ပေးထားပါတယ်။ နောက်တခုကလည်း investment law နဲ့လည်း အကာအကွယ် ပေးထားတယ်။”
အခု ဒီခရီးစဉ်အတွင်းမှာဆိုရင် သမ္မတကြီးဟာ ပြည်ပမှာရှိနေတဲ့ ပြည်ပ မီဒီယာတွေနဲ့ရော၊ မြန်မာလို အသံလွှင့်နေတဲ့ မြန်မာမီဒီယာ တွေနဲ့ရော တော်တော်လေးကို အချိန်ပေးပြီးတော့ တွေ့ဆုံခဲ့တာတွေ ရှိပါတယ်။ အဲဒီတော့ ဒီလို မီဒီယာတွေရဲ့ အခန်းကဏ္ဍနဲ့ ပတ်သက်ပြီးတော့၊ ပြည်တွင်းမှာရှိတဲ့ မီဒီယာတွေကိုလည်း လွတ်လပ်ခွင့်တွေ ပေးနေတယ်ဆိုတာ ကျနော်တို့ ကြားရပါတယ်။ သမ္မတကြီး အနေနဲ့ ရှေ့ဆက်ပြီးတော့ ဘာတွေ ဖြစ်စေချင်လဲ၊ ဘာတွေမြင်ချင်လဲ ဆိုတာ သိပါရစေ။ -
“အမှန်ကတော့ ဒီ မီဒီယာတွေကတော့ အများသောအားဖြင့်တော့ ကိုယ့်တိုင်းပြည်ရဲ့ သိသင့်သိထိုက်တဲ့ ကိစ္စတွေကို ကြော်ငြာပေးတဲ့ သဘောပါ။ ကြောငြာပေးတဲ့ သဘော ဖြစ်တဲ့အတွက်ကြောင့် တိုင်းပြည်အနေနဲ့ ကျနော်တို့အနေနဲ့တော့ ကျေးဇူးတင်ရတာပေါ့။ မီဒီယာကို ကျေးဇူးတင်ရမယ့်သဘော ကျနော်တို့ ရှိပါတယ်။ ဒီလို တွေ့ဆုံ ပြောကြားပြီးမှပဲ ခင်ဗျားတို့ ခုနကလို ထုတ်ပြန်လိုက်တဲ့ဟာ၊ လွှင့်လိုက်တဲ့ ဟာတွေက အများပြည်သူ သိရှိမယ်၊ နားလည်မယ်၊ သဘောပေါက်သွားမယ် ဆိုတာ ဘာပဲဖြစ်ဖြစ် ကျနော်တို့ကတော့ ကျေးဇူးတင်ပါတယ်။”
ဒီနိုင်ငံမှာဆိုရင် အထူးသဖြင့် အမေရိကန်မှာပေါ့နော်၊ နိုင်ငံခြားရေးဌာန ဆိုရင် နိုင်ငံခြားရေးဌာနအလျောက် နေ့စဉ် သတင်းထုတ်ပြန်ချက် ရှိပါတယ်။ နောက်ပြီးတော့ အိမ်ဖြူတော် ဆိုရင်လည်း အိမ်ဖြူတော်ရဲ့ နေ့စဉ်သတင်း ထုတ်ပြန်တာ ရှိပါတယ်။ အလားတူပဲ သမ္မတကြီး ကိုယ်တိုင်လည်း လိုအပ်ရင် လိုအပ်သလို သတင်းစာ ရှင်းလင်းပွဲတွေ လုပ်လေ့ရှိပါတယ်။ နောက်ပိုင်းမှာရော သမ္မတကြီး အနေနဲ့ အချိန်ပေးနိုင်ရင် ဒါမျိုးတွေ လုပ်ပေးဖို့ ရှိနိုင်မလား။ -
“အမှန်တော့ ကျနော်တို့က ဒီမိုကရေစီ အလေ့အကျင့်လေး တဖြည်းဖြည်းနဲ့ ရင့်ကျက်လာရင် ဒါတွေက ကျနော်တို့ လုပ်သွားရမယ်။ အခုကတော့ ဒီမိုကရေစီ အတွေ့အကြုံတွေ၊ အလေ့အကျင့်တွေကလည်း တနှစ်ခွဲကာလအတွင်း ဆိုတော့ အတော်လေး ကျနော်တို့က နုနယ်ပါသေးတယ်။ နောင်ကျရင်တော့ ဒီမိုကရေစီ ကျင့်စဉ်နဲ့အညီ ဒါတွေ လုပ်သွားရမှာပါ။”
သမ္မတကြီးအနေနဲ့ အမေရိကန် ပြည်ထောင်စုကို သီးသန့် နိုင်ငံတော် အလည်အပတ် ခရီးစဉ် ထပ်လာဖို့ရော ရှိပါသေးသလား။ -
“လောလောဆယ်တော့ မရှိပါဘူး။”
ကျေးဇူးတင်ပါတယ်ခင်ဗျ။
Ref: VOA News
သမ္မတ ဦးသိန်းစိန် မြန်မာနိုင်ငံပြန်လည်ရောက်ရှိ
2012-10-01
အမေရိကန်နိုင်ငံကို (၈) ရက်ကြာခရီး သွားရောက်ခဲ့ပြီး မြန်မာနိုင်ငံကို ပြန်လည်ရောက် ရှိတဲ့ နိုင်ငံတော် သမ္မတ ဦးသိန်းစိန်ကို ထောင်နဲ့ချီတဲ့ ပြည်သူတွေက ဒီကနေ့ ရန်ကုန်မြို့ အပြည်ပြည်ဆိုင်ရာ လေဆိပ်မှာ ကြိုဆို ခဲ့ကြပါတယ်။
သမ္မတကြီး ဦးသိန်းစိန်ကို သမ္မတရုံးဝန်ကြီး ဦးအောင်မင်း၊ ရန်ကုန်တိုင်း ၀န်ကြီးချူပ် ဦးမြင့်ဆွေ၊ သမ္မတ အကြံပေး အဖွဲ့ဝင် ဦးတင်မောင်သန်း၊ နိုင်ငံရေး ပါတီတွေ၊ မြန်မာနိုင်ငံရုပ်ရှင် အစည်းအရုံး၊ မြန်မာနိုင်ငံ ကုန်သည်ကြီးများ အသင်း စတဲ့ စီးပွားရေး အဖွဲ့အစည်းတွေ အပါအ၀င် လူအင်အား (၁၀၀၀) ကျော်က ရန်ကုန် အပြည်ပြည်ဆိုင်ရာ မင်္ဂလာဒုံလေဆိပ်မှာ လာရောက် ကြိုဆို ခဲ့ကြပါတယ်။
နိုင်ငံတော်သမ္မတ ဦးသိန်းစိန်ဟာ အမေရိကန်နိုင်ငံ နယူးရောက်မြို့ ကုလသမဂ္ဂ ရုံးချုပ်မှာ ပြုလုပ်တဲ့ ၆၇ ကြိမ်မြောက် ကုလသမဂ္ဂ အထွေထွေ ညီလာခံ တက်ရောက်ဖို့ စက်တင်ဘာလ ၂၄ ရက်နေ့မှာ မြန်မာနိုင်ငံက ထွက်ခွာခဲ့ပြီး ဒီကနေ့ ပြန်လည်ရောက်ရှိ ခဲ့တာပါ။
ကြိုဆိုသူတွေ ထဲက အဆိုတော် ကိုစည်သူလွင်က RFA ကို အခုလိုပြောပါတယ်။
“ဂီတအစည်းအရုံးက လာပြီးတော့ ကြိုဆိုကြတယ်လေ၊ သူစပြီးတော့ တာဝန်ယူတဲ့ အချိန်က စပြီးတော့ပေါ့နော်။ ပြောင်းလဲမှုတွေ အများကြီး ပြောတဲ့ အတိုင်းကို လုပ်ဆောင်တာလည်း တွေ့ရတယ်။ အဲဒီအတွက် ၀မ်းသာပါတယ်။ ကျွန်တော်တို့ ကတော့ အဓိက အနုပညာ သမားတွေ ဆိုတော့ပေါ့နော်။ ဘယ်သူပဲ တက်လာ တက်လာပါ၊ တကယ်နိုင်ငံ အတွက် အကျိုးရှိမယ့် အလုပ်တွေ လုပ်တဲ့ သူကိုပဲ မျှော်လင့်ပါတယ်။ ဆက်ပြီးတော့ ဒီထက်မက အပြောင်းအလဲတွေလည်း ဆက်ပြီးတော့ ကြုံလိမ့်အုန်းမယ်၊ ဒီထက် ပိုပြီးတော့ ကောင်းလာ လိမ့်အုန်းမယ် လို့လည်း မျှော်လင့်ပါတယ်။ ယုံလည်း ယုံကြည်ပါတယ်။ ကျွန်တော်တို့က လေးစားပြီးသားပ။ါ အဲဒါကြောင့်မို့ လာကြိုတာပါ။”
သမ္မတ ဦးသိန်းစိန်ရဲ့အမေရိကန်ပြည်ထောင်စု ခရီးစဉ် အတွင်း မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် နဲ့ တွေ့ဆုံခဲ့သလို ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်း၊ အမေရိကန် နိုင်ငံခြားရေး ၀န်ကြီး ဟီလာရီ ကလင်တန်၊ အမေရိကန် စီးပွားရေး လုပ်ငန်းရှင်တွေ အပြင် အာအက်ဖ်အေ မြန်မာပိုင်း ဌာန အပါအ၀င် တခြား သတင်းဌာနတွေနဲ့လည်း တွေ့ဆုံခဲ့ပါတယ်။
Ref: RFA News
နိုင်ငံတော်စီမံကိန်းများ ပွင့်လင်းမြင်သာမှုရှိဖို့လို
2012-10-01
လက်ပံတောင်းတောင် ကြေးနီစီမံကိန်း အပါအ၀င် သဘာဝ အရင်းအမြစ် သယံဇာတနဲ့ ပတ်သက်တဲ့ နိုင်ငံတော် စီမံကိန်းတွေ အကောင်အထည်ဖေါ်ရာမှာ ထင်သာမြင်သာ ရှိမှု အရေးကြီးကြောင်း မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က နယူးရောက်တိုင်းမ်စ် သတင်းစာနဲ့ တွေ့ဆုံစဉ် ပြောကြား လိုက်ပါတယ်။
မြန်မာ့နိုင်ငံရေး စီးပွားရေး ပြုပြင်ပြောင်းလဲမှုတွေနဲ့ ပတ်သက်ပြီး နယူးရောက်တိုင်းမ်စ် သတင်းစာ နဲ့ စက်တင်ဘာလ ၂၆ ရက်နေ့က တွေ့ဆုံမေးမြန်း ခဲ့ပြီး သတင်းစာက မနေ့က ထုတ်ပြန် လိုက်တာပါ။
စစ်ကိုင်းတိုင်း မုံရွာခရိုင် ၀က်မှေးရွာနားက လက်ပံတောင်းတောင် ကြေးနီစီမံကိန်း အပါအ၀င် သဘာဝ သယံဇာတတွေ တူးဖေါ် ထုတ်လုပ်နေတဲ့ နိုင်ငံတော် စီမံကိန်းတွေမှာ ပွင့်လင်းမြင်သာမှု မရှိတဲ့ အတွက် အချိန်နှောင်းမှ ဒေသခံ ပြည်သူတွေ သိရှိ ရတာကြောင့် ပြဿနာတွေ ဖြစ်နေရကြောင်း ဒေါ်အောင်ဆန်းစုကြည်က ပြောပါတယ်။
ဒါကြောင့် စီမံကိန်းတွေ အကောင်အထည်ဖေါ်တော့မယ် ဆိုရင် ပွင့်လင်းမြင်သာမှု ရှိဖို့ဟာ အဓိက ကျကြောင်းကိုလည်း ထောက်ပြ ခဲ့ပါတယ်။
ပွင့်လင်းမြင်သာမှုဟာ နိုင်ငံရေးမှာ တင်မကဘဲ စီးပွားရေး ပြုပြင်ပြောင်းလဲ မှုနဲ့ အကောင်အထည် ဖေါ်မှုတွေ မှာပါ သဟဇာတဖြစ်မှုကို တွန်းအားဖြစ်စေတယ်လို့ ဒေါ်အောင်ဆန်းစုကြည်က ပြောပါတယ်။
Ref: RFA News
ငြိမ်းချမ်းရေး ဆန္ဒပြပွဲ ဦးဆောင်သူနှစ်ဦး စမ်းချောင်း တရားရုံး ဆင့်ခေါ်
2012-10-01
အပြည်ပြည်ဆိုင်ရာ ငြိမ်းချမ်းရေးနေ့က လမ်းလျှောက်ဆန္ဒပြပွဲမှာ ဦးဆောင် ပါဝင်ခဲ့ကြတဲ့ ကချင် ငြိမ်းချမ်းရေး ကွန်ရက် ခေါင်းဆောင် ဦးမရန်ဂျော်ဂွန်းနဲ့ ဒေါ်မေစံပယ်ဖြူ (ခေါ်) အယ်လ်ခေါန်ထွဲ တို့ကို ဒီကနေ့ မနက် (၁၀) နာရီမှာ စမ်းချောင်းမြို့နယ် တရားရုံးက ဆင့်ခေါ်ခဲ့ပြီး လာမယ့် အောက်တိုဘာလ (၃) ရက်နေ့ကို ရုံးချိန်း သတ်မှတ် လိုက်ပြီလို့ သိရပါတယ်။
ဒီအမှုကို မြို့နယ်ရဲစခန်းက တရားလိုအဖြစ် စွဲချက် တင်လိုက်တာ ဖြစ်ပါတယ်။ ကချင် ငြိမ်းချမ်းရေး ကွန်ရက်ခေါင်းဆောင် ဦးမရန်ဂျော်ဂွန်းနဲ့ ဒေါ်မေစံပယ်ဖြူ တို့ကို အရပ်ဘက် အသင်းအဖွဲ့အစည်း တွေက ကူညီ ပံ့ပိုးပေးကြဖို့ ရှိပါတယ်လို့ ဦးမရန်ဂျော်ဂွန်းက ပြောပါတယ်။
"ဒီနေ့ကတော့ ဒီအမှုတွဲကို တရားရုံးကနေ လက်ခံပြီးတော့ ကျွန်တော်တို့ကို ဒီကိစ္စနဲ့ ပတ်သက်ပြီးတော့ တရားစွဲဆို ထားတဲ့ အကြောင်း၊ တရားခွင်အရ တရားဥပေဒေ အရ တရားရုံးကနေ ဆက်လက် ဆောင်ရွက်သွားမယ့် အကြောင်း၊ ပြီးရင် သဘက်ခါကို ရုံးချိန်း တစ်ခါတည်း ခေါ်လိုက်တယ်၊ ဒီအပေါ်မှာ ကျွန်တော်တို့ဟာ မှားယွင်းမှု လုံးဝ မရှိကြောင်း၊ နိုင်ငံသား တစ်ယောက်ရဲ့ ဂုဏ်သိက္ခာ အရ ကျွန်တော်တို့ ဒါကိုပြန်ပြီးတော့ ချေပပြီးတော့ ဒီအမှုကို ရင်ဆိုင်မှာ ဖြစ်ပါတယ်။ ကျွန်တော်တို့ အကူအညီ တောင်းဖို့ ဆိုတာထက် အသင်းအဖွဲ့တွေ အားလုံးက ဒီကိစ္စမှာ ကျွန်တော်တို့နဲ့အတူ ရှိနေပြီဆိုတဲ့ အကြောင်းကို သူတို့က အကြောင်းကြား ပါတယ်။ လူမှု အသင်းအဖွဲ့တွေ ဖြစ်ပါတယ်။ အနယ်နယ်အရပ်ရပ်က အရပ်သား လူ့အဖွဲ့အစည်းတွေပေါ့။"
ကချင်ငြိမ်းချမ်းရေး ကွန်ရက်ခေါင်းဆောင် ဦးမရန်ဂျော်ဂွန်းနဲ့ ဒေါ်မေစံပယ်ဖြူ တို့ဟာ အောက်တိုဘာလ (၁၀) ရက်နေ့ မှာလည်း ဒဂုံမြို့နယ် တရားရုံးရဲ့ ရုံးချိန်း သွားရောက်ဖို့ ရှိတယ်လို့ သိရပါတယ်။
Ref: RFA News
မြိတ် ကျောက်မီးသွေးသုံး လျှပ်စစ်စက်ရုံ ဒေသခံများ ထပ်မံ ကန့်ကွက်
ကွန်းချမ်း
တနင်္လာနေ့၊ အောက်တိုဘာလ ၀၁ ရက် ၂၀၁၂
စံခလပူရီ (မဇ္ဈိမ) ။ ။ တနင်္သာရီတိုင်း၏ တတိယမြောက် ကျောက်မီးသွေး လောင်စာသုံး လျှပ်စစ် ဓါတ်အားပေး စက်ရုံ တည်ဆောက်မှု စီမံကိန်းကို ဖျက်သိမ်းပေးရန် ဒေသခံ တထောင့်ငါးရာကျော် စုပေါင်း လက်မှတ်ဖြင့် တနင်္လာနေ့တွင် နိုင်ငံတော် သမ္မတထံသို့ ဒုတိယအကြိမ် အသနားခံစာ တင်ပြထားကြောင်း ဦးဆောင် စီစဉ်ပေးသည့် မြိတ်ခရိုင် ၈၈ ကျောင်းသားများက ပြောသည်။
မြိတ်မြို့နယ် အရှေ့ဘက် ၁၇ မိုင်အကွာ လော့လော့ကျေးရွာ အနီးရှိ ၅ဝ မဂ္ဂါဝပ် ထုတ်လွှတ်မည့် ယင်းစက်ရုံကို ရပ်တန့်ပေးရန် သြဂုတ်လ ၂၈ ရက်နေ့တွင်လည်း ဒေသခံ ၁၅ဝ ခန့်က သမ္မတထံ ပထမအကြိမ် တင်ပြခဲ့သော်လည်း အကြောင်း ထူးခြားခြင်း မရှိသည့် အတွက် ဒုတိယအကြိမ် ထပ်မံ တင်ပြခြင်း ဖြစ်သည်။
ဤတကြိမ်တွင် စက်ရုံတည်ဆောက်မည့် နေရာ အနီးတဝိုက်ရှိ ကျေးရွာများဖြစ်သည့် ကျောက်ဖျာ၊ လော့လော့၊ သမုတ်နှင့် ကျွဲကူး ကျေးရွာများမှာ ဒေသခံ ၁,၆၇၇ ဦး၏ စုပေါင်း လက်မှတ်များ ပါဝင်သည်။
“ညက တင်လိုက်ပြီ။ သူတို့ (ဒေသခံ) အနေနဲ့ ရုံးကနားတွေ စာတွေ ဘာတွေ မစီတတ်ဘူးလေ။ ဘယ်ရုံးတွေကို တင်ရမှာ ကိုလည်း သူတို့က သိပ်ပြီး နားမလည်တဲ့ အခါကျတော့ ကျနော်တို့က စီစဉ်ပေးရတာပါ” ဟု မြိတ်ခရိုင် ၈၈ ကျောင်းသား အဖွဲ့ ပြန်ကြားရေး တာဝန်ခံ ကိုတင်ကိုကိုဦး က ပြောသည်။
“မီတာခ သက်သာတဲ့ လျှပ်စစ်မီးကို ကျနော်တို့ လိုချင်တာပေါ့။ ဒါပေမယ့် ကျနော်တို့ သိသလောက် ကျောက်မီးသွေး က ဆိုးကျိုးတွေ များတော့ ကျနော်တို့ ကန့်ကွက်ဖို့ လက်မှတ်ထိုးလိုက်တာ” ဟု ကျောက်ဖျာ ကျေးရွာမှ ကိုဟန်ဝင်းထွန်း က ပြောသည်။
အသနားခံစာတွင် တနင်္သာရီတိုင်း၊ မြိတ်ခရိုင် အတွင်း လျှပ်စစ် ဓါတ်အား အမှန် တကယ် လိုအပ်နေသော်လည်း ကျောက်မီးသွေး ဘေးထွက် ဆိုးကျိုးများကြောင့် စီမံကိန်းကို လုံးဝ ကန့်ကွက်ကြောင်းနှင့် စနစ်တကျ စီမံနိုင်မှု မရှိပါက ယင်း စီမံကိန်းများကြောင့်ပင် ဆင်းရဲနွမ်းပါးမှု ပိုလာနိုင်ကြောင်း ထောက်ပြ ထားသည်။
၎င်းပြင် ကျောက်မီးသွေး လောင်စာသုံး လျှပ်စစ်ဓါတ်အားပေးစက်ရုံ၏ ဘေးထွက် ဆိုးကျိုးများကို နိုင်ငံတကာမှ ထုတ်ပြန်သည့် အစီရင်ခံစာနှင့် ပြည်တွင်း ပညာရှင်များ၏ ပြောဆိုချက်များကို ကိုးကား ထောက်ပြထားပြီး သဘာဝ ဓါတ်ငွေ့ဖြင့် အစားထိုး လည်ပတ်ရန်လည်း အကြံပြု ထားသည်။
“ကျောက်မီးသွေး စက်ရုံရဲ့ ဆိုကျိုးတွေကို နောက်ဆုံး ၂ဝ၁ဝ၊ ၂ဝ၁၁၊ ၂ဝ၁၂ ခုနှစ်တွေမှာ ထုတ်တဲ့ နိုင်ငံတကာ အစီရင် ခံစာတွေမှာ လိုက်ရှာတယ်။ နောက်တော့ ကျနော်တို့ နိုင်ငံက ပညာရှင်တွေကို လူကိုယ်တိုင် တွေ့လို့ရတဲ့ နေရာဆို တွေ့ပြီး သူတို့ဆီက အကြံဉာဏ်တွေ တောင်းပြီး အခုလို ကျနော်တို့ တင်ပြတာ” ဟု ကိုတင်ကိုကိုဦး က ပြောသည်။
“ကျောက်မီးသွေးသုံး လျှပ်စစ်ဓါတ်အားပေး စက်ရုံအစား မြန်မာနိုင်ငံ၏ ဆန်စပါးထက် ပေါများစွာ ထွက်ရှိလျက်ရှိ သည့် သဘာဝ ဓါတ်ငွေ့အား အသုံးပြုစေလိုပါသည်” ဟု အသနားခံစာတွင် ပါရှိသည်။
စက်ရုံသည် လော့လော့ကျေးရွာ အခြေခံပညာ မူလတန်းကျောင်းနှင့် ခြံစည်းရိုး တခုသာ ခြားပြီး သမုတ်ရွာ အထက်တန်းကျောင်းနှင့် မြစ်တခုသာ ခြားခြင်း၊ လူနေရပ်ကွက်အတွင်း ရှိခြင်း၊ စက်ရုံမှ ထွက်မည့် စွန့်ပစ် ပစ္စည်းများသည် မြစ်ချောင်း တလျှောက်ရှိ ကျေးရွာများနှင့် ဒေသခံများ၏ ငါးပိ၊ ငါးခြောက် လုပ်ငန်းနှင့် ရေလုပ်ငန်း များကို ထိခိုက်စေနိုင်ခြင်း စသည်တို့ကြောင့် သြဂုတ်လ နှောင်းပိုင်းတွင်လည်း မြိတ် ၈၈ ကျောင်းသားများက ကန့်ကွက်ကြောင်း ကြောညာချက် ထုတ်ပြန်ခဲ့ဖူးသည်။
စက်ရုံ တည်ဆောက်မည့် မြေမှာလည်း ယခင်အစိုးရ လက်ထက်က လယ်ပိုင်ရှင် ၁၇ ဦးထံမှ သိမ်းယူ ထားသည့် မြေများ ဖြစ်ပြီး ယနေ့တိုင် မြေပြေစာခွန် ပေးသွင်းထားကြောင်းနှင့် ၎င်းတို့၏ မြေများကို ပြန်လည်ရရှိလိုကြောင်း တနင်္ဂနွေနေ့ တွင်ပင် မြေရှင်များက သမ္မတထံ စာရွက် စာတမ်းနှင့်တကွ တိုင်ကြားထားသည်။
စက်ရုံတည်ဆောက်ရန်အတွက် တနင်္သာရီတိုင်း အစိုးရ လျှပ်စစ်နှင့် စက်မှုလက်မှု ဝန်ကြီးဌာနနှင့် သန်းဖြိုးသူ ကုမ္ပဏီ လိမိတက် တို့က ဇူလိုင်လတွင် သဘောတူ လက်မှတ် ရေးထိုးခဲ့ကြပြီး ၁၈ လအတွင်း အပြီးဆောက်လုပ် သွားမည်ဟု ဆိုသည်။
တနင်္သာရီတိုင်းတွင် မဂ္ဂါဝပ် ၄,ဝဝဝ ထုတ် ထားဝယ်၊ ၈ မဂ္ဂါဝပ်ထုတ် ကော့သောင်းနှင့် ၅ဝ မဂ္ဂါဝပ်ထုတ် မြိတ် ကျောက်မီးသွေး လောင်စာသုံး လျှပ်စစ်ဓါတ်အားပေး စက်ရုံ ၃ ခု ရှိသည့်အနက် ဒေသခံများ၏ ကန့်ကွက်မှုကြောင့် ထားဝယ် ရေနက် ဆိပ်ကမ်း၏ အစိတ်အပိုင်း တခု ဖြစ်သည့် ထားဝယ် ကျောက်မီးသွေးသုံး စက်ရုံကို ဇန်နဝါရီ လဆန်းပိုင်းတွင် အစိုးရက ရပ်ဆိုင်းပေးမည်ဟု ကြေညာခဲ့ပြီး ကျန်စက်ရုံ နှစ်ခုမှာလည်း ကန့်ကွက်မှုများနှင့် ကြုံနေရဆဲ ဖြစ်သည်။
ပအိုးဝ် လူငယ်များ အစည်းအရုံးမှ ၂ဝ၁၁ ခုနှစ်တွင် ထုတ်ပြန်သည့် ‘အဆိပ်သင့် တိမ်များ’ အစီရင်ခံစာ အရ
မြန်မာနိုင်ငံတွင် ကျောက်မီးသွေး လောင်စာသုံး လျှပ်စစ် ဓါတ်အားပေး စက်ရုံ ခုနှစ်ရုံ ရှိသည့်အနက် မဂ္ဂါဝပ် ၁၂ဝ ထုတ် တီကျစ်နှင့် မဂ္ဂါဝပ် ၃၆၉ ထုတ် မိုင်းခုတ် ကျောက်မီးသွေး လျှပ်စစ်ဓါတ်အားပေး စက်ရုံများမှာ လည်ပတ် လျက်ရှိပြီး ကျန် ငါးရုံမှာ လျာထား အဆင့်တွင် ရှိကြောင်း သိရသည်။
Ref: မဇ္ဈိမ
သဘာဝဓာတ်ငွေ့ စီမံကိန်း ၂ ခုမှ ဒေါ်လာ ၁၆ ဘီလီယံကျော် မြတ်
ဖိုးသိုက်
October 1, 2012
ရတနာနှင့် ရဲတံခွန် သဘာဝဓာတ်ငွေ့ စီမံကိန်းကြီးနှစ်ခုမှ ပြီးခဲ့သည့် ဘဏ္ဍာရေးနှစ် ၆ နှစ်တာ ကာလအတွင်း အမြတ်ဝင်ငွေ အမေရိကန် ဒေါ်လာ ၁၆.၆ ဘီလီယံကျော် ရရှိခဲ့ကြောင်း စွမ်းအင် ၀န်ကြီးဌာနက ထုတ်ပြန်သည့် စာရင်းများအရ သိရသည်။
အဆိုပါစီမံကိန်း နှစ်ခုမှ ၂၀၀၆-၀၇ ဘဏ္ဍာရေးနှစ်တွင် အမြတ်ဝင်ငွေ ဒေါ်လာ ၂.၁ ဘီလီယံကျော်၊ ၂၀၀၇-၀၈ ဘဏ္ဍာရေးနှစ်တွင် ဒေါ်လာ၂.၄ ဘီလီယံကျော်၊ ၂၀၀၈-၀၉ ဘဏ္ဍာရေးနှစ်တွင် ဒေါ်လာ ၂.၈ ဘီလီယံကျော်၊ ၂၀၀၉-၁၀ ဘဏ္ဍာရေးနှစ်တွင် ဒေါ်လာ၂.၆ ဘီလီယံကျော်၊ ၂၀၁၀-၁၁ ဘဏ္ဍာရေးနှစ်တွင် ဒေါ်လာ၂.၉ ဘီလီယံကျော်၊ ၂၀၁၁-၁၂ ဘဏ္ဍာရေးနှစ်တွင် ဒေါ်လာ ၃.၆ ဘီလီယံကျော် နှစ်စဉ် အမြတ်ဝင်ငွေရရှိထားကြောင်း သိရှိရသည်။
ရတနာစီမံကိန်းကို ၁၉၉၈ ခုနှစ်တွင် စတင်ထုတ်လုပ်ရောင်းချခဲ့ကာ ၂၀၀၃-၀၄ ဘဏ္ဍာရေးနှစ်တွင် စတင် အရင်းကြေခဲ့ပြီး အလားတူ ရဲတံခွန် စီမံကိန်းမှာလည်း ၂၀၀၀ ပြည့်နှစ်တွင် စတင် ထုတ်လုပ်ရောင်းချ ခဲ့ကာ ၂၀၀၆- ၀၇ ဘဏ္ဍာရေးနှစ်တွင် စတင် အရင်းကြေခဲ့သည်ဟု ဆိုသည်။
ယင်းစီမံကိန်းနှစ်ခုမှ နှစ်စဉ်အမြတ်ဝင်ငွေ ရရှိနေသည့်အပြင် လုပ်ငန်းသဘောအရ ချုပ်ဆိုထားသည့် စာချုပ်အရ ရတနာ သဘာဝ ဓာတ်ငွေ့ စီမံကိန်းမှာ ပြည်တွင်း သုံးစွဲရေး အတွက် ရပိုင်ခွင့်ရှိသည့် အထဲမှ တနေ့လျှင် သဘာဝဓာတ်ငွေ့ ကုဗပေသန်း ၂၀၀ ခန့် ရရှိသည့်အနက် သဘာဝဓာတ်ငွေ့ ကုဗပေ သန်း ၁၅၀ ကျော်ကို ရန်ကုန်တိုင်းဒေသကြီး အတွင်းရှိ ဓာတ်ငွေ့သုံး ဓာတ်အားပေး စက်ရုံများသို့ နေ့စဉ်ဦးစားပေး ပို့လွှတ်ပေးနေပြီး ရဲတံခွန် စီမံကိန်းမှလည်း အလားတူ သဘာဝ ဓာတ်ငွေ့နှင့်အတူ ထွက်ရှိသည့် လေဆီ (အပေါ့စားရေနံ) ကို ပြည်တွင်းတွင် ချက်လုပ်ပြီး ထုတ်လုပ် သုံးစွဲမှုရှိကြောင်း သိရသည်။
“မြန်မာ့ရေနံနှင့် သဘာဝဓါတ်ငွေ့လုပ်ငန်းက ပြည်တွင်းမှာ အကောင်အထည်ဖော်နေတဲ့ စီမံကိန်းတွေအပေါ် ရှယ်ယာ ပိုင်ဆိုင်မှုက အပေါ်ယံ ကြည့်မယ်ဆိုရင် ၁၅ ရာခိုင်နှုန်းနဲ့ ၂၀ ရာခိုင်နှုန်းသာ ရှိတာကြောင့် အကျိုး ခံစားခွင့်က နည်းလိမ့်မယ်လို့ ထင်ရပေမယ့် အမှန်တကယ်မှာတော့ ဒီစီမံကိန်းတွေကနေ အစုရှယ်ယာ ရာခိုင်နှုန်းအတွက် ရငွေ၊ ဓာတ်ငွေ့သယ်ဆောင်ခ ရငွေ၊ ပိုက်လမ်းဖြတ်သန်းခ ရငွေ၊ လေ့ကျင့် ပညာသင်ကြားရေး ရန်ပုံငွေအတွက် ၀င်ငွေခွန်နဲ့အတူ ခိုင်ကြေး (Royalty) လို့ ခေါ်တဲ့ ရပိုင်ခွင့်တွေကို အကျိုးခံစားခွင့် အပြည့်အ၀ရှိပါတယ်” ဟု စွမ်းအင်ဝန်ကြီးဌာနမှ အမည်မဖော်လိုသူ အဆင့်မြင့် အရာရှိတဦးက ပြောသည်။
“လုပ်ငန်းသဘောအရ ထုတ်လုပ်မှုအပေါ် ခွဲဝေခံစားရေးစာချုပ် ချုပ်ဆိုပြီးတဲ့အချိန်မှာ သတ်မှတ် အချိန် ကာလနဲ့ အညီ ကန်ထရိုက်တာ ကုမ္ပဏီက ရင်းနှီးမြုပ်နှံပြီး ရှာဖွေ၊ တူးဖော် ထုတ်လုပ်နိုင်ဖို့ ကြိုးစားရတယ်။ ဒီအချိန်မှာ MOGE က အစုရှယ်ယာ မပါဝင်သေးဘူး။ တကယ်လို့ စီးပွားဖြစ် ရှာဖွေတွေ့ရှိကြောင်း ကြေညာချိန်မှာတော့ စာချုပ်မှာပါတဲ့ နိုင်ငံတော်က ပါဝင်ခွင့်ရှိတဲ့ အစုရှယ်ယာကို MOGE က ပါဝင်မှာဖြစ်တယ်။ အကြောင်းကြောင်းကြောင့် ကန်ထရိုက်တာ ကုမ္ပဏီက သတ်မှတ်ချိန် ကာလအတွင်းမှာ စီးပွားဖြစ် ရှာဖွေ မတူးဖော်နိုင်ဘူးဆိုရင် အဆုံးရှုံးခံပြီး လုပ်ကွက်ကနေ ထွက်သွားပေးရမှာ ဖြစ်ပါတယ်” ဟု ၄င်းက ဆက်လက်ပြောသည်။
မြန်မာနိုင်ငံတွင် အကောင်အထည်ဖော်နေသည့် တခြားစီမံကိန်းနှစ်ခုဖြစ်သော ရွှေနှင့် ဇောတိက သဘာဝဓာတ်ငွေ့ စီမံကိန်း များမှလည်း လာမည့် ၂၀၁၃ ခုနှစ်တွင် စတင် ထုတ်လုပ်နိုင်မည် ဖြစ်သည့် အတွက် အမြတ်ဝင်ငွေများနှင့်အတူ ပြည်တွင်းသုံး စွဲရန်အတွက် သဘာဝ ဓာတ်ငွေ့ကိုလည်း အချိုးကျ ခံစားခွင့်ထပ်မံ ရရှိမည်ဖြစ်ကြောင်း သိရသည်။
မြန်မာ့ရေနံနှင့် သဘာဝဓါတ်ငွေ့ စီမံကိန်းများအပေါ် နိုင်ငံခြား ကုမ္ပဏီများက ရှယ်ယာ ပိုင်ဆိုင်မှု အခြေအနေ မှာ ရတနာ စီမံကိန်းတွင် TOTAL ကုမဏီ ၃၁.၂၄ ရာခိုင်နှုန်း၊ UNOCAL ကုမ္ပဏီ ၂၈.၂၆ ရာခိုင်နှုန်း၊ PTTEP ကုမ္ပဏီ ၂၅.၅ ရာခိုင်နှုန်း၊ ရဲတံခွန် စီမံကိန်းတွင် PETRONAS ကုမ္ပဏီ ၄၀.၇၅ ရာခိုင်နှုန်း၊ NIPPON ကုမ္ပဏီက ၁၉.၄ ရာခိုင်နှုန်း၊ PTTEP ကုမ္ပဏီက ၁၉.၄ ရာခိုင်နှုန်း၊ ရွှေစီမံကိန်းတွင် DAEWOO ကုမ္ပဏီ ၈၅ ရာခိုင်နှုန်း၊ OVL ကုမ္ပဏီက ၁၇ ရာခိုင်နှုန်း၊ GAIL ကုမ္ပဏီက ၈.၅ ရာခိုင်နှုန်း၊ GOGAS ကုမ္ပဏီ ၈.၅ ရာခိုင်နှုန်းနှင့် ဇောတိက စီမံကိန်းတွင် PTTEP ကုမ္ပဏီက ၈၅ ရာခိုင်နှုန်း ရှယ်ယာပိုင်ဆိုင်မှုရှိသည်။
ယခုနှစ် ဇွန်လအစောပိုင်း ဥရောပခရီးစဉ်အတွင်း ဆွစ်ဇာလန်နိုင်ငံ ဂျနီဗာမြို့ အပြည်ပြည်ဆိုင်ရာ အလုပ်သမားအဖွဲ့ (ILO)သို့ရောက်ရှိစဉ် ဒေါ်အောင်ဆန်းစုကြည်က ရင်းနှီးမြှုပ်နှံရာ၌ သတိထားရမည့် ကိစ္စနှင့် ပတ်သက်၍ မြန်မာအစိုးရပိုင် မြန်မာ့ရေနံနှင့် သဘာဝဓာတ်ငွေ့လုပ်ငန်း (MOGE) သည် ပွင့်လင်းမြင်သာမှု၊ တာဝန်ယူမှု မရှိသည့်အတွက် ထိုအခြေအနေမှ မတိုးတက်လာသရွေ့ နိုင်ငံခြား ကုမ္ပဏီများအနေဖြင့် MOGE နှင့် ပူးတွဲ အလုပ်လုပ်ခြင်း မပြုကြရန် ဒေါ်အောင်ဆန်းစုကြည်က ပြောဆိုခဲ့ဖူးသည်။
“စွမ်းအင်ကဏ္ဍမှာ ဖက်စပ်အနေနဲ့ နိုင်ငံခြားက ပူးပေါင်းလုပ်ဆောင်နေတဲ့ စွမ်းအင်ဝန်ကြီးဌာန လက်အောက်ရှိ မြန်မာ့ရေနံနှင့် သဘာဝ ဓတ်ငွေ့ လုပ်ငန်းဟာ ပွင့်လင်းမြင်သာမှုရော တာဝန်ယူမှုပါ လောလောဆယ် မရှိပါဘူး” ဟု ဒေါ်အောင်ဆန်းစုကြည်က ပြောခဲ့သည်။
မြန်မာအစိုးရအနေဖြင့် ဘဏ္ဍာရေး ပွင့်လင်းမြင်သာမှုအတွက် နိုင်ငံတကာ ငွေကြေးရန်ပုံငွေ အဖွဲ့ (IMF) ၏ ကျင်းထုံး နည်းနာ ကဲ့သို့သော နိုင်ငံတကာ အသိအမှတ်ပြု စံနှုန်းများကို လိုက်နာရန်လိုသည်ဟု ဒေါ်အောင်ဆန်းစုကြည်က ပြောဆိုခဲ့သည်။
Ref: ဧရာဝတီ
Posts
