ကျော်ခ
တနင်္လာနေ့၊ ဇွန်လ ၀၆ ရက် ၂၀၁၁
ချင်းမိုင် (မဇ္ဈိမ) ။ ။ နေပြည်တော်အနီး တပ်ကုန်းမြို့နယ် အတွင်း ရထားဗုံးကွဲမှု ဖြစ်ပြီးနောက် ရန်ကုန်နှင့် နေပြည်တော် ဘူတာ ရုံများတွင် ဗုံးရှာ စက်ကိရိယာ များဖြင့် အဆက်မပြတ် ရှာဖွေမှုများ ပြုလုပ် နေရကြောင်း ရဲဝန်ထမ်းများက ပြောသည်။
မီးရထားပေါ်နှင့် ရထားဘူတာ အဝင်၊ အထွက်ဂိတ်ဝ များတွင် ဗုံးရှာ စက်ကိရိယာများ ကိုင်ဆောင်ကာ ခရီးသည်များကို ဖောက်ခွဲရေး ပစ္စည်းများ ရှာဖွေမှုများ ပြုလုပ်ရခြင်း ဖြစ်သည်။
“အရင်တုန်းကတော့ သတင်းရမှ ရှာတယ်။ ရှောင်တခင် ရှာတယ်။ အခုတော့ ၂ ပါတ်လောက် ရှိသွားပြီ။ ၃ ယောက် တတွဲစီ ခွဲပြီးတော့။ ရထားပေါ်ရော ဘူတာ အဝင်အထွက် တွေပါ။ အလှည့်ကျ နေ့ရော၊ ညပါ ရှာဖွေ၊ စစ်ဆေးတာတွေ လုပ်ပါတယ်” ဟု နေပြည်တော် မီးရထားရဲ အရာရှိတဦးက မဇ္ဈိမကို ပြောသည်။
ဗုံးရှာ ကိရိယာများ ထပ်မံ တိုးချပေးပြီးနောက် နေပြည်တော် ဘူတာကြီး သာမက ဘူတာကြီးသို့ မဆိုက်ရောက်မီ အနီးဝန်းကျင်ရှိ ကြည်တောင်ကန်၊ ရွာတော်၊ မန်ကျီးပင် စသည့် မီးရထား ဘူတာများ မှစ၍ ကြိုတင် ရှာဖွေ စစ်ဆေးမှုများ ပြုလုပ် နေကြရကြောင်း ရထားပေါ်တွင် လိုက်လံရှာရန် တာဝန်ကျသည့် ရဲဝန်ထမ်း တဦးကလည်း ပြောသည်။
“ကျနော်တို့က ဒီလမ်းကြောင်းပေါ်ပဲလေ။ ရထားလမ်း တလျောက် သူ့အပိုင်းလိုက်၊ အပိုင်းလိုက် ပဲလေ။ နေပြည်တော် တခုတည်းမှ မဟုတ်တာ။ ဟိုးဘက် ဘူတာတွေ ရှိတယ်လေ။ ဟိုဘက်နဲ့ ဒီဘက်နဲ့ အဲလိုပဲ လမ်းကြောင်း ကြည့်တာ အဲလိုပဲ လုပ်တာ။ BE အဖွဲ့ကလည်း သူတို့ရှာတဲ့ အဆက်တွေ ဘာတွေ ရှိတယ်” ဟု သူက မဇ္ဈိမကို ပြောသည်။
အလားတူ ရန်ကုန်မီးရထား ဘူတာကြီးတွင်လည်း မေလကုန်ပိုင်းမှ စတင်ကာ ဗုံးရှာ စက်ကိရိယာ များဖြင့် လူအဝင် အထွက် ဂိတ်များတွင် အမျိုးသမီး ရဲဝန်ထမ်း များနှင့် အမျိုးသား ရဲဝန်ထမ်း များက ခရီးသည်များကို ရှာဖွေ စစ်ဆေးမှုများ ပြုလုပ်နေသည်။
“စစ်တာကတော့ အရင်တုန်းကလည်း စစ်ပါတယ်။ အခုမှ အထက်က Pressure ပေးလာလို့ ဒါပါပဲ။ စစ်တာတော့ အဖွဲ့လိုက် အဖွဲ့လိုက် ဂိတ်ထွက်ပေါက် တွေနဲ့ ရထားတွဲတွေ ပေါ်ပါ တက်စစ်တဲ့ အဖွဲ့တွေ ရှိတာပေါ့” ဟု ရန်ကုန် ဘူတာကြီးရှိ ရဲဝန်ထမ်း တဦးက တယ်လီဖုန်းမှ တဆင့် ဖြေကြားသည်။
မေလ ၁၈ ရက်နေ့က ရန်ကုန်-မန္တလေး အမှတ် ၃ အဆန် ရထားသည် နေပြည်တော်အနီး တပ်ကုန်းမြို့နယ်၊ ရွှေမြို့ ဘူတာရုံမှ ဆင်သေ ဘူတာဘက်သို့ ဦးတည် ခုတ်မောင်းစဉ် စက်ခေါင်း နောက်သုံးတွဲမြောက် ရိုးရိုးတန်း လူစီးတွဲပေါ်၌ ချိန်ကိုက်ဗုံး တလုံး ပေါက်ကွဲပြီး အမျိုးသမီးတဦး အမျိုးသားတဦး ပွဲချင်းပြီး သေဆုံးကာ ၉ ဦး ဒဏ်ရာ ရရှိသွားခဲ့သည်။
Ref: မဇ္ဈိမ
Tuesday, June 7, 2011
နေပြည်တော်နှင့် ရန်ကုန်ဘူတာများ ဗုံး ပိုက်စိတ်တိုက်ရှာ
Monday, June 6, 2011
ဂျွန်မက်ကိန်း မြန်မာနိုင်ငံခရီးနှင့် မြန်မာ့နိုင်ငံရေး တွေ့ဆုံဆွေးနွေးမှု အလား အလာ
ရော်နီညိမ်း
စနေ, 04 ဇွန် 2011
မြန်မာနိုင်ငံက အစိုးရသစ်နဲ့ နိုင်ငံရေးအင်အားစုတွေက ခေါင်းဆောင်တွေ၊ လူမှုရေး လုပ်ငန်း ဆောင်ရွက်နေသူ တွေကို၊ အမေရိကန် ပြည်ထောင်စု Arizona ပြည်နယ် ကိုယ်စားပြု အထက် လွှတ်တော်အမတ် John McCain က ဇွန်လ(၁)ရက်နေ့ ကနေ ဇွန်လ (၃) ရက်နေ့ အထိ၊ မြန်မာ နိုင်ငံမှာ သွားရောက် တွေ့ဆုံခဲ့ပါတယ်။ အမျိုးသား ဒီမိုကရေစီ အဖွဲ့ချုပ် ခေါင်းဆောင်တွေနဲ့ Mr. McCain နဲ့ တွေ့ဆုံ ခဲ့ကြတာမှာ၊ မြန်မာ့ နိုင်ငံရေးမှာ အားလုံးပါဝင် တဲ့ ဆွေးနွေးမှု ဖြစ်ပေါ်လာရေး အခြေ အနေတွေကို၊ အဖွဲ့ချုပ်ရဲ့ ဒုဥက္ကဋ္ဌ အငြိမ်းစား ဗိုလ်ချုပ်ကြီး သူရဦးတင်ဦး နဲ့ မေးမြန်း ဆွေးနွေးပြီး၊ ဒီသီတင်းပတ်ရဲ့ “တပ်မှူးတပ်သား ပြောစကား” ကဏ္ဍမှာ ဦးရော်နီညိမ်းက စီစဉ်တင် ဆက်ထားပါတယ်
ဦးရော်နီညိမ်း ။ ။ တွေ့ဆုံဆွေးနွေးရေး ဖြစ်ပေါ်လာအောင်၊ အမေရိကန်ဘက်က မစ္စတာ ဂျွန်မက်ကိန်း တို့ ကွန်ဂရက် လွှတ်တော်ကပဲ ဖြစ်ဖြစ်၊ အမေရိကန် အစိုးရကပဲ ဖြစ်ဖြစ်၊ ၀င်ပြောပေးရင်တောင်၊ မျှော်လင့်ချက် ရှိရဲ့လားဆိုတာ၊ ကျနော်တို့က သိချင်ပါတယ်။
ဗိုလ်ချုပ်ကြီးတင်ဦး ။ ။ ခုလောလောဆယ် ချက်ချင်းကတော့ ဖြစ်နိုင်ဦးမယ် မထင်သေးဘူး ခင်ဗျ။ ဘာဖြစ် လို့လဲ ဆိုတော့ အခုလက်ရှိ (မြန်မာ) အစိုးရ ဘက်ကလည်း၊ ထင်ရှား သိသာတဲ့ တိုးတက်မှုတွေ ပြဖို့ လိုတယ်ပေါ့၊ အဲဒီလို ပြတယ် ဆိုရင်၊ အမေရိကန် ဘက်ကလည်း၊ သူတို့ဘက်ကလည်း၊ ထပ်တူထပ်မျှ ညီမျှတဲ့ အကျိုး သက်ရောက်မဲ့ ဟာတွေကို ပြမယ် ဆိုတဲ့ဟာမျိုး၊ ဂျွန်မက်ကိန်းက ပြောကြား သွားတာပဲ ရှိတယ်။ အဲဒီတော့၊ ခုလော လောဆယ်မှာ၊ စောင့်ကြည့်ရမှာ ဖြစ်တယ်ပေါ့ဗျာ။ စောင့်ကြည့်ရမဲ့ ကိစ္စတွ test case တွေကတော့၊ အများ ကြီး ရှိတာပေါ့ဗျာ။ နံပါတ်တစ် ကတော့ နိုင်ငံရေး အကျဉ်းသားများ အားလုံးကို လွှတ်ပေးရမယ် ဆိုတာကို၊ ကျနော်တို့က ထပ်ခါတလဲလဲ တောင်းဆိုတဲ့ အပြင်၊ Joseph Yun (၂၀၁၁ မေလအတွင်း မြန်မာနိုင်ငံကို သွား ရောက်ခဲ့သော အာရှ ပစိဖိတ်ဒေသ ဆိုင်ရာ အမေရိကန် ဒုတိယ လက်ထောက် နိုင်ငံခြားရေး ၀န်ကြီး) လာတုန်းက လည်း၊ ကျနော်တို့က ဒီစကားပဲ ပြောခဲ့တာပဲ။ နောက်ပြီးတော့ ကုလသမဂ္ဂက လူ့အခွင့်အရေး ကိစ္စဘက်က လာတဲ့ ပုဂ္ဂိုလ်ကိုလည်း (မြန်မာနိုင်ငံ ဆိုင်ရာ ကုလသမဂ္ဂ၏ လူ့အခွင့်အရေး ကိုယ်စားလှယ်Tomas Ojae Quintana) ကျနော်တို့က ဒီလိုပဲ ပြောခဲ့တယ်။ အမေရိကန် ဘက်က လွှတ်တော်(Congress)က လာတဲ့သူတွေ ကိုလည်း၊ ကျနော်တို့က ဒီလိုပဲ ပြောတယ်။ အစိုးရဘက်ကလာတဲ့သူတွေကိုလည်း ကျနော်တို့က ဒီလိုပဲ ပြော တယ်။ ဂျွန်မက်ကိန်းက၊ သူကလည်း ဒါကို(နိုင်ငံရေးအကျဉ်းသားများအားလုံးကို ချွင်းချက်မရှိ ချက်ချင်းလွှတ် ပေးရေး) သေသေချာချာ (မြန်မာအစိုးရသစ်ကို) ပြောပါတယ်တဲ့။ ကျနော်တို့က (ဂျွန်မက်ကိန်းကို) သူ အဲဒီလို ပြောတဲ့အခါမှာ သူတို့ (မြန်မာအစိုးရ)ရဲ့ တုန့်ပြန်ချက်ဟာ၊ ဘယ်လိုရှိပါသလဲလို့ မေးလိုက်တဲ့ အခါကျတော့၊ ဂျွန်မက်ကိန်းက သိပ်ပြီး တိတိကျကျ အဖြေ ပေးနိုင်တာမျိုးတွေ မရှိသေးဘူး ခင်ဗျ။ အဲဒါကြောင့်မို့၊ ဂျွန်မက် ကိန်းက ကြေညာချက်တွေ ထဲမှာ တိုက်တွန်းချက်ကို သူ ရေးသွားတာက၊ ဒီလိုဟာမျိုး (နိုင်ငံရေး အကျဉ်းသား များအားလုံးကို ချွင်းချက်မရှိ ချက်ချင်း လွှတ်ပေးခြင်း) ပြသတာ ထင်ရှားရင်၊ အမေရိကန် ဘက်ကလည်း (မြန် မာနိုင်ငံနဲ့ပတ်သက်ပြီး) ထင်ရှား သိသာတဲ့ တိုးတက် လုပ်ဆောင်မှုတွေ ပြဖို့အတွက်၊ အသင့်ရှိတယ်၊ အဆင်သင့် ရှိတယ်၊ ဒီကိစ္စဟာ အမေရိကန်ရဲ့အကျိုးအတွက် ပြောတာ မဟုတ်ပါဘူး၊ မြန်မာနိုင်ငံ ရှေ့ဆက်ပြီး သွားရမဲ့ခရီး မှာ၊ ရင်ကြားစေ့နိုင်မဲ့ အခြေအနေမျိုး ဖန်တီးနိုင်အောင် ရည်ရွယ်ပြီး၊ ပြောတာပါ ဆိုပြီး၊ သူထုတ်တဲ့ ကြေညာ ချက်ထဲမှာ တွေ့တယ် ခင်ဗျ။
ဦးရော်နီညိမ်း ။ ။ တွေ့ဆုံဆွေးနွေးရေးက၊ အန်ကယ်တို့ဘက်က တလျှောက်လုံး မေတ္တာရပ်ခံ တောင်းဆို လာတာ ဖြစ်ပေမဲ့၊ တဘက်က သဘောထားက၊ ကျနော်တို့က ဘယ်လို ကြည့်ရသလဲ ဆိုတော့၊ ဗိုလ်ချုပ်ကြီး ဟောင်း သူရဦးရွှေမန်းတို့ ဗိုလ်ချုပ်ဟောင်း ဦးခင်အောင်မြင့်တို့ ဦးဆောင်တဲ့လွှတ်တော်တွေ၊ နောက်တခါ ဒု သမ္မတ ဗိုလ်ချုပ်ကြီးဟောင်း သီဟသူရဦးတင်အောင်မြင်ဦးတို့ သမ္မတ ဗိုလ်ချုပ်ကြီးဟောင်း ဦးသိန်းစိန်တို့ ဦး ဆောင်နေတဲ့ အစိုးရအဖွဲ့ဟာ၊ အနားယူသွားပြီဆိုတဲ့ ဗိုလ်ချုပ်မှူးကြီးသန်းရွှေရဲ့ အရိုက်အရာကိုဆက်ခံတဲ့ အုပ် စုပဲ။ ဗိုလ်ချုပ်မှူးကြီးသန်းရွှေရဲ့ သဘောထားက၊ တွေ့ဆုံဆွေးနွေးစရာ မလိုဘူးဆိုတဲ့ ဟာမျိုး ရှိတယ်လို့၊ ကျနော်တို့က ယူဆရပါတယ်။
ဗိုလ်ချုပ်ကြီးတင်ဦး ။ ။ တဘက်ကလည်း သူတို့ (မြန်မာအစိုးရ) ပုံသဏ္ဍာန်ကို ကြည့်ရတာ၊ အမေရိကန်နဲ့ ပြန်ပြီးတော့ နီးစပ်ချင်တယ် ဆိုတဲ့ ဆန္ဒသဘောတွေ ရှိတယ်လို့၊ မှတ်ယူရမှာပေါ့ ခင်ဗျာ။ ဘာကြောင့်လဲ ဆိုတော့၊ မြန်မာနိုင်ငံရဲ့ ဒီမိုကရေစီနဲ့ လူ့အခွှင့်အရေးနဲ့ ပတ်သက်လို့၊ ကျနော်တို့ ဒီမိုကရေစီ အင်အားစုတွေ ဘက်ကနေ၊ သေသေချာချာကို ဘက်လိုက်ပြီး၊ ကျနော်တို့ ဘက်ကနေ အားပေး ပြောဆိုနေတဲ့ ပုဂ္ဂိုလ်၊ ဂျွန်မက်ကိန်း ကို တချိန်လုံး (၁၅)နှစ် လုံးလုံးကို လာခွင့်မပေးခဲ့ပဲ၊ အခု လာခွင့် ပေးလိုက်တယ့် ကိစ္စကပ င်လျှင်၊ သူတို့ (မြန်မာ အစိုးရ) ဟာ၊ ဘာပဲပြောပြော အရင့် အရင်ထက် စာရင်တော့၊ အမေရိကန်နဲ့ ဆက်ပြီး လုပ်ရင်း ကိုင်ရင်း နီးစပ် သွားချင်တယ် ဆိုတဲ့၊ စေတနာတွေတော့ ရှိပုံပေါက်တယ်လို့ မြင်ရတယ် ဗျ။ အဲဒီတော့ စောင့်တော့ကြည့်ရဦး မှာပဲ ခင်ဗျ။
ဦးရော်နီညိမ်း ။ ။ ဟုတ်ကဲ့၊ တွေ့ဆုံဆွေးနွေးရေးနဲ ပတ်သက်လို့၊ ၂၀၀၄ ခုနှစ် ဗိုလ်ချုပ်ကြီး ခင်ညွန့် (ထောက်လှမ်းရေးမှူးချုပ် ဟောင်းနှင့် ၀န်ကြီးချုပ်ဟောင်း) ရာထူးက ဖယ်ရှား ခံရခါနီး အချိန်တုန်း ကလည်း၊ တွေ့ဆုံ ဆွေးနွေးရေး ဖြစ်လုနီးနီး အခြေအနေမျိုး ရောက်ခဲ့တယ်။ ဒေါ်အောင်ဆန်းစုကြည် ကိုယ်တိုင်ကလည်း၊ ဒါကို ပြောတယ်။ နောက်ဆုံးကျတော့၊ ပျက်သွား ရတာကတော့ တဦး တယောက်ထဲရဲ့ သဘောနဲ့၊ အမိန့်နဲ့ ပျက် သွားခဲ့ရတယ် ဆိုတဲ့၊ အနေအထားမျိုးကို တွေ့ရပါတယ်။ အဲဒီတော့ တွေ့ဆုံ ဆွေးနွေးရေးက တကယ်ပဲ မျှော် လင့်ထားလို့၊ ရနိုင်ပါ့မလား ခင်ဗျ။
ဗိုလ်ချုပ်ကြီးတင်ဦး ။ ။ တွေ့ဆုံဆွေးနွေးရေးအပေါ်မှာပဲ မူတည်ပြီး အဖြေရှာရမယ် ဆိုတာ ကတော့၊ ဒါက မလွဲမသွေ သွားရမယ့် ဟာလို့တော့၊ မှတ်သားထား ရမှာပေါ့။ ဘာဖြစ်လို့လဲ ဆိုတော့၊ ဂျွန်မက်ကိန်းရဲ့ ကြေညာ ချက်ထဲမှာ ပါတဲ့ဟာ တခုက၊ သူက တချက် ထောက်ပြထားတာ ရှိတယ်။ ကျနော်တို့ကို သူပြောတုန်း ကလည်း၊ ဒါက ပါပါတယ်။ သူ့ ကြေညာချက် မထွက်ခင်၊ ဒါကို ကျနော်က မပြောချင်လို့၊ မပြောပဲ နေခဲ့တာ တခု ရှိတယ်။ အဲဒါက ဘာလဲ ဆိုတော့၊ အခု Arab World (အာရပ်ကမ္ဘာ) မှာ ဖြစ်နေတဲ့ ကိစ္စဟာ၊ အဲဒီမှာတင် ပြီးသွားမှာ မဟုတ်ဘူးတဲ့။ ဒီလှိုင်းတံပိုးကြီး ထလာတဲ့ ကိစ္စဟာ၊ ပွားများလာမဲ့ ကိစ္စ ဖြစ်တယ်တဲ့။ Totalitarian Governments (နိုင်ငံသားများအား လွတ်လပ်ခွင့် မပေးပဲ အလုံးစုံ ချုပ်ကိုင် ထားသော အစိုးရများ) တွေပေါ့ ဗျာ၊ အထူးသဖြင့် One Party ruling (တပါတီ အုပ်ချုပ်ရေး စနစ်) အစိုးရတွေဟာ၊ ဒီမိုကရေစီရဲ့လှိုင်းတံပိုး အောက် မှာ ရောက်သွား ကြလိမ့်မယ် ပေါ့။ သို့သော် သွားရပုံ သွားရနည်းမှာ အဲဒီလို (အာရပ်ကမ္ဘာမှာလို) ကြမ်းကြမ်း တမ်းတမ်းနဲ့ သွားကြရတဲ့ နည်းထက်၊ အချိန် ရှိနေတုန်းမှာ၊ မြန်မာနိုင်ငံ အနေနဲ့၊ တွေ့ဆုံဆွေးနွေး အဖြေရှာပြီး လုပ်မှ ဖြစ်မယ် ဆိုတာကို၊ သေချာ မှတ်ယူ ထားရမယ်တဲ့။ ခင်ဗျားတို့ အခု အချိန်မှာ တွေ့ဆုံ ဆွေးနွေး အဖြေရှာ evolutionary နည်း (အပြောင်းအလဲ သို့ ညင်သာချောမွေ့စွာ တဖြည်းဖြည်း သွားသော နည်း)ကို လုပ်ပါ၊ သို့ တည်းမဟုတ် ဒီလို မလုပ်ဘူး ဆိုရင်၊ အာရပ် ကမ္ဘာမှာ ဖြစ်နေတဲ့ မလိုလားအပ်တဲ့၊ သွေးထွက်သံယို revolutionary နည်း (ကြမ်းတမ်းမှုများနှင့် အပြောင်းအလဲသို့ ရောက်ရှိသွားသောနည်း) နဲ့ သွားကြရတဲ့ အဖြစ် ကို ရောက်ရှိ လာမှာတော့၊ မလွဲ မသွေပါပဲ တဲ့။ သူက စစ်သား-စစ်သားချင်း (မြန်မာအစိုးရကို) စစ်သားစကား ပြောသွားခဲ့တာ။ ကျနော် မြင်တာကတော့၊ တွေ့ဆုံ ဆွေးနွေးရေး နည်းလမ်းသာလျှင် အကောင်းဆုံး နည်းလမ်း ဆိုတာ၊ သူတို့ (မြန်မာအစိုးရ) သဘောပေါက်ပုံ ကြလိမ့်မယ်လို့၊ ထင်ပါရဲ့ ဗျာ။
ဦးရော်နီညိမ်း ။ ။ ထောက်အထားအနေနဲ့ ကျနော်က ဘာကို ပြန်ကြည့်သလဲ ဆိုတော့၊ ဒုတိယ ဗိုလ်ချုပ် ကြီးဟောင်း ဦးထွန်းကြည်ရဲ့ စာအုပ်ထဲမှာ၊ တွေ့ဆုံ ဆွေးနွေးရေးကို အခု မပြောနဲ့၊ သူက အဲဒီတုန်းက ဗိုလ် လောင်းပဲ ရှိသေးတယ်၊ ၁၉၅၈ ခုနှစ်တုန်းက။ ဗမာပြည် ကွန်မြူနစ်ပါတီက တွေ့ဆုံ ဆွေးနွေးရေးကို တောထဲက နေ တောင်းဆိုတဲ့ ကိစ္စကို၊ သူ့ရဲ့ အမြင်၊ အဲဒီတုန်းက ဗိုလ်လောင်းလေးပဲ ရှိသေးတဲ့ (ဒုတိယ) ဗိုလ်ချုပ်ကြီး ဟောင်း ဦးထွန်းကြည်ရဲ့ အမြင်က၊ ဒါဟာ မောက်မာတဲ့ တောင်းဆိုချက် ဖြစ်တယ်လို့ မြင်တယ်လို့၊ သူက သူ့ရဲ့စာအုပ်ထဲမှာ ရေးထားတယ်။ ဗိုလ်ချုပ်ကြီး ထွန်းကြည် ဆိုရင်၊ တပ်မ (၈၈) မှာ၊ သူက ဒုတပ်မမှူး၊ ဗိုလ်ချုပ် မှူးကြီး သန်းရွှေက တပ်မမှူးနဲ့၊ အတူနေခဲ့ကြတာ။ သူတို့တွေ က တအုပ်စုထဲတွေ။ ဗမာပြည် ကွန်မြူနစ်ပါတီပဲ ဖြစ်ဖြစ်၊ ဘယ်သူပဲဖြစ်ဖြစ် အစိုးရနဲ့ အတိုက်အခံ ဖြစ်နေတဲ့ ဘက်က၊ တွေ့ဆုံ ဆွေးနွေးရေး တောင်းဆိုတာကို၊ “ရာရာစစ ငါတို့ကို ဒါမျိုးလာပြီး တောင်းဆိုရမလား” ဆိုတဲ့၊ သဘောထားရှိ နေတဲ့ အုပ်စုရဲ့ အရိုက်အရာကို ဆက်ခံတဲ့၊ လက်ရှိ (မြန်မာအစိုးရ) ခေါင်းဆောင်တွေရဲ့ အချိန်မှာ၊ တွေ့ဆုံ ဆွေးနွေးရေးကို၊ ကျနော်တို့က အုပ်စုခွဲပြီး တွက်ရမလို ဖြစ်နေတယ်။
ဗိုလ်ချုပ်ကြီးတင်ဦး ။ ။ ကျနော် တခု စိတ်မကောင်းတာက၊ မနေ့က သူတို့ရဲ့ သတင်း (ဂျွန်မက်ကိန်းနှင့် မြန်မာ လွှတ်တော်များနှင့် မြန်မာ အစိုးရတို့၏ ခေါင်းဆောင်များ တွေ့ဆုံမှုကို၊ မြန်မာ အစိုးရမှ ထုတ်ပြန်သည့် ၂၀၁၁ ဇွန်လ (၂) ရက် နေ့စွဲနှင့် သတင်း) မှာ၊ ပြောသွားတာက ဒေါ်အောင်ဆန်းစုကြည် နိုင်ငံရေး စည်းရုံးရေး အတွက် နယ်ကိုထွက်တဲ့ အခါမှာ၊ လုံခြုံရေး ကိစ္စနဲ့ ပတ်သက်ပြီး၊ သူတို့ကို ပြောတဲ့ အခါမှာ၊ ဘယ်သူမဆို ပြည် သူပြည်သား အားလုံးကို အစိုးရအနေနဲ့ လုံခြုံရေး ပေးရမှာက မှန်ပါတယ် ပေါ့လေ၊ သို့သော် သူတို့ ဒေါ်အောင် ဆန်းစုကြည်ကို သတ်မှတ်ထားတာက၊ ဒေါ်အောင်ဆန်းစုကြည်ဟာ သာမန် အရပ်သူပဲ ဖြစ်တယ်လို့၊ ဒီလိုပြော ချလိုက်တာ ဖြစ်တယ်။ ဒေါ်အောင်ဆန်းစုကြည်ကို သာမန် အရပ်သူ တယောက်ပဲလို့ အတွေးအခေါ် ရှိနေတုန်း မှာ ဆိုရင်၊ ဒီဥစ္စာက သူတို့ရဲ့ စိတ်ထဲမှာ ရှိနေတဲ့၊ ဒေါ် အောင်ဆန်းစုကြည် အပေါ် ထားရှိတဲ့ ဒီသဘောထား မျိုးကိုတော့၊ ကျနော်တို့က မကြိုက်နှစ်သက် ဘူးလေ။ ဒေါ်အောင်ဆန်းစုကြည်ဟာ ဘယ်လို အမျိုးသမီးလဲ၊ ဘယ်လို ခေါင်းဆောင်လဲဆိုတာ၊ သူတို့လည်း သိနေပြီပဲဗျာ။ နိုင်ငံတကာက အသိအမှတ် ပြုထားတဲ့ လျှမ်းလျှမ်း တောက် ခေါင်းဆောင်တယောက် ဖြစ်လာတာကို၊ သူတို့လည်း သိမှာပဲ။ ဒီလို သိထားတဲ့ဟာမှာ၊ ဂုဏ်ရောင် ပြောင်တဲ့ စကားမျိုးကို မပြော နိုင်ရင်တောင်၊ ဒေါ်အောင်ဆန်းစုကြည်ကို သာမန်အရပ်သူ တယောက်လိုပဲ သဘောထားတယ်လို့ ပြောလိုက်တဲ့ဟာက ဆိုရင်၊ သူတို့ စိတ်ထဲမှာ၊ ယတိပြတ်ပြီး တွေ့ဆုံ ဆွေးနွေးတော့မယ် လိ်ု့ ပြောတဲ့အသံ ပြောတဲ့ သဘောတော့ မသက်ရောက် သေးဘူးလို့၊ ကျနော်ကတော့ ထင်သေးတယ်။ ဘာဖြစ် လို့လဲ ဆိုတော့၊ သူတို့ လုံးပမ်းချင်တာက သူတို့ရဲ့လွှတ်တော် ထဲမှာပဲ။ အဲဒီကနေ လွှတ်တော်ထဲမှာ ဆွေးနွေး ပြီးတော့ အဖြေရှာ ကြရမယ်၊ လုပ်ကြရမယ် ဆိုတဲ့ ကိစ္စတွေ အပေါ်မှာပဲ၊ ကြိုးစား လုံးပမ်း သွားချင်တယ် ဆိုတဲ့ သဘော ရှိကောင်း ရှိပုံရတယ်။ သူတို့က လွှတ်တော်ထဲမှာ အများစု ဆိုတဲ့ အခါကျတော့၊ မာန်မာန တရားတွေက တော့ ခေါင်းထဲမှာ ၀င်နေဦးမှာ ရှိနေဦးမှာပဲ။ အဲဒီလို အရှိန်အစော် ရှိနေတဲ့အပြင်၊ (ကန့်လန့်ကာ) နောက်ဘက် မှာ နေနေတဲ့ ပုဂ္ဂိုလ်ကြီး (ဗိုလ်ချုပ်မှူးကြီးသန်းရွှေ) ကိုလည်း၊ သူတို့ လောလောဆယ် လွန်ဆန်နိုင်ဦးမယ် မဟုတ်သေးဘူးလို့၊ အဲဒီလိုပဲ အကြမ်းဖျဉ်း တွက်လို့ ရပါတယ်။ ကျနော်ကတော့ တွေ့ဆုံ ဆွေးနွေးရေး စားပွဲကို တချိန်မှာ ရောက်ရမှာပဲလို့၊ ယုံကြည်တယ်။
ဦးရော်နီညိမ်း ။ ။ သူတို့က အင်တာနက်က နှစ်မျိုးလုပ်ထားတာ။ ပြည်သူလူထု ကိုတော့ အင်တာနက် ကောင်းကောင်း မရအောင် လုပ်ထားပေမဲ့၊ သူတို့ အတွက်ကတော့ အကုန်ရတဲ့ လိုင်းကို ယူထားတာ။ သူတို့ အကုန်သိတယ်။ သူတို့ အကုန် ဖတ်လို့ ရနေတယ်။ ကမ္ဘာပေါ်မှာ ဘာတွေဖြစ်နေတယ်ဆိုတာ သူတို့က (ပြည် သူလူထုထက်) ပိုပြီး ပြည့်ပြည့်စုံစုံ သိတယ်။ မျှော်လင့်ချက်ကို နောက်စစ်ခေါင်းဆောင်တွေ အပေါ်မှာ၊ အန်ကယ့် အနေနဲ့ မျှော်လင့်ချက် ထားလို့ မရဘူးလား။ ဥပမာ၊ ဗိုလ်ချုပ်ကြီးမင်းအောင်လှိုင်။ သူ့အောက်မှာ မျိုးဆက်သစ် ဂျူနီယာ စစ်ခေါင်းဆောင်တွေဟာ၊ ဒါတွေ နားမဆန့်အောင် ကြားနေ ကြရမှာပဲ။
ဗိုလ်ချုပ်ကြီးတင်ဦး ။ ။ သူတို့ရဲ့ position က၊ သူတို့ရဲ့ ဆောင်ရွက်မှုကိစ္စ အ၀၀ဟာ၊ သူတို့ဟာ သူတို့ ဆောင်ရွက်ရင်း သူတို့ကိုယ် သူတို့ ယုံကြည်မှု ရှိလာရင်တော့၊ သူတို့ လွတ်လွတ် လပ်လပ် ဆုံးဖြတ် ရဲကြလိမ့်မယ် လို့တော့၊ ကျနော် ထင်တာပဲ။ အဲဒီလိုပဲ တွက်ရတာပဲ။ ဟိုတုန်းကလည်း ဒီလိုပဲ။ ဦးနေ၀င်းကြီး နားသွားပြီးတဲ့ နောက်၊ ၁၉၈၈ လူထုအုံကြွမှု ပေါ်လာပြီးတဲ့ နောက်ပိုင်းမှာ၊ ဗိုလ်စောမောင်ကို မွေးတယ်။ ဗိုလ်ခင်ညွှန့်ကို မွေးတယ်။ ဗိုလ်စောမောင်က စကားတွေ သိပ်ပြောလာတဲ့ အခါကျတော့၊ ဒုတိယ ခေါင်းဆောင် (ဗိုလ်ချုပ်မှူးကြီး သန်းရွှေ) ကို မွေးတယ်။ ဒုတိယ ခေါင်းဆောင်ကလည်း၊ သူ့ အနေအထားတွေ အင်အားတွေ တောင့်လာတဲ့ အခါကျတော့၊ သူ လုပ်နိုင်ပြီဆိုပြီး၊ ရှောက်လုပ်တာပဲ။ လုပ်တဲ့နေရာမှာ၊ လုပ်နည်း လုပ်ဟန်က မမှန်တော့ကာ၊ တိုင်းပြည်ဟာ ပြန်ပြီးတော့ သိပ်ပြီးတော့ ဒုက္ခသုက္ခတွေ ခံနေရတာပေါ့။ နောက် သူတို့ (မျိုးဆက်သစ်ဂျူနီယာ စစ်ခေါင်းဆောင်များ) ဟာသူတို့ ကိုယ်တိုင် လုပ်ရင်းနဲ့၊ သူတို့ဟာ သူတို့ ယုံကြည်ချက် ပြည့်လာတာမျိုး ဖြစ် လာရင်၊ လုပ်ရဲကိုင်ရဲ ဖြစ်လာရင်၊ အမှန်တရားအပေါ် မူတည်ပြီး လုပ်ကိုင် လာကြရင်တော့၊ တွေ့ဆုံဆွေးနွေး ရေးကို ရောက်ကို ရောက်လာရမယ်လို့၊ တွက်ကို တွက်ထားတာပဲ။ နောက်တခုကလည်း၊ ကျနော်တို့ မြန်မာ လူမျိုးတွေရဲ့ စိတ်ဓါတ်ကလည်း၊ သိတဲ့ အတိုင်းပဲ ဗျ။ အခု အများတကာ တွေက၊ တိုင်းပြည်ထဲမှာ ပြောနေတာ က၊ ကျနော်တို့ တိုင်းပြည်ဟာ နိုင်ငံကြီး တနိုင်ငံ (တရုတ်နိုင်ငံ) ရဲ့ ကြင်ယာတော်နိုင်ငံ ဖြစ်သွားပြီ၊ နိုင်ငံကြီး တနိုင်ငံရဲ့ အစိပ်အပိုင်း ဖြစ်သွားပြီလို့။ အဲဒီလို အတွေး အခေါ်တွေက ပြည်တွင်းထဲမှာ များလာတယ်ဗျ။ အဲဒီ တော့ သူတို့ (မြန်မာအစိုးရ) လည်းပဲ၊ ဒါတွေကို ကြားနေကြရတော့၊ ပြင်ရတော့မယ် ဆိုတာကို သဘောပေါက် လာကြရင်၊ ဘာပြောပြော သူတို့ အားကိုး မှီနိုင်ရာ သူတို့အတွက် မိတ်ကောင်း ဆွေကောင်းကိုတော့၊ သူတို့ ရှာ ကြရမှာပဲ ဗျ။
ဦးရော်နီညိမ်း ။ ။ အခု ဂျွန်မက်ကိန်းလာတဲ့ ခရီးစဉ်မျိုးက၊ သူတို့တွေအတွက် လက်တွေ့ပဲ။ တခြားနိုင်ငံ တွေက ကမ္ဘာပေါ်မှာ နံပါတ်(၁) ဖြစ်နေတဲ့ နိုင်ငံတွေက၊ ငါတို့အပေါ် ဘယ်လို သဘောထားလဲ၊ ငါတို့ဟာ ဘယ် လိုဖြစ်နေလဲ၊ ကမ္ဘာပေါ်မှာ အများရဲ့အမြင်က၊ ဘယ်လိုရှိလဲ၊ သူများတွေက ငါတို့အပေါ်မှာ ဘယ်လို မြင်နေ သလဲ။ ဒါမျိုးတွေ ပိုသိလာတာပေါ့။ မျိုးဆက်သစ်ကို ဘာကြောင့် တွက်ကြည့်ရတာလဲ ဆိုတော့၊ အန်ကယ့်တုန်း ကနဲ့ ကျနော်တို့က ပြန်ပြီး ယှဉ်ကြည့်တာ။ အန်ကယ့် တုန်းကလည်း၊ ဘာပဲပြောပြော၊ အန်ကယ် ကာကွယ်ရေး ဦးစီးချုပ်ဖြစ်တဲ့ အချိန်မှာ၊ အပေါ်က ဦးနေ၀င်းတို့ ဦးစန်းယုတို့ လုပ်တာတွေကို၊ အန်ကယ် မကြိုက်တာတွေ သဘောထား ကွဲလွဲတာတွေ ရှိခဲ့တာပဲ။ အဲဒီတော့ အန်ကယ်တောင်မှ အဲဒါမျိုး အမှန်ကို မြင်လို့၊ ဦးနေ၀င်းတို့ ဦးစန်းယုတို့နဲ့ အတွေးအခေါ်အရ၊ လမ်းက ကွဲလာပြီးသား၊ အဲဒါကိုလည်း အခု ကျနော်တို့က ပြန်မြင်ကြည့်လို့ အဲဒါတွေကို တွေ့တာပဲ။
ဗိုလ်ချုပ်ကြီးတင်ဦး ။ ။ collective leadership (စုပေါင်းခေါင်းဆောင်မှု) ပေါ့ဗျာ။ နောက်ပြီးတော့ အများ စု ဒီမိုကရေစီ အရ လိုက်နာတာကို လုပ်ရမယ်။ အနည်းစုရဲ့ ပြောတာ ဆိုတာတွေကိုလည်း၊ လေးစားရမယ် ဆို တော့၊ ဒါတွေကို ယုံကြည်ခဲ့တာကိုး။ တကယ်တမ်းကျတော့ မဟုတ်ဘူးဗျ။ ထိပ်ပိုင်းကို ရောက်လာတော့၊ ဒီ စနစ်ကြီးကို သံသယက ၀င်လာတယ်။
ဦးရော်နီညိမ်း ။ ။ အန်ကယ်ကိုယ်တိုင်က ကာကွယ်ရေးဦးစီးချုပ် လုပ်လာတဲ့ အခါကျတော့၊ အခု ကာကွယ်ရေး ဦးစီးချုပ်နဲ့ အောက်ပိုင်း ဂျူနီယာ စစ်ခေါင်းဆောင်တွေကို၊ အန်ကယ် မျှော်လင့်ချက် မထားနိုင် ဘူးလား။ ဘာ့ကြောင့်လဲ ဆိုတော့၊ အန်ကယ့် တုန်းကတောင် ခုနလို ကွဲလွဲ လာသေးတာပဲ။ အဲဒီတော့ အန်ကယ် ကာကွယ် ရေးဦးစီးချုပ် ဖြစ်နေတုန်းက၊ ဗိုလ်ချုပ်ကြီး မင်းအောင်လှိုင်ဟာ ဗိုလ်လောင်းလေးပဲ ရှိသေးတယ်။ အဲဒီအခါကျ တော့ ဗိုလ်ချုပ်ကြီး မင်းအောင်လှိုင်နဲ့ အောက်ဘက်က မျိုးဆက်သစ် ဂျူနီယာ စစ်ခေါင်းဆောင်တွေကို၊ အန် ကယ် မမျှော်လင့်ဘူးလား ဆိုတာ၊ ကျနော် နောက်ဆုံး သိချင်ပါတယ် ခင်ဗျ။ တွေ့ဆုံဆွေးနွေးရေး ဖြစ်လာ အောင်လို့။
ဗိုလ်ချုပ်ကြီးတင်ဦး ။ ။ မျှော်လင့်တယ်။ မျှော်လင့်တယ်။ လူငယ်တွေကို မျှော်လင့်တယ်။ အမှန်ကတော့ ဆန်းသစ် လာတဲ့ လူငယ်တွေရဲ့ အတွေးအခေါ်တွေကို မျှော်လင့်တယ်။ ဘာဖြစ်လို့လဲ ဆိုတော့၊ (အမျိုးသား ဒီမိုကရေစီ) အဖွဲ့ချုပ်ရုံးမှာ၊ အဖွဲ့ချုပ်ဝင် လူငယ်တွေရော တခြား ဒီမိုကရေစီ အင်အားစုတွေက လူငယ်တွေရော ဒီမိုကရေစီ အဖွဲ့တွေ မဟုတ်တဲ့ သူတို့ဟာ သူတို့ တိုင်းပြည်ကို ချစ်တဲ့၊ တိုင်းပြည် ကောင်းရာ ကောင်းကျိုးကို လို လားကြတဲ့ ကလေးမလေးတွေ ကလေးတွေ၊ ဒေါ်အောင်ဆန်းစုကြည် ရှိတုန်းက (နောက်ဆုံးတခေါက် အကျယ် ချုပ်မကျခင်)၊ ဆွေးနွေးပွဲတွေမှာ ဆွေးနွေး လိုက်ကြတာတွေဟာ သိပ်အားရစရာ ကောင်းတယ်။ သူတို့တွေးတာ ခေါ်တာ၊ ပွင့်ပွင့်လင်းလင်း ပြောသွား တာတွေဟာ တကယ်ကောင်းတယ်။ အဲဒီလို generaltion က ရှိနေတော့၊ အဲဒီ generation က၊ လာမှာပဲ ခင်ဗျ။ ဒါကြောင့် ဂျွန်မက်ကိန်းက ပြောသွားတာ။ evolutionary နည်းနဲ့ သွား မယ်ဆိုရင်လည်း၊ လုပ်ကြပါ၊ ဒီလိုမှ မလုပ်ဘူး ဆိုရင်တော့၊ ခင်ဗျားတို့တိုင်းပြည်ဟာ revolutionary နဲ့ သွား တဲ့နည်းနဲ့ နောက်ဆုံးမှာ တွေ့ကို တွေ့ရတော့မယ်။ ဒါဆိုရင်တော့ မဟုတ်တော့ဘူးလို့၊ သူက သေသေချာချာ ကို ထောက်ပြ သွားတာပဲလေ။
ဦးရော်နီညိမ်း ။ ။ မကြာသေးခင်က မြန်မာနိုင်ငံကို ရောက်ရှိခဲ့တဲ့၊ အမေရိကန် ပြည်ထောင်စု Arizona ပြည်နယ် ကိုယ်စားပြု အထက် လွှတ်တော်အမတ် John McCain နဲ့ တွေ့ဆုံခဲတဲ့၊ မြန်မာ့ တပ်မတော် ကာကွယ်ရေး ဦးစီးချုပ်ဟောင်း၊ အမျိုးသား ဒီမိုကရေစီ အဖွဲ့ချုပ်ရဲ့ ဒုဥက္ကဋ္ဌ အငြိမ်းစား ဗိုလ်ချုပ်ကြီး သူရဦးတင်ဦးကို၊ တွေ့ဆုံ ဆွေးနွေးရေး ကိစ္စနဲ့ ပတ်သက်ပြီး၊ ဆက်သွယ် မေးမြန်းဆွေးနွေး တင်ပြခဲ့တာ ဖြစ်ပါတယ်ခင်ဗျာ။ ကျနော် ရော်နီညိမ်းပါ။
Ref: VOA News
တေးရေးဆရာ မောင်သစ်မင်း ကွယ်လွန်
မသိင်္ဂီထိုက်
တနင်္ဂနွေ, 05 ဇွန် 2011
တေးရေးဆရာ မောင်သစ်မင်းဟာ တနင်္ဂနွေနေ့ မနက်ပိုင်းက ထိုင်းနိုင်ငံ ဘန်ကောက်မြို့တော်မှာ ဆေးကုသမှု ခံယူရင်း ကွယ်လွန် သွားပါတယ်။ စတီရီယို ဂီတလောက ခေတ်ဦးကတည်း ကနေ အခုချိန်ထိ အောင်မြင်ဆဲ တေးရေးဆရာ မောင်သစ်မင်း ကွယ်လွန်သွားတဲ့ အတွက် မြန်မာ့ ဂီတလောက အတွက် ဆုံးရှုံးမှုတခု ဖြစ်တယ်လို့ ဂီတ လုပ်ဖော် ကိုင်ဘက်တွေက ပြောကြပါတယ်။ အပြည့်အစုံကို မသိင်္ဂီထိုက်က တင်ပြ ပေးထားပါတယ်။
မြန်မာ့ ဂီတလောကမှာ ကျော်ကြားတဲ့ တေးရေးဆရာ မောင်သစ်မင်းဟာ အသက် ၅၈ နှစ် အရွယ်မှာ ထိုင်းနိုင်ငံ ဘန်ကောက်မြို့က စီမစ်တီဝေ့ ဆေးရုံမှာ ဆေးကုသရင်း တနင်္ဂနွေနေ့ မနက် မြန်မာ စံတော်ချိန် ၈ နာရီခွဲ ကျော်ကျော်မှာ ကွယ်လွန် သွားခဲ့ပါတယ်။ တေးရေး မောင်သစ်မင်း ကွယ်လွန်ခဲ့တဲ့အတွက် မြန်မာ့ ဂီတလောကအတွက် ဆုံးရှုံးမှု ရှိပါတယ်လို့ တေးရေးဆရာ တဦးဖြစ်တဲ့ မြင့်မိုးအောင်က အခုလို ပြောပါတယ်။
“ကိုသစ်မင်းကတော့ အအောင်မြင်ဆုံး သီချင်းတွေ အများကြီး ရေးသားခဲ့တယ်။ ဂီတလောကနဲ့ ပတ်သက်တဲ့ လုပ်ကိုင်ရမယ့် ကိစ္စလေးတွေ ကိုလည်း သူက ဂီတ အစည်းအရုံးမှာ တွဲဖက် အတွင်းရေးမှူး တယောက် အနေနဲ့ အများကြီး လုပ်ကိုင် သွားတယ်။ အဲဒီလိုမျိုး အရည်အသွေး တွေနဲ့ ရှိတဲ့သူ ဆိုတဲ့အတွက် ကျနော်တို့ ဂီတလောကမှာ အနုပညာပိုင်း ဆိုင်ရာရော၊ တေးဂီတ လောကရဲ့ ဂီတ လုပ်ငန်းတွေ တိုးတက်မှုမှာပါ ဘာပဲပြောပြော ဆုံးရှုံးတယ်လို့ ကျနော်တို့ စိတ်ထဲမှာ ခံစားရပါတယ်။”
တေးရေးဆရာ မောင်သစ်မင်းဟာ မြန်မာနိုင်ငံ ဂီတအစည်းအရုံးမှာ တွဲဖက် အတွင်းရေးမှူး အဖြစ် တာဝန်ယူ လုပ်ဆောင်နေတဲ့ အပြင် တေးရေးသူများ အသင်းမှာလည်း တာဝန်ယူ လုပ်ဆောင်နေသူ တဦး ဖြစ်ပါတယ်။ ဒါ့အပြင် မြန်မာ့ ရုပ်သံမှာလည်း ခေတ်ပြိုင် ဂီတ မှတ်တိုင်များဆိုတဲ့ အစီအစဉ်ကို တာဝန်ယူ လုပ်ဆောင် နေပါတယ်။ မြန်မာ့ ဂီတလောကကို ၁၉၇၀ ပြည့်နှစ်တွေက စတင် ၀င်ရောက်လာပြီး သေဆုံးချိန်ထိလည်း တေးရေးဆရာ တယောက်အဖြစ် အောင်အောင်မြင်မြင် ရပ်တည်ခဲ့သူ တဦး ဖြစ်ပါတယ်။
တေးရေးဆရာတယောက်အပြင် ဘာသာပြန် ကဗျာတွေ၊ ကိုယ်တိုင်ရေး ၀တ္ထုတွေလည်း ရေးသားခဲ့သူ ဖြစ်တဲ့ မောင်သစ်မင်းဟာ စိတ်ခံစားမှုကို ဦးစားပေးသူ ဖြစ်တယ်လို့လည်း ဂီတ လုပ်ဖော်ကိုင်ဘက် မြင့်မိုးအောင်က ပြောပါတယ်။
“သူက စဉ်းစားတွေးခေါ်တာထက်စာရင် ခံစားမှုကိုလည်း ဦးစားပေးတတ်တဲ့ လူတယောက် ဖြစ်တော့ ကျနော် ကတော့ သူ့ကို တွေ့ကြုံ ဆက်ဆံ ဖူးပါတယ်။ သူက သူငယ်ချင်း အပေါင်းအသင်းတွေ၊ လုပ်ဖော် ကိုင်ဘက်တွေကို ဖြစ်စေ၊ ကျန်ာတို့ ညီအကိုအရွယ် လူတွေကိုပဲ ဖြစ်စေ သူက လူကြီးလို တသီးတသန့် မနေဘဲနဲ့ ကျနော်တို့နဲ့ ညီအကိုတွေလို ပေါင်းပြီးတော့ အများကြီး အနစ်နာခံ လုပ်ခဲ့တာတွေ ရှိပါတယ်။”
သူ့ရဲ့ တေးသီချင်းတွေကို ခေတ်ဟောင်း ခေတ်သစ် တေးသံရှင်များစွာ သီဆိုခဲ့ကြတာပါ။ ဒီထဲက တယောက်ဖြစ်တဲ့ တေးသံရှင် ထွန်းအိန္ဒြာဗိုလ် ကတော့ မောင်သစ်မင်းဟာ သူ့အပေါ်မှာ ကျေးဇူး ရှိဖူးပါတယ်လို့ ပြောပါတယ်။
“ကိုသစ်မင်းရဲ့ သီချင်းတွေ များစွာ ကျမ ဆိုဖူးပါတယ်။ ကျမကို ထွန်းအိန္ဒြာဗိုလ် အဖြစ် ပရိသတ်က အသိအမှတ် ပြုပေးတဲ့ သီချင်းပေါင်း များစွာလည်း ပါဝင်ခဲ့ပါတယ်။ ကိုသစ်မင်းက ကျမအတွက် ကျေးဇူးရှိတဲ့ သူတယောက် ဖြစ်ပါတယ်။
“ကျမ သူမဆုံးခင် ပြီးခဲ့တဲ့ တလလောက်က ဆေးရုံ သွားကြည့် ပါသေးတယ်။ နေကောင်း ပါတယ်၊ ရွှင်ရွှင် လန်းလန်းပါပဲ။ အလုပ် အကြောင်းတော့ သိပ်မပြောဖြစ်ဘဲ အလာပ သလာပပေါ့၊ အဲဒီအချိန် ဆေးရုံပေါ် ဆိုတော့။ တခြား တေးရေးဆရာ မိတ်ဆွေ အပေါင်းအသင်း၊ အသိုင်းအ၀ိုင်း ရောင်းရင်းတွေလည်း များစွာ ဆုံခဲ့ရတော့ အလုပ် အကြောင်းထက် တခြား သူ စိတ်ပျော်ရွှင်စေမယ့် အလာပ သလာပပဲ ပြောဖြစ်ပါတယ်။ ကျမကို အဆိုတော်ဖြစ်ဖို့ ပံ့ပိုးကြတဲ့ တေးရေးဆရာ များစွာထဲက တယောက် ပါပဲရှင်။ ကိုသစ်မင်း ကောင်းရာသုဂတိ လားပါစေလို့ ကျမ ဆုတောင်းပါတယ်။”
မြန်မာ့ ဂီတလောကရဲ့ ထင်ရှားတဲ့ တေးရေးဆရာ မောင်သစ်မင်းရဲ့ နောက်ဆုံး အခြေအနေကိုတော့ ကွယ်လွန်ချိန်မှာ အနားမှာ ရှိခဲ့တဲ့ တေးရေးဆရာ မြင့်မိုးအောင်က အခုလို ပြောသွားပါတယ်။
“ပထမ စစချင်း ရောဂါကတော့ အူမကြီး ကင်ဆာပေါ့၊ တဖြည်းဖြည်းနဲ့ နောက်ကျတော့ အသည်းတို့ ဘာတို့ပါ ပြန့်သွားတဲ့ သဘော ဖြစ်တယ်။ ကျနော်တို့ ဒီမှာလာပြီး အစွမ်းကုန် ကြိုးစားတယ်၊ ကုသကြတယ်။ အဲဒီလို အများကြီး လုပ်ပေမဲ့လည်း သူ့ရဲ့ ရောဂါ အခြေအနေ၊ အသိ နောက်ကျတာတို့ ဘာတို့ အချက်လေးတွေ ကြောင့်ပဲ သူ့အသက်ကို မမီလိုက်ဘူးပေါ့။ အသက်ကို ကောင်းကောင်း မွန်မွန် မကယ်ဆယ်နိုင်လိုက်ဘဲ အခုလို ဆုံးပါးသွားရတာပါ။”
ကွယ်လွန်သူ တေးရေး မောင်သစ်မင်းကို ဘန်ကောက်မြို့တော်မှာ သဂြုင်္ိဟ်ဖို့ စီစဉ်ထားပြီး ကျန်ရစ်တဲ့ အရိုးပြာကို မြန်မာ နိုင်ငံကို ပြန်လည် သယ်ဆောင်ဖို့ စီစဉ် ထားတယ်လို့လည်း ပြောကြပါတယ်။ သူကွယ်လွန်ချိန်မှာတော့ သား ၃ ယောက် ကျန်ရစ်ခဲ့ပါတယ်။
Ref: VOA News
အစ္စရေး ပစ်ခတ်မှုကြောင့် ဆီးရီးယား ဆန္ဒပြသမား ၂၀ သေဆုံး
တနင်္ဂနွေ, 05 ဇွန် 2011
အစ္စရေးတို့ ထိန်းချုပ်ထားတဲ့ ဂိုလန်ကုန်းမြင့် ဒေသနဲ့ ဆီးရီးယား နယ်ခြားမှာ တားဆီးထားတဲ့ သံဆူးကြိုးတွေကို ကျော်ဖြတ်ဖို့ ကြိုးစားကြတဲ့ ရာနဲ့ချီတဲ့ ပါလက်စတိုင်း လိုလားသူ ဆန္ဒပြသူတွေကို အစ္စရေး စစ်သားတွေက ပစ်ခတ်ခဲ့ပါတယ်။
အမျိုးသမီး ၁ ယောက်နဲ့ ကလေး ၁ ယောက် အပါအဝင် လူ ၂၀ သေဆုံးပြီး ၃၂၅ ယောက်ကျော် ဒဏ်ရာရတယ်လို့ ဆီးရီးယား အစိုးရ သတင်းမီဒီယာတွေက သတင်းထုတ်ပြန်ပါတယ်။
ဆီးရီးယားဆေးရုံ တာဝန်ရှိသူတွေကလည်း သေဆုံးသူ စာရင်းကို ထုတ်ပြန်ပြီး သေဆုံးသူ အရေအတွက်ကို အတည်ပြုပါတယ်။
၁၉၆၇ ခုနှစ်မှာ ဖြစ်ပွားခဲ့တဲ့ ၆ ရက်ကြာ အရှေ့အလယ်ပိုင်း စစ်ပွဲ ၄၄ နှစ်မြောက် နှစ်ပတ်လည် အဖြစ်နဲ့ ဆန္ဒပြကြတာ ဖြစ်ပါတယ်။ အဲဒီစစ်ပွဲမှာ အစ္စရေးတို့က ဆီးရီးယားဘက်က ဂိုလန်ကုန်းမြင့်ကို သိမ်းပိုက်လိုက်တာ ဖြစ်ပါတယ်။
ညနေပိုင်းမှာတော့ ဆန္ဒပြ လူအုပ်ဟာ ၁,၀၀၀ ကျော်အထိ များလာပြီး အဝေးမှာရှိတဲ့ အစ္စရေး စစ်သားတွေရှေ့မှာ ဆုတောင်း ကြွေးကြော်မှုတွေ လုပ်ခဲ့ကြပါတယ်။
အစ္စရေး စစ်သားတွေက နှုတ်အားဖြင့်ရော မိုးပေါ်ထောင် ပစ်ပြီးတော့ပါ အကြိမ်ကြိမ် သတိပေးနေတဲ့ ကြားက ဆီးရီးယားတွေဟာ နယ်စပ်ဘက်ကို ကပ်လာကြတဲ့ အတွက် တခြားရွေးစရာ မရှိတော့ဘဲ ဆန္ဒပြသူတွေရဲ့ ခြေထောက်တွေကို ပစ်ခတ်ခဲ့ရတာ ဖြစ်တယ်လို့ အစ္စရေးစစ်တပ် ပြောခွင့်ရသူက ပြောပါတယ်။
ဂျော်ဒန်မြစ် အနောက်ဘက်ကမ်း ဒေသက စစ်ဆေးရေးဂိတ် တခုမှာ ရာနဲ့ချီတဲ့ ပါလက်စတိုင်း လူငယ်တွေနဲ့ အစ္စရေး စစ်သားတွေ ပဋိပက္ခဖြစ်ပြီး အစ္စရေး စစ်သားတွေ ဘက်က မျက်ရည်ယိုဗုံးတွေ၊ ရာဘာ ကျည်ဆံတွေနဲ့ တုံ့ပြန်ခဲ့ပါတယ်။
အကြမ်းဖက်မှုတွေ မဖြစ်ခင်ကတော့ အစ္စရေး ဝန်ကြီးချုပ် ဘန်ဂျမင် နက်တန်ယာဟု (Benjamin Netanyahu) က အစ္စရေး တပ်တွေကို ထိန်းထိန်း သိမ်းသိမ်း လုပ်ကြဖို့၊ ဒါပေမဲ့ နယ်စပ်ကိုတော့ ဖြတ်ကျော် မခံရအောင် ပြတ်ပြတ်သားသား လုပ်ကြဖို့ အမိန့် ပေးထားတယ်လို့ ပြောပါတယ်။
Ref: VOA News
ဒဏ်ရာရသူ ယီမင်သမ္မတ ဆေးကုသဖို့ ဆော်ဒီနိုင်ငံ ရောက်ရှိ
စနေ, 04 ဇွန် 2011
ယီမင်သမ္မတ အလီ အဗ္ဗဒူလာ ဆာလေး (Ali Abdullah Saleh) ဟာ သောကြာနေ့က ရထားတဲ့ ဒဏ်ရာတွေကို ဆေးကုသဖို့ ဆော်ဒီအာရေးဗီးယားကို ရောက်လာတယ်လို့ ဆော်ဒီ တာဝန်ရှိသူတွေက ပြောပါတယ်။
သောကြာနေ့က ဆာနာ (Sana’a) မြို့တော်က သမ္မတအိမ်တော် ပရိဝုဏ်မှာ ရော့ကက် ဒုံးလက်နက် မှန်ရာမှာ ဒဏ်ရာရခဲ့တဲ့ ဝန်ကြီးချုပ် အပါအဝင် အဆင့်မြင့် တာဝန်ရှိသူ ၄ ယောက်ထက် မနည်းဟာ ရထားတဲ့ ဒဏ်ရာတွေကို ကုသဖို့ ဆော်ဒီ အာရေးဗီးယားကို သွားကြတယ်လို့ အစိုးရ သတင်းတွေက ပြောပါတယ်။
ယီမင်သမ္မတရဲ့ ဒဏ်ရာ ဘယ်လောက်ပြင်းထန်လဲ ဆိုတာ တိတိကျကျ မသိရသေးပါဘူး။
စနေနေ့ အစောပိုင်းတုန်းကတော့ ဆော်ဒီအာရေးဗီးယားနိုင်ငံက ကြားဝင် ညှိပေးထားတဲ့ အပစ်အခတ် ရပ်စဲရေး သဘောတူညီမှု အသစ်ကို ယီမင်အစိုးရ အရာရှိတွေကရော၊ မျိုးနွယ်စု သူပုန်တွေကပါ လက်ခံဖို့ သဘော တူခဲ့ကြပါတယ်။ အစီအစဉ် သစ်ကို လက်ခံမယ်လို့ ၂ ဘက် ကိုယ်စားလှယ်တွေက စနေနေ့မှာ ပြောခဲ့ကြတာ ဖြစ်ပါတယ်။
ပြီးခဲ့တဲ့ တပတ်ကတော့ ယီမင်သမ္မတ အလီ အဗ္ဗဒူလာ ဆာလေးရဲ့ တပ်တွေနဲ့ အတိုက်အခံ မျိုးနွယ်စု ခေါင်းဆောင် ရှိတ်ခ် ဆာဒစ်ခ် အယ်လ် အာမာ (Sheikh Sadiq al-Ahmar) အပေါ် သစ္စာရှိတဲ့ တပ်တွေကြား တိုက်ခိုက်မှုကြောင့် အလားတူ သဘော တူညီချက်ဟာ အချိန် ခဏလေးမှာပဲ ပျက်ခဲ့ပါတယ်။
ဆာနာမြို့တော်မှာ တိုက်ခိုက်မှုတွေဟာ စနေနေ့မှာ ဆက်ဖြစ်နေပြီး သမ္မတ ဆာလေးရဲ့ တပ်တွေက အစိုးရ ဆန့်ကျင်သူ ခေါင်းဆောင်တွေရဲ့ နေအိမ်တွေအပေါ် ပစ်မှတ်ထား တိုက်ခိုက် နေပါတယ်။
အတိုက်အခံခေါင်းဆောင် အယ်လ် အာမာရဲ့ ရပ်ကွက်အပေါ် အစိုးရတပ်တွေ ပစ်မှတ်ထား တိုက်ခိုက်မှုကြောင့် ၁၀ ယောက် သေဆုံးပြီး ၃၅ ယောက် ဒဏ်ရာရတယ်လို့ မျိုးနွယ်စု တာဝန်ရှိသူတွေက ပြောပါတယ်။
Ref: VOA News
အခိုင်အမာ ခြေလှမ်းများ လှမ်းရန် ဂျွန်မက်ကိန်း တိုက်တွန်း
Thea Forbes | စနေနေ့၊ ဇွန်လ ၀၄ ရက် ၂၀၁၁
ချင်းမိုင် (မဇ္ဈိမ) ။ ။ `စကားအလှများ´ ပြောနေရုံသက်သက်သာ မဟုတ်ဘဲ `အခိုင်အမာ ခြေလှမ်းများ´ လှမ်းပါရန် အမေရိကန် အထက် လွှတ်တော်အမတ် ဂျွန်မက်ကိန်းက သူ၏ ၃ ရက်ကြာ မြန်မာခရီးစဉ် အပြီး သောကြာနေ့တွင် မြန်မာ အစိုးရကို တိုက်တွန်း ပြောကြားခဲ့သည်။
အဆိုပါ ၃ ရက်ကြာ ခရီးစဉ်အတွင်း ဂျွန်မက်ကိန်းသည် ဒုသမ္မတ သီဟသူရ ဦးတင်အောင်မြင့်ဦး အပါအ၀င် အခြား အရေးပါသော အစိုးရ ခေါင်းဆောင်များ၊ နိုဘယ်ဆုရှင် ဒေါ်အောင်ဆန်းစုကြည် အပါအ၀င် အမျိုးသား ဒီမိုကရေစီအဖွဲ့ချုပ် NLD ပါတီဝင်များနှင့် တွေ့ဆုံခဲ့ပြီး NLD က ရန်ကုန်တွင် ဖွင့်လှစ်ထားသော HIV/AIDS `ကယ်ဆယ်ရေးဂေဟာ´ သို့လည်း သွားရောက် ကြည့်ရှုခဲ့သည်။
`အစိုးရသစ်သည် အမေရိကန်နိုင်ငံနှင့် ဆက်ဆံရေးကောင်းမွန်ရန် စိတ်ဆန္ဒရှိနေကြောင်း´ ထင်ရှားသည်ဟု လွန်ခဲ့သော ၁၅ နှစ်လုံးလုံး ဗီဇာ ငြင်းပယ်ခံခဲ့ရသည့် မစ္စတာမက်ကိန်းက တွေ့ဆုံ ဆွေးနွေးပွဲများ အပြီး ပြောကြားခဲ့သည်။
မြန်မာနိုင်ငံကို နောက်တခေါက် လာရောက်ရသည့်အတွက် `အလွန်ဝမ်းမြောက်ကြောင်း´ အနာဂတ် အမေရိကန်-မြန်မာ ဆက်ဆံရေး အတွက်လည်း အကောင်းမြင် မျှော်လင့်ချက် ထားရှိပါကြောင်း သူက ပြောကြားသည်။
အမေရိကန်အနေနှင့် မည်သည့်နိုင်ငံနှင့်မျှ ဆက်ဆံရေး ဆိုးရွားစေလိုသည့် ဆန္ဒမရှိကြောင်း နှစ်နိုင်ငံကြား အလွန်ပင် ဆက်ဆံရေး ဆိုးရွားခဲ့သည့် အိမ်နီးချင်း ဗီယက်နမ်နှင့် သံတမန်ရေး ဆက်ဆံမှု တိုးတက်လာမှုကို ဥပမာပေးကာ သူက အလေးပေး ပြောကြား သွားခဲ့သည်။
`အခု အစိုးရသစ်ဟာ အတိတ်နဲ့နှိုင်းစာရင် အပြောင်းအလဲ တစုံတရာရှိခဲ့တာကို ကျနော် အသိအမှတ် ပြုပါတယ်။ သို့သော် ကျနော် မနေ့က အစိုးရ အရှာရှိတွေနဲ့ တွေ့ဆုံတုန်း ပြောခဲ့သလိုပါဘဲ ဆက်ဆံရေး တိုးတက်လာဖို့ဆိုတာ စကားအလှတွေ ပြောနေရုံနဲ့ မရဘူး၊ အခိုင်အမာ လုပ်ဆောင်ပြဖို့ လိုတယ်´ ဟု အမေရိကန်သံရုံးသို့ လာရောက်သော အကဲခတ်များကို သူက ပြောကြားခဲ့သည်။
`ထိတွေ့ဆက်ဆံရေးမူဝါဒအရ ကြိုးပန်းမှုတွေဟာ ရလဒ်ပြနိုင်ရမယ်၊ အချိန်အကန့် အသတ်ရှိရမယ်´ ဟုလည်း အလျင်အမြန် အပြောင်းအလဲများ ပြုလုပ်ရန် သူက တိုက်တွန်း ပြောကြား သွားသည်။
အမေရိကန်အစိုးရ၏ မြန်မာနိုင်ငံအပေါ် ထားရှိသော ထိတွေ့ဆက်ဆံရေးမူဝါဒသည် အရေးပါသော ခြေလှမ်းများ လှမ်းနိုင်မှု အပေါ်တွင် မူတည်နေပြီး၊ ဤသို့လှမ်းနိုင်မှသာ မြန်မာ အစိုးရသည် ဒီမိုကရေစီရေး အပြောင်းအလဲများ ပြုလုပ်ရန် အမှန်တကယ် ပိုင်းဖြတ် လုပ်ဆောင်နေခြင်း ဖြစ်ကြောင်း သက်သေ ပြနိုင်မည်ဖြစ်ကာ အမေရိကန် ဘက်ကလည်း အပြန်အလှန် အပြောင်းအလဲများ ပြုလုပ်လိုသည့် ဆန္ဒ ပေါ်လာစေမည်ဖြစ်ကြောင်း သူက ပြောသည်။
နိုင်ငံရေးအကျဉ်းသားများကို ခြွင်းချက်မရှိ လွှတ်ပေးရေးသည်လည်း မြန်မာနိုင်ငံတွင် စစ်မှန်သော ဒီမိုကရေစီ အပြောင်း အလဲများ ပေါ်ပေါက်ရေး အတွက် အရေးပါသော လိုအပ်ချက်ဟု သူက သာဓက အဖြစ် ပြောခဲ့သည်။
အပြုသဘောဆောင်သော ထိတွေ့ဆက်ဆံမှုမူဝါဒတွင် လက်ရှိ ပိုနေမြဲကျားနေမြဲ အခြေအနေမှ ပြောင်းလဲရန် လိုအပ်ပြီး ထိုသို့ အပြောင်းအလဲများ အထင်အရှား ပေါ်ပေါက်လာခြင်း မရှိပါက ပိတ်ဆို့ အရေးယူမှုသည်လည်း ဆက်လက် ရှိနေဦးမည်ဟု သူက ပြောသည်။ `ဒီမိုကရေစီရေး အပြောင်းအလဲ အတွက် နက်နက်ရှိုင်းရှိုင်း စိတ်ဆန္ဒ ရှိနေတယ် ဆိုတာကို သက်သေပြနိုင်တဲ့ အခိုင်အမာ ခြေလှမ်းတွေကို ဒီအစိုးရအနေနဲ့ မလုပ်ဆောင် နိုင်ရင် ပိတ်ဆို့ အရေးယူမှုတွေကို ဖြေလျှော့ပေးနိုင်မယ့် အလားအလာလည်း ရှိမှာမဟုတ်ပါဘူး´ ဟု သူက ဆိုသည်။
ရှိရင်းစွဲ ပိတ်ဆို့အရေးယူမှုများကို ပိုမိုထိရောက်စေရေးအတွက် တိုးတက်ကောင်းမွန်အောင် လုပ်ဖို့ လိုသေးသည်ဟုလည်း သူက ပြောသည်။ `တကယ်တော့ ကျနော်တို့ လုပ်ရမှာ လက်ရှိ ရှိနေတဲ့ ပိတ်ဆို့ အရေးယူမှုတွေကို အကောင်အထည် ဖော်ရာမှာ ပိုမို ထိရောက်တဲ့ နည်းလမ်းတွေကို ရှာဖို့ပဲ´ ဟုလည်း သူက ပြောသည်။
အမျိုးသား ရင်ကြားစေ့ရေး ဒီမိုကရေစီလုပ်ငန်းစဉ်ဖြင့် တိုင်းပြည်ကို တစည်းတလုံးတည်း ဖြစ်အောင် လုပ်ရာတွင် ငြိမ်းချမ်းစွာ တွေ့ဆုံ ဆွေးနွေးမှု ပြုလုပ်ရန်လည်း မစ္စတာမက်ကိန်းက တောင်းဆို လိုက်သည်။ ကုလသမဂ္ဂ လူ့အခွင့်အရေး ကောင်စီ၏ ကြေညာချက်ဖြစ်သည့် `မည်သည့် ရင်ကြားစေ့ရေး လုပ်ငန်းစဉ်တွင် မဆို ဒေါ်အောင်ဆန်းစုကြည်၊ တိုင်းရင်းသား လူနည်းစုများ၊ အခြား အတိုက်အခံ ခေါင်းဆောင်များ၊ NLD တို့ ပါဝင်ရမည်´ ကို သူသဘောတူညီ ကြောင်းနှင့် NLD သည် ယခင်က တရားဝင် ပါတီအဖြစ် အသိအမှတ် ပြုခံခဲ့ရသည့် ပါတီဖြစ်ပြီး ယခုလည်း တရားဝင် နိုင်ငံရေးပါတီ တရပ် အဖြစ် နောက်ထပ် ပြန်လည် အသိအမှတ် ပြုသင့်ကြောင်းလည်း သူက ပြောသည်။
အနုမြူမပြန့်ပွားရေးဆိုင်ရာ ကုလသမဂ္ဂ လုံခြုံရေးကောင်စီ ဆုံးဖြတ်ချက်များကို လိုက်နာရန်လည်း သူက မြန်မာ အစိုးရကို တောင်းဆို သွားသည်။ မြန်မာနိုင်ငံ၏ နျူကလီးယား အစီအစဉ်ကို ရပ်တန့်ထားပြီး ဖြစ်ကြောင်း အဆိုပါ ခရီးစဉ်အတွင်း ဒုသမ္မတ သီဟသူရ ဦတင်အောင်မြင့်ဦးက သူ့ကို ပြောဆိုခဲ့သည်ဟု ဆိုသည်။ အစိုးရထုတ် သတင်းစာ မြန်မာ့ အလင်းတွင် ဖော်ပြထားချက် အရ `မြန်မာနိုင်ငံ အနေဖြင့် အနုမြူ လက်နက်များ ထုတ်လုပ်ရန် အခြေအနေ မရှိပါကြောင်း၊ ထိုသို့ ထုတ်လုပ်နိုင်ရန် စီးပွားရေး အင်အားလည်း တောင့်တင်းခြင်း မရှိပါကြောင်း´ ဒုသမ္မတက သူ့ကို ပြောကြားခဲ့သည်။
`မြောက်ကိုရီးယားအစိုးရနှင့် စစ်ရေးပူးပေါင်းဆောင်ရွက်မှု မှန်သမျှကို ရပ်ဆိုင်းရန်နှင့် နိုင်ငံတကာ ဥပဒေအရ တာဝန် ရှိမှုများကိုလည်း လေးစား လိုက်နာပါရန်´ သူက မြန်မာ အစိုးရကို တောင်းဆို ပြောကြားခဲ့သည်။
ရန်ကုန်မြို့ပြင်ပသို့ ထွက်ရန် ရည်ရွယ်ထားသည့် ဒေါ်အောင်ဆန်းစုကြည်၏ ခရီးစဉ်သည် မြန်မာ အစိုးရအတွက် အပြောင်းအလဲ များကို အမှန်တကယ် လိုလားကြောင်း ပြသရန် အခွင့်အရေး တရပ်ဟုလည်း သူက ပြောဆိုခဲ့သည်။ ယခင်က ဖြစ်ပွားခဲ့သော NLD ပါတီဝင်များ၏ နိုင်ငံရေး လူထု အစည်းအဝေးကြီးများကို အကြမ်းဖက် တိုက်ခိုက်ခဲ့ခြင်း များကို ရည်ညွှန်း၍ သူက `ယခင်ကကဲ့သို့သော အဖြစ်အပျက်များ ယခုတခါ မဖြစ်ပေါ်စေရေး အတွက် အစိုးရသစ်၏ ဆောင်ရွက်နိုင်စွမ်းနှင့် လိုလိုလားလား ရှိမှုသည် သူတို့၏ အပြောင်း အလဲအပေါ် တကယ် စိတ်ဆန္ဒရှိမှုကို စမ်းသပ်မည့် အရေးကြီးသော စမ်းသပ်ချက် တရပ်ဖြစ်ကြောင်း၊ ဒေါ်အောင်ဆန်းစုကြည်ကို အကာအကွယ် ပေးရေးသည် ထင်ရှားသော နိုင်ငံသားတဦးကို ပေးအပ်သည့် အထူး အခွင့်အရေး မျှသာ မဟုတ်ဘဲ လူသား ဂုဏ်သိက္ခာအတွက် တောင်းဆိုမှု တရပ်လည်းဖြစ်ကာ နိုင်ငံသားတိုင်း ရထိုက်သော အခွင့်အရေး တရပ်လည်းဖြစ်သည်ဟု ပြောဆိုသည်။
နအဖ ၏ လူမှုရေးအသင်းဟုဆိုကာ ယခုအခါ အစိုးရရာထူးကြီးမျာကို ရယူထားသည့် ယခင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အဖွဲ့၏ အဖွဲ့ဝင်များနှင့် စစ်အစိုးရ ဗိုလ်ချုပ်ကြီးများသည် NLD ပါတီဝင်များ၏ ယာဉ်တန်းကို ၂၀၀၃ ခုနှစ်တွင် ဒီပဲယင်း၌ တိုက်ခိုက် ခဲ့ရာတွင် စီစဉ် ကြံစည်ခဲ့ကြသည်ဟု စွပ်စွဲ ပြောဆိုမှုများ ရှိသည်။ ယင်းဒီမိုကရေစီ စနစ် ဆန့်ကျင်သည့် လုပ်ရပ်၌ NLD ပါတီဝင် အနည်းဆုံး ၇၀ ကို ကြံ့ခိုင် ဖွံ့ဖြိုးရေး အဖွဲ့ဝင်များက သတ်ဖြတ် ခဲ့သည်ဟုလည်း ဆိုကြသည်။
မြန်မာနိုင်ငံတွင်း လူ့အခွင့်အရေး ချိုးဖောက်မှုများနှင့် လူသားဖြစ်မှုအပေါ် ကျူးလွန်သည့် ရာဇ၀တ်မှု များကို စုံစမ်း စစ်ဆေး နိုင်ရန်အတွက် ကုလသမဂ္ဂ စုံစမ်း စစ်ဆေးရေး ကော်မရှင် တရပ် ဖွဲ့စည်း စစ်ဆေးရေး ဆက်လက် လုပ်ဆောင် ရန်လည်း မစ္စတာ မက်ကိန်းက ကမ္ဘာ့နိုင်ငံများကို တောင်းဆို ပြောကြားသွားသည်။ သို့သော် ထိုသို့ စုံစမ်းရေး ကော်မရှင် ဖွဲ့စည်း စစ်ဆေးရေးကို ထောက်ခံ ပြောကြားခြင်းသည် `လက်စားချေရန်နှင့် အပြစ်ပေး ဒဏ်ခတ်ရန်´ တောင်းဆိုခြင်း မဟုတ်ကြောင်းလည်း သူက အလေးပေး ပြောဆိုခဲ့သည်။ `အရာရာကို တာဝန် ခံမှုရှိစေရန်နှင့် မြန်မာ ပြည်သူလူထု အတွက် တရားမျှတမှု ပေါ်ပေါက်ရေး အတွက်သာဖြစ်ကြောင်း´ သူက ပြောဆိုခဲ့သည်။
သူက အာရပ်ကမ္ဘာတွင် ဖြစ်ပေါ်လျက်ရှိသော နွေဦးရာသီ တော်လှန်ရေးများကို ရည်ညွှန်းကာ `ယခုအခါ အပြောင်း အလဲများ ဖြစ်ပေါ်တော့မည့် လက္ခဏာများကို တွေ့မြင် နေကြရပြီဖြစ်သည်။ ထို အပြောင်းအလဲများသည် အာရပ် ကမ္ဘာတွင်သာ ရပ်တန့်နေမည် မဟုတ်ပါ။ တရွေ့ရွေ့ပြောင်းလဲသော ပြုပြင်ပြောင်းလဲရေး လုပ်ငန်းများကို အစိုးရများက ရှောင်ဖယ်နေမည် ဆိုလျှင် တော်လှန်ရေး နည်းဖြင့် ဖြစ်ပေါ်မည့် အပြောင်း အလဲများကို သူတို့ ရင်ဆိုင်ကြရမည်။ ထိုသို့ရွေးချယ်ခွင့်ကို ရွှေ့ဆိုင်းထား၍မူ ရနိုင်ကောင်း ရနိုင်ပါသည်၊ အချိန်ဆွဲထား၍ ရကောင်းရနိုင်ပါသည်၊ သို့သော် ငြင်းပယ်၍မူ ရမည်မဟုတ်ပါ´ ဟု သတိပေး ပြောကြား သွားခဲ့သည်။
မြို့တော်သစ် နေပြည်တော်ကို အမေရိကန်ဒေါ်လာ ၃၀ ဘီလျံ အကုန်ခံ၍ တည်ဆောက်ခဲ့သော လက်ရှိ အစိုးရကို ဖွံ့ဖြိုးမှု အတွက် တကယ် လိုအပ်နေသည့် အရာများကိုလည်း ပိုမိုအာရုံစိုက် လုပ်ဆောင် ပါရန်လည်း သူက တိုက်တွန်း ပြောကြား သွားသည်။ `ပြည်သူလူထုအတွက် အကောင်းဆုံး ဖြည့်ဆည်း ဆောင်ရွက်ပေးနိုင်မည့် အရာများကို မျက်ခြည် မပြတ်ရန်လည်း လိုပါသည်။ တိုင်းပြည်တွင်းရှိ အရေးတကြီး စိန်ခေါ်နေသည့် ပြဿနာများဖြစ်သော ကျန်းမာရေး၊ ဆင်းရဲမွဲတေမှု၊ ပညာရေး၊ အုပ်ချုပ်မှု စသည်တို့ကိုလည်း အစိုးရသစ်က အလားတူ ကိုင်တွယ် ဆောင်ရွက် သင့်ပါကြောင်း၊ နေပြည်တော် တည်ဆောက်စဉ်က အသုံးပြုခဲ့သော ဇွဲနှင့် အရင်းအမြစ်များ အတိုင်းပင် အသုံးပြု ဆောင်ရွက်သင့်ပါသည်´ ဟု သူက ပြောသည်။
`အစိုးရသစ်က တကယ့်ဒီမိုကရေစီ ပြုပြင်ပြောင်းလဲရေး လုပ်ငန်းများနှင့် စီးပွားရေး ဖွံ့ဖြိုး တိုးတက်မှုကို စစ်စစ် မှန်မှန် လုပ်ဆောင်လိုစိတ် ရှိသည်ဆိုပါက သူတို့သည် အမေရိကန် ပြည်ထောင်စုဘက်မှ အလားတူ လိုလိုလားလား ဆောင်ရွက်မည့်သူကို တွေ့နိုင်မှာ ဖြစ်ပါသည်´ ဟုလည်း သူက ပြောသည်။
Ref: မဇ္ဈိမ
ဒေါ်အောင်ဆန်းစုကြည်လုံခြုံရေး လူငယ်များ တပ်လှန့်
လင်းသန့်
Friday, 03 June 2011
အမျိုးသား ဒီမိုကရေစီ အဖွဲ့ချုပ် (NLD) ခေါင်းဆောင် ဒေါ်အောင်ဆန်းစုကြည် မကြာမီ ပြုလုပ်မည့် ခရီးစဉ် အတွင်း အသက် အန္တရာယ် မကျရောက် စေရေး အတွက် နိုင်ငံသား အားလုံး အထူး သတိရှိကြရန် NLD လူငယ်များနှင့် နိုင်ငံရေး တက်ကြွ သူများက နှိုးဆော်လျက် ရှိသည်။
ခရီးစဉ် လုံခြုံရေးအတွက် NLD လူငယ်များ၊ ဒေသခံပြည်သူများ နှင့် ဒေါ်အောင်ဆန်းစုကြည်၏ အစီအစဉ်ဖြင့် ပေါ်ပေါက် လာသည့် လူငယ် ကွန်ရက် အဖွဲ့ဝင်များက ပူးပေါင်း ဆောင်ရွက် သွားမည်ဟု သိရသည်။
“ကျနော်တို့ဘက်က လူအားဖြင့်သာ ဆောင်ရွက်နိုင်ပြီး တကယ် အခွင့်နဲ့ အမိန့် အာဏာတွေကတော့ လက်ရှိ အာဏာပိုင် ကသာ ဆောင်ရွက်နိုင်မှာ ဖြစ်ပါတယ်” ဟု လူငယ်ကွန်ရက်မှ ဦးဆောင်သူတဦး ဖြစ်သည့် ကိုဖြိုးမင်းသိန်းက ဧရာဝတီကို ပြောသည်။
လုံခြုံရေးအတွက် NLD လူငယ်များနှင့် လူငယ်ကွန်ရက်အဖွဲ့တို့ ပူးပေါင်း ဆောင်ရွက်မည် ဖြစ်သော်လည်း အသိစိတ်ဖြင့် တာဝန်ယူခြင်း မျိုးသာ ဖြစ်ကြောင်း NLD လူငယ် ခေါင်းဆောင် တဦးဖြစ်သူ ကိုရာဇာက ဧရာဝတီကို ပြောသည်။
ထို့အပြင် လုံခြုံရေးအတွက် စနစ်တကျ လေ့ကျင့် သင်ယူထားကြခြင်း မရှိဟု သိရသည်။
ခရီးထွက်မည့် ဒေါ်အောင်ဆန်းစုကြည် အတွက် စိုးရိမ်မိကြောင်း၊ သို့သော်လည်း လုံခြုံရေး အတွက် အာဏာပိုင် တို့တွင် တာဝန် အရှိဆုံး ဖြစ်ကြောင်း NLD လူငယ်များက သုံးသပ် မိသည်ဟု မကွေးတိုင်း NLDလူငယ် တာဝန်ခံ ကိုနေမျိုးကျော်က ဧရာဝတီကို ပြောသည်။
“နိုင်ငံတကာ သတင်းမီဒီယာတွေက ဒေါ်အောင်ဆန်းစုကြည်ရဲ့ ခရီးစဉ်မှာ အနီးကပ် ရှိနေမယ် ဆိုရင်လည်း လုံခြုံရေး အရ စိုးရိမ်မှုတွေကို လျော့ပါးစေမယ်လို့ ထင်တယ်” ဟု သူက ဆက်ပြောသည်။
အမေရိကန် အထက်လွှတ်တော်အမတ် မစ္စတာ ဂျွန်မက်ကိန်းကလည်း ဒေါ်အောင်ဆန်းစုကြည်၏ ခရီးစဉ် လုံခြုံရေး အတွက် အစိုးရတွင် တာဝန်ရှိသည်ဟု ယနေ့ ပြုလုပ်သော သတင်းစာ ရှင်းလင်းပွဲတွင် ထည့်သွင်း ပြောကြားခဲ့သည်။
ဒေါ်အောင်ဆန်းစုကြည်က နေအိမ်အကျယ်ချုပ်မှ ပြန်လည်လွတ်မြောက်လာခဲ့ပြီး ၆ လ ခန့် အကြာတွင် ရန်ကုန် ပြင်ပ ထွက်ကာ လူထုနှင့် အနီးကပ် တွေ့ဆုံရေး ခရီးစဉ်ကို ထုတ်ဖော် ပြောခဲ့ခြင်း ဖြစ်သည်။ သို့သော် ခရီးအတွက် အစီအစဉ် အတိအကျကိုမှု ကြေညာခြင်း မရှိသေးပေ။
ဒေါ်အောင်ဆန်းစုကြည်သည် ခြိမ်းခြောက်ခံရမှု၊ တိုက်ခိုက်ခံရမှုတို့ကို ၁၉၈၉ ခုနှစ်က ဓနုဖြူ မြို့တွင် လည်းကောင်း၊ ၁၉၉၆ ခုနှစ်က ရန်ကုန်မြို့တွင် လည်းကောင်း ကြုံတွေ့ခဲ့ရသည်။
၂၀၀၃ ခုနှစ်က ဒီပဲယင်းမြို့သို့ ရောက်ရှိစဉ် တုတ်၊ ဓား၊ လက်နက်များ ကိုင်ဆောင်ထားသည့် လူ ၅၀၀၀ ၀န်းကျင်၏ တိုက်ခိုက်မှုနှင့် ရင်ဆိုင်ခဲ့ရသည်။
ထိုအခြေအနေများကြောင့် ယခု စီစဉ်နေသည့် ခရီးစဉ်အတွက် စိုးရိမ်နေကြခြင်း ဖြစ်သည်။
ဝါရင့်နိုင်ငံရေးသမားကြီး သခင်ချန်ထွန်းကမူ လူထုခေါင်းဆောင်တဦး ခရီးသွားမည်ကို တားမြစ်လိုခြင်း မရှိဟု ဆိုသည်။
“နိုင်ငံရေးအရ ဒီခရီးစဉ်မျိုး ထွက်ရာမှာ အနှောင့်အယှက် အမျိုးမျိုး ပေးရင်တော့ ဒီမိုကရေစီကို ဖျက်ဆီးတာပဲ ဖြစ်မယ်။ ဒေါ်အောင်ဆန်းစုကြည် အနေနဲ့ ညနေ ၄ နာရီနောက်ပိုင်း တနယ်က တနယ် မကူးဘဲ နေ့ခင်းပိုင်းမှာပဲ သွားသင့်တယ်” ဟု သခင်ချန်ထွန်းက ပြောသည်။
အာဏာပိုင်တို့က နိုင်ငံရေးလှုပ်ရှားသူများကို ဟန့်တား နှိပ်ကွပ်ရာတွင် လက်နက်ကိုင်လုံခြုံရေး တပ်ဖွဲ့များကို သာမက စွမ်းအားရှင် အဖွဲ့ ဟု ထင်ရှားသည့် အရပ်ဝတ် လူမိုက်များ ပါဝင်သည့် အဖွဲ့ကို အသုံးချခဲ့ကြသည်။
သမ္မတဦးသိန်းစိန် အစိုးရသစ် တက်လာပြီးနောက်ပိုင်း ယခင် စစ်အစိုးရ စက်မှု ၁ ၀န်ကြီး၊ ယခု အာဏာရ ကြံ့ခိုင် ဖွံ့ဖြိုးရေး ပါတီ အတွင်းရေးမှူး တဦးဖြစ်သူ ဦးအောင်သောင်း ခေါင်းဆောင်၍ စွမ်းအားရှင်များကို ပြန်လည် စုစည်းကာ ပြည်သူ့ လုံခြုံရေးအဖွဲ့ အဖြစ် ပြင်ဆင် ဖွဲ့စည်းထားကြောင်း သိရသည်။
ပြည်သူ့လုံခြုံရေးအဖွဲ့သည် အစိမ်းရောင် စစ်ယူနီဖောင်းကို ၀တ်ဆင်ကာ ဒိုင်းနှင့် နံပါတ်တုတ်များ ကိုင်ဆောင်မည်ဟု သိရသည်။
Ref: ဧရာဝတီ်
ဂျာနယ်တွင် ထောင်အကြောင်း ၀ါဒဖြန့်
ယုယမိုး
Friday, 03 June 2011
အာဏာပိုင်တို့က အင်းစိန်ထောင် အစာငတ်ခံဆန္ဒပြမှုနှင့် ပတ်သက်သည့် ၀ါဒဖြန့် သတင်းကို ရန်ကုန် အခြေစိုက် သတင်း ဂျာနယ်များတွင် ဖော်ပြရန် စီစဉ်ခဲ့သည်ဟု သိရသည်။
အကျဉ်းသားများ၏ အစားအသောက်နှင့် ကျန်းမာရေး ကောင်းမွန်ရန် အကျဉ်းဦးစီးဌာနက အထူး ဂရုစိုက်ထားသည် ဟူသော သတင်းကို Flower News (မေလ၂၇)၊ လျှပ်တစ်ပြက် (မေ ၃၁) ဂျာနယ်တို့တွင် ဖော်ပြထားသည်။
တနိုင်ငံလုံးရှိ အကျဉ်းသားများအတွက် စားသောက်စရိတ်မှာ နေ့စဉ် ၂၈၈ သိန်း ရှိကြောင်း၊ ရိက္ခာဆန်များ ဖြူဖွေး ကောင်းမွန်ပြီး ငါးခြောက် သို့မဟုတ် ငါးခေါင်း အချဉ်ရည်ဟင်းဖြင့် ကျွေးမွေးကြောင်း စသဖြင့် အကျဉ်းဦးစီး ဌာန၏ ရှင်းလင်းချက်ကို သတင်းတွင် တွေ့ရသည်။
ထိုသတင်းတွင် ပါဝင်သော အကျဉ်းဦးစီးဌာန၏ ရှင်းလင်းချက်ကို AAPP ခေါ် ထိုင်းအခြေစိုက် နိုင်ငံရေး အကျဉ်းသားများ ကူညီ စောင့်ရှောက်ရေး အသင်းက မေလ ၃၁ ရက်နေ့တွင် ရှုတ်ချထားသည်။ အကျဉ်းသား တဦးကို ကျွေးမွေးရန် တရက်လျှင် ၅၇ ကျပ် ခန့်သာ အသုံးပြုနေခြင်း ဖြစ်ကြောင်း အကျဉ်းဦးစီးဌာနကို ကိုးကားပြီး ပြန်လည် တုန့်ပြန်ထားသည်။
ထိုသတင်း ဖော်ပြခဲ့သည့် Flower News အယ်ဒီတာ ကိုကို (စက်မှုတက္ကသိုလ်) ကို ဧရာဝတီက မေးမြန်းရာ အကျဉ်းဦးစီး ဌာနက ထောင်တွင်း ဆန္ဒပြမှုနှင့် ပတ်သက်ပြီး ထုတ်ပြန်သည့် အခါ သတင်း ယူနိုင်ကြောင်း ပြောကြားသဖြင့် ထည့်သွင်း ဖော်ပြရခြင်း ဖြစ်သည်ဟု ပြန်လည် ဖြေကြားခဲ့သည်။
ကိုကို (စက်မှုတက္ကသိုလ်) နှင့် လျှပ်တစ်ပြက် အယ်ဒီတာမြတ်ခိုင်တို့သည် ပြန်ကြားရေးဝန်ကြီး ဦးကျော်ဆန်းနှင့် ရင်းနှီးသူများ အဖြစ် ထင်ရှားသည်။
ဦးကျော်ဆန်းသည် ပြန်ကြားရေးဝန်ကြီးဌာနကို နှစ်ပေါင်းများစွာ တာဝန်ယူထားသူ ဖြစ်ပြီး ပြည်ပ မီဒီယာများကို တိုက်ခိုက် တုန့်ပြန်ရေး အတွက် မီဒီယာကို အသုံးပြုမည်ဟု ကြွေးကြော်ထားသူဖြစ်သည်။
ဤအတောအတွင်း အာဏာပိုင်တို့က ၎င်းတို့၏ မူဝါဒကို ထင်ဟပ်သည့် သတင်းများ၊ ဆောင်းပါးများကို အပတ်စဉ်ထုတ် ဂျာနယ်များတွင် ထည့်သွင်းဖော်ပြရန် ညွှန်ကြားထားပြီး ဖြစ်သည်ဟု ရန်ကုန်မှ သတင်းထောက် တဦးက ဧရာဝတီကို ပြောသည်။
“ဇွန်လ ၂ရက်နေ့ထုတ် 7Day News ဂျာနယ် နဲ့ ရန်ကုန်တိုင်းမ် ဂျာနယ်တွေမှာ သုတေသီတစ်ဦး ဆိုတဲ့ အမည်နဲ့ ငွေအကြွေ ရှားပါး ရခြင်းဟာ ဗဟိုဘဏ်နှင့် မသက်ဆိုင်ဘဲ မသမာ သူများကြောင့်သာ ဖြစ်ရတယ် ဆိုပြီး ရေးသားထားတဲ့ ဆောင်းပါး တပုဒ် ပါဝင်ပါတယ်။ ဒီဆောင်းပါးက ဂျာနယ်တွေမှာ ထည့်သွင်း ဖော်ပြခိုင်းထားတဲ့ ဆောင်းပါးတပုဒ်ပါ” ဟု သူက ပြောပြသည်။
ယခင်တပတ်ထုတ် မြန်မာတိုင်းမ် ဂျာနယ် သတင်း တပုဒ်တွင် “အခွန်ပြန်အမ်းငွေ နိုင်ငံခြားငွေနဲ့ အမ်းတော့မယ်“ ဟူသည့် ၂၀၁၁ ခုနှစ် ဧပြီလ ၀င်ငွေခွန်စည်းမျဉ်း ပြင်ဆင်သည့် အမိန့် ကြော်ငြာစာကို ကြိုဆိုကြောင်း ရေးသားထားသည်။ ထိုသတင်းကိုလည်း စာပေ စိစစ်ရေးက ထည့်သွင်းခိုင်းခြင်း ဖြစ်သည်ဟု သိရသည်။
အပတ်စဉ်ထုတ် ဂျာနယ်များတွင် စာဖတ်သူ စိတ်မ၀င်စားသည့် ၀ါဒဖြန့် ဆောင်းပါးရှည်များ၊ ၀န်ကြီးဌာန အသီးသီးက ပေးပို့သည့် ဖြေရှင်းချက်၊ သတင်း ထုတ်ပြန်ချက်များကို ပုံနှိပ် ဖော်ပြခဲ့ရသည်။
သမ္မတသစ် ဦးသိန်းစိန်က မတ်လ ၃၁ ရက်နေ့ သမ္မတအိမ်တော်၌ ပြုလုပ်သည့် ပြည်ထောင်စု အဆင့် အစိုးရ အဖွဲ့ဝင်များကို ပြောကြားသည့် မိန့်ခွန်းတွင် “စတုတ္ထမဏ္ဍိုင် ဖြစ်တဲ့ စာနယ်ဇင်းများရဲ့ အခန်းကဏ္ဍကို အလေးထားဖို့ လိုအပ်ပါတယ်။ စာနယ်ဇင်းများက တဆင့် ပြည်သူတွေ သိသင့်တဲ့ အချက်များကို အသိ ပေးသွားဖို့ လိုသလို စာနယ်ဇင်းများက အပြုသဘော ဆောင်တဲ့ အကြံပြုချက် များကိုလည်း အလေးထားဖို့ လိုအပ်မှာ ဖြစ်ပါတယ်”ဟု ထည့်သွင်း ပြောကြားထားသည်။
အစိုးရသစ်လက်ထက်တွင် အားကစား၊ သုတရသ၊ ဂမ္ဘီရ၊ နည်းပညာ၊ အနုပညာနှင့် ကလေးစာပေ စသည့် ဂျာနယ် အမျိုးအစား ၆ မျိုးကို အာဏာပိုင်များထံ တင်ပြရန် မလိုဘဲ ထုတ်ဝေနိုင်မည်ဟု စာပေ စိစစ်ရေး ဒုတိယ ညွှန်ကြားရေးမှူးချုပ် ဦးတင့်ဆွေက ပြောဆို ခဲ့ဖူးသော်လည်း မည်သည့်အချိန်တွင် စတင် ခွင့်ပြုမည်ကို ထုတ်ပြန်ခြင်း မရှိသေးပေ။
ယခင်လဆန်းပိုင်းက လက်ကိုင်ဖုန်းသတင်းတပုဒ်ကို ခွင့်ပြုချက်မရှိဘဲ ပုံနှိပ် ဖြန့်ဝေခဲ့သည့် True News သတင်း ဂျာနယ်ကို ထုတ်ဝေခွင့် ၂ ပတ် ရပ်ဆိုင်းခဲ့သည်။ ဦးသိန်းစိန် အစိုးရသစ် လက်ထက်တွင် ဂျာနယ် တစောင်ကို ပထမဆုံး အကြိမ် အရေး ယူလိုက်ခြင်း ဖြစ်သည်။
ပြီးခဲ့သည့် ရက်များအတွင်း မြန်မာနိုင်ငံသို့ ရောက်ရှိခဲ့သည့် အမေရိကန် အထက် လွှတ်တော်အမတ် ဂျွန်မက်ကိန်း၏ ခရီးစဉ် သတင်းကို ဂျာနယ်များတွင် ဖော်ပြခွင့် ရမည်ဟု သိရသည်။ ဓာတ်ပုံ ဖော်ပြခွင့်ကို ကန့်သတ် ထားသော်လည်း ထိုသတင်း အတွက် အချပ်ပို စာမျက်နှာများ ရိုက်နှိပ်ခွင့်ရမည်ဟု ရန်ကုန်မှ သတင်းထောက်များ ထံမှ သိရသည်။
Ref: ဧရာဝတီ်
SSA စခန်းတခု အစိုးရတပ် သိမ်းပိုက်
သန်းထိုက်ဦး
Friday, 03 June 2011
ရှမ်းပြည်နယ်၊ တန့်ယန်းမြို့နယ်ရှိ ရှမ်းပြည်တပ်မတော် (SSA) မြောက်ပိုင်း၏ ၇ မိုင် တပ်စခန်းကို အစိုးရ စစ်တပ်က ယနေ့ ထိုးစစ်ဆင် သိမ်းပိုက်လိုက်သည်ဟု သိရသည်။
လက်နက်ကြီးများဖြင့် တိုက်ခိုက်ခံရပြီးနောက်ပိုင်း စခန်း ကျသွားခြင်း ဖြစ်ကြောင်း ထိုင်းနိုင်ငံ အခြေစိုက် သျှမ်းသံတော်ဆင့် သတင်းစဉ်မှ အယ်ဒီတာ ဦးစိန်ကြည်က ဧရာဝတီသို့ ပြောသည်။
“အစိုးရ စစ်တပ်က အင်အား ၁၀၀ ကျော်နဲ့ ရှမ်းတပ်ကို ဒီမနက် တက်တိုက်တယ်၊ မွန်းတည့်ချိန်မှာ ရှမ်းတပ်က အစိုးရ စစ်တပ်ရဲ့ လက်နက်ကြီး ဒဏ်ကို မခံနိုင်လို့ ဆုတ်ပေး လိုက်ရတယ်” ဟု ၎င်းက ဆိုသည်။
တပ်ဖွဲ့ဝင်များ ဒဏ်ရာ မရသော်လည်း မူးဝေသည့် ဝေဒနာ ခံစားနေကြသဖြင့် အစိုးရတပ်က သုံးခဲ့သည့် လက်နက်ကြီး များတွင် ဓာတု ပစ္စည်း ပါဝင်မှုရှိ မရှိ SSA မြောက်ပိုင်းက စုံစမ်းနေသည်ဟု ထိုဒေသအရေး လေ့လာနေသည့် ဦးစိန်ကြည်က ဆက်ပြောသည်။
ထိုင်းမြန်မာနယ်စပ် အခြေစိုက် SSA တောင်ပိုင်း ပြောခွင့်ရ ပုဂ္ဂိုလ် စိုင်းလောင်ဆိုင်းကလည်း ထိုသို့ တိုက်ပွဲများ ဖြစ်ပွားခဲ့သည်ဟု ကြားသိရကြောင်း ဒေသခံများကို ကိုးကားပြီး ပြောပြသည်။
SSA မြောက်ပိုင်းသည် အစိုးရနှင့် ငြိမ်းချမ်းရေးယူထားသည့် လက်နက်ကိုင်အဖွဲ့ ဖြစ်သည်။ သို့သော်လည်း နယ်ခြားစောင့် တပ်ဖွဲ့ အဖြစ် အသွင် ပြောင်းရေး အစီအစဉ်ကို လက်မခံသဖြင့် ငြိမ်းချမ်းရေး ပျက်ပြားပြီး တိုက်ခိုက်မှုများ ပြန်လည် ပေါ်ပေါက်လာသည်။
SSA မြောက်ပိုင်း ထိန်းချုပ်နယ်မြေများဖြစ်သော မိုင်းရူး၊ မိုင်းယန်း၊ တန့်ယန်း၊ ကျေးသီး၊ လားရှိုး၊ သီပေါ၊ နမ့်ဆန်မြို့၊ မိုးမိတ် စသည့် ဒေသများတွင် ဖေဖော်ဝါရီ လဆန်းပိုင်းမှ စတင်ပြီး တိုက်ပွဲများ ဖြစ်ပွားခဲ့ကြောင်း သိရသည်။
SSA တောင်ပိုင်းသည် အစိုးရနှင့် အပစ်အခတ် ရပ်စဲခြင်း မပြုဖူးသည့် အဖွဲ့ဖြစ်သည်။ မကြာသေးမီက SSA တောင်ပိုင်း နှင့် မြောက်ပိုင်းသည် နိုင်ငံရေး၊ စစ်ရေး ပူးပေါင်းဆောင်ရွက်ရန် သဘောတူထားသည်။
ဖြစ်ပွားခဲ့သည့် တိုက်ပွဲတချို့တွင် တောင်ပိုင်းက စစ်ရေးအကူအညီ ပေးခဲ့သည်ဟု သိရသည်။
Ref: ဧရာဝတီ်
၎ ဦး ဆန္ဒပြပွဲ ခွင့်မပြု
သဲသဲ
သောကြာနေ့၊ ဇွန်လ ၀၃ ရက် ၂၀၁၁
နယူးဒေလီ (မဇ္ဈိမ) ။ ။ အစိုးရအနေဖြင့် အဆင်သင့် မဖြစ်သေး၍ စာရွက်ဝေ ဆန္ဒပြခြင်းကိုပင် ခွင့်မပြု နိုင်သေးသောကြောင့် ရွေးကောက်ပွဲ ရှုံးနိမ့်သူ ၄ ဦးက အကျဉ်းသား လွှတ်ပေးရန် တောင်းဆိုမည့် အစီအစဉ်မှာ ပျက်ပြားသွားသည်။
“ ယခုအချိန်အခါသည် အစိုးရ အပြောင်းအလဲဖြစ်ပြီး အစိုးရသစ် အနေဖြင့် လုပ်ထုံး လုပ်နည်း နည်းဥပဒေများ လွှတ်တော် အတွင်းတွင် လည်းကောင်း အစိုးရ အဖွဲ့အစည်းများ အသီးသီးတွင် လည်းကောင်း ပြုလုပ်ပြင်ဆင် စီစဉ်စရာများစွာ ရှိနေပါသဖြင့် ခေတ္တဆိုင်းငံ့ရန် ” ဟု မင်္ဂလာဒုံမြို့နယ် ရဲတပ်ဖွဲ့မှူးမှ ဆန္ဒပြချင်သူများကို ကြာသပတေးနေ့တွင် ထောက်ကြံ့ တိုးချဲ့ရပ်ကွက် အုပ်ချုပ်ရေးမှူး ရုံးတွင် ပြောကြားခဲ့သည်။
ဇွန်လ ၅ ရက်နေ့တွင် ရန်ကုန်တွင် လက်ကမ်းစာစောင်ဝေပြီး မီဒီယာများနှင့် အင်တာဗျူး ပေးလိုသည့် အစီ အစဉ်ကို လုံးဝ မလုပ်တော့ဟု ဆန္ဒပြလိုသူ တဦးဖြစ်သော ဦးနေမျိုးဝေ၏ ထုတ်ပြန်ချက်တွင် ပါရှိသည်။ သူနှင့် အတူ အကျဉ်းသား လွှတ်ပေးရေး တောင်းဆို လိုသူများမှာ အမျိုးသား ဒီမိုကရေစီ အင်အားစု NDF မှ ဦးမင်းအောင် (ဗိုလ်တထောင်)၊ ဒီမိုကရက်တစ်ပါတီ (မြန်မာ) မှ ဦးစိုးကြည် (သန်လျင်) နှင့် တသီးပုဂ္ဂလ ဦးဝင်းချို (ဒလ)တို့ ဖြစ်သည်။
“ အစိုးရအသစ် ဂျပ်ချွတ်မို့လို့ဆိုပြီး အချိန်ဆွဲ နေလို့ မရဘူးပေါ့ဗျာ။ ဒီမူဝါဒတွေ ရေးဆွဲရမှာ သူတို့ အလုပ်ပဲ” ဟု ဦးနေမျိုးဝေက ပြောသည်။
NDF မှ ဦးမင်းအောင်က “ ကျနော်တို့က ၂ဝဝ၈ အခြေခံ ဥပဒေကို ထောက်ပြပြောတာ ဆိုတော့ သူတို့က ဥပဒေရှိတာ မှန်တယ်၊ ဒါပေမဲ့ အဲဒီအထဲ လုပ်ထုံးလုပ်နည်း (နည်းဥပဒေ) မရေးဆွဲရသေးလို့ အဲဒီအထဲက အချက် အလက်တွေကို ခွင့်မပြုဘူးလို့ သက်ရောက် သွားတယ်ပေါ့” ဟု ပြောသည်။
၂ဝဝ၈ အခြေခံ ဥပဒေတွင် တိကျစွာ ညွှန်းဆိုထားခြင်း မရှိသော နိုင်ငံတော် လုံခြုံရေး၊ တရားဥပဒေ စိုးမိုးရေး၊ ရပ်ရွာ အေးချမ်းသာယာရေးတို့ မထိခိုက်လျှင် လွတ်လပ်စွာ စီတန်း လှည့်လည်ခွင့် ရှိကြောင်း ပြဋ္ဌာန်းထားသည်။
ထိုအခွင့်အရေးများ ရယူလိုလျှင် ပြည်ထောင်စု တရားလွှတ်တော်ချုပ်သို့ သတ်မှတ်ချက်နှင့် အညီ လျှောက်ရမည်ဟု ပါရှိသည်။
နိုင်ငံသား မူလအခွင့်အရေးပါ အချက်အလက်များ အတိအကျ ညွှန်းဆိုရေးကို လွှတ်တော်တက် အမတ်များမှ တဆင့် တိုက်တွန်းပြီး၊ သမ္မတထံလည်း တိုက်ရိုက် စာပို့မည်ဟု ဦးမင်းအောင်က ဆိုသည်။
Ref: မဇ္ဈိမ
Friday, June 3, 2011
မြန်မာနိုင်ငံ ပြောင်းလဲရေး အမေရိကန် တနိုင်ငံတည်း မလုပ်နိုင်
ကျော်ကျော်သိန်း
ကြာသပတေး, 02 ဇွန် 2011
အမေရိကန် အစိုးရရဲ့ မြန်မာနိုင်ငံနဲ့ ထိတွေ့ဆက်ဆံရေး မူဝါဒမှာ စိန်ခေါ်မှု အများအပြား ရှိနေတယ်လို့ အမေရိကန် နိုင်ငံခြားရေး ၀န်ကြီးဌာန အရှေ့အာရှနဲ့ ပစိဖိတ်ရေးရာ ဒုတိယ လက်ထောက် နိုင်ငံခြားရေး ၀န်ကြီး ဂျိုးဆက်ဖ် ယွန်း (Joseph Yun) က ပြောလိုက် ပါတယ်။ ဒီစိန်ခေါ်မှုတွေကို အောင်အောင်မြင်မြင် ကိုင်တွယ် ဖြေရှင်းနိုင်ဖို့ရာ အမေရိကန် တနိုင်ငံတည်း အနေနဲ့ မလုပ်ဆောင်နိုင်ဘဲ နိုင်ငံတကာရဲ့ ပူးပေါင်းဆောင်ရွက်မှု လိုအပ်တယ်လို့လည်း သူက ဆိုပါတယ်။ ဇွန်လ ၂ ရက်၊ ကြာသပတေးနေ့ ဒေသ စံတော်ချိန် မနက်ပိုင်းက အမေရိကန် အောက်လွှတ်တော် နိုင်ငံခြားရေးရာ ကော်မတီ ကြားနာပွဲ တခုအတွင်း မစ္စတာယွန်းက အဲဒီလို ပြောခဲ့တာပါ။ အောက်လွှတ်တော် ကြားနာပွဲကို ကိုယ်တိုင် သွားရောက် သတင်းယူခဲ့တဲ့ ကိုကျော်ကျော်သိန်းက အပြည့်အစုံ တင်ပြ ပေးထားပါတယ်။
အောက်လွှတ်တော် နိုင်ငံခြားရေးရာ ကော်မတီ ကြားနာပွဲမှာ မြန်မာ၊ မြောက်ကိုရီးယား၊ တိဘက်နိုင်ငံတို့နဲ့ ပတ်သက်ပြီး အမေရိကန် ကွန်ဂရက် လွှတ်တော်က အတည်ပြု ပြဋ္ဌာန်း ထားတဲ့ သက်ဆိုင်ရာ ဥပဒေ အသီးသီးကို အကောင် အထည်ဖော် လုပ်ဆောင်နေမှု အခြေ အနေတွေကို ကော်မတီဝင် လွှတ်တော် ကိုယ်စားလှယ်တွေက မေးမြန်း ဆန်းစစ်ကြတာ ဖြစ်ပါတယ်။
မြန်မာ့အရေးနဲ့ဆိုင်တဲ့ ဥပဒေကတော့ ၂၀၀၈ ခုနှစ်မှာ အတည်ပြု ပြဋ္ဌာန်းခဲ့တဲ့ Block Burmese JADE Act ခေါ် မြန်မာ နိုင်ငံပေါ် ဒဏ်ခတ် အရေးယူမှု ဥပဒေ ဖြစ်ပါတယ်။ ကြားနာပွဲမှာ မြန်မာ့အရေးကို အဓိက ပြောကြား ဖြေဆိုခဲ့သူကတော့ လွန်ခဲ့တဲ့ သီတင်း ၂ ပတ်ကမှ မြန်မာနိုင်ငံကို ဒုတိယအကြိမ် သွားခဲ့တဲ့ အရှေ့အာရှနဲ့ ပစိဖိတ်ရေးရာ၊ အမေရိကန် ဒုတိယ လက်ထောက် နိုင်ငံခြားရေး ၀န်ကြီး ဂျိုးဆက်ဖ် ယွန်း ဖြစ်ပါတယ်။
အောက်လွှတ်တော် နိုင်ငံခြားရေးရာ ကော်မတီ ဥက္ကဋ္ဌ ရီပတ်ဘလီကန် အထက်လွှတ်တော် အမတ် မစ်စ် အီလီယန်းနား ရော့စ်- လယ်တီနန် (Ileana Ros-Lehtinen) အပါအ၀င် ကော်မတီဝင် လွှတ်တော် အမတ်တွေက သမ္မတ အိုဘားမား (Barack Obama) ရဲ့ မြန်မာနိုင်ငံ ဆိုင်ရာ မူဝါဒဖြစ်တဲ့ ထိတွေ့ဆက်ဆံတာရော၊ ဒဏ်ခတ် အရေးယူတာရော လမ်း ၂ သွယ်လုံးပါတဲ့ မူဝါဒကို မေးခွန်း ထုတ်ခဲ့ကြပါတယ်။ အဓိကအားဖြင့် ထိတွေ့ဆက်ဆံရေး မူဝါဒရဲ့ ထိရောက်အောင်မြင်မှု၊ အလုပ်ဖြစ်မှုအပေါ် စိုးရိမ်ချက်တွေကို ဖော်ပြခဲ့ပြီး အောင်မြင်မှုရှိအောင် အစိုးရက ဘာတွေလုပ်နိုင်မလဲ ဆိုတာ မေးခဲ့ကြတာပါ။
မေးခွန်းထုတ်သူတွေထဲမှာ ထိတွေ့ဆက်ဆံရေး မူဝါဒကို လက်မခံတဲ့၊ Tom Lantos’ JADE Act ကို ပူးတွဲ ကမကထ ပြုခဲ့ သူတွေထဲမှာ တဦးဖြစ်တဲ့ လွှတ်တော်အမတ် မစ်စ် အီလီယန်းနားလည်း အပါအ၀င်ပါ။
“ထိတွေ့ဆက်ဆံရေး မူဝါဒကနေ အကျိုးရလဒ် မတွေ့ရသလောက်ပါပဲ။ အဲဒီမူဝါဒကို ချမှတ်ခဲ့ပြီး ကတည်းက အမေရိကန် နိုင်ငံသားကို အကျဉ်းချတာ၊ မြောက်ကိုရီးယားနဲ့ နျူကလီးယား ကိစ္စလို့ ယူဆရတဲ့ အဆက်အဆံတွေ လုပ်ခဲ့တာ၊ တရားမျှတမှု မရှိတဲ့ ရွေးကောက်ပွဲ လုပ်ခဲ့တာ၊ နိုင်ငံရေး အကျဉ်းသား ၂,၀၀၀ ကျော်ကို ဆက်ပြီး အကျဉ်းချ ထားတာတွေပဲ တွေ့ရပါတယ်။ ၂ နှစ်ကျော် ကြာလာပြီ ဖြစ်တဲ့ ဒီ လက်တွေ့ကျတဲ့ ထိတွေ့ ဆက်ဆံမှုကနေ တကယ် အစစ်အမှန် ဘာရခဲ့ပါသလဲဆိုတာ သိချင်ပါတယ်။”
ဒီအခြေအနေအောက်မှာမှ မြန်မာနိုင်ငံဆိုင်ရာ အထူးသံတမန် ခန့်ထားမယ်ဆိုရင် အဲဒီသံတမန် အနေနဲ့ ဘာလုပ်ဆောင် နိုင်မှာလဲ ဆိုတဲ့ အပေါ်မှာလည်း မေးခွန်း ထုတ်ခဲ့ကြပါသေးတယ်။
ထိတွေ့ဆက်ဆံရေး မူဝါဒ အောင်မြင်ဖို့ရာ စိန်ခေါ်မှု အများအပြား ရှိနေပြီး နည်းလမ်း ၂ သွယ် မူဝါဒရဲ့ ထိတွေ့ ဆက်ဆံရေး ပိုင်းကနေ ခုချိန်ထိ ရလဒ်တစုံတရာ မရသေးဘူး ဆိုတာကို မစ္စတာယွန်းက ၀န်ခံပေမဲ့ အခြေအနေ တခုလုံးအပေါ် ခြုံငုံ သုံးသပ်ချက်အရ နည်းလမ်း ၂ သွယ်စလုံးကို ဆက်ပြီး ကျင့်သုံး သွားရပါမယ်လို့ မစ္စတာယွန်းက တုံ့ပြန်ပါတယ်။
အမေရိကန် တနိုင်ငံတည်းနဲ့ မြန်မာနိုင်ငံမှာ တိုးတက်မှုတွေ ရလာအောင် လုပ်နိုင်မှာ မဟုတ်ဘဲ နိုင်ငံတကာ အသိုက် အ၀န်းနဲ့ အပြုသဘောဆောင် ဆက်ဆံရေး၊ ကာလရှည်ကြာ ရှိနေခဲ့တဲ့ စိုးရိမ်ချက်တွေကို ဖြေရှင်းပေးရေး မြန်မာ အစိုးရကို တိုက်တွန်းဖို့ရာ ဥရောပ မဟာမိတ်တွေ၊ အရှေ့တောင်အာရှနဲ့ ဒေသတွင်းက မိတ်ဘက် နိုင်ငံတွေနဲ့ ပူးတွဲ လုပ်ဆောင် နေပါတယ်လို့ မစ္စတာယွန်းက ပြောပါတယ်။
“ဒါကို ကျနော်တို့ တနိုင်ငံတည်း မလုပ်နိုင်ပါဘူး။ မြန်မာနိုင်ငံမှာ သိသာထင်ရှားတဲ့ ပြောင်းလဲမှုတွေ ဖြစ်လာဖို့ရာ နိုင်ငံတကာ အသိုက် အ၀ိုင်းနဲ့အတူ လုပ်ဆောင်ရမှာပါ။ ဆိုလိုတာကတော့ အထူးသဖြင့် အာရှတိုက် နိုင်ငံတွေ၊ အရှေ့တောင်အာရှ နိုင်ငံတွေ၊ ဥရောပ နိုင်ငံတွေဟာ ကျနော်တို့နဲ့အတူ လုပ်ဆောင် ရပါမယ်။ ကျနော်တို့ချည်းပဲ မလုပ်နိုင်ပါဘူး။ အဲဒါဟာ အထူးသံတမန်ရဲ့ အဓိက အလုပ် ဖြစ်လိမ့်မယ်လို့ ကျနော် ယုံကြည်ပါတယ်။”
ထိတွေ့ဆက်ဆံတာကို မကန့်ကွက်ပေမဲ့ အတိုင်းအတာ အကန့်အသတ်ရှိဖို့ လိုတယ်လို့ ကြားနာပွဲမှာ ကိုယ်တိုင် သက်သေ ထွက်ဆို ခဲ့သူတွေထဲက တဦးဖြစ်တဲ့ အမေရိကန် အခြေစိုက် မြန်မာ့အရေး လှုပ်ရှားမှုအဖွဲ့ USCB အမှုဆောင် ညွှန်ကြားရေးမှူး ကိုအောင်ဒင်က ဗွီအိုအေကို ပြောပါတယ်။
“ကျနော်တို့ သူတို့ကို စကတည်းက ပြောပါတယ်။ Engagement လုပ်တဲ့နေရာမှာ တိကျတဲ့ အချိန်ဇယား ရှိဖို့လိုတယ်။ အဲဒီ တိကျတဲ့ အချိန်ဇယား အတွင်းမှာပဲ လိုချင်တဲ့ တောင်းဆိုမှုပေါ့၊ အဓိကကျတဲ့ တောင်းဆိုမှု ရှိဖို့လိုတယ်။ အချိန်ကာလ အကန့်အသတ် တခုတည်းမှာ လိုအပ်တဲ့ တောင်းဆိုချက်တွေ ပြည့်မလာဘူး ဆိုရင် ဘယ်လို တုံ့ပြန်မလဲ ဆိုတဲ့ အဆင်သင့် ဖြစ်ဖို့လည်း လိုတယ်။ တုံ့ပြန်ဖို့ ဆိုတာ အကောင်းရော၊ အဆိုးရောပါ၊ တကယ်လို့ စစ်အစိုးရဘက်က ကောင်းတာတွေ လုပ်တယ် ဆိုရင်လည်း အဲဒါကို ကောင်းတဲ့အလျောက် တုံ့ပြန်ဖို့၊ မကောင်းတာတွေ လုပ်မယ်ဆိုရင်လည်း မကောင်းတဲ့အလျောက် တုံ့ပြန်ဖို့။ အဲဒီအတွက်လည်း အဆင်သင့် ဖြစ်ဖို့ လိုတယ်ပေါ့။ ဒါ ကျနော်တို့ အစကတည်းက ပြောပါတယ်။”
နှစ်လမ်း ၂ သွယ် မူဝါဒရဲ့ ရည်ရွယ်ချက်တွေကတော့ နိုင်ငံရေး အကျဉ်းသား အားလုံးကို ခြွင်းချက်မရှိ လွှတ်ပေးဖို့၊ အခြေခံ လူ့အခွင့် အရေးတွေကို လေးစားလိုက်နာဖို့၊ နိုဘဲလ် ငြိမ်းချမ်းရေးဆုရှင် ဒေါ်အောင်ဆန်းစုကြည်နဲ့ သက်ဆိုင်သူတွေ အားလုံး ပါဝင်ပြီး အမျိုးသား ပြန်လည် သင့်မြတ်ရေးဆီ ဦးတည်တဲ့ ဆွေးနွေးပွဲတွေ လုပ်ဖို့နဲ့ နျူကလီးယား လက်နက် မပြန့်ပွားရေး ဆိုင်ရာ ကုလသမဂ္ဂ လုံခြုံရေး ကောင်စီရဲ့ ဆုံးဖြတ်ချက်တွေနဲ့ အညီ လိုက်နာ လုပ်ဆောင်ဖို့တို့ ဖြစ်ပါတယ်လို့ မစ္စတာယွန်းက ပြောပါတယ်။
ကြားနာပွဲမှာ မြန်မာ၊ မြောက်ကိုရီးယား၊ တိဘက် ၃ နိုင်ငံ အရေးကိစ္စတွေကို မေးမြန်း ဆန်းစစ် ခဲ့ကြတာ ဖြစ်ပေမဲ့ ဒီ ၃ နိုင်ငံ စလုံးက တရုတ် အစိုးရနဲ့ ဆက်စပ် နေတာမို့ တရုတ်နဲ့ အမေရိကန် ဆက်ဆံရေး၊ တရုတ်ရဲ့ ဒေသတွင်း လွှမ်းမိုးမှု၊ ကမ္ဘာ့ နိုင်ငံတွေပေါ် သြဇာ သက်ရောက်မှု စတာတွေလည်း ပါဝင်ခဲ့ပါတယ်။ အောက်လွှတ်တော် နိုင်ငံခြားရေးရာ ကော်မတီဝင် လွှတ်တော် အမတ်တွေထဲမှာ အမေရိကန် အစိုးရက တရုတ်နိုင်ငံကို ထိထိ ရောက်ရောက် ဖိအား မပေးနိုင်တဲ့ အပေါ် အပြင်းအထန် ပြစ်တင်ဝေဖန် ပြောဆို သူတွေလည်း ရှိနေပါတယ်။
Ref: VOA News
မဲလိမ်သည့် ကြံ့ဖွံ့ကိုယ်စားလှယ်အမှု တရားလို ပြန်ရုပ်သိမ်း
Thursday, 02 June 2011
ကချင်ပြည်နယ် ဖားကန့်မြို့နယ် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ကိုယ်စားလှယ် ဒုတိယ ဗိုလ်ချုပ်ကြီးဟောင်း ဦးအုန်းမြင့်သည် ရွေးကောက်ပွဲ ကာလက မဲ မသမာမှုများ ရှိသည်ဟူသည့် စွဲချက်ဖြင့် အတိုင်ကြား ခံခဲ့ရသော်လည်း တရားလို ဘက်က ကုန်ကျစရိတ် မတတ်နိုင်သောကြောင့် အမှုကို မေ ၃၀ ရက်နေ့က ပြန်လည်ရုပ်သိမ်း လိုက်သည်။
အမျိုးသား ဒီမိုကရေစီ အင်အားစု (NDF) ပါတီမှ ကိုယ်စားလှယ် ဒေါ်ဘောက်ဂျာက တရားလိုပြု၍ ဦးအုန်းမြင့်ကို ပြည်ထောင်စုရွေး ကောက်ပွဲ ကော်မရှင်သို့ ပြီးခဲ့သည့်နှစ်က တိုင်ကြားခဲ့ခြင်း ဖြစ်သည်။
“လာမယ့် အောက်တိုဘာ၊ နိုဝင်ဘာကျရင် ဖားကန့်မှာ ကြားဖြတ်ရွေးကောက်ပွဲ ကျင်းပဖို့ရှိတော့ ဒေါ်ဘောက်ဂျာက ၀င်ပြိုင်ဖို့ ပြင်ဆင် ထားတယ်။ အဲဒီအတွက် ကုန်ကျ စရိတ်တွေက များမှာနဲ့၊ အမှုအတွက် သက်သေ ခေါ်ရမှာလည်း ကုန်ကျဦးမှာ ဆိုတော့ ဒီအမှုကို ရင်မဆိုင် တော့တာပါ” ဟု ဒေါ်ဘောက်ဂျာ၏ ရှေ့နေ ဦးမြင့်သွင်က ဧရာဝတီကို ပြောသည်။
ဖားကန့် ဒေသ၌ လစ်ဟာနေသော ဝန်ကြီး၊ ဒု ဝန်ကြီး နေရာများအတွက် ဝင်ရောက် ယှဉ်ပြိုင်လိုသည့် လွှတ်တော် ကိုယ်စားလှယ် ၃၀ ကျော် ရှိနေသောကြောင့် အစိုးရက ကြားဖြတ် ရွေးကောက်ပွဲ ကျင်းပပေးမည် ဖြစ်ကြောင်း ၎င်းက ဆိုသည်။
ဒေါ်ဘောက်ဂျာသည် ၂၀၁၀ ရွေးကောက်ပွဲတွင် NDF ကို ကိုယ်စားပြုပြီး ဖားကန့်မြို့နယ် မဲဆန္ဒနယ်တွင် ဝင်ရောက်ယှဉ်ပြိုင် ခဲ့ရာ ကြံ့ဖွံ့ပါတီ၏ ကိုယ်စားလှယ် ဦးအုန်းမြင့်ကို ရှုံးနိမ့်ခဲ့သည်။
ရွေးကောက်ပွဲ ကော်မရှင်ထံ တိုင်ကြားသည့် မဲ မသမာမှု ၂၉ မှုအနက် ၂၇ မှုသည် ကြံ့ဖွံ့ပါတီ ကိုယ်စားလှယ်များက တခြားပြိုင်ဘက် နိုင်ငံရေး ပါတီ ကိုယ်စားလှယ်များကို စွပ်စွဲ တိုင်ကြား ထားခြင်း ဖြစ်ပြီး ၂ မှုကသာ ကြံ့ဖွံ့ပါတီ ကိုယ်စားလှယ် များကို ပြန်လည် တိုင်ကြားထားခြင်း ဖြစ်သည်။
ကြံ့ဖွံ့ပါတီကို ကန့်ကွက် စွဲဆိုထားသူများမှာ ဒီမိုကရက်တစ်ပါတီ (မြန်မာ) မှ အထွေထွေ အတွင်းရေးမှူး (၁) ဒေါ်ချို ချို ကျော်ငြိမ်းနှင့် ကချင်ပြည်နယ် ဖားကန့်မြို့နယ် NDF မှ ဒေါ်ဘောက်ဂျာတို့ ဖြစ်သည်။
ရွေးကောက်ပွဲအပြီး ရက်ပိုင်းကာလ၌ ကြံ့ဖွံ့ပါတီ၏ မဲမသမာမှုများကို တနိုင်ငံလုံးသာမက ကမ္ဘာ့နိုင်ငံ အများအပြား ကလည်း ဝေဖန်မှုများ ရှိခဲ့ပြီး ရွေးကောက်ပွဲရလဒ်အား အသိအမှတ် မပြုဟု ပြောဆိုမှုများ ရှိခဲ့သည်။
နိုင်ငံရေးပါတီအများစုက ကြံ့ဖွံ့ပါတီအား တရားစွဲဆိုမှု များပြားလာပြီးနောက်ပိုင်း ကြံ့ဖွံ့ပါတီကလည်း ပြန်လှန် တရားစွဲဆိုမှုများ ပေါ်ပေါက်ခဲ့သည်။
တရားစွဲဆိုသူက ကျပ် ၁၀ သိန်း အကုန်ခံကာ တရားစွဲဆိုရမည်ဖြစ်ပြီး ရွေးကောက်ပွဲ ကော်မရှင်က စွဲဆိုခံရသူ၌ အပြစ်မရှိ ကြောင်း တွေ့ရှိခဲ့လျှင် တရားစွဲသူသည် ဒဏ်ငွေ ကျပ် ၃ သိန်းနှင့် ထောင်ဒဏ် ၃ နှစ် ကျခံရမည် ဖြစ်ကြောင်း သိရသည်။
ကြံ့ဖွံ့ပါတီသည် ရွေးကောက်ပွဲ၌ လွှတ်တော် သုံးရပ်စလုံး၏ မဲဆန္ဒနယ်စုစုပေါင်း ၁၁၅၄ နေရာအနက် ၈၈၂ နေရာ အနိုင်ရခဲ့ ကြောင်း အစိုးရ မီဒီယာများက တရားဝင်ကြေညာခဲ့သည်။
Ref: ဧရာဝတီ်
Posts
