Monday, 23 May 2011
ဗိုလ်ချုပ်မှူးကြီး သန်းရွှေ အနားယူသွားပြီဟု ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) မှ အထွေထွေ အတွင်းရေးမှူး ဦးဌေးဦးက ပြည်တွင်း မီဒီယာတချို့ကို ပြောခဲ့သော်လည်း အစိုးရသစ် အဖွဲ့ကို နောက်ကွယ်မှ ဆက်လက် ကြိုးကိုင်နေဆဲ ဖြစ်ကြောင်း နေပြည်တော် စစ်ဘက် အသိုင်းအ၀န်းမှ သိရသည်။
ပြီးခဲ့သည့် မေလ ၁၄ ရက်နေ့က ရန်ကုန်မြို့ရှိ ကြံ့ဖွံ့ပါတီရုံးချုပ်၌ ဦးဌေးဦးက ပြည်တွင်း မီဒီယာ တချို့အား ဗိုလ်ချုပ်မှူးကြီး သန်းရွှေသည် အများထင်မြင် ယူဆနေသကဲ့သို့ မဟုတ်ဘဲ ရာထူးတာဝန်မှ အမှန်တကယ် အနား ယူသွားပြီ ဖြစ်ကြောင်း၊ ပါတီ တွင်လည်း နာယက တာဝန်ယူထားခြင်း မရှိကြောင်း ရှင်းလင်း ပြောဆိုသည်ဟု ပြည်တွင်း အခြေစိုက် ဧရာဝတီ သတင်းထောက်က ဆိုသည်။
“ဗိုလ်ချုပ်မှူးကြီးက ပါတီကို တည်ထောင်ခဲ့တယ်။ ကမ္ဘာမှာ ရုရှားအပါအ၀င် တိုင်းပြည်အတော်များများ ဖရိုဖရဲ ဖြစ်ခဲ့တာပဲ။ ဗိုလ်ချုပ် မှူးကြီးရဲ့ ထူးခြားတဲ့ အတွေ့အကြုံ တွေကြောင့်သာ တိုင်းပြည် အေးအေးချမ်းချမ်း ဖြစ်ခဲ့တာ” ဟု ဦးဌေးဦးက ပြောကြောင်း ၎င်းကဆိုသည်။
ယခုအခါ အရှေ့အလယ်ပိုင်းဒေသ အပါအ၀င် နိုင်ငံအများအပြား၌ နိုင်ငံခေါင်းဆောင်များနှင့် ပြည်သူများ အကြား ထိပ်တိုက်ရင် ဆိုင်မှုများ ဖြစ်ပေါ်နေသော်လည်း မြန်မာနိုင်ငံတွင် ဗိုလ်ချုပ်မှူးကြီး၏ အတွေ့အကြုံနှင့် စွမ်းရည်များ ကြောင့်သာ အေးချမ်း နေခြင်း ဖြစ်ကြောင်း ဦးဌေးဦးက ပြောဆိုခဲ့သည်ဟု သိရသည်။
ဗိုလ်ချုပ်မှူးကြီးအနေဖြင့် ရာထူးတာဝန်များမှ အနားယူသွားပြီဆိုသော်လည်း အစိုးရခေါင်းဆောင် ပိုင်းနှင့် ပါတီ ထိပ်တန်း တာဝန် ရှိသူများက ပစ်ပယ်ထားခြင်း မရှိကြောင်း၊ သို့သော် ဗိုလ်ချုပ်မှူးကြီးမှာ ပါတီဌာနချုပ်သို့ လာရောက်ခြင်း မရှိကြောင်း ၎င်းက ပြောခဲ့သည်။
သို့ရာတွင် ဗိုလ်ချုပ်မှူးကြီးကမူ လက်ရှိအစိုးရ အကောင်အထည် ဖော်နေသည့် လုပ်ငန်းတချို့သည် ၎င်းဖြစ်စေချင်သည့် ပုံသဏ္ဌာန် မဟုတ်ကြောင်း၊ အထူးသဖြင့် တိုင်းဒေသကြီး နှင့် ပြည်နယ်ဝန်ကြီးချုပ်များအား လုပ်ပိုင်ခွင့် အာဏာကို အပြည့်အ၀ ပေးခြင်းသည် နောင်တချိန် ပြုလုပ်မည့် ရွေးကောက်ပွဲများ၌ တခြားသောပါတီများ အနိုင်ရရှိခဲ့သော် ကြံ့ဖွံ့ပါတီ အနေဖြင့် အခက်အခဲများ ဖြစ်ပေါ်လာနိုင်ကြောင်း သမ္မတ ဦးသိန်းစိန်အား ဧပြီလအတွင်းက ထောက်ပြပြောဆို ခဲ့သည်ဟု စစ်ဘက် အသိုင်းအ၀န်း၏ အဆိုအရ သိရသည်။
စစ်ဘက် အသိုင်းအ၀န်းနှင့် နီးစပ်သူတဦးက “တိုင်းနဲ့ပြည်နယ် ၀န်ကြီးချုပ်တွေကို လုပ်ပိုင်ခွင့် အပြည့်မပေးနဲ့၊ ဗဟို အစိုးရကပဲ အရာရာ ဆုံးဖြတ်ပါ၊ အထူးစီမံကိန်းကြီးတွေမှာ ပြည်နယ် အစိုးရတွေ ၀င်မစွက်ပါစေနဲ့လို့ ဗိုလ်ချုပ်မှူးကြီးက သတိပေးတယ်” ဟုဆိုသည်။
ထိုသတိပေးမှုကြောင့် ပြီးခဲ့သည့် ဧပြီလ ၂၂ ရက်နေ့က နေပြည်တော်၌ ၂ ရက်ကြာ ပြုလုပ်သည့် အထူး စီမံကိန်းများ အကောင် အထည်ဖော်ရေး အစည်းအဝေး၌ ရေအားလျှပ်စစ်၊ သဘာဝဓာတ်ငွေ့ စီမံကိန်း၊ အကြီးစား စက်မှုလက်မှု လုပ်ငန်းများ၊ စီးပွားရေး ဇုန်ကြီးများ တည်ဆောက်ခြင်း၊ သယံဇာတများ ထုတ်လုပ်ရောင်းချရေး စသည့် လုပ်ငန်းများတွင် တိုင်းဒေသကြီးနှင့် ပြည်နယ် အစိုးရများက ၀င်ရောက် ဆုံးဖြတ်ခြင်း မပြုစေဘဲ ပြည်ထောင်စု အစိုးရကသာ ဆက်လက် တာဝန်ယူ လုပ်ဆောင်မည် ဖြစ်ကြောင်း သမ္မတ ဦးသိန်းစိန်က ပြောင်းလဲပြောဆိုခဲ့သည်ဟု ၎င်းက ဆက်ပြောသည်။
ဗိုလ်ချုပ်မှူးကြီးသည် ပြီးခဲ့သည့် မတ်လ ၃၀ ရက်နေ့က နအဖ စစ်ကောင်စီကို ဖျက်သိမ်းကာ ဦးသိန်းစိန်ကို သမ္မတ တာဝန် လွှဲပြောင်းပေးခဲ့ပြီး ကာကွယ်ရေး ဦးစီးချုပ် ရာထူးကိုလည်း ဗိုလ်ချုပ်ကြီး မင်းအောင်လှိုင်ကို ပေးအပ်ခဲ့သည်။
သို့သော် ဗိုလ်ချုပ်မှူးကြီး ရာထူးမှ အငြိမ်းစား ယူမယူ ကိုမူ တရားဝင် သတင်းထုတ်ပြန်ခြင်း မရှိသကဲ့သို့ သတင်းစာ များတွင်လည်း ရှင်းရှင်း လင်းလင်း ပြောဆိုခြင်း မရှိပေ။
နေပြည်တော် စစ်ဘက်သတင်းရပ်ကွက် အဆိုအရမူ ဗိုလ်ချုပ်မှူးကြီး၏ လုံခြုံရေးနှင့် ပတ်သက်၍ စစ်တပ်ကပင် တာဝန်ယူထား ကြောင်း၊ သို့သော် ကိုယ်ရေး အရာရှိများ ဖြစ်ကြသော ဗိုလ်ချုပ် နေဝင်း၊ ဗိုလ်မှူးချုပ် စိုးရှိန်နှင့် ဗိုလ်မှူးကြီး မြင့်ကြည်တို့က ဗိုလ်ချုပ်မှူး ကြီး အနီးတွင် ဆက်လက် တာဝန်ယူနေကြဆဲ ဖြစ်ကြောင်းလည်း သိရသည်။
ရန်ပိုင်နှင့် ပြည်တွင်းအခြေစိုက် ဧရာဝတီ သတင်းထောက်တဦး ပူးပေါင်းရေးသားသည်။
Ref: ဧရာဝတီ်
Tuesday, May 24, 2011
ဗိုလ်ချုပ်မှူးကြီး တကယ်အနားယူပြီလား
“အမေ့အိမ်” အခမဲ့ ပညာသင်ကျောင်း ဖိအားပေးခံရ
သန်းထိုက်ဦး
Monday, 23 May 2011
အမျိုးသား ဒီမိုကရေစီ အဖွဲ့ချုပ် (NLD) လူမှု အထောက်အကူပြု အဖွဲ့မှ ရန်ကုန်တိုင်း မြောက်ဒဂုံ မြို့နယ်တွင် အိမ်ငှား၍ ဖွင့်လှစ် ထားသော “အမေ့အိမ်” အခမဲ့ ပညာရေး အင်္ဂလိပ်စာ သင်တန်းကျောင်းကို ပြောင်းရွှေ့ရန် အာဏာပိုင်များက ယမန်နေ့က ဖိအားပေးခဲ့သည်။
ထို အခမဲ့ အင်္ဂလိပ်စာ သင်တန်းကျောင်းကို ပြောင်းရွှေ့ပေးရန် စစ်ဘက်ဆိုင်ရာ လုံခြုံရေးအဖွဲ့ (စရဖ) က အိမ်ပိုင်ရှင်မှ တဆင့် ဖိအား ပေးခဲ့ကြောင်း ယင်းကျောင်း အတွက် အိမ်ငှားပေးထားသူ ဒေါ်သီတာဆွေက ဧရာဝတီသို့ ပြောသည်။
“အိမ်ရှင်ကနေပြီးတော့ ကျမရဲ့ သမီးတွေ၊ သားတွေကို လာပြောတယ်၊ ကျနော်တို့က ရှုပ်ရှုပ်ရှက်ရှက် မကြိုက်ဘူးတဲ့၊ အခု တော့ ကျမတို့ အိမ်ရှာရတော့မယ် ဆိုတော့ အဲဒါ ဘယ်လိုလုပ်ရမလဲ မသိဘူး၊ အခု ကလေးတွေကတော့ နည်းနည်း ကျောင်း တက်ရဖို့ ကတော့ ဒုက္ခ ရောက်သွားပြီပေါ့”ဟု ၎င်းက ဆိုသည်။
“အမေ့အိမ်”အခမဲ့ ပညာရေးသင်ကြားမှုအတွက် မြောက်ဒဂုံမြို့နယ်တွင် မူလတန်း အဆင့် သင်တန်းကျောင်းနှင့် အင်္ဂလိပ်စာ သင်တန်းကျောင်း ဖွင့်လှစ် ထားရာ အင်္ဂလိပ်စာ သင်ကြားနေသည့် ကျောင်းကို ပြောင်းရွှေ့ရန် ဖိအားပေးခံရခြင်း ဖြစ်သည်။ သို့သော် မူလတန်းကျောင်းကိုမှု တစုံတရာ ဖိအားပေးခြင်း မရှိသေးပေ။
ကျောင်း ဖြစ်မြောက်ရေး ကော်မတီမှ ကိုဖြိုးမင်းသိန်းက“နိုင်ငံရေးအရ တိုက်ခိုက်တယ် ဆိုရင်တော့ ဒီ ဥစ္စာဟာ အဆိုးမြင်တဲ့ သဘော ရှိနေတယ်၊ တဖက်မှာရှိတဲ့ ဒီမိုကရက်တစ် အင်အားစုတွေရဲ့ လူထု အကျိုးပြု လုပ်ငန်းတွေကို ဖျက်ဆီး သလိုမျိုး ဖြစ် နေတယ်”ဟု ဆိုသည်။
အင်္ဂလိပ်စာ သင်တန်းကျောင်းတွင် ကျောင်းသား ၃၀ ခန့်ရှိပြီး မူလတန်းကျောင်း၌ ကျောင်းသား ၁၀၀ ခန့်ရှိကြောင်း သိရသည်။
ယခုနှစ် ဇန်န၀ါရီလကလည်း လှိုင်သာယာမြို့နယ် ၁၄ ရပ်ကွက် မေခလမ်း အမှတ် ၅၄၈ ဦးမင်းလွင်၏ နေအိမ်တွင် ဖွင့်လှစ်ခဲ့ သော အမေ့အိမ် ပညာဒါန ကျောင်းကို ပညာရေးဝန်ကြီးဌာန အခြေခံပညာ ဦးစီးဌာနမှ တာဝန်ရှိသူများက တားမြစ်ခဲ့ဖူးသည်။
ပညာရေး ကျောင်းများကို ဒေါ်အောင်ဆန်းစုကြည်၏ လမ်းညွှန်မှုဖြင့် NLD နှင့် လူငယ်ကွန်ရက်တို့က ဦးစီး၍ ဆင်းရဲ နွမ်းပါးသည့် ကလေးငယ်များ အတွက် အဓိက ရည်ရွယ်ချက်ဖြင့် ယခုနှစ်ဆန်းပိုင်းမှ စတင် ဖွင့်လှစ်ခဲ့ခြင်း ဖြစ်ကြောင်း သိရသည်။
Ref: ဧရာဝတီ်
ကလလတကို တိုက်ခိုက်လျှင် နိုင်ငံရေးအရ နစ်နာမည်
နှောင်းလှိုင်
တနင်္လာနေ့, 23 မေလ 2011
စီးပွားရေးလုပ်ငန်းကို အကြောင်းပြ၍ ကရင်နီအမျိုးသား တိုးတက်ရေးပါတီ ထိန်းချုပ်နယ်မြေထိ တိုးချဲ့ လာနေသော ကရင်နီ လူမျိုးပေါင်းစုံ ပြည်သူ့ လွတ်မြောက်ရေး တပ်ဦးကို စစ်ရေးအရ တိုက်ခိုက်မည် ဆိုပါက နိုင်ငံရေးအရ နစ်နာမည်ဟု စစ်မြေပြင်တွင် ကယ်ဆယ်ရေး လုပ်ငန်းများ ဆောင်ရွက်နေသော အဖွဲ့က ဆိုသည်။
နယ်ခြားစောင့်တပ်အသွင်သို့ ကူးပြောင်းသွားခဲ့သော ကလလတအဖွဲ့သည် ယခုမြန်မာအစိုးရသစ် လက်ထက်တွင် စီးပွားရေး လုပ်ငန်းများကို ကေအဲန်ပီပီ ထိန်းချုပ် နယ်မြေများဖြစ်သည့် အမှတ် ၂ ခရိုင်ဘက်သို့ တိုးချဲ့လျက်ရှိသည်။
“သူတို့ အပြင်မှာ တဖြည်းဖြည်း တိုးချဲ့လာတာဟာ အလိုအလျောက် နယ်မြေတိုးချဲ့မှုတစ်ခုပဲ။ ဒါပေမဲ့ နအဖ အတွက်က အလိုအလျောက် ခြံစည်းရိုး တစ်ခုလို ဖြစ်လာတယ်လေ။ ကျနော်တို့က ဒီအပစ်ရပ် အဖွဲ့တွေကို တကူးတက သွားတိုက်ထုတ်မယ် ဆိုရင်လည်း နိုင်ငံရေး အရ ကျနော်တို့ နစ်နာမယ်။ ပြည်သူလူထု ကလည်း အဲပေါ်မှာ အမြင်ရှင်းချင်မှ ရှင်းမယ်။ အဲဒါကို သူတို့ တဖြည်းဖြည်း အခွင့်ယူပြီးတော့မှ တဖြည်းဖြည်း တိုးချဲ့လာတာပေါ့” ဟု အမှတ် ၂ ခရိုင်တွင် အရေးပေါ် ကယ်ဆယ်ရေး လုပ်ငန်းများ ဆောင်ရွက်ရာ၌ ဦးဆောင်နေသော ဦးဖားမူးက ပြောသည်။
အစိုးရမှ ခွင့်ပြုချက်တို့ဖြင့် ကလလတသည် မော်ချီးမှ ဂိုးသရိုးကျေးရွာ၊ ခိုဘောသောကျေးရွာတွင် တပ်များ ချထား ခဲ့ရာမှ ယခုနှစ်ထဲတွင် ခီးလေးခီး သတ္တုမိုင်းတွင် တပ်ထပ်မံ တိုးချဲ့လာသည်။
ကရင်နီလူမှုကယ်ဆယ်ရေးနှင့် ဖွံ့ဖြိုးရေးပင်မ (ကေအက်စ်ဒဘလျူဒီစီ) သည် ပြည်တွင်း၌ အရေးပေါ် ကယ်ဆယ်ရေးနှင့် ထောက်ပံ့မှုတို့ကို ဆောက်ရွက်ပေးနေသော အဖွဲ့ဖြစ်သည်။
“သူတို့ များသောအားဖြင့် ရန်သူက သူတို့ကို အခွင့်အရေးပေးထားတယ်။ သတ္တုတွင်းမှာ ၀င်လုပ်နိုင်စွမ်းအား ရှိတယ်။ ပြီးမှ သစ်ထုတ်လုပ်ရေးမှာ ပိုဝင်လုပ်တယ်။ ဒါပေမဲ့ အဲဒီမှာ တဖက်လှည့် အနေနဲ့ ရန်သူက အကွက် ဘယ်လိုဆင်ထားလဲ ဆိုတော့ သူတို့ ဒီစီးပွားရေး လုပ်ရင်းနဲ့ သူတို့ အဖွဲ့ကို ရှေ့တိုး တိုးခိုင်းတယ်လေ။ ရှေ့မှာက သူတို့ နအဖ အတွက် အကာအကွယ် ပေးရအောင်ပေါ့ သူတို့တပ်တွေ ရှေ့ကိုတိုးတယ်။ စီးပွားရေး လုပ်ရင်းနဲ့ တိုးလာတာပေါ့” ဟု ဦးဖားမူးက ဆိုသည်။
ခဲများ၊ သစ်များကို ပြည်သူများမှတဆင့် လုပ်ကိုင်ပြီး ကလလတမှ ကြီးကြပ်သည်။ မော်ချီးမှ ကလလတ ဦးဆောင်သူ ဒေသတာဝန်ခံ ဗိုလ်မှူးထူးပေါ်၊ ခွဲမှူးအဆင့် ဗိုလ်ပေါလူနှင့် အုပ်ချုပ်ရေးမှာ ဗိုလ်မောင်ဝမ်းဖြစ်သည်။
“ကရင်နီ ထိန်းချုပ်နယ်မြေမှာက ပိုပြီးတော့မှ အခြေအနေကောင်းတယ်လေ။ အခု သူတို့လုပ်တဲ့ စီးပွားရေး တွေက သစ်တွေ များနေတယ်။ သစ်တွေ လုပ်ကြတယ် ။ အဲတော့သူတို့က လာပြီး သစ်တွေ ထုတ်ကြတယ်။ နောက်သူတို့ လာပြီးတော့မှ အချိုသတ် တာပေါ့နော်။ ကျနော်တို့က ညီအစ်ကိုတွေပဲ။ ကျနော်တို့က အချင်းချင်းတွေပဲ ဆိုပြီး အချိုသတ်နေတယ်” ဟု အမှတ်၂ ခရိုင်တွင် လှုပ်ရှားနေသော ကရင်နီတပ်မှ ပြောရေးဆိုခွင့်ရှိသူ စောထီးထာစွေ့က ပြောပါသည်။
ကလလတသည် ၁၉၇၈ ခုနှစ်တွင် ကေအဲန်ပီပီမှ ခွဲထွက်ခဲ့ပြီး ၁၉၉၄ ခုနှစ် မေလတွင် မြန်မာစစ်အစိုးရနှင့် အပစ်ခတ် ရပ်စဲရေး သဘောတူညီမှု ရယူခဲ့သည်။ ထို့နောက် ၂၀၀၉ ခုနှစ် နိုင်ဝင်ဘာလ ၈ ရက်နေ့တွင် နယ်ခြားစောင့်တပ် အဖြစ် အသွင် ပြောင်းခဲ့သည်။
Ref: ကန္တာရဝတီ
တိုင်းရင်းသား အခွင့်အရေး အစိုးရသစ် ကာကွယ်ဖို့ ပျက်ကွက်
Daniel Schearf's Report in Burmese
တနင်္လာ, 23 မေ 2011
မြန်မာနိုင်ငံမှာ တိုင်းရင်းသား လူနည်းစုတွေအပေါ် လူ့အခွင့်အရေး ချိုးဖောက်မှုတွေ ကျယ်ကျယ်ပြန့်ပြန့် ဖြစ်နေတဲ့ ပြဿနာတွေကို အစိုးရသစ်က ကိုင်တွယ်ဖြေရှင်းဖို့ ပျက်ကွက် နေတယ်လို့ ကုလသမဂ္ဂရဲ့ မြန်မာ နိုင်ငံဆိုင်ရာ လူ့အခွင့်အရေး ကိုယ်စားလှယ်က ပြောလိုက် ပါတယ်။ ဒီအကြောင်းနဲ့ ပတ်သက်ပြီးတော့ ဗွီအိုအေ သတင်းထောက် ဒန်နီယယ် ရှာ့ဖ် (Daniel Schearf) ဘန်ကောက် မြို့ကနေ သတင်းပေးပို့ထားတာကို ကိုရန်နိုင်က တင်ပြ ပေးထားပါတယ်။
မြန်မာအစိုးရသစ်ဟာ ထိုင်း၊ မြန်မာ နယ်စပ်တလျှောက်မှာ နေထိုင်နေကြတဲ့ တိုင်းရင်းသား လူနည်းစုတွေ အပေါ် စစ်တပ်က ကျူးလွန်နေတဲ့ လူ့အခွင့်အရေး ချိုးဖောက်မှုတွေကို အကာအကွယ် ပေးဖို့အတွက် ဘာမှ လုပ်ဆောင်ပေးနေတာ မရှိဘူးလို့ ကုလသမဂ္ဂရဲ့ မြန်မာနိုင်ငံ ဆိုင်ရာ လူ့အခွင့်အရေး အထူးကိုယ်စားလှယ် တောမတ်စ် အိုဟေး ကင်တားနား (Tomas Ojea Quintana) က ပြောလိုက်ပါတယ်။
မြန်မာစစ်တပ်ဟာ ကိုယ်ပိုင်အုပ်ချုပ်ခွင့် လိုချင်နေတဲ့ တိုင်းရင်းသား လက်နက်ကိုင် အဖွဲ့တွေနဲ့ ဆယ်စုနှစ်ပေါင်း များစွာ တိုက်ပွဲတွေ ဖြစ်ခဲ့ပြီး စစ်တပ်က တိုင်းပြည်ရဲ့အာဏာ အများအပြားကို ထိန်းချုပ်ထားဖို့ လိုအပ်နေတာဟာ တိုင်းပြည်တွင်းမှာ ဖြစ်နေတဲ့ အဲဒီ ပဋိပက္ခတွေကြောင့် ဖြစ်တယ်ဆိုပြီး အကြောင်းပြလေ့ ရှိပါတယ်။
မြန်မာစစ်အစိုးရဟာ ပြီးခဲ့တဲ့ နိုဝင်ဘာလက နှစ်ပေါင်း ၂၀ အတွင်း ပထမဆုံးအကြိမ် ရွေးကောက်ပွဲကို ကျင်းပခဲ့ပြီး ဒါဟာ စစ်အစိုးရကနေ အရပ်သား အစိုးရကို ပြောင်းဖို့ အတွက် နောက်ဆုံးအဆင့် ဖြစ်တယ်လို့ ပြောပါတယ်။ အများကတော့ မြန်မာ စစ်အစိုးရက ကျင်းပခဲ့တဲ့ အဲဒီရွေးကောက်ပွဲဟာ လွတ်လပ်ပြီး တရားမျှတတဲ့ ရွေးကောက်ပွဲ မဟုတ်ဘဲ စစ်တပ်က အာဏာကို ဆက်ထိန်းထား နိုင်ဖို့အတွက် သက်သက် ရည်ရွယ်တဲ့ ရွေးကောက်ပွဲ ဖြစ်တယ်လို့ ဝေဖန်ခဲ့ကြပါတယ်။
မြန်မာနိုင်ငံမှာ အရပ်သား အစိုးရသစ် ဖြစ်ပေါ်လာပေမဲ့လည်း နယ်စပ်ဒေသတွေမှာ ဖြစ်နေတဲ့ အကြမ်းဖက်မှုတွေ၊ လူ့အခွင့်အရေး ချိုးဖောက်မှုတွေနဲ့ ပတ်သက်ပြီးတော့ ဘာမှ လုပ်ဆောင်ခြင်း မရှိဘူးလို့ မစ္စတာ ကင်တားနားက ပြောပါတယ်။
“စစ်တပ်ကြီးစိုးရေးကို စနစ်တကျ လုပ်ဆောင်ခဲ့တာတွေက လူ့အခွင့်အရေး ချိုးဖောက်မှုတွေ ဖြစ်အောင် ပံ့ပိုး ပေးခဲ့တာပါ။ အဲဒီ လူ့အခွင့်အရေး ချိုးဖောက်မှုတွေထဲမှာ မြေသိမ်းတာတွေ၊ အတင်းအကျပ် လုပ်အားပေး ခိုင်းစေတာတွေ၊ အိုးအိမ်စွန့်ခွာ ထွက်ပြေးအောင် လုပ်ဆောင်တာတွေ၊ ဥပဒေပြင်ပ သတ်ဖြတ်မှုတွေနဲ့ လိင်ပိုင်းဆိုင်ရာ အကြမ်းဖက်မှုတွေ ပါဝင်ပါတယ်။ အဲဒါတွေဟာ ကျယ်ကျယ် ပြန့်ပြန့် ဖြစ်နေပြီး အခုချိန်ထိလည်း ဖြစ်နေတုန်းပါပဲ။ ဒါ့အပြင် အဲဒီ လူ့အခွင့်အရေး ချိုးဖောက်မှုတွေကို တာဝန်ရှိသူတွေ ဘက်က လုံးဝ ကိုင်တွယ် ဖြေရှင်းတာတွေ မလုပ်သေးပါဘူး။”
အတင်းအဓမ္မ လုပ်အားပေး ခိုင်းစေတာလိုမျိုး တချို့ လူ့အခွင့်အရေး ချိုးဖောက်မှုတွေဟာ အစိုးရကနေ လုပ်နေတယ် ဆိုတာ သိသာတယ်လို့ မစ္စတာ ကင်တားနားက ပြောပါတယ်။
“မြန်မာတနိုင်ငံတည်း ဒါမှမဟုတ် တကမ္ဘာလုံးမှာ မြန်မာတနိုင်ငံတည်းကပဲ အတင်းအဓမ္မ လုပ်အားပေး ခိုင်းစေမှုတွေကို ပုဂ္ဂလိပိုင်းက မဟုတ်ဘဲ အစိုးရကနေ လုပ်နေတာမျိုး ဖြစ်ကောင်း ဖြစ်နိုင်ပါတယ်။”
ဒါပေမဲ့လည်း လူ့အခွင့်အရေး ချိုးဖောက်မှုတွေနဲ့ တိုင်းရင်းသား အုပ်စုတွေ အပေါ်မှာ ဆက်ဆံနေတာနဲ့ ပတ်သက်ပြီးတော့ လွှတ်တော် အမတ်တွေက မေးခွန်း ထုတ်လာတာတွေက အပေါင်း လက္ခဏာဆောင်တဲ့ အချက်တွေ ဖြစ်တယ်လို့ မစ္စတာ ကင်တားနားက ပြောပါတယ်။
“အဲဒီလို မေးခွန်းထုတ်တဲ့ အထဲမှာ ကရင်ပြည်နယ်အတွင်း အပစ်အခတ် ရပ်စဲရေး ဖြစ်လာနိုင်ခြေတွေ ပါဝင်သလို ရိုဟင်ဂျာတွေဟာ နိုင်ငံသား ဟုတ်မဟုတ်ဆိုတဲ့ ပြဿနာနဲ့ တိုင်းရင်းသား ရှမ်း နိုင်ငံရေး ခေါင်းဆောင်တွေ အပေါ် လွတ်ငြိမ်း ချမ်းသာခွင့် ပေးမပေး ဆိုတာတွေ ပါဝင်ပါတယ်။”
မစ္စတာ ကင်တားနားဟာ ထိုင်းနိုင်ငံကို တပတ်ကြာ သွားရောက်ခဲ့ပြီး မြန်မာ့ဒီမိုကရေစီရေး တက်ကြွ လှုပ်ရှားသူတွေ၊ ကျွမ်းကျင်သူတွေနဲ့ မြန်မာနိုင်ငံ ဆိုင်ရာ တာဝန်ရှိသူတွေနဲ့ တွေ့ဆုံ ခဲ့ပြီးတဲ့နောက် သတင်းထောက်တွေကို အခုလို ပြောကြား ခဲ့တာပါ။ မစ္စတာ ကင်တားနားဟာ ထိုင်းနိုင်ငံဆိုင်ရာ မြန်မာ သံအမတ်ကြီးနဲ့ ဘန်ကောက်မြို့မှာ တွေ့ဆုံခဲ့ပေမဲ့ မြန်မာ အာဏာပိုင်တွေ ဘက်က ပြည်ဝင်ခွင့်ဗီဇာ မပေးခဲ့တာကြောင့် မစ္စတာ ကင်တားနားဟာ မြန်မာနိုင်ငံကို သွားရောက်နိုင်ခဲ့ခြင်း မရှိခဲ့ပါဘူး။ ဒီအပေါ်မှာတော့ ကုလသမဂ္ဂ အတွင်းရေးမှူးချုပ်ရဲ့ ပြောခွင့်ရပုဂ္ဂိုလ် မာတင် နီစားကီး (Martin Nesirky) က အခုလို ပြောလိုက်ပါတယ်။
“မစ္စတာ ကင်တားနားဟာ ကုလသမဂ္ဂရဲ့ အထူးတာဝန်ပေးထားခြင်း ခံရတဲ့ ကိုယ်စားလှယ်တဦး ဖြစ်တဲ့အတွက် သူတာဝန် ကျတဲ့ နိုင်ငံကို ၀င်ခွင့် ရသင့်ပါတယ်။ ဒီကိစ္စဟာ မေးခွန်း ထုတ်နေစရာ မလိုတဲ့ ကိစ္စပါ။ တဆက်တည်းမှာပဲ မကြာသေးခင်က မြန်မာနိုင်ငံကို သွားရောက်ခွင့် ရခဲ့တဲ့ အတွင်းရေးမှူးချုပ်ရဲ့ အထူး အကြံပေးပုဂ္ဂိုလ် မစ္စတာ ဗီဂျေး နမ်ဘီးယား (Mr. Vijay Nambiar) ရဲ့ မြန်မာနိုင်ငံ ခရီးစဉ်အကြောင်း ကျနော်တို့ ထုတ်ပြန်ချက်တွေ ထဲက အချက်တခုကို ကျနော် ပြန်လည် ပြောပြချင်ပါတယ်။
“အဲဒါကတော့ မြန်မာအစိုးရဟာ သူတို့ပေးထားတဲ့ ကတိက၀တ်တွေကို လိုက်နာ အကောင်အထည် ဖော်ဖို့ မြန်မာ ပြည်သူတွေနဲ့ နိုင်ငံတကာ အသိုင်းအ၀ိုင်း တခုလုံးက မျှော်မှန်းချက် တွေနဲ့ အညီ ကိုက်ညီအောင် ပြုပြင် ဆောင်ရွက်ဖို့ အလေးအနက် ထားပြီး ပြောဆိုခဲ့ပါတယ်။”
မစ္စတာ ကင်တားနားဟာ မြန်မာနိုင်ငံကို သွားရောက်ခွင့် မရခဲ့ပေမဲ့လည်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်း စုကြည်ကို တယ်လီဖုန်းကနေ တဆင့် ဆက်သွယ် ပြောဆို ခဲ့ပါတယ်။ မြန်မာနိုင်ငံမှာ ဖြစ်နေတဲ့ လူ့အခွင့်အရေး ချိုးဖောက်မှုတွေနဲ့ ပတ်သက်ပြီး ကုလသမဂ္ဂက စုံစမ်းရေး ကော်မရှင်ဖွဲ့ စုံစမ်းဖို့ အရေးကိစ္စ အပေါ်မှာ ဒေါ်အောင်ဆန်းစုကြည်က ထောက်ခံတယ်လို့ မစ္စတာ ကင်တားနားက ပြောပါတယ်။
မြန်မာနိုင်ငံမှာ အမျိုးသား ပြန်လည်သင့်မြတ်ရေး ဖြစ်လာဖို့အတွက်ဆိုရင် သက်ဆိုင်တဲ့ အဖွဲ့တွေ အားလုံး ပါဝင်ဖို့ လိုအပ်ပြီး ဖမ်းဆီး ထောင်ချ ခံထားရတဲ့ နိုင်ငံရေး အကျဉ်းသား ၂,၀၀၀ ကျော်ကို လွှတ်ပေးတာကနေ စတင်ပြီး လုပ်ဖို့ လိုအပ်တယ်လို့ မစ္စတာ ကင်တားနားက ပြောလိုက်ပါတယ်။
Ref: VOA News
မြန်မာအစိုးရသစ်လက်ထက် လူ့အခွင့်အရေး ချိုးဖောက်မှု ကျယ်ပြန့်နေဆဲ
ဦးကျော်အောင်လွင်
တနင်္လာ, 23 မေ 2011
မြန်မာအစိုးရက အကျဉ်းသားတွေကို ပြန်လွှတ်ပေးတာဟာ လွတ်ငြိမ်းချမ်းသာခွင့် မဟုတ်ဘူး၊ အမျိုးသား ပြန်လည် သင့်မြတ်ရေးကို ရှေ့ရှုတဲ့ သဘောလည်း မတွေ့ရဘူးလို့ ကုလသမဂ္ဂရဲ့ မြန်မာပြည်ဆိုင်ရာ လူ့အခွင့်အရေး အထူး ကိုယ်စားလှယ် တောမတ်စ် အိုဟေး ကင်တားနား (Tomas Ojea Quintana) က ပြောလိုက်ပါတယ်။ ဘန်ကောက်မြို့ နိုင်ငံခြား သတင်းထောက်များ အသင်းမှာ ဒီကနေ့ ကျင်းပခဲ့တဲ့ မစ္စတာ ကင်တားနားရဲ့ သတင်းစာ ရှင်းလင်းပွဲမှာ အခုလို ပြောဆိုခဲ့တာပါ။ အပြည့်အစုံကို ကိုကျော်အောင်လွင်က တင်ပြ ပေးထားပါတယ်။
လွတ်ငြိမ်းချမ်းသာခွင့် ပေးတယ်ဆိုပြီး မြန်မာအစိုးရသစ်က အကျဉ်းသူ၊ အကျဉ်းသား ၁၄,၀၀၀ ကျော်ကို မေလ ၁၇ ရက်နေ့မှာ ပြန်လွှတ် ပေးခဲ့တဲ့ အထဲမှာ နိုင်ငံရေး ယုံကြည်ချက်ကြောင့် အကျဉ်းချ ခံထားရတဲ့ သူတွေ ၅၀ လောက်ပဲ ပါဝင်တာကို ဘ၀င် မကျနိုင်ဘဲ ဖြစ်နေသူတွေ အထဲမှာ ကုလသမဂ္ဂရဲ့ မြန်မာပြည်ဆိုင်ရာ လူ့အခွင့်အရေး အထူးကိုယ်စားလှယ် တောမတ်စ် အိုဟေး ကင်တားနားလည်း ပါဝင်ပါတယ်။ အခု ပြန်လွှတ် ပေးလိုက်တာက မြန်မာအစိုးရ ပြောသလို လွတ်ငြိမ်းချမ်းသာခွင့် မဟုတ်ဘူးလို့ မစ္စတာ ကင်တားနားက ပြောပါတယ်။
“အခု ပြန်လွှတ်ပေးတာဟာ ပြည့်စုံလုံလောက်မှု မရှိဘူးလို့ ပြောရမှာပါ။ ဘာကြောင့်လဲဆိုတော့ ယုံကြည်ချက်ကြောင့် အကျဉ်းချ ခံထားရသူတွေက ထောင်တွေ တော်တော်များများမှာ ကျန်နေ ပါသေးတယ်။ အခု ပြန်လွှတ်ပေးတယ် ဆိုတာက လွတ်ငြိမ်း ချမ်းသာခွင့် မဟုတ်ပါဘူး။ လျှော့ပေါ့ ပေးတာက တနှစ်တည်းပါ။ မြန်မာအစိုးရက အခုလို ဆုံးဖြတ်ချက်ဟာ စိတ်ပျက်ဖို့လည်း ကောင်းပါတယ်။ ဘာကြောင့်လဲ ဆိုတော့ အမျိုးသား ပြန်လည် သင့်မြတ်ရေးကို လိုလားတဲ့သဘော၊ ရှေ့ရှုတဲ့ သဘောတွေ မပါဝင်လို့ပါပဲ။” လို့ ပြောသွားခဲ့တာပါ။
“လွှတ်တော်သာလျှင် အမျိုးသား ပြန်လည်သင့်မြတ်ရေးအတွက် ဆွေးနွေးရမယ့် နေရာလို့ မြန်မာ အစိုးရက ပြောထား ပေမဲ့လည်း ဒီလွှတ်တော် တခုတည်းနဲ့တင် ဆွေးနွေးဖို့က မလုံလောက်ပါဘူး။” လို့ မစ္စတာ ကင်တားနားက ပြောသွားပါတယ်။
မစ္စတာ ကင်တားနားဟာ အခု မေလ ၁၆ ရက်နေ့ကစပြီး ထိုင်းနိုင်ငံအတွင်းက မြန်မာ့အရေး လှုပ်ရှားတဲ့ လူ့အခွင့်အရေး အဖွဲ့အစည်းတွေ၊ ကုလသမဂ္ဂ အမှုထမ်းတွေ၊ သံတမန်တွေနဲ့ တွေ့ဆုံပြီး မြန်မာပြည်ဆိုင်ရာ လူ့အခွင့်အရေး အခြေအနေ တွေနဲ့ ပတ်သက်လို့ အချိန် တပတ်ကျော်ကြာ အချက်အလက်တွေ ရှာဖွေ စုံစမ်းခဲ့တာပါ။ ဒီခရီးစဉ်အတွင်း ထိုင်း နိုင်ငံခြားရေး ၀န်ကြီး၊ ထိုင်းနိုင်ငံ ဆိုင်ရာ မြန်မာ သံအမတ်ကြီး တို့နဲ့လည်း သူတွေ့ဆုံခဲ့တဲ့ အပြင် ဒေါ်အောင်ဆန်းစုကြည် နဲ့လည်း တယ်လီဖုန်းက တဆင့် စကား ပြောဆိုခဲ့ပါတယ်။
“ဒီခရီးစဉ်ကနေ ရတဲ့ အချက်အလက်တွေကတော့ နယ်စပ်မှာရှိတဲ့ လူနည်းစု တိုင်းရင်းသားတွေရဲ့ အခြေအနေ တွေဟာ မြန်မာ အစိုးရက ဒီမိုကရေစီ ကူးပြောင်းရေးကို ဖော်ဆောင်မယ်လို့ ကတိတွေ ပေးထားပေမဲ့လည်း စိုးရိမ်ဖို့ ကောင်းလောက်အောင် အကြမ်းဖက် မှုတွေက ဆက်ပြီး ဖြစ်နေတာ တွေ့ရတယ်။ စစ်တပ်က လူ့အခွင့်အရေး ချိုးဖောက်မှုတွေကို စနစ်တကျ ကျူးလွန် နေတာတွေ၊ မြေယာတွေကို အတင်းသိမ်းပိုက်တာတွေ၊ အဓမ္မ လုပ်အားပေးခိုင်းတာ၊ ပြည်တွင်းမှာပဲ အိုးအိမ်စွန့်ခွာ ထွက်ပြေး နေရမှုတွေ၊ တရားဥပဒေမဲ့ သတ်ဖြတ်မှုတွေနဲ့ လိင်ပိုင်းဆိုင်ရာ အကြမ်းဖက်မှုတွေဟာ ဒီကနေ့အထိ ကျယ်ကျယ်ပြန့်ပြန့် ရှိနေတာကို တွေ့ရပါတယ်။ အာဏာပိုင်တွေ ကလည်း ဒီကျူးလွန်မှုတွေကို ဟန့်တားနိုင်ဖို့ အရေးယူ ဆောင်ရွက်တာတွေကို မတွေ့ရပါဘူး။” လို့ ဆိုပါတယ်။
“မြန်မာပြည်ဟာ တရားဥပဒေ စိုးမိုးမှု ခိုင်ခိုင်မာမာရှိဖို့ လိုအပ်နေပါတယ်။ အခြေခံ အဆောက်အဦးဆိုင်ရာ ဖွံ့ဖြိုးရေး လုပ်ငန်းတွေ လုပ်တဲ့ အခါမှာ ဒေသခံတွေနဲ့ တိုင်ပင် သင့်ပါတယ်။ ဒီလုပ်ငန်းတွေက ရလာတဲ့ ၀င်ငွေတွေကို ဒေသဖွံ့ဖြိုးရေးအ တွက် ပြန်ပြီး အသုံးပြု သင့်ပါတယ်။ ပြည်သူတွေရဲ့ ရပိုင်ခွင့်တွေကို အာမခံမှု ရှိနိုင်ရပါလိမ့်မယ်။” လို့ ပြောသွားခဲ့တာပါ။
မြန်မာပြည်တွင်းက လူ့အခွင့်အရေးဆိုင်ရာ ချိုးဖေါက်မှုတွေနဲ့ ပတ်သက်ပြီး ကုလသမဂ္ဂက စုံစမ်း စစ်ဆေးရေး ကော်မရှင် ဖွဲ့စည်းဖို့ အရေးကိုလည်း မစ္စတာ ကင်တားနားက တိုက်တွန်း ထားတာပါ။ ဒီအချက်ကို ဒေါ်အောင်ဆန်းစုကြည်ကလည်း သဘောတူတယ်လို့ မစ္စတာ ကင်တားနားက ဆိုပါတယ်။
မစ္စတာ ကင်တားနားရဲ့ အခု ထိုင်းနိုင်ငံ ခရီးစဉ်ကနေ ရလာတဲ့ မြန်မာပြည်ဆိုင်ရာ လူ့အခွင့်အရေး အချက်အလက်တွေကို ကုလသမဂ္ဂ အထွေထွေ ညီလာခံမှာ ဒီနှစ်ကုန်ရင် တင်သွင်း သွားမှာပါ။ ဒီလို တင်သွင်းနိုင်ရေး အချက်အလက် ပြည့်စုံအောင် မြန်မာပြည်တွင်းကို သူကိုယ်တိုင် သွားဖို့ ပြည်ဝင်ခွင့်ဗီဇာ တောင်းထားပေမဲ့လည်း အခုထိ မရနိုင်သေးဘဲ ဖြစ်နေပါတယ်။ သူ့ဘက်ကတော့ သွားဖို့ အဆင်သင့် ဖြစ်နေပြီလို့ ဆိုပါတယ်။ ပြီးခဲ့တဲ့နှစ် မတ်လတုန်းက မြန်မာပြည်ကို နောက်ဆုံးအကြိမ် သူ ရောက်ခဲ့တာပါ။ မြန်မာပြည်မှာ စစ်အစိုးရကနေ အရပ်သား အစိုးရသစ် ပြောင်းခဲ့ပြီး နောက်ပိုင်း မစ္စတာ ကင်တားနား မြန်မာပြည်ကို တခါမှ လာခွင့် မရသေးပါဘူး။
Ref: VOA News
ရှမ်း SSA မြောက်နဲ့တောင် ပေါင်းစည်းဖို့ သဘောတူ
ဦးမိုးဇော်
တနင်္လာ, 23 မေ 2011
ရှမ်းပြည်တပ်မတော် (SSA) မြောက်ပိုင်းနဲ့ တောင်ပိုင်းတို့ဟာ မကြာမီ တဖွဲ့တည်းအဖြစ် ပေါင်းစည်း တော့မယ်လို့ ပြီးခဲ့တဲ့ စနေနေ့ မေလ ၂၁ ရက်နေ့က ကြေညာခဲ့ပါတယ်။ ဒီလို ပေါင်းစည်းကြမယ့် ရှမ်းတိုင်းသား တပ်ဖွဲ့တွေကတော့ ရှမ်းပြည် တိုးတက်ရေး ပါတီ (SSPP) လက်အောက်ခံ ဗိုလ်ချုပ်ပန်ဖ ခေါင်းဆောင်တဲ့ ရှမ်းပြည် တပ်မတော်-မြောက်ပိုင်း (SSA-North) တပ်မဟာ ၁ အစုနဲ့ ရှမ်းပြည် ပြန်လည် ထူထောင်ရေး ကောင်စီ (RCSS) လက်အောက်ခံ ဒု-ဗိုလ်ချုပ်ကြီး ယွက်ဆစ် ခေါင်းဆောင်တဲ့ ရှမ်းပြည်တပ်မတော်-တောင်ပိုင်း (SSA-South) တပ်ဖွဲ့တွေ ဖြစ်ပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။
အစိုးရကို ဆန့်ကျင်နေတဲ့ ရှမ်းတပ်ဖွဲ့နှစ်ဖွဲ့ ပူးပေါင်းတော့မယ်ဆိုတဲ့ သတင်းကို ၅၃ ကြိမ်မြောက် ရှမ်းအမျိုးသားများ တော်လှန်ရေးနေ့မှာ ရှမ်းပြည် ပြန်လည် ထူထောင်ရေး ကောင်စီ (RCSS) ရဲ့ ဥက္ကဋ္ဌ ဒု-ဗိုလ်ချုပ်ကြီး ယွက်ဆစ်က ပြောဆိုခဲ့တာ ဖြစ်ပါတယ်။
ရှမ်းအမျိုးသားများ တော်လှန်ရေးနေ့ အခမ်းအနားကို ဒီလ ၂၁ ရက် စနေနေ့က ထိုင်း၊ မြန်မာနယ်စပ် SSA တောင်ပိုင်း ဌာနချုပ် လွိုင်တန်လျန်းမှာ ကျင်းပခဲ့တာဖြစ်ပြီး ရှမ်းပြည် တပ်မတော် (SSA) မြောက်ပိုင်းက ကိုယ်စားလှယ် အဖွဲ့လည်း အတူ တက်ရောက်ခဲ့တာ ဖြစ်ပါတယ်။
လောလောဆယ်မှာတော့ ရှမ်းတပ်ဖွဲ့နှစ်ဖွဲ့ ပူးပေါင်းရေးကို ဆွေးနွေးနေဆဲဖြစ်ပြီး မကြာမီ အောင်မြင် လိမ့်မယ်လို့ ယုံကြည်ကြောင်း SSA တောင်ပိုင်းရဲ့ ပြောရေးဆိုခွင့်ရှိသူ စိုင်းစံမိန်းက ပြောပါတယ်။
“ရှမ်းပြည်တပ်မတော် မြောက်ပိုင်းနဲ့ ကျနော်တို့ ရှမ်းပြည်တပ်မတော် တောင်ပိုင်းတို့ စည်းလုံးညီညွတ်ဖို့ ကြိုးစားနေတဲ့ အချိန် ဖြစ်တာပေါ့နော်။ ရှေ့ကာလတည်း မှာပေါ့ ကျနော်တို့ တစုတစည်းတည်း စုစည်း နိုင်ဖို့ရယ်၊ ရှမ်းပြည် တပ်မတော် တခုတည်း ဖြစ်သည်ထိကို ကျနော်တို့ ကြိုးစားနေတဲ့ အချိန် ဖြစ်ပါတယ်။ အခု ကျနော်တို့ရဲ့ နိုင်ငံရေး လမ်းစဉ်တွေ ဒါတွေချမှတ်ဖို့ အတွက်ပေ့ါနော် အရေးကြီးတဲ့ အခန်း ကဏ္ဍတွေ ဆွေးနွေးဖို့ လိုတယ်ပေါ့နော်။ အဲဒီကဏ္ဍတွေ ပြီးဆုံးပြီ ဆိုရင်တော့ ကျနော်တို့ အောင်မြင်မှု ရရှိမယ်လို့တော့ ယုံကြည်ပါတယ်ခင်ဗျ။”
လက်ရှိခေါ်ဆိုနေတဲ့ ရှမ်းပြည်တပ်မတော် (SSA) မြောက်ပိုင်းဟာ ၁၉၈၉ ခုနှစ်က မြန်မာစစ်အစိုးရနဲ့ အပစ် ရပ်ခဲ့တဲ့ ရှမ်းပြည် တပ်မတော် မြောက်ပိုင်းရဲ့ တပ်မဟာ ၁ တပ်ဖွဲ့ ဖြစ်ပါတယ်။ ဒီအဖွဲ့ကို ဗိုလ်ချုပ်ပန်ဖက ဦးဆောင်ပြီး မြန်မာ စစ်အစိုးရက တောင်းဆိုတဲ့ ပြည်သူ့စစ် ဖွဲ့စည်းရေးကို လက်မခံခဲ့တဲ့နောက် ဒီနှစ် မတ်လကစပြီး အစိုးရ တပ်တွေနဲ့ တိုက်ပွဲတွေ ပြန်ဖြစ် နေခဲ့ပါတယ်။ သူတို့ ဌာနချုပ်က ရှမ်းပြည်နယ် အလယ်ပိုင်း ၀မ်ဟိုင်းဒေသမှာ အခြေစိုက်တာကြောင့် မြန်မာအစိုးရ သတင်းစာတွေက SSA ၀မ်ဟိုင်းတပ်ဖွဲ့လို့ ခေါ်ဆိုတဲ့ အဖွဲ့ ဖြစ်ပါတယ်။ သူတို့အဖွဲ့ဟာ ပြီးခဲ့တဲ့ နှစ်ကုန်ပိုင်းက ရှမ်းပြည် တိုးတက်ရေးပါတီ (SSPP) နဲ့ ရှမ်းပြည် တပ်မတော် (SSA) အဖြစ် အပစ်မရပ်ခင်က အမည်ကို ပြန်လည် သုံးစွဲခဲ့ပါတယ်။
ရှမ်းပြည်တပ်မတော် (SSA) တောင်ပိုင်းကတော့ ၁၉၉၅ ခုနှစ် ဘိန်းဘုရင် ခွန်ဆာရဲ့ မော်ထိုင်း တပ်မတော်ခေါ် MTA က လက်နက်ချချိန်မှာ သီးခြား ခွဲထွက်ပြီး မြန်မာ စစ်အစိုးရကို ဆက်လက် တော်လှန်နေတဲ့ အဖွဲ့ ဖြစ်ပါတယ်။ ဒီအဖွဲ့ကို လက်ရှိ ဒု-ဗိုလ်ချုပ်ကြီး ယွက်ဆစ်က ခေါင်းဆောင်ပြီး နိုင်ငံရေး ဦးဆောင်အဖွဲ့ကို ရှမ်းပြည် ပြန်လည် ထူထောင်ရေး ကောင်စီ (RCSS)၊ လက်နက်ကိုင် တပ်ဖွဲ့ကို ရှမ်းပြည်တပ်မတော် (SSA) တောင်ပိုင်း အမည်နဲ့ ဆက်လက် လှုပ်ရှားနေတာ ဖြစ်ပါတယ်။
ဒီနှစ်ဖွဲ့ ပေါင်းစည်းနိုင်ရင် ဘယ်အမည်နဲ့ ရပ်တည်မလဲ ဆိုတာတော့ အတိအကျ မရွေးချယ် မသတ်မှတ်ရသေးဘူးလို့ SSA တောင်ပိုင်းရဲ့ ပြောရေးဆိုခွင့်ရှိသူ စိုင်းစံမိန်းက ပြောပါတယ်။
ရှမ်းသံတော်ဆင့် သတင်းဌာနက အယ်ဒီတာချုပ် ဦးခွန်ဆိုင်းကတော့ SSA မြောက်ပိုင်းနဲ့ တောင်ပိုင်း တပ်ဖွဲ့တွေဟာ စစ်ရေးအရ ညှိနှိုင်း ဆောင်ရွက်မှုတွေ ရှိနေတယ်လို့ ပြောပါတယ်။ ရှမ်းတပ်ဖွဲ့နှစ်ဖွဲ့ ပူးပေါင်းပြီးတဲ့ နောက်မှာ နိုင်ငံရေး ဦးဆောင်ပါတီ အဖြစ် ရှမ်းပြည် တိုးတက်ရေး ပါတီ (SSPP) အမည်ကို ဆက်လက် သုံးစွဲဖွယ် ရှိတယ်လို့ ဦးခွန်ဆိုင်းက ဆက်ပြောပါတယ်။
“ဘယ်လိုဖြစ်မလဲဆိုတော့ ပါတီကတော့ RCSS ဘက်ကလည်း ထောင်ဖို့ စိတ်ကူးရှိနေတာ ကြာပြီ။ ပေါင်းမယ် ဆိုရင်တော့ ပါတီအသစ် ထပ်ထောင်စရာ မလိုတော့ဘူးပေါ့ဗျာ။ ရှမ်းပြည် တိုးတက်ရေးပါတီ (SSPP) အမည်ကို သူတို့သုံးမယ်။ ဒါပေမဲ့ ဒီပါတီ စည်းမျဉ်းတွေကိုတော့ သူတို့ လောလောဆယ် ဝေဖန်ဆန်းစစ် နေတယ်လို့ ပြောပါတယ်။ တဘက်ကလည်း RCSS ဆိုတာ စစ်ရေး၊ နိုင်ငံရေး အားလုံးကို ဦးစီးတဲ့ ကောင်စီ ဖြစ်တဲ့ အတွက်ကြောင့်မို့ ဦးစီးတဲ့ ကောင်စီကတော့ သူတို့ ပူးပေါင်းပြီးတော့ ဖွဲ့မှာပေါ့ဗျာ။ ပူးတွဲပြီးတော့ ဖွဲ့မယ် ဆိုရင်တော့ ဘယ်နာမည်သုံးမယ် ဆိုတာတော့ အခုတော့ ဆုံးဖြတ်ချက် မရသေးဘူးပေါ့။”
လောလောဆယ်မှာတော့ SSA မြောက်ပိုင်း တပ်ဖွဲ့ဟာ လက်နက်ကိုင်အင်အား ၃,၀၀၀ လောက်နဲ့ SSA တောင်ပိုင်း တပ်ဖွဲ့ဘက်က လက်နက်ကိုင် အင်အား ၇,၀၀၀ လောက် ရှိမယ်လို့ စစ်ရေး လေ့လာသူတွေက ခန့်မှန်း ကြပါတယ်။ တဆက်တည်း မှာပဲ ဒီတပ်ဖွဲ့ ၂ ခု ပူးပေါင်းမယ် ဆိုရင် မြန်မာ အစိုးရအတွက် စစ်ရေးအရ အခက်အခဲ ပိုရှိလာနိုင်မယ်လို့ သုံးသပ်ကြပါတယ်။
Ref: VOA News
အင်းစိန်ထောင်၌ အစာငတ်ခံ ဆန္ဒပြ
လင်းသန့်
Monday, 23 May 2011
ရန်ကုန်မြို့ရှိ အင်းစိန်ထောင်တွင် အကျဉ်းသား ရပိုင်ခွင့်များနှင့် ပတ်သက်ပြီး မကျေနပ်မှုကြောင့် နိုင်ငံရေး အကျဉ်းသားများက အစာငတ်ခံ ဆန္ဒပြမှု ဆက်လက် လုပ်ဆောင် နေကြောင်း သိရသည်။
“အင်းစိန် အမျိုးသမီးဆောင်က ၇ ယောက်က စပြီး အစာငတ်ခံဆန္ဒပြတယ်။ အမျိုးသားဆောင်က နိုင်ငံရေး အကျဉ်းသား ၂၀ လောက်ကလည်း အစာငတ်ခံ ဆန္ဒပြနေဆဲပဲ” ဟု အင်းစိန်ထောင်နှင့် နီးစပ်သူ တဦးက ပြောသည်။
ယခုကဲ့သို့ အစာငတ်ခံဆန္ဒပြမှုဖြစ်ပေါ်လာရခြင်းမှာ မေလ ၁၆ ရက်နေ့ကကြေညာခဲ့သော သမ္မတ ဦးသိန်းစိန်၏ လွတ်ငြိမ်း ချမ်းသာခွင့် အမိန့်ကြောင့် မတရား ဖမ်းဆီး ခံရပြီး နှစ်ရှည် ထောင်ဒဏ် ကျခံနေကြရသည့် နိုင်ငံရေး အကျဉ်းသားများနှင့် တချို့သော နှစ်ကြီး ထောင်ကျ အကျဉ်းသားများက မကျေမနပ် ဖြစ်ကြခြင်းမှ စတင်သည် ဟုဆိုသည်။
“ဆန္ဒပြတဲ့ နိုင်ငံရေးအကျဉ်းသားတွေကို အခုထိတော့ ထောင်က ဘာမှ အရေးမယူသေးဘူး၊ ဒါပေမယ့် စစ်ခွေးတိုက် ပို့ဖို့နဲ့ ထောင်ပြောင်းဖို့လည်း စီစဉ် နေတယ်လို့ ထောင်ဝန်ထမ်း တချို့ဆီက သိရတယ်”ဟု ရန်ကုန်မြို့နေ အမည်မဖော်လို သည့် နိုင်ငံရေး တက်ကြွ လှုပ်ရှားသူ တဦးက ပြောသည်။
အင်းစိန်ထောင်တွင်း ဆန္ဒပြသူများ၏ အဓိက တောင်းဆိုချက်များမှာ သင့်တင့်ကောင်းမွန်သော အစားအသောက် လုံလောက်စွာ ရရှိရေး၊ ကျန်းမာရေး စောင့်ရှောက်မှု ကောင်းမွန်စွာရရှိရေး စသည့် နိုင်ငံရေးအကျဉ်းသားများ၏ ရပိုင်ခွင့် များကို တောင်းဆိုခြင်း ဖြစ်ကြောင်း သိရသည်။
“ပြီးခဲ့တဲ့ လွတ်ငြိမ်းချမ်းသာအမိန့်ကြောင့် နိုင်ငံရေးအကျဉ်းသားလွတ်လာတာက ၄၀ ကျော်ပဲ ရှိတယ်။ အခုက အင်းစိန်ထောင် နိုင်ငံရေး အကျဉ်းသားတွေ ကလည်း သူတို့ဆက်ပြီး ဆန္ဒပြနေ ကြသေးတယ်၊ ကျနော်တို့ ဒီကိစ္စ အပေါ်လည်း ကြေညာချက်လည်း ထုတ်ထားတယ်”ဟု ထိုင်းနိုင်ငံ အခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) အတွင်းရေးမှူး ကိုတိတ်နိုင်က ပြောသည်။
ကုလသမဂ္ဂ အထွေထွေ အတွင်းရေးမှူးချုပ်၏ အထူးအကြံပေးအရာရှိ မစ္စတာ ဗီဂျေ နမ်ဘီယာ က မြန်မာ အစိုးရသစ်၏ လွတ်ငြိမ်း ချမ်းသာခွင့် အမိန့်၌ နိုင်ငံရေး အကျဉ်းသား အနည်းငယ်ကို ထည့်သွင်း လွှတ်ပေးခဲ့ခြင်းသည် မှန်ကန်သည့် လမ်း ကြောင်းပေါ်သို့ ခြေလှမ်း လိုက်ခြင်း ဖြစ်သော်လည်း မျှော်လင့် ထားသည်ထက် အလွန်နည်းကြောင်း ကုလသမဂ္ဂ လုံခြုံရေး ကောင်စီကို တင်ပြခဲ့သည်။
ထို့အပြင် သမ္မတ၏ လွတ်ငြိမ်းချမ်းသာအမိန့် ကြေညာပြီး နောက်တရက်မှာလည်း အကျဉ်းသားတချို့က အဆိုပါ အမိန့်အပေါ် မကျေနပ် ကြသည့် အတွက် အော်ဟစ် ပြောဆိုမှုများလည်း နိုင်ငံတ၀န်းရှိ အကျဉ်းထောင် များစွာ၌ ဖြစ်ခဲ့ကြောင်း အကျဉ်းထောင်နှင့် နီးစပ်သူများက ပြောသည်။
ရခိုင်ပြည်နယ် ဘူးသီးတောင်ထောင်သို့ ၈၈ မျိုးဆက် ကျောင်းသားခေါင်းဆောင် တဦးဖြစ်သူ ကိုဌေးကြွယ်အား ထောင် ၀င်စာ သွားရောက် တွေ့ပြီးပြန်လာခဲ့သည့် ယောက်ဖဖြစ်သူ ကိုဖြိုးမင်းသိန်းက“ကိုဌေးကြွယ်က ပြောလိုက်တာက သူတို့ ၈၈ ကျောင်းသား တွေကို ထောင်ဒဏ် ၆၅ နှစ် ကျော်တွေချထားပြီး အခု သမ္မတရဲ့လွတ်ငြိမ်းချမ်းသာအမိန့်က တနှစ် လျှော့ပေါ့ ခံစားခွင့် ဆိုတာက စော်ကား လိုက်သလို ခံစား ရတယ်လို့ပြောတယ်”ဟု ဧရာဝတီကို ပြောသည်။ “နိုင်ငံရေး အကျဉ်းသား မရှိဘူးလို့ လက်ရှိ အစိုးရ ဆက်ပြောနေတာဟာ အရင် စစ်အစိုးရ အတိုင်းပဲ မပြောင်းလဲချင်ဘူး ဆိုတာ ထင်ရှားနေတယ်လို့ သူကပြောတယ်”ဟုလည်း ၄င်းက ဆက်လက် ပြောဆိုသည်။
၂၀၀၇ ခုနှစ် ရွှေဝါရောင် သံဃာ့လှုပ်ရှားမှုကြီး၏ ဦးဆောင်ဆရာတော် တပါးဖြစ်သည့် ထောင်ဒဏ် ၆၃ နှစ် ကျခံနေရသူ ဦးဂမ္ဘီရ၏ နှမဖြစ်သူ မသူဇာဌေးက“ကလေးထောင်က ဆရာတော် ဦးဂမ္ဘီရနဲ့ ကျန် နိုင်ငံရေး အကျဉ်းသားတွေကလည်း နိုင်ငံရေး တွေ့ဆုံ ဆွေးနွေးဖို့နဲ့ နိုင်ငံရေး အကျဉ်းသားတွေ လွှတ်ဖို့စတဲ့ သူတို့ဆန္ဒကို စာပို့တယ်။ ဆက်ပြီး ကျန်တဲ့နိုင်ငံရေး အကျဉ်းသားတွေကလည်း ထောင်ပိုင်ကနေ တဆင့်ပေါ့ ပြည်ထဲရေး ၀န်ကြီးဆီကိုရော သမ္မတဆီ ကိုပါ ဆက်ပြီးတင်ပြနုင် ဖို့ အတွက် လုပ်နေကြတယ်”ဟု ပြောသည်။
သမ္မတ၏ အမိန့်ထုတ်ပြန်ကြေညာပြီးနောက် သေဒဏ်ကျ အကျဉ်းသား ၃၄၀ ကျော် တသက်တကျွန်း ထောင်ဒဏ်သို့ လျှော့ပေါ့ ပြောင်းလဲပေးခြင်း အပေါ်ပျော်ရွှင်ကြရကြောင်း ၄င်းတို့၏ မိသားစုဝင်တချို့က ပြောသည်။
တသက်တကျွန်း ပြောင်းလဲကျခံရသူများထဲတွင် အာဏာရှင်ဟောင်း ဦးနေ၀င်း၏ သားသမက်နှင့် မြေး ၃ ဦး လည်း ပါဝင် ခဲ့ရာ မေလ ၁၈ ရက်နေ့တွင် ဒေါ်စန္ဒာဝင်းလည်း အင်းစိန်ထောင်သို့ ထောင်ဝင်စာ လာရောက် တွေ့သွားခဲ့ကြောင်း သိရသည်။ ဦးအေးဇော်ဝင်းနှင့် ၄င်း၏သား ၃ ဦးတို့ကို ယခင် ထိန်းသိမ်းထားရာ အင်းစိန်ထောင် အထူးဝင်းရှိ လုံးချင်း အိမ်ရာများတွင် ဆက်လက် ထားရှိဆဲဟု သိရသည်။
“ဒီအမိန့်ထုတ်ပြီး ပြန်လွတ်လာသူတွေဆီက အခုထောင်တွေမှာ မကျေနပ်ကြဘူးဆိုတဲ့ အသံတွေ ကြားနေရတယ်။ ဒါကတော့ ဒီလို ဖြစ်လာမှာပဲ။လွတ်ငြိမ်း ချမ်းသာခွင့်မှ မဟုတ်တာ။ နောက်ထပ် လုပ်လာနိုင် စရာတွေက တိုက်ခွဲ ထားတာတွေ၊ ထောင်ပြစ်ဒဏ် ပေးတာတွေနဲ့ ထောင်ပြောင်းတာတွေ ဖြစ်လာနိုင်တယ်”ဟု အမျိုးသား ဒီမိုကရေစီ အဖွဲ့ချုပ် ခေါင်းဆောင် တဦးဖြစ်သူ ဦးဝင်းတင်က ပြောသည်။
၁၉၆၂ ခုနှစ် အာဏာရှင် ဦးနေ၀င်းလက်ထက်က နိုင်ငံရေးအကျဉ်းသားတချို့ကို ကိုကိုးကျွန်းသို့ ပို့ဆောင်ပြီး ကျွန်းစနစ် ကို ကျင့်သုံးခဲ့ရာ နိုင်ငံရေး အကျဉ်းသား အခွင့်အရေး အတွက် ကျွန်းတိုက်ပွဲဟု ခေါ်တွင်သော နိုင်ငံရေး အကျဉ်းသားများ ၏ အစာငတ်ခံ ဆန္ဒပြမှုကြောင့် နိုင်ငံရေး အကျဉ်းသား ၈ ဦး သေဆုံးခဲ့ရသည်။ နောက်ဆုံးတွင် ဦးနေ၀င်းက ကျွန်းစနစ်ကိုဖျက် သိမ်းပေးလိုက်သည်။
၁၉၈၈ ခု စစ်အစိုးရ တက်လာပြီးနောက်ပိုင်း မြန်မာနိုင်ငံအကျဉ်းထောင်အသီးသီးတွင် နိုင်ငံရေး အကျဉ်းသားများက အစာငတ်ခံ ဆန္ဒပြခြင်းများ အပါအ၀င် ထောင်တွင်း တိုက်ပွဲများ လုပ်ခဲ့ကြရာ ထောင်အာဏာပိုင် များနှင့် တာဝန်ရှိသူများ ၏ ရက်စက်စွာ ဖြိုခွင်းခြင်းများကို ရင်ဆိုင် ခဲ့ကြရသော်လည်း အောင်မြင်မှုများလည်း ရှိခဲ့ကြောင်း သိရသည်။
၁၉၉၈ ခုနှစ် မေလ ၅ ရက် နေ့တွင် ပဲခူးတိုင်း သာယာဝတီ အကျဉ်းထောင်တွင် အစာငတ်ခံ ဆန္ဒပြမှုကြောင့် နိုင်ငံရေး အကျဉ်းသား ကိုအောင်ကျော်မိုး သေဆုံး ခဲ့ရဖူးသည်။
AAPP မှ ထုတ်ပြန်သည့်စာရင်းများအရ အင်းစိန်ထောင်တွင် နိုင်ငံရေးအကျဉ်းသား ၄၀၀ ကျော် ရှိနေပြီး မြန်မာတနိုင်ငံ လုံးတွင် နိုင်ငံရေး အကျဉ်းသားပေါင်း ၂ဝ၀၀ ကျော် ရှိနေဆဲဖြစ်သည်ဟု သိရသည်။
Ref: ဧရာဝတီ်
Monday, May 23, 2011
လျှိုမြောင် ၃ သွယ် ရေကာတာ ကိစ္စ တရုတ်အစိုးရ ပြန်သုံးသပ်မည်
တနင်္ဂနွေ, 22 မေ 2011
တရုတ်နိုင်ငံ ယန်ဇီမြစ်ပေါ်က လျှိုမြောင် ၃ သွယ် ရေကာတာကြီးကို လည်ပတ်နေတဲ့ လုပ်ငန်းတွေကို ပြန်လည် သုံးသပ် မွမ်းမံ သွားမယ်လို့ တရုတ်အစိုးရက ပြောလိုက်ပါတယ်။
ရေကာတာကြီးမှာ အရေးပေါ် ပြဿနာတွေ ရှိနေတယ်ဆိုတာ အစိုးရ စာရင်းစစ်တွေက မကြာခင်က တွေ့ရှိ ခဲ့ပြီးနောက်မှာ အခုလို ကြေညာချက် ထွက်ပေါ်လာခဲ့တာပါ။
ရေကာတာကြီး လည်ပတ်မှုနဲ့ ပတ်သက်တဲ့ စာရင်းကိုင်မှု၊ ရင်းနှီးမြှုပ်နှံမှု၊ လေလံစွဲမှု၊ စီမံခန့်ခွဲမှု စတဲ့ကိစ္စတွေနဲ့ ဆက်စပ်နေတဲ့ ပြဿနာ ၃၁ ခုကို စာရင်းစစ်ရာမှာ တွေ့ရှိခဲ့တယ်လို့ တနင်္ဂနွေနေ့က ထုတ်ပြန်တဲ့ အစိုးရအာဘော် ဆင်ဟွာ သတင်းမှာ ဖော်ပြထားတာပါ။
ရေကာတာကို လည်ပတ်နေတဲ့ China Three Gorges Cooperation က ဒီပြဿနာတွေကို ကိုင်တွယ် နေပြီလို့လည်း သတင်းက ပြောပါတယ်။
အမေရိကန်ဒေါ်လာ ၂၅ ဘီလီယံ အကုန်ခံ ဆောက်ထားတဲ့ ကမ္ဘာပေါ်က အကြီးဆုံး ရေအားလျှပ်စစ် ထုတ်လုပ်ရာ လျှိုမြောင် ၃ သွယ် ရေကာတာကြီးကြောင့် သဘာဝ ပတ်ဝန်းကျင် ထိခိုက်မှုတွေ၊ ပထဝီ မြေအနေအထား အပေါ် ထိခိုက်မှုတွေ၊ စီးပွားရေး ဆိုင်ရာ ပြဿနာတွေ ရှိနေတယ် ဆိုတာကို တရုတ်အစိုးရက ဝန်ခံခဲ့ပြီး ရက်ပိုင်းအကြာမှာပဲ အခုလို သတင်း ထုတ်ပြန်တာ ဖြစ်ပါတယ်။
ညစ်ညမ်းမှုတွေ မဖြစ်အောင်နဲ့ ရေကာတာကြီး တည်ရှိရာနဲ့ အနီးဝန်းကျင်မှာ သဘာဝဘေးဒဏ်တွေ ကျရောက်မယ့် အန္တရာယ် တွေကနေ ကာကွယ်ဖို့ အရေးပေါ် ဆောင်ရွက်မှုတွေ လုပ်ဖို့ လိုနေပြီလို့ ဗုဒ္ဓဟူးနေ့ကပဲ တရုတ်အစိုးရက ထုတ်ဖော် ပြောကြားခဲ့ပါတယ်။
ဟူဘေး (Hubei) ပြည်နယ်မှာ ရေကာတာ ဆောက်လုပ်ဖို့အတွက် လွန်ခဲ့တဲ့ ဆယ်စုနှစ်ဆန်းပိုင်း ကတည်းက အတင်းအကျပ် နေရာရွှေ့ပြောင်းခံရတဲ့ လူပေါင်း ၁,၄၀၀,၀၀၀ ရဲ့ ဘဝတွေ တိုးတက်ရေးကို ဆောင်ရွက်ပေးဖို့ အတွက်ကိုလည်း တာဝန်ရှိသူတွေက တောင်းဆို ခဲ့ပါတယ်။
တရုတ်နိုင်ငံအတွက် အဓိက အားထားစရာ ယန်ဇီမြစ်ပေါ်မှာ ဧရာမ ရေကာတာကြီး ဆောက်လုပ်တဲ့ အတွက် သဘာဝ ပတ်ဝန်းကျင် ထိန်းသိမ်း သူတွေက ဟိုးအရင် နှစ်ပေါင်းများစွာတည်းက ဝေဖန်ပြစ်တင်နေတာဖြစ်ပြီး သဘာဝ ပတ်ဝန်းကျင်ဆိုင်ရာ ထိခိုက် ပျက်စီးမှုတွေ ဖြစ်လိမ့်မယ်လို့လည်း သတိပေးနေခဲ့တာ ဖြစ်ပါတယ်။
Ref: VOA News
သမဂ္ဂံ တပေါသုခေါ
ဘိုဘိုလန်းစင်
သောကြာနေ့၊ မေလ ၂၀ ရက် ၂၀၁၁
(၁)
ဝိုင်အမ်ဘီအေခေါ် ဗုဒ္ဓဘာသာကလျာဏယုဝ အသင်း ၁ဝ၅ နှစ်ပြည့်သည့်သတင်း ဆောင်းပါး တပုဒ်တွင် ဖတ်လိုက်ရသည်။ အသင်းကြီးသည် ယခုအခါ လူအိုရုံ တပိုင်းဘဝနှင့် ဆက်လှုပ်ရှားနေဆဲ။ ရွေးကောက်ပွဲ တောခြောက်ချိန်က အသင်း ခန်းမတွင် ရဲထွန်းဆိုသည့် နိုင်ငံရေး သမားက ငှားရမ်း မဲဆွယ်သည် ကြားလိုက်၍ ရင်ဘတ် နာလှသည်။ အသင်းထောင်သည့် ထဲက ဆာအမ်အေမောင်ကြီး (ရဲတပ်ဗိုလ်ချုပ်)နှင့် နန်းရင်းဝန်ဟောင်း ဦးပုတို့မှာ ရွှေကျင်ဘက်က အဖိုး၏ ဦးကြီးများဖြစ်၍ သံယောဇဉ် ရှိသည်သာမက ကျနော့ အဖွားဘက်ကလည်း မန္တလေးတွင် ဝိုင်အမ်ဘီအေထက် စောသော ဘိတ်အသင်း လှုပ်ရှားမှု မျိုးဆက်များဖြစ်၍ သက်တော်ရှည် လူမှုကူညီရေး အသင်းတသင်း အဖြစ် အာရုံပြုမိပါသည်။
ဝိုင်အမ်ဘီအေလက်ရှိဥက္ကဋ္ဌမှာ မိုးဒေဝါမလှရွှေ၊ စာရေးဆရာမ ဏီဏီယဉ်တို့ခင်ပွန်း မင်္ဂလာယဉ်ကျေးမှု အစ မင်္ဂလာ ဦးဘသန်းသမက်ဟောင်း ဦးဇော်ဝင်းဇော် (နိုင်ငံခြားရေး အရာရှိဟောင်း) ပင် ဖြစ်မည် ထင်ပါသည်။ ဝိုင်အမ်ဘီအေ ဥက္ကဋ္ဌ ဘယ်သူလဲ ဆိုတာ ဗုဒ္ဓဘာသာဝင် အများစုလွှမ်းမိုးသော တိုင်းပြည်က မသိတော့ပါ။ ထိုထက် ဝိုင်အမ်စီအေကဲ့သို့ လှုပ်ရှား ဆောင်ရွက်မှုတွင် ကမ္ဘာနှင့် တန်းတူ လိုက်သော အသင်းများ၏ လူမှု ယဉ်ကျေးမှု စက်ဝန်းထဲ ဗုဒ္ဓဘာသာ ဆိုသည့် လူငယ်များ ဝင်ရောက် ပါဝင် ဆောင်ရွက် နေကြချိန်တွင် ဝိုင်အမ်ဘီအေက ဆံပင်ရှည်ပြိုင်ပွဲ၊ ဘိုးဘွားပူဇော်ပွဲ၊ ဘာသာရေး စာပြန်ပွဲလောက်နှင့် တန်းကုန်နေအုံးမည် မှတ်ပါသည်။
ထိုထက် မြန်မာပြည်မှာ စစ်အာဏာသိမ်းကထဲက လူမှုအဖွဲ့အစည်းမရှိတော့၍ အရပ်ဘက် အဖွဲ့အစည်းတွေ အားသန်အောင် ပြည်ပက ကူညီရမယ် ဆိုသည့် အန်ဂျီအို သမားများ၏ မိုးသံလေသံ ကလည်း ကြီးလှပါသေးသည်။ တကယ်က ဗိုလ်ချုပ်နေဝင်းခေတ် ဘာသာရေးမှ လွဲ၍ အသင်းတော်တော်များများ ပျက်ကုန်သော်လည်း မြန်မာ ရပ်ရွာ ယဉ်ကျေးမှုအရ ရပ်ရွာလူကြီးများ၊ ဈေးသူဈေးသား အဒေါ်ကြီးများနှင့် ကာလသား သမီး အုပ်စုများ၏ လူမှုကွန်ယက်မျိုးက မဆလ တခေတ်လုံး ချိနဲ့ သွားသည် မဟုတ်ပါ။ ထိုအရပ်သား ဓနသြဇာ မိတ္တဗလအားကို သိသော အာဏာရ လူတန်းစားကလည်း ပြည်သူပိုင်၊ ရာတန်စသည့် ပိုင်ဆိုင်မှုဓားပြ အမျိုးမျိုး၊ မီးဘေးရေဘေး ဈေးဖျက်သိမ်းသည့်ဘေး စသည့် ဘေးပေါင်းစုံနှင့် ဖိနှိပ်ရုံသာမက လမ်းစဉ်လူငယ်၊ လမ်းစဉ်ပါတီ အရံအင်အား စသည့် ဖဲ့ထုတ် စည်းရုံးသည့် နည်းများကို ယခုတိုင် ကျင့်သုံးဆဲ ဖြစ်သည်။
(၂)
အတိုက်အခံစော်နံသော နာရေးကူညီမှုနှင့်ပြိုင်၍ အလောင်းလုသည်ဆိုသော ကြံ့ခိုင်ရေး လက်ကိုင်ပြု အစိုးရက ပြည်ပ အထောက်အပံ့ယူ အန်ဂျီအိုများကို ပြည်တွင်း ဝင်ခွင့် ပေးထားသည်ကလည်း တမျိုးတော့ ဆန်းသည် ထင်ရသည်။ အတိုက်အခံနှင့် နိုင်ငံရေး မနွယ်သော အဖွဲ့အစည်းများ၏ ဘဏ္ဍာရေး လမ်းကြောင်းကို စောင့်ကြည့် အကဲခတ် နေချိန်မှာပင် ဝန်ကြီးများ သြဇာခံ ပညာရှင် ဆိုသူ အရာရှ်ိ ပင်စင်စားများ၊ အရပ်သား ဝန်ကြီးတချို့၏ အမျိုးအဆွေများ၊ မဆလ အမျိုးအနွယ်များ၊ အစိုးရသြဇာ မလွန်ဆန်နိုင်သော ခေတ်ဟောင်း အရာရှိမျိုးနွယ်များ စသည့်သူ တချို့၏ လှုပ်ရှားမှုများကိုတော့ အတော် လျှော့ပေါ့ ပေးထားရုံမက ထိုသူများက အစိုးရ၏ ပတ်ဝန်းကျင် ထိန်းသိမ်းမှုလျော့ရဲခြင်း၊ သယံဇာတ ပြုန်းတီးမှုများ အပေါ် ပြည်တွင်းပြည်ပ မီဒီယာများတွင် မှတ်ချက်ပေး ဝေဖန်သည် တို့ကိုလည်း အတော်ဘေးမဲ့ ပေးထားသည်ကို ဒီမိုကရေစီပြရုပ်တခု အဖြစ် တွေ့ရပြန်သည်။
ဘေးမဲ့ပေးဆို ဗိုလ်ချုပ်နေဝင်းခေတ်ကကဲ့သို့ ဘုန်းကြီးတွေထဲလဲ စီအိုင်အေက မွှေနေတာဘဲ၊ မန္တလေးက ရဟန်းပျို၊ ရန်ကုန် ကျားကျောင်းတွေမှာ သူတို့ လက်ရာ ခြေရာတွေဟု ကြောက်လန့် တကြားနှင့် ရှိရှိသမျှ ဖောင်ဒေးရှင်း အကူအညီ ပေါင်းစုံကို ကန်တော့ဆွမ်း လုပ်လွှတ်စရာ မလိုတော့ပါ။ မြန်မာပြည် အနီးတွင် ဘာစစ်မီးမှ တောက်မနေတော့ သလို တဖက်က အိမ်နီးချင်း ဆွေမျိုး ပေါက်ဖော်ကြီးနှင့် စီးပွားကူးသန်းက သပိတ်ဝင် အိတ်ဝင် ဖြစ်နေပီ မဟုတ်ပါလား။ တောင်ပေါ်က သူပုန် အုပ်စုတွေကို ရှင်းလိုက်လျှင် တရုတ်မှ ထိုင်းထိ အာစီယံ လမ်းကြီး ပေါက်တော့မည် မဟုတ်ပါလား။
ထိုသို့ စစ်အာဏာခိုင်နေချိန်တွင် ဟန်ပြဒီမိုကရေစီကြိုးဝိုင်း အဖြစ် ပြစရာ ပတ်ပတ်နပ်နပ် ရှိသည့် အန်ဂျီအို သာသနာပြု သတင်းဂျာနယ် စသည်တို့ကို သိမ်းသွင်း ပျိုးထောင်ထားပီးလည်း ဖြစ်သည်။ စာဖတ်သူတွေ စိတ်ထွက်ပေါက် အစိုးရကို ဆဲစရာ မှတ်ချက်ပေးလို့ ရသည့် သတင်းဂျာနယ်တွင် မည်သူ့ ရှယ်ယာပါသည် ဆိုသည်က လွန်ခဲ့သည့် ၅နှစ်-၆ နှစ် ခန့်ကထဲက မွှေးလှသည်။ အစိုးရကို ဖဲ့သည့် လက်ခုပ်ခြူ သတင်းလေးများထဲ့လိုက် အစိုးရ ပေါ်လစီဘက် သိမ်းသွင်းသည့် အကျိုးပြု သတင်းမျိုး ထဲ့လိုက်နှင့် အကွက်စေ့ပုံက ပေါ်တင်ဖားသည့် ဂျာနယ်တချို့နှင့် ကွာလှသည်။ နာဂစ်ကာလ အစိုးရ ကယ်ဆယ်ရေးကို အမွှမ်းတင် ကာကွယ် ပေးချိန်၊ ရွေးကောက်ပွဲ အကြို ဘေးတီးပေးချိန်နှင့် ရွေးကောက်ပွဲ မဲခိုးချိန် တချက်ထ၍ ဝေဖန်သံ ဟစ်လိုက် ချိန်များက ဂျာနယ်ကြီး တချို့ကို ယှဉ်ဖတ်ကြည့်လျှင် လွတ်လပ်သော ဝါဒဖြန့် မီဒီယာသဘောကို ပိုသိလာမည်။
ထို့အတူ သံဃာ့အရေးအခင်းတွင်း အစိုးရမကောင်းကြောင်း တရား ဟောပြကာ လူထု အကြည်ညို ခံပီး အစိုးရ ထောင်တွင်း အခြေအနေ များစွာ ကောင်းသည်ဟု မုသာဝါဒရှေ့ဆောင် လုပ်ပေးသည့် ပြည်ပ အန်ဂျီအိုကြီးများ ဝင်ထွက် ဆည်းကပ်ရာ အန်ဂျီအို ဆရာတော်ကြီးမျိုးလည်း ရှိပါ၏။ နာဂစ် ကယ်ဆယ်ရေးဖြင့် ပြည်ပ အဝေးရောက်များ အကြည်ညိုလည်း ယခုတိုင်ခံကာ ပြည်သူ့ ဂုဏ်ရည် စာရင်းပင် ပေါက်လိုက်သေးသည်။
(၃)
တိမ်မယောင်နှင့်ခက်သည့် အန်ဂျီအိုလောကတွင် ပြည်သူ့ မေတ္တာကို အထူး ခံယူရနေသော အဖွဲ့တဖွဲ့ တွင်လည်း အသင်းထက် ခေါင်းဆောင် ပြရုပ်က ပိုလွန်းနေသည်က ဝါဒဖြန့်အား မီဒီယာ သဘောအရ ဟုတ်သော်လည်း ရေရှည် အသင်း တည်တံ့ရေးတွင် အသင်းပုံရိပ် အသင်း စိတ်ဓာတ် မှိန်ဖျော့ ချို့တဲ့စရာဟု မြင်မိသည်။ ဝိုင်အမ်ဘီအေကို ဦးဘဘေ အဖွဲ့ဟု မည်သူမှ မသိတော့ပါ။ ဦးဘဘေ၏ သူရိယကျေးဇူးနှင့် ဝိုင်အမ်ဘီအေ အရှိန် တက်ခဲ့သော်လည်း ဘကြီးမူပိုင် မလုပ်ခဲ့ပါ။ လူငယ်များ ကြီးပွားရေး အသင်း၊ ဂျပန်ခေတ် အာရှလူငယ်၊ ၁၉၆ဝ ကျော်က အထက်ဗမာပြည် စာရေးဆရာ အသင်း စသည်တို့ တွင်လည်း အဖေကြီးများ မရှိပါ။ မန္တလေး ဗြဟ္မစိုရ်ကို လူထုဒေါ်အမာ၏ ကလောင်အား၊ တောင်စလင်း ဆရာတော်၏ မတည်မှုတို့နှင့် တည်ခဲ့သော်လည်း မည်သူမျှ အသင်း ဓိပတိဖြစ်အောင် မကြံသလို မြို့မမြို့ဖအားလုံး ညီမူရာစိတ်ဖြင့် မြို့ကျိုးပြည်ကျိုးသာ ဦးထိပ်ရွက်ကာ နောက်ကွယ်က လူမသိအောင် လှုပ်ရှား လာကြသည်။
ဝိုင်အမ်ဘီအေမှာ ပညာရေး၊ ဘာသာရေးတို့တွင် လူမျိုးခြား ဘာသာခြား သြဇာကြီးမှုကို ချေဖျက်ရန် အမျိုးသား ခေတ်မီ လုပ်ငန်းအဖြစ် အိန္ဒိယက အသင်းများအလား တည်ထောင် လှုပ်ရှားခဲ့သည့် ဘူဇွာ ကွန်ယက် ဖြစ်ပါသည်။ ဝိုင်အမ်ဘီအေ တွင်းက အစိုးရ လူကြီးပိုင်းနှင့် လူငယ်ပိုင်း တိုက်ပွဲကလည်း ပြင်းခဲ့သည်။ သို့သော် မဆုတ်နစ်သော အားထုတ်မှု အမြင်ကြီးမှု တို့ကြောင့် အသင်းသက် ၁ဝ နှစ်ကျော်တွင်ပင် မြန်မာပြည် အုပ်ချုပ်ရေး ပြုပြင်မှုအတွက် အသင်းက ကိုယ်စားလှယ် လွှတ်နိုင်သည်ထိ တန်ခိုး ပြနိုင်ခဲ့သည်။ ထို့နောက် ဂျီစီဘီအေကဲ့သို့ နိုင်ငံရေး အဖွဲ့ချုပ်ထိ အဆင့်တက်ပီးမှ ကွန်ဂရက်ကြီး မဖြစ်ခဲ့ပဲ ပျက်ခဲ့ရသည်။
ယခုလို အတိုက်အခံပါတီကြီးစစ်စစ်ပင် နေ့လားညလား မရေရာသည့် အချိန်မျိုးတွင် နိုင်ငံရေး သက်ဆက် ဖြစ်ရမည့် လူမှုရေး ဘာသာရေး ကွန်ယက် အဖွဲ့အစည်းများ အနေဖြင့်လည်း ဒီမိုကရေစီ သဘော အသင်းအဖွဲ့ သရုပ် ပိုပီအောင် အားထုတ်ပီး နိုင်ငံရေး ဒေါင်ဒေါင်မြည်သည့် ကုမ္မာရီ အသင်းများ၊ ရဲတပ်၊ အာရှလူငယ်၊ ကမ္ဘာ့ငြိမ်းချမ်းရေး ကွန်ဂရက် စသည်တို့လို အမြုတေ ဖြစ်သင့်တော့သည်။ ခြင်းကစား၊ ဘောလုံးကန်၊ စာကျက်ဝိုင်း၊ တောင်တက်၊ ဆွမ်းတော်ကြီးကပ် လူမှုဘဝ မှန်သမျှ လူထု စုစည်းမှုကို ဦးတည်စေမှသာ နိုင်ငံရေးက တဦးတဖွဲ့ တစု တွင်သာ ပိတ်လှောင် မနေပဲ မြန်မာနှင့်အ ဝှမ်း သက်ရောက် အားမြင့် လာလိမ့်မည်။
Ref: မဇ္ဈိမ
သစ္စာဖောက်ခံရသော သူပုန်အကျဉ်းထွက်များနှင့် တွေ့ဆုံခြင်း
ကိုပေါက်
ကြာသပတေးနေ့၊ မေလ ၁၉ ရက် ၂၀၁၁
နယူးဒေလီ (မဇ္ဈိမ) ။ ။ ၁၃ နှစ်ကြာ ချုပ်နှောင်ခံခဲ့ရသော ရခိုင်နှင့် ကရင် မျိုးချစ်သူပုန် ၃၁ ဦးသည် ကြာသပတေး နေ့လည် ပိုင်းတွင် အိန္ဒိယနိုင်ငံ ကိုလ်ကာတာမြို့ရှိ Presidency အကျဉ်းထောင်မှ ပြန်လည် လွတ်မြောက် လာခဲ့သည်။
တိုင်းရင်းသားလူမျိုးများ တန်းတူရေးနှင့် ကိုယ်ပိုင်ပြဋ္ဌာန်းခွင့်အတွက် မြန်မာစစ်အစိုးရကို တော်လှန်နေသည့် ကရင် အမျိုးသား အစည်းအရုံး KNU နှင့် ရခိုင် အမျိုးသား စည်းလုံး ညီညွတ်ရေးပါတီ NUPA မှ တပ်ဖွဲ့ဝင်များ ဖြစ်သည်။
အိန္ဒိယ စစ်ထောက်လှမ်းရေး အရာရှိတဦး အစီအစဉ်ဖြင့် ကပ္ပလီပင်လယ် အန္ဒမန်ကျွန်းစုရှိ လန်းဖောကျွန်း၌ စစ်မျက်နှာ ဖွင့်နိုင်ရေး အတွက် လာရောက်စဉ် ၁၉၉၈ ဖေဖော်ဝါရီလ ၁၁ ရက်တွင် ဖမ်းဆီး ခံခဲ့ရသည်။ ၎င်းတို့ ခေါင်းဆောင် ၆ ဦးလည်း ထိုကျွန်း၌ပင် အိန္ဒိယအာဏာပိုင်များ၏ သတ်ဖြတ် ခံခဲ့ရသည်။
CBI အမည်ရှိ အိန္ဒိယ ဗဟိုစုံစမ်းစစ်ဆေးရေး အဖွဲ့က ၁၉၉၈ ဖေဖော်ဝါရီ ၁၈ နေ့စွဲဖြင့် ပထမ သတင်းပေး တိုင်တန်းချက် FIR အပေါ် အခြေခံ၍ သူတို့ကို အိန္ဒိယသို့ တရားမဝင် ခိုးဝင်မှု၊ လက်နက်နှင့် ပေါက်ကွဲစေတတ်သော ပစ္စည်းများ လက်ဝယ် ထားမှုဖြင့် တရားစွဲခဲ့သည်။
အထိန်းသိမ်းခံကာလ ၁၂ နှစ်နှင့် ရုံးတင်ကာလ ၄ နှစ်နီးပါး အကြာတွင် သူပုန်များ ဘက်က အိန္ဒိယနိုင်ငံ ပြစ်မှုဆိုင်ရာ ကျင့်ထုံးဥပဒေ ပုဒ်မ ၂၆၅ (ခ) အရ လျှောက်ထား နိုင်ခဲ့သည်။ အဆိုပါ လျှောက်ထားမှုကို သဘောတူကာ ထိန်းသိမ်း ခံထားရသူ ၃၄ ဦးကို တဦးလျှင် ဒဏ်ငွေ ရူပီး ၆ဝဝဝ ဆောင်စေကာ ထောင်ဒဏ် ၃ နှစ်လည်း ချမှတ်ခဲ့သည်။ သို့သော် သူတို့အနေဖြင့် အဆိုပါ ပြစ်ဒဏ်ကို ကျခံပြီး ဖြစ်သည့်အတွက် ပယ်ဖျက်ပေးခဲ့သည်။ စုစုပေါင်း အထိန်းသိမ်း ၃၄ ဦးအနက် ယနေ့ ၃၁ ဦးသာ ပြန်လွတ်လာခဲ့ပြီး ကျန် ၃ ဦးမှာ အခြား အမှုအခင်းများဖြင့် တရား ရင်ဆိုင်ရန် ဆက်လက် ချုပ်နှောင် ခံရဆဲ ဖြစ်သည်။
မျိုးချစ်သူပုန် ၃၁ ဦးထဲမှ ၃ ဦးကို ၎င်းတို့ ခံစားချက်၊ လန်းဖောကျွန်းနှင့် ထောင်တွင်း အတွေ့အကြုံ၊ အနာဂတ် ရည်ရွယ်ချက် များကို သိရှိနိုင်ရန် မဇ္ဈိမ သတင်းထောက် ကိုပေါက်က ဆက်သွယ် မေးမြန်းထားပါသည်။
ဓညလင်း
(ရခိုင်အမျိုးသား စည်းလုံးညီညွတ်ရေးပါတီ NUPA)
မူလတန်းကျောင်းအုပ် ဦးထွန်းအောင်၏ မွေးချင်း ၄ ဦးအနက် တဦးတည်းသော သားဖြစ်သည်။ စစ်တွေ ကောလိပ်တွင် သမိုင်းအဓိက ဘာသာရပ်ဖြင့် ဒုတိယနှစ် အထိ တက်ရောက်ခဲ့သည်။ ၁၉၈၈ သြဂုတ်လ စစ်ကိုင်းနှင့် မော်လမြိုင်မြို့ လူထု ဆန္ဒပြပွဲကြီးများတွင် ပါဝင် လှုပ်ရှားခဲ့သည်။ ထို့နောက် ရခိုင် ကျောင်းသားလူငယ်များ ကွန်ဂရက် ASYC ဖွဲ့စည်း တည်ထောင်ရာ၌ ဦးဆောင် ပါဝင်ခဲ့သည်။ ထို့ပြင် ၁၉၉ဝ ခုနှစ် ရွေးကောက်ပွဲဝင် ရခိုင် ဒီမိုကရေစီ အဖွဲ့ချုပ် ALD မဲဆွယ် ပွဲများ အတွက်လည်း ပါဝင် ကူညီခဲ့သည်။ နောက်ပိုင်းတွင် စစ်ထောက်လှမ်းရေးက လိုက်လံ ဖမ်းဆီးမှုများကြောင့် ၁၉၉ဝ မှာပင် ထိုင်း-မြန်မာနယ်စပ်သို့ ထွက်ခွာ လာခဲ့သည်။ ၁၉၉၅ စက်တင်ဘာ ၂၇ ရက်နေ့တွင် ရခိုင်ပြည်လုံးဆိုင်ရာ ကျောင်းသားနှင့် လူငယ်များ အစည်းအရုံး AASYC ကို ဖွဲ့စည်းရာ ဒုဥက္ကဋ္ဌ အဖြစ် တာဝန် ယူခဲ့သည်။ ရခိုင် လွတ်မြောက်ရေး ပါတီ ALP ထဲ ဝင်ရောက်ခဲ့သည်။ ၁၉၉၇ မတ်လ ၄ ရက်တွင် ရခိုင်ပါတီ ၄ ခု ပေါင်းပြီး NUPA ခေါ် ရခိုင်အမျိုးသား စည်းလုံး ညီညွတ်ရေးပါတီကို ဖွဲ့စည်းရာ ဗဟို အလုပ်အမှုဆောင် ကော်မတီဝင် ဖြစ်ခဲ့သည်။
အခုလို လွတ်လာတာ ဘယ်လိုခံစားရလဲဗျ။
ပျော်တာပေါ့ခင်ဗျာ။ ၁၃ နှစ် ၃ လနဲ့ ၆ ရက်ဆိုတော့ ကျနော်တို့ရဲ့ဘဝကတော့ တဆစ်ချိုး ပြောင်းလဲ လာတော့ တာပေါ့။ ဒီလောက် အချိန်တွေ ကြာပြီးမှ ပြန်လွတ်လာရတော့ အများကြီး ဝမ်းသာရပါတယ်။ ၃ ယောက် ကျန်ခဲ့တဲ့ အတွက်တော့ စိတ်မကောင်းဘူး ပေါ့ဗျာ။
ကျန်းမာရေးအခြေအနေကော ဘယ်လိုရှိပါသလဲခင်ဗျ။
ကောင်းကြပါတယ်။
ရခိုင်တော်လှန်ရေးထဲကို ဘယ်လို စပြီး ဝင်ရောက်လာခဲ့တာလဲ ခင်ဗျာ။
အဲဒီတုန်းက မဆလနဲ့ နဝတ အစိုးရတွေရဲ့ ပြည်သူလူထုအပေါ် မတရား ရက်စက်မှု၊ ညှဉ်းပန်း နှိပ်စက်မှု တွေကို ကျောင်းနေ အရွယ်ကတည်းက စခံစား သိမြင် လာခဲ့ပါတယ်။ ဒီအစိုးရတွေ ပြောင်းမှဖြစ်မယ် ဆိုတာ သိခဲ့ပါတယ်။ အဲဒီအချိန်မှာ ၈၈၈၈ အရေးအခင်း ပေါ်ပေါက် လာတယ်ပေါ့။ အဲဒီအရေးအခင်းမှာ တက်တက်ကြွကြွ ပါဝင်ခဲ့ပါတယ်။ နောက်ပိုင်းမှာ ပါတီတွေ ထောင်တော့ ရခိုင် ကျောင်းသား ပါတီမှာ ပါဝင်ခဲ့ပါတယ်။
ရွေးကောက်ပွဲမှာတော့ ဝင်မပြိုင်ခဲ့ပါဘူး။ ALD တို့၊ NLD တို့ ပါတီကြီးတွေ မဲနိုင်ဖို့ပဲ လုပ်ခဲ့ပါတယ်။ ရွေးကောက်ပွဲ ပြီးတော့ အာဏာ လွှဲမပေးတဲ့ အပြင် ပါတီတွေကို မတရားအသင်း ကြေညာလိုက်တော့ ဒီတိုင်းဆို အဖမ်း ခံရတော့မှာ ဆိုပြီး ထိုင်းနယ်စပ်ကို တိမ်းရှောင် လာရပါတယ်။ ထိုင်းနယ်စပ်က ကရင်တို့၊ ABSDF တို့၊ မွန်အဖွဲ့တို့က အများကြီး အကူအညီ ပေးကြပါတယ်။ ကျနော်တို့ကလည်း ရခိုင် ကျောင်းသားအဖွဲ့ AASYC ကို ၁၉၉၅ မှာ ထူထောင်ခဲ့ပါတယ်။ နောက်ပြီး ကျနော်ဟာ ရခိုင်လွတ်မြောက်ရေး ပါတီဖြစ်တဲ့ ALP အဖွဲ့ဝင်တယောက် ဖြစ်လာခဲ့ပါတယ်။ အဲဒီနောက်မှာ ပင်လယ်ထဲမှာ တာဝန်ယူဖို့ တာဝန်ပေးပါတယ်။
လက်နက်ကိုင် အဖွဲ့အစည်းထဲကို ဘယ်တုန်းက စတင်ဝင်ရောက်ခဲ့ပါသလဲ။
AASYC ကလည်း အဲဒီတုန်းက လက်နက်ကိုင် အဖွဲ့အစည်းပါပဲ ခင်ဗျ။ အဲဒီတုန်းကလည်း NUPA ဟာ ရခိုင် တိုင်းရင်းသား အဖွဲ့ အစည်းတွေ စုစည်းထားတဲ့ အဖွဲ့ကြီးတခု ဖြစ်ပါတယ်။ အဲဒီထဲကို ဝင်ခဲ့ပါတယ်။
ဘယ်လိုမျှော်လင့်ချက်တွေနဲ့ လန်းဖော (အန္ဒမန်ကျွန်းစု) ကို ပင်လယ်ခရီး ထွက်လာခဲ့ရတာလဲ ခင်ဗျ။
လန်းဖောကျွန်းကို ကျနော်တို့လာရတာက အိန္ဒိယအစိုးရရဲ့ ဖိတ်ခေါ်ချက်နဲ့ လာတာ။ ကျနော်တို့ NUPA ဟာ အိန္ဒိယ အစိုးရကို အကူအညီ ပေးခဲ့သလို အိန္ဒိယ အစိုးရကလည်း ကျနော်တို့ကို တစုံတရာ အကူအညီ ပေးခဲ့ပါတယ်။ ၁၉၉၅ နဲ့ ၉၇ အတွင်းမှာ ကျနော်တို့နဲ့ အိန္ဒိယ အစိုးရ ဆက်ဆံရေး ကောင်းမွန်ခဲ့ပါတယ်။ တော်တော်လေးကို ကောင်းမွန် ခဲ့ပါတယ်။ ကျနော်တို့ရဲ့ ဌာနချုပ်ကို အိန္ဒိယနိုင်ငံ တွင်းက မီဇိုရမ်ပြည်နယ် ပရာဗာမှာ တည်ထောင်ခွင့် ပေးထားခဲ့ပါတယ်။ အဲဒီချိန်မှာ အန္ဒမန်နဲ့ နီကိုဘာ ကျွန်းစုထဲက ကျွန်း တကျွန်းကို နေထိုင်ခွင့်ပေးဖို့ သဘောတူညီ ခဲ့ပါတယ်။ အဲဒါကို အိန္ဒိယ စစ်ထောက်လှမ်းရေးက သဘော တူခဲ့ပါတယ်။ အဲဒီ သဘောတူညီချက်ကြောင့် ကျနော်တို့ လန်းဖောကျွန်းကို လာခဲ့တာ ဖြစ်ပါတယ်။ အိန္ဒိယ အစိုးရက ကျနော်တို့ကို လက်နက်တွေ တပ်ဆင်ပေးမယ်၊ ကျနော်တို့ ရဲဘော်တွေကို စစ်သင်တန်းတွေ ပေးမယ်၊ ပြီးတော့ ထိုင်းနဲ့ ဘင်္ဂလားဒေ့ရှ် ဖြတ်သန်းတဲ့ အခါ အချက်အခြာကျတဲ့ နေရာဖြစ်လို့ အဲဒီမှာ တထောက်နားခွင့် နေရာပေးမယ်။ ကျနော်တို့က ဒါကိုတောင်းဆို ခဲ့လို့ အိန္ဒိယ အစိုးရက ကျနော်တို့ကို ကတိပေးပြီးတော့ အဲဒီကျွန်းကို ပေးမယ်ဆိုပြီး ခေါ်လို့ ကျနော်တို့ လာခဲ့တာ ဖြစ်ပါတယ်။
လာခဲ့တုန်းက စုစုပေါင်း ဘယ်နှယောက်လဲဗျ။
ငါးဖမ်းသမားတွေရောဆို စုစုပေါင်း ၇၂ ယောက်ပါ။
အန်ဒမန်ကျွန်းရောက်ပြီး အဖမ်းခံလိုက်ရတဲ့ နောက်မနက် အဖြစ်အပျက် လေးတွေကို ပြန်ပြောပြ ပေးပါအုံး ခင်ဗျ။
၈ ရက်နေ့ကနေ စထွက်လာပြီးတော့ ၁ဝ ရက်နေ့ ညနေ ၄ နာရီမှာ ကျနော်တို့ လန်းဖောကျွန်းကို ရောက်ပါတယ်။ အဲဒီ လန်းဖောကျွန်းမှာ ကျနော်တို့ရဲ့ အိန္ဒိယ တာဝန်ခံဖြစ်တဲ့ ဗိုလ်မှူးစောထွန်းနဲ့ သူ့လက်ထောက် ကိုရန်နိုင် တို့ကို တွေ့ပါတယ်။ သူတို့နဲ့အတူ အိန္ဒိယ ထောက်လှမ်းရေး ဂရေးဝေါ ရှိနေပါတယ်။ ကျနော်တို့ ရောက်တဲ့အခါ လှိုက်လှိုက်လှဲလှဲ ဝမ်းပန်းတသာနဲ့ ကြိုဆိုကြပါတယ်။ အဲဒီညမှာ ဘာမှ ပြဿနာမရှိပါဘူး။ သူငယ်ချင်းလိုပဲ ပျော်ပျော်ပါးပါး စားသောက်ပြီးတော့ အိပ်ကြပါတယ်။ နောက်နေ့ မနက်ကျတော့ ဂရေးဝေါက ဘာပြောလဲဆိုရင် အိန္ဒိယ အစိုးရ တာဝန်ရှိသူတွေ ရဟတ်ယာဉ်နဲ့ လာမယ်တဲ့။
မနက်မိုးလင်း ကျနော်တို့ကျွန်းနားမှာ အိန္ဒိယရေတပ်ကို တွေ့ရပါတယ်ခင်ဗျ။ သူတို့ရဲ့ လူကြီးတွေဟာ အဲဒီမှာ ရှိတယ်ပေါ့၊ ရဟတ်ယာဉ်နဲ့ လာမှာပေါ့၊ အဲဒါကြောင့် ကြိုဆိုဖို့ နေရာ လုပ်ပါတဲ့။ အဲဒါနဲ့ ကျနော်တို့က ပင်လယ်ကမ်းစပ် သောင်ပြင်မှာ အကုန်လုံး တက်နေ ကြပါတယ်။ အဲဒါပြီးတော့ ကျနော်တို့ လူကြီး ၅ ယောက်ဖြစ်တဲ့ ဗိုလ်ရာဇာ၊ ဗိုလ်မှူးစောထွန်း၊ ဗိုလ်ရန်နိုင်၊ ဗိုလ်လွန်းဇံခိုင်နဲ့ KNU က ပဒိုမူးလွေပါ။ သူတို့ ၅ ယောက်ကို ကျနော်တို့ ရပ်နေတဲ့ နေရာမှာ ရဟတ်ယာဉ် ဆင်းမယ့် နေရာ မရှိဘူးပေါ့။ အဲဒါကြောင့် ကျနော်တို့နဲ့ ခပ်လှမ်းလှမ်း တောတန်းနောက်မှာ ကွင်းရှိတယ်ပေါ့။ အဲဒီကွင်းကို သွားရအောင်ဆိုပြီး အဲဒီ ၅ ယောက်က်ို ခေါ်သွား ပါတယ်ခင်ဗျ။ ခေါ်သွားတုန်းက ၅ ယောက်ပါ။
သူတို့ ထွက်သွားတော့ ခပ်လှမ်းလှမ်းအရောက် သူတို့ကို ကျနော်တို့က မမြင်ရတော့ပါဘူး။ တောတန်းနဲ့ ကွယ်သွား ပါတယ်ခင်ဗျ။ ခဏနေမှ ခေါင်းပေါင်းနဲ့ ပန်ချာစစ်ဗိုလ်က ကျနော်တို့ရှေ့မှာ လာရပ်ပါတယ်။ သူက ဘာပြောလဲဆိုရင် ကျနော်တို့ ခင်ဗျားတို့ဟာ ညီအကိုတွေ၊ ဘာမှ မစိုးရိမ်ကြနဲ့ပေါ့၊ ခင်ဗျားတို့ ဘာအကူအညီ လိုလဲ၊ လိုတဲ့ အကူအညီကို ကျနော်တို့ ကူညီ သွားမယ်လို့ ပြောပါတယ်။ ခင်ဗျားတို့ လက်ကို မြှောက်ပါလို့ ပြောတယ်။ ကျနော်တို့က ဘာကြောင့် လက်မြှောက်ရလဲ၊ ခင်ဗျားတို့ ကျနော်တို့က ညီအကိုပဲ၊ လက်မြှောက်ရမယ် ဆိုရင်လည်း ကျနော်တို့ လူကြီးတွေ လာပါစေအုံး၊ စောင့်အုံးမယ်လို့ ပြန်ပြောတယ်။ ဘာတွေ ဆွေးနွေးထားတယ် ဆိုတာ မသိဘူးတဲ့၊ ဒါကြောင့် လက်သာမြှောက်ပါတဲ့။ အဲလိုအချိန်မှာ စစ်သား ၃-၄-၅ဝ လောက်က ကျနော်တို့ ဘေးနားမှာနေပြီး ကျနော်တို့ကို သေနတ်တွေနဲ့ ချိန်ထားတာပေါ့။
အဲဒီအခါ ကျနော်တို့က သဘောပေါက်ပြီပေါ့။ ကျနော်တို့ကို သူတို့က အမိန့်ပေးနေပြီ၊ ကျနော်တို့ လက်ထဲမှာ ဘာမှ မရှိဘူး နေပေါ့နော်၊ ခုခံစရာလည်း အကြောင်းမရှိဘူး။ သူတို့ခေါ်လို့ လာတာဆိုတော့ ကျနော်တို့ကလည်း လက်မြှောက် ရတာပေါ့။ နောက် ကျနော်တို့ လက်တွေကို ကြိုးချည်တယ်၊ မျက်စိကို ပိတ်တယ်။ ကျနော်တို့ ကိုယ်ပေါ်က အဝတ်အစားတွေ အကုန်လုံး ချွတ်လိုက် ပါတယ်။ နောက် ကျနော်တို့ကို သဲသောင်ပြင်မှာ လှဲခိုင်း လိုက်ပါတယ်။
အဲလိုလုပ်နေတဲ့ အချိန်အထိ KNU က ဗိုလ်မင်းဆွေဟာ ကျနော်တို့နောက်မှာ ရှိနေ ပါသေးတယ်။ ပို့ဘလဲကို ရောက်လို့ ပြန်စစ်ဆေးတဲ့ အခါမှ သူလည်း ပျောက်တဲ့အထဲမှာ ပါသွားပါတယ်။ ကျနော်တို့ကို လက်မြှောက်ခိုင်းပြီးမှ သဲသောင်ပြင်မှာ မှောက်ခိုင်း ပါတယ်။ မျက်စိ ပိတ်လိုက်လို့ ကျနော်တို့ ဘာမှ မမြင်ရတော့ပါဘူး။ ပထမ တုန်းကတော့ ကျနော်တို့ ထင်တာက ကျနော်တို့နဲ့ အရပ်သားတွေ၊ လှေသားတွေ ပါလာတဲ့ အတွက်တော့ မြန်မာအစိုးရ မသိရလေအောင် ဖုံးကွယ်ဖို့ လုပ်တာလို့ စဉ်းစားပါတယ်။
မျက်စိပိတ်နေရချိန်မှာ ကျနော်တို့လူကြီးတွေ သွားတဲ့ဘက်က သေနတ်သံ အချက် ၂ဝ ၊ ၃ဝ လောက် ကြားရပါတယ်။ ဒါပေမဲ့ ကျနော်တို့ ဘာမှ မတတ်နိုင်ပါဘူး။ ကျနော်တို့ လက်ထဲမှာ တစုံတရာ ဘာမှ မရှိပါဘူး။ ဓားတောင် မပါတဲ့အတွက် ခုခံစရာလည်း အကြောင်း မရှိဘူး။ ကျနော်တို့လူကြီးတွေ ဒီလိုဖြစ်လို့ ဒေါသဖြစ်တာပေါ့၊ ဝမ်းနည်းပူဆွေး မိတာပေါ့။ အစားထိုး မရတဲ့ အရာတွေပါ။ ပိုက်ဆံတွေ၊ လက်နက်တွေ၊ ပစ္စည်းတွေကို ရှာလို့ ရပေမယ့် လူကြီးတွေကို ပြန်အစား မထိုးနိုင်ပါဘူး။
ဦးစိုးနိုင်
(ရခိုင်အမျိုးသား စည်းလုံးညီညွတ်ရေးပါတီ NUPA)
ဦးစိုးနိုင်ကို ရခိုင်ပြည်နယ် ရမ်းဗြဲမြို့နယ်တွင် ၁၉၅၄ ခုနှစ်က မွေးဖွားခဲ့သည်။ ၁၉၇ဝ တွင် ဓာတုဗေဒ အဓိကဖြင့် ရန်ကုန် ဝိဇ္ဇာ/သိပ္ပံတက္ကသိုလ်တွင် ပညာ သင်ကြားခဲ့သည်။ ၁၉၇ဝ ကျောင်းသားသမဂ္ဂ အဆောက်အအုံ ပြန်လည် တည်ဆောက်ပေးရန် ဆန္ဒပြပွဲတွင် ပါဝင်ခဲ့ပြီး မြကျွန်းသာ အမည်နှင့် ရခိုင်ဘာသာဖြင့် ရေးသားထားသည့် လက်ကမ်းစာစောင် ထုတ်ဝေခဲ့သည်။ ယင်းစာစောင်မှာ ဗိုလ်ချုပ်နေဝင်း အစိုးရ၏ လူ့အခွင့်အရေး ချိုးဖောက်မှုများကို ဖော်ပြသည့် စာစောင် ဖြစ်သည်။ စာတမ်းဝေမှုကြောင့် ဖခင်ဖြစ်သူကို အာဏာပိုင်များက ဖမ်းဆီးခဲ့သည်။
၁၉၇၄ တွင် သူတို့အဖွဲ့ ခေါင်းဆောင်အပါအဝင် အဖွဲ့သား ၂ဝ ကျော် ဖမ်းခံခဲ့ရပြီး ခေါင်းဆောင်ဖြစ်သူ မောင်သိန်းမြကို လူမြင် ကွင်းတွင် ခေါင်းဖြတ် သတ်ခဲ့သည်။ သူကိုယ်တိုင်လည်း တောထဲတွင် အသတ်ခံရမည့် ဆဲဆဲ စစ်ဌာနချုပ်က စစ်ဆေး မေးမြန်းစရာ ရှိသည်ဟု ဆိုကာ ခေါ်ဆောင်မှုကြောင့် သေဘေးမှ လွတ်ခဲ့ရသည်။
စစ်တွေတွင် တနှစ်ခန့် ထိန်းသိမ်းခံခဲ့ရပြီး ရန်ကုန်ထောင်သို့ ပြောင်းရွှေ့ခဲ့သည်။ ၁၉၇၆ ဇွန်တွင် ပြန်လွတ်လာသည်။ သို့သော် ရန်ကုန်တွင် နေထိုင်ခွင့် မပေးဘဲ နေရင်း စစ်တွေသို့ ပြန်ခိုင်းခဲ့သည်။
ရန်ကုန်တွင် ဆက်လက်နေထိုင်သောကြောင့် စစ်ထောက်လှမ်းရေးတွေက နောက်ယောင်ခံတာကြောင့် ထိုင်း-မြန်မာ နယ်စပ် ထွက်ပြေးခဲ့သည်။
၁၉၈၈ လူထုအုံကြွမှုတွင် ထိုင်းဘက်သို့ ထွက်ပြေးလာသည့် ကျောင်းသားနှင့် လှုပ်ရှားသူများကို စားစရာ၊ ဆေးဝါးနှင့် နေစရာများ ကူညီ ပေးခဲ့သည်။ ယင်းနောက် သူပါဝင် လှုပ်ရှားသော NUPA ပါတီကို အိန္ဒိယ ထောက်လှမ်းရေးတွေက ဆက်သွယ် လာပြီး မြန်မာ ရေပိုက်နက် အတွင်းမှ တရုတ်ငါးဖမ်းလှေ လှုပ်ရှားမှု အတွက် အိန္ဒိယအစိုးရကို သတင်းပေး လုပ်ခိုင်းခဲ့သည်။ ထို့အတွက် အိန္ဒိယ အစိုးရက NUPA ကို အန္ဒမန်ကျွန်းစု၏ မြောက်ဘက် အကျဆုံး လန်းဖောကျွန်းကို အသုံးပြုခွင့် ပေးခဲ့သည်။
ဦးစိုးနိုင်မှာ ၁၉၉၈ ဖေဖော်ဝါရီ ၆ ရက်တွင် ၁ဝ ရက်နေ့တွင် လန်းဖောကျွန်း သွားနိုင်အောင် စီစဉ်ပေးမည်ဟု ခေါင်းဆောင် ခိုင်ရာဇာ အမိန့်အရ သွားရာတွင် ဖမ်းဆီး ခံခဲ့ရသည်။
အခုလို ပြန်လွတ်လာတာ ဘယ်လိုခံစားရလဲ။
နှစ်ကြာကြီး ထောင်ထဲမှာ နေလာရပြီး ဒီနေ့လွတ်တော့ ပျော်တော့ပျော်တာပေါ့။ ဒါပေမဲ့ နှစ်ကြာလာတော့ ဆုံးရှုံးမှုတွေ ရှိတာပေါ့။ ၁၃ နှစ်ဆိုတာ ကျနော်တို့ လုပ်ငန်းတွေ၊ ကျနော်တို့ရဲ့ တော်လှန်ရေးခရီး အတွက် ဆုံးရှုံးတာပေါ့။
ဘာတွေဆက်လုပ်မယ်လို့ စိတ်ကူးရှိလဲဗျ။
အဆက်အသွယ်တွေက ပြတ်နေတော့ အပြင်ရောက်မှ စဉ်းစားပြီးတော့ လုပ်ကြရမှာပါ။ အခုအခြေအနေက ဘာမှ မသိသေးဘူး။
ဒီ ၁၃ နှစ်တာ ထောင်တွင်းဘဝကို ခြုံငုံပြီးတော့ ဘယ်လိုပြောနိုင်မလဲ ခင်ဗျ။
တော်လှန်ရေးလုပ်တာက ဗမာပြည် ဒီမိုကရေစီအရေး လုပ်တာ အိန္ဒိယထောင်မှာ အချိန်ကုန် သွားသလို ဖြစ်တာပေါ့။ ကျနော်တို့က အိန္ဒိယကို ကူညီပေးခဲ့ရပြီးမှ သူတို့က ကျနော်တို့ကို ဒီလိုလုပ်လိုက်တာ ကျနော်တို့ ရင်ထဲမှာ ခံစား ရတာပေါ့ဗျာ။ ကျနော်တို့ ရခိုင် တော်လှန်ရေးကို အိန္ဒိယက ကူညီပေးမယ် ဆိုပြီး ယုံကြည်မှုကြောင့် ဒီလိုဖြစ်သွားရတာပေါ့။
ဒီလို ၁၃ နှစ်တာအတွင်းမှာ ဘာအကျိုးအမြတ်တွေများ ရခဲ့ပါသလဲ။
ခံနိုင်ရည် ရှိသွားတာပေါ့ဗျာ။ ပိုလို့ ခိုင်မြဲသွားတယ်လို့ ခံစားရတယ်။
ဒီလိုလွတ်မြောက်လာအောင် ကြိုးပမ်းဆောင်ရွက်ခဲ့ကြသူတွေကို ဘာများပြောချင်ပါသလဲ။
ဝိုင်းဝန်းကြိုးစားပေးတဲ့ တော်လှန်ရေး အဖွဲ့အစည်းအားလုံး၊ မြန်မာပြည်သား အားလုံးကို အများကြီး ကျေးဇူး တင်ပါတယ်။
စောချာတိုးတိုး
(ကရင်အမျိုးသား အစည်းအရုံး KNU)
အခုလို လွတ်မြောက်လာခဲ့တာ ဘယ်လိုခံစားရလဲ။
အာ… သိပ်ပျော်တာပေါ့ဗျာ။ ဒီမိုကရေစီအဖွဲ့အစည်းတွေကိုလည်း ဒီလို လွတ်မြောက်အောင် ကြိုးစား ပေးတဲ့ အတွက် အများကြီး ကျေးဇူး တင်ပါတယ်။ ဘယ်လိုပြောရမှန်း မသိအောင် တအား ဝမ်းသာ သွားတယ်ကွာ။
ထောင်ထဲမှာ နေခဲ့ရတာ ဘယ်လိုခံစားရလဲ။
ထောင်ကတော့ ခံစားရတာပေါ့။ စိတ်ကတော့ အမြဲပင်ပန်း နေတာပေါ့။
ဘာတွေ ဆက်လုပ်သွားမလဲ။
ဒီမိုကရေစီ မရမချင်းကတော့ ဆက်ကြိုးစားသွားရမှာပေါ့။ အားလျှော့စရာလည်း မလိုပါဘူး။ အခုဟာက သင်ခန်းစာ ပေါ့ဗျာ။ အားဆေး တခွက်ပေါ့။ ကျနော်တို့ ဒေါ်အောင်ဆန်းစုကြည်တောင် နှစ်ပေါင်းမနည်း ခံခဲ့ရတာပဲ။ သူက အမျိုးသမီး တယောက်တောင် အားမလျှော့ဘဲ တွန်းလှန် နိုင်တယ်ဆိုရင် ကျနော်တို့က သူ့ကို အတုယူရမှာပေါ့ဗျာ။ ကျနော်တို့ ဒီမိုကရေစီရဖို့၊ အမျိုးသား လွတ်မြောက်ဖို့ အမြဲ တာဝန်ရှိတယ်လို့ ယူဆပါတယ်။
မိခင်အဖွဲ့အစည်း KNU ကိုရော ဘာများ နှုတ်ခွန်းဆက်စကား ပြောချင်ပါသေးလဲ။
ဘာမှ အထူးအထွေ မရှိပါဘူး။ တယောက်နဲ့တယောက် အားပေးရမှာပေါ့။
Ref: မဇ္ဈိမ
ခေါင်းငုံမခံတဲ့ လယ်သမားတွေ အသိမ်းခံမြေတွေ ပြန်လည်ရရှိ
2011-05-22
စက်မှုဇုံ ထူထောင်ဖို့ ရန်ကုန်တိုင်း မင်္ဂလာဒုံမြို့နယ် ပုလဲမြို့သစ်က ဘိုးဘွား အစဉ်အဆက် လုပ်ကိုင်လာတဲ့ လယ်ယာမြေတွေကို ဇေကမ္ဘာကုမ္ပဏီ က မတန်တဆ ဈေးနှိမ်ပြီး ဝယ်ယူတာကို မရောင်းဘဲ တင်းခံနေတဲ့ လယ်သမားတွေ အသိမ်းခံ မြေတွေ ပြန်ရပြီလို့ စုံစမ်း သိရပါတယ်။
ဒါ့အပြင် ဇေကမ္ဘာ ကုမ္ပဏီက ပေးတဲ့ လျော်ကြေးယူထားတဲ့ လယ်မြေဧက ၈ဝဝ ကျော်ထဲက လယ်သမားတွေ နာမည် ပေါက်တဲ့ လယ်ယာမြေ တွေကိုလည်း လယ်သမားတွေရဲ့ နာမည်နဲ့ပဲ သီးစား ပြန်တင်ခိုင်းတယ်လို့ သိရပါတယ်။
ပေါင်းကူကျေးရွာနဲ့ ဘားလားကျေးရွာ အကြားက လယ်မြေတွေမှာ လုပ်ကိုင်နေတဲ့ လယ်သမားတွေကို တဧက ငွေ ၃ သိန်း၊ နွေစပါး စိုက်တဲ့ လူတွေကို ငွေ ၄ သိန်း ပေးပြီး ဝယ်ယူတဲ့ သတင်းကို အာအက်ဖ်အေက မတ်လ က ထုတ်လွှင့်ခဲ့ပြီး မေလ မှာတော့ ဒီ လယ်ယာမြေ ကိစ္စနဲ့ ပတ်သက်ပြီး သက်ဆိုင်ရာက ကွင်းဆင်း စစ်ဆေးခဲ့တဲ့အပြင် လယ်သမား ၆၄ ယောက်ကို ခေါ်ယူ စစ်ဆေးတာ ကိုလည်း ထုတ်လွှင့်ခဲ့ပါတယ်။
ဒီနောက် မေလ ဆန်းပိုင်းမှာ လယ်သမားတွေကို လယ်စိုက်ခွင့် ပြန်ပေးလိုက်တဲ့အတွက် တချို့ လယ်သမားတွေ စတင် ထွန်ယက် နေကြပြီလို့ သိရပါတယ်။
လယ်သမား ၁၂ဝ လောက် ထွန်ယက် လုပ်ကိုင်နေတဲ့ လယ်ဧက တထောင်ကျော်ကို ဇေကမ္ဘာ ကုမ္ပဏီက သိမ်းယူပြီး စက်မှုဇုံ အဖြစ် အကောင်အထည် ဖော်ရာမှာ မတန်တဆ ဈေးပေးပြီး ဝယ်ယူတာကို လယ်သမား ၁ဝ ယောက် လောက်ကသာ လက်မခံဘဲ တင်းခံခဲ့တာပါ။ အများစုကတော့ အရှိန်အဝါကို ကြောက်လို့ လျော်ကြေး ယူလိုက်ရပေမယ့် ကိုယ့်လယ်မှာ ကိုယ် ထွန်ယက် စိုက်ပျိုး ချင်ကြတဲ့ အကြောင်း လယ်သမားတွေက ပြောပါတယ်။
ဇေကမ္ဘာ ကုမ္ပဏီဟာ စက်မှုဇုံ ထူထောင်ဖို့အတွက် လျှပ်စစ်မီးတိုင်တွေ ထူပြီး လမ်းတွေ ခင်းနေပါတယ်။ လယ်သမား တွေက တိုင်ကြားလို့ သက်ဆိုင်ရာက စစ်ဆေးချိန် အထိ မီးတိုင်တွေ ဆက်ထူ၊ လမ်းတွေ ဆက်ခင်း နေပေမယ့် ခုတော့ ဒီလုပ်ငန်းတွေ ရပ်သွားပြီလို့ သိရပါတယ်။
Ref: RFA News
မြစ်ဆုံဆည်ကြောင့် `ပြည်တွင်းစစ်´ ဖြစ်နိုင်ဟု KIO သတိပေး
သောမတ်စ်မောင်ရွှေ
စနေနေ့၊ မေလ ၂၁ ရက် ၂၀၁၁
ချင်းမိုင် (မဇ္ဈိမ)။ ။ ကချင်ပြည်နယ်တွင် တည်ဆောက်မည့် မြစ်ဆုံဆည်သည် ပြည်တွင်းစစ် အထိ ဦးတည် သွားနိုင်သဖြင့် စီမံကိန်းကို ရပ်ဆိုင်း ထားပါရန် ကချင် လွတ်မြောက်ရေး အဖွဲ့ KIO က တရုတ်သမ္မတ ဟူကျင်းတောင်ထံ အိတ်ဖွင့်ပေးစာ ရေးသား ပေးပို့လိုက်သည်။
မတ်လ ၁၆ ရက်နေ့စွဲဖြင့် ရေးထားပြီး မကြာသေးမီကမှ လူသိရှင်ကြား ထုတ်ပြန်လိုက်ကာ မဇ္ဈိမက ရရှိထားသည့် အဆိုပါ စာတွင် `အကယ်၍ ဤ ရေအားလျှပ်စစ် စီမံကိန်းနှင့် ဆည်တည်ဆောက်ရေး စီမံကိန်း တို့ကြောင့် ပြည်တွင်းစစ် ဖြစ်ပွါးလာခဲ့လျှင် မိမိတို့တွင် တာဝန် မရှိကြောင်း စစ်အစိုးရကို အကြောင်းကြားခဲ့သည်´ ဟု ဆိုသည်။ စာကို KIO ဥက္ကဋ္ဌ လရော်ဇောင်းဟရား လက်မှတ် ထိုးထားသည်။
စစ်အစိုးရနှင့် KIO အကြား ဆက်ဆံရေးမှာ အဆိုးဘက်သို့ ဦးတည်နေသည်ဟု စာထဲတွင် ရေးထားသည်။ `KIO ကို ၁၉၉၄ ခုနှစ် အပစ်အခတ် ရပ်စဲရေးစာချုပ် မချုပ်ဆိုမီက အတိုင်း ဆက်ဆံ သွားမည်ဟု စစ်အစိုးရက စက်တင်ဘာ ၁ ရက် ၂၀၁၀ ခုနှစ်တွင် ကျေညာ ခဲ့ပြီးနောက် KIO နှင့် စစ်အစိုးရ အကြား ဆက်သွယ်ရေးနှင့် ပူးပေါင်း ဆောင်ရွက်မှုများ ရပ်ဆိုင်းသွားခဲ့သည်´။
မြစ်ဆုံသည်သည် မြန်မာ့ အရှည်ဆုံးမြစ်ဖြစ်သော ဧရာဝတီမြစ်၏ လက်တက်ပေါ်တွင် ရေအားလျှပ်စစ် ထုတ်ယူရန်အ တွက် တည်ဆောက်ရန် စီစဉ်ထားသည့် ဆည် ၇ ခုအနက် ပထမဆုံးဆည် ဖြစ်သည်။
တရုတ်နိုင်ငံပိုင် တရုတ်လျှပ်စစ်စွမ်းအား ရင်းနှီးမြှုပ်နှံမှု ကော်ပိုရေးရှင်း CPI သည် ဤဆည်ကို အဓိက ဦးဆောင် တည်ဆောက်မည် ဖြစ်ကာ ဘဏ္ဍာငွေကြေး ထောက်ပံ့မှုများလည်း ပြုလုပ် သွားမည်ဖြစ်သည်။ ဤဆည်ကို ကချင်လူမျိုးတို့ အထွတ်အမြတ် ထားသည့် မလိခနှင့် အင်မိုင်ခ မြစ်နှစ်သွယ် ဆုံရာတွင် တည်ဆောက်သွားမည် ဖြစ်သည်။ ယခုစီမံကိန်း အတွက် CPI သည် မြန်မာနိုင်ငံပိုင် မြန်မာ့ လျှပ်စစ် စွမ်းအားလုပ်ငန်း MEPE နှင့် မြန်မာ့ ကုမ္ပဏီ လုပ်ငန်းစုကြီး တခုဖြစ်သော အေးရှားဝေါလ် တို့နှင့် ပူးပေါင်း လုပ်ကိုင်သွားမည်ဖြစ်သည်။
ဆည်က လူထုနှင့် ပတ်ဝန်းကျင် ထိန်းသိမ်းရေးကို ခြိမ်းခြောက်နေ
အမြင့်ပေ ၁၅၂ မီတာရှိမည့် မြစ်ဆုံဆည်သည် ဧရာဝတီမြစ်ညာတွင် တည်ဆောက်မည့် ဆည် ၇ ခုအနက် ပထမဆုံးဆည် ဖြစ်သည်။ ပတ်ဝန်းကျင် ထိန်းသိမ်းရေး သမားများ၏ အပြောအရ ဤဆည်ကြောင့် ဧရာဝတီ မြစ်ဝကျွန်းပေါ် ဒေသ အပါအ၀င် ဧရာဝတီမြစ် အကြေပိုင်းမှ လူသန်းပေါင်းများစွာ၏ ဘ၀များကို ပြန်လည်ပြုပြင်၍ မရလောက်အောင် ပြောင်းလဲ သွားစေလိမ့်မည် ဖြစ်သည်။
မြစ်ဝကျွန်းပေါ် ဒေသသည် မြန်မာနိုင်ငံ၏ ဆန်စပါး အဓိကစိုက်ပျိုးထုတ်လုပ်ရာ ဒေသဖြစ်သည်။ ဆည်ကို ထိန်းချုပ် မောင်းနှင်မည့် တရုတ် အင်ဂျင်နီယာများ အနေဖြင့် မြန်မာပြည်၏ အရေးပါဆုံး မြစ်ကြီးတစင်း၏ မြစ်ရေ အနိမ့်အမြင့်ကို ထိန်းချုပ်ခွင့် ရရှိသွားတော့မည် ဖြစ်သည်။ ရာစုနှစ်ပေါင်း များစွာ တည်ရှိခဲ့သော သယ်ယူ ပို့ဆောင်ရေး၊ ငါးဖမ်း လုပ်ငန်းနှင့် စိုက်ပျိုးရေး လုပ်ငန်းတို့၏ ပုံစံများလည်း ပြောင်းလဲ သွားတော့မည်ဖြစ်သည်။
ပတ်ဝန်းကျင် ထိန်းသိမ်းရေး ပညာရှင်များ၊ တက်ကြွလှုပ်ရှားသူများ၊ ဆည်ကြောင့် အကျိုးယုတ်ရမည့် ဒေသခံ များက ၀ိုင်းဝန်း ကန့်ကွက် နေသည့်ကြားမှပင် CPI ၊ အေးရှားဝေါလ်၊ စစ်အစိုးရသည် မြစ်ဆုံဆည် တည်ဆောက်ရေး လုပ်ငန်းများကို ဆက်လက် လုပ်ဆောင် နေကြပြီဖြစ်သည်။ KIO အနေဖြင့် မြစ်ဆုံဆည် တည်ဆောက်ရေးကို ယခင်ကလည်း ထိုသို့ ကန့်ကွက် ခဲ့သော်လည်း ယခု တရုတ် သမ္မတထံ ပေးပို့ထားသော စာတွင် ပါရှိသည့် စီမံကိန်းအပေါ် ဝေဖန်ကန့်ကွက်ရာ၌ သုံးနှုံး ပြောဆိုထားသည့် အရေးအသားမှာမူ ယခင်က မရှိဖူးသေးပေ။
KIO နှင့် ဆက်ဆံရေးကို အပစ်ရပ်စာချုပ် မချုပ်မီအဆင့်သို့ နေပြည်တော်က လျှော့ချလိုက် ကတည်းက KIO နှင့် စစ်အစိုးရ အကြား အထင်ကရ လက်နက်ကိုင် ရန်လိုမှုများ ပေါ်ပေါက်လာတော့မည့် အခြေအနေ ရှိနေပြီး၊ ၁၉၉၄ အပစ်ရပ်သဘော တူညီချက်မှာလည်း ပျက်ပြယ် သွားသည့်သဘော ရှိနေပြီဖြစ်သည်။ သိသာသော မူဝါဒ အပြောင်းအလဲ တရပ်အနေဖြင့် မြန်မာ အစိုးရပိုင် မီဒီယာများက KIO ကို `သောင်းကျန်းသူ´ ဟု ခေါ်ဝေါ် သုံးစွဲနေပြီဖြစ်သည်။
သူတို့အနေဖြင့် `အထက်တွင် ဖော်ပြထားသည့် ဆည် ၆ ခု တည်ဆောက်မည့် နေရာများတွင် လုံခြုံရေးနှင့် အခြား လိုအပ်သည့် ကိစ္စများကို ဆက်လက် ဆောင်ရွက်သွားမည် ဖြစ်ကြောင်း´ ကချင်ပြည်နယ်ရှိ စစ်အစိုးရ၏ မြောက်ပိုင်းတိုင်း စစ်ဌာနချုပ်က KIO ကို အကြောင်းကြားခဲ့သည်ဟု အဆိုပါစာတွင် ရေးသားဖော်ပြထားသည်။ လက်ရှိ အခြေအနေတွင် `KIO နယ်မြေ အတွင်းသို့ မြန်မာ စစ်တပ်ဖွဲ့များကို ၀င်ရောက် ကျူးကျော်ခွင့် ပေးမည်မဟုတ်´ ကြောင်း အဆိုပါစာတွင် ဆက်လက် ရေးသားထားသည်။
တရုတ်အစိုးရနှင့် KIO သည် ဆယ်စုနှစ်ပေါင်းများစွာ ရင်းနှီးချစ်ကြည်သည့် ဆက်ဆံရေးရှိခဲ့ပြီး၊ KIO ကို နယ်စပ်တွင် လှုပ်ရှားခွင့် ပြုခဲ့ကာ အပြန်အလှန် အားဖြင့် KIO နယ်မြေတွင်းရှိ သဘာဝ သယံဇာတများကို တူးဖော်ထုတ်ယူခွင့် ပြုခဲ့ရသည်။ သို့သော် တရုတ်နှင့် KIO အကြား ဆက်ဆံရေးသည် ပေကျင်းနှင့် ၀’ ပြည် သွေးစည်း ညီညွတ်ရေး တပ်မတော် UWSA အကြား ဆက်ဆံရေး ကဲ့သို့မူ မခိုင်မာကြောင်း အကဲခတ်များနှင့် လေ့လာ သုံးသပ်သူများက ပြောကြသည်။ ၀’ တပ်ဖွဲ့သည် မြန်မာနိုင်ငံ၏ အကြီးဆုံး လက်နက်ကိုင် တပ်ဖွဲ့ဖြစ်ပြီး၊ ရှမ်းပြည်နယ်တောင်ပိုင်း တရုတ်-မြန်မာနယ်စပ်ရှိ အများစု ဒေသကြီးကို ထိန်းချုပ်ထားခဲ့သည့် ဗမာပြည် ကွန်မြူနစ် ပါတီကို ဆက်ခံသည့် အဖွဲ့လည်း ဖြစ်သည်။
ပေကျင်းရှိ နိုင်ငံခြားသံတမန်များ၏ အပြောအရ KIO ခေါင်းဆောင်များသည် ပြီးခဲ့သည့်နှစ်တွင် ပေကျင်းသို့ အကြိမ်ပေါင်း များစွာ သွားရောက်ကာ တရုတ် အစိုးရနှင့် ဆွေးနွေးခဲ့သည်ဟု လန်ဒန်အခြေစိုက် ဖိုင်နင်ရှယ်တိုင်းမ် သတင်းစာကြီးက ဇန်န၀ါရီလ အတွင်း ရေးသား ဖော်ပြခဲ့သည်။ ဧရာဝတီ မြစ်ညာတွင် တည်ဆောက်မည့် ရေအားလျှပ်စစ် စီမံကိန်းတွင် CPI ၏ ပါဝင်ပတ်သက်မှု အတိုင်းအတာကို ကြည့်လျှင် ထိုကိစ္စသည် အဆိုပါ ဆွေးနွေးပွဲများ၏ အဓိက ဆွေးနွေးခဲ့သည့် အကြောင်းအရာ တရပ် ဖြစ်ဖွယ်ရှိသည်။
KIO က ဆည်တည်ဆောက်မှုကို ကြာမြင့်စွာကတည်းက ဆန့်ကျင်ကန့်ကွက်ခဲ့ခြင်း
`ဒီဆည်စီမံကိန်းကို ကျနော်တို့ အချိန်အတော်ကြာ ကန့်ကွက်ခဲ့ပါတယ်´ ဟု KIO ၏ ဒုတိယ နိုင်ငံခြားရေး တာဝန်ခံ ဂျိမ်းလန်ဒေါက မဇ္ဈိမကို ဖြေကြားခဲ့သည့် တရုတ်နိုင်ငံသို့ ပေးပို့ခဲ့သည့် စာအပေါ် မိမိ၏ သဘောထား မှတ်ချက်ကို ပြောကြားရာတွင် ထည့်သွင်း ပြောကြား သွားခဲ့သည်။ KIO အနေဖြင့် ဆည်တည် ဆောက်ခြင်းကို ဆန့်ကျင် ကန့်ကွက်ခဲ့ခြင်း မဟုတ်ကြောင်း၊ `သူတို့ အနေဖြင့် ခပ်သေးသေးဆည် တည်ဆောက်မည် ဆိုလျှင် ကိစ္စမရှိပါကြောင်း´ သူက ပြောဆိုခဲ့သည်။ မြစ်ဆုံဆည် စီမံကိန်း၏ အရွယ်အစားနှင့် အကျိုး သက်ရောက်မှုများသည် မြစ်အကြေပိုင်းတွင် နေထိုင်ကြသည့် လူပေါင်းများစွာ၏ ဘ၀ကို အကျိုး ယုတ်စေမည် ဖြစ်သည့်အတွက် လက်မခံနိုင်ပါဟု သူက ဆိုသည်။
မြစ်ဆုံဒေသသည် မြန်မာနိုင်ငံ၏ အရှည်ဆုံးနှင့် အရေးအပါဆုံး မြစ်ဖြစ်သော ဧရာဝတီမြစ်၏ မြစ်ညာပိုင်းတွင် အဓိက ကျသော နေရာတွင် တည်ရှိနေသည့်အတွက် `ဒီကိစ္စဟာ ကချင်တွေ အတွက်ချည်း မဟုတ်ဘူး၊ မြစ်ဝှန်း တလျှောက် နေထိုင်ကြတဲ့ သူတွေအတွက်လည်း အရေးကြီးတယ်´ ဟု ဂျိမ်းလန်ဒေါက ဆက်ပြောသည်။ မြစ်ဆုံ စီမံကိန်းသည် မြန်မာနိုင်ငံရှိ` သန်းပေါင်း များစွာသော ပြည်သူများ´ ကို အကျိုး ယုတ်စေမည် ဖြစ်သဖြင့် ဆက် မလုပ်သင့်ကြောင်း သူနှင့် အခြား KIO ကိုယ်စားလှယ် တို့က တရုတ် အစိုးရကို ပြောကြား ခဲ့ကြောင်းလည်း ဂျိမ်းလန်ဒေါက ပြောသည်။
မြစ်ဆုံဆည်၏ ရေလှောင်ဧရိယာသည် စင်္ကာပူနိုင်ငံထက်ကြီးသော အကျယ်အ၀န်းကို ရေလွှမ်းမိုး သွားစေမည် ဖြစ်ပြီး၊ ခန့်မှန်းခြေ လူဦးရေ ၁၅၀၀၀ ခန့်ရှိသည့် ကျေးရွာများလည်း ပြောင်းရွှေ့ရမည် ဖြစ်ကာ ဂေဟ စနစ်အတွက် အလွန် အရေးပါသည့် ဒေသများကိုလည်း ပျက်စီး စေလိမ့်မည်ဟု ပတ်ဝန်းကျင် ထိန်းသိမ်းရေး လုပ်ငန်း တက်ကြွ လှုပ်ရှားသူများ၊ မြန်မာနိုင်ငံ မြစ်ချောင်းများ ကွန်ရက်တို့က ပြောဆိုသည်။ ဤကွန်ရက်သည် မြန်မာနိုင်ငံရှိ ဆည်မြောင်းများ ဖောက်လုပ်ခြင်းကြောင့် ထိခိုက် နစ်နာရမည့် လူ့ အသိုင်းအ၀ိုင်းများကို ကိုယ်စားပြုသည့် အဖွဲ့အစည်းပေါင်းစုံ ပါဝင်သည့် ညွန့်ပေါင်းအဖွဲ့ ဖြစ်သည်။ ဤအဖွဲ့တွင် ကချင် ဖွံ့ဖြိုးရေး ကွန်ရက်အဖွဲ့ KDNG လည်း ပါဝင်သည်။
ဧရာဝတီမြစ်ညာတွင် ဆည်များ ဆောက်လုပ်မည့် သတင်းထွက်ပေါ်လာကတည်းက ဤစီမံကိန်းနှင့် ပတ်သက်၍ တင်းတင်း မာမာ သဘောထား ပါရန် ဆည် တည်ဆောက်မှုကြောင့် ထိခိုက်မည့် ဒေသခံများနှင့် တက်ကြွ လှုပ်ရှားသူများက KIO ကို တိုက်တွန်း ခဲ့ကြသည်။ ဆည်အပေါ် KIO ၏ အမြင်သဘောထားသည် လူထု ဖိအားကြောင့် ဖြစ်ပေါ်ခဲ့ကြောင်း KIO ဥက္ကဋ္ဌ၏ တရုတ် သမ္မတသို့ ပေးစာက ထင်ရှားစွာ ဖော်ပြနေသည်။ စီမံကိန်းကို ပြန်လည် စဉ်းစားပါရန် တိုက်တွန်းထားပြီး `ဒေသခံလူထု၏ စားဝတ် နေရေးကို ရေတို မဟုတ်ဘဲ ရေရှည် ထည့်သွင်း စဉ်းစားသင့်သည်ဟု ကျနော်တို့ အနေဖြင့် ခံယူပါသည်´ ဟု အဆိုပါ စာတွင် ရေးသားထားသည်။
အမျိုးသားဒီမိုကရေစီအဖွဲ့ချုပ် NLD ကလည်း ဆည်စီမံကိန်းကို ကန့်ကွက်
KIO အပြင် ဒေါ်အောင်ဆန်းစုကြည်၏ NLD ကလည်း ဆည်တည်ဆောက်မှုကို ကန့်ကွက်လိုက်သည်။ မဇ္ဈိမက ဇန်န၀ါရီ လတွင် ပြုလုပ်ခဲ့သော တွေ့ဆုံ မေးမြန်းခန်းတွင် NLD ကို တည်ထောင် ခဲ့ရာတွင် ပါဝင်သူ တဦးဖြစ်သည့် ဦးဝင်းတင်က သူ့အနေဖြင့်လည်း စီမံကိန်းကြောင့် ပေါ်ထွက်လာမည့် အကျိုးဆက်များကို စိုးရိမ် ပူပန်ကြောင်းနှင့် ဆယ်စုနှစ်ပေါင်း များစွာ ဖြစ်ပွားခဲ့သည့် လူမျိုးရေး ပဋိပက္ခနှင့် ပြည်တွင်းစစ်ကြောင့် ဖွတ်ဖွတ်ကြေနေသည့် မြန်မာနိုင်ငံတွင် လူမျိုးရေး တင်းမာမှုများ တိုးများ လာမည်ကိုလည်း စိုးရိမ်ကြောင်း ပြောကြားခဲ့သည်။
`ယခုစီမံကိန်းသည် မြန်မာပြည်သူ အများစု၏ ဆန္ဒကို ကိုယ်စားမပြုဘဲ နအဖက ပြုလုပ်ခဲ့ခြင်းသာ ဖြစ်ကြောင်း ကချင်လူထု မရိပ်စားမိမည်ကို ကျနော် စိုးရိမ်သည်´ ဟု သူက ပြောသည်။
CPI နှင့် လက်တွဲလုပ်ဆောင်မည့် အေးရှားဝေါလ် ကုမ္ပဏီမှာ စတီဖင်လောက ချုပ်ကိုင်ထားခြင်းဖြစ်ပြီး၊ ပေါ်ထွက် နေသော သတင်းများ အရ ယခုစီမံကိန်းမှ အကျိုးအမြတ် များစွာ ရရှိလိမ့်မည်ဟု ဆိုသည်။ ကုမ္ပဏီ ဥက္ကဋ္ဌနှင့် စတီဖင်လော၏ ဖခင်ဖြစ်သူ လော်စစ်ဟန်မှာ ဘိန်းဘုရင်ဟု သတ်မှတ်ခံရပြီး၊ အမေရိကန်က ငွေကြေးခ၀ါချမှု လုပ်ခဲ့သည်ဟု စွပ်စွဲခံထားရသူ ဖြစ်သည်။
သူတို့အနေဖြင့် ဧရာဝတီမြစ်ညာတွင် နောက်ထပ်တည်ဆောက်မည့် ဆည် ၆ ခုကိုလည်း ဆန့်ကျင်ခြင်း မဟုတ်ကြောင်းနှင့် ယင်းဆည်များနှင့် စပ်လျဉ်း၍ `ဆည်တည်ဆောက်မှုကြောင့် ပေါ်ပေါက်လာမည့် အကျိုးဆက်များကို သေချာစွာ လေ့လာ သုံးသပ်ပြီးမှသာ ဆုံးဖြတ်ချက် ချပါရန် အေးရှားဝေါလ် ကုမ္ပဏီသို့ အကြောင်းကြားပြီး ဖြစ်ပါသည်´ ဟု KIO မှ ပေးပို့သော စာတွင် ရေးသားထားသည်။ ဆည်စီမံကိန်းများကို ဆက်လက် ဆောင်ရွက်ခြင်း မပြုမီ လူမှုရေးနှင့် ပတ်ဝန်းကျင် ဆိုင်ရာ အကျိုး သက်ရောက်မှုများကို လေ့လာထားသည့် ရလဒ်များကို ကြည့်ရှုလိုကြောင်းလည်း ရေးသားထားသည်။
ထုတ်လုပ်ရရှိသည့် လျှပ်စစ်ဓာတ်အား အများစု တရုတ်ကို ရောင်းမည်
ဧရာဝတီမြစ်ညာတွင် တည်ဆောက်မည့် ဆည်အကြီးစား ၇ ခုမှ စုစုပေါင်း လျှပ်စစ်ဓာတ်အား ၁၆၅၀၀ မဂ္ဂါဝပ် ထုတ်လုပ် နိုင်မည်ဖြစ်ကြောင်း စက်မှု လုပ်ငန်း ဂျာနယ်ဖြစ်သည့် Power in Asia ၏ စက်တင်ဘာလထုတ် ဆောင်းပါး တပုဒ်တွင် ရေးသားထားသည်။ ယင်းသည် တရုတ်ပြည်၏ ကြီးမားလှသော မြစ်ကျဉ်း ၃ ခု ဆည်ကြီးမှ ထုတ်လုပ်လျက်ရှိသည့် ဓာတ်အား ပမာဏ ၁၈၂၀၀ ထက် အနည်းငယ်သာ လျော့နည်းသည်။ ဤမြစ်ကျဉ်း ၃ ခု ဆည်ကြီးသည် ကမ္ဘာ့အကြီးဆုံး ဆည်ကြီးလည်း ဖြစ်သည်။
သို့သော် မြန်မာနိုင်ငံ ဆည်များမှ အကျိုးအမြတ်သည် မြန်မာ အစိုးရအတွက် ရာခိုင်နှုန်းဖြင့်သာ ရရှိမည် ဖြစ်သည်။ တရုတ်ပြည် အစိုးရထုတ် `ခွင်းမင် နေ့စဉ်´ ၂၀၀၈ အောက်တိုဘာထုတ် ဆောင်းပါး တပုဒ်တွင် ရေးသားထားချက် အရ စီမံကိန်း ပြီးဆုံး သွားပါက ထုတ်လုပ်ရရှိသော `လျှပ်စစ်ဓာတ်အား အများစု´ ကို တရုတ်နိုင်ငံသို့ တင်ပို့ သွားမည်ဖြစ်ကြောင်း ရေးသားထားသည်။
ဆည်စီမံကိန်းနေရာတွင် ဗုံးပေါက်ကွဲ၍ တင်းမာမှု တိုးပွား
မြစ်ဆုံဆည် စီမံကိန်းနေရာ၌ ၂၀၁၀ ခုနှစ် ဧပြီလ ၁၇ ရက်နေ့တွင် အနည်းဆုံး ဗုံး ၁၀ လုံး သီးခြားစီ ပေါက်ကွဲ ခဲ့သည်။ ဗုံးပေါက်ကွဲ မှုများကြောင့် အနည်းဆုံး တရုတ် အလုပ်သမားတဦး သေဆုံးခဲ့ပြီး၊ ယာယီ အဆောက်အအုံ အတော်များများပါ ပျက်စီးသွားသည်။ အေးရှားဝေါလ် ကုမ္ပဏီပိုင် မော်တော်ယဉ်များလည်း ပျက်စီး သွားခဲ့သည်။
ထိုသို့ ဗုံးပေါက်ကွဲခဲ့ပြီးနောက် စစ်အစိုးရက ဒေသခံလူ ၇၀ ကျော်ကို ဖမ်းဆီးခဲ့သည်။ အများစုမှာ KIO လူငယ် အဖွဲ့နှင့် ဆက်စပ် လုပ်ကိုင်နေသည့် ပညာရေး၊ စီးပွားရေး လူငယ်ဖွံ့ဖြိုးရေး အဖွဲ့မှ ဖြစ်ကြသည်။ KIO က ဗုံးပေါက်ကွဲမှုများနှင့် သူတို့ မသက်ဆိုင်ကြောင်း ငြင်းဆိုခဲ့ကာ ထိန်းသိမ်းစစ်ဆေး မေးမြန်းခံနေရသူ အများစုမှာလည်း တဖြည်းဖြည်း ပြန်လွတ်လာခဲ့သည်။
KIO ၏ ပူးပေါင်းဆောင်ရွက်မှု မရှိဘဲ ဆည်စီမံကိန်းများ မပြီးနိုင်
CIP နှင့် အေးရှားဝေါလ်က မြစ်ဆုံစီမံကိန်းတွင် ယခင်လုပ်ကိုင်ခဲ့ပြီးသော အလုပ်များ၌ KIO ထိန်းချုပ် ဒေသများသို့ အင်ဂျင်နီယာ များနှင့် အခြား ၀န်ထမ်းများ စေလွှတ်ခွင့်ရရန် KIO ထံ ခွင့်တောင်းပေးရန် မြန်မာ အာဏာပိုင်များထံ အတိအလင်း ပြောကြား ခဲ့ကြောင်းဖြင့် KIO က တရုတ် အစိုးရထံ ပေးပို့သော စာတွင် ထောက်ပြထားသည်။ ဤကိစ္စများကို စစ်အစိုးရပိုင်နက် နယ်မြေတွင် ဖွင့်လှစ်ထားသော KIO ဆက်ဆံရေး ရုံးများမှတဆင့် ဆောင်ရွက် ပေးနိုင်ခဲ့သည်။ သို့သော် ယခုအခါ KIO နှင့် စစ်အစိုးရ အကြား ပူးပေါင်း ဆောင်ရွက်မှုများမှာ ရပ်ဆိုင်း သွားခဲ့ပြီဖြစ်သည်။
စစ်အစိုးရ ထိန်းချုပ်ထားသော နယ်မြေများ သို့မဟုတ် KIO က တစိတ်တပိုင်း ထိန်းချုပ်ထားသော ဒေသများ၊ ကချင်ပြည်နယ်၊ အိမ်နီးချင်း ရှမ်းပြည်နယ် နေရာအချို့တွင် ဖွင့်လှစ်ထားသော KIO ဆက်ဆံရေး ရုံးအများစုကို ပိတ်ပစ်ရန် စစ်အစိုးရက ၂၀၁၀ ခုနှစ်နှောင်းပိုင်းတွင် အမိန့်ပေးခဲ့သည်။ ဤဆက်ဆံရေး ရုံးများကို အပစ်အခတ် ရပ်စဲရေး သဘောတူညီချက် တစိတ်တပိုင်း အဖြစ် ဖွင့်လှစ်ခွင့်ပေးခဲ့ခြင်း ဖြစ်သည်။ ဆက်သွယ်ရေး လမ်းကြောင်း ချောမွေ့စေရန်နှင့် အပစ်အခတ် ရပ်စဲရေး တည်မြဲစေရန် ခွင့်ပေးခဲ့ခြင်းလည်း ဖြစ်သည်။
`မလိခ-အင်မိုင်ခ ဆည်စီမံကိန်း အထက်ပိုင်းသည် KIO ၏ စစ်ဗဟိုဌာနချုပ်များ တည်ရှိရာဖြစ်သည်´ ဟု အဆိုပါ စာတွင် သတိ ပေးထားသည်။ ဒေသတွင်း အချက်အချာ ကျသည့် နေရာများဖြစ်ပြီး၊ ကချင် ပြည်သူများ အတွက် အရေးကြီးသော နေရာများလည်း ဖြစ်သဖြင့် KIO အနေဖြင့် စစ်မတိုက်ဘဲ အဆိုပါ နေရာများကို အလွယ်တကူ စွန့်လွှတ်မည့် အလားအလာ မရှိပါ။
Ref: မဇ္ဈိမ
Posts
