ဖနိဒါ
အင်္ဂါနေ့၊ မေလ ၂၁ ရက် ၂၀၁၃
ချင်းမိုင်(မဇ္စျိမ)။ ။ မြစ်ကြီးနားမြို့၌ မေလ ၂၈ ရက်နေ့တွင် ကျင်းပရန်ရှိသည့် ကချင် လွတ်လပ်ရေး အဖွဲ့ KIO နှင့် ငြိမ်းချမ်းရေး ဖော်ဆောင်ရေး လုပ်ငန်းကော်မတီတို့ ဆွေးနွေးပွဲသို့ ကုလသမဂ္ဂ အတွင်းရေးမှူးချုပ်၏ အထူး ကိုယ်စားလှယ် မစ္စတာ ဗီဂျေး နမ်ဘီးယား တက်ရောက်မည် ဖြစ်ကြောင်း ကချင် အကျိုးဆောင် ဦးဆန်အောင်က ပြောသည်။
“မစ္စတာ နမ်ဘီးယားနဲ့ သူ့အောက်က Marian တို့ ပါမယ်။ အမေရိကန်တွေတော့ အစိုးရက မပါခိုင်းဘူး။ ခုတော့ စမ်းသပ်တဲ့ သဘောပဲ။ ကုလ ပါတယ်ဆိုရင် အစိုးရဘက်က ဘယ် အတိုင်းအတာထိ လိုက်လျော ပေးနိုင်မလဲ။ အဲဒီအပေါ် မူတည်မယ် ထင်တယ်” ဟု မဇ္ဈိမကို ပြောသည်။
ဖေဖော်ဝါရီလ ၅ ရက်နေ့က မစ္စတာ နမ်ဘီးယားသည် မြစ်ကြီးနားမြို့သို့ သွားရောက် ခဲ့ရာ အစိုးရ ဌာနဆိုင်ရာ များ၊ လူမှု အခြေပြု အဖွဲ့အစည်းများနှင့် တွေ့ဆုံစဉ် ကချင်ပြည်နယ် ငြိမ်းချမ်းရေး ရရှိရေး အတွက် ကြိုးစားနေကြောင်း နှုတ်ဆက်စကားများ ပြောကြားပြီး မည်သည့် မေးမြန်းခွင့်မျှ မရခဲ့၍ လူထုအခြေပြု အဖွဲ့အစည်းများ ဘက်မှ ဝေဖန်မှုများ ရှိခဲ့သည်။
လာမည့်ဆွေးနွေးပွဲ မတိုင်မီ မစ္စတာ နမ်ဘီးယား၏ လက်ထောက်တဦးက KIO ငြိမ်းချမ်းရေး ကိုယ်စားလှယ် များအား သွားရောက် ခေါ်ယူရာတွင် လိုက်ပါသွားမည် ဖြစ်ကြောင်း ဦးဆန်အောင် က မဇ္စျိမကို ပြောသည်။
KIO ဘက်မှ တင်ပြသော ကုလသမဂ္ဂ အပါအဝင် အမေရိကန်၊ ဗြိတိန်နှင့် တရုတ်နိုင်ငံများမှ လေ့လာသူများ လည်း ပါဝင်ရန် ဖိတ်ကြားမှုကိုမူ အစိုးရဘက်မှ လက်မခံဘဲ ကုလသဂ္ဂ ကိုယ်စားလှယ်သာ ပါဝင်ရန် လက်ခံခဲ့ခြင်း ဖြစ်သည်။
ငြိမ်းချမ်းရေးလုပ်ငန်းဖော်ဆောင်ရေး ဒု-ဥက္ကဋ္ဌ ဝန်ကြီး ဦးအောင်မင်းတို့ ဘက်မှ သီးသန့် လေ့လာသူများကို ဖိတ်ကြားခြင်း မရှိကြောင်း ယမန်နေ့က ငြိမ်းချမ်းရေး အကျိုးဆောင် ဦးလှမောင်ရွှေ က မဇ္ဈိမကို ပြောသည်။
KIO ဘက်မှ ငြိမ်းချမ်းရေးကော်မတီ ဆရာကြီး ဦးဆွမ်းလွတ်ဂမ် ဦးဆောင်သော ကိုယ်စားလှယ်များ တက်ရောက်မည် ဖြစ်ပြီး ယခု တွေ့ဆုံဆွေးနွေးမှုတွင် တပ်နေရာချထားရေးနှင့် နိုင်ငံရေး ဆွေးနွေးပွဲကို မည်သို့ ဆက်လက် ဆောင်ရွက်သွားရန် ဆိုသည့် အချက်နှစ်ချက်အပေါ် ဆွေးနွေးသွားမည် ဖြစ်၍ စစ်ဦးစီးချုပ် ဗိုလ်မှူးချုပ် ဂွမ်မော် တက်ရောက်ဖွယ်ရှိသည်ဟု ဦးဆန်အောင် က ပြောသည်။
ပြီးခဲ့သည့် မတ်လ ၁၁ ရက်နေ့က တရုတ်နိုင်ငံ၊ ရွှေလီမြို့တွင် နောက်ဆုံး တွေ့ဆုံ ခဲ့ရာတွင်လည်း ဗိုလ်မှူးချုပ် ဂွမ်မော် တက်ရောက်ခဲ့သည်။
Ref: မဇ္ဈိမ
Wednesday, May 22, 2013
အစိုးရနှင့် KIO ဆွေးနွေးပွဲ ကုလ အထူးကိုယ်စားလှယ် တက်ရောက်မည်
မိတ္ထီလာအရေးအခင်း အစိုးရကိုင်တွယ်ပုံ ဒေါ်စု ဝေဖန်
မအေးသန္တာကျော်
22.05.2013
မြန်မာနိုင်ငံရဲ့ တရားရေးစနစ်ဟာ လွတ်လပ်မှု မရှိဘူး။ အုပ်ချုပ်ရေးပိုင်းရဲ့ ချုပ်ကိုင်မှု အောက်မှာ ရှိနေတယ်လို့ မြန်မာ့ အတိုက်အခံခေါင်းဆောင် ဒေါ်အောင်ဆန်းစုကြည် က ပြောသွားပါတယ်။ မိတ္ထီလာ ဘာသာရေး အဓိကရုဏ်းမှာ အစိုးရရဲ့ ကိုင်တွယ်မှုနဲ့ ပတ်သက်ပြီးတော့ ဒေါ်အောင်ဆန်းစုကြည် က တနင်္လာနေ့က လွှတ်တော်ဆွေးနွေးပွဲမှာ အခုလို ပြောခဲ့တာပါ။ အပြည့်အစုံကိုတော့ မအေးသန္တာကျော် က တင်ပြထားပါတယ်။
ဒေါ်အောင်ဆန်းစုကြည် ဟာ အင်္ဂါနေ့ကတော့ နေပြည်တော် လွှတ်တော် အစည်းအဝေးကို တက်ရောက်ခဲ့ပါတယ်။ မိတ္ထီလာမြို့မှာ မတ်လက ဖြစ်ပွားခဲ့တဲ့ ဗုဒ္ဓဘာသာဝင်တွေနဲ့ မူဆလင်တွေကြား ဂိုဏ်းဂဏကွဲ တိုက်ခိုက်မှုတွေကြောင့် အရေးပေါ် အခြေအနေ ကြေညာခဲ့ရတာကို အဲ့ဒီလွှတ်တော် အစည်းအဝေးပွဲမှာ တရားဝင် ခွင့်ပြုပေးခဲ့တာပါ။
အဲ့ဒီအမိန့် ဥပဒေနဲ့ပတ်သက်လို့ ဒေါ်အောင်ဆန်းစုကြည်က လွှတ်တော်မှာ အခုလို ပြောသွားခဲ့ပါတယ်။
“ဒီအချိန်မှာ ကျမတို့ နိုင်ငံဟာ ဒီမိုကရေစီ လမ်းကြောင်းပေါ်မှာ သွားနေပြီဆိုပြီးတော့ တကမ္ဘာလုံးကို အတွင်တွင် ကြေညာနေတဲ့အချိန် ဖြစ်တာမို့ ဒီမိုကရေစီ လုပ်ထုံးလုပ်နည်းတွေနဲ့ မကိုက်ညီတဲ့ ကိစ္စမှန်သမျှ ကျမတို့ ရှောင်နိုင်သလောက် ရှောင်ရမှာ ဖြစ်ပါတယ်။”
ဒေါ်အောင်ဆန်းစုကြည်ဟာ မိတ္ထီလာမှာ ဖြစ်ပွားခဲ့တဲ့ အကြမ်းဖက် တိုက်ခိုက်မှုတွေအတွင်း ဗုဒ္ဓဘာသာ ဘုန်းကြီးတစ်ပါးကို သတ်ဖြတ်ခဲ့မှုနဲ့ မူဆလင်တွေကို အင်္ဂါနေ့မှာ ပြစ်ဒဏ်ချတဲ့ စီရင်ချက်တွေနဲ့ ပတ်သက်ပြီးတော့လည်း သတင်းထောက်တွေကို သူ့ရုံးခန်းမှာ အခုလို ပြောသွားခဲ့ပါတယ်။
“ပွင့်လင်းမြင်သာမှု မရှိဘူး။ နောက်ပြီးတော့ အုပ်ချုပ်ရေးပိုင်းဆိုင်ရာက အရမ်း လွှမ်းမိုးမှု ရှိတယ်။ အုပ်ချုပ်ရေးပိုင်းဆိုင်ရာက လွှမ်းမိုးနေတဲ့ အခါကျတော့ တရားစီရင်ရေး မဏ္ဍိုင်က ဖြောင့်ရဲ့လားဆိုတာ လုံးဝ ပြောဖို့ရာ ခက်သွားပြီ။ တရားစီရင်ရေး မဏ္ဍိုင်က လွတ်လပ်မှသာလျှင် ဖြောင့်မတ်မှာ။ မလွတ်လပ်ဘဲနဲ့တော့ မဖြောင့်နိုင်ဘူး။”
မိတ္ထီလာ ပဋိပက္ခအတွင်းမှာ ဗလီနဲ့ အစ္စလာမ် ဘာသာဝင်တွေရဲ့ နေအိမ်အများအပြား မီးရှို့ဖျက်ဆီး ခံခဲ့ရပြီးတော့ အစ္စလာမ် ဘာသာဝင် အများစုလည်း မီးရှို့သတ်ဖြတ်ခံခဲ့ရပါတယ်။ အဲ့ဒီ ပဋိပက္ခကြောင့် ဒေသခံ လူ သောင်းနဲ့ချီပြီးတော့လည်း အိုးမဲ့အိမ်မဲ့ ဖြစ်ပွားခဲ့ရတာပါ။
ဒီဖြစ်ရပ်မှာ လှုံ့ဆော် သွေးထိုးမှု၊ မီးရှို့မှု၊ လူသတ်မှုတွေနဲ့ သံသယရှိသူ ဗုဒ္ဓဘာသာဝင် အပါအ၀င် လူပေါင်း ၇၄ ဦးကို အာဏာပိုင်တွေက ဖမ်းဆီးထားပါတယ်။ လောလောဆယ်ထိတော့ အစ္စလာမ် ဘာသာဝင် ၇ ဦးကိုပဲ ပြစ်ဒဏ်စီရင်ရသေးတာ ဖြစ်ပါတယ်ရှင်။
Ref: VOA News
Tuesday, May 21, 2013
သမ္မတဦးသိန်းစိန်နဲ့ အမေးအဖြေ
20.05.2013
ဦးသန်းလွင်ထွန်း။ ။ မင်္ဂလာပါခင်ဗျ။ အခု ဗွီအိုအေမြန်မာပိုင်း ကနေပြီးတော့ မြန်မာနိုင်ငံကို ရုပ်မြင်သံကြားကနေ တိုက်ရိုက် ထုတ်လွှင့်မယ့် သမ္မတကြီး ဦးသိန်းစိန်နဲ့ အထူးသဖြင့် ဗွီအိုအေ အပါအ၀င် ဗွီအိုအေကနေ အိမ်ရှင်အဖြစ် လက်ခံ ကျင်းပပေးမယ့် ဒီစီ အနီးတ၀ိုက်မှာ ရှိတဲ့ မြန်မာ အသိုင်းအ၀ိုင်းကနေပြီးတော့၊ နိုင်ငံရေး၊ စီးပွားရေး၊ ဘာသာရေး၊ လူငယ်ရေးရာ ဘက်ပေါင်းစုံက အသိုင်းအ၀ိုင်းက သမ္မတကြီးနဲ့တွေ့ပြီးတော့ မေးချင်တာ၊ နှုတ်ဆက် ချင်တာတွေနဲ့ အတူ တွေ့ဆုံပွဲကို စတင်ပါပြီခင်ဗျ။
အထူးသဖြင့် ဒီမိုကရေစီနိုင်ငံတွေမှာပဲ အများအားဖြင့် တွေ့ရလေ့ရှိတဲ့ Town Hall meeting လို့ခေါ်တဲ့ မြို့တော်ခန်းမ ပုံစံမျိုး၊ ရင်းရင်းနှီးနှီး ပွင့်ပွင့်လင်းလင်း တွေ့ဆုံပွဲကို သမ္မတကြီး အနေနဲ့ လိုလိုလားလားနဲ့ ကျနော်တို့ ဆီကို လာပြီးတော့ အခုလို လာပေးတာ ကျေးဇူးတင်ကြောင်း အရင် ပြောပါရစေ။ အလားတူပဲ တက်လာတဲ့ ပရိသတ်တွေ ဆိုရင်လည်း သမ္မတနဲ့ တွေ့ဆုံခွင့် ရပြီးတော့ အားလုံး အနေနဲ့ ရိုးရိုးသားသား ပွင့်ပွင့်လင်းလင်း ရှင်းရှင်းလင်းလင်း မေးစရာ ရှိတာလေးတွေကို မေးပြီးတော့ သမ္မတကြီး ဆီကလည်း ပွင့်လင်း ရှင်းလင်းတဲ့ အဖြေတွေကို ရနိုင်လိမ့်မယ်လို့ ကျနော်တို့ ယူဆပါတယ်။ အဲဒီတော့ အကန့်အသတ်လေး နည်းနည်းရှိတဲ့ အတွက်ကြောင့် မေးခွန်းတွေ၊ မှတ်ချက်လေးတွေ ပေးရင်တော့ အချိန် အတိုင်းအတာလေးနဲ့ ဖြစ်စေ ချင်ပါတယ်။ မေးချင်တဲ့မေးခွန်းတွေကို ပေးပြီးသားဖြစ်တဲ့ အတွက်ကြောင့်မိုလို့ သမ္မတကြီးပြောတဲ့ အကြောင်းအရာလေးတွေ နဲ့ ကိုက်ညီတဲ့ အားလျော်စွာ ကျနော် ခေါ်ပြီးတော့ မေးခွန်းလေးတွေ မေးခွင့်ပေး ပါမယ်။ ဒီထောင့်မှာလာပြီးတော့ မေးခွန်းမေးပေးဖို့ ပါပဲ။
ကျနော့်အနေနဲ့ ပထမဦးဆုံးကတော့ မေးချင်တဲ့ အကြောင်းကတော့ သမ္မတကြီး အနေနဲ့ နိုင်ငံရဲ့ ၄၇ နှစ် အတွင်း မြန်မာနိုင်ငံရဲ့ ပထမဆုံး သမ္မတ အနေနဲ့ အမေရိကန်ပြည်ထောင်စုကို တရားဝင် အလည်အပတ် ရောက်ရှိ လာတယ်။ အဲဒီမှာ သမ္မတကြီးအနေနဲ့ အမေရိကန်ပြည်ထောင်စု သမ္မတ ဘရက် အိုဘားမားနဲ့လည်း မနက်ဖြန်ဆိုရင်တွေ့ဆုံဖို့ ရှိပါတယ်။ ဒီသမိုင်းဝင် ခရီးစဉ် အတွင်းမှာ သမ္မတကြီး အနေနဲ့ ဘယ်လို မြန်မာနိုင်ငံရဲ့အကျိုးအတွက် ရလဒ်တွေကို မျှော်မှန်းနိုင်ဖို့ ရည်ရွယ်ချက် ရှိထားပါလဲ ဆိုတာလေးကို သမ္မတကြီးအနေနဲ့ အတိုချုပ်လေး ရှင်းပြပေးစေချင်ပါတယ်။ အလားတူပဲ သမ္မတကြီး ဦးဆောင်ပြီးတော့ လုပ်နေတဲ့ မြန်မာနိုင်ငံတွင်းမှာ ရှိတဲ့ ပြုပြင်ပြောင်းလဲရေး လုပ်ငန်းစဉ်တွေရဲ့ လက်ရှိအခြေအနေ၊ ရင်ဆိုင်ရတဲ့ အကြောင်းလေးတွေကိုလည်း အတိုချုပ် ရှင်းပြပေးစေချင်ပါတယ်။ အဲဒါပြီးရင်တော့ ပရိသတ်ထဲက မေးစရာ ရှိတာလေးတွေကို သမ္မတကြီးအနေနဲ့ ဖြေကြားပေးစေ ချင်ပါတယ်။
သမ္မတဦးသိန်းစိန်။ ။ အားလုံးပဲ တက်ရောက်လာကြတဲ့ အဖွဲ့တွေကို ကျနော့် အနေနဲ့ ကျေးဇူးတင်ကြောင်း ပြောကြား ချင်ပါတယ်။ ဒီမှာ အကြောင်း အမျိုးမျိုးနဲ့ ရောက်နေပေမဲ့လည်း မြန်မာနိုင်ငံသားတွေဖြစ်တဲ့ အတွက်ကြောင့် စိတ်ထဲမှာတော့ စောစောကပြောသလိုပါပဲ။ ကိုယ့်သွေး ကိုယ့်သားတွေ လိုပဲ စိတ်ထဲမှာ သဘောထား ပါတယ်။ ခင်ဗျားတို့နဲ့ တွေ့နိုင်အောင် အခုလို စီစဉ်ပေးခဲ့တဲ့ ဗွီအိုအေက တာဝန်ရှိတဲ့ ပုဂ္ဂိုလ်တွေလည်း ကျေးဇူးတင်ကြောင်း ကျနော် ပြောလိုပါတယ်။ စောစောက ကျနော် ပြောသလိုပါပဲ မြန်မာနိုင်ငံနဲ့ အမေရိကန် ဆက်ဆံရေးဟာ ၁၉၄၇ ခုနှစ်ဆိုတော့ လွတ်လပ်ရေးတောင် မရသေးပါဘူး။ လွတ်လပ်ရေး မရခင်ကတည်း ကျနော်တို့က သံတမန်ဆက်သွယ်မှု ရှိခဲ့တယ်။ နောက် ဟိုတုန်းကတော့လည်း သွားလာဆက်ဆံမှုတွေ ရှိပါတယ်။ အဲဒီတော့ ၁၉၅၅ ခုနှစ်ကဆိုလို့ရှိရင်ဝန်ကြီးချုပ်ဦးနု ဒီကိုလာခဲ့ပါတယ်။ ဧည့်သည်အဖြစ်နဲ့။ နောက် တခါ ၂ နှစ်အကြာ ၁၉၅၇ ခုနှစ်မှာ သမ္မတကြီး ဦးမန်းဝင်းမောင် က ဆေးဝါးကုသဖို့ဆိုပြီးတော့ ဒီကိုလာခဲ့ဖူးပါတယ်။ နောက်တော့ ၁၉၆၆ ခုနှစ်မှာ ကျနော်တို့ ဗိုလ်ချုပ်ကြီးနေ၀င်းပေါ့လေ။ တရားဝင်အလည်အပတ်ခရီး လာခဲ့ဖူးပါတယ်။ အဲဒီတော့ ၁၉၆၆ ခုနှစ်ကနောက်ပိုင်းမှာ ကျနော်တို့ အဆက်အသွယ်တွေ ပြတ်သွားကြတယ်။ အသွားအလာတွေ နည်းသွားကြတာ အခု ကျနော်ရောက်တဲ့အချိန်ထိဆိုရင် အားလုံး ကျနော်တို့ ၄၇ နှစ်။ ၄၇ နှစ်အတွင်းမှာ ကျနော်တို့ မြန်မာနိုင်ငံရဲ့ တာဝန်ရှိတဲ့အကြီးအကဲတယောက် အနေနဲ့ အမေရိကန်နိုင်ငံကို၊ မြို့တော်ဝါရှင်တန်ကို ရောက်လာတာဖြစ်ပါတယ်။ အဲဒီတော့ အဓိက ကတော့ ကျနော်တို့ မြန်မာနိုင်ငံနဲ့ အမေရိကန်ဆက်ဆံရေး ဟာ သမ္မတအိုဘားမား လက်ထက်မှာ ပြန်လည်ပြီးတော့ ပွင့်လင်းသွားပြီးတော့ မှ နှစ်နိုင်ငံ ဆက်ဆံရေးဟာ နွေးနွေးထွေးထွေးနဲ့ ကျနော်တို့ ရှိလာတယ်။ နှစ်ပေါင်း ၂၀ လောက် အဆက်အသွယ် အကျိတ်အခဲတွေပေါ့နော်။ အခက်အခဲတွေ ရှိနေရာကနေ အခုတော့ ကျနော်တို့ နှစ်နိုင်ငံရဲ့ ဆက်သွယ်ရေးဟာ သမ္မတအိုးဘားမားရဲ့ ကျင့်သုံးတဲ့ ပေါ်လစီအရ ပြန်လည် ပြီးတော့ ထိတွေ့ဆက်ဆံမှုတွေ၊ ဆက်သွယ်မှုတွေ ကျနော်တို့ရှိလာပါတယ်။ အဲဒီတော့ လာရတဲ့ခရီးစဉ်ရဲ့ အဓိက ကတော့ နှစ်နိုင်ငံ ကျနော်တို့ရဲ့ ခင်မင်ရင်းနှီးမှုကို ဆက်လက်ပြီးတော့ အဓွန့်ရှည်အောင် တည်ဆောက်နိုင်ဖို့ အတွက် ဒါ ကျနော်တို့ လာရောက် လည်ပတ်ခြင်းဖြစ်ပါတယ်။ ဒါကတော့ အဓိက အကြောင်းတစ်ချက်ပေါ့။ အဲဒီတော့ ကျနော်တို့ သမ္မတကြီးနဲ့တွေ့ရင်းနဲ့ ကျနော်တို့နိုင်ငံရဲ့ ဖြစ်ပေါ်တိုးတက်မှုတွေ၊ ကျနော်တို့ တွေ့ကြုံရတဲ့ အခက်အခဲတွေ၊ ကျနော်တို့ရဲ့ ရှေ့အလားအလာတွေ ဒါတွေနဲ့ ပတ်သက်ပြီးတော့ အမေရိကန်နိုင်ငံအနေနဲ့ အဘက်ဘက်ကနေပြီးတော့ ကျနော်တို့နိုင်ငံအပေါ် နားလည်မှု ရှိဖို့၊ တချို့အခက်အခဲတွေ ကို ဖြေရှင်းပေးနိုင်မယ့်ဟာတွေကို ဖြေရှင်းပေးနိုင်ဖို့ ဆိုတဲ့ ဒီလို ရည်ရွယ်ချက်တွေနဲ့ ကျနော်တို့ ဒါ သမ္မတကြီးနဲ့တွေ့ဖို့ဖြစ်ပါတယ်။
ဦးသန်းလွင်ထွန်း။ ။ နောက်ထပ် အကြောင်းအရာတစ်ခုကို မဆက်ခင်မှာပဲ အခု ပရိသတ်ထဲမှာ မေးချင်တဲ့သူတွေထဲက သမ္မတကြီး အခုရှင်းပြတဲ့ အမေရိကန်ပြည်ထောင်စုကို လာရတဲ့အကြောင်းရင်းတွေ ထဲမှာပဲ ပါတဲ့အချက်လေးတခုကတော့ အမေရိကန် ဒီမိုကရေစီစနစ်မှာ မြန်မာနိုင်ငံ အတွက် အတုယူစရာဘာများ ရှိပါသလဲ။ ကိုအောင်သူငြိမ်းက မေးချင်ပါတယ်။ ကိုအောင်သူငြိမ်းကတော့ မြန်မာနိုင်ငံ နယ်စပ်မှာနေနေတဲ့ သူပါ။ အဲဒီတော့ ကိုအောင်သူငြိမ်းအနေနဲ့ မေးချင်တဲ့မေးခွန်းလေးကို မေးစေချင်ပါတယ်။
ဦးအောင်သူငြိမ်း။ ။ ကျေးဇူးတင်ပါတယ် သမ္မတကြီးခင်ဗျ။ ကျနော် အောင်သူငြိမ်းပါ။ ကျနော် ဗဟုဖွံ့ဖြိုးမှုအဖွဲ့ကပါ။ သမ္မတကြီးတို့ ဖိတ်ခေါ်မှုနောက်ပိုင်းမှာ ကျနော် တိုင်းပြည်ကိုလည်း ပြန်ရောက်ပါတယ်။ တချို့သုတေသနလုပ်ငန်းလည်း ကျနော် လုပ်ပါတယ်။ ကျနော် မေးချင်တဲ့မေးခွန်းကတော့ အခုလို ဒီအမေရိကန်ကို လာပြီးတော့ ဒီသမိုင်းဝင်ခရီးစဉ်မှာ အမေရိကန်ရဲ့ ဒီမိုကရေစီစနစ်ကနေ ကျနော်တို့နိုင်ငံက အတုယူစရာ၊ လေ့လာစရာဘာတွေ ရှိမလဲ။ ဒါနဲ့ပတ်သက်လို့ ကျနော် ပထမမေးချင်ပါတယ်။ ဆိုတော့ ဒုတိယကတော့ ကျနော်တို့နိုင်ငံရဲ့ ပညာရေးစနစ် ပြုပြင်ပြောင်းလဲမှု လုပ်တဲ့နေရာမှာ သမ္မတကြီးရဲ့ခရီးစဉ်အတွင်း ဘယ်လိုအထောက်အပံ့ အကူအညီတွေ ရနိုင်မလဲ။ မျှော်လင့်နိုင်မလဲပေါ့။ ဒါလည်း ကျနော်တို့ သိချင်ပါတယ်ခင်ဗျ။
သမ္မတဦးသိန်းစိန်။ ။ အဲဒီတော့ ပထမမေးခွန်းအနေနဲ့ ကျနော်တို့ အမေရိကန်နိုင်ငံဟာ ဒီမိုကရေစီ ကျင့်သုံးလာတာ နှစ်ပေါင်းရာနဲ့ချီ ကြာခဲ့ပြီဖြစ်ပါတယ်။ နောက် ကျနော်တို့နိုင်ငံအနေနဲ့ ပြန်ကြည့်မယ်ဆိုရင် ဒီမိုကရေစီစနစ်ကို ၁၉၄၈ ခုနှစ်မှာ လွတ်လပ်ရေး ကျနော်တို့ရခဲ့တယ်။ ရခဲ့ပြီးတော့ တက်လာတဲ့အစိုးရဟာ ကျနော်တို့ ဒီမိုကရေစီစနစ်ကို ကျင့်သုံးတဲ့အစိုးရပါ။ သို့သော်လည်း ကျနော်တို့ ၁၄ နှစ်ပေါ့နော်။ သက်တမ်းအားဖြင့် ၁၄ နှစ်ပဲ ကျနော်တို့ ကြာညောင်းခဲ့ပြီးတော့၊ ကျန်တဲ့အချိန်တွေဟာ တိုင်းပြည်ရဲ့ တည်ငြိမ်အေးချမ်းမှု၊ လုံခြုံမှု အခြေအနေတွေအရ တပ်မတော်ကပဲ တလှည့်တပြန်စီ တာဝန်ယူသွားရတာ။ အဲဒီတော့ ဒီမိုကရေစီနဲ့ ကျနော်တို့ ကင်းကွာတာ အတော်လေးလည်း ကြာခဲ့ပါပြီ။ ဒီမိုကရေစီနဲ့ကင်းကွာတာ အတော်လေးကြာခဲ့ပြီ။ နောက်တခါ အခု ကျနော်တို့အစိုးရတက်လာတော့ ဒီမိုကရေစီစနစ်ကို ကျင့်သုံးတယ် ဆိုပေမဲ့လည်း ကျနော်တို့မှာ အချိန်ကာလအားဖြင့်က နှစ် နှစ်ပဲ ကျနော်တို့ရှိပါသေးတယ်။ အဲဒီတော့ ဒီမိုကရေစီနဲ့ပတ်သက်ပြီးတော့ ကျနော်တို့မှာ အတွေ့အကြုံတွေ၊ အလေ့အကျင့်တွေ အများကြီးနည်းပါသေးတယ်။ အဲဒီတော့ ဒီမိုကရေစီဆိုတာကို ကျင့်သုံးနေတဲ့ နိုင်ငံကြီးအတွက်တော့ ပြည်သူတွေပိုင်းကလည်း ဒီိမိုကရေစီကို အပြည့်အ၀ခံစားခွင့် ရသလို၊ ဒီမိုကရေစီနဲ့ပတ်သက်ပြီးတော့ တာဝန်ယူမှု၊ တာဝန်ရှိမှုတွေကလည်း အပြည့်အ၀ ပြည်သူတွေက ခံယူထားတယ်လို့ ကျနော်နားလည်ပါတယ်။ ဒါကြောင့် ဒီမိုကရေစီနဲ့ပတ်သက်ပြီးတော့ တဘက်ကလည်း ဒီအခွင့်အရေးတွေ၊ လွတ်လပ်ခွင့်တွေ အပြည့်ဝ ယူချင်သလို၊ တဘက်ကလည်း အမေရိကန်ပြည်သူတွေလို ဒီမိုကရေစီနဲ့ပတ်သက်တဲ့ တာဝန်ရှိမှုတွေ၊ တာဝန်သိမှုတွေ ဒါတွေဟာ ကျနော်တို့နိုင်ငံအတွက် အတုယူဖွယ်ရာဖြစ်တယ်လို့ ကျနော့်အနေနဲ့ပြောချင်ပါတယ်။ ဒါက မေးခွန်းတခုပေါ့။
ဒုတိယမေးခွန်းက ပညာရေးနဲ့ပတ်သက်ပြီးတော့ တိုင်းပြည်တွေ ဖွံ့ဖြိုးတိုးတက်ဖို့အတွက် ပညာရေးဟာ အင်မတန်မှ အဓိကကျပါတယ်။ ပညာရေးဟာ အဓိကကျပါတယ်။ အဲဒီတော့ ကျနော်တို့ရဲ့ ပညာရေးဟာ ကျနော်တို့လေ့လာကြည့်တဲ့အခါမှာ ဒီ လွတ်လပ်ရေးစရပြီးတဲ့ ကာလတွေအပိုင်းမှာ အရှေ့တောင်အာရှမှာဆိုရင် ကျနော်တို့ပညာရေးဟာ အတော်လေးကို ရှေ့တန်းကျကျနဲ့ ရှိနေတဲ့အနေအထားဖြစ်ပါတယ်။ ဟိုတုန်းကလည်း ကျနော်တို့ နိုင်ငံခြား တက္ကသိုလ်ကြီးတွေမှာ နံမည်ကြီးတက္ကသိုလ်ကြီးတွေမှာ ဘွဲ့ရခဲ့တဲ့ ဆရာကြီး၊ ဆရာမကြီးတွေ။ သူတို့ကနေတဆင့် တက္ကသိုလ်တွေမှာ ပြန်လည်သင်ကြားပေးတဲ့ အတွက်ကြောင့် ကျနော်တို့ရဲ့ပညာရေးဟာ ပြောရမယ်ဆိုရင် အရှေ့တောင်အာရှတင် မဟုတ်ပါဘူး။ အာရှမှာပါ ရှေ့ကနေပြီးတော့ ပြေးနေတဲ့ အနေအထား ရှိပါတယ်။ သို့သော်လည်းနောက်ပိုင်းမှာတော့ တိုင်းပြည်ရဲ့အခြေအနေတွေအရ တဖြည်းဖြည်းနဲ့ ပညာရေးနဲ့ပတ်သက်ပြီးတော့ အနောက်နိုင်ငံ တက္ကသိုလ်တွေကနေ၊ နံမည်ကြီးတက္ကသိုလ်တွေကနေ ဘွဲ့ရတဲ့ဆရာကြီးတွေ၊ ဆရာမတွေက တဖြည်းဖြည်းနဲ့ အသက်အရွယ်တွေကြီးလာတာ။ တချို့လည်း ပင်စင်သွားကြတယ်ဆိုတော့ အဆက်အသွယ်တွေ ပြတ်သွားတဲ့အနေအထားမျိုး ဖြစ်ပါတယ်။ အဆက်ပြတ်သွားတဲ့အနေအထားမျိုးဖြစ်တယ်။ ဖြစ်တော့ ပညာရေးဟာ တကယ်တော့ တိုင်းပြည်တပြည် ထူထောင်ဖို့အတွက် အရေးကြီးဆုံး အရာဖြစ်ပါတယ်။ ပညာရေးကိုလည်း ကျနော်တို့ အလေးထားပြီးတော့မှ ရင်းနှီးမြှုပ်နှံဖို့ ကျနော်တို့လိုပါတယ်။
အဲဒီတော့ ကျနော်တို့ ပညာရေးကို မြှင့်တင်ဖို့အတွက် ဒီကနေ့ ကျနော်တို့ ဘက်ပေါင်းစုံ နည်းလမ်းပေါင်းစုံနဲ့ ကျနော်တို့ ကြိုးစားနေပါတယ်။ အဲဒီတော့ ကျနော်တို့ ပညာရေးဟာ ပြောင်းလဲနေတဲ့ ကျနော်တို့နိုင်ငံရဲ့ အခြေအနေအရဆိုရင်တော့ လက်တွေ့လုပ်ငန်းခွင်ကို ထိထိရောက်ရောက် ၀င်နိုင်တဲ့ ပညာရေးမျိုးဖြစ်ဖို့ လိုပါတယ်။ ဥပမာဆိုကြပါစို့။ ကျနော်တို့ စီးပွားရေး ဖွံ့ဖြိုးတိုးတက်ဖို့အတွက် နိုင်ငံခြားရင်းနှီးမြှုပ်နှံမှုတွေ ဖိတ်ခေါ်နေတယ်။ စက်ရုံတွေဆောက်မယ်။ အလုပ်ရုံတွေဆောက်မယ်။ ပြီးရင် ဒီ စက်ရုံတွေ အလုပ်ရုံတွေ ပြီးသွားတဲ့အခါမှာ skill labor တွေ လိုလာတယ်။ ကျနော်တို့ဆီမှာ ဘွဲ့ရတဲ့ကလေးတွေ အများကြီးရှိပါတယ်။ ကွန်ပျူတာနဲ့ဘွဲ့ရတဲ့ ကလေးတွေ၊ အင်ဂျင်နီယာနဲ့ဘွဲ့ရတဲ့ကလေးတွေ၊ သိပ္ပံဘာသာရပ်၊ ၀ိဇ္ဇာဘာသာရပ်နဲ့ ဘွဲ့ရတဲ့ကလေးတွေ။ ဒီကလေးတွေက အလုပ်ရုံ စက်ရုံထဲကို ဘွဲ့ရပြီးတော့ တိုက်ရိုက်ကူးဝင်လို့ ရမလားဆိုတော့ ကျနော်တို့မှာ မရနိုင်သေးပါဘူး။ ဘာဖြစ်လို့လဲဆိုတော့ လုပ်ငန်းခွင်ကို ကျနော်တို့ လုပ်နိုင်တဲ့ ပညာရေးစနစ်မျိုး မဟုတ်သေးဘူး။ မဟုတ်သေးတဲ့အတွက်ကြောင့် အနည်းဆုံးတော့ vocation training ခြောက်လတန်သည်။ တစ်နှစ်တန်သည် ကျနော်တို့ ပြန်ပြီးတော့ ပေး ရမှာဖြစ်ပါတယ်။ အဲဒီတော့ တိုင်းပြည်ဖွံ့ဖြိုးတိုးတက်ဖို့အတွက် ကျနော်တို့မှာ ဘာတွေလိုအပ်သလဲ။ အင်ဂျင်နီယာတွေ အများကြီးလိုအပ်နေလား။ ဆရာဝန်တွေ အများကြီးလိုနေလား။ အဲဒီတော့ တက္ကသိုလ်ကနေ မွေးထုတ်ပြီးတော့ ဘွဲ့ရတဲ့ကလေးတွေဟာ တိုက်ရိုက်လုပ်ငန်းခွင့်မှာဝင်ပြီးတော့ အကျိုးပြုနိုင်တဲ့ ပညာရေးမျိုး ဖြစ်သင့်တယ်။ ဒီပညာရေးမျိုးဖြစ်အောင် ကျနော်တို့ ဒီကနေ့ ကြိုးပမ်းဆောင်ရွက်နေတယ်လို့ ပြောရမှာပါဖြစ်ပါတယ်။
ဦးသန်းလွင်ထွန်း။ ။ ပညာရေးနဲ့ တဆက်ထဲပဲ အခု ဒီမှာရောက်နေတဲ့ ပညာတော်သင်ထဲက ပဲပေါ့နော်၊ Humphrey Fellow ပေါ့၊ သူက ဒေါ်မာမာသွင်ပါ။ သူကလည်း အလားတူ မေးခွန်းလေးပဲ မေးထားတော့ သူ့ရဲ့မေးခွန်းကို ဖတ်ပြ လိုက်ပါ့မယ်။ လောလောဆယ် နိုင်ငံရပ်ခြားမှာ ပညာတော်သင် ကိစ္စတွေနဲ့ ပတ်သက်ပြီး Exchange Program တွေကို သမ္မတကြီး ဒီမှာရှိနေတဲ့ အချိန်မှာ ဘာတွေမှာ ထူးထူးခြားခြား လုပ်ဆောင်ဖို့ ရှိပါသလဲ ခင်ဗျ။ အထူးသဖြင့် မနက်ဖြန် ဆိုလို့ရှိရင်လည်း ၀ါရှင်တန်မှာ ရှိတဲ့ Johns Hopkins မှာ သွားရောက်ပြီးတော့ စကားပြောမယ်၊ တွေ့ဆုံဖို့တွေ ရှိတယ်ဆိုတော့ အထူး အစီအစဉ်လေးတွေများ မြန်မာနိုင်ငံကနေပြီးတော့ အဆင့်မြင့် ပညာတွေကို လာပြီးတော့ သင်ဖို့ ကိစ္စလေးတွေများ အစီအစဉ် ရှိပါသလား။
သမ္မတဦးသိန်းစိန်။ ။ ဒီတော့ ဒီကိစ္စက အမေရိကန်နိုင်ငံတင် မဟုတ်ပါဘူး။ ကျနော်တို့ရောက်ခဲ့တဲ့ နိုင်ငံတိုင်းမှာ ပညာရေးနဲ့ ပတ်သက်ပြီးတော့ ကျနော်တို့ ခုနကလို ထိုက်သင့်တဲ့ ပူးပေါင်း ဆောင်ရွက်မှုတွေ ပြုပေးဖို့။ အထူးသဖြင့်တော့ ကျနော်တို့ဆီက ပညာတော်သင်တွေကို လက်ခံဖို့။ နောက်တခုကလည်း ပညာတော်သင်တွေကို လက်ခံပေးတယ် ဆိုရင်လည်း သူတို့က သင်ပေးပေမယ့် စရိတ် စကတို့ ဘာတို့ နေရေးအတွက်၊ စားရေးအတွက် ဒါကတွေကလည်း ရှိနေတော့ ၀န်ထုပ် ၀န်ပိုး ဖြစ်ပါတယ်။ ဖြစ်နိုင်လို့ရှိရင်တော့ နိုင်ငံခြားမှာရှိနေတဲ့ တက္ကသိုလ်မျိုး ကျနော်တို့ ပညာတော်သင်တွေကို လက်ခံပြီးတော့ သင်ပေးမယ့် တက္ကသိုလ်ခွဲတွေပေါ့၊ ဥပမာ ဆိုကြပါစို့ အခု Johns Hopkins တက္ကသိုလ်တို့ ဘာတို့ဆို ကျနော်တို့တွေ့ပါတယ်။ ဥက္ကဌတို့ ဘာတို့နဲ့လည်း တွေ့တယ်။ ခင်ဗျားတို့ဗျာ ကျနော်တို့ ဒီမှာလာပြီးတော့ တက်ဖို့ ပညာတော်သင်ကို လက်ခံပေးမယ်ဆိုရင်လည်း ကျနော်တို့မှာ ခုနကလို စားစရိတ်ကြီးတာတွေ၊ နေရေးထိုင်ရေးအတွက် စရိတ်ကြီးတာတွေ ဒါတွေက ရှိနေတယ်။ ကျနော်တို့ မလုပ်နိုင်ဘူး။ ဥပမာ လူဦးရေ သန်း ၆၀ ရှိတဲ့အနက်က ၂ ယောက်လောက် လွှတ်ပြီးတော့ သင်ယုံနဲ့က ဘာမှ ကျနော်တို့က အကျိုး မရှိနိုင်ဘူး။ ဖြစ်နိုင်လို့ရှိရင် ခင်ဗျားတို့ တက္ကသိုလ်ခွဲတွေ လာပြီးတော့ ထူထောင်ပေးပါ။ ကျနော်တို့မှာ ရှိပါတယ် နေရာတွေက အစ။ ဒါကို ကျနော်တို့ အဓိက အလေးအနက်ထားပြီးတော့ ပထမတော့ ကျနော်တို့ ပညာတော်သင်တွေကို။ များများ သင်ပေးနိုင်ဖို့အတွက်က ကိုယ့်ပြည်တွင်းမှာ လာပြီးတော့ ဌာနခွဲတွေကို လာရောက် ဖွင့်ပေးဖို့ဆိုပြီးတော့ ကျနော်တို့ ပြောဖို့ ရှိပါတယ်။ ကျနော်တို့ မနက်ဖြန်တွေ့တဲ့ ပြုတဲ့အခါမှာလည်း ပညာရေးနဲ့ ပတ်သက်လို့ တိုက်ဆိုင်လာရင် ဒီကိစ္စကို ပြောမယ်လို့ ကျနော်တို့ စိတ်ကူးထားပါတယ်။
ဦးသန်းလွင်ထွန်း။ ။ သမ္မတကြီးရဲ့ ခရီးစဉ်အတွင်းမှာ အားလုံး သေသေချာချာ အလေးအနက်ထားပြီးတော့ လေ့လာ ကြည့်ရှုနေကြတဲ့ အချက်ကတော့ အမေရိကန် - မြန်မာ ဆက်ဆံရေးပေါ့။ အမေရိကန် မြန်မာ ဆက်ဆံရေးမှာလည်း လောလောဆယ် အားဖြင့် အမေရိကန် မြန်မာ ဆက်ဆံရေးဟာ ပြန်ပြီး နွေးထွေး လာတယ်ဆိုတာ သမ္မတကြီးလည်း အစောပိုင်းက ပြောပြခဲ့ဘူးပါတယ်။ ဒါပေမယ့်လည်း အမေရိကန်နိုင်ငံ အနေနဲ့က လောလောဆယ် ပိတ်ဆို့ ကန့်သတ်ထားမှုတွေကို ချန်ထားတာလေးတွေ ရှိနေသေးတယ်ခင်ဗျ။ အကုန် မရုပ်သေးပဲနဲ့။ အဲဒီတော့ ဒီကန့်သတ်ချက်တွေကို သမ္မတကြီးရဲ့ ခရီးစဉ်အတွင်းမှာ လွှတ်တော်ပိုင်းကရော၊ ဥပဒေကြောင်းပိုင်းကရော ကြေကြေလည်လည် ရုပ်သိမ်းသွားရေး အောင်မြင်အောင် ဆောင်ရွက်သွားနိုင်မယ်လို့ ယူဆပါသလား။
သမ္မတဦးသိန်းစိန်။ ။ ကျနော်တို့ Sanction ကိစ္စနဲ့ ပတ်သက်လို့ကတော့ ခင်ဗျားတို့လည်း အားလုံး ကြားထားကြ ပြီးသား ဖြစ်မှာပါ။ အဲဒီတော့ ဒီကနေ့ ကျနော်တို့ရဲ့ ပြည်သူ အများစုကတော့ ၊ ပြည်သူအများ အနေနဲ့ တူညီတဲ့ သဘောဆန္ဒ နှစ်ခုရှိပါတယ်။ တခုကတော့ ကျနော်တို့တိုင်းပြည် တည်တည်ငြိမ်ငြိမ် အေးအေးချမ်းချမ်းနဲ့ တရားဥပဒေ စိုးမိုးတဲ့ နိုင်ငံဖြစ်ဖို့ ဒါဟာ လူတိုင်းရဲ့ ဆန္ဒ သဘောထားပဲ ဖြစ်ပါတယ်။ ဒီဟာက ခုနကလို နိုင်ငံရေးနဲ့ သက်ဆိုင်တဲ့ ကိစ္စပေါ့။
အဲဒီတော့ နိုင်ငံရေးအရ ပြုပြင် ပြောင်းလဲမှုတွေလည်း ပြည်သူလူထုရဲ့ ဒီဆန္ဒတွေအပေါ် မူတည်ပြီးတော့ နိုင်ငံရေး တည်ငြိမ်အောင်၊ ကျနော်တို့ရဲ့ နိုင်ငံရေးလုပ်ငန်းစဉ်မှာ အားလုံး ပါဝင်နိုင်အောင်၊ ဒါတွေ ကျနော်တို့ လုပ်ပေးမှာပါ။ နိုင်ငံရေးအကျဉ်းသားတွေ လွတ်ပေးတာ ပြုပေးတာက အစပေါ့။ နောက်တခုကလည်း ကျနော်တို့ နှစ်ပေါင်း ၆၀ ကျော်လောက် ရှိကြခဲ့တဲ့ လက်နက်ကိုင် ပဋိပက္ခ။ လက်နက်ကိုင် ပဋိပက္ခနဲ့ ပတ်သက်ပြီးတော့ ပြည်သူတွေဟာ အင်မတန်မှကို ညည်းငွေ့နေကြပါတယ်။ တချို့ အတွင်းပိုင်းကျတဲ့ မြို့ကြီးတွေမှာ မသိသာပေမယ့်လည်း နယ်စပ်ဒေသတွေမှာ ဒါတွေကို ခါးစည်းပြီးတော့ ခံနေရတာပေါ့။ ဒါကြောင့် ငြိမ်းချမ်းရေးကို ကျနော်တို့ လိုချင်နေကြပါတယ်။ ဒီလက်နက်ကိုင် ပဋိပက္ခတွေ ချုပ်ငြိမ်းဖို့အတွက် ငြိမ်းချမ်းရေး တည်ဆောက်ဖို့အတွက် ကျနော်တို့ ကြိုးပမ်းနေတာ ခင်ဗျားတို့လည်း ကြားပါတယ်။ ခင်ဗျားတို့လည်း သိပါတယ်။
နောက်တခုကတော့ ခုနကလို ဒီမိုကရေစီရှင်သန်ဖို့အတွက် တိုင်းပြည်တည်ငြိမ်အေးချမ်းဖို့၊ လုံခြုံဖို့၊ တရားဥပဒေစိုးမိုးဖို့ လိုအပ်သလိုပဲ တဘက်ကလည်း လူမှုစီးပွားရေးတွေ ဖွံ့ဖြိုးတိုးတက်ဖို့ လိုအပ်ပါတယ်။ အဲဒီတော့ စီးပွားရေး ဖွံ့ဖြိုးရေး တိုးတက်ရင်ပဲ လူမှုရေးကလည်း ထပ်ချပ်မကွာ လိုက်လာတာဖြစ်ပါတယ်။ အဲဒီတော့ စီးပွားရေးဖွံ့ဖြိုးတိုးတက်တယ်၊ အလုပ်အကိုင်တွေ ရတယ်။ အလုပ်အကိုင်တွေရတဲ့အတွက်ကြောင့် ၀င်ငွေတွေ ရလာတယ်။ ၀င်ငွေတွေ ရတဲ့အတွက်ကြောင့် နေနိုင်တယ်၊ စားနိုင်တယ်။ ကလေးတွေကို ကျနော်တို့ ကျောင်းထားနိုင်တယ်။ နေထိုင်မကောင်းဖြစ်ရင် ကျနော်တို့ ဆေးဝါးကုသနိုင်တယ်။ အဲဒီတော့ စီးပွားရေးနဲ့ လူမှုရေးဟာ ဒွံတွဲပြီးတော့ ပါလာတယ်။ အဲဒီတော့ တိုင်းပြည်မှာ ကျနော်တို့ စီးပွားရေးကို ထိထိရောက်ရောက် ဖြစ်ဖြစ်မြောက်မြောက်ဖြစ်အောင် ထူထောင်ဖို့ကြတော့ ကျနော်တို့မှာ လိုအပ်ချက်တွေ ရှိတယ်။
လိုအပ်ချက်က တစ်အချက်ကဘာလဲဆိုရင် ကျနော်တို့မှာ ရင်းနှီးမြှုပ်နှံဖို့ အရင်းအနှီး ကျနော်တို့မှာ လုံလုံလောက်လောက်မရှိဘူး။ ပြည့်ပြည့်စုံစုံ မရှိဘူး။ နောက်တစ်ခုကတော့ နည်းပညာပိုင်းပေါ့။ နည်းပညာပိုင်းနဲ့ ပတ်သက်ပြီးတော့လည်း ကျနော်တို့က နောက်ကျနေတယ်။ တတိယ အချက်ကတော့ လူ့စွမ်းအားအရင်းအမြစ်တွေ။ လူ့စွမ်းအားအရင်းအမြစ်တွေ ကတော့ ခင်ဗျားတို့သိတဲ့အတိုင်းပဲ။ အခုပဲ နေရာအနှံ့မှာ တက္ကသိုလ်တွေ ထောင်ပြီးတော့ အခုမှ မွေးမြူနေရတဲ့ အနေအထားရှိတယ်။ အဲဒီတော့ အရေအတွက်တွေကတော့ အထိုက်အလျောက် ကျနော်တို့ရတယ်။ သို့သော်လည်း ဒီအရေအတွက်တွေကို အရည်အချင်းအဖြစ် ပြောင်းလဲဖို့ မှာ ကျောင်းကပြီးတာနဲ့ ကျနော်တို့ လုပ်ငန်းခွင်မှာဝင်ပြီးတော့ အလုပ်လုပ်နိုင်တဲ့ အရည်အချင်းတွေ ပြောင်းလဲဖို့အတွက် ဒါတွေလည်း ကျနော်တို့ ဆောင်ရွက်နေပါတယ်။ အဲဒီတော့ ကျနော်တို့မှာ အရင်းအနှီးမရှိဘူး။ နောက် နည်းပညာ နောက်ကျနေတယ်။ ဒီအတွက်ကြောင့် ကျနော်တို့က နိုင်ငံခြားရင်းနှီးမြှုပ်နှံမှုတွေကို ကျနော်တို့က ဖိတ်ခေါ်ရတာ။ နိုင်ငံခြားရင်းနှီးမြှုပ်နှံမှုတွေကို ဖိတ်ခေါ်ရတာ။
အဲဒီတော့ နိုင်ငံခြား ရင်းနှီးမြှုပ်နှံဖို့ဆိုတာ ကျနော်တို့နိုင်ငံကို လာပြီးတော့ ရင်းနှီးမြှုပ်နှံချင်ကြပါတယ်။ ဘာဖြစ်လို့လဲဆိုတော့ ကျနော်တို့မှာ သဘာဝရဲ့ အခြေခံအရင်းအမြစ်တွေက ကျနော်တို့ အများကြီးရှိပါတယ်။ gas တွေ၊ oil တွေ၊ သစ်တောတွေ၊ သားငါးတွေရှိတယ်။ ရာဘာတွေရှိတယ်။ နောက်တခါ စားသုံးကုန်ပစ္စည်းတွေနဲ့ပတ်သက်ပြီးတော့လည်း အစားအသောက်မျိုးစုံ ထုတ်လုပ်နိုင်တဲ့ လယ်ယာကဏ္ဍ ဒါတွေ ကျနော်တို့မှာရှိနေတယ်။ ရင်းနှီးချင်တဲ့နိုင်ငံတွေက အများကြီးပါ။ အခုလည်းပဲ ခုနကလို တစ်ရက်ခြားနီးပါးလောက်က အမြဲတမ်း စီးပွားရေးလုပ်ငန်းရှင်တွေနဲ့ ထိတွေ့နေရတဲ့အနေအထား ရှိပါတယ်။ အဲဒီတော့ နိုင်ငံခြားသားက လာရောက်ပြီးတော့ ရင်းနှီးမြှုပ်နှံဖို့ ငွေထုပ်ကြီးကိုပိုက်ပြီးတော့ ကျနော်တို့နိုင်ငံကိုလာ ရင်းနှီးမြှုပ်နှံဖို့ဆိုတာ တကယ်တော့ ကျနော်တို့နိုင်ငံကို ချစ်လွန်းအားကြီးလို့၊ ကျနော်တို့ကို ဖွံ့ဖြိုးတိုးတက်စေချင်လို့ လာပြီးတော့ ရင်းနှီးမြှုပ်နှံတာမဟုတ်ပါဘူး။ ဒီရည်ရွယ်ချက်က နည်းပါတယ်။ အဓိက ကတော့ သူတို့အတွက် ဘာအကျိုးရှိမလဲ၊ အကျိုးအမြတ် ဘယ်လောက်ရနိုင် မလဲ။ နောက်တစ်ခု သူတို့ကို ဘယ်လိုအကာအကွယ်ပေးမလဲ။ နောက်တစ်ခုက သူတို့ရဲ့ မျှော်မှန်းချက်၊ ရည်မှန်းချက်တွေက ဘာတွေရှိလဲ ဒါတွေကို သူတို့ကြည့်မယ်။ ဒါတွေကို ကြည့်တဲ့အခါမှာ ဘာတောင်းလဲဆိုတော့ ပထမဆုံး Foreign Investment Law ကိုတောင်းတယ်။ အဲဒီတော့ Foreign Investment Law နဲ့ပတ်သက်ပြီးတော့ ကျနော်တို့မှာ ဥပဒေဟာ ပတ်ဝန်းကျင်မှာရှိနေတဲ့ ရင်းနှီးမြှုပ်နှံချင်သူတွေရဲ့ နိုင်ငံတွေနဲ့ လိုက်လျောညီထွေ မဖြစ်ဘူး။ မဖြစ်တဲ့အတွက်ကြောင့် ဒီ Foreign Investment Law ကို ပြီးခဲ့တဲ့နှစ်က ပြန်ပြီးတော့ ရေးဆွဲတယ်။ နိုင်ငံ လေး ငါး ခြောက်နိုင်ငံလောက်ကို စံနမူနာယူပြီးတော့မှ ဒီ law ကို ကျနော်တို့ ပြန်ရေးဆွဲတယ်။ ရေးဆွဲပြီးတော့မှ လွှတ်တော်ထဲမှာလည်း တော်တော်လေး အခြေအတင် ဆွေးနွေးကြ၊ ပြုကြနဲ့ ဒီလိုတွေ ကျနော်တို့ လုပ်ရပါတယ်။ အခုတော့ ခုနကလို နိုင်ငံခြားရင်းနှီးမြှုပ်နှံမှု ဥပဒေဟာ ကျနော်တို့ ပြဌာန်းပြီးဖြစ်ပါတယ်။ လာရောက်ပြီးတော့ ရင်းနှီးမြှုပ်နှံမယ့်နိုင်ငံတွေကလည်း ဘာပဲဖြစ်ဖြစ် ဒီဥပဒေကို သဘောကျပါတယ်။ ဒီအခက်အခဲတခုကတော့ ကျနော်တို့ ကျော်လွှားနိုင်တယ်။
နောက်ပြီးတော့ နောက်တစ်ခု ရင်းနှီးမြှုပ်နှံတာ။ စက်ရုံတွေဆောက်တယ်။ အလုပ်ရုံတွေဆောက်တယ်။ ကုန်ပစ္စည်းတွေထုတ်တယ်။ ထွက်လာတဲ့ ကုန်ပစ္စည်းတွေကို မ၀ယ်ဘူး၊ မပြုဘူး ပိတ်ပင်ထားတယ်ဆိုရင် ဘယ်သူမှလာပြီးတော့ ရင်းနှီးမြှုပ်နှံမှာ မဟုတ်ပါဘူး။ အဲဒီတော့ ဒုတိယအခက်အခဲကတော့ ဒီဟာက sanctions နဲ့သွားပြီးတော့ ဆိုင်ပါတယ်။ အဲဒီတော့ ကျနော်တို့ ဒီမိုကရေစီကိုလိုလားတယ်။ ခုနကလို ဒီမိုကရေစီစနစ် ရှေ့ကိုဆက်ပြီးတော့ ရှင်သန်ဖွံ့ဖြိုးစေချင်တယ်ဆိုရင် ဒါ ဒီမိုကရေစီနဲ့ နိုင်ငံရေး၊ ဒီမိုကရေစီနဲ့စီးပွားရေးဟာလည်း တခုနဲ့တခုဟာ ကွင်းဆက်လို ဖြစ်နေတဲ့အတွက်ကြောင့် မြန်မာနိုင်ငံမှာ စီးပွားရေးဖွံ့ဖြိုးတိုးတက်ဖို့အတွက် ဒါကို စာနာထောက်ထားသင့်တယ်။ ဒါတွေ အခက်အခဲအတားအဆီးတွေကို ဖယ်ရှားပေးသင့်တယ် ဆိုတဲ့ ဒါလေးကိုတော့ ကျနော် ပြောမယ်ပြောပါတယ်။
ဦးသန်းလွင်ထွန်း။ ။ သမ္မတကြီးဆိုလိုချင်တဲ့သဘောကတော့ အနောက်နိုင်ငံတွေရဲ့ ပိတ်ဆို့ထားမှုကို ရုတ်သိမ်းဖို့ အထူးလိုအပ်နေပြီ။ လိုအပ်နေတဲ့အချိန်မှာ လက်ရှိမှာ တဖက်မှာလည်း အလုံးစုံ မဖြေဖျောက်နိုင်သေးတဲ့ကိစ္စက မြန်မာနိုင်ငံရဲ့ ပြုပြင်ပြောင်းလဲတဲ့အပေါ်မှာ သူတို့ကြည့်ပြီးတော့ ဆုံးဖြတ်နေတယ်ဆိုတဲ့ သဘောပေါ့။ အဲလိုဆိုရင် မြန်မာပြည်ရဲ့ ပြုပြင်ပြောင်းလဲ့မှုလုပ်ငန်းတွေမှာ ကြုံတွေ့နေရတဲ့ အတားအဆီးလေးတွေ၊ အခက်အခဲလေးတွေ၊ မပြေပျောက်နိုင်သေးတဲ့ အချက်လေးတွေရှိပါတယ်။ အဲဒါလေးတွေကို တချက်လောက်ပြန်ပြောပြပေး ပါလား။
သမ္မတ ဦးသိန်းစိန်။ ။ ကျနော်စောစောကပြောသလိုပေါ့။ ကျနော်တို့မှာသက်တမ်းအားဖြင့် ၂နှစ်ပဲရှိသေးတယ်။ ဒါအစိုးရဲ့ သက်တမ်း လွှတ်တော်ရဲ့ သက်တမ်းပေ့ါ။ နောက်ပြည်သူလူထုကလည်း ဒီမိုကရေစီနဲ့ ကင်းကွာနေတာ ကြာခဲ့ပြီ။ အတွေ့အကြုံနည်းတယ်။ အလေ့အကျင့်က နည်းတယ်ဆိုတဲ့အတွက်ကြောင့်၊ တစ်အချက်က လွတ်လပ်မှုအခွင့်အရေး ပိုင်းက ပေးသင့်သလောက် ကျနော်တို့ကပေးပြီးသွားပြီ။ တချို့ကိစ္စတွေ ကျတော့လည်း ကန့်သတ်မှုတွေ ကျနော်တို့ရှိခဲ့တယ်။ ပြည်သူအပိုင်းကလည်း တာဝန်ယူမှု၊ တာဝန်ရှိမှု၊ တာဝန်သိမှုက နည်းပါးသေးတယ်။ နည်းပါးသေးတဲ့အတွက်ကြောင့် တချို့ကိစ္စတွေမှာလည်း ကျနော်တို့ အရေးယူ ရတာတွေ ဆောင်ရွက်ရတာတွေ၊ ဒါတွေကျနော်တို့ရှိပါတယ်။ ဒါတွေကို အကြောင်းပြပြီး ဒီအပေါ်မှာ စောင့်ကြည့်နေတဲ့ စောင့်ကြည့်နေတဲ့ သဘောထားတွေရှိပါတယ်။ အဲတော့ ကျန်တာတွေကတော့ ကျနော်တို့ တက်နိုင်သလောက်တော့ ကျင့်သုံးတဲ့ စနစ်နဲ့ လိုက်လျောညီထွေဖြစ်အောင်လို့ ကျနော်တို့ များစွာပြောင်းလဲပြီး ပေးနေတယ်။ သို့သော်လည်းပဲ တချို့ကိစ္စတွေက ဥပမာ ကျနော်တို့ ဆိုကြပါစို့ ယုံမှားသံသယဖြစ်တဲ့ ကိစ္စတွေလည်း ကျနော်တို့ ရှိခဲ့ပါတယ်။ ဥပမာ မြောက်ကိုရီးယားနဲ့ လက်နက်ခဲယမ်းကိစ္စတွေနဲ့ ပတ်သက်ပြီးကျနော်တို့ ဆက်သွယ်တယ်တို့၊ သံသယတွေနဲ့ ကျနော်တို့ကို စောင့်ကြည့်နေတဲ့ သဘောပါပဲ။ မြန်မာနိုင်ငံမှာ အဏုမြူလုပ်နိုင်တဲ့အနေအထားလဲမရှိပါဘူး။ ပိုက်ဆံလည်းမရှိပါဘူး။ အတတ်ပညာလည်းမရှိပါဘူး။ သူများကလည်း ဘယ်သူမှ ကျနော်တို့ကို လာပြီးလုပ်ပေးမှာမဟုတ်ပါဘူး။ လုပ်ရင်လည်းကျနော်တို့ အကုန်လုံးဝိုင်းပြီးတော့ ကန့်ကွက်ကြမှာဖြစ်ပါတယ်။ သို့သော်လည်း မြောက်ကိုရီးယားကို ကျနော်တို့ ဆက်ဆံရတာတွေရှိပါတယ်။ ဟိုတုန်းက ကျနော်တို့ အကုန်ပိတ်ဆို့ထားတဲ့အခါမှာ ကျနော်တို့လည်း ကိုယ့်နိုင်ငံကို ကာကွယ်ဖို့အတွက်၊ ကိုယ့်ကို ကူညီနိုင်မယ့် နိုင်ငံကို ရှာရတာပါ။ သံတမန် ဆက်သွယ်မှုတော့ရှိခဲ့တယ်။ ဒီဘက်ပိုင်းမှာတော့ ကျနော်တို့ အစိုးရတက်လာတဲ့အခါမှာ စစ်ရေးအားဖြင့်ဆက်သွယ်မှုတွေလုံးဝမရှိပါဘူး။ သံတမန်ပဲရှိပါတယ်။ သို့သော်လည်း ဒီအပေါ်မှာ ကျနော်တို့ အနည်းလေး မယုံသင်ကာမှုတွေနဲ့ရှိတဲ့ သဘောမျိုးဖြစ်မယ်လို့ ကျနော်တို့ထင်ပါတယ်။ ခုနကလို ကျနော်တို့ကို sanction တွေရုတ်ပေးပါ၊ ရုပ်ပေးပါလို့ ပြောပေမဲ့လည်း၊ သူတို့ရဲ့ အခြေအနေက ဒီလိုကြည့်နေရတဲ့ အခြေအနေရှိနေတယ်လို့ ကျနော်ထင်ပါတယ်။ ဒါကြောင့်မို့ ကျနော်အတင်းအကြပ်တော့ မတောင်းဆိုပါဘူး။ သို့သော်လည်း ကျနော်တို့ ဒီမိုကရေစီစနစ် ရှင်သန်ဖွံ့ဖြို့ဖို့ဆိုရင် စီးပွားရေးဖွံ့ဖြိုးတိုးတက်ဖို့လိုတယ်။ အဲတော့ စီးပွားရေးဖွံ့ဖြိုးတိုးတက်ဖို့ဆိုရင် ဒီလို ပိတ်ဆို့တားဆီးမှုတွေက အဟန့်အတားတွေဖြစ်စေတယ်။ အဟန့်အတားတွေကို ကျနော်တို့က တတ်နိုင်သလောက်ဖယ်ရှားပေးဖို့ ဆိုတဲ့ ဒီသဘောလောက်ပါပဲ။
ဦးသန်းလွင်ထွန်း။ ။ ဟုတ်ကဲ့ သံသယတွေဖြေဖျောက်သွားပြီဆိုရင်တော့ မကြာခင်မှာရုတ်သိမ်းမှုတွေ လုပ်လာမှာပေါ့။ သမ္မတကြီးပြောသွားတဲ့ အထဲမှာ မြန်မာပြည်သူလူထုအနေနဲ့ လွတ်လပ်မှုတွေ အခုပိုပြီးရလာတဲ့ အချိန်မှာ တချို့လည်း ကျင့်သားမရသေးဘူးလို့ ပြောသွားပါတယ်။ ဒါနဲ့ပတ်သက်ပြီးတော့ ဒေါ်အတာ မေးထားတဲ့ မေးခွန်းလေးတခုကို ကျနော်တွေ့ပါတယ်။ ဒေါ်အတာကတော့ ဒီက ၀ါရှင်တန်ဒီစီမှာ လူငယ်ပိုင်းမှာ တော်တော်လေးကို တက်တက်ကြွကြွလုပ်ဆောင်တဲ့ အမျိုးသမီးတဦးပါ။ သူက မြန်မာနိုင်ငံရဲ့ တရားဥပဒေနဲ့ပတ်သက်ပြီးတော့ သမ္မတကြီးတို့အစိုးရအနေနဲ့ လုပ်ကိုင်နေတာလေးတွေနဲ့ ပတ်သက်ပြီးမေးချင်ပါတယ်လို့ပြောပါတယ်။
ဒေါ်အတာ။ ။ မင်္ဂလာပါရှင်။ သမ္မတကြီးကို ကျမအနေနဲ့ မေးချင်တာက လက်ရှိ အခြေအနေက ရရှိထားတဲ့ ပါဝါ အနေနဲ့ ကျမတို့ ဒီ ၂၀၀၈ ဥပဒေ ဆိုတဲ့ လူတစု အတွက် ဖွဲ့စည်းထားတဲ့ အခြေခံ ဥပဒေ ဘယ်တော့ ပြင်မှာလဲဆိုတာကို ကျမအနေနဲ့ သိချင်ပါတယ်။ နောက်တခုက ကျမတို့ အခု လက်ရှိဖြစ်ပေါ်နေတဲ့ လက်ပံတောင်းတောင်မှာ တရုတ် ကိုလိုနီတွေ အနေနဲ့ သိမ်းပိုက်နေတဲ့ လယ်ယာ ဘယ်တော့ ရပ်တန့်မှာလဲ။ အဲဒီ ရပ်တန့်မှုတွေ အပေါ်မှာ လူထုအနေနဲ့ နှိုးကြွလာမှုတွေနဲ့ ပတ်သက်ပြီး ဆန္ဒပြမှုတွေ ဖြစ်လာတဲ့အခါမှာ ဆန္ဒပြမှုတွေကို မျက်လှည့်ပြတဲ့ အနေနဲ့ ကျမတို့ ဒီနေ့ပဲ၊ နောက်အပတ်လောက် ဆိုရင်တော့ ဒီပဲရင်း ဆယ်နှစ်ပြည့် ပါတော့မယ်။ ဒီပဲရင်းကို လုပ်ကြံခဲ့တဲ့ လူတစုအနေနဲ့ ကျမတို့ ဗမာ ပြည်သူ လူထုတွေကနေပြီးတော့ ကုလားနဲ့ တိုက်ပြီးတော့ ဘာသာရေး အဓိကရုဏ်း လုပ်နေတဲ့ ဟာကို သမ္မတကြီး အနေနဲ့ ဘယ်လိုများ ဖြေရှင်းနိုင်မလဲ၊ အရေးယူပေးနိုင်မလဲ ဆိုတာ သိချင်ပါတယ်။
သမ္မတဦးသိန်းစိန်။ ။ ဒီမေးခွန်းနဲ့ ပတ်သက်ပြီးတော့ တချို့ ကိစ္စတွေကလည်း တဖက်က အမြင်ပဲဖြစ်ပါတယ်။ တဖက်က အမြင်ဆိုတော့ အလုံးစုံတော့ မှန်ချင်မှ မှန်မယ်ပေါ့။ တဖက်ထဲက ကြည့်ရင်တော့ ၀ါးခြမ်းပဲ မြင်နေမှာပါ။ ဒီဘက်ကကြည့်ရင်လည်း ၀ါးခြမ်းပဲ မြင်နေမှာပဲ။ နှစ်ဘက်လုံးက လှည့်ပတ်ကြည့်မှသာ ၀ါးလုံးပါလား ဆိုပြီး သိရမှာမြင်ရမှာဖြစ်ပါတယ်။ အဲဒီတော့ ဖွဲ့စည်းပုံ အခြေခံဥပဒေဟာ လူတစုအတွက် မဟုတ်ပါဘူး။ လူအများထောက်ခံ အတည်ပြု ထားတဲ့ ဖွဲ့စည်းပုံ အခြေခံ ဥပဒေဖြစ်ပါတယ်။ နောက် ဖွဲ့စည်းပုံ အခြေခံဥပဒေ ဆိုတာ သော့ခတ်ထားတဲ့ သံမဏိမျိုး ဟုတ်ပါဘူး။ သူ့မှာ ပြင်ဆင်နိုင်တဲ့ amendment ပါပြီးသားဖြစ်ပါတယ်။ အဲတော့ ဖွဲ့စည်းပုံ အခြေခံဥပဒေကို ပြင်ဆင်မယ် ဆိုရင် ဒီ amendment သူ့မှာ လုပ်ထုံးလုပ်နည်းတွေ ရှိပါတယ်။ ဒီ လုပ်ထုံးလုပ်နည်းတွေ အတိုင်း ကျနော်တို့ ပြင်ဆင်လို့ ရပါတယ်။ ဒီဟာက တချက်ပေါ့နော်၊ နောက် လက်ပံတောင်းတောင် ကိစ္စနဲ့ ပတ်သက်ပြီးတော့ ဆန္ဒပြနိုင်တဲ့ အခွင့်အရေးတွေ နိုင်ငံတော်ကနေပြီးတော့ တရားဝင် ဥပဒေနဲ့ ပြဌာန်း ပေးထားတာဖြစ်ပါတယ်။ တဖက်က ဒီဥပဒေနဲ့ အညီ ပြဖို့ လိုပါတယ်။ ဒီကိစ္စတွေဟာ ကျနော်တို့ အစိုးရဖြစ်လာတော့မှ ပေါ်ပေါက်လာတဲ့ ကိစ္စတွေ မဟုတ်ပါဘူး။ အရင်တုန်းက စာချုပ်စာတမ်း အရ လုပ်ခဲ့ ပြုခဲ့ကြတဲ့ ကိစ္စ ကျနော်တို့က ၀င်ပြီး ဖြေရှင်းပေးတဲ့ သဘောပဲဖြစ်ပါတယ်။ ဒီမှာ ကျနော်တို့ ရက်ရက်စက်စက် သတ်တယ်ဖြတ်တယ် ဆိုတာလဲ intentionally လုပ်တာပြုတာ မဟုတ်ပါဘူး။ ရဲကတော့ တရားဥပဒေ ထိန်းသိမ်းရေး အရ တကမ္ဘာလုံးမှာ လုပ်ရိုးလုပ်စဉ် ထိန်းသိမ်းနည်းတွေနဲ့ ထိန်းသိမ်းရတာဖြစ်ပါတယ်။ သို့သော်လည်းပဲ ဘုန်းကြီးရဟန်းတွေ ကျနော်တို့လည်း ဗုဒဘာသာ တဦးပါ။ ဘုန်းကြီးရဟန်းကို ရှိခိုး ဦးခိုက်နေရပါတယ်။ ဒီဘုန်းကြီး ရဟန်းတွေလည်း ကျနော်တို့ ဒီလို ဖြစ်ချင်တဲ့ ဆန္ဒတွေ မရှိပါဘူး။ သို့သော်လဲ ကျနော်တို့ မမျှော်လင့်ပဲနဲ့ အခန့်မသင့်ပဲနဲ့ ဖြစ်သွားတဲ့ ကိစ္စတွေပါပဲ။ ဖွဲ့စည်းပုံ အခြေခံဥပဒေနဲ့ ပတ်သက်ပြီး ပြန်ပြောရမယ် ဆိုရင် ကျနော်တို့ ပြင်နိုင်ပါတယ်။ Amendment ကျနော်တို့ ရှိတယ်။ လူတစုအတွက် ဆိုတာကတော့ စွပ်စွဲတာပဲဖြစ်တယ်။ ဘာကြောင့်လဲဆိုရင် ကျနော်တို့ ရာခိုင်နှုံးအားဖြင့် ပြောလို့ရတယ်။ ပြည်သူလူထု ဘယ်လောက်ထောက်ခံလဲ ဆိုတာ ဖွဲ့စည်းပုံ အခြေခံဥပဒေရဲ့ ပထမ၊ ဒုတိယ စာမျက်နှာတွေမှာ ကျနော်တို့ ပါပြီး ဖြစ်ပါတယ်။ သို့သော်လည်း ကျနော်တို့ ဒါ သံမဏိစည်းမျဉ်း ဟုတ်ဘူး။ သော့ခတ်ထားတာ မဟုတ်ဘူး။ amendment ကျနော်တို့ ပေးထားတယ်။ လွှတ်တော်က ပြင်နိုင် တယ်။ ပြည်သူက ပြင်နိုင်တဲ့ အနေအထား ကျနော်တို့ ရှိပါတယ်။
ဦးသန်းလွင်ထွန်း။ ။ ကျနော် ဖြည့်စွက်မေးချင်တာလေးတစ်ခုကတော့ အုပ်ချုပ်ပုံ အခြေခံ ဥပဒေ ပြုပြင်ရေးနဲ့ ပတ်သက်လို့ပေါ့။ လာမယ့် ၂၀၁၅ ခုနှစ်မှာ ဆိုလည်း နောက်ထပ်ရွေးကောက်ပွဲ တစ်ခု စပါမယ်။ ဒီနေရာမှာ မြန်မာနိုင်ငံရဲ့ ၂၀၀၈ ခုနှစ်၊ ဖွဲ့စည်းပုံ အခြေခံဥပဒေနဲ့ ပတ်သက်လို့ ထောက်ပြနေကြတဲ့ ကိစ္စ တစ်ခုကတော့ လွှတ်တော်ထဲမှာ စစ်တပ်က ၂၅ % ပါနေတဲ့ ကိစ္စပေါ့နော်။ အဲဒီကိစ္စကို ပြန်ပြီးတော့ သုံးသပ်ဖို့၊ ပြင်ဆင်ဖို့လည်း လွှတ်တော်ထဲမှာ ဆွေးနွေးနေကြတာတွေ၊ တင်ပြလာတာတွေလည်း ကျနော်တို့ ကြားရပါတယ်။ အဲဒါနဲ့ပတ်သက်လို့ သမ္မတကြီးတို့ အစိုးရပိုင်းရဲ့ သဘောထားကရော ဘယ်လိုရှိပါသလဲ၊ သိချင်ပါတယ်။
သမ္မတဦးသိန်းစိန်။ ။ ပွင့်ပွင့်လင်းလင်းပေါ့ဗျာ။ ကျနော်တို့ တပ်မတော်နဲ့ ပတ်သက်ပြီးတော့ - ခင်ဗျားတို့လည်း သိပါတယ်။ လွတ်လပ်ရေး စပြီးတော့ ကြိုးပမ်း ကတည်းက ဗိုလ်ချုပ်အောင်ဆန်းက တပ်မတော်ရဲ့ ခေါင်းဆောင် တစ်ဦးပါ။ ဗိုလ်ချုပ်အောင်ဆန်းက တပ်မတော်ကို ဖွဲ့ပေး လိုက်ပြီးတော့မှ ဒီ တပ်မတော်နဲ့ ပြည်သူလူထု ပူးပေါင်းပြီး လွတ်လပ်ရေး ရအောင် ကြိုးပမ်းဆောင်ရွက်ခဲ့တာ ဖြစ်ပါတယ်။ ကျနော်တို့ရဲ့ သမိုင်းကြောင်းမှာ တပ်မတော်ဟာ --- (၁း၀၁) အဖွဲ့အစည်း တစ်ခု ဖြစ်ပါတယ်။ ဒီဘက်ပိုင်းမှာလည်း လွတ်လပ်ရေးနဲ့ အတူ ပေါက်ဖွားလာတဲ့ လူမျိုးစု လက်နက်ကိုင် ပဋိပက္ခတွေနဲ့ တိုင်းပြည်ဟာ ဆူဆူပူပူဖြစ်ပြီးတော့ အစိုးရတောင်မှာ ရန်ကုန်အစိုးရ ဆိုပြီးတော့တောင်မှ ပြောတာ ဆိုတာ ခံရတာ ရှိပါတယ်။ အဲဒီတော့ တိုင်းပြည်က အခုနကလို သောင်းကြမ်းမှု အန္တရာယ်တွေနဲ့ ဒုက္ခသုက္ခတွေ ရောက်နေတဲ့အချိန်မှာ ကျနော်တို့ တပ်မတော်ကပဲ ဝင်ပြီးတော့မှ ဒီအခက်အခဲတွေ၊ အကျပ်အတည်းတွေ- ဒါတွေကို ဝင်ပြီး ဖြေရှင်း ဆောင်ရွက်ပေးတဲ့ အနေလည်း ရှိပါတယ်။ အဲဒီတော့ ကျနော် ပြောချင်တာက ကျနော်တို့ တပ်မတော်ဟာ ကျနော်တို့ သမိုင်းကြောင်း အခြေခံတွေက တခြား နိုင်ငံက တပ်မတော်တွေနဲ့ တူချင်မှ တူမယ်ပေါ့လေ။ လွတ်လပ်ရေး ကြိုးပမ်းမှု သမိုင်းမှာလည်း ပြည်သူနဲ့ပူးပေါင်းပြီးတော့ မှ ဆောင်ရွက်ခဲ့တာတွေ ရှိတယ်။ တိုင်းပြည်မှာ အခက်အခဲ အကြပ်အတည်းတွေ ဖြစ်ပေါ်လာတဲ့အခါမှာလည်း အခုနကလို တပ်မတော်ဟာ ကျရာ အခန်းကဏ္ဍကနေပြီး ပါဝင်ဆောင်ရွက်ပေးခဲ့တာ ရှိပါတယ်။ ဒါကြောင့်မို့လို့ မြန်မာ့နိုင်ငံရေးမှာ တပ်မတော်ကို ပစ်ပယ်ထားဖို့ မသင့်ဘူးလို့ကျနော် ဒီလို ထင်ပါတယ်။ တပ်မတော်ကို ပစ်ပယ်ထားလို့ မရပါဘူး။ ပြည်သူနဲ့ပေါင်းပြီးတော့ ဘာပဲဖြစ်ဖြစ် တပ်မတော် အခန်းကဏ္ဍတစ်ရပ်အနေနဲ့ ဆောင်ရွက်နေရမှာပါ။
အဲဒီတော့ လွှတ်တော်ထဲမှာ ပါနေတယ်ဆိုတဲ့ဟာက အမှန်ဖြစ်ပါတယ်။ အဲဒီတော့ နိုင်ငံရေးလုပ်ငန်းစဉ်မှာ တပ်မတော်က ပါဝင်ခွင့် မရှိဘူးလို့ ဒီလိုပြောလို့ ဒါတော့ မမှန်ဘူးလို့ ကျနော် ထင်ပါတယ်။ တဖြည်းဖြည်းနဲ့ ဒီမိုကရေစီ ရင့်ကျက်လာတဲ့အမျှ လွှတ်တော်ထဲက တပ်မတော်ရဲ့ကိုယ်စားလှယ်တွေဟာ လျော့ပါးသွားမှာ ဖြစ်ပါတယ်။ အင်ဒိုနီးရှားတို့ ဘာတို့ ပြောင်းသွားတာလည်း ဒီအတိုင်းပါပဲ။ တပ်မတော်က နိုင်ငံရေးနဲ့ ကင်းကွာလို့တော့ မရပါဘူး။ အစဉ်အလာ ရှိခဲ့ပါတယ်။ သမိုင်းကြောင်း ရှိခဲ့ပါတယ်။ တိုင်းပြည်မှာ အခက်အခဲတွေ အကြပ်အတည်းတွေ တွေ့တိုင်း၊ တွေ့တိုင်း တပ်မတော်ကနေ ဝင်ရောက်ပြီး ဆောင်ရွက်ခဲ့တာတွေ ရှိပါတယ်။ ၂၅ % ဆိုတာက လွှတ်တော်ထဲမှာ လောလောဆယ်မှာတော့ ရှိသင့်ရှိထိုက်တယ်၊ သို့သော်လည်းပဲ တဖြည်းဖြည်း ဒါတွေဟာ ကျနော်တို့ လျော့ပါးလာမယ်၊ နည်းပါးလာမယ်- ဒီလိုပဲ မြင်မိပါတယ်။
ဦးသန်းလွင်ထွန်း။ ။ မြန်မာနိုင်ငံမှာ လုပ်ဆောင်နေတဲ့ ကိစ္စတွေဟာ အင်မတန် အပြုသဘောဆောင်တဲ့ အကြောင်းအရာတွေအပေါ်ကို တစ်ခါ တစ်ခါ --- တဲ့ အမည်းစက်တွေ ရှိပါတယ်။ ရုပ်ဆိုးအကျည်းတန်တဲ့ ကိစ္စရပ်တွေပေါ့နော်။ အထူးသဖြင့် ရခိုင်ပြည်မှာ ဖြစ်ခဲ့တဲ့ ကိစ္စလိုမျိုး၊ ဘာသာရေးနဲ့ ပတ်သက်တဲ့ အဓိကရုဏ်းတွေပေါ့နော်။ ဒီကိစ္စတွေနဲ့ ပတ်သက်လို့ကတော့ တိုင်းပြည်တစ်ပြည်ရဲ့ အပြုသဘောဆောင်နေတဲ့ အခြေအနေတွေ ကြားထဲမှာ လက်ညှိုးထိုးပြစရာ အမြင်မျိုး ဖြစ်နေတယ်ဆိုတော့- ဒီကိစ္စနဲ့ ပတ်သက်ပြီးတော့ ဘာသာရေးအကြောင်းအရာနဲ့ ပတ်သက်ပြီးတော့ မေးမြန်းဖို့ ဆိုပြီးတော့ ဦးဝင်းအောင်ရှိနေပါတယ်။ ဦးဝင်းအောင်အနေနဲ့ ထပြီးတော့ မေးနိုင်ပါတယ်။ ဦးဝင်းအောင်ကတော့ အစောပိုင်းက ကျနော်တို့ ဗွီအိုအေရဲ့ ဌာန ဝန်ထမ်းဟောင်းပါပဲ။
ဦးဝင်းအောင်။ ။ ကျနော် ဝင်းအောင်ပါ။ ကျနော်တို့ ညီအကိုမောင်နှမ ၁၂ ယောက်ရှိတယ်။ မြန်မာပြည်က ထွက်လာ ပြီးတဲ့နောက် အနှစ် ၂၀ ကြာတဲ့ အခါမှာ တော်တော်များများ ကွယ်လွန်သွားတာ - အခု ပြုပြင်ပြောင်းလဲမှု အရ ကျနော် မြန်မာပြည်ကို ပြန်ရောက်ပြီးတော့ လည်ပတ်ခွင့် ရတဲ့အခါမှာ အသက်မသေ ရှင်ကျန်နေတဲ့ ညီအကို မောင်နှမတွေကို မသေခင်မှာ တွေ့ရတဲ့ အတွက် သမ္မတကြီးကို ကျေးဇူးတင်ကြောင်း အရင် ပြောလိုပါတယ်။ ကျနော် ဗွီအိုအေမှာ ၁၅ နှစ် မလုပ်ခင် မြန်မာ့အသံမှာ အနှစ် ၂၀ လုပ်ခဲ့ပါတယ်။ ကျနော်ဟာ အင်္ဂလိပ် ကျွန်ခေတ်မှာ မွေးပါတယ်။ ဂျပန်ခေတ်ကိုလည်း ကြုံပါတယ်။ နောက် ပြည်တွင်းစစ် ဖြစ်တော့လည်းပဲ ကျနော်တို့ ကွန်မြူနစ် အုပ်စိုးတာတို့-ဘာတို့ ဖြစ်လာတော့ နောက် ကျနော် မြန်မာ့ အသံမှာ အနှစ် ၂၀ လုပ်တဲ့ အခါမှာ အိမ်စောင့်အစိုးရ- စသဖြင့် ခေတ်အဆက် ဆက် နောက်ဆုံး ခေတ်အဆက်ဆက်ကို ကျနော် ကြုံခဲ့ပါတယ်။ ကျနော် သတင်းစာ ဆရာပါ။ နှစ်ပေါင်း ၅၀ ကျော် ကလောင် ကိုင်ခဲ့တဲ့သူပါ။ အဲဒီတော့ကာ ဒီလို မြန်မာပြည်မှာပေါ့လေ- ပြုပြင်ပြောင်းလဲရေး ဖြစ်လာတဲ့ အတွက် အင်မတန်ကို ဝမ်းသာစရာ ဖြစ်ပါတယ်။ နောက် ကျနော်တို့ မြန်မာပြည်ကို ပြန်ကြည့်တဲ့ အခါမှာ မြန်မာပြည်ကို ပြန်သွားချင်တဲ့ အခါမျိုးမှာ၊ အခုနက သမ္မတကြီး အမိန့်ရှိသလို ကျနော်တို့က အမြတ်ထုတ်ဖို့၊ Invest လုပ်ဖို့ မဟုတ်ပါဘူး။ ကျနော် အခုနက ပြောသလို ကျနော့် ညီအကို မောင်နှမအရင်းတွေ အဲဒီမှာ ရှိနေပါမယ်။ အဲဒီတော့ကာ မကြာသေးခင်က ဖြစ်နေတဲ့ ကိစ္စတွေ၊ အင်မတန် အကျည်းတန် အရုပ်ဆိုးတဲ့ ကိစ္စတွေ ဖြစ်နေတာက မြန်မာပြည်အတွင်းမှာ ဘယ်လောက်ထိ သိကြတယ်၊ မြင်ကြတယ်ဆိုတာကို မသိရပေမဲ့လို့ ပြည်ပမှာကတော့ သမ္မတကြီးလည်း သိတဲ့ အတိုင်းပါပဲ။ ဒီကနေ့ ခေတ်ပေါ် တိုးတက်တဲ့ နည်းပညာတွေအရ သမ္မတကြီးအိမ်မှာ နေ့လည်စာ ဘာတို့စရာနဲ့၊ ဘာဟင်းနဲ့ စားလဲဆိုတာကိုတောင်မှ သိလို့ မြင်လို့ရတဲ့ အခြေအနေမျိုး ဖြစ်သွားပါပြီ။
ဦးသန်းလွင်ထွန်း။ ။ ဦးဝင်းအောင်ခင်ဗျာ။ ဘာသာရေးနဲ့ ပတ်သက်တဲ့ ဦးဝင်းအောင် မေးစရာရှိတာကို မေးပေးပါ။
ဦးဝင်းအောင်။ ။ ဒီလို ဘာသာရေး အကျည်းတန်၊ အရုပ်ဆိုးတဲ့ ဖြစ်ရပ်တွေကို ပြင်ပမှာ မြင်နေရတဲ့ တွက်က သမ္မတကြီး ဦးဆောင်တဲ့ ပြုပြင်ပြောင်းလဲရေး လုပ်ငန်းစဉ်ကို အင်မတန် အကျည်းတန် အရုပ်ဆိုးစေပါတယ်။ အထူးသဖြင့် ဒီ မုန်းတီးရေးကို ဖန်တီးနေတဲ့- ပြောင်ပြောင်တင်းတင်း လုပ်နေတာကို တရားဥပဒေ စိုးမိုးရေး အရ ဘယ်လိုမှ ဘာကြောင့် အရေးမယူလဲ ဆိုတာ - ကျနော်ဟာ အစ္စလာမ် ဘာသာဝင် မူဆလင် တစ်ယောက်ပါ။ မွတ်ဆလင် တစ်ယောက် အနေနဲ့လည်း ကျနော် တော်တော် စိတ်မကောင်းဖြစ်ပါတယ်။ မြန်မာပြည် မှာ မွေးတဲ့ လူတစ်ယောက် အနေနဲ့လည်း ဝမ်းနည်းပါတယ်။ နောက် အနှစ် ၅၀ သတင်းသမားတစ်ယောက် အနေနဲ့လည်း ကျနော် အံ့သြမိပါတယ်။
ဦးသန်းလွင်ထွန်း။ ။ ဟုတ်ကဲ့၊ ကျေးဇူးတင်ပါတယ်၊ ဦးဝင်းအောင် ခင်ဗျ။ မေးချင်တဲ့ သဘောတော့ ကျနော် နားလည်ပါတယ်။ ကျနော် နားလည်တာက လက်ရှိ မုန်းတီးရေးတွေ လှုံဆော်နေတာတွေကို ဘာကြောင့် အရေးမယူသလဲ၊ အရေးယူမှု ရှိသလားဆိုတာကို သိချင်တယ်။
သမ္မတဦးသိန်းစိန်။ ။ ကျနော် ပြောရမယ်ဆိုရင်တော့ ကျနော်တို့ နိုင်ငံရေးအရ ပြုပြင်ပြောင်းလဲမှုတွေ လုပ်တယ်။ တခါ စီးပွားရေးအရ ပြုပြင်ပြောင်းလဲမှုတွေ လုပ်တယ်။ အဲတော့ အောင်မြင်မှုတွေလည်း ကျနော်တို့ အထိုက်အလျောက် ရပါတယ်။ အခက်အခဲတွေ စိန်ခေါ်မှုတွေ ဒါတွေလည်း ကျနော်တို့ တွေ့ရပါတယ်။ အဲတော့ ရခိုင်မှာဖြစ်တဲ့ ကိစ္စတွေက ဖြစ်ရိုးဖြစ်စဉ် ထပြီးတော့ ဖြစ်ကြတဲ့ ပုံစံမျိုးတော့ မဟုတ်ပါဘူး။ ရာဇ၀တ်ပြစ်မှု အပေါ်မှာ မူတည်ပြီးတော့ လူအုပ်စု တစုနဲ့ တစု မီးရှိုကြ အကြမ်းဖက်ကြနဲ့မှ ကြီးထွားလာတဲ့ ကိစ္စဖြစ်ပါတယ်။ ဒါနဲ့ပတ်သက်ပြီးတော့ စုံစမ်း စစ်ဆေးရေးကော်မရှင် ဖွဲ့ပါတယ်။ စုံစမ်းစစ်ဆေးရေးကော်မရှင်မှာ ဟိုဖက်က ဒေါက်တာ ပါပါတယ်။ ဒီကိစ္စနဲ့ ပတ်သက်ပြီးတော့ ဒေါက်တာ နဲနဲလေး ဖြေပေးလိုက်ပါ။
ဒေါက်တာကျော်ရင်လှိုင်။ ။ အချိန်အရဆိုတော့ အများကြီးတော့ ကျနော် မပြောတော့ပါဘူး။ သို့သော် ခြုံပြီးပြောမယ်ဆိုရင် တဖက်နဲ့တဖက် ယုံကြည်မှုတွေ လျှော့ပါးနေတာတွေ၊ နောက်ပြီး မုန်းတီးမှုတွေ ရှိနေတာက မြန်မာပြည်မမှာရော ရခိုင်ပြည်နယ်မှာပါ အတော်ကြာကြာ ရှိနေပြီးသားပါ။ ပြုပြင်ပြောင်းလဲမှုတွေ လုပ်လာတဲ့ အခါ ပွင့်လာတဲ့အခါ မကျေနပ်မှုတွေကို ပိုပြီး ပြလာတဲ့ အခြေအနေမှာရှိတော့ ဖြစ်သွားတဲ့ ရာဇ၀တ်မှုပေါ် မူတည်ပြီးတဲ့ အခါမှာ ရခိုင်ပြည်နယ်မှာ Community Level မှာပဲ အဓိက ဖြစ်ခဲ့တာပါ။ ဒါနဲ့ပတ်သက်လို့ Report ကိုလည်း လူပေါင်း နှစ်ထောင်ကျော်လောက်ကို အင်တာဗျူးပြီး ရေးခဲ့တာပါ။ ဒါနဲ့ ပတ်သက်လို့လည်း Online မှာ အင်္ဂလိပ်လိုရော မြန်မာလိုရော ရပါမယ်။ အဓိက ပြောချင်တာက မကျေနပ်မှုတွေ မုန်းတီးမှုတွေက အရမ်း များလာတဲ့ အခါမှာ အခွင့်အရေးယူပြီး မြောက်ထိုးပင့်ကော်မှုတွေကလည်း အများကြီး ပါလာတယ်။ အဲဒီ ပါလာတဲ့ အပိုင်းတွေက အခြေအနေတွေကို ပိုပြီး ဆိုးသွားစေတာပါ။ နောက် အစိုးရအနေနဲ့ အရေးယူမှုမပြုဘူးဆိုတာ အဲဒါတော့ မဟုတ်ပါဘူးဗျ။ မိတ္တီလာမှာ ပြီးပြီးတဲ့အချိန်မှာလည်း အရေးယူမှုတွေ အများကြီးလုပ်ပါတယ်။ ရခိုင်မှာလည်း ကျနော်တို့က အရေးယူမှုတွေ အများကြီးလုပ်ပါတယ်။ ရခိုင်မှာလည်း အရေးယူမှုတွေနဲ့ပတ်သက်ပြီး ကျနော်တို့ ကော်မရှင်အနေနဲ့က အားလုံးကို ကြည့်ခွင့်ရတဲ့အတွက် အရေးယူမှုတွေက အများကြီးလုပ်ထားပါတယ်။ နောက်ဆုံး တခု ပြောချင်တာက ဒီအစိုးရအနေနဲ့ ဘာမှ လုပ်မထားဘူးဆိုတာနဲ့ပတ်သက်လို့ Interfaith Dialogue တွေကို တနိုင်ငံလုံးအတိုင်းအတာနဲ့ လုပ်ဖို့ လုပ်နေပါတယ်။ ရခိုင်ပြည်နယ်နဲ့ပတ်သက်ပြီးတော့ ရခိုင်ပြည်နယ်တည်ငြိမ်ရေးနဲ့ ဖွံဖြိုးတိုးတက်ရေးတွေကနေ ဒါတွေကို လုပ်နေပါတယ်။ ရခိုင်ကော်မရှင်ကိစ္စ ပြီးသွားတော့ ဒီကိစ္စမှာ ပါဝင်ခဲ့တဲ့လူတွေနဲ့ ဆက်ပြီးလုပ်နေ ကျနော်တို့ အကြံပြုနေတယ် ၀င်ပြီး ကူညီနေတဲ့အချိန်မှာ ဒီ Interfaith Dialogue တွေကို ရန်ကုန်မှာလည်း လုပ်နေပါတယ်။ ရခိုင်မှာလည်း အဖွဲ့တွေက အစ္စလာမ်ဘာသာဝင်တွေ ဗုဒ္ဒဘာသာဝင်တွေ အတူတွဲသွားပြီးတော့ ကျယ်ကျယ်ပြန့်ပြန့်လုပ်ဖို့ ၀ိုင်းပြီးလုပ်နေကြပါပြီ။ အားလုံးကို ကျေးဇူးတင်ပါတယ်။
သမ္မတဦးသိန်းစိန်။ ။ ကိုသန်းလွင်ထွန်းရေ ကျနော်ကို ခွင့်ပြုပါ။ ကျနော် အစီအစဉ်လေးတခု ရှိနေလို့ ။ ကျန်တဲ့မေးခွန်းတွေကို ဖြေမယ့် ပုဂ္ဂိုလ်တွေ ရှိပါတယ်။ အားလုံးပဲ ကျနော့်ကို ခွင့်လွှတ်ပါ။
ဦးသန်းလွင်ထွန်း။ ။ ဟုတ်ကဲ့ သမ္မတကြီး။ ကျေးဇူးတင်ပါတယ်ခင်ဗျ။
Ref: VOA News
“နောက်ကျော ဓားနဲ့ အထိုးခံခဲ့ရတာ”
May 20, 2013
၉ နှစ်တာမျှ နိုင်ငံတော် စာရင်းစစ်ချုပ်၊ ပြည်ထောင်စု စာရင်းစစ်ချုပ် အဖြစ် တာဝန်ထမ်းဆောင် ခဲ့ပြီး ယခုလက်ရှိ မွန်ပြည်နယ် ဘီးလင်းမြို့ အဝင်တွင် အောင်ပြည့်စုံ အမည်ရှိ ထမင်းဆိုင်ကို ဦးစီးဖွင့်လှစ် လုပ်ကိုင်နေသည့် အငြိမ်းစား ဗိုလ်ချုပ် လွန်းမောင် (ယခု ဦးလွန်းမောင်) ၏ ပြည်ထောင်စု စာရင်းစစ်ချုပ် တာဝန်မှ အနားပေး ခံခဲ့ရသော ဖြစ်ရပ်နှင့် ပတ်သက်၍ ဧရာဝတီ သတင်းထောက် မေခက သွားရောက်တွေ့ဆုံ မေးမြန်းခဲ့ပါသည်။
မေး။ ။ လက်ရှိရွေးချယ်ခဲ့တဲ့ ဘ၀က ဦးလွန်းမောင်အတွက် အံဝင်ခွင်ကျတဲ့ ဘ၀တခုလို့ ပြောလို့ရပါသလား။
ဖြေ။ ။ ကျနော်က ငယ်ငယ်ကတည်းက ဆင်းရဲခဲ့တဲ့ မိသားစုက ဆင်းသက်လာသူပါ။ ဒီအချိန်မှာ ငယ်ငယ်က ဘ၀ ကြမ်းသလောက် မကြမ်းပါဘူး၊ ပျော်ပါတယ်။ အံဝင်ခွင်ကျ ရှိတယ်ဆိုတာထက် လူတိုင်းက သူရတဲ့ ဘ၀မှာ နေပျော်နေဖို့ လိုပါတယ်။ အခုအချိန်မှာ ဒီအလုပ်အတွက် အချိန်တောင် မလောက်ပါဘူး။
မေး။ ။ နိုင်ငံတနိုင်ငံလုံးရဲ့ စာရင်းစစ်ချုပ် တယောက် ဘ၀ကနေ ဒီလိုမျိုး ဈေးရောင်းရတဲ့ ဘ၀တခုနဲ့ ဖြတ်သန်းဖို့ ဘယ်လိုစိတ်ကူး ရခဲ့တာလဲ။ အရင်ကတည်းက စိတ်ကူးထားခဲ့တာလား။
ဖြေ။ ။ ပြောင်းသွားတဲ့ ရည်ရွယ်ချက်ကတော့ ဒီလိုပါ။ နိုင်ငံတော်က အနားပေးလိုက်တယ် ဆိုတော့ နားလိုက်တာပေါ့။ နားချိန်မှာ အေးအေးဆေးဆေး နားချင်ပေမယ်လို့ အမျိုးသမီးရဲ့ လုပ်လက်စ ဒီဆိုင်လုပ်ငန်းကြီးရှိတော့ ကိုယ်က တယောက်တည်းကို လွှတ်ရုန်းလို့ မရဘူး။ မရတဲ့အခါ သူ့အလုပ်ကို ထောင့်ပေါင်းစုံ ဟာတဲ့ နေရာတွေမှာ လိုက်ဖြည့်ပြီး လုပ်ပေးတာပေါ့။ စားပွဲထိုး ၅ ယောက်လိုရင် အဲဒီနေရာကို ငါရအောင် လုပ်မယ်ဆိုတဲ့စိတ်နဲ့ နောက်ဆုံး ဗုန်းဗုန်းလဲသွားတဲ့ အထိပေါ့။ တချိန်တုန်းက နိုင်ငံ့ တာဝန်တွေ ထမ်းဆောင်နေတဲ့ အချိန်တုန်းကလို မိသားစုနဲ့နေလည်း မိသားစု တာဝန် ကျေရမယ်ဆိုတဲ့ စိတ်နဲ့ လုပ်ဖြစ်ခဲ့တာ။ အမျိုးသမီးကလည်း ကိုယ်မပါဘဲ တယောက်တည်း ပင်ပန်းနေခဲ့ရတာ ၁၀ နှစ်ကျော်ရှိပြီ။ ကိုယ်က အခု ဝင်လုပ်တာ လပိုင်းပဲ ရှိသေးတယ်။
မေး။ ။ နိုင်ငံတာဝန် ထမ်းဆောင်တာနဲ့ မိသားစုတာဝန် ထမ်းဆောင်တာ ဘယ်ဟာပိုခက်ခဲလဲ။
ဖြေ။ ။ ဒါကတော့ ရိုးစင်းတာပေါ့။ ဒါက ခက်ခဲပေမယ့် ခေါင်းမသုံး ရဘူးပေါ့။ ဘာလို့လဲ ဆိုရင် အဆင့်နိမ့်တာကိုး။ တပ်တာဝန် ကတော့ ဒီထက် အဆင့်မြင့်တာပေါ့။ တပ်မှာလည်း အမြင့်ဆုံးပေါ့ တပ်မတော် စစ်ဆေးရေး အရာရှိချုပ် လုပ်ခဲ့တာကိုး။ တပ်တာဝန် ကတော့ ကြီးတာပေါ့။ ကြီးတော့ ဦးဏှောက် စားရတာပေါ့။ ဒီဟာကတော့ ရိုးစင်းတဲ့ ဘ၀လေးပါ။
မေး။ ။ ဒီဘ၀ကိုကော ကျေနပ်နှစ်သက်ရဲ့လား။
ဖြေ။ ။ ကျေနပ်တာပေါ့။ ကြိုက်လို့ပဲ အခု ဖြတ်သန်းတာပေါ့။ အခုက ၀တ္တရား ကျေပွန်အောင် လုပ်တာမျိုး မဟုတ်ဘူး။ စေတနာနဲ့ လုပ်တာပေါ့။ ဒီမှာ အသေးစိတ်က အစ ကိုယ်တိုင် လုပ်တယ်။ ထန်းလျက် ထည့်တာက အစ သေချာထည့်တယ်။ စားပွဲက အစ ဝင်သုတ်တယ်။ ဒီလိုမျိုး ဖြတ်သန်းရတာက ဘာပဲပြောပြော စေတနာနဲ့ လုပ်ဆောင်နေတာမို့ စိတ်ချမ်းသာ နေရတာပေါ့။
မေး။ ။ အောက်ခြေသိမ်း အလုပ်ကို လုပ်ဆောင်တော့ အရင်ဘ၀နဲ့ တော်တော် ကွာဟသွားပြီ။ ဒီလို အချိန်မျိုးမှာ အခက်အခဲ မရှိဘူးလား။
ဖြေ။ ။ ပြောရရင် ဒီမှာ ခဏခဏ တပည့်တွေ လာစားတယ်။ နောက် ကိုယ့်သူငယ်ချင်းတွေ လာစားတယ်။ တခါတလေ တပည့်ဝိုင်းတွေကို သန့်ရှင်းရေး လုပ်ပေးရင် သူတို့က မစားရဲတော့ဘူး။ ကိုယ်က ပြောရတယ်၊ ငါ ဘာမှ မဟုတ်ဘူးလို့။ ဒီမှာက အဝေးပြေး ကားတွေက ၁ နာရီခြား၊ ၂ နာရီခြား လာတာဆိုတော့ အားချိန် မရှိဘူး။ ဒီအချိန်မှာ ငါသိတဲ့လူ ပါမှာပဲ ဆိုတဲ့စိတ်မျိုး မရှိဘူး။ ငါ့အလုပ် ငါလုပ်တယ်၊ နောက် ဒီအပေါ်မှာလည်း ဘာခံစားချက်မှ မရှိပါဘူး။
မေး။ ။ ဗိုလ်ချုပ်လွန်းမောင် အနေနဲ့ ဖြတ်သန်းရချိန်နဲ့ ဦးလွန်းမောင် အနေနဲ့ ဖြတ်သန်းရချိန် ဒီမှာ ကြုံလာတဲ့ လူတွေရဲ့ ဆက်ဆံမှု ဘယ်လို ကွာခြားလဲ။
ဖြေ။ ။ ကွာတယ်၊ တော်တော် ကွာတယ်။ ကိုယ့်ကို သိသူကတော့ အရင်က ဆက်ဆံမှု အတိုင်းပဲ ရှိပါတယ်။ လာတဲ့သူ တချို့ကတော့ ကိုယ့်ကို သာမန်ဈေးသည် အနေနဲ့ ဆက်ဆံတာတွေ ရှိတယ်။ တော်တော်ကို မာနချနိုင်လို့ တော်တာ။ တော်တော်ကို မာနချရတယ်။ တခါကဆို မန္တလာမင်း ဒရိုင်ဘာက ဆိုင်ရှေ့မှာ တိုးရစ်ကား လာရပ်ထားတာကို တဘက်ကို ရွှေ့ဖို့ မပြောလို့ ကားမရှင်းထားရ ကောင်းလား ဆိုပြီး ရန်လာတွေ့တယ်။ စော်ကား ခံရတာတွေ အရမ်းများတယ်။ တော်တော် သည်းခံရတယ်။ ဟိုးတချိန်တုန်းက လုပ်ခဲ့တဲ့ ဗိုလ်ချုပ်တို့၊ စာရင်းစစ်ချုပ်တို့ ဒါတွေကို အကုန်ကုန်မေ့လိုက်တော့မယ်။ ငါ အခု ဈေးသည်၊ ဒီလိုကို မနည်း ခံယူရတယ်။ ဒီထက်ဆိုးတဲ့ စော်ကားမှုတွေတောင် ရှိပါတယ်။ တခါတလေ ကိုယ့်ကို ကျွန်တယောက်လို ငေါက်ငမ်း သွားတာမျိုးတွေတောင် ရှိတယ်။
မေး။ ။ နှစ် ၄၀ ကျော် တိုင်းပြည် အုပ်ချုပ်ခဲ့တဲ့ စစ်တပ်ရဲ့ သြဇာရှိတဲ့ လူတွေထဲမှာ တယောက် အပါအဝင် ဖြစ်ခဲ့တော့ လက်ရှိ အခြေအနေကို လက်ခံဖို့ လွယ်ကူခဲ့ရဲ့လား။
ဖြေ။ ။ ခက်တာတော့ တော်တော် ခက်ခဲတယ်။ ငယ်ငယ်ကတည်းက ခန္တီပါရမီ ရှိခဲ့တယ်လို့ ပြောရမှာပါ။ နောက်တခုက ဘ၀လည်း မမေ့ခဲ့တာပါမယ်။ နောက် မာနကတော့ ထားလို့တော့ မရဘူးပေါ့။ မာနကို ဘယ်မှာမှ မထားချင်တာ။ ကိုယ်လည်း ဆင်းရဲတဲ့ ဘ၀ကနေ တက်လာခဲ့တယ်။ အဖေကော အမေကောက ရှမ်းတွေ၊ မြန်မာစကား မတတ်ဘူး၊ ကိုယ်လည်း ရှမ်းစကားပဲ တတ်ခဲ့တာ၊ ဒီလိုဘ၀ကနေ ကိုယ်က ဗိုလ်ချုပ်ဖြစ်လာခဲ့တာ။ အောက်သက် ကျေခဲ့တဲ့ လူတယောက်ပါ။ နောက် ဒီဘ၀ကို ဘယ်တော့မှ မမေ့ခဲ့ဘူး။ ရာထူး ကြီးခဲ့ပေမယ့် သိပ်ပြီး မက်မက်မောမော မရှိခဲ့တော့ ခံသာပါတယ်။ အရင်က ဘ၀ကို သိပ်တွယ်တာ တပ်မက်နေတဲ့သူ ဆိုရင်တော့ ဘယ်ခံသာမလဲ။
မေး။ ။ ဗိုလ်ချုပ်ဘ၀မှာ ကြုံခဲ့ရတဲ့ အချိန်ရှားပါးမှုနဲ့ အခု လက်ရှိဘ၀ အချိန်ရှားပါးမှု ဘယ်ဟာက ပိုပြီး ကျေနပ်ဖို့ ကောင်းတယ်လို့ ထင်လဲ။
ဖြေ။ ။ ပြောရရင် အခုအချိန်က လူပင်ပန်းတယ်။ ဗိုလ်ချုပ် ဘ၀ကျတော့ ပိုတည်ငြိမ်တာပေါ့။ လူကြီး ဆိုတော့လေ။ ကိုယ်က အောက်က ကလေးတွေ တင်လာတဲ့ စာရင်းကို နိုင်ငံတော်အဆင့် မှန်မမှန် စစ်ပြီး လက်မှတ် ထိုးရတာ။ ကိုယ့်ထက် ကလေးတွေက ပိုအလုပ်များတယ်။ ဘယ်တော့မှ ဂုဏ်ယူမပြောဘူး။ ကိုယ် တခွန်းခိုင်းရင် သူတို့မှာ အလုပ်တွေ ရှုပ်ရပြီ။ တာဝန်ကြီးပေမယ့်လို့ အဆုံးအဖြတ် ပေးတဲ့အခါပဲ တာဝန်ယူရတော့ အဆုံးအဖြတ် မမှားဖို့ဘဲ။ ဒီမှာကျတော့ ဒီလို မဟုတ်ဘူးလေ။ တကယ့်ကို အချိန်ရှားတာ။
မေး။ ။ အနားပေးခံရတဲ့ အပေါ်မှာ ဘယ်လိုကြောင့် အပေးခံခဲ့ရတာလဲ။ အပြင်မှ သတင်းတွေ မျိုးစုံ ထွက်နေတော့ ကာယကံရှင် ကပဲ အမှန်တရား တခု ပြောပေးပါလား။
ဖြေ။ ။ ဒီကိစ္စတွေကို ပြန်မပြောချင်တော့ဘူး။ စေတနာ အမှားပေါ့။ တချို့သော သူတွေက ကိုယ့်စေတနာကို ကိုယ်ကျိုး သုံးခဲ့ကြတော့ ကိုယ်က ခံရတာပေါ့။ ဒီအပေါ် အာဃာတ မထားဘူး။ သမ္မတ ဘက်က ကြည့်တော့ မှန်တာပေါ့။ ကိုယ်စစ်ခဲ့တဲ့ စာရင်းတွေကို လွှတ်တော်က တဂျီဂျီ တောင်းခဲ့တယ်။ ဒါတွေက စစ်ပြီးသားတွေပဲလေ။ လွှတ်တော် ကလည်း ပေါ်လာခါစ ဆိုတော့ အလုပ်က မရှိဘူး။ ဒီစာရင်းတွေ ရမှ ငွေစာရင်း ကော်မတီက အလုပ် လုပ်ရမှာ။ ဒီတော့ စစ်ပြီးသားတွေ ပေးလိုက်တယ်။ ဒါကို အစည်းအဝေးမှာ အသုံးချရမှာကို လွှတ်တော် ကိုယ်စားလှယ်တွေကို ဖြန့်လိုက်တယ်။ ကိုယ်က အဲဒီအချိန် အိန္ဒိယရောက်နေတာ။ ပြန်ရောက်တော့ သူငယ်ချင်း တင်အောင်မြင့်ဦးက ဘတ်ဂျက်ကိစ္စ ၀ိုင်းကူပေးဆိုလို့ ကူညီပေးနေတာ၊ ဘာမှ မသိလိုက်ရဘူး။ နောက်ကျော ဓားနဲ့ အထိုး ခံခဲ့ရတာပေါ့။
မေး။ ။ ဒီစာရင်းတွေက အစိုးရ ထိပ်ပိုင်းတာဝန်ရှိသူတွေကို တော်တော်လေး တုန်လှုပ် သွားစေတဲ့ စာရင်းတွေ ဖြစ်ခဲ့တယ်၊ ဒါတွေကြောင့် အပြောင်းအလဲ တချို့ ဖြစ်ခဲ့တယ်လို့ ပြောနိုင်လား။
ဖြေ။ ။ တပ်မတော် တုန်းကလည်း ငွေစာရင်းကွာတာတွေ အများကြီးပဲ။ တပ်မတော် စစ်ဆေးရေး အရာရှိလည်း လုပ်ခဲ့တာကိုး။ နိုင်ငံတော် စာရင်းစစ်ချုပ် ဆိုတာ တပ်မတော် အောက်မှာ လုပ်ခဲ့ရတာကိုး။ အမုန်းခံပြီး ၀န်ကြီးတွေကို တွယ်ခဲ့ရတာ။ ပြည်သူတွေ မသိခဲ့ဘူး။ ကုန်ကုန်ပြောရရင် ၀န်ကြီး တော်တော်များများ ကတော့ ၀မ်းသာမှာပါ။ ဘာကြောင့်ဆို ကိုယ့်ကို တော်တော် မုန်းကြတာ။ ကိုယ်တွယ်ခဲ့တာ မနည်းဘူး။ စကားမပြောတဲ့ ၀န်ကြီးတွေ အများကြီးပဲ။ လက်ရှိ နေပြည်တော် ၀န်ကြီးချုပ်တို့၊ သတ္ထုတွင်းကတို့ ဆိုရင် စကားတောင် ပြောတာ မဟုတ်ဘူး။
မေး။ ။ ဦးလွန်းမောင်ရဲ့ အဖြစ်အပျက်ကို မှန်လွန်းလို့ ရွာပြင် အထုတ်ခံရတဲ့ အဖြစ်တခုလို့ မြင်မိလား။ အပြင်မှာ တချို့က အဲဒီလိုပဲ ပြောနေကြလို့ပါ။
ဖြေ။ ။ ကိုယ်မှန်တယ်လို့ မပြောပါဘူး။ ယူသော် ရ၏ပေါ့။ မှန်တယ်လည်း မပြောဘူး၊ မှားတယ်လည်း မပြောဘူး။ သုံးသပ်သူ အပေါ်မှာပဲ မူတည်တာပေါ့။ ပထမတော့ စိတ်မကောင်း ဖြစ်ရတာပေါ့။ နောက်တော့ နားချိန်တန်လို့ နားရတာ လို့ပဲ တွေးတယ်။ ဒီအပေါ် ဘာမှ စိတ်ထဲ မထားတော့ဘူး။ မှန်တယ်ထင်ပြီး လုပ်ခဲ့လည်း တဘက်က ကိုယ့်ကို မငဲ့တော့ ဘာမှ မပြောလိုပါဘူး။ အဓိက မငဲ့ခဲ့သူကတော့ သူရ ဦးရွှေမန်းပေါ့။ သူက ကိုယ့်နောက်ကျော ဓားနဲ့ ထိုးခဲ့သူပေါ့။ သူနဲ့က ဟိုးငယ်ငယ် ကတည်းက၊ ဗိုလ်လောင်းထဲက သူက ၁၁၊ ကိုယ်က ၁၂။ မိုးကောင်းမှာလည်း အတူတူ တာဝန်ကျခဲ့တာ။ သို့သော် ကိုယ်မြင်တာက သူတို့မှာ အာဏာအတွက် ဆန္ဒ ရှိနေသေးတယ်၊ ကိုယ်ကတော့ မရှိတော့ဘူး။ ဒါကြောင့် ဒီလိုနေနိုင်တာပေါ့။
မေး။ ။ အခု အဖြစ်အပျက်နဲ့ ပတ်သက်လို့ သမ္မတ အပေါ်မှာကော ဘယ်လိုမြင်လဲ။
ဖြေ။ ။ သူနားလည် ပါလိမ့်မယ်လေ၊ သူ့အပိုင်းတော့ သိပ်မပြောလိုပါဘူး။ သူလုပ်သင့်တယ် ထင်လို့ လုပ်ခဲ့တယ် လို့ပဲ မြင်ပါတယ်။ ကိုယ်ကတော့ ဘာမှ မပြောလိုတော့ပါဘူး။
မေး။ ။ နောက်လာမယ့် ရွေးကောက်ပွဲကျရင်ကော ပုံစံတခုအနေနဲ့ ၀င်လာဖို့ရှိသေးလား။ ပါတီနိုင်ငံရေး လုပ်ဦးမလား။
ဖြေ။ ။ မရှိဘူး။ စထွက်လာခဲ့ ကတည်းက စစ်စွပ်ကျယ်တောင် မ၀တ်တော့ဘူးလို့ ဆုံးဖြတ်ထားတာ။ တိုက်ပုံလည်း ဘယ်တော့မှ မ၀တ်တော့ဘူးလို့ ဆုံးဖြတ်ထားတယ်။ အလုပ် လုပ်တော့ စွပ်ကျယ် အဖြူက အပေတေ မခံလို့ စစ်စွပ်ကျယ် ၀တ်ဖြစ်တာ၊ နို့မို့ဆို ၀တ်ဖြစ်မှာ မဟုတ်ဘူး။
မေး။ ။ စစ်သား တယောက်ဘ၀ကို စိတ်နာခဲ့လို့လား။
ဖြေ။ ။ မရှိဘူး။ စိတ်လည်းမနာဘူး။ တခါတလေ စိတ်နာစရာတွေ ရှိခဲ့လည်း ချက်ချင်း ဖျောက်ပစ်တယ်။ ကိုယ်ဖြစ်ခဲ့တာ ၀ဋ်ရှိလို့ပေါ့။ ဘာမှ မပြောလိုပါဘူး။ သတင်းမှာ ပါလာမှ ကိုယ်ပါတယ် သိတာ။ ကြိုလည်း မသိခဲ့ဘူး။
မေး။ ။ နောက်ဆုံးမေးခွန်း အနေနဲ့ လက်ရှိပြောင်းလဲလာတဲ့ နိုင်ငံရေးအပေါ် ဘယ်လိုမြင်မိပါသလဲ။
ဖြေ။ ။ အကောင်း မြင်ပါတယ်။ ကောင်းတဲ့ဘက်ကို ဦးတည်တယ်လို့ပဲ မြင်တယ်။
Ref: ဧရာဝတီ
တောင်သူလယ်သမား အကျိုးစီးပွား မြှင့်တင်ရေး အစည်းအဝေး ကျင်းပ
2013-05-20
တောင်သူလယ်သမားများ အကျိုးစီးပွား ကာကွယ်မြှင့်တင်ရေးနဲ့ ပတ်သက်ပြီး အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်၊ ပြည်သူ့လွှတ်တော် ဥက္ကဌ သူရဦးရွှေမန်းနဲ့ ပြည်သူ့လွှတ်တော် ဥပဒေကြမ်းရေးဆွဲရေးကော်မတီတို့ ဒီကနေ့ နေ့လည်က နေပြည်တော်မှာ အစည်းအဝေး ကျင်းပခဲ့ကြပါတယ်။
လယ်သမားတွေအနေနဲ့  သင့်တင့်တဲ့ဈေးနှုန်း ရရှိအောင်ဆောင်ရွက်ဖို့၊ နည်းပညာပိုင်း ဆိုင်ရာတွေ ချေးငွေတွေကို အချိန်မီနှစ်တိုနှစ်ရှည်နဲ့ ကာလတစ်ခု သတ်မှတ် ထုတ်ပေးဖို့ စတဲ့ ကိစ္စရပ်တွေကို ဆွေးနွေးခဲ့ကြတဲ့ အကြောင်း NLD ပြည်သူ့လွှတ်တော် ကိုယ်စားလှယ် ဦးစိန်ဝင်းဟန်က ပြောပါတယ်။
ပြည်သူ့လွှတ်တော်ဝင်းအတွင်းရှိ ဇဗ္ဗူသီရိဆောင်မှာကျင်းပတဲ့ ဒီအစည်းအဝေးကို မြန်မာနိုင်ငံ ဆန်စပါး အသင်းချုပ် ဥက္ကဌ ဦးချစ်ခိုင်၊ သိမ်းဆည်းခံ လယ်ယာမြေများ စုံစမ်း စစ်ဆေးရေးကော်မတီနဲ့ ပြည်သူ့ လွှတ်တော်ရေးရာ ကော်မတီဝင်များ အပါအဝင် ပြင်ပ ပညာရှင်များ၊ စက်မှုလက်မှု ကုန်သည်အသင်း ကိုယ်စားလှယ်များ တက်ရောက်ခဲ့ကြ ပါတယ်။
Ref: RFA News
တော်ဝင်အလုပ်သမားများ လွတ်မြောက်ရေး သတင်းစာ ရှင်းလင်း
2013-05-20
ပြီးခဲ့တဲ့ ရက်ပိုင်းက ပိုင်နက်ကျူးလွန်မှုနဲ့ ဖမ်းဆီးခံရတဲ့ တော်ဝင်သစ်အချောထည် စက်ရုံက အလုပ်သမား ၁၂ ဦး အမြန်ဆုံး လွတ်မြောက်နိုင်ဖို့ အတွက် အဖမ်း ခံထားရသူတွေရဲ့ မိဘတွေနဲ့ စက်ရုံ အလုပ်သမား တချို့က ၈၈ မျိုးဆက် (ငြိမ်းချမ်းရေးနဲ့ ပွင့်လင်း လူ့အဖွဲ့အစည်း) ရုံးမှာ ဒီကနေ့ သတင်းစာ ရှင်းလင်းပွဲ ပြုလုပ်ခဲ့ပါတယ်။
အဖမ်းခံထားရတဲ့ အလုပ်သမား ၁၂ ဦး အမြန်ဆုံးလွတ်မြောက်ဖို့နဲ့ အလုပ်ထုတ် ခံထားရတဲ့ အလုပ်သမား ၂၀၀ ကျော် အတွက် အလုပ်ရှင် ဘက်က နစ်နာကြေးပေးဖို့ အကူအညီ တောင်းတာ ဖြစ်တယ်လို့ အလုပ်သမား ကိုယ်စားလှယ်တ စ်ဦးဖြစ်တဲ့ မလဲ့လဲ့ဝင်းက RFA ကို ပြောပါတယ်။
ဒါ့အပြင် အဲဒီအလုပ်သမား ၁၂ ဦးဟာ မတရားဖမ်းဆီးခံထားရတာဖြစ်ပြီး အမှုမှန်ပေါ်ပေါက်အောင်လည်း ကြိုးစား သွားမယ်လို့ မလဲ့လဲ့ဝင်းက ပြောကြားခဲ့ပါတယ်။
ရွှေပြည်သာမြို့နယ် ဝါးတစ်ရာစက်မှုဇုန်က တော်ဝင်သစ်အချောထည် စက်ရုံမှာ စက်ရုံ တာဝန် ရှိသူတွေရဲ့ ခွင့်ပြုချက်မရဘဲ စက်ရုံထဲ ဝင်ရောက်ခဲ့တဲ့ အလုပ်သမား ၄၂ ဦးကို လှော်ကား ရဲစခန်းက ပုဒ်မ(၄၅၂) ပိုင်နက် ကျူးလွန်မှုနဲ့ တရား စွဲဆိုခဲ့ပြီး အခုလ ၁၄ ရက်နေ့ညက အလုပ်သမား ၁၂ ဦးကို ဖမ်းဆီးသွားခဲ့တာ ဖြစ်ပါတယ်။
သူတို့တွေကို တရားရုံးကနေတဆင့် အင်းစိန်ထောင်ကို ပို့လိုက်ပြီး လာမယ့်မေလ ၂၈ ရက်နေ့ကို နောက်ထပ် ရုံးချိန်း ချိန်းဆို ထားပါတယ်။
Ref: RFA News
မိတ္ထီလာ အဓိကရုဏ်းနဲ့ ပတ်သက်ပြီး အရေးပေါ် အစည်းအဝေးခေါ်ယူ
2013-05-20
မိတ္ထီလာ အဓိကရုဏ်းနဲ့ ပတ်သက်ပြီး နိုင်ငံတော်သမ္မတက အရေးပေါ်အခြေအနေ ကြေညာ ထားတာ ရက်ပေါင်း ၆၀ ပြည့်တာကြောင့် အခြေခံ ဥပဒေပြဌာန်းချက် အရ ဒီကိစ္စကို ဆွေးနွေးဖို့ ဒီနေ့မှာ ပြည်ထောင်စု လွှတ်တော် အရေးပေါ် အစည်းအဝေးကို စတင်ခဲ့ပါတယ်။
ဒီနေ့ အစည်းအဝေးမှာ ပြည်ထောင်စုဝန်ကြီး ဦးဆန်းဆင့်က အဲဒီအရေးပေါ် ဥပဒေကို ဆက်လက် ထားရှိဖို့ အဆို တင်သွင်း သွားပါတယ်။
ဒုက္ခသည်တွေအားလုံး သက်ဆိုင်ရာ နေအိမ်တွေပြန်ရောက်မှသာ သမ္မတ ထုတ်ပြန် ထားတဲ့ ပုဒ်မ ၁၄၄ အရေးပေါ် ဥပဒေကို ရုတ်သိမ်း သင့်ကြောင်း မိတ္ထီလာမြို့နယ် ပြည်သူ့ လွှတ်တော် ကိုယ်စားလှယ် ဦးဝင်းထိန်က အခုလိုပြောပါတယ် ။
"ဒုက္ခသည်တွေက မွတ်စလင် ဒုက္ခသည်တွေရော ဗုဒ္ဓဘာသာ ဒုက္ခသည်တွေရော စခန်းမှာ ရှိနေသမျှ ကာလပတ်လုံးက အခြေအနေက ပုံမှန်ပြန်မဖြစ်သေးဘူး၊ သူတို့ပြန်ရောက်မှသာလျှင် ပုဒ်မ ၁၄၄ ကို ပြန်လည်ရုတ်သိမ်းဖို့ တိုက်တွန်းတာပေါ့၊ အဲ့ဒါက တစ်လဖြစ်ရင်ဖြစ်မယ် နှစ်လဖြစ်ရင်ဖြစ်မယ် အကန့်အသတ် ထားတာတော့ ကျွန်တော်တို့ မထောက်ခံဘူး၊ ရပ်ကွက်လိုက် ရပ်ကွက်လိုက် ကင်းစောင့်တာတွေ ဘာတွေက အဲ့ဒါတွေကြောင့်ဖြစ်တာ၊ မီးလန့်တာတွေဖြစ်တယ်၊ မှောင်ရိပ်ခိုပြီးမှ ချဉ်းကပ်တာတွေကရှိတယ်၊ ဘယ်သူက ချဉ်းကပ်ပြီး ဘယ်လိုလုပ်နေတယ်ဆိုတာက ခုထိဖော်ထုတ်လို့ မရသေးဘူး၊ ဒါတွေက ရပ်ကွက်လိုက်ဖြစ်ပြီဆိုတာနဲ့ အကုန်လုံးက ညမှာကျီးလန့်စာ စားဖြစ်ရတော့တာပဲ၊ အဲ့ဒါတွေရှိနေတဲ့အတွက်ကြောင့်မို့ ကျွန်တော်က ၁၄၄ ကို ဆက်ထားစေချင်တာ"
မိတ္တီလာမြို့ မှာ အဓိကရုဏ်းတွေ ဖြစ်ပွားခဲ့တဲ့ မတ်လ ၂၂ ရက်နေ့မှာ နိုင်ငံတော် သမ္မတ ဦးသိန်းစိန်က မိတ္တီလာ၊ ဝမ်းတွင်း၊ မလှိုင်နဲ့ သာစည်မြို့နယ်တွေမှာ အရေးပေါ် အမိန့် ထုတ်ပြန်ခဲ့ပါတယ်။
အဲဒီလို အရေးပေါ်အခြေအနေ ကြေညာပြီး ရက်ပေါင်း ၆၀ ပြည့်ရင် ပြည်ထောင်စုလွှတ်တော် အရေးပေါ်အစည်းအဝေး ခေါ်ယူရမယ်လို့ ပါရှိကြောင်းသိရပါတယ်။
မိတ္ထီလာနဲ့ မြို့နယ်တချို့မှာ ထုတ်ပြန်ထားတဲ့ အရေးပေါ်အမိန့်ကို ဆက်လက်ထားရှိ သင့်- မသင့် ဆိုတာကို မနက်ဖြန် ပြည်ထောင်စုလွှတ်တော် အစည်းအဝေးမှာ ဆုံးဖြတ်မှာ ဖြစ်ပါတယ်။
Ref: RFA News
အခြေခံဥပဒေ “သော့ခတ်ထားတာ မဟုတ်ဘူး” ဟု အမေရိကန်ရောက် သမ္မတ ပြော
တနင်္လာနေ့၊ မေလ ၂၀ ရက် ၂၀၁၃
ဖွဲ့စည်းပုံ အခြေခံဥပဒေကို သော့ခတ်မထားဘဲ ပြင်ဆင်လိုက ပြင်ဆင်နိုင်သည်ဟု အမေရိကန် ပြည်ထောင်စု ရောက် သမ္မတ ဦးသိန်းစိန်က ဝါရှင်တန်မြို့ အခြေစိုက် အမေရိကန်အသံ (မြန်မာပိုင်း)မှ ဦးဆောင်ပြုလုပ် သော မြန်မာများနှင့် တွေ့ဆုံရာတွင် ပြောဆိုလိုက်သည်။
“ဖွဲ့စည်းပုံ အခြေခံဥပဒေနဲ့ ပတ်သက်ပြီး ပြန်ပြောရမယ်ဆိုရင် ကျနော်တို့ ပြင်နိုင်ပါတယ်။ Amendment (ပြင်ဆင်ဖြည့်စွက်ချက် အခန်း) ကျနော်တို့ ရှိတယ်။ ကျနော်တို့ ဒါ သံမဏိ စည်းမျဉ်း မဟုတ်ဘူး။ သော့ခတ် ထားတာ မဟုတ်ဘူး။ Amendment ကျနော်တို့ ပေးထားတယ်။ လွှတ်တော်က ပြင်နိုင်တယ်။ ပြည်သူက ပြင်နိုင်တဲ့ အနေအထား ကျနော်တို့ ရှိပါတယ်” ဟု မေလ ၁၉ ရက်နေ့က ပြောဆိုသွားခြင်း ဖြစ်သည်။
ဖွဲ့စည်းပုံ အခြေခံ ဥပဒေရဲ့အခန်း ၁၂ တွင် ပြဋ္ဌာန်းထားသည့် အချက်များကို သမ္မတက ရည်ညွှန်း ပြောဆိုခြင်း ဖြစ်သည်။
ဖွဲ့စည်းပုံအခြေခံဥပဒေ ပြင်ဆင်ရေး ကြွေးကြော်သံဖြင့် ကြားဖြတ်ရွေးကောက်ပွဲဝင် အနိုင်ရခဲ့သော အမျိုးသား ဒီမိုကရေစီ အဖွဲ့ချုပ် (NLD)၏ ဥက္ကဋ္ဌ ဒေါ်အောင်ဆန်းစုကြည်ကမူ အခြေခံဥပဒေကို ပြုပြင်ပြောင်းလဲမည် ဆိုပါက ဥပဒေ ပြင်ဆင်ဖို့ နည်းလမ်းများကိုလည်း ပြောင်းရမည်ဟု မေလ ၁၀ ရက်နေ့က ပြုလုပ်သည့် သတင်းစာ ရှင်းလင်းပွဲ တခုတွင် ထောက်ပြ ပြောဆိုသွားသည်။
အခြေခံဥပဒေ ပြင်ဆင်ခြင်းဆိုင်ရာ ပုဒ်မ ၄၃၆ အရ အရေးပါ အခရာကျသော ပြဋ္ဌာန်းချက် များကို ပြင်ဆင် လိုပါက ပြည်ထောင်စု လွှတ်တော် ကိုယ်စားလှယ် ၇၅ ရာခိုင်နှုန်းကျော်၏ သဘောတူညီချက်ဖြင့်သာ ပြည်လုံးကျွတ် ဆန္ဒခံယူပွဲ လုပ်၍ ၎င်းမှ ထက်ဝက်ကျော် ဆန္ဒမဲဖြင့်သာ ပြင်ဆင်နိုင်ခွင့် ပေးထားသည်။
NLD မှ လွှတ်တော်အမတ်များက ယခုလအတွင်း ဖွဲ့စည်းပုံ ပြင်ဆင်ရေးအတွက် ဖျက်သိမ်းမည့် ပုဒ်မများနှင့် ထပ်မံ ထည့်သွင်းမည့်အချက်များကို ဆွေးနွေးလျက်ရှိသည်ဟု ပါတီ၏ ဗဟိုအလုပ်အမှုဆောင် အဖွဲ့ဝင် ဦးဉာဏ်ဝင်း က ပြောဆိုထားသည်။ သို့သော် အသေးစိတ်အချက်အလက်များကိုမူ ပြောဆိုခြင်း မရှိပေ။
ဖွဲ့စည်းပုံကို ပြင်ဆင်နိုင်ရေးအတွက် လွှတ်တော်အတွင်း အင်အားအကြီးဆုံး ပါတီဖြစ်သော ကြံ့ခိုင်ရေးပါတီနှင့် ပူးပေါင်းလုပ်ဆောင်ရန်ရှိသည်ဟုလည်း ဒေါ်အောင်ဆန်းစုကြည်က ယခုလအတွင်းက မီဒီယာများကို ပြောဆိုထားသည်။
မတ်လ ၁၅ ရက်နေ့ ပြည်သူ့လွှတ်တော် အစည်းအဝေးတွင် ဖွဲ့စည်းပုံ အခြေခံဥပဒေ လေ့လာသုံးသပ်ရေး ကော်မတီနှင့် ကော်မရှင်များ ဖွဲ့စည်းရေး အရေးကြီး အဆိုကို
ကြံ့ခိုင်ရေးပါတီမှ ကိုယ်စားလှယ် သူရဦးအေးမြင့် က တင်သွင်းကာ အတည်ပြုခဲ့ကြပြီး ဖြစ်သည်။
အမေရိကန်ရောက် မြန်မာများနှင့် တွေ့ဆုံရာတွင် လူအများ စိတ်ဝင်စားလျက်ရှိသည့် ဖွဲ့စည်းပုံပါ တပ်မတော်သား လွှတ်တော်အမတ် ၂၅ ရာခိုင်နှုန်းနှင့် ပတ်သက်၍လည်း ဗိုလ်ချုပ်ကြီးဟောင်း ဦးသိန်းစိန် က ကာကွယ်ပြောဆိုသွားသည်။
“မြန်မာ့နိုင်ငံရေးမှာ တပ်မတော်ကို ပစ်ပယ်ထားဖို့ မသင့်ဘူးလို့ ကျနော် ဒီလို ထင်ပါတယ်။ တပ်မတော်ကို ပစ်ပယ်ထားလို့ မရပါဘူး။ ပြည်သူနဲ့ပေါင်းပြီးတော့ ဘာပဲဖြစ်ဖြစ် တပ်မတော် အခန်းကဏ္ဍ တရပ်အနေနဲ့ ဆောင်ရွက်နေရမှာပါ။ နိုင်ငံရေးလုပ်ငန်းစဉ်မှာ တပ်မတော်က ပါဝင်ခွင့် မရှိဘူးလို့ ဒီလိုပြောလို့ ဒါတော့ မမှန်ဘူးလို့ ကျနော် ထင်ပါတယ်” ဟု သမ္မတက ပြောသည်။ သို့သော် လွှတ်တော်တွင်းရောက် တပ်မတော်သားများ၏ အရေအတွက်သည် တဖြည်းဖြည်း လျော့ကျသွားမည်ဟုလည်း ၎င်းက ဆိုသည်။
ယခုခရီးစဉ်မှာ သမ္မတ အိုဘားမားနှင့် တွေ့ဆုံကာ အခက်အခဲများကို ကူညီဖြေရှင်းရန် ရည်ရွယ်ချက်ဖြင့် အမေရိကန်သို့ လာရောက်ရခြင်းဖြစ်သည်ဟုလည်း သမ္မတ ဦးသိန်းစိန်က ပြောဆိပြီး အမေရိကန်တက္ကသိုလ် ဌာနခွဲများ မြန်မာနိုင်ငံတွင် လာရောက်ဖွင့်လှစ်နိုင်ရန် ဆွေးနွေးသွားမည်ဟု ဆိုသည်။
အမေရိကန်နိုင်ငံသည် ပြည်သူများကို ဒီမိုကရေစီ အခွင့်အရေးများ အပြည့်အဝ ပေးထားသကဲ့သို့ အမေရိကန် ပြည်သူများ၏ တာဝန်ယူမှု တာဝန်သိတတ်မှုများကလည်း အတုယူဖွယ်ဖြစ်သည်ဟု ဦးသိန်းစိန် က ဆိုသည်။
သမ္မတ ဦးသိန်းစိန်၏ ခရီးစဉ်အတွင်း သမ္မတရုံးဝန်ကြီး ဦးစိုးသိန်း၊ နိုင်ငံခြားရေးဝန်ကြီး ဦးဝဏ္ဏမောင်လွင်၊ ပြည်ထဲရေးဝန်ကြီး ဒုတိယ ဗိုလ်ချုပ်ကြီး ကိုကို၊ ကာကွယ်ရေးဝန်ကြီး ဒုတိယ ဗိုလ်ချုပ်ကြီး ဝေလွင် တို့လည်း လိုက်ပါသွားကြသည်။
သမ္မတ၏ အမေရိကန် ခရီးစဉ်သည် မေလ ၂၁ ရက်နေ့တွင် အဆုံးသတ်မည်ဖြစ်သည်။ ဦးသိန်းစိန် သည် နှစ်ပေါင်း ၄၇ နှစ်အတွင်း အမေရိကန်သို့ သွားရောက်သည့် ပထမဆုံး မြန်မာနိုင်ငံ အကြီးအကဲ တဦး ဖြစ်ပြီး ယခုခရီးစဉ်မှာ ၎င်း၏ ဒုတိယအကြိမ် အမေရိကန် ခရီးစဉ်ဖြစ်သည်။
Ref: မဇ္ဈိမ
KIO နှင့်တွေ့ဆုံပွဲတွင် နိုင်ငံတကာ လေ့လာသူများ မဖိတ်ခေါ်နိုင်
ဖနိဒါ
တနင်္လာနေ့၊ မေလ ၂၀ ရက် ၂၀၁၃
ချင်းမိုင်(မဇ္စျိမ)။ ။ ကချင်လွတ်လပ်ရေးအဖွဲ့ KIO နှင့် လာမည့် မေလ ၂၈ ရက်နေ့ မြစ်ကြီးနား မြို့တွင် တွေ့ဆုံမည့် ပွဲသို့ အစိုးရ နိုင်ငံတကာ လေ့လာသူများကို ဖိတ်ခေါ်ခြင်း မရှိကြောင်း ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီမှ သတင်းရရှိသည်။
ငြိမ်းချမ်းရေးစင်တာမှ အဖွဲ့ဝင် ဦးလှမောင်ရွှေက “လေ့လာတဲ့သူတွေကတော့ တဖက်က အဖွဲ့အစည်းတွေ ဘက်က ဖိတ်တယ်လို့ ဝန်ကြီး အနေနဲ့ လက်ခံပါတယ်။ ကချင်ဘက်က ဖိတ်တဲ့လူတွေ ပါမှာဘဲ။ ငြိမ်းချမ်းရေး ဖော်ဆောင်ရေး ဘက်ကတော့ လုံးဝ အတိအကျကြီး ဖိတ်ထားတာ မရှိပါဘူး”ဟု ပြောသည်။
KIO ဘက်မှ ဖိတ်ခေါ်သော နိုင်ငံတကာ လေ့လာသူများနှင့် ပတ်သက်၍ ဝန်ကြီး ဦးအောင်မင်းဘက်မှ ကန့်ကွက်ခြင်း မရှိကြောင်း သူက မဇ္စျိမကို ပြောသည်။
ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် ပြန်လည် တွေ့ဆုံမည့် အရေးနှင့် ပတ်သက်၍ KIO ဌာနချုပ် အတွင်း မည်သည့် ပြင်ဆင်ဆွေးနွေးမှုများ မရှိသေးသဖြင့် အသေးစိတ် မသိရသေးကြောင်း စစ်ပြေးဒုက္ခသည်များကူညီရေးကော်မတီ တာဝန်ခံ ဆလန်ကဘား ဦးဒွဲပီဆားက ပြောသည်။
၎င်းက “အပြင်သတင်းတွေအရ ၂၈ ရက်နေ့ ပြန်တွေ့မယ်လို့တော့ ကြားရတယ်။ ဒါပေမဲ့ ဒီကိစ္စနဲ့ ပတ်သက်လို့ ကေအိုင်အို လူကြီးတွေက စည်းဝေးထိုင်ပြီး ဆုံးဖြတ်တာတော့ မရှိသေးဘူး”ဟု မဇ္စျိမကို ပြောသည်။
အကယ်၍ မြစ်ကြီးနားမြို့သို့ သွားရောက် တွေ့ဆုံပါက ယခင်တွေ့ဆုံခဲ့သည့် ကေအိုင်အို ကိုယ်စားလှယ်များ သာ တက်ရောက်မည် ဖြစ်ကြောင်း သူက ဆိုသည်။
KIO ကိုယ်စားလှယ်များ၏ လုံခြုံရေးနှင့် ပတ်သက်၍ ညှိနှိုင်းနေဆဲ ဖြစ်ပြီး ယခုတွေ့ဆုံမှုတွင် နိုင်ငံတကာ လေ့လာသူများ ပါဝင်ခြင်း မရှိသဖြင့် ငြိမ်းချမ်းရေး ရရှိမည်ဟု မျော်လင့်ချက် မရှိကြောင်း ကချင်ငြိမ်းချမ်းရေး အကျိုးဆောင် ဦးဆန်အောင်က ပြောသည်။
ဦးဆန်အောင်မှ“အစိုးရက သဘောမတူလို့ ဒီတခေါက်တော့ မပါဘူးထင်တယ်။ ကေအိုင်အိုဘက်ကတော့ ယုံကြည်မှု မရှိလို့ သူတို့ကို ခေါ်တာ။ အစိုးရဘက်က ယုံကြည်မှု တည်ဆောက်တာ မရှိဘူး။ မယုံလို့ ကြားက သက်သေတွေ ဖိတ်ခေါ်တာ”ဟု မဇ္စျိမကို ရှင်းပြသည်။
အစိုးရဘက်မှ မည်သည့် ယုံကြည်မှုများ လုပ်ဆောင်ခြင်း မရှိသဖြင့် ငြိမ်းချမ်းရေး ရရှိလိမ့်မည်ဟု မျော်လင့်ချက် မရှိကြောင်း သူက သုံးသပ်ပြောဆိုသည်။
ယခုတကြိမ်တွေ့ဆုံမှုတွင် တပ်နေရာချထားရေးနှင့် နိုင်ငံရေးဆွေးနွေးပွဲကို မည်သို့ ဆက်လက်ဆောင်ရွက် သွားရန် စသည့် အချက်များ ထည့်သွင်းဆွေးနွေးမည်ဟု သဘောတူညီထားသည်ဟု မကြာမီက ဦးဆန်အောင်က မဇ္စျိမကို ပြောသည်။
KIO ဘက်မှ အမေရိကန်၊ ဗြိတိန်၊ တရုတ်နှင့် ကုလသမဂ္ဂ အား လေ့လာသူများအဖြစ် ပါဝင်ရန် ဖိတ်ကြား ထားသော်လည်း အစိုးရဘက်က မည်သည့် နိုင်ငံတကာ လေ့သူများကို ဖိတ်ခေါ်ထားခြင်း မရှိခြင်း ဖြစ်သည်။
ပြီးခဲ့သည့် မတ်လ ၁၁ ရက်နေ့က ၇ ကြိမ်မြောက် တရုတ်နိုင်ငံ ရွှေလီမြို့တွင် တွေ့ဆုံ ဆွေးနွေးပြီးနောက် တလ အကြာ ပြန်လည် တွေ့ဆုံရန် သဘောတူထားသော်လည်း ညှိနှိုင်းမှု နှစ်လအကြာမှသာ ပြန်လည် တွေ့ဆုံနိုင်မည် ဖြစ်သည်။
စစ်မှန်သော နိုင်ငံရေး ဆွေးနွေးမှုများ တနိုင်ငံလုံး အတိုင်းအတာ ကျင်းပနိုင်ရန် အတွက် လိုအပ်သည် များကို တဆင့်ပြီး တဆင့် ဆက်လက် ညှိနှိုင်း ဆောင်ရွက်သွားကြမည်ဟု ထိုနေ့က ပူးတွဲ သဘောတူညီချက်တွင် ပါရှိသည်။
Ref: မဇ္ဈိမ
ပါတီဝင်များအား ပအိုဝ့်ပြည်သူ့စစ်များက ခြိမ်းခြောက်ဟု ရှမ်းပြည် NLD ပြော
နန်းဆိုင်နွမ်
May 20, 2013
ရှမ်းပြည်နယ် တောင်ပိုင်း တောင်ကြီးမြို့နယ်ရှိ အမျိုးသား ဒီမိုကရေစီ အဖွဲ့ချုပ် (NLD) ပါတီရုံး အဖွဲ့ဝင်များကို ပအိုဝ့် အမျိုးသား အဖွဲ့ချုပ် ပါတီ(PNO) ပြည်သူ့စစ် များက ခြိမ်းခြောက်မှု ဖြစ်သဖြင့် ပါတီဝင် ၅၇ ဦး နုတ်ထွက်ရကြောင်း NLD ရှမ်းပြည်နယ် ဥက္ကဌက ဧရာဝတီသို့ ပြောဆိုသည်။
ဖြစ်ပွားပုံမှာ တောင်ကြီးမြို့နယ် မောက်စံကျေးရွာမှ NLD အဖွဲ့ဝင် ရွာသား ၅ ဦး သည် မေ ၁၄ ရက် တွင် ရွာသားများ သိမ်းခံရသည့် မြေယာများကို ထွန်တုန်း တိုက်ပွဲ သွားရောက် လုပ်ဆောင်သဖြင့် ပအိုဝ်း အမျိုးသား အဖွဲ့ချုပ် (PNO) ပြည်သူ့စစ်က NLD ရုံးကို ဝိုင်းပြီး ဖမ်းဆီးကာ ၀န်ခံချက်ဖြင့် ပြန်လွှတ် လိုက်ပြီးနောက် ပါတီမှ နုတ်ထွက်ခဲ့ရာမှ စတင်ခဲ့ကြောင်း NLD ပါတီ၏ ရှမ်းပြည်နယ် ပြည်နယ် ဥက္ကဌ မှ ဒေါ်ခင်မိုးမိုးက ပြောသည်။
“သူတို့ကို ပြန်လွှတ်တဲ့အချိန်မှာ NLD ကနေ မထွက်ရင် နောက်ပြန်ဖမ်းမယ် ဆိုပြီး ခြိမ်းခြောက်တယ်။ မောက်စံ ကျေးရွာမှာ ဆိုရင် ဒီနေ့ထိ NLD ရုံးကို ၀ိုင်းထားတုန်း။ ကျမတို့ ဘက်ကလည်း ပြည်ထောင်စု ကော်မရှင်တို့ မြို့နယ်ကော်မရှင် တိုင်းမှူးတွေဆီကိုလည်း စာတင် ထားပါတယ်” ဟု ဒေါ်ခင်မိုးမိုးက ပြောသည်။
အဆိုပါဖြစ်ပွားမှုသည် မောက်စံကျေးရွာဒေသခံများသည် ဘိုးဘွားပိုင် လယ်ယာမြေကို ပြန်လည် ရယူလိုသည့် စိတ်၊ မိုးရာသီ အမှီ ထွန်ယက် စိုက်ပျိုး လိုစိတ် တို့ကြောင့် လယ်မြေကို ဝင်ထွန်သဖြင့် ခေါင်းဆောင်ဟု ယူဆသူနှစ်ဦးကို PNO က ဖမ်းဆီး လိုက်ကြောင်း၊ NLD ပါတီအနေဖြင့် ဒေသခံ တိုင်းရင်းသား များ၏ အသက် အိုးအိမ်ကို မဖျက်ဆီးရန် အဓိက ဦးစားပေး ဆောင်ရွက် သွားမည်ဖြစ်ကြောင်း၊ ပါတီ ချမှတ်သည့် မူဝါဒ မကျော်လွန်ရန်နှင့် ပြဿနာကို အသင့်မြတ်ဆုံး ဖြေရှင်းသွားမည်ဖြစ်ကြောင်း ဒေါ်ခင်မိုးမိုးက ဆိုသည်။
ယင်းကိစ္စနှင့်ပတ်သတ်ပြီး PNO ၏ ပြည်သူ့စစ် ပြောရေးဆိုခွင့်ရှိသူ ဗိုလ်မှူးဇော်ပျံက “ ကျနော်တို့ ဒေသခံတွေကို ပါတီကနေ ထွက်ဖို့ ခြိမ်းခြောက်တာတွေ မလုပ်ပါဘူး။ ဒေသခံ နယ်မြေလို့သာ သူတို့ ပြောတယ်၊ ပိုင်ဆိုင်မှုတွေ ဘာအထောက်အထားမှလည်း မပြနိုင်ဘူး။ ခြိမ်းခြောက် ဖမ်းဆီးတယ်ဆိုတာကလည်း လှုံ့ဆော်မှုတွေကြောင့်ပါ။ NLD ပါတီရုံးကိုလည်း မဝိုင်းထားပါဘူး” ဟု ဧရာဝတီသို့ ပြောဆိုသည်။
ပါတီများ၏ သွေးထိုးလှုံ့ဆော်မှုနှင့် စည်းလုံးရေးကြောင့် ဘာမှမသိ နားမလည်သည့် ရွာသားများသာ ခံနေရကြောင်း၊ မြေယာနှင့် ပတ်သက်သည့် ကိစ္စကိုလည်း ဥပဒေအရ ဆောင်ရွက်စေလိုကြောင်း၊ ရွာသားများ အချင်းချင်း စိတ်ဝမ်းကွဲမှုများဖြစ်နေသည်မှာ မကောင်းကြောင်း၊ လုံခြုံရေးအရ ကင်းလှည့်နေရသဖြင့် NLD ပါတီရုံးကို ၀ိုင်းဝန်းထားခြင်းမဟုတ်ကြောင်း ဗိုလ်မှူး ဇော်ပျံက ဆိုသည်။
တောင်ကြီး NLD မှ ဦးတင်မောင်တိုးကမူ “ မောက်စံရွာသား ၂ ဦးကို ဖမ်းဆီးပြီး ပြန်လွှတ်ပေးဖို့ ကျနော်တို့ မြို့နယ် ဥက္ကဌ သွားရောက် ညှိအပြီးမှာပဲ ဆက်သေကျေးရွာက ရွာသား ၃ ယောက်ကို ပြန်ဖမ်းပါတယ်။ လယ်ယာကတော့ (ဗိုလ်မှူး ဇော်ပျံက) သူနဲ့မဆိုင်ဘူးဆိုပြီး ပြောသွားတယ်။ လယ်ယာမြေ ဥပဒေနဲ့လုပ်ဆောင်ဖို့ ပြောပါတယ်” ဟု ဧရာဝတီသို့ ပြောသည်။
အဆိုပါ ရွာသားများသည် ခံဝန်လက်မှတ်ထိုးကာ ပြန်လည်လွှတ်ပေးလိုက်ကြောင်း၊ ယင်းခံဝန်တွင် PNO လယ်မြေကို နောက်ထပ် မ၀င်ရောက်ရန်၊ “ရွာသားများ၏ မှားယွင်းပြီး လုပ်ဆောင်သည့်အတွက်” ဟု ဆိုပြီး ၀န်ခံရေးရကြောင်း၊ ပါတီမှလည်း နုတ်ထွက်ရန် သေနတ်ဖြင့် ခြိမ်းခြောက်ကြောင်း ဦးတင်မောင်တိုးက ဆိုသည်။
“အဲ့နေရာမှာ အခုထိ ဝိုင်းထားတုန်းပါ။ ဆက်သေ ကျေးရွာပါတီဝင် ၅၇ ယောက် နုတ်ထွက်သွားပါပြီ။ ထီပွာကျေးရွာဘက်ကလည်း နုတ်ထွက်ဖို့ လုပ်နေတယ်လို့ ကြားပါတယ်။မောက်စံကျေးရွာ မှာဆိုရင် ကလေးတွေပဲ အိမ်ပြင်ထွက်လို့ရတယ်။ လူကြီးတွေက ထွက်လို့ မရဘူး။ ထွက်ရင် ဖမ်းမယ်ဆိုပြီး ခြိမ်းခြောက်နေပါတယ်” ဟု တောင်ကြီး NLD မှ ဦးခွန်ထွန်းစိန်ကလည်း ဧရာဝတီသို့ ပြောသည်။
PNO ပြည်သူ့စစ်များ ဖမ်းဆီးသည့် အချိန်တွင် ရွာသားများကို ကြိုးဖြင့် တုတ်ထားကြောင်း၊ ရိုက်နှိပ်ခြင်း မရှိကြောင်း၊ သို့သော် သေနတ်ဖြင့် ခြိမ်းခြောက်မှုများ ပြုလုပ်ကြောင်း၊ ရွာသားများကို နှစ်ရက်နှင့် နှစ်ည ဖမ်းဆီး ချုပ်နှောင်ထားကြောင်း သိရသည်။
ယင်းကိစ္စနှင့်ပတ်သက်ပြီး တောင်ကြီးမြို့နယ် အုပ်ချုပ်ရေးမှူးရုံးမှ ဧရာဝတီမှ ဆက်သွယ်မေးမြန်းသည့်အခါ မသိရှိသေးကြောင်း၊ ပါတီအချင်းချင်း ဖြစ်သည့်ကိစ္စမှာလည်း ၎င်းတို့နှင့်မဆိုင်ကြောင်း ဖြေကြားခဲ့သည်။
ပအိုဝ့် အမျိုးသား အဖွဲ့ချုပ် PNO သည် ၁၉၉၁ ခုနှစ်တွင် မြန်မာစစ်အစိုးရနှင့် အပစ်ရပ်ခဲ့ပြီး ရှမ်းပြည်တောင်ပိုင်း ဟိုပုန်း၊ ဆီဆိုင်၊ ပင်လောင်းမြို့နယ်များပါဝင်သည့် အထူးဒေသ ၆ ကို ထိန်းချုပ်ခွင့်ရခဲ့သည်။ ၂၀၁၀ ခုနှစ် ရွေးကောက်ပွဲတွင် နိုင်ငံရေးပါတီအဖြစ် ရွေးကောက်ပွဲဝင်ခဲ့သည်။ လက်နက်ကိုင်တပ်ဖွဲ့မှာ ပြည်သူ့စစ်အဖြစ် ဆက်လက်ရပ်တည်လျက်ရှိသည်။
Ref: ဧရာဝတီ
ABSDF နဲ့ မြန်မာအစိုးရ ငြိမ်းချမ်းရေးဆွေးနွေး
အောင်ရဲ မောင်မောင်
20.05.2013
နှစ်ပေါင်း အစိတ်လောက် မြန်မာအစိုးရကို လက်နက်ကိုင် တော်လှန်ခဲ့တဲ့ မြန်မာနိုင်ငံလုံး ဆိုင်ရာ ကျောင်းသားများ တပ်ဦး ကျောင်းသား တပ်မတော် (ABSDF) နဲ့ မြန်မာ အစိုးရ တို့ကြား ငြိမ်းချမ်းရေး အတွက် ဆက်လက် ဆွေးနွေးသွားဖို့ သဘော တူခဲ့ကြပါတယ်။ မြန်မာ အစိုးရရဲ့ ငြိမ်းချမ်းရေး ကိုယ်စားလှယ် အဖွဲ့နဲ့ ရန်ကုန်မြို့မှာ တနင်္လာနေ့က တွေ့ဆုံမှုအတွင်း ပြောဆို ခဲ့ကြတာပါ။ အပြည်အစုံကိုတော့ ဒီကနေ့ မြန်မာ ငြိမ်းချမ်းရေး စင်တာကတွေ့ဆုံပွဲ အပြီး ဆက်သွယ်မေးမြန်းထားတဲ့ ဗွီအိုအေ သတင်းထောက် ကိုအောင်ရဲမောင်မောင် ကပြောပြပေးမှာဖြစ်ပါတယ်။
မြန်မာနိုင်ငံလုံးဆိုင်ရာ ကျောင်းသားများတပ်ဦး ကျောင်းသား တပ်မတော် ABSDF ဗဟို က ခေါင်းဆောင် တချို့ဟာ ဖြစ်ပျက်နေတဲ့ တိုက်ပွဲတွေ အမြန်ဆုံး ရပ်ဆဲနိုင်ရေးကို ဦးတည်တဲ့ နိုင်ငံရေး အလုပ်သဘောဆွေးနွေးပွဲ ပြုလုပ်ဖို့ ရန်ကုန်မြို့ကို ရောက်ရှိ လာပြီးတော့ ဒီကနေ့မှာပဲ ၀န်ကြီးဦးအောင်မင်း အပါအ၀င် မြန်မာငြိမ်းချမ်းရေး စင်တာက ခေါင်းဆောင် တချို့နဲ့ နိုင်ငံရေးစကား ပြောခဲ့ကြတာပါ။
နိုင်ငံရေးတွေ့ဆုံမှုတွေ ဆက်တိုက်ဖြစ်လာဖို့ အရေးအတွက် ပြည်ထောင်စု ၀န်ကြီးနဲ့ တွေ့ဆုံခဲ့စဉ်မှာ အလေးအထား ပြောကြား ခဲ့သလို ဒီကနေ့ညနေပိုင်း အထိလည်း မြန်မာငြိမ်းချမ်းရေး စင်တာရဲ့ ငြိမ်းချမ်းရေး အကျိုးတော်ဆောင်တွေနဲ့ လက်တွေ့ဖြစ်လာနိုင်မယ့် ဆွေးနွေးမှု ပုံစံတွေကို အလွတ်သဘော ဆွေးနွေးဖြစ်ခဲ့တယ်လို့ ABSDF အထွေထွေ အတွင်းရေးမှူး ဦးဆန်နီက ပြောပါတယ်။
“တိုင်းပြည်မှာ နိုင်ငံရေး တွေ့ဆုံဆွေးနွေးပွဲတွေ ဖြစ်ပေါ်လာဖို့ အတွက် ABSDF နဲ့ မြန်မာ ငြိမ်းချမ်းရေး အဖွဲ့နဲ့ ၂ ဖက် ကျနော်တို့ ညှိနှိုင်းဆွေးနွေးပွဲတွေကို ဒီကနေ့ စပြီးတော့ လုပ်ဖြစ်ပါတယ်။ မနက်ပိုင်းမှာတော့ ကျနော်တို့ Peace Center မှာပဲ ဦးအောင်မင်း အပါအ၀င် ငြိမ်းချမ်းရေး ဖော်ဆောင်မှု အဖွဲ့နဲ့ ကျနော်တို့ တွေ့ပြီးတော့၊ နေ့လည်ပိုင်းမှာတော့ ဦးလှမောင်ရွှေ ဦးဆောင်တဲ့ technical team နဲ့ ဆက်ဆွေးနွေးပါတယ်။ အဓိက ဆွေးနွေးတဲ့ အကြောင်းအရာတွေကတော့ နိုင်ငံရေး တွေ့ဆုံပွဲတွေ ဖြစ်ပေါ်လာရေးအတွက်၊ တွေ့ဆုံဆွေးနွေးမှုတွေ ဖြစ်ပေါ်လာရေးအတွက် ကျနော်တို့ အကြိုညှိနှိုင်းဆွေးနွေးပွဲပါ။”
မြန်မာနိုင်ငံလုံးဆိုင်ရာ ကျောင်းသားများတပ်ဦး ကျောင်းသားတပ်မတော်ဟာ ပြည်ထောင်စုဝန်ကြီး ဦးအောင်မင်းနဲ့ တွေ့ဆုံခဲ့တာဟာ ဒီတကြိမ်နဲ့ ဆိုရင် ၃ ကြိမ် ဖြစ်ပြီးတော့ ကျောင်းသား တပ်မတော်ရဲ့ ခေါင်းဆောင်ပိုင်းတချို့ ပြည်တွင်းမှာ နိုင်ငံရေးစကား ပြောတာဟာ ဒုတိယအကြိမ်မြောက်လည်း ဖြစ်ပါတယ်။ ကျောင်းသား တပ်မတော် ABSDF ဗဟိုရဲ့ ညွှန်ကြားမှုနဲ့ လာတဲ့ ဒီအဖွဲ့ဟာ နိုင်ငံရေး ပြသနာတွေကို နိုင်ငံရေးနည်းနဲ့ဖြေရှင်းဖို့ ရည်သန်ပြီးတော့ တွေ့ဆုံဆွေးနွေးရေးတွေ ကျယ်ကျယ်ပြန်ပြန့် ဖြစ်လာဖို့အတွက် အဓိကထား ဆွေးနွေး ခဲ့တယ်လို့ ABSDF အထွေထွေ အတွင်းရေးမှူး ဦးဆန်နီက ဗွီအိုအေရဲ့ မေးမြန်းမှုကို ပြန်လည်ဖြေကြားခဲ့တာပါ။
“ညှိနှိုင်းဆွေးနွေးပြီးတော့ အဖြေရှာသွားမယ်၊ ညှိနှိုင်းဆွေးနွေးမှုကနေပြီးတော့ တိုင်းပြည်ရဲ့ အနာဂတ် နိုင်ငံရေး ပြဿနာများကို နိုင်ငံရေး နည်းလမ်းနဲ့ ဖြေရှင်းနိုင်ဖို့ကို ကျနော်တို့ ကြိုးစားတဲ့ အနေနဲ့ ဒီကနေ့ ဆွေးနွေးပွဲတွေကို ကျနော်တို့ သွားနေကြတာဖြစ်ပါတယ်။ ကျနော်တို့ ABSDF အနေနဲ့ ဆွေးနွေးပွဲရဲ့ နိုင်ငံရေး ရည်မှန်းချက်တွေကို ထပ်ပြီး တင်ပြချင်ပါတယ်။ အဲဒါကတော့ ပထမတချက် အနေနဲ့ကတော့ ကျနော်တို့ ပြည်တွင်း ငြိမ်းချမ်းရေး၊ အမျိုးသား ပြန်လည်သင့်မြတ်ရေးကို ကျနော်တို့ သွားချင်ပါတယ်။ နံပတ် ၂ ကတော့ ကျနော်တို့ တတိုင်းပြည်လုံး ပါဝင်တဲ့ အင်အားစုများ အားလုံးပါဝင်တဲ့ နိုင်ငံရေး တွေ့ဆုံဆွေးနွေးပွဲတွေ ဖြစ်ပေါ်ရေးပါ။ တတိယအချက် အနေနဲ့ကတော့ ဒီမိုကရေစီရေးနဲ့ လူ့အခွင့်အရေး အာမခံချက်ရှိတဲ့ တိုင်းရင်းသားတွေရဲ့ ဖယ်ဒရယ် အရေးပေါ့ဗျာ။ တိုင်းရင်းသားတွေရဲ့ တန်းတူရေးနဲ့ ကိုယ်ပိုင်ပြဋ္ဌာန်းခွင့်ကို အာမခံချက်ရှိတဲ့ ဖွဲ့စည်းပုံ အခြေခံဥပဒေ ပေါ်ပေါက်ရေး အပါအ၀င်၊ အသွင်ကူးပြောင်းရေး လုပ်ငန်းစဉ်တရပ် ပေါ်ထွန်းရေးဆိုတဲ့ နိုင်ငံရေး မျှော်မှန်းချက် ၃ ခုအောက်မှာ ဒီကနေ့ ကျနော်တို့ တွေ့ဆုံဆွေးနွေးရေးကို လုပ်နေတာပါ။”
အခုလို ငြိမ်းချမ်းရေး ကိစ္စတွေကို ဆွေးနွေးဖို့ လာရောက်တဲ့ ABSDF ခေါင်းဆောင်ပိုင်းတွေဟာ အစိုးရ စစ်တပ်နဲ့ ABSDF ကြားက တိုက်ပွဲ အမြန် ရပ်ဆဲနိုင်ဖို့တွေ သာမက စစ်တပ်နဲ့ တိုင်းရင်းသားတွေ အကြားမှာ ဖြစ်ပေါ်နေတဲ့ တိုက်ပွဲတွေ အမြန်အဆုံးသတ်ရေး အတွက်လည်း ဆွေးနွေးခဲ့တယ်လို့ ဦးဆန်နီ ကပြောပါတယ်။
ကျောင်းသားတပ်မတော် ခေါင်းဆောင်ပိုင်းတွေနဲ့ မြန်မာငြိမ်းချမ်းမှု ဖော်ဆောင်ရေး အကျိုးဆောင်တွေတွေ့ဆုံမှု အပြီးမှာတော့ ၂ ဖက်ဆွေးနွေးပွဲရဲ့ ရလဒ်ကို ကျေနပ်အားရမှု ရှိတယ်လို့လည်း မြန်မာငြိမ်းချမ်းရေးစင်တာက အကြံပေးအဖွဲ့ဝင် ဦးလှမောင်ရွှေ ကပြောပါတယ်။
“ဆွေးနွေးရတာ သိပ်အခက်အခဲ မရှိပါဘူး။ ကျနော်တို့ သတင်းစကား ဖလှယ်တာ၊ နောက် အကြံဥာဏ်၊ ရှေ့မှာဖြစ်နိုင်တဲ့ဟာတွေ ဆွေးနွေးတာဖြစ်တော့ အများကြီး ကျေနပ်ပါတယ်။ ကျနော်လည်း အားရတာရှိပါတယ်။ သူတို့လည်း အဲဒီလိုပဲလို့ ကျနော်တို့ မျှော်လင့်ပါတယ်။ ကျနော်တို့ ဒီငြိမ်းချမ်းရေး ဖြစ်စဉ်က သိမ်မွေ့တာပေါ့လေ။ နူးညံ့တယ်။ အားလုံးပါဝင်တဲ့ ဒိုင်ယာလော့ကို သွားဖို့ ဆိုရင်တော့ ဒီအင်အားစုတွေအားလုံး ပါနိုင်လေလေ၊ ပိုအဓိပ္ပါယ်ရှိပြီးတော့ ပိုပြီးတော့ အားလုံးဆွေးနွေးနိုင်မယ့် အနေအထားမျိုးကို ကျနော်တို့ကတော့ မှန်းဆထားပါတယ်။”
ABSDFဗဟိုရဲ့ စေလွှတ်မှုနဲ့ ပြည်တွင်းကိုရောက်ရှိနေတဲ့ ကျောင်းသားခေါင်းဆောင် ၅ ဦးဟာ မေလ ၁၉ ရက်နေ့ ညနေပိုင်းက ရန်ကုန်မြို့ကို ရောက်ရှိလာတာဖြစ်ပြီးတော့ မေလ ၂၀ ရက်နေ့မှာ ပြန်လည် ထွက်ခွာတော့မှာ ဖြစ်တယ်လို့လည်း ဦးဆန်နီကပြောခဲ့တာ ဖြစ်ပါတယ်။
Ref: VOA News
Monday, May 20, 2013
လွှတ်တော်တွင် စစ်တပ်က ကိုယ်စားလှယ်များ ရှိသင့်သေးသည်ဟု သမ္မတ ဦးသိန်းစိန် ပြော
လင်းသန့်
May 20, 2013
မြန်မာ့လွှတ်တော်များတွင် တပ်မတော်က ၂၅ ရာခိုင်နှုန်း ပါဝင်နေခြင်းသည် လတ်တလောတွင် ရှိသင့်ကြောင်း သမ္မတ ဦးသိန်းစိန်က ပြောကြား လိုက်သည်။
နှစ်ပေါင်း ၅၀ အတွင်း မြန်မာခေါင်းဆောင်တဦး၏ ပထမဆုံး တရားဝင်ခရီး အဖြစ် အမေရိကန် ပြည်ထောင်စုသို့ ရောက်ရှိနေသော သမ္မတ ဦးသိန်းစိန်က မေလ ၁၉ ရက်နေ့က ၀ါရှင်တန်ရှိ ဗီအိုအေ သတင်း ဌာနတွင် ပြုလုပ်သည့် နယ်ပယ်စုံမှ မြန်မာ အသိုင်းအ၀ိုင်း များနှင့် တွေ့ဆုံမေးမြန်းခန်းတွင် ထိုကဲ့သို့ ပြောကြားသွားခြင်း ဖြစ်သည်။
“တပ်မတော်က နိုင်ငံရေးနဲ့ ကင်းကွာလို့တော့ မရပါဘူး။ အစဉ်အလာ ရှိခဲ့ပါတယ်။ သမိုင်းကြောင်း ရှိခဲ့ပါတယ်။ တိုင်းပြည်မှာ အခက်အခဲတွေ အကြပ်အတည်းတွေ တွေ့တိုင်း၊ တွေ့တိုင်း တပ်မတော်ကနေ ဝင်ရောက်ပြီး ဆောင်ရွက် ခဲ့တာတွေ ရှိပါတယ်။ ၂၅ ရာခိုင်နှုန်း ဆိုတာက လွှတ်တော်ထဲမှာ လောလောဆယ် မှာတော့ ရှိသင့် ရှိထိုက်တယ်။ သို့သော်လည်းပဲ တဖြည်းဖြည်း ဒါတွေဟာ ကျနော်တို့ လျော့ပါးလာမယ်၊ နည်းပါးလာမယ်၊ ဒီလိုပဲ မြင်မိပါတယ်” ဟု သမ္မတ ဦးသိန်းစိန်က ဗီအိုအေ ဌာနမှူး ဦးသန်းလွင်ထွန်း၏ မေးခွန်းအပေါ် ဖြေကြားသွားသည်။
သို့သော် ဒီမိုကရေစီ ရင့်ကျက်လာသည့်နှင့်အမျှ လွှတ်တော်တွင် တပ်မတော် ပါဝင်မှု လျော့နည်း လာမည်ဖြစ်ပြီး ၂၀၀၈ ခုနှစ် ဖွဲ့စည်းပုံ အခြေခံ ဥပဒေသည် စွပ်စွဲ ပြောကြားသကဲ့သို့ လူတစုအတွက် မဟုတ်ကြောင်း၊ လူအများ ထောက်ခံ တည်ပြုထားခြင်းဖြစ်ကြောင်း၊ သို့သော် ဖွဲ့စည်းပုံ အခြေခံ ဥပဒေ ပြင်ဆင်ရေးနှင့် ပတ်သက်၍လည်း လုပ်ထုံးလုပ်နည်းအရ ပြင်ဆင်နိုင်ကြောင်းလည်း ဦးသိန်းစိန်က ပရိသတ်တဦး၏ မေးခွန်းအပေါ် တုံ့ပြန်ဖြေဆိုခဲ့သည်။
“ဖွဲ့စည်းပုံ အခြေခံ ဥပဒေဆိုတာ သော့ခတ်ထားတဲ့ သံမဏိမျိုး မဟုတ်ပါဘူး။ သူ့မှာ ပြင်ဆင်နိုင်တဲ့ Amendment (ပြင်ဆင်ဖြည့်စွက်ချက်အခန်း) ပါ ပြီးသားဖြစ်ပါတယ်။ အဲတော့ ဖွဲ့စည်းပုံ အခြေခံ ဥပဒေကို ပြင်ဆင်မယ် ဆိုရင် ဒီ Amendment သူ့မှာ လုပ်ထုံးလုပ်နည်းတွေ ရှိပါတယ်။ ဒီလုပ်ထုံးလုပ်နည်းတွေအတိုင်း ကျနော်တို့ ပြင်ဆင်လို့ ရပါတယ်” ဟု သူက ဆိုသည်။
သမ္မတ ဦးသိန်းစိန်က မြန်မာနိုင်ငံကို ဒီမိုကရေစီ ဖော်ဆောင်နေချိန်၌ အမေရိကန်ပြည်ထောင်စုသို့ လာရောက်ရခြင်းတွင် မြန်မာနိုင်ငံအား အမေရိကန် ပြည်ထောင်စုက စီးပွားရေး ပိတ်ဆို့ဒဏ်ခတ်မှုကိစ္စလည်း ပါဝင်ကြောင်း ဦးသန်းလွင်ထွန်း၏ မေးခွန်းအပေါ် တုံ့ပြန်ဖြေကြားသည်။
“ကျနော်တို့ ဒီမိုကရေစီကို လိုလားတယ်။ ခုနကလို ဒီမိုကရေစီစနစ် ရှေ့ကိုဆက်ပြီးတော့ ရှင်သန်ဖွံ့ဖြိုးစေချင်တယ် ဆိုရင် ဒါ ဒီမိုကရေစီနဲ့ နိုင်ငံရေး၊ ဒီမိုကရေစီနဲ့ စီးပွားရေးဟာလည်း တခုနဲ့တခုဟာ ကွင်းဆက်လို ဖြစ်နေတဲ့အတွက်ကြောင့် မြန်မာနိုင်ငံမှာ စီးပွားရေး ဖွံ့ဖြိုးတိုးတက်ဖို့အတွက် ဒါကို စာနာထောက်ထားသင့်တယ်။ ဒါတွေ အခက်အခဲ အတားအဆီးတွေကို ဖယ်ရှားပေးသင့်တယ် ဆိုတဲ့ ဒါလေးကိုတော့ ကျနော် ပြောမယ်” ဟု သမ္မတ ဦးသိန်းစိန်က ဆိုသည်။
အမေရိကန် သမ္မတ မစ္စတာ ဘားရက် အိုဘားမားနှင့် အိမ်ဖြူတော်၌ တွေ့ဆုံသည့်အခါ အမေရိကန်၏ ရင်းနှီးမြှုပ်နှံမှုနှင့် ပညာရေး၊ ကျန်းမာရေး၊ နည်းပညာကဏ္ဍများတွင် အမေရိကန် အကူအညီများရရေး အစရှိသည့် အကြောင်းများလည်း ပါဝင်ကြောင်းလည်း သိရသည်။
“ကျနော်တို့ရဲ့ ရှေ့အလားအလာတွေ ဒါတွေနဲ့ ပတ်သက်ပြီးတော့ အမေရိကန်နိုင်ငံအနေနဲ့ အဖက်ဖက်ကနေပြီးတော့ ကျနော်တို့ နိုင်ငံအပေါ် နားလည်မှု ရှိဖို့၊ တချို့အခက်အခဲတွေကို ဖြေရှင်းပေးနိုင်မယ့်ဟာတွေကို ဖြေရှင်း ပေးနိုင်ဖို့ ဆိုတဲ့ ဒီလို ရည်ရွယ်ချက်တွေနဲ့ ကျနော်တို့ ဒါ သမ္မတကြီး (အိုဘားမား) နဲ့တွေ့ဖို့ ဖြစ်ပါတယ်” ဟု သူက ဆိုသည်။
မြောက်ကိုရီးယားနှင့် ဆက်ဆံရေးနှင့် ပတ်သက်၍ သမ္မတ ဦးသိန်းစိန်က “မြောက်ကိုရီးယားကို ကျနော်တို့ ဆက်ဆံရတာတွေ ရှိပါတယ်။ ဟိုတုန်းက ကျနော်တို့ကို အကုန် ပိတ်ဆို့ထားတဲ့ အခါမှာ ကျနော်တို့လည်း ကိုယ့်နိုင်ငံကို ကာကွယ်ဖို့အတွက်၊ ကိုယ့်ကို ကူညီနိုင်မယ့် နိုင်ငံကို ရှာရတာပါ။ သံတမန် ဆက်သွယ်မှုတော့ ရှိခဲ့တယ်။ ဒီဘက်ပိုင်းမှာတော့ ကျနော်တို့ အစိုးရ တက်လာတဲ့အခါမှာ စစ်ရေးအားဖြင့် ဆက်သွယ်မှုတွေ လုံးဝမရှိပါဘူး” ဟု ဆိုသည်။
အဆိုပါ ကိစ္စနှင့် ပတ်သက်သည့် သံသယကြောင့် အမေရိကန်အနေဖြင့် မြန်မာကို စီးပွားရေး ဒဏ်ခတ်ပိတ်ဆို့မှု လုံးဝ ဖယ်ရှားပေးရေးတွင် စောင့်ကြည့်ဦးမည်ဟု ယူဆကြောင်းလည်း သူက ဆက်ပြောသည်။
မြန်မာနိုင်ငံသည် သဘာဝ သယံဇာ ပေါကြွယ်ဝ၍ ရင်းနှီးမြှုပ်နှံလိုသူများလည်း ရှိကြောင်း၊ သို့အတွက် နိုင်ငံခြား ရင်းနှီးမြှုပ်နှံမှု ဥပဒေကို ခက်ခက်ခဲခဲ ရေးဆွဲ ပြဌာန်းထားကြောင်း သမ္မတ ဦးသိန်းစိန်က ဆိုသည်။
သမ္မတ ဦးသိန်းစိန်က မြန်မာ့နိုင်ငံရေး ပြုပြင်ပြောင်းလဲမှုတွင် ပြည်သူ့ဆန္ဒအပေါ် မူတည်ပြီး နိုင်ငံရေးတွင် အားလုံး ပူးပေါင်း ပါဝင်ဆောင်ရွက်ရေးကို ဖော်ဆောင်ပါမည်ဟုလည်း ထပ်လောင်း ကတိပေးစကား ပြောကြားသည်။
“နိုင်ငံရေးအရ ပြုပြင် ပြောင်းလဲမှုတွေလည်း ပြည်သူလူထုရဲ့ ဒီဆန္ဒတွေအပေါ် မူတည်ပြီးတော့ နိုင်ငံရေး တည်ငြိမ်အောင်၊ ကျနော်တို့ရဲ့ နိုင်ငံရေးလုပ်ငန်းစဉ်မှာ အားလုံး ပါဝင်နိုင်အောင်၊ ဒါတွေ ကျနော်တို့ လုပ်ပေးမှာပါ။ နိုင်ငံရေး အကျဉ်းသားတွေ လွှတ်ပေးတာ ပြုပေးတာက အစပေါ့” ဟု သူက ဆိုသည်။
နိုင်ငံတွင် နှစ်ပေါင်း ၆၀ ကျော်ကာလ လက်နက်ကိုင် ပဋိပက္ခများအပေါ် ပြည်သူများက ငြီးငွေ့နေပြီဖြစ်ပြီး တိုင်းပြည်ငြိမ်းချမ်းရေး ဖော်ဆောင်မှု လုပ်ငန်းစဉ်များကိုလည်း ဆက်လက် အကောင်အထည်ဖော်သွားမည် ဖြစ်ကြောင်းလည်း ကတိပေးခဲ့သည်။
ထို့အပြင် သမ္မတ ဦးသိန်းစိန်က ဒီမိုကရေစီသက်တမ်း နုနယ်နေသေးချိန်ဖြစ်၍ လက်ပံတောင်းကိစ္စတွင် ဖြစ်ပေါ်ခဲ့မှုသည် မမျှော်လင့်ဘဲ ဖြစ်သွားခဲ့ရကြောင်း၊ ဆန္ဒဖော်ထုတ်ခွင့်များလည်း ရှိပြီး တချို့ကိစ္စများတွင် အရေးယူရသည်လည်း ရှိသည်ဟု ဆိုသည်။
မကြာသေးမီက မတည်ငြိမ်မှု၊ ရခိုင်ပြည်နယ်မျ အကြမ်းဖက် တိုက်ခိုက်မှုများသည် သာမန် အခြေအနေမျိုးမှ ကြီးထွားလာခြင်း မဟုတ်ကြောင်း၊ အဓိကရုဏ်း ဖြစ်စဉ်များတွင် ဥပဒေ ချိုးဖောက်သူများကိုလည်း အရေးယူမှု ရှိကြောင်း၊ အဆိုပါကိစ္စ အစီရင်ခံစာ ထုတ်ပြန်ပြီးဖြစ်ကြောင်း ဒေါက်တာ ကျော်ရင်လှိုင်ကလည်း သမ္မတ ကိုယ်စား မေးမြန်းမှုကို ဖြေဆိုသည်။
သမ္မတ ဦးသိန်းစိန်သည် ၀ါရှင်တန်ဒီစီရှိ မြန်မာသံရုံးတွင် မြန်မာမိသားစုများနှင့် တွေ့ဆုံခဲ့ပြီး ပြုပြင်ပြောင်းလဲရေး ဖော်ဆောင်နေမှုများကို ရှင်းလင်း ပြောကြားခဲ့ပြီး နိုင်ငံပြန်လည် တည်ဆောက်ရေးတွင် ပြည်ပရောက် မြန်မာများပါ ကူညီရန် ဖိတ်ခေါ်ခဲ့သေးသည်။
အမေရိကန်ရောက် မြန်မာ့အရေး တက်ကြွလှုပ်ရှားသူတချို့က လက်ရှိ ပြုပြင်ပြောင်းလဲရေးကို စစ်မှန်သည့် ပြုပြင်ပြောင်းလဲရေးဖြစ်လိုကြောင်း၊ လိမ်ညာမှုများ ရပ်တန့်စေလိုကြောင်း သမ္မတ ဦးသိန်းစိန်ကို ကန့်ကွက်ဆန္ဒပြသည်ဟု သိရသည်။
“ကျနော်တို့ ဆန္ဒပြတာ စစ်မှန်တဲ့ ပြုပြင်ပြောင်းလဲရေးတွေ အမြန်ဆုံးလုပ်ဖို့ပါ” ဟု ဆန္ဒပြပွဲတွင် ပါဝင်သည့် ကိုဇော်ဝင်းက ပြောသည်။
သမ္မတ ဦးသိန်းစိန်အနေဖြင့် အမေရိကန် ခရီးစဉ်တွင် သမ္မတ အိုဘားမားနှင့် တွေ့ဆုံမှုသည် မြန်မာပြည်သူများ အတွက် အကျိုးများသင့်ကြောင်း၊ စစ်တပ်၏ မြန်မာ့နိုင်ငံရေးတွင် ပါဝင်နေမှုကို ရုပ်သိမ်းသွားမှသာ မြန်မာပြည်သူများ အမှန်တကယ် အကျိုးဖြစ်ထွန်းမည်ဖြစ်ကြောင်း သူက ဆက်ပြောသည်။
သမ္မတ ဦးသိန်းစိန်အား အိမ်ဖြူတော်၌ သမ္မတ အိုဘားမားက လက်ခံတွေ့ဆုံမည့်ကိစ္စနှင့် စပ်လျဉ်း၍ အမေရိကန် ပြည်ထောင်စု၏ မြန်မာနိုင်ငံအပေါ် အလေးထားမှုကို ပြသရာရောက်၍ ၀မ်းမြောက်ဖွယ် ဖြစ်သော်လည်း လူ့အခွင့်အရေး ချိုးဖောက်မှုများနှင့် ပြုပြင်ပြောင်းလဲရေး လုပ်ငန်းစဉ်များ အောက်ခြေထိ သက်ရောက်မှု မရှိသေးသည့်အပေါ် မြန်မာအစိုးရကို အမေရိကန်က အခွင့်အရေးပေးခြင်းသည် စောနေသေးကြောင်း ဝေဖန်နေကြသူများလည်း ရှိသည်။
Ref: ဧရာဝတီ
Posts
