ဒေါ်ခင်မျိုးသက်
တနင်္လာ, 31 အောက်တိုဘာ 2011
အမေရိကန် လက်ထောက်နိုင်ငံခြားရေးဝန်ကြီး မိုက်ကယ် ပို့စနာ (Michael Posner) နဲ့ မြန်မာနိုင်ငံ ဆိုင်ရာ အမေရိကန် အထူးသံ ဒဲရက်မစ်ချဲလ် (Derek Mitchell) တို့ နှစ်ဦးဟာ မြန်မာနိုင်ငံကို ဒီကနေ့နဲ့ မနက်ဖြန်မှာ အသီးသီး ရောက်ရှိကြမှာ ဖြစ်ပါတယ်။ သူတို့ နှစ်ဦးစလုံးဟာ မြန်မာအစိုးရ တာဝန် ရှိသူတွေနဲ့ တွေ့ဆုံဖို့ ရှိသလို လူ့အခွင့်အရေး ဆိုင်ရာနဲ့ မြန်မာနိုင်ငံ ဒီမိုကရေစီ ပြုပြင် ပြောင်းလဲရေး ဆိုင်ရာ ကျယ်ပြန့်တဲ့ ကိစ္စရပ်တွေကို ဆွေးနွေးဖို့ နိုင်ငံတကာ အဖွဲ့အစည်းတွေနဲ့ရော၊ လူမှု အဖွဲ့အစည်းတွေနဲ့ပါ ဆွေးနွေးဖို့ ရှိတယ်လို့ အမေရိကန် နိုင်ငံခြားရေး ဌာနက တနင်္လာနေ့မှာ ကြေညာချက် ထုတ်ပြန် လိုက်ပါတယ်။ အပြည့်စုံကို ဒေါ်ခင်မျိုးသက်က တင်ပြထားပါတယ်။
မြန်မာနိုင်ငံမှာ ဒီမိုကရေစီနဲ့ လူ့အခွင့်အရေး တိုးတက်မှုတွေရှိလာစေဖို့အတွက် ဒဏ်ခတ်အရေးယူ မှုတွေ ထားရှိတဲ့ အမေရိကန် နိုင်ငံက မြန်မာနိုင်ငံဆိုင်ရာ အမေရိကန် အထူး သံတမန်တစ်ဦး ခန့်အပ်ပြီး ထိတွေ့ ဆက်ဆံရေးမူနဲ့ မြန်မာ့ အရေးကို တစိုက်မတ်မတ် ဆောင်ရွက်နေတာမှာ ဒီကနေ့ နိုဝင်ဘာလ ၁ ရက်နေ့ မှာတော့ လက်ထောက် နိုင်ငံခြားရေးဝန်ကြီး မိုက်ကယ်ပို့စနာ ပါ မြန်မာနိုင်ငံကို သွားရောက်ဖို့ ရှိတယ်လို့ အမေရိကန် နိုင်ငံခြားရေးဝန်ကြီးဌာန ပြောခွင့်ရ ဒါရာ ပါရာဒီစို (Darragh Paradiso) ကပြောပါတယ်။
“အမေရိကန်ပြည်ထောင်စု ဒီမိုကရေစီ၊ လူ့အခွင့်အရေးနဲ့ အလုပ်သမားရေးရာ လက်ထောက် နိုင်ငံခြားရေးဝန်ကြီး မိုက်ကယ် ပို့စနာ နဲ့ အမေရိကန် အစိုးရရဲ့ မြန်မာနိုင်ငံမူဝါဒ ရေးရာ ညှိနှိုင်းရေးမှူး ဖြစ်တဲ့ မြန်မာနိုင်ငံဆိုင်ရာ အမေရိကန် အထူး သံတမန် ဒဲရက်မစ်ချဲလ်တို့ နှစ်ဦးဟာ ဒီသီတင်းပတ်ထဲမှာ မြန်မာနိုင်ငံကို သွားကြဖို့ရှိပါတယ်။ လက်ထောက် နိုင်ငံခြားရေးဝန်ကြီး ပို့စနာက နိုဝင်ဘာလ ၁ ရက်နေ့မှာ မြန်မာနိုင်ငံကို ရောက်မှာဖြစ်ပါတယ်။ မစ္စတာ မစ်ချဲလ်ကတော့ နိုဝင်ဘာလ ၂ ရက်နေ့မှာ ရောက်မှာပါ။”
အမေရိကန် အထူးသံတမန် ဒဲရက်မစ်ချဲလ်ဟာ မကြာခင်ကမှ မြန်မာနိုင်ငံကို တစ်ခေါက်သွားရောက်ခဲ့တာ ဖြစ်ပြီး မြန်မာနိုင်ငံ ဆိုင်ရာ အမေရိကန် မူဝါဒ ညှိနှိုင်းရေးမှူး တာဝန်ကို လက်ခံခဲ့ပြီးတဲ့နောက် ၂ လအတွင်းမှာပဲ တတိယ အကြိမ်မြောက် သွားရောက်မှာ ဖြစ်ပါတယ်။ လက်ထောက် နိုင်ငံခြားရေးဝန်ကြီး မစ္စတာ ပို့စနာကတော့ ပထမဆုံး အကြိမ် အဖြစ်နဲ့ မြန်မာနိုင်ငံကို သွားရောက်တာပါ။
“သူတို့နှစ်ဦးဟာ နေပြည်တော်ကိုရော ရန်ကုန်ကိုပါ သွားမှာဖြစ်ပြီး မြန်မာအစိုးရ တာဝန်ရှိသူတွေ၊ နိုင်ငံတကာ အဖွဲ့အစည်းတွေက ကိုယ်စားလှယ်တွေ အပြင် လူမှုလူ့အဖွဲ့အစည်းတွေက ပုဂ္ဂိုလ်တွေနဲ့ပါ တွေ့ဆုံဖို့ရှိပါတယ်။ ဒီလိုတွေ့ဆုံတဲ့အခါ မြန်မာနိုင်ငံ ပြုပြင် ပြောင်းလဲရေးဆိုင်ရာ ကိစ္စရပ်တွေနဲ့ လူ့အခွင့်ရေး ဆိုင်ရာ တွေနဲ့ ဆက်နွယ်နေတဲ့ ကျယ်ပြန့်တဲ့ ကိစ္စရပ်တွေကို ဆွေးနွေးမှာဖြစ်ပါတယ်။”
မစ္စတာ ပို့စနာနဲ့ မစ္စတာ မစ်ချဲလ် တို့ဟာ လက်ထောက် နိုင်ငံခြားရေးဝန်ကြီး ကာ့ဒ်ကမ့်ဘဲလ် (Kurt Campbell) နဲ့အတူ စက်တင်ဘာ လထဲမှာ အမေရိကန်နိုင်ငံ နယူးယောက်မြို့က ကုလသမဂ္ဂ အထွေထွေ ညီလာခံကို တက်ရောက်လာတဲ့ မြန်မာ နိုင်ငံခြားရေး ၀န်ကြီး ဦးဝဏ္ဏမောင်လွင်နဲ့ ၀ါရှင်တန်က အမေရိကန် နိုင်ငံခြားရေး ၀န်ကြီးဌာနမှာ တွေ့ဆုံခဲ့ကြပါတယ်။ အဲဒီဆွေးနွေးပွဲဟာ ပွင့်လင်းမှုရှိပြီး အကျိုးရှိတယ်လို့ အမေရိကန် နိုင်ငံခြားရေး ၀န်ကြီးဌာနက ပြောကြားခဲ့ပါတယ်။
ဒါပေမဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အခုထက်ပိုပြီး အဓိပ္ပါယ်ရှိတဲ့ ဆွေးနွေးမှုတွေ ပြုလုပ်ဖို့ တောင်းဆိုခဲ့သလို နိုင်ငံရေး အကျဉ်းသားတွေ လွှတ်ပေးဖို့နဲ့ တိုင်းရင်းသားတွေနဲ့ စစ်ပွဲဆင်နွှဲနေမှုတွေ ရပ်ဆိုင်းဖို့၊ မြောက်ကိုရီးယားနဲ့ ဆက်ဆံရေး အခုထက် ထင်သာမြင်သာ ပိုရှိဖို့ အပါအ၀င် ခိုင်မာတဲ့ အပြောင်းအလဲ ခြေလှမ်းတွေ လှမ်းဖို့ တိုက်တွန်းခဲ့ပါတယ်။
မြန်မာနိုင်ငံကို နှစ်ကြိမ် သွားရောက်ခဲ့ပြီးဖြစ်တဲ့ မစ္စတာ မစ်ချဲလ်ဟာ သူသွားခဲ့တဲ့ နှစ်ကြိမ်စလုံးမှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခဲ့ပါတယ်။
အောက်တိုဘာလလယ် ဒုတိယအကြိမ် သွားရောက်ခဲ့ပြီးတဲ့နောက် ပြီးခဲ့တဲ့ တနင်္လာနေ့ကကျင်းပတဲ့ သတင်းစာ ရှင်းလင်းပွဲမှာ မစ္စတာမစ်ချဲလ်က မြန်မာနိုင်ငံရဲ့ အခြေနေဟာ အချိန်နဲ့အမျှ ပြောင်းလဲမှုတွေ တွေ့နေရတယ်လို့ ဆိုပါတယ်။ ဒါပေမဲ့ နိုင်ငံရေး အကျဉ်းသားတွေ ဆက်ပြီး ထိန်းသိမ်း ထားတာနဲ့ တိုင်းရင်းသားတွေနဲ့ စစ်မက် ဖြစ်ပွားနေတာလိုမျိုး တချို့ကိစ္စရပ်တွေမှာ ပြောင်းလဲမှုတွေ လုံးဝ မရှိသေးသလို လူ့အခွင့်အရေး ချိုးဖောက်မှုတွေ ဆက်ပြီး ရှိနေတာမို့ ဒါဟာ ဒေသတွင်း အတွက်ရော အမေရိကန်နဲ့ တခြား ကမ္ဘာ့နိုင်ငံတွေကိုပါ အကြီးအကျယ် စိုးရိမ်စေတယ်လို့ ပြောကြားခဲ့ပါတယ်။
မစ္စတာမစ်ချဲလ်နဲ့ မစ္စတာ ပို့စနာတို့ဟာ နိုဝင်ဘာလ ၄ ရက် သောကြာနေ့မှာ မြန်မာနိုင်ငံကနေ ပြန်လည် ထွက်ခွာဖို့ ရှိတယ်လို့လည်း အမေရိကန် နိုင်ငံခြားရေးဌာနက ထုတ်ပြန်တဲ့ ကြေညာချက်မှာ ဖော်ပြထားပါတယ်။
Ref: VOA News
Tuesday, November 1, 2011
အမေရိကန် လက်ထောက်နိုင်ငံခြားရေးဝန်ကြီး Posner မြန်မာနိုင်ငံခရီးစဉ် စတင်
KNU၊ DKBA တို့ အစိုးရနှင့် ဆွေးနွေး
ကိုဝိုင်း
တနင်္လာနေ့၊ အောက်တိုဘာလ ၃၁ ရက် ၂၀၁၁
ချင်းမိုင် (မဇ္ဈိမ) ။ ။ ကရင်အမျိုးသား အစည်းအရုံး KNU နှင့် တိုးတက်သော ဗုဒ္ဓဘာသာ ကရင်အမျိုးသား အစည်းအရုံး DKBA တို့သည် ယခုလအတွင်း အစိုးရ ကိုယ်စားလှယ်များအား ထိုင်းနိုင်ငံ ဘန်ကောက်နှင့် မွန်ပြည်နယ် မော်လမြိုင်မြို့ တို့တွင် တွေ့ဆုံခဲ့ကြောင်း ကာယကံရှင်များက ပြောသည်။
KNU နှင့် တွေ့ဆုံမှုတွင် သဘောတူညီမှု တစုံတရာ မရှိသော်လည်း DKBA နှင့် ဆွေးနွေးရာတွင်မူ လတ်တလော နှစ်ဘက် တပ်များကို တပ်ထိုင် နယ်မြေမှ အဝေးသို့ လှုပ်ရှားမှုများ မပြုရန် သဘော တူခဲ့ကြသည်။ KNU က အောက်တိုဘာ လဆန်းတွင် ရထား ပို့ဆောင်ရေး ဝန်ကြီး ဦးအောင်မင်း၊ ဗိုလ်ချုပ် (ငြိမ်း) ချစ်သန်းတို့နှင့် ဘန်ကောက်မြို့တွင် တွေ့ခဲ့ကြောင်း KNU အရာရှိတဦးက မဇ္ဈိမသို့ ပြောသော် လည်း အသေးစိတ်ကိုမူ ပြောဆိုခြင်း မရှိပါ။
သမ္မတ ဦးသိန်းစိန် ထုတ်ပြန်ထားသကဲ့သို့ တဖွဲ့ချင်းသာ ပြည်နယ်အဆင့် အစိုးရများကို ဆက်သွယ်ရန် ဦးအောင်မင်းနှင့် အဖွဲ့က ပြောဆိုပြီး KNU ကမူ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC အနေဖြင့်သာ ဆွေးနွေးမည်ဟု ပြန်ကြားလိုက်သည်ဟု ဆိုသည်။
“တွေ့တော့ တွေ့တယ်။ တိတိကျကျတော့ ဘာမှ မပြောရသေးဘူးပေါ့။ (KNU) က ဖြစ်စေချင် တာကတော့ UNFC နဲ့ တွေ့ဖို့ပေါ့။ သူတို့ကတော့ တဖွဲ့ချင်းနဲ့ တွေ့ဆုံချင်တာပေါ့။” ဟု KNU အရာရှိက ပြောသည်။
ရထားပို့ဆောင်ရေး ဝန်ကြီး ဦးအောင်မင်းမှာ အစိုးရအဖွဲ့တွင်း သဘောထား ပျော့ပြောင်းသူအဖြစ် ညွှန်းဆိုခံရလေ့ ရှိပြီး အငြိမ်းစား ဗိုလ်ချုပ်ချစ်သန်းမှာ ကရင်ရေးရာတွင် ကျွမ်းကျင်သူ တဦး ဖြစ်သည်။ ဦးအောင်မင်းသည် စနေနေ့ ကပြုလုပ်သော ပြည်တော်ပြန် သီးလေးသီး အဖွဲ့သားအချို့ ပါဝင်သော မျှော်စင်ကျွန်း ဖျော်ဖြေပွဲသို့ သွားရောက် ခဲ့သေးသည်။
ဦးအောင်မင်း၏ ဘန်ကောက် ခရီးစဉ်တွင် စီးပွားရေး လုပ်ငန်းရှင်များလည်း လိုက်ပါလာရာ တနင်္သာရီတိုင်း ထားဝယ်မြို့တွင် အီတာလျံ-ထိုင်းကုမ္ပဏီက အကောင်အထည် ဖော်မည့် ထားဝယ် ဖွံ့ဖြိုးမှု စီမံကိန်းနှင့်လည်း ပတ်သက်နိုင်သည်ဟု လေ့လာသူများက သုံးသပ် ထားကြသည်။ ထားဝယ်ဖွံ့ဖြိုးမှု စီမံကိန်းအောက်ရှိ ထားဝယ်-ကန်ချနဘူရီ အဝေးပြေး ကားလမ်း ဖောက်လုပ်မှုမှာ သဘာဝ ပတ်ဝန်းကျင် ထိခိုက်နိုင်သည်ဆိုသော ဒေသခံ အချို့၏ စိုးရိမ်ချက်ဖြင့် ကရင်အမျိုးသား အစည်းအရုံးက စက်တင်ဘာ လလယ်က တားမြစ် ခဲ့သေးသည်။
စက်တင်ဘာလ နှောင်းပိုင်းကလည်း KNU ကို ကရင်ပြည်နယ်အစိုးရ လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး အောင်လွင် ဦးဆောင်သည့် အဖွဲ့က ထိုင်း-မြန်မာနယ်စပ် တနေရာတွင် လာရောက် တွေ့ဆုံခဲ့သေးသော်လည်း ဗဟို အစိုးရနှင့်သာ ဆွေးနွေး လိုကြောင်း KNU က အကြောင်း ပြန်လိုက်သည်ဟု သိရသည်။
KNU ကို ပြည်ထောင်စုအဆင့်က တွေ့ဆုံရန် ငြင်းနေဆဲတွင် DKBA ကိုမူ အောက်တိုဘာလ ၂၆ ရက်နေ့က မော်လမြိုင်မြို့၌ ပြည်ထောင်စု အဆင့် ကိုယ်စားလှယ်များ ဖြစ်သည့် ကြံ့ခိုင်ဖွံ့ဖြိုးရေး ပါတီ အတွင်းရေးမှူး-၁ ဦးအောင်သောင်း၊ တိုင်းရင်းသား ရေးရာနှင့် ပြည်တွင်း ငြိမ်းချမ်းရေး ဖော်ဆောင်မှုကော်မတီ ဥက္ကဋ္ဌ ဦးသိန်းဇော် တို့က လက်ခံ တွေ့ဆုံခဲ့သည်။
တွေ့ဆုံမှုက နယ်မြေကျော် မလှုပ်ရှားရေး သဘောတူညီခဲ့ပြီး ကရင်ပြည်နယ် မြို့တော် ဘားအံ အပါအဝင် ကြာအင်းဆိပ်ကြီး၊ ဘုရားသုံးဆူ၊ ကျိုက်တုံ၊ ကော့ကရိတ်၊ မြဝတီမြို့နယ်များတွင် DKBA ရုံးများ ဖွင့်လှစ်ခွင့်ပြုရန် သမ္မတထံသို့ တဆင့် တင်ပြခဲ့သည်ဟု တွေ့ဆုံပွဲတွင် ပါဝင်သူ DKBA ဒုဦးစီးချုပ် ဗိုလ်မှူးချုပ် မိုရှေးက ပြောသည်။
“ဥပမာ သေဘောဘိုးခွင်ဆိုရင် လက်ရှိ အစိုးရတပ်က ထိုင်တယ်။ သူကလည်း လှုပ်ရှားမှုကို အဝေးကို မရှိဘူးဆိုရင် ဘာမှ ပြဿနာ မရှိဘူး။ ကျနော်တို့ဘက်ကလည်း တခြမ်းယူထားတယ် အဝေးကို မသွားဘူးဆိုရင် ပြဿနာ မရှိဘူးပေါ့။” ဟုသူက ပြောသည်။
မော်လမြိုင်မြို့တွင် တွေ့ဆုံရာ၌ ကရင်ပြည်နယ်အစိုးရ လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီးအောင်လွင်၊ အရှေ့တောင်တိုင်း တိုင်းမှူး ဗိုလ်ချုပ် ဝင်းအောင်လှိုင်၊ ကရင်ပြည်နယ် ဝန်ကြီးချုပ် ဦးဇော်မင်း တို့လည်းပါဝင်သည်။
DKBA ဘက်က ဒုစစ်ဦးစီးချုပ် ဗိုလ်မှူးချုပ်မိုရှေး၊ စစ်ရေးချုပ်ရုံးမှ ဗိုလ်မှူးစိန်ဝင်း၊ ထောက်လှမ်းရေး အရာရှိ ဗိုလ်ကြီးပိဒါးတို့ သုံးဦး ဖြစ်သည်။
DKBA သည် ၁၉၉၄ ခုတွင် ကရင်အမျိုးသား အစည်းအရုံး KNU ခွဲထွက်ခဲ့ပြီးနောက် ဗိုလ်မှူးကြီး စောချစ်သူ ဦးဆောင်သည့် DKBA များမှာ၂ဝ၁ဝ ခု သြဂုတ်လ ၁၈ ရက်တွင် နယ်ခြားစောင့်တပ် တပ်ရင်း ၁ဝ၁၂၊ ၁ဝ၁၃ နှင့် ၁ဝ၁၄ တို့အဖြစ် အစိုးရ ပြည်ထဲရေး ဝန်ကြီးဌာန အောက်တွင် ပြောင်းလဲ ရပ်တည်နေကြသည်။
ဗိုလ်မှူးချုပ်စောလားဘွယ်ဦးဆောင်သည့် DKBA က ၂ဝ၁ဝ နိုဝင်ဘာ ၈ ရက်၊ ရွေးကောက်ပွဲအပြီး နောက်တနေ့မှစ၍ အစိုးရကို တနှစ်ကြာ ပြန်လည် တိုက်ခိုက်ခဲ့ပြီးနောက် ပထမဆုံး အကြိမ် အပစ် ရပ်ရန် ပဏာမ ဆွေးနွေးကြခြင်း ဖြစ်သည်။
ဗိုလ်မှူးကြီးစောချစ်သူအဖွဲ့နှင့်ပတ်သက်၍ ထည့်သွင်းဆွေးနွေးကြ ခြင်းမရှိသကဲ့သို့ ဗိုလ်မှူးချုပ် စောလားဘွယ် ဦးဆောင်သည့် DKBA ကို နယ်ခြားစောင့်တပ် အသွင် ပြောင်းရန် ပြောဆိုကြခြင်း မရှိကြောင်း သိရသည်။
“BGF ကို အတင်းအကျပ် လုပ်ခိုင်းမယ်ဆိုလည်း နောက် ဒါထက်ဆိုးတဲ့ အနေအထားပဲ ရောက်သွားမှာပါ။” ဟု ဗိုလ်မှူးချုပ် မိုရှေးက ဆိုသည်။
၂ဝ၁ဝ ခု သြဂုတ်လ ၁၈ ရက်တွင် နယ်ခြားစောင့်တပ်အဖြစ် အသွင်ပြောင်းသွားရာတွင် မပါဝင်ပဲ ကျန်ခဲ့သည့် DKBA တပ်ဖွဲ့ဝင် များကို စုစည်းပြီး ၂ဝ၁ဝ ခု ၉ လပိုင်းတွင် ပြန်လည်ဖွဲ့စည်းရာ ဗိုလ်မှူးချုပ် မိုရှေးသည် တပ်ရင်းမှူး အဆင့်မှ ဒုစစ်ဦးစီးချုပ် တာဝန် ပေးအပ် ခံရသည်ဟု သိရသည်။
DKAB နှင့် အစိုးရ ကိုယ်စားလှယ်များအကြား တွေ့ဆုံပွဲများ ဆက်လက် ပြုလုပ်သွားရန် အစီအစဉ် ရှိသော်လည်း အစိုးရဘက်က အကြောင်း ပြန်ကြားမှုကို စောင့်နေသည်ဟု ဆိုသည်။
အောက်တိုဘာ ၂၃ ရက်နေ့က ထိုင်း-မြန်မာနယ်စပ် KNU တပ်မဟာ-၆ နယ်မြေ သေ့ဘောဘိုးရွာ နှင့် တောင်နီရွာ အကြားတွင် အစိုးရ တပ်များကို မိုင်းထောင် တိုက်ခဲ့သေးသည်ဟု သူက ပြောသည်။
Ref: မဇ္ဈိမ
Monday, October 31, 2011
ငြိမ်းစေသောငြိမ်း
သမိုင်းမှာ အပြင်းထန်ဆုံး ကမ္ဘာ့စီးပွားပျက်ကပ်ဟာ ၁၉၂၉ ခုမှာ အမေရိကန်နိုင်ငံကစပြီး တကမ္ဘာလုံးကို ပျံ့နှံ့ သွားခဲ့ ပါတယ်။ ဒီစီးပွားပျက် ကပ်ကြီးရဲ့ အကျိုး ဆက်ကတော့ အားလုံး သိကြတဲ့အတိုင်း မြန်မာပြည်မှာ ဆရာစံ လယ်သမား သူပုန်ကြီး ၁၉၃၀ ဒီဇင်ဘာ ၂၂ ရက် နေ့မှာ ဖြစ်ခဲ့ပါတယ်။ ဒို့ဗမာ အစည်းအရုံးလည်း ၁၉၃၀ မေလ ၃၀ ရက်နေ့မှာ ပေါ်လာ ခဲ့ပါတယ်။
အင်္ဂလိပ်ကိုလိုနီအစိုးရဟာ ဆရာစံတို့ရဲ့ လက်နက်ကိုင် တော်လှန်ရေးကို မနိုင်တဲ့အတွက် အိန္ဒိယကနေ တပ်မ နှစ်ခု ခေါ်သွင်းပြီး တိုက်ခဲ့ရပါတယ်။ ဒါတောင်မှ မီးကျိုး မောင်းပျက်နဲ့ ဒုတ်ဓား လှံတွေပဲ ရှိတဲ့ အင်းအိုင်လက်ဖွဲ့အား ကိုး စစ်ပညာမဲ့ လယ်သမားတွေကို ခေတ်မီ ဗြိတိသျှတပ် အင်အား တသောင်းသုံးပြီး နှစ်နှစ်ကျော် တိုက်ယူရပါ တယ်။ အင်္ဂလိပ် အစိုးရဟာ ဗမာ မွန် ကရင် ရှမ်း ပအိုဝ်း ဓနု ပလောင် လယ်သမားသူပုန်တွေကို တရားရုံး မတင်ဘဲ ပစ်သတ် ခေါင်းဖြတ်ပြီး လမ်းပေါ် ပြထားတာမျိုး ရက်ရက် စက်စက် လုပ်ခဲ့သလို တော်လှန်ရေး သမား ၃၀၂ ယောက်ကိုလဲ တရားရုံးတင် ကြိုးပေးသတ်၊ ၈၈၀ ကို အန်ဒါမန်ကျွန်းပို့၊ လယ်သမား သူပုန် ၇၁၀၀ ကျော်ကို ထောင်ဒဏ် ၁ နှစ်ကနေ ၁၀ နှစ်အထိ ချခဲ့ပါတယ်။ တိုက်ပွဲတွေအတွင်း ကျဆုံးတဲ့ သူပုန်တွေ၊ အသတ်ခံရတဲ့ ရွာသားတွေ ပေါင်းလိုက်ရင် တသောင်း ကျော်မယ်လို့ ခန့်မှန်း ကြပါတယ်။
ဆရာစံသူပုန် ပြိုကွဲသွားပေမဲ့ ပွဲကပြီးမသွားပါဘူး။ သာမန်အားဖြင့် စီးပွားရေး ကပ်တွေဟာ တနှစ်-နှစ်နှစ်လောက်ပဲ ဖြစ် တတ်ပေမဲ့ ၁၉၂၉ ခု ကမ္ဘာ့စီးပွား ပျက်ကပ်ကြီးဟာ ၁၉၃၉ အခုအထိ ကြာခဲ့ပါတယ်။ ၁၉၃၉ ခုကျမှ ဒုတိယကမ္ဘာစစ် ကြောင့် အရင်းရှင် နိုင်ငံကြီးတွေဟာ စီးပွား ပျက်ကပ်ကနေ ထွက်ပေါက် ရသွားခဲ့တာဖြစ်ပါတယ်။ စစ်လက်နက်တွေ စစ် ပစ္စည်းတွေ စစ်ရိက္ခာတွေ ထုတ်လုပ် ရောင်းချပြီး ရပ်ထားတဲ့ စက်ရုံ အလုပ်ရုံတွေ ပြန်လည်ပတ်၊ စီးပွား ပြန်တက်အောင် လုပ်ခဲ့ရပါတယ်။ ဒါပေမဲ့ သိတဲ့အတိုင်း စစ်မြေပြင် ဖြစ်သွားတဲ့ နိုင်ငံတွေဟာ ဖွတ်ဖွတ် ကြေသွားခဲ့ပါတယ်။
မြန်မာပြည်မှာ လယ်သမားသူပုန် ပြိုသွားပေမဲ့ ဒို့ဗမာအစည်းအရုံး လှုပ်ရှားမှုတွေ၊ ကျောင်းသား လှုပ်ရှားမှုတွေ၊ အလုပ် သမား လှုပ်ရှားမှုတွေ ပေါ်လာတာ၊ နောက်ဆုံးမှာ ဗိုလ်ချုပ်အောင်ဆန်းရဲ့ ဘီအိုင်အေ လက်နက်ကိုင် တော်လှန်ရေး အထိ ကြီးထွား လာတာဟာ ဒီကမ္ဘာ့ စီးပွားပျက် ကပ်ကြီးနဲ့ ပတ်သက် နေပါတယ်။ တနည်း ပြောရရင် ကမ္ဘာ့စီးပွား ပျက်ကပ်ကြီး ဟာ မြန်မာနိုင်ငံက နယ်ချဲ့ ဆန့်ကျင်ရေး လွတ်လပ်ရေး တိုက်ပွဲကို လက်နက်ကိုင် နည်းနဲ့ရော လက်နက်မဲ့ နည်းနဲ့ပါ ဆင်နွှဲ စေဖို့ ထိထိရောက်ရောက် အားဖြစ်ခဲ့ပါတယ်။ အောင်လဲ အောင်မြင်စေခဲ့ပါတယ်။
ဒီလိုတိုက်ပွဲတွေကြောင့် ကိုလိုနီအစိုးရဟာ ခွဲရေးတွဲရေးပြဿနာ၊ ၁၉၃၅ ခု ၉၁ ဌာန အုပ်ချုပ်ရေး ဥပဒေတို့နဲ့ ချွေးသိပ် လမ်းလွှဲတာတွေ လုပ်ခဲ့ပေမဲ့ ဗိုလ်ချုပ်အောင်ဆန်း ခေါင်းဆောင်တဲ့ တော်လှန်ရေး သမားတွေဟာ လုံးဝ လွတ်လပ်ရေး လမ်းကြောင်းကိုဘဲ တည့်တည့် မတ်မတ် လျှောက်သွားခဲ့ပါတယ်။ ပြည်ပမှာ စစ်ပညာသွားသင်တဲ့ တော်လှန်ရေးသမား ၃၀ ဟာ ဗမာပြည်ထဲကို လူ ၂၀၀ နဲ့ ပြန်ဝင်ခဲ့ပြီး ဘီအိုင်အေ ဖျက်တဲ့ အချိန်မှာတော့ အင်အား ၁၀၀၀၀၊ ဖက်ဆစ် တော် လှန်ရေးမှာ အင်အား ၃၀၀၀၀ အထိ ရှိသွားခဲ့ပါတယ်။
xxx
၁၉၇၃ ခုမှာ အာရပ်နိုင်ငံတွေခေါင်းဆောင်ပြီး ရေနံဈေးတွေ မြှင့်လိုက်သလို အမေရိကန် နိုင်ငံကို ဗီယက်နမ်စစ် ဆိုတဲ့ ဖွတ်တက်မှုကြောင့် ကမ္ဘာ့စီးပွားရေး ကျဆင်း ခဲ့ပါတယ်။ ဒီစီးပွားရေး ကပ်ကြောင့် မြန်မာနိုင်ငံမှာ ၁၉၇၄ အလုပ်သမား အရေးတော်ပုံ၊ ဦးသန့် ဈာပန အရေးတော်ပုံ၊ ၁၉၇၅ ရွှေတိဂုံ အရေးတော်ပုံ၊ ၁၉၇၆ မှိုင်းရာပြည့် အရေးတော်ပုံတွေ ပေါက်ကွဲ ခဲ့ပါတယ်။ ဒီစီးပွားရေး ကပ်ဟာ ၁၉၂၉ လို မပြင်းထန်လှဘဲ ကာလ အားဖြင့်လဲ ၂ နှစ်-၃ နှစ်လောက်ဘဲ ကြာ ခဲ့ပါတယ်။
၁၉၈၆-၈၇ ဘဏ္ဍာရေးကပ်ကတော့ မြန်မာပြည်က ၈ လေးလုံးအရေးတော်ပုံကို မွေးဖွားပေးလိုက်သလို တရုတ်ပြည်က ၁၉၈၉ တိန်အန်မင် အရေးတော်ပုံ၊ ဆိုဗီယက်နဲ့ အရှေ့ဥရောပ ဒီမိုကရေစီ အရေးတော်ပုံတွေ အထိ ပေါ်ထွက် စေခဲ့ပါ တယ်။ ဒီကပ်ကလဲ ၁၉၂၉ ကပ်လောက် ပြင်းထန်လှတာ မဟုတ်ပါဘူး။
xxx
၁၉၂၉ ခုနောက်ပိုင်း ကမ္ဘာ့အကြီးဆုံးစီးပွားရေးကပ်ကြီးဟာ ၂၀၀၇ ခုနှစ်မှာ စခဲ့ပြီး ၂၀၀၈ မှာ အပြင်းထန်ဆုံး ဖြစ်လာခဲ့ပါ တယ်။ ဒီကနေ့ ၂၀၁၁ ခုအထိ နာလံ မထူသေးပါဘူး။ ဒီတခါတော့ မြန်မာနိုင်ငံမှာ ဆရာစံလို လယ်သမားသူပုန် ဖြစ်မလာပေမဲ့ ၂၀၀၇ စက်တင်ဘာ ရွှေဝါရောင် တော်လှန်ရေး ဖြစ်ခဲ့ပြီးနောက် ၂၀၁၀ ခု နိုဝင်ဘာ ၇ ရက် (ရွေးကောက်ပွဲနေ့) မှာ ကရင်၊ ၂၀၁၁ ခု မတ်လ ၁၃ ရက်မှာ ရှမ်း၊ ၂၀၁၁ ခု ဇွန်လ ၉ ရက်မှာ ကချင် ငြိမ်းချမ်းရေး အဖွဲ့တွေရဲ့ ပုန်ကန်ထကြွ မှုတွေ ပေါက်ကွဲလာပါတယ်။ စီးပွားရေး ကြပ်တည်းမှုရဲ့အကျိုးဆက်အဖြစ် ငြိမ်းအဖွဲ့တွေရဲ့ စားကျက်တွေကို မျက်စောင်း ထိုး စားမာန်ခုတ် လာတာကို မခံမရပ် နိုင်တော့ဘဲ အခုလို ပုန်ကန် ဆူပွက်လာတာ ဖြစ်ပါတယ်။ ဒီတိုင်းရင်းသား ငြိမ်းအဖွဲ့ တွေမှာ ဒေသခံ တိုင်းရင်းသား လယ်သမားတွေ အများဆုံး ပါဝင်တာ ဖြစ်တဲ့အတွက် “၂၀၁၀-၂၀၁၁ ငြိမ်းချမ်းရေး လယ်သ မားသူပုန်” လို့လဲ ခေါ်လို့ရနိုင်ပါတယ်။
ဒါပေမဲ့ ဒီတိုင်းရင်းသားငြိမ်းလယ်သမားသူပုန်တွေဟာ ၁၉၃၀ တုံးကလို ဓားလှံဒူးလေး မီးကျိုး မောင်းပျက် သေနတ် တွေနဲ့ မဟုတ်ပါဘူး။ ခေတ်မီ မောင်းပြန်လက်နက်ငယ် လက်နက်ကြီးတွေ လေယာဉ်ပစ်ဒုံးတွေ အဝေးပစ်ဒုံးတွေ လက်နက်စက် ရုံတွေ ဆက်သွယ်ရေး စက်တွေ အင်တာနက်တွေ မီဒီယာ အဆက်အသွယ်တွေ နိုင်ငံတကာရောက် မြန်မာပြည်သား အဆက်အသွယ် အပံ့အပိုးတွေ ကောင်းကောင်း ရှိနေပါပြီ။ ခေတ်မီစစ်ပညာ ခေတ်မီ စစ်စည်းကမ်းကိုလဲ အင်္ဂလိပ်နည်း၊ အမေရိကန်နည်း၊ ဂျပန်နည်း၊ တရုတ်နည်း သင်ကြား လေ့ကျင့်ထားကြသူတွေ ဖြစ်ပါတယ်။ အင်းအိုင်မန္တာန် လက်ဖွဲ့အ ဆောင်တွေ အားကိုးတိုက်တာ မဟုတ်တော့ပါဘူး။
တဖက်မှာတော့ ဒီကနေ့ နအဖ-ကြံ့ဖွတ်စစ်တပ်ဟာ အင်္ဂလိပ်ကိုလိုနီအစိုးရလို နိုင်ငံခြားကနေ တပ်တွေ ခေါ်သွင်းလို့ မရ ရှာပါဘူး။ ဒါ့အပြင် နအဖ-ကဖ တပ်တွေဟာ တပ်မ တမကို လူ ၁၀၀၀ ပြည့်အောင် မနည်းမန်းမှုတ် လေထိုးနေရပါတယ်။ တပ်အင်အားတွေ တနှစ်ထက်တနှစ် လျော့လျော့ လိုက်လာနေပါတယ်။ ထောက်ပံ့ရေး ဘက်မှာဆိုလဲ အင်္ဂလိပ်တပ် ခြေဖျားတောင် မမီပါဘူး။ အမေရိကန်၊ ယိုးဒယားတို့နဲ့ တိုက်ဖို့ ရည်ရွယ်ပြီး ဝယ်ထားတဲ့ လက်နက်ကြီး လက်နက်ဆန်းတွေက လဲ ဒေသကျွမ်း တောကျွမ်းတဲ့ တိုင်းရင်းသား လယ်သမား ပျောက်ကျားတွေကို မဖြိုနိုင်ပါဘူး။
တချိန်ကတော့ ဗမာတပ်တွေဟာ ထောက်ပံ့ရေးမကောင်းပေမဲ့ စိတ်ဓာတ်အားကောင်းပြီး အကြမ်းပတမ်း ခံနိုင်လှတဲ့ အတွက် မြက်စား တိုက်နိုင်တယ်၊ ကျောက်ခဲစား တိုက်နိုင်တယ်လို့ ကြွားခဲ့ပေမဲ့ ဒီကနေ့မှာတော့ အဲဒါဟာ လုံးဝဒဏ္ဍာရီ သက်သက် ဖြစ်သွားပါပြီ။ တပ်မတော် သမိုင်း တလျှောက်လုံးမှာ ဘယ်ခေတ် ဘယ်အခါနဲ့မှ မတူအောင် စိတ်ဓာတ်ညံ့ ချက် ထောက်ပံ့ရေး ညံ့ချက်တွေ ကမ်းကုန် နေပါပြီ။ စည်းကော်တွေ (တပ်မတော်စည်းရုံးရေးကော်မတီ) ဘယ်လိုပဲ လက်ပူ တိုက် မန်းမှုတ်ပေမဲ့ တပ်နေလဲမပျော် စစ်တိုက်လဲမတော် ဖြစ်နေကြပါပြီ။ ပြည်သူ့စစ်မဟာဗျူဟာအရ တကယ် တပ် ဖျောက်မယ်ဆိုရင် ဘော်ဘော်တွေဟာ လုံးဝ ပြန်မလာတမ်း ပျောက်ကုန်မှာ၊ အိမ်ပြန် လစ်ကုန်ကြမှာ သေချာပေါက်ပါဘဲ။
ဒါကြောင့် နအကဖ ဟာ အင်္ဂလိပ်အစိုးရလုပ်ခဲ့သလို လှိမ့်လုံးလှည့်လုံးတွေ လုပ်နေပါတယ်။ သူအမုန်းဆုံး အကြောက် ဆုံး (ဝ) အဖွဲ့ကို မလုပ်စဖူး ငြိမ်းချမ်းရေး စာချုပ် လက်မှတ်ထိုးပြီး သူ့ကို လာမတိုက်အောင် အချိန်ဆွဲတာ၊ မြို့ပေါ်လူထု တွေ အုံကြွလာမှာကို ကြိုကာတဲ့ အနေနဲ့ တဖက်လှည့် ရောင်ပြကြေညာချက်တွေထုတ် ရောင်ပြ လုပ်ရပ်တွေလုပ်တာ၊ ၉၁ ဌာန အုပ်ချုပ်ရေး ပုံစံမျိုး အနံ့ ပေးတာတွေ လုပ်လာပါတယ်။ ငြိမ်းချမ်းရေးနဲ့ လက်နက် လဲတယ်လို့ ကြေညာခံထားတဲ့ အဖွဲ့ တဖွဲ့က နောက်ထပ်တခါ ငြိမ်းချမ်းရေးနဲ့ လက်နက်လဲ ဥပဒေ ဘောင်ထဲ ဝင်တယ်ဆိုတဲ့ ရူးကြောင်ကြောင် သတင်းတွေလဲ သတင်းစာထဲ ရှောက်ထည့် လိုက်ပါသေးတယ်။
တခြားတဖက်မှာလဲ ပေးကျွေးထားတဲ့ တိုင်းတပါးသားတွေ အကူအညီနဲ့ ရှမ်းပြည်အလယ်ကောင်က SSA ခေါင်းဆောင် ပန်ဖှ ဟာ ထိုင်းနိုင်ငံကို မူးယစ်ဆေး တင်သွင်းသူ နံပတ် ၁ ဖြစ်နေပြီဆိုတာမျိုး (သတင်းလွှင့်သူတွေဟာ ကလေးကျောင်း ပြန်တက်ပြီး ပထဝီပြန်သင်ဖို့ လိုနေပါပြီ)၊ မြောက်ပိုင်း-အရှေ့မြောက်ပိုင်းနယ်စပ်က ငြိမ်းအဖွဲ့တွေဟာ တရုတ်ဆန့်ကျင် ရေး တိဘက် အတိုက်အခံတွေဆီ သေနတ်တွေ (ပစ္စတို ၈ လက်ကြီးများတောင် ဆိုပဲ) ရောင်းပေးနေတယ် ဆိုတဲ့ သတင်း မျိုး ထုတ်လုပ် လွှင့်တင်လာပါတယ်။
(ဗုဒ္ဓဘာသာသံဃာတော်တွေ ဦးဆောင်တဲ့ တိဘက်အတိုက်အခံတွေထဲမှာ အကြမ်းဖက် လှုပ်ရှားမှု ဆိုတာ တရုတ် သိမ်းပိုက်ခါစ လွန်ခဲ့တဲ့နှစ် ၅၀ ကပဲဖြစ်ခဲ့ပြီး အခုအချိန်မှာ ကိုယ့်ကိုယ်ကိုမီးရှို့ အသေခံ ဆန္ဒပြတာပဲ အဓိက လုပ်နေ ကြပါ တယ်။ ဒါ့အပြင် ပစ္စတိုလောက် ကတော့ တရုတ်ပြည်မှာပဲ ဖောချင်းသောချင်း ဝယ်လို့ရပါတယ်၊ ဗမာပြည် ငြိမ်းအဖွဲ့ဆီက ဝယ်စရာ မလိုပါဘူး။ အကြမ်းဖက်မယ့် လူဆိုရင်လဲ ပစ္စတို မဝယ်ပါဘူး။)
xxx
၁၉၃၀ ဆရာစံသူပုန် ကျဆုံးသွားပေမဲ့ နောက် ၁၀ နှစ်အကြာမှာ ဗိုလ်ချုပ်အောင်ဆန်းရဲ့ ခေတ်မီ ဘီအိုင်အေ သူပုန် ကြောင့် လွတ်လပ်ရေး လမ်းကြောင်းပေါ် ရောက်သွားခဲ့ပါတယ်။ အနှစ် ၈၀ ကြာပြီးတဲ့နောက် အခုအချိန်မှာ ၂၀၁၀-၂၀၁၁ ငြိမ်းသူပုန် ကတော့ ဘယ်လိုမှ မကျဆုံးနိုင်ဘဲ ငြိမ်းမဟုတ်တဲ့ တိုင်းရင်းသား သူပုန်တွေနဲ့အတူ ဒေါ်အောင်ဆန်းစုကြည်ရဲ့ ဒီမိုကရေစီ လမ်းကြောင်းကို ဧရာမ ပစ်ကူပေး မီးထိုး ပေးနေပါတယ်။ ဗမာပြည် ထူးခြားချက်အရ မြို့ပြလူထု တိုက်ပွဲကနေ ပြီး ဒီမိုကရေစီ လမ်းကြောင်းကို မတွန်းနိုင်သေးချိန်မှာ ခေတ်မီ ငြိမ်းသူပုန်တွေဟာ ဒေါ်အောင်ဆန်းစုကြည် လုပ်ငန်း အောင်မြင်နိုင်ဖို့ အချက်အခြာ တွန်းအားကြီး၊ ဒေါ်အောင်ဆန်းစုကြည်ကို အဓိက ဝန်းရံ ပေးနေတဲ့ အင်အားကြီး ဖြစ်နေပါပြီ။ ကြိုက်သည်ဖြစ်စေ မကြိုက်သည်ဖြစ်စေ၊ ဆန္ဒရှိသည်ဖြစ်စေ မရှိသည်ဖြစ်စေ၊ ဗမာပြည် ဒီမိုကရေစီ အရေးတော်ပုံမှာ ဘယ်လက်သီးနဲ့ ညာလက်သီး ဖြစ်နေပါပြီ။
အင်္ဂလိပ်အစိုးရဟာ ၁၉၂၉ ကမ္ဘာ့စီးပွားပျက်ကပ်ကြီးထဲက ဘယ်လိုမှ ရုန်းမထွက်နိုင်ဘဲ နိုင်ငံရေးကပ် စစ်ရေး ကပ်တွေ အထိ နစ်မြုပ် ပျက်စီး သွားခဲ့သလို အခု နအကဖ စစ်အစိုးရ ဟာလဲ စီးပွားရေးကနေ နိုင်ငံရေး စစ်ရေးကပ် ဆိုက်တဲ့ အထိ ယိုယွင်း ပျက်သုဉ်းသွားမယ့် လမ်းပေါ် ရောက်နေပါပြီ။ စီးပွားပျက်ကပ်ရဲ့ ရှောင်လွဲမရတဲ့ အကျိုးဆက်အဖြစ် လက်နက်ကိုင် တော်လှန်သူတွေ ၁၉၃၀-၁၉၄၁ မှာ ပေါ်ခဲ့သလို ၂၀၁၀-၂၀၁၁ မှာလဲ မလွဲမသွေ ထပ်ပေါ်လာပြန်ပါပြီ။
တချိန်က ဆရာစံရဲ့ ဂဠုံသူပုန်ကို ဆရာကြီးသခင်ကိုယ်တော်မှိုင်းက “ဂဠုံသရဏံ ဂစ္ဆာမိကြပေရော့” လို့ ဂုဏ်ပြု ခဲ့သလို ဒီကနေ့မှာလဲ “ငြိမ်းစေသောငြိမ်း” တွေရဲ့ “ငြိမ်းချမ်းရေးတိုက်ပွဲ” ကို အင်တိုက် အားတိုက် ကူကြပါစို့။
ဂါမဏိ
Ref: နေ့သစ်
စောင့်မျှော်နေပါတယ်
သမ္မတဦးသိန်းစိန်အစိုးရကို မထောက်ခံသေးဘူး၊ စောင့်ကြည့်နေဆဲ ဖြစ်တယ်လို့ ရေးလိုက်တဲ့စာ ဂျာနယ်တွေထဲ ပါလာတဲ့ မနက်ပိုင်းမှာတင် စာဖတ်ပရိသတ် အတော်များများဆီက ဖုန်းတွေ လက်ခံရရှိတယ်။ အားလုံးက အားမလို အားမရဖြစ်လို့ ဆက်ကြတာ။
အကြောင်းပြချက်ကိုယ်စီရှိ
အားမရသူအများစုက ဘယ်လောက်ကြာအောင်စောင့်ရဦးမှာလဲ။ နှစ်ပေါင်းငါးဆယ်လုံးလုံး စောင့်ကြည့်ခဲ့တာ မလုံလောက် သေးဘူးလားလို့ မေးကြတယ်။ သူတို့တတွေ စိတ်မရှည် နိုင်တော့တာ အကြောင်းမဲ့ မဟုတ်ဘူး ဆိုတာ သိနေတဲ့ အတွက် နားလည် ပေးလိုက်ပါတယ်။ အားမရသူ အနည်းစုကတော့ အရပ်သား အစိုးရသစ်က ဒါလောက်ပြောပြီး ဒါလောက် လုပ်ပြနေတာတောင် မထောက်ခံ သေးဘူး။ စောင့်ကြည့်ဦးမယ် ဆိုတာက မလွန်လွန်းဘူးလား။ မျက်မှန်စိမ်းကြီး ချွတ်လိုက် ပါတော့လို့ ငေါ့တော့တော့နဲ့ ပြောကြတယ်။ သူတို့မှာလည်း အကြောင်းပြချက်တွေ အများကြီး ရှိနေကြောင်း သိထားလို့ နားလည် ပေးလိုက်ပါတယ်။
အများကြီးပိုပိုသာသာ
နှစ်ငါးဆယ်လုံးလုံး စောင့်ကြည့်ခဲ့ပြီးပြီဆိုသူများမှ အကြောင်းပြချက်တွေ လုံလောက်ရုံမက အများကြီး ပိုပိုသာသာ ရှိနေ ကြပါတယ်။ ပထမဆုံး သူတို့ ထောက်ပြစရာက ၁၉၇၄ ဖွဲ့စည်းပုံ အခြေခံဥပဒေနဲ့ သူ့ကြောင့် ပေါ်လာတဲ့ ဦးနေ၀င်း အစိုးရ ဖြစ်တယ်။ အဲဒီနောက် လေးနှစ် တစ်ကြိမ် ကျင်းပတဲ့ ရွေးကောက်ပွဲတွေနဲ့ အစိုးရတွေအကြောင်း၊ အပေါ်ယံပုံ သဏ္ဌာန်တွေသာ ပြောင်းသွားခဲ့ပြီး အနှစ်သာရက ဘာမှ မပြောင်းတဲ့ အကြောင်း၊ အဲဒီနောက် တောင်သူ လယ်သမား ညီလာခံကြီးတွေ အကြောင်း၊ အလုပ်သမား ညီလာခံကြီးတွေ အကြောင်း၊ စာပေ လုပ်သား အစည်းအဝေးကြီးတွေ အကြောင်း စသဖြင့် စုံနေတာပါပဲ။
မပြောင်းပါဘူး
ဟုတ်တော့လည်းဟုတ်ပါတယ်။ အဲဒီတုန်းကတော့ အခြေခံဥပဒေတွေ အတည်ပြုကြ၊ ရွေးကောက်ပွဲတွေ လုပ်ကြ၊ လွှတ်တော် အစည်းအဝေးကြီးတွေ ကျင်းပကြနဲ့ အပေါ်ယံ ကြည့်ရင်တော့ ဟုတ်တုတ်တုတ်ပါပဲ။ ဒါပေမဲ့ အတွင်း အနှစ် သာရကတော့ ဘာမှ မပြောင်းပါဘူး။ မြန်မာ့ ဆိုရှယ်လစ် မျက်နှာဖုံး စွပ်ထားတဲ့ စနစ်ပဲ ဖြစ်တယ်။ အခုလက်ရှိ ဦးသိန်းစိန် အစိုးရက ရွေးကောက်ပွဲနဲ့ တက်လာတဲ့ လွှတ်တော်က ရွေးချယ် တင်မြှောက်လိုက်တဲ့ အရပ်သား အစိုးရ ဆိုပေမယ့် ပါဝင်နေသူ အများစုဟာ အရင် စစ်အစိုးရမှာ ပါဝင်ခဲ့သူတွေ ဖြစ်တာကြောင့် စောင့်ကြည့်ဖို့ မလိုဘူး။ အရင်အစိုးရနဲ့ ဘာမှ မထူးပါဘူးလို့ သူတို့က ပြောကြတာ ဖြစ်တယ်။
ယတိပြတ်မပြောချင်
ကိုယ်တိုင်ကတော့ အဲဒီလို ယတိပြတ် မပြောချင်ဘူး။ သမ္မတ ဦးသိန်းစိန်အစိုးရ လက်တွေ့မှာ ဘာတွေ လုပ်သလဲ ဆိုတာကို ကြည့်ပြီး အကဲဖြတ်ချင်တယ်။ ရွေးကောက်ပွဲ ပြီးပြီးချင်း လွတ်ငြိမ်း ချမ်းသာခွင့် ကြေညာပြီး အကျဉ်းသား တစ်သောင်းကျော် လွှတ်ပေးတယ်။ ဒေါ် အောင်ဆန်းစုကြည်လည်း လွတ်လာတယ်။ ဒါကို ထူးခြားချက်လို့ မယူဆခဲ့ဘူး။ ပါသင့် ပါထိုက်သူတွေ ဘယ်သူမှ ပါမလာဘူး။ ဒေါ်အောင်ဆန်းစုကြည် လွတ်တာလည်း လွတ်ရက်စေ့လို့ လွှတ်လိုက်တာလို့ပဲ သဘောထားတယ်။ ဒါပေမဲ့ သိပ်မကြာဘူး အစိုးရ သစ်က အင်မတန် နည်းတဲ့ ပင်စင်လစာလေးနဲ့ နေကြရရှာတဲ့ ၀န်ထမ်းများ အတွက် ပင်စင်လစာတွေ တိုးမြှင့်ပေးတယ်။ ကျေးလက် ဒေသ ဆင်းရဲမှု ပပျောက်ရေးအတွက် ဆွေးနွေးပွဲ ကျင်းပပြီး နည်းလမ်းရှာတယ်။
အပြုသဘောဆောင်ရွက်ချက်တွေ
အဲဒီနောက် ၀န်ကြီးဦးအောင်ကြည်နဲ့ ဒေါ်အောင်ဆန်းစုကြည် သုံးကြိမ်တွေ့ပြီး နိုင်ငံတော် သမ္မတက ဒေါ်အောင်ဆန်းစုကြည်ကို နေပြည်တော်မှာ လက်ခံ တွေ့ဆုံတယ်။ ဂျာနယ်တွေမှာ ဒေါ်အောင်ဆန်းစုကြည် ဓာတ်ပုံတွေ၊ သတင်းတွေ ဖော်ပြခွင့် ရလာတယ်။ အရင်က အဖြုတ်ခံရတဲ့ ဆောင်းပါးတွေ ထည့်ခွင့် ပေးလာတယ်။ ဒါတွေဟာ အပြုသဘော ဆောင်တဲ့ ဆောင်ရွက်ချက်တွေလို့ သဘောရတယ်။ အဲဒီနောက် တစ်နိုင်ငံလုံးက လှည်းနေ လှေအောင်း မြင်းဇောင်းမကျန် ပြည်သူ တစ်ရပ်လုံးရဲ့ ဆန္ဒဖြစ်တဲ့ ဧရာဝတီ မြစ်ဆုံ ရေကာတာ ဆောက်လုပ်ရေး ကိစ္စကို နိုင်ငံတော် သမ္မတက လိုက်လျောပြီး ဆက်မဆောက်ဘဲ ရပ်ဆိုင်း လိုက်ကြောင်း ကြေညာ လိုက်တယ်။
မြန်မြန်ကြီး ပြီးမယ်မထင်ခဲ့
ကိုယ်တိုင်တောင် မယုံနိုင်လောက်အောင် အံ့အားသင့်သွားတယ်။ လုံးဝမျှော်လင့်မထားခဲ့ဘူး။ ဒါလောက် မြန်မြန် ဆန်ဆန် ပြီးသွား လိမ့်မယ်လို့ ဘယ်သူမှလည်း ထင်မှာ မဟုတ်ပါဘူး။ ပြည်သူ့ဆန္ဒ လေးစားတယ် ဆိုတာမျိုး ဘယ်တုန်းကမှ ရှိဖူးတာ မဟုတ်တာပဲ။ အခုအစိုးရ ကတော့ ထွက်လာ ကတည်းက ပြည်သူက ရွေးကောက် တင်မြှောက်ထားတာ ဖြစ်တဲ့အတွက် ပြည်သူ့ဆန္ဒကို လေးစား လိုက်နာမယ်။ ပြည်သူတွေ စိတ်ချမ်းသာအောင် လုပ်ဆောင်မယ်၊ ဖွဲ့စည်းပုံ အခြေခံဥပဒေကို လက်မခံနိုင် သေးသူတွေနဲ့တောင် လက်တွဲနိုင်ဖို့ နည်းလမ်းတွေ ရှာသွားမယ်။ စတဲ့ စတဲ့ စကားတွေ တဖွဖွ ပြောကြားခဲ့တယ်။ ဖြေလျော့တာတွေ ပြုပြင် ပြောင်းလဲတာတွေလည်း ဆက်တိုက် လုပ်လာတယ်။
နောက်ဆုံးဆောင်ရွက်ချက်
တခြားနေရာတွေထက် သတင်းမီဒီယာလောကမှာ ပိုပြီးထင်ထင်ရှား ရှားသိနိုင်၊ မြင်နိုင်တယ်။ စာပေ စိစစ်ရေး ဆိုတာ ရှိမြဲ ရှိနေသေးပေမယ့် ဖြတ်တာ၊ ဖြုတ်တာ မရှိသလောက် နည်းသွားတယ်။ ဘယ်တုန်းကမှ မျှော်လင့် မထားတဲ့ အကြောင်းအရာတွေ၊ စကားလုံး အသုံးအနှုန်းတွေ ရေးခွင့် ရလာတယ်။ လက်တွေ့ သာဓက ပြရရင် စာရေးသူ ကိုယ်တိုင်ရေးတဲ့ အခြေခံ ဥပဒေလည်း မထောက်ခံဘူး။ ရွေးကောက်ပွဲလည်း မထောက်ခံဘူး။ ဦးသိန်းစိန် အစိုးရလည်း မထောက်ခံဘူး။ စောင့်ကြည့်နေဆဲပဲ ဆိုတဲ့စာကို တစ်လုံး တစ်ပါဒမှ မဖြတ်ဘဲ ခွင့်ပြုခဲ့တယ်။ အခု နောက်ဆုံး ဆောင်ရွက်ချက် ကတော့ ရှေးက အတွင်းဝန်ရုံး (စက္ကရီတေးရီးယက်) လို့ခေါ်ပြီး အခုခေတ်မှာ ၀န်ကြီးများရုံးလို့ ခေါ်တဲ့ ကိုလိုနီခေတ် အဆောက်အအုံကြီးကို ဟိုတယ်အဖြစ် ပြောင်းလဲ လုပ်ကိုင်နိုင်ဖို့ အတွက် ပုဂ္ဂလိက လုပ်ငန်းရှင်များကို ငှားရမ်းမယ် ဆိုတဲ့ ကိစ္စဖြစ်တယ်။
ပယ်ဖျက်လိုက်
အဲဒီသတင်းကို ဂျာနယ်တွေက ထင်မြင်ချက်တွေပါ တောင်းခံပြီး ထည့်လိုက်တယ်။ ထင်မြင်ချက် ပေးသူ အားလုံးက သမိုင်းဝင် အဆောက် အအုံတွေကို ထိန်းသိမ်း ထားသင့်ကြောင်း ပြောကြတယ်။ နောက်တစ်ပတ် ဂျာနယ် ထွက်ရက် ရောက်တော့ နိုင်ငံတော် သမ္မတကြီးက ဟိုတယ်အ ဖြစ် ငှားရမ်းမယ့် ဆုံးဖြတ်ချက်ကို ပယ်ဖျက်လိုက်ပြီး ယဉ်ကျေးမှု ၀န်ကြီးဌာနကို ထိန်းသိမ်း စောင့်ရှောက်ဖို့ လွှဲပေး လိုက်ကြောင်း သတင်းပါလာတယ်။ ဂျာနယ်မှာပါလာပြီး ရက်ပိုင်းလေး အတွင်းမှာပဲ ဆုံးဖြတ်ချက် ထွက်လာတာ ဘယ်လောက် မြန်လိုက်သလဲ။ ဂျာနယ်တွေမှာသာ ဒီ သတင်းထည့်ခွင့် မပေးခဲ့ရင် ဗိုလ်ချုပ်နဲ့ အာဇာနည် ခေါင်းဆောင်ကြီးတွေ လုပ်ကြံခဲ့ရတဲ့ အခန်းတွေက နိုင်ငံခြားသားတွေ အရက်မူးပြီး ကဆုန်ပေါက် ကခုန်နေကြတဲ့ ကပွဲခန်းမ ကြီး ဖြစ်ချင် ဖြစ်သွားမှာ။ လွှတ်တော် ခန်းမကြီး တွေကလည်း မီးဖိုခန်း ဖြစ်သွားမလား၊ သန့်စင်ခန်း ဖြစ်သွားမလား မသိနိုင်ပါဘူး။ ဂျာနယ်တွေ ကျေးဇူးကြောင့် မဖြစ်သင့်တဲ့ ကိစ္စတစ်ခုကို အချိန်မီ တားနိုင်လိုက်တယ်။ သမ္မတကြီးကို ကျေးဇူး တင်လိုက်တယ်။
စောင့်မျှော်နေတယ်
ဒီလောက်ဆိုရင် အားမလို အားမရဖြစ်ကြတဲ့ နှစ်ဖက်စလုံးက ပုဂ္ဂိုလ်တွေ ကျေနပ်နိုင်လောက်ပြီ ထင်တယ်။ ထပ်စောင့် ကြည့်ဖို့ လိုသေးလို့လားလို့ မေးတဲ့သူတွေလည်း ဘာကြောင့် လိုသေးတယ်ဆိုတဲ့ အကြောင်းပြချက်ကို လက်ခံနိုင်မယ်လို့ ယူဆတယ်။ မျက်မှန်စိမ်းကြီးချွတ် လိုက်ပါတော့လို့ ပြောသူတွေလည်း အမြဲတမ်း ဆန့်ကျင်ခဲ့ သူတစ်ဦးရဲ့ကလောင်က ကြိုဆိုတယ်၊ ကျေးဇူးတင်တယ် ဆိုတဲ့ စာလုံးတွေ မထွက်စဖူး ထွက်လာတာကို ကြည့်ပြီး ကျေနပ် လိမ့်မယ် ထင်ပါတယ်။ ထောက်ခံတယ်လို့ အပြတ်ပြောဖို့ အတွက် အပြောင်းအလဲတွေကို စောင့်မျှော်နေ ပါတယ်။ မြန်မြန် ပေါ်ထွက် လာစေချင်ပါပြီဗျာ။
Ref: EMG News
NLD မှတ်ပုံတင်နိုင်ဖွယ်ကိစ္စ တုံ့ပြန်ချက်များ
မသိင်္ဂီထိုက်
တနင်္ဂနွေ, 30 အောက်တိုဘာ 2011
NLD ပါတီ ပြန်လည် မှတ်ပုံတင်ခဲ့မယ်ဆိုရင် နိုင်ငံရေးအရ ပိုပြီး လုပ်ဆောင်လာနိုင် လိမ့်မယ်လို့ ယူဆ နေကြသလို တဘက်ကလည်း ဒီအချိန်မှာ ပြန်ပြီး မှတ်ပုံ တင်လိုက်ရင် မြန်မာ့ ဒီမိုကရေစီ ပန်းတိုင်က ပိုပြီးများ ဝေးကွာ သွားလေမလား ဆိုပြီး စိုးရိမ်မှုတချို့ ရှိနေကြပါတယ်။ ဒေါ်အောင်ဆန်းစုကြည် ကတော့ လွှတ်တော်က ပြင်ဆင်လိုက်တဲ့ ပါတီမှတ်ပုံတင် ဥပဒေ ထွက်လာရင် ပါတီ မှတ်ပုံတင်မယ် မတင်ဘူးဆိုတာကို ယတိပြတ် ဆုံးဖြတ်မယ်ဆိုပြီး အောက်တိုဘာလ ၃၀ ရက်နေ့က ပြောဆို လိုက်တာပါ။ ဒီအပေါ်မှာ မြန်မာ့နိုင်ငံရေး အသိုင်းအ၀ိုင်းရဲ့ သဘောထား အမြင်က ဘယ်လိုရှိသလဲ ဆိုတာကိုတော့ မသိင်္ဂီထိုက်က ဆက်သွယ် မေးမြန်း ထားပါတယ်။
အမျိုးသားဒီမိုကရေစီအဖွဲ့ချုပ် NLD ပါတီရဲ့ အထွေထွေ အတွင်းရေးမှူး ဒေါ်အောင်ဆန်းစုကြည်က ပါတီမှတ်ပုံတင်ရေး မတင်ရေးက အသစ် ပေါ်ထွက်လာမယ့် ပါတီမှတ်ပုံတင်ခြင်း ဥပဒေပေါ်မှာ မူတည်တယ်လို့ ပြည်ထောင်စုဝန်ကြီး ဦးအောင်ကြည်နဲ့ တနင်္ဂနွေနေ့မှာ တွေ့ဆုံအပြီးမှာ ပြောဆိုလိုက်ပါတယ်။
ပြည်သူ့လွှတ်တော် ကိုယ်စားပြုကော်မတီ (CRPP) ကတော့ NLD အနေနဲ့ နိုင်ငံရေး ပါတီအဖြစ် တရားဝင် ပြန်ပြီး မှတ်ပုံ တင်ခဲ့မယ် ဆိုရင် နိုင်ငံရေး လှုပ်ရှားမှုတွေကို ပိုပြီး ကျယ်ကျယ်ပြန့်ပြန့် လုပ်ဆောင်လာနိုင် လိမ့်မယ်လို့ ယူဆပါတယ်။ ဒေါ်အောင်ဆန်းစုကြည်နဲ့ အစိုးရ တွေ့ဆုံ ဆွေးနွေးမှုကနေ နိုင်ငံရေး အကျဉ်းသား လွတ်ငြိမ်း ချမ်းသာခွင့်လိုမျိုး၊ ပါတီ တရားဝင် မှတ်ပုံတင်ရေးလို ကိစ္စမျိုးတွေ ပြောဆို ဆွေးနွေးမှုတွေက မှန်ကန်တဲ့ နိုင်ငံရေး အလှည့်အပြောင်းတစ်ခု ဖြစ်လာ လိမ့်မယ်လို့လည်း ယူဆတဲ့ အကြောင်း CRPP ရဲ့ အတွင်းရေးမှူး ဦးအေးသာအောင်က ပြောပါတယ်။
“မှတ်ပုံတင်ခြင်းအားဖြင့် ပါတီရဲ့လုပ်ငန်းတွေ၊ စည်းရုံးရေးလုပ်ငန်းတွေ ဒီထက်ပိုပြီး ကျယ်ကျယ်ပြန့်ပြန့် လုပ်နိုင်မယ် လို့တော့ NLD ရဲ့ ခေါင်းဆောင်ပိုင်း တွေက ပြောတာတွေလည်း ကြားဖူးပါတယ်။ ဒီအပေါ်မှာတော့ ကျနော်တို့ကလည်း ဒီလို အပေးအယူ လုပ်တယ်။ တဘက်နဲ့တဘက် အပြန်အလှန် ယုံကြည်မှုတွေ ရှိလာတယ်ဆိုရင် ပါတီ မှတ်ပုံ တင်တာကတော့ ကောင်းမယ်လို့ ထင်ပါတယ်။ ဒါကို ကျနော်တို့ အခုလာမယ့် လဆန်းမှာ ပြုလုပ်မယ့် အစည်းအဝေးမှာ ဒါတွေကိုလည်းပဲ ဆွေးနွေးသွားဖို့ ရှိပါတယ်။ NLD က အကြောင်း အမျိုးမျိုးကြောင့် မှတ်ပုံတင်တာတွေ လုပ်လာမယ်၊ တရားဝင်ပါတီ အဖြစ် ရပ်တည်လာမယ် ဆိုရင်တော့ ကျနော်တို့ ပြန်လည် သုံးသပ်တဲ့ လုပ်ငန်းတွေကိုလည်း CRPP မှာလည်း လုပ်ဖို့ရှိပါတယ်။”
အမျိုးသားဒီမိုကရေစီအဖွဲ့ချုပ် NLD အနေနဲ့ တရားဝင်ပါတီအဖြစ် ပြန်လည် မှတ်ပုံတင်ဖို့အတွက် ပါတီ ခေါင်းဆောင်ပိုင်းက ဆုံးဖြတ်မယ် ဆိုရင် ပြည်ပအခြေစိုက် အမျိုးသား ဒီမိုကရေစီ အဖွဲ့ချုပ် လွတ်မြောက်နယ်မြေ (NLD-LA) အနေနဲ့ ကန့်ကွက်စရာ မရှိဘူးလို့ NLD-LA ရဲ့ ဥက္ကဋ္ဌ စစ်ကိုင်းတိုင်း ယင်းမာပင်မြို့နယ် မဲဆန္ဒနယ်အမှတ် (၁) ပြည်သူ့ကိုယ်စားလှယ် ဦးဘိုသောင်းက ပြောပါတယ်။
“အဖွဲ့ချုပ်ဗဟိုကနေ ဆုံးဖြတ်ဆောင်ရွက်တာကို ကျနော်တို့ကတော့ လိုက်နာဆောင်ရွက်မှာ ဖြစ်တယ်လေ။ ကျနော်တို့ မြင်တာကတော့ နိုင်ငံရေး ပါတီရယ်လို့ ဖြစ်လာရင်တော့ နိုင်ငံရေး လုပ်ငန်းတွေ ဆောင်ရွက်ဖို့၊ နိုင်ငံရေး အာဏာ ရယူဖို့၊ နိုင်ငံရေး အာဏာ ရယူမှ ကိုယ်လိုချင်တဲ့ လူထုအတွက် ဒီမိုကရေစီနဲ့ လူ့အခွင့်အရေးကို ကျနော်တို့က ဆောင်ကြဉ်းနိုင်မှာ ဖြစ်တာကိုး။ အထဲက ခေါင်းဆောင်မှု ဖြစ်တဲ့ ဗဟို အလုပ်မှုဆောင်အဖွဲ့ ရှိတယ်၊ ဗဟိုအလုပ်မှုဆောင် ကော်မတီဝင်တွေ ရှိတယ်။ မြို့နယ်အသီးသီးက ခေါင်းဆောင်တွေ ရှိတယ်။ အဲဒီလို အားလုံးရဲ့ သဘောတူ ဆန္ဒနဲ့ အညီ ဆုံးဖြတ် ဆောင်ရွက် ကြလိမ့်မယ်လို့ ကျနော်တို့ အလေးအနက် ယုံကြည်တဲ့ အတွက် တရားဝင် နိုင်ငံရေးပါတီအဖြစ် မှတ်ပုံတယ်မယ်ဆိုတဲ့ ကိစ္စကိုတော့ ကျနော်တို့အနေနဲ့ ကန့်ကွက်စရာ မရှိဘူးလို့ ကျနော် ပြောချင်ပါတယ်။
“အဲဒီတော့ ကျနော်တို့က NLD လွတ်မြောက်နယ်မြေသည် ကျနော်တို့ ရှိနေခြင်းက အကျိုးရှိမလား၊ အကျိုးယုတ် စေနိုင်မလား။ အကျိုးယုတ် စေနိုင်မယ် ဆိုရင်တော့ ကျနော်တို့က အားလုံးရဲ့ ညှိနှိုင်းဆောင်ရွက်မှုနဲ့ NLD-LA ရှိသင့်မသင့်၊ ဆက်ပြီး ဆောင်ရွက်သင့်မသင့် ကျနော်တို့ ၀ိုင်းဝန်း ဆုံးဖြတ်သွားကြရမှာ ဖြစ်တယ်လေ။ သို့သော်လည်း ကျနော်တို့ကတော့ NLD-LA က ယခင်ကလည်း မိခင် NLD ဆောင်ရွက်နိုင်တဲ့ ကိစ္စပေါ့။ ဥပမာ - ဒီဘက်မှာ တိုင်းရင်းသား လက်နက်ကိုင် အဖွဲ့တွေနဲ့ ကျနော်တို့က နီးနီးကပ်ကပ် ပူးပေါင်း ဆောင်ရွက်နိုင်တယ်။ ကျနော်တို့နဲ့ သူတို့ကြားမှာ နားလည်မှုတွေ တည်ဆောက်နိုင်တယ်။ အလုပ်တွေ အတူတူ လုပ်နိုင်တယ်။ ဒီဟာတွေ အတွက်တော့ ကျနော်တို့က NLD-LA က ရှိဖို့ လိုအပ်တယ် ဆိုရင်တော့ ဆက်ရှိနေဦးမှာပဲ။”
NLD အနေနဲ့ ပါတီ မှတ်ပုံတင်ရေး မတင်ရေး ဆုံးဖြတ်တာမှာ လက်ရှိ နိုင်ငံရေး အကျဉ်းသားအရေး၊ တိုင်းရင်းသားအရေးနဲ့ စစ်မှန်တဲ့ တွေ့ဆုံ ဆွေးနွေးရေး ကိစ္စတွေကို ထည့်သွင်း စဉ်းစားဖို့တော့ လိုတယ်လို့ ထိုင်းနိုင်ငံ အခြေစိုက် မြန်မာနိုင်ငံ ဒီမိုကရက်တစ် တပ်ပေါင်းစု (FDB) ရဲ့ အထွေထွေ အတွင်းရေးမှူးချုပ် ဒေါက်တာ နိုင်အောင်က ပြောဆိုပါတယ်။
“ကျနော်တို့အားလုံး တိုင်းပြည်ကို ပြန်လည်ကောင်းအောင် လုပ်စေချင်တယ်ဆိုရင်တော့ အခြေခံကောင်းတဲ့ အခြေအနေ တစ်ရပ် ရှိဖို့လိုပါတယ်။ အဲဒါက နိုင်ငံရေး အကျဉ်းသားတွေ ပြန်လွှတ်ရမယ်။ နောက်ပြီးတော့မှ ရန်သူတွေရဲ့အပြုအမူတွေ ရပ်ဆိုင်းတဲ့ အနေနဲ့ အပစ်အခတ် ရပ်စဲရေး လုပ်ရမယ်။ တွေ့ဆုံဆွေးနွေးပွဲဆိုတာ ပေါ်ရမယ်။ အဲဒါဆိုလိုရရှိရင် တစ်ယောက်နဲ့ တစ်ယောက် ရန်ရှာစရာ မလိုဘဲနဲ့ အားလုံးကနေပြီးတော့ သွားလို့ရတဲ့ အနေအထားမျိုးပေါ့။ အဲဒီလိုဟာမျိုးကို အာမခံချက် အားလုံးကို ပေးတယ် ဆိုရင် အတုံ့အပြန် အနေနဲ့ ပြန်လည် တောင်းဆို လာနိုင်တာက… ဒါဆိုလို့ ရှိရင်လည်းဗျာ လောလောဆယ်တော့ ပါတီ မှတ်ပုံ တင်ထားလိုက်ပါ။ ကျနော်တို့အားလုံး ကျေနပ်လို့ရအောင် ရွေးကောက်ပွဲလေးတော့ ၀င်ထားလိုက်ပါ။ သို့သော်လည်း ကျနော်တို့ နိုင်ငံရေးကို အပြင်မှာ ဆွေးနွေးပါ့မယ်၊ ဘာဖြစ်လို့လဲ ဆိုတော့ တိုင်းရင်းသားတွေလည်း ပါသေးတာ မဟုတ်ဘူး…ဆိုတဲ့ဟာမျိုး ဖြစ်တယ် ဆိုရင်တော့ သူ့ဘက်ကိုယ့်ဘက် ဆိုတဲ့ သူတို့ပြောပြောနေတဲ့ သူမနာ ကိုယ်မနာပေါ့ အားလုံးနိုင်တဲ့ အခြေအနေမှာပေါ့။ အဲဒီလိုမျိုး မဟုတ်ဘဲနဲ့ အဲဒီအခြေအနေတွေ ဘာမှအာမခံချက် မရှိသေးဘဲနဲ့ ငါလိုချင်တဲ့ဥစ္စာကို မင်းတို့ အတင်းလုပ် ဆိုရင်တော့ ဒါက တဖက်သက် အနိုင်ကျင့်တာများ ဖြစ်မလားလို့ ကျနော်တို့က အဲဒီလိုမျိုး ဖြစ်မိတာပါ။”
၂၀၁၀ ရွေးကောက်ပွဲ ဥပဒေဟာ တရားမျှတမှု မရှိတဲ့အတွက် ပါတီကို မှတ်ပုံတင်ဖို့ စဉ်းတောင် မစဉ်းစားဘူး ဆိုပြီး ဒေါ်အောင်ဆန်းစုကြည်က ယတိပြတ် ပြောဆိုခဲ့ဖူးပါတယ်။ ဒါပေမဲ့လို့ နေပြည်တော်မှာ ကျင်းပနေတဲ့ လွှတ်တော် အစည်းအဝေး တွေကနေ နိုင်ငံရေးပါတီ မှတ်ပုံတင်ဥပဒေ ပြင်ဆင်ချက်ကို အတည်ပြု လိုက်ပြီးတဲ့နောက်မှာ NLD ပါတီက မှတ်ပုံတင်ရေး မတင်ရေး စဉ်းစားချက် ထွက်ပေါ်လာတာလည်း ဖြစ်ပါတယ်။ ဒီ ပါတီမှတ်ပုံတင်ရေး ဥပဒေပြင်ဆင်ချက် မူကြမ်းကလည်း သမ္မတက လက်မှတ် ရေးထိုးပြီးရင်တော့ ပါတီမှတ်ပုံတင် ဥပဒေအဖြစ် မကြာခင်မှာ ထွက်ပေါ် လာဖွယ်ရာလည်း ရှိနေပါတယ်။
Ref: VOA News
ဒေါ်အောင်ဆန်းစုကြည်နှင့် ဝန်ကြီးဦးအောင်ကြည် စတုတ္ထအကြိမ် တွေ့ဆုံ
မျိုးသိဏ်း
တနင်္ဂနွေနေ့၊ အောက်တိုဘာလ ၃၀ ရက် ၂၀၁၁
(မဇ္ဈိမ) ။ ။ အစိုးရသစ်လက်ထက် စတုတ္ထအကြိမ်မြောက်တွေ့ဆုံမှုအဖြစ် ဒေါ်အောင်ဆန်းစုကြည်နှင့် ပြည်ထောင်စု ဝန်ကြီး ဦးအောင်ကြည်တို့ ယနေ့ မွန်းလွဲပိုင်းက စိမ်းလဲ့ကန်သာ နိုင်ငံတော် ဧည့်ဂေဟာ၌ တွေ့ဆုံခဲ့ရာ စီးပွားရေး၊ ငွေကြေးကိစ္စ၊ တိုင်းရင်းသား အရေးနှင့် လွတ်ငြိမ်း ချမ်းသာခွင့် ကိစ္စများ ဆွေးနွေးခဲ့ကြောင်း သိရသည်။
တွေ့ဆုံဆွေးနွေးမှု အပြီး သတင်းစာ ရှင်းလင်းပွဲတွင် ဝန်ကြီး ဦးအောင်ကြည် ဖတ်ကြားသည့် နှစ်ဘက် ပူးပေါင်း ထုတ်ပြန်သည့် သတင်း ထုတ်ပြန်ချက်နှင့် သတင်းထောက်များ၏ မေးမြန်းချက်များနှင့် ပြန်လည် ဖြေကြားချက်များကို မဇ္ဈိမ စာဖတ်သူများကို တင်ပြ လိုက်ပါသည်။
“ပြည်ထောင်စုသမ္မတ မြန်မာနိုင်ငံတော် အစိုးရအဖွဲ့၏ ဖိတ်ကြားချက်အရ ဒေါ်အောင်ဆန်းစုကြည်သည် စိမ်းလဲ့ ကန်သာ အစိုးရ ဧည့်ဂေဟာတွင် ပြည်ထောင်စု ဝန်ကြီး ဦးအောင်ကြည်အား ၂၀၁၁ ခုနှစ်ေ အာက်တိုဘာလ ၃၀ ရက် မွန်းလွဲ ၁၃း၀၀ နာရီမှ ၁၃း၅၅ နာရီအထိ လာရောက် တွေ့ဆုံခဲ့ပါသည်။ ထိုသို့ တွေ့ဆုံရာတွင် ယခင် ဆွေးနွေးခဲ့မှုများ အပေါ် နိုင်ငံတော်က လိုအပ်သည်များ ကူညီ ဆောင်ရွက်ပေးနေသည့် အခြေအနေ၊ တိုင်းပြည်စီးပွားရေး ဖွံဖြိုးတိုးတက် လာစေရန်အတွက် လွတ်လပ်စွာ ကုန်သွယ်ခွင့်၊ ကူးသန်း ရောင်းဝယ်ခွင့် ရရှိရေးနှင့် လွတ်လပ်စွာ ငွေကြေး လည်ပတ် သုံးစွဲခွင့် ရရှိရေးတို့၏ အရေးကြီးမှုနှင့် ပတ်သတ်၍ အမြင်ခြင်း ဖလှယ် ဆွေးနွေး ခဲ့ကြပါသည်။ ထို့အပြင် တိုင်းရင်းသား လက်နက်ကိုင် အဖွဲ့အစည်းများနှင့် ထာဝရ ငြိမ်းချမ်းရေး ရရှိရန် နိုင်ငံတော်က ဆောင်ရွက် ပေးနေမှုများ၊ တိုးတက်ဖြစ်ထွန်းမှု အခြေအနေများနှင့် လွတ်ငြိမ်း ချမ်းသာခွင့် ပေးသင့်သူများ ကိစ္စကိုလည်း ဆွေးနွေး ခဲ့ကြပါသည်။ တွေ့ဆုံ ဆွေးနွေးမှုများကို ဆက်လက် ပြုလုပ်သွားရန် သဘောတူညီ ခဲ့ကြပါသည်။”
ဒီလောက်ပါပဲ။
မေး - ဦးအောင်လှထွန်း (ရိုက်တာ) ။ ။ မမစုကို မေးချင်ပါတယ်။ လက်ရှိ မြန်မာ့နိုင်ငံရေး အခင်းအကျင်းမှာ နည်းနည်း အပြုသဘော ဆောင်တဲ့ တိုးတက်မှုတွေ မကြာသေးခင်က တွေ့ခဲ့ရပါတယ်။ ဥပမာအားဖြင့် နိုင်ငံရေး အကျဉ်းသားတချို့ လွှတ်ပေးတာ၊ အလုပ်သမား အဖွဲ့ ဖွဲ့စည်းခွင့် ပေးတယ်၊ ဆန္ဒပြခွင့်ပေးတယ်၊ နောက်ဆုံးကတော့ ပါတီ မှတ်ပုံတင် ဥပဒေပေါ့။ ဒီဥစ္စာတွေက အန်အယ်လ်ဒီ ပါတီ ပြန်လည် မှတ်ပုံတင်ဖို့ အတွက် လုံလောက်တဲ့ လိုအပ်ချက်များ ဖြစ်ပါသလား။
ဖြေ - ဒေါ်အောင်ဆန်းစုကြည် ။ ။ ကျမတို့ အန်အယ်လ်ဒီပါတီ မှတ်ပုံတင်ဖို့ ကိစ္စက ဒီဥပဒေ အပေါ်မှာ မူတည်ပါတယ်။ ဒီဥပဒေ အတည် ပြုပြီးတော့ ထွက်လာတဲ့ အထိ စောင့်ပြီးမှ ပြောနိုင်မယ့် ကိစ္စ ဖြစ်ပါတယ်။ ကျမတို့ ဒီဥပဒေ ထွက်လာပြီ ဆိုရင် အစည်းအဝေး ခေါ်ရမှာပေါ့။ ကျမတို့ ပါတီစည်းကမ်း အရ အစည်းအဝေး ခေါ်ပြီးမှ ဆုံးဖြတ်ချက်ကို ချရပါလိမ့်မယ်။
မေး - ဦးအောင်လှထွန်း (ရိုက်တာ) ။ ။ ဥပဒေပါအကြောင်း အဓိကသုံးချက်က သိထားပြီးပါပြီ။ အန်အယ်လ်ဒီက ဥပဒေ ပညာရှင် တချို့လဲ သိထားပြီးပြီ ထင်ပါတယ်။
ဖြေ - ဒေါ်အောင်ဆန်းစုကြည် ။ ။ ဟုတ်ပါတယ်။ ဒါပေမယ့် ကျမတို့က တိကျတယ်လေ။ ဥပဒေကို ကြည့်ပြီးမှ ပြောနိုင်မှာပါ။ မကြည့်ရ သေးပဲ၊ ကျမ မမြင်ရသေးပဲ မပြောနိုင်ပါဘူး။
မေး - ဦးတင်မောင်အေး (အဆာဟိရှင်ဘွန်း) ။ ။ ကျနော်တို့ဒီမှာ ဝန်ကြီးနဲ့ ဒေါ်အောင်ဆန်းစုကြည် တွေ့တာ လေးခါ ရှိပါပြီ။ ပူးပေါင်း ဆောင်ရွက်မယ် ဆိုတာတွေကို အများအားဖြင့် သိရပါတယ်။ အဲ့တာ ဘယ်နေရာတွေမှာ ဘယ်လိုပေါ့နော် နည်းနည်း အသေးစိတ်လေး ပြောလို့ရမယ်ဆိုရင် ပြောပေးပါလို့ မေတ္တာ ရပ်ခံပါတယ်။
ဖြေ - ဦးအောင်ကြည် ။ ။ ကျနော်တို့ သြဂတ်စ်တုန်းက ထုတ်ပြန်ခဲ့တဲ့ သတင်း ထုတ်ပြန်ချက် ကလေး ရှိပါတယ်။ အဲ့ဒီအထဲမှာ ကျနော်တို့ ဒီမိုကရေစီ ဖြစ်ပေါ် တိုးတက်မှု လုပ်ငန်းတွေ သာမက နိုင်ငံရေး စီးပွားရေး လူမှုရေး နယ်ပယ် အသီးသီးမှာ ပူးပေါင်း ဆောင်ရွက်ကြမယ်လို့ ကျနော်တို့ သဘော တူညီထားခဲ့ပြီး ဖြစ်ပါတယ်။ ဒီဥစ္စာ တော်တော်လေး ပြည့်စုံ လုံလောက်တဲ့ အဖြေဖြစ်မယ်လို့ ကျနော်ယူဆပါတယ်။
မေး - ကျော်စွာမင်း (ရန်ကုန်တိုင်းမ်စ်) ။ ။ အခုတွေ့ဆုံဆွေးနွေးမှုမှာ ဦးအောင်ကြည်နဲ့ ဒေါ်အောင်ဆန်းစုကြည် တို့ဟာ NLD ပါတီ မှတ်ပုံတင်ဖို့ ကိစ္စ၊ နိုင်ငံရေး အကျဉ်းသားတွေ ဆက်လက် လွှတ်ပေးရေး ကိစ္စ၊ နောက်တခါ အန်တီစုနဲ့ နိုင်ငံတော် သမ္မတကြီးနဲ့ တွေ့ဆုံဖို့အတွက် ဆွေးနွေးဖြစ်ခဲ့တာရော ရှိပါသလားခင်ဗျ။
ဖြေ - ဒေါ်အောင်ဆန်းစုကြည် ။ ။ ကျမတို့ ဒီကိစ္စတွေ အားလုံးကို ဆွေးနွေးပါတယ်။ အမြဲတမ်းလဲ ကျမတို့ တွေ့တိုင်းလဲ ဒီကိစ္စတွေကို ဆွေးနွေး ဖြစ်ပါတယ်။ ဘာဖြစ်လို့လဲ ဆိုတော့ ဒါကျမတို့ ပေါင်းဆောင်ရွက်ရေးနဲ့ ဆက်နွယ်နေတဲ့ ကိစ္စတွေ မို့လို့ပါ။
မေး - ဒေါ်အေးအေးဝင်း (အေပီ) ။ ။ ငွေရေးကြေးရေးနဲ့ ပတ်သတ်တယ်ဆိုတာ ဘာများလဲဆိုတာ နည်းနည်းလောက် ရှင်းပြ ပေးပါလား။ IMF နဲ့ ပတ်သတ်လို့ ဆွေးနွေးတာမျိုးလား။
ဖြေ - ဦးအောင်ကြည် ။ ။ ခုန ဒီအထဲမှာ ကျနော်တို့ ပါသွားပြီးပါပြီ။ တော်တော်လေး ပြည့်ပြည့်စုံစုံလဲ ပါသွားပြီး ပါပြီ။ သေသေ ချာချာလေး ဖတ်ကြည့်ရင် ခင်ဗျားတို့ တွေ့မှာပါ။ ငွေကြေး လည်ပတ် သုံးစွဲရေးနဲ့ ပတ်သတ်ပြီး အရေးကြီးမှု ဆိုတာကတော့ အများကြီး ပါပါတယ်။
မေး (သတင်းထောက်တဦး) - နိုင်ငံရေး အကျဉ်းသားများ ဆက်လွှတ်ဖို့ ရှိပါသေးလားခင်ဗျ။ မကြာခင်ပေါ့။
ဖြေ - ဦးအောင်ကြည် ။ ။ လုပ်ငန်းစဉ် တရပ်ကို လုပ်တဲ့ အခါမှ ကျနော်တို့ တလှမ်းပီး တလှမ်း ဆောင်ရွက်တတ်တဲ့ သဘာဝ ရှိပါတယ်။ ဒါ အားလုံးလဲ သိတဲ့အတိုင်းပါပဲ။ ကျနော်တို့က စုံလဲ မခုန်ပါဘူး။ ရပ်လဲ မနေပါဘူး။ အားလုံးကို ကျေးဇူးတင်ပါတယ်။
Ref: မဇ္ဈိမ
လယ်ယာမြေ နိုင်ငံပိုင်ပြုရေး ဥပဒေ ဖျက်ရန် ဆန္ဒပြသူ ခုနှစ်ဦး အာမခံဖြင့်လွတ်
ဖနိဒါ
သောကြာနေ့၊ အောက်တိုဘာလ ၂၈ ရက် ၂၀၁၁
ချင်းမိုင်(မဇ္စျိမ) ။ ။ ရန်ကုန်မြို့ အိုးအိမ်ဖွံ့ဖြိုးရေးရုံးရှေ့တွင် လယ်ယာမြေ နိုင်ငံပိုင်ပြုလုပ်ရေး ဥပဒေကို ပယ်ဖျက်ပေးရန် ဆန္ဒပြရာတွင် ပါဝင်ခဲ့မှုဖြင့် ရဲက ဖမ်းဆီးခဲ့သော ရှေ့နေ ကိုဖိုးဖြူ အပါအဝင် ခုနှစ်ဦးတို့ကို အာမခံဖြင့် သောကြာနေ့တွင် ပြန်လွှတ်ပေး လိုက်သည်။
ဗိုလ်တထောင် ရဲစခန်း အချုပ်တွင် တညတာ နေခဲ့ရပြီးနောက် လယ်သမား ၁၂ ဦးက စုစုပေါင်း အာမခံ ကျပ်သိန်း ၅၀ ဖြင့် အာမခံ ပေးရာက ခုနှစ်ဦး လွတ်မြောက်လာခြင်း ဖြစ်သည်။
ကိုဖိုးဖြူ၊ ဒဂုံမြို့သစ်တောင်ပိုင်း ကျီစုကျေးရွာသား လယ်သမားများ ဖြစ်သော ဦးစိုးနိုင်၊ ဦးခင်ထွေး၊ ဦးအောင်မြင့်၊ ဦးသိန်းထွန်း၊ ဒဂုံ ဆိပ်ကမ်းမြို့နယ် သရက်ပင်ချောင်းကျေးရွာမှ ဦးညို နှင့် ဟင်းချက်သင်တန်း ကျောင်းဆရာ တဦးဖြစ်သူ ဦးသီအောင်တို့ကို ရဲက ဥပဒေမဲ့ လူစုလူဝေးတွင်ပါဝင်မှု ပုဒ်မ ၁၄၃၊ အမိန့်ဖီဆန်မှု ၁၄၅ နှင့် တရား စွဲဆိုထားပြီး နိုဝင်ဘာ ၁၁ ရက်နေ့တွင် ဗိုလ်တထောင် မြို့နယ်တွင် တရားရုံး ရုံးချိန်း ပေးထားသည်။
“လွှတ်တော်မှာ တင်သွင်းပေမယ့် လွတ်တော်မှာ အလိမ်အညာတွေပဲ ဖြစ်လာတယ်။ လယ်ယာမြေ ဥပဒေ မူကြမ်းတွေ ထွက်လာတယ်။ ဥပဒေမဲ့ လယ်လက်လွတ် ဆုံးရှုံးတဲ့ သူတွေအတွေကို ဘယ်လို အဖြေမျိုးမှ ပါမလာဘူး။ တကယ်တမ်းမှာ ကျနော်တို့ တောင်သူတွေ စားဝတ်နေရေး ကျပ်တည်းတာတွေ ပိုမိုပြင်းထန် လာလို့ ကျနော်တို့ ဒီလမ်းကို ရွေးလိုက်ရတာပါပဲ” ဟု ကိုဖိုးဖြူက ပြောသည်။
ဗိုလ်တထောင်မြို့နယ် ဗိုလ်ချုပ်လမ်းပေါ်ရှိ အိုးအိမ်ဖွံ့ဖြိုးရေး ဌာနရုံးရှေ့တွင် လယ်သမားတစု ပါဝင်သည့် ဆန္ဒပြသူများက ၁၉၅၃ ခုနှစ်တွင် ပြဋ္ဌာန်းခဲ့သည် “လယ်သမားမြေ ပိုင်ဆိုင်ခွင့် ဥပဒေ” အရ မြေအားလုံး ကို နိုင်ငံတော်က ပိုင်ဆိုင်ကြောင်း ပြဋ္ဌာန်း ထားခြင်းကို ဖျက်သိမ်းပေးရန်နှင့် သိမ်းဆည်းခံ လယ်မြေများ ပြန်လည် ခွဲဝေပေးရန်တို့ကို လက်ကိုင် ဆိုင်းဘုတ်များ ကိုင်ဆောင်ကာ ဆန္ဒဖေါ်ထုတ် တောင်းဆိုခဲ့သည်။
မိနည်းအနည်းငယ်အတွင်း ရဲအင်အား ၁၀၀ ခန့်ရောက်ရှိလာရာ ဆန္ဒပြမှု ပြီးဆုံးသွားခဲ့သည်။ ထို့နောက် ဦးဆောင်သူများကို သတင်း ရဲတပ်ဖွဲ့မှ ရန်ကုန်တိုင်း ဒေသကြီး အစိုးရအဖွဲ့ရုံးသို့ ဖမ်းဆီး ခေါ်ဆောင်သွား၍ နှစ်နာရီခန့်ကြာ စစ်ဆေး မေးမြန်း ပြီးနောက် ရဲစခန်းသို့ ပို့ဆောင်ခဲ့ခြင်း ဖြစ်သည်။
"ကျနော်တို့ စစ်ဆေးတဲ့ နည်းလမ်းက မျက်နှာကို အုပ်တယ်။ အိတ်အမဲကို ခေါင်းကိုစွပ်ပြီး အုပ်တယ်။ စစ်တယ်။ အသက်ရှု ကျပ်တယ်။ စစ်ဆေး နေချိန်မှာ တိုက်တဲ့ ရေထဲမှာ ဆေးဝါးပါတယ်လို့ ကျနော်ထင်တယ်။ ကျနော်မူး တယ်။"ဟု ကိုဖိုးဖြူက ပြောသည်။
Ref: မဇ္ဈိမ
သမိုင်းဝင် ဝန်ကြီးများရုံးကို ဟိုတယ် မလုပ်ဟု ဝန်ကြီးပြော
မင်းသက်
သောကြာနေ့၊ အောက်တိုဘာလ ၂၈ ရက် ၂၀၁၁
ရန်ကုန် (မဇ္ဈိမ) ။ ။ ဗိုလ်ချုပ်အောင်ဆန်း အပါအဝင် အာဇာနည် ခေါင်းဆောင်ကြီးများ လုပ်ကြံ ခံခဲ့ရသည့် ဝန်ကြီး များရုံးအား ပြတိုက်အဖြစ် ထားရှိမည်ဖြစ်ကာ ပုဂ္ဂလိက လုပ်ငန်းရှင်များ ဟိုတယ်ပြုလုပ်ရန် ငှားရမ်းမှာ မဟုတ်ကြောင်း အမှတ် (၁) နှင့် (၂) စက်မှု ဝန်ကြီးဌာန ပြည်ထောင်စုဝန်ကြီး ဦးစိုးသိန်းက ပြောဆိုသည်။
“ဘယ်သူ့ကိုမှ မငှားပါဘူး။ ပြတိုက်လို လုပ်ပြီးတော့ အမှတ်တရပစ္စည်း အရောင်းဆိုင်တွေ၊ အစားအသောက် အရောင်း ဆိုင်တွေ ဖွင့်ပြီးတော့ ထားမယ်။ နိုင်ငံခြားသားတွေ လာရောက် ကြည့်ရှု လည်ပတ်ခဲ့ရင် နိုင်ငံခြား ဝင်ငွေလည်း ရတာပေါ့” ဟု ဝန်ကြီး ဦးစိုးသိန်းက အောက်တိုဘာ ၂၆ ရက်နေ့က နေပြည်တော်တွင် ပြည်တွင်း သတင်း မီဒီယာများနှင့် တွေ့ဆုံရာ၌ ပြောကြားခဲ့သည်။
မြန်မာ့ခရီးသွားလုပ်ငန်း ဘုတ်အဖွဲ့ ဥက္ကဋ္ဌ ဦးခင်ရွှေက ဝန်ကြီးများရုံးအား ငှားရမ်း လုပ်ကိုင်လိုသူများ ရှိပါက ကူညီ သွားမည် ဖြစ်ကြောင်း ပြောဆိုခဲ့ပြီး နောက်တွင် ငှားရမ်းမည် မဟုတ်ကြောင်း အစိုးရက တရားဝင် ထုတ်ဖော်ပြောဆို လိုက်ခြင်းလည်း ဖြစ်သည်။
ရန်ကုန်မြို့ ကျောက်တံတားမြို့နယ် ဗိုလ်အောင်ကျော်လမ်းပေါ်ရှိ အဆိုပါရုံးကို အင်္ဂလိပ်တို့က ၁၈၉၀ ခုနှစ် တွင် အုပ်ချုပ်ရေး ဗဟိုဌာန အဖြစ် ဆောက်လုပ်ခဲ့ခြင်း ဖြစ်ကာ အုပ်ချုပ်ရေး ယန္တရား၏ အမြင့်ဆုံးဖြစ်ကာ အတွင်းဝန်ချုပ်နှင့် အတွင်းဝန်များ ရုံးစိုက်ရာလည်း ဖြစ်သည်။
ဝန်ကြီးများရုံးမှာ မြန်မာ့လွတ်လပ်ရေး ဗိသုကာဖြစ်သော ဗိုလ်ချုပ်အောင်ဆန်းနှင့် သူ၏ ကက်ဘိနက် အဖွဲ့ဝင်များကို ပြိုင်ဘက် နိုင်ငံရေးသမား ဦးစော၏ လက်ပါးစေများက လုပ်ကြံ သတ်ဖြတ်ခဲ့သော နေရာလည်းဖြစ်ကာ ပထမဆုံးသော လွတ်လပ်သော မြန်မာ နိုင်ငံ၏ အလံလွှင့်တင်သော အခမ်းအနား ကျင်းပရာလည်း ဖြစ်သည်။
“ရှေးဟောင်း အဆောက်အအုံတွေထဲက ဟိုတယ်လုပ်လို့ ရနိုင်တဲ့ အဆောက်အအုံတွေ တချို့ ရှိပါတယ်။ အဲဒါကိုတော့ ဟိုတယ်အဖြစ် ငှားမယ်။ ဂျာမနီက ရဲတိုက်ကြီးတွေလိုပဲပေါ့။ ရဲတိုက်ကြီးကို ဟိုတယ်အသွင် ပြောင်းထားမယ်။ ရုရှားက နန်းတော်ကြီးဆိုရင် ပြတိုက်လိုတယ်။ ဒါမျိုးပေါ့” ဟု ဝန်ကြီး ဦးစိုးသိန်းက ဆိုသည်။
ဝန်ကြီးများရုံးအား ပုဂ္ဂလိက လုပ်ငန်းရှင်များသို့ ငှားရမ်းမည်ဟု သတင်းများ ထွက်ပေါ်ခဲ့ပြီးနောက် နိုင်ငံရေး ပါတီများ၊ အနုပညာရှင် များကလည်း ပြည်ပ မီဒီယာများမှ တဆင့် ကန့်ကွက်မှုများ ပြုလုပ်ခဲ့သေးသည်။
သက်တမ်း ၁၂၀ ကျော်ပြီ ဖြစ်သည့် ဝန်ကြီးများရုံးအပြင် ပန်းဆိုးတန်း လမ်းမပေါ်ရှိ ရှေ့နေချုပ်ရုံး အဆောက် အအုံကို လည်း ငှားရမ်းမည် မဟုတ်ဟု သိရသည်။
ရန်ကုန်တိုင်း ဒေသကြီး စည်ပင်သာယာရေး ကော်မတီ နယ်နိမိတ်အတွင်း ရှေးဟောင်း အဆောက်အအုံပေါင်း ၁၈၉ ခု ရှိသည်ဟု ကော်မတီ၏ အင်ဂျင်နီယာဌာန (အဆောက်အအုံ) ၏ စာရင်းများ အရ သိရသည်။
၂ဝ၁ဝ ခုနှစ် အစောပိုင်းက အထည်ချုပ်၊ စားသောက်ကုန်၊ အိမ်သုံးကုန်၊ လျှပ်စစ်ပစ္စည်းနှင့် ရုပ်ရှင်ရုံ၊ အဆောက်အဦး များ ပါသော နိုင်ငံပိုင် လုပ်ငန်း ၁၁၀ ကျော်နှင့် ၂၀၀၉ အတွင်း နိုင်ငံပိုင် အဆောက်အဦး၊ မြေယာနှင့် လုပ်ငန်းပေါင်း ၂၆၀ ကို ပုဂ္ဂလိကသို့ လွှဲပြောင်း ရောင်းချခဲ့ကြောင်း လွှဲပြောင်းခဲ့ကြောင်း ပုဂ္ဂလိကပိုင် ပြုလုပ်ရေး ကော်မရှင်က ထုတ်ပြန်ခဲ့သည်။
Ref: မဇ္ဈိမ
မြို့တော်ခန်းမတွင် ဗုံးတွေ့
မျိုးသိဏ်း
တနင်္ဂနွေနေ့၊ အောက်တိုဘာလ ၃၀ ရက် ၂၀၁၁
(မဇ္ဈိမ) ။ ။ ရန်ကုန်မြို့၏ လုံခြုံရေးအတင်းကြပ်ဆုံးနေရာများတွင် တခုအပါအဝင်ဖြစ်သည့် မြို့တော်ခန်းမ ပရဝုဏ် အတွင်း ခန်းမ အဆောက်အအုံရှေ့ မဟာဗန္ဓုလ ပန်းခြံဘက် အခြမ်း ဆင်ဝင်အောက်တွင် တနင်္ဂနွေနေ့ ညနေပိုင်းက ဗုံးတလုံး တွေ့ရှိခဲ့သည်။
ဗုံးဖြစ်ကြောင်း စစ်ဆေးတွေ့ရှိပြီးနောက် ညနေ ၆ နာရီ ဝန်းကျင်ခန့်တွင် မြို့တော်ခန်းမရှေ့ မဟာဗန္ဓုလ လမ်းမကြီးကို ဆူးလေ ဘုရားထောင့်မှ စတင်၍ ယာဉ်သွားလာခွင့် ရပ်ဆိုင်းပြီး ယူနီဖောင်းဝတ် ရဲများက နေရာယူ ပိတ်ဆို့ထားခဲ့သည်။
ဗုံးတွေ့ရှိသည့် သတင်းနှင့် လမ်းပိတ်ဆို့ထားသည့် သတင်းကြောင့် သွားရောက်သတင်းယူသည့် ပြည်တွင်း ဂျာနယ်များမှ သတင်း သမားများကို ရဲအရာရှိအချို့က ဓါတ်ပုံ ရိုက်ကူးခွင့် တားမြစ်ခဲ့ကြောင်း သိရသည်။
“ဓါတ်ပုံမရိုက်ဖို့ လာပြောတယ်။ လုံခြုံရေးကိစ္စဖြစ်လို့ နားလည်ပေးဖို့ ဘာညာ ကောင်းကောင်းမွန်မွန် ပြောတာပါ။ နောက်ပိုင်း သတင်းထောက်တွေ တော်တော်လေး များလာတော့ အုပ်စုလိုက် ခပ်လှမ်းလှမ်းက ဓါတ်ပုံရိုက်တော့ လာမပြောတော့ဘူး။ ”ဟု ပြည်တွင်းဂျာနယ် သတင်းထောက် တဦးက ပြောသည်။
ဗုံးတွေ့ရှိသည့် နေရာသည် သီးသန့် ယာဉ်ရပ်နားခွင့် ကတ်ထုတ်ပေးထားသည့် အရေးကြီးပုဂ္ဂိုလ်များ၏ ယာဉ်ရပ်နားရာ နေရာအနီး ဖြစ်ပြီး ယူနီဖောင်းဝတ် ရဲများ အမြဲတစေ စောင့်ကြပ်နေသည့် နေရာဖြစ်သည်။
သီးခြား တရားဝင် အတည်ပြုချက် မရသော်လည်း အခင်းဖြစ်ပွားရာသို့ ရောက်ရှိနေသည့် သတင်းထောက်များ၏ ပြောဆိုချက် အရ အဆိုပါ ဗုံးအား ဖောက်ခွဲရှင်းလင်း ပစ်ခဲ့သည်ဟု သိရသည်။
“ ၇ နာရီ ၅ မိနစ်လောက်မှာ “ဘုန်း” ဆိုပြီး အဲ့ဒီနေရာကပဲ အသံထွက်လာတယ်။ စောင့်နေတဲ့ လူတွေကော ရဲတွေကော အားလုံး ဝိုင်းကြည့်ကြတယ်။ အထဲနဲ့ အဆက်အသွယ်ရှိတဲ့ တယောက်က လှမ်းမေးတော့ ဗုံးကို ဖောက်ခွဲပစ်မှ ရမှာမို့ ခွဲပစ် လိုက်ရတယ် ပြောတယ်။ အသံက တော်တော်လေးတော့ ကျယ်တယ်။ အဲ့အသံကြားပြီး သိပ်မကြာဘူး မြို့တော်ဝန်လဲ ပြန်သွားပြီလို့ သိရတယ်။” ဟု သွားရောက် သတင်းယူခဲ့သူ သတင်းထောက်က ဆိုသည်။
ရန်ကုန်မြို့တော် စည်ပင်သာယာရေး ကော်မတီရုံး အခြေစိုက်ရာ မြို့တော်ခန်းမအတွင်းသို့ ကိစ္စ အသီးသီးဖြင့် ဝင်ရောက်မည့် သူများအနေဖြင့် မှတ်ပုံတင် (သို့) အထောက်အထားကတ် တခု ပြသရန်လိုပြီး အမျိုးသမီး လက်ကိုင်အိတ် အပါအဝင် မည်သည့် အိတ်မျိုးမှ ယူဆောင်ခွင့် မရှိသလို ရှာဖွေရေး စက်များကိုလဲ ဖြတ်သန်းရသည်။
နောက်ဆက်တွဲ ထပ်မံကြားသိရသည့် သတင်းများအရ ည ၉ နာရီ ၁၂ မိနစ်အချိန်တွင် မြို့တော်ခန်းမ အနီးမှ ကျယ်လောင်သည့် ပေါက်ကွဲသံ တခု ထပ်မံ ထွက်ပေါ်လာကြောင်း သိရပြီး မဟာဗန္ဓုလ လမ်းမအား ပိတ်ပင်ထားဆဲ ဖြစ်ကြောင်း သိရသည်။
Ref: မဇ္ဈိမ
NLD ပါတီ မှတ်ပုံတင်ရေး မကြာမီ ဆုံးဖြတ်မည်
October 28, 2011
အမျိုးသား ဒီမိုကရေစီ အဖွဲ့ချုပ် (NLD) ပါတီ မှတ်ပုံတင်ခြင်း၊ မတင်ခြင်း ကိစ္စကို လာမည့် သီတင်းပတ် အတွင်း ဆုံးဖြတ်နိုင်ဖွယ် ရှိကြောင်း NLD ခေါင်းဆောင်ဦးဝင်းတင်က ပြောသည်။
“ဥပဒေက အတည်ပြုလိုက်ပြီ ဆိုပေမယ့် စီအီးစီ အဖွဲ့တွေ အစည်းအဝေးလုပ်ပြီးမှ အဖြေ ထွက်လာမှာပါ။ NLD မှတ်ပုံတင်ရေး ကိစ္စဟာ အရေးကြီးတဲ့ ကိစ္စဖြစ်လို့ သေချာ ဆွေးနွေးကြရဦးမှာပါ။ နောက်တပတ်အတွင်း အစည်းအဝေး အပြီးမှာ ဆုံးဖြတ်ချက် တခု ထွက်လာနိုင်ပါမှာ” ဟု ဦးဝင်းတင်က ဧရာဝတီကို ပြောသည်။
နိုင်ငံရေးပါတီများ မှတ်ပုံတင်ခြင်း ဥပဒေကို ပြင်ဆင်သည့် ဥပဒေကြမ်းအား ယမန်နေ့က ကျင်းပခဲ့သော ပြည်သူ့ လွှတ်တော် အစည်းအဝေးက အတည်ပြု ပေးခဲ့သည်။ ထိုဥပဒေသည် ၂၀၀၈ ဖွဲ့စည်းပုံ အခြေခံဥပဒေအရ ရေးဆွဲထားခြင်းကို ပြန်လည်ပြင်ဆင် ရေးဆွဲကာ လွှတ်တော် အသီးသီးမှ အတည်ပြုပေးခဲ့ခြင်း ဖြစ်သည်။
ပြင်ဆင်လိုက်သော အချက်များ၌ ၂၀၀၈ ဖွဲ့စည်းပုံအခြေခံဥပဒေအား ထိန်းသိမ်းစောင့်ရှောက်ရမည် ဆိုသည့်အချက် အစား လေးစား လိုက်နာရမည် ဟူ၍ ပြင်ဆင်လိုက်သည်။
ဥပဒေ၏ အချက်တချို့ ပြင်ဆင်လိုက်ခြင်းနှင့် ပတ်သက်၍ ဦးဝင်းတင်က “ထိန်းသိမ်း စောင့်ရှောက် ရမယ် ဆိုတာ အစား လေးစား လိုက်နာရမယ် ဆိုတာက အတော်လေး သက်သာရာ ရသွားတယ်။ ဥပဒေ ဆိုတာ နိုင်ငံသားတိုင်းက လေးစား လိုက်နာရမယ့် ကိစ္စဖြစ်လို့ပါပဲ” ဟု ဆိုသည်။
ထို့အတူ အကျဉ်းကျခံဖူးသူများ နိုင်ငံရေး ပါတီတည်ထောင်နိုင်ခွင့်နှင့် လက်ရှိအကျဉ်းကျ ခံနေရသူများကိုလည်း ပါတီဝင် အဖြစ် သတ်မှတ် ပိုင်ခွင့်ရှိသော အခွင့်အရေးများ ပါဝင်ကြောင်း ပြည်သူ့လွှတ်တော် ကိုယ်စားလှယ် ဦးသိန်းညွန့်က ပြောသည်။
အမျိုးသားလွှတ်တော်မှ ပြင်ဆင်ဆွေးနွေးပြီး ပေးပို့လိုက်သည့်အချက်များ ပြည့်စုံနေ၍ ပြည်သူ့လွှတ်တော်၌ ဆွေးနွေးမှု ထပ်မံ မလုပ်တော့ဘဲ အတည် ပြု ပေးလိုက်ကြောင်းသိရသည်။
“NLD ကိုတော့ မှတ်ပုံတင်ပြီး ပါဝင်စေချင်ပါတယ်။ ကျနော့် ပါတီ တရားဝင်မဖြစ်ခင်က ပြောသလိုပါပဲ၊ ကျနော့် ပါတီတောင် ဖျက်ပေးမယ်လို့ ပြောပြီးပါပြီ၊ တခြားတော့ မပြောလိုတော့ပါဘူး” ဟု ဦးသိန်းညွန့်က ဆိုသည်။
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အနေဖြင့် ပါတီတရပ်တည်ထောင်၍ နိုင်ငံရေး ဇာတ်ခုံပေါ်သို့ ၀င်ရောက် စေလိုကြောင်း၊ ဒီမိုကရေစီ တိုးတက်ဖြစ်ထွန်းရေး ကိစ္စတွင် ဒေါ်အောင်ဆန်းစုကြည်၏ ဦးဆောင်မှု အခန်း ကဏ္ဍသည် အလွန်ပင် အရေးကြီးကြောင်း အမျိုးသား ဒီမိုကရေစီ အင်အားစု (NDF) ပါတီ၏ ခေါင်းဆောင် ဦးခင်မောင်ဆွေက ဧရာဝတီကို ပြောသည်။
“ဒေါ်အောင်ဆန်းစုကြည် အနေနဲ့ ပါတီတခု ထောင်ပြီးတော့ နိုင်ငံရေး ကစားကွင်းအတွင်းကို ၀င်လာမယ်ဆိုရင် ပိုလှမယ်။ နိုင်ငံရေး လုပ်ကွက်ထဲ ခြေမချဘဲ ဘေးတီးနေကြရင်တော့ ဘာမှထိရောက်မှု ရှိလာမှာ မဟုတ်ပါဘူး” ဟု သူက ဆိုသည်။
သမ္မတ ဦးသိန်းစိန်နှင့် ဒေါ်အောင်ဆန်းစုကြည်တို့၏ တွေ့ဆုံဆွေးနွေးမှု နောက်ပိုင်းတွင် နိုင်ငံရေးအကျဉ်းသား တချို့ လွှတ်ပေးခြင်း၊ ပါတီနိုင်ငံရေး မှတ်ပုံတင်ခြင်းနှင့် ဆိုင်သည့် ဥပဒေတချို့ ပြင်ဆင်ခြင်းများ ရှိလာကြောင်း၊ NLD ပါတီအား တရားဝင် မှတ်ပုံ တင်စေလိုသည့်ဆန္ဒ အစိုးရတွင် ရှိပုံရကြောင်း ပြည်သူ့လွှတ်တော် ကိုယ်စားပြုကော်မတီ (CRPP) ၏ အတွင်းရေးမှူး ဦးအေးသာအောင်က ပြောသည်။
NDF ပါတီခေါင်းဆောင် ဦးခင်မောင်ဆွေက “ဒေါ်အောင်ဆန်းစုကြည်သာ ပါတီထောင်ပြီး နိုင်ငံရေးလောကထဲ ၀င်ရောက်လာမယ် ဆိုရင် ဒီမိုကရေစီ အင်အားစုတွေ အင်အား ကောင်းလာမှာ၊ ကြီးထွားလာမှာ ဖြစ်လို့ ကြိုဆို နေတယ်” ဟု ဆိုသည်။
နိုင်ငံရေးပါတီများ မှတ်ပုံတင်ခြင်းဥပဒေ ထွက်လာပြီး နောက်ပိုင်းကာလတွင် NLD ပါတီမှတ်ပုံတင်ရေး၊ မတင်ရေး၊ ရွေးကောက်ပွဲ ၀င်ရေး၊ မဝင်ရေးတို့နှင့် ပတ်သက်၍ ပြည်တွင်း၊ ပြည်ပ၌ သဘောထား အမျိုးမျိုး ထွက်ပေါ်လာသည်။
ပြည်တွင်းသဘောထားနှင့် ပတ်သက်၍ ဦးအေးသာအောင်က “တချို့ရဲ့ အမြင်ကတော့ ၂၀၀၈ ဖွဲ့စည်းပုံရဲ့ ပြင်စရာတွေ၊ တခြား လုပ်ဆောင်ဖို့ လိုအပ်တာတွေကို ပြုပြင် လုပ်ဆောင်ပြီးမှ ၂၀၁၅ ရွေးကောက်ပွဲကို ၀င်စေချင်ကြတယ်။ တချို့ကတော့ ကြားဖြတ် ရွေးကောက်ပွဲမှာ ရသလောက် ပါဝင်ပြီး လွှတ်တော်ထဲကနေ ဒေါ်အောင်ဆန်းစုကြည်ရဲ့ အင်အားနဲ့ လုပ်သွား ချင်နေကြတယ်” ဟု ဆိုသည်။
ဒေါ်အောင်ဆန်းစုကြည်နှင့် သမ္မတ ဦးသိန်းစိန်တို့ တွေ့ဆုံမှု၊ အစိုးရအဖွဲ့ဝင်များနှင့် တွေ့ဆုံနွေးမှုများသည် NLD ပါတီ တခုတည်း အတွက်မဟုတ်ဘဲ တနိုင်ငံလုံးရှိ မဟာမိတ် နိုင်ငံရေးပါတီများ၊ တိုင်းရင်းသားလူမျိုးစုများ၊ တနိုင်ငံလုံးရှိ ဒီမိုကရက်တစ် အင်အားစု များနှင့်လည်း သက်ဆိုင်နေကြောင်း၊ ထို့ကြောင့် အမျိုးသားပြန်လည် ရင်ကြားစေ့ရေး အပါအဝင် နိုင်ငံရေး ဖြစ်ထွန်း တိုးတက်မှု များပေါ်တွင် မူတည်၍ အားလုံးနှင့် ပူးပေါင်း ဆောင်ရွက်သွားမည် ဖြစ်ကြောင်း သူက ဆက်ပြောသည်။
ပါတီမှတ်ပုံတင်ခြင်း ဥပဒေတွင် ပြင်ဆင်လိုက်သော အချက်တချို့သည် အခြေအနေ ကောင်းမွန်သည်ဟု ပြောဆိုနိုင်ပြီး NLD အနေဖြင့် ပါတီ မှတ်ပုံတင်ခြင်းနှင့် ရွေးကောက်ပွဲဝင်ခြင်း နှစ်ခုစလုံးကို သေချာစဉ်းစား ဆုံးဖြတ် သွားမည်ဟု ဦးဝင်းတင်က ဆိုသည်။
NLD ပါတီဝင်တဦးဖြစ်ပြီး ဒေါ်အောင်ဆန်းစုကြည်၏ ကိုယ်ရေးအရာရှိလည်း ဖြစ်သော ဦးဝင်းထိန်က “NLD ပါတီ မှတ်ပုံ တင်တာနဲ့ ပတ်သက်လို့ တနိုင်ငံလုံးက မြို့နယ်တွေရဲ့ ဆန္ဒ သဘောထားတွေကို ယူရဦးမှာပါ။ ၂၀၁၀ တုန်းကတော့ မှတ်ပုံတင်မယ့် ကိစ္စကို မြို့နယ် ၁၀၀ မှာ ၉၉ မြို့နယ်က သဘောမတူခဲ့ကြပါဘူး။ ဒါပေမယ့် အခုက ဥပဒေ ပြင်ဆင်လိုက်တော့ အခြေအနေက မတူတော့ဘူးပေါ့” ဟု ပြောသည်။
နိုင်ငံရေးပါတီများ မှတ်ပုံတင်ခြင်း ဥပဒေကြမ်းအား ပြည်ထောင်စု ရွေးကောက်ပွဲကော်မရှင် အဖွဲ့ဝင် ဦးမြင့်နိုင်က အမျိုးသား လွှတ်တော်၌ အဆိုပြု တင်သွင်းကာ ကိုယ်စားလှယ်များက ဆွေးနွေး အတည်ပြုပြီး ပြည်သူ့လွှတ်တော် သို့ပေးပို့၍ အတည်ပြုချက် ရယူခဲ့ခြင်း ဖြစ်သည်။
Ref: ဧရာဝတီ
အာဆီယံဥက္ကဋ္ဌအရေး စိစစ်ရန် အင်ဒိုဝန်ကြီး မြန်မာပြည်ရောက်
October 28, 2011
အင်ဒိုနီးရှားနိုင်ငံခြားရေးဝန်ကြီး Mr. Marty Natalegawa သည် နိုင်ငံရေးဖြစ်ထွန်းမှု အခြေအနေများကို ၃ ရက်ကြာ လေ့လာရန် အတွက် ယနေ့မြန်မာနိုင်ငံသို့ ရောက်ရှိလာသည်။
၂၀၁၄ ခုနှစ် အာဆီယံဥက္ကဋ္ဌတာဝန်ပေးအပ်ရေး ကိစ္စအား ဆုံးဖြတ်ဖွယ်ရှိသည့် လာမည့်လ အာဆီယံ ညီလာခံ မတိုင်မီ မြန်မာနိုင်ငံသို့ လာရောက်ခြင်းဖြစ်သည်။
ဝန်ကြီး Mr. Natalegawa သည် နိုင်ငံရေးဖြစ်ထွန်းမှုများအပြင် အသင်းဥက္ကဋ္ဌနိုင်ငံက လက်ခံ ကျင်းပရမည့် နှစ်ပတ်လည် ညီလာခံ ၃ ခုကို မြန်မာနိုင်ငံက တာဝန်ယူနိုင်ဖွယ် ရှိမရှိ ဟူသော အခြေအနေများကိုလည်း ခရီးစဉ်အတွင်း လေ့လာ သွားမည်ဖြစ်သည်ဟု အမည်မဖော်လိုသူ အကြီးတန်း သံတမန်တဦးက ပြောသည်။
ထိုညီလာခံများတွင် ဥရောပသမဂ္ဂ နိုင်ငံများ နှင့် အမေရိကန်ပြည်ထောင်စုတို့လည်း တက်ရောက်လေ့ရှိရာ မြန်မာပြည်တွင် ညီလာခံများ ကျင်းပပါက ထိုအနောက်နိုင်ငံများ သပိတ်မှောက်ဖွယ် ရှိသည့် အခြေအနေကို အာဆီယံက စိုးရိမ်မကင်း ဖြစ်နေသည်။
Mr. Natalegawa က ခရီးစဉ်အတွင်း သမ္မတဦးသိန်းစိန် အပါအ၀င် အစိုးရခေါင်းဆောင်များ၊ အစိုးရ အဖွဲ့ဝင် ၀န်ကြီးများကို တွေ့ဆုံမည် ဖြစ်သည်။ ဒီမိုကရေစီ လှုပ်ရှားမှု ခေါင်းဆောင် ဒေါ်အောင်ဆန်းစုကြည် အပါအ၀င် နိုင်ငံရေးပါတီ ခေါင်းဆောင်များနှင့်လည်း တွေ့ဆုံမည်ဟု သိရသည်။
Mr. Natalegawa သည် မြန်မာပြည်အတွင်း အခြေအနေအသေးစိတ်ကို သိရှိလိုကြောင်း မကြာသေးမီက ပြောကြား ခဲ့ပြီး ဖြစ်သည်။ မြန်မာပြည်တွင် ရှိစဉ် လုပ်ငန်းရှင်များ၊ လူထုအခြေပြု လူမှုအဖွဲ့အစည်းများ၊ အမျိုးသား လူ့အခွင့်အရေး ကော်မရှင် စသည်တို့နှင့်လည်း တွေ့ဆုံရန် စီစဉ်ထားကြောင်း သိရသည်။
ရန်ကုန်မြို့တွင် စီးပွားရေးလုပ်ငန်းရှင်များ၊ NGO အဖွဲ့များနှင့် တွေ့ပြီး စီးပွားရေး၊ ပညာရေး၊ ကျန်းမာရေး၊ လူငယ်ရေးရာ ကဏ္ဍများနှင့် ပတ်သက်ပြီး လေ့လာမည်ဟု အကြီးတန်း အင်ဒိုနီးရှား သံတမန်တဦးက ပြောသည်။
“သူက (Mr. Natalegawa က) တိုင်းရင်းသား ပဋိပက္ခကို မြန်မာနိုင်ငံမှာ ဘယ်လို ဖြေရှင်းနေသလဲ ဆိုတာကိုလည်း သိချင် နေပါတယ်” ဟု ထို သံတမန်က ပြောသည်။
အရေးအကြီးဆုံး တွေ့ဆုံမှုများတွင် ဒေါ်အောင်ဆန်းစုကြည်နှင့် တွေ့ဆုံဆွေးနွေးခြင်းလည်း ပါဝင်သည်။ ဒေါ်အောင်ဆန်းစုကြည် ၏ အမြင်သည် မြန်မာနိုင်ငံအား၂၀၁၄ ခုနှစ် အာဆီယံဥက္ကဋ္ဌတာဝန် ပေးအပ်ရေးအတွက် အင်ဒိုနီးရှား နိုင်ငံက ထောက်ခံသင့် မသင့် စဉ်းစားရာတွင် လွှမ်းမိုးဖွယ်ရှိကြောင်း သိရသည်။
အာဆီယံဥက္ကဋ္ဌတာဝန်ယူလိုသည့် မြန်မာအစိုးရအတွက် Mr. Natalegawa ၏ ခရီးစဉ်က အလွန် အရေး ပါနေသည်။
ဦးသိန်းစိန်သည် သမ္မတဖြစ်လာပြီးနောက် အာဆီယံဥက္ကဋ္ဌတာဝန်အရေးအတွက် ဦးစားပေးလုပ်ဆောင်ခဲ့ပြီး ယခု နှစ်ဆန်းပိုင်း အာဆီယံ ညီလာခံ ဆုံးဖြတ်ချက်များကို စိတ်ပျက်လက်ပျက် ဖြစ်ခဲ့ကြောင်း ၀ါရင့် မြန်မာသံတမန်တို့က ပြောသည်။
“ဦးသိန်းစိန်က အာဆီယံကို အလေးထားတာက သံတမန်ရေး၊ စီးပွားရေးတို့အတွက်ပါ” ဟု အမည်မဖော်လိုသူ အငြိမ်းစား မြန်မာ သံတမန်တဦးက ဧရာဝတီကို ပြောသည်။
တနင်္လာနေ့တွင် အမေရိကန်အစိုးရ၏ မြန်မာပြည်ဆိုင်ရာအထူးကိုယ်စားလှယ် Mr. Derek Mitchell က မြန်မာပြည်သို့ သွားရောက် ခဲ့သေးသည်။ သူက နေပြည်တော်ရှိ အစိုးရ ထိပ်တန်း ခေါင်းဆောင်များ၊ ရန်ကုန်ရှိ ဒေါ်အောင်ဆန်းစုကြည် တို့နှင့် တွေ့ဆုံခဲ့သည်။
မြန်မာပြည်အား အာဆီယံဥက္ကဋ္ဌတာဝန်ပေးအပ်ရေးတွင် အမေရိကန်အစိုးရ၏ သဘောထားကိုလည်း ထည့်သွင်း စဉ်းစားမည်ဟု အာဆီယံ အသင်း အတွင်းရေးမှူးချုပ် Mr. Surin Pitsuwan က ယခုနှစ်ဆန်းပိုင်းတွင် ဧရာဝတီကို ပြောကြားခဲ့သည်။
အမေရိကန်အစိုးရက နေပြည်တော်တွင်ပြုလုပ်မည့် အာဆီယံညီလာခံများကို သပိတ်မှောက်မည် ဆိုပါက ၂၀၁၅ ခုနှစ်တွင် ဒေသဆိုင်ရာ စီးပွားရေးဇုန် တည်ထောင်ရန် ကြိုးစားနေသည့် အာဆီယံ အသင်းအတွက် အကြီးအကျယ် အခက် တွေ့မည်ဖြစ်သည်။
Ref: ဧရာဝတီ
ဂဒါဖီသား လက်နက်ချနိုင်ဖို့ ICC ညှိနှိုင်းနေ
စနေ, 29 အောက်တိုဘာ 2011
တရားခံပြေးတစ်ဦးဖြစ်ပြီး သေဆုံးသွားတဲ့ လစ်ဗျားခေါင်းဆောင်ဟောင်း မိုမာဂဒါဖီရဲ့ သားဟာ တရား ဥပဒေ အရ ရင်ဆိုင်ဖို့ အတွက် လက်နက်ချဖို့ ကြားခံ တစ်ဦးက တဆင့် ဆွေးနွေးနေကြောင်း အပြည်ပြည်ဆိုင်ရာ ရာဇ၀တ်မှု တရားရုံး ICC က ပြောဆို လိုက်ပါတယ်။
ဆာဟိ အယ်လ် အစ္စလာမ် ဂဒါဖီ ကို အာဖရိကနိုင်ငံ တစ်ခုကို ထွက်ပြေးနိုင်ဖို့ ကြေးစား တပ်ဖွဲ့တွေက အကူအညီ ပေးနေကြောင်း လေ့လာ သိရှိရတယ်လို့ ICC နိုင်ငံတကာ တရားရုံးရဲ့ ရှေ့နေ လူးဝစ် မိုရီနို အိုကမ်းပိုး ကပြောပါတယ်။
ဂဒါဖီရဲ့သားကို လေယာဉ်နဲ့ တင်ဆောင်လာမယ်ဆိုရင် လေယာဉ်ကို ICC တရားရုံး အနေနဲ့ ကြားဝင် ဟန့်တားပိုင်ခွင့် ရှိတယ်လို့လည်း မိုရီနို အိုကမ်းပိုး ကပြောပါတယ်။ မကြာခင်က ရရှိတဲ့ သတင်းတွေအရ ဆာဟိ အယ်လ် အစ္စလာမ် ဟာ ဆာဟာရကို ဖြတ်ပြီး အိမ်နီးချင်း နိုင်ငံ တစ်ခုကို သွားနေတယ်လို့ ဆိုပါတယ်။
ဆာဟိအစ္စလာမ်ဂဒါဖီအပေါ် နိုင်ငံတကာ တရားရုံးက လူသားမျိုးနွယ်တွေ အပေါ် ကျူးလွန်တဲ့ ရာဇ၀တ်မှုနဲ့ တရား စွဲဆို ထားတာဖြစ်ပါတယ်။ သူ့အဖေအပေါ် ဆန့်ကျင်ဆန္ဒပြကြတဲ့ ပြည်သူတွေကို သတ်ဖြတ်ခဲ့တယ်လို့ ဆိုပါတယ်။ ကြားခံလူက တဆင့် ပြောဆိုရာမှာ ဆာဟိအစ္စလာမ်က သူဟာ အပြစ်မရှိသူ တစ်ဦး ဖြစ်ပါတယ်လို့ ပြောကြောင်း ရိုက်တာ သတင်းဌာနက ဖော်ပြ ထားပါတယ်။
Ref: VOA News
Posts
