ဗုဒ္ဓဟူးနေ့၊ သြဂုတ်လ ၀၄ ရက် ၂၀၁၀
ချင်းမိုင် (မဇ္ဈိမ) ။ ။ အိန္ဒိယဝန်ကြီးချုပ် မန်မိုဟန်ဆင်း၏ မြန်မာနိုင်ငံအပေါ်ထားသည့် မူဝါဒအား သဘော မတူကြောင်း ငယ်စဉ်က မြန်မာနိုင်ငံ မန္တလေးတွင် နေထိုင်ဖူးသူ အိန္ဒိယ နိုင်ငံသား စီးပွားရေး နိုဘယ်ဆုရှင် ပါမောက္ခ အမာတြာဆန်း (Amartya Sen) က ယမန်နေ့တွင် ပြောကြား လိုက်သည်။
နယူးဒေလီမြို့၌ ပြုလုပ်သော စာတတ်မြောက်ရေးဆိုင်ရာ ဟောပြောပွဲတခုတွင် ပြောကြားလိုက်ခြင်း ဖြစ်ပြီး ထူးခြားသည်မှာ ယင်း ဟောပြောပွဲသို့ စီးပွားရေးပညာရှင် ဝန်ကြီးချုပ် မန်မိုဟန်ဆင်းလည်း တက်ရောက်နေချိန် ပြောဆိုခြင်း ဖြစ်သည်။ ”ခင်ဗျားရဲ့ မြန်မာနိုင်ငံ အပေါ် မှာထားတဲ့ ပေါ်လစီကို ကျနော် သဘောမတူပါဘူး။ အိန္ဒိယလို ဒီမိုကရေစီ နိုင်ငံမျိုးမှာ ဝန်ကြီးချုပ်ကို ကျနော် ဒါမျိုး ပြောလို့ရတယ်" ဟုဆိုသော အမာတြာဆန်း၏ ပြောစကားကို ကိုးကား၍ ပီတီအိုင် သတင်းတရပ်တွင် ရေးသားထားသည်။
ဗိုလ်ချုပ်မှူးကြီးသန်းရွှေက အိန္ဒိယနိုင်ငံသို့ ယခင်လက အလည်အပတ် ခရီးသွား ရောက်ခဲ့ပြီးနောက် စီးပွားရေး နိုဘယ်ဆုရှင်က ထုတ်ဖော် ပြောဆိုခြင်းလည်း ဖြစ်သည်။
ထိုခရီးစဉ်တွင် မြန်မာစစ်ခေါင်းဆောင်ကို အိန္ဒိယအစိုးရက ကော်ဇောနီဖြင့် ကြိုဆိုခဲ့သည်။ နှစ်နိုင်ငံအကြား ရာဇဝတ်မှု ဆိုင်ရာ အပြန်အလှန် အကူအညီ ပေးရေး၊ ရင်းနှီးမြှုပ်နှံမှု၊ စွမ်းအင်ကဏ္ဍနှင့် လမ်းပန်း ဆက်သွယ်ရေးတို့ အပါအဝင် သဘောတူညီမှုများ လက်မှတ် ထိုးနိုင်ခဲ့ သည်။
ပါမောက္ခ အမာတြာဆန်း၏ ဝေဖန် ပြောဆိုချက်သည် အိန္ဒိယ၏ မြန်မာအပေါ်ထားသော မူဝါဒနှင့် သာမာန် အိန္ဒိယ နိုင်ငံသားများ အပေါ် လွှမ်းမိုးမှု မရှိနိုင်သော်လည်း တတ်သိပညာရှင် အသိုင်းအဝိုင်း အပေါ်ကိုမူ လွှမ်းမိုးမှုရှိမည်ဟု မြန်မာ့ဒီမိုကရေစီ အရေးကို အားပေး ထောက်ခံသူ ဆမာတာပါတီ ခေါင်းဆောင်ဟောင်း မစ္စဂျရားဂျတ်တလီ (Jaya Jaitly) က ပြောသည်။
“ကျမလည်း အံ့သြသွားတယ်။ ဒါမျိုး သူအရင်က ပြောလေ့မရှိဘူး။ သူက စီးပွားရေးပညာရှင် ဆိုတော့ ဆင်းရဲမွဲတေမှု ကိစ္စတွေပဲ ပြောလေ့ရှိတာပဲ။ ဒီမိုကရေစီနဲ့ နိုင်ငံရေးကိစ္စတွေ သိပ်မပြောပါဘူး။ သူအခုပြောတာဟာ အိန္ဒိယက မြန်မာကို နိုင်ငံရေးအရ ဆက်ဆံနေတာကို အဓိကထား ပြောတာလို့ ယူဆပါတယ်” ဟု သူက မဇ္ဈိမကို ပြောသည်။ အိန္ဒိယနိုင်ငံသား အမာတြာဆန်းသည် ငတ်မွတ်မှုနှင့် ဆင်းရဲမွဲတေမှုတို့ကို ဖြစ်ပေါ်စေသည့် စီးပွားရေး အကြောင်းခံ သဘောတရားများနှင့် ပတ်သက်၍ လေ့လာ ရှင်းလင်းနိုင်ခဲ့သဖြင့် စီးပွားရေး နိုဘယ်ဆုကို ၁၉၉၈ ခုတွင် ရရှိခဲ့သည်။
အသက် ၇ဝ ကျော်ပြီဖြစ်သော ဆန်းသည် စီးပွားရေး ပါရဂူဘွဲ့ကို ဗြိတိန်နိုင်ငံ ကိန်းဘရစ်ခ်ျ တက္ကသိုလ်မှ ၁၉၅၉ တွင် ရရှိခဲ့ပြီး လက်ရှိတွင် အမေရိကန်နိုင်ငံ ဟားဗတ်တက္ကသိုလ်၌ စီးပွားရေးနှင့် ဒဿနဗေဒ ပါမောက္ခအဖြစ် ထမ်းဆောင်နေသည်။
ဒုတိယ ကမ္ဘာစစ်မဖြစ်ခင် မန္တလေး ဥပစာကောလိပ်တွင် ဖခင်ဖြစ်သူ ဧည့်ကထိကအဖြစ် အမှုထမ်းစဉ် အမာတြာဆန်းသည် အသက် ၃ နှစ်မှ ၆ နှစ်အထိ မန္တလေးမြို့တွင် နေထိုင်ဖူးသည်။
Ref: မဇ္ဈိမ
Thursday, August 5, 2010
အိန္ဒိယဝန်ကြီးချုပ်၏ မြန်မာအပေါ် မူဝါဒကို မန္တလေးထွက် စီးပွားရေး နိုဘယ်ဆုရှင် သဘောမတူ
KNLA နှင့် နအဖတပ် တိုက်ပွဲဖြစ်၊ နအဖ ၉ ဦး ကျဆုံး
သန်းထိုက်ဦး
Wednesday, August 04, 2010
နအဖ စစ်တပ်နှင့် ကရင်အမျိုးသား လွတ်မြောက်ရေး တပ်မတော် (KNLA) တပ်ဖွဲ့ဝင်များ ယမန်နေ့က တိုက်ပွဲ ဖြစ်ပွားခဲ့ရာ နအဖ တပ်ဘက်မှ ဒု တပ်ရင်းမှူး အပါအ၀င် ၉ ဦး ကျဆုံးပြီး ၁၄ ဦး ဒဏ်ရာ ရရှိခဲ့ကြောင်း ကရင်အမျိုးသား အစည်းအရုံး (KNU) က ပြောသည်။
အဆိုပါ တိုက်ပွဲသည် ကရင်ပြည်နယ် ပိုင်ကျုံမြို့နယ်ရှိ KNLA တပ်မဟာ (၇) ထိန်းချုပ်ရာ ဒေသအတွင်း နအဖ၏ စစ်ဒေသ ကွပ်ကဲရေး ဌာနချုပ် (စကခ) (၁၉) လက်အောက်ခံ ခြေလျင်တပ်ရင်း (၆၂) တပ်ဖွဲ့ဝင်များနှင့် ဖြစ်ပွားခဲ့ခြင်း ဖြစ်သည်ဟု KNU ဘားအံခရိုင် ဥက္ကဋ္ဌ ဖဒို စောအောင်မော်အေး က ဧရာဝတီသို့ ပြောပြသည်။
အနဖတပ်များက ယင်းဒေသ၌ လှုပ်ရှားနေသော KNLA တပ်ဖွဲ့ဝင်များကို နယ်မြေရှင်းလင်းရန် ၀င်ရောက်လာစဉ် ပြောက်ကျား စနစ်ဖြင့် တိုက်ခိုက် ခံရသောကြောင့် ယခုကဲ့သို့ ကျဆုံးခြင်းဖြစ်ကြောင်း ဖဒို စောအောင်မော်အေးက ဆိုသည်။
“အရင်တုန်းကလည်း ကျနော်တို့သွားရင် သူတို့လာတယ်။ မေးတယ်၊ မြန်းတယ်၊ ရှင်းတယ်။ သူတို့ မရှင်းရင် DKBA (တိုးတက်သော ဗုဒ္ဓဘာသာ ကရင်အမျိုးသား တပ်မတော်) ကို လာရှင်းခိုင်းတယ်။ ဒါပေမယ့် ကျနော်တို့ ရှောင်တယ်။ အခုတကြိမ်တော့ ကျနော်တို့ မရှောင်တော့ဘူး” ဟု ၎င်းက ဆိုသည်။
တိုက်ပွဲ ဖြစ်ပွားချိန်တွင် နအဖဘက်မှ တပ်အင်အား ၁၂၀ ခန့်ရှိပြီး KNLA ဘက်မှ တပ်သား ၁၅ ဦးတို့က ပြောက်ကျား စနစ်ဖြင့် မိနစ် ၃၀ ခန့်ကြာ တိုက်ခိုက်ခဲ့ကြောင်း၊ KNLA တပ်ဖွဲ့ဝင်များ သေဆုံး၊ ထိခိုက် ဒဏ်ရာရရှိသူများ မရှိကြောင်း ဖဒို စောအောင် မော်အေးက ပြောသည်။
တိုက်ပွဲတွင် ဒဏ်ရာရရှိသူများနှင့် သေဆုံးသူများကို DKBA နှင့် ယင်း ဒေသရှိ ဒေသခံရွာသားများကို အကူအညီတောင်း၍ နအဖ တပ်များက ဝေါလေ တပ်စခန်းသို့ ပြန်လည် သယ်ဆောင် သွားကြောင်း သိရသည်။
ထိုဒေသများတွင် KNLAတပ်ဖွဲ့ဝင်များ အပြင် DKBAမှ (၉၉၉) တပ်ဖွဲ့ဝင်များနှင့် စကခ လက်အောက်ခံ တပ်ရင်း ၄ ရင်းခန့် အခြေစိုက်ကာ လှုပ်ရှားလျက်ရှိသည်။
KNLA တပ်ဖွဲ့ဝင်များနှင့် ကရင်ဒုက္ခသည် ကူညီကယ်ဆယ်ရေး အဖွဲ့တဖွဲ့ ဖြစ်သည့် Free Burma Rangers (FBR) တို့ ပူးပေါင်း ၍ ထို ဒေသအတွင်းရှိ ရွာသားများကို ကျန်းမာရေးအတွက် လိုအပ်သည့် ဆေးဝါးများ ထောက်ပံ့ကူညီ ပေးနေကြောင်း သိရ သည်။
ပြီးခဲ့သည့် ဇွန်လ ၁၀ ရက်နေ့ကလည်း မွန်ပြည်နယ် သံဖြူဇရပ်မြို့ နယ် အတွင်း၌ နအဖ စစ်တပ် ယာဉ်တန်းတခုကို KNU တပ်ဖွဲ့ဝင် များက ခြုံခို တိုက်ခိုက်ခဲ့ရာ နအဖ တပ်ဖွဲ့ဝင် ၁၁ ဦး သေဆုံးပြီး ၂၀ ခန့် ဒဏ်ရာ ရရှိခဲ့သေးသည်။
Ref: ဧရာဝတီ်
နိုင်ငံကူးလက်မှတ်အသစ်များ စတင်ထုတ်ပေး
မြတ်ခိုင်ဦး
၀၄ သြဂုတ် ၂၀၁၀
ယခုနှစ်အစောပိုင်းကတည်းက ကြေညာထားခဲ့သော bar code စနစ်သုံး မြန်မာနိုင်ငံကူးလက်မှတ် အသစ်များကို ယခု ရက်ပိုင်းမှ စ၍ ဘန်ကောက်ရှိ မြန်မာသံရုံးမှ စတင် ထုတ်ပေးနေပြီ ဖြစ်ကြောင်း သိရသည်။
ယခုရက်ပိုင်းအတွင်းမှစတင်၍ ဘန်ကောက်ရှိ မြန်မာသံရုံးသို့ မိမိကိုင်ဆောင်ထားသော နိုင်ငံကူး လက်မှတ်၏ သက်တမ်းတိုးခြင်း၊ စာအုပ် စာမျက်နှာကုန်၍ အသစ် လဲလှယ်လို၍ သွားရောက်သူများအား အဆိုပါနိုင်ငံကူး လက်မှတ်အသစ်ကို ပြုလုပ် ပေးနေခြင်း ဖြစ်သည်။ အဆိုပါ စာအုပ်အသစ် ပြုလုပ်ခြင်း ကာလသည် (၁၄) ရက် ကြာမြင့်မည်ဖြစ်ကြောင်း သိရှိရသည်။
ပြီးခဲ့သည့် ဧပြီလမှစတင်၍ နိုင်ငံကူးလက်မှတ်အသစ်များအား သံရုံးအသီးသီးမှ ပြောင်းလဲထုတ်ပေးမည်ဟု ကြေညာ ထားခဲ့သော်လည်း မပြုလုပ် နိုင်ခဲ့သေးဘဲ ယခုရက်ပိုင်း အတွင်းမှ စတင်၍ ထုတ်ပေး နေခြင်းဖြစ်သည်။
မေလအတွင်းက သွားရောက်သက်တမ်းတိုးသူတဦးက “ကျနော်တို့သွားလုပ်တုန်းက မရသေးဘူး။ ကျနော်တို့ကို ဘာညွှန်ကြားချက်မှ မလာသေးပါဘူး ဆိုပြီး back date နဲ့ လုပ်ပေးလိုက်တယ်” ဟု ဆိုသည်။
ထိုသို့သွားရောက်လဲလှယ်ရာတွင် (က) နိုင်ငံကူးလက်မှတ်မူရင်းနှင့် စာမျက်နှာအားလုံး၏ မိတ္တူများ၊ (ခ) (၁.၅ × ၂.၀) လက်မ အရွယ်အစား ဓာတ်ပုံ (၃) ပုံ၊ (ဂ) လက်ရှိလအထိ အခွန် ဆောင်ထားသော ပြေစာ မိတ္တူ၊ (ဃ) ကျောင်းသားဖြစ်လျှင် ကျောင်းသားဖြစ်ကြောင်း ထောက်ခံစာနှင့် ကျောင်းသား ကတ်မိတ္တူ (သို့) မှီခိုသူဖြစ်ပါက ၎င်း အမှီခိုခံရသူ၏ အခွန်ပြေစာ လက်မှတ် (သို့) အလုပ် လုပ်ကိုင်နေပါက အလုပ်လုပ်ကြောင်း ထောက်ခံစာ (အလုပ်ခန့်စာ)၊ (င) ဘတ်ငွေ (၄,၀၀၀) တို့ ပေးဆောင်ရမည် ဖြစ်သည်။ ယခင်က (၃) နှစ်ကာလအတွက် စာအုပ်သက်တမ်း တိုးမည်ဆိုပါက ဘတ်ငွေ (၄,၀၀၀)၊ (၁၀) နှစ်ပြည့် (သို့) စာမျက်နှာ ကုန်ဆုံး၍ စာအုပ်အသစ် လုပ်မည်ဆိုပါက ဘတ်ငွေ (၁၂,၀၀၀) ပေးဆောင်ရသည်။
အဆိုပါ စာအုပ်အပြောင်းအလဲကို မဖြစ်မနေ လုပ်ရမည်ဖြစ်ကြောင်း သံရုံးတွင် စာကပ်ထားသည်ဟု သိရသည်။ သင်္ဘောသားများမှ လွဲ၍ ကျန်သည့် မြန်မာနိုင်ငံကူး လက်မှတ် ကိုင်ဆောင်သူများ၏ စာအုပ် သက်တမ်းသည် (၃) နှစ် (၁) ကြိမ် တိုးမြှင့်ရမည်ဖြစ်ပြီး၊ သင်္ဘောသားများမှာ သက်တမ်း (၅) နှစ်ရရှိမည် ဖြစ်သည်။
ကိုယ်တိုင်သွားရောက် လုပ်ဆောင်ခဲ့သူတဦးက “ဘာလဲမသိဘူး၊ ထပ်ထည့်ထားတာပဲ ဆိုတော့ စက်နဲ့ ဖတ်လို့ ရတယ်ပေါ့၊ ကျန်တာ အရင်အတိုင်းပဲ၊ ဘယ်ညာ လက်မ လက်ဗွေကို သူတို့ စက်ကလေးမှာ နှိပ်ရတယ်” ဟု ဆိုသည်။
အဆိုပါ လက်ဗွေများကို စက်ဖြင့်ဖတ်၍ရရန် ထည့်သွင်းသွားမည်ဖြစ်ပြီး ကိုင်ဆောင်သူ လက်မှတ်လည်း မှတ်တမ်းသွင်း ပါရှိမည်ဖြစ်သည်။ အဆိုပါ အမှတ်အသား အားလုံးသည် Digital စနစ်အဖြစ် လက်ခံစစ်ဆေး၍ ရနိုင်မည် ဖြစ်သည်။ အဆိုပါ အပြောင်းအလဲ ကာလအတွင်း ယခင် နိုင်ငံကူးလက်မှတ် အဟောင်းအား ကာယယကံရှင်မှ ကိုင်ဆောင်ထားခွင့် ရှိကာ ဗီဇာသက်တမ်း မကုန်ဆုံးသေးသည် အထိ ဆက်လက် အသုံးပြုနိုင်မည် ဖြစ်သည်။
Ref: ခေတ်ပြိုင်
မြစ်ထဲသွန်ချင်နေတဲ့ ရေနံချောင်းကြက်သွန်
ဗုဒ္ဓဟူးနေ့၊ သြဂုတ်လ ၀၄ ရက် ၂၀၁၀
ချင်းမိုင် (မဇ္ဈိမ)။ ။ လတ်တလော ကြက်သွန်နီဈေး ကျဆင်းမှုကြောင့် ကြက်သွန်ဈေး အသင့်အတင့် ပြန်လည်ရရှိရေး ဆောင်ရွက် ပေးရန် ဗိုလ်ချုပ်မှူးကြီး သန်းရွှေထံ ရေနံချောင်းမြို့နယ် ကြက်သွန်စိုက် တောင်သူများနှင့် ကုန်သည်များက စုပေါင်း လက်မှတ်ထိုးကာ စာပို့မည်ဖြစ်ပြီး တစုံတရာ ထူးခြားမှုမရှိပါက ဧရာဝတီ မြစ်ထဲသို့ ကြက်သွန်များကို သွားရောက် သွန်ပစ်မည်ဟုဆိုသည်။
“ ကျနော်တို့ ဆုံးရှုံးထားတာက သိန်း ၃ဝဝ လောက် ဆုံးရှုံးထားတာဆိုတော့ သုံးလေးသိန်း ဘိုးလောက်တော့ ကျနော်တို့ သွန်ပစ်နိုင်တယ်” ဟု ရေနံချောင်းမြို့ ရှိ ကြက်သွန်ပိဿာ တသိန်းခန့် လှောင်ထားသော ကုန်သည်တဦးက ပြောသည်။
စည်ပင်သာယာနှင့် မယက(မြို့နယ် အေးချမ်းသာယာရေးနှင့် ဖွံ့ဖြိုးရေးကောင်စီ)တို့ကို ခွင့်တောင်းပြီး ကြက်သွန် သွန်ပွဲလုပ်ရန် ကြံစည် နေကြသည်။
ယခုနှစ် အစောပိုင်းက ပုဂံတွင်ပြုလုပ်သော ကြက်သွန်ကုန်သည်များ အစည်းအဝေးတွင် ဒုတိယ ကုန်သွယ်ရေး ဝန်ကြီး ဗိုလ်မှူးချုပ် အောင်ထွန်းက ကြက်သွန်ဈေး ၂၇၅ ကျပ်အောက် မရောက်စေရဘူးဟု ကတိစကား ပြောဆိုခဲ့ပြီးနောက် ကြက်သွန်ပိုမို ဝယ်လှောင်သူများ ရှိခဲ့ကြောင်း ကုန်သည်များက ပြောသည်။
ရေနံချောင်းမြို့နယ်တွင် ကြက်သွန် တပိဿာ ၁ဝဝ ဝန်းကျင် ဈေးပေါက်နေပြီး လွန်ခဲ့တဲ့ ရက်ပိုင်းအတွင်းက ရန်ကုန် ရွှေပြည်သာ မြို့နယ်တွင် ကြက်သွန် တပိဿာဝယ်လျှင် ၅ဝ ကျပ်သား အလကားပေးသော ဆိုင်များ ပေါ်ပေါက်ခဲ့သည်။
“စားသုံးသူကတော့ ဒီဈေး ကြိုက်တာပေါ့ဗျာ။ ဒါပေမယ့် ဟိုမှာက မခံနိုင်တော့ဘူး ဖြစ်နေတယ်။ ကျနော်တို့ ရေနံချောင်းမှာက ကြက်သွန်နဲ့ မကင်းကြဘူးဗျ။ ရွာပေါင်း ခြောက်ဆယ်လောက်က ကြက်သွန် စိုက်ကြတယ်။ အဲဒီတော့ ကြက်သွန်ဈေး ကျဆင်း သွားတဲ့အတွက် သူတို့ဝင်ငွေတွေ၊ ဝင်ငွေတင် မကပါဘူးဗျာ သူတို့ အကြွေးပါ တင်နေကြတယ်” ဟု စစ်အစိုးရထံ စာရေးသား ပေးပို့ရာတွင် ပါဝင်ကူညီသော လူငယ်တဦးက ပြောသည်။
ယမန်နှစ် နှောင်းပိုင်းက ကြက်သွန်ဈေး အလွန်အမင်း တက်သွားပြီးနောက် ပြည်ပတင်ပို့ခွင့်ကို ကုန်သွယ်ရေးက ပိတ်ပင်ခဲ့သည်။ ဈေးကောင်းမှုက တောင်သူများကို စိုက်နှုန်းတိုးစေကာ အဆမတန် ပိုလျှံကုန်တော့သည်။
ထိုင်း၊ တရုတ်နှင့် အိန္ဒိယနိုင်ငံများမှာ မြန်မာ့ကြက်သွန် တင်ပို့နိုင်သော ဈေးကွက်များ ဖြစ်သည်။
ကြက်သွန်ဈေး တက်သွားတိုင်း အာဏာပိုင်များက ပြည်ပတင်ပို့ခွင့် ပိတ်ပင်မှု လုပ်လိုက်၊ ဈေးကျလျှင် ပြန်ဖွင့်ပေးလိုက် လုပ်ခဲ့သည်။
ကြက်သွန်ဈေး ထိုးကျသည့် ဒဏ်ကို တောင်သူနှင့် ကုန်သည်များ ၂ဝဝ၇ နှင့်၂ဝဝ၈ ခုနှစ်များကလည်း ကြုံတွေ့ခဲ့ရသည်။
Ref: မဇ္ဈိမ
Wednesday, August 4, 2010
ထိုင်းဝန်ကြီးချုပ် လည်ပတ်ခွင့်ကို စစ်အစိုးရ ခွင့်ပြု
ဗုဒ္ဓဟူးနေ့၊ သြဂုတ်လ ၀၄ ရက် ၂၀၁၀
ချင်းမိုင် ။ ။ မြန်မာနိုင်ငံသို့ လာရောက် လည်ပတ်ခွင့်ပြုပါရန် ထိုင်းဝန်ကြီးချုပ် အဖိဆစ် ဝေ့ခ်ျချာချီဝ၏ မေတ္တာ ရပ်ခံချက်ကို စစ်အစိုးရက နောက်ဆုံးတွင် ယခုအပတ်က လက်ခံ ခွင့်ပြုလိုက်ပြီ ဖြစ်သည်။
ယင်းသတင်းကို အိမ်ရှင်နိုင်ငံ၏ နိုင်ငံခြားရေး ဝန်ကြီးဌာနက ဘန်ကောက်မြို့တွင် သတင်းစာ ရှင်းလင်းပွဲ ပြုလုပ်အပြီး အတည်ပြု ပြောကြား လိုက်ခြင်း ဖြစ်သည်။
နှစ်နိုင်ငံ အကျိုးတူ ဆက်ဆံရေး တိုးတက်ရေးအတွက် နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီ ခေါင်းဆောင်များနှင့် တွေ့ဆုံလိုကြောင်း ၎င်း၏ ရိုးသားဖြူစင်သော ဆန္ဒကို အဖိဆစ်က ထုတ်ဖော် ပြောကြားခဲ့သည်ဟု ထိုင်းခေါင်းဆောင်၏ ရုံးနှင့် နီးစပ်သော သတင်းရပ်ကွက်က ပြောသည်။ ဝန်ကြီးချုပ်၏ ခရီးစဉ်ကို ယခုတပတ် သောကြာနေ့တွင် စတင်မည်ဟုလည်း ထိုင်းနိုင်ငံခြားရေး ဝန်ကြီးဌာနက ထုတ်ဖော်ပြောဆိုသည်။
နအဖ၏ လူ့အခွင့်အရေး မှတ်တမ်းနှင့် ဒီမိုကရေစီရေး ပြုပြင်ပြောင်းလဲရေး လုပ်ငန်းများအပေါ် မနှစ်မြို့ကြောင်း ဒီမိုကရေစီ ပါတီ ဦးဆောင်သော ထိုင်းညွန့်ပေါင်း အစိုးရက မကြာသေးမီက ထုတ်ဖော် ပြောဆိုခဲ့သည်။ သို့သော် စစ်အစိုးရ၏ တောခေါင်ခေါင် မြို့တော်သစ် နေပြည်တော်မှ အရာရှိတဦးကမူ ထိုင်းနိုင်ငံ၏ သူ၏ အနောက်ဘက် နယ်နိမိတ်ရှိ စစ်ဗိုလ်ချုပ်ကြီးများ အပေါ် သြဇာအာဏာ သက်ရောက်မှုကို ခပ်နှိမ်နှိမ် တုံ့ပြန် ပြောဆိုခဲ့သည်။
’’မြန်မာအစိုးရက ထိုင်းအစိုးရနဲ့ အေးအေးဆေးဆေး ကစားနိုင်တယ်။ ပြည်သူ့ဆက်ဆံရေး လုပ်ငန်းတခု အနေနဲ့ပဲ ကစားနေတာ။ တရုတ်နဲ့ အမေရိကန်လို နိုင်ငံမျိုးနဲ့တောင် ဒီလို ကစားရဲတဲ့ ဗိုလ်ချုပ်ကြီးတွေ အတွက် ထိုင်းအစိုးရဆိုတာ ဘာမှ မဟုတ်ဘူး’’ ဟု အဆိုပါ အရာရှိက ပြောဆိုခဲ့သည်။
ယခုခရီးစဉ်မှ အဖိဆစ်အနေဖြင့် စစ်အစိုးရထံမှ များများစားစား မျှော်လင့်ထားခြင်းမရှိဘဲ စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေနှင့် တွေ့ဆုံခွင့် ရလိမ့်မည်ဟုလည်း မျှော်လင့် မထားကြောင်း ထိုင်းနိုင်ငံခြားရေး ဝန်ကြီးဌာန ပြောရေး ဆိုခွင့်ရှိသူက ပြောဆိုသည်။
၁၉၉ဝ ခုနှစ်နောက်ပိုင်း စစ်အာဏာရှင် စနစ်အောက်တွင် ပထမဆုံးအကြိမ် ကျင်းပမည့် ရွေးကောက်ပွဲ မတိုင်မီ သူ၏ မြန်မာနိုင်ငံသို့ ပထမဆုံး တရားဝင် အလည်အပတ် ခရီးစဉ်အနေဖြင့် ယခုလအတွင်း သွားရောက် လည်ပတ်မည်ဟု အဖိဆစ်က ယခုလ အစောပိုင်းတွင် ကြေညာခဲ့သည်။ အဆိုပါ ၁၉၉ဝ ရွေးကောက်ပွဲတွင် နိုဘယ်ငြိမ်းချမ်းရေး ဆုရှင် ဒေါ်အောင်ဆန်းစုကြည် ဦးဆောင်သော အမျိုးသား ဒီမိုကရေစီအဖွဲ့ချုပ် NLD က အပြတ်အသတ် အနိုင်ရရှိခဲ့သည်။
အင်းယားကန်ကို ဖြတ်ကူးကာ သူမ၏ နေအိမ်အတွင်း တိတ်တဆိတ် ဝင်ရောက်လာခဲ့သော မဖိတ်ခေါ်သည့် ဧည့်သည် အမေရိကန်လူမျိုး ဂျွန်ဝီလျံယက်တောကို လက်ခံခဲ့သည့် အတွက် နေအိမ် အကျယ်ချုပ် စည်းကမ်းများကို ဖောက်ဖျက်သည်ဟု ဆိုကာ အင်းစိန်ထောင်တွင် ပြီးခဲ့သည့်နှစ်က တရားစွဲဆို ရမန်ယူပြီးနောက် အဖိဆစ်က မြန်မာဝန်ကြီးချုပ် ဦးသိန်းစိန်ကို ဒေါ်အောင်ဆန်းစုကြည်နှင့် တွေ့ဆုံ ဆွေးနွေးပါရန် တိုက်တွန်း တောင်းဆိုခဲ့သည်ဟု ထိုင်းနိုင်ငံ နိုင်ငံခြားရေး ဝန်ကြီးဌာနက ပြောသည်။
လွန်ခဲ့သော ၂၁ နှစ်အတွင်း အနည်းဆုံး ၁၅ နှစ်မျှ ဒေါ်အောင်ဆန်းစုကြည်ကို ပုံစံအမျိုးမျိုးဖြင့် ထိန်းသိမ်း ထားခဲ့သည်။ ယင်းနောက် ထိုသို့ အမေရိကန်လူမျိုးတဦး သူမနေအိမ်အတွင်း ကျူးကျော် ဝင်ရောက်လာခြင်းကို အကြောင်းပြကာ ဆက်လက် ထိန်းသိမ်း ထားခဲ့သည်။ လာမည့် ရွေးကောက်ပွဲတွင် ဝင်ရောက်ယှဉ်ပြိုင် အရွေးခံခြင်း မပြုနိုင်ရန်လည်း တားမြစ်ခံထားရသည်။ ယခု ကျင်းပမည့် ရွေးကောက်ပွဲသည် ဗိုလ်ချုပ်ကြီးများ အာဏာ တည်မြဲရေး အတွက် ဒီမိုကရေစီ မျက်နှာဖုံး စွပ်ထားသော အတုအယောင် ရွေးကောက်ပွဲမျှသာ ဖြစ်သည်ဟုလည်း အများက ကျယ်ပြန့်စွာ ရှုမြင် သုံးသပ်နေကြသည်။
အဖိဆစ်၏ အလည်အပတ် လာရောက်ခွင့်ပြုရန် မေတ္တာရပ်ခံချက်ကို အချိန်ကာလအားဖြင့် မသင့်တော်သေးဟု ဆိုကာ ဝန်ကြီးချုပ် ဦးသိန်းစိန်က ပယ်ချခဲ့သည်။ ဒေါ်အောင်ဆန်းစုကြည်ကို လွှတ်ပေးရန်လည်း ထိုင်း နိုင်ငံခြားရေးဝန်ကြီး ကဆစ် ဖိရူမ်း Kasit Piromya က ကြိမ်ဖန်များစွာ မေတ္တာ ရပ်ခံခဲ့သော်လည်း လက်ရှိ အရှေ့တောင်အာရှ နိုင်ငံများအသင်း (အာဆီယံ) အလှည့်ကျ ဥက္ကဋ္ဌအဖြစ် တာဝန်ယူနေသော ထိုင်းနိုင်ငံ၏ အဆိုပါ မေတ္တာရပ်ခံချက်ကို စစ်အစိုးရက လျစ်လျူရှုခဲ့သည်။
အမေရိကန် အစိုးရက မြန်မာအစိုးရနှင့် ထိတွေ့ဆက်ဆံရေးမူဝါဒသစ် ချမှတ်ပြီးနောက် ထိုင်းအစိုးရက ယင်း၏ ချဉ်းကပ် ဆောင်ရွက်မှုများကို လျှော့ချခဲ့သည်။
ဝါရှင်တန်ရှိအစိုးရက ယင်း၏ မြန်မာနိုင်ငံနှင့် ထိတွေ့ဆက်ဆံရေးမူဝါဒ ချမှတ်ခဲ့သည့်အချိန် ပြီးခဲ့သည့်နှစ်က ကျင်းပသော ကုလသမဂ္ဂ အထွေထွေ ညီလာခံတွင် ထိုင်းအစိုးရကလည်း ဒေါ်အောင်ဆန်းစုကြည်ကို လွှတ်ပေးရေးကို တောင်းဆိုခြင်း မပြုခဲ့တော့ပေ။ ထိုညီလာခံ ကျင်းပနေစဉ် အတွင်း ယခင် ဝါရှင်တန်ဆိုင်ရာ မြန်မာ သံအမတ်ဟောင်းနှင့် လက်ရှိ သိပ္ပံနှင့် နည်းပညာဝန်ကြီး ဦးသောင်း၊ နိုင်ငံခြားရေးဝန်ကြီး ဦးဥာဏ်ဝင်းတို့ကို အမေရိကန် ပြည်ထောင်စု မြို့တော်ဝါရှင်တန်သို့ သွားရောက် လည်ပတ်ခွင့် ပြုခဲ့သည်။ ဦးသောင်းသည် မြန်မာ့နျူကလီးယား လက်နက် ထုတ်လုပ်ရေး အစီအစဉ်ကို ကြီးကြပ် ဆောင်ရွက်ရသူ ဖြစ်သည်။
ယင်းအချက်သည် အမေရိကန်၏ ယခင်ဦးစားပေး အစီအစဉ်တရပ်ဖြစ်သော ဒေါ်အောင်ဆန်းစုကြည်ကို ကူညီ ဆောင်ရွက်ရေး တည်းဟူသော အချက်မှ စတင် ပြောင်းလဲလိုက်ခြင်းကို ပြသနေသည့် လက္ခဏာပင် ဖြစ်သည်ဟု မြန်မာ နိုင်ငံခြားရေး ဝန်ကြီးဌာန အမေရိကန် ရေးရာဌာနခွဲတွင် တာဝန် ထမ်းဆောင်နေသော အလတ်တန်း မြန်မာသံတမန် အရာရှိတဦးက ပြောဆိုသည်။
’’အမေရိကန် ဥပဒေပြုလွှတ်တော် အမတ်များနှင့် အမေရိကန်အစိုးရတို့က ဒေါ်အောင်ဆန်းစုကြည်ကို ပစ်ပယ် ထားလိုက်ကြပြီ ဖြစ်သည်။ အကြောင်းမှာ အမျိုးသားရေး လုံခြုံရေးဆိုင်ရာ စိုးရိမ်ပူပန်စရာများ နအဖ၏ နျူကလီးယား ရည်မှန်းချက်များ ထွက်ပေါ်လာအပြီး ပေါ်ပေါက် လာခဲ့ခြင်းကြောင့်ပင်ဖြစ်သည်’’ ဟု အဆိုပါ အရာရှိက ပြောဆိုသည်။
’’သဘောတူညီချက်ရထားပြီးသား မဟာစီမံကိန်းကြီးတွေကို စစ်အစိုးရက အပြီးသတ်ချင်နေတယ်။ ရွေးကောက်ပွဲ အပြီး နောက်အစိုးရ တက်မလာခင် အိတ်ထဲရသလောက် ထည့်ထားချင်တယ်။ အခုတော့ သူတုိ့က ၁ဝဝ % ချုပ်ကိုင် ထားနိုင်တာ။ ဒါပေမဲ့ နောင်မှာ ဘာဖြစ်မယ်ဆိုတာက မသေချာဘူး။ ဒါကြောင့် သူတို့က ဒီစီမံကိန်းတွေကို အမြန် အပြီးသတ်ချင်နေကြတာ’’ ဟု အမည် မဖော်လိုသော မြန်မာစီးပွားရေး လုပ်ငန်းရှင်တဦးက ပြောဆိုသည်။
ဟနွိုင်းတွင် ကျင်းပခဲ့သော ဝန်ကြီးများအဆင့် အစည်းအဝေးအပြီးတွင် သူတို့သည် အာဆီယံအဖွဲ့ကြီးနှင့် ပူးပေါင်း ဆောင်ရွက်လိုသည့် ဆန္ဒရှိနေကြောင်း အာဆီယံ ခေါင်းဆောင်များကို သဘောပေါက် နားလည်အောင် ပြောပြပေးရေး အတွက် ထိုင်းအစိုးရ၏ အကူအညီကို စစ်အစိုးရက လိုအပ်နေသည်ဟု အကဲခတ်များက သုံးသပ် ပြောဆိုကြသည်။ ထို့ကြောင့် စစ်အစိုးရသည် ယခု ထိုင်းဝန်ကြီးချုပ်၏ ခရီးစဉ်ကို ဤကိစ္စအလို့ငှာ အသုံး ချလိမ့်မည်ဟုလည်း သူတို့က ဝေဖန်ပြောဆိုကြသည်။
အဖိစစ်သည် ယင်း၏ ခရီးစဉ်အတွင်း နှစ်နိုင်ငံ နယ်စပ်ကိစ္စများကိုလည်း ဆွေးနွေးမည်ဖြစ်ပြီး အထူးသဖြင့် မဲဆောက်-မြဝတီ နယ်စပ် ကုန်သွယ်ရေးကို ပြီးခဲ့သည့်လ ၂၁ ရက်နေ့ကတည်းက ပိတ်ထားခဲ့မှုအပေါ် ဆွေးနွေးကြမည်ဖြစ်သည်။
သောင်ရင်းမြစ်အတွင်း ထိုင်းနိုင်ငံက ကမ်းပါးထိန်းနံရံများ တည်ဆောက်ခဲ့သည့်အပေါ် ကန့်ကွက်သည့် အနေဖြင့် မြန်မာနိုင်ငံက ထိုသို့ ပိတ်ထားခဲ့ခြင်း ဖြစ်သည်။ ထိုသို့ တည်ဆောက်ခဲ့သည့်အတွက် ရေကြောင်း ပြောင်းကာ မြန်မာဘက်ခြမ်းရှိ ကမ်းပါးများကို ရေတိုက်စားခဲ့သည်ဟု မြန်မာဘက်က ပြောဆိုသည်။
ထိုသို့ ပိတ်ထားခဲ့ခြင်းကြောင့် ထိုင်းနိုင်ငံအနေဖြင့် ခန့်မှန်းခြေ ဘတ် ၂ဝ ဘီလျံ (အမေရိကန်ဒေါ်လာ သန်း ၆၂ဝ) မျှ ဆုံးရှုံးခဲ့ပြီး ဖြစ်သည်ဟု ဘန်ကောက်ပို့စ် သတင်းစာကြီးက ရေးသားဖော်ပြသည်။
Ref: မဇ္ဈိမ
အန်အယ်ဒီ ခေါင်းဆောင်များ မြို့နယ် ၂ဝဝ ကျော်တွင် တွေ့ဆုံမှုလုပ်
မြင့်မောင်
အင်္ဂါနေ့၊ သြဂုတ်လ ၀၃ ရက် ၂၀၁၀
နယူးဒေလီ (မဇ္ဈိမ) ။ ။ ပါတီခေါင်းဆောင် ဒေါ်အောင်ဆန်းစုကြည်က မှာကြားသဖြင့် အမျိုးသား ဒီမိုကရေစီ အဖွဲ့ချုပ် ခေါင်းဆောင်များသည် လွန်ခဲ့သည့် ရက်ပေါင်း ၅ဝ အတွင်း နိုင်ငံတဝှမ်းရှိ မြို့နယ်ပေါင်း ၂ဝဝ ကျော်သို့ သွားရောက်ကာ အောက်ခြေ ပါတီထုနှင့် တွေ့ဆုံမှုများ ပြုလုပ်ခဲ့ပြီး ဖြစ်ကြောင်း သိရသည်။
ပြီးခဲ့သည့် ဇွန်လ ၁၂ ရက်နေ့မှ စတင်ကာ ဦးဝင်းတင်၊ ဦးအုန်းကြိုင်၊ ဦးဥာဏ်ဝင်း၊ ဒေါ်မေဝင်းမြင့်နှင့် ဦးဟန်သာမြင့် အပါအဝင် အန်အယ်ဒီ ဗဟိုအလုပ်အမှုဆောင် အဖွဲ့ဝင်များက ဦးဆောင်သော အုပ်စုများသည် တိုင်းနှင့်ပြည်နယ် မြို့နယ်များရှိ ပါတီ အောက်ခြေထုနှင့် တွေ့ဆုံ ဆွေးနွေးမှုများ ပြုလုပ်ခဲ့ခြင်း ဖြစ်သည်။
“ကျနော်တယောက်ထဲကိုပဲ တိုင်း ၃ တိုင်းက မြို့နယ်ပေါင်း ၆ဝ ကျော်နဲ့ ပြီးသွားပြီ။ ကျန်တဲ့ အဖွဲ့တွေလည်း အများကြီးပဲ။ အခု ရခိုင်ပြည်နယ်ဆို ဂွနဲ့ သံတွဲက ပထမဆုံး မြို့နယ်တွေ ဖြစ်တယ်။ အခု ရခိုင်ပြည်နယ် သံတွဲကို ရောက်နေတယ်။ ဒါတင် မကသေးဘူး။ နိုင်ငံရေးအရ လှုပ်ရှား တက်ကြွလာမယ့် အချိန်ရောက်လာရင် နောက်တကျော့ ထပ်ပြီး အောက်ခြေ ပါတီဝင်ထုဆီ ထပ်တွေ့ဆုံဖို့ ရှိတယ်” ဟု အန်အယ်ဒီ ဗဟိုအလုပ်အမှုဆောင် အဖွဲ့ဝင် ဦးအုန်းကြိုင်က မဇ္ဈိမကို ပြောသည်။
ဦးဝင်းတင်သည် ကရင်နှင့် မွန်ပြည်နယ်ရှိ မြို့နယ်အချို့၊ ဦးအုန်းကြိုင်သည် မန္တလေးနှင့် မကွေးတိုင်း၊ ဒေါ်မေဝင်းမြင့်သည် ရှမ်းပြည်နယ် တောင်ပိုင်း၊ ဦးဟန်သာမြင့်မှာ ကချင်ပြည်နယ်နှင့် စစ်ကိုင်းတိုင်းရှိ မြို့နယ်များသို့ သွားရောက် ခဲ့ပြီးဖြစ်သည်။ ၎င်းတို့သည် ဒုဥက္ကဋ္ဌ ဦးတင်ဦး၊ ဒေါ်အောင်ဆန်းစုကြည်နှင့် ဦးဝင်းတင်တို့ မှာကြားလိုက်သည့် စကားများကို လိုက်လံ ပြောဆို ရှင်းလင်းခဲ့ကြခြင်း ဖြစ်သည်။
နိုင်ငံရေးရည်ရွယ်ချက်ရှိသည့် ပြည်သူ့အကျိုးပြု လုပ်ငန်းများကို ဆောင်ရွက်နေကြောင်းနှင့် အဖွဲ့ချုပ် ယုံကြည်ချက်နှင့် နှလုံးသား တူသူများ အနေဖြင့် ယင်းလုပ်ငန်းများကို အကောင်အထည်ဖော် ဆောင်ရွက် သွားစေလိုကြောင်း ခရီးစဉ်များ အတွင်း ပြောဆို စည်းရုံးခဲ့ကြသည်။
ဦးအုန်းကြိုင်နှင့်အတူ ဗဟန်းမြို့နယ် ဥက္ကဋ္ဌ ဦးအောင်မြင့် (ဖျာပုံနီလုံဦး)၊ လူငယ် (ဗဟို) အဖွဲ့ဝင် ကိုဘမောင်၊ ရန်ကုန်တိုင်း လူငယ် ခေါင်းဆောင် ကိုအေးမင်းစိုး၊ ရခိုင်ပြည်နယ် စည်ရုံးရေး ကော်မတီဝင် ဦးစိုးလေးနှင့် ဦးတင်သိန်းအောင် တို့သည် ရခိုင်ပြည်နယ် ဂွမြို့မှ ယနေ့နံနက်တွင် ထွက်ခွာလာပြီး ညနေပိုင်းတွင် သံတွဲမြို့နယ် စည်းရုံးကော်မတီ ဦးထွန်းကြိုင်၏ နေအိမ်တွင် ရောက်ရှိ လာကြပြီ ဖြစ်သည်။
၎င်းတို့၏ ရှင်းလင်းပြောဆိုချက်များအပေါ် ပါတီဝင်ထုက အားတက်သရော ထောက်ခံခဲ့ကြကြောင်း ဦးအုန်းကြိုင်က ပြောဆိုသည်။
ထို့ပြင် ရခိုင်အမျိုးသားတိုးတက်ရေးပါတီ တွဲဘက်အတွင်းရေးမှူး ကိုခိုင်ပြည်စိုးကို ၂ဝဝ၈ ဥပဒေ နှိုင်းယှဉ်ချက် စာအုပ်နှင့် ကိုလိုနီ ကျွန်သဘောက် ၂၂၆ နှစ်ကြာပြီးသော အခါ အမည်ရှိ စာရွက်စာတမ်းများနှင့် ပတ်သက်၍ ရခိုင်ပြည်နယ် စစ်တွေမြို့ အမှတ် ၁ ရဲစခန်းမှ ရဲများက ယခုလ ၁ ရက်နေ့ ညနေ ၄ နာရီမှာ ည ၁ဝ နာရီအထိ ခေါ်ယူ စစ်ဆေးခဲ့ကြောင်း သိရသည်။
“အဲဒီစာရွက်တွေက ကျနော့်ဆီကရတဲ့ စာရွက်တွေဆိုပြီးတော့ မေးမြန်းစစ်ဆေးတယ်။ ဒါတွေက ကျနော့်ဆီက မဟုတ်ဘူးလို့ ပြောပြတယ်။ ည ၁ဝ နာရီကျော်လောက်မှာ ပြန်လွှတ် ပေးလိုက်တယ်။ ကျန်တဲ့ဟာတော့ ထူးထူးထွေထွေ မစစ်ပါဘူး။ အေးအေးဆေးဆေး စစ်တာပါ” ဟု ကိုခိုင်ပြည်စိုးက မဇ္ဈိမကို ပြောသည်။
ကိုခိုင်ပြည်စိုးသည် လက်နက်ကိုင် ရခိုင်ကွန်မြူနစ်ပါတီတွင် ဝင်ရောက်ခဲ့ဖူးကာ ၁၉၈၆ ခုနှစ်တွင် မင်းပြားမြို့ကို တိုက်ခိုက် ခဲ့ပြီးနောက် ဖမ်းဆီး ခံခဲ့ရသူဖြစ်သည်။
သူ့ကို အာဏာပိုင်များက သေဒဏ်ချမှတ်ခဲ့သော်လည်း စစ်အစိုးရ ထုတ်ပြန်သည့် ဥပဒေကဲ့သို့ အာဏာ တည်သောအမိန့် အမှတ် ၄/၈၉ အရ တသက်တကျွန်း ပြစ်ဒဏ်သို့ ပြောင်းလဲ ချမှတ်ခဲ့ပြီးနောက် ၂ဝဝ၈ ခုနှစ်တွင် သာယာဝတီ ထောင်မှ ပြန်လည် လွတ်မြောက်လာခဲ့သည်။
Ref: မဇ္ဈိမ
တရုတ်လုပ် စစ်ကား အစီး ၂၀ ခန့် မြန်မာစစ်တပ် လွဲပြောင်းယူ
Tuesday, 03 August 2010
မြန်မာစစ်တပ်က တရုတ်ထံမှ အပေါ့စား စစ်ထရပ်ကား အစီး ၂၀ ခန့်ကို သြဂုတ်လ ၁ ရက်နေ့တွင် နှစ်နိုင်ငံ နယ်စပ် ကုန်သွယ်ရေး လမ်းကြောင်း ကျယ်ဂေါင် - မူစယ် နယ်စပ်ဂိတ်မှ တဆင့် လွဲပြောင်း ယူခဲ့ကြောင်း တရုတ်နယ်စပ် ဒေသခံ မျက်မြင်များ အဆိုအရ သိရသည်။
IVECO တံဆိပ်အမျိုးအစား ၄ ဘီးတပ် အလေးချိန် ၂ တန်ခန့်ရှိ အဆိုပါ စစ်ယာဉ်များသည် ဂျူလိုင် ၂၉ ရက်နေ့က တရုတ် နယ်စပ် ရွှေလီမြို့သို့ ရောက်ရှိလာခြင်း ဖြစ်သည်။
ထို့နောက် တရုတ်ဘက်ကမ်း ကျယ်ဂေါင်မြို့မှတဆင့် သျှမ်းပြည် (မြောက်ပိုင်း) မူစယ်မြို့ဘက်သို့ မောင်းနှင် ထွက်ခွာ သွားကြောင်း သိရသည်။
ကိုယ်တိုင်မြင်တွေ့ရသူ တစ်ဦးက “ကားဘော်ဒီတွေ မပါဘူး ဖရိန်ကြီးပဲ၊ သစ်သား သေတ္တာတွေ တင်ထားတယ်၊ ၂၉ ရက်နေ့က ဟိုင်းဝေးလမ်း အတိုင်းရွှေလီကို မောင်းလာတာ ကားခေါင်းပုံစံက အပြားအရှည် အစီး ၂၀ လောက်ရှိတယ် ဖရိမ်ပေါ်မှာ ကားခေါင်းတွေ တစ်စီးပေါ်တစ်စီးထပ်ပြီး ၃ စီး ၄ စီး အတွဲလိုက် တင်မောင်းလာတာ ” ဟု ပြောသည်။
ရွှေလီ၌ အဆိုပါ စစ်ယာဉ်များ ၂ ရက်ခန့်ထားပြီး နောက်တစ်ရက်တွင် မောင်းနှင် ထွက်ခွာသွားခဲ့ကြောင်း သိရသည်။ “စစ်ကားတွေ ရွှေလီဘယ်နားမှာ ထားမှန်းတော့ မသိဘူး ရွှေလီ ကုန်သွယ်ရေး ဂိတ်နားမှာ ခဏ ရပ်လာရပ်တာတွေ့တယ် အဲ ဒီကနေ နေ့လည်ပိုင်း လောက်မှာ ကျယ်ခေါင်ကိုမောင်းပြီး မူစယ်ဘက်ထွက်သွားတာ” ဟု နောက်ထပ် မျက်မြင် တစ်ဦးက ပြောသည်။
မြန်မာစစ်တပ်အသုံးပြုရန် အတွက် FAW , DongFeng , IVECO စသည့် တံဆိပ် အမျိုးအစားပါ တရုတ်လုပ် စစ်ထရပ်ကား အမြောက် အများကို လွန်ခဲ့သည့် ၁၀ နှစ်ခန့်ကတည်းက ၀ယ်ယူခဲ့ကြောင်း သိရသည်။
မြန်မာစစ်တပ်မှ ၀ယ်ယူခဲ့သော တရုတ်လုပ်ကားတစ်စီး၏ တန်ဘိုးသည် ကားအမျိုးအစားအလိုက် အနည်းဆုံး မြန်မာငွေ ကျပ်သိန်း ၁၀၀ ခန့်နှင့် ညီမျှသော တရုတ်ယွမ်ငွေ ၆ သောင်းမှ ယွမ်ငွေ ၂ သိန်းအထက် အထိ တန်ဖိုးရှိနိုင်ကြောင်း ကား ကျွမ်းကျင်သူများ အဆိုအရ သိရသည်။
မြန်မာစစ်တပ်က တရုတ်ကားကုမ္ပဏီများထံမှ ကားဝယ်ယူရာတွင် တန်ဖိုးကျသင့်ငွေကို ပစ္စည်းဖြင့် လဲလှယ်၍ အရစ်ကျ ပေးချေသည့် စနစ်ဖြင့် ၀ယ်ယူခြင်းဖြစ်ကြောင်း အကြားအမြင် များသူများက ဆိုသည်။
Ref: သျှမ်းသံတော်ဆင့်
အရုဏ်ဦးမှာ ဖူးသည့်ကြာနှင့် ပတ်သက်၍ တင်သန်းဦး၏ ရင်ဖွင့်စကား
ကျော်ခ
အင်္ဂါနေ့၊ သြဂုတ်လ ၀၃ ရက် ၂၀၁၀
* ဒီဇာတ်ကားရိုက်ဖို့အတွက် ဘယ်လိုကနေ လုပ်ဖြစ်သွားတာလဲ။ အန်ကယ်ရဲ့ ကိုယ်တိုင် ဇာတ်ညွန်းလား။ ဒါမှမဟုတ် အထက်ကခိုင်းလို့ လုပ်ပေး ရတာလား။
ကျနော်က မနှစ်က မက်လမှ နှလုံးခွဲထားတာ။ ဒုတိယအကြိမ် ခွဲတာဆိုတော့ ဘာမှလဲ လုပ်လို့ မရဘူးပေါ့နော်။ ရင်ဘက်ကလဲ ဒီမှာ ဒဏ်ရာကြီးနဲ့ပဲ။ ခွဲပြီးခါစ ဒီလိုမိုးတွင်းပေါ့ အဲဒီအချိန်မှာ ပြန်ကြားရေးက ဖိတ်တာပေါ့လေ။
ရိုတ်ဖို့က ပြန်ကြားရေးက သူတို့ဘာသူတို့ စီစဉ်နေတာ။ ရေးတာက ငြိမ်းမင်းနဲ့ လှိုင်အောင်နဲ့ရေးတာ။ ရေးပြီး သူတို့ရေးတဲ့ ဟာတွေကို သုံးသပ် ပေးပါဆိုလို့ အကြံပေးတဲ့ အနေနဲ့ ကျနော်တို့ကို ဖိတ်တာ။ သူတို့ နှစ်ယောက် ရေးတာကို ပေါင်းပေးပါ ဆိုပြီးတော့ ကျနော့်ကို အကူအညီ တောင်းတာ။ ရိုက်ခိုင်းသေးတာ မဟုတ်ဘူး။
ကျနော်ကတော့ ပြောလိုက်တယ်။ ကျနော်တော့ နေမကောင်းဘူးလို့ ကျနော့်ကို ချမ်းသာပေးပါလို့ ကျနော်က ပြောပြီးတော့ အဲဒီမှာ ပြင်ကြ ဆင်ကြတာပေါ့လေ။ ပြင်ကြ ဆင်ကြရင်းနဲ့ပဲ ဘာပြောလာလဲ ဆိုတော့ ငြိမ်းမင်းရေးတာနဲ့ လှိုင်အောင် ရေးတာနဲ့ ပေါင်းပေးပါတဲ့။ အဲဒါကို ကြည့်လိုက်တဲ့ အချိန်ကျတော့ ရွာလည်နေရော။
ပေါင်းဆိုလို့သာ ပေါင်းပေးလိုက်တာ အချိုးတော့ မပြေဘူးဗျ။ ကျနော့်စိတ်ကြိုက် မဟုတ်ဘူးပေါ့ဗျာ။ ကျနော်က ပြန်ပြော လိုက်တယ်။ လွတ်လပ်ရေး မရခင် ဟိုးစစ် မဖြစ်ခင်ကနေ စပြီးဆိုတော့ ဒီဟာကြီးက ဘယ်တော့ ဆုံးမလဲ။
ဆုံးမှာလည်း မဟုတ်ဘူးဆိုပြီး အဲဒီလွတ်လပ်ရေး မရခင်ကဟာတွေကို ဖြုတ်ပေးပါ။ ဒါလေးနဲ့တော့ ရိုက်လို့မရဘူး။ အဲဒီတော့ သမိုင်းကြောင်းကို ပြန်စိစစ်ပေးပါ ဆိုတော့ အဲဒီမှာတခါ ထပ်ဖိတ်တာပေါ့လေ။ တက္ကသိုလ် မြတ်သူတို့၊ ချစ်နိုင် စိတ်ပညာတို့၊ ပြန်ကြားရေး ဘက်က လူကြီးတွေနဲ့ ဝိုင်းဆွေးနွေးကြ။ လုပ်ရင်းနဲ့ စာမျက်နှာက ၆ဝ လောက် ဖြစ်သွားတယ်။ ဒါတွေ အကုန် ထည့်မှာလား ဆိုတော့ အဲဒါတွေ အကုန်ပါအောင် ထည့်မယ်တဲ့။ ဒါဆိုရင် ဒီကားက တကားထဲတော့ပြီးမှာ မဟုတ်ဘူး။ ဒါနဲ့ အဲဒီ ဇာတ်ကားက ၁ ပိုင်းကို ၁ နာရီ ၄၅ မိနစ်နဲ့ ၃ ပိုင်း ဖြစ်သွားတယ်။
* ဇာတ်ကားမှာလည်း နာမည်ကြီး မင်းသားမင်းသမီး သရုပ်ဆောင်တွေ အများကြီး အသုံးပြုထား ဆိုတော့ ဒီဇာတ်ကားမှာ ကုန်ကျငွေ တော်တော်များလား။
အဲဒီလောက် မကုန်ပါဘူး။ ဘာဖြစ်လို့လည်း ဆိုတော့ ဇာတ်ကား သွားရိုက်တဲ့ နေရာမှာရှိတဲ့ ဒေသခံ တိုင်းတို့ ဘာတို့က အကျွေးအမွေး ကိစ္စတွေ တာဝန်ယူတာ ဆိုတော့ ပြန်ကြားရေး ဘက်က သိန်း ၈ဝဝ လောက်ပဲ ကုန်ပါတယ်။ သရုပ်ဆောင် ကြေးတွေကို နှုန်းအပြည့် မပေးရဘူး။ ပေးများပေးရရင် သိန်း ၅ဝဝဝ လောက် ကုန်သွားမလား မသိဘူး။
* ဒီဇာတ်ကားမှာ ပါဝင်သရုပ်ဆောင်ကြတဲ့ မင်းသား/မင်းသမီးတွေကို သရုပ်ဆောင်ကြေး ဘယ်လို ပေးရလဲ။
အဲဒါ တယောက်နဲ့တယောက် တူမှာမဟုတ်ဘူး။ သူတို့ နှုန်းတိုင်း အပြည့်တော့ မပေးရဘူး။ ဒါကတော့ သူတို့လည်း သဘော ပေါက်ပါတယ်။ ဘာဖြစ်လို့လည်း ဆိုတော့ သူတို့ကို အစိုးရက လုပ်ပေးထားတာ ရှိတယ်လေ။
သူတို့ Income tax တွေ ဆိုလို့ရှိရင် ရာခိုင်နှုန်း ၅ဝ လျှော့ပေးထားတာပဲ။ အဲဒီကြားထဲက များတယ်ထင်ရင် ထပ်တင်- တင်သလောက်ကို လျှော့ပေး ထားတာပဲ။ အဲသလိုမျိုးပေါ့ သူတို့ လိုချင်သလောက်ကို လုပ်ပေးထားတာ ရှိတာပေါ့။
ဒါက ပြန်ကြားရေးနဲ့ ရုပ်ရှင်အစည်းအရုံးနဲ့ ညှိပြီးတော့ သူတို့ကို ခေါ်တာ။ ခေါ်ပြီးတော့ သူတို့ကို ပေးတာတွေတော့ ရှိတယ်။ နောက်ညစာစားပွဲ ဖိတ်ပြီးတော့ ဆု ချီးမြှင့်တာတွေလည်း ရှိတယ်။
ကျနော်တို့ကိုလည်း ချီးမြှင့်ပါတယ်။ ကျနော့်ကိုဆိုရင် ၄ သိန်းလားမသိဘူး။ ချီးမြှင့်တယ်။ ဒီလောက်ပါပဲ ကျနော်တို့က များများစားစားလည်း မယူပါဘူး။ ဘာမှလည်း သူတို့ဆီက အခွင့်အရေးလည်း မတောင်းဘူး။
* စောစောကပြောတာ ဒီဇာတ်ကားရဲ့ ဇာတ်ညွန်းက ကိုယ်ပိုင်ဇာတ်ညွန်း မဟုတ်ဘူး။ သူများရေးတဲ့ ဇာတ်ညွန်းတွေဆိုတော့ ပြည့်စုံမှုရှိလား။ တကယ် အလုပ် လုပ်ရတဲ့အခါမှာ စိတ်ကြိုက်တွေ့လား။
ကျနော့စိတ်ကြိုက်ဆိုလို့ရှိရင် ဒါလောက်အရှည်ကြီး မရိုက်ဘူး။ ဦးတည်ချက်က ဘာကို ဆိုလိုချင်တာလဲ။ ဦးတည်ချက် တချက်ပဲပေး။ ရုပ်ရှင်ကားက ထိုင်ကြည့်ရင် ဦးတည်ချက်က တချက်ပဲ ပေးရမှာ။ ဥပမာ ရာဇဝတ်ဘေး ပြေးမလွတ်၊ ဆေးလိပ်သောက်တာ မကောင်းဘူး၊ အရက်မူးရင် ဘာဖြစ်တယ် ညာဖြစ်တယ်။ ဒီလိုမျိုး တချက်ပဲဝင်မှာ။ ဇာတ်လမ်းက ဟိုဘက်ပဲ ဦးတည်ရမလိုလို ဒီဘက်ပဲ ဦးတည်ရမလိုလို အဲဒါမျိုးဆိုရင် အဲဒီကားတွေက ရှည်ပြီ။
* သရုပ်ဆောင်တွေနဲ့ အရင်တုန်းက ခေတ်မှာရှိခဲ့တဲ့ လူတွေရဲ့ ဇာတ်ကောင် စရိုက်မှာရော အခက်အခဲတွေ ရှိလား။
ဦးနုနဲ့ တူတဲ့လူကို သရုပ်ဆောင်ရှာပြီး မရိုက်နိုင်ဘူး။ ဦးနုနဲ့ တူတဲ့လူက သရုပ်ဆောင်ရှာဖို့ ဆိုတာ အင်မတန် ခဲယဉ်းတယ်။ ဦးနုလို ဥပဓိ ရုပ်မျိုးနဲ့ ဘာနဲ့ညာနဲ့ ဒီသရုပ်ဆောင်တွေနဲ့ ဘယ်လိုမှ မကိုက်ဘူး။ ဦးကျော်ငြိမ်းလည်း ဒီအတိုင်းပဲ။ ဦးဗဆွေလည်း ဒီအတိုင်းပဲ။ သူတို့က အင်မတန်မှ တကယ့်ကို နိုင်ငံရေး သမားကြီးတွေလေ။ ဂုဏ်သိက္ခာရှိတဲ့ လူကြီးတွေ။ သူတို့ပုံစံ မျိုးတွေကို ဒီသရုပ်ဆောင်တွေ မရဘူး။
* ဒီဇာတ်ကားမျိုးကိုရော ဆင်ဆာဘုတ်က ဆင်ဆာ ဖြတ်တာရှိသေးလား။ ရှိရင် ဘယ်လို အခန်းမျိုးတွေကို ဖြတ်လဲ။
ရှိပါတယ်။ ကြီးကြီးမားမား အခန်းမျိုးတွေတော့ မဟုတ်ပါဘူး။ ကျနော်တို့ကတော့ သမိုင်းအတိုင်း ရိုက်တာပေါ့နော်။ ဥပမာ ပြောရမယ် ဆိုလို့ရှိရင် ၁၉၅၈ ခုနှစ် အကွဲအပြဲ ဇာတ်လမ်းပေါ့။ ဦးဗဆွေက ပြောတယ်။ ရဲဘော်တွေကတဲ့ အရင်တုန်းက ငါ့ကို ကျားကြီးဗဆွေ လို့ခေါ်တယ်တဲ့။ အလုပ်လုပ်တာ ပြတ်သားလို့။
အခုကြတော့ ငါ့ကို နွားကြီးဗဆွေလို့ ခေါ်ကုန်ပြီတဲ့ ပြတ်သားသား မလုပ်တော့လို့တဲ့။ သဘောကတော့ ဦးနုနဲ့ သူတို့အုပ်စုနဲ့ တိုက်တဲ့ နေရာမှာ မပြတ်သားလို့ အောက်က မကျေနပ်ဘူးဆိုပြီး ပြောတာကို သူကိုယ်တိုင် ပြောတဲ့ စကားပေမယ့် ဒါတော့ ရင့်သီးတယ် ဆိုပြီး ဖြုတ်တယ်။
* ဒီဇာတ်ကားက စိတ်ဓါတ်စစ်ဆင်ရေး လုပ်တာလို့ တချို့က ဝေဖန်နေကြတယ်။ အန်ကယ် အဲဒီကိစ္စတွေနဲ့ ပတ်သက်ပြီး အန်ကယ် အနေနဲ့ ဘယ်လို ပြောချင်လဲ။
ကျနော်က စိတ်ဓါတ်စစ်ဆင်ရေး ရုံးမှာ အနှစ် ၂ဝ လုပ်လာတာ။ ကျနော် စိတ်ဓါတ်စစ်ဆင်ရေး အရာရှိ လုပ်လာတာ အကြာကြီးပဲ။ ကျနော်သာ စိတ်ဓါတ် စစ်ဆင်ရေးလုပ်ရင် ဒါမျိုး မလုပ်ဘူး။ သူက နဲနဲလေး ဒဲ့ဒိုး ဆန်တာပေါ့။ စိတ်ဓါတ် စစ်ဆင်ရေး ဆိုတာ ဒဲ့ဒိုး မဟုတ်ဘူး။ လုပ်လို့ လုပ်လိုက်မှန်း မသိအောင် လုပ်တာ။ ကျနော်တို့ အများကြီး လုပ်ခဲ့ဘူးပါတယ်။ အတွေ့အကြုံတွေလည်း ရှိတယ်။
အခုဟာ ဇာတ်လမ်းဇာတ်ညွှန်းတွေက ကျနော်စိတ်ကြိုက် မဟုတ်ဘူး။ သူတို့ ချပေးတဲ့အတိုင်း သဘောတူတဲ့ အတိုင်း ကျနော်က ရိုက်တာ။
* အန်ကယ်အနေနဲ့ ကိုယ်တိုင် ဇာတ်ညွန်းရေးပြီး စိတ်ဓါတ်စစ်ဆင်ရေး ဇာတ်ကားရိုက်မယ် ဆိုရင် ဘယ်လို ပုံစံမျိုး ရိုက်မလဲ။
ကျနော်သာ စိတ်ဓါတ်စစ်ဆင်ရေး ဇာတ်ကားရိုက်ရင် ဘယ်လိုကားမျိုး ရိုက်ပြမလဲဆိုရင် ဥပမာပြောရရင် မင်းသားတွေ အများကြီးနဲ့ မဲသဝေါ တိုက်ပွဲကို THE LONGEST DAY လို ဇာတ်လမ်းမျိုး ရိုက်မှာပေါ့။ THE LONGEST DAY မှာဆိုရင် ဂျာမန်ကို ထိုးနှက် သွားတာပဲ။
ရမ်ဘိုလိုဟာမျိုးဆိုရင်တော့ ပေါပါတယ်။ သူတယောက်တည်းနဲ့ လူအများကြီးကို လျှောက်ချနေတဲ့ ဟာမျိုးတွေ။ နောက် Platoon လို ဟာမျိုးတွေ အဲဒါတွေက တကယ့်ဖြစ်ရပ်မှန်။ အဲဒီလို ဇာတ်ကားမျိုးတွေ ကျတော့ လူတွေက လက်ခံတယ်လေ။ အဲဒါမျိုးပေါ့။
စိတ်ဓါတ်စစ်ဆင်ရေးမှာ မူဝါဒ တခုရှိပါတယ်။ သီအိုရီပါပဲ။ ပရိသတ်ရဲ့အကြိုက်ကို ဘယ်တော့မှ မဆန့်ကျင်ရတဲ့။ ပရိသတ်တွေ အားလုံး ကြိုက်အောင် လုပ်မှာပဲ။ ပရိသတ်တွေ ကြိုက်မယ့်ဟာကို ၈ဝ ရာခိုင်နှုန်းလောက် ထည့်ပေးရမယ်။ ဟာသတွေပဲ ဖြစ်ဖြစ် ဘာပဲ ဖြစ်ဖြစ်ပေါ့နော်။ ကိုယ်ထည့်ချင်တဲ့ အိုက်ဒီယိုလော်ဂျီကို ၂ဝ ရာခိုင်နှုန်းလောက်ပဲ ထည့်ပေးရမယ်။ အခု ဒီကားမှာဆိုရင် ပြောင်းပြန်လောက် ဖြစ်တယ်။
* အရုဏ်ဦးမှာ ဖူးသည့်ကြာဇာတ်ကိုက သမိုင်းကြောင်းတွေကို ပြောင်းပြန်လုပ်ပြီး ရိုတ်ထားတယ်လို့ ဝေဖန်သံတွေ အများကြီး ထွက်နေတယ်။ ဒါကိုရော အန်ကယ် ဘယ်လိုမြင်လဲ။
အဲလိုဝေဖန်တာတွေကို အင်တာနက်ထဲမှာလည်း အများကြီးတွေ့တယ်။ ဒါပေမယ့် အဲဒါနဲ့ ပတ်သက်ပြီး သမိုင်းကြောင်း အထောက် အထားနဲ့ ပတ်သက်ပြီး တာဝန်ခံ စစ်ပေးမယ့်လူတွေ ရှိတယ်။ ဥပမာ ၁၉၄၈ ခုနှစ် ဗိုလ်ချုပ်နေဝင်းက အာဏာမရခင်မှာ ကာကွယ်ရေး ဦးစီးချုပ် မဟုတ်ဘူး။ ဒုတိယ ဗိုလ်ချုပ်ကြီး စမစ်ဒွန်း သူက ကရင်။ သူ့ကို ဘယ်သူမှတောင် မသိဘူး။ လွတ်လပ်ရေးရတဲ့ အချိန်မှာ သူက စစ်ဦးစီးချုပ်။
လေတပ်ဗိုလ်ချုပ်က စောရှီးရှိုး ကရင်။ အဲလိုဖြစ်နေတဲ့အချိန်မှာ ဦးနုနဲ့ သူတို့နဲ့ ကေအန်ယူ သောင်းကျန်းမှု ဘာညာ လုပ်နေတဲ့ အချိန်မှာ နောက်ဆုံးကျ ဦးနုက မနိုင်ဘူး။ မနိုင်ဘူးဆိုတာ သူလျှော့ပေး နေတာကိုး။ နောက်ကျတော့ သူပြောလို့ မရတော့ ကွန်မြူနစ် ဦးသိန်းဖေမြင့်တို့က ဖိအားပေးတာလည်း ပါတယ်။
ဦးဗဆွေတို့ ဦးကျော်ငြိမ်းတို့ကလည်း ဖိအား ပေးတာပါတယ်။ ကဲအဲဒါဆို ကရင်အရာရှိတွေ ထုတ်ပစ်ဆိုပြီး သူတို့က စစ်ဦးစီးချုပ် ဒုတိယ ဗိုလ်ချုပ်ကြီး စမစ်ဒွန်းကို အနားပေးပစ် လိုက်တယ်။ လေတပ်ဗိုလ်ချုပ်ကို အနားပေးတယ်။ ပြီးတော့ ဗိုလ်ချုပ်နေဝင်းကို ခေါ်ပြီး စစ်ဦးစီးချုပ် ခန့်လိုက်တယ်။ ခန့်လိုက်တဲ့အချိန်မှာ အဲဒီမှာ ကေအန်ယူက အဲဒါ မကျေနပ်ပြီးတော့ စတာပဲ။ ကေအန်ယူ တော်လှန်ရေးတွေ ဖြစ်ကုန်တယ်ဆိုတာ အဲဒါပဲ။
* အန်ကယ်က ဖြစ်ရပ်မှန်တွေကို ပြန်ရိုက်တယ်ဆိုတော့ ၁၉၈၈ အရေးတော်ပုံလို ဟာမျိုးကိုရော အန်ကယ် အနေနဲ့ ပြန်ရိုက်ပြဖို့ ရှိလား။
မရှိပါဘူး။ အဲဒီအကြောင်းကို ရေးတော့ ရေးဘူးတယ်။ အဲဒီတုန်းက ခွင့်မပြုဘူး။ စာမူကလည်း ပျောက်သွားတယ်။ ကျောင်းသားတွေ အကြောင်းပဲ ရေးတာပါ။ ပြန်လာတဲ့ ကျောင်းသားတွေကို အင်တာဗျူး အကုန် လုပ်ပြီးတော့မှ ရေးထားတာပါ။ အဲဒီတုန်းကတော့ တပ်မှာကိုက သတင်းထုတ်ပြန်ရေး အဖွဲ့ဆိုပြီး တဖွဲ့ရှိသေးတာ။ စာပေစိစစ်ရေးထက် မြင့်တဲ့ အဖွဲ့ပေါ့။ အဲဒီအဖွဲ့က ခွင့်မပြုဘူးလည်း မပြောဘူး။ ဆိုင်းငံ့လို့ ပြောထားပြီး စာမူက ပျောက်သွားတာ။ စာမူက လက်ရေးမူပါ ပျောက်သွားတော့ အဲဒါနဲ့ ပြန်လည်း မရေးနိုင်တော့ဘူး။
* အန်ကယ့်အနေနဲ့ရော ကြံ့ဖွံ့ကိုယ်စားပြု ဇာတ်ကားမျိုးတွေရော ရိုက်ဖို့ရှိလား။ သူတို့ကရော ဇာတ်ကားရိုက်ဖို့ ပြောလာတာမျိုးရှိလား။
အဲဒါတော့ မရိုက်နိုင်ဘူးလို့ပဲ ပြောလိုက်တယ်။ သူတို့ကလည်း ရိုက်ချင်တယ်လို့သာ ပြောတာ၊ ဘာမှမရှိဘူး။ ဘယ်လိုလုပ်ရင် ကောင်းမလဲ ဆိုတော့ ဘယ်လိုမှ လုပ်မနေနဲ့လို့ ပြောလိုက်တယ်။ ရိုက်ချင်တယ်။ ဘယ်လိုလုပ်ကြရင် ကောင်းမလဲ။ ဘာလဲဆိုပြီး စကားတော့ စလာတယ်။ ငါတော့ လာမခိုင်းပါနဲ့လို့ ကျန်းမာရေး မကောင်းဘူးလို့။ အဲဒီ အာရုံဦးမှာ ဖူးသည့်ကြာ ရိုက်ပြီးကတည်းက အိမ်မှာ ၂ လလောက်က လဲနေတာ ထတောင် မထနိုင်ဘူး။ ကျနော့် နှလုံးက ၂ ခါခွဲပြီးပြီ။ အဲဒီဇာတ်ကား ရိုက်တုန်းက အနာတောင် မကျက်သေးဘူး။ မနှစ်ကတည်းက ရိုက်နေတာလေ။ ရိုက်ကူးတဲ့ရက်က ခရီးသွားရက်မပါ ၂၉ ရက် ကြာတယ်။
* အန်ကယ်အနေနဲ့ ဒီလို ပေါ်လစီ ဇာတ်ကားမျိုးတွေ ရိုက်တဲ့အတွက် ပရိတ်သတ်က မုန်းမယ် ဆိုတာမျိုးရော ထည့်တွက်ခဲ့ဘူးလား။
တချို့ နားလည်တဲ့ လူကလည်း နားလည်ပါတယ်။ နားမလည်တဲ့ လူကလည်း ဆဲသွားမှာပေါ့ဗျာ။ ဒါကတော့ ကိုယ်လုပ်တဲ့ အလုပ် ကိုယ့်နာမည်ကြီး စာတမ်းထိုးလိုက်ရင် ကိုယ်ကတော့ တာဝန်ယူရမှာပဲ။ မရှောင်ပါဘူး။ ဟာ ဒီဥစ္စာကြီး ကျနော်မသိဘူး။ မသိလို့ လုပ်လိုက် ရတာပါလို့ ကျနော်မပြောဘူး။ သဘောကတော့ ကျနော် အတင်းဆေးရုံတက် ပြေးရင်ရတာပဲ။ ဒါပေမယ့် သြော်.. ကိုယ့်ကို တာဝန်ပေးပြီ ဆိုမှတော့ တာဝန် ကျေအောင် လုပ်ရတော့မှာပဲ ဆိုပြီး လုပ်လိုက်တာပါ။
* အန်ကယ်က အရင်တုန်းက တပ်မတော်သား တယောက်ပေါ့လေ။ အဲဒီကနေပြီးမှတဆင့် စာတွေရေး၊ ရုပ်ရှင်တွေ ရိုက်ဆိုတဲ့ လိုင်းဘက် ဘယ်လိုကူးခဲ့တာလဲ။
အရင်တုန်းကတော့ ကျနော်က ခြေလျင်စစ်သားပဲ။ ခြေလျင်စစ်သားကနေပြီးတော့ တပ်မတော် စာစဉ်မှာ စာရေးတဲ့ လူမရှိဘူးလို့ ဆိုပြီး ကျနော့်ကို ခေါ်တဲ့အချိန်မှာ ကျနော်က ငြင်းနေတာပေါ့နော်။ နောက်ဆုံး လူမရှိလို့ဆိုပြီး ကျနော့်ကို အတင်း ဆွဲခေါ်တော့ ကျနော် ခြေလျင် စစ်သားကနေ ရောက်လာတယ်။ ရောက်လာပြီး စာအုပ်ထုတ်ခိုင်း။
အဲဒီကနေ တခါ စစ်ရုံးကိုခေါ်။ ခေါ်ပြီးတခါ ရုပ်ရှင်မှာလုပ်မယ့်လူ မရှိဘူး သွားလုပ်ဆိုတော့ ရုပ်ရှင်က ကိုယ်လည်း မတတ်ဘူး။ မတတ်တော့ ပြန်လေ့လာရတယ်။ သင်တန်း တက်ရတယ်။ အဲဒါတွေ လုပ်ပြီးတော့မှ လုပ်တာပေါ့ဗျာ။
အဲသလို ကျနော်တို့က လုပ်ခဲ့တာ လုပ်ခဲ့ပြီးတော့မှ ခိုင်းရော။ ခိုင်းတဲ့ အခါကျတော့ စိတ်ဓာတ် စစ်ဆင်ရေးဆိုတာ ရုပ်ရှင်ရိုက်တာ စာရေးတာ ၂ ခုတည်း မဟုတ်ဘူး။ တခြားဟာတွေ အများကြီး ရှိပါတယ်။ လေယာဉ်ပျံပေါ်က နေပြီး စာရွတ်တွေ သွားပြီး ကြဲချရတာတို့ ဘာတို့ အများကြီးပဲ။
၈၈ ဆူပူနေတုန်းကလည်း မြောက်ဥက္ကလာမှာ လေယာဉ်နဲ့ ဆူပူနေရင် တပ်ကဝင်လိမ့်မယ် ဘာညာနဲ့ အဲဒီစာတွေ သွားကြဲ ချရတာပဲ။ နောက်တခါ ကျောင်းသားတွေ သွားတော့ ပြန်ခေါ်တဲ့စာလည်း နယ်စပ်တွေမှာ သွားပြီးတော့ လိုက်ကြဲတယ် ဒါက စိတ်ဓာတ် စစ်ဆင်ရေးတွေပဲ။
အဲတော့ ဒီရုပ်ရှင်ရိုက်တာ ဘာညာကျတော့ အများက သိလာတယ်။ တကယ့် စိတ်ဓာတ် စစ်ဆင်ရေးမှာ ၂ မျိုးရှိတယ်။ တမျိုးက လျှို့ဝှက်ပြီး လုပ်တယ်။ ဘယ်သူလုပ်မှန်း မသိဘူး ပေါ့နော်။ စာရေးရင်တမျိုး၊ အသံလွှင့်နေရင်လည်း ဘယ်က လွှင့်နေမှန်း မသိဘူး ဒါမျိုးတွေက စိတ်ဓာတ် စစ်ဆင်ရေး စနစ်ပေါ့။
နောက်တမျိုးက အထင်ကရလုပ်တဲ့ စိတ်ဓာတ်စစ်ဆင်ရေး လူသိရှင်ကြား ဗြောင်ကြီးလုပ်တဲ့ စစ်ဆင်ရေး။ လုပ်တဲ့လူက နာမည် ခံရတော့မှာ။ အဲဒီတော့ ကျနော်တို့က ဘာဖြစ်လဲ ဆိုတော့ ရှေ့က ပြန်ကြားရေး ဝန်ကြီးဌာန၊ ကာကွယ်ရေး ဝန်ကြီးဌာန ဘယ်ဌာနမှ ရိုက်ကူးပါသည် လို့သာ ထိုးထားတာ ထိုးလိုက်တာကို ဒါရိုက်တာက ခံရတာပဲ။
အဲဒီတော့ ကောင်းကျိုးဆိုးကျိုးကို ဒါရိုက်တာက ခံရတာပဲ။ ကျနော်တို့ နိုင်ငံမှာ လူထုရဲ့ အသိကိုက ဒါရိုက်တာ သဘောပဲ ဆိုပြီး ဒါရိုက်တာကိုပဲ မြင်တာလေ။ ဒါရိုက်တာက သေဆိုသေ ရှင်ဆိုရှင် ဘယ်ဟုတ်မလဲ။ ကျနော်တို့က မရိုက်ခင်လည်း on paper အစစ်ခံရတယ်။ ရိုက်ပြီးရင်လည်း ဟိုက မှန်ဘီလူးနဲ့ ကြည့်မှာပဲ။ မကျေနပ်ရင် ပြန်ရိုက်ခိုင်းမယ့် ပုံစံရှိတာကိုးဗျ။
* အန်ကယ်က တပ်မတော်ကနေ အနားယူလိုက်တာရော ဘာကြောင့်လဲ။ နိုင်ငံရေးလုပ်ဖို့ ရည်ရွယ်ချက်တွေများ ရှိလို့လား။
ကျနော်က အရင်ကစစ်သားဟောင်းပါပဲ။ ၂ဝဝ၇ ခုနှစ်တုန်းက ကျနော် ထွက်လိုက်တာပါ ဆေးနဲ့။ ကျနော်က ကျန်းမာရေး မကောင်းလို့ ထွက်တာ။ ကျနော်နားတော့ ဦးစီးအရာရှိ ပထမတန်းပါ။ ဒုဗိုလ်မှူးကြီးပေါ့။ နိုင်ငံရေး လုပ်ဖို့တော့ အစီအစဉ်မရှိပါဘူး။ ရည်ရွယ်ချက်လည်း မရှိပါဘူး။
Ref: မဇ္ဈိမ
ကန့်သတ်ဥပဒေများကို သုံးသပ်ရန် လိုအပ်ဟု အန်ဒီအက်ဖ်ခေါင်းဆောင် ပြောကြား
ဝီရ
၀၃ သြဂုတ် ၂၀၁၀
အားလုံးပါဝင်နိုင်သော ရွေးကောက်ပွဲတရပ် ဖြစ်မြောက်စေရန် အုပ်ချုပ်သူ စစ်အစိုးရ အဆက်ဆက်က ပြဋ္ဌာန်း ထားသော ကန့်သတ် အမိန့် ဥပဒေများကို ဥပဒေပညာရှင် တို့က ပြန်လည် သုံးသပ်ရန် လိုအပ်ကြောင်း အမျိုးသား ဒီမိုကရေစီ အင်အားစု (အန်ဒီအက်ဖ်) ပါတီ၏ ခေါင်းဆောင် တဦးဖြစ်သူ ဦးခင်မောင်ဆွေက ပြောကြားသည်။
ယခုနှစ်အတွင်း ကျင်းပမည့် ရွေးကောက်ပွဲ ဝင်ခွင့်ရရေးအတွက် အသနားခံစာ တင်ပြရမည်ဟု ရွေးကောက်ပွဲ ကော်မရှင်က အကြောင်း ကြားမှုနှင့် ပတ်သက်၍ နိုင်ငံတော် ပုန်ကန်မှုဖြင့် ထောင်ဒဏ် နှစ်ရှည်ကျခံခဲ့ရသူ အန်ဒီအက်ဖ် ပါတီဝင် တဦးဖြစ်သူ ဦးခင်မောင်ဆွေက ယင်းသို့ ပြောကြားခြင်း ဖြစ်သည်။
၎င်းက “ထောင်ဒဏ်လည်း အပြည့်ခံခဲ့ရပြီးပြီလေ။ ပြစ်ဒဏ်ပြည့်သွားလို့ လွတ်လာကြတယ်။ သာမန်လူ တယောက် အနေနဲ့ နိုင်ငံသားတိုင်း ရသင့်တဲ့ အခွင့်အရေးတွေကို ကန့်သတ်သလို အခုဖြစ်ရပ်က ပြနေတယ်။ ဒါ့အပြင် အနှစ် (၂၀) ကျော်လာပြီ ဖြစ်ပေမယ့် မဝင်ရဘူးလို့ ကန့်သတ်ထားဆဲ ဖြစ်တယ်။ အားလုံး ပါဝင်နိုင်တဲ့ ရွေးကောက်ပွဲ တရပ် ဖြစ်လာဖို့ဆိုရင် တချို့သော ဥပဒေတွေကို ပယ်ဖျက်သင့်တာ ပယ်ဖျက်သွားဖို့ လိုတယ်။ ဒီလို ဥပဒေမျိုးတွေရဲ့ သက်ရောက်မှု ဘယ်လောက် ရှိသလဲ ဆိုတာ ပညာရှင်တွေက စူးစမ်း လေ့လာပြီး ပြန်သုံးသပ်သွားဖို့ လိုအပ်နေပြီလို့ ကျနော် ပြောချင်တယ်” ဟု ခေတ်ပြိုင်သို့ ပြောကြားသည်။
နိုင်ငံတော် ပုန်ကန်မှု ပုဒ်မ (၁၂၁၊ ၁၂၂၊ ၁၂၄) တို့ဖြင့် နှစ်ရှည်ထောင်ဒဏ် ကျခံခဲ့ဖူးသူ လက်ရှိ အန်ဒီအက်ဖ် ခေါင်းဆောင်များ ဖြစ်သော ဒု-ဥက္ကဋ္ဌ ဦးတင်အောင်၊ ဦးခင်မောင်ဆွေ၊ ဦးသာဆိုင်နှင့် ဦးစိန်လှဦးတို့ (၄) ဦးသည် လာမည့် ရွေးကောက်ပွဲတွင် ဝင်ရောက် ယှဉ်ပြိုင်ခွင့် မရှိကြောင်း၊ အသနားခံစာ တင်ရန် လိုအပ်ကြောင်း ရွေးကောက်ပွဲ ကော်မရှင် ဥက္ကဋ္ဌ ဦးသိန်းစိုးက ပြီးခဲ့သည့် ဇူလိုင် (၃၀) ရက်တွင် နေပြည်တော်၌ ခေါ်ယူ တွေ့ဆုံ ပြောကြားခဲ့သည်ဟု သိရသည်။
အသနားခံစာတင်ပြရန် တောင်းဆိုခြင်းခံရသူ အန်ဒီအက်ဖ် ခေါင်းဆောင် (၄) ဦးစလုံးသည် ၁၉၉၀ ရွေးကောက်ပွဲ၌ ရွေးကောက် ခံရသည့် အန်အယ်လ်ဒီ ပါတီ၏ ပြည်သူ့ လွှတ်တော် ကိုယ်စားလှယ်များ ဖြစ်သည်။
၁၉၉၀ ခုနှစ် ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) အား နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့ ခေါ် နဝတ စစ်အစိုးရက အာဏာ လွှဲပြောင်း မပေးခြင်းကြောင့် စင်ပြိုင်အစိုးရ ဖွဲ့စည်းရန် ကြိုးပမ်းစဉ်က ၎င်းတို့ (၄) ဦးလည်း ပါဝင်ခဲ့၍ အဆိုပါအမှုဖြင့် တရား စွဲခံခဲ့ရခြင်း ဖြစ်သည်။
ဦးခင်မောင်ဆွေက “အသနားခံစာကို အမြန်ဆုံး တင်နိုင်ဖို့ ဥပဒေကျွမ်းကျင်သူတွေနဲ့ ဆွေးနွေး နေပါတယ်။ ဒါပေမယ့် ဝင်ပြိုင်ခွင့် ပြုမလား၊ မပြုဘူးလား ဆိုတာ မသေချာပါဘူး။ မရခဲ့ဘူး ဆိုရင်တော့ လွတ်လပ်မှု၊ တရားမျှတမှု စတဲ့အချက်တွေနဲ့ ဒီရွေးကောက်ပွဲဟာ ဆန့်ကျင် သွေဖည် သွားနိုင်တယ်” ဟု ပြောသည်။
၎င်းတို့တင်ပြရမည့် အသနားခံစာတွင် အမျိုးသားရင်ကြားစေ့ရေးအတွက် စစ်အစိုးရနှင့် လက်တွဲ ဆောင်ရွက်ရန် ဆန္ဒရှိကြောင်း၊ နိုင်ငံတော် အကြည်အညို ပျက်စေရန် အလားတူ ပတ်သက်မည် မဟုတ်ကြောင်း စသည့် အဓိက ခံဝန်ချက် (၂) ရပ်လည်း ပါရှိရမည်ဖြစ်ပြီး ကော်မရှင် ဥက္ကဋ္ဌမှတဆင့် အထက်သို့ ဆက်လက် ဆွေးနွေးရမည်ဖြစ်၍ အန်ဒီအက်ဖ် ခေါင်းဆောင်တို့က မျှော်လင့်ချက် သိပ်မထားကြောင်း သိရသည်။
“ကော်မရှင်ဥက္ကဋ္ဌက အသနားခံစာကို စိစစ်ပြီး အထက်ကို ဆက်တင်ပြရဦးမယ်ဆိုတော့ သိပ်မမျှော်လင့်ဘူး။ ဒါပေမယ့် တဖက်မှာ အန်ဒီအက်ဖ် ပါတီက ကျနော်တို့ နာမည်တွေနဲ့ နိုင်ငံရေး မှတ်ပုံတင်ခွင့် ကျထားပြီးသား ပါတီဖြစ်တယ်။ ပါတီထဲက ဆက်လုပ်လို့ရတဲ့ တာဝန်ကနေ ဒီမိုကရေစီ ထွန်းကားရေးအတွက် ကျနော်တို့ ဆက်လုပ်သွားမှာပါ” ဟု ဦးခင်မောင်ဆွေက ပြောကြားသည်။
အမျိုးသားဒီမိုကရေစီအင်အားစု (အန်ဒီအက်ဖ်) သည် ပြီးခဲ့သည့် ဇူလိုင်လ (၉) ရက်နေ့ ကတည်းက ပါတီ မှတ်ပုံတင်ခွင့် ကျခဲ့ပြီးဖြစ်သည်။
ရွေးကောက်ပွဲ ကော်မရှင်က ခေါ်ယူသတိပေး ပြောကြားခဲ့သည့် ဥပဒေသည် ၁၉၉၁ ခုနှစ် လွှတ်တော် အမတ်များ အတွက် ထုတ်ပြန် ထားခြင်းဖြစ်ပြီး နိုင်ငံတော် သစ္စာဖောက်မှု၊ နိုင်ငံတော် အကြည်အညို ပျက်စေမှု၊ သတင်း ထိန်ချန်မှုတို့ဖြင့် ပြစ်မှု ထင်ရှားခဲ့လျှင် လွှတ်တော် ကိုယ်စားလှယ် အဖြစ် ရပ်တည်ပိုင်ခွင့် မရှိကြောင်း၊ အဆိုပါ ဥပဒေသည် ၂၀၀၈ ခုနှစ် ဖွဲ့စည်းပုံ အခြေခံ ဥပဒေ၌လည်းကောင်း၊ ရွေးကောက်ပွဲ ဆိုင်ရာ ပြဋ္ဌာန်းချက် ဥပဒေ၌ လည်းကောင်း ဖော်ပြထားရှိခြင်း မရှိ၍ အန်ဒီအက်ဖ် အနေဖြင့် ဥပဒေကြောင်းအရ လျှောက်လဲ သွားရန် ရှိကြောင်း သိရသည်။
အန်ဒီအက်ဖ်ပါတီသည် ရန်ကုန်မြို့၊ တာမွေမြို့နယ်၊ မေတ္တာညွန့် ရပ်ကွက်ရှိ ဒဂုံလွင်လမ်းမ၌ ပါတီ၏ ဌာနချုပ်ကို သြဂုတ် (၁) ရက်နေ့က စတင်ဖွင့်လှစ်ခဲ့ပြီး တိုင်းနှင့် ပြည်နယ်ကိုယ်စားပြု လွှတ်တော် ကိုယ်စားလှယ် (၁၀၀) ခန့် ရရှိထားပြီဟု သိရသည်။
နအဖစစ်အစိုးရ ကျင်းပမည့် ရွေးကောက်ပွဲအတွက် နိုင်ငံရေးပါတီ တည်ထောင်ခွင့်နှင့် ဆက်လက် တည်ထောင်ခွင့် လျှောက်ထားသည့် ပါတီ (၄၆) ပါတီရှိပြီး နိုင်ငံရေးပါတီ မှတ်ပုံတင်ခွင့် လျှောက်ထားသည့် ပါတီ (၄၀) ကို မှတ်ပုံတင်ခွင့် ပြုခဲ့ပြီး ဖြစ်ကြောင်းနှင့် ကျန်လျှောက်ထားသည့် ပါတီများ စိစစ် ဆောင်ရွက်လျက် ရှိကြောင်း သြဂုတ် (၃) ရက်ထုတ် မြန်မာ့အလင်း သတင်းစာတွင် ဖော်ပြထားသည်။
သို့သော် ပါတီမှတ်ပုံတင်ခွင့်ပြုပြီး နိုင်ငံရေးပါတီ (၄၀) အနက် ရွေးကောက်ပွဲ ကော်မရှင်သို့ အင်အားစာရင်း တင်ပြပြီးသည့် နိုင်ငံရေးပါတီ (၁၀) ခုသာ ရှိသေးကြောင်း သိရသည်။
Ref: ခေတ်ပြိုင်
“အရုဏ်ဦးမှာ ဖူးသည့်ကြာ” ၌ ပါဝင်သူများကို အင်္ဂလန်တွင် ဆန္ဒပြ
ဘစောတင်
Tuesday, August 03, 2010
အင်္ဂလန်နိုင်ငံတွင် ရောက်ရှိ နေသော မြန်မာနိုင်ငံမှ နာမည်ကြီး ရုပ်ရှင် သရုပ်ဆောင် နေတိုးနှင့် အဖွဲ့ ကို လန်ဒန်နှင့် မန်ချက်စတာ မြို့များရှိ မြန်မာများက ပြင်းထန်စွာ ကန့်ကွက် ဆန္ဒပြကြကြောင်း သိရသည်။
စစ်အစိုးရ၏ ၀ါဒဖြန့်ချိရေး ရုပ်ရှင်ကား တကားဖြစ်သော “အရုဏ်ဦးမှာ ဖူးသည့်ကြာ” ရုပ်ရှင်ကားတွင် ပါဝင် သရုပ် ဆောင်ထားသည့် နေတိုးနှင့် မိုးယုစံတို့ ယမန်နေ့ နေ့လယ် ၁ နာရီခန့်က လန်ဒန်မြို့မှ မန်ချက်စတာမြို့သို့ မီးရထား ဖြင့် ရောက်ရှိ လာချိန်၌ ဘူတာမှ စောင့်၍ ဆန္ဒပြကြခြင်း ဖြစ်သည်ဟု ဆန္ဒပြ ဦးဆောင်သူ တဦးက ဧရာဝတီသို့ ပြောသည်။
“သူတို့အုပ်စု ဘူတာကအထွက်မှာ အနီးကပ်ပဲ ကြွေးကြော်သံတွေ ဟစ်ပြီး ဆန္ဒပြနိုင်ခဲ့တယ်။ အရုဏ်ဦးမှာ ဖူးသည့် ကြာမှာ ပါဝင်တဲ့ သရုပ်ဆောင်တွေကို ပြင်းပြင်းထန်ထန် ရှုတ်ချကြောင်း အော်ကြတယ်။ ကျနော်တို့က ဒေါ်အောင် ဆန်းစုကြည် ပုံတွေကိုကိုင်ပြီး ဆန္ဒပြကြတာ ဆိုတော့ အင်္ဂလိပ်တွေက ဒါကိုသိတယ်။ သတင်းထောက်တွေပါ ရောက်လာတယ်။ နေတိုးနဲ့ ထွန်းထွန်းဆိုတာ တက္ကစီပေါ်ပြေးတက် သွားတယ်” ဟု ဆန္ဒပြ ဦးဆောင်သူ ကိုဌေးကို က ဆိုသည်။
မန်ချက်စတာမြို့ဆန္ဒပြပွဲတွင် မြန်မာ ၅ ဦးသာ ပါရှိသော်လည်း နေတိုးနှင့် အဖွဲ့ သွားလေရာတွင် ဆန္ဒပြကြကြောင်း၊ ဇူလိုင်လ ၃၁ ရက်နေ့ ည ဦးပိုင်းကလည်း နေတိုးနှင့် အဖွဲ့ ကို အင်္ဂလန်ရောက် မြန်မာ ကျောင်းသား ၇၀ ခန့်က ၀ိုင်းဝန်း ဆန္ဒပြခဲ့ ကြကြောင်း ၎င်းက ဆက်လက် ပြောပြသည်။
“အရုဏ်ဦးမှာ ဖူးသည့်ကြာ” ရုပ်ရှင် ကားသည် သမိုင်း အချက်အလက် မှန်များကို ထိန်ချန် ရိုက်ကူး ထားသောကြောင့် အဆိုပါ ရုပ်ရှင် ကားတွင် ပါဝင်သည့် သရုပ်ဆောင်များကို ပြည်သူက လက်မခံကြောင်း သိစေရန် ယခုကဲ့သို့ ဆန္ဒပြ ကန့်ကွက်ရခြင်း ဖြစ်ကြောင်း ဆန္ဒပြပွဲ ဦးဆောင်သူ တဦးဖြစ်သည့် မမိုးမိုးခင်ကလည်း ပြောသည်။
“အခု ဒီလန်ဒန်ကို ရောက်နေတဲ့ မင်းသား မင်းသမီးတွေ အဆိုတော်တွေထဲမှာ အဲဒီကားမှာ ပါတဲ့သူ နှစ်ယောက် ပါတယ်။ နေတိုးနဲ့ မိုးယုစံပါ။ ဒီကားထဲမှာ ဦးသန့်လို ကမ္ဘာနဲ့ ချီတဲ့ အထင်ကရ ပုဂ္ဂိုလ်ကြီးကို သေးသိမ်အောင် ပြောဆို ထားတာ ပါသလို ကျောင်းသား သမိုင်းမှာ အရေးပါတဲ့ ဆဲဗင်း ဂျူလိုင် အရေးအခင်း ကိစ္စကို သေးသိမ်အောင် ပြောဆို သရုပ်ဆောင် ပြတာဟာ မသင့်လျော်ပါဘူး။ ဒီရုပ်ရှင်ကားနဲ့ ကျမတို့ မျိုးဆက်သစ် မောင်ငယ် ညီမငယ်တွေ ပြည်သူ လူထုတွေကို သတင်းမှားတွေကို ပေးရာမှာ ပါဝင်ကြတဲ့ မင်းသား မင်းသမီးတွေကို ဆန္ဒပြကြတာ။ ပြည်တွင်းမှာ လုပ်ချင် ပေမယ့် လုပ်ခွင့်မရတဲ့ ကျောင်းသား လူငယ်တွေ ကိုယ်စား ကျမတို့က လုပ်ကြတာ”ဟု ဆိုသည်။
နေတိုးနှင့်အဖွဲ့ ကို လန်ဒန်ရှိ မြန်မာသံရုံးမှ ကျောထောက်နောက်ခံ ပြုထားသော မြန်မာအသင်း (ယူကေ)မှ ဖိတ်ကြား ကာ အငြိမ့်နှင့် စင်တင်ဂီတ ဖျော်ဖြေပွဲ ပြုလုပ်ခဲ့ခြင်း ဖြစ်ပြီး ယင်းပွဲသို့ မြန်မာ ပရိသတ် ၁၀၀ ကျော် လာရောက် ကြည့်ရှု ခဲ့ကြကြောင်း သိရသည်။
ဆန္ဒပြသူများက မြန်မာအနုပညာရှင်များနှင့်အတူ လာရောက်အားပေး သူများကိုပါ ကြွေးကြော်သံများဖြင့် ကန့်ကွက် ခဲ့ကြကြောင်း ဆန္ဒပြရာတွင် ပါဝင်သော ဘွဲ့လွန်ကျောင်းသား တဦးဖြစ်သည့် ကိုထက်ခေါင်လွင်က ပြောသည်။
“ကျနော်တို့က ပြည်သူ့ ဆန်စား ပေါ်လစီမင်းသား နွား နွား လို့ ဟစ်ကြွေးကြတယ်။ ပြီးတော့ ဒီစစ်အစိုးရ ပွဲကို လာရောက် အားပေးတဲ့ လူတွေကိုလည်း စစ်အစိုးရ အားပေးသူ ငါတို့ ရန်သူ ငါတို့ ရန်သူ လို့ အော်လိုက်ကြတဲ့ အချိန်မှာ ပွဲလာ ပရိသတ်တွေဟာ ကျနော်တို့ ဘက်ကို လှည့်တောင် မကြည့်ရဲ ကြတော့ဘူး။ တခါတည်း ခန်းမထဲကို ၀င်သွားကြတယ်”ဟု ၎င်းကဆိုသည်။
နေတိုးနှင့်အဖွဲ့ သည် ယနေ့တွင် လီဗာပူးလ်မြို့ကို သွားလည်မည်ဟု သိရပြီး လီဗာပူးလ် အရောက်တွင်လည်း ဆန့် ကျင် ကန့်ကွက်ခြင်း ခံရဦးမည်ဖြစ်ကြောင်း ရှစ်လေးလုံး ကျောင်းသားခေါင်းဆောင် ကိုဇော်ဇော်အောင်က ပြောသည်။
သြဂုတ်လ ၂ ရက်နေ့က လန်ဒန်တွင် ပြုလုပ်သော ရခိုင်ယဉ်ကျေးမှု အခမ်းအနားပွဲသို့ နေတိုးသည် မူလက လာရောက်ရန် လက်ခံ ခဲ့သော်လည်း ထပ်မံ ဆန္ဒပြခံရမည်ကို စိုးရိမ်၍ လာရောက်ခဲ့ခြင်း မရှိကြောင်း၊ နေတိုးသည် ရခိုင် ပြည်နယ် မာန်အောင်မြို့ဇာတိ ရခိုင်လူမျိုး ဖြစ်သောကြောင့် အင်္ဂလန်ရောက် ရခိုင်များက ဖိတ်ကြား ခဲ့ကြခြင်းဖြစ်ကြောင်း သိရသည်။
၎င်းတို့ နှင့်အတူ အဆိုတော် ထွန်းထွန်း၊ ကျော်ကျော်ဗို အပါအ၀င် ၁၀ ဦးကျော်ပါရှိသည်ဟု သိရသည်။
အလားတူ အရုဏ်ဦးမှာ ဖူးသည့်ကြာ ကားတွင် ပါဝင်သည့် ၀ိုင်းစုခိုင်သိန်းနှင့် အဖွဲ့ မကြာခင် အမေရိကန် ပြည်ထောင်စု သို့ လာရောက်ကာ ရှစ်လေးလုံးနေ့တွင် ဖျော်ဖြေပွဲ လုပ်မည်ကိုလည်း အမေရိကန်ရောက် မြန်မာများက ကန့်ကွက်ရန် စီစဉ်နေကြောင်း သတင်းများရရှိသည်။
နာမည်ကျော် ရုပ်ရှင်သရုပ်ဆောင် အများအပြား ပါဝင်ထားသော “အရုဏ်ဦးမှာ ဖူးသည့်ကြာ” ဇာတ်ကားကို ဒုတိယ ဗိုလ်မှူးကြီးဟောင်း တဦးဖြစ်သော ဒါရိုက်တာ တင်သန်းဦး က ရေးသား ရိုက်ကူးပြီး ကာကွယ်ရေး ဝန်ကြီးဌာန အပြင် နေပြည်တော်တိုင်း၊ ရန်ကုန်တိုင်း၊ အလယ်ပိုင်းတိုင်း၊ အနောက်တောင်တိုင်း စသည့် တိုင်း စစ်ဌာနချုပ် များမှ တိုင်းမှူးများ၊ ဌာနဆိုင်ရာ များကပါ ဇာတ်ကား ဖြစ်မြောက်ရေး အတွက် အဓိက ပံ့ပိုး ကူညီကြကြောင်း သိရသည်။
ယင်းဇာတ်ကားကို နဝရတ်ရွှေစင် ရုပ်ရှင်ထုတ်လုပ်ရေးမှ ထုတ်လုပ်ပြီး ၂၀၀၉ ခုနှစ် စက်တင်ဘာလမှ စတင်ရိုက်ကူး ခဲ့သည်။ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်း နှစ်ပတ်လည် ဂုဏ်ပြု ဇာတ်လမ်းအဖြစ် ရိုက်ကူးခဲ့ခြင်း ဖြစ်သည်။
မြန်မာနိုင်ငံ၏ ခေတ်(၃)ခေတ်ကို အဆင့်ဆင့် ဦးတည်ပုံဖော် ရိုက်ကူးထားပြီး ရန်ကုန်၊ မန္တလေး၊ မိတ္ထီလာ၊ ငွေဆောင်၊ ချောင်းသာ၊ နေပြည်တော် မြို့များတွင် ရိုက်ကူးချိန် (၁)လခန့် ကြာမြင့်စွာ ရိုက်ကူးခဲ့ကြောင်း သိရသည်။
“အရုဏ်ဦးမှာ ဖူးသည့်ကြာ”တွင် မြန်မာနိုင်ငံ ရုပ်ရှင် အစည်းအရုံးမှ နာမည်ကြီး သရုပ်ဆောင်များ ဖြစ်ကြသော ကျော်ရဲအောင်၊ လွင်မိုး၊ လူမင်း၊ ခန့်စည်သူ၊ နေတိုး၊ ပြေတီဦး၊ အောင်ခိုင်၊ အရိုင်း၊ ငှက်ပျောကြော်၊ ကင်းကောင်၊ စိုးမြတ်သူဇာ၊ ခိုင်သင်းကြည်၊ အိန္ဒြာကျော်ဇင်၊ မြတ် ကေသီအောင်၊ သက်မွန်မြင့်၊ မျိုးသန္တာထွန်း၊ မယ်လိုဒီ၊ ဆုကဗျာ၊ စိုးပြည့်သဇင်၊ မိုးဟေကို၊ မေသက်ခိုင်၊ ပုလဲဝင်း၊ ပွင့်နဒီ မောင်၊ ရတနာမိုင်၊ အေးမြတ်သူ အစရှိသည့် သရုပ်ဆောင်များစွာ ပါဝင် သရုပ်ဆောင် ထားသည်။
ထိုဇာတ်ကားသည် လွတ်လပ်ရေးရပြီးနောက်ပိုင်း ကျောင်းသား လှုပ်ရှားမှုနှင့် နိုင်ငံရေး လုပ်ရှားမှုများကို တင်ပြ ထားသော်လည်း သမိုင်း အမှန်ကို ပြင်ဆင်ကာ ရိုက်ကူးထားခြင်းကြောင့် ဝေဖန်မှုများစွာ ခံနေရကြောင်းလည်း သိရှိရသည်။
Ref: ဧရာဝတီ်
ရွေးကောက်ပွဲ ဒီဇင်ဘာလ ဖြစ်နိုင်မလား
နရီလင်းလက်
Tuesday, August 03, 2010
ဒီဇင်ဘာလ၌ နိုင်ငံတော်ဆိုင်ရာ အရေးကြီးသည့်ပွဲ ကျင်းပရန် ရှိသောကြောင့် လုံခြုံရေး ဆိုင်ရာများ ပြင်ဆင်ထားရန် ပြီးခဲ့သည့် တနင်္လာနေ့က ပြုလုပ်ခဲ့သည့် နိုင်ငံတော် လုံခြုံရေးဆိုင်ရာ အစည်း အဝေးတွင် ကာကွယ်ရေး ၀န်ကြီးဌာနမှ ဒုတိယ ဗိုလ်ချူပ်ကြီး မြင့်ဆွေက မှာကြားခဲ့ကြောင်း သိရသည်။
အာဏာပိုင်များ အနေနှင့် ယင်းကဲ့သို့ လုံခြုံရေး ဆိုင်ရာ ပြင်ဆင် ခိုင်းခြင်းသည် ဒီဇင်ဘာလ အတွင်း ရွေးကောက်ပွဲ ပြုလုပ်ရန် ဖြစ်နိုင်ကြောင်း အစည်းအဝေး တက်ရောက် ခဲ့သည့် စစ်ဘက်ဆိုင်ရာ အရာရှိကြီး တဦးက ဆိုသည်။
နိုင်ငံတော် လုံခြုံရေးဆိုင်ရာ အစည်းအဝေးကို ဒုတိယ ဗိုလ်ချူပ်ကြီး မြင့်ဆွေ ဦးဆောင်၍ အပတ်စဉ် တနင်္လာနေ့တိုင်း ရန်ကုန်မြို့တွင် ပြုလုပ်လေ့ရှိပြီး ပြည်ထဲရေး ၀န်ကြီးဌာနမှ အရာရှိများ၊ ရဲ အထူး သတင်းတပ်ဖွဲ့၊ ရန်ကုန်တိုင်းရဲ တပ်ဖွဲ့မှူးရုံးမှ အရာရှိများ တက်ရောက် ကြောင်း သိရသည်။
“နှစ်ဆန်းပိုင်းမှာလုပ်ခဲ့တဲ့ အစည်းအဝေးတုန်းက ရွေးကောက်ပွဲကို ၁၀ လပိုင်းထဲမှာ ကျင်းပဖို့ ရှိတယ်ဆိုပြီး လုံခြုံရေးပြင် ဆင်ခိုင်းခဲ့တယ်။ ဒါပေမယ့် အခု ထပ်ပြီးလုပ်တဲ့ အစည်းအဝေးမှာ လာမယ့် ဒီဇင်ဘာမှာ နိုင်ငံတော်ဆိုင်ရာ ပွဲတခု လုပ်ဖို့ ရှိတဲ့ အတွက် လုံခြုံရေး ထပ်ပြင်ဆင်ထားဖို့ မှာသွားတယ်”ဟု စစ်ဘက်ဆိုင်ရာ အရာရှိကြီးက ပြောဆိုသည်။
၂၀၁၀ ရွေးကောက်ပွဲကို အောက်တိုဘာလတွင် ကျင်းပမည်ဟု သတင်းများထွက်ပေါ် နေသော်လည်း ရွေးကောက်ပွဲတွင် ၀င်ရောက် ယှဉ်ပြိုင်မည့် ပါတီများ မဲဆွယ် စည်းရုံးခွင့် ရက်ပေါင်း ၉၀ ရရှိမည်ဆိုပါက အောက်တိုဘာလတွင် ကျင်းပရန် မဖြစ်နိုင်ကြောင်း ရွေးကောက်ပွဲ လေ့လာသူများက သုံးသပ်ကြသည်။
ဒုတိယ ဗိုလ်ချုပ်ကြီးမြင့်ဆွေသည် ၂၀၀၇ ရွှေဝါရောင်တော်လှန်ရေးတွင် ပါဝင်သူများအား ဖြိုခွင်းရာတွင် အဓိက တာဝန်ယူ ခဲ့သူ ဖြစ်ပြီး ၀န်ကြီးချုပ် ဗိုလ်ချုပ်ကြီးဟောင်း ဦးသိန်းစိန်၏ ယုံကြည်အားကိုးမှု ၊ တာဝန် ပေးအပ်မှုများကို ရရှိထားသူဖြစ် ကြောင်း၊ တချို့ ကိစ္စများတွင် ဒုတိယ ဗိုလ်ချုပ်ကြီးမြင့်ဆွေ ၏ အကြံဉာဏ်များ ယူရကြောင်း နေပြည်တော်မှ စစ်ဘက်ဆိုင်ရာ အရာရှိ က ပြောသည်။
စစ်အစိုးရက ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ(USDP)ကို ဖွဲ့စည်းကာ ရွေးကောက်ပွဲ ၀င်ရောက်ရန် ပြင်ဆင် ထားသည်။ USDP ပါတီကို လက်ရှိ ၀န်ကြီးချုပ် ဦးသိန်းစိန် ဦးဆောင်သော စစ်ခေါင်းဆောင် ၀န်ကြီးများဖြင့် ဖွဲ့စည်းခဲ့သည်။
စစ်အစိုးရက ယခုနှစ်တွင် ရွေးကောက်ပွဲ ကျင်းပမည်ဟု ပြောဆိုနေသော်လည်း နေ့ရက် အတိအကျကိုမူ ထုတ်ဖော်ပြောဆို ခြင်း မရှိသေးပေ။
Ref: ဧရာဝတီ်
ရခိုင်ဆရာတော် အဖမ်းခံရမှု အကြောင်းရင်း မသိရ
မင်းနိုင်သူ
Tuesday, August 03, 2010
ရခိုင်ပြည်နယ် စစ်တွေမြို့၊ ကန်တော်ကြီး ရပ်ကွက်ရှိ မိဘမဲ့ ကလေးများကို လက်ခံ စောင့်ရှောက် ထားသည့် မဟာမုနိ ဗုဒ္ဓ၀ိဟာရ ကျောင်းတိုက်အား ယမန်နေ့တွင် အာဏာပိုင်များက ချိပ်ပိတ် လိုက်ကြောင်း သတင်းရရှိသည်။
အဆိုပါ ကျောင်းတိုက်မှ ကျောင်းထိုင် ဆရာတော် ဦးပညာစာရအား ဇူလိုင် ၂၇ ရက်တွင် လူဝတ်လဲစေ၍ စစ်တွေအမှတ် (၁) ရဲစခန်းတွင် ဖမ်းဆီး ထားပြီးနောက် ယခုကဲ့သို့ ကျောင်းတိုက်ကို ချိပ်ပိတ် လိုက်ခြင်း ဖြစ်ကြောင်း သိရသည်။
ယင်း ကျောင်းတိုက်ရှိ မိဘမဲ့ ကလေးများကို စာသင်ကြား ပေးနေသော ဦးခိုင်ပြည်စိုးက “ဆရာတော်ကို ဘာမှုနဲ့ ဖမ်းတယ်ဆိုတာ အာဏာပိုင်တွေ ဘက်က တိတိကျကျ ပြောတာ မရှိသေးဘူး။ ကျောင်း ထိန်းသိမ်း စောင့်ရှောက်ရေး ကော်မတီရဲ့ တိုင်ကြားချက် အရ ဖမ်းတယ်လို့ပဲ သိရတယ်။ အဲဒီ တိုင်ကြား ချက်ထဲမှာ မာတုဂါမနဲ့ လွန်ကျူးတယ် ဆိုတဲ့ စွပ်စွဲချက်လည်း ပါတယ်လို့ ကြားရ ပါတယ်”ဟု ဧရာဝတီသို့ ပြောသည်။
သက်တော် ၅၇ နှစ်၊ ၀ါတော် ၃၇ ၀ါ ရှိ ဦးပညာစာရသည် ရခိုင်သမိုင်း သုတေသီလည်းဖြစ်ပြီး ၁၉၉၀ ခုနှစ်မှ စတင်ကာ အသက် ၅ နှစ်မှ ၂၅ နှစ်အတွင်းရှိ မိဘမဲ့ကလေးများကို ကျောင်းတိုက်တွင် လက်ခံစောင့်ရှောက်ကာ ပညာသင်ကြားပေး ကြောင်း သိရသည်။
ဦးပညာစာရကို စစ်တွေခရိုင် ရဲမှူးကြီး ဦးဆောင်၍ ဇူလိုင် ၂၇ ရက် နံနက် ၁၀ နာရီခွဲခန့်တွင် ဖမ်းဆီးခဲ့ပြီး ဦးပညာစာရ စုဆောင်းထားသည့် ရခိုင်ပြည်သုံး ရှေးဟောင်း ဒင်္ဂါးများ၊ ဓည၀တီ ခေတ်မှစ၍ မြောက်ဦးခေတ် အထိ ရခိုင် ဗုဒ္ဓရုပ်ပွားတော် များနှင့် ပုံတော်များ၊ ခေတ်အဆက်ဆက် ရေးထိုးခဲ့သည့် ရခိုင်ရှေးဟောင်း ကျောက်စာများ၊ ရခိုင် ရာဇ၀င်ကျမ်းများ၊ ရခိုင် ဆေးကျမ်းများ၊ ရခိုင် သမိုင်းဆိုင်ရာ ပေစာများ၊ ရခိုင်ပြည် တနံတလျားမှ ရှာဖွေထားသော နတ်ချင်း၊ သာချင်း၊ ဧချင်းများ အပါအ၀င် ရခိုင်စာပေများ၊ ကျေးလက်ရိုးရာ တေးကဗျာ များကိုပါ အာဏာပိုင်များက သိမ်းဆည်း ယူဆောင် သွားခဲ့ကြောင်း သိရသည်။
“သူ့ကို ဖမ်းထားတာက သင်္ကန်းဝတ်နဲ့ မိန်းမယူတယ်၊ သာသနာကို အကြည်ညိုပျက်အောင် လုပ်တယ်၊ နောက်ပြီး အလှူငွေ တွေကို အလွဲသုံးစား လုပ်တယ် ဆိုတာတွေနဲ့ စွဲထားတာပါ။ တရားလိုက ဘယ်သူလုပ်မလဲ ဆိုတာတော့ မသိပါဘူး” ဟု စစ်တွေ အမှတ် ၁ ရဲစခန်းမှ တာဝန်ကျ ရဲအရာရှိတဦးက ပြောသည်။
ဦးပညာစာရကို ဖမ်းဆီးစဉ်က တွေ့ရှိထားသော စာရွက်စာတမ်းများနှင့် ပတ်သက်၍ တသက်တကျွန်း ပြစ်ဒဏ် ချမှတ် ခံခဲ့ရဖူးပြီး ပြန်လည် လွတ်မြောက်လာသည့် ကွန်မြူနစ် ပါတီဝင်ဟောင်း ဦးခိုင်ပြည်စိုးကိုလည်း သြဂုတ် ၁ ရက်နေ့က အမှတ် ၁ ရဲစခန်း သို့ ခေါ်ယူ စစ်မေးခဲ့သည်ဟု သိရသည်။
“ကျနော်နဲ့ ကျနော့်တပည့်လေး မောင်ကျော်ကျော်သန်းကို ညနေ ၄ နာရီခွဲလောက်မှာ အမှတ် ၁ ရဲစခန်းကို ခေါ်သွားပြီး သူတို့ ကျောင်းတိုက်ကို ရှာတုန်းက တွေ့ထားတဲ့ စာရွက် စာတမ်းတွေနဲ့ ပတ်သက်ပြီး မေးတယ်။ ကျနော်ကလည်း ဒါတွေက အင်တာနက် စာမျက်နှာတွေမှာ ပါတဲ့ သတင်းတွေပဲလို့၊ လူတကာဖတ်လို့ ကူးလို့ ရနေတဲ့ ဟာတွေပဲလို့ ပြောလိုက်ပါတယ်။ ကျနော့်ကိုတော့ ည ၁၁ နာရီလောက်မှာ ပြန်လွှတ် ပေးလိုက်ပါတယ်”ဟု ဦးခိုင်ပြည်စိုးက ပြောသည်။
အမှတ် ၁ ရဲစခန်းတွင် စစ်မေးစဉ်က ဦးပညာစာရနှင့် ခေတ္တ စကားပြောခွင့် ရခဲ့ရာ ဦးပညာစာရသည် နှိပ်စက် ခံထားရပုံရပြီး လေသံပင် ပျော့နေသည်ဟု ဦးခိုင်ပြည်စိုးက ပြောသည်။
စစ်တွေအမှတ် ၁ ရဲစခန်းမှ တာဝန်ကျ ရဲအရာရှိကမူ နှိပ်စက် စစ်ဆေးမှုများ ပြုလုပ်ခြင်း မရှိဟု ငြင်းဆိုသည်။
“ကျနော်တို့ မြို့ခံတွေကတော့ ဦးပညာစာရကို ဖမ်းဆီးတာဟာ မိန်းမမှု တင်မကဘဲ တခြား အကြောင်း တရားတွေ ရှိနေဦး မယ်လို့ ယူဆကြတယ်။ ဘာဖြစ်လို့လဲ ဆိုတော့ ဦးပညာစာရဟာ မာတုဂါမနဲ့ ကျူးလွန်တယ် ဆိုရင်တောင် သူနဲ့ အစွပ်စွဲခံရတဲ့ မိန်းကလေးက တိုင်တာလည်း မဟုတ်တဲ့ အတွက် လူဝတ် လဲပေးလိုက်ရင် ကိစ္စပြတ်ပြီလေ။ အခုတော့ အဲဒီလို မဟုတ်ဘဲ ကျောင်းထဲက ဆရာတော် စုဆောင်းထားတဲ့ ပစ္စည်းတွေလည်း အကုန်သိမ်းတယ်။ ကျောင်းတိုက်ကိုလည်း ချိပ်ပိတ်တယ် ဆိုတော့ နောက်ကွယ်မှာ အကြောင်း တရားတွေ ရှိနေဦးမှာ အမှန်ပါပဲ” ဟု ဦးခိုင်ပြည်စိုးက ဆိုသည်။
ယခုနှစ်တွင် ဦးပညာစာရ၏ ကျောင်း၌ မိဘမဲ့ကလေး ၁၀၀ ခန့်ရှိကြောင်း၊ ဖမ်းဆီးမှု ဖြစ်ပွားပြီးနောက် အသက် ၂ နှစ်မှ ၇ နှစ်အရွယ်ရှိ ကလေး ၄၇ ဦးကို စစ်တွေ လူမှုဝန်ထမ်း ဦးစီးဌာနသို့ အာဏာပိုင်များက ခေါ်ဆောင်သွားကြောင်း၊ ကျန်ကလေး များကိုမူ မည်သည့် နေရာသို့ ပို့ဆောင်သည်ကို မသိရသေးကြောင်း စစ်တွေဒေသခံတဦးက ပြောသည်။
Ref: ဧရာဝတီ်
Posts
