By ဦးသားညွန့်ဦး တနင်္ဂနွေ, 18 ဇူလိုင် 2010
မြန်မာ့တပ်မတော်ကို စတင် တည်ထောင်သူလည်းဖြစ်၊ အမျိုးသား ခေါင်းဆောင်ကြီးလည်း ဖြစ်တဲ့ ဗိုလ်ချုပ်အောင်ဆန်းရဲ့ အခန်း ကဏ္ဍကို ဒီကနေ့ စစ်တပ်အတွင်းမှာ စနစ်တကျကို မှေးမှိန် ဖျောက်ဖျက် လာနေတာဟာ ဒီကနေ့ စစ်ခေါင်းဆောင်တွေရဲ့ လမ်းစဉ်နဲ့ ဗိုလ်ချုပ်အောင်ဆန်းရဲ့ လမ်းစဉ် ပြဒါးတလမ်း သံတလမ်း ဖြစ်တယ်ဆိုတာ ပြနေတာပဲလို့ တပ်မတော် အရာရှိဟောင်း တဦးက ပြောပါတယ်။ အပြည့်အစုံကို ကိုသားညွန့်ဦးက ဆက်သွယ်မေးမြန်းပြီး တင်ပြပေးထားပါတယ်။
ဗိုလ်ချုပ်အောင်ဆန်း ကျဆုံးခဲ့တဲ့ အာဇာနည်နေ့ အောက်မေ့ဖွယ် အခမ်းအနားတွေကို နိုင်ငံတော်အဆင့် မှာတောင် အကျဉ်းချုံးပြီး ကျင်းပ လာသလို အာဇာနည်နေ့ ဗိမာန်ဆိုလည်း လုံခြုံရေးတွေ အထူး တင်းကျပ်တာကြောင့် ဗိုလ်ချုပ်အောင်ဆန်းနဲ့ အာဇာနည် ခေါင်းဆောင်ကြီးတွေကို သွားရောက် ဂါဝရပြုချင်သူတွေ အဖို့ အတော်လေး စိတ်အနှောင့်အယှက် ဖြစ်ကြရပါတယ်။ ဗိုလ်ချုပ်အောင်ဆန်းရဲ့ မိန့်ခွန်း၊ ဗိုလ်ချုပ်အောင်ဆန်း ဓာတ်ပုံတွေကိုလည်း အစိုးရ မီဒီယာတွေမှာ မတွေ့ သလောက်ပါပဲ။
တပ်မတော်ရဲ့ဖခင်၊ တပ်မတော်ကို ဦးစီးတည်ထောင်ခဲ့တဲ့ ဗိုလ်ချုပ်အောင်ဆန်း ကျဆုံးတဲ့ အာဇာနည်နေ့ကို တချိန်က တပ်အတွင်း တပ်ရင်းတပ်ဖွဲ့ အခြေစိုက် စခန်းတွေမှာ လေးလေးနက်နက်ကို ပုံမှန် ကျင်းပခဲ့ကြတယ်လို့ စစ်တက္ကသိုလ် အပတ်စဉ် ၁ ဆင်း ဗိုလ်ကြီးဟောင်း ဦးခင်မောင်ညွန့်က ပြန်ပြောင်း ပြောပြပါတယ်။
“စစ်တက္ကသိုလ်မှာလည်း စစ်တက္ကသိုလ်မှာပေါ့ဗျာ၊ နောက်ပြီးတော့ ဗိုလ်သင်တန်းဆင်းပြီးနောက် တပ်ရင်း တပ်ဖွဲ့တွေ ရောက်သွားတဲ့ အချိန်အခါမှာ သော်လည်းကောင်း အာဇာနည်နေ့ လုပ်မယ့်ဟာနဲ့ ပတ်သက်ပြီးတော့ ကျနော်တို့က ကြိုတင်ပြီး ဘယ်လိုပုံဖော်မလဲ၊ ခေါင်းဆောင်ကြီးတွေပေါ့၊ အထူးသဖြင့် ဗိုလ်ချုပ်အောင်ဆန်းရဲ့ မှာကြားချက်တွေ၊ သူ့ရဲ့ အဆိုအမိန့်တွေ၊ သူ့ရဲ့ တိုင်းပြည်အပေါ်မှာ ထားတဲ့ စေတနာတွေ အဲဒါတွေကို ပေါ်လွင်အောင် ဖော်တဲ့ အာဇာနည်နေ့ အခမ်းအနားမျိုး ဖြစ်အောင် ကျင်းပခဲ့ပါတယ်။
“တချို့နေရာတွေမှာဆိုရင် သက်ဆိုင်ရာ တပ်စုမှူး၊ တပ်ခွဲမှူးက မိမိတပ်စု၊ တပ်ခွဲထဲမှာရှိတဲ့ အရာရှိ၊ အရာခံ၊ အကြပ်၊ တပ်သား အကုန်လုံးကို ပညာပေးအနေနဲ့ ခေါင်းဆောင်ကြီးတွေရဲ့ မိန့်ကြားချက်၊ လုပ်ဆောင်ချက်၊ သူတို့ရဲ့စိတ်ထား၊ စေတနာ၊ သူတို့ ခင်းပေးတဲ့လမ်း၊ ဒါတွေကို အဆင့်အတန်း အကုန်လုံးမှာ ရှင်းပြ၊ ပြောပြပြီးတော့ ဆွေးနွေးပွဲတွေ ဘာတွေ လုပ်ခဲ့တာ ရှိခဲ့ဖူးပါတယ်။”
အခုတော့ ပြင်ပ အရပ်ဘက်မှာတင် မဟုတ်ဘဲနဲ့ ဗိုလ်ချုပ်အောင်ဆန်း တည်ထောင်ခဲ့တဲ့ စစ်တပ် အတွင်းမှာကို ဗိုလ်ချုပ်အောင်ဆန်း ပုံရိပ်တွေကို ဖျောက်ဖျက်ပစ်ပြီး ဗိုလ်ချုပ်ကျဆုံးတဲ့ အာဇာနည်နေ့တွေကို မကျင်းပ ဖြစ်သလောက်ပဲလို့ ဦးခင်မောင်ညွန့်က ပြောပါတယ်။ ၆၂ အာဏာသိမ်း စစ်တပ်ဟာ ၇၀ ခုနှစ်ဝန်းကျင် ကာလကတည်းက တပ်ရင်း တပ်ဖွဲ့တွေ အတွင်း အာဇာနည်နေ့ နှစ်စဉ် ကျင်းပမှုကို မှေးမှိန်လာအောင် လုပ်ပစ်ခဲ့တယ်လို့ ဆိုပါတယ်။
ဗိုလ်ချုပ်အောင်ဆန်းနဲ့တကွ ကျဆုံးလေပြီးသော အာဇာနည် ခေါင်းဆောင်ကြီးများဆိုတဲ့ စကားရပ်မှာတောင် ဗိုလ်ချုပ်အောင်ဆန်း အမည်ကို ဖြုတ်ပစ် လိုက်ပါတယ်။ အခုလို ဗိုလ်ချုပ်အောင်ဆန်းကို ဖျောက်ဖျက် ပစ်နေတာ တကယ်တော့ လက်ရှိ စစ်အုပ်စုရဲ့ လမ်းစဉ်နဲ့ ဗိုလ်ချုပ်အောင်ဆန်းရဲ့ တပ်မတော်အပေါ်ထားတဲ့ လမ်းစဉ်၊ နိုင်ငံအပေါ်ထားတဲ့ လမ်းစဉ် ဖြောင့်ဖြောင့် ဆန့်ကျင်နေတာကြောင့် ဖြစ်တယ်လို့ ဦးခင်မောင်ညွန့်က သုံးသပ်ပါတယ်။
“အာဏာရှင် အဆက်ဆက်ဟာ သူတို့သွားတဲ့လမ်းနဲ့ ကျနော်တို့ရဲ့ အမျိုးသား ခေါင်းဆောင်ကြီး ဗိုလ်ချုပ်အောင်ဆန်း ချမှတ်ခဲ့တဲ့ လမ်းဟာ ဆီနဲ့ရေလို၊ ပြဒါးတလမ်း၊ သံတလမ်းလို ဖြောင့်ဖြောင့်ကြီး ဆန့်ကျင်နေကြတော့ ဗိုလ်ချုပ်အောင်ဆန်းရယ်လို့ ပြောလိုက်ရင် ဗိုလ်ချုပ်အောင်ဆန်းရဲ့ ရပ်တည်ချက်တွေ၊ သဘောထားတွေ၊ တိုင်းပြည်အပေါ်မှာ သူထားခဲ့တဲ့ စေတနာတွေ၊ လုပ်ဆောင်မှုတွေနဲ့ ဒီနေ့ သူတို့ရဲ့ လုပ်ဆောင်မှုတွေက ဖြောင့်ဖြောင့်ကြီး ဆန့်ကျင်နေတော့ ဒီဟာကို သူတို့၊ အထူးသဖြင့် တပ်ထဲမှာ ရှိတဲ့လူတွေ အနေနဲ့ သော်လည်းကောင်း၊ တို့သွားနေတဲ့ လမ်းကြောင်းဟာ တို့အမျိုးသား ခေါင်းဆောင်ကြီး ဗိုလ်ချုပ်အောင်ဆန်း ချမှတ် လုပ်ဆောင် ခဲ့တာတွေနဲ့ တခြားစီ ဖြစ်နေပါပြီလားဆိုတာ မြင်တွေ့မှာကို သူတို့ အင်မတန် ကြောက်ရွံ့တယ်ခင်ဗျ။
“အဲဒါကြောင့် အာဇာနည်နေ့ကို၊ အထူးသဖြင့် ဗိုလ်ချုပ်အောင်ဆန်းကို သူ့ရဲ့ မှာကြားချက်တွေ၊ သူ့ရဲ့ ယုံကြည်ချက်တွေ၊ သူ့ရဲ့ ဆောင်ရွက်ချက်တွေ၊ အဲဒါကို မှေးမှိန်ပြီး ပပျောက်အောင် လုပ်တာဟာ အဓိကပဲလို့ ကျနော် ပြောချင်ပါတယ်။”
တပ်မတော်ဟာ တိုင်းပြည်အတွက်ပဲ ဖြစ်စေရမယ်၊ တိုင်းပြည်ဟာ တပ်မတော်အတွက် မဟုတ်ရဆိုတဲ့ စကား ဗိုလ်ချုပ်အောင်ဆန်း ပြောခဲ့ပါတယ်။ လက်ရှိ စစ်အစိုးရကတော့ တပ်မတော်သာ အမိ၊ တပ်မတော်သာ အဖလို့ ဆောင်ပုဒ်တပ် ကြွေးကြော်သလို အနာဂတ် မြန်မာ့ နိုင်ငံရေးမှာ တပ်မတော်ရဲ့ အခန်းကဏ္ဍ ရှိရမယ်လို့ တောင်းဆိုခဲ့ပါတယ်။ ဒါကြောင့်လည်း ဒီအချက်တွေကို ထောက်ပြီး
တပ်မတော် တည်ထောင်တဲ့ ဗိုလ်ချုပ်အောင်ဆန်းရဲ့ အယူအဆနဲ့ ဒီကနေ့ တပ်တည်ရှိမှု ကွဲလွဲနေပြီလို့ သုံးသပ်ဝေဖန်မှုတွေ ရှိပါတယ်။
Ref: VOA News
Monday, July 19, 2010
လက်ရှိစစ်အုပ်စု လမ်းစဉ်နဲ့ ဗိုလ်ချုပ်အောင်ဆန်း လမ်းစဉ် ကွဲပြား
Saturday, July 17, 2010
ဒင်းလိုလူစား သတိထားဟေ့
၁၆ ဇူလိုင် ၂၀၁၀
သူဟာ ကိုလိုနီခေတ်က တောနယ်လေးတခုမှာ မွေးဖွားကြီးပြင်းလာခဲ့ပြီး အင်္ဂလိပ်ခေတ် (၇) တန်း အောင်တယ်လို့ ဆိုပါတယ်။ ဒါပေမယ့် အိန္ဒိယနိုင်ငံ ကလကတ္တားကိုသွား အင်္ဂလိပ်စာ သင်ခဲ့ပြီးနောက် အသက် (၂၇) နှစ်မှာ အောက်တန်းရှေ့နေ စာမေးပွဲ ဝင်ဖြေတာ အောင်လို့ ရှေ့နေ လုပ်ခဲ့ပါတယ်။ အင်မတန် ရဲတင်းပြီး ရည်မှန်းချက် ကြီးလှတဲ့ ဒီလူဟာ တဘက်က ရှေ့နေလုပ်ရင်း နိုင်ငံရေးနယ် မီဒီယာ နယ်တွေထဲ ထိုးဖောက် ခြေကုပ် ယူခဲ့ပါတယ်။ သူရိယ သတင်းစာတိုက် ရှယ်ယာတွေကို ဝယ်ယူခဲ့ပါတယ်။
သူဟာ အဲဒီကာလက အဓိက အတိုက်အခံ အမျိုးသားရေး အဖွဲ့ကြီးဖြစ်တဲ့ ဂျီစီဘီအေ ဝံသာနု အဖွဲ့ကြီးထဲ ဝင်ပါခဲ့ပြီး ၁၉၂၂ ခုမှာ ဂျီစီဘီအေ ကွဲတော့ (၂၁) ဦးအဖွဲ့ဘက် ပါခဲ့ပါတယ်။ ၁၉၂၅ ပထမအကြိမ် ဒိုင်အာခီ ရွေးကောက်ပွဲမှာ ဝင်ပြိုင်ခဲ့ပေမယ့် အရွေးမခံရပါ။ သူ့အသက် (၂၇) နှစ်အရွယ် ၁၉၂၇ ခုနှစ် ဒုတိယ အကြိမ် ဒိုင်အာခီ ရွေးကောက်ပွဲမှာတော့ သာယာဝတီ တောင်ပိုင်း မဲဆန္ဒနယ်ကနေ ဥပဒေပြု လွှတ်တော် အမတ်အဖြစ် အရွေး ခံရပါတယ်။ ၁၉၂၉ ခုမှာလည်း တတိယ အကြိမ် ဒိုင်အာခီ ရွေးကောက်ပွဲမှာ ထပ်နိုင်ခဲ့ပါတယ်။ သာယာဝတီမြို့မ ဝံသာနု ကောင်စီမှာလည်း အတွင်းရေးမှူး အဖြစ်နဲ့ နယ်ချဲ့ ဆန့်ကျင်ရေး နိုင်ငံရေး လှုပ်ရှားမှုတွေ လုပ်ခဲ့ပါတယ်။ ၁၉၃၆ ရွေးကောက်ပွဲ မှာတော့ ဟင်္သာတ မြောက်ပိုင်း အမတ်အဖြစ် အရွေး ခံခဲ့ရပါတယ်။
၁၉၃၁ သြဂုတ်လမှာ လယ်သမား သူပုန်ခေါင်းဆောင် ဆရာစံကို အင်္ဂလိပ်တွေ ဖမ်းမိတဲ့အခါ သူဟာ ဆရာစံ ဘက်က ရှေ့နေ လိုက်ပေးခဲ့ပါတယ်။ အင်္ဂလိပ် နယ်ချဲ့အစိုးရ အရာရှိတွေ၊ စစ်တပ်တွေ၊ ပန်ချာပီ ပုလိပ်တွေဟာ ပုန်ကန်သူတွေကို ရက်ရက်စက်စက် နှိပ်ကွပ်ခဲ့တယ်လို့ အင်္ဂလိပ် အစိုးရဆီ အိတ်ဖွင့်ပေးစာ တစောင် ရေးခဲ့ပါတယ်။ “၁၉၃၀-၃၁ ခုနှစ် မြန်မာပြည်အရေး” ဆိုတဲ့နာမည်နဲ့ အင်္ဂလိပ်လို စာအုပ်တအုပ် ရေးပြီး နိုင်ငံခြား ပို့တဲ့အခါ အင်္ဂလိပ် အစိုးရက ပိတ်ပစ်တာ ခံရပါတယ်။ ဒါဟာ ပုဒ်မ ၁၂၄ (က) နဲ့ ငြိစွန်း နေတယ်လို့လည်း သတိပေး ခံရပါတယ်။ သူဟာ ဥပဒေပြု လွှတ်တော်ထဲမှာလည်း ဆရာစံ သူပုန်ထမှုနဲ့ ပတ်သက်ပြီး အင်္ဂလိပ် အစိုးရရဲ့ အရေးယူ ကိုင်တွယ်မှုတွေကို ပြင်းပြင်းထန်ထန် ဝေဖန်ခဲ့လို့ ပြည်ထဲရေး အတွင်းဝန် မစ္စတာ ဘုသ်ဂရေ့ဗလီက “မောင်မင်း ဂဠုန်ဖြစ်လာပြီ” လို့ ဝေဖန်ခဲ့ပါတယ်။
၁၉၃၅ မေလမှာတော့ သူဟာ မီဒီယာ ကိုယ်စားလှယ် အဖြစ် ဂျပန်နိုင်ငံကို သွားပြီး အဆာဟိရှင်ဘွန်း သတင်းစာ တိုက်မှာ မီဒီယာ လုပ်ငန်းနဲ့ နိုင်ငံရေး လုပ်ငန်းတွေ လေ့လာခဲ့ပါတယ်။ အပြန်မှာ ကိုရီးယား၊ တရုတ်၊ ထိုင်း၊ မလေးရှား နိုင်ငံတွေဝင်ပြီး နိုင်ငံရေး လေ့လာ ခဲ့ပါသေးတယ်။ ဗမာပြည် ပြန်ရောက်ပြီးတော့ သူရိယ သတင်းစာတိုက် ရှယ်ယာတွေ ထပ်ဝယ်ပြီး ၁၉၃၆ ခုမှာ သူရိယတိုက် ဒါရိုက်တာ ဘုတ်အဖွဲ့ဝင် ဖြစ်လာပါတယ်။ နောက် (၂) နှစ်အကြာမှာ အယ်ဒီတာချုပ် ဖြစ်လာပြီး သတင်းစာ မူဝါဒကို ကြိုးကိုင် နိုင်ခဲ့ပါတယ်။
သူဟာ ဆရာစံ သူပုန်ဘက်က ရပ်တည်လို့ နာမည်ထင်ရှားလာတဲ့နောက် ၁၉၃၆ ခုမှာ ဂဠုန် စစ်သူကြီးဘွဲ့ ခံယူပြီး ဝါးရင်းတုတ်ကိုင် ဂဠုန်တပ်ရဲ့ ဗိုလ်ချုပ်ရာထူး ယူခဲ့ပါတယ်။ ၁၉၃၆ ခုမှာပဲ ကိုအောင်ဆန်း၊ ကိုနုတို့ ခေါင်းဆောင်တဲ့ ဒုတိယ ကျောင်းသား သပိတ် ဖြစ်တဲ့အခါ ကျောင်းသားတွေနဲ့ ရင်းနှီးမှု ရအောင်လည်း ကြိုးစား ခဲ့ပါတယ်။ တက္ကသိုလ် သမဂ္ဂ အဆောက်အဦမှာ အင်္ဂလိပ်စာ ကျွမ်းကျင်လှတဲ့ စိန်ပေါ ကျောင်းထွက် တက္ကသိုလ်ဘွဲ့ရ ဘိလပ်ပြန် ဒေါက်တာဘမော်နဲ့ ကျောင်းသားတွေ ရှေ့မှောက် အင်္ဂလိပ်လို စကားရည်လုပွဲ လုပ်ခဲ့ရာမှာ (၇) တန်းပဲ အောင်တဲ့ သူ့ကို ကျောင်းသားတွေက ထောက်ခံ အားပေးခဲ့ပါတယ်။
ဒီနောက်မှာ သူဟာ ၁၉၃၈ ခု မတ်လမှာ မျိုးချစ်ပါတီကို တည်ထောင် ခဲ့ပါတယ်။ ၁၉၃၈ သြဂုတ်လ အောက်လွှတ်တော် အစည်းအဝေးမှာ ဒေါက်တာ ဘမော်အစိုးရကို အယုံအကြည် မရှိ အဆို တင်သွင်းခဲ့တာ မအောင်မြင်ခဲ့ပါ။ ရေနံမြေ အလုပ်သမား သပိတ်၊ တတိယ ကျောင်းသား သပိတ်တွေ ဖြစ်ခဲ့တဲ့ ၁၃၀၀ ပြည့် အရေးတော်ပုံ ကာလ ၁၉၃၈ ဒီဇင်ဘာလထဲမှာ မျိုးချစ် ပါတီဝင်တွေ၊ ဂဠုန် တပ်ဖွဲ့ဝင်တွေနဲ့ ရွှေတိဂုံဘုရား ခြေရင်းမှာ ကျောင်းသား-အလုပ်သမား ထောက်ခံရေး အာဏာ ဖီဆန်မှုလုပ်လို့ အင်္ဂလိပ် အစိုးရရဲ့ ခေတ္တ ဖမ်းဆီး ထိန်းသိမ်းမှု ခံရပါတယ်။ ၁၉၃၉ ဖေဖော်ဝါရီ လွှတ်တော် အစည်းအဝေးမှာတော့ ကျောင်းသား၊ အလုပ်သမား၊ လယ်သမားတွေကို ဖိနှိပ်တဲ့ ဒေါက်တာ ဘမော်အစိုးရကို သူ ဦးဆောင်ပြီး အယုံအကြည် မရှိ အဆိုသွင်း ဖြုတ်ချ နိုင်ခဲ့ပါတယ်။
သူဟာ ၁၉၄၀ စက်တင်ဘာလမှာ ဝန်ကြီးချုပ် ဖြစ်လာပြီးနောက် ဗမာပြည်ကို သတင်းစာ ဆရာပုံစံနဲ့ လာထောက်လှမ်းတဲ့ ကာနယ်ဆူဇူးကီး (ဗိုလ်မိုးကြိုး) ကို ခေါ်တွေ့ပြီး ဗမာ့ လွတ်လပ်ရေး တိုက်ပွဲ အတွက် ဂျပန်နိုင်ငံဆီက လက်နက်ခဲယမ်း ပစ္စည်း ငွေကြေး အပါအဝင် စစ်ကူရနိုင်မလား မေးခဲ့ပါတယ်။
၁၉၄၁ အောက်တိုဘာလမှာ သူဟာ အင်္ဂလန်နိုင်ငံကိုသွား၊ ဝန်ကြီးချုပ် ချာချီနဲ့ တွေ့ဆုံပြီး ဒုတိယ ကမ္ဘာစစ်ပြီးရင် ဗမာပြည်ကို လွတ်လပ်ရေး (ဒိုမီနီယံ ကိုယ်ပိုင် အုပ်ချုပ်ရေး) ပေးဖို့ အဓိက ဆွေးနွေး တောင်းဆိုခဲ့ပေမယ့် ချာချီက ပယ်ချခဲ့ပါတယ်။ ဒါကြောင့် အင်္ဂလန်က အပြန် ပေါ်တူဂီနိုင်ငံ လစ္စဘွန်းမြို့မှာ ဂျပန်ကောင်စစ်ဝန်နဲ့ လျှို့ဝှက် ဆက်သွယ်ပြီး ဗမာပြည် လွတ်လပ်ရေး ရမယ်ဆိုရင် ဂျပန်ရဲ့ စစ်ရေး လှုပ်ရှားမှုကို ကူညီမယ်လို့ ကမ်းလှမ်းခဲ့ပါတယ်။ ဒီလို ဆက်သွယ် ဆောင်ရွက်ခဲ့တာကို အင်္ဂလိပ်က သိသွားလို့ ၁၉၄၁ ဒီဇင်ဘာလမှာ ပါလက်စတိုင်း နိုင်ငံ (အခု အစ္စရေးနိုင်ငံ) ဟိုင်ဖာမြို့မှာ အဖမ်းခံခဲ့ရပြီး ဒုတိယ ကမ္ဘာစစ် ကာလ တလျှောက်လုံး အာဖရိကတိုက် ယူဂန္ဓာ နိုင်ငံမှာ အကျယ်ချုပ် နေခဲ့ရပါတယ်။ စစ်ကြီးပြီးလို့ ၁၉၄၆ ဇန်နဝါရီလကျမှ အင်္ဂလိပ် အစိုးရ ပြန်လွှတ် ပေးလိုက်ပါတယ်။
အခုဖော်ပြခဲ့တဲ့ ကိုယ်ရေးမှတ်တမ်းကို ကြည့်လိုက်ရင် ဒီလူဟာ မြန်မာပြည် လွတ်လပ်ရေး အတွက် တောက်လျှောက် အားကြိုးမာန်တက် ဇွဲနပဲနဲ့ လုပ်ခဲ့တဲ့ မျိုးချစ် နိုင်ငံရေးသမား တော်လှန်ရေး သမားလို့ ထင်စရာပါပဲ။ ဒါပေမယ့် ဒီလူဟာ ဂဠုန်ဦးစော ဖြစ်ပါတယ်။ အပေါ်ယံ ရွှေမှုန့်တွေကို ဖယ်ကြည့်လိုက်ရင် သူဟာ အာဏာ၊ စည်းစိမ်ချမ်းသာနဲ့ ကျော်ကြား ထင်ရှားမှုကိုသာ တသက်လုံး အာသာ ငမ်းငမ်းတက် လိုက်စားခဲ့တာ မြင်နိုင်ပါတယ်။ သူလုပ်သမျှတွေဟာ မျိုးချစ် ပုဂ္ဂိုလ်အဖြစ် ပြည်သူလူထုက အထင်ကြီးအောင်၊ မဲရအောင် နိုင်ငံရေး စတန့်ထွင် လှည့်စား ပြနေခဲ့တာ ဖြစ်ပါတယ်။ နောက်ဆုံးမှာ အမျိုးသား ခေါင်းဆောင် လွတ်လပ်ရေး ဖခင်ကြီး ဗိုလ်ချုပ်အောင်ဆန်းကို နယ်ချဲ့အလိုကျ လုပ်ကြံ သတ်ဖြတ်ခဲ့လို့ ကြိုးစင်တက် ဘဝ ဆုံးသွားခဲ့တာ အားလုံးအသိ ဖြစ်ပါတယ်။
ဗိုလ်ချုပ်အောင်ဆန်းကို လုပ်ကြံမှုနဲ့ တရားရုံးထုတ်တဲ့ အခါ သူဟာ (၅) တန်းပဲ အောင်တယ်လို့ တရားသူကြီးရှေ့မှာ ဝန်ခံ ခဲ့ပါတယ်။ ဝံသာနု ဂျီစီဘီအေထဲ ဝင်လုပ်ခဲ့ပေမယ့် ကွဲကြပြဲကြတဲ့ အခါ (၂၁) ဦး ဆိုတဲ့ အင်္ဂလိပ်နယ်ချဲ့နဲ့ စေ့စပ် အပေးအယူ လုပ်ချင်တဲ့ ရာထူးအာဏာ ငမ်းငမ်းတက် အုပ်စုဘက် ပါခဲ့ပါတယ်။ အင်္ဂလိပ်ကို ပြတ်ပြတ်သားသား ဆန့်ကျင်ပြီး ‘ဘူး’ အသင်းတွေ တည်ထောင် အာဏာ ဖီဆန်ခဲ့တဲ့ ဦးစိုးသိမ်း ဂျီစီဘီအေဘက်ကို မပါခဲ့ပါဘူး။
ဗမာလူထုရဲ့အသည်းနှလုံးကို ဆရာစံက သိမ်းကျုံး ယူနိုင်တဲ့အခါကျတော့ ဦးစောဟာ ဂဠုန်သူပုန်တွေ ဘက်က အာပေါင် အာရင်းသန်သန်နဲ့ ပါခဲ့ပါတယ်။ ဒါပေမယ့် လက်နက်ကိုင် တော်လှန်ရေး အားသန် သလိုလို အယောင်ပြပြီး သူတည်ထောင်ခဲ့တဲ့ ဂဠုန်တပ်ဟာ သိပ်မကြာခင်မှာ ဒို့ဗမာ အစည်းအရုံးဝင် သခင်တွေကို ဝါးရင်းတုတ်နဲ့ ရိုက်တာတွေပဲ လုပ်ခဲ့ပါတယ်။ ဒီမိုကရေစီကို ယုံကြည် လှပါတယ်ဆိုတဲ့ ဒီပုဂ္ဂိုလ်ကြီးဟာ ဒေါက်တာဘမော်၊ ဦးဘဦး၊ ဦးဘဖေ (ဦးစောရဲ့ ဆရာ၊ ၂၁ ဦးဂျီစီဘီအေ ခေါင်းဆောင်) တို့ကို ဖမ်းဆီး ထောင်ချခဲ့ပါတယ်။ သခင်တွေ ကျောင်းသားတွေ ထောင်ကျတာ သူ အာဏာရချိန်မှာ အများဆုံး ဖြစ်ပါတယ်။ မျိုးချစ်စိတ်ထက် သန်လှပါတယ်ဆိုတဲ့ ဦးစောဟာ “လယ်သမား ဖိုးရွှေလုံးညည်းချင်း” “သခင်ဋီကာ” စာအုပ်တွေထုတ်ပြီး ဒို့ဗမာ အစည်းအရုံးကို သိက္ခာ ချခဲ့ပါတယ်။ ဒါကြောင့် ဦးစော ဝန်ကြီးချုပ် ဖြစ်ချိန်မှာ ကျောင်းသားတွေက လွှတ်တော် အပြင်ကနေ သံပုံးတီး တောထုတ် ခဲ့ပါတယ်။
၁၉၄၆ စက်တင်ဘာမှာ ဗိုလ်ချုပ်အောင်ဆန်း ဦးဆောင်တဲ့ အစိုးရ တက်လာချိန်မှာ ဗိုလ်ချုပ်က သူ့ကို ဝန်ကြီးရာထူး ပေးခဲ့ပါတယ်။ ဒါပေမယ့် မျိုးချစ်စိတ် ပြင်းထန်လှပါတယ်၊ လွတ်လပ်ရေး အတွက် စိတ်အား ထက်သန် လှပါတယ်ဆိုတဲ့ ဂဠုန်ဦးစောဟာ အောင်ဆန်း-အက်တလီစာချုပ် ချုပ်တဲ့အခါ လက်မှတ် မထိုးဘဲ ၁၉၃၅ အက်ဥပဒေ (၉၁ ဌာန အုပ်ချုပ်ရေး) ကိုပဲ လိုလားတယ်လို့ နယ်ချဲ့ အင်္ဂလိပ် အကြိုက် လိုက်ပြော ပြန်ပါတယ်။ ဒီလိုနဲ့ ၁၉၄၇ ဖေဖော်ဝါရီမှာ ဝန်ကြီးရာထူးက ထွက်ပြီး ဗိုလ်ချုပ်အောင်ဆန်းနဲ့ အာဏာရ ဖဆပလ အဖွဲ့ချုပ်ကို အတိအလင်း ဆန့်ကျင် လာခဲ့ပါတယ်။
လူမှုရေးပိုင်းကိုကြည့်ရင် ဂဠုန်ဦးစောဟာ မိန်းမကိစ္စဘက်မှာ မယားကြီးရှိနေပေမယ့် သမီးကို စာသင်ပေးတဲ့ ဆရာမနဲ့ ရှုပ်ခဲ့တာ၊ ယူဂန္ဓာနိုင်ငံမှာ အကျယ်ချုပ် ကျနေတုန်း ဂျာမန်မ တယောက်နဲ့ ညားခဲ့တာ၊ ဗမာပြည် ပြန်ရောက်ပြီးတော့ (၁၀ နှစ်သမီး ကတည်းက အိမ်မှာ ခေါ်ထားခဲ့တဲ့) (၁၉) နှစ်အရွယ် တောင်တွင်းကြီးသူ အိမ်ဖော်မလေးနဲ့ ကလေးတယောက် ရတဲ့အထိ သောင်းကျန်း ခဲ့တာတွေ ရှိခဲ့ပါတယ်။ ဒီ (၃) ယောက်ကတော့ မီဒီယာတွေထဲ ဟိုးလေးတကျော် ဖြစ်လာခဲ့ပေမယ့် သူဖျက်ဆီးခဲ့တဲ့ တခြား မိန်းကလေးငယ်တွေ အများကြီး ရှိပါသေးတယ်။
ဒီအချက်တွေကို သမိုင်းလှန်နေရတာက ဒီကနေ့မှာလည်း ဂဠုန်ဦးစောလို လူမြင်ကောင်းအောင် ဟိတ်ဟန်ထုတ် ညာဝါး လှည့်ဖျားပြီး ရာထူးအာဏာ ချမ်းသာစည်းစိမ် ဂုဏ်ရှိန် ကျော်ကြားမှု သုံးမျိုးစလုံးကို ဖြစ်စေ၊ တမျိုး သို့မဟုတ် နှစ်မျိုးကိုဖြစ်စေ သဲကြီးမဲကြီး လိုက်နေသူတွေ ပြည်တွင်းပြည်ပ တော်လှန်ရေး အဝန်းအဝိုင်း အတိုက်အခံ အဝန်းအဝိုင်းထဲ ရှိနေတဲ့အတွက် အားလုံးကို တပ်လှန့်တဲ့ အနေနဲ့ ဂဠုန်ဦးစော အကြောင်း ဖော်ပြ လိုက်တာဖြစ်ပါတယ်။
ဂဠုန်ဦးစောခေတ်တုန်းက သူဘယ်လိုပဲ ဟန်ဆောင် လုပ်ပြခဲ့ပေမယ့် အင်မတန် ရိုးသား ဖြောင့်မတ် အနစ်နာခံပြီး တိုင်းပြည်အတွက် တကယ် စွန့်လွှတ် စွန့်စားတဲ့ ဗိုလ်ချုပ်အောင်ဆန်းက ရှိနေတော့ ဘယ်လိုမှ ယှဉ်မရ နေရာ မရခဲ့ပါဘူး။ ဒါကြောင့်လည်း နောက်ဆုံးမှာ မိုက်မိုက်ရိုင်းရိုင်းနဲ့ လုပ်ကြံ သတ်ဖြတ် နေရာလုဖို့ ကြံခဲ့တာ ဖြစ်ပါတယ်။ အခုခေတ်မှာလည်း ပြည်တွင်းမှာ ဒေါ်အောင်ဆန်းစုကြည်ကို အယောင်ဆောင် တော်လှန်ရေး သမားတွေ၊ အယောင်ဆောင် အတိုက်အခံတွေက ယှဉ်မရနိုင်လို့ စစ်အာဏာရှင်နဲ့ ပေါင်းပြီး ယုတ်မာ ပက်စက်တာတွေ လုပ်နိုင်သလို ဒေါ်အောင်ဆန်းစုကြည်နဲ့ ဝေးတဲ့ ပြည်ပ အတိုက်အခံ နယ်ပယ်မှာလည်း ဂဠုန်ဦးစောလို အယောင်ဆောင် တော်လှန်ရေး သမားတွေ၊ အရေခြုံ ဒီမိုကရေစီ သမားတွေ၊ အာဏာရူး တိုင်းရင်းသား ခေါင်းဆောင်တွေ လူတွင်ကျယ်လုပ် ဖြီးဖြန်း လုပ်စားပြီး တော်လှန်ရေးကို ဖျက်ဆီး နေနိုင်ပါတယ်။ ဘယ်လိုပဲဖြစ်ဖြစ် ပြည်ပမှာရော ပြည်တွင်း အတိုက်အခံ နယ်ပယ်မှာပါ ဒင်းလိုလူစား သတိထားပြီး ပြတ်ပြတ်သားသား နှိမ်နင်းကြဖို့ အကျိုးမျှော်၍ နှိုးဆော် လိုက်ရပါတယ်။
(မည်သူ့ကိုမျှ မရည်ရွယ်ပါ။ တိုက်ဆိုင်မှုရှိလျှင်လည်း ခွင့်လွှတ်ရန်မလို။)
Ref: ခေတ်ပြိုင်
အာဇာနည်နေ့မတိုင်မီ လုံခြုံရေးများ စတင်ချထား
မျိုးချစ်သူ
၁၆ ဇူလိုင် ၂၀၁၀
ဇူလိုင် (၁၉) ရက်နေ့တွင် ကျရောက်မည့် (၆၃) နှစ်မြောက် အာဇာနည်နေ့ အတွက် ရန်ကုန်မြို့တွင် လုံခြုံရေးများ ယနေ့မှ စတင် ချထားပြီး ဖြစ်သည်။
ရွှေတိဂုံဘုရားဝန်းကျင်နှင့် ရွှေတိဂုံဘုရားလမ်းတလျှောက်တွင် ရဲအယောက် (၅၀) ကျော်ခန့်ကို နေရာဖြန့်ကာ လုံခြုံရေး ချထားခြင်း ဖြစ်သည်။
“အရင်နှစ်ကတော့ အာဇာနည်နေ့မှာမှ လုံခြုံရေးချတာလေ။ အခုကတော့ ကြိုပြီးတော့ လုံခြုံရေးချတာ ဖြစ်တယ်” ဟု တယကမှ တာဝန်ရှိသူ တဦးက ပြောသည်။
ယခုအခါ ရွှေတိဂုံစေတီတော် အရှေ့မုခ်အနီးရှိ အာဇာနည်ကုန်းကို ပေါင်းရှင်းလင်းခြင်း၊ မြက်များ ခုတ်ထွင်ခြင်းကို ရန်ကုန် စည်ပင်က တာဝန်ယူ ပြုလုပ်နေပြီး ယခုနှစ် အာဇာနည်နေ့တွင် ရန်ကုန် မြို့တော်ဝန်က အရပ်ဝတ်ဖြင့် တက်ရောက်မည် ဖြစ်ကြောင်း စည်ပင်သာယာ သတင်းရပ်ကွက်မှ သိရသည်။
“သူက ဗိုလ်မှူးချုပ်အောင်သိန်းလင်း မဟုတ်တော့တဲ့အတွက် ဦးအောင်သိန်းလင်း အနေနဲ့ အာဇာနည်နေ့ကို တက်မှာလေ” ဟု စည်ပင်မှ တာဝန်ရှိသူတဦးက ပြောသည်။
ယခုနှစ်အာဇာနည်နေ့တွင် နိုင်ငံရေးပါတီများကိုလည်း တက်ရောက် ဂါရ၀ပြုခွင့် ပေးထားသည့် အတွက် လုံခြုံရေးကို ယခင်နှစ်များထက် တင်းကျပ်မည်ဖြစ်ကြောင်း တယကမှ တာဝန်ရှိသူက ဆိုသည်။
ပြည်ထောင်စုဒီမိုကရေစီပါတီ၊ ဒီမိုကရက်တစ်ပါတီ (မြန်မာ)၊ မတူကွဲပြားခြင်းနှင့် ငြိမ်းချမ်းရေးပါတီ၊ ဒီမိုကရေစီနှင့် ငြိမ်းချမ်းရေး ပါတီ စသည့် ပါတီပေါင်း (၂၀) ခန့်သည် ယခုနှစ် အာဇာနည်နေ့ အခမ်းအနားသို့ တက်ရောက်ခွင့် ရမည်ဟု ရန်ကုန် စည်ပင်သာယာမှ ပြုလုပ်ခဲ့သော အာဇာနည်နေ့ အစည်း အဝေးတွင် ဆုံးဖြတ်ခဲ့ကြောင်း အစည်းအဝေး တက်ရောက်သူ စည်ပင်မှ အဆိုပါ တာဝန်ရှိသူက ပြောသည်။
၎င်းက “ပါတီတခုကို (၇) ဦးတက်ရောက်ရမယ်လို့ ဆုံးဖြတ်ထားပြီး လွမ်းသူ့ပန်းခြင်းနဲ့ ပန်းခွေများကိုလည်း ချခွင့် ပြုထားပါတယ်” ဟု ပြောသည်။
ယခင်နှစ်များ၌ အာဇာနည်နေ့ အခမ်းအနားသည် နိုင်ငံတော်အဆင့် အခမ်းအနား ဖြစ်ခဲ့သော်လည်း ပြီးခဲ့သည့် ၂၀၀၈ ခုနှစ်မှ စ၍ ရန်ကုန် မြို့တော်ဝန် ဗိုလ်မှူးချုပ် အောင်သိန်းလင်း( ယခု ဦးအောင်သိန်းလင်း) သာ တက်ရောက်ပြီး အခမ်းအနား ပြုလုပ်ခဲ့ခြင်းဖြစ်သည်။
မတူကွဲပြားခြင်းနှင့် ငြိမ်းချမ်းရေးပါတီဝင်တဦးက “ကျနော်တို့ပါတီအနေနဲ့ အခုလို အာဇာနည်နေ့ကို တက်ခွင့်ရမှာ ဖြစ်တဲ့ အတွက် ဂုဏ်ယူ မိပါတယ်။ ကျနော်တို့လိုပဲ အားလုံးကလည်း ဒီအခမ်းအနားကို တက်ခွင့်ရတဲ့ အတွက် ဂုဏ်ယူကြမယ်လို့ မျှော်လင့်ပါတယ်” ဟု ပြောသည်။
လွန်ခဲ့သော ၁၉၄၇ ခု၊ ဇူလိုင် (၁၉) ရက် နေ့ နံနက် (၁၀) နာရီခွဲခန့်အချိန်၌ ရန်ကုန်မြို့ရှိ အတွင်းဝန်များရုံးတွင် ၀န်ကြီးများ အစည်းအဝေး ကျင်းပနေစဉ် ဗိုလ်ချုပ်အောင်ဆန်း အပါအ၀င် သခင်မြ၊ ဒီးဒုတ်ဦးဘချို၊ မန်းဘခိုင်၊ ဦးရာဇတ်၊ ဦးဘ၀င်း၊ မိုင်းပွန်စော်ဘွားကြီး စ၀်စံထွန်း၊ ဦးအုန်းမောင်၊ ရဲဘော်ကိုထွေးတို့အား ဂဠုန်ဦးစော၏ နောက်လိုက်များက ၀င်ရောက်ပစ်ခတ် သတ်ဖြတ်မှုကြောင့် ကျဆုံးခဲ့ရသည်မှာ ယခုနှစ် ဇူလိုင် (၁၉) ရက်တွင် (၆၃) နှစ်တိုင်ပြီဖြစ်သည်။
ဗိုလ်ချုပ်တို့ကျဆုံးသည့်နေ့ကို အာဇာနည်နေ့အဖြစ် သတ်မှတ်ကာ နှစ်စဉ်နှစ်တိုင်း အာဇာနည်ကြီးများအား အမှတ်တရ ဂါရ၀ပြုသည့် အခမ်းအနားကို ကျင်းပ လာခဲ့ခြင်းဖြစ်သည်။
ဗိုလ်ချုပ်အောင်ဆန်း၏ သမီးဖြစ်သူ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် မှာမူ စစ်အစိုးရ၏ နေအိမ် အကျယ်ချုပ် ချထားခြင်း ခံနေရပြီး အာဇာနည်နေ့ အခမ်းအနားသို့ တက်ရောက်နိုင်ခွင့် ရှိမရှိ မသိရှိရပေ။
Ref: ခေတ်ပြိုင်
အန်အယ်ဒီအဖွဲ့ဝင် သန်းမြင့်အောင်ကို ထောင်ဒဏ် ၁ဝ နှစ် ထပ်တိုး
မြင့်မောင်
သောကြာနေ့၊ ဇူလိုင်လ ၁၆ ရက် ၂၀၁၀
နယူးဒေလီ(မဇ္ဈိမ) ။ ။ ရန်ကုန်မြို့ အင်းစိန်ထောင်တွင် ပြစ်ဒဏ် ၅ နှစ် ကျခံနေရသည့် အမျိုးသား ဒီမိုကရေစီ အဖွဲ့ချုပ် (လွတ်မြောက်နယ်မြေ - မလေးရှားဌာနခွဲ) အဖွဲ့ဝင် ကိုသန်းမြင့်အောင်ကို အီလက်ထရောနစ် ပုဒ်မဖြင့် ယမန်နေ့က ထောင်ဒဏ် ၁ဝ နှစ် ထပ်မံ ချမှတ်လိုက်သည်။
ပြီးခဲ့သည့်လ ၁ ရက်နေ့တွင် သင်္ကန်းကျွန်းမြို့နယ် တရားရုံးက တရားမဝင် နယ်စပ်ဖြတ်ကျော်မှု၊ တရားမဝင် အဖွဲ့အစည်းနှင့် ဆက်သွယ်မှု တို့ဖြင့် ထောင်ဒဏ် ၅ နှစ် ချမှတ်ခဲ့ပြီးနောက် ယမန်နေ့တွင် ကျောက်တံတား မြို့နယ်ရှိ အနောက်ပိုင်းခရိုင် တရားရုံး တရားသူကြီး ဒေါ်နုနုခင်က ထပ်တိုးအမှု ပုဒ်မ ၃၃ (က) ဖြင့် အလုပ်ကြမ်းနှင့် ထောင်ဒဏ် ၁ဝ နှစ် ထပ်မံ၍ ချမှတ်ခြင်း ဖြစ်သည်။
“ထောင်ဒဏ်ချအပြီး အင်းစိန်ထောင်ကို ပြန်ခေါ်သွားတယ်။ ကျန်းမာရေးကောင်းတော့ ပြည့်ပြည့်ဖြိုးဖြိုးနဲ့၊ ရွှင်ရွှင်လန်းလန်းနဲ့၊ တက်တက်ကြွကြွပဲ။ သူများတွေ ၆၅ နှစ်နဲ့စာရင် သူ အများကြီး တော်သေးတယ်၊ ဘာမှ ဝမ်းနည်းစရာ အကြောင်း မရှိဘူးလို့ပဲ ပြောတယ်” ဟု တရားရုံး တက်ရောက်ခဲ့သည့် မိသားစုဝင်နှင့် နီးစပ်သူတဦးက မဇ္ဈိမကို ပြောသည်။
သူသည် မလေးရှားတွင် ၂ဝဝ၂ ခုနှစ်မှ ၂ဝဝ၈ ခုနှစ် နှောင်းပိုင်းအထိ အလုပ်လုပ်ကိုင်ခဲ့ပြီး နာဂစ်မုန်တိုင်းသင့် ပြည်သူများကို ကူညီရန် အတွက် မြန်မာပြည်သို့ ပြန်လည် ရောက်ရှိလာကာ ပြီးခဲ့သည့်နှစ် မတ်လ ၄ ရက်နေ့တွင် မလေးရှားနိုင်ငံသို့ ပြန်လည် ထွက်ခွာရန် နိုင်ငံကူးလက်မှတ် လျှောက်ထားစဉ် တာမွေမြို့နယ် ဘတ်စ်ကား မှတ်တိုင်တခု၌ ရဲက ဖမ်းဆီးခဲ့သည်။
အမျိုးသား ဒီမိုကရေစီ အဖွဲ့ချုပ် (လွတ်မြောက်နယ်မြေ - မလေးရှားဌာနခွဲ) တွင် အလုပ်လုပ်ပြီး တရားမဝင် ပြန်လည် ဝင်ရောက်လာသူ အဖြစ် ရဲက တရားစွဲဆို ခဲ့သည်။
ပြီးခဲ့သည့်လ ၁ ရက်နေ့တွင် မတရားအသင်း အက်ဥပဒေ ပုဒ်မ ၁၇ (၁) ဖြင့် ၂ နှစ်၊ လဝက အက်ဥပဒေပုဒ်မ ၁၃ (၁) ဖြင့် အလုပ်ကြမ်းနှင့် ထောင်ဒဏ် ၃ နှစ် ချမှတ်ကာ အလုပ်ကြမ်းနှင့် ထောင်ဒဏ် ၅ နှစ်အဖြစ် တပေါင်းတည်း ကျခံရန် သင်္ကန်းကျွန်းမြို့နယ် တရားရုံး တရားသူကြီး ဒေါ်ညွန့်ညွန့်ဝင်းက ချမှတ်ခဲ့သည်။
ပြီးခဲ့သည့် ဇွန်လ ၄ ရက်နေ့တွင် အနောက်ပိုင်းခရိုင် တရားရုံးက အီလက်ထရောနစ် အက်ဥပဒေ ပုဒ်မ ၃၃ (က) ဖြင့် ထပ်မံ အမှုတင်ခဲ့ပြီး ယမန်နေ့တွင် နောက်ထပ် အလုပ်ကြမ်းနှင့် ထောင်ဒဏ် ၁ဝ နှစ် စီရင်လိုက်ကာ ယခင် ပြစ်ဒဏ် ၅ နှစ်နှင့် တပေါင်းတည်း ကျခံရမည် ဖြစ်သည်။
ထိုဥပေဒသည် နိုင်ငံတော် တည်ငြိမ်ရေးနှင့် လုံခြုံရေးကို ထိခိုက်စေနိုင်သော သတင်း အချက်အလက်များကို အင်တာနက်မှ ပေးပို့ ဖြန့်ချိမှုဖြစ်ကာ ဒီမိုကရေစီ လိုလားသူ အတိုက်အခံများကို ထောင်ချရာတွင် စစ်အစိုးရက တွင်ကျယ်စွာ အသုံးပြုသော ဥပဒေ ဖြစ်သည်။
ကိုသန်းမြင့်အောင် အမှုအတွက် လိုက်ပါဆောင်ပေးသည့် ရှေ့နေ ဒေါ်စိုးစိုးမာက ယခင် ၂ မှုအတွက် အယူခံ ဝင်ထားသလို၊ ယခုအမှု အတွက်ပါ အယူခံ ဝင်သွားမည်ဟု သိရသည်။
Ref: မဇ္ဈိမ
ဗိုလ်ချုပ်မှူးကြီး၏ ရွေးကောက်ပွဲအလွန် အာဏာတည်ရေး အစီအစဉ် သုံးရပ်ရှိဟုဆို
စိုင်းဇွမ်ဆိုင်း
Friday, July 16, 2010
နအဖ စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေသည် ရွေးကောက်ပွဲ အလွန် ကာလတွင်လည်း ၎င်း၏ အာဏာ ဆက်လက် တည်မြဲရေး အတွက် အစီအစဉ်များကို ရေးဆွဲထားကြောင်း စစ်ထောက်လှမ်းရေးဟောင်း ဦးအောင်လင်းထွဋ် က ထုတ်ဖော် ပြောဆို လိုက်သည်။
ယင်း အစီအစဉ် များနှင့် ပတ်သက်၍ နေပြည်တော် စစ်တပ် အသိုင်းအဝိုင်းမှ ဦးအောင်လင်းထွဋ်ကို ပြောဆိုထားခြင်း ဖြစ်သည် ဟုလည်း သိရှိရသည်။
ဗိုလ်ချုပ်မှူးကြီး သန်းရွှေ၏ အစီအစဉ်များမှာ Plan A, Plan B, Plan C ဟုခေါ်သည့် အစီအစဉ် သုံးခုရှိကြောင်း ပထမ အစီအစဉ်သည် ၂၀၁၀ ရွေးကောက်ပွဲတွင် စစ်တပ် ထောက်ခံသည့် အုပ်စုဘက်မှ ပြတ်ပြတ် သားသား အနိုင်ရခဲ့လျှင် ဗိုလ်ချုပ်မှူးကြီး အနေဖြင့် တရုတ်နိုင်ငံ ခေါင်းဆောင် တိန့်ရှောင်ဖိန်၊ အီရန်မှ အရာတိုလာခိုမေနီ တို့ကဲ့သို့ ခေါင်းဆောင်ပိုင်း နေရာတွင် ဆက်လက် နေနိုင်မည် ဖြစ်သည်။
၂၀၁၀ ရွေးကောက်ပွဲတွင် ပါဝင်ယှဉ်ပြိုင်မည့် ပါတီများအနက် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP) သည် နိုင်ငံတော် ဝန်ကြီးချုပ်၊ ဗိုလ်ချုပ်ကြီးဟောင်းဖြစ်သူ ဦးသိန်းစိန်ခေါင်းဆောင်ကာ အခြား စစ်ဘက် အရာရှိဟောင်းများ ပါဝင်နေပြီး စစ်အစိုးရကို ထောက်ခံသည့် ပါတီအနေဖြင့် ရပ်တည်လျက် ရှိသည်။
နအဖ အစိုးရကိုထောက်ခံသည့် အခြားပါတီတခုမှာ တိုင်းရင်းသား စည်းလုံးညီညွတ်ရေး ပါတီ (တစည) ဖြစ်ပြီး ယင်း ပါတီသည် ၁၉၉၀ ရွေးကောက်ပွဲတွင်လည်း အာဏာရှင်အစိုးရကို ထောက်ခံသည့် ပါတီတခု ဖြစ်ခဲ့သည်။
၁၉၉၀ ရွေးကောက်ပွဲတွင် တစည နှင့် စစ်တပ်ကို ထောက်ခံသည့် ပါတီများ ရှုံးနိမ့် ခဲ့သည့်အဖြစ်မျိုး နောက်ထပ် မဖြစ် စေရန် ဗိုလ်ချုပ်မှူးကြီးက ယခုကဲ့သို့ အစီအစဉ်များ ရေးဆွဲထားခြင်း ဖြစ်သည် ဟုလည်း သိရသည်။
သို့သော် လက်ရှိအခြေအနေတွင် USDP ၏ နိုင်ငံတော်ပိုင်ပစ္စည်းများအား ပါတီ လှုပ်ရှားမှုများအတွက် အသုံးပြုနေခြင်း အပေါ်ကို တစည ပါတီမှ ဝေဖန်မှုများ ထွက်ပေါ်နေသည်။
ဒုတိယအစီအစဉ် Plan B သည် လာမည့်ရွေးကောက်ပွဲတွင် စစ်တပ်ထောက်ခံသူများသည် ပြတ်ပြတ်သားသား အနိုင် မရခဲ့လျှင် ဗိုလ်ချုပ်မှူးကြီး သန်းရွှေနှင့်အတူ လက်ရှိ နအဖ ကောင်စီ (သို့) အလားတူ စစ်ကောင်စီ တခုသည် အစိုးရ၏ နောက်ကွယ်တွင် ရှိနေမည်ဖြစ်ကြောင်း ဦးအောင်လင်းထွဋ်၏ ဆောင်းပါးတွင်ပါရှိသည်။
စစ်အစိုးရတို့ ကိုယ်တိုင် ရေးဆွဲထားသော၂၀၀၈ ဖွဲ့စည်းပုံ အခြေခံဥပဒေအရ တပ်မတော်ကာကွယ်ရေး ဦးစီးချုပ်သည် လွှတ်တော်တွင် ၂၅ ရာခိုင်နှုန်း ပါဝင်မည့် စစ်သားများနှင့် အခြားသော ထောက်ခံ သူများကြောင့် ၂၀၁၀ ရွေးကောက်ပွဲ အပြီးတွင် အာဏာပြန်လည် ကြီးထွားလာ နိုင်သည်ဟု သုံးသပ်သူများက ပြောဆိုကြသည်။
၁၉၉၀ ရွေးကောက်ပွဲတွင် အနိုင်ရခဲ့သည့် အမျိုးသားဒီမိုကရေစီအဖွဲ့ချုပ် (NLD) က ၂၀၁၀ ရွေးကောက်ပွဲကို သပိတ်မှောက် လိုက်သည့် အပေါ်တွင်လည်း နိုင်ငံတကာ အသိုင်းအဝိုင်းက နအဖ၏ ရွေးကောက်ပွဲသည် မှန်ကန်သည့် ရွေးကောက်ပွဲ ဖြစ်နိုင်မည် မဟုတ်ဟု ဝေဖန်နေမှုများ လည်း ဖြစ်ပေါ်နေသည်။
ရခိုင်အမျိုးသား ဒီမိုကရေစီအဖွဲ့ချုပ်မှ ဦးအေးသာအောင်က“အားလုံးသိတဲ့အတိုင်းပဲ NLD ဆိုတာက တကယ့် ဒီမိုကရေစီ လမ်းစဉ်ကို ကိုင်စွဲ ထားတဲ့ပါတီ၊ ဒီလိုအဖွဲ့က ရွေးကောက်ပွဲ မဝင်ဘူးဆိုတော့ အစိုးရရဲ့ ရွေးကောက်ပွဲ ဆိုတာက ဘယ်နည်းနဲ့မှ ဒီမိုကရေစီ နည်းလမ်း ကျနိုင်မှာ မဟုတ်ဘူးလေ၊ အဲဒါကို နိုင်ငံတကာက ဝေဖန်တယ် ဆိုတာကတော့ နည်းလမ်းကျပါတယ်”ဟု ပြောသည်။
နောက်ဆုံးအစီအစဉ်သည် စစ်တပ်ကို ထောက်ခံသူများ ရွေးကောက်ပွဲတွင် ရှုံးနိမ့်ခဲ့ပါက နောက်တစ်ကြိမ် စစ်တပ်မှ အာဏာ ပြန်သိမ်းမည် စသည့် အစီအစဉ်သုံးခုကို ဗိုလ်ချုပ်မှူးကြီးက ရေးဆွဲထားကြောင်း သိရှိရသည်။
ဗိုလ်ချုပ်မှူးကြီးသန်းရွှေသည် မည်သို့မျှ အာဏာကို လက်လွှတ်လိမ့်မည် မဟုတ်ကြောင်း ၎င်းနှင့် နီးစပ်သော အသိုင်း အဝိုင်းက ဆိုသည်ဟု ဦးအောင်လင်းထွဋ်က ပြောသည်။
လက်ရှိခြေအနေတွင် တိုင်းရင်းသားလက်နက်ကိုင်တပ်ဖွဲ့များဖြစ်သော ဝ သွေးစည်းညီညွတ်ရေး တပ်မတော်၊ မွန်ပြည်သစ် ပါတီ၊ ကချင် လွတ်မြောက်ရေး တပ်မတော် စသည့် အဖွဲ့တို့မှ နယ်ခြားစောင့်တပ် ကူးပြောင်းရေးကို လက်မခံသေးသည့် ကိစ္စ သည်လည်း ဗိုလ်ချုပ်မှူးကြီး အတွက် အခက်အခဲ တရပ် ဖြစ်နေသည်။
ထိုကိစ္စများကို ဖြေရှင်းနိုင်ရန်အတွက် ဘင်္ဂလားဒေ့ရ်ှနိုင်ငံ၊ မြောက်ကိုရီးယား နိုင်ငံတို့၏ အုပ်ချုပ်မှု အစီရင်ခံစာများကို သက်ဆိုင်ရာ သံရုံးများမှ တဆင့် တောင်းခံမှုများလည်း ရှိကြောင်း ဦးအောင်လင်းထွဋ်က ဧရာဝတီသို့ ပြောသည်။
ဗိုလ်ချုပ်မှူးကြီး အနေဖြင့် ကျင်းပမည့် ၂၀၁၀ ရွေးကောက်ပွဲအတွက် အခြားသော ပြင်ဆင်မှုများလည်း ရှိသေး ကြောင်းသိရသည်။
၂၀၀၉ ခုနှစ် ဇန်နဝါရီလတွင် ရွေးကောက်ပွဲဥပဒေများ ထုတ်ပြန်နိုင်ရန် စီစဉ်ခဲ့သော်လည်း ဗိုလ်ချုပ်မှူးကြီး သန်းရွှေက ခွင့်မပြုခဲ့သဖြင့် ထုတ်ပြန်ခြင်း မပြုခဲ့ရကြောင်း၊ ဗိုလ်ချုပ်မှူးကြီး၏ ရုံးမှလာသော သတင်းများအရ ရွေးကောက်ပွဲ မတိုင်မီ ၆ လ ခန့်အလိုမှသာ ရွေးကောက်ပွဲ ဥပဒေများ ထုတ်ပြန်မည် ဖြစ်ကြောင်း၊ ယင်းသို့ လုပ်ဆောင် လိုက်ခြင်းသည် နိုင်ငံရေး ပါတီများကို လွတ်လွတ်လပ်လပ် မလှုပ်ရှားနိုင်စေရန် အချိန် ကန့်သတ်လိုက်ခြင်း ဖြစ်သည်ဟု ဦးအောင်လင်းထွဋ် ရေးသားထားသည့် “၁၉၉၀ ရွေးကောက်ပွဲမှ ၂၀၁၀ ရွေးကောက်ပွဲသို့” အမည်ရသည့် ဆောင်းပါးတွင် ပါရှိသည်။
ယခုနှစ်တွင် ကျင်းပမည့်ရွေးကောက်ပွဲအတွက် နိုင်ငံရေးပါတီ ၄၃ ခုတို့မှ နိုင်ငံရေးပါတီ တည်ထောင်ခွင့်နှင့် ဆက်လက် တည်ထောင်ခွင့် တို့ကို လျှောက်ထားခဲ့ပြီး ပါတီ မှတ်ပုံတင်ခွင့် လျှောက်ထားသည့် ၃၉ ပါတီအနက် ၃၈ ပါတီကို ရွေးကောက်ပွဲ ကော်မရှင်က မှတ်ပုံတင်ခွင့် ပြုပြီးဖြစ်သည်။
ဦးအောင်လင်းထွဋ်၏ ဆောင်းပါး အပြည့်အစုံကိုဖတ်ရှုလိုပါက ဤနေရာတွင် ရယူပါ။
Friday, July 16, 2010
ကြံ့ဖွံ့အသင်းကို ဖျက်ပြီ၊ အသင်းပိုင်ပစ္စည်းအားလုံး ကြံ့ဖွံ့ပါတီ ရမည်
ဘီဘီစီ
ဇူလိုင် ၁၅၊ ၂၀၁ဝ
“နာမည်ကျော်” ကြံ့ခိုင်ဖွံ့ဖြိုးရေး အသင်းကြီးကို ဖျက်သိမ်းလိုက်ပြီး အသင်းပိုင် ပစ္စည်းများ အားလုံးကို ကြံ့ဖွံ့ပါတီသို့ လွှဲအပ်နေကြောင်း အသင်း ပြောခွင့်ရ ပုဂ္ဂိုလ်ဟု ဆိုသူ သူရ ဦးမြင့်ဦးက ဘီဘီစီ မြန်မာဌာနကို ပြောသည်။
ထိုအသင်းကို ဗိုလ်ချုပ်မှူးကြီးသန်းရွှေက ၁၉၉၃ ခုနှစ်တွင် တည်ထောင်ခဲ့သည်။
အသင်းဝင်ပေါင်း သန်း ၂၀ ကျော် ရှိသည် ဆိုသော အသင်းကြီး၏ ပြောခွင့်ရပုဂ္ဂိုလ် နှင့် ကြာသပတေးနေ့က ဆက်သွယ် မေးမြန်း ထုတ်လွှင့်ချက် အသံဖိုင်ကို မိုးမခ ပရိသတ်များ ဖတ်ရှုနိုင်ရန် ကူးယူ ရေးသား ဖော်ပြလိုက်သည်။
မေး - ကြံ့ခိုင်ဖွံ့ဖြိုးရေး အသင်းကို ဖျက်မယ် ဆိုပြီး ပြောနေလို့။ အဲဒါ ဟုတ်ပါသလား။
ဖြေ - ကျနော်တို့ အသင်းက ဖျက်သိမ်းခွင့် တင်ပြီး၊ ဖျက်သိမ်းခွင့် ကျပြီး ဖြစ်ပါတယ်။
မေး - ၈ ရက်နေ့က တင်တယ် ဆိုတာ ဟုတ်ပါသလားခင်ဗျ။
ဖြေ - ကျနော်တို့ အသင်းကို ကျနော်တို့ ၆ ရက်နေ့က ဖျက်သိမ်းလိုက်ကြပြီ ဖြစ်ပါတယ်။
မေး - ကြံ့ခိုင်ဖွံ့ဖြိုးရေး ပါတီ အနေနဲ့ ဆက်ပြီး ရပ်တည်မှာလား ဆိုတာ မရှင်းလို့ပါ။ အဲဒါ ရှင်းပြလို့ ရမလား။
ဖြေ - ဟုတ်ပါတယ်။ အသင်းဆိုတာ မရှိတော့ပါဘူး။ ကျနော်တို့ ပါတီအနေနဲ့ ဆက်လက် ရပ်တည်မှာ ဖြစ်ပါတယ်။
မေး - ပါတီကို ၁၇ ရက်နေ့ ဆိုင်းဘုတ်တင်မယ်လို့လည်း ကြားပါတယ်။ အဲဒါ ဟုတ်ပါသလား။
ဖြေ - အဲဒီဟာတော့ ကျနော်တို့ အတည် မပြုသေးပါဘူးခင်ဗျာ။
မေး - ပါတီရဲ့ ဖွဲ့စည်းပုံတွေရော ထွက်ပြီလား။ ဘယ်သူတွေက ဦးဆောင်မယ် ဘယ်သူတွေက တာဝန်ယူမယ် ဆိုတာ။
ဖြေ - အဲဒါတွေ မထွက်သေးပါဘူး။
မေး - ပါတီနဲ့ ပတ်သက်တဲ့ အသေးစိတ်ကို ဘယ်အချိန်မှာ ထုတ်ပြန်နိုင်မှာလဲ ခင်ဗျာ။
ဖြေ - ဘယ်အချိန် ထုတ်ပြန်မလဲ ဆိုတာ ကျနော်တို့ ဒီမှာ ပါတီ ဖွဲ့စည်းပုံ အခြေခံ စည်းမျဉ်း အနေနဲ့ ထုတ်ပြန်တဲ့ အချိန် ကျရင်တော့ ကျနော်တို့ တရားဝင် ထုတ်ပြန်ပါမယ်။
မေး - ၆ ရက်နေ့က ကျပြီးပြီ ဆိုတော့ ဘယ်နေ့ တရားဝင် ဖျက်သိမ်းမှာလဲ။
ဖြေ - ကျနော်တို့ အခု ဖျက်သိမ်းဖို့ ပြင်ဆင်နေဆဲ ကာလ ဖြစ်ပါတယ်။ အခု အားလုံးလည်း ကျနော်တို့ သူ့အပိုင်းနဲ့သူ ဖျက်သိမ်းနေပြီ ဖြစ်ပါတယ်။
မေး - ဖျက်သိမ်းတဲ့ အခါမှာ ကြံ့ခိုင်ဖွံ့ဖြိုးရေးက ပိုင်တဲ့ ပစ္စည်းတွေကို ကြံ့ခိုင်ဖွံ့ဖြိုးရေး ပါတီ ဆီကို ကူးပြောင်းလိုက်မှာလား။
ဖြေ - အသင်းပိုင် ပစ္စည်း အားလုံးကို ပါတီကို လွဲပြောင်းပေးဖို့ အသင်း အဆင့်ဆင့်က အစည်းအဝေး ဆုံးဖြတ်ချက်နဲ့ ဆုံးဖြတ်ပြီး ဖြစ်ပါတယ်။
မေး - တရားဝင် လွဲပြောင်းတဲ့ အဆင့်ကို ရောက်ပြီလား။ ဒါမှမဟုတ် ဆုံးဖြတ်ချက် အဆင့်မှာပဲ ရှိသေးလား။
ဖြေ - ဆုံးဖြတ်ပြီး ဖြစ်တဲ့အတွက် အားလုံးက တရားဝင် လွဲပြောင်းပြီး ဖြစ်ပါတယ် ခင်ဗျ။
Ref: မိုးမခ
နအဖ တပ်အင်အား ၁,၀၀၀ခန့် ၀င်ရောက်လှုပ်ရှားလာ
နော်အောင်လေး
ဇူလိုင်လ ၁၅ရက်။
ကေအဲန်ယူ-ကရင်အမျိုးသားအစည်းအရုံး ထိန်းချုပ်နယ်မြေ ဒူးပလာယာ ခရိုင်ရှိ ၀င်းရေးနှင့် ကြာအင်းမြို့နယ်တို့တွင် ယခုလဆန်း ပိုင်းမှစ၍ နအဖနှင့် ဒီကေဘီအေ တပ်ဖွဲ့တို့ ပူးပေါင်းကာ အင်အား ၁,၀၀၀ ခန့်ရှိသည့် စစ်ကြောင်း (၆)ကြောင်းဖြင့် ၀င်ရောက်လှုပ်ရှား လာသည်ဟု သတင်းရရှိသည်။
ဒီကေဘီအေ တပ်ဖွဲ့ဝင်များ ပါဝင်သော နအဖ စစ်ကွပ်ကဲရေး ဌာနချုပ်-စကခ (၈) လက်အောက်ခံ ခမရ (၄၀၆)၊ (၄၀၁)တပ်ရင်း များ၊ နည်းဗျူဟာ-နဗဟ (၃)တပ်ဖွဲ့နှင့် အရှေ့တောင်တိုင်း စစ်ဌာနချုပ်(ရတခ) စစ်ဗျူဟာ(၃)တို့ ပူးပေါင်းကာ ၀င်းရေးမြို့နယ် အနန်းကွင်း ကျေးရွာတွင် အခြေချရန် ယခုလ ၅ရက်နေ့က စတင် ၀င်ရောက် လှုပ်ရှားလာသည်ဟု ကေအဲန်ယူ၏ စစ်ရေးမှတ်တမ်း များအရ သိရသည်။
အဆိုပါ နအဖ တပ်များ ၀င်ရောက်လှုပ်ရှားရာတွင် ဒီကေဘီအေ တပ်ရင်း (၉၀၇)၊ (၉၀၁)၊ (၉၀၆)တပ်ဖွဲ့ ၀င်များက လမ်းပြအဖြစ် တပ်ရင်း တရင်းစီကို ဒီကေဘီအေ တပ်ဖွဲ့ဝင် ၂၀ဦးခန့် ပါဝင်လိုက်ပါရပြီး ယခုလ ၈ရက်နေ့တွင် ၎င်းတို့တပ်ဖွဲ့များ အခြေချမည့် အနန်းကွင်းနှင့် သံပုရာ ကျေးရွာများသို့ ရောက်ရှိနေပြီဟု သိရသည်။
ကေအဲန်ယူ တပ်မဟာ (၆)မှ အရာရှိတစ်ဦးဖြစ်သူ ဗိုလ်ကြီးစောထဲနေက “ကျနော်တို့ ဒီဝင်းရေးနယ်မှာ နအဖတပ် ခမရ (၄၀၇)၊ (၄၀၁)တပ်ရင်း စစ်ကြောင်းတွေ ဒီအနန်းကွင်းနဲ့ ဖားပြဂွင်မှာ ၀င်ရောက် လှုပ်ရှားလာတယ်။ အခု သူတို့ (နအဖ) က ဒီကေဘီအေ တပ်ဖွဲ့ ၀င်တွေနဲ့ ရောပြီးတော့မှ ၀င်လာတာ။ လူထုတွေကို ဖိအားပေးမှုတွေ၊ အနိုင်ကျင့် တာတွေတော့ မရှိသေးဘူး”ဟု ကေအိုင်စီ ကို ပြောသည်။
ထို့အပြင် စကခ (၈)လက်အောက်ခံ ခမရ(၄၀၁)တပ်ဖွဲ့ဝင်များ၊ ခရလ (၂၀၉)တို့သည် ဒီကေဘီအေ တပ်ဖွဲ့ဝင်များ၊ ကေပီအက်ဖ် - ကရင် ငြိမ်းချမ်းရေး တပ်ဖွဲ့ဝင်များနှင့် အတူ ကြာအင်းမြို့နယ်အတွင်းသို့ ယခုလ ၅ရက်နေ့တွင် ၀င်ရောက် လှုပ်ရှားလျှက် ရှိကြောင်း ကေအဲန်ယူ၏ သတင်း ထုတ်ပြန်ချက်အရ သိရသည်။
နအဖ တပ်ဖွဲ့များနှင့် ဒီကေဘီအေတပ်ဖွဲ့များ ပူးပေါင်းကာ ကြာအင်းနှင့် ၀င်းရေးမြို့နယ် အတွင်း ၀င်ရောက် လှုပ်ရှားလာခြင်း အပေါ် ကေအဲန်ယူ တွဲဖက် အတွင်းရေးမှူး (၁) ဗိုလ်မှူး စောလှငွေက ယခုလို သုံးသပ် ပြောဆိုသည်။
“အခု သူတို့လှုပ်ရှားမှုရဲ့ အဓိပ္ပါယ်က တစ်တချက်က ဒီကေဘီအေအတွင်းမှာ နှုတ်ခမ်းမွေးကို ထိုးစစ်ဆင်ဖို့ နအဖတွေက ခိုင်း ထားတာ ကြာပြီ။ ဒါပေမဲ့ ဒီကေဘီအေက မလုပ်ဘူး။ နှုတ်ခမ်းမွေးကလည်း လာမည့် သြဂုတ်လ ၁၀ရက်နေ့မှာ အပြီးအပိုင် နယ်ခြားစောင့်တပ် ပြောင်းမပြောင်း အဖြေပေးရတော့မယ်လို့ နအဖက ပြောထားတယ်လေ။ တကယ်လို့ မပြောင်းဘူး ဆိုရင် သူတို့ အနေနဲ့ တိုက်ဖို့ရည်ရွယ်ပြီး စစ်ကြောင်းတွေ ၀င်လာတာဖြစ်တယ်။ နှစ်အချက်က ကျနော်တို့ တပ်ရင်း (၁၆) အပါအ၀င် အဲဒီမှာ ရှိတဲ့ တပ်တွေက သူတို့ကို ချေမှုန်းထားတာ ရှိတယ်လေ။ သူတို့လူတွေ အကြီးကျယ် ဆုံးတဲ့ အပေါ်မှာ သူတို့ သိက္ခာတွေ ကျဆင်းစေတယ်။ အဲဒီအပေါ်မှာ ပြန်တုန့်ပြန်ဖို့ ဖြစ်နိုင်တယ်”ဟု ဗိုလ်မှူးစောလှငွေက ပြောသည်။
ထို့အပြင် သူက “မကြာခင်မှာ နအဖ စစ်အုပ်စုအနေနဲ့ ၂၀၁၀ ရွေးကောက်ပွဲ ကျင်းပတော့မယ်လေ။ အဲဒီအတွက် ကြံ့ဖွံ့တွေ မဲဆွယ် လှုပ်ရှားမှုတွေ လုပ်လာမယ်။ မြို့တွေနဲ့ မြို့အစပ်တွေမှာ အဲဒီလှုပ်ရှားမှုတွေ အတွက် လုံခြုံရေး ယူပေးရမယ်။ အဲဒီအတွက် အခု မိုးရာသီမှာ စပြီးတော့ ထိုးစစ်ဆင်ပြီး စစ်ကြောင်း (၆)ကြောင်းနဲ့ နယ်မြေ ရှင်းလင်းရေးတွေ လုပ်နေတာဖြစ်တယ်”ဟု သုံးသပ် ပြောဆိုသွားသည်။
ဒီကေဘီအေ တပ်မဟာ(၅) တပ်ဖွဲ့ဝင်တဦးက “နအဖတပ်တွေ လူထုတွေကို အနိုင်ကျင့်မှာကို စိုးရိမ်လို့ သူတို့ လိုက်ပါရတာ ဖြစ်နိုင်တယ်။ အခု ဒီက ဒီကေဘီအေတွေက သူတို့(နအဖ)ရဲ့ စစ်ရေး၊ နိုင်ငံရေး လှုပ်ရှားမှုတွေကို သိပ်နားမထောင်တဲ့ အပေါ်မှာ သူတို့ရဲ့လှည့်ကွက် တခုလည်း ဖြစ်နိုင်တယ်”ဟု ပြောသည်။
ကရင်ပြည်နယ်၊ ကြာအင်းဆိပ်ကြီးမြို့နယ် အခြေစိုက် စကခ (၈) မှ ဗိုလ်မှူးချုပ် သန်းစိုးက ဒီကေဘီအေ တပ်မဟာ (၅) တပ်မဟာမှူး ဗိုလ်မှူးကြီး စောလားပွယ်(ဗိုလ်နှုတ်ခမ်းမွေး) ကို လာမည့် သြဂုတ်လ ၁၀ရက်နေ့ နောက်ဆုံးထား၍ နယ်ခြားစောင့် တပ်ဖွဲ့ရန် ဇွန်လဆန်းပိုင်းက သတိပေးထားသည်ဟု နယ်စပ် သတင်းရပ်ကွက်များက ပြောသည်။
ထို့အပြင် ဒီကေဘီအေ တပ်မဟာ (၉၉၉) ဗျူဟာမှူး ဗိုလ်မှူးကြီးစောချစ်သူက ကရင်အချင်းချင်း တိုက်ခိုက်မှုများ၊ သတ်ဖြတ်မှုများ မလုပ်တော့ဘူး ဟု ဇွန်လ ၂၆ရက်နေ့က မြ၀တီမြို့နယ်ရှိ ရွှေကုက္ကို ကျေးရွာတွင် ကျင်းပ ပြုလုပ်ခဲ့သည့် တိုက်ပွဲများကြောင့် ကျဆုံးသွားခဲ့သော ဒီကေဘီအေ ခေါင်းဆောင်များနှင့် ရဲဘော်များအား အောက်မေ့ ဂုဏ်ပြုပွဲ အခမ်းအနားတွင် ပြောဆိုခဲ့သည်။
နယ်ခြားစောင့်တပ် အသွင်ပြောင်းရေးအတွက် ဒီကေဘီအေအပေါ် နအဖ ဖိအားပေးမှု နောက်ပိုင်း ဒီကေဘီအေ အတွင်း သဘောထား မတိုက်ဆိုင်မှုများ ရှိလာပြီး တပ်ဖွဲ့ဝင် အချို့သည် ကေအဲန်ယူနှင့် နားလည်မှုယူ၊ တွေ့ဆုံ ဆွေးနွေးမှုများ လုပ်ဆောင်လာသည့် အပြင် ဒီကေဘီအေ တပ်ဖွဲ့ဝင် တစ်ဦးစ နှစ်စသော်လည်းကောင်း၊ တပ်ခွဲအလိုက်၊ တပ်စုအလိုက် သော်လည်းကောင်း ကေအဲန်ယူ ဘက်သို့ ကူးပြောင်း လာမှုအပေါ် နအဖအနေဖြင့် ကေအဲန်ယူနှင့် ဒီကေဘီအေ အကြား ဆက်ဆံရေး ကောင်းမွန် လာမည်ကို စိုးရိမ် ကာ ၎င်းတို့ စစ်ရေးလှုပ်ရှားရာ စစ်ကြောင်းနှင့်အတူ ဒီကေဘီအေ တပ်ဖွဲ့ဝင်များကို ခေါ်ယူ လိုက်ပါခြင်းဖြစ်သည်ဟု သုံးသပ်သူများလည်း ရှိသည်။
Ref: KIC News
ဒေါ်အောင်ဆန်းစုကြည်ကို အာဇာနည်နေ့ အခမ်းအနား မဖိတ်ဘဲ ပါတီများကိုသာ ဖိတ်
ဆလိုင်း ဟံသာစန်း
ကြာသပတေးနေ့၊ ဇူလိုင်လ ၁၅ ရက် ၂၀၁၀
နယူးဒေလီ (မဇ္ဈိမ) ။ ။ ၆၃ နှစ်မြောက် အာဇာနည်နေ့ အခမ်းအနားသို့ ဗိုလ်ချုပ်အောင်ဆန်း၏ သမီးဖြစ်သူ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို မဖိတ်ဘဲ ရန်ကုန်ရှိ နိုင်ငံရေး ပါတီများကိုမူ တပါတီလျှင် ၇ ဦး နှုန်း စစ်အစိုးရက ဖိတ်ကြားထားသည်။
ရွေးကောက်ပွဲကော်မရှင်က ရန်ကုန်တိုင်းရှိ မှတ်ပုံတင်ခွင့် ကျပြီးသော နိုင်ငံရေး ပါတီများကို ယမန်နေ့ နေ့လည်ပိုင်းက အစည်းအဝေး ခေါ်ယူကာ တပါတီလျှင် ၇ ဦးကျ ဖိတ်ကြားခဲ့သည်။
ဒေါ်အောင်ဆန်းစုကြည်၏ ရှေ့နေ ဦးကြည်ဝင်းနှင့် NLD ပါတီ ဗဟိုအလုပ်အမှုဆောင် ကော်မတီဝင် ဦးအုန်းကြိုင်တို့က သူမကိုမူ အာဇာနည်နေ့ အခမ်းအနား တက်ရောက်ရန် ဖိတ်ကြားခြင်း မရှိကြောင်း မဇ္ဈိမကို ပြောသည်။
“ဒေါ်အောင်ဆန်းစုကြည်ကို အာဇာနည်နေ့ အခမ်းအနားတက်ဖို့ ဖိတ်တယ်လို့ ကျနော်တို့ မကြားမိဘူး” ဟု ဦးအုန်းကြိုင်က ပြောသည်။
ဒေါ်အောင်ဆန်းစုကြည်သည် ၁၉၈၈ ခုနှစ်တွင် တကြိမ်၊ ၁၉၉၅ ခုနှစ်မှ ၂၀၀၀ ခုနှစ်အထိ ၆ ကြိမ်နှင့် ၂၀၀၂ ခုနှစ်တွင် တကြိမ်ဖြင့် စုစုပေါင်း ၈ ကြိမ်သာ အာဇာနည်နေ့ အခမ်းအနား တက်ရောက်ကာ ဂါရ၀ပြုခဲ့ဖူးသည်။ နေအိမ် အကျယ်ချုပ် ချထားမှုကြောင့် ၂၀၀၂ ခုနှစ် နောက်ပိုင်းတွင် ထိုအခွင့်အရေး မရတော့သည်မှာ ၅၆ နှစ်မြောက်မှ ယခုနှစ် ၆၃ နှစ်မြောက်အထိ စုစုပေါင်း ၈ ကြိမ်ရှိသွားပြီ ဖြစ်သည်။
“ဒေါ်အောင်ဆန်းစုကြည်ကို ပြစ်ဒဏ်လျှော့ပေါ့ပေးတဲ့ ဗိုလ်ချုပ်မှူးကြီးရဲ့ ညွန်ကြားစာမှာ အမျိုးသား ခေါင်းဆောင်ကြီး ဗိုလ်ချုပ် အောင်ဆန်းရဲ့ သမီးဖြစ်တဲ့ အတွက် ပြစ်ဒဏ်တ၀က် လျှော့ချပေးတယ်လို့ ပါပါတယ်။ အခုလည်း သူ့ဖခင် ကျဆုံးတဲ့နေ့မှာ သမီး တယောက်အနေနဲ့ ဖခင်ကို ဂါရ၀ပြုခွင့် ပေးသင့်ပါတယ်။ ပြစ်ဒဏ်ကျခံနေလို့ ကိုယ့်အဖေကို ဂါရ၀ ပြုခွင့် မရဘူးဆိုတာက တရားမျှတမှု မရှိပါဘူး” ဟု ဦးအုန်းကြိုင်က ပြောသည်။
“ရန်ကုန်မှာရှိသမျှ ပါတီတွေအကုန်လုံးကို တိုင်းကော်မရှင်က ရုံးကိုခေါ်ပြီးတော့ အစည်းအဝေး လုပ်ပါတယ်။ ပါတီတခုကို ၇ ယောက် အခမ်းအနား တက်လို့ရတယ် ပြောပါတယ်။ ကျနော်တို့ပါတီက အခမ်းအနား တက်မှာပါ” ဟု မတူကွဲပြားခြင်းနှင့် ငြိမ်းချမ်းရေး ပါတီ၏ အထွေထွေ အတွင်းရေးမှူး ကိုနေမျိုးဝေက မဇ္ဈိမကို ပြောသည်။
ရန်ကုန်တိုင်းအတွင်း မှတ်ပုံတင်ခွင့် ရရှိပြီးဖြစ်သည့် ပါတီပေါင်း ၂၀ ထက်မနည်း ရှိနေပြီး ယင်းပါတီများသည် အခမ်းအနား တက်ရောက်မည့် လူစာရင်းကို မှတ်ပုံတင်များဖြင့် ယခုလ ၁၆ ရက်နေ့ နောက်ဆုံးထား၍ တိုင်းကော်မရှင်သို့ တင်ပြရမည်။
ထို့ပြင် ကော်မရှင်က ပါတီများအနေဖြင့် အာဇာနည် ခေါင်းဆောင်ကြီးများကို လွမ်းသူပန်းခွေ ချခွင့်ပြုသော်လည်း ပန်းခြင်း၊ ပန်းခွေများကို အာဇာနည်နေ့မရောက်မီ တရက်အလိုတွင် သက်ဆိုင်ရာ အာဏာပိုင်များထံတွင် စစ်ဆေးခံရန် ပေးပို့ရမည်ဖြစ်ပြီး စစ်ဆေးပြီးမှသာ ခွင့်ပြု ပေးသွားမည်ဖြစ်သည်။
ပါတီများတွင် ကိုယ်ပိုင်ဝတ်စုံများ သတ်မှတ်ပြီးဖြစ်ပါက အခမ်းအနားတွင် ၀တ်ဆင်ရန် ကော်မရှင်က ခွင့်ပြုထားသည်။
ရန်ကုန်တိုင်းရှိ နိုင်ငံရေးပါတီအများစုမှာ ယခုလ ၁၉ ရက်နေ့တွင် အာဇာနည်ဗိမာန်၌ ပြုလုပ်မည့် အခမ်းအနားသို့ တက်ရောက်ကြမည်ဟု သိရသည်။
ယခင်က အာဇာနည်နေ့ အခမ်းအနားသို့ နိုင်ငံတော် ကောင်စီဝင် စစ်ဗိုလ်ချုပ်ကြီးများ တက်ရောက်၍ ဂါရ၀ပြုလေ့ ရှိသော်လည်း ပြီးခဲ့သည့်နှစ်တွင် ရန်ကုန်မြို့တော်ဝန် ဗိုလ်မှူးချုပ် အောင်သိန်းလင်းသာ တက်ရောက်ခဲ့သည်။
ရန်ကုန်တိုင်း အင်းစိန်မြို့နယ်တွင် ရုံးချုပ်တည်ရှိသည် ချင်းအမျိုးသား ပါတီကမူ ချင်းပြည်နယ်သို့ စည်းရုံးရေး ခရီးစဉ် သွားမည်ဖြစ်သဖြင့် အခမ်းအနား မတက်ရောက် နိုင်ကြောင်း သိရသည်။
“ချင်းပြည်နယ် စည်းရုံးရေးခရီးစဉ်က မနက်ဖြန် စပါမယ်။ ဒါကြောင့် ကျနော်တို့ပါတီက အခမ်းအနား တက်ဖြစ်မှာ မဟုတ်ပါဘူး” ဟု ပါတီ ဥက္ကဋ္ဌ ပူးဇိုဇမ်က ပြောသည်။
ဗိုလ်ချုပ်မှူးကြီး စောမောင် ဦးဆောင်သည့် န၀တ (နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့) လက်ထက် ၁၉၉၀ ခုနှစ်တွင် နိုင်ငံရေး ပါတီများကို အာဇာနည်နေ့ အခမ်းအနား တက်ရောက်ရန် ဖိတ်ကြားခဲ့သည့် နောက်ပိုင်း နှစ်ပေါင်း ၂၀ အကြာတွင် နအဖ စစ်အစိုးရက ပါတီများကို ပြန်လည်ဖိတ်ကြားခြင်း ဖြစ်သည်။
ဒေါ်အောင်ဆန်းစုကြည် ဦးဆောင်သည့် အမျိုးသား ဒီမိုကရေစီအဖွဲ့ချုပ် NLD ကမူ ယခုနှစ် အာဇာနည်နေ့ အခမ်းအနားကို ပါတီ ဒုဥက္ကဋ္ဌ ဦးတင်ဦး၏ နေအိမ်တွင် ပြုလုပ်သွားရန် စီစဉ်ထားကြောင်း သိရသည်။
ဗိုလ်ချုပ်အောင်ဆန်း၊ သခင်မြ၊ မန်းဘခိုင်၊ မိုင်းပွန်စော်ဘွားကြီး စပ်စံထွန်း၊ ဦးရာဇာတ်၊ ဒီးဒုတ် ဦးဘချို၊ ဦးဘ၀င်း၊ ဦးအုန်းမောင်၊ ရဲဘော် ကိုထွေးစသည့် အာဇာနည်ခေါင်းဆောင်ကြီး ၉ ဦးတို့သည် ၁၉၄၇ ခုနှစ် ဇူလိုင်လ ၁၉ ရက်နေ့တွင် ရန်ကုန်မြို့ အတွင်းဝန်များ ရုံးတွင် အစည်းအဝေး ပြုလုပ်နေစဉ် ဂဠုန်ဦးစော၏ တပည့်များက လုပ်ကြံသဖြင့် ကျဆုံးခဲ့ရသည်။
Ref: မဇ္ဈိမ
၂၀၁၀ ပထမနှစ်ဝက်အတွင်း မြန်မာ့ ဆန်တင်ပို့မှု ပမာဏ ဆိုးရွားစွာ ကျဆင်း
ရန်ကုန်-July 14, 2010
မြန်မာနိုင်ငံမှ ပြည်ပသို့ ဆန်တင်ပို့မှုမှာ ယခုနှစ်၏ ပထမနှစ်ဝက် အတွင်း တန်ချိန် စုစုပေါင်း ၂၇၆၁၈၀ တန်သာ ရှိရာ ပြီးခဲ့သောနှစ်၏ တူညီသော ကာလနှင့် နှိုင်းယှဉ်လျင် ထက်ဝက်မက ရုတ်တရက် ထိုးကျသွားကြောင်း အစိုးရနှင့် ပုဂ္ဂလိက အဖွဲ့အစည်းများမှ ဖော်ပြသော အချက်အလက်များ အရ သိရသည်။
အစိုးရ၏ ဗဟိုစာရင်းအင်းအဖွဲ့ ၊ ဆွစ်ဇာလန်နိုင်ငံပိုင် ကုန်စည်တင်ပို့မှု တိုင်းတာရေးအဖွဲ့ရုံး (SGS) နှင့် ကုန်သည်ကြီးများနှင့် စက်မှု လုပ်ငန်းရှင်များ အသင်း (UMFCCI) တို့မှ ထုတ်ပြန်သော ကိန်းဂဏန်းများ အရ ပြီးခဲ့သော ၂၀၀၉ခုနှစ်တွင် ပထမ နှစ်ဝက်အတွင်း မြန်မာနိုင်ငံမှ ပြည်ပသို့ ဆန်တန်ချိန် ၇၅၀၁၀၀ တင်ပို့ခဲ့ပြီး ၂၀၀၈ ခုနှစ်၏ တူညီသော ကာလတွင်လည်း ၄၃၂၀၀၀ တန် တင်ပို့ နိုင်ခဲ့သည်။
လက်ရှိအချိန်တွင် ကမ္ဘာ့ဆန် ဝယ်လိုအားလည်း ကျဆင်းနေပြီး ထိပ်တန်း ဆန်တင်ပို့သူများ ဖြစ်သော ကမ္ဘာ့ အကြီးဆုံး ဆန်တင်ပို့သူ ထိုင်းနိုင်ငံနှင့် ဒုတိယ အကြီးဆုံး ဆန်တင်ပို့သူ ဗီယန်နမ် နိုင်ငံတို့မှ ဆန်ဈေးနှုန်းများလည်း ယခုနှစ်အတွင်း ထိုးကျလျက် ရှိသည်။ သို့သော် မြန်မာကုန်သည်အချို့က အုပ်ချုပ်မှု နှင့် စီမံခန့်ခွဲရေးဆိုင်ရာ ကိစ္စများကြောင့် တင်ပို့မှု လျောကျရခြင်း ဖြစ်သည်ဟု ဝေဖန် အပြစ် တင်ကြသည်လည်း ရှိသည်။
“ပွင့်ပွင့်လင်းလင်း ပြောရရင် ကျွန်တော်တို့ ကုန်သည်တွေ လက်ထဲမှာ ဆန်တွေက အများကြီးရှိပါတယ်။ ဒါပေမယ့် အခုနှစ် ဆန်တင်ပို့မှု များတဲ့ ရာသီမှာ အမှီတင်ပို့ဖို့ကို အိတ်စပို့စ် လိုင်စင် ကျဖို့ ကျန့်ကြာတာလိုမျိုး မမျှော်မှန်းနိုင်တဲ့ ပြဿနာတွေ အခုနှစ်ထဲမှာ ရှိပါတယ်” ဟု အမည် မထုတ်ဖော်လိုသော ဆန်ကုန်သည် တစ်ဦးမှ ပြောကြားပါသည်။
မြန်မာနိုင်ငံမှ ၂၀၀၈ ခုနှစ် နှင့် ၂၀၀၉ ခုနှစ်အတွင်း စုစုပေါင်း ဆန်တင်ပို့မှုမှာ တန်ချိန် ၁.၀၉ သန်းရှိရာ ပျဉ်းမျှ တစ်နှစ်လျင် တန်ချိန် ၅၄၇၆၀၀ ရှိသည်ဟု စာရင်းအင်း အဖွဲ၏ အချက်အလက်များ အရ သိရသည်။ ထိုင်းနိုင်ငံမှ ၂၀၀၉ ခုနှစ်တွင် ဆန်တန်ချိန် ၈.၅၇ သန်း နှင့် ဗီယန်နမ် နိုင်ငံက ဆန်တန်ချိန် ၆ သန်း ကမ္ဘာ့ဈေးကွက်သို့ တင်ပို့ခဲ့ကြသည်။
၁၉၃၄ ခုနှစ်ကတည်းကပင် မြန်မာနိုင်ငံမှ ကမ္ဘာ့ဈေးကွက်သို့ ဆန်တန်ချိန် ၃.၄ သန်း တင်ပို့ခဲ့ဖူးသည်။ လွန်ခဲ့သော နှစ်များစွာကပင် မြန်မာနိုင်ငံသည် ကမ္ဘာ့ ထိပ်တန်း ဆန်တင်ပို့သူ ဖြစ်ခဲ့ရာ မြန်မာအစိုးရ အနေဖြင့် ဤကဏ္ဍအတွင်း စီမံခန်ခွဲမှုဆိုင်ရာ လိုအပ်ချက်များကို ရှာဖွေလျက်ရှိသည်ဟု သိရသည်။
“ကျွန်တော်တို့အနေနဲ့ အခုဘဏ္ဍရေး နှစ်ထဲမှာ ဆန်တင်ပို့မှုကို အနေအထား တစ်ရပ်အထိ တိုးတက်လာအောင် လုပ်မယ်ဆို လုပ်လို့ ရပါတယ်။ ဒါပေမယ် ကမ္ဘာ့ဈေးကွက်မှာ ဆန်ဈေးနှုန်းက ပြောပလောက်အောင် ကောင်းမလာဘူး ဆိုရင်တော့ အတင်းတွန်းထိုးပြီး တင်ပို့ဖို့ လုပ်တာမျိုးတော့ မလုပ်ချင်ပါဘူး” ဟု မြန်မာနိုင်ငံ ဆန်ကုန်သည်ကြီးများ အသင်း ဥက္ကဋ္ဌ ဦးချစ်ခိုင် က ပြောကြားပါသည်။
Ref: မြို့တော်ပုသိမ်သတင်းစဉ်
ကြံ့ခိုင်ဖွံ့ဖြိုးရေးလုပ်ရပ် တစည ဝေဖန်
ဦးကျော်အောင်လွင်
ကြာသပတေး, 15 ဇူလိုင် 2010
မြန်မာစစ်အစိုးရ ၀န်ကြီးချုပ် ဦးသိန်းစိန် ခေါင်းဆောင်တဲ့ ကြံ့ခိုင်ဖွံ့ဖြိုးရေး ပါတီဟာ နိုင်ငံတော်ရဲ့ ရန်ပုံငွေတွေ အသုံးပြုပြီး ပါတီအကျိုး လုပ်ဆောင်နေတာ သဘောမကျတဲ့ အကြောင်း တိုင်းရင်းသား စည်းလုံးညီညွတ်ရေးပါတီ (တစည) က ပြောသွားပါတယ်။ ၁၉၉၀ ရွေးကောက်ပွဲ ကာလမှာ အင်အားကောင်းတဲ့ ပါတီအဖြစ် ရပ်တည်လာခဲ့တဲ့ တစညပါတီဟာ အခု ရွေးကောက်ပွဲတွေမှာတော့ ကြံ့ခိုင်ဖွံ့ဖြိုးရေး ပါတီကို သူတို့ အထူးသတိထားရမယ်လို့ ပြောပါတယ်။ အပြည့်အစုံကို ကိုကျော်အောင်လွင်က တင်ပြပေးထားပါတယ်။
တိုင်းရင်းသား စည်းလုံးညီညွတ်ရေးပါတီ (တစည) ဟာ ၁၉၉၀ ရွေးကောက်ပွဲမှာ ရှုံးနိမ့်ခဲ့ရပြီး အခုနှစ်ထဲမှာ ကျင်းပမယ့် ရွေးကောက်ပွဲ တွေမှာ တခါ ပြန်ပြီး ၀င်ပြိုင်ဖို့ ပြင်ဆင်နေတဲ့ ပါတီတခု ဖြစ်ပါတယ်။ အခုတလောမှ ပေါ်ပေါက်ခွင့် ရလာကြတဲ့ တခြား နိုင်ငံရေး ပါတီတွေထက် စာရင် တစညဟာ ပါတီဖြတ်သန်းမှု အနှစ် ၂၀ အတွင်း လူအင်အား၊ ငွေအင်အား ပိုပြီးတောင့်တင်းတဲ့ ပါတီကြီး တခုလည်း ဖြစ်ပါတယ်။ ဒါပေမဲ့ ရွေးကောက်ပွဲကို ၀င်ပြိုင်မယ့် ကြံ့ခိုင်ဖွံ့ဖြိုးရေး ပါတီရဲ့ လုပ်ဆောင်ချက်တွေ ကိုတော့ သဘော မတွေ့နိုင်တာတွေ တစညဘက်မှာ ရှိနေပါတယ်။
“ကျနော်တို့ အဓိကယှဉ်ပြိုင်ရမယ့် ပါတီက ကြံ့ခိုင်ရေးပါတီလည်း ဖြစ်လာနိုင်တဲ့ အထိတော့ သဘောပေါက်ပါတယ်။ သို့သော် ကျနော် တဦးချင်းအနေနဲ့ ပြောမယ်ဆိုရင်တော့ ကြံ့ခိုင်ရေးအတွက် ယနေ့ အာဏာလက်ရှိ ကိုင်နေတဲ့ ၀န်ကြီးဆိုတဲ့ ပုဂ္ဂိုလ်တွေ၊ ၀န်ကြီးချုပ်ဆိုတဲ့ ပုဂ္ဂိုလ်တွေ ထွက်ပြီး စည်းရုံးနေတာ၊ တိုင်းပြည်ပိုက်ဆံနဲ့ ပါတီအတွက် စည်းရုံးခွင့် ရှိတယ်လို့တော့ ကျနော်တို့ မထင်ပါဘူး၊ ဒါ ရိုးရိုးသားသားပဲ ပြောတာပါ။
“ကျနော်သာဆိုရင်၊ ကျနော် နိုင်ငံခြားရေးဝန်ကြီးသာ လုပ်နေရင် ၀န်ကြီးက ထွက်ပြီးတော့မှ အရွေးခံဖို့ စိတ်ကူးမှာပဲ။ လက်ရှိ တာဝန်တွေ ယူပြီးတော့ နိုင်ငံရဲ့ အခွင့်အရေးတွေ၊ နိုင်ငံရဲ့ သွားလာ လှုပ်ရှားခွင့်တွေ၊ နိုင်ငံရဲ့ ယန္တရားတွေ၊ နိုင်ငံ့ ဟယ်လီကော်ပတာ၊ နိုင်ငံလေယာဉ်ပျံ၊ နိုင်ငံ့ ခရီးစရိတ်တွေ ယူပြီးတော့ လုပ်နေရင်တော့၊ ကိုယ့်အတွက် ကိုယ်စည်းရုံးတာ နိုင်ငံတော် စရိတ်နဲ့ စည်းရုံးတယ် လို့တော့ မဖြစ်သင့်ဘူးပေါ့ဗျာ၊ ဒါ ကျနော့်ရဲ့ အမြင်ပါ။”
အရင်တုန်းကလည်း ၁၉၉၀ ရွေးကောက်ပွဲမှာတုန်းက တစညပါတီကို အခုလိုပဲ ဝေဖန်မှုတွေ ရှိခဲ့ပါတယ်။ နိုင်ငံတော် အသုံး စရိတ်တွေနဲ့ ပါတီကိစ္စလုပ်တယ် ဆိုပြီးတော့။ အခု ကြံ့ခိုင်ဖွံ့ဖြိုးရေး လုပ်နေတာတွေနဲ့ ဘယ်လို ကွာပါလဲခင်ဗျ။
“ကျနော်တို့က ဖြစ်ပုံက၊ ဒါ ခင်ဗျားတို့ နည်းနည်း စုံစမ်းကြည့်ရင်လည်း သိမှာပေါ့လေ၊ အစိုးရဆီကနေ ကျနော်တို့ လက်ခံထားတဲ့ ယာဉ်တွေရော၊ ရထားတွေရော၊ ငွေတွေရော နည်းတာမဟုတ်ဘူး၊ ရှိတယ်။ အဲဒီ ရှိတာမှန်သမျှကို ဘဏ္ဍာရေးဌာနကို တင်ပြပြီးတော့၊ ရှေ့နေချုပ် အဖွဲ့တွေ ဘာတွေ တင်ပြပြီးတော့ အစိုးရဆီကရတဲ့ ရန်ပုံငွေ မှန်သမျှကို အကုန် ပြန်အပ်တယ်။ ပြန်အပ်ပြီးတော့ ပါတီဝင်တွေဆီက ကောက်ခံတဲ့ ငွေတွေနဲ့ပဲ ယနေ့အထိ ရပ်တည်လာတာ။ အဲဒါက ကွာခြားချက်ပါပဲ။”
တစညပါတီရဲ့ ခေါင်းဆောင်တဦးဖြစ်တဲ့ အလုပ်အမှုဆောင် ကော်မတီဝင် ဦးချစ်လှိုင် ပြောပြခဲ့တာ ဖြစ်ပါတယ်။
ကြံ့ခိုင်ဖွံ့ဖြိုးရေးပါတီရဲ့ လုပ်ဆောင်ချက်တွေကို ကြည့်ပြီးတော့ ရွေးကောက်ပွဲကို ၀င်ပြိုင်ကြမယ့် ပါတီအချင်းချင်း မျှမျှတတ ဖြစ်တဲ့ ပြိုင်ဆိုင်မှုကိုပဲ လိုချင်တယ်လို့ ဦးချစ်လှိုင်က ဆိုပါတယ်။
“ပလိန်း လယ်ဗယ်မှာ ယှဉ်ပြိုင်ကြစေချင်တယ်ပေါ့ဗျာ၊ ဒါ ရှင်းရှင်းပြောရင်။ အပြေးပြိုင်တယ် ဆိုတာက တယောက်က တောင်ပေါ်ကို ပြေးရတယ်၊ တယောက်က မြေပြန့်ပြေးရလို့ ဘယ်ရမတုန်း။ မြေပြန့်ချင်း အတူတူ ပြေးနိုင်မှ အပြေးပြိုင်တာ ဖြစ်မှာကိုး။ ကျနော်ကတော့ မြေပြန့်ဖြစ်စေချင်တဲ့ သဘောလေး ရှိတာပါပဲ။”
၁၉၉၀ ရွေးကောက်ပွဲမှာတုန်းက အမျိုးသားဒီမိုကရေစီ အဖွဲ့ချုပ် (NLD) ပါတီက အနိုင်ရခဲ့ပြီး တစညက ရှုံးနိမ့်ခဲ့ရပေမဲ့ အခု ရွေးကောက်ပွဲမှာ အရင်ပြိုင်ဘက်ဟောင်း ပါတီကြီး NLD မပါတော့တာကို ဦးချစ်လှိုင်က စိတ်မကောင်းဘူးလို့ ဆိုပါတယ်။
“NLD ပါတီ မ၀င်ခြင်းကို စိတ်မကောင်း ဖြစ်တာပါ၊ မှန်တာပြောရင်တော့။ ဘာဖြစ်လို့လဲ ဆိုတော့ ဒီမိုကရေစီ ယုံကြည်တဲ့လူတွေဟာ ရွေးကောက်ပွဲကို ၀င်သင့်တယ်လို့ ကျနော် ထင်တာ။ ဒါကတော့ ကျနော်တို့က ရိုးသားစွာ ထင်မြင်ခြင်းပါ။ ယှဉ်ပြိုင်ဘက် မရှိဘဲနဲ့လည်း မနိုင်ချင်ပါဘူး။ နိုင်ချင်တာ၊ မနိုင်ချင်တာထက်ကို ဒီမိုကရေစီ process က ဒါပဲဆိုတာ၊ ဒီမိုကရေစီကို ယုံကြည်ရင် ရွေးကောက်ပွဲကို ယုံကြည်ရမှာပဲ။ ရွေးကောက်ပွဲ မယုံကြည်ရင် ဒါဟာ ဥပဒေ စည်းမျဉ်းပိုင်းအရ မလုပ်ဘဲနဲ့ ဥပဒေစည်းမျဉ်း အပြင်ဘက်က လုပ်မယ်ဆိုတဲ့ သဘောလေး နည်းနည်း ပါနေတယ်ဗျ၊ ဒါ မှန်တာပြောရင်။ အဲဒီလိုကြည့်မယ် ဆိုရင် ဒါ ကောင်းတဲ့ လက္ခဏာ မဟုတ်ပါဘူး။ ဒါကြောင့် ကျနော်တို့က ၀င်စေချင်တယ်။”
တစညပါတီအတွက် အခုတခေါက် ရွေးကောက်ပွဲမှာ NLD ပါတီ မရှိတော့ဘူး ဆိုပေမဲ့လည်း သူသတိထားရမယ့် ပါတီကတော့ အင်အား ကောင်းလှတဲ့ ကြံ့ခိုင်ဖွံ့ဖြိုးရေး ပါတီပါပဲ။ ဒါပေမဲ့ ရေရှည် တည်ဆောက်ထားတဲ့ တစညရဲ့ အင်အားကိုလည်း ဦးချစ်လှိုင်က လျှော့ မတွက်စေချင်ပါဘူး။ သူတို့စိုးရိမ်နေတာ တခုကတော့ ရွေးကောက်ပွဲမှာ မဲလိမ်မှု ရှိမရှိဆိုတဲ့ ကိစ္စပါ။
“ကျနော်တို့ကတော့ ကိုယ့်ကိုယ်ကို အားကိုးတာပဲ။ အနှစ် ၂၀ ကျော် စည်းရုံးလာတဲ့ ဟာတွေက အလဟဿတော့ ဖြစ်မသွားဘူးလို့ ထင်တာပဲ။ ဗမာလူမျိုးတွေ မဲပေး တတ်တယ်ဗျ။ သန့်ရှင်း၊ တည်မြဲ မဲတွေကို ခင်ဗျားပြန်ပြီး သတိရရင်၊ တွက်ကြည့်ရင် ရပါတယ်။ ကျနော်တို့က တခုပဲ လိုချင်တယ်။ တိတိကျကျ၊ မှန်မှန်ကန်ကန်က ဘာတုန်း၊ လျှို့ဝှက်မဲ၊ ဆန္ဒမဲသာ မှန်ကန် တိကျပါစေ၊ ပြည်သူ လိုလားတဲ့လူတွေ တက်လာမှာပဲ။ Voting Procedure သာ တိကျ မှန်ကန်ပစေ၊ ကျနော်တို့ ဘယ်သူ့မှ မကြောက်ဘူး။”
တိုင်းရင်းသား စည်းလုံးညီညွတ်ရေးပါတီ (တစည) ရဲ့ ခေါင်းဆောင်တဦးဖြစ်တဲ့ ဦးချစ်လှိုင် ပြောပြသွားတာ ဖြစ်ပါတယ်။
တခြား နိုင်ငံရေးပါတီ တချို့ကတော့ တစညကို ဆိုရှယ်လစ် လမ်းစဉ်ပါတီရဲ့ အရိပ် မကင်းခဲ့တာကြောင့် ပြည်သူ အများစုက အခုချိန်ထိ အမြင် မကြည်လင်နိုင်သေးဘူး၊ သူတို့ ထင်သလောက်လည်း ထောက်ခံမှုတွေ ရလာနိုင်မှာ မဟုတ်ဘူးလို့ သုံးသပ် နေကြပါတယ်။
Ref: VOA News
အပစ်ရပ် SSA ‘တပ်အမည်’နှင့် ‘လုပ်ဆောင်ချက်’ မကိုက်ညီဟု မိုင်းလားခေါင်းဆောင် ဝေဖန်
Wednesday, 14 July 2010
နအဖ စစ်အုပ်စု၏ အသွင်ပြောင်းရေးအစီအစဉ် လက်ခံခဲ့သည့် အပစ်ရပ် သျှမ်းပြည် တပ်မတော်အား ‘သျှမ်းပြည် တပ်မတော်’ ဆိုသည့် နာမည်နှင့် မလိုက်ဖက်ဟု မိုင်းလားတပ်ဖွဲ့ ခေါင်းဆောင် စ၀်စိုင်းလင်းက ဝေဖန်ကြောင်း စုံစမ်း သိရှိရပါသည်။
“သျှမ်းပြည်တပ်မတော်ဆိုတဲ့ နာမည်က (သျှမ်းပြည်အတွင်းမှာ နေထိုင်တဲ့ တိုင်းရင်းသားပြည်သူ တရပ်လုံးကို အကာ အကွယ်ပေးဖို့) တပြည်လုံးကို ကိုယ်စားပြုထားတာ။ တခြား တပ်ဖွဲ့တွေနဲ့ မတူဘူး၊ ဥပမာ ၀ တို့ မိုင်းလား တပ်ဖွဲ့တို့ ဆိုတာက ကိုယ်နဲ့ ဆိုင်တဲ့ နယ်မြေကိုယ်ဘဲ ကိုယ်စားပြုတာ။ အခုပြည်သူ့စစ် အသွင်ပြောင်းဖို့ လက်ခံတဲ့ ကိစ္စ သျှမ်းပြည် တခုလုံးအတွက် မကြည့်ဘဲ ကိုယ်နဲ့ ဆိုင်တဲ့ ဆိုင်ကျောဝ့် (စိန်ဂျော့) ဒေသအတွက်ဘဲ လုပ်သွားပုံပေါ်တယ် ”- ဟု စ၀်စိုင်းလင်းက ပြောကြောင်း သတင်းပို့သူက ဆိုသည်။
နအဖ စစ်အုပ်စုဖိအားပေးမှုကြောင့် ပြည်သူ့စစ် အသွင်ပြောင်းရေး လက်ခံထားသော ဦးလွယ်မောဝ်း ခေါင်းဆောင်သော မြောက်ပိုင်း အပစ်ရပ် SSA - ဌာနချုပ်တပ်ဖွဲ့၊ တပ်မဟာ ၃၊ တပ်မဟာ ၇ တို့အား မိုင်းလားခေါင်းဆောင် စ၀်စိုင်းလင်းက အားမလို အားမရဖြင့် ဝေဖန် လိုက်ခြင်းဖြစ်ပြီး အသွင်ပြောင်းရေး လုံးဝ ငြင်းဆန်သည့် ဗိုလ်ချုပ်ပန်ဖှ ဦးဆောင်သည့် တပ်မဟာ ၁ တပ်ဖွဲ့ကိုမူ ထောက်ခံ အားပေးကြောင်း ပြောပါသည်။
ပြည်သူ့စစ်အသွင်ပြောင်းရေး လက်ခံထားသည့် အပစ်ရပ် SSA တပ်မှူးတဦးက - “အပစ်ရပ် သျှမ်းပြည် တပ်မတော်နဲ့ မိုင်းလား တပ်ဖွဲ့တို့၊ ၀ တပ်ဖွဲ့တို့နဲ့ အခြေအနေ မတူဘူး၊ သူတို့က နယ်ခြားစောင့်တပ် အသွင်ပြောင်းရင် တပ်ရင်းတခု ဗမာ အရာရှိ အယောက် ၃၀ ပါဝင်မယ်၊ ကျနော်တို့ ပြည်သူ့စစ်တပ်ဖွဲ့ ကျတော့ နာမည်အားဖြင့်သာ ပြည်သူ့စစ်ဖြစ်တာ၊ တပ်ဖွဲ့အနေအထား ကတော့ နဂိုအတိုင်းဘဲ ဆက်ဖြစ်နေမယ်၊ ဗမာတပ်အရာရှိလဲ ပါဝင်မှာ မဟုတ်ဘူး။ နောက်တခုက ဒေသခံလူထု ဒုက္ခမရောက်အောင်၊ စစ်ဘေး စစ်ဒဏ်ကနေ ကင်းဝေးအောင်သာ လက်ခံ လိုက်ရခြင်းဖြစ်တယ်”- ဟု ပြော၏။
အများလေးစားသည့် သျှမ်းလူကြီးတဦးကလည်း“သျှမ်းပြည်တပ်မတော်သည် အစဉ်အလာရှိသည့် တပ်မတော်၊ ဦးလွယ်မောဝ်း ခေတ်ကျမှ စိန်ဂျော့ ဌာနေပြည်သူ့စစ် ဖြစ်သွားခြင်းသည် လက်ရှိ တာဝန်ထမ်းဆောင်နေသူများ အဖို့ သမိုင်းတာဝန် မကျေပွန်ရာ ရောက်ကြောင်း၊ သျှမ်းပြည်တပ်မတော် ဆက်လက် တည်ရှိရေးသည် ဗိုလ်ချုပ်ပန်ဖှပေါ် မူတည်လာကြောင်း” ပြော၏။
သျှမ်းပြည်တပ်မတော် SSA သည် ညောင်ရွှေစော်ဘွား မဟာဒေ၀ီ စ၀်နန်းဟိန်းခမ်းက တန်းတူ အခွင့်အရေး အတွက် တိုက်ပွဲဝင်ရန် ၁၉၆၄ တွင် တည်ထောင်ခဲ့သည့် သမိုင်းဝင် တပ်မတော် ဖြစ်သည်။
Ref: သျှမ်းသံတော်ဆင့်
ကေအဲန်ယူ ၀င်ထွက်မှုကြောင့် ရွာသားများ ဒဏ်ငွေရိုက်ခံရ
စောသိန်းမြင့်
ဇူလိုင်လ ၁၅ ရက်။
ကရင်ပြည်နယ် ကော့ကရိတ်မြို့နယ် တောင်ဘက်ခြမ်း (၂)မိုင်အကွာအဝေးရှိ တမိုင်ကုန်း ကျေးရွာ အုပ်စုတွင် လှုပ်ရှားနေသော ဒီကေဘီအေ တပ်ဖွဲ့များသည် ကေအဲန်ယူတပ်ဖွဲ့ဝင်များ ၀င်ထွက် သွားလာမှုကို ၎င်းတို့အား အသိမပေးဟု ဆိုကာ တရွာလျှင် ကျပ်ငွေ ငါးသောင်းစီ ဒဏ်ငွေ ဆောင်ခိုင်းကြောင်း ကေအိုင်စီက စုံစမ်း သိရှိရသည်။
ပြီးခဲ့သည့် ဇူလိုင်လ ၉ရက်နေ့က ဗိုလ်အကြည် ဦးဆောင်သော ဒီကေဘီအေ (၉၉၉)တပ်မဟာ တပ်ရင်း(၃)မှ တပ်ဖွဲ့ ၀င်များသည် အဆိုပါ ကျေးရွာအုပ်စု အတွင်း ကေအဲန်ယူ တပ်ဖွဲ့ဝင်များ ၀င်ထွက် သွားလာမှုကို ၎င်းတို့အား အကြောင်း မကြားရကောင်းလား ဆိုပြီး ထိုဒေသရှိ ရွာတန်းရှည်၊ နောင်နိုင်း၊ နန်းရွှေမုံ၊ ဒေါက်ပလန်၊ ဘော်ဒိုင်း၊ နွန်းတကော်(ကြာအင်း) စသည့်ရွာ(၆)ရွာကို ကျပ်ငွေ ၅၀၀၀၀စီ ဒဏ်ငွေ ပေးဆောင်ခိုင်းခြင်း ဖြစ်သည်ဟု ဒေသခံများက ပြောသည်။
ထိုကိစ္စနှင့် ပတ်သက်ပြီး ကေအိုင်စီမှ နန်းရွှေမုံရွာသား တစ်ဦးအား ဆက်သွယ် မေးမြန်းရာတွင် ၎င်းက “ကျနော်မပြောရဲဘူး။ နောက်မှ ပြန်ဆက်သွယ်ပါနော်” ဟု တုန့်ပြန် ပြောဆိုခဲ့သည်။ အဆိုပါ ဒီကေဘီအေ တပ်ဖွဲ့သည် ဒဏ်ငွေအပြင် ၎င်းတို့၏တပ် ရိက္ခာအတွက် ဆိုကာ ထိုကျေးရွာ (၆) ရွာမှ (၄၀၀၀၀) ကျပ် ကိုလည်း လစဉ် ပေးဆောင် ခိုင်းသေးကြောင်း သိရသည်။
လတ်တလောအခြေအနေတွင် ဒီကေဘီအေတပ်ဖွဲ့များသည် ယခင်ကလို စီပွားရေး လုပ်ပိုင်ခွင့်များ မရှိတော့ဘဲ ကိုယ်ပိုင် ရပ်တည်ရေး ကြပ်တည်း လာသည့် အတွက် ယခုလို ရွာသားများထံမှ ငွေကြေး အတင်းအဓမ္မ တောင်းခံခြင်း ဖြစ်သည်ဟု ကေအဲန်ယူ တွဲဘက် အတွင်းရေးမှူး (၁) ဗိုလ်မှူး စောလှငွေက ပြောသည်။
၎င်းက “လောလောဆယ်မှာ သူတို့(ဒီကေဘီအေ)တွေဟာ ခါတိုင်းတွေလို စီးပွားရှာလို့ မလွယ်တော့ဘူး။ ရပ်တည်ရေးက သူတို့က မလွယ်တော့ဘူး။ ဒီကေဘီအေ နာမည်နဲ့ ပြေးဆွဲနေတဲ့ ၀စ်သောက်(လိုင်စင်မဲ့)ကားတွေ ပြေးလို့ မရတော့တဲ့ အနေအ ထားမှာ ရှိလာတယ်။ နောက်တခုက ခါတိုင်းတွေလို ကြိုက်သလို ဂိတ်တွေဖွင့်ပြီးတော့ လုပ်လို့ မရတော့တဲ့ အပေါ်မှာ ရွာသား တွေကို ၀န်ထုပ်ဝန်ပိုး ပိလာအောင် ငွေတောင်းတာပဲ”ဟု ပြောသည်။
ဒီကေဘီအေ တပ်မဟာ(၅)မှ တပ်မှူးတဦးက “ဒီကောင်တွေ ဆေးလိပ်ဖိုး မရှိတော့လို့ လုပ်တာပါ။ ဘာဖြစ်လို့လဲ ဆိုတော့ အခု ချိန်မှာ ဘာဝင်ငွေမှ မရှိတော့တဲ့ အချိန်လေ”ဟု ကေအိုင်စီကို ပြောသည်။
ယခင်က ထိုဒေသရှိ ကျေးရွာအနီးတ၀ိုက်တွင် ဒီကေဘီအေနှင့် ကေအဲန်ယူတပ်ဖွဲ့ဝင်များ အကြား တိုက်ပွဲ ဖြစ်ပွားခဲ့ပါက ဒီကေဘီအေမှ ရွာသူ ရွာသားများအား ဒဏ်ငွေရိုက်သည့်အပြင် ၎င်းတို့ တပ်ဖွဲ့ဝင်များ ကေအဲန်ယူထံ လက်နက် ခဲယမ်းနှင့်အတူ သွား ရောက်ပူး ပေါင်းခဲ့လျှင်လည်း ဒေသခံ ရွာသားများကပင် လျော်ကြေး ပေးဆောင်ရလေ့ရှိသည်။
ဒီကေဘီအေတပ်ဖွဲ့သည် လက်ရှိအချိန်တွင် တပ်အင်အား ၄၀၀၀ ကျော်ရှိသည့် အနက်မှ တပ်မဟာ (၉၉၉) သည် တပ်အင်အား အတောင့် တင်းဆုံး အဖွဲ့ဖြစ်သလို နအဖ စစ်အစိုးရ ချမှတ် ထားသော နယ်ခြားစောင့်တပ် အသွင် ကူးပြောင်းရေး လမ်းစဉ်ကို လက်ခံခဲ့သည့် တပ်မဟာအဆင့် ဒီကေဘီအေ အစု အဖွဲ့တစ်ခု ဖြစ်သည်။
Ref: KIC News
Posts
