10 May 2009
တာလီဘန်တွေ ကြီးစိုးတဲ့ ဆွာ့တ်တောင်ကြားနေဒေသမှာ စနေနေ့က ရဟတ်ယာဉ်နဲ့ စစ်လေယာဉ်တွေ အကူအညီနဲ့ ပါကစ္စတန် စစ်တပ်ကနေ ပစ်ခတ်ခဲ့တာမို့ ဒေသခံ သိန်းနဲ့ချီပြီး ဘေးလွတ်ရာကို ထွက်ပြေး တိမ်းရှောင် ကြရသလို ထွက် မပြေးနိုင်ဘဲ ပိတ်မိ နေသူတွေလည်း ရှိနေပါတယ်။
အဲဒီဒေသမှာ ကြီးစိုးနေတဲ့ စစ်သွေးကြွတွေကို ရှင်းလင်းဖို့ အတွက် ကြိုးစားတာလို့ ပါကစ္စတန် စစ်တပ်က ပြောကြားခဲ့ပြီး စနေနေ့ တိုက်ပွဲမှာ တာလီဘန် ၅၅ ဦး သေဆုံးခဲ့တယ်လို့ ဆိုပါတယ်။ မင်ဂိုရာ မြို့တ၀ိုက်မှာ တိုက်ပွဲ ပြင်းထန်ခဲ့ပြီး စစ်တပ်က ရဟတ်ယာဉ်ပေါ်က သေနတ်နဲ့ ပစ်ခတ် တိုက်ခိုက်မှုကြောင့် ပုန်းအောင်းနေတဲ့ တာလီဘန် ၁၅ ဦး သေဆုံးခဲ့တယ်လို့ ပြောပါ တယ်။
တိုက်ပွဲတွေဟာ ကာဘာ နဲ့ ဒါ ဒေသတွေမှာလည်း ဖြစ်ပွားခဲ့ပြီး အဲဒီမှာ စစ်သားလေးဦး ဒဏ်ရာ ရခဲ့တယ်လို့ ပါကစ္စတန် စစ်တပ်က ပြောပါတယ်။ ကုလသမဂ္ဂကတော့ ဒီတိုက်ပွဲတွေဟာ ဒီရက်ပိုင်းအတွင်း ဆ၀ပ် နဲ့ ဘာနာ ဒေသတွေက ဒေသခံ ငါးသိန်းလောက်ကို နေအိမ်တွေကနေ စွန့်ခွာ ထွက်ပြေးစေတယ်၊ တချို့လည်း ပိတ်မိနေတယ်လို့ ပြောပါတယ်။ ထွက်ပြေးလာ သူတွေရဲ့ ပြောပြချက်အရ တိုက်ပွဲတွေကြောင့် အရပ်သား ထိခိုက်ဒဏ်ရာ ရမှုတွေ ရှိနေတယ်လို့ ဆိုပါတယ်။
Ref: VOA News
Monday, May 11, 2009
ပါကစ္စတန်တိုက်ပွဲ ပြင်းထန်၊ ဒေသခံများ ပိတ်မိနေ
Sunday, May 10, 2009
COIN အကြောင်း တစေ့တစောင်း
Wednesday, April 29, 2009
ညနေက အာဖဂန်စစ်မျက်နှာကနေ ပြန်လာတဲ့ သူငယ်ချင်း မတ်ခ်နဲ့ စားသောက်ဆိုင်တခုမှာ dinner အတူ စားဖြစ်ခဲ့ပါတယ်။ မတွေ့ရတာ ကြာပြီဖြစ်တဲ့ အတွက် စကားတွေ တော်တော်များများ ပြောဖြစ် ခဲ့ကြပါတယ်။ စစ်ရေး၊ နိုင်ငံရေး၊ စီးပွားရေး အစုံအလင်ပါပဲ။ စစ်ပွဲက ပြန်လာသူ တယောက်နဲ့ ဆုံတွေ့ရင် စစ်ပွဲ စကားတွေဟာ ပြောဖြစ်ကြ စမြဲမို့ မတ်ခ်တို့ ရင်ဆိုင်တိုက်ပွဲဝ င်နေရတဲ့ အာဖဂန်တောင်ပိုင်း အခြေစိုက် တာလီဘန်တွေ အကြောင်း ပြောဖြစ်ကြပါတယ်။
အာဖဂန်တောင်ပိုင်းမှာ လှုပ်ရှားနေတဲ့ တာလီဘန် တွေဟာ ဒေသခံ ဘိန်း စိုက်တောင်သူ လယ်သမား တွေနဲ့ သဘောတူညီမှု ယူပြီး လှုပ်ရှား နေတာကြောင့် အာဖဂန်သမ္မတ Karsai ဦးဆောင်တဲ့ အစိုးရအဖွဲ့နဲ့ နိုင်ငံတကာ တပ်ပေါင်းစုတွေ အတွက် ချေမှုန်းဖို့ ခက်ခဲတဲ့ အကြောင်းတွေ မတ်ခ်က ပြောပြပါတယ်။ သူတို့ကို ချေမှုန်းရေးက တနည်းပဲရှိတယ်။ တာလီဘန် အုပ်စုနဲ့ ဒီတောင်သူ လယ်သမားတွေကို ခွဲထုတ် ပစ်ရမယ်။ ဒီနေရာမှာ ခက်နေတာ က ဘိန်းစိုက် တောင်သူတွေဟာ ဘိန်းစိုက်ပြီး အသက်မွေးဝမ်းကျောင်း ပြုနေတာ ဖြစ်တဲ့အတွက်၊ သူတို့အတွက် တခြား livelihood မလုပ်ပေးနိုင်မချင်း၊ အောင်မြင်နိုင်တဲ့ ဘိန်းအစားထိုး သီးနှံစိုက်ပျိုးမှု အပေါ် ဒေသခံတွေ စိတ်ပါ ၀င်စားလာအောင် မဆွဲဆောင်နိုင်မချင်း၊ လူထုနဲ့ ခွဲထုတ် ချေမှုန်းရမယ် ဆိုတဲ့ နည်းဗျူဟာကို သုံးလို့ မရသေးကြောင်း ဆွေးနွေး ပြောဆိုဖြစ်ကြတယ်။ ဒီလိုပြောကြရင်း စစ်မဟာဗျူဟာ လေ့လာရေး ဘွဲ့ကြို၊ ဘွဲ့လွန် သင်တန်းတွေမှာပဲ ဖြစ်ဖြစ်၊ စစ်ဦးစီး တက္ကသိုလ် သင်တန်းတွေမှာပဲ ဖြစ်ဖြစ်၊ အရေးကြီး သင်ရိုးညွှန်းတမ်း အဖြစ် ပြဌာန်းလေ့ ရှိတဲ့ စစ်သုံးစကား အနေနဲ့ဆိုရင် COIN လို့ခေါ်တဲ့ အကြောင်းအရာ အကြောင်း ဆက်ပြောဖြစ်ကြပါတယ်။
COIN ဆိုတာက Counterinsurgency ကို အတိုကောက် ခေါ်တဲ့ စကား ဖြစ်ပါတယ်။ counterinsurgency ဆိုတာက insurgency ဆိုတဲ့ ပုန်ကန်ခြားနားမှု ကို တုန့်ပြန်မှု ဖြစ်ပါတယ်။ ၂၀ရာစု ကာလတလျှောက် ကမ္ဘာတ၀ှမ်းမှာ အတွေးအခေါ်၊ အယူအဆအပေါ် အခြေခံလို့ပဲ ဖြစ်ဖြစ်၊ ပြည်ပ ကျူးကျော်မှုကို တွန်းလှန်မှု အပေါ် အခြေခံလို့ပဲ ဖြစ်ဖြစ်၊ မတရား ဖိနှိပ်ချုပ်ချယ်မှုကို တွန်းလှန်ဖို့ပဲ ဖြစ်ဖြစ် ပုန်ကန်မှုတွေ အများအပြား ပေါ်ပေါက်ခဲ့ပါတယ်။ မြန်မာစကားမှာ အဓိပ္ပာယ် မှားယွင်းနေတဲ့ စကားတခု ရှိပါတယ်။ “သူခိုးကြီးရင် ဓားပြ၊ ဓားပြကြီးရင်သူပုန်” ဆိုတဲ့စကားပါ။ ဒါက ပုန်ကန် ခြားနားသူတွေဖြစ်တဲ့ သူပုန်တွေရဲ့ သိက္ခာကို စော်ကား ပြောဆိုခြင်း ဖြစ်ပါတယ်။
တကယ်တမ်းကျတော့ ပုန်ကန်ခြားနားမှု ဆိုတာက လက်ရှိ အစိုးရ (သို့) အာဏာသိမ်း အစိုးရ (သို့) ပြည်ပ ကျုးကျော် အုပ်ချုပ်မှု စတာတွေကို ဆန့်ကျင်ဖို့ စနစ်တကျ စုဖွဲ့ထားတဲ့ နိုင်ငံရေး၊ စစ်ရေး လှုပ်ရှားမှုကို ခေါ်ဆိုတာ ဖြစ်ပါတယ်။ ဘယ်လိုပဲဖြစ်ဖြစ် ပုန်ကန်ခြားနားမှု ဖြစ်လာတဲ့ အခါကျရင်တော့ တရားဝင် အစိုးရပဲဖြစ်ဖြစ်၊ တရားမ၀င် အစိုးရပဲဖြစ်ဖြစ်၊ ပြည်ပ အစိုးရပဲဖြစ်ဖြစ် Counterinsurgency (COIN) ကို ပြုလုပ် ဆင်နွှဲကြပါတယ်။ ဒီလိုပြုလုပ်ရာမှာ စစ်ရေး၊ နိုင်ငံရေး၊ စီးပွားရေး၊ စိတ်ဓာတ် စစ်ဆင်ရေး စတဲ့ စစ်မျက်နှာ ပေါင်းစုံကို ဖွင့်လှစ် ဆောင်ရွက်လေ့ ရှိပါတယ်။ စစ်မဟာဗျူဟာ လေ့လာရေး ပညာရှင်များကလဲ COIN ကင်ပိန်းတွေ အောင်မြင်စွာ ဆင်နွှဲနိုင်ဖို့ လိုအပ်မယ့် အချက်တွေကို ဖော်ထုတ် ရေးသားကြပါတယ်။
ဒီနေရာမှာ strategic theorists များရဲ့ အခန်းကဏ္ဍကို ထည့်သွင်း ပြောချင်ပါတယ်။ တချို့က သူတို့တွေကို သီအိုရီ သမားတွေ၊ စာအုပ်ထဲက စာတွေဖတ်ပြီး၊ လက်တွေ့နဲ့ ကင်းကွာနေသူတွေလို့ ထင်မြင်လေ့ ရှိကြတယ်။ တကယ်တော့ theorists လို့ သူတို့ကို ခေါ်ဆိုမှုက ဒီအချက်ကို ထောက်ပြ နေပြီးသားမို့ ဘာမှ ထပ်ဆောင်း ပြောစရာ မလိုအပ်တော့ဘူး။ သူတို့အလုပ်က ဘာလဲဆိုတော့ သမိုင်းကြောင်း အချက် အလက်တွေ၊ သဘော တရားတွေ၊ အတွေးအခေါ်တွေနဲ့ သီအိုရီတွေကို ဖော်ထုတ် ရေးသားကြတာ ဖြစ်ပါတယ်။ စစ်ပညာရှင် ကလော့ဝစ် ဆိုခဲ့သလိုပဲ၊ ဒီလိုပေါ်ထွက်လာတဲ့ သီအိုရီတွေဟာ လေ့လာချင်သူတွေ အတွက် guideline တွေ ဖြစ်လာနိုင်တယ်။ ဖတ်ရှု လေ့လာသူတွေကို အတွေးအခေါ်၊ အမြင်သစ်တွေ ပံ့ပိုးပေးလာနိုင်တယ်။ သမိုင်း အဖြစ်အပျက်တွေကို သင်ခန်းစာယူပြီး၊ အမှားအယွင်းတွေကို ရှောင်ရှားနိုင်လာတယ်။ ဒါပေမယ့် သီအိုရီ သမားတွေ ပြောသမျှ အားလုံးလုပ်လို့ ရမယ်လို့လဲ မဆိုလိုနိုင်ပါဘူး။ သီအိုရီအရ ကြည့်ရင်တော့ သီအိုရီနဲ့ လက်တွေ့ဟာ ကွာခြားမှု မရှိဘူး။ ဒါပေမယ့် လက်တွေ့ကျတော့ ကွာခြားမှုတွေ ရှိလာနိုင်တယ်။ ဒါကြောင့် သီအိုရီနဲ့ လက်တွေ့လုပ်ဆောင်သူတွေ အကြား သူတော်တယ်၊ ငါတော်တယ် အငြင်းပွားမှုတွေဟာ အဖိုးတန်တဲ့ အချိန်တွေကို သက်သက်မဲ့ ဖြုန်းပစ်နေတာ ဖြစ်တယ်။ ခန္ဓာဗေဒ မသိပဲ ခွဲစိတ် ကုသမှုလုပ်လို့ မရသလို၊ ခန္ဓာဗေဒ သိပြီးတိုင်းလဲ ခွဲစိတ်ကုသမှု လုပ်လို့ မရဘူး။ အဓိကကတော့ common sense ပါပဲ။
မဟာဗျူဟာရေးဆွဲသူ သီအိုရီသမားတွေဘက်ကလဲ ကိုယ့်ရေးသားထားတဲ့ အတိုင်း လက်တွေ့မှာ အကောင်အထည် ဖော်ဖို့ ဖြစ်တာလဲရှိမယ်၊ မဖြစ်နိုင်တာလဲ ရှိမယ်ဆိုတာ နားလည် သဘောပေါက်ဖို့ လိုအပ်သလို၊ လက်တွေ့ သမားတွေ ဘက်ကလဲ သီအိုရီသမားတွေ ဖော်ထုတ် ရေးသားတာကို လိုတာယူ၊ မလိုတာပယ်ပြီး ကိုယ့်အတွက် အသုံးဝင်မယ့် အချက်တွေကို ရွေးနုတ် အသုံးချလိုက်မယ် ဆိုရင် တယောက်ကို တယောက်၊ လက်ညှိုးထိုးနေကြတဲ့ အချိန်တွေ အလဟဿဖြစ်မှု နည်းသွားပါလိမ့်မယ်။ ကားမောင်းနည်း စာအုပ်ဖတ်ပြီး၊ ကားတက်မောင်းလို့ မရနိုင်သလို၊ သီအိုရီက လီဘာနင်းရင် ဘယ်လိုဖြစ်မယ်၊ ဘရိတ်နင်းရင် ဘယ်လိုဖြစ်မယ် ဆိုတာ မယုံလို့ဆိုပြီး၊ ချောက်ရှေ့မှာ လီဘာနင်းမယ်ဆိုရင် ဘာဖြစ်သွားနိုင်မလဲ ဆိုတာကိုလဲ စဉ်းစားရပါလိမ့်မယ်။
အခုဆက်လက်ပြီး COIN နဲ့ ပတ်သက်တဲ့ စစ်မဟာဗျူဟာ လေ့လာရေး ပညာရှင်ကြီးတွေ ဖြစ်တဲ့ David Galula, Robert Thompson တို့ ရေးသား ခဲ့ကြတဲ့ classical literature တွေနဲ့၊ ယနေ့ခေတ် ပညာရှင် Schnaubelt, Daniel Marston, Carter Malkasian တို့ ရေးသားခဲ့တဲ့ literature တွေထဲက အရေးကြီးတဲ့ အချက်တချို့ကို ကောက်နှုတ် တင်ပြလိုပါတယ်။ ဘာကြောင့် ဒီအချက်တွေကို တင်ပြရလဲ ဆိုရင် အခုလက်ရှိ စာရေးသူတို့ ရင်ဆိုင်နေရတဲ့ ရန်သူ စစ်အုပ်စုဟာ စစ်ရေး အတွေးအခေါ်နဲ့ပဲ အရာရာကို ရှုမြင် သုံးသပ်နေလို့ ဖြစ်ပါတယ်။ စစ်ရေး၊ နိုင်ငံရေး၊ စီးပွားရေးတွေမှာ တဘက်ရန်သူ၊ တဘက်ပြိုင်ဘက်ရဲ့ intentions (ရည်ရွယ်ချက်), interests (စိတ်ပါဝင်စားမှု), commitment (ခံယူချက်), value (တန်ဖိုးထားမှု) စတဲ့ အချက်လေးချက်ကို အရင်လေ့လာပြီးမှ၊ သင့်လျော်တဲ့ မဟာဗျူဟာတွေ၊ လုပ်ငန်းစဉ်တွေကို ချမှတ်ရပါတယ်။ အဲဒီလိုမဟုတ်ပဲ ကိုယ့်ဘက်က ကိုယ်ဖြစ်စေချင်တာတွေ၊ ကိုယ်လုပ်နိုင်တာတွေ၊ ကိုယ့်အယူအဆ တွေကိုပဲ ဇောင်းပေး လုပ်ဆောင်နေမယ် ဆိုရင် ခုတ်ရာတခြား၊ ရှရာတခြားနဲ့ လုပ်လိုက်သမျှ တလွဲတွေ ဖြစ်နေတတ်ပါတယ်။ ဒါကြောင့် ပုန်ကန် ခြားနားသူတွေကိုပဲ ဖြစ်ဖြစ်၊ တော်လှန်ရေး သမားတွေကိုပဲ ဖြစ်ဖြစ်၊ ချေမှုန်းရေး လုပ်ရာမှာ အသုံးပြုတဲ့ စစ်ရေး နည်းဗျူဟာများကို ရေးသား တင်ပြပေးပါမယ်။
(၁) Legitimacy ရရန် ဆောင်ရွက်ခြင်း
ဒေးဗစ်ဂါလုလား အဆိုအရ ဘယ်လိုအသွင်သဏ္ဍာန်ဆောင်တဲ့ တော်လှန်ရေးပဲဖြစ်ဖြစ်၊ ပုန်ကန်မှုပဲဖြစ်ဖြစ်၊ အတိုက်အခံတွေဘက်က သုံးတဲ့စကားလုံးက “ပြည်သူ့အတွက်” ဆိုတဲ့ စကားလုံးပဲ ဖြစ်လေ့ရှိပါတယ်။ ကမ္ဘာတ၀ှမ်းလုံးက တော်လှန်ရေးတိုင်း၊ စစ်ပွဲတိုင်းမှာ ဒီစကားလုံးက ထိပ်ဆုံးမှာ နေရာယူလေ့ရှိပါတယ်။ ဘယ်လိုပဲဖြစ်ဖြစ် လူထုတွေအကြား၊ နိုင်ငံတကာ အစိုးရတွေအကြားမှာ legitimacy ရဖို့က အရေးကြီးပါတယ်။ ဒီလိုလုပ်နိုင်ဖို့အတွက် legitimacy ဟာ အစိုးရနဲ့သာ ထိုက်တန်တယ်။ ပုန်ကန်သူတွေ၊ တော်လှန်ရေးသမားတွေနဲ့ မထိုက်တန်ဘူးဆိုတဲ့ အချက်ကို လူထုလက်ခံလာအောင် လုပ်ဖို့ လိုအပ်တဲ့အကြောင်း၊ နိုင်ငံတကာက အသိအမှတ်ပြုလာဖို့ လိုအပ်တဲ့အကြောင်း COIN နည်းဗျူဟာက ထောက်ပြထားပါတယ်။
အနှစ်နှစ်ဆယ် နအဖ လုပ်ငန်းဆောင်တာတွေကို ကြည့်လိုက်တော့ နအဖဟာ စစ်အစိုးရပီပီ ဒါကို တိတိကျကျ လိုက်နာခဲ့ကြောင်း သိသာပါတယ်။ ကြံ့ဖွတ်၊ စွမ်းအားရှင်တို့လို သူတို့ နောက်လိုက်နောက်ပါ အင်အားစုတွေ မွေးယူတာတွေ၊ သတင်းစာ၊ တီဗွီတွေကနေ ၀ါဒဖြန့်ချိရေးလုပ်တာတွေ၊ ၀န်ထမ်းတွေကို မတက်မနေရ ပြည်သူ့ဝန်ထမ်းသင်တန်းတွေ ခေါ်ပေးတာတွေဟာ ဒီနည်းဗျူဟာနဲ့ ဖြစ်ပါတယ်။ ရှစ်လေးလုံးအရေးတော်ပုံမှာ ချက်ချင်းအာဏာပြန်မသိမ်းပဲ၊ လူထုထဲကို သူတို့လူတွေလွှတ်ပြီး၊ ခေါင်းဖြတ်သတ်ပွဲတွေ ဖန်တီးတာတွေ၊ လုယက်မှုတွေ၊ ဖရိုဖရဲတွေဖြစ်အောင် လုပ်တာဟာလဲ ဒီဗျူဟာ အခင်းအကျင်းပုံစံပါပဲ။ သမိုင်းဝင် လူထုတော်လှန်ရေးတရပ်ကို အရေးအခင်းပုံစံအသွင်ဖြစ်အောင် ပြောင်းလဲယူပြီး၊ နိုင်ငံတော်မှာ သူတို့အုပ်ချုပ်ဖို့ လိုအပ်တယ်ဆိုတဲ့ အတွေးအခေါ်ကို လူထုထဲ ရိုက်သွင်းတာ ဖြစ်ပါတယ်။
ဒါပေမယ့် အနှစ်နှစ်ဆယ် သမိုင်းကို ကြည့်ခြင်းအားဖြင့် နအဖဟာ ဒီဗျူဟာကို နိုင်နင်းစွာ မကနိုင်ပါဘူး။ ခင်ညွန့်နဲ့ စစ်ထောက်လှမ်းရေးတွေကို အချင်းချင်း ဖြုတ်ထုတ်သတ်လုပ်ပြီး နောက်ပိုင်းမှာ ဒါတွေက ပိုထင်ရှားမြင်သာလာပါတယ်။ အခုလဲ ၂၀၁၀ ရွေးကောက်ပွဲနဲ့ political legitimacy ရယူဖို့ ပြင်ဆင်ဆောင်ရွက်နေပါတယ်။ အဓိကကတော့ နိုင်ငံတကာ စစ်မျက်နှာအတွက် ဖြစ်ပါတယ်။ လူထုကြားထဲမှာ legitimacy မရနိုင်တော့ဘူးဆိုတာ စစ်တင်ဘာတော်လှန်ရေးမှာ ကွက်ကွက်ကွင်းကွင်း ထင်သာမြင်သာသွားပါတယ်။ ဒါကြောင့်လဲ ၂၀၁၀ ကို အတင်းတွန်းလုပ်ခဲ့ကြတာပါ။
ဒါကိုတော့ ကျွန်မတို့အတိုက်အခံတွေ ဂရုတချက်စိုက်ရပါလိမ့်မယ်။ ၂၁ ရာစုရဲ့ နိုင်ငံတကာ အခင်းအကျင်းပုံစံတွေကို နားလည်ရပါလိမ့်မယ်။ ကျွန်မတို့ မြန်မာနိုင်ငံက တတိယဒီမိုကရေစီ လှိုင်းလုံးကြီးမှာ ပါမသွားပဲ ကျန်ခဲ့တဲ့ နိုင်ငံတနိုင်ငံပါ။ ၂၁ရာစုသစ်မှာ ဒီလှိုင်းလုံးကြီးက ၂၀ရာစု နှောင်းပိုင်းကလို အင်အားသိပ်မကြီးတော့ပါဘူး။ အီရတ်နဲ့ အာဖဂန်နစ်စတန် ကိစ္စရပ်တွေ နောက်ပိုင်းမှာ Military Intervention ဆိုတဲ့ သဘောတရားအပေါ်မှာ ဝေဖန်မှုတွေ အများကြီး ဖြစ်နေကြပါတယ်။ နိုင်ငံတကာ ဆက်ဆံရေးမှာ economic sanctions ဆိုတဲ့ သဘောတရားနဲ့ ပတ်သက်ပြီး၊ အပြန်အလှန်ငြင်းခုံမှုတွေ၊ ထင်မြင်ချက်တွေက အမျိုးမျိုးဖြစ်နေကြပါတယ်။ တဘက်က ဒီမိုကရေစီကို ဇောင်းပေးပြောဆိုကြသလို၊ ဒီမိုကရေစီဟာ နိုင်ငံတော်လုံခြုံရေးကို အားနည်းစေတယ်ဆိုတဲ့ စွဲချက်တွေကလဲ ဖြစ်နေကြပါတယ်။ နိုင်ငံတကာ ဇာတ်ခုံကြီးဟာ အတွေးအခေါ်ပေါင်းစုံ၊ အယူအဆပေါင်းစုံ၊ လုပ်နည်းဆောင်တာမျိုးစုံနဲ့ သပွတ်အူကြီးလို ရှုပ်ထွေးနေပါတယ်။
ဒီလိုရှုပ်ထွေးနေတဲ့ နိုင်ငံတကာဇာတ်ခုံကြီးပေါ်မှာ အာရှတိုက်ထဲက နိုင်ငံငယ်လေးတခုဖြစ်တဲ့ (ဖြစ်နေတဲ့ ပကတိတရားကို အမှန်အတိုင်း လက်ခံဖို့လိုပါတယ်) မြန်မာပြည်အရေးလောက်ကို ရေးကြီးခွင်ကျယ် ကိစ္စကြီးတခုအနေနဲ့ နိုင်ငံတကာ အစိုးရများက အသိအမှတ်မပြုပါဘူး။ ကုလသမဂ္ဂလုံခြုံရေးကောင်စီမှာ ဆွေးနွေးကြတဲ့ ပြဿနာတိုင်းသာ အဖြေထွက်လာနိုင်ခဲ့ရင် အခုကမ္ဘာမှာ ဖြစ်ပျက်နေတဲ့ သတင်းဆိုးတွေရဲ့ လေးပုံသုံးပုံလောက်ကို ကြားရမှာတောင် မဟုတ်ပါဘူး။ အီရတ်ကို အမေရိကန်နဲ့ မဟာမိတ်တပ်တွေ ၀င်နိုင်ဖို့ ဆယ်စုနှစ်တွေ ဘယ်လောက်ကြာခဲ့သလဲဆိုတာ ပြန်တွက်ချက်ကြည့်စေလိုပါတယ်။ သေချာတာတခုကတော့ မြန်မာနိုင်ငံဟာ ဒုတိယအီရတ် လုံးဝဖြစ်လာမှာ မဟုတ်ပါဘူး။ နိုင်ငံရေးပထ၀ီဝင် အနေအထားအရ ဒုတိယတောင်အာဖရိကလဲ ဘယ်တော့မှ ဖြစ်လာမှာ မဟုတ်ပါဘူး။ ဒါဟာ ပကတိအခြေအနေမှန်ပါ။
ပြီးတော့ ကမ္ဘာပေါ်မှာ မြန်မာ့အရေးထက် ပိုအရေးကြီးတဲ့ ကိစ္စရပ်များစွာ ကလဲ ရှိနေပါသေးတယ်။ ဒါတွေကို မမြင်လို့ပဲဖြစ်ဖြစ်၊ တမင်တကာ မျက်စိပိတ်ပြီးပဲဖြစ်ဖြစ်၊ မြန်မာပြည်က စစ်အုပ်စုကို နိုင်ငံတကာ ဖိအားတွေပေးပြီး၊ ဒိုင်ယာလော့ခ်လမ်းကြောင်း ပေါ်တက်လာအောင်လုပ်မယ်ဆိုတဲ့ မဟာဗျူဟာကြီးတွေ ချမှတ် အကောင်အထည်ဖော်နေတာကတော့ တလွဲဆံပင်ကောင်း လုပ်နေတာနဲ့ အတူတူပါပဲ။ နိုင်ငံတကာဇာတ်ခုံမှာ legitimacy နဲ့ ပတ်သက်ပြီး state actors နဲ့ non-state actors ပြိုင်ပွဲတွေ ဖြစ်တဲ့အခါ ဘယ်သူကနိုင်ပြီး၊ ဘယ်သူတွေက ရှုံးတတ်တယ်ဆိုတာ ကမ္ဘာ့နိုင်ငံရေး သမိုင်း စာမျက်နှာတွေမှာ အတိအလင်း လေ့လာတွေ့ရှိနိုင်ပါတယ်။ ဒီမဟာဗျူဟာကြီးနဲ့ပဲ ဆက်လက် တိုက်ပွဲဝင်နေရင်တော့ အဲဒီအတိုင်းတွေပဲ ဖြစ်သွားပါလိမ့်မယ်။ ပြောမထွက်ရက်လို့ ကျွန်မ မပြောချင်ပါဘူး။ အချိန်က စကားပြောလာပါလိမ့်မယ်။ နိုင်ငံတကာ အစိုးရတွေရဲ့ ခြေလှမ်းတွေကို နောက်နှစ်နှစ်အတွင်းမှာ စောင့်ကြည့်လိုက်ပါ။
အဲဒီလိုအဖြစ်မခံပဲ မြန်မာ့နိုင်ငံရေးတိုးတက်မှုကို တကယ်ဖြစ်စေချင်တယ် ဆိုရင်တော့ legitimacy နည်းနဲ့ တိုက်ခိုက်နေတဲ့ စစ်အစိုးရကို အနိုင်ယူအောင်ပွဲခံနိုင်စေတဲ့ အင်အားကြီးတခုကတော့ ရှိနေပါတယ်။ ဒါကတော့ ပြည်သူလူထုပါ။ ပြည်သူလူထုဟာ စစ်အာဏာရှင်စနစ် ချုပ်ငြိမ်းရေးကိုပဲ လိုလားကြပါတယ်။ စစ်အုပ်စုရဲ့ မတရားမှုတွေကိုလဲ နေ့စဉ်နဲ့ အမျှ ခံစားနေကြရတာမို့ ခံပြင်းစိတ်တွေ လူတိုင်းရဲ့ရင်ထဲမှာ ရှိနေပါတယ်။ စစ်အုပ်စုရှိနေသရွေ့၊ နောက်ကွယ်က ကြိုးကိုင်နေသရွေ့ မြန်မာပြည်ကြီး တိုးတက်မှာမဟုတ်ဘူး ဆိုတာကိုလဲ အများစုက နားလည်ကြပါတယ်။ ပြည်သူလူထုရဲ့အားကို ယူခြင်းကသာ အောင်ပွဲဆီကို ဦးတည်နိုင်ပါစေလိမ့်မယ်။ စစ်အုပ်စုဟာ COIN နည်းဗျူဟာအတိုင်း Legitimacy ရဖို့အရေးကို အသည်းအသန် ကြိုးစားနေဆဲ ဖြစ်ပေမယ့် ပြည်သူလူထုကြားမှာတော့ အခုအချိန်ထိ legitimacy မရသေးပါဘူး။ ဒီအချက်ကို ဇောင်းပေးပြီး လုပ်သင့်တာလုပ်ကြဖို့ လိုပါတယ်။ ပြင်ဆင်သင့်တာကို တညီတညွတ်တည်း ပြင်ဆင်ကြဖို့ လိုပါလိမ့်မယ်။ စစ်ပွဲဆိုတာ စစ်မြေပြင်မှာပဲ တိုက်ရတာ ဖြစ်ပါတယ်။ ဒီနေရာမှာ စစ်မြေပြင်လို့ ကျွန်မဆိုလိုတာက ပြည်တွင်းကို ပြောတာဖြစ်ပါတယ်။ ပြည်တွင်းမှာ စစ်ရေးနဲ့ လူထုတိုက်ပွဲ ဟန်ချက်ညီ ပေါင်းစပ်နိုင်ဖို့ တော်လှန်ရေးစစ်မျက်နှာ ငါးရပ်ဖြစ်တဲ့ စစ်ရေးစစ်မျက်နှာ၊ နိုင်ငံရေးစစ်မျက်နှာ၊ လူမှုစီးပွားရေး စစ်မျက်နှာ၊ အတွေးအခေါ် ခံယူချက် စစ်မျက်နှာ၊ နိုင်ငံတကာစစ်မျက်နှာစတဲ့ စစ်မျက်နှာအားလုံး လိုအပ်လှပါတယ်။ တနေရာတည်းမှာ အားသာနေတာမဟုတ်ပဲ အားလုံးဟန်ချက်ညီပေါင်းစပ်မှုကို ဆိုလိုတာဖြစ်ပါတယ်။ အမြောက်ပစ်ကူတချက် ပေးဖို့အရေး၊ အမြောက်လုပ်ဖို့ သံတုံးထိုင်သွေးနေသူတွေရဲ့ လက်ထဲကို စစ်ပွဲတခုလုံးရဲ့ ကံကြမ္မာကို မထည့်လိုက်မိပါစေနဲ့။ စခန်းကုန်းလေးတခု သိမ်းပိုက်နိုင်တာနဲ့ပဲ အောင်ပွဲရပြီ။ ဒါလေးကိုပဲ မပျောက်မပျက်အောင် ထိန်းထားမယ်ဆိုသူတွေရဲ့ လက်ထဲကိုလဲ command power မထည့်လိုက်မိပါစေနဲ့။
အဲဒီလို ဖြစ်လာရင် လူထုဟာ သူတို့ လက်မခံနိုင်တဲ့ အစိုးရတရပ်ရဲ့ legitimacy ကို အသိအမှတ် မပြုပေမယ့်၊ ပုန်ကန်ခြားနားသူတွေ၊ တော်လှန်ရေးသမားတွေနဲ့လဲ ကင်းကွာ သွားနိုင်ပါတယ်။ လူထုနဲ့ တသားတည်းမရှိတဲ့ တော်လှန်ရေးဟာ အောင်ပွဲနဲ့ လွဲနေမှာ အသေအချာပါပဲ။ အခုဆက်လက်ပြီး COIN နည်းဗျူဟာတရပ်ဖြစ်တဲ့ လူထုနဲ့ တော်လှန်ရေးကင်းကွာအောင် ပြုလုပ်ခြင်း အချက်ကို ဆက်လက်တင်ပြပါမယ်။ ဒီနည်းဗျူဟာကိုလဲ စစ်အုပ်စုက ကျင့်သုံးနေပါတယ်။
(၂) လူထုနှင့် တော်လှန်ရေးသမားများအား ကင်းကွာအောင် ပြုလုပ်ခြင်း
တော်လှန်ရေးနဲ့ပတ်သက်ပြီး၊ နာမည်ကျော်ကြားလှတဲ့ theorist တဦးဖြစ်တဲ့ မော်စီတုန်းရဲ့ အဆိုအမိန့်ကို ထည့်သွင်းပြောကြားလိုပါတယ်။ မော်စီတုန်းက ပင်လယ်ထဲမှာ ငါးလေးတွေ ကူးခတ်နေသလိုပဲ တော်လှန်ရေးသမားများဟာလဲ လူထုထဲမှာ လှုပ်ရှားရမယ်လို့ ဆိုပါတယ်။ လူထုနဲ့ တော်လှန်ရေးဟာ ကင်းကွာလို့မရပါဘူး။ ဒီနေရာမှာ လူထုနဲ့ တော်လှန်ရေးနီးကပ်မှု၊ တသားတည်းဖြစ်မှုဆိုတာနဲ့ ပတ်သက်ပြီး အတွေးအခေါ်အမျိုးမျိုး၊ ခံယူချက်အမျိုးမျိုး ရှိနေတတ်ပါတယ်။ တချို့က လူထုထဲမှာပဲ တော်လှန်ရေးသမားက နေရမယ်၊ တချို့ကျတော့လဲ လက်နက်ကိုင်တော်လှန်ရေး စစ်မျက်နှာမှာပဲ နေရမယ်၊ တချို့ကကျတော့လဲ တခြားစစ်မျက်နှာတွေမှာလဲ ပါဝင်ရမယ်စသဖြင့် အမျိုးမျိုး ဆိုတတ်ကြပါတယ်။ ဘယ်လိုပဲဖြစ်ဖြစ် တော်လှန်ရေးစစ်မျက်နှာ ငါးရပ်ဖြစ်တဲ့ စစ်ရေးစစ်မျက်နှာ၊ နိုင်ငံရေးစစ်မျက်နှာ၊ လူမှုစီးပွားရေး စစ်မျက်နှာ၊ အတွေးအခေါ် ခံယူချက် စစ်မျက်နှာ၊ နိုင်ငံတကာစစ်မျက်နှာစတဲ့ စစ်မျက်နှာ တရပ်ရပ်မှာ ပါဝင်နေမှုအားလုံးဟာ တော်လှန်ရေးရဲ့ အင်အားတွေပဲဖြစ်ပါတယ်။ ဒီစစ်မျက်နှာအားလုံးမှာ ဟန်ချက်ညီနေဖို့  အထူး လိုအပ်လှပါတယ်။ ဘယ်လိုစစ်မျက်နှာမျိုးမှာပါတာပဲဖြစ်ဖြစ် အဓိကကတော့ တော်လှန်ရေးအပေါ်မှာ လူထုရဲ့ ထောက်ခံမှု ရှိနေဖို့ပဲ ဖြစ်ပါတယ်။ လူထုနဲ့ တော်လှန်ရေး တသားတည်း ရှိနေသရွေ့၊ တော်လှန်ရေးသမားတွေအပေါ်မှာ လူထုက လေးစားမှုရှိနေသရွေ့၊ တော်လှန်ရေးခေါင်းဆောင်တွေ အပေါ်မှာ လူထုက ယုံကြည်မှုရှိနေသရွေ့ တော်လှန်ရေး ချိန်ခွင်လျှာက တော်လှန်ရေးသမားတွေဘက်မှာ ရှိမှာဖြစ်ပါတယ်။ ဒီလိုမဟုတ်တော့ပဲ လူထုက တော်လှန်ရေးကို ယုံကြည်မှု အားနည်းလာခဲ့ရင်၊ ချိန်ခွင်လျှာက COIN operations ဆင်နွှဲတဲ့ အစိုးရပဲဖြစ်ဖြစ်၊ အာဏာရှင်တွေပဲဖြစ်ဖြစ်၊ သူတို့ဘက်ကို ယိမ်းသွားတတ်ပါတယ်။
ဒါကြောင့်လဲ COIN နည်းဗျူဟာက လူထုနဲ့ တော်လှန်ရေးကို ခွဲထုတ် ရမယ်လို့ ဆိုထားပါတယ်။ ဒီလိုကင်းကွာအောင် လုပ်ရာမှာ ပထမ တနည်းကတော့ တော်လှန်ရေးသမားတွေ အ၀င်အထွက်ရှိတဲ့ ရွာတွေကို ပြောင်းရွှေ့မှုပါ။ ဘိုအင်းစစ်ပွဲကာလ၊ မလေးရှားနိုင်ငံအရေးပေါ်ကာလတွေမှာတုန်းက ဗြိတိသျှစစ်တပ်က ဒီနည်းလမ်းတွေကို အများဆုံးအသုံးပြုခဲ့ပါတယ်။ ဒါပေမယ့် အခုနောက်ပိုင်းကာလတွေမှာကျတော့ ဒီနည်းလမ်းအသုံးပြုမှုတွေကို နိုင်ငံတကာကရော၊ ပြည်တွင်းပြည်သူလူထုတွေကပါ လက်မခံကြတော့ပါဘူး။ စစ်မဟာဗျူဟာလေ့လာရေးပညာရှင် Kilcullen ကတော့ ဒီဘက်ခေတ်တွေမှာ ဒီနည်းလမ်းတွေ အသုံးမပြုသင့်တော့ဘူးလို့ ဆိုထားပါတယ်။ သူက ဒီလိုလုပ်ခြင်းအားဖြင့် လူထုနဲ့ တော်လှန်ရေးကို လူချင်းကွဲကွာအောင်လုပ်လိုက်နိုင်ပေမယ့် စိတ်ပိုင်းဆိုင်ရာမှာကျတော့ တော်လှန်ရေးသမားတွေကို လူထုက ပိုမိုထောက်ခံမှုပေးသွားနိုင်တယ်လို့ ဆိုထားပါတယ်။
နောက်တမျိုးကတော့ တော်လှန်ရေးခေါင်းဆောင်တွေနဲ့ လူထုကို ကင်းကွာအောင် ပြုလုပ်နည်းပါ။ ဒီနည်းကတော့ ပိုမိုသိမ်မွေ့ပြီး၊ ရွာတွေပြောင်းရွှေ့မှုလိုမျိုး လူအများကို ထိခိုက်တာမဟုတ်ပေမယ့် လက်တွေ့မှာ ပိုမိုထိရောက်ပါတယ်။ အရေးပါတဲ့ ခေါင်းဆောင်တွေကို လုပ်ကြံသတ်ဖြတ်မှု (targeted assassinations)နဲ့ နှစ်ရှည်လများ ဖမ်းဆီးထောင်ချမှု (long-term imprisonment) နည်းလမ်းတွေနဲ့ လူထုနဲ့ ခေါင်းဆောင်တွေ ကင်းကွာအောင် လုပ်တာတွေကို COIN ဆင်နွှဲတဲ့ အစိုးရတော်တော်များများက ပြုလုပ်လေ့ရှိတတ်ပါတယ်။ ဒီနည်းလမ်းဟာ လူပုဂ္ဂိုလ်ကိုးကွယ်မှု ပြုလုပ်တတ်လေ့ရှိတဲ့ အာရှနဲ့ အာဖရိကနိုင်ငံတချို့မှာ ပိုပြီးထိရောက်ပါတယ်။ ဒီလိုလူ့အဖွဲ့အစည်းတွေမှာဆိုရင် ပေါ်ပေါက်ခဲ့ဖူးတဲ့ ခေါင်းဆောင်တွေအပေါ်မှာပဲ သစ္စာရှိမှု၊ ယုံကြည်ကိုးကွယ်မှုတွေ ရှိနေတတ်တာဖြစ်တဲ့အတွက် ဒီခေါင်းဆောင်တွေ ကျဆုံးသွားရင်၊ အကျဉ်းကျသွားရင် တော်လှန်ရေးတခုလုံးဟာ ဖရိုဖရဲဖြစ်တော့တာပါပဲ။ ဒါတွေကို ပြန်လည်ထိန်းသိမ်းနိုင်မယ့် ခေါင်းဆောင်တွေပေါ်လာဖို့ဆိုတာ အလွန်ပဲ ခဲယဉ်းတတ်သလို၊ ပေါ်ပေါက်လာခဲ့ရင်လဲ အရင်ခေါင်းဆောင်ဟောင်းရဲ့ နောက်လိုက်တွေက သူတို့ခေါင်းဆောင်ကို အစားထိုးတယ်လို့ ယူဆပြီး၊ တိုက်ခိုက်ခွဲထွက်မှုတွေ ဖြစ်လာတော့တာပါပဲ။ အာရှ၊ အာဖရိကတိုက်မှာ COIN operations တွေ အောင်မြင်ခဲ့မှုဟာ အစိုးရတွေရဲ့ အရည်အချင်းဆိုတာထက် ဒီနည်းဗျူဟာရဲ့ ထိရောက်မှုကြောင့်လို့ ဆိုရင် မမှားပါဘူး။ တော်လှန်ရေးအဖွဲ့အစည်း၊ လူ့အဖွဲ့အစည်း အတွင်းမှာရှိတဲ့ ဒီလိုစိတ်ဓာတ်တွေကို မပြင်နိုင်သရွေ့ တော်လှန်ရေးချိန်ခွင်လျှာဟာ တော်လှန်ရေးသမားတွေဘက်ကို ရောက်ဖို့ မလွယ်ပါဘူး။
နောက်နည်းလမ်းတခုကတော့ လူထုက တော်လှန်ရေးအပေါ် ယုံကြည်မှု ကင်းမဲ့အောင် ပြုလုပ်တဲ့ နည်းလမ်းပဲဖြစ်ပါတယ်။ ဒီလိုပြုလုပ်ရမှာ အနိမ့်ဆုံးပုဂ္ဂိုလ်ရေးရာ အပုပ်ချမှုတွေကနေ အမြင့်ဆုံး တော်လှန်ရေး တရပ်လုံးရဲ့ image ကို ပျက်စီးစေတဲ့အထိ အဆင့်ဆင့် ဆောင်ရွက်မှုတွေဖြစ်ပါတယ်။ ဒီလိုလုပ်ရာမှာ ပထမဆုံးအနေနဲ့ လူထုရဲ့ တန်ဖိုးထားမှု အသွင်အမျိုးမျိုးကို ဖော်ထုတ်ရပါတယ်။ ပြီးတဲ့အခါမှာကျမှ ဒီတန်ဖိုးထားမှုတွေနဲ့ ပဋ္ဋိပက္ခ ဖြစ်စေနိုင်တဲ့ တော်လှန်ရေးသမားတွေရဲ့ အားနည်းချက်တွေကို ရှာဖွေရပါတယ်။ လူအများနဲ့ စုဖွဲ့ ထားတဲ့ တော်လှန်ရေးအဖွဲ့ အစည်းဖြစ်တဲ့ အတွက်ကြောင့် ဘယ်လိုမှရှောင်လွှဲလို့ မရတဲ့ ပုဂ္ဂိုလ်ရေး အားနည်းချက် တွေကတော့ အများကြီး ရှိနေတတ်တာပါပဲ။ ဆုံးဖြတ်ချက်၊ လုပ်ဆောင်ချက် အမှားအယွင်းတွေ လုံးဝကင်းစင်တဲ့ တော်လှန်ရေးဆိုတာ ကမ္ဘာပေါ်မှာ မရှိခဲ့သေးပါဘူး။ အရေးကြီးဆုံး ကတော့ လူနဲ့ စနစ်ကို ခွဲထုတ် မြင်တတ်မှုပါပဲ။ ဘယ်လိုပဲဖြစ်ဖြစ် အဲဒီအမြင် ခိုင်ခိုင်မာမာ မရှိသေးတဲ့ လူ့အဖွဲ့အစည်း တွေမှာကျတော့ ပုဂ္ဂိုလ်ရေး အားနည်းချက်တွေကို အသုံးပြုပြီး၊ လူထုက တော်လှန်ရေးအပေါ်၊ တော်လှန်ရေး သမားတွေအပေါ် ယုံကြည်မှုကင်းမဲ့အောင် ပြုလုပ်တဲ့နည်းက ထိရောက်လှပါတယ်။ ဒီနည်းကြောင့် လူထုက အစိုးရဘက်မှာ ပါသွားတာ မဟုတ်ရင်တောင်၊ တော်လှန်ရေးဘက်မှာလဲ မရှိတော့ပဲ ကြားနေဆိုတဲ့ လူတန်းစားကြီး တရပ် ထုနဲ့ထည်နဲ့ ပေါ်ပေါက်လာတတ်တော့တာပါပဲ။ ဒါကြောင့် တော်လှန်ရေးတရပ်မှာ ၀ါဒဖြန့်ချိရေးယန္တရားတခု ခိုင်ခိုင်မာမာ ရှိနေသင့်တယ်လို့ တော်လှန်ရေးတွေနဲ့ ပတ်သက်တာတွေကို လေ့လာသူတွေက အဆိုပြုထားခဲ့ကြတာပါ။ ဒီလို တော်လှန်ရေးတရပ်မှာ ၀ါဒဖြန့်ချိရေး ယန္တရားရှိဖို့ လိုအပ်သလို၊ တော်လှန်ရေး သမားတွေဘက် ကလဲ မိမိတို့ တော်လှန်ရေးရဲ့ အတွင်းရေး ကိစ္စတွေကို မပေါက်ကြားအောင် ထိန်းသိမ်း တတ်နိုင်မှုကလဲ လိုအပ်လှပါတယ်။ ဒါနဲ့ ပတ်သက်ပြီး တချို့က ပွင့်လင်းမှု၊ လွတ်လပ်စွာ ပြောဆိုခွင့်ဆိုတဲ့ စကားလုံးတွေကို အသုံးပြုပြိး။ အတွင်းရေးရာ ကိစ္စတွေကို ပြောသင့်တယ်လို့ ပြန်လှန် ငြင်းဆိုမှုတွေ ရှိတတ်ပါတယ်။ ဒီရှုထောင့်ကနေ ကြည့်မယ်ဆိုရင် မှန်ပေမယ့်၊ စစ်ရေး၊ နိုင်ငံရေး၊ ကုန်သွယ်ရေး ကိစ္စတွေမှာ အရာအားလုံးကို လွတ်လပ်စွာ ပြောဆိုခွင့် တခုတည်းနဲ့ တိုင်းတာသတ်မှတ်လို့မရပါဘူး။ “ငါတို့ အမေရိကန်တပ်တွေတော့ ဘယ်နေ့ ဘယ်ရက်၊ ဘယ်အချိန်မှာ အီရတ်ကို ကျူးကျော်တော့မယ်ဟေ့” လို့ ဘယ်ပင်တဂွန် အရာရှိကမှ ထုတ်ပြောခဲ့မှာ မဟုတ်ပါဘူး။ စစ်ရေး၊ နိုင်ငံရေး၊ အဖွဲ့အစည်း ရေးရာတွေမှာ လျှို့ဝှက်သင့်တာကို လျှို့ဝှက်ရပါမယ်။ ရိုးသားပွင့်လင်းမှုဆိုပြီး၊ သမ္မတ ကျမ်းကျိန်ပွဲကျမှ “ငါ လေးတန်းတုန်းကလေ၊ သူငယ်ချင်း တယောက်ဆီက ငွေတမတ်ခိုးဖူးတယ်။ အခုမှ ဒါဟာ မရိုးသားမှုဆိုပြီး နောင်တရနေမိတယ်”လို့ ထပြောတဲ့ သမ္မတတွေလဲ ကမ္ဘာမှာ ရှိမယ် မထင်ပါဘူး။ တချို့သော အကြောင်းအရာ တွေဟာ မလိုအပ်ပဲနဲ့ အကျိုးမရှိပဲ တော်လှန်ရေး ပုံရိပ်ကို ထိုးနှက်ဖို့ ရန်သူ့ လက်နက်တွေ ဖြစ်သွား တတ်ပါတယ်။
COIN နည်းဗျူဟာကတော့ ဒီလိုနည်းမျိုးစုံကို အသုံးချပြီး လူထုနဲ့ တော်လှန်ရေးကို ကင်းကွာအောင်လုပ်ဖို့ လမ်းညွှန်ထားပါတယ်။ ဒီလိုပြုလုပ်ဖို့ အကောင်းဆုံးလူတွေကတော့ လက်နက်ချလာသူတွေပါ။ သူတို့ကို အသုံးပြုရင် ပိုပြီးအောင်မြင်နိုင်တယ်လို့ အဆိုရှိထားပါတယ်။ ဒီနေရာမှာ လက်နက်ဆိုတာနဲ့ ပတ်သက်ပြီး၊ ငြင်းခုန်မှုတွေ ရှိတတ်ပါတယ်။ လက်နက်ဆိုတာက လက်နက်ကိုင်တော်လှန်ရေး၊ စစ်ရေး စစ်မျက်နှာမှာဆိုရင် လက်နက်ခဲယမ်းမီးကျောက်တွေကို ဆိုလိုတာဖြစ်ပြီး၊ နိုင်ငံတကာစစ်မျက်နှာမှာဆိုရင် နိုင်ငံတကာ အဖွဲ့အစည်းများရဲ့ ထောက်ခံမှုရယူဖို့ စည်းရုံးလှုံ့ဆော်ရေးဆိုင်ရာ နည်းလမ်းတွေကို ဆိုလိုပါတယ်။ ကိုယ်လုပ်တာကို ထောက်ခံမှုလို့ ကျွန်မဆိုထားပါတယ်။ သူတို့ လုပ်ခိုင်းတာကို လိုက်လုပ်မှု၊ သူတို့ပဲ လုပ်ပေးပါဆိုပြီး အားကိုးမှုကို ကျွန်မဆိုလိုတာ မဟုတ်ပါဘူး။ လူမှု၊ စီးပွား စစ်မျက်နှာမှာဆိုရင်တော့ ရံပုံငွေရှာဖွေရေး၊ ရဲဘော်ရဲဘက်များအချင်းချင်း သာရေး၊ နာရေးကိစ္စရပ်တွေမှာ ကူညီဆောင်ရွက်ရေး၊ တဘက်ရန်သူရဲ့ စီးပွားရေးယန္တရားကို ထိုးနှက်ရေးဆိုင်ရာ နည်းလမ်းတွေကို ဆိုလိုပါတယ်။ နိုင်ငံရေး စစ်မျက်နှာမှာဆိုရင်တော့ လူထုစည်းရုံးရေး၊ မြေအောက် ကလာဘ်စည်းတည်ဆောက်ရေး၊ သတင်းအချက်အလက်စုဆောင်းရေး စတဲ့ နည်းလမ်းတွေကို ဆိုလိုပါတယ်။ အတွေးအခေါ်ခံယူချက် ရေးရာ စစ်မျက်နှာကတော့ ၀ါဒဖြန့်ချိရေး၊ နိုင်ငံရေးအယူအဆအတွေးအခေါ်များ ပြန့်နှံ့ရေး၊ စာပေဖြင့် စည်းရုံးလှုံ့ဆော်ရေးစတဲ့ နည်းလမ်းတွေကို ဆိုလိုပါတယ်။ ဒီလိုစစ်မျက်နှာမျိုးစုံက နည်းလမ်းတွေကို အသုံးပြုပြီး တော်လှန်ရေးမှာ ပါဝင်တာမဟုတ်တော့ပဲ၊ ဘေးထွက်ထိုင်နေတာလဲ မဟုတ်တော့ပဲ၊ မိမိရဲ့ အတွေးအခေါ် ခံယူချက်တွေမှားယွင်းခဲ့ပါတယ်ဆိုပြီး၊ တဘက်ရန်သူထံကို အညံ့ခံလိုက်တဲ့အခါမှာ တော်လှန်ရေး သမားတယောက် လက်နက်ချသွားတယ်လို့ သတ်မှတ်ပါတယ်။ COIN နည်းဗျူဟာကတော့ ဒီလို လက်နက်ချလာသူတွေကို တော်လှန်ရေး ပုံရိပ် ကျဆင်းစေရန် ထိုးနှက်မှုတွေအတွက် အသုံးပြုရမယ်လို့ ဆိုထားပါတယ်။
(၃) အစိုးရအုပ်ချုပ်ရေးယန္တရားခိုင်မာအောင် တည်ဆောက်ခြင်း
တိုင်းပြည်မှာဖြစ်ပျက်နေတဲ့ အခြေအနေတွေကို မထိန်းချုပ်နိုင်တဲ့ အစိုးရဟာ လူထုရဲ့ ထောက်ခံ အားပေးမှုရဖို့ မလွယ်ပါဘူး။ စစ်ရေးပညာရှင် Thompson ဆိုခဲ့သလိုပဲ သင့်လျော်ထိရောက်တဲ့ အစိုးရယန္တရားမရှိပဲ COIN operations အောင်မြင်ဖို့ဆိုတာ မဖြစ်နိုင်ပါဘူး။ အစိုးရအုပ်ချုပ်ရေး ယန္တရားကို ခိုင်မာအောင် တည်ဆောက်ဖို့က အရေးကြီးဆုံး ဖြစ်ပါတယ်။ နိုင်ငံတော်နဲ့ ဒေသဆိုင်ရာ အစိုးရအုပ်ချုပ်ရေး ယန္တရားမှာ နားလည် တတ်ကျွမ်းတဲ့ အရပ်သား ပညာရှင်တွေ ခန့်အပ်ပြီး၊ bureaucratic routines, fiscal responsibility, legal procedures ဆိုတဲ့ အရေးကြီးလုပ်ငန်း တာဝန်ကြီးတွေကို စနစ်တကျ အကောင်အထည် ဖော်ရမှာဖြစ်ပါတယ်။
တိုင်းပြည်တခုရဲ့ ဖရိုမရဲဖြစ်နေချိန်တွေမှာ၊ တော်လှန်ရေး ကာလတွေမှာ အုပ်ချုပ်ရေး ယန္တရားက အရေးကြီးဆုံးပါ။ တခါတရံမှာ တော်လှန်ရေး သမားတွေဘက်က အားသာပြီး၊ အစိုးရဘက်က ရှုံးနိမ့်နေတာတွေ ဖြစ်လာတတ်ပါတယ်။ တချို့သော နိုင်ငံတွေမှာ စစ်ရေးနဲ့ လူထုတိုက်ပွဲ ပူးပေါင်း ဖော်ဆောင်မှု ရလာဒ်ကြောင့် အုပ်ချုပ်နေတဲ့ အစိုးရရဲ့ အာဏာသက်ရောက်မှု လျော့နည်းသွားတာမျိုးတွေလဲ ဖြစ်လာတတ်ပါတယ်။ ဒီလို အခြေအနေမျိုးမှာ အုပ်ချုပ်ရေးယန္တရားကို မြန်မြန်ဆန်ဆန် အသက်သွင်းနိုင်တဲ့ဘက်က အနိုင်ရတာပါပဲ။ ဒါကြောင့်လဲ COIN နဲ့ ပတ်သက်တဲ့ ပညာရှင်တွေက political stability မရှိတဲ့ နိုင်ငံတခုရဲ့ အစိုးရဟာ အုပ်ချုပ်ရေး ယန္တရားတခုလုံး တော်လှန်ရေးသမားတွေ လက်ထဲ မကျရောက်နိုင်အောင် မြေပြင်၊ ဝေဟင် အတားအဆီးတွေ ပြုလုပ်ထားရမယ်လို့ အကြံပြုထားကြပါတယ်။ တော်လှန်ရေးသမားတွေ အနေနဲ့ကလဲ အစိုးရ ဖြုတ်ချရုံ ဆိုတာတခုနဲ့ မပြီးသေးပဲ အုပ်ချုပ်ရေး ယန္တရားကို အချိန်တိုအတွင်း မောင်းနှင် အသက်သွင်း နိုင်ဖို့အတွက် ကြိုတင်ပြင်ဆင်မှ စစ်မှန်တဲ့ အောင်ပွဲက ကိုယ့်လက်ထဲ ရောက်မှာဖြစ်ပါတယ်။ ဒီအထိ မပြင်ဆင်ထားပဲနဲ့ ဆိုရင် အချိန်ကုန်၊ လူပမ်းပြီး၊ ပေးဆပ်ရတဲ့ အသက်နဲ့ ဘ၀တွေ အလဟဿဖြစ်တာပဲ အဖတ်တင်ပါလိမ့်မယ်။ ကားတစီးကို မိမိတို့ ယုံကြည်ရာလမ်းကြောင်းပေါ်မှာ မောင်းနှင်နိုင်ဖို့အရေးမှာ ကားကို ကျောက်ခဲနဲ့ လှမ်းထုရုံ၊ ကားပေါ်တက်ထိုင်ပြီး မောင်းမယ့်သူကို ဆွယ်တရားဟောရုံနဲ့ ရဖို့မလွယ်ပါဘူး။ ကားကိုရပ်တန့်နိုင်အောင် ပြုလုပ်ပြီး၊ driving seat ကို ၀င်ထိုင်နိုင်အောင် ကြိုးပမ်းရပါမယ်။ ၀င်ထိုင်ပြီးလဲ ကားမောင်းတတ်ဖို့တော့ လိုပါသေးတယ်။ သူတပါးမောင်းလာတဲ့ ကားကိုရပ်တန့်အောင်လုပ်နိုင်တဲ့ အရည်အချင်းရှိတိုင်းလဲ ကားကို ကျင်လည်အောင် မောင်းတတ်မယ်လို့ ဘယ်သူမှ မပြောနိုင်သလို၊ ကားမောင်းတတ်သူတိုင်းလဲ သူတပါးမောင်း လာတဲ့ကားကို ရပ်တန့်အောင် လုပ်ချင်မှ လုပ်နိုင်ပါလိမ့်မယ်။ ဒီလိုပဲ အစိုးရပြုတ်ကျအောင် တော်လှန်ရေးလုပ်တတ်တဲ့လူရှိသလို၊ အုပ်ချုပ်ရေး ယန္တရားမှာပဲ ကျွမ်းကျင်သူတွေလဲ ရှိပါတယ်။ အချိန်အခါနဲ့အညီ လူမှန်၊ နေရာမှန် ဖြစ်ဖို့ပါပဲ။
၁၉၅၀ ၀န်းကျင် ကာလတွေမှာတုန်းက ကမ္ဘာနဲ့အ၀ှမ်းမှာ နိုင်ငံ တော်တော်များများ လွတ်လပ်ရေး ရလာပါတယ်။ ဒါပေမယ့် လွတ်လပ်ရေးရစ နိုင်ငံတိုင်းလိုလိုမှာ ပြည်တွင်းစစ်တွေ တောက်လောင် ခဲ့ပါတယ်။ အုပ်ချုပ်ရေး ယန္တရားတွေကို စနစ်တကျ မတည်ဆောက် နိုင်ခဲ့ကြပါဘူး။ အဓိက ပြဿနာကတော့ အချိန်အခါနဲ့အညီ၊ လူမှန်၊ နေရာမှန်ဖြစ်ဖို့ ကိစ္စတွေမှာ သဘောထား ကွဲကုန်ကြတာပဲ။ သူတပါး တိုင်းပြည်အောက်က လွတ်မြောက်ဖို့လွတ်လပ်ရေး ကြိုးပမ်းမှုတွေမှာပဲဖြစ်ဖြစ်၊ မိမိတို့တိုင်းပြည်တွင်းက အာဏာရှင်လက်အောက်က လွတ်မြောက်ဖို့ လွတ်မြောက်ရေး ကြိုးပမ်းမှုတွေမှာပဲဖြစ်ဖြစ် အသက်၊ သွေး၊ ချွေး ပေးဆပ်ရတာတွေ ရှိပါတယ်။ ဘ၀တွေ ပေးဆပ်ရတာတွေရှိပါတယ်။ ဒီလိုနဲ့ လွတ်မြောက်လာတဲ့အခါ ပေးဆပ်ခဲ့သူတွေမှာလဲ ဖြစ်စဉ်သမိုင်းအတွက် မိမိကိုယ်ကို ဂုဏ်ယူဝမ်းမြောက်မှုတွေ ရှိနေတတ်သလို၊ အုပ်ချုပ်ရေးယန္တရားမှာ ယခင်အာဏာရှင်တွေလက်ထက်ကတည်းက ပါဝင်နေကြတဲ့ အရာရှိ၊ ၀န်ထမ်းများကလဲ ကောင်းခဲ့သည်ဖြစ်စေ၊ ဆိုးခဲ့သည်ဖြစ်စေ အုပ်ချုပ်ရေးရာယန္တရားမှာ အတွေ့အကြုံရှိသူတွေအဖြစ် မိမိကိုယ်ကို ခံယူထားတတ်ကြပါတယ်။ တခါ နှစ်ဖက်စလုံးမှာ မပါဝင်ခဲ့တဲ့ အသိပညာရှင်၊ အတတ်ပညာရှင်တွေကလဲ သူတို့ရဲ့ တိုင်းရေးပြည်ရာ အသိဥာဏ်ပညာနဲ့ ပတ်သက်ပြီး မိမိကိုယ်ကို ဂုဏ်ယူ ၀မ်းမြောက်နေတာတွေ ရှိနေတတ်ပါတယ်။
ဒီနေရာမှာတင် ဒီလူတန်းစားသုံးမျိုး ပဋ္ဋိပက္ခဖြစ်ကြတော့တာပါပဲ။ တော်လှန်ရေးသမားဟောင်းတွေက ယခင်အာဏာရှင်ဟောင်းလက်ထက်က အုပ်ချုပ်ရေးဝန်ထမ်းတွေကို ဗျူရိုကရက်တွေလို စွပ်စွဲမယ်။ ပညာရှင်တွေကိုလဲ တကယ်ပေးဆပ်ရတဲ့ကာလတုန်းက မပါခဲ့ပဲ အခုမှ ရေကန်အသင့် နေရာလာမယူနဲ့လို့ စွပ်စွဲမယ်။ တခါ အုပ်ချုပ်ရေး ၀န်ထမ်းဟောင်းတွေကလဲ အစိုးရ လုပ်ငန်းဆောင်တာတွေနဲ့ ပတ်သက်ရင် လုပ်ဖူးလို့လားလို့ ပြန်လှန်ငြင်းခုံကြမယ်။ ပညာရှင်တွေ ကလဲ ဘယ်သူကဘယ်လောက်တတ်လို့လဲ။ သူတို့က ဘယ်လိုကမ္ဘာကျော်တက္ကသိုလ်တွေက ဆင်းလာတာ၊ ဘာဘွဲ့တွေရလာတာလို့ ပြန်ပြောတာတွေရှိမယ်။ ဒါမျိုးတွေက အကူးအပြောင်းကာလတွေရဲ့ ဖြစ်ရိုးဖြစ်စဉ်တွေ ဖြစ်ပါတယ်။ နိုင်ငံတော်တော်များများမှာ ဒါတွေ ဖြစ်ခဲ့ပါတယ်။ ကျွန်မတို့ မြန်မာပြည်မှာလဲ ဦး၊ ဗိုလ်၊ သခင် အကွဲအပြဲတွေ ရှိခဲ့ဖူးပါတယ်။ ဒါတွေကို သင်ခန်းစာပြန်ယူပြီး၊ ရှောင်ရှားတတ်ဖို့ အရေးကြီးပါတယ်။ ၁၉၆၀ ပြည့်လွန်ကာလများမှာ လွတ်လပ်ရေးရပြီးစ နိုင်ငံတော်တော်များများမှာ စစ်အာဏာသိမ်းယူမှုတွေ ဖြစ်ပွားခဲ့တဲ့ အဓိက အကြောင်းရင်းဟာ အုပ်ချုပ်ရေးယန္တရားကို စနစ်တကျ အသက်သွင်းနိုင်မှုမရှိပဲ၊ နိုင်ငံရေးလောကမှာ သူဘာလဲ၊ ငါဘာလဲ ငြင်းခုံနေရာလုမှုတွေကြောင့် ဖြစ်ပါတယ်။ အာဖရိကနိုင်ငံများမှာဆိုရင် အုပ်ချုပ်ရေးစနစ်လုံးဝမရှိတော့ပဲ သူတလူ၊ ငါတမင်းဖြစ်ကုန်တဲ့အထိ ဖြစ်ခဲ့ရဖူးပါတယ်။ စစ်အာဏာရှင်တွေအတွက်တော့ ဒါတွေဟာ အာဏာသိမ်းယူဖို့ ဖိတ်ခေါ်နေတဲ့ အပြုအမူတွေပါပဲ။
(၄) အချိန်ယူ၍ သွေးခွဲခြင်း၊ အယူအဆ ကွဲပြားအောင်ပြုလုပ်ခြင်း
COIN နည်းဗျူဟာတွေထဲက နောက်ထပ်အရေးကြီးတဲ့ အချက်တချက်ကတော့ အချိန်အတန်ကြာယူပြီး သွေးခွဲခြင်းနဲ့ အယူအဆ ကွဲလွဲအောင် ပြုလုပ်ခြင်းပဲဖြစ်ပါတယ်။ စစ်ရေးကျွမ်းကျင်သူတွေက common sense ကို အသုံးပြုဖို့ အကြံပြုကြပါတယ်။ စစ်ပွဲရဲ့ အဆုံးသတ်အောင်ပွဲဆိုတာ ရန်သူကို သတ်ဖြတ်ချေမှုန်းတာ၊ ဖမ်းဆီးလိုက်နိုင်တာတခုပဲ မဟုတ်ရဘူးလို့ သူတို့က ဆိုထားပါတယ်။ အဓိကကတော့ အတွေးအခေါ်၊ အယူုအဆတွေကိုေ၀၀ါးအောင် ပြုလုပ်ပြီး အောင်ပွဲယူရမယ်လို့ ဆိုပါတယ်။ တော်လှန်ရေးခရီးဆိုတာ ကြမ်းတမ်းပါတယ်။ အချိန်ကြာပါတယ်။ မျိုးဆက်တဆက်ကနေတဆက် လက်ဆင့်ကမ်းပြီး လုပ်ကြရတဲ့ အခြေအနေမျိုးအထိလဲ ဖြစ်တတ်ပါတယ်။ ဒါကြောင့် မျိုးဆက်တခုနဲ့ တခုကြားက အတွေးအခေါ် လက်ဆင့်ကမ်းမှုတွေကို ဖြတ်တောက်နိုင်ရင် တော်လှန်ရေးခါးဆက်ဟာ ပြတ်သွားတတ်ပါတယ်။ COIN operations ပြုလုပ်မယ့်သူတွေက ဒီအချက်ကို အခွင့်အလမ်းအဖြစ် သတ်မှတ်ရမယ်လို့ သူတို့က ဆိုပါတယ်။
ဒီလို တော်လှန်ရေးခါးဆက်ပြတ်သွားအောင် ပြုလုပ်နိုင်ခဲ့ရင် တော်လှန်ရေးဟာ တစတစ ပိုပြီး အချိန်ကြာပါတယ်။ အချိန်ကြာတာနဲ့အမျှ မျိုးဆက်ဟောင်းတွေအကြားမှာ အယူအဆကွဲလွဲမှုတွေ တစတစ ပိုမိုကြီးထွားလာပါတယ်။ စစ်မျက်နှာအသီးသီးမှာ လှုပ်ရှားနေသူတွေ အချင်းချင်း သူ့စစ်မျက်နှာက ထိရောက်တယ်၊ သူ့စစ်မျက်နှာက မထိရောက် စသဖြင့် အငြင်းပွားမှုတွေ များပြားလာပါတယ်။ ဟန်ချက်ညီလုပ်ဆောင်နိုင်မှုထက် ပြိုင်ဆိုင်မှုတွေ၊ သူမှန်တယ်၊ ငါမှန်တယ် ငြင်းခုန်မှုတွေ၊ အချိန်ကြာနေတဲ့ တော်လှန်ရေးနဲ့ ပတ်သက်ပြီး သူ့အပြစ်၊ ကိုယ့်အပြစ်ပုံချမှုတွေက ပိုမိုကြီးထွားလာပါတယ်။ ဒါတွေဟာ အချိန်ကြာနေတဲ့ တော်လှန်ရေးတိုင်းရဲ့ ဖြစ်ရိုးဖြစ်စဉ် ဓမ္မတာတွေပါပဲ။ "Walking the walk” လို့ စစ်မဟာဗျူဟာလောကမှာ ခေါ်ဆိုကြတဲ့ ဒီနည်းလမ်းဟာ အစိုးရတွေအတွက်တော့ အတော်ကို ထိရောက်တဲ့ နည်းလမ်းလို့ ဆိုနိုင်ပါတယ်။ ဘာလို့လဲဆိုတော့ ဒါတွေကို အသုံးပြုပြီး၊ မျိုးဆက်သစ်နဲ့ မျိုးဆက်ဟောင်းတွေအကြားမှာ သွေးခွဲမှုတွေ၊ စိတ်ဓာတ်ကျစေမှုတွေ၊ အယုံအကြည်ကင်းမဲ့မှု ဖြစ်စေနိုင်လို့ပါပဲ။ အာဖဂန်နစ်စတန် စကားပုံတခုက ဆိုထားသလိုပဲ "You have the watches, we have the time” ဆိုတဲ့ အခြေအနေမျိုးပါ။ တော်လှန်ရေးသမားတွေအနေနဲ့ ဒါကို အထူးသတိပြုဖို့ လိုအပ်လှပါတယ်။
နိဂုံး
နိဂုံးချုပ်ဆိုရရင် အခုကျွန်မ အထက်မှာ ရေးသားပြထားတဲ့ နည်းလမ်းတွေဟာ စစ်ရေးကျွမ်းကျင်သူများက Counterinsurgency နဲ့ ပတ်သက်ပြီး အသုံးပြုဖို့ ဖော်ထုတ်သုတေသနပြုထားကြတာတွေပါ။ နိုင်ငံပေါင်းများစွာက ဖြစ်ရပ်တွေ၊ သင်ခန်းစာယူစရာ အချက်များစွာဟာ ဒီနည်းလမ်းတွေနဲ့ ဆက်စပ်နေပါတယ်။ ကျွန်မတို့ မြန်မာနိုင်ငံက စစ်အုပ်စုဟာ စစ်အစိုးရပီပီ ဒီနည်းလမ်းတွေကို အသုံးပြုခဲ့၊ အသုံးပြုနေဆဲပဲဆိုတာ သမိုင်းဖြစ်စဉ်တွေနဲ့ ယှဉ်ထိုးကြည့်ရင် မြင်သာထင်ရှားလှပါတယ်။ ဒီနည်းလမ်းတွေရဲ့ ထောင်ချောက်တွေထဲကို မကျရောက်နိုင်ဖို့ တော်လှန်ရေးသမားတွေအနေနဲ့ ဆောင်သင့်တာဆောင်၊ ရှောင်သင့်တာရှောင်ပြီး၊ တော်လှန်ရေးချိန်ခွင်လျှာ ကိုယ့်ဘက်မှာ အလေးပိုသာနိုင်ဖို့အရေးအတွက် ရှေးရှုလုပ်ဆောင်သင့်ပါကြောင်း တိုက်တွန်းနှိုးဆော်လိုက်ရပါတယ်။
Ref: ခင်မမမျိုး (၂၉၊ ၄၊ ၂၀၀၉)
Saturday, May 9, 2009
ကေအိုင်အို နိုင်ငံရေးပါတီဖွဲ့မည်မဟုတ်၊ နယ်ခြားစောင့်တပ် ဖွဲ့စည်းရေး နအဖနှင့် ထပ်မံ ဆွေးနွေးမည်
NEJ / ၈ မေ ၂၀၀၉
တိုင်းရင်းသားလက်နက်ကိုင်အဖွဲ့အစည်းများတွင် ၀ပြည် သွေးစည်းညီညွတ်ရေး တပ်မတော် အဖွဲ့ပြီးလျှင် ဒုတိယ အင်အားအကြီးဆုံး ဖြစ်သည့် ကချင်ပြည် လွတ်လပ်ရေးအဖွဲ့ (ကေအိုင်အို) အနေဖြင့် နိုင်ငံရေးပါတီ ထူထောင်မှု မရှိကြောင်း ယင်းအဖွဲ့က ပြောသည်။
ကချင်အတိုင်ပင်ခံကောင်စီကဲ့သို့ ကချင်ပြည်နယ် ပြည်သူလူထု အကြီးအကဲများနှင့် ညှိနှိုင်း ဆွေးနွေးသည့် လုပ်ငန်း ကော်မတီသာရှိပြီး ထိုကော်မတီတွင် ကိုယ်စားလှယ် အနေဖြင့်ပါရှိကာ နိုင်ငံရေး ပါတီမဖွဲ့ကြောင်း ကေအိုင်အို ဗဟိုကော်မတီဝင် ဒေါက်တာ လဂျာက ပြောသည်။
“နိုင်ငံရေးပါတီ မထောင်ပါဘူး။ ကေအိုင်အိုအနေနဲ့ မပါပါဘူး။ ကြားလုပ်ငန်း ကော်မတီဆိုပြီး ပါတာတော့ရှိတယ်။ ဒါနိုင်ငံရေး ပါတီမဟုတ်ဘူးဗျ။ သူတို့က Process ကို ဘယ်လို သွားကြမယ်ဆိုတာ ညှိနှိုင်းတဲ့သဘောပေါ့ဗျာ။ ကျနော်တို့ လူကြီးပိုင်း၊ ပြည်သူလူထု လူကြီးပိုင်းတွေရဲ့ သဘောထားတွေ ရှင်းလင်း ညှိနှိုင်းကြတဲ့ အဖွဲ့ပါ။ အတိုင်ပင်ခံ ကောင်စီလိုမျိုးပါ” ဟု ၎င်းက ပြောသည်။
အဆိုပါလုပ်ငန်းကော်မတီကို ယမန်နှစ်က လိုင်ဇာမြို့တွင် ဖွဲ့စည်းခဲ့ပြီး ကချင်ပြည် ဒီမိုကရေစီ တပ်မတော်မှ ကိုယ်စားလှယ်များ၊ ကချင်လူမျိုး ရပ်မိရပ်ဖများ၊ ဘာသာရေး ခေါင်းဆောင်များဖြင့် ဖွဲ့စည်းခဲ့သည်။
အခြားသော အပစ်ခတ်ရပ်အဖွဲ့များကဲ့သို့ နယ်ခြားစောင့်တပ် ဖွဲ့စည်းရေးကို နအဖဘက်က ပြောဆို ထားသော်လည်း ကေအိုင်အို အနေဖြင့် အကြောင်း ပြန်ကြားခြင်း မရှိသေးကြောင်း၊ ထို့ပြင် လူအင်အား သတ်မှတ်ပေးခြင်း၊ စာရင်း တောင်းခြင်းလည်း မရှိသေးဘဲ ယခုလအတွင်း ၎င်းတို့ဘက်မှ အဆင်သင့်ဖြစ်ပါက နအဖနှင့် ထပ်မံ ဆွေးနွေးရန် ရှိကြောင်း ဒေါက်တာလဂျာက ပြောသည်။
ယခင်လ (၂၈) ရက်က ကချင်ပြည်လွတ်လပ်ရေးအဖွဲ့ အပါအ၀င် တရုတ်-မြန်မာ နယ်စပ် တလျှောက်ရှိ အပစ်ရပ် အဖွဲ့အစည်းများကို စစ်ဘက်ရေးရာ အရာရှိချုပ် ဒု-ဗိုလ်ချုပ်ကြီး ရဲမြင့်နှင့် တိုင်းမှူးများက သီးခြားစီ ခေါ်ယူတွေ့ဆုံကာ နယ်ခြားစောင့်တပ် ဖွဲ့စည်းရေး၊ နိုင်ငံရေးပါတီ ထူထောင်ကာ ရွေးကောက်ပွဲ ၀င်ရေးတို့ကို ပြောဆိုခဲ့သည်။
အင်အား (၃) သောင်းဝန်းကျင်ရှိသည့် ၀ပြည်သွေးစည်းညီညွတ်ရေး တပ်မတော်ကို အင်အား (၃) ထောင်အထိ လျှော့ခိုင်း နေသော်လည်း အင်အား (၅) ထောင် ၀န်းကျင်ရှိသည့် ကချင်ပြည် လွတ်လပ်ရေး အဖွဲ့၏ တပ်ဖွဲ့ကိုမူ အင်အားလျှော့ခိုင်းခြင်း မရှိသေးဟု သိရသည်။
ယခုနှစ်ဖေဖော်ဝါရီ (၅) ရက်တွင် ကျရောက်ခဲ့သည့် (၄၈) နှစ်မြောက် ကေအိုင်အို တော်လှန်ရေးနေ့တွင် ကေအိုင်အို ဒု-ဥက္ကဋ္ဌနှင့် စစ်ဦးချုပ်ဖြစ်သူ ဗိုလ်ချုပ်အင်ဘန်လက ကေအိုင်အို အနေဖြင့် နိုင်ငံရေး ပါတီထောင်ကာ ရွေးကောက်ပွဲ ၀င်မည် မဟုတ်ကြောင်း၊ ၂၀၀၈ ဖွဲ့စည်းပုံအား မကြိုက်သော်လည်း နောင်တက်လာမည့် အစိုးရနှင့် ဆက်လက် ဆွေးနွေး တောင်းဆိုမည် ဖြစ်ကြောင်း ပြောဆိုခဲ့ဖူးသည်။
ကေအိုင်အိုအဖွဲ့သည် ၁၉၆၂ ခုမှစ၍ လက်နက်ကိုင်တော်လှန်ရေး စတင်ခဲ့ပြီး ၁၉၉၄ ခု၊ ဖေဖော်ဝါရီ (၂၄) ရက်တွင် မြန်မာ စစ်အစိုးရနှင့် အပစ်အခတ် ရပ်စဲရေး ပြုလုပ်ခဲ့သည်။
အပစ်ရပ်အဖွဲ့များအနေဖြင့် နအဖဘက်မှတောင်းဆို ထားသကဲ့သို့ နိုင်ငံရေး ပါတီ ထူထောင်ပြီး ၂၀၁၀ ရွေးကောက်ပွဲ ၀င်မည်ဆိုပါက ရွေးကောက်ပွဲ ခိုင်မာမှု ရှိသွားပြီး နအဖအတွက် နိုင်ငံရေး အမြတ်ရသွား နိုင်သည်ဟု တရုတ်-မြန်မာ နယ်စပ် စစ်ရေး အကဲခတ် ဦးအောင်ကျော်ဇောက သုံးသပ်ပြောဆိုသည်။
Ref: ခေတ်ပြိုင်
ဒေါ်အောင်ဆန်းစုကြည်လွတ်မြောက်မှု ရှေ့နေကြီး ဦးကြည်ဝင်းနှင့် တွေ့ဆုံ မေးမြန်းခန်း
NEJ / ၈ မေ ၂၀၀၉
အချိန်ကြာမြင့်စွာ လိပ်ခဲတည်းလည်း ရှိနေခဲ့ရသော ဒေါ်အောင်ဆန်းစုကြည်၏ နေအိမ် အကျယ်ချုပ် အယူခံအမှုကို နအဖ စစ်အစိုးရက ဧပြီ (၃၀) ရက်တွင် ယတိပြတ် ပယ်ချ လိုက်ပြီဖြစ်သည်။ ယင်း အခြေအနေ များနှင့် စပ်လျဉ်း၍ ခေတ်ပြိုင်က ဒေါ်အောင်ဆန်းစုကြည်၏ ရှေ့နေကြီး ဦးကြည်ဝင်းကို ဆက်သွယ် မေးမြန်းခဲ့သည်။
မေး။ ။ ဒေါ်အောင်ဆန်းစုကြည်နဲ့ တွေ့ဆုံခွင့် တောင်းထားတဲ့ အပေါ် သတင်း တပ်ဖွဲ့က ဘယ်လို တုံ့ပြန်ပါသလဲ ဆရာ။
ဖြေ။ ။ တောင်းတာက (၄) ရက်နေ့က တောင်းတာဗျ။ (၄) ရက်နေ့ တနင်္လာနေ့က ရုံးဖွင့်ရက်ဆိုတော့ ကျနော်က သွားပြီး စာတင်လိုက်တယ်။ ကျနော်ကလည်း မြန်မြန် ထက်ထက်သွားပြီး သတင်း ပို့ချင်တာကိုး။ ဒေါ်အောင်ဆန်းစုကြည် အနေနဲ့က ဦးဦးဖျားဖျား သိသင့်တဲ့ ပုဂ္ဂိုလ်ကိုး။ အဲဒါကြောင့် (၄) ရက်နေ့က (၅) ရက် (သို့မဟုတ်) (၆) ရက်နေ့မှာ တွေ့ခွင့်ပြုပါ ဆိုပြီး တင်လိုက်တာ။ အခုချိန်ထိတော့ ဘာမှ အကြောင်း မပြန်သေးဘူးဗျ။ ဆိုတော့ ဒီနှစ်ရက်ကတော့ မရဘူးထင်ပါရဲ့။ ရန်ကုန်သတင်း တပ်ဖွဲ့ကလည်း နေပြည်တော်ကို ဆက်တင်ရဦးမယ် ထင်ပါတယ်။ ဒီကနေ ခွင့်ပြုနိုင်တဲ့ အနေအထား မဟုတ်ဘူးဗျ။ နေပြည်တော်တင်ရင် နေပြည်တော်မှာ ရှိတဲ့ သတင်းတပ်ဖွဲ့မှူး ကလည်း ဆက်ပြီး ပြည်ထဲရေးကို တင်ရဦးမယ် ထင်တယ်။ ဆိုတော့ဗျာ… ကြာဦးမယ် ထင်ပါတယ်။
မေး။ ။ ၂၀၀၈ ခုနှစ် ဒီဇင်ဘာ (၃) ရက်တုန်းကလည်း အယူခံလွှာကို နေပြည်တော် တင်ထားပြီး ဖြစ်ကြောင်းနဲ့ ပြင်ဆင် ဖြည့်စွက်လိုတာတွေ ပြင်ဆင် ဖြည့်စွက်နိုင်အောင်လို့ ဆိုပြီး ဒေါ်အောင်ဆန်းစုကြည်နဲ့ တွေ့ခွင့်တောင်း တာတောင် မရခဲ့ဘူးဆိုတော့ ဒီကြားကာလမှာရော အမှုနဲ့စပ်လျဉ်းပြီး ဒေါ်အောင်ဆန်းစုကြည်နဲ့ တွေ့ခွင့်ရခဲ့ပါ သေးလား။
ဖြေ။ ။ ကျနော်တို့ အယူခံလွှာကို ၂၀၀၈ ခုနှစ် အောက်တိုဘာ (၉) ရက်နေ့မှာ ရှေ့နေ ဦးလှမျိုးမြင့်က နေပြည်တော်ကို သွားတင်ပါတယ်။ တင်ပြီးတော့ အဲဒီအချိန် ကတည်းက ကျနော်လည်း ဒီလို တင်ထားတဲ့ အကြောင်း သတင်းပို့ဖို့တို့၊ နောက် ညွှန်ကြားလွှာ ယူဖို့တို့အတွက် တွေ့ခွင့်တောင်းတယ်။ တော်တော်များများ တောင်းပါတယ်။ တောင်းပေမယ့်လည်း ဘာမှမရခဲ့ဘူး။ ကြားကာလအတွင်းမှာ တွေ့ဆုံခွင့် လုံးဝ မရခဲ့ပါဘူး။
မေး။ ။ ဒေါ်အောင်ဆန်းစုကြည်ကို အခုလို ဖမ်းဆီးထိန်းသိမ်း ထားတာဟာ ပြည်တွင်း အက်ဥပဒေအရ
(၅) နှစ်အထိပဲ ချုပ်နှောင်ပိုင်ခွင့် ရှိတယ်ဆိုပြီး ဆရာတို့ဘက်က တင်ပြတာကို အစိုးရဘက်က လက်မခံဘူး။ အယူခံကို ကြားနာမှုတောင် မရှိဘဲ ပယ်ချခဲ့တယ် ဆိုတော့ ဥပဒေကြောင်းအရ ဆက်လက် လုပ်ဆောင်နိုင်စွမ်း ရှိပါဦးမလား။
ဖြေ။ ။ ကျနော်တို့ကတော့ ဥပဒေကြောင်းအရ ရှိရင်ရှိသလို လုပ်မှာပဲ။ ဘာဖြစ်လို့လဲ ဆိုတော့ ဒါတာဝန်ကို ဖြစ်နေပြီဗျာ။ အခုအဆင့်ကျတော့ ဖြေသာ ဖြေလိုက်တာပေါ့။ အခုဟာက ဒေါ်အောင်ဆန်းစုကြည်ကို တားဆီးထားတဲ့ အချိန်က (၂၁) ရက်ပဲ ကျန်တော့တယ်ဗျ။ အဲတော့ဒါက သူတို့ပြောတဲ့ (၆) နှစ်အရကိုပဲ (၂၇) ရက် မေလ ၂၀၀၉ ဆိုရင် ကုန်ပြီ။ ကုန်ပြီဆိုတော့ကား လွှတ်ရမယ်။ လွှတ်ပေးလည်း လွှတ်ပေးမှာပါ။ ဟိုတုန်းကလည်း ပထမအကြိမ် အရေးယူ တုန်းကလည်း ဒီလိုပဲ လွှတ်ပေးတာပဲ။ လွှတ်ပေးမှာပါ။
မေး။ ။ ဒေါ်အောင်ဆန်းစုကြည်ရဲ့ နေအိမ်အကျယ်ချုပ် ကာလအတွင်း ဆရာဝန်နဲ့ တွေ့ဆုံခွင့်၊ ရှေ့နေနဲ့ တွေ့ဆုံခွင့် တွေဟာ အာဏာပိုင်တွေကို အဆင့်ဆင့် တင်ပြပြီးမှ တွေ့ဆုံနေရတယ်။ တွေ့ဆုံခွင့် ပြုခဲ့တာလည်း အင်မတန်မှ နည်းတယ်ဆိုတော့ ဒီ ဒေါ်အောင်ဆန်းစုကြည်ကို စွဲဆိုထားတဲ့ ဥပဒေပုဒ်မ (၁၀/ခ) မှာ ဒီအခွင့် အရေးတွေနဲ့ စပ်လျဉ်းပြီး အသေးစိတ် ဖော်ပြထားတာမျိုး မရှိဘူးလား။
ဖြေ။ ။ (၁၀/ခ) နဲ့ လုပ်ထားတာက အချက်က (၄) ချက်ကိုးဗျ။ ဘယ်မှာသာ နေထိုင်ရမယ်။ ဘယ်မှာ မနေထိုင်ရဘူး။ ဘယ်သူတွေနဲ့ မတွေ့ရဘူး။ ဘာတွေ မထားရဘူး စတဲ့ အချက်လေးချက်ကို ကန့်သတ် ထားပါတယ်။ စတာတွေက လွဲလို့ရှိရင် ကျန်တဲ့ဟာ အားလုံးခံစားခွင့် ရှိတယ်။ တားဆီးတဲ့အထဲ မပါသော နိုင်ငံသား အခွင့်အရေး မှန်သရွေ့ သူခံစားပိုင်ခွင့် ရှိတယ်။ အခုတော့ ဆရာဝန်နဲ့ တွေ့ဆုံခွင့်မှာတော့ ဘာမှအခက်အခဲ မရှိတော့ဘူးဗျ။ (၈.၈.၂၀၀၈) ရက်နေ့ကတည်းက လတိုင်းလိုလို ပုံမှန် တွေ့သွားပါပြီ။ ရှေ့နေနဲ့သာ။ ဥပဒေမှာ ဆိုထားတာက ပြည်တွင်းဥပဒေ ရော၊ ပြည်ပ ဥပဒေရောမှာပေါ့ဗျာ။ အမှုသည် တယောက်ဟာ သူရဲ့ရှေ့နေနဲ့ တွေ့ပိုင်ခွင့် ရှိတယ်ဆိုပြီးတော့ ဖော်ပြထားတော့ တင်ပြတော့ထားတာပဲ။ ဒါပေမယ့် ခွင့်မပြုဘူးဗျာ။
မေး။ ။ အယူခံပယ်ချခြင်းမပြုမီ အယူခံကို ကြားနာပေးဖို့ ၀န်ကြီးချုပ် ဆီကို မေတ္တာရပ်ခံစာ ပေးပို့မှု ဘယ်နှစ်ကြိမ် လောက်များ ပြုလုပ်ခဲ့ရ ပါသလဲဆရာ။
ဖြေ။ ။ လေးကြိမ်။ ပထမပိုင်းကတော့ ကျနော်တို့က သတင်း တပ်ဖွဲ့အဆင့် ကိုပဲ ဆက်သွယ်ပြီးတော့ လုပ်နေတာ။ နောက်တော့ ကဲမထူးဘူး။ သတင်းတပ်ဖွဲ့ ကလည်း အထက်ကို ပြန်ပြန် တင်ပြနေရတာ ရှိတော့ ကျနော်တို့က အယူခံအဖွဲ့ရဲ့ အကြီးအကဲ ၀န်ကြီးချုပ်ဆီကို တိုက်ရိုက်တင်တယ်။ ကျနော်တို့ အယူခံတင်တာက ပြီးခဲ့တဲ့နှစ် အောက်တိုဘာ (၉) ရက်မှာ တင်ပြီး နိုဝင်ဘာလ ဘာမှ မထူးသေးဘူး။ ဒီဇင်ဘာလ ဘာမှ မဖြစ်သေးဘူး ဆိုတော့ အယူခံတင်ပြီး နှစ်လတိုင်တိုင် ဘာမှ ဖြစ်မလာတော့ ဒီဇင်ဘာလကုန် (၃၀) ရက်နေ့ကျတော့ ၀န်ကြီးချုပ်ဆီ မေတ္တာရပ်ခံစာ စရေးပါတယ်။ နောက်တခါ နောက်နှစ် ၂၀၀၉ ဇန်န၀ါရီ (၂၀) ရက်မှာ နောက်တကြိမ် ထပ်ရေးပို့ ပါတယ်။ နောက် ဖေဖော်ဝါရီကျတော့ မရေးဖြစ်ဘူးဗျ။ မရေးဖြစ်ရတဲ့ အကြောင်းက အဲဒီလထဲမှာ မစ္စတာ ဂမ်ဘာရီနဲ့ မစ္စတာ ကင်တားနားတို့ လာတော့ ကျနော်တို့ ဘက်က အချိန်ကိုက်ပြီး လုပ်တယ်လို့ ထင်မှာစိုးလို့ မရေးခဲ့တာ။ နောက် မတ်လရောက်တော့ (၁၃) ရက်နေ့မှာ ထပ်တင်တယ်။ အဲဒါလည်း ဘာမှ အကြောင်း ပြန်ကြားမှု မရှိတော့ ဧပြီ (၁၀) ရက်မှာ နောက်တစောင် ထပ်တင်တယ်။ အဲဒါလည်း မထူးတော့ (၂၈) ရက်မှာ ဗိုလ်ချုပ်မှူးကြီး သန်းရွှေဆီကို တိုက်ရိုက် တင်ပြလိုက်တာ။ တိုက်ဆိုင်လို့လားတော့ မသိဘူး။ သူတို့ နဂိုကတည်းကပဲ လုပ်နေလား။ ကျနော်လည်း မသိဘူးပေါ့လေ။ အဲဒီမှာ ချက်ချင်း အရေးယူ ဆောင်ရွက် လာပြီးတော့ အယူခံကို ပယ်လိုက်တာပဲ။ ဧပြီ (၃၀) ရက်မှာ ပယ်လိုက်တယ်။
မေး။ ။ အဲဒီ ဧပြီ (၃၀) ရက်မှာ အယူခံ ပလပ်လိုက်ကြောင်း အကြောင်းကြားစာနဲ့ အတူ ရှေ့နေ ဦးလှမျိုးမြင့် ဆီမှာ ချိပ်ပိတ် စာတစောင် ပါလာတယ်လို့ ကျနော်တို့ ကြားထားရပါတယ်။ အဲဒီစာထဲမှာ ဘာတွေ ဖော်ပြရေးသား ထားပါသလဲ။
ဖြေ။ ။ အော်..အဲဒီစာက စောစောကပြောသလိုပေါ့လေ။ (၃၀) ရက်နေ့မှာ ဟိုက ပလပ်တယ် ဆိုတဲ့ ဆုံးဖြတ်ချက် ချလိုက်ရော။ ဦးလှမျိုးမြင့် နေပြည်တော် လာခဲ့ပါလို့ ခေါ်လို့ သူ နေပြည်တော် သွားရတယ်ဗျ။ ဟိုရောက်တော့ ကျနော့်ဆီကို လိပ်မူထားတဲ့ ချိပ်ပိတ်စာကို ဦးလှမျိုးမြင့်ကို ပေးတယ်။ အဲဒီမှာ ဦးလှမျိုးမြင့်က ကျနော့်ဆီကို ဖုန်းလှမ်းဆက်တယ်။ စာတစောင်တော့ ရထားတယ် ဖွင့်ဖောက်ပြီး ကြည့်ရမလားလို့ မေးတယ်။ ကျနော်က ဒီရောက်မှ အတူ ဖောက်ကြတာပေါ့ဗျာလို့ ပြန်ပြောတော့ ရန်ကုန်ကို ယူလာပြီး အတူတူ ဖွင့်ဖောက် ကြည့်ကြတယ်။ စာထဲမှာ ဘာပါလာလဲဆိုတော့ အယူခံ စိစစ်ရေးအဖွဲ့ ဖွဲ့လိုက်တယ်တဲ့။ အဲဒီအယူခံ စိစစ်ရေးအဖွဲ့က ဌာနပေါင်းစုံမှာ ရှိတဲ့ စာတွေ ဓာတ်ပုံတွေကို ကြည့်တယ်တဲ့။ အဲလို ကြည့်ပြုပြီးတော့မှ အကြံပြုတာက ဥပဒေနဲ့အညီ ခိုင်လုံသော အထောက်အထားများ မတွေ့ရှိရတဲ့ အတွက် ပလပ်တယ်တဲ့။ အဲဒါတွေ ပါပါတယ်။
Ref: ခေတ်ပြိုင်
Friday, May 8, 2009
မီးစတဖက်၊ ရေမှုတ်တဖက် နအဖရဲ့ စီမံချက် (အပိုင်း-၂)
ဗိုလ်ထက်မင်း
၇ မေ ၂၀၀၉
တခြား အပစ်ရပ်အဖွဲ့တွေနဲ့ မတူဘဲ သမိုင်းကြောင်းကြီးမားတဲ့ KNU ကို စည်းရုံးဖို့ ခက်ခဲနိုင်လို့ နအဖရဲ့  သတင်းစာတွေမှာ စိတ်ဓာတ်စစ် ဆင်ရေး နည်းဗျူဟာအရ ယခင်က ဆောင်းပါးများတွင် “ငမြ” လို့ ရေးသားခဲ့ရာမှ ဗိုလ်ချုပ် “မြ” လို့ ပြောင်းလဲခေါ်ကာ “ဖား” လာခဲ့ရ ပြန်ပါတယ်။ ဗိုလ်ခင်ညွန့် ကိုယ်တိုင် “ဖထီး”လို့ ရိုရိုသေသေ ခေါ်လာရပြီး မွေးနေ့ပွဲ ကျင်းပပေးတဲ့ အထိ ဖြစ်လာပါတယ်။
KNU နဲ့ နအဖရဲ့  တွေ့ဆုံဆွေးနွေးပွဲမှာ ဗိုလ်ချုပ်မြဟာ နှစ်ဖက်စလုံး ရိုးသားဖို့ လိုကြောင်း၊ ဒီဆွေးနွေးပွဲဟာ ဗိုလ်ချုပ်ခင်ညွန့် အပြင် ထိပ်ပိုင်းက နှစ်ဦးကပါ သိရှိ သဘောတူညီဖို့ လိုကြောင်း၊ DKBA အပါအ၀င် နအဖနဲ့ ပူးပေါင်းထားတဲ့ KNU ခွဲထွက်များကို KNU လက်အောက်သို့ ထည့်သွင်းရန် ရှိ မရှိ ဗိုလ်ခင်ညွန့် အား မေးမြန်း ပြောကြား ခဲ့ပါတယ်။
ဗိုလ်ချုပ်ခင်ညွန့်က ဒီဆွေးနွေးပွဲဟာ ဗိုလ်သန်းရွှေနဲ့ ဗိုလ်မောင်အေးတို့ နှစ်ဦးစလုံး သဘောတူညီ ခဲ့ပြီး ဖြစ်ကြောင်း၊ ဖြစ်ပျက်ခဲ့တဲ့ သမိုင်းကြောင်းကို တတ်နိုင်သမျှ သင်ပုန်းချေဖို့ လိုကြောင်း၊ သူ့အနေနဲ့ လက်နက်ကိုင် တိုင်းရင်းသား တွေ တော်တော် များများကို စည်းရုံး သိမ်းသွင်းနိုင်တဲ့ အချိန်မှာ တခုတည်းသာ ကျန်ရှိတဲ့ KNU ကို ငြိမ်းချမ်းရေး အတွက် ပါဝင်ဖို့ ဆန္ဒ ပြင်းပြလျက်ရှိကြောင်း ပြန်လည် ပြောကြားခဲ့တယ်လို့ သိရပါတယ်။
အဲဒီနောက် ဗိုလ်ချုပ်မြရဲ့  ဇာတိချက်မြေ ထီးမူးခီးရှိတဲ့ တပ်မဟာ (၅) နယ်မြေ၊ တပ်မဟာ (၇) နယ်မြေ၊ တပ်မဟာ (၆) နယ်မြေ အချို့ကို KNU အား ကရင်ပြည်နယ် ဒေသဖွံ့ဖြိုးရေး အတွက် အကြမ်းဖျင်းပေးရန် လျာထား ညှိနှိုင်း ဆွေးနွေးခဲ့ကြပြီး ရွာရှောင် လူထုများ မိမိတို့ နေရပ်သို့ ပြန်လည် အခြေချခွင့် ပြုရေးကို ဆွေးနွေးခဲ့ကြပါတယ်။
ဒီနေရာမှာ ဗိုလ်သန်းရွှေရဲ့  တင်းမာတဲ့ မူဝါဒတွေ အတိုင်း ဆက်လက် ဆွေးနွေးမယ် ဆိုရင် ရိုးသားမှုနဲ့ ယုံကြည်မှု မရှိသရွေ့ KNU နဲ့ ဘယ်တော့မှ ငြိမ်းချမ်းရေး ရနိုင်မှာ မဟုတ်သလို အပစ်ရပ်အဖွဲ့တွေရဲ့  လုံခြုံရေး၊ ရပ်တည်ရေးအရ အချိန် အတိုင်းအတာ တခုအထိ လက်နက် ကိုင်ဆောင်ခွင့် ဆက်လက် ပြုပေးရမှာဖြစ်ကြောင်း၊ နိုင်ငံရေး အရ နာမ်နှိမ် ဦးချိုးတဲ့ အကျင့်ဆိုးကို KNU အား လုပ်လို့ မရကြောင်း ဗိုလ်ခင်ညွန့် အနေနဲ့ ကောင်းစွာ နားလည်သဘော ပေါက်ခဲ့ပါတယ်။
ဒါကြောင့်လည်း ဆွေးနွေးပွဲ အစီအစဉ် အသေးစိတ်ကို မတင်ပြသေးဘဲ ဗိုလ်ခင်ညွန့်ဟာ ဗိုလ်သန်းရွှေရဲ့  စိတ်လက် ကြည်လင်မှု အခြေအနေအား စောင့်ဆိုင်းပြီး နောက်ကျမှ နိုင်ငံရေး အမြတ်ရရှိမှု အကျိုးရလဒ် တွေနဲ့ နှိုင်းယှဉ် ရှင်းလင်းကာ KNU လိုလားချက်ကို လိုက်လျောအောင် ဖျောင်းဖျ ပြောဆိုမည်ဟု ကြံရွယ်ထားပြီး လောလောဆယ် ငြိမ်းချမ်းရေး အမြန်ရယူ risk ယူဖို့သာ “ဇော” ကပ် နေခဲ့ပါတယ်။
ဒီကိစ္စနဲ့ ပတ်သက်ပြီး ဗိုလ်ခင်ညွန့် ဖမ်းဆီး ခံသွားရချိန်မှာ ဗိုလ်ရွှေမန်းတို့က KNU နဲ့ ဗိုလ်ခင်ညွန့်တို့ ညှိနှိုင်း ဆွေးနွေးချက်တွေဟာ လျှို့ ဝှက်လွန်းပြီး ထိပ်ပိုင်းကို အသိမပေးခဲ့ဘူးလို့ မတရား စွပ်စွဲခဲ့ပါသေးတယ်။ နအဖရဲ့  ကမ်းလှမ်းချက်အရ KNLA စစ်ဦးစီးချုပ် ဗိုလ်ချုပ် မူတူးကို ကော့ကရိတ်မြို့သို့ ထပ်မံခေါ်ယူ ဆွေးနွေး ခဲ့ပါသော်လည်း ဗိုလ်ခင်ညွန့် ဖမ်းဆီး ခံလိုက်ရလို့ ဆွေးနွေးပွဲ ရေချိန်ကျသွားခဲ့ ပါတယ်။
အဲဒီ ဆွေးနွေးပွဲသို့ သွားရမယ့် ခရီးစဉ်မှာ ဗိုလ်ချုပ်မူတူးနဲ့ ဗိုလ်ချုပ်မန်းကျော့ဖေ တို့အား တပ်မဟာ (၆) နယ်မြေမှာ ရှိတဲ့ ကရင်ပြည်သူ လူထုက သောင်းသောင်းဖြဖြ ကြိုဆိုလက်ခံကာ ကော့ကရိတ်မြို့သို့ ခြေကျင် လိုက်ပါ ပို့ဆောင်ဖို့ ကြိုးစားကြတဲ့ အတွက် နအဖက စိုးရိမ် တကြီး တားဆီးကာ ဗိုလ်ချုပ်မူတူးတို့အား မူလ လာမယ့်လမ်းကို ခွင့်မပြုတော့ဘဲ မြ၀တီမှ တဆင့်သာ ပြန်ဝင်ခိုင်းခဲ့ ပါတယ်။
ဗိုလ်ခင်ညွန့် မရှိတော့တဲ့နောက်ပိုင်းမှာတော့ နအဖ ဗိုလ်ချုပ်များက ဗိုလ်သန်းရွှေကို ပြန်လှန် မပြောရဲကြလို့ Gentlemen agreement ဟာလည်း ပျက်ပြယ်သွားပြီ ဖြစ်ကြောင်းကိုသာ မျက်နှာပြောင်တိုက်ကာ KNU ကို ပြောကြားခဲ့ပါတယ်။
နအဖဟာ KNU ကို နယ်မြေပေးမည်ဆိုရာတွင် ဘုရားသုံးဆူ မြောက်ခြမ်း တပ်မဟာ (၆) နယ်မြေဟု ကြားသိရသော်လည်း အဲဒီ နယ်မြေမှာ DKBA နဲ့ NMSP တပ်ဖွဲ့များ ရှိနေရာ အိမ်ကြက်ချင်း အိုးမည်းသုတ် ခွပ်ခိုင်းရုံ စိတ်ထား မူမမှန်တာကြောင့် နအဖရဲ့ ငြိမ်းချမ်းရေးဟာ အတုအယောင်သာ ဖြစ်ကြောင်း တွေ့ရပါတယ်။ ကရင် ခွဲထွက်တွေနဲ့ တွေ့ဆုံပွဲ တခုမှာ စရဖ အကြီးအကဲ ဗိုလ်ရဲမြင့်က အပစ်ရပ်တွေ ကိုင်ထားတဲ့ လက်နက်တွေဟာ သူတို့ လက်နက်တွေ လောက် အစွမ်း မထက်ကြောင်း ခြိမ်းခြောက်တဲ့ လေသံမျိုး ပြောခဲ့ပါ တယ်။
နအဖရဲ့  သဘောထား မူမမှန်ကြောင်း KNU ခေါင်းဆောင် ဗိုလ်ချုပ်မြ သိရှိသွားပြီးတဲ့နောက် သူ့ကျန်းမာရေး မကောင်းလို့ ဆေးရုံတက် နေချိန်မှာ နအဖက ဆေးကုသခွင့် စရိတ်ပေးပြီး ရန်ကုန်မှာ ဆေးကုဖို့် မြူဆွယ် စည်းရုံးမှုအား ပြတ်သားစွာ ငြင်းပယ် ခဲ့ပါတယ်။
DKBA အား နယ်ခြားစောင့်တပ် အဖြစ် တာဝန်ပေးမယ်လို့ သိရလို့ KNU အနေနဲ့ ငြိမ်းချမ်းရေး သဘောတူညီချက် ရရှိပြီး ၀င်သွားခဲ့ရင်တောင် DKBA လို အခွင့်အရေး တန်းတူ နအဖက ပေးမှာ မဟုတ်သလို DKBA ကိုယ်နှိုက်ကလည်း KNU နဲ့ ပေါင်းစပ်ဖို့ ဘယ်နည်းနဲ့မှ မဖြစ်နိုင်တော့ကြောင်း ပြောကြားလာနေပြီ ဖြစ်ပါတယ်။
DKBA ဟာ KNU ၀င်ရောက်လာပါက ရရှိထားတဲ့ အခွင့်အရေးများ လက်လွတ် ဆုံးရှုံးသွားမှာ စိုးရိမ်ကာ နအဖအား မျက်စိမှိတ် ထောက်ခံခဲ့ပြီး ယခုအခါ နယ်မြေ ဧရိယာ ချဲ့ထွင်တဲ့ အနေနဲ့ သမိုင်းကြောင်းအရ ခြေမချခဲ့ဖူးတဲ့ တပ်မဟာ (၆) နယ်မြေ ဝေါလေခီး စခန်းကိုတောင် ရအောင် နအဖဘက်က ကူညီ တိုက်ခိုက်ခဲ့ပါတယ်။
အခုနောက်ပိုင်းမှာ နိုင်ငံတကာအနေနဲ့ လက်နက်ကိုင် တော်လှန်ရေးကို အားပေးမှု မပြုတော့တာလည်း နအဖအတွက် အားတက်စရာ ဖြစ်ခဲ့ပြီး KNU နဲ့ အစစ်အမှန် ငြိမ်းချမ်းရေး အတွက် မကြိုးစားတော့တာ တွေ့ရပါတယ်။
သို့သော်လည်း နိုင်ငံတကာနဲ့ ပြည်သူလူထုက ထောက်ပြစရာ ဖြစ်မှာမို့ နအဖဟာ KNU ကို တိုက်ရိုက် ဆွေးနွေးရင် ရရက်သားနဲ့ ထိုင်းနိုင်ငံမှတဆင့် KNU အား ဖိအားပေးစေကာ ဟန်ပြ ငြိမ်းချမ်းရေး စကားပြောနေပါတယ်။ ဆွေးနွေးပွဲ ပျက်ရင်တောင် နအဖက သူ့ကြောင့် မဟုတ်ဘဲ ထိုင်းနိုင်ငံနဲ့ KNU ကိုသာ လက်ညှိးထိုးဖို့ ကြံရွယ်ပြီး ဖြစ်ပါတယ်။ တဖက်ကလည်း နအဖဟာ KNU ကို ထိုးစစ် ဆင်နေပြန်ပါတယ်။
KNU နဲ့ ငြိမ်းချမ်းရေး ရသွားရင် စစ်အာဏာရှင်တွေ အနေနဲ့ စစ်ရေး အကြောင်းပြပြီး နိုင်ငံရေးမှာ စစ်တပ် ကြီးစိုးဖို့ အခွင့်အလမ်း မရှိတော့မှာကို အထူး စိုးရိမ်နေပါတယ်။ ဒါကြောင့် ငြိမ်းချမ်းရေး လုပ်လို့ ရလျက်သားနဲ့ မလုပ်ဘဲ ထားတာဟာ စစ်အာဏာရှင်တွေ အနေနဲ့ နိုင်ငံတကာအား မြန်မာနိုင်ငံဟာ “မငြိ်မ်းချမ်းသေး” ဆိုတဲ့ အကြောင်းပြချက် ကောင်းအောင် KNU ကို မွေးထားခြင်းသာ ဖြစ်ကြောင်း တင်ပြလိုက်ရပါတယ်။
Ref: ခေတ်ပြိုင်
ငြိမ်းချမ်းရေးကောင်စီမှ ဗိုလ်မှူးတဦး KNU ထံ ပြန်လည် ရောက်ရှိ
Thursday, 07 May 2009 21:16 ဖြိုးကြီး
ဗိုလ်ချုပ်စောထင်မောင်ဦးဆောင်သည့်ကရင်ခွဲထွက် အဖွဲ့ ငြိမ်းချမ်းရေး ကောင်စီ တပ်ရင်း (၇၀၄) မှ ဒုတပ်ရင်းမှူး ဗိုလ်မှူး စောလေးမူး မိသားစုဝင်များနှင့် အတူ KNU အဖွဲ့သို့ ပြန်လည် ရောက်ရှိလာသည်။
စစ်အစိုးရ၏ ငြိမ်းချမ်းရေးအဖွဲ့များ အပေါ် ထားရှိသည့် သဘောထားကို မယုံကြည် ရတော့သည့် အပြင် ၂၀၁၀ နောက်ပိုင်း နယ်ခြားစောင့် တပ်ဖွဲ့ပြီးပါက မိမိလူမျိုးနှင့် ပြည်သူလူထု တရပ်လုံး အတွက် အာမခံချက် မရှိတော့သည့် အတွက် ယခုလ (၄) ရက်နေ့က ကေအန်အဲလ်အေ တပ်မဟာ (၇) သို့ ပြန်လည် ရောက်ရှိလာခြင်း ဖြစ်ကြောင်း ၎င်းက ပြောသည်။
“ကျနော်တို့ရပ်တည်ဖို့ အာမခံချက်မရှိဘူး၊ သူတို့ခိုင်းတာပဲ အကုန်လုပ်ရမှာ၊ ငြိမ်းချမ်းရေး လုပ်တယ် ဆိုတာက ကိုယ့် အမျိုးသားတွေ အတွက် ငြိမ်းချမ်းဖို့ လုပ်တာဆိုပြီး အဖိုး ထင်မောင်ပြောတာ၊ အခုတော့ ကျနော်တို့ ကာကွယ်ရေး ဦးစီးချုပ် ခိုင်းတာ လုပ်ရမယ်ဆိုတော့ ကျနော်တို့ ရည်ရွယ်ချက်နဲ့ တခြားဖြစ်သွားမယ်၊ အဲဒါကြောင့်မို့ ကျနော်ထွက်လာခဲ့တာ” ဟု ဗိုလ်မှူး စောလေးမူးက ပြောသည်။
ပြီးခဲ့သည့်လ (၂၈) ရက်နေ့က ငြိမ်းချမ်းရေးကောင်စီ အဖွဲ့များကို နအဖ အာဏာပိုင်များက ဖားအံမြို့တွင် ခေါ်ယူကာ အသက်ကြီး သူများကို ပါတီဖွဲ့ ရွေးကောက်ပွဲ ဝင်ခိုင်းပြီး ကျန်တပ်ဖွဲ့ဝင်များကို အင်အားလျော့ချကာ နယ်ခြားစောင့်တပ် ပြန်လည် ဖွဲ့စည်းပြီး ကာကွယ်ရေး ဦးစီးချုပ် လက်အောက်တွင် ထားရှိမည်ဖြစ်ကြောင်း ပြောဆို ဖိအားပေးခဲ့ သည်ဟု ၎င်းက ပြောသည်။
လက်ရှိ ငြိမ်းချမ်းရေးကောင်စီ အဖွဲ့ဝင်များ အခြေအနေနှင့် ပတ်သက်၍ “၂၀၁၀ ပြီးရင် တပ်တွေကို ပြန်ဖွဲ့စည်းပြီး နယ်ခြားစောင့်တပ် အဖြစ် ထားမယ်၊ နအဖတပ်လို နေရမယ် ဆိုရင်တော့ ကျနော့်လူတွေ တယောက်မှ ရှိတော့မှာ မဟုတ်ဘူး၊ ပါတီဖွဲ့ဖို့ ကလဲ ငြိမ်းချမ်းရေးအဖွဲ့ ထဲမှာ ပါတီ ဖွဲ့နိုင်လောက်တဲ့သူ တယောက်မှ မမြင်ဘူး၊ အဖိုး ထိန်မောင်ဆိုရင်လဲ အသက်က ကြီးလာပြီး သူ ပါတီထောင်ပြီး ဘယ်လို ရွေးကောက်ပွဲ ဝင်နိုင်မလဲ” ဟု ပြောသည်။
နအဖစစ်အစိုးရအနေဖြင့် ငြိမ်းချမ်းရေးအဖွဲ့ဝင်များ အပေါ် ထားရှိသည့် သဘောထားနှင့် ပတ်သက်၍လည်း “တစုံလုံ အတိုင်းအတာ ပြောရရင် ကျနော်တို့ လူထုတွေ နစ်နာတာပဲ ရှိတယ်၊ နအဖ လုပ်ရပ်သာ အောင်မြင်ရင် တိုင်းသူ ပြည်သားတွေ ပိုပြီး နစ်နာမှာပါ၊ အားလုံး အခြေအနေက ပရုပ်လုံးလို လုံးပါးပါးသွားမှာပဲ၊ သူတို့ပြောတဲ့ ဒီမိုကရေစီ ဆိုတာလဲ တိုင်းသူ ပြည်သားတွေ အတွက် ဖြစ်လာမှာ မဟုတ်ပါဘူး၊ လက်နက်ကိုင် တိုင်းရင်းသား အဖွဲ့တွေ အားလုံးဟာ ၂၀၁၀ ပြီးရင် အားလုံး ပျက်သုဉ်း သွားမှာပါ” ဟု ပြောသည်။
နအဖမီဒီယာများက ငြိမ်းချမ်းရေးအဖွဲ့များမှ ပြန်လည် ရောက်ရှိလာသူများကို KNU မှ သတ်ဖြတ်ပစ်ကြောင်း ပြောဆို နေခြင်းသည် လိမ်လည်မှု များသာဖြစ်ပြီး တကယ်တမ်း လက်တွေ့တွင် နွေးထွေးစွာ ကြိုဆို ဆက်ဆံကြောင်း ၎င်းက ဆက်လက်ပြောသည်။
“သူတို့ပြောတာ တခြားစီပါဗျာ၊ သူတို့သတင်းမှားတယ် ဆိုတာ ကျနော်ကိုယ်တိုင် ကြုံနေရပြီ၊ ကျနော် အေးအေးဆေးဆေးပဲ လက်ထိပ်ခတ် တာတောင် မရှိဘူး၊ နွေးထွေးစွာ ကြိုဆိုတယ်၊ စားဖို့သောက်ဖို့ ကအစ သူတို့လုပ်ပေးတယ်၊ အခုလို ပြောတာကလဲ ဘယ်သူမှ ဖိအားပေးလို့ မဟုတ်ဘူး၊ နအဖ မီဒီယာတွေက သတင်းအမှားတွေပဲ ဖြစ်တယ်ဆိုတာ ကျနော် ပြောချင်ပါတယ်” ဟု ပြောသည်။
လက်ရှိ ဗိုလ်ချုပ်ထင်မောင်ဦးစီးသည့် ငြိမ်းချမ်းရေး ကောင်စီတွင် တပ်ရင်း ၉ ရင်းနှင့် အထူးတပ်ရင်း ၁ ရင်း ထားရှိကာ လက်နက်ကိုင် အင်အား ၃၀၀ ဝန်းကျင်သာ ရှိကြောင်း ၎င်းက ပြောသည်။
လက်ရှိ ငြိမ်းချမ်းရေးကောင်စီတွင် ကျန်ရစ်ခဲ့သူများကို ၎င်းအနေဖြင့် “ကျနော့် လုပ်ဖော် ကိုင်ဖက်တွေကို မှာချင်တာက အခြေအနေ အရပ်ရပ်ကို အားလုံး သိတဲ့အတွက် ခြေမကျွံခင် ပြန်လာခဲ့ကြပါလို့ မှာချင်တယ်၊ ရှေ့လှမ်းရမှာ ကလဲ ချောက်ကမ်းပါးပဲ ဆိုတာကို သိလျှက်နဲ့ ဆက်မမှား စေချင်တော့ဘူး၊ မိခင် KNU ရဲ့ရင်ခွင်ကို ပြန်လာဖို့ ပြောချင်ပါတယ်” ဟု ဗိုလ်မှူး စောလေးမူးက တိုက်တွန်း ပြောဆိုသည်။
ဗိုလ်မှူးစောလေးမူး မိခင် KNU သို့ ၎င်း၏မိသားစုဝင် ၄ ဦးနှင့်အတူ ပြန်လည် ရောက်ရှိလာသည့် အပေါ် တပ်မဟာ (၇) တပ်မဟာမှူး ဗိုလ်မှူးချုပ် ဂျော်နီက “ဟိုမှာနေလို့ အခြေအနေ မကောင်းတော့ဘူး၊ အများအတွက် အမျိုးသားအတွက် အကျိုး မရှိဘူးဆိုတာကို သိလို့ ပြန်လာတာ၊ သူ့မိသားစုတွေရော အရင်ကအတိုင်း အေးအေးဆေးဆေး ပြန်လာနေပါ နွေးထွေးစွာပဲ ကြိုဆိုပါတယ်” ဟု ပြောသည်။
Ref: ရိုးမ ၃
ဆီဆိုင်မြို့နယ်တွင် စစ်တပ်က ရွာသူကြီးကိုသတ်၍ ရွာသား ၈၀ ကျော် ဖမ်းဆီးထား
ခွန်အောင်မြတ်။
မေလ ၇ ရက်၊ ၂၀၀၉ ခုနှစ်။
ရှမ်းပြည်တောင်ပိုင်း ဆီဆိုင်မြို့နယ်ရှိ မြန်မာစစ်အစိုးရ တပ်က ကျေးရွာ သူကြီးကို သတ်ပြီး ရွာသား (၈၀) ကျော် ဖမ်းဆီး စစ်ဆေးနေသည်ဟု ဒေသခံရွာသား တယောက်က ပြောသည်။
ပအိုဝ်းအမျိုးသားလွတ်မြောက်ရေးတပ်ဖွဲ့နှင့် ကရင် တပ်မတော်ပူးပေါင်း တပ်ဖွဲ့တို့က ခြေမြန်တပ်ရင်း ၄၂၆ ကို ခြုံခို တိုက်ခိုက် ပြီးသည့်နောက် ယခုလို သတ်ဖြတ်ဖမ်းဆီး ခြင်းသည်။
“ကျနော်တို့ရွာက နောင်တဗန်ရွာနဲ့ စောဆားရွာပေါ့နော် ကျနော်တို့ ရွာသူကြီးနာမည် ကတော့ ဦးကျော်ဗဲ့ပေါ့ ရွာရဲ့အနောက်ဖက် တောင်ကုန်းပေါ်မှာ ဗမာစစ်တပ်က ပစ်သတ် သွားတယ်လေ။ ပြီးတော့မှ ကျနော်တို့ ရွာသား နောင်တဗန်ကျေးရွာ ပြီးတော့ စောဆား ရွာသား ၈၀ ကျော်ကိုလည်း အဲဒီ ခမရ ၄၂၅ ပေါ့နော် တပ်ရင်းက ရွာသားတွေကို ဖမ်းထား ပြီးတော့မှ သူတို့က ရိုက်နှက်တယ်။ ကျနော်တို့ ရွာသားတွေဆို တချို့သွေးတွေ အန်တယ်။ အခုထိ ဘုန်းကြီးကျောင်းမှာပဲ ဖမ်းထားဆဲပဲ ရှိသေးတယ်အခု။ ” ဟု ဒေသခံ ရွာသား တဦးက ပြောသည်။
မြန်မာစစ်အစိုးရ စစ်ဆင်ရေးကွပ်ကဲမှု ဌာနချုပ် (စကခ) ၇ လက်အောက်ခံ ခမရ ၄၂၆ တပ်ရင်းကို ပအိုဝ်းနှင့် ကရင် ပူးပေါင်း တပ်ဖွဲ့က ခြုံခို တိုက်ခိုက်သဖြင့် ဗိုလ်မှူး မျိုးမင်းထွန်း အပါအ၀င် အင်အား ၁၂ ကျဆုံးပြီး လက်နက်များကို ပူးပေါင်းတပ်ဖွဲ့က သိမ်းဆည်း ရမိသည်ဟု ပအိုဝ်းအမျိုးသား လွတ်မြောက်ရေးအဖွဲ့ သတင်း ထုတ်ပြန်သည်။
ယင်းတိုက်ပွဲ ဖြစ်ပွားပြီးနောက် တရက်အကြာတွင် ရပခ ဒုတိုင်းမှူးက လာရောက် စစ်ဆေး ပြီးနောက် ခမရ ၄၂၅ က တိုက်ပွဲ ဖြစ်ပွားသည့် အနီးရှိ ကျေးရွာသူကြီးကို ဖမ်းဆီးသတ်ဖြတ် ကာ ကျေးရွာသား ၈၀ ကျော်ကိုလည်း ဖမ်ဆီးပြီး ရိုက်နှက် စစ်ဆေးမှု ပြုလုပ်နေသည်ဟု အဆိုပါ ရွာသားက ပြောသည်။
“ကျနော်တို့ ရွာသားတွေမှာတော့ အပြစ်ကင်းပြီးတော့မှ လက်နက်ကိုင်လည်း မရှိဘူး။ ပြီးတော့မှ ရိုးရိုး စားသောက် လုပ်ကိုင်နေတဲ့ လူတွေလည်း ဖြစ်တယ်။ သူတို့ စစ်အစိုးရ မကောင်းတာတွေ လုပ်တဲ့ အတွက်ကြောင့်မို့ ကျနော်တို့ရဲ့ ဒီပအိုဝ်း စစ်တပ်အဖွဲ့က သူတို့ကို တိုက်တာဖြစ်တယ်။ သူတို့ မကောင်းတာ လုပ်တဲ့ အတွက်ကြောင့်ပေါ့နော်။ ဒါပေမယ့်လည်း ကျနော်တို့နဲ့ မဆိုင်ဘူး။ အဲဒီဥစ္စာ ကျတော့ ကျနော်တို့ကပဲ သူတို့တိုက်တာကို ကြားထဲမှာ ကျနော်တို့က ဓားစာခံ ဖြစ်နေရတဲ့ အခြေအနေမျိုး ဖြစ်နေလို့ ကျနော်တို့ တခြား အဖွဲ့ အစည်းကိုလည်း အပြစ်မတင်ဘူး သို့သော်လည်း ပဲ စစ်အစိုးရ ဒီလိုမျိုးလုပ်တာ ကျနော်တို့ရဲ့လူထုအပေါ်မှာ ညှင်းပမ်း နှိပ်စက်တာလို့ပဲ ကျနော်တို့ မြင်တယ်ဗျ။”
ယခုတိုက်ပွဲဖြစ်ပွားမှုကြောင့် စကခ ဗျူဟာမှူး ဗိုလ်မှူးချုပ်မျိုးအေးက ပအိုဝ်း အမျိုးသား အဖွဲ့ချုပ်အား ၎င်းတို့ အုပ်ချုပ်ပိုင်ခွင့် ဒေသကို မထိန်းထားနိုင်လျှင် ပြန်လည် ရုပ်သိမ်းမည်ဟု ခြိမ်းခြောက် ပြောဆိုခဲ့သည်။
Ref: Network Media Group
ကရင်ခွဲထွက်များ ပျောက်ကွယ်စေရန် နအဖ လုပ်ဆောင်ဟု ငြိမ်းချမ်းရေး ကောင်စီ ပြောကြား
NEJ / ၇ မေ ၂၀၀၉
မြန်မာစစ်အစိုးရကျင်းပမည့် ၂၀၁၀ ရွေးကောက်ပွဲပြီးလျှင် ကရင် ခွဲထွက်များ အားလုံး အလိုအလျောက် ပျောက်ကွယ် သွားမည့် အစီအစဉ်ကို နအဖမှ စနစ်တကျ လုပ်ဆောင်နေသည်ဟု ကေအန်ယူ /ကေအန်အယ်လ်အေ ငြိမ်းချမ်းရေး ကောင်စီ အဖွဲ့မှ ဗိုလ်မှူးအဆင့်ရှိသူ တဦးက ပြောသည်။
စောဌေးမောင် ဦးဆောင်သည့် ကေအန်ယူ/ ကေအန်အယ်လ်အေ ငြိမ်းချမ်းရေး ကောင်စီကို တပ်မတော် စစ်ဖက်ရေးရာ လုံခြုံရေးအဖွဲ့က ခေါ်ယူကာ အနုနည်းဖြင့် အကြပ်ကိုင် ခြိမ်းခြောက်မှုများ ပြုလုပ်ခဲ့သည့် ကိစ္စနှင့်ပတ်သက်၍ ဆက်စပ်ပြောကြားခြင်းဖြစ်သည်။
ယခုလ (၄) ရက်နေ့က ကရင်အမျိုးသားလွတ်မြောက်ရေး တပ်မတော် တပ်မဟာ (၇) တပ်စခန်းသို့ လာရောက် ပူးပေါင်းသည့် ငြိမ်းချမ်းရေး ကောင်စီအဖွဲ့၏ တပ်ရင်း (၇၀၄) မှ ဗိုလ်မှူး စောလေးမူးက “အရင်လ (၂၈) ရက်နေ့က ဘားအံမှာ ငြိမ်းချမ်းရေး ကောင်စီ အဖွဲ့က လူကြီးတွေကို နအဖ စစ်ဖက်ရေးရာ လုံခြုံရေးအဖွဲ့ (စရဖ) က ခေါ်တွေ့ပြီး ဖူးဌေးမောင်ကို အဖွဲ့တွင်းမှာရှိတဲ့ အသက်ကြီးတဲ့ လူတွေကို အဖွဲ့က ထွက်ခိုင်းပြီး ကျန်တဲ့လူတွေနဲ့ ပါတီထောင်ပြီး ရွေးကောက်ပွဲဝင်ဖို့ ပြောတယ်။ ၂၀၁၀ ကျရင် နယ်ခြားစောင့် အဖြစ် အကန့်အသတ်နဲ့ အသွင်ပြောင်းပေးမယ်။ အဲဒီကိစ္စကို စဉ်းစားခိုင်းတယ်” ဟု ပြောသည်။
၎င်းဆွေးနွေးပွဲတွင် မြန်မာစရဖအရာရှိများနှင့်အတူ ငြိမ်းချမ်းရေး ကောင်စီ အဖွဲ့မှ စောဌေးမောင် (ဥက္ကဋ္ဌ)၊ ဗိုလ်ချုပ်ကြီး ထော့လေး (ဒုတိယစစ်ဦးစီးချုပ်)၊ နော်ကပေါ်ထူး (အတွင်းရေးမှူး) နှင့် ဗိုလ်မှူးချုပ်ယဉ်နု (စစ်ထောက်ချုပ်) တို့ ပါရှိသည်။
ယင်းကိစ္စနှင့်ပတ်သက်၍ စောဌေးမောင်က အဖွဲ့ဝင်များအား ယနေ့ထိ ပြန်လည်ရှင်းလင်း ပြောဆိုခြင်း မရှိသည့် အပေါ် အဖွဲ့ဝင်များက စိုးရိမ်နေပြီး ၎င်းတို့အားလုံးကို နအဖလက်ထဲ ဝကွက်အပ်မည်ကို စိုးရိမ် နေကြသည်။
ကရင်ခွဲထွက်များ၏ အခြေအနေနှင့်ပတ်သက်၍ ရွေးကောက်ပွဲ ပြီးလျှင် ခွဲထွက်အဖွဲ့ အားလုံးကို နယ်ခြားစောင့် အဖြစ် အသွင်ပြောင်းပြီး ကာကွယ်ရေး ဦးစီးချုပ်၏ အကန့်အသတ် အောက်တွင် ရပ်တည်ရမည် ဖြစ်သောကြောင့် ကရင် ခွဲထွက်အဖွဲ့များ အားလုံး အလိုအလျောက် လုံးပါးပါးပြီး ပျောက်ကွယ်သွားမည် ဖြစ်သည်ဟုလည်း စောလေးမူးက ပြောသည်။
၎င်းက “စစ်မှန်တဲ့ငြိမ်းချမ်းရေး ရမယ်ထင်ပြီးလုပ်ခဲ့တာ လက်တွေ့မှာ တခြားစီပဲ။ နအဖ လက်အောက်မှာ ဘာနိုင်ငံရေး၊ ဘာငြိမ်းချမ်းရေးမှ လုပ်လို့ မရဘူး။ ဒါကြောင့် မိခင် အဖွဲ့အစည်းဖြစ်တဲ့ ကေအန်ယူဆီ ပြန်လာတာပါ” ဟု ပြောသည်။
ကေအန်ယူခွဲထွက်အဖွဲ့အစည်းများမှာ ဒီကေဘီအေ၊ ကေအန်ယူ ငြိမ်းချမ်းရေး ကောင်စီအဖွဲ့၊ ပဒိုအောင်ဆန်း ဘုရားကုန်းအဖွဲ့၊ စောသမူဟဲ ဟောင်သရောအဖွဲ့၊ သံတောင် အထူးဒေသ တောင်နှင့်မြောက် (၂) ဖွဲ့ နှင့် (၁၀၁) အဖွဲ့တို့ ဖြစ်သည်။
ငြိမ်းချမ်းရေးကောင်စီတွင် တပ်ရင်း (၁၀) ရင်းရှိပြီး (၁) ရင်းလျှင် (၃၀) ဦးခန့်ရှိကာ ၎င်းတို့လက်ရှိ လက်နက်ကိုင် အင်အားမှာ (၃၀၀) ခန့် ရှိသည်ဟု သိရသည်။
လက်နက်ကိုင်အင်အားနည်းပါးရခြင်းမှာ နအဖက လက်နက်ဝယ်ယူ စုဆောင်းခွင့်နှင့် တပ်အင်အား တိုးချဲ့ခွင့် မပြုသဖြင့် ဒီကေဘီအေ အဖွဲ့ကဲ့သို့ အင်အားတောင့်တင်းမှု မရှိကြောင်း၊ ဒီကေဘီအေ အဖွဲ့ လက်နက်လူသူ စုဆောင်းမှုကို နအဖက မသိချင်ယောင် ဆောင်ထားပြီး ဒီကေဘီအေနှင့် ကေအန်ယူ ဖြစ်သည့် တိုက်ပွဲများတွင် လိုအပ်သည့် လက်နက် ခဲယမ်း မီးကျောက်နှင့် ရိက္ခာများကို လိုသလောက် ထုတ်ပေးသည်ဟုလည်း မိသားစုဝင် (၄) ဦးနှင့်အတူ ပြန်ဝင်လာသည့် စောလေးမူးက ပြောသည်။
ငြိမ်းချမ်းရေးအဖွဲ့များထံမှ ရရှိသောအချက်အလက်များ အရ နအဖ ဖွဲ့စည်း ပေးမည့် နယ်ခြားစောင့်တပ် တတပ်တွင် ငြိမ်းချမ်းရေး အဖွဲ့ဘက်မှ အရာရှိ (၁၅) ယောက် အပါအဝင် အင်အား (၂၉၆) ယောက်နှင့် နအဖဘက်မှ အရာရှိ (၃) ဦး အပါအဝင် အင်အား (၃၀)၊ စုစုပေါင်း အင်အား (၃၂၆) ယောက် ပါဝင်မည်ဖြစ်ကာ လစာနှင့် အခြား ခံစားခွင့်များကို နအဖမှ ထုတ်ပေးမည် ဖြစ်ပြီး စစ်သင်တန်းကိုလည်း နအဖက ပေးမည်ဟု သိရသည်။
Ref: ခေတ်ပြိုင်
Thursday, May 7, 2009
ဒေါ်အောင်ဆန်းစုကြည် နေအိမ်သို့ အမေရိကန်တဦး ရေကူးသွား
ကြာသပတေးနေ့၊ မေလ 07 2009 10:01 - မြန်မာစံတော်ချိန်
ချင်းမိုင် (မဇ္ဈိမ) ။ ။ အမေရိကန်နိုင်ငံသား Mr. John Willian Yeattaw သည် နေအိမ်အကျယ်ချုပ် ကျခံနေသော ဒေါ်အောင်ဆန်းစုကြည်၏ နေအိမ်ဝင်းသို့ မေလ ၃ ရက် ညပိုင်းတွင် အင်လျားကန်တွင်းမှတဆင့် ရေကူး၍ သွားရောက် နေထိုင်ခဲ့ကာ ၂ ရက်ကြာ နေထိုင်ခဲ့သည်ဟု မြန်မာ့အလင်း သတင်းစာက ရေးသားထားသည်။
မစ္စတာ ဂျွန် ဝီလီယံသည် ဒေါ်ဆောင်ဆန်းစုကြည် နေအိမ်ဝင်းမှ မေလ ၅ ရက်ညပိုင်းတွင် ရေကူး၍ ပြန်ထွက်လာခဲ့သည်ဟု ယနေ့ထုတ် စစ်အစိုးရအာဘော် သတင်းစာက ရေးသားထားသည်။
သို့သော် နောက်တရက်နံနက် ၅း၃ဝ နာရီတွင် အင်ယားကန်အတွင်း ငါးလီတာဝင် ရေသန့်ဗူး အကူအညီဖြင့် ရေကူးနေစဉ် လုံခြုံရေး တပ်ဖွဲ့ဝင်များက သူ့ကို ဖမ်းဆီးရမိခဲ့ခြင်း ဖြစ်သည်ဟု ဆိုသည်။
မစ္စတာ ဂျွန် ဝီလီယံသည် အမေရိကန်ပတ်စ်ပို့ (PP.No-4397677222/28.4.200) ကိုင်ဆောင် ထားသူဖြစ်ပြီး မြန်မာနိုင်ငံသို့ မေလ ၂ ရက်နေ့က ရောက်ရှိခဲ့သည်ဟု ပါရှိသည်။ ဖမ်းဆီး ရမိစဉ်က နိုင်ငံကူး လက်မှတ်နှင့် ကင်မရာတလုံး၊ ခေါက်ပလာယာ တလက်တို့ကိုပါ သိမ်းဆည်း ရမိခဲ့သည် ဆိုသည်။
Ref: မဇ္ဈိမ
မီးစတဖက်၊ ရေမှုတ်တဖက် နအဖရဲ့ စီမံချက် (အပိုင်း-၁)
ဗိုလ်ထက်မင်း
၅ မေ ၂၀၀၉
ဒီအပိုင်းမှာတော့ မြန်မာ့နိုင်ငံရေး၊ စစ်ရေးသမိုင်းကြောင်းတွေမှာ တိုင်းရင်းသား အခွင့်အရေး တန်းတူ ရရှိဖို့ တစိုက်မတ်မတ် အရှည်ကြာဆုံး တိုက်ပွဲဝင်နေတဲ့ ကရင် အမျိုးသား အစည်းအရုံး (ကေအန်ယူ) အပေါ် ထားရှိသော နအဖရဲ့  မူဝါဒတွေနဲ့ အတွင်းရေး ဇာတ်လမ်းတွေ၊ ပြုမူ ဆောင်ရွက်ခဲ့ပုံတွေ၊ ထိပ်ပိုင်း သဘောထား ကွဲလွဲ ခဲ့ပုံတွေကို ဆက်လက် ဖော်ထုတ် တင်ပြသွားပါ့မယ်။
ကေအန်ယူရဲ့ တော်လှန်ရေး သမိုင်းတလျှောက်ကို ကြည့်ရင် စစ်အာဏာရှင် များအား စစ်မြေပြင်တွင် သာမက အစိုးရရုံးစိုက်ရာ ရန်ကုန်မြို့ တော် အထိ တိုက်ရိုက် ခြိမ်းခြောက်နိုင်ခဲ့တဲ့ စစ်ရေးစွမ်းရည် စွမ်းဆောင်မှုတွေ ရှိခဲ့တာ တွေ့ရမှာဖြစ်ပါတယ်။
ဦးနေ၀င်းလက်ထက်တွင် ရန်ကုန်မြို့တော်ရှိ မြန်မာ့ အသံလွှင့်ဌာန အဆောက်အဦးကို ကေအန်ယူ တပ်မဟာ (၇) မှ ကွန်မန်ဒိုများက ပစ်ခတ်နိုင်ခဲ့ပြီး “စိန်ခေါ်နေတဲ့ ဧရာဝတီ” ဆိုတဲ့ ခေတ်ပြိုင်ဂျာနယ် ဆောင်းပါးတပုဒ်တွင် တင်ပြပြီးခဲ့သလို ဧရာဝတီတိုင်း လိုမျိုး အဖြူရောင် နယ်မြေကိုတောင် ကေအန်ယူက ထိုးဖောက် တိုက်ခိုက် နိုင်သည်အထိ ထက်မြက်ခဲ့ပါတယ်။
တပ်မတော်ရဲ့  တိုက်ပွဲကြီးများနဲ့ ပတ်သက်ပြီး စစ်ရုံးရှိ တပ်မတော် လေ့ကျင့်ရေး အရာရှိချုပ် ရုံးရဲ့ သင်ခန်းစာ ဖော်ထုတ် လေ့လာ သုံးသပ်ချက်များ အရ အခက်အခဲဆုံး စံချိန်တင် ထိုက်တဲ့ တိုက်ပွဲတွေထဲမှာ ကေအန်ယူနဲ့ တိုက်ခဲ့တဲ့ မဲသဝေါ၊ ၀မ်ခ (အသစ်၊ အဟောင်း) တိုက်ပွဲကြီးများဟာ ထိပ်ဆုံးက ပါဝင်ခဲ့ပါတယ်။
ဗကပဟာ သမားရိုးကျ စစ်ကို ကျွမ်းကျင်သော်လည်း စစ်တပ်ရဲ့  ဖြတ်လေးဖြတ် နည်းဗျူဟာကြောင့် ကျဆုံး ခဲ့ရပါတယ်။ ကေအန်ယူ အနေနဲ့တော့ မဆုတ်တမ်း ခံစစ် နည်းဗျူဟာကဲ့သို့ သမားရိုးကျ စစ်ရော မိုင်းစစ်ဆင်ရေး အပါအ၀င် ပြောက်ကျားစစ်ပါ ရောမွှေသုံး တိုက်ခိုက်နိုင်ခဲ့တဲ့ အပြင် ကရင်ပြည်သူ လူထုကပါ ထောက်ခံခဲ့တဲ့ အတွက် နအဖရဲ့  ဖြတ်လေးဖြတ် နည်းဗျူဟာ မအောင်မြင်ခဲ့ဘဲ ယနေ့အထိ ရှင်သန် ရပ်တည်နိုင်တာကို တွေ့ရမှာ ဖြစ်ပါတယ်။
ကေအန်ယူဟာ နိုင်ငံတကာ အဖွဲ့အစည်းများနဲ့ ဆက်စပ်ကာ လက်လှမ်းမီ ပေါက်ရောက်ခဲ့သလို ပညာတတ် ပုဂ္ဂိုလ်များစွာလည်း ပါရှိနေပြီး ထိုင်းနိုင်ငံကို အကျိုးကျေးဇူး များစွာ လုပ်ပေးခဲ့ပါတယ်။ ကေအန်ယူ အနေနဲ့ အတိုက်အခံ အဖွဲ့အစည်းများ အားလုံးရဲ့ မှီခိုရာ အရိပ်ဖြစ်ခဲ့ပြီး တော်လှန်ရေးရဲ့  ဗဟို ဟန်ချက် အဖြစ်လည်း ရပ်တည် ပေးခဲ့ပါတယ်။
ဒါ့အပြင် အာရှလမ်းမကြီး ဖောက်လုပ်မှု စီမံကိန်းနဲ့ ဟတ်ကြီး (သံလွင်) ရေအား လျှပ်စစ် စီမံကိန်းအပေါ် ကေအန်ယူရဲ့  ကန့်ကွက်ချက်၊ မဲသရောထ ကြေညာချက် တွေကြောင့် နအဖက ရန်သူ့စာရင်း ပစ်မှတ် အမျိုးအစားထဲမှာ ကေအန်ယူအား ထိပ်ဆုံးနားမှာ သတ်မှတ်ထားခဲ့ ပါတယ်။
ပထမတော့ အမျိုးသားညီလာခံ ကျင်းပခါနီးမှာ စစ်အာဏာရှင် တွေဟာ မဟာဗျူဟာ (Strategy) အရ ကေအန်ယူ အနေနဲ့ နအဖလက်အောက်သို့ ၀င်လာပါက အပစ်ရပ် တိုင်းရင်းသားတွေ အားလုံးရဲ့  legitimacy ထောက်ခံအား ဖြင့် ပြည်တွင်း ထောက်ခံမှု ရနေတဲ့ အန်အယ်လ်ဒီကို နိုင်ငံရေး အပေါ်စီးရယူကာ အပြုတ်“ချ” ဖို့ ကြံရွယ်ခဲ့ပါတယ်။
ဒါ့အပြင် မဟာဗျူဟာ ဒုတိယရည်မှန်းချက်ကတော့ နအဖဟာ ကြည့်လို့ မရဖြစ်နေတဲ့ နယ်စပ်က အတိုက်အခံ အဖွဲ့အစည်းတွေရဲ့  လှုပ်ရှားမှုကို သေသွားအောင်၊ အထီးကျန် ဖြစ်သွားအောင် ကေအန်ယူကို ဆွဲခေါ်ဖို့ ဖြစ်ပါတယ်။
အရင်ကနဦး နအဖအနေနဲ့ မာနယ်ပလောဌာနချုပ်အား သိမ်းလိုက်နိုင်ပြီ ဖြစ်လို့ ကေအန်ယူကို အလွယ်တကူ စည်းရုံးလို့ ရမယ်လို့ ထင်ခဲ့ပါတယ်။ တကယ်တမ်း ဆွေးနွေးကြည့်တော့ ကေအန်ယူဟာ နိုင်ငံရေး ရင့်ကျက်မှုနဲ့ စိတ်ဓာတ် ကြံ့ခိုင်မှုတွေ ရှိနေပြီး စကားလုံး အသုံးအနှုန်း သုံးစွဲပုံ၊ စာလုံး အကျအနက အစ စိစစ်ခဲ့တာကြောင့် နအဖအနေနဲ့ အံ့သြခဲ့ရပါတယ်။
၁၉၉၆ ခုနှစ် ကေအန်ယူနဲ့ နအဖတို့ တတိယအကြိမ် ဆွေးနွေးပွဲ လုပ်ပြီးချိန်မှာ တရားဝင် သတင်း ထုတ်ပြန်ရမယ့် ခေါင်းစဉ်ဖြစ်တဲ့ လက်နက်နဲ့ ငြိမ်းချမ်းရေး စကားလုံး အထူးသဖြင့် လက်နက်ကိုင် လမ်းစဉ် စွန့်လွှတ်ပြီး တရားဥပဒေ ဘောင်ထဲ ၀င်ရောက် လာတယ်ဆိုတဲ့ စကားလုံးအား ပြန်လည် စဉ်းစား ပါရစေအုံးလို့ ဆိုကာ ကေအန်ယူက အချိန်တောင်းဆို ခဲ့ပါတယ်။
လက်နက်ကိုင်လမ်းစဉ် စွန့်လွှတ်ခြင်းဟာ ကရင့်ခေါင်းဆောင် စောဘဦးကြီး မူနဲ့ ဆန့်ကျင်နေပြီး တရား ဥပဒေဘောင်ထဲ ၀င်တယ် ဆိုတာကလည်း နအဖရဲ့  တရားဥပဒေ တွေဟာ မတရားတာကြောင့် အဲဒီလို စဉ်းစားခဲ့တာ မှန်တယ်လို့ ယူဆမိပါတယ်။
အဲဒီနောက် နအဖရဲ့  ငြိမ်းချမ်းရေး အကျိုးတော်ဆောင် ဦးခွန်မြတ်တို့ဟာ ကေအန်ယူနဲ့ နှစ်ဖက် ငြိမ်းချမ်းရေး ပြန်လည် ရစေလိုတဲ့ ဆန္ဒနဲ့ နယ်စပ်သို့ ထွက်လာခဲ့ရာ အတိုက်အခံ အဖွဲ့အစည်း တချို့ က နအဖရဲ့  လှည့်ဖြားမှုကို သိနေလို့ ထောက်ပြကြတဲ့ အတွက် အောင်မြင်မှု မရဘဲ ပြန်သွားခဲ့ရပါတယ်။
အဲဒီအချိန်မှာ ဗိုလ်သန်းရွှေဟာ ကကလှမ်းမှ ဗိုလ်ကျော်ဝင်း၊ ဗိုလ်ကျော်သိန်းနဲ့ အဖွဲ့ကို ထပ်မံခေါ်ယူပြီး ကေအန်ယူ အား မရိုးမသား လှည့်ဖြားလိုကာ တင်းမာတဲ့ သဘောထား မူဝါဒတွေနဲ့ ပြင်ဆင်ချက်တွေ ပေးခဲ့ပြန်ပါတယ်။ အဲဒါကတော့ “ဒီတခါ ကေအန်ယူပြန်လာရင် ယခင်ကလို ကေအိုင်အေ၊ ယူဒဗလျူအက်စ်အေ “၀”နဲ့ ကိုးကန့်တွေလိုမျိုး အဆင့်အတန်းမျိုး မပေးနိုင်တော့ကြောင်း၊ ကေအန်ယူကို အင်အား ချည့်နဲ့စေဖို့ တပ်မဟာ အလိုက် ခွဲထုတ်ဖို့ စည်းရုံး ဖဲ့ထုတ်ဖို့ လိုကြောင်း၊ ကေအန်ယူကို လက်ခံ ခဲ့ရင်တောင် စောသမူဟဲလိုမျိုး လက်နက်ချခိုင်းတဲ့ အခမ်းအနား ပုံစံမျိုး လက်နက်နဲ့ ငြိမ်းချမ်းရေး လဲလှယ်တဲ့ အဆင့်မျိုးလုပ်ရန် လိုကြောင်း” ညွှန်ကြားခဲ့ပါတယ်။
အဲဒီ လက်နက်ချအခမ်းအနားမှာ ကေအန်ယူအလံကို နင်းချေပြီး ဦးကျိုးသွားအောင် လုပ်ခြင်းဖြင့် နိုင်ငံတကာနဲ့ ပြည်တွင်းမှာပါ စောသမူဟဲအား နိုင်ငံရေး သေသွားအောင် ရိုက်ချိုးပြီးမှ ၀င်ခွင့်ပြုခဲ့တာကို တွေ့ရှိရမှာ ဖြစ်ပါတယ်။
ဒါ့အပြင် ဒီကေဘီအေနဲ့ ဖဒိုအောင်ဆန်း၊ စောသမူဟဲ အဖွဲ့တွေကိုလည်း ကေအန်ယူရဲ့ လက်အောက်ခံ အဖြစ် ထားခွင့်ပြုမှာ မဟုတ်တော့ကြောင်း ထည့်သွင်းပြောကြားရာ ဗိုလ်သန်းရွှေ ပြင်ဆင် ညွှန်ကြားလိုက်တဲ့ အဲဒီလို စည်းကမ်း သတ်မှတ်ချက်မျိုးတွေဟာ တင်းမာ ပြင်းထန်တဲ့ စည်းကမ်းချက်တွေ ဖြစ်နေပါတယ်။
ဗိုလ်သန်းရွှေရဲ့  ညွှန်ကြားချက်အရ ကကလှမ်းဟာ တပ်မဟာ (၄) မှူး ဗိုလ်အော်လီဗာနဲ့ တပ်မဟာ (၆) မှူး ဗိုလ်ရွှေဆိုင်း တို့ကို တိုက်ရိုက် ချဉ်းကပ် စည်းရုံး ဖဲ့ထုတ်ဖို့ ကြိုးစား ခဲ့ပြန်ပါတော့တယ်။ ဒါပေမယ့် အဲဒီ တပ်မဟာမှူးတွေ ကတော့ ကေအန်ယူ ခေါင်းဆောင် ဗိုလ်ချုပ်ကြီးမြ အပေါ် သစ္စာရှိကြပြီး ပြတ်သားစွာ ငြင်းဆန်လိုက်တဲ့ အတွက် နအဖဟာ ဗိုလ်ချုပ်ကြီးမြ ကိုပဲ ထပ်မံ စည်းရုံးဖို့ ကြိုးစားရ ပြန်ပါတယ်။
နအဖရဲ့  ပရိယာယ် အခင်းအကျင်းတွေကို အပိုင်း (၂) မှာ ဆက်လက် တင်ပြသွားပါမယ်။
Ref: ခေတ်ပြိုင်
ပအိုဝ်းကိုယ်ပိုင်အုပ်ချုပ်ခွင့်ဒေသကို ပြန်ရုပ်သိမ်းမည်ဟု နအဖ ဗျူဟာမှူး ခြိမ်းခြောက်
ခွန်အောင်မြတ်။
မေလ ၆ ရက်၊ ၂၀၀၉ ခုနှစ်။
ရှမ်းပြည်တောင်ပိုင်းရှိ ပအိုဝ်းအမျိုးသားအဖွဲ့ချုပ်(ပီအဲန်အို) ၏ အထူးဒေသ(၆) ကိုယ်ပိုင် အုပ်ချုပ်ခွင့် ဒေသကို မထိန်းချုပ်နိုင်လျှင် ပြန်ရုပ်သိမ်းမည်ဟု စစ်ဆင်ရေး ကွပ်ကဲမှု ဌာနချုပ် (၇) (စကခ) ဗျူဟာမှူးက ပြောသည်ဟု ပအိုဝ်း အမျိုးသားအဖွဲ့ချုပ် အရာရှိတဦးက ပြောသည်။
ယခု မေလ ၃ ရက်နေ့တွင် ပအိုဝ်းနှင့် ကရင် ပူးပေါင်းတပ်ဖွဲ့တို့သည် စကခ ၇ လက်အောက်ခံ ခမရ ၄၂၆ တပ်ရင်းမှ စစ်ကြောင်းတခုကို ခြူံခိုတိုက်ခိုက်ခဲ့ရာ တဖွဲ့လုံး ကျဆုံးသွားပြီး နောက်ပိုင်းတွင် စကခ (၇) ဗျူဟာမှူး ဗိုလ်မှူးချုပ် မျိုးအေးက ယင်းသို့ ပြောလာသည်ဟု ပီအဲန်အို အရာရှိတဦးက ပြောသည်။
“အခု သူတို့ ဘယ်လိုစိုးရိမ်နေလဲဆိုတော့ ပအိုဝ်းဒေသတွေမှာ သူတို့ တအား စည်းရုံးနေတယ်လေ။ ၂၀၁၀ နီးကပ် နေပြီဆိုတော့။ သူတို့နည်းပရိယာ အမျိုးမျိုး သုံးနိုင်တယ်လေ နော်။ သူတို့ပြောနေတဲ့ စကားကတော့ စကခ (၇) ဗိုလ်မှူးချုပ် မျိုးအေး ကလေ သူပြော နေတာကတော့ ဒီပအိုဝ်း (ပီအဲန်အို) တွေက သူတို့ဒေသကို မထိန်းနိုင်ဘူးလား။ အဲလို ပီအဲန်အိုကို ကြိမ်းမောင်းနေတယ်။ မင်းတို့ဒေသကို မထိန်းနိုင်ရင် အဲဒီ အထူးဒေသကို ပြန်ရုပ်သိမ်းဖို့ လိုနေပြီ။ အဲလို ခြိမ်းခြောက်လာတယ်။”
ဆီဆိုင်မြို့နယ် ဆိုက်ခေါင်နှင့် ဘန်းယဉ်ကြားရှိ ကျေးရွာများကို အခွန်လိုက်ကောက် နေသည့် ခြေမြန်တပ်ရင်း ၄၂၆မှ ဗိုလ်မှူး မျိုးမင်းထွန်း ဦးဆောင်သည့် အင်အား ၁၂ ဦး အဖွဲ့ကို ပအိုဝ်း အမျိုးသား လွတ်မြောက်ရေး တပ်ဖွဲ့နှင့် ကရင်အမျိုးသား လွတ်မြောက်ရေး တပ်မတော်တို့ ပူးပေါင်းပြီး ခြုံခိုက် တိုက်ခိုက်ရာ ဗိုလ်မှူး မျိုးမင်းထွန်း အပါအ၀င် အားလုံးကျဆုံးပြီး လက်နက်ကြီးငယ် ၁၃ လက်ကို သိမ်းဆည်း ရမိသည်ဟု ပီအဲန်အယ်လ်အို က သတင်း ထုတ်ပြန်ခဲ့သည်။
ပီအဲန်အို အရာရှိက မေလ ၄ ရက်နေ့တွင် အရှေ့ပိုင်းတိုင်း စစ်ဌာနချုပ် ဒု-တိုင်းမှူး ဗိုလ်မှူးချုပ် ချစ်ဦးက တိုက်ပွဲ ဖြစ်ပွားသည့် နေရာကို လာရောက်ကြည့်ရှု စစ်ဆေး ခဲ့သည်ဟု ပြောသည်။
“အဲဒီနေရာမှာ နအဖ တပ်ရင်းငါးရင်းနဲ့ လိုက်ရှင်းနေတယ်။ အဲဒီ တပ်ရင်း ငါးရင်းက စကခ (၇) ကလေ။ စကခ ဗျူဟာမှူး ဗိုလ်မှူးချုပ် မျိုးအေး သူက ဘန်းယဉ်မှာ ထိုင်နေတယ် အခု။ သူက အဓိက အဲမှာ ကွပ်ကဲနေတယ်။ ရွာသားတွေ အခြေအနေ ကတော့ အခု သူတို့ ရွာတိုင်းကို ခေါ်ပြီး စစ်ဆေး နေတယ်။”
ပအိုဝ်းအမျိုးသား လွတ်မြောက်ရေးအဖွဲ့ (ပီအဲန်အယ်လ်အို)မှ အထွေထွေ အတွင်းရေးမှူး ဗိုလ်မှူးကြီး ခွန်သူရိန်က မြန်မာစစ်အစိုးရ စကခ ဗျူဟာမှူး ဗိုလ်မှူးချုပ် မျိုးအေးက ပီအဲန်အိုကို ခြိမ်းခြောက် ပြောဆိုသည်မှာ မှန်ကန်ကြောင်း သို့သော် ပီအဲန်အိုအတွက် ထူးခြားမှု တစုံတရာ မရှိနိုင်ကြောင်း ပြောသည်။
“ဘာဖြစ်လို့လဲဆိုတော့ အဲဒီကိုယ်ပိုင်အုပ်ချုပ်ခွင့်ရ ဒေသ ဆိုတဲ့ဟာ သတ်မှတ်ပေးတာ ပြောရရင်တော့ သူတို့ စကခ (၇) စစ်ဒေသ ကွပ်ကဲရေးမှူး တယောက်အနေနဲ့ သတ်မှတ် ပေးတာ မဟုတ်ဘူး။ ရန်ကုန် ညောင်နှစ်ပင် ညီလာခံမှာ ၁၃ နှစ်ကြာအောင်မှ အစည်းအဝေး လုပ်ပြီးတော့မှ ချမှတ်ထားတဲ့ ဟာဖြစ်တယ် ဆိုတဲ့ အချိန်ကျတော့ အဲဒီကိစ္စနဲ့ ပတ်သက်ပြီးတော့ ကျနော်တို့ အမြင်ကတော့ ပီအဲန်အို အနေနဲ့ တုန်လှုပ်လည်း မတုန်လှုပ်နိုင်ဘူး။ တုန်လှုပ်နိုင်စရာ အကြောင်းလည်း မရှိဘူးလို့ ကျနော်တို့ တော့ ဒီလိုပဲ မြင်ပါတယ်။”
ပအိုဝ်းအမျိုးသားအဖွဲ့ချုပ်သည် ဗိုလ်မှူး ခွန်အောင်ခမ်းထီ ဦးဆောင်ပြီး ၁၉၉၁ ခုနှစ်တွင် မြန်မာ စစ်အစိုးရနှင့် အပစ်ခတ် ရပ်စဲရေး လုပ်ထားသည့် အဖွဲ့ဖြစ်သည်။
ပြီးခဲ့သည့် လကုန်ပိုင်းက ကချင်၊ ရှမ်းပြည်မြောက်ပိုင်း၊ ကယားပြည်နယ်ရှိ အပစ်ရပ် အဖွဲ့များကို မြန်မာ စစ်အစိုးရက သီးခြားတွေ့ဆုံပြီး လက်နက်ကိုင် တပ်ဖွဲ့မှ နယ်ခြားစောင့်တပ် ရဲတပ်ဖွဲ့အသွင် ပြောင်းရန် ခေါ်ယူ ဆွေးနွေးချိန်တွင် ပီအဲန်အိုအား ခေါ်ယူဆွေးနွေးခြင်း မရှိသေးဟု သိရသည်။
Ref: Network Media Group
အပစ်ရပ်အဖွဲ့များအားနယ်ခြားစောင့်တပ်ဖွဲ့အသွင်ပြောင်းရန် နအဖပြော၊ ၀ တပ်ဖွဲ့ မကျေ မနပ် ဖြစ်နေ
NEJ / ၆ မေ ၂၀၀၉
တရုတ်-မြန်မာနယ်စပ်တလျှောက်ရှိ နအဖနှင့် အပစ်ခတ်ရပ်စဲရေး ပြုလုပ်ထားသည့် တိုင်းရင်းသား လက်နက်ကိုင် အဖွဲ့များအား နယ်ခြားစောင့် တပ်ဖွဲ့အဖြစ် အသွင်ပြောင်းရန် နအဖ စစ်ဘက် အရာရှိများက ဧပြီ (၂၈) တွင် သီးခြားစီ တွေ့ဆုံခဲ့ရာ အင်အား အဆမတန် လျှော့ချခံရမည့် ၀ ပြည် သွေးစည်းညီညွတ်ရေး တပ်မတော် (ယူဒဗလျူအက်စ်အေ) က မကျေမနပ် ဖြစ်နေသည်။
ရှမ်းပြည်မြောက်ပိုင်း၊ တန့်ယန်းမြို့တွင် စစ်ဘက်ရေးရာ အရာရှိချုပ် ဗိုလ်ချုပ်ရဲမြင့်က ၀ ခေါင်းဆောင်များအား ခေါ်ယူတွေ့ဆုံပြီး ၀ ခေါင်းဆောင်များ အနေဖြင့် နိုင်ငံရေးပါတီ ထောင်ပြီး ရွေးကောက်ပွဲ ၀င်ရန်နှင့် အင်အား (၃) ထောင်အထိ လျှော့ချပြီး နယ်ခြားစောင့် တပ်ဖွဲ့အဖြစ် အသွင်ပြောင်းရန် ပြောဆိုမှုအပေါ် ၀ ခေါင်းဆောင်များ အနေဖြင့် လက်ခံမည် မဟုတ်ကြောင်း ၀ တပ်မှူးတဦးက ပြောသည်၊
၎င်းက “အင်အား (၂) သောင်းကျော် (၃) သောင်းလောက်အထိ ရှိတဲ့ ဒီ တပ်မတော်ကြီးကို သွေးတွေ၊ ချွေးတွေနဲ့ နှစ် (၃၀) ကျော်ကြာ တည်ဆောက် ထားခဲ့တာဗျ။ (၃) ထောင်သာချန်ပြီး ပြည်သူ့စစ်လို လုပ်မယ့် အပေါ်တော့ လက်မခံနိုင်ဘူး။ ကျနော်တို့ ၀ ပြည်နယ် ပြည်သူ့ အစိုးရက လက်ခံမှာ မဟုတ်ဘူး။ အခုထိ ကျနော်တို့ ဗဟိုကော်မတီ တွေလည်း အကြောင်း မပြန်သေးပါဘူး” ဟု ၎င်းက ပြောသည်။
ဝတပ်မဟာ (၁၇၁) အခြေစိုက်ရာ ၀ ပြည် တောင်ပိုင်းနယ်မြေကိုလည်း ၀ ဒေသအတွင်း မထည့်ဘဲ ခွဲထုတ် လိုက်သည့် အပေါ် ၀ပြည် သွေးစည်းညီညွတ်ရေး တပ်မတော်က လက်ခံမည် မဟုတ်ကြောင်း အဆိုပါ ၀ တပ်မှူးက ပြောသည်။
၎င်းက “အခုက ကျနော်တို့ကို ကေအန်ယူကို သွေးခွဲသလိုမျိုး လုပ်နေတာ။ (၁၇၁) ဆိုတာ ကျနော်တို့ တပ်မဟာပဲ။ ဗဟိုတခုတည်း ရှိပါတယ်။ ကျနော်တို့ အနေနဲ့ အလံနှစ်လက် ကိုင်ထားတယ်။ ပထမ အလံက ငြိမ်းချမ်းရေးပဲ။ ဒုတိယကတော့ ၀ ပြည်ကို ကာကွယ်ရေးပဲ။ ကျနော်တို့က သူတို့ကို အရင် စမတိုက်ဘူး။ ဒါပေမယ့် ကိုယ့်နယ်မြေကို ထိပါးလာရင် ခုခံ ကာကွယ်ပိုင်ခွင့်ဟာ ကျနော်တို့ အခွင့်အရေးပဲ” ဟု ဆက်လက်ပြောသည်။
အလားတူ ကိုးကန့်အဖွဲ့၊ ရှမ်းပြည်အရှေ့ပိုင်းအထူးဒေသ (၄)၊ ဦးစိုင်းလင်း ဦးဆောင်သည့် မိုင်းလားအဖွဲ့၊ ရှမ်းပြည် တပ်မတော် မြောက်ပိုင်းအဖွဲ့၊ ကချင်ပြည် ဒီမိုကရေစီသစ် တပ်မတော်နှင့် ကချင်ပြည် လွတ်လပ်ရေး အဖွဲ့ များအား ကျိုင်းတုံ၊ တန်ယန်း၊ မြစ်ကြီးနားတို့တွင် စစ်တိုင်မှူးများနှင့် စစ်ဘက် အရာရှိများက ဧပြီ (၂၈) ရက်၌ သီးခြားစီ ခေါ်ယူတွေ့ဆုံပြီး နယ်ခြားစောင့် တပ်ဖွဲ့စည်းရန် ပြောဆိုခဲ့သည်။
ကချင်ပြည်လွတ်လပ်ရေးအဖွဲ့ (ကေအိုင်အို) မှ ဥက္ကဋ္ဌ ဦးဇောင်းဟရား ဦးဆောင်သည့် အဖွဲ့နှင့် မပခ တိုင်းမှူး ဗိုလ်မှူးချုပ် စိုးဝင်းတို့ မေ (၂၈) ရက်၌ မြစ်ကြီးနားတွင် တွေ့ဆုံခဲ့ပြီး ၎င်းတို့အနေဖြင့် မေလကုန်ပိုင်းတွင် မြစ်ကြီးနားသို့ ကိုယ်စားလှယ် လွှတ်ကာ ထပ်မံ ဆွေးနွေးရန် ရှိကြောင်း ကေအိုင်အို ဗဟိုကော်မတီဝင် ဗိုလ်မှူးကြီး ဂွမ်မော်က ပြောဆိုပြီး အသေးစိတ် ပြောဆိုရန်ကိုမူ ငြင်းဆိုသည်။
“တပ်မတော်အစိုးရအနေနဲ့ နောင်တက်လာမယ့် အရပ်သား အစိုးရကို ငြိမ်းချမ်းရေး လက်နက်ကိုင် အဖွဲ့တွေနဲ့ ပတ်သက်ပြီး ရှင်းပြဖို့၊ လိုအပ်တဲ့ဟာ ဆောင်ရွက်ဖို့ သူတို့မှာ တာဝန်ရှိပါတယ်။ ဥပမာ လက်နက်ကိုင် အဖွဲ့တွေကို ဘယ်လိုထားမယ်၊ ဘယ်လို ဖွဲ့စည်းမယ်ဆိုတာကို စဉ်စားဖို့ လိုတယ်လို့ ပြောတာပါ။ ဆွေးနွေးတဲ့ အဆင့်ထိ မရောက် ပါဘူး။ မေလနောက်ဆုံး၊ မေလ မကုန်မီမှာ ဆွေးနွေးတဲ့ခါ ဒါတွေ ဆွေးနွေးလိမ့်မယ်လို့ မျှော်လင့်ပါတယ်။ ကျနော်တို့အနေနဲ့ ဒါကို လေးလေးနက်နက် ဆွေးနွေးသွားမှာပါ” ဟု ဗိုလ်မှူးကြီး ဂွမ်မော်က ပြောသည်။
၁၉၈၉ ခု မတ်လတွင် ကိုးကန့်တိုင်းရင်းသားများက ဗမာပြည် ကွန်မြူနစ်ပါတီမှ ခွဲထွက်ပြီး အပစ်ခတ် ရပ်စဲရေး စတင် ပြုလုပ်ချိန်မှစ၍ တရုတ်-မြန်မာ နယ်စပ်တလျှောက်ရှိ တိုင်းရင်းသား လက်နက်ကိုင် အဖွဲ့များ ဆက်တိုက် ဆိုသလို စစ်အစိုးရနှင့် အပစ်ခတ် ရပ်စဲရေးပြုလုပ်ကာ ဒေသအတွင်း လက်နက် ကိုင်ဆောင်ပြီး တပ်ဖွဲ့အဖြစ် ရပ်တည်ခွင့်၊ စီးပွားရေးလုပ်ခွင့်၊ ဒေသ ဖွံ့ဖြိုးရေး လုပ်ငန်းများ လုပ်ခွင့် ရရှိ ခဲ့ကြသည်။
Ref: ခေတ်ပြိုင်
Posts
