မျိုးသန့်၊ ကျော်ခ |
သောကြာနေ့၊ မေလ ၂၇ ရက် ၂၀၁၁
ချင်းမိုင် (မဇ္ဈိမ) ။ ။ အတိုက်အခံခေါင်းဆောင် ဒေါ်အောင်ဆန်းစုကြည်သည် ရန်ကုန်မြို့ အပြင်ဘက်သို့ ခရီး ထွက်ရန် ပြင်ဆင်လျက် ရှိရာ အစိုးရသစ်ကို စမ်းသပ်ချက် တခု ဖြစ်လာမှာ ဖြစ်သည်။
သြဂုတ်လသို့မဟုတ် နောက်ပိုင်းမှသာ ခရီး ထွက်နိုင်မည်ဟု ယူဆရပြီး၊ ဒေါ်အောင်ဆန်းစုကြည် အထိန်းသိမ်း ခံမှ လွတ်မြောက် ပြီးနောက် ပထမဆုံး ဖြစ်လာမည့် ခရီးစဉ်နှင့် ပတ်သက်၍ အမျိုးသား ဒီမိုကရေစီ အဖွဲ့ချုပ် NLD ခေါင်းဆောင်များက ယခုထိ ထုတ်ဖော် ပြောဆိုခြင်း မပြုသေးပေ။ သို့သော် ဧရာဝတီတိုင်း ဘက်သို့ စတင်မည်ဟု ပါတီတွင်း သတင်းရပ်ကွက် အချို့က မဇ္ဈိမကို ပြောသည်။
ဤအတိုင်းသာ ဟုတ်မှန်ခဲ့သော် သူ၏နိုင်ငံရေးကို မှတ်ကျောက်တင်ပေးခဲ့သည့် နေရာ တခုကို သွားရောက်ခြင်း၊ သို့မဟုတ် မအောင်မြင် ခဲ့သည့် ခရီးကို တတိယ အကြိမ်မြောက် ကြိုးစားသည့် ခရီးစဉ် ဖြစ်လာမည်။
၁၉၈၉ ဧပြီ ၅ ရက်နေ့က ကွယ်လွန်လေပြီးသော NLD ဒုဥက္ကဋ္ဌ ဦးကြည်မောင်နှင့် ဧရာဝတီတိုင်း စည်းရုံးရေး ခရီးထွက်ရာ ဓနုဖြူတွင် စစ်တပ်က ဟန့်တားခဲ့သည်။ ပစ်ခတ်ရန် အသင့် အနေအထား နောက်ဆုံး မိနစ်ကျမှ ပစ်မိန့် ပြန်လည် ရုပ်သိမ်းခဲ့သည်။ အခင်း ဖြစ်ချိန်တွင် တည်တည်ငြိမ်ငြိမ်နှင့် သူရင်ဆိုင် ခဲ့ပုံက မြန်မာ့ နိုင်ငံရေးတွင် ပြောစမှတ် တွင်ရစ်သည်။
၁၉၈၉ ခုနှစ်နှင့် ၁၉၉၈ ခုနှစ်များတွင် ဧရာဝတီတိုင်းဘက်သို့ သွားရောက် ခဲ့သော်လည်း လမ်းခုလတ်တွင် အာဏာပိုင် များက ပိတ်ဆို့ ဟန့်တားခဲ့သည်။
ဒေါ်အောင်ဆန်းစုကြည်၏ အင်လျားကန်စောင်း တက္ကသိုလ် ရိပ်သာလမ်း နေအိမ် သတင်းစာ ရှင်းလင်းပွဲ အတွင်း သတင်းထောက် တဦး၏ အမေးကို "တလ၊ နှစ်လလောက် ကျရင်တော့ သွားဖြစ်မယ်လို့ မျှော်လင့်တယ်။ အခု နည်းနည်း အလုပ်တွေ၊ ရန်ကုန်က အလုပ်တွေ ပြီးအောင်တော့ တခါထဲ ကြိုးစားပြီး အမြန်ဆုံး ပြီးအောင်တော့ လုပ်နေတယ်။ ဒါပေမဲ့ အလုပ် ကြွေးတွေက နည်းနည်း များနေတော့" ဟု သူက ပြန်ဖြေခဲ့သည်။
ကြံ့ခိုင်ဖွံ့ဖြိုးရေးပါတီ လူမှုရေးအဖွဲ့ပုံစံ ရှိနေသည့်ကာလ ၂ဝဝ၃ ခုနှစ် မေ ၃ဝ ရက်နေ့တွင် တုတ်၊ ဓား လက်နက် ကိုင်ဆောင် ထားသူများက ဦးတင်ဦး၊ ဒေါ်အောင်ဆန်းစုကြည်နှင့် ထောက်ခံသူများကို အကွက်ချ အကြမ်းဖက် တိုက်ခိုက်ခဲ့သည်။ နောက်ဆက်တွဲ အဖြစ် နေအိမ် အကျယ်ချုပ် ၆ နှစ်ကျော် ကျပြန်သည်။
အခုတဖန် ခရီးထွက်မည်ဟုဆိုပြန်ရာ ပါတီဒုဥက္ကဋ္ဌ ဦးတင်ဦး အပါအဝင် ထိပ်တန်း ခေါင်းဆောင်များ အကြား သူ၏ လုံခြုံရေး အတွက် စိုးရိမ် နေကြပြန်သည်။
"အစိုးရတာဝန်ယူထားတဲ့ ပုဂ္ဂိုလ်တွေက ပြည်သူလူထုရဲ့ လုံခြုံရေးကို တာဝန်ယူရမယ့် တာဝန် ရှိနေတာပဲဗျာ။ အဲဒီတော့ အစွမ်းကုန်၊ အထက်မြက်ဆုံး၊ အန္တရာယ် အကင်းရှင်းဆုံး သူတို့ တာဝန်ယူရမှာပေါ့။ တာဝန်ယူရမယ့် ကိစ္စက သူတို့ တာဝန်ပဲလေ” ဟု ဦးတင်ဦးက ဆိုသည်။
ဒေါ်အောင်ဆန်းစုကြည်၏ ရုံးအဖွဲ့မှူးဖြစ်သူ အသက် ၇ဝ နှစ်အရွယ်ရှိ စစ်တပ် အရာရှိဟောင်း ဦးဝင်းထိန်က “ဘာလက်နက်မှ ပါတဲ့လူတွေ မဟုတ်ဘူး။ အဲဒါမျိုးကြုံလာရင် ကျနော်တို့ ဘက်က ခံဖို့ပဲရှိတယ်။ ခံဖို့လည်း မကြောက်လို့ လိုက်သွား ကြတာပေါ့ဗျာ” ဟု ကြုံခဲ့ရသည့် အဖြစ်အပျက်များကို နှိုင်းယှဉ်ရင်း ပြောပြသည်။
သို့သော် ယခုတဖန် ခရီးထွက်မည်လျှင် “ဒီတခါသွားလို့ ကျနော်လိုက်မယ် ဆိုရင် အရင်ကလို သွက်သွက် လက်လက်နဲ့ မလုပ်ကိုင် ပေးနိုင်မှာဘဲ အားမလို အားမရ ဖြစ်မိတာ။ ကျန်တာကတော့ မစိုးရိမ်ပါဘူး” ဟု ဦးဝင်းထိန်က ဆက်ပြောသည်။
ဘိုကလေးမြို့ဇာတိဖွား မတူကွဲပြားခြားနှင့် ငြိမ်းချမ်းရေးပါတီ အတွင်းရေးမှူး ဦးနေမျိုးဝေကမူ ဒေါ်အောင်ဆန်းစုကြည်
ကျေးလက် အရောက် ခရီး ထွက်သင့်သည်ဟု ယူဆသည်။
“အစိုးရဘက်က ဝန်ကြီးတယောက်လာရင်လည်း အောက်က အဆင်ပြေအောင် ပြောဖို့ စဉ်းစားတယ်။ NLD ဘက်က သွားရင်လည်း တိုင်းအဆင့်က ဆင်းလာရင် မြို့နယ်အဆင့်က အဆင်ပြေအောင် ပြောတယ်။ အဲဒါကြီးက အကျင့်ပါနေပြီဗျ။ အဲဒါက မရတော့ဘူး၊ ရွာအထိသွား” ဟု သူက ပြောသည်။
သို့သော် ထိုင်းနိုင်ငံအခြေစိုက် မြန်မာ့အရေးလေ့လာသူ ဦးအောင်သူငြိမ်းက အစိုးရဘက်မှ တုံ့ပြန်မှု မကောင်းမည်ကို စိုးရိမ်နေသည်။
“ဒေါ်အောင်ဆန်းစုကြည် လွတ်လာကတည်းက ရန်ကုန်မှာပဲ ရှိနေတယ်။ လူထုနဲ့ ထိတွေ့တယ် ဆိုတာကလည်း ရေဒီယို ကပဲ ထိတွေ့ရတာကိုး။ အခုလို အချိန်မှာ တကယ်လို့ နယ်ထွက်မယ်ဆိုရင် အရင်လိုပဲ ထောက်ခံမှု ရှိနိုင်တယ်။ လူတွေက အများကြီး ပြုံပြီးတော့ လိုက်လာဦးမယ်။ လိုက်လာတဲ့ အခါမှာလည်း အာဏာပိုင်တွေ အတွက် စိုးရိမ်စရာ အများကြီး ဖြစ်လာပါလိမ့်ဦးမယ်။ ဒီပဲယင်း ဖြစ်ရပ်ကို ပြန်ကြည့်ရင် သူတို့က (အာဏာပိုင်တွေ) ဘာဖြစ်ဖြစ် လုပ်မယ်ဆိုတဲ့ အနေအထားမျိုး တွေ့ပါတယ်” ဟု ဦးအောင်သူငြိမ်းက ပြောသည်။
“တကယ်လို့ ထွက်မယ်ဆိုရင် ရည်မှန်းချက်က ဘာလဲ၊ ဒါတွေကို သေချာစဉ်းစားပြီးမှလုပ်ရင် ပိုကောင်းတယ်” ဟု ဆိုသည်။
ဒီပဲယင်းအရေးအခင်းအတွင်း ဒေါ်အောင်ဆန်းစုကြည် လိုက်ပါလာသည့် ကားကို မောင်းနှင်ခဲ့သည့် မန္တလေးမြို့နေ ကိုကျော်စိုးလင်း ကလည်း စိုးရိမ်နေသည်။
“ဒီအချိန်မှာက သိပ်ပြီးတော့ လုံခြုံမှု မရှိသေးဘူးလို့ ကျနော်က မြင်ပါတယ်။ ဘာဖြစ်လို့လဲ ဆိုတော့ နောက်တက်တဲ့ အစိုးရလည်း အရင် အစိုးရပဲလို့ ကျနော်က ယူဆတယ်လေ။ အဲဒါကြောင့် ကျနော်က သိပ်ပြီးတော့ အယုံအကြည် မရှိဘူး။ အရင် အစိုးရနဲ့ အခုအစိုးရဟာ အတူတူပဲလို့ ကျနော်က မြင်တဲ့ အပေါ်မှာ နောက်ထပ် ဒီပဲယင်းလို အဖြစ်မျိုးလည်း မဖြစ်ဘူးလို့ ပြောလို့မရဘူး” ဟု ကိုကျော်စိုးလင်းက ပြောသည်။
သူက "ကျနော်တို့လည်း အနီးကပ်ကြည့်တာပဲ။ ဒါပေမဲ့ ဒီလိုပဲ ဝင်ပြီးတော့ ရမ်းကား သွားတာပဲလေ။ ကျနော်တို့က လက်ဗလာနဲ့ ဆိုတော့ ထိခိုက် ဆုံးရှုံးနစ်နာမှုတွေ ရှိတာပေါ့ဗျာ” ဟု လုံခြုံရေး အနေအထားကို ပြောသည်။
ကြံ့ဖွံ့အဖွဲ့ကို စောင့်ကြည့်လေ့လာခဲ့ပြီး စာအုပ်ပြုစုခဲ့သည့် ပြည်ပအခြေစိုက် အတိုက်အခံ ဒီမိုကရေစီနှင့် ဖွံ့ဖြိုး တိုးတက်ရေး အင်အားစု NDD ဥက္ကဋ္ဌ ဒေါ်ခင်ဥမ္မာကလည်း လုံခြုံရေး အတွက် အစိုးရတွင် တာဝန်ရှိသည်ဟု မြင်သည်။
“ကျမတို့ခေါင်းဆောင်က ကိုယ့်ပြည်သူတွေနဲ့ သွားတွေ့ဖို့၊ ထိတွေ့ဖို့ သူနဲ့တခြား NLD ခေါင်းဆောင်တွေ ဆုံးဖြတ်ပြီးတော့ လုပ်တာ ဖြစ်တဲ့ အတွက် ကျမတို့ အနေနဲ့ ဘာမှပြောစရာ မရှိပါဘူး။ ဒါပေမဲ့ လုံခြုံရေးကတော့ လက်ရှိ အာဏာပိုင်တွေ လက်ထဲမှာ အပြည့်အဝ ရှိတယ်” ဟု သူက ပြောသည်။
NLD မှ ခွဲထွက်ခဲ့ကာ ၂ဝ၁ဝ ရွေးကောက်ပွဲဝင်ခဲ့သည့် အမျိုးသားဒီမိုကရေစီ အင်အားစု NDF ပါတီမှ ဦးခင်မောင်ဆွေ ကတော့ ခရီးထွက်ခြင်း အပေါ် မှတ်ချက်ပေးရန် ငြင်းဆိုလိုက်ပြီး၊ ဒေါ်အောင်ဆန်းစုကြည် အနေဖြင့် လွှတ်တော်တွင်း၊ လွှတ်တော်ပြင်ပ နိုင်ငံရေး လုပ်ငန်းများတွင် အကြံဉာဏ်များ မျှဝေပေးနိုင်ပါက ပြည်သူလူထု အတွက် အကျိုး ရှိနိုင်မည်ဟု ဆိုသည်။
Ref: မဇ္ဈိမ
Monday, May 30, 2011
အစိုးရကို စမ်းသပ်မယ့် ဒေါ်စု နယ်ထွက်ခရီး
Tuesday, March 22, 2011
စစ်မှုထမ်းစနစ်၏ အကျိုးအပြစ်
ဦးအောင်ခင် & မညိုညိုလွင်
သောကြာ, 18 မတ် VOA
နိုင်ငံသားကို စစ်မှုထမ်းခိုင်းတာဟာ နိုင်ငံအချင်းချင်း စစ်ခင်းတဲ့ ရှေ့ ဓလေ့ တခု ဖြစ်ပါတယ်။ ဥရောပမှာ အမျိုးသား နိုင်ငံတွေ တည်ထောင်စဉ်က အမျိုးသားစိတ် ရှိလာအောင် လူတိုင်း စစ်မှုထမ်းရတဲ့ စနစ်ကို ကျင့်သုံးကြပါတယ် စစ်မှုထမ်းတယ် ဆိုတာဟာ အစိုးရ ခိုင်းသမျှ လုပ်ကိုင် ရတာမို့ အစိုးရ ကိုယ်စား လုပ်ရသလို ဖြစ်နေတာကြောင့် စစ်မှုထမ်းခိုင်းတဲ့ စနစ်ရဲ့  အကျိုး အပြစ်တွေကို ဆွေးနွေးလာတာ ကြာပါပြီ။ နိုင်ငံအချင်းချင်း စစ်ဖြစ်ချိန်မှာ သုံးတဲ့ စနစ်ကို အမြဲတမ်း မသုံးသင့်ဘူးလို့ သုံးသပ်တာမျိုးတွေ ရှိပါတယ်။
ဒါကြောင့် ဘာကြောင့်လို့ စစ်မှုမထမ်းမနေရ စနစ် ကျင့်သုံးတယ် ဆိုတာကို လေ့လာ သုံးသပ်ကြပါတယ်။ စစ်သား စုဆောင်းရတာ ခက်ခဲတဲ့ အတွက် နိုင်ငံခြားနဲ့ စစ်ဖြစ်ချိန်လောက်ပဲ စစ်မှု ထမ်းခိုင်းတာ များပါတယ်။ ဒါပေမဲ့ ရိက္ခာ ထုတ်လုပ်တဲ့ လယ်သမားကို စစ်တိုက်ခိုင်းရင် ရိက္ခာ ရှားပါး နိုင်တာမို့ စစ်ဖြစ်နေချိန် မှာတောင် စစ်မှုထမ်း ကင်းလွတ်ခွင့် ပေးထားတာမျိုး ရှိပါတယ်။ ဗမာ့ စစ်မှုထမ်း ဥပဒေမှာ လယ်သမားကို ကင်းလွတ်ခွင့် ပေးထားတာ မတွေ့ရပါဘူး။ အလုပ်လက်မဲ့ များတဲ့ တိုင်းပြည်မှာ စစ်မှု ထမ်းခိုင်းရင် အလုပ်လက်မဲ့ ဦးရေ နည်းပါး သွားနိုင်ပြီး အလုပ်လက်မဲ့ နည်းတဲ့ နေရာမှာ စစ်မှု ထမ်းခိုင်းရင်တော့ အလုပ် လုပ်နိုင်တဲ့ လူငယ်တွေရဲ့  အခွင့်အလမ်းကို ဆုံးရှုံး စေတယ်လို့ သုံးသပ် ကြပါတယ်။
လူတိုင်းပါဝင်တဲ့ စစ်တပ်ဟာ လူတန်းစားနဲ့ လူမျုိုးစုပေါင်းစုံကို ပေါင်းစပ်တဲ့နေရာ ဖြစ်လာတဲ့ အတွက် နိုင်ငံတည် ဆောက်ရာမှာ အရေးကြီးတဲ့ အခြေခံ အုတ်မြစ် ဖြစ်လာတယ်လို့ မြင်တာမျိုးလည်း ရှိပါတယ်။ လူတိုင်း စစ်မှုထမ်းတဲ့ စနစ်ကြောင့် ဒေသစွဲနဲ့ လူမျိုးစွဲ စိတ်ဓါတ်နည်းပါးသွားနိုင်ပါတယ်။ စစ်မှုထမ်းစနစ်ကြောင့် အစိုးရကို သစ္စာရှိတဲ့ တခုတည်းသော အမျိုးသားအသွင်လက္ခဏာကို ဖော်ဆောင် နိုင်တယ်လို့ဆိုပါတယ်။ အစိုးရတပ်မှာ စစ်မှုထမ်းသူဟာ လူမျိုးရေး စိတ်ဓါတ် နည်းပါး သွားနိုင်ပါတယ်။ ဒီအမြင်နဲ့ ကြည့်ရင် နိုင်ငံသားတိုင်း စစ်မှု ထမ်းခိုင်းတာဟာ အမျိုးသား စည်းလုံးရေး လမ်းစဉ်လို ဖြစ်နေပါတယ်။ ဒါကြောင့် သီးခြား တိုင်းရင်းသား လက်နက်ကိုင် အဖွဲ့ကို စစ်အစိုးရက မလိုလားတာ ဖြစ်ပုံရပါတယ်။
လူတိုင်းစစ်မှုထမ်းတဲ့ စစ်တပ်ဟာ လူထုနဲ့ နီးစပ်ပြီး ဆန္ဒအလျောက် ဖွဲ့စည်းတဲ့ အမြဲတမ်း တပ်ဟာ လူထုနဲ့ ကင်းကွာတယ်လို့ သုံးသပ်တာမျိုး ရှိပါတယ်။ ဒီနေရာမှာ စစ်မှုထမ်း အဖြစ် အသက် မွေးဝမ်းကျောင်း လုပ်သူနဲ့ စစ်မှုထမ်း ဥပဒေကြောင့် စစ်ထဲ ရောက်လာသူ ဆိုပြီး နှစ်မျိုးနှစ်စား ရှိပါတယ်။ နိုင်ငံကို လိုက်ပြီး စစ်မှုထမ်း ဥပဒေအရ စစ်ထဲ ရောက်လာသူ ဦးရေ အနည်းအများ ကွာခြား ပါတယ်။ လိုချင်တဲ့ စစ်သားဦးရေကများပြီး စစ်ထဲ ဝင်ချင်သူ နည်းရင် စစ်မှုထမ်း ဥပဒေ ပြဋ္ဌာန်းပြီး အမိန့်နဲ့ စစ်သား စုဆောင်း တတ်ပါတယ်။ အမေရိကန် အမျိုးသား စီးပွားရေး သုတေသနဌာန (NBER -) က ပညာရှင် နှစ်ဦး က ၂၀၀၅ ခုနှစ် ထုတ်ဝေတဲ့ စာတမ်းအရ ဆိုရင် နိုင်ငံ (၆၀) ကျော်ကို လေ့လာတဲ့အခါမှာ ပုံမှန် စစ်တပ်မှာ ဆန္ဒ အလျောက် တပ်ထဲ ဝင်သူက (၅၀) ရာခိုင်နှုန်း စစ်မှုထမ်း ဥပဒေကြောင့် စစ်တပ်ထဲ ရောက်လာသူက (၅၀) ရာခိုင်နှုန်း ရှိတယ်လို့ ဆိုပါတယ်။ ဗမာ စစ်အစိုးရကလည်း အမြဲတမ်း စစ်တပ်ကို အားဖြည့်ဖို့ ရည်ရွယ်ပြီး စစ်မှုထမ်း ဥပဒေကို ပြဋ္ဌာန်း လိုက်တာ ဖြစ်ပုံရပါတယ်။
အရွယ်ရောက်သူတိုင်း စစ်မှုထမ်းရမယ်ဆိုပေမယ့် ဖွံ့ဖြိုးစ နိုင်ငံတွေမှာတော့ လာဘ်ပေး နိုင်သူဟာ ကင်းလွတ်ခွင့် ရကြပါတယ်။ စစ်မှုမထမ်း မနေရလို့ ဆိုပေမယ့် စစ်တပ်က ခွင့်ပြုမှ စစ်မှု ထမ်းနိုင်တာပါ။ ဥပမာ - ဆေးစစ်တာ မအောင်ရင် စစ်မှု မထမ်းနိုင်ပါဘူး။ တောင်ကိုရီးယားမှာ ကျန်းမာရေး အဆင့်မမီလို့ စာရေး အလုပ်နဲ့ ရဲသား အလုပ်သာ လုပ်ရသူတွေ ရှိပါတယ်။ ဒါတောင် စစ်မှုထမ်းဖို့ ပျက်ကွက်သူ တထောင်နီးပါး မနှစ်က အဖမ်း ခံလိုက်ရပါတယ်။ ဆင်းရဲသားကသာ စစ်မှု ထမ်းကြပါတယ်။ ပညာနည်းတဲ့ ဆင်းရဲသား အဖို့ကတော့ စစ်မှုထမ်းရတာ အလုပ်အကိုင် ရရှိသွားတဲ့ သဘော ဖြစ်ပါတယ်။ ပညာတတ် လူငယ်ဟာ စစ်တပ်ထဲ မဝင်ချင်ပါဘူး။ စစ်မှုထမ်းရလို့ မိမိကိုယ်မိမိ သတ်သေတာမျိုးတွေ ထိုင်ဝမ်မှာ ရှိပါတယ်။ ဒါကြောင့် အတင်းအကျပ် စစ်မှု ထမ်းခိုင်းတဲ့ အစိုးရကို မကျေနပ် သူများတာ တွေ့ရပါတယ်။
လူ့အခွင့်အရေး ခေတ်စားလာတဲ့အခါမှာ မိမိယုံကြည်ချက်ကြောင့် စစ်မှု မထမ်းချင်သူကို ကင်းလွတ်ခွင့် ပေးပါတယ်။ ဒီလို ပုဂ္ဂိုလ်ကို Conscientious Objector လို့ ခေါ်ပြီး ဥရောပ နိုင်ငံတွေမှာ အသိအမှတ်ပြု ထားပါတယ်။ ဘာသာရေး၊ နိုင်ငံရေး၊ နဲ့ လူမှုရေး အကြောင်းကြောင့် စစ်မှု မထမ်းချင်တဲ့ ပုဂ္ဂိုလ်တွေကို အခြားအလပ်တွေ လုပ်ခိုင်းပါတယ်။ တောင်ကိုရီးယားနဲ့ ထိုင်ဝမ်မှာလည်း ယုံကြည်ချက်ကြောင့် စစ်မှု မထမ်းနိုင်သူတွေကို အသိအမှတ် ပြုပါတယ်။ ဒီလိုဖြစ်နိုင်အောင် စစ်မှုထမ်းမှ ကင်းလွတ်ခွင့် ဥပဒေကို ပြဋ္ဌာန်းဖို့ လိုပါတယ်။
ငယ်စဉ်က စစ်မှုထမ်းဖူးသူဟာ လူကြီးဖြစ်လာတဲ့အခါမှာ ရာဇဝတ်မှု ကျူးလွန်ဖို့ အလားအလာ များကြောင်း လေ့လာ တွေ့ရှိ ထားပါတယ်။ တောင်အမေရိကတိုက် အာဂျင်းတီးနား နိုင်ငံမှာ လူတိုင်း စစ်မှုထမ်းခိုင်းတဲ့ စနစ် ကျင့်သုံးပုံကို ပညာရှင် (၃) ဦးက လေ့လာ ဆန်းစစ်ပြီး ၂၀၀၉ မေလမှာ စာတမ်း ထုတ်ဝေပါတယ်။ စစ်မှု ထမ်းခိုင်းတဲ့ အတွက် လူငယ်တွေမှာ စည်းကမ်း ရှိ တာဝန်သိ လာတာရှိသလို၊ လက်နက် အားကိုးပြီး အကြမ်းဖက် အနိုင်ယူတဲ့ အကျင့်ဆိုးလည်း စွဲကပ် လာပါတယ်။ အထူးသဖြင့် လက်နက်ကိုင်ပြီး ရာဇဝတ်မှု ကျူးလွန်မယ့် အလားအလာဟာ စစ်သား လူထွက်မှာ ပိုများကြောင်း အာဂျင်တီးနား နိုင်ငံက စစ်မှုထမ်း စနစ်ကို လေ့လာပြီး သုံးသပ် တင်ပြထားတာကို တွေ့ရပါတယ်။
Ref: VOA News
Posts
