2012-02-12
စစ်မှန်တဲ့ ပြည်ထောင်စုစနစ်ပေါ်ပေါက်ရေးအတွက် ပင်လုံစိတ်ဓာတ်ခိုင်မာဖို့ လိုအပ်တယ်လို့ အမျိုးသား ဒီမိုကရေစီ အဖွဲ့ချုပ် NLD က ဒီကနေ့ ကျရောက်တဲ့ (၆၅)နှစ်မြောက် ပြည်ထောင်စုနေ့ အထိမ်းအမှတ် ကြေညာချက်မှာ တိုက်တွန်း လိုက်ပါတယ်။
အမျိုးသားပြန်လည်ရင်ကြားစေ့ရေးနဲ့ ပြည်တွင်းငြိမ်းချမ်းရေးအတွက် ပင်လုံစိတ်ဓါတ် ရှင်သန်ဖို့ အမှန်တကယ် လိုအပ် နေတယ်လို့လည်း ထောက်ပြ ထားပါတယ်။
ရွှေဂုံတိုင် ပါတီ ရုံးချုပ်မှာ ဒီကနေ့ မနက်ပိုင်းက ကျင်းပတဲ့ ပြည်ထောင်စုနေ့ အခမ်းအနားမှာ ပါတီ ဥက္ကဌ ဒေါ်အောင်ဆန်းစုကြည်က ပြည်ထောင်စု စိတ်ဓာတ် ရှင်သန်ရေး အတွက် သဘောထားကြီးဖို့ အရေးကြီးတယ် လို့လည်း ပြောပါတယ်။ ဒါ့အပြင် စစ်မှန်တဲ့ ပြည်ထောင်စုနိုင်ငံ ထူထောင်နိုင်ဖို့ အတွက် တိုင်းရင်းသား အားလုံးနဲ့အတူ လက်တွဲလုပ်ဆောင် သွားမယ်လို့လည်း ပြောပါတယ်။
အမျိုးသားဒီမိုကရေစီအဖွဲ့ချုပ် ပြည်ထောင်စုနေ့အခမ်းအနားကို ပါတီဝင်တွေနဲ့ အတူ ဖိတ်ကြားထားတဲ့ ဧည့်သည်တော် တွေလည်း တက်ရောက် ခဲ့ကြပါတယ်။ ။
Ref: RFA News
Monday, February 13, 2012
ပင်လုံစိတ်ဓာတ် ခိုင်မာဖို့ NLD တိုက်တွန်း
Subscribe to:
Post Comments (Atom)
Posts
0 comments:
Post a Comment