ပစ်ခတ်မှုကြောင့် ဆီးရီယား အစိုးရဆန့်ကျင်ရေး ဆန္ဒပြသူ ၃ ဦး သေဆုံး

တနင်္ဂနွေ, 17 ဧပြီ 2011

ဆီးရီးယားနိုင်ငံက အစိုးရဆန့်ကျင် ဆန္ဒပြသူမှုတွေအတွင်း သေဆုံးသွားသူတွေရဲ့ ဈာပန အခမ်းအနား တခုမှာ လက်နက် ကိုင်ဆောင်ထားတဲ့ လူတစုက သေနတ်နဲ့ ပစ်ခတ်ခဲ့ တာကြောင့် အနည်းဆုံး ၃ ယောက် သေဆုံးပြီး ဒါဇင်နဲ့ချီ ဒဏ်ရာ ရသွားခဲ့ပါတယ်။ ဟွမ်စ် (Homs) မြို့လယ်ခေါင်နားမှာ တနင်္ဂနွေနေ့က ဖြစ်ခဲ့တဲ့ ဒီပစ်ခတ်မှုဟာ ဘယ်သူတွေရဲ့ လက်ချက်ဖြစ်တယ် ဆိုတာကို ချက်ချင်း ကွဲကွဲပြားပြား မသိနိုင်ခဲ့ပေမဲ့ မျက်မြင် သက်သေတွေ ကတော့ အဲဒီ သေနတ်သမားတွေဟာ ဆီရီးယား လုံခြုံရေး တပ်ဖွဲ့တွေ ဖြစ်တယ်လို့ ဆိုပါတယ်။

မနေ့က တနင်္ဂနွေနေ့မှာ ကျရောက်တဲ့ ဆီးရီးယားနိုင်ငံရဲ့ လွတ်လပ်ရေးနေ့ ဆန္ဒပြပွဲအတွင်း ဆီရီးယား ပြည်သူ ထောင်ပေါင်း များစွာက တိုင်းပြည်တွင်းမှာ လွတ်လပ်မှုတွေ ပိုရှိလာဖို့ အတွက် လှည့်လည် ဆန္ဒပြနေစဉ် အတွင်း အခုလို အကြမ်းဖက်မှုတွေ ဖြစ်ပေါ် လာခဲ့တာဖြစ်ပါတယ်။

ဆီရီးယားနိုင်ငံတောင်ပိုင်းက ဆူဝေဒါမြို့မှာဆိုရင် ဆန္ဒပြသူရာပေါင်းများစွာက “ဘုရားသခင်၊ ဆီရီးယား နဲ့ လွတ်လပ်ရေး” ဆိုပြီး ကြွေးကြော် သံတွေကို ကြွေးကြော် ခဲ့ကြပါတယ်။ တချိန်တည်းမှာပဲ ပင်လယ်ကမ်းခြေမြို့ ဖြစ်တဲ့ ဘနိုင်းရားစ်မြို့မှာ ဆန္ဒပြသူ ထောင်ပေါင်း များစွာဟာ အစိုးရဆန့်ကျင်တဲ့ စာတန်းတွေနဲ့ လှည့်လည် ဆန္ဒပြခဲ့ကြပါတယ်။

ဆီရီးယားသမ္မတ ဘက်ရှာ အလ် အာဆဒ်က ဆယ်စုနှစ်ပေါင်းများစွာ ပြဌာန်းထားတဲ့ တိုင်းပြည်ရဲ့ အရေးပေါ် ဥပဒေကို တပတ်အတွင်း ရုပ်သိမ်းပေးမယ်လို့ ကတိပေးခဲ့ပေမဲ့ တက်ကြွ လှုပ်ရှားသူတွေက အင်တာနက် လူမှုရေး ကွန်ယက် ၀က်ဘ်ဆိုက်ဒ်တွေကို အသုံးပြုပြီးတော့ ဆီရီးယားပြည်သူတွေကို အစိုးရအပေါ် ဆန့်ကျင် ဆန္ဒပြမှုတွေလုပ်ဖို့ လှုံ့ဆော်နေကြပါတယ်။

Ref: VOA News