တရုတ်စီးပွားရေး ကျဆင်း ကမ္ဘာ့ဘဏ် ခန့်မှန်း

25 November 2008

ရှေ့နှစ် တရုတ်ပြည်ရဲ့ စီးပွားရေးတိုးတက်မှုဟာ ၁၉၉၀ ပြည့်နှစ်နောက်ပိုင်း အနိမ့်ဆုံးဖြစ်လိမ့်မယ်လို့ ကမ္ဘာ့ဘဏ်က ဟောကိန်းထုတ်လိုက်ပါတယ်။

၂၀၀၇ ခုနှစ် စီးပွားရေးတိုးတက်မှု ခန့်မှန်းခြေကို ကမ္ဘာ့ဘဏ်က ဒီနေ့ ထုတ်ပြန်လိုက်တဲ့ နေရာမှာ ကမ္ဘာ့ငွေကြေး အကျပ် အတည်းကြောင့် တရုတ်စီးပွားရေး တိုးတက်မှု ၇.၅% အထိ နိမ့်သွား လိမ့်မယ်လို့ ဆိုထားပြီး ဒီနှစ်တိုးတက်မှုကတော့ ၉.၄% အထိရှိနေပါတယ်။

ဒေါ်လာ ထရီလီယံပေါင်းများစွာ သုံးစွဲပြီး စီးပွားရေးနိုးထမှု အစီအစဉ်တရပ်ကိုလည်း တရုတ်ပြည်က ကြေညာထားပြီး ဖြစ်ပါတယ်။
တနင်္လာနေ့မှာ ဗြိတိန်နိုင်ငံက ငွေကြေးအကျပ်အတည်း တွန်းလှန်ရေး စီးပွားရေးနိုးထမှု အစီအစဉ်တရပ်ကို ထုတ်ပြန်ကြေညာလိုက်ပြီး အမေရိကန်နိုင်ငံကတော့ ယိုယွင်းနေတဲ့ မိမိတို့ရဲ့ ငွေကြေးစနစ် ပြန်လည်ပြင်ဆင်ရေး ရှေ့ဆက်တိုးပြီး လုပ်ဆောင်သွား စရာတွေ အများကြီး ရှိနေသေးတယ်လို့ ဆိုထားပါတယ်။

ဗြိတိန်နိုင်ငံမှာ လူတွေ သုံးစွဲလာနိုင်ရေးအတွက် ဒေါ်လာ ဘီလီယံ ၃၀ အစီအစဉ်တရပ်ကို ဘဏ္ဍာရေးဝန်ကြီးက ကြေညာလိုက်ပြီး ရှေ့နှစ်စီးပွားရေး ၁.၂၅% လောက်အထိ လျော့သွားနိုင်ကြောင်းလည်း ခန့်မှန်းပြောဆိုသွားပါတယ်။

အမေရိကန် ဘဏ္ဍာရေးဌာနနဲ့ ဗဟိုဘဏ်တို့က အမေရိကန် စားသုံးသူများအတွက် ငွေချေးမှုအစီအစဉ်တရပ် ဒီနေ့ ထုတ်ပြန် ကြေညာဖွယ်ရှိပြီး အမေရိကန် Wall Street စတော့ခ်ဈေးကွက်ရဲ့ ဂယက်ကြောင့် ဒီနေ့ အာရှမှာလည်း စတော့ခ်ဈေးများ တက်သွား ပါတယ်။

Ref: VOA News