မောင်ထက်မွန်
ဖေဖေါ်ဝါရီလ ၈ ရက် ၂၀၁၃
လစ်လပ်နေတဲ့ သာသနာရေးဝန်ကြီးဌာန ၀န်ကြီး အဖြစ် ဧရာဝတီတိုင်းမှ လွှတ်တော် ဥက္ကဋ္ဌ ဦးဆန်းဆင့်ကို ခန့်အပ်ဖို့ ၂၀၁၃ ခုနှစ်၊ ဇန်န၀ါရီလ ၂၂ ရက်နေ့မှာ သမ္မတ ဦးသိန်းစိန်က လွှတ်တော်ကို သ၀ဏ်လွှာပေးပို့ ခဲ့တဲ့အတွက် ပြည်ထောင်စု လွှတ်တော်က ဇန်န၀ါရီလ ၃၁ ရက်နေ့မှာ အတည်ပြုပေးခဲ့ပါတယ်။
ဒါပေမဲ့ ဦးဆန်းဆင့်ကို လွှတ်တော်ဥက္ကဋ္ဌ အဖြစ်နဲ့ သက်တမ်းကုန်တဲ့အထိ ဧရာဝတီ တိုင်းမှာပဲ ဆက်ထားပေးဖို့ ဦးဆန်းဆင့်ရဲ့မဲဆန္ဒနယ်မြေဖြစ်တဲ့ ရေကြည်မြို့နယ် အပါအ၀င် ကျုံပျော်၊ ကန်ကြီးထောင့်၊ ငပုတော၊ ပုသိမ်၊ ငွေဆောင် စတဲ့ဒေသတွေက လယ်သမားတွေ၊ ရေလုပ်သားတွေ၊ ဒေသခံပြည်သူ ၇,၀၀၀ ကျော်က ဇန်န၀ါရီလ ၂၉ ရက်၊ အင်္ဂါနေ့မှာ လက်မှတ်ရေးထိုး တောင်းဆိုခဲ့ကြပါတယ်။
ကျုံပျော်မြို့နယ်က လယ်သမားတွေနဲ့တွေ့ဆုံရာမှာ ဦးဆန်းဆင့်က - “ ကျနော့်ကို လူကြီးအားလုံး နီးပါးက ပြည်ထောင်စု အဆင့် တာဝန် ထမ်းဆောင်ဖို့ လက်ခံ လိုက်ပါလို့ တိုက်တွန်းပါတယ်။ ကျနော် နှစ်သက်တာ ကတော့ အာဏာကို ရရှိတဲ့ အုပ်ချုပ်ရေး အာဏာနဲ့ ဆောင်ရွက်တဲ့ခေါင်းဆောင် မဖြစ်ချင်ပါဘူး။ ကျနော်တို့ မဲဆန္ဒနယ်ပြည်သူတွေရဲ့၊ ကျနော်တို့ တိုင်းဒေသကြီး ပြည်သူတွေရဲ့ ဆန္ဒနဲ့ဆောင်ရွက်တဲ့ခေါင်းဆောင် ဖြစ်ချင်တာ အမှန်ပါပဲ။
အဲတော့ ပြည်သူအများစုက ဒီမှာပဲလုပ်ပါ ဆိုရင် ကျနော် ဒီမှာပဲ လုပ်ပါမယ်။ ဒါမှမဟုတ် ပြည်ထောင်စု အဆင့်မှာ သင့်တော်ပါတယ် လို့ ပြည်သူက သဘောတူရင် ပြည်သူ့ ဆန္ဒအတိုင်း ကျနော် လုပ်ပါ့မယ်” လို့ သူ့ရဲ့ သဘောထားကို ထုတ်ဖော်ပြောဆို ခဲ့ပါတယ်။
အခုလို သမ္မတ ဦးသိန်းစိန်က ဦးဆန်းဆင့်ကို ဧရာဝတီတိုင်း လွှတ်တော် ဥက္ကဋ္ဌ နေရာမှ သာသနာရေး ၀န်ကြီးဌာန ၀န်ကြီး အဖြစ် ပြောင်းရွှေ့ တာဝန်ထမ်းဆောင်စေလိုတဲ့ အပေါ် ဝေဖန်သံ စကားတွေလည်း ထွက်ပေါ် လာခဲ့ပါတယ်။
၂၀၁၂ ခုနှစ် အတွင်းက ဧရာဝတီတိုင်းမှ လွှတ်တော် ဥက္ကဋ္ဌ ဦးဆန်းဆင့်နဲ့ တိုင်းဝန်ကြီးချုပ် ဦးသိန်းအောင်တို့ ကြားမှာ ပဋိပက္ခဖြစ်ခဲ့ ဖူးတာကြောင့် ကြံ့ဖွံ့ပါတီဝင် စစ်ဗိုလ်ချုပ်ဟောင်းများ အချင်းချင်းကြားမှာ နောက်ထပ်ပြဿနာတွေ ပေါ်မလာနိုင်အောင် လူခွဲထုတ်တဲ့ သဘောနဲ့ ဦးဆန်းဆင့်ကို ဧရာဝတီတိုင်းက ဆွဲထုတ်ပြီး၊ ပြည်ထောင်စု အဆင့် ၀န်ကြီးအဖြစ် ကန်တင် လိုက်တာ ဖြစ်တယ်လို့ မြန်မာ့ နိုင်ငံရေး စောင့်ကြည့်လေ့လာသူ တဦးက ဆိုပါတယ်။
သမတ ဦးသိန်းစိန် ဦးဆောင်တဲ့ အရပ်သားတပိုင်း အစိုးရအဖွဲ့နဲ့ လွှတ်တော်အတွင်းမှာ ဗိုလ်ချုပ် ပြုတ်တွေ၊ လက်ရှိ ဗိုလ်ချုပ်တွေနဲ့ ကြံ့ဖွံ့ပါတီတို့က ကြီးစိုး လွှမ်းမိုးထားတဲ့ ဟန်ပြ ဒီမိုကရေစီ ခေတ်ကြီးထဲမှာ ဦးဆန်းဆင့် လို တိုင်းလွှတ်တော် ဥက္ကဌ ဘ၀မှာ ပြည်သူဘက်က ရပ်တည်ပြီး၊ မဟုတ် မခံ တုန့်ပြန်တတ်သူ တဦးကို ပြည်ထောင်စု ၀န်ကြီးတပါး အဖြစ်သို့ တိုးမြှင့် ရွှေ့တင် လိုက်တာဟာ ၂၀၁၂ အောက်တိုဘာ ၁၄ ရက် ညီလာခံမှာ ကြံ့ဖွံ့ပါတီ ဒု-ဥက္ကဌ ဖြစ်လာသူ ဦးဌေးဦး ရဲ့ပယောဂ မကင်းနိုင်ဘူးလို့ သုံးသပ်နေကြသူတွေလည်း ရှိပါတယ်။
သွားလေသူ တပ်ချုပ်ကြီးက တိုင်းဒေသကြီးနဲ့ ပြည်နယ်အစိုးရ ၀န်ကြီးချုပ်နေရာတွေ အားလုံးမှာ တပ်မတော်မှ တိုင်းမှူးဟောင်း ကြံ့ဖွံ့ပါတီဝင် ဗိုလ်ချုပ်ပြုတ်တွေကို နေရာချထားပေးခဲ့တာကြောင့် “ဖွတ် မိချောင်းဖြစ် မြစ် မချမ်းသာ” ဆိုသလို ဖြစ်ခဲ့ရပါတယ်။
အပြောင်းအလဲတွေ စတင် လုပ်ဆောင်နေပါပြီ လို့ သမတ ဦးသိန်းစိန်က ပြောနေပေမဲ့လည်း ဧရာဝတီတိုင်း အတွင်းက ပြည်သူ လူထုတွေမှာတော့ တိုင်းဝန်ကြီးချုပ် ဦးသိန်းအောင်နဲ့ တိုင်းအစိုးရ အဖွဲ့ရဲ့ အုပ်ချုပ်မှု စီမံခန့် ခွဲမှုအောက်မှာ ရှားခဲအင်း ပဋိပက္ခ၊ ကျုံပျော်ပိုင် လှည်းဆိပ် အင်းပြဿနာ အပါအ၀င် သက်ဆိုင်ရာတွေ လက်ဝါးရိုက်ပြီး လက်ဝါကြီး အုပ်ကာ ထင်သလို လုပ်စားနေကြတဲ့ အင်းကိစ္စတွေ၊ အဓမ္မ မြေယာ သိမ်းခံရတဲ့ ကိစ္စတွေ၊ လ၀က ၀န်ထမ်း တချို့ရဲ့ အနိုင်ကျင့် ငွေတောင်းခံရမှုတွေ၊ မတရား အဖမ်းခံရသူ ခံရ၊ အဆမတန် ဒဏ်ရိုက်ခံရသူ ခံနေရတဲ့ တရား စီရင်ရေးဆိုင်ရာ ပြဿနာတွေ၊ မြို့ရွာလုံခြုံရေးနဲ့ တရားဥပဒေ စိုးမိုးရေးကို ထိထိရောက်ရောက် မဆောင်ရွက်ပေးတဲ့ တိုင်းရဲ တပ်ဖွဲ့မှူးရဲ့ စီမံ ခန့်ခွဲမှုပြဿနာတွေကို နဖူးတွေ့ ဒူးတွေ့ ကြုံတွေ့ခဲ့ရပြီး ဒုက္ခဆင်းရဲ မျိုးစုံကို ခံစားနေကြရပါတယ်။
ဒါကြောင့် ၂၀၁၂ ခုနှစ်၊ တနှစ်လုံး ဧရာဝတီတိုင်းအတွင်းမှာ တိုင်း အစိုးရရဲ့ ဖိနှိပ်ခံရသူ ပြည်သူတွေရဲ့ ဆန္ဒပြပွဲတွေနဲ့ သောသောညံ နေရတာဖြစ်ပါတယ်။
“ ကံဆိုးမ သွားရာ မိုးလိုက်လို့ ရွာ ” ဆိုတဲ့ စကားနဲ့ အညီ ၂၀၁၂ ခုနှစ် သြဂုတ်လအတွင်း ဧရာဝတီ တိုင်းဒေသကြီးမှာ ရေကြီးနစ်မြုပ်မှုတွေ ဖြစ်ပေါ်ခဲ့ပါတယ်။ မြို့နယ် (၂၁) မြို့နယ် ရေမြုပ်ပြီး (၈)မြို့နယ်မှာတော့ ဆိုးဆိုးဝါးဝါး ရေကြီး နစ်မြုပ်မှုတွေ ဆုံးရှုံးမှုတွေ ဖြစ်ခဲ့ပါတယ်။ ရေဘေး ဒုက္ခသည် ပြည်သူတွေကို သြဂုတ်လ ၂၅ ရက်နေ့မှာ လွှတ်တော်ဥက္ကဋ္ဌ ဦးဆန်းဆင့်နဲ့ လွှတ်တော် ကိုယ်စားလှယ်တွေက သွားရောက် ဖေးမ ကူညီ ဆောင်ရွက်ပေးခဲ့ကြပါတယ်။ ဒေသ အတွင်း ဖြစ်ပေါ်နေတဲ့ အင်းပြဿနာတွေ အတွက် ဘုံ ငါးဖမ်းကွက် အဖြစ် ရေချိုငါးဖမ်းဥပဒေကို ဧရာဝတီ တိုင်းဒေသကြီး လွှတ်တော်က ပြဋ္ဌာန်းပေးခဲ့ ပါတယ်။ တိုင်း အစိုးရ အဖွဲ့ရဲ့အုပ်ချုပ်ရေး စီမံခန့်ခွဲရေး ဌာနတွေနဲ့ ပြည်သူတွေ အကြားမှာ ပြဿနာ ကြီးထွားနေတဲ့ နယ်မြေတွေ ဆီသို့ လွှတ်တော် ကော်မတီတွေ စေလွှတ်ကာ ကွင်းဆင်းလေ့လာ စုံစမ်းမှုတွေ ပြုလုပ်ပြီး၊ လူထုနစ်နာမှုတွေ မကျေနပ်မှုတွေကို အချိန်နှင့်တပြေးညီ ဖြေရှင်း ဆောင်ရွက်ပေးဖို့ ဥပဒေကိုဖောက်ဖျက် ကျူးလွန်တဲ့ ဌာနဆိုင်ရာများကို အရေးယူဖို့ ကိစ္စရပ်တွေကို လွှတ်တော်မှာ အဆိုတင် ဆုံးဖြတ်ပြီး၊ တိုင်း အစိုးရကို လွှဲအပ်ဆောင်ရွက်စေခဲ့ပါတယ်။
“ ကျွန်တော် ဧရာဝတီတိုင်းသား စစ်စစ်ပါ။ ထို့အတူ ကျွန်တော်တို့ လွှတ်တော် ကိုယ်စားလှယ် များဟာလည်း ဧရာဝတီ တိုင်းသားများ ဖြစ်ပါတယ်။ မိမိ တိုင်းဒေသသားများ ယခုလို ဒုက္ခ ကြုံတွေ့နေရ ချိန်မှာ ကျွန်တော်တို့တတွေ ကူညီဖေးမစောင့်ရှောက် ရတာဟာ ကျွန်တော်တို့တွေရဲ့ ကိုယ့်တိုင်းဒေသအပေါ်မှာ ထားရှိတဲ့ မိသားစုစိတ်ဓါတ်၊ မိသားစု တာဝန်ဝတ္တရားပဲ လို့ ကျနော် ခံယူပါတယ်။ ” လို့ ဦးဆန်းဆင့် က ပြောဆိုခဲ့ပါတယ်။
အခုလို ကြံ့ဖွံ့ပါတီဝင် စစ်ဗိုလ်ချုပ်ဟောင်းများ ဖြစ်ကြတဲ့ တိုင်းလွှတ်တော်ဥက္ကဌနဲ့ တိုင်းအစိုးရ ၀န်ကြီးချုပ်တို့ အကြား တင်းမာမှုတွေ ရှိနေတဲ့အပေါ် ကြံ့ဖွံ့ပါတီ ဗဟို အထွေထွေ အတွင်းရေးမှူး ဦးဌေးဦးက ပါတီ ဦးစီးချုပ်ကိုင်မှုနဲ့ ၀င်ရှင်းရာမှာ ပြေလည်မှုမရဘဲ၊ ပိုမို ရှုပ်ထွေးမှုတွေ ပေါ်ပေါက် လာကာ ဗိုလ်ချုပ် ဟောင်း (၃) ဦးရဲ့ အာဏာပြိုင်ပွဲ ပမာ ဖြစ်လာခဲ့ပါတယ်။ ဦးဆန်းဆင့် ကလည်း လွှတ်တော်အပေါ် အစိုးရ၊ ပါတီနဲ့ ဌာနဆိုင်ရာ များရဲ့ဖိအားပေးမှုတွေ ရှိနေကြောင်း တိုင်းဒေသကြီး လွှတ်တော်မှာကျင်းပတဲ့ သတင်းစာရှင်းလင်းပွဲမှာ ထုတ်ဖော်ပြောဆို ခဲ့ပါတယ်။ “ အင်းနားနေ အင်းရေသောက် ဆိုတဲ့ ရှေးဆိုရိုး စကား ပျောက်အောင် ” လူထုအပေါ် နှိပ်စက်ခဲ့တာတွေကြောင့် ကျွန်တော်တို့လွှတ်တော်ကို ရင်ဖွင့်လာတဲ့ စာတွေကို အစိုးရ အဖွဲ့သို့ အချိန်မီဆောင်ရွက်နိုင်ရန် အကြောင်းကြားပေမဲ့။ လူထုထံက တိုင်စာတွေသာ ထပ်ထပ် တက်လာ တာ တွေ့ရပါတယ်။”
“ လွှတ်တော်က ဥပဒေကို ထမ်းပြီး ပြည်သူ့အကျိုးစီးပွားက လွဲ၍ မည်သည့်အကျိုးကိုမျှ ငဲ့ကွက် စရာ မလိုပါဘူး၊ ဥပဒေပြုပေးလိုက် တဲ့ လွှတ်တော်က မိမိ ဥပဒေကို ထိန်းသိမ်းရမှာပဲ ဆိုတာ ရှင်းလင်းလိုပါတယ် ”
“ လွှတ်တော်ကိုယ်စားလှယ် အဖြစ် အရွေးခံရပြီ ဆိုကတည်းက ယင်း လွှတ်တော်ကိုယ်စားလှယ် ကို ပြည်သူက ပိုင်သွားပြီ ဖြစ်ပါတယ်။ လွှတ်တော်တွင်း ဆောင်ရွက်မှု များဟာ ပြည်သူ့အတွက်ပဲ ဖြစ်ရပါမယ်၊ ပြည်သူတို့စေခိုင်းရာကိုပဲ ဆောင်ရွက်ပေးရမှာ ဖြစ်ပါတယ် ”
“ ပါတီဝင်ဖြစ်လို့ လွှတ်တော်ကိုယ်စားလှယ်ဖြစ်လို့ ၀န်ကြီးချုပ်ဖြစ်လို့ ဆိုပြီး ပါတီကို ငဲ့ညှာတာ လုပ်ရင် ပြည်သူကို ကျေးဇူးကန်းရာ ရောက်သွားနိုင်ပါတယ်” လို့ ဦးဆန်းဆင့်က သူ့ရဲ့ ရပ်တည်ချက် သဘောထားတွေကို ထုတ်ဖေါ်ပြောဆို ခဲ့ပါတယ်။
ဦးဆန်းဆင့်ဟာ စစ်ရာထူးခန့်ချုပ် ဒုတိယဗိုလ်ချုပ်ကြီး အဖြစ်နဲ့ တပ်မတော်မှာ တာဝန်ထမ်း ဆောင်ခဲ့သူ ဖြစ်ပြီး၊ နအဖ စစ်အစိုးရရဲ့ တပ်မတော် ထိပ်ပိုင်းခေါင်းဆောင်များ ထဲမှာ အပါအ၀င် ဖြစ်ခဲ့သူ ဖြစ်ပါတယ်။ ဒါပေမဲ့ ဧရာဝတီတိုင်း လွှတ်တော် ဥက္ကဋ္ဌ ဖြစ်လာချိန်က စလို့ မဲဆန္ဒရှင် ပြည်သူတွေရဲ့ သစ္စာကို စောင့်သိပြီး ဧရာဝတီ တိုင်းဒေသကြီးရဲ့ လွှတ်တော် ဥက္ကဋ္ဌ တာဝန်ကို အကောင်းဆုံး ဆောင်ရွက်ခဲ့တာကြောင့် ဧရာဝတီတိုင်းမှ ပြည်သူတွေရဲ့ အားကိုး ယုံကြည်မှုနဲ့ အတူ လေးစားချစ်ခင်မှုကို ပြန်လည် ရရှိလာသူ ဖြစ်ပါတယ်။
ဒါကြောင့် ဦဆန်းဆင့်ကို စံနမူနာ ပုံခိုင်းပြီး၊ သမတဦးသိန်းစိန် ဦးဆောင်တဲ့ အစိုးရ အဖွဲ့နဲ့ လွှတ်တော်တွင်းမှ အငြိမ်းစား ဗိုလ်ချုပ်ကြီးများ၊ တပ်မတော်မှ ဗိုလ်ချုပ်ကြီးများ အပါအ၀င် မြန်မာ့ တပ်မတော်သား အားလုံး ပြည်သူချစ်တဲ့ မြန်မာ့ တပ်မတော် ဘ၀သို့ ပြန်လည် ရောက်ရှိနိုင်အောင် ပြည်သူ့အရေး အလေးထားကာ ပြည်သူ့အကျိုးကို ဦးထိပ်ပန်ဆင် ဆောင်ရွက်ကြဖို့ လိုပြီ ဖြစ်ကြောင်း တင်ပြလိုက်ရပါတယ်။
Read More...
Collapse...
2013-02-07
ကိုမင်းကိုနိုင် ဦးဆောင်တဲ့ ၈၈မျိုးဆက်ကျောင်းသားများ အဖွဲ့ဟာ ငြိမ်းချမ်းရေးနဲ့ ပွင့်လင်း လူ့အဖွဲ့အစည်း ဖော်ဆောင်ရေး ခရီးစဉ် အဖြစ် ပြည်မြို့၊ မြို့သစ်မြို့နဲ့ တောင်တွင်းကြီးမြို့ ကို ဖေဖေါ်ဝါရီလ ၇ ရက်နေ့ ဒီကနေ့ သွားရောက်ခဲ့ ပါတယ်။
ဒေသခံပြည်သူတွေအနေနဲ့ မတရားမှုတွေကို ဖော်ထုတ်တဲ့ လှုပ်ရှားမှုတွေ အဆက်မပြတ် ရှိဖို့ လိုတယ်လို့ တောင်တွင်းကြီးမြို့ မောင်တိုင် (၂) ရပ်ကွက်၊ တိုက်သစ်ကျောင်းတိုက်မှာ ကျင်းပတဲ့ တောင်တွင်းကြီး လူထုတွေ့ဆုံပွဲမှာ ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်က တိုက်တွန်းခဲ့ပါတယ်။
"ကျွန်တော်တို့ ပြည်သူလူထုတွေဘက်က တွေ့ဆုံဆွေးနွေးပွဲတွေကို တတ်နိုင်သမျှ လုပ်ရ ပါလိမ့်မယ်၊ လှုပ်ရှားမှုတွေ အဆက်မပြတ် ရှိနေရမယ်၊ ကျွန်တော်တို့ဟာ ဆေးကုခံရမယ့် တိုင်းပြည်အတွက် ဘယ်နေရာမှာ နာနေတယ်၊ ဘယ်နေရာမှာ ကိုက်နေတယ်၊ ဘယ်နေရာမှာ ကျိုးနေတယ်၊ ဘယ်နေရာမှာ အနာဖြစ်နေတယ်ဆိုတာ ကျွန်တော်တို့ ပြောမှသိမှာလေ"
၈၈မျိုးဆက်ကျောင်းသားများအဖွဲ့နဲ့ တောင်တွင်းကြီး ဒေသခံတွေ တွေ့ဆုံဖို့အတွက် တောင်တွင်းကြီး မြို့တော်ခန်းမကို အသုံးပြုခွင့်ပေးဖို့ ဒေသခံ အာဏာပိုင်တွေဆီကို နှစ်ပတ်ကျော်ကြာ ကြိုတင် ခွင့်တောင်းခဲ့ပေမယ့် အာဏာပိုင်တွေ ဘက်က ခွင့်မပြုခဲ့ဘူးလို့ သိရပါတယ်။
၈၈မျိုးဆက်ကျောင်းသားခေါင်းဆောင်တွေဟာ ဒီကနေ့ ပြည်မြို့မှာ ညအိပ် ရပ်နားပြီး မနက်ဖြန်မှာတော့ ကြို့ပင်ကောက်မြို့နဲ့ လက်ပံတန်းမြို့တွေကို သွားရောက်ပြီး ဒေသခံလူထုတွေနဲ့ တွေ့ဆုံမှာဖြစ်ပါတယ်။
Ref: RFA News
Read More...
Collapse...
2013-02-07
အာရှဒေသမှာ ကြားခံအဖြစ် အဓိကချိတ်ဆက်နိုင်မယ့် ဟံသာဝတီ အပြည်ပြည်ဆိုင်ရာ လေဆိပ် သစ်ကြီး တစ်ခုကို ရန်ကုန်မြို့နဲ့ မိုင် ၅၀ ခန့် အကွာမှာ နိုင်ငံခြား ရင်းနှီးမြှုပ်နှံမှုနဲ့ အခုနှစ်အတွင်း စတင် တည်ဆောက်ဖို့ ကုမ္ပဏီ ၇ ခုကို လေလံတွေ စတင် ချထားတော့မယ်လို့ ပို့ဆောင်ရေး ၀န်ကြီးဌာန အကြီးတန်း အရာရှိ တစ်ဦးက RFA ကို ဖေဖေါ်ဝါရီလ ၇ ရက်နေ့ ဒီကနေ့မှာ ပြောကြားပါတယ်။
ဟံသာဝတီ အပြည်ပြည်ဆိုင်ရာလေဆိပ်ဟာ မင်္ဂလာဒုံ လေဆိပ်ထက် ၁၀ ဆနီးပါး ကြီးမားမှာဖြစ်ပြီး၊ စင်ကာပူက ချန်ဂီ အပြည်ပြည်ဆိုင်ရာ လေဆိပ်၊ ထိုင်းနိုင်ငံက သုဝဏ္ဏ ဘူမိလေဆိပ်ကြီးတွေလိုပဲ ခရီးသည်တွေနဲ့ ကုန်စည် ပို့ဆောင်ရေး အတွက် အာရှဒေသ တွင်းမှာ အရေး ပါလာမှာဖြစ်တယ်လို့ လေကြောင်းပို့ဆောင်ရေး ညွှန်ကြားမှု ဦးစီးဌာန၊ ဒုတိယ ညွှန်ကြားရေးမှူးချုပ် ဦးဝင်းဆွေထွန်းက ပြောလိုက်တာပါ။
မင်္ဂလာဒုံ အပြည်ပြည်ဆိုင်ရာလေဆိပ်ဟာ ဧရိယာအားဖြင့် ၁၀၀၂ ဧက ကျယ်ဝန်းပြီး၊ တစ်နှစ်ကို ခရီးသည် ၂ ဒသမ ၇ သန်းလောက် အ၀င်အထွက်ပြုလုပ်နိုင်တယ်လို့ သိရပါတယ်။ မြန်မာနိုင်ငံမှာ အကြီးဆုံးဖြစ်လာမယ့် ဟံသာဝတီ အပြည်ပြည်ဆိုင်ရာလေဆိပ်ကြီးကတော့ ဧကပေါင်း ၉၆၀၀ ကျော်ကျယ်ဝန်းပြီး၊ တစ်နှစ်ကို ခရီးသည် ၁၂ သန်းလောက် ကိုင်တွယ်နိုင်မယ်လို့ သိရပါတယ်။
အဲဒီ့လေဆိပ်ကြီးကို အခုနှစ် နှောင်းပိုင်းလောက်မှာ စတင်တည်ဆောက်ဖို့ မျှော်မှန်း ထားပြီး၊ ၂၀၁၇ ခုနှစ်ဆန်းပိုင်းမှာ လုပ်ငန်းတွေ စတင် လည်ပတ်နိုင်လိမ့်မယ်လို့ သိရပါတယ်။
Ref: RFA News
Read More...
Collapse...
ဖနိဒါ
ကြာသပတေးနေ့၊ ဖေဖေါ်ဝါရီလ ၀၇ ရက် ၂၀၁၃
ချင်းမိုင်(မဇ္စျိမ)။ ။ တနှစ်ကျော်ကြာ ရပ်ဆိုင်းထားသော မြစ်ဆုံ စီမံကိန်းရှိ တရုတ်လျှပ်စစ် ဓါတ်အား ရင်းနှီးမြှုပ်နှံမှု ကော်ပိုရေးရှင်း( CPI) က စက်ပစ္စည်းများကို ပြီးခဲ့သည့် လကုန်ပိုင်းမှ စတင်၍ တရုတ်နိုင်ငံသို့ ပြန်လည် သယ်ယူနေ သည်ဟု ဒေသခံများနှင့် ကချင် လူမှုဖွံ့ဖြိုးရေးကွန်ယက် (KDNG) က ပြောသည်။
၂၀၁၁ ခုနှစ် စက်တင်ဘာလတွင် သမ္မတ ဦးသိန်းစိန်က မြစ်ဆုံစီမံကိန်းအား ရပ်ဆိုင်းထားရန် ကြေငြာခဲ့သော်လည်း CPI ၀န်ထမ်းများမှ ဆက်လက် နေထိုင်ခဲ့သည်။ ထို့နောက် ယခုနှစ် ဇန်နဝါရီလ လယ်ပိုင်းမှစတင်ကာ ဆထုံး - ကန်ပိုင်တီကားလမ်းမှ တရုတ်နိုင်ငံသို့ ပစ္စည်းများ သယ်ယူနေခြင်း ဖြစ်သည်။
ကချင်ပြည်နယ် ဝန်ကြီးချုပ် ဦးလဂျွန်ငန်ဆိုင်းက မြစ်ဆုံစီမံကိန်းမှ ပစ္စည်းများ သယ်ယူနေသော CPI ကားများကို သွားရောက် စစ်ဆေးမှုများ ပြုလုပ်ခဲ့သည်ဟု အောင်မြင်သာကျေးရွာ အုပ်ချုပ်ရေးမှူး ဦးမှုန့်လုံးက ပြောသည်။
“CPI ပစ္စည်းတွေကိုတော့ နေ့တိုင်း သယ်သူနေတယ်။ ဟိုဘက် ဝိုင်းမော် - ကန်ပိုင်တီ လမ်းဘက်ကနေ သယ်သွားတယ် လို့ ပြောတယ်။ ဟိုတခါကျနော်တို့ မေးကြည့်တော့ အဆောက်အအုံ တွေကိုတော့ ဒီအတိုင်း
အစောင့်နဲ့ ထားခဲ့မယ်လို့ ပြောတယ်”ဟု သူက မဇ္စျိမကို ပြောသည်။
ပစ္စည်းသယ်ယူနေမှုကို မြစ်ကြီးနားခရိုင် ရဲတပ်ဖွဲ့များလည်း နေ့စဉ် လုံခြုံရေး တာဝန် ယူပေးနေသည်ဟု ဦးမှုန့်လုံးက ဆက်ပြောသည်။
သို့သော် CPI ဘက်မှ မြစ်ဆုံရေကာတာ စီမံကိန်း ရုပ်သိမ်းကြောင်း တရားဝင်ကြေငြာခြင်း မရှိသဖြင့် ပစ္စည်းများ သယ်ယူ နေသော်လည်း စီမံကိန်း ရုတ်သိမ်းသွားသည်ဟု ပြောဆို၍ မရသေးကြောင်း ကချင် လူမှုဖွံ့ဖြိုးရေးကွန်ယက် KDNG မှ ကိုဆာဂျီးက ပြောသည်။
၎င်းက “အပြီး ရုတ်သိမ်းတယ်လို့ ပြောလို့မရဘူး။ သူတို့လည်း မြစ်ဆုံအထက်ပိုင်းက ရေကာတာတွေ လုပ်ဖို့ ရှိသေးတယ်။ စီပီအိုင်စီမံကိန်း က မရုပ်သိမ်းသေးဘူး။ စက်ပစ္စည်းတွေက ကြာရင် ပျက်ဆီး သွားနိုင်တယ်လေ။ ဒါကြောင့် တခြားနေရာအသုံးပြုဖို့ သယ်သွားတာလည်း ဖြစ်နိုင်တယ်”ဟု မဇ္စျိမကို ပြောသည်။
ထို့ပြင် မြစ်ကြီးနားမြို့ စီတာပူရပ်ကွက်ရှိ CPI ရုံးလည်း ဆက်လက် တည်ရှိနေသလို၊ CPI ရုံး လူကြီးစီးကားများလည်း ရှိနေသေးသည်ဟု သူက ဆက်ပြောသည်။
ယခုလဆန်းပိုင်းမှ စတင်၍ မြစ်ကြီးနားမြို့မှ မြောက်ဘက် ဆွမ်ပရာဘွမ်မြို့နယ်သို့ စစ်ကားယာဉ်တန်းကား အစီး ၁၀၀ ကျော် တက်သွားပြီး ထိုလမ်းကြောင်းအတွင်း အစိုးရစစ်သားများ နေရာအနှံ့ လုံခြုံရေးတပ်များ ချထားသည်ကို တွေ့ရကြောင်း ကိုဆားဂျီးက ပြောသည်။
ပြီးခဲ့သည့် ဇန်နဝါရီလ ၂၂ ရက်နေ့က CPI မှ ယူနန်ပြည်နယ် အထက်တန်း ကိုယ်စားလှယ် Wang Qang Qiyue က သမ္မတ ဦးသိန်းစိန် အစိုးရ၏ သက်တမ်း ၂၀၁၅ ခုနှစ်တွင် သက်တမ်းကုန်သွားပါက CPI အနေဖြင့် မြစ်ဆုံ စီမံကိန်းအား ပြန်လည် တည်ဆောက်နိုင်မည်ဟု မျှော်လင့်ထားကြောင်း မဇ္စျိမကို ပြောဆိုခဲ့သည်။
ထို့ပြင် စီမံကိန်းဧရိယာအတွင်းရှိ အလုပ်သမား အများစုနှင့် စက်ပစ္စည်းများအား တရုတ်နိုင်ငံသို့ ပြန်လည် သယ်ယူပြီး အဓိက နေရာတွင် အလုပ်သမား ၈၀ သို့မဟုတ် ၉၀ ခန့် သာကျန်တော့သည်ဟု ဆိုပြီး ထိုလူများ သည် လုံခြုံရေး အလုပ်သမားများ ဖြစ်သည်ဟု သူက ပြောဆိုခဲ့သည်။
CPI က စီမံကိန်း ပြန်လည် တည်ဆောက်နိုင်ရေးအတွက် ယမန်နှစ် မေလက မြစ်ဆုံဒေသခံ ရွာသားများအား လိုက်လံ စည်းရုံးခဲ့သလို၊ မြစ်ဆုံ စီမံကိန်းအပေါ် လေ့လာသုံးသပ်ချက်များ ပြုလုပ်ပေးရန်အတွက် တိုက်ရိုက်တောင်းဆိုမှုများ ပြုလုပ်ခဲ့ကြောင်း နိုင်ငံတကာ အကြီးစား ရေကာတာ စီမံကိန်းကော်မရှင် အဖွဲ့ ICOLD က ယမန်နှစ် မေလ ၃၀ ရက်နေ့က ထုတ်ပြန်ခဲ့သည်။
ရေအားလျှပ်စစ် မီဂါဝပ် ၆,၀၀၀ ထုတ်လွှတ်နိုင်မည့် မြစ်ဆုံ ရေကာတာ စီမံကိန်းကို ၂၀၀၇ ခုနှစ်က အမှတ် (၁) လျှပ်စစ်ဝန်ကြီးဌာန၊ CPI နှင့် အေးရှားဝေါလ် ကုမ္ပဏီများက တာဝန်ယူ တည်ဆောက်ခဲ့ရာမှ မြန်မာပြည်သူများ ကန့်ကွက်ခဲ့သဖြင့် ၂၀၁၁ ခုနှစ် စက်တင်ဘာလ ၃၀ ရက်နေ့က သမ္မတ ဦးသိန်းစိန်က ရပ်ဆိုင်းခဲ့သည်။
Ref: မဇ္ဈိမ
Read More...
Collapse...
ဖနိဒါ
ကြာသပတေးနေ့၊ ဖေဖေါ်ဝါရီလ ၀၇ ရက် ၂၀၁၃
ချင်းမိုင်(မဇ္စျိမ)။ ။ ကုလသမဂ္ဂ အထူးကိုယ်စားလှယ် မစ္စတာ ဗီဂျေးနမ်ဘီယား ကချင်ပြည်နယ် မြစ်ကြီးနားမြို့သို့ ရောက်ရှိစဉ် ကချင်လူထုနှင့် ပြောဆိုခွင့် မရသဖြင့် ဒေသခံ လူထုက ဝေဖန်ပြောဆိုနေကြသည်ဟု မြစ်ကြီးနား မြို့ခံများက ပြောသည်။
ယခုလ ဖေဖော်ဝါရီလ ၅ ရက်နေ့က မစ္စတာ ဗီဂျေးနမ်ဘီယား၊ ပြည်ထောင်စု သမ္မတရုံး ဝန်ကြီး ဦးစိုးသိန်း၊ လူဝင်မှု ကြီးကြပ်ရေးနှင့် ပြည်သူ့အင်အား ဝန်ကြီးဌာန ဝန်ကြီး ဦးခင်ရီတို့ မြစ်ကြီးနားမြို့နေ ဌာန ဆိုင်ရာများနှင့် လူမှုအခြေပြု အဖွဲ့အစည်း တချို့ နှင့်တွေ့ဆုံ ခဲ့သော်လည်း မေးမြန်းခွင့် မရခဲ့ခြင်း ဖြစ်သည်။
မြစ်ကြီးနားမြို့ခံ တဦးက “သူပြောတာက ကချင်ပြည်နယ်မှာ ငြိမ်းချမ်းရေးရဖို့ အားလုံး ကြိုးစားရအောင်။ သူတို့ဘက်ကလည်း အမြဲ စောင့်ကြည့်နေတာပါ။ ငြိမ်းချမ်းရေးရဖို့ နှစ်ဖက်လုံး(အစိုးရနဲ့ ကေအိုင်အို) တာဝန်ခံမှု ရှိရမယ်ဆိုတာတွေ ပြောတယ်။ အစောပိုင်းကတော့ ဝန်ကြီးချုပ်က မေးချင်တဲ့ မေးခွန်းများလည်း မေးလို့ ရပါတယ်
လို့ ပြောတယ်။ ဒါပေမဲ့ သူပြောပြီးတာနဲ့ အပြင်ထွက်သွားတယ်”ဟု မဇ္စျိမကို ပြောသည်။
မစ္စတာ နမ်ဘီယားက နှုတ်ဆက်စကား ပြောကြားခဲ့သလို ပြည်ထောင်စု သမ္မတရုံးဝန်ကြီး ဦးစိုးသိန်းက အစိုးရနှင့် KIO တို့အကြား ငြိမ်းချမ်းရေး ဆွေးနွေးမှု အခြေအနေများကို ပြောဆိုပြီး မြစ်ကြီးနား မြို့တော် ခန်းမမှ ပြန်လည် ထွက်ခွာသွားခဲ့သည်ဟု ကချင်ငြိမ်းချမ်းရေးအကျိုးဆောင် ဦးဆန်အောင်က ပြောသည်။
ဦးဆန်အောင်က “သူတို့ အချိန်မရဘူးဆိုလို့ ဘာမှ မေးမြန်းလို့ မရလိုက်ကြဘူး။ ဦးခင်ရီဘဲ ကျန်နေတော့ မှတ်ပုံတင်ကိစ္စဘဲ မေးကြတယ်။ မေးချင်တာ မေးဆိုပြီးတော့ စကားပြောပြီး ထွက်သွားတယ်။ လူထုက စစ်ပြေး
ဒုက္ခသည်ကိစ္စ၊ ငြိမ်းချမ်းရေးကိစ္စတွေ ပြောပြချင်ကြတာ။ ဘယ်သူမှ မမေးလိုက်ရဘူး”ဟု သူက မဇ္စျိမကို ပြောသည်။
သို့သော် ငြိမ်းချမ်ရေးလုပ်ငန်းစဉ်များတွင် ကုလသမဂ္ဂမှ ကြားဝင် ဆောင်ရွက်ပေးရန်နှင့် စစ်ပြေး ဒုက္ခသည်များ အရေး ကူညီထောက်ပံ့ပေးရန်တို့ကို ကချင်ငြိမ်းချမ်းရေးအကျိုးဆောင် ဥက္ကဌ ဦးယွပ်ဇော်ခေါင်က မစ္စတာ နမ်ဘီယားအား တင်ပြပြောဆိုသည်ဟု ငြိမ်းချမ်းရေးအကျိုးဆောင် ဦးဆန်အောင်က ပြောသည်။
၎င်းက “ကျနော်တို့ကတော့ ကားပေါ်မှာ နည်းနည်းပြောလိုက်ရတယ်။ ဒီက စစ်ပြေးဒုက္ခသည်တွေရဲ့ ဆေးဝါး၊ ပညာရေး၊ ကျန်းမာရေးကိစ္စတွေ ကူညီထောက်ပံ့ပို့၊ ငြိမ်းချမ်းရေးလုပ်ငန်းစဉ်မှာ ကုလက ကြားဝင်ပေးဖို့ ပြောတယ်။ သူကတော့ ကူညီမယ်။ ဒီကူညီထောက်ပံ့မှုတွေလည်း မိုးရာသီမရောက်ခင် အမြန်ဆုံးကူညီမယ်။ ငြိမ်းချမ်းရေးကိစ္စ မှာတော့ သူတို့က အစိုးရက ပါဝင်ခွင့်ပေးရင်တော့ အဆင်သင့်ဘဲလို့ ပြောတယ်”ဟု မဇ္စျိမကို ပြောသည်။
ကချင်ပြည်နယ်ရှိ တချို့ လူမှုအခြေပြုအဖွဲ့အစည်းတချို့မှ တာဝန်ရှိသူများက မစ္စတာ နမ်ဘီယားအား အစိုးရနှင့် ကချင် လွတ်လပ်ရေး အဖွဲ့ KIO တို့အကြား ငြိမ်းချမ်းရေးရရှိရန် ကြားဝင် ဆွေးနွေးပေးရေး မေးမြန်းရန် မျော်လင့် ချက်ဖြင့် ပြင်ဆင်ထားသော်လည်း မေးမြန်းခွင့် မရရှိခဲ့ကြောင်း အခြားလူမှုအခြေပြုအဖွဲ့မှ အမည်မဖော်လိုသူ ဒေသခံ တဦးက ပြောသည်။
“သူက ဒီအထဲက အသံတွေ နားထောင်ဖို့၊ လွတ်လွတ်လပ်လပ် ပြောဆိုနိုင်တဲ့ အဖွဲ့တွေ လိုလားတယ်။ ဒါပေမဲ့ ဖြစ်လာ တာက မြို့တော် ခန်းမမှာ အရင်လိုဘဲ အစိုးရ ဌာနဆိုင်ရာ ဝန်ထမ်းတွေ အပြည့်ခေါ်ထားတယ်”ဟု သူက ဆက်ပြောသည်။
အစိုးရသတင်းများတွင် မစ္စတာ နမ်ဘီယားက ကချင်လူထုနှင့် တွေ့ဆုံဆွေးနွေးခဲ့သည်ဟု ဖော်ပြခဲ့သော်လည်း အမှန်တကယ် လူထုနှင့် မစ္စတာ နမ်ဘီယာ စကားပြောခွင့်ပင် မရသလို၊ မေးမြန်းခွင့်ပင် မရခဲ့ဟု မြစ်ကြီးနား မြို့ခံ
တဦးက ဝေဖန်ပြောဆိုခဲ့သည်။
၎င်းက “သတင်းမှာက မြို့တော်ခန်းမမှာ မြို့မိမြို့ဖနဲ့ အဖွဲ့အစည်းတွေနဲ့ တွေ့ဆုံဆွေးနွေးတယ် ဆိုပြီး အစိုးရ သတင်းမှာ ပြောသွားတယ်။ သူတို့ ခေါင်းစဉ်က လူထုနဲ့ တွေ့ဆုံ ဆွေးနွေးတယ်။ အဲဒါက အပြဘဲ ရှိတယ်။ စာလိုက်ပါးမယ်ဆိုတဲ့လူတွေလည်း ရှိတယ်”ဟု ဆက်ပြောသည်။
ဖေဖော်ဝါရီလ ၅ရက်နေ့တွင် ကုလသမဂ္ဂ အထူးကိုယ်စားလှယ်နှင့် ပြည်ထောင်စုဝန်ကြီး အဖွဲ့တို့သည် မြစ်ကြီးနား မြို့နှင့် ဝိုင်းမော်မြို့နယ် အတွင်းရှိ စစ်ပြေးဒုက္ခသည်စခန်း ၄ နေရာသို့ သွားရောက် လေ့လာခဲ့ကြသည်။
ယခုလ ၄ ရက်နေ့က ပြည်ထောင်စု ငြိမ်းချမ်းရေးလုပ်ငန်းဖော်ဆောင်ရေးကော်မတီ ဒုဥက္ကဌ ဝန်ကြီး ဦးအောင်မင်း တို့ အဖွဲ့နှင့် KIO တို့ တရုတ်နိုင်ငံ ရွှေလီမြို့တွင် တွေ့ဆုံ၍ ငြိမ်းချမ်းရေး ဆက်လက် ဆွေးနွေးရန်နှင့် စစ်ရှိန်လျော့ ရေးတို့အား သဘောတူညီခဲ့သည်။
လိုင်ဇာဌာနချုက်အနီး လဂျားယန်အနီးတဝိုက် အစိုးရဘက်မှ ရံဖန်ရံခါ ဆိုသလို လက်နက်ကြီးဖြင့် ပစ်ခတ်မှုများ ရှိနေသေးသည်ဟု ကျောင်းသား တပ်မတော်(မြောက်ပိုင်း)မှ ပြန်ကြားရေး တာဝန်ခံ ဗိုလ်မှူး မင်းဌေးက ပြောသည်။
Ref: မဇ္ဈိမ
Read More...
Collapse...
လင်းသန့်
February 7, 2013
အကျဉ်းထောင်များတွင် ကျန်ရှိနေသော နိုင်ငံရေး အကျဉ်းသားများကို ပြန်လွှတ်ပေးရန် သမ္မတရုံး ၀န်ကြီး ဦးစိုးသိန်း ဥက္ကဌ အဖြစ် တာဝန်ယူသော “လက်ကျန် နိုင်ငံရေး အကျဉ်းသား စိစစ်ရေး ကော်မတီ” ကို အစိုးရက စတင် ဖွဲ့စည်းလိုက်ကြောင်း သိရသည်။
သမ္မတရုံး ၀န်ကြီး ဦးစိုးသိန်း ဥက္ကဌအဖြစ် တာဝန်ယူကာ အစိုးရ ဝန်ကြီးဌာနများမှ ကိုယ်စားလှယ်များ၊ အရပ်ဘက် လူမှုရေး အဖွဲ့ အစည်းများမှ ကိုယ်စားလှယ်များနှင့် နိုင်ငံရေးပါတီ တချို့မှ ကိုယ်စားလှယ်များဖြင့် ဖွဲ့စည်း ဆောင်ရွက်သွားရန် သမ္မတရုံးက ဖေဖော်ဝါရီလ ၆ ရက်နေ့စွဲဖြင့် ညွှန်ကြားထားကြောင်း ယနေ့ထုတ် အစိုးရ သတင်းစာများတွင် ဖော်ပြထားသည်။
မြန်မာနိုင်ငံတွင် နှစ်ပေါင်း ၂၀ ကျော် ကာလအတွင်း ယခင် စစ်အစိုးရများက တောက်လျှောက် ငြင်းဆိုခဲ့သည့် “နိုင်ငံရေး အကျဉ်းသား” ဟူသည့် ဝေါဟာရကို ယခုကဲ့သို့ တရားဝင် သုံးနှုန်းလိုက်ခြင်းသည် ပထမဆုံးဖြစ်ပြီး နိုင်ငံရေး အကျဉ်းသားများ အမြန်ဆုံး လွတ်မြောက်ရေး၊ အမျိုးသားပြန်လည် သင့်မြတ်ရေးတို့အတွက် ကောင်းမွန်သည့် ပထမဆုံး ခြေလှမ်းဖြစ်ကြောင်း ထိုင်းနိုင်ငံ အခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေး အသင်း (AAPP) အထွေထွေ အတွင်း ရေးမှူး ဦးတိတ်နိုင်က ဧရာဝတီသို့ ပြောသည်။
လတ်တလောတွင် မြန်မာနိုင်ငံသို့ ရောက်ရှိ နေသော ဦးတိတ်နိုင်က “ဒီလို နိုင်ငံရေး အကျဉ်းသား ဆိုတဲ့ စကားလုံးကို တရားဝင် ထည့်သုံးတဲ့ ပုံစံမျိုး အသိအမှတ်ပြုတဲ့ ကိစ္စ၊ နောက်တခါ လက်ကျန် နိုင်ငံရေးအကျဉ်းသားတွေနဲ့ စိစစ်မယ်ဆိုတဲ့ ကိစ္စနဲ့ပတ်သက်ပြီးတော့ ဒါက ကျနော်တို့ တောက်လျှောက် တိုက်တွန်းနေတာခဲ့တာပါ။ ဒါကတော့ ဘာပဲပြောပြော ကြိုဆိုရမယ့် ကိစ္စပါ” ဟု ဆိုသည်။
ယခု စတင် ဖွဲ့စည်းလိုက်သည့် ကျန်ရှိ နိုင်ငံရေးအကျဉ်းသား စိစစ်ရေး ကော်မတီတွင် AAPP ကို အဖွဲ့ဝင်အဖြစ် ပူးပေါင်း ဆောင်ရွက်ရန် ဖိတ်ကြားထားကြောင်း၊ အမျိုးသား ဒီမိုကရေစီအဖွဲ့ချုပ် (NLD)၊ ၈၈ မျိုး ဆက် ကျောင်းသားများအဖွဲ့၊ နိုင်ငံရေး အကျဉ်းသားဟောင်းများအဖွဲ့ စသည်တို့လည်း ပါဝင်နိုင်မည်ဟု မျှော်လင့်ထား ကြောင်း၊ ကနဦး ညှိနှိုင်းစာရင်းအရ လက်ရှိ နိုင်ငံရေးအကျဉ်းသား ၂၅၀ ဦးခန့် ရှိကြောင်း ဦးတိတ်နိုင်က ဆက်ပြောသည်။
NLD ပါတီပြောခွင့်ရပုဂ္ဂိုလ် ဦးဉာဏ်ဝင်းက နိုင်ငံရေးအကျဉ်းသားဟူသော စကားလုံးကို ယခုကဲ့သို့ သုံးခြင်းသည် မှန်ကန်သင့်လျော်ကြောင်း၊ NLD အနေဖြင့် နိုင်ငံရေးအကျဉ်းသားများ အမြန်ဆုံး လွှတ်ပေးစေချင်ကြောင်း၊ လတ်တလောတွင် အဆိုပါ ကော်မတီ၌ ပူးပေါင်းပါဝင်ရေးကို သူ့အနေဖြင့် မသိသေးကြောင်း ပြောသည်။
“အဲဒါတော့ (ကော်မတီမှာ ပါရေး မပါရေးက) ဥက္ကဌ (ဒေါ်အောင်ဆန်းစုကြည်) ပဲ သိမှာပါ။ ကျနော်တို့က ဘာမှ မသိရသေးဘူး။ အစကတည်းက ကျနော်တို့ ဒီစကားလုံးသုံးပြီး တလျှောက်လုံး တောင်းဆိုလာတာ၊ အခုလို သုံးလိုက်တာ မှန်လည်း မှန်ကန်ပါတယ်။ ဒါ အခုလို သုံးတော့ ကောင်းတာပေါ့။ ကောင်းသော ပြောင်းလဲခြင်းတွေပေါ့” ဟု သူက ဆိုသည်။
နိုင်ငံရေး အကျဉ်းသားဟောင်းများအဖွဲ့မှ ဦးဗမျိုးသိန်းက “ဒီ အရပ်သားအစိုးရ ဦးသိန်းစိန် တက်လာပြီးတဲ့ နောက်ပိုင်းမှာတောင် နိုင်ငံရေးအကျဉ်းသားဆိုတာ မရှိပါဘူး၊ ပြစ်မှုဆိုင်ရာ ဥပဒေကျူးလွန် သူတွေပဲ ရှိပါတယ် ဆိုတာကိုပဲ ထပ်ခါတလဲလဲ ပြောတယ်။ နောက်ဆုံး အခုလို နိုင်ငံရေးအကျဉ်းသား စိစစ်ရေးအဖွဲ့ ဖွဲ့တဲ့ အဆင့် ရောက်တယ်။ ဒါကြောင့် ဒါကို တကယ်ကို လက်ခံပြီး ၀မ်းသာစွာ ကြိုဆိုပါတယ်။ ပြောင်းလဲမှု ဖြစ်စဉ်ထဲမှာ ဒီ နိုင်ငံရေးအကျဉ်းသား ဆိုတာကို အသိအမှတ် ပြုလိုက်တာဟာ တကယ့် အပြောင်းအလဲဖြစ်တယ်။ ဒါကြောင့် လှိုက်လှိုက်လှဲလှဲ ကြိုဆိုပါတယ်” ဟု ပြောသည်။
ကော်မတီဖွဲ့စည်းမှု ထုတ်ပြန်ချက်တွင် အမျိုးသားပြန်လည် သင့်မြတ်ရေး၊ နိုင်ငံရေး လုပ်ငန်းစဉ်တွင် အားလုံးပါဝင်နိုင်ရေး၊ လူသားချင်း စာနာထောက်ထားမှု အလေးပေးခြင်း၊ နိုင်ငံတည်ဆောက်ရေးတွင် ပါဝင်နိုင်ရေးတို့အတွက် နိုင်ငံတဝှမ်းရှိ အကျဉ်းထောင်များမှ နိုင်ငံရေး အကျဉ်းသားများကို ပြန်လွှတ်ပေးရေး စိစစ်ဆောင်ရွက်ရန်ဖြစ်သည်ဟု ဖော်ပြထားသည်။
ထို့အပြင် လက်ကျန် နိုင်ငံရေး အကျဉ်းသားများ စိစစ်ရေးကော်မတီ အနေဖြင့် နိုင်ငံရေးအကျဉ်းသား အဓိပ္ပာယ် ဖွင့်ဆိုခြင်း၊ လွတ်ခွင့်ပြုခြင်းဆိုင်ရာ သတ်မှတ်ချက်များ ညှိနှိုင်းရေးဆွဲခြင်း၊ လက်ရှိ နိုင်ငံရေး အကျဉ်းသားများအား စိစစ်၍ လွှတ်ပေးသင့်သူများအား လွှတ်ပေးရေး ညှိနှိုင်းဆောင်ရွက်ခြင်းတို့ကို ဆောင်ရွက်ပြီး စိစစ် တွေ့ရှိချက်များအား သမ္မတထံ တင်ပြသွားမည်ဟု သိရသည်။
AAPP အဖွဲ့အနေဖြင့်လည်း မြန်မာနိုင်ငံသို့ ပြီးခဲ့သည့် ဇန်န၀ါရီလက လာရောက်ရခြင်းမှာ ယခုကိစ္စများ ဖော်ဆောင်ရန် ဖြစ်ကြောင်း ဦးတိတ်နိုင်က ဆိုသည်။
“အဓိက ကျနော်တို့ လာတာက လက်ကျန် နိုင်ငံရေးအကျဉ်းသား လွတ်မြောက်ရေး၊ လွတ်မြောက်ပြီးတဲ့ နိုင်ငံရေး အကျဉ်းသားတွေ နိုင်ငံသားတယောက်ရဲ့ အခွင့်အရေး အပြည့်ရရှိဖို့၊ ပြန်လည် ထူထောင်ရေးလုပ်ဖို့ ဒီကိစ္စတွေနဲ့ ပတ်သက်ပြီး လုပ်ဆောင်နေတဲ့ အဖွဲ့အစည်းတွေနဲ့လည်း ကျနော်တို့ ဆွေးနွေးတယ်။ နောက်တခါ အစိုးရဘက်ကလည်း ဆွေးနွေးတယ်” ဟု သူက ဆိုသည်။
ယခုကဲ့သို့ ကော်မတီတရပ် ပေါ်ပေါက်လာသည်မှာ ကောင်းမွန်သည့် ခြေလှမ်းအစ ဖြစ်သော်လည်း နိုင်ငံရေး အကျဉ်းသား အဓိပ္ပာယ် သတ်မှတ်မှုနှင့် ပတ်သက်၍ အစိုးရနှင့် တခြားသော ပါတီ၊ အဖွဲ့များအကြား ကွဲလွဲမှုများ ရှိနေနိုင်ကြောင်း၊ အားလုံး ၀ိုင်းဝန်း ဆွေးနွေး ညှိနှိုင်းသွားရန် ရှိကြောင်း AAPP နှင့် နိုင်ငံရေး အကျဉ်းသားဟောင်း တချို့က ပြောသည်။
“လတ်တလော အခြေအနေမှာ နိုင်ငံရေး အကျဉ်းသားဟောင်းတွေ အပေါ် ကန့်သတ်ထားတဲ့ ကန့်သတ်ချက်တွေကို ပယ်ဖျက်ပေးတဲ့ အမိန့်တခုခုတော့ အစိုးရက ထုတ်ပြန်ဖို့လိုမယ်။ ဒါမှသာ နိုင်ငံကူးလက်မှတ် လျှောက်တဲ့သူတွေအနေနဲ့ သာမန်နိုင်ငံသားတွေလို ချက်ချင်းရလာမှာ ဖြစ်တယ်” ဟု AAPP တွဲဖက် အတွင်းရေးမှူး ဦးဘိုကြည်က အကြံပြုသည်။
အဆိုပါ ဥပဒေတရပ် ထွက်ပေါ်လာရေး ကြိုးစားဆောင်ရွက်သွားမည်ဖြစ်ပြီး အစိုးရဘက်က ထိုကဲ့သို့ လုပ်ဆောင်ပေးပါက ယုံကြည်မှု၊ နားလည်မှုများ ပိုမိုရရှိလာပြီး ကော်မတီ၏ လုပ်ငန်းလည်း ပိုမိုချောမွေ့နိုင်ကြောင်း သူက ဆက်ပြောသည်။
NLD နှင့် AAPP တို့ ပူးပေါင်းကာ လက်ရှိ နိုင်ငံရေး အကျဉ်းသား မိသားစုများအတွင်း ပညာသင်နေသူများအား ထောက်ပံ့ပွဲကို ယနေ့ နေ့လယ်ပိုင်းက ရန်ကုန်မြို့ ရွှေဂုံတိုင်ရှိ တော်ဝင်နှင်းဆီတွင် ကျင်းပပြုလုပ်ကြောင်း၊ တဦးလျှင် ကျပ် ၁ သိန်းစီဖြင့် AAPP မှ ထောက်ပံ့သူ ၅၈ ဦး၊ NLD မှ ထောက်ပံ့သူ ၇၁ ဦးတို့အား ပေးအပ်ကြောင်း သိရသည်။
Read More...
Collapse...
2013-02-07
ကချင်ပြည်နယ် ငြိမ်းချမ်းရေး ရရှိဖို့အတွက် ရန်ကုန်ကနေ ကေအိုင်အို ဌာနချုပ် လိုင်ဇာအထိ လမ်းလျှောက် ဆန္ဒပြနေကြတဲ့ အဖွဲ့ဟာ မုံရွာမြို့က အဖွဲ့နဲ့ ပူးပေါင်း လိုက်ကြပြီး ဖေဖေါ်ဝါရီလ ၇ ရက်နေ့ ဒီကနေ့မှာ အဖွဲ့ဝင် အင်အား ၅၀ ကျော် ရှိလာပြီလို့ သိရပါတယ်။
ဒီကနေ့မှာပဲ မြင်းခြံမြို့က ငြိမ်းချမ်းရေး လိုလား သူတွေဟာလည်း မန္တလေးမြို့ရောက်နေတဲ့ ရန်ကုန် အဖွဲ့နဲ့ ပူးပေါင်း လမ်းလျှောက်နိုင်ဖို့ မြင်းခြံမြို့ကနေ မန္တလေးဖက်ကို စတင် ထွက်ခွာ လာပြီလို့ သိရပါတယ်။
ဒီကနေ့မှာပဲ မန္တလေးမြို့က အထက်ဗမာပြည် ငြိမ်းချမ်းရေး မြတ်နိုးသူများအဖွဲ့ဟာ အဲဒီ ငြိမ်းချမ်းရေး လမ်းလျှောက် သူတွေအတွက် ထောက်ပံ့ ကူညီနိုင်ဖို့ ဒီနေ့ မနက်ပိုင်းမှာ မန္တလေး ကုန်စည်ဒိုင်၊ မဟာအောင်မြေ ကျောက်ဝိုင်းနဲ့ ဈေးချိုတော် (၃) နေရာတို့မှာ အလှူခံခဲ့ပါတယ်။
မန္တလေးအခြေစိုက် ဗကသများအဖွဲ့ချုပ် (အထက်ဗမာပြည်)နဲ့ လူမှု အဖွဲ့အစည်းဝင်တွေ ပူးပေါင်းပြီး ငြိမ်းချမ်းရေး မြတ်နိုးသူများ (အထက်ဗမာပြည်) အဖြစ် အဖွဲ့ဖွဲ့ပြီး ကူညီနေတာ ဖြစ်ပါတယ်။
ဒီကနေ့ အလှူခံတဲ့အဖွဲ့ထဲမှာ တက္ကသိုလ်တစ်ချို့က ကျောင်းသားကျောင်းသူတွေလည်း ပူးပေါင်း ပါဝင် ခဲ့ကြပါတယ်။
ကချင်ပြည်နယ် ငြိမ်းချမ်းရေးအတွက် ခရီးရှည်လမ်းလျှောက်နေကြတဲ့ ငြိမ်းချမ်းရေး လိုလားသူတွေဟာ ရန်ကုန်မြို့ကနေ ဇန်နဝါရီ ၂၁ ရက်နေ့မှာ စတင် ထွက်ခွာခဲ့တာ ဖြစ်ပြီး အခုဆိုရင် နှစ်ပတ်ကျော် ကြာခဲ့ပြီဖြစ်ပါတယ်။
Ref: RFA News
Read More...
Collapse...
ကိုသားညွန့်ဦး
07.02.2013
မြန်မာနိုင်ငံ မြောက်ပိုင်း ကချင်ပြည်နယ်အတွင်းက အကြမ်းဖက် ပဋိပက္ခတွေ လျှော့ကျစေရေး နှစ်ဖက် ပူးပေါင်းဆောင်ရွက်ဖို့ မြန်မာ အစိုးရနဲ့ ကချင် လွတ်မြောက်ရေး အဖွဲ့ KIO အကြား သဘော တူညီချက် ရတဲ့အပေါ် ကုလသမဂ္ဂ အတွင်းရေးမှုးချုပ် ဘန်ကီမွန်းက ကြိုဆိုလိုက်ပြီး၊ ခိုင်မြဲတဲ့ ငြိမ်းချမ်းရေးအတွက် နှစ်ဖက်စလုံး ဆောင်ရွက် ကြဖို့လည်း တိုက်တွန်း လိုက်ပါတယ်။ အကြောင်းစုံကိုတော့ ကိုသားညွန့်ဦးက တင်ဆက်ပေးမှာပါ။
ကချင်ပြည်နယ်အတွင်း တိုက်ပွဲတွေ ရပ်ဆဲသွားဖို့ မြန်မာအစိုးရနဲ့ ကေအိုင်အေ အကြား တွေ့ဆုံဆွေးနွေး ပြီးတဲ့နောက် အခြေအနေတွေ ပိုပြီး တိုးတက်ကောင်းမွန် လာဖို့ မျှော်လင့်တဲ့ အကြောင်း အတွင်းရေးမှုးချုပ် က ကြေညာချက် ထုတ်ပြန်ခဲ့တာ ဖြစ်ပါတယ်။ တရုတ်နိုင်ငံမှာ နှစ်ဖက်ဆွေးနွေးပြီး ရလာတဲ့ ဒီသဘောတူညီချက်ကို အတွင်းရေးမှုးချုပ်က ကြိုဆိုတဲ့အကြောင်း အတွင်းရေးမှုးချုပ်ရုံး ပြောခွင့်ရသူ မာတင် နာစကီး က မနေ့က ကုလသမဂ္ဂ ပုံမှန်သတင်းစာရှင်းလင်းပွဲအတွင်း ပြောခဲ့ပါတယ်။
“အစိုးရ ငြိမ်းချမ်းရေးကော်မတီနဲ့ ကချင်လွတ်မြောက်ရေးအဖွဲ့ KIO ကိုယ်စားလှယ်တွေ တရုတ်ပြည်မှာ ပူးတွဲ သဘောတူချက်ရခဲ့တာကို အတွင်းရေးမှုးချုပ်က ကြိုဆိုပါတယ်။ အဲဒီအထဲမှာတော့ ကချင်ပြည်နယ်တွင်း အကြမ်းဖက်ပဋိပက္ခတွေ လျှော့ကျသွားဖို့ အစီအစဉ်လုပ်ဆောင်ရေး သဘောတူညီထားကြပါတယ်။”
ပြီးခဲ့တဲ့လတွေအတွင်း ကေအိုင်အို ဗဟို ထိန်းချုပ်ရာ လိုင်ဇာဒေသကို မြန်မာဖက်က ထိုးစစ် ဆင်ခဲ့ပြီးတဲ့ အပေါ်မှာ နိုင်ငံတကာရော ပြည်တွင်းကပါ စိုးရိမ်ပူပင်တွေ တိုးလာခဲ့တာပါ။ ဒီနောက် ပြီးခဲ့တဲ့လကတော့ မြန်မာဖက်က ထိုးစစ်တွေ ရပ်လိုက်ပြီလို့ အစိုးရဖက်က ကြေညာပေမယ့်၊ တိုက်ပွဲတွေက လျှော့မသွားခဲ့ပါဘူး။ တရုတ်နိုင်ငံဖက်က ကမထကလုပ်ပြီး နယ်စပ် ရွှေလီမြို့မှာ နှစ်ဖက် ဆွေးနွေးပြီးတဲ့နောက်တော့ အခြေအနေတွေ တင်းမာမှုတွေ လျှော့ကျလာတဲ့ သဘောတော့ တွေ့ရပါတယ်။
၂၀၁၁ ဇွန်လကတည်းကစခဲ့တဲ့ အစိုးရတပ်နဲ့ ကချင်လက်နက်ကိုင် ကေအိုင်အေ တိုက်ပွဲတွေကြောင့် ဒေသတွင်း မှာရှိတဲ့ အရပ်သား ဒုက္ခသည် ၇ သောင်းခွဲလောက်ဟာ ရပ်ရွာတွေကို စွန့်ခွာ ထွက်ပြေးခဲ့ကြရပါတယ်။ မြန်မာနိုင်ငံလွတ်လပ်ရေးရပြီးကတည်းက ဖြစ်ခဲ့တဲ့ လက်နက်ကိုင်တိုက်ပွဲတွေ လုံးဝရပ်ဆဲသွားဖို့ အခုလို ငြိမ်းချမ်းရေး ညှိနှိုင်းမှုတွေ ကနေ ဖြစ်လာလိမ့်မယ်လို့ အတွင်းရေးမှုးချုပ်က မျှော်လင့်တဲ့အကြောင်းလည်း ပြောခွင့်ရသူ မာတီက ပြောပါတယ်။
“ကချင်ပြည်နယ်အတွင်းမှာ စစ်မှန်ပြီး ခိုင်မြဲတဲ့ငြိမ်းချမ်းရေးရရေး ဆက်ပြီး ကြိုးပမ်းလုပ်ဆောင်သွားကြဖို့ အတွင်းရေးမှုးချုပ်က တိုက်တွန်း ပါတယ်။ မြန်မာနိုင်ငံလွတ်လပ်ရေးနောက်ပိုင်း ပထမဆုံးအကြိမ် သေနက်သံတွေ ဆဲသွားဖို့ အခု နောက်ဆုံးဖြစ်ပေါ်တိုးတက်မှုကနေတဆင့် ဖြစ်လာလိမ့်မယ်လို့ အတွင်းရေးမှုးချုပ်က မျှော်လင့်ထားပါတယ်။”
ကချင်ပဋိပက္ခအပေါ် စိုးရိမ်မှုတွေ တိုးလာတာကြောင့် အတွင်းရေးမှုးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် ဗီဂျေး နမ်ဘီးယားဟာ မြန်မာနိုင်ငံကို ဖေဖ၀ါရီလ ၃ ရက်နေ့ကနေ ၆ နေ့အထိ ရောက်ရှိလာခဲ့ပါတယ်။ ကေအိုင်အေနဲ့ မြန်မာအစိုးရအကြား တရုတ်ဖက်မှာ ဆွေးနွေး သဘောတူချက်ရပြီး နောက်တနေ့ ဖေဖ၀ါရီလ ၅ ရက်နေ့မှာတော့ မစ္စတာနမ်ဘီယားဟာ ကချင်ပြည်နယ် မြစ်ကြီးနားကို ရောက်ရှိခဲ့ပြီး၊ တာဝန်ရှိသူတွေကိုရော စစ်ပြေးဒုက္ခသည်တွေကိုပါ တွေ့ခဲ့ပါတယ်။
မစ္စတာနမ်ဘီးယားဟာ သူ့ခရီးစဉ်အတွင်း သမတရုံးဝန်ကြီးတွေဖြစ်တဲ့ ဦးစိုးသိမ်းနဲ့ ဦးအောင်မင်း၊ လူဝင်မှုကြီးကြပ်ရေးဝန်ကြီး ဦးခင်ရီ အပါအ၀င် အခြား အစိုးရအရာရှိတွေနဲ့ တွေ့ဆုံဆွေးနွေးခဲ့တယ် လို့ ကုလသမဂ္ဂရုံးက သတင်းထုတ်ပြန်ပါတယ်။ ရန်ကုန်မှာတော့ အခြားအရပ်ဖက် လူမှုအဖွဲ့အစည်းတွေ၊ သံတမန်တွေနဲ့ပါ တွေ့ဆုံခဲ့တယ်လို့ ဆိုပါတယ်။ အဓိကကတော့ ကချင်အရေးကိစ္စနဲ့ ဆက်နွယ်မှုတွေကို အဓိကထားဆွေးနွေးတယ်လို့ သိရပါတယ်။ အစိုးရနဲ့ ကေအိုင်အိုအကြား ဆွေးနွေးညှိုနှိုင်းမှုတွေရလဒ်တွေနဲ့ အထူးသဖြင့်တော့ ကချင် ပဋိပက္ခလျှော့ကျဖို့ စောင့်ကြည့်ရေးစနစ်ထားမယ်ဆိုတဲ့အပေါ် ကုလသမဂ္ဂ အနေနဲ့ ထောက်ခံအားပေးတဲ့အကြောင်း ပြောခဲ့တယ်လို့ သိရပါတယ်။
တချိန်တည်းမှာပဲ ကုလသမဂ္ဂအပါအ၀င် နိုင်ငံတကာလူသားချင်းစာနာကူညီရေးအဖွဲ့တွေ ကချင်ပြည်နယ်တွင်းက ဒုက္ခသည်တွေကို အကူအညီပေးဖို့ကို မြန်မာအစိုးရက ခွင့်ပြုပေးလိုက်ပါတယ်။ အရင်တုန်းကတော့ ကေအိုင်အေ ထိန်းချုပ်ရာဒေသတွင်းက ဒုက္ခသည်စခန်းတွေမှာရှိတဲ့ ကချင်အရပ်သားတွေကို နိုင်ငံတကာအကူအညီပေးဖို့ လုံခြုံရေးအကြောင်းပြချက်နဲ့ မြန်မာအစိုးရက ခွင့်မပြုခဲ့ပါဘူး။
Ref: VOA News
Read More...
Collapse...
ကိုအောင်လွင်ဦး
07.02.2013
မြန်မာနိုင်ငံတဝှမ်း အကျဉ်းထောင်တွေထဲမှာ ကျန်နေသေးတဲ့ နိုင်ငံရေး အကျဉ်းသားတွေထဲ က ပြန်လွှတ်ပေးသင့် သူတွေကို စိစစ်မယ့် ကော်မီတီ တရပ်ကို ဖွဲ့စည်းသွားမယ့် အကြောင်း မြန်မာ အစိုးရက ကြေညာ လိုက်ပါတယ်။ ဒါပေမဲ့လည်း အကြောင်း အမျိုးမျိုးနဲ့ ဖမ်းဆီး ခံထားရတဲ့ သူတွေထဲက နိုင်ငံရေး အကျဉ်းသားအဖြစ် အစိုးရက ဘယ်လိုလူတွေကို သတ်မှတ်မလဲ ဆိုတာ မေးခွန်းထုတ်စရာ ဖြစ်နေသေးသလို၊ ဖွဲ့စည်းဖို့ စီစဉ်နေတဲ့ ကော်မီတီမှာ သက်ဆိုင်သူတွေ ကျယ်ကျယ်ပြန့်ပြန့် ပါဝင်ဖို့ လိုမယ်လို့လည်း နိုင်ငံရေး အကျဉ်းသား အခွင့်အရေး လှုပ်ရှားသူတွေက ပြောပါတယ်။ အပြည့်အစုံကိုတော့ ကိုအောင်လွင်ဦး က ပြောပြပေးမှာ ဖြစ်ပါတယ်။
အမျိုးသား ပြန်လည် သင့်မြတ်ရေးနဲ့ တိုင်းပြည် တည်ဆောက်ရေး အတွက် နိုင်ငံရေး လုပ်ငန်းစဉ်တွေ မှာ ပါဝင်ခွင့် ရစေဖို့နဲ့ လူသားချင်း စာနာထောက်ထားတဲ့ အနေနဲ့ နိုင်ငံရေး အကျဉ်းသားတွေ ကို ပြန်လွှတ်ပေးနိုင်အောင် ကော်မီတီတရပ် ဖွဲ့စည်းမှာ ဖြစ်တဲ့အကြောင်း မြန်မာ အစိုးရက ဒီကနေ့ပဲ သတင်း ထုတ်ပြန်လိုက်တာ ဖြစ်ပါတယ်။ လက်ကျန် နိုင်ငံရေး အကျဉ်းသားတွေကို စိစစ်ရမယ့် ကော်မီတီ အနေနဲ့ နိုင်ငံရေး အကျဉ်းသားတွေ အဖြစ် အဓိပါယ် ဖွင့်ဆိုဖို့နဲ့ လွှတ်ပေးသင့်သူတွေ အဖြစ် သတ်မှတ်ချက်တွေ ရေးဆွဲတဲ့ တာဝန်တွေကို ဆောင်ရွက်ဖို့လည်း သမ္မတက ညွှန်ကြားခဲ့တာပါ။
အစိုးရရဲ့ ကြေညာချက်ကြောင့် နိုင်ငံတ၀ှမ်းက အကျဉ်းထောင်တွေမှာ ကျန်နေသေးတဲ့ ဖမ်းဆီးခံ တက်ကြွ လှုပ်ရှားသူတွေ လွတ်မြောက် လာမယ့် မျှော်လင့်ချက်အဖြစ် အများက ကြိုဆို ခဲ့ကြပါတယ်။ တချိန်တည်း မှာပဲ နိုင်ငံရေး အကျဉ်းသား အဖြစ် အဓိပ္ပါယ် ဖွင့်ဆိုရာမှာ အရင်အစိုးရတွေ လက်ထက်ကလို ကွဲလွဲမှုမျိုးတွေ မရှိဖို့တော့ လိုလိမ့်မယ်လို့လည်း နိုင်ငံရေး အကျဉ်သားဟောင်းများ အဖွဲ့က ကိုဘမျိုးသိန်း ကပြောပါတယ်။
“ပထမအဆင့်အနေနဲ့ ကျနော်တို့ နိုင်ငံရေးအင်အားစုတွေ၊ ဒီမိုကရေစီ အင်အားစုတွေ ရဲ့ နိုင်ငံရေးအကျဉ်းသား အဓိပ္ပါယ်ဖွင့်ဆိုချက်နဲ့ အစိုးရက ဖွင့်ဆိုတဲ့ နိုင်ငံရေး အကျဉ်းသား အဓိပ္ပါယ်ဖွင့်ဆိုချက်က တတ်နိုင်သမျ တူရမယ်။ အမြင်တူဖို့လိုတယ်။ အဲ့လို အမြင်တကယ် တူလာပြီဆိုမှ ကျနော်တို့ အလုပ်တွဲလုပ်လို့ရမယ်။ ဒီမှာအရေးကြီးဆုံးက အဲ့ဒီ့တချက်ပေါ့၊ ကျနော်တို့ အဓိပ္ပါယ်ဖွင့်ဆိုချက်မှာတော့ ဥပမာ ကိုဖြိုးဝေအောင်လို ကိစ္စမျိုးတွေကလည်း ကျနော်တို့ အဓိပ္ပါယ်ဖွင့်ဆိုချက်အောက်မှာ ပါတယ်ပေါ့။ ပါတယ်ဆိုတာက သူက နိုင်ငံရေး လုပ်သူတော့ မဟုတ်ဘူး။ နိုင်ငံရေးဆောင်ရွက်သူတော့မဟုတ်ဘူး။ ဒါပေမဲ့ နိုင်ငံရေး ရည်ရွယ်ချက်ရှိရှိ နဲ့ပေါ့လေ။ နိုင်ငံရေးကိစ္စမှာ အသုံးချပြီးတော့ ဖမ်းဆီးတယ်၊ ပုဒ်မအမျိုးမျိုး တပ်တယ်ပေါ့၊ အဲ့လိုပုံစံမျိုးပါတဲ့အတွက် ကျနော်တို့က နိုင်ငံရေးအကျဉ်းသားလို့ သတ်မှတ်တယ်။”
အရင်တုန်းကတော့ ပြည်တွင်းပြည်ပက နိုင်ငံရေး အကျဉ်းသားလို့ သတ်မှတ်ထားသူတွေဟာ ရာဇ၀တ်ပြစ်မှုတွေနဲ့ အရေးယူထားသူတွေသာ ဖြစ်တယ်ဆိုပြီး မြန်မာအစိုးရက တုန့်ပြန်လေ့ရှိခဲ့တာ ဖြစ်သလို၊ အကြမ်းဖက်မှုလို လက်နက်ကိုင် အဖွဲ့အစည်းတွေနဲ့ ဆက်နွယ်မှုတွေလို စွပ်စွဲချက်တွေနဲ့ ဖမ်းဆီးထားသူတွေကို လွှတ်ပေးလေ့ မရှိတတ်ပါဘူး။ ဒါကြောင့်လည်း အကျဉ်းသားတွေ အခွင့်အရေး လှုပ်ရှားသူတွေရဲ့ စိုးရိမ်မှုတွေဟာ သဘာဝကျတယ်လို့ နိုင်ငံတကာ ခုံသမာဓိကော်မရှင် (International Commission of Jurists) က အရှေ့တောင်အာရှဆိုင်ရာ အကြီးတန်း ဥပဒေပညာရှင် တဦးဖြစ်တဲ့ ဘင်ဂျမင် ဇွာစကီး (Benjamin Zawacki) ကပြောပါတယ်။
“ဒီလိုစိုးရိမ်မကင်း ဖြစ်နေရတာတွေကို ကျနော်တို့ အနေနဲ့ နားလည်ပါတယ်။ နိုင်ငံရေး အကျဉ်းသားလို့ ကျနော်တို့က သဘောထားတဲ့ သူတွေကို အစိုးရကတော့ လက်ခံချင်မှ လက်ခံမှာပါ။ ဒီလိုအခြေအနေမျိုးမှာ သူတို့တွေ အနေနဲ့ကတော့ ထောင်တွေထဲ ဆက်နေကြရဦးမှာပါ။ ဒါကြောင့်လည်း အဓိပ္ပါယ်ဖွင့်ဆိုချက်ကို ကျကျနနရှင်းပြဖို့ လိုသလို၊ အရေအတွက်ကိုလည်း ပြောဖို့ လိုပါတယ်။ ဒါတွေက အခု လုပ်ငန်းစဉ်ထဲမှာ တစိတ်တပိုင်းအဖြစ်နဲ့ ပါရမှာပါ။ ဒါတွေကို မှန်မှန်ကန်ကန် ဆောင်ရွက်နိုင်ဖို့ အတွက်ကိုလည်း နိုင်ငံတကာနဲ့ ပြည်တွင်းက ကျွမ်းကျင်သူတွေရဲ့ ပံ့ပိုးမှုတွေ လိုပါတယ်။”
မြန်မာအစိုးရရဲ့ ကြေညာချက်မှာတော့ ပြန်လွှတ်ပေးမယ့် အကျဉ်းသားတွေကို စိစစ်သွားမယ့် ကော်မီတီကို သမ္မတရုံးဝန်ကြီးဌာန ဝန်ကြီး ဦးစိုးသိန်း က ဥက္ကဋ္ဌအဖြစ်နဲ့ ဦးဆောင်ပြီး အစိုးရဌာနတွေက တာဝန်ရှိသူတွေ၊ လူမှုအဖွဲ့အစည်းက ပုဂ္ဂိုလ်တွေနဲ့ နိုင်ငံရေး အသိုင်းအ၀ိုင်းက လူတွေပါ ပါဝင်ဖွဲ့စည်းဖို့ တာဝန်ပေးထားတာပါ။ လတ်တလောမှာတော့ ပြည်ပအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေးအသင်း (AAPP) နဲ့ ၈၈ မျိုးဆက် ကျောင်းသားများ အဖွဲ့ဝင်တွေ အပါအ၀င် တက်ကြွလှုပ်ရှားသူတွေကို ကော်မီတီမှာ ပါဝင်ဖို့ ဖိတ်ကြားထားပါတယ်။ နှစ်ရှည်ထောင်ဒဏ် ၁၉ နှစ်ကျော် ကျခံပြီး ၂၀၁၀ ပြည့်နှစ်ထဲကမှ လွတ်မြောက်လာခဲ့ပြီးနောက် နိုင်ငံရေး အကျဉ်းသားတွေ အခွင့်အရေး လှုပ်ရှားနေသူ ကိုဘမျိုးသိန်း ကတော့ ကော်မီတီမှာ သက်ဆိုင်သူတွေ ကျယ်ကျယ်ပြန့်ပြန့် ပါဝင်နိုင်ရင် အကောင်းဆုံး ဖြစ်မယ်လို့ မြင်ပါတယ်။
“အဓိကကတော့ နိုင်ငံရေးအကျဉ်းသားတွေနဲ့ပတ်သက်ပြီးတော့ ဆောင်ရွက်နေတဲ့အဖွဲ့တွေ၊ ကူညီနေတဲ့ အဖွဲ့တွေ၊ နိုင်ငံရေးအကျဉ်းသားလွတ်မြောက်ရေး လှုပ်ရှားနေတဲ့ အဖွဲ့တွေ၊ နိုင်ငံရေးအကျဉ်းသားစာရင်းတွေပြုစုနေတဲ့အဖွဲ့တွေ၊ ပါဝင်သင့်တာပေါ့လေ။ စိတ်ဝင်စားတဲ့ အဖွဲ့စည်းတွေ၊ နောက် ပါတီတွေပေါ့ ပါသင့်ပါတယ်။”
နိုင်ငံတကာ ခုံသမာဓိကော်မရှင် ရဲ့ ဥပဒေရေးရာ ကျွမ်းကျင်သူ ဘင်ဂျမင် ဇွာစကီး ကတော့ နိုင်ငံရေး အကျဉ်းသားတွေ ပြန်လွှတ်ပေးရေး စိစစ်မယ့် ကော်မီတီ အနေနဲ့ နိုင်ငံရေးနဲ့ ဆက်နွယ်မှု ရှိနေသလား ဆိုတာတွေကို အာရုံစိုက် စစ်ဆေးဖို့ လိုမယ်လို့ သုံးသပ်ပါတယ်။
“ဒီလုပ်ငန်းစဉ်ရဲ့ ရည်ရွယ်ချက် အနေနဲ့ကတော့ တဦးချင်း တယောက်ချင်းရဲ့ အမှုတွေကိုကြည့်ရမှာပါ။ ဒါကြောင့်လည်း ဘယ်သူတွေကိုတော့ လွှတ်ရမယ်၊ ဘယ်သူတွေကို ဆက်ဖမ်းထားရမယ် ဆိုတာမျိုး ယေဘုယျ သဘောထားမျိုး ထားဖို့ဆိုတာက မဖြစ်နိုင်ပါဘူး။ ကျနော်တို့ နားလည်ထားတာကတော့ ဒီလုပ်ငန်းစဉ်ရဲ့ ရည်မှန်းချက်မှာ အမှုတခုချင်းကို ပြန်လေ့လာပြီး နိုင်ငံရေး ယုံကြည်ချက်ကြောင့် အဖမ်းခံခဲ့ရတာလား ဆိုတာကို စဉ်းစားရမှာပါ။”
ကြာသပတေးနေ့က အစိုးရရဲ့ ကြေညာချက်မှာတော့ ကော်မီတီက စစ်ဆေး တွေ့ရှိချက်တွေကို သမ္မတထံ တင်ပြဖို့လည်း တာဝန်ပေးထားတာ ဖြစ်ပေမဲ့ လုပ်ငန်းစဉ်နဲ့ ပတ်သက်လို့ ဆောင်ရွက်ရမယ့် အချိန်ကာလ သတ်မှတ်ချက်တော့ တိတိကျကျ ဖော်ပြထားတာ မတွေ့ရပါဘူး။ မြန်မာနိုင်ငံမှာ သမ္မတ ဦးသိန်းစိန် အစိုးရတက်လာပြီးနောက်မှာတော့ အကျဉ်းသား ထောင်ဂဏန်းချီပြီး လွတ်ငြိမ်းချမ်းသာခွင့်နဲ့ ပြန်လွှတ်ပေးခဲ့ရာမှာတော့ ထင်ရှားတဲ့ နိုင်ငံရေးခေါင်းဆောင်တွေ အပါအဝင် နိုင်ငံရေး အကျဉ်းသား အများစု ပြန်လည်လွတ်မြောက်လာခဲ့ကြတာပါ။
ဒါပေမဲ့လည်း နိုင်ငံရေး အကျဉ်းသားအရေး လှုပ်ရှားသူတွေကတော့ မြန်မာနိုင်ငံအနှံ့က အကျဉ်းထောင်တွေနဲ့ အလုပ်ကြမ်း စခန်းတွေမှာ နိုင်ငံရေးကိစ္စနဲ့ ဆက်နွယ်ပြီး ဆက်လက် ဖမ်းဆီးထိန်းသိမ်း ခံထားရသူပေါင်းဟာ အနည်းဆုံး ၂၀၀ ကျော်အထိ ရှိဦးမယ်လို့ ခန့်မှန်းထားကြတာဖြစ်ပြီး ပြုပြင်ပြောင်းလဲရေးတွေ လုပ်ဆောင်ဖို့ ကတိပြုထားတဲ့ မြန်မာအစိုးရအနေနဲ့ ဒီလူတွေအားလုံးကို ပြန်လွှတ်ပေးဖို့ လိုမယ်လို့လည်း တိုက်တွန်းထားကြတာ ဖြစ်ပါတယ်။
Ref: VOA News
Read More...
Collapse...
February 5, 2013
ဆက်သွယ်ရေးဝန်ကြီးဌာနတွင်းဖြစ်ပေါ်လျက်ရှိသော အကျင့်ပျက်ခြစားမှု များ၊ လာဘ်ပေး လာဘ်ယူမှုများ နှင့် ဆက်စပ်ပြီး အရာရှိ ၈ ဦးကို စုံစမ်း စစ်ဆေးလျက် ရှိပြီး မကြာမီ တရားရုံးတင် စစ်ဆေး သွားတော့မည်ဖြစ်ကြောင်း သိရှိရသည်။
စုံစမ်းစစ်ဆေးအရေးယူခံထားရသည့် ဆက်သွယ်ရေး အကြီးတန်းအရာရှိ ၈ ဦးကို လာမည့်နှစ်လ အတွင်း တရားရုံးတင် စစ်ဆေးမှုများ စတင်တော့မည်ဖြစ်ကြောင်း၊ လက်ရှိ အချိန်တွင် ပုဒ်မ ၄၀၉ ဖြင့် စုံစမ်း စစ်ဆေးမှုများပြုလုပ် ခံနေရပြီး၊ စုံစမ်း စစ်ဆေးမှု ကာလအလွန် လာမည့်နှစ်လခန့် အကြာတွင် အများနှင့်သက် ဆိုင်သော ပစ္စည်း ကာကွယ်သည့်ဥပဒေ (အပက-၃) ဖြင့် တရား စွဲဆိုခြင်းကို ပြုလုပ်တော့မည်ဟု ပြည်ထဲရေးဝန် ကြီးဌာနမှ သိရှိရသည်။
ဆက်သွယ်ရေးအရာရှိများ အရေးယူရာတါင် ယခင်စစ်အစိုးရလက်ထက် အမှုများနှင့် မသက်ဆိုင်ဘဲ ယခု အစိုးရသစ် လက်ထက် တွင်ဖြစ်ပေါ်သော အမှုများ ကိုသာ စုံစမ်း စစ်ဆေးခြင်းဖြစ်ကြောင်း ဆက်သွယ်ရေးနှင့် သတင်း အချက်အလက် နည်းပညာ ၀န်ကြီးဌာနမှ သိရှိရသည်။
လတ်တလော မြန်မာ့ဆက်သွယ်ရေးလုပ်ငန်းမှ ဦးသိန်းဦး အပါအ၀င် အရာရှိ ၈ ဦးကို နိုင်ငံပိုင် ပစ္စည်း အလွဲသုံးစား လုပ်မှု ပုဒ်မ ၄၉၀ ဖြင့် အမှုဖွင့်ထားပြီး အရေးယူရန်ပြင်ဆင်လျက် ရှိကြောင်း၊ ထိုသို့ အရေးယူရာတွင် ယခင် စစ်အစိုးရ လက်ထက် ဖြစ်ပွားခဲ့သော အမှုအခင်းများနှင့် ပတ်သက်ခြင်း မရှိဘဲ ယခု အစိုးရသစ်လက်ထက် တွင်း မိုဘိုင်းလ်ဖုန်းသန်း ၃၀ ချထားပေးမည့် စီမံကိန်းနှင့် တိုက်ရိုက် ပတ်သက်ခြင်းဖြစ်ကြောင်း မြန်မာ့ ဆက်သွယ်ရေး လုပ်ငန်းမှ အရာရှိတဦးပြောသည်။
“အရင်ခေတ်က အမှုမဟုတ်ပါဘူး။ ဒီအစိုးရသစ်မှာ လတ်တလောဖြစ်ခဲ့တဲ့ အမှုတွေ၊ နှစ်သိန်းတန် ဖုန်းချပေးတဲ့ ကိစ္စ၊ မိုဘိုင်းလ်ဖုန်း ဆက်သွယ်ရေး ကွန်ရက်တွေ တည်ဆောက်တဲ့နေရာမှာဖြစ်တဲ့ ကိစ္စ၊ ပုဂ္ဂလိက ပြည်တွင်းပြည်ပ ကုမ္ပဏီတွေနဲ့ ဆက်စပ်နေတဲ့ ကိစ္စတွေပါ။ အရင်ခေတ်က အမှုတွေပါပြန်စစ်ရင်တော့ အားလုံး မီးခိုးကြွက်လျှောက်ပါမယ်” ဟု အဆိုပါအရာရှိက ပြောသည်။
စစ်အစိုးရလက်ထက် ဆက်သွယ်ရေးဝန်ကြီးမှာ ဦးသိန်းဇော်ဖြစ်ပြီး ယခုအခါ ဦးသိန်းဇော်သည် ကြံ့ခိုင်ရေး ပါတီတွင် ခေါင်းဆောင်ပိုင်း တာဝန် ထမ်းဆောင်နေကြောင်း၊ ပုဂ္ဂလိက ဆက်သွယ်ရေး ကုမ္ပဏီများမှာလည်း ကြံ့ခိုင်ရေးပါတီမှ ထိပ်တန်းခေါင်းဆောင်များ၏ သားသမီးများပိုင်ဆိုင် ထားကြောင်း၊ ယင်းကြောင့် စစ်အစိုးရလက်ထက် ခြစားမှုများကို ဖော်ထုတ်အရေးယူရန်မှာ အလွန်ရှုပ်ထွေး မည်ဖြစ်သည့်အပြင် ဖွဲ့စည်းပုံအခြေခံဥပဒေအရလည်း နောက်ကြောင်းပြန် အရေးယူခွင့်မရှိဟု တရားဝင်ပြဋ္ဌာန်းထားပြီးဖြစ်သည့်အတွက် အရေးယူရန် မဖြစ်နိုင်ကြောင်း ၎င်းက ရှင်းပြသည်။
၂၀၀၈ ခုနှစ်ဖွဲ့စည်းပုံအခြေခံဥပဒေ၊ အခန်း ၁၄ ၊ကူးပြောင်းရေးကာလပြဋ္ဌာန်းချက်၊ ပုဒ်မ ၄၄၅ တွင် အစိုးရ သစ်သည် ယခင် အစိုးရ ထုတ်ပြန်ထားတဲ့ မူဝါဒ၊ လမ်းညွှန်မှု၊ ဥပဒေ၊ နည်းဥပဒေ၊ စည်းမျဉ်း၊ အမိန့်ပြန်တမ်း၊ ကြေညာချက်၊ ဆောင်ရွက်ချက်၊ တာဝန်များ၊ ရပိုင်ခွင့်များကို ဆက်ခံရဖြစ်ပြီး ယခင်အစိုးရအဖွဲ့၊ အဖွဲ့ဝင်တဦးဦး၏တာဝန်အရ ဆောင်ရွက်ချက်များအပေါ် အကြောင်းပြုပြီး တရားစွဲဆိုခြင်း၊ အရေးယူခြင်းမရှိစေရဟု ပြဋ္ဌာန်းထားသည်။
ပြည်ထဲရေးဝန်ကြီးဌာန၊ မြန်မာနိုင်ရဲတပ်ဖွဲ့ရုံးချုပ်မှ ဒုတိယညွှန်ကြားရေးမှူး(မှုခင်း) ဒုတိယ ရဲမှူးကြီး ၀င်းစိန်က လည်း ဆက်သွယ်ရေး အရာရှိ ၈ ဦးအမှုဖွင့် ခံထားရမှုမှာ အစိုးရသစ် လက်ထက်တွင် ဖြစ်ပေါ်သော အလွဲသုံးစား မှုများနှင့်သာ ဆက်စပ်ပြီး CID က ဦးဆောင်စစ်ဆေးခြင်းဖြစ်သည်ဟု ဆိုသည်။
အရေးယူခံထားရသည့် ဆက်သွယ်ရေးအရာရှိများတွင် အချို့မှာ ရာထူးချထား ခံရခြင်း၊ ရာထူးမှ ထုတ်ပယ်ခံရ ခြင်းများရှိကြောင်း သိရှိရသည်။
ဆက်သွယ်ရေးဝန်ကြီးဌာနမှ အခြားအရာရှိများကိုလည်း ခေါ်ယူစစ်ဆေးခြင်း၊ ပုဂ္ဂလိက ဆက်သွယ်ရေး ကုမ္ပဏီများကို ခေါ်ယူမေးမြန်းခြင်းများပြုလုပ်လျက် ရှိသည့်အပြင် ဆက်သွယ်ရေးပစ္စည်းဝယ်ယူသည့် ကိစ္စ၊ တရုတ်ကုမ္ပဏီဆက်သွယ်ရေး ကုမ္ပဏီများဖြစ်သည့် ZTE ၊ HUAWEI များနှင့်ချုပ်ဆိုထားသော စာချုပ်များကိုလည်း စစ်ဆေး သွားရန်ရှိကြောင်း သိရှိရသည်။
သမ္မတဦးသိန်းစိန်က နိုင်ငံသားတိုင်းသက်သာစွာ အသုံးပြုနိုင်ရေး အတွက် ၅ နှစ် အတွင်း မိုဘိုင်းလ်ဖုန်း သန်း ၃၀ ချထားပေးမည့် စီမံကိန်း တရပ်ရေးဆွဲ ခဲ့ပြီး ယင်းစီမံကိန်းအတွက် ဦးကျော်ဝင်းပိုင် ရွှေသံလွင်ကုမ္ပဏီ၊ ဦးတေဇပိုင် E-Lite Tech၊ ရတနာပုံ တယ်လီပို့၊ စက်မှု ၁ ၀န်ကြီး ဦးအောင်သောင်း ၏သားဖြစ်သူ ဦးနေအောင် အပါအ၀င် ဆွေမျိုးများ ပိုင်ဆိုင်သည့် IGEကုမ္ပဏီ၊ Asia Mega Link ကုမ္ပဏီ အပါအ၀င် စစ်ဗိုလ်ချုပ်များနှင့် နီးစပ်သည့် ပြည်တွင်းပုဂ္ဂလိက ကုမ္ပဏီ ၂၃ ခုနှင့် မြန်မာ့ ဆက်သွယ်ရေး လုပ်ငန်းတို့ အကျိုးတူ ပူးပေါင်းဆောင်ရွက်ရန် သဘောတူညီခဲ့ကြောင်း၊ ကုမ္ပဏီ ၁၃ ခုက ရင်းနှီးမြှုပ်နှံမှုနှင့် စက်ပစ္စည်း တပ်ဆင်ခြင်းလုပ်ငန်း လုပ်ကိုင်ခွင့်ရရှိပြီး ကျန် ၁၀ ခု မှာစက်ပစ္စည်း တပ်ဆင်ပေးသည့် လုပ်ငန်းများ ရရှိခဲ့သည်။
သမ္မတဦးသိန်းစိန်က ဇန်န၀ါရီလ ၁၆ ရက်နေ့တွင် ဆက်သွယ်ရေးဝန်ကြီး ဦးသိန်းထွန်း ကို ရာထူးမှ အနားယူခွင့်ပြုခဲ့သည်။
Ref: ဧရာဝတီ
Read More...
Collapse...
နန်းဆိုင်နွမ်
February 5, 2013
နိုင်ငံတော် သမ္မတရုံးဝက်ဘ်ဆိုက်သည် ပြင်းထန်သော ဆိုက်ဘာ တိုက်ခိုက်မှု DDoS (Distributed Denial of Service) စနစ်ဖြင့် ယနေ့ တိုက်ခိုက် ခံခဲ့ရပြီး ထိပ်တန်း ပုဂ္ဂလိကပိုင် မီဒီယာ The Voice Weekly ၏ ဆိုရှယ်မီဒီယာ ဖေ့ဘွတ်စာမျက်နှာ လုံခြုံရေးကိုလည်း ဟက်ကာများက ချိုးဖောက် ဝင်ရောက် အပိုင်စီးကာ သတင်းအမှားများ ထုတ်လွှင့် ခဲ့သောကြောင့် အင်တာနက် အခြေခံ သတင်း မီဒီယာများနှင့် အိုင်တီခေါ် သတင်းနည်းပညာ လေ့လာသူများအကြား စိတ်ဝင်တစား ဖြစ်ခဲ့ကြသည်။
ယနေ့ နံနက် ၉း၃၀ မှ ၁၀း၀၀ နာရီအတွင်းက အမေရိကန်၊ မလေးရှား၊ ရုရှား အိုင်ပီလိပ်စာ များမှတစ်ဆင့် DDoS Request များပေးပို့ခြင်းဖြင့် သမ္မတရုံး ဝက်ဘ်ဆိုက် DDoS (Distributed Denial of Service) ဖြင့်တိုက်ခိုက်ခံရကြောင်း၊ ယခုအခါ လုံခြုံရေးကို အဆင့်မြှင့် ဆောင်ရွက်နေပြီး ရရှိထားသည့် အထောက်အထားများကို ယူဆောင် စစ်ဆေးနေကြောင်း၊ တိုက်ခိုက်မှု လုပ်သည့် အဖွဲ့သည် နောက်ဆုံး သတင်းများ အရ အင်ဒိုနီးရှားမှ လာသည်ကိုတွေ့ရကြောင်း သမ္မတရုံးက ညွှန်ကြားရေးမှူး ဦးဇော်ဌေး၏ ကိုယ်ပိုင် ဖေ့ဘွတ်အကောင့် မှူးဇော်တွင် တွီတာမှတဆင့် ဖေဖော်ဝါရီလ ၅ ရက် ညနေ ၃ နာရီခွဲက ရေးသားထားသည်။
ယင်းကိစ္စကို ဧရာဝတီက စုံစမ်းအတည်ပြုရာ “ကျနော်တော့ အင်ဒိုနီးရှားကနေ လာတယ်ဆိုတာ မသေချာသေးပါဘူး၊ သံသယ ရှိတာပါ” ဟု ဦးဇော်ဌေးက ပြန်လည်ဖြေဆိုသည်။ “အခု ဆိုရင် နိုင်ငံတော် သမ္မတ ရုံးဝက်ဘ်ဆိုဒ်က အတိုက်ခံရတာ နှစ်ကြိမ်ရှိသွားပါပြီ။ ပထမ အကြိမ်က မိနစ် ၄၀ လောက် ဖြစ်ခဲ့တယ်။ အခုကတော့ ပိတ်လိုက်၊ ရလိုက်ပါပဲ” ဟုလည်း ပြောသည်။
တချိန်တည်းတွင်ပင် The Voice Weekly ၏ ဆိုရှယ်မီဒီယာ ဖေ့ဘွတ်စာမျက်နှာ လုံခြုံရေးကိုလည်း ဟက်ကာများက ချိုးဖောက်ဝင်ရောက် အပိုင်စီးကာ သတင်းအမှားများ ထုတ်လွှင့်ခဲ့သောကြောင့် ယခင် စာမျက်နှာကို ဖြုတ်ချဖျက်သိမ်းပစ်ခဲ့ပြီး စာမျက်နှာအသစ် ထပ်မံဖွင့်ခဲ့သည်။ ယင်းအဖြစ်အပျက်နှင့် ပတ်သက်ပြီး ဧရာဝတီက မေးမြန်းစုံစမ်းမှုကို The Voice Weekly က ဖြေကြားရန် ငြင်းဆိုခဲ့သည်။
ဇန်နဝါရီလအတွင်းကလည်း အခြား ထိပ်တန်း ပုဂ္ဂလိကပိုင် မီဒီယာ တခုဖြစ်သော Eleven Media Group ၏ ဝက်ဘ်ဆိုက်လည်း တိုက်ခိုက်ခံခဲ့ရသည်။ ယင်းတိုက်ခိုက်မှုမတိုင်မီ မည်သူတာဝန်ယူလုပ်ကိုင်နေကြောင်း ရှင်းလင်းစွာ မသိနိုင်သော www.myanmarexpress.net က Eleven Media ကို DDos ဖြင့် တိုက်မည်ဖြစ်ကြောင်း လှုံ့ဆော်ရေးသားခဲ့သောကြောင့် Eleven Media က တာမွေမြို့နယ် ရဲစခန်းတွင် အမှုဖွင့်ထားသည်။
“မကောင်းတဲ့ရည်ရွယ်ချက်နဲ့ လုပ်တာပါ။ စတုတ္ထမဏ္ဍိုင်ရဲ့အင်အား ကြီးမားမှုကို မလိုလားလို့ပါ။ ဒီကိစ္စက နိုင်ငံတကာမှာ တားမြစ်ထားတဲ့ ကိစ္စပါပဲ။ ဒီပေါ်မှာ ဘယ်လိုကာကွယ်သင့်လဲ ဆိုတာ မီဒီယာတွေအားလုံး ဆွေးနွေးညှိနှိုင်း အကြံပေးဖို့လိုပါတယ်” ဟု မြန်မာစာနယ်ဇင်းသမဂ္ဂ အဖွဲ့ဝင် ဦးဇော်သက်ထွေးက ဧရာဝတီသို့ ပြောဆိုသည်။
ထို့ပြင် အဆိုပါ တိုက်ခိုက်မှုများသည် ရှေ့ဆက် ဖြစ်ပွားမှု များလာနိုင်သောကြောင့် ယင်းကိစ္စကို တာဝန်ယူ ဖြေရှင်းပေးနိုင်သည့် ပညာရှင်များ အဖွဲ့များလည်း မရှိသေးသရွေ့ ဥပဒေအရ အရေးယူမှုလည်း မဖြစ်နိုင်သေးကြောင်းဟု အိုင်တီနည်းပညာ လေ့လာသူ ဘလော့ဂ်ဂါ ကိုဘုန်းနေလတ်ကလည်း ထောက်ပြ ပြောဆိုသည်။
“တိုက်ခိုက်မှုဟာ နောက်ပိုင်း e- vision တွေလာရင် ပိုဆိုးနိုင်တယ်။ လုံခြုံရေးအရ ပြောရရင် ကို ၀က်ဘ်ဆိုဒ် ရဲ့ password ကို အမြဲတမ်း ချိန်းပေးသင့်တယ်။ ပြီးတော့ ဟက်တဲ့အပိုင်းကို ကာကွယ်ဖို့ နည်းပညာတွေ အဆင့်မြှင့်ဖို့ လိုသလို့ ရဲ ဌာန နဲ့ တရားဥပဒေဆိုင်ရာတွေကို အဆင့်မြှင့်သင့်တယ်” ဟု နေဘုန်းလတ်က ပြောသည်။
DDoS တိုက်ခိုက်မှုစနစ်သည် တစုံတယောက်သော တိုက်ခိုက်သူက မြောက်များစွာသော ကြားခံစနစ်များနှင့် အခြားသူများ၏ ကွန်ပျူတာ IP လိပ်စာများကို အပိုင်စီး အသုံးပြုကာ ပစ်မှတ် ဝက်ဘ်ဆိုက်ကို လေးလံသွားစေခြင်းဖြင့် တိုက်ခိုက်ခြင်းဖြစ်သည်။ “ဟက် (Hack)” လုပ်သည် ဆိုခြင်းမှာ တစုံတဦးက အားနည်းသော လုံခြုံရေးသာ ထားရှိသော ဝက်ဘ်ဆိုက်များကို ဖောက်ထွင်းဝင်ရောက်ခြင်း ဖြစ်သည်။
ဧရာဝတီသတင်းဌာနသည်လည်း “၂၀၀၇ ရွှေဝါရောင် တော်လှန်ရေး” ကာလနှင့် ယင်းနှစ် နောက်ပိုင်းတွင် DDos ဖြင့် အကြိမ်ကြိမ် တိုက်ခိုက်ခံရဖူးပြီး ၂၀၁၀ ခုတွင် ဧရာဝတီ အင်တာနက် စာမျက်နှာ အင်္ဂလိပ်ပိုင်း၏ လုံခြုံရေးကို ချိုးဖောက်ဝင်ရောက်ကာ မဟုတ်မမှန် ရေးသားမှုများကို ခံခဲ့ရသည်။
Ref: ဧရာဝတီ
Read More...
Collapse...
မအေးအေးမာ
05.02.2013
လက်ပံတောင်းမှာ မီးလောင်ဒဏ်ရာတွေ ရရှိခဲ့ကြတဲ့ သံဃာတွေထဲက ထိုင်းနိုင်ငံ ဘန်ကောက်မြို့ ဆေးရုံမှာ လာရောက် ကုသနေကြတဲ့ သံဃာ ၂ ပါးအနက် အသက် ၁၄ နှစ်အရွယ် ကိုရင်လေး ရှင်သဇ္ဇဏ ဟာ အရေပြား အစားထိုးမှု အခြေအနေ မကောင်းသေးတဲ့ အတွက် ဖေဖော်ဝါရီလ ၄ ရက်နေ့က ၅ နာရီကြာ ခွဲစိတ်ခန်းကို ပြန်ဝင်ပြီး ကုသနေရတယ်လို့ ဆိုပါတယ်။ အသေးစိတ်ကို ထိုင်းအခြေစိုက် သတင်းထောက် မအေးအေးမာ က သတင်းပေးပို့ထားပါတယ်။
လက်ပံတောင်းတောင် ကြေးနီစီမံကိန်း ရပ်တန့်ရေးနဲ့ လယ်တီဆရာတော် ဘုရားကြီးရဲ့ သာသနာ့မြေ မပျောက်ကွယ်ရေး လယ်တီ ဆရာတော် ဘုရားကြီးရဲ့ သိမ်ကျောင်းကို ထိန်းသိမ်း ကာကွယ်ခဲ့ကြတဲ့ သံဃာတော်တွေဟာ သပိတ်စခန်းမှာပဲ အာဏာပိုင်တွေ ဖြိုခွဲခဲ့တဲ့ အတွက် မီးလောင် ဒဏ်ရာတွေ ရရှိခဲ့ကြတာပါ။
မီးလောင်ဒဏ်ရာ ပြင်းထန်သူတွေထဲက ဦးတိက္ခဥာဏ ဆိုတဲ့ ဦးဇင်းကြီး တပါးနဲ့ ကိုရင်လေး တပါးဟာ ဘန်ကောက်မြို့ ဆေးရုံကြီးမှာ ဆေးကုသ ခံနေကြရတာ ဖြစ်ပါတယ်။
ဒီအထဲက ကိုရင်လေး ရှင်သဇ္ဇဏ ဟာ ဒဏ်ရာတွေ မသက်သာတဲ့ အတွက် ပြန်လည် ခွဲစိတ်ကုသမှု လုပ်ခဲ့ရကြောင်း ဦးတိက္ခဥာဏရဲ့ သားဖြစ်သူ ဒေါက်တာ နေသုခ က ပြောပြပါတယ်
“ခွဲခန်းပဲ ပြန်ဝင်လိုက်တာ၊ မနေ့ကတော့ ၅ နာရီလောက် ကြာသွားတာ၊ ၁၂ နာရီလောက် ၀င်လိုက်တာလေ၊ ၅ နာရီလောက်မှ ပြန်ထွက်လာတယ်။ ၀င်ပြီးတော့မှ အဲ့ဒီ အသားစအနာက မကောင်းလို့ဆိုပြီးတော့မှ ပြန်ခြစ်ထုတ်ပြီးမှ အသစ်ပြန်လဲ လိုက်တာ။ များသောအားဖြင့်တော့ အသားတွေက သွေးတွေ ဘာတွေ မခြောက်လို့နေမှာပေါ့။ Operation ကလည်း ကြာသွားတဲ့ အခါကျတော့ မေ့ဆေးကလည်း ပြယ်သွားလို့နေမှာ ကိုရင်လေးက သူ တော်တော်လေး နာပြီးတော့မှ ငိုနေတာ။ အသားတွေလည်း တုန်နေပြီးတော့လေ။ ဦးဇင်းကြီးအခြေအနေကလည်း တိုးတက်လာပါ တယ်။ ဒီနေ့ကတော့ သူ့ ညာဘက်ပေါင် အတွင်းပိုင်းကိုလည်း အရေပြားအစားထိုးမလို့။ ကျန်တာတွေ က ကျောတွေရယ်၊ တင်ပါးတွေရယ်၊ ပေါင်ရယ်ပေ့ါ။ ဘယ်ဘက်ကတော့ အရေပြားအစားထိုးထားတာ အဲ့ဒါတော့ ပြန်ခွာမကြည့်ရသေးဘူး။”
ဦးတိက္ခဥာဏ လည်း ဒီနေ့မှာ ခွဲစိတ်ခန်း ပြန်ဝင်ဖို့ အခြေအနေ ရှိတဲ့အကြောင်းကိုလည်း ဆက်ပြောပြ ပါတယ်။ ဘန်ကောက်မြို့က ဆေးရုံမှာ ကုသစရိတ် တောင်းခံခြင်း မရှိပေမဲ့ မိသားစုတွေကတော့ လိုအပ်တာတွေကို မိမိတို့ဘာသာ ကုန်ကျ ခံနေရတယ်လို့ ဆိုပါတယ်။
“ဆေးရုံစရိတ်က အစိုးရကျခံသလား။ ဘယ်သူကျခံသလဲတော့ ကျနော် မသိဘူးခင်ဗျ။ ကျနော်တို့ဆီ ကိုတော့ လာမတောင်းဘူး။ ကျနော်တို့လည်း ဘန်ကောက်မှာကျတော့ တိုက်ခန်းတခုမှာ ငှားနေလိုက် တာလေ။ စားတာသောက်တာတွေကတော့ ကိုယ့်ဟာနဲ့ကိုယ်ပဲပေါ့။ ကိုရင်လေးအတွက် အစောင့် လိုက်လာတဲ့ ဦးဇင်းကျတော့လည်း ဆေးရုံနားက တည်းခိုခန်းလိုမျိုး တခုမှာ နေလိုက်တယ်။ သူလည်း သူ့ဟာသူ အကုန်ရှင်းရတာပဲ။”
ရွှေည၀ါဆရာတော်နဲ့ ပြည်တွင်းက အကူအညီပေးတဲ့အဖွဲ့တွေကတော့ သံဃာတော်တွေရဲ့ လိုအပ်ချက်တချို့ကို အကူအညီ ပေးခဲ့တယ်လို့ ဆိုပါတယ်။ ဇန်န၀ါရီလကုန်မှာ လက်ပံတောင်းတောင်နဲ့ပတ်သက်လို့ အစီရင်ခံစာ ထွက်မယ်လို့ ဆိုထားပေမဲ့ အစီရင်ခံစာဟာ နောက်ကျဦးမယ်ဆိုပြီး ပုလဲမြို့နယ် ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင် က ပြောထား ပါတယ်။
အစီရင်ခံစာနဲ့ပတ်သက်လို့ ဘာမှ မျှော်လင့်မထားတဲ့အကြောင်းနဲ့ ဘန်ကောက်မြို့မှာ ဆေးရုံတက် ကုသနေရတဲ့ ဦးဇင်းကြီး ဦးတိက္ခဥာဏကတော့ လယ်တီဆရာတော်ကြီးရဲ့ သာသနာ့မြေကို ပြန်လည်ထိန်းသိမ်းပေးစေလိုတဲ့ ဆန္ဒသာရှိတယ်လို့ သားဖြစ်သူက ဆိုပါတယ်။
“ဦးဇင်းကြီး မျှော်လင့်တာကလည်း လယ်တီသာသနာ့မြေကို ကောင်းကောင်းလေး သူတို့ လုပ်ပေးနိုင်ရင်တော့ ကျနော်တို့ကတော့ အဆင်ပြေပါတယ်။ အဲ့လောက်ပဲ မျှော်တာပါ။ ကျန်တာတော့ ဘာမှတော့ မျှော်မနေပါဘူး။ သိမ်နဲ့ ဘုရားလေးပဲ အဲ့ဒါလေးပဲ မွန်းမံ ပြင်ဆင်ပေးရင်တော့ ကောင်းတာ ပေါ့။ အရင်တုန်းက ပုံမျိုးနဲ့ဆိုရင် တမိုးလောက် ရွာလိုက်ရင်ကို ပြိုထွက်သွားမှာပဲ။”
ဦးတိက္ခဥာဏ ဟာ မြန်မာနိုင်ငံမှာ နာဂစ်ဖြစ်စဉ်တုန်းက ဧရာဝတီတိုင်းကဒေသခံပြည်သူတွေကို အကူအညီပေးခဲ့တဲ့ ဦးဇင်းကြီးတပါး ဖြစ်ပါတယ်။ လက်ပံတောင်းဒေသမှာ တရုတ်ကုမ္ပဏီဖြစ်တဲ့ မြန်မာဝမ်ဘောင်ကုမ္ပဏီနဲ့ မြန်မာစစ်တပ်ပိုင် ဦးပိုင်ကုမ္ပဏီလီမီတက်တို့ ပူးပေါင်းပြီး ကြေးနီစီမံကိန်းကို လုပ်ခဲ့တာပါ။
ဒေသခံတွေကတော့ လယ်မြေတွေဆုံးရှုံးတာ၊ စီမံကိန်းကြောင့် ကျန်းမာရေးထိခိုက်မှုတွေ ရှိနေတာ သာသနာ့မြေတွေကို ဖျက်ဆီးတာတွေ၊ ဆန့်ကျင်ကန့်ကွက်မှုတွေကို ပြီးခဲ့တဲ့လတွေအထိ လုပ်ဆောင်နေခဲ့ပါတယ်။
မြန်မာအာဏာပိုင်တွေက ပြီးခဲ့တဲ့နိုဝင်ဘာလ ၂၉ ရက်နေ့က လက်ပံတောင်းသပိတ်စခန်းကို ဖြိုခွဲခဲ့ရာမှာ သံဃာတော်တွေနဲ့ လူပုဂ္ဂိုလ်တချို့ မီးလောင်ဒဏ်ရာများ ရရှိခဲ့တာလည်း ဖြစ်ပါတယ်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဦးဆောင်တဲ့ လက်ပံတောင်းတောင်ကိစ္စ စုံစမ်းစစ်ဆေးရေးကော်မရှင်က အစပိုင်းမှာ ထုတ်ပြန်ခဲ့တဲ့ သတင်းထုတ်ပြန်ချက်မှာတော့ သပိတ်စခန်း ဖြိုခွဲရာမှာ မီးခိုးဗုံးနဲ့ အသုံးပြုခဲ့တယ်လို့ ဆိုပါတယ်။ အမေရိကန်နိုင်ငံသား လူ့အခွင့်အရေး ရှေ့နေတွေနဲ့ မြန်မာနိုင်ငံသားရှေ့နေတွေ ပူးပေါင်းတဲ့အဖွဲ့ရဲ့ စုံစမ်းစစ်ဆေး တွေ့ရှိချက်တွေအရ လုံခြုံရေးတပ်ဖွဲ့တွေက အင်အားသုံးဖြိုခွဲရာမှာ မီးလောင်ကျွမ်းစေနိုင်တဲ့ မီးလောင်ဗုံးကို သုံးစွဲကြောင်း အမေရိကန်အခြေစိုက် နယူးယောက်တိုင်းစ် သတင်းစာမှာ ဇန်န၀ါရီလ ၃၀ ရက်နေ့က ဖော်ပြခဲ့ပါတယ်ရှင်။
Ref: VOA News
Read More...
Collapse...
Posts
