ရန်ပိုင်
November 14, 2011
ယုံကြည်ချက်ကြောင့် အကျဉ်းကျခံနေရသည့် နိုင်ငံရေး အကျဉ်းသားများ ယခုရက်ပိုင်း လွတ်မြောက် လာနိုင်သည်ဆိုသည့် သတင်းများကြောင့် သက်ဆိုင်ရာ အကျဉ်းသား မိသားဝင်စုများက မျှော်လင့်နေကြသည်။
ပြီးခဲ့သည့် စနေနေ့က မြန်မာနိုင်ငံ အမျိုးသား လူ့အခွင့်အရေး ကော်မရှင်မှ ဒုတိယအကြိမ် သမ္မတ ဦးသိန်းစိန်သို့ ပေးပို့သည့် အိတ်ဖွင့် ပေးစာ၌ နိုင်ငံတော် တည်ငြိမ်ရေး၊ အများပြည်သူ အေးချမ်း သာယာရေးနှင့် တိုင်းရင်းသား အကျိုးစီးပွားကို ထိပါးမည့် အန္တရာယ် မရှိနိုင်သော အကျဉ်းသားများကို ထပ်မံ လွှတ်ပေးခြင်းဖြင့် နိုင်ငံတော် တည်ဆောက်ရေးနှင့် အမျိုးသား စည်းလုံး ညီညွတ်ရေးကို တဖက်တလမ်းမှ အထောက်အကူ ဖြစ်စေမည်ဖြစ်၍ ပြစ်ဒဏ် အသီးသီးမှ လွတ်ငြိမ်း ချမ်းသာခွင့်ပြုရန် တင်ပြထားသည်။
သို့သော် ခြွင်းချက်အနေဖြင့် နိုင်ငံတော် တည်ငြိမ်အေးချမ်းမှုကို ထိန်းသိမ်းရန် လိုအပ်ချက်အရ လွတ်ငြိမ်း ချမ်းသာခွင့် မပေးနိုင်သူ များကိုမူ မိသားစုနှင့် ဝေးလံသည့် အကျဉ်းထောင်များမှ သွားလာရ လွယ်ကူသော အကျဉ်းထောင်များသို့ ပြောင်းရွှေ့ပေးပါရန် တဆက်တည်း တင်ပြထားသည်။
ပဲခူးတိုင်း တောင်ငူမြို့ အကျဉ်းထောင်တွင် ထောင်ဒဏ် ၆၅ နှစ် ကျခံနေရသည့် ၈၈ မျိုးဆက် ကျောင်းသား ခေါင်းဆောင် ကိုဇော် ဇော်မင်း၏ ဇနီးဖြစ်သူ ဒေါ်ဌေးဌေးဝင်းက“ဖအေချည်းပဲ လွတ်လာရင်လည်း ပျော်ရမှာမဟုတ်ဘူး၊ သားအဖ နှစ်ယောက်စလုံးပါမှ၊ ရင် တထိတ်ထိတ်နဲ့ပဲ စောင့်နေရတာ”ဟု ဆိုသည်။
ကိုဇော်ဇော်မင်း၏ ကျန်းမာရေးအခြေအနေမှာ ရာသီဥတုဒဏ်ကြောင့် ကိုယ်လက်ကိုက်ခဲကာ ဖျားနာခြင်း မကြာခဏ ဖြစ်ကြောင်း ဒေါ်ဌေးဌေးဝင်းက ဆက်လက်ပြောသည်။
ကိုဇော်ဇော်မင်းသည် သာယာဝတီထောင်တွင်း၌ သေဆုံးသွားသည့် ၁၉၉၀ ရွေးကောက်ပွဲ အနိုင်ရ ထီးလင်းမြို့နယ် လွှတ်တော် ကိုယ်စားလှယ် ဦးစောဝင်း၏သားဖြစ်ပြီး ၎င်း၏ သားဖြစ်သူ ဒီငြိမ်းလင်းမှာလည်း စစ်ကိုင်းတိုင်း မုံရွာထောင်တွင် ထောင်ဒဏ် ၁၅ နှစ် ကျခံ နေရသည်။
အစိုးရက လွတ်ငြိမ်းချမ်းသာခွင့်ပေးရာတွင် ကိုမင်းဇေယျာ၊ ကိုလှမျိုး နောင်၊ ကိုအောင်သူ စသည့် ၈၈ မျိုးဆက် ကျောင်းသား ခေါင်းဆောင်များ ပါဝင်နိုင်သည်ဟု ထင်ကြေးပေး ပြောဆိုမှုများလည်း ထွက်ပေါ်နေသည်။
အလားတူ ရခိုင်ပြည်နယ် ဘူးသီးတောင်ထောင်တွင် ထောင်ဒဏ် ၁၁ နှစ် ကျခံနေရသည့် ဗမာနိုင်ငံလုံး ဆိုင်ရာ ကျောင်းသားများ သမဂ္ဂ(ဗကသ) အဖွဲ့ဝင် ကိုစည်သူမောင်၏ မိခင် ဒေါ်နုနုဆွေက“ထူးထူး ခြားခြားတော့မရှိဘူး၊ စောင့်နေကြတာပဲ၊ သိပ်မမျှော်လင့် ဖို့တော့ သားက ပြောထားတယ်၊ မိဘတွေ ခံစားရမှာစိုးလို့ ပါတဲ့”ဟု ဆိုသည်။
ယနေ့တွင် မြန်မာ့ရုပ်မြင်သံကြားမှ လွတ်ငြိမ်းချမ်းသာခွင့် ကြေညာမည်ဟု သတင်းများထွက်ပေါ် နေခြင်းကြောင့် နိုင်ငံရေး အကျဉ်းသား မိသားစုများ အချင်းချင်း တယ်လီဖုန်းဖြင့် အပြန်အလှန် ဆက်သွယ်ကာ သတင်း ဖလှယ်နေရကြောင်း ဒေါ်နုနုဆွေက ဆက်လက်ပြောသည်။
ကိုစည်သူမောင်နှင့်ဖခင် ဦးပီတာသည် ၂၀၀၇ ရွှေဝါရောင်တော်လှန်ရေး အပြီးတွင် အဖမ်းခံခဲ့ရခြင်း ဖြစ်ပြီး ဦးပီတာမှာ ပြီးခဲ့သည့် သီတင်းကျွတ် လပြည့်နေ့က ထုတ်ပြန်သည့် သမ္မတဦးသိန်းစိန်၏ လွတ်ငြိမ်းချမ်းသာခွင့် အမိန့်ဖြင့် ကယားပြည်နယ် လွိုင်ကော် အကျဉ်းထောင်မှ ပြန်လည် လွတ်မြောက်လာခဲ့သည်။
ရှမ်းပြည်အရှေ့ပိုင်း ကျိုင်းတုံထောင်တွင် ထောင်ဒဏ် ၆၅နှစ် ကျခံနေရသည့် ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင် ၏ အစ်မဖြစ်သူ ဒေါ်ကြည်ကြည်ညွန့်ကမူ “မမျှော်လင့်ပါဘူး၊ မှန်းဆလို့ မရတဲ့ အရာတွေ၊ ဖြစ်ချင်မှလည်း ဖြစ်နိုင်မှာ” ဟု ဆိုသည်။
အမျိုးသားလူအခွင့်အရေးကော်မရှင်၏ တင်ပြချက်တွင်ပါဝင်သည့် ရပ်ဝေးတွင်ရောက်ရှိနေသည့် အကျဉ်းသား များကို မိသားစုနှင့် နီးသည့် အကျဉ်းထောင်များ ထားရန် စီစဉ်ခြင်းနှင့် ပတ်သက်၍မူ ထူးခြားသည့် ဖြစ်စဉ်ဟု မယူဆကြောင်း ဒေါ်ကြည်ကြည်ညွန့်က ပြောသည်။
နိုင်ငံရေး အကျဉ်းသားများ ကူညီစောင့်ရှောက်ရေး အသင်း(AAPP) ၏ လက်ရှိ စာရင်းအရ မြန်မာနိုင်ငံ အကျဉ်းထောင်များ အတွင်း နိုင်ငံရေး အကျဉ်းသား ၁၆၆၈ ဦး ရှိကြောင်း သိရသည်။
မြန်မာနိုင်ငံ အမျိုးသား လူ့အခွင့်အရေး ကော်မရှင်၏ သမ္မတ ဦးသိန်းစိန်ထံသို့ ပေးပို့သည့် အိတ်ဖွင့် ပေးစာ၌ ယုံကြည်ချက်ကြောင့် အကျဉ်းကျ ခံနေရသူ ၅၀၀ ခန့်ရှိပြီး ၂၀၀ ကျော် လွှတ်ပေးခဲ့ပြီး ဖြစ်ကြောင်း ယမန်နေ့ထုတ် အစိုးရ မြန်မာ့အလင်း သတင်းစာတွင် ဖော်ပြထားသည်။
ပြီးခဲ့သည့် သီတင်းကျွတ် လပြည့် အောက်တိုဘာ ၁၂ ရက်နေ့က သမ္မတ ဦးသိန်းစိန်၏ လွတ်ငြိမ်းချမ်းသာခွင့် အမိန့်ဖြင့် အကျဉ်း သား ၆၃၅၉ ဦးကို လွှတ်ပေးခဲ့ရာ နိုင်ငံရေး အကျဉ်းသား ၂၀၀ ကျော်ပါဝင်ခဲ့သည်။
Ref: ဧရာဝတီ
Tuesday, November 15, 2011
နိုင်ငံရေးအကျဉ်းသားများ လွတ်ရန် မိသားစုဝင်များ မျှော်လင့်နေ
အစိုးရငြိမ်းချမ်းရေး ကိုယ်စားလှယ် မွန်ပြည်သစ်ဌာနချုပ်သို့ ရောက်ရှိ
ကွန်းချမ်း
တနင်္လာနေ့၊ နိုဝင်ဘာလ ၁၄ ရက် ၂၀၁၁
ချင်းမိုင် (မဇ္ဈိမ) ။ ။ မွန်ပြည်နယ် ဝန်ကြီးချုပ်မှ ရွေးချယ်စေလွှတ်သည့် ငါးဦးပါ ငြိမ်းချမ်းရေး ကိုယ်စားလှယ် အဖွဲ့ တဖွဲ့ မွန်ပြည်သစ် ပါတီ (NMSP) ဌာနချုပ်ရှိရာ မွန်ပြည်နယ် ရေးချောင်းဖျား ဒေသသို့ စနေနေ့ညတွင် ရောက်ရှိနေပြီး နှစ်ရက်တိုင် ညှိနှိုင်း ဆွေးနွေးလျက်ရှိသည်။
ကိုယ်စားလှယ်အဖွဲ့တွင် မွန်ပြည်သစ်ပါတီခေါင်းဆောင်ဟောင်း နှစ်ဦးဖြစ်သည့် ဗဟို အလုပ်အမှုဆောင်ဟောင်း နိုင်တင်အောင်၊ ဗဟို ကော်မတီဝင်ဟောင်း နိုင်စိုးမြင့်တို့ အပါအဝင် မွန်အမျိုးသား ဒီမိုကရေစီအဖွဲ့ (MNDF) ဗဟို အလုပ်အမှုဆောင် နိုင်သက်လွင်၊ ဒေါက်တာ မင်းကြည်ဝင်းနှင့် မွန်ပြည်သူများ အကြား သြဇာတိက္ကမရှိသည့် ကျိုက်မရောမြို့နယ် ကော့ပလိုင်ရွာ ဆရာတော်ဘဒ္ဒန္တ ကေတုမာလာတို့ ပါဝင်သည်။
“ဟိုကနေ သိသလောက် ဘုန်းကြီးတို့က ဒီမှာလာပြောပြတယ်။ သူတို့ သဘောကျ၊မကျ ဆိုတာက သူတို့ကိုယ်တိုင် ဆုံးဖြတ် ပါလိမ့်မယ်။ ဘုန်းကြီးတို့က သူတို့ကို ဖိအားလာပေးတာ မဟုတ်ဘူး၊ ငြိမ်းချမ်းအတွက် လာညှိနှိုင်း ပေးတာ လောက်ပါပဲ။” ဟု ငြိမ်းချမ်းရေး ကိုယ်စားလှယ် ဘဒ္ဒန္တကေတုမာလာက တနင်္လာနေ့နံနက်က မဇ္ဈိမကို မိန့်ကြား သည်။
ဆရာတော်၏ အဆိုအရ ဝန်ကြီးချုပ်ဦးအုန်းမြင့်၏ ကမ်းလှမ်းချက်ကို မွန်ပြည်သစ် ပါတီအနေနှင့် လက်ခံနိုင်ခြေ နည်းပြီး ဆက်လက် ညှိနှိုင်းနေရဆဲ ဖြစ်သည်။ ပါတီဌာနချုပ်ကို ဆက်သွယ်သော်လည်း ညှိနှိုင်းဆွေးနွေးဆဲ ဖြစ်သည့် အတွက် အကြောင်းအရာ အသေးစိတ်ကို မပြောနိုင်သေးကြောင်း အကြောင်းပြန်သည်။
မွန်ပြည်သစ်နှင့် ဆွေးနွေးရန်အတွက် ယခင်မွန်ပြည်သစ် ဗဟိုကော်မတီဝင်နှင့် ယခုမွန်ပြည်နယ် လျှပ်စစ်နှင့် စက်မှု လက်မှု ဝန်ကြီး နိုင်လဝီအောင် (ခေါ်) နိုင်မြင့်ဆွေ ဦးဆောင်သည့် ကိုယ်စားလှယ် အဖွဲ့တဖွဲ့ကို ဝန်ကြီးချုပ် ဦးအုန်းမြင့်က စက်တင်ဘာ လတွင် ဖွဲ့စည်းပြီး နေပြည်တော် ဗဟိုအစိုးရသို့ တင်ပြခဲ့သော်လည်း ပယ်ချခံရသည်။
အောက်တိုဘာလ ၆ ရက်နေ့တွင်လည်း NMSP ဘက်မှ ဗဟိုအလုပ်အမှုဆောင် နိုင်တလညီ ဦးဆောင်သည့် ကိုယ်စားလှယ်များနှင့် အစိုးရ ဘက်တွင် လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး ဌေးမြင့်အောင် ဦးဆောင်သည့် ကိုယ်စားလှယ်များ ရေးမြို့ အခြေစိုက် ခလရ (၆၁) စစ်တပ်ဝင်းတွင် ငြိမ်းချမ်းရေး အတွက် ပဏာမ ဆွေးနွေးခဲ့သေးသည်။
လက်ရှိအခြေအနေအရ အစိုးရက မွန်ပြည်သစ်နှင့် အပစ်အခတ် ရပ်ရေးအတွက် ဆွေးနွေးလိုပြီး၊ မွန်ပြည်သစ်က အပစ် အခတ် ရပ်ရေးကို ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) နှင့်သာ ဆွေးနွေး မည်ဟု မွန်ပြည်သစ်နှင့် UNFC ၏ အထွေထွေ အတွင်းရေးမှူးဖြစ်သူ နိုင်ဟံသာက မဇ္ဈိမကို အောက်တိုဘာလ တွင် ပြောကြားခဲ့သည်။
၁၉၉၅ ခု အပစ်အခတ် ရပ်ခဲ့စဉ်က မွန်ပြည်သစ်ပါတီဝင် ၇,၀၀၀ ကျော် ရှိပြီး၊ ၂၀၁၀ အပစ်အခတ်ရပ်ရေး ပျက်ပြားချိန်တွင် ပါတီဝင် ၂,ဝဝဝကျော် ကျန်ရှိကြောင်း ပါတီ အသိုင်းအဝိုင်းမှ လာသောသတင်းအရ သိရသည်။
UNFC အဖွဲ့ဝင်အဖြစ် ပါဝင်သည့် ကရင်အမျိုးသား အစည်းအရုံး (KNU) ကလည်း မြန်မာအစိုးရ၏ ငြိမ်းချမ်းရေး ကမ်းလှမ်းမှု နောက်ပိုင်း နိုဝင်ဘာလ ၁ဝ ရက်နေ့တွင် ငြိမ်းချမ်းရေး ဆွေးနွေးမည့် ကိုယ်စားလှယ် အဖွဲ့တဖွဲ့ကို ဖွဲ့စည်း လိုက်သည်။
အလားတူ အောက်တိုဘာလ ၂၉ ရက်နေ့တွင်လည်း UNFC အဖွဲ့ဝင်ဖြစ်သည့် ရှမ်းပြည်တပ်မတော် (မြောက်) SSPP/SSA နှင့် မြန်မာ အစိုးရ ကိုယ်စားလှယ်တို့ နေပြည်တော်၌ ပဏာမအဆင့် တွေ့ဆုံဆွေးနွေးခဲ့သည်။
အစိုးရမှ စစ်ရေး၊ နိုင်ငံရေးအရ ဖိအားပေးလာလျှင် စုပေါင်းခုခံကာကွယ်နိုင်ရန် UNFC ကို လွန်ခဲ့သည့် ဖေဖော်ဝါရီ လ ၁၇ ရက်နေ့တွင် တိုင်းရင်းသား လက်နက်ကိုင် အဖွဲ့များ ၁၂ ဖွဲ့မှ အခြေခံ ခြောက်ဖွဲ့နှင့် မဟာမိတ် ခြောက်ဖွဲ့ဖြင့် ဖွဲ့စည်းခဲ့သည်။
NMSP သည် ၁၉၉၄ခုနှစ်မှစပြီး ယခင် နဝတအစိုးရနှင့် အရှေ့တောင်တိုင်း စစ်ဌာနချုပ်တွင် လေးကြိမ်တိုင် ဆွေးနွေး ခဲ့ပြီးနောက် ၁၉၉၅ ခု နှစ်လယ်ခန့်တွင် အပစ်အခတ် ရပ်ရေး သဘောတူချက် ရရှိခဲ့ကာ နယ်ခြားစောင့် တပ်နှင့် ပြည်သူ့စစ် အသွင်ပြောင်းရန် နအဖ အစိုးရ၏ ဖိအားပေးမှုကို ငြင်းဆန်ရာမှ ၂ဝ၁ဝခုနှစ်၊ စက်တင်ဘာလ ၁ ရက်နေ့တွင် ၁၅ နှစ်ကျော် ရယူထားသည့် အပစ်အခတ် ရပ်စဲရေး သဘောတူချက် ပျက်ခဲ့သည်။
Ref: မဇ္ဈိမ
မြစ်ကြီးနား ဗုံးပစ်ခွဲမှု လူ ၁၀ ဦးသေ၊ ၂၇ ဦးဒဏ်ရာရ
ဖနိဒါ
တနင်္လာနေ့၊ နိုဝင်ဘာလ ၁၄ ရက် ၂၀၁၁
ချင်းမိုင် (မဇ္ဈိမ) ။ ။ ပေါက်ကွဲမှုများ ဆက်တိုက်ဖြစ်ပွားနေသော မြစ်ကြီးနားမြို့တွင် တနင်္ဂနွေနေ့ညက မိဘမဲ့ ကလေးမျာအား စောင့်ရှောက် နေသည့် နေအိမ်တခုထဲသို့ အပြင်မှ ဗုံး ပစ်သွင်း ဖောက်ခွဲမှုကြောင့် လူ ၁၀ ဦး သေဆုံးကာ ၂၇ ဦး ဒဏ်ရာ ပြင်းထန် ရရှိသွားသည်ဟု ဒေသခံများက ပြောသည်။
မြစ်ကြီးနားမြို့ သီတာရပ်ကွက် AG ဘုရားကျောင်းအနီးရှိ ဦးဒယောင်တန်ဂွန်း၏ နေအိမ်တွင်းသို့ ဆိုင်ကယ် စီးနင်းလာသည့် လူနှစ်ယောက်က အထုပ်တထုပ် ပစ်သွင်းသွားရာမှ ပေါက်ကွဲမှု ဖြစ်ပွားခဲ့ခြင်း ဖြစ်သည်။ အဆိုပါ ဖြစ်ရပ်ကြောင့် ဦးဒယောင်တန်ဂွန်း ၏ သား ဆယ်နှစ်ကျော် အရွယ် မောင်ဆိုင်းခွမ်၊ သမီး တဦးနှင့် တနှစ်အရွယ် မြေးတဦးတို့ အပါအဝင် ၁၀ ဦး သေဆုံးသွားသည်။
“ဦးဒယောင်တန်ဂွန်းရဲ့ကလေးတွေ နေတဲ့အိမ်က အနောက်ဘက်မှာ လမ်းကြားရှိတယ်။ အဲဒီလမ်းကြားဘက် ကနေ ဗုံး ပစ်လိုက်တယ်လို့ ပြောတယ်။ နောက် ဆိုင်ကယ်နဲ့ လူနှစ်ယောက် အဲဒီခြံဝင်းထဲကို အထုပ်တခု လာပို့ ပေးထားတယ်။ သူတို့ ထွက်ပြီးနောက် သိပ်မကြာခင်မှာပဲ ပေါက်ကွဲသံ ထွက်လာတယ်လို့လည်း ပြောနေကြတယ်။” ဟု အိမ်နီးနားချင်း တဦးက ပြောသည်။
ဦးဒယောင်တန်ဂွန်မှာ မြန်မာနိုင်ငံ သိုင်းအဖွဲ့ချုပ်ဝင် တဦးဖြစ်ကာ အခင်းဖြစ်ပွားချိန်တွင် ခရီးလွန်နေသည်။ သူ၏ နေအိမ်တွင် သိုင်း လာသင်နေသော သင်တန်းသားများ တည်းခိုနေပြီး၊ မိဘမဲ့နှင့် စစ်ပြေးဒုက္ခသည် ကလေးများကို စောင့်ရှောက်ထားရာ လူဦးရေ ၃၀ ကျော် နေထိုင်နေသည်ဟု ဆိုသည်။
“ကျနော်အခု ရင်ခွဲရုံမှာ သွားကြည့်နေတယ်။ အခုထိ သေတာ ၁၀ (ယောက်) ရှိတယ်။ ဂူသွင်းဖို့ လုပ်နေတယ်။ ဒဏ်ရာရ အားလုံးက ၂၇ ဦးရှိတယ်။ ကျန်တဲ့လူတွေလည်း ဒဏ်ရာပြင်းတယ်။ အရေးပေါ်ခန်းမှာ ခွဲစိတ်ကုသနေ တယ်။” ဟု ဒေသခံတဦးက ပြောသည်။
လူနာများ ကုသမှုခံယူနေသည့် မြစ်ကြီးနားမြို့ ပြည်သူ့ဆေးရုံသို့ ကချင်ပြည်နယ် ဝန်ကြီးချုပ် ဦးလဂျွန်ငန်ဆိုင်း တနင်္ဂလာနေ့ နံနက် ၇ နာရီက သွားရောက် ကြည့်ရှု့ခဲ့ကြောင်းလည်း သိရသည်။
အဆိုပါ ပေါက်ကွဲမှုမှ မီးလောင်ကျွမ်းရာ ဦးဒယောင်တန်ဂွန်း၏ နေအိမ် အပါအဝင် အိမ်သုံးလုံး မီးလောင်ဆုံးရှုံး သွားသည်။ အနီးရှိ အိမ်တလုံးမှာ ဓာတ်ဆီ၊ ဒီဇယ်ဆီများ သိုလှောင်ထားရာက မီးကူးစက် သွားခြဲ့ခင်း ဖြစ်သည်ဟု ဆိုသည်။
သေဆုံးသွားသူများ၏ နာရေးကို Jade Land Company ပိုင်ရှင် ဦးရွပ်ဇော်ခေါင် အပါအဝင် ဒေသခံများက စီစဉ်ပေးလျက် ရှိသည်။
ဗုံးခွဲသည့် လက်သည်ကို မြို့ခံများ မှန်းဆနိုင်ခြင်း မရှိသေးဘဲ ဖြစ်နေပြီး စနေနေ့ ည ၁၀ နာရီမှ ၁၁ နာရီခွဲ အတွင်း ဗုံးလေးလုံး ဆက်ပေါက်ကွဲမှု ဖြစ်ပွား ခဲ့သေးသည်။ ပေါက်ကွဲမှုများနှင့် အတူ ရဲများ လမ်းပေါ်တွင် စစ်ဆေးမှုများလည်း ရှိနေသဖြင့် ည ၇ နာရီ ကျော်သည်နှင့် မြို့ပေါ်တွင် လူခြေ တိတ်ဆိတ်လျက် ရှိသည်။
ဗုံးပေါက်ကွဲသံများကို မကြာခဏ ကြားနေခဲ့ရသော်လည်း အများအားဖြင့် လူသူ ကင်းဝေသော နေရာများ တွင်သာ ဖြစ်ပွားလေ့ ရှိသဖြင့် ယခင်ရက်များက “ခြိမ်းခြောက်ရုံသာ” ဖောက်ခွဲခြင်းဟု အများစုက ယုံကြည်ခဲ့ကြသည်။
အစိုးရအာဘော် တနင်္လာနေ့ထုတ် မြန်မာ့အလင်း သတင်းစာတွင် “ မြစ်ကြီးနားမြို့၌ ချိန်ကိုက်မိုင်း တလုံးကို အချိန်မီ ရှင်းလင်း နိုင်ခဲ့ပြီး အခြားမိုင်းနှစ်လုံး ပေါက်ကွဲခဲ့သည်" ဟု ရေးသားထားသည်။
ည ၉ နာရီ ၅၅ မိနစ်ခန့်တွင် သီတာရပ်ကွက် အား/ကာ ရုံးရှေ့လမ်းနှင့် ပေ ၄၀ ခန့်အကွာရှိ ချုံပုတ်အတွင်း မိုင်းတလုံး ပေါက်ကွဲမှု ဖြစ်ပွားကာ မြေပြင်၌ တပေ ပတ်လည် အနက် ခြောက်လက်မခန့် ကျင်းတကျင်း ဖြစ်သွားကြောင်း ပါရှိသည်။
ထို့ပြင် ည ၁၀ နာရီ ၁၅ မိနစ်ခန့် တပ်ကုန်းရပ်ကွက် အင်ဂျန်ဒုံ(မြောက်) နယ်မြေ ဆွမ်ပရာဘွမ် လမ်းနှင့် စက်မှု လမ်းဆုံအနီး ဆီးပင် တပင် အောက်၌ မိုင်းတလုံး ထပ်မံ ပေါက်ကွဲမှုကြောင့် ဆီးကိုင်းအနည်းငယ် ပျက်စီးသွားပြီး အခြားထိခိုက်မှု မရှိဟု သတင်းစာက ဆိုသည်။
ထို့အတူ ည ၈ နာရီ ၅ မိနစ်ခန့်တွင် ဧရာရပ်ကွက် အောင်ဆန်းလမ်းမကြီးဘေး လမ်းမီးတိုင် တတိုင်အနီး မသင်္ကာ ဖွယ် အထုပ်တထုပ် တွေ့ရှိသည့် သတင်းကြောင့် သွားရောက် စစ်ဆေးရာ “ည ၉နာရီခွဲ အချိန် ပေါက်ကွဲရန် ချိန်ကိုက် ထားသော ဒေသန္တရလုပ် ချိန်ကိုက်မိုင်း တလုံးကို TNT ယမ်းထည့်ထားသည့် အချင်း သုံးလက်မ၊ အမြင့် နှစ်လက်မခန့်ရှိ ပလတ်စတစ်ဘူး တဘူး တွေ့ရှိခဲ့သဖြင့် ဖောက်ခွဲ ရှင်းလင်းခဲ့သည်။” ဟုလည်း ရေးသား ထားသည်။
Ref: မဇ္ဈိမ
Monday, November 14, 2011
ကြာကြာမစောင့်ရဖို့ မျှော်လင့်ပါတယ်
ပြီးခဲ့တဲ့အပတ်က ဂျာနယ်အတော်များများမှာ စာမရေးဖြစ်ဘူး။ စောင့်ဖတ်တဲ့ ပရိသတ်ကို တောင်းပန်ပါတယ်။ ရာသီက ပူပြင်းလွန်းလို့ မနည်းကြီး တောင့်ခံနေရတဲ့ အထဲ ခေါင်းပူစရာတွေလည်း ခါတိုင်းထက် ပိုများသွားလို့ပါ။
ဆွေမျိုးထက်ခင်လို့
သီတင်းကျွတ်လပြည့်နေ့က လွတ်ငြိမ်းချမ်းသာခွင့်နဲ့ လွှတ်လိုက်တဲ့ထဲ ပါလာတဲ့ လူငယ်တွေ တစ်ယောက်ပြီး တစ်ယောက် ရောက်လာပြီး နှုတ်ဆက်ကြတယ်။ ခန္တီးက၊ ကလေးက၊ သရက်က၊ သာယာဝတီက၊ အင်းစိန်က နေရာစုံကပါပဲ။ တစ်ခါမှ မြင်ဖူး တွေ့ဖူးကြတာ မဟုတ်ပေမယ့် ဆွေမျိုးတွေ ထက်တောင် ခင်ကြလို့ 'တကူးတက' လာပြီး နှုတ်ဆက်ရှာကြတာ ဖြစ်လို့ ၀မ်းမြောက် ၀မ်းသာနဲ့ ကြိုဆိုရတယ်။ ဆွေမျိုးထက်တောင် ခင်ကြလို့ဆိုတာ အပိုပြောတာ မဟုတ်ပါဘူး။ သူတို့ခမျာများ ထောင်ကလွတ်ပြီး ကိုယ့်အိမ် ကိုယ့်ယာတောင် မပြန်ကြသေးဘဲ ရောက်လာကြတာ ဖြစ်တယ်။
ကြုံဖူးမှသိ
ဒီသံယောဇဉ်မျိုးက 'ပြောမယုံကြုံဖူးမှသိ' ဆိုသလို တော်ရုံနဲ့ နားမလည်နိုင်ဘူး။ ကြုံဖူးသူများသာ သိနိုင်ကြတာမျိုး ဖြစ်တယ်။ လူငယ်အားလုံးက ခုမှ တွေ့ဖူးကြတာ ဖြစ်ပေမယ့် စိမ်းမနေဘူး။ သူတို့ကိုယ် သူတို့ မိတ်ဆက် ပြီးတာနဲ့ သူတို့ရင်ထဲ ပါလာတဲ့ စကားတွေကို အားရပါးရ ရင်ဖွင့် ပြောကြတော့တာပဲ။ သူတို့စိတ်ထဲမှာ ရင်းနှီးပြီးသား ဖြစ်တာကြောင့် ပြောချင်တာ အားလုံး မခြွင်းမချန် ပြောကြတယ်။ မရှင်းတာတွေကို မေးခွန်း ထုတ်ကြတယ်။ သဘောမတူတာ ရှိရင်လည်း ပွင့်ပွင့်လင်းလင်း ပြောတယ်။ မျိုးဆက် ကွာဟမှုကို သူတို့ သတိမထားမိဘူး။ သူတို့နဲ့ တစ်ခရီးတည်း သွားနေတဲ့ ဘ၀တူ ခရီးဖော် တစ်ဦး အဖြစ်ပဲ မြင်ကြတယ်။
ရဲဘော်ရဲဘက်တွေ
ဟုတ်တာပေါ့။ ပန်းတိုင်တစ်ခုတည်းကို ဦးတည်ပြီး နှစ်ပေါင်းများစွာ အားခဲ သွားနေကြတဲ့ ခရီးသည်ချင်း ပဲလေ။ ကိုယ်က စောပြီးမွေးလို့ အရင် သွားခဲ့တာပဲ ရှိတယ်။ အားလုံး အတူတူပါပဲ။ ဘာမှ မကွဲပြားပါဘူး။ ကိုယ်ကျော်ဖြတ် ခဲ့ရတဲ့ ဆူးငြောင့် ခလုတ်ကသင်း တွေကို သူတို့လည်း ကျော်ဖြတ်ခဲ့ရတယ်။ ကိုယ်ကျခဲ့တဲ့ ချောက်ကမ်းပါးကြီး တွေထဲ သူတို့လည်း ကျခဲ့ရတယ်။ နှစ်ပေါင်းများစွာ ရှေ့က စောထွက်ခဲ့ပေမယ့် ခုချိန်အထိ ပန်းတိုင်ရှိရာကို ကိုယ်က ဒဏ်ရာဒဏ်ချက်ပေါင်း များစွာနဲ့ ချီတက်နေဆဲ ဖြစ်သလို သူတို့လည်း ဒဏ်ရာဒဏ်ချက်ပေါင်း များစွာနဲ့ ချီတက်နေဆဲပဲ ဖြစ်တယ်။ ဘ၀တူတွေ၊ ခရီးသွားဖော်တွေ ပဲပေါ့။ ရဲဘော်ရဲဘက် တွေလည်း ဖြစ်ကြတယ်။ ရဲဘော် တွေကြားမှာ အသက်ကွာခြားချက် ဆိုတာ မရှိဘူး။ အထက်နဲ့အောက် ဆိုတာမရှိဘူး။ အားလုံး အတူတူပဲ။
ခလုတ်မထိ၊ ဆူးမငြိပါစေနဲ့
ထောင်ထဲကထွက်လာတဲ့ လူငယ်တွေအားလုံးမှာ တူညီတဲ့အချက် တစ်ခုကတော့ နှစ်ပေါင်းများစွာ သူတို့ ခံစားခဲ့ရတဲ့ ဒုက္ခတွေ အကြောင်း ရေးကြီးခွင်ကျယ် လုပ်ပြီး စာဖွဲ့ပြောဆို မနေကြတာ ဖြစ်တယ်။ အရင်ဆုံး သူတို့ပြော တာက ကျန်နေရစ်ခဲ့ သူတွေအကြောင်း ဖြစ်တယ်။ နောက်တော့ တိုင်းရေးပြည်ရေး ပေါက်နဲ့ ကျေးတွေ အကြောင်းဖြစ်တယ်။ သူတို့တစ်တွေ ထဲမှာ အဖေ ဆုံးသွားတာ မသိလိုက်သူ ပါသလို အမေကို ဒီတစ်သက် အမေလို့ ခေါ်ခွင့် မရတော့သူလည်း ပါတယ်။ မိဘနှစ်ပါးစလုံး ဆုံးရှုံး လိုက်ရသူလည်း ပါတယ်။ ဒါပေမဲ့ ဘယ်သူမှ ဒီကိစ္စတွေကို နာနာကြည်းကြည်း ပြောမနေကြဘူး။ တိုင်းပြည်ရဲ့ အနာဂတ်အတွက်ပဲ စိတ်မအေးနိုင်အောင် ဖြစ်နေကြတယ်။ ပြည်တွင်းစစ်ကြီး ဖြစ်လာမှာကို စိုးရိမ်ကြတယ်။ ဒီမိုကရေစီ အရေးတော်ပုံကြီး ခလုတ်မထိ ဆူးမငြိပါစေနဲ့လို့ ရင်တမမနဲ့ စောင့်ကြည့်နေကြတယ်။
ကြောက်လာတယ်
အဲဒီလိုနဲ့ပဲ သူတို့အပူတွေက ကိုယ့်အပူတွေဖြစ်လာပြီး ခေါင်းပူအောင် စဉ်းစားရတယ်။ သူတို့အားလုံး ကိုယ့်အပေါ်မှာ ထားတဲ့ မျှော်လင့်ချက်က သိပ်ကြီးမား လွန်းတော့ ကြောက်လာတယ်။ စကားကို ပေါ့ပေါ့လွယ်လွယ် ပြောလို့ မဖြစ်ဘူး။ လေးလေးနက်နက် စဉ်းစားရတယ်။ ခါတိုင်းလို လူငယ်လေးတွေ သူတို့ ကိုယ်ရေးကိုယ်တာ ပညာရေး၊ လူမှုရေး ကိစ္စတွေလာရောက် ရင်ဖွင့် တိုင်ပင်တာမျိုးဆို ကိစ္စမရှိဘူးလို့ ဆိုနိုင်သေးတယ်။ မှားသွားလည်း ကာယကံရှင် တစ်ဦးတစ်ယောက်ပဲ နစ်နာမှာ။ ဒါတောင် တကယ်တော့ မမှားသင့်ဘူး။ ကိုယ့်ကို ယုံကြည်အားကိုးလို့ လာတာ မဟုတ်လား။ အခုကိစ္စကျတော့ လူငယ်တွေရဲ့ ကိုယ်ရေး ကိုယ်တာ မဟုတ်ဘူး။ တိုင်းရေး ပြည်ရာဖြစ်တယ်။ မှားသွားရင် သံဃာစင်ပါ မှောက်တဲ့ကိန်း ဆိုက်သွား နိုင်တယ်။
လမ်းကြောင်းချော်ထွက်နိုင်
အထူးသဖြင့် မီဒီယာတွေ သိပ်အားကောင်းတဲ့ခေတ်မှာ နည်းနည်းလေးမှ အမှားခံလို့ မဖြစ်ဘူး။ ကိုယ်တိုင်က သတင်း မီဒီယာ သမားဖြစ်တော့ ပိုပြီး သတိထား နေရတယ်။ စတုတ္ထမဏ္ဍိုင်ကို လူရိုသေ ရှင်ရိုသေဖြစ်အောင် မနည်းကြီး ကြိုးစား တည်ဆောက်ခဲ့ကြလို့ အခုမှ အသိအမှတ် ပြုခံရကာစပဲ ရှိသေးတာဖြစ်တယ်။ ဒီလိုအချိန်မှာ သတင်းသမားတွေ ကိုယ်တိုင်ကလည်း သိက္ခာသမာဓိ ရှိရုံတင်မက တာဝန်သိစိတ်ပါ ရှိကြရမှာပါ။ နိုင်ငံရေးသမားတွေ စကားတစ်ခွန်း မှားရင် သမိုင်းလမ်းကြောင်း ချော်ထွက် သွားနိုင်သလို သတင်းသမားတွေ စာတစ်ကြောင်း အရေးမှားရင်လည်း အားလုံး ပွက်လောရိုက်ပြီး သမိုင်းလမ်းကြောင်း နောက်ပြန်လှည့် သွားနိုင်ပါတယ်။
ကစားဝိုင်းမဟုတ်
အဲဒါကြောင့် စကားမပြောခင် အထပ်ထပ်ချိန်ဆ ရတယ်။ မှားသွားရင် ကိုယ့်စကား ကိုယ်တာဝန် ယူတယ်လို့ ပြောရုံနဲ့ မရဘူး။ မှားသွားရင် ခံရမှာက ကိုယ်တစ်ယောက်တည်း၊ သူတစ်ယောက်တည်း မဟုတ်ဘူး။ အားလုံး ခံကြရမှာ။ တစ်တိုင်းပြည်လုံးရဲ့ ကံကြမ္မာကို လောင်းကစားဝိုင်းမှာ တစ်ကွက်တည်း ပုံအောပြီး ထိုးသလိုမျိုး လုပ်လို့ မဖြစ်ဘူး။ နိုင်ငံရေး ဆိုတာက ကစားဝိုင်း မဟုတ်ဘူး။ ညကမက်တဲ့ အိပ်မက်ကို ယုံကြည်ပြီး စွန့်စားတာမျိုး မလုပ်ရဘူး။ အထပ်ထပ်အခါခါ စဉ်းစား တွက်ချက်ပြီး လုပ်ရတဲ့ ကိစ္စမျိုးဖြစ်တယ်။
အချိန်သင့်၊ မသင့်
ထောင်ထဲကထွက်လာတဲ့လူငယ်တွေ ကိုယ့်အပေါ်ထားတဲ့မျှော်လင့်ချက်က သိပ်ကြီးမား လွန်းလို့ ကြောက်လာတယ်လို့ ပြောခဲ့တယ်။ တကယ်တော့ လူငယ်တွေသာ မကဘူး လူကြီးပိုင်း ကလည်း ဖုန်းဆက်ပြီး အားပေးကြ၊ ထောက်ခံကြတယ်။ တချို့က ရင်ဖွင့်ကြတယ်။ ဒီယုံကြည်ကိုးစားမှု မျိုးတွေကို တန်ဖိုးမထားဘဲ ဘယ်လိုလုပ် နေနိုင်မှာလဲ။ ဒီလို တန်ဖိုးထားတော့ စကားကို ပြီးလွယ်စီးလွယ် မပြောဝံ့ဘူး။ အထပ်ထပ် စဉ်းစားရတယ်။ ပြောသင့်တဲ့စကား မှန်ပေမယ့် အချိန်အားဖြင့် သင့် မသင့်ချင့်ချိန်ရတယ်၊ ကိုယ်တစ်ဦးတည်း အရေး မဟုတ်တဲ့အတွက် ဆံခြည် တစ်မျှင်စာလေးတောင် အမှားခံလို့ မဖြစ်ဘူး။
တက်သမျှဆန့်ကျင်ခဲ့
နောက်ဆုံးကျတော့ ဧရာဝတီမျက်နှာကိုထောက်ပြီး အခုချက်ချင်း မဆုံးဖြတ်ဘဲ အချိန်ပေး စောင့်ကြည့်ဖို့ ဆုံးဖြတ် လိုက်တယ်။ နှစ်ငါးဆယ် အတွင်း ဘယ်တုန်းကမှ မကြားဖူးတဲ့ ပြည်သူ့ဆန္ဒကို လေးစားသော အားဖြင့် မြစ်ဆုံ ရေကာတာ စီမံကိန်းကို ဆက်မလုပ်ဘဲ ရပ်ဆိုင်း လိုက်တယ်ဆိုတဲ့ သမ္မတ ဦးသိန်းစိန်ရဲ့ကြေညာချက်ကို ကြိုဆို အသိအမှတ်ပြုပြီး တူညီတဲ့ တုံ့ပြန်မှုမျိုး ပေးသင့်တယ်။ နှစ်ပေါင်း ငါးဆယ်လုံးလုံး ကိုယ့်ဘက်ကလည်း တက်သမျှ အစိုးရကို ဆန့်ကျင်ခဲ့တယ်။
မျှော်လင့်ပါတယ်
အခုနောက်ဆုံး အခြေခံဥပဒေနဲ့ရွေးကောက်ပွဲကိုလည်း အသိအမှတ် မပြုခဲ့ဘူး။ ဦးသိန်းစိန် အစိုးရကိုလည်း ခုအချိန်ထိ မထောက်ခံသေးဘူး။ စစ်မှန်တဲ့ ဒီမိုကရေစီစနစ်ကို အမှန်တကယ် အကောင်အထည်ဖော်၊ မဖော် ဆိုတာ မသိနိုင်သေးဘူး။ ဒါပေမဲ့ ဧရာဝတီ ဆုံးဖြတ်ချက်ကတော့ ဒီမိုကရေစီ အစိုးရမျိုးရဲ့ လုပ်နည်း လုပ်ဟန်ဖြစ်တယ်။ နောက်ဝန်ကြီးများရုံးကို ဟိုတယ်ဖွင့်ဖို့ မငှားတော့ဘူး ဆိုတဲ့ ဆုံးဖြတ်ချက်ဟာလည်း ပြည်သူ့ ဆန္ဒကို လေးစား လိုက်နာတဲ့ သဘောဖြစ်တယ်။ ဒီမိုကရေစီ အရိပ် လက္ခဏာတွေ ဖြစ်တယ်။ ဒီမိုကရေစီနဲ့ မအပ်စပ်တဲ့ ယုံကြည်ချက်ကြောင့် အကျဉ်းကျ ခံရသူတွေ ကိစ္စနဲ့ ပြည်တွင်းစစ် ကိစ္စကိုသာ ပြည်သူ့ဆန္ဒကို လိုက်လျောပြီး အမြန်ဆုံး ဖြေရှင်းလိုက်မယ် ဆိုရင် စစ်မှန်တဲ့ ဒီမိုကရေစီ လမ်းကြောင်းပေါ်ကို စတင် လျှောက်လှမ်းနေပြီလို့ ဆိုနိုင်တော့မှာ ဖြစ်တယ်။ အမြန်ဆုံး ဆိုချင်ပါတယ်။ ကြာကြာ စောင့်မနေရဖို့ဘဲ မျှော်လင့်ပါတယ်။
Ref: EMG News
ရှမ်းပြည်တပ်မတော် (တောင်ပိုင်း) သမိုင်းနောက်ခံနှင့် မြန်မာနိုင်ငံ ထာဝရ ငြိမ်းချမ်းရေး - အပိုင်း (၄)
ရော်နီညိမ်း
စနေ, 05 နိုဝင်ဘာ 2011
တပ်မှူးတပ်သား ပြောစကား (၀၈၅)
မကြာခင်မှာ၊ အစိုးရနဲ့ ငြိမ်းချမ်းရေးဆွေးနွေးတော့မယ်လို့၊ ရှမ်းပြည်ပြန်လည် ထူထောင်ရေး ကောင်စီ RCSS/ SSA ခေါ်ရှမ်းပြည် တပ်မတော်(တောင်ပိုင်း)ရဲ့ ပြောရေးဆိုခွင့် ရှိသူတွေက၊ ပြည်ပ အခြေစိုက် မြန်မာမီဒီယာတွေ ကို ပြောနေ ကြပါတယ်။ ခုရက်ပိုင်း မွန်ပြည်သစ် ပါတီ(NMSP) နဲ့ ကရင်အမျိုးသား အစည်းအရုံး(KNU) တို့ဟာ လည်း သက်ဆိုင်ရာ ပြည်နယ် အစိုးရတွေနဲ့ တွေ့ဆုံ ဆွေးနွေးမှုတွေ ပြုလုပ် ခဲ့ကြပါတယ်။ တိုးတက်သောကရင် ဗုဒ္ဓဘာသာအဖွဲ့ (DKBA)နဲ့ အစိုးရတို့ကြားမှာ၊ အပစ်အခတ် ရပ်စဲ လိုက်ပြီလို့လည်း သတင်းတွေ ထွက်လာခဲ့ပါ ပြီ။ အစိုးရနဲ့ တိုင်းရင်းသား လက်နက်ကိုင် တပ်ဖွဲ့တွေ ကြားမှာ၊ ထာဝရ ငြိမ်းချမ်းရေး ရရှိနိုင်မှု အလားအလာတွေ ကို၊ အရင် စစ်အစိုးရ အချိန်အခါက ငြိမ်းချမ်းရေး လုပ်ငန်းတွေကို ဆောင်ရွက်ဖူးသူ၊ စစ်ထောက်လှမ်းရေးနဲ့ သံ တမန် အရာရှိဟောင်း ဗိုလ်မှူးဟောင်း ဦးအောင်လင်းထွဋ်နဲ့ ဦးရော်နီညိမ်းက ဆက်သွယ် ဆွေးနွေးပြီး၊ ဒီသီတင်း ပတ် တပ်မှူးတပ်သား ပြောစကားကဏ္ဍမှာ၊ စီစဉ်တင်ဆက် ထားပါတယ်။
ဦးရော်နီညိမ်း ။ ။ UNFC အဖွဲ့ထဲက တိုင်းရင်းသားလက်နက်ကိုင် အဖွဲ့တွေဘက်က၊ ပြန်ကြည့် ကြရအောင်။ နောက်တဘက်ကနေ ကြည့်ကြည့် တာပေါ့။ UNFCထဲက တိုင်းရင်းသား အဖွဲ့တွေက၊ အခုလို တပ်ပေါင်းစုအနေ နဲ့ တစ်ခုရှိနေမှ၊ သူတို့မှာက အင်အား အနေနဲ့လည်း ပိုကောင်းမယ်၊ အစိုးရနဲ့ ဆက်ဆံရတာလည်း ပိုကောင်း မယ်၊ လူရိုသေရှင်ရိုသေ ရှိမယ်၊ တနည်းအားဖြင့် အချင်းချင်းကြားက ညီညွတ်မှုကိုလည်း တည်ဆောက်နိုင် မယ်၊ ဆိုတဲ့ ဒီရည်ရွယ်ချက်တွေအပေါ်မှာ သူတို့က ရပ်တည် နေတာဖြစ်တော့၊ တိုင်းရင်းသား လက်နက်ကိုင် အဖွဲ့တွေဘက်က၊ ပြန်ကြည့်ရင် UNFC ဖွဲ့ရတာက၊ သူတို့မှာလည်း လုံလောက်တဲ့ အကြောင်း ရှိနေပါတယ်။ UNFC အဖွဲ့အနေနဲ့ ရပ်တည်ပြီး အစိုးရနဲ့ ငြိမ်းချမ်းရေးလုပ်ဖို့ ကြိုးစားတဲ့ ကိစ္စဟာ၊ အကျိုးမဖြစ်နိုင်ဘူးလို့ မြင် ကြည့်လို့ ရပေမယ့်၊ တကယ်တမ်းမှာ၊ သူတို့မှာ ဘုံလုပ်ငန်းစဉ် မရှိသေးတာကို ရှိအောင် လုပ်ပြီးရင်တော့၊ ဘုံ မူဝါဒဘုံလုပ်ငန်းစဉ် ရှိသွားပြီဆိုရင်၊ အစိုးရနဲ့ငြိမ်းချမ်းရေး ဆွေးနွေးတာ၊ ပိုပြီးတော့ အဆင်ပြေလာမယ်လို့ ယူဆပါသလား။
ဦးအောင်လင်းထွဋ် ။ ။ ကျနော်ပြောချင်တာက၊ UNFC အနေနဲ့ အကျိုးမဖြစ်ဘူးလို့ ကျနော် မဆိုလိုဘူး၊ မပြောလိုပါဘူး။ သူတို့ချင်း တကယ် ညီညွတ်ကြဖို့ လိုတယ်လို့၊ ကျနော် ပြောချင်တာပါ။ ဘုံလုပ်ငန်းစဉ် တစ်ရပ်နဲ့ ညီညီညွတ်ညွတ် ရှိပြီးတော့မှ၊ နိုင်ငံရေး အရ ဘယ်လို ဖြေရှင်းကြမယ် ဘယ်လို တောင်းဆိုကြမယ်၊ ဆိုတာမျိုး ဖြစ်စေချင်တာပါ။ နိုင်ငံရေးအရ ဘုံမူဝါဒ၊ ဘုံရပ်တည်ချက် ရှိရပါမယ်။ ဒါတွေ မရှိပဲနဲ့ တစ်ဖွဲ့က တစ်မျိုးပြော၊ နောက်တစ်ဖွဲ့က တစ်မျိုးလုပ်၊ အဲဒီလို မဖြစ်သင့်ပါဘူး။
ဦးရော်နီညိမ်း ။ ။ တဖွဲ့ချင်းကတော့ သူတို့မှာ၊ မူဝါဒတွေ ရပ်တည်ချက်တွေ ရှိနေကြတာကိုး။
ဦးအောင်လင်းထွဋ် ။ ။ မှန်ပါတယ်၊ ဘုံမူဝါဒချမှတ်ပြီးရင်၊ ဒါကို လိုက်နာကြဖို့လည်း လိုပါတယ်။ အခုပဲ ကြည့်ပါ။ တစ်ဖွဲ့ချင်းတော့ မဆွေးနွေးဘူး၊ အများနဲ့ပဲ UNFCအနေနဲ့ပဲ၊ ဆွေးနွေးမယ်လို့ ပြောနေကြပြီးတော့ မှ၊ ဒါပေမယ့် NMSP မွန်အဖွဲ့က၊ အစိုးရနဲ့ စပြီး ဆွေးနွေးတော့မယ်။ အရင်တုန်းကလည်း ဒီလိုပဲ၊ DAB (Democratic Alliance of Burma - မြန်မာပြည် ဒီမိုကရက်တစ် မဟာမိတ်အဖွဲ့) နဲ့မှ၊ ဆွေးနွေးမယ် ဆိုပြီး တော့၊ ဖြစ်ခဲ့ကြဖူးတယ်။ ဦးဘရန်ဆိုင်းရဲ့ KIO က ဖေါက်ပြီးတော့မှ၊ စစ်အစိုးရ ကမ်းလှမ်းတာကို လက်ခံခဲ့ တယ်။ နောက် ဦးနိုင်ရွှေကျင်ရဲ့ NMSP လိုက်လာတယ်။ အန်ကယ်မြကြီး (KNU ခေါင်းဆောင် ကွယ်လွန်သူ ဗိုလ်ချုပ်ကြီးစောဘိုမြ) တစ်ယောက်ပဲ ကျန်ခဲ့တယ်။ နောက်ဆုံး အန်ကယ်မြကြီးပါ လိုက်လာခဲ့တဲ့ အနေအ ထားမျိုးကို တွေ့ရပါလိမ့်မယ်။ ဒါကြောင့် UNFCအနေနဲ့မှ အစိုးရနဲ့ ဆွေးနွေးမယ် ဆိုတဲ့ မဖြစ်နိုင်တဲ့ကိစ္စကို ရှေ့ တန်းကို မတင်စေချင်ဘူး။ UNFC မရှိရဘူး မဟုတ်ဘူး၊ UNFC ရှိရမယ်၊ ဘုံမူဝါဒဘုံလမ်းစဉ် ရှိရမယ်၊ ဒါပေမဲ့ ငြိမ်းချမ်းရေး ဆွေးနွေးတဲ့အခါမှာတော့၊ ပထမဦးဆုံးတော့ ကိုယ့်တစ်ဖွဲ့ချင်း အစိုးရနဲ့ ဆွေးနွေးပြီးမှ၊ ကိုယ့်တစ်ဖွဲ့ချင်းနဲ့ အစိုးရနဲ့ ကြားမှာ၊ ငြိမ်းချမ်းရေးရပြီးတော့မှ၊ တိုင်းရင်းသားအဖွဲ့တွေ အားလုံးစုပြီးတော့မှ၊ တချိန်က အမျိုးသားညီလာခံမှာ တိုင်းရင်းသားအဖွဲ့တွေ ပြောခွင့်မရခဲ့တာတွေကို တိုင်းရင်းသားအခွင့်အရေး တွေကို အများကြီး ပြောကြရမယ်။ အဲဒီအချိန်မှာ နိုင်ငံရေးအရ တောင်းဆိုမှုမျိုးတွေကို ဦးတည်စေချင်တယ်။
ဦးရော်နီညိမ်း ။ ။ ဗိုလ်မှူးတို့က တပ်မတော်ထောက်လှမ်းရေး အဖွဲ့ ရှိစဉ်က၊ တိုင်းရင်းသား တွေနဲ့ ငြိမ်းချမ်း ရေးကိစ္စမှာ၊ ပါဝင် ထိတွေ့ခဲ့ဖူးတာ ဆိုတော့၊ ဘယ်လို သုံးသပ်လို့ ရပါသလဲ ခင်ဗျ။ အခု အစိုးရ ဘက်ကနေ ဦးအောင်သောင်းတို့၊ ဦးသိန်းဇော်တို့ တိုင်းရင်းသား လက်နက်ကိုင် အဖွဲ့တွေနဲ့ သွားသွားပြီး တွေ့နေတာမှာ၊ ကချင်နဲ့ သွားတွေ့တာ အဆင်မပြေဘူး။ ‘၀’တို့ ကိုးကန့်တို့နဲ့ သွားတွေ့တာမှာတော့၊ ဒီနေရာမှာ ဗိုလ်မှူးပြော သလို negotiator တရုတ်က ပါဝင်နေလို့၊ အဆင်ပြေနေ ကြသလားတော့ မပြောတတ်ဘူး။ အခု အစိုးရဘက် က ငြိမ်းချမ်းရေးကိစ္စမှာ၊ ရှမ်းပြည် တပ်မတော်(တောင်ပိုင်း) ဘက်ကို လှည့်လာတယ်၊ သူကလည်း သူကိုယ် တိုင် UNFCအဖွဲ့ဝင် မဟုတ်ပဲနဲ့၊ UNFC အနေနဲ့မှ အစိုးရနဲ့ ဆွေးနွေးမယ်လို့၊ ပြောလာတယ်။ ဒါက UNFC အဖွဲ့ဝင် ရှမ်းပြည်တပ်မတော်(မြောက်ပိုင်း)နဲ့၊ သူတို့နဲ့ ပေါင်းပြီးတဲ့ သဘောမျိုး ဆောင်နေတာလား။ ဒါတွေက မရှင်းလင်းဘူး။ ဗိုလ်မှူး ဘယ်လိုသုံးသပ်ပါ သလဲ ခင်ဗျ။ ဒီတခါ တိုင်းရင်းသား လက်နက်ကိုင် အဖွဲ့တွေဘက် က မဟုတ်ပဲ၊ အစိုးရ ဘက်ကနေ သုံးသပ်ပေးပါ။ ရိုးရိုးသားသားနဲ့၊ တကယ်ပဲ ငြိ်မ်းချမ်းရေး ရချင်ရင်၊ အစိုးရ ဘက်က ဘာလုပ်သင့်ပါသလဲ။
ဦးအောင်လင်းထွဋ် ။ ။ အစိုးရဘက်ကို သုံးသပ်ပြရရင်၊ ဦးအောင်သောင်းတို့၊ ဦးသိန်းဇော်တို့ ဆိုတာ၊ လူရိုသေ ရှင်ရိုသေ ပုဂ္ဂိုလ်တွေ မဟုတ်ပါဘူး။ သမာသမတ်ရှိတဲ့ လူတွေလို့လည်း သတ်မှတ်လို့ မရပါဘူး။ သူတို့ ထက် တော်တဲ့တတ်တဲ့သူတွေ၊ မြန်မာ အစိုးရရဲ့ ပတ်ဝန်းကျင်မှာ အများကြီး ရှိကြပါတယ်။ လူ့အခွင့်အရေး ကော်မရှင်မှာပါတဲ့ ပါမောက္ခ ဦးထွန်းအောင်ချိန်တို့ ဆိုရင်၊ တကယ့် လူတော်လူကောင်းတွေ သမာသမတ် ရှိတဲ့ လူကြီးလူကောင်းတွေပါ။ ကျနော် ပြောချင်တာက အစိုးရ အနေနဲ့ ငြိမ်းချမ်းရေး ကမ်းလှမ်းတယ် ဆိုပြီး ကြေညာ နေရုံနဲ့ တိုင်းရင်းသား လက်နက်ကိုင် အဖွဲ့တွေနဲ့ လိုက်တွေ့နေရုံနဲ့၊ မရပါဘူး ခင်ဗျ။ တချိန်တုန်း က ဗိုလ်ချုပ်မှူး ကြီးသန်းရွှေတောင်မှ တိုင်းရင်းသား လက်နက်ကိုင် အဖွဲ့တွေနဲ့ အပစ်အခတ် ရပ်စဲတယ်၊ ဆိုတာကို ကြေညာခဲ့ ဖူးပါတယ်။ အစိုးရအနေနဲ့ တိုင်းရင်းသား လက်နက်ကိုင် အဖွဲ့တွေနဲ့ တကယ် စစ်စစ်မှန်မှန် ငြိမ်းချမ်းရေး ရချင် တယ်ဆိုရင်၊ သူနာတယ် ကိုယ်နာတယ် မတွက်ပဲနဲ့၊ နံပါတ်(၁)အနေနဲ့၊ တစ်ပြည်လုံး အတိုင်းအတာ အပစ်အ ခတ် ရပ်စဲသင့်ပါတယ်။ အပစ်အခတ် ရပ်စဲပြီးမှသာ၊ ဒုတိယအဆင့် ငြိမ်းချမ်းရေးစကား ပြောကြတာကို သွားရပါမယ်။ ဒီလို စကားပြောတဲ့ နေရာမှာလည်း၊ အစိုးရကိုယ်တိုင် ၀င်ပြောဖို့ မလိုသေးပါဘူး။ ဥပမာ - ကချင်နဲ့ ဆိုရင် ဘယ် negotiator တွေက တဆင့် ဆွေးနွေးမယ်၊ ဆိုတာမျိုး အဖွဲ့လေးတွေ အရင်ဖွဲ့ရမယ်။ ကရင်ဆို ကရင်အလျောက်၊ မွန်ဆို မွန်အလျောက်၊ ရှမ်းဆို ရှမ်းအလျောက် စတဲ့ တိုင်းရင်းသား အဖွဲ့တွေနဲ့ သီးခြား negotiator တွေ ပါဝင်တဲ့ အဖွဲ့တွေ ဖွဲ့ပြီးမှ deal (အပေးအယူ) လုပ်ရပါလိမ့်မယ်။ ဒါကလည်း သိပ် ခက်ခက် ခဲခဲ မဟုတ်ပါဘူး၊ အရင် တချိန် ၂၀၀၉ ခုနှစ်မတိုင်ခင်က၊ အားလုံး သဘော တူညီမှုတွေနဲ့ လက်နက်ကိုင်ပြီး အေးအေးချမ်းချမ်း နေလာခဲ့ကြ ပြီးပြီပဲ။
ဦးရော်နီညိမ်း ။ ။ အဲဒီတုန်းက ဗိုလ်မှူးတို့ လုပ်ခဲ့တုန်းက၊ တစ်ပြည်လုံးမှာ အပစ်အခတ် ရပ်စဲပြီးမှ၊ လုပ်ခဲ့ ကြတာလား ခင်ဗျ။
ဦးအောင်လင်းထွဋ် ။ ။ မှန်ပါတယ် ခင်ဗျ။ ကျနော်တို့ စပြီး ငြိမ်းချမ်းရေး ဆွေးနွေးတာတွေ လုပ်ကြတဲ့ အချိန်မှာ၊ တိုက်ခိုက်မှုတွေ မလုပ်ကြတော့ပဲ၊ အပစ် ရပ်လိုက်ကြပါတယ်။ အစိုးရ ဘက်ကလည်း သွားမတိုက် တော့ဘူး၊ ဟိုဘက်ကလည်း လာမပစ်ကြနဲ့ ဆိုပြီး၊ သတ်သတ်မှတ်မှတ်တော့ ထားရတာပေါ့ဗျာ။ ကိုယ့်ဘက် လည်း မင်းမလာနဲ့၊ မင်းဘက်လည်း ငါမကျူးကျော်ဘူး ဆိုတာမျိုးတော့၊ ရှိရတာပေါ့။
ဦးရော်နီညိမ်း ။ ။ အဲဒါက တိုင်းရင်းသားလက်နက်ကိုင်အဖွဲ့တွေအားလုံးနဲ့၊ တပြည်လုံး အတိုင်း အတာနဲ့ လုပ်ခဲ့တာလား ခင်ဗျ။
ဦးအောင်လင်းထွဋ် ။ ။ တစ်ပြည်လုံးအတိုင်းအတာနဲ့ပါ။ ဥပမာ KNU နဲ့ဆိုရင်၊ အစိုးရက KNU နဲ့ အပစ် အခတ် ရပ်စဲတယ်လို့ ကြေညာပြီးမှ၊ ငြိမ်းချမ်းရေး ဆွေးနွေးပွဲတွေ လုပ်ခဲ့ရပါတယ်။ ‘၀’တွေ ကိုးကန့်တွေနဲ့ ဆို ရင်၊ နဂိုက အပစ်အခတ် ရပ်ထားပြီးသားမို့၊ ဆက်ပြီး ငြိမ်းချမ်းရေး ဆွေးနွေးပွဲတွေ လုပ်ကြတာပါ။ KIA နဲ့ လည်း ဒီအတိုင်းပါပဲ။ နှစ်ဘက် တိုက်ခိုက်နေကြရင်းနဲ့၊ ငြိမ်းချမ်းရေး စကားပြောလို့ မရပါဘူး။ အခုလည်း KIA နဲ့ ငြိမ်းချမ်းရေး ဆွေးနွေးချင်ရင်၊ ပထမဆုံး အပစ်အခတ် ရပ်စဲဖို့ လိုပါတယ်။
ဦးရော်နီညိမ်း ။ ။ ဒီကိစ္စကို၊ တပ်မတော်မှာ ကာကွယ်ရေးဦးစီးချုပ် တာဝန် ထမ်းဆောင်သွားတဲ့၊ အခု NLD ဒုတိယဥက္ကဋ္ဌ အငြိမ်းစား ဗိုလ်ချုပ်ကြီး သူရ ဦးတင်ဦးကိုလည်း၊ တပ်မှူးတပ်သား ပြောစကား ကဏ္ဍ၊ အင်တာဗျူး တစ်ခုမှာ ကျနော် မေးကြည့်ခဲ့ပါတယ်။ သူရဲ့ ပြောကြားချက်က ရှင်းတယ်။ နဂိုက ရောက်ရှိ နေကြတဲ့ နေရာကို အားလုံးပြန်သွားကြ၊ မောင်ပိုနေမြဲ ကျားနေမြဲ၊ status quo ပေါ့။ ဗိုလ်မှူးတို့ ၁၉၉၄-၉၅ တိုင်းရင်း သား တပ်ဖွဲ့ တွေနဲ့ ငြိမ်းချမ်းရေး ဆွေးနွေးလုပ်ကိုင်ကြတဲ့ အချိန်က၊ အခြေအနေမျိုးကို ပြန်သွားကြ၊ အဲဒါပြီး တော့မှ တစ်ပြည်လုံး အပစ်အခတ် ရပ်စဲပြီးမှ၊ ဆွေးနွေးကြ၊ ဒါဆိုရင် မခက်ဘူးလို့၊ ဗိုလ်ချုပ်ကြီး တင်ဦးက မြင်တယ်၊ အဲဒါကို သဘော မတူတဲ့သူတွေ တချို့လည်း ရှိသေးတယ်။ ဗိုလ်ချုပ်ကြီး တင်ဦးပြောသလောက် မလွယ်ဘူး ဆိုပြီး၊ VOA ကို ပို့လာတဲ့ သဘောထား မှတ်ချက်တွေကိုလည်း၊ ကျနော်တို့ ဖတ်ရပါတယ်။ ဗိုလ်မှူး အနေနဲ့ကော၊ ဗိုလ်ချုပ်ကြီး တင်ဦးရဲ့ အယူအဆနဲ့ သဘောထား အမြင်ပေါ် ဘယ်လို သဘောရပါသလဲ။
ဦးအောင်လင်းထွဋ် ။ ။ ဗိုလ်ချုပ်ကြီးတင်ဦးမြင်တဲ့ အမြင်ကို၊ ကျနော် ထောက်ခံပါတယ် ခင်ဗျ။ ဘာဖြစ်လို့လဲ ဆိုတော့၊ ကျနော်တို့က အားလုံးကို လုပ်ခဲ့ပြီးပြီ။ အားလုံးနဲ့ အပစ်အခတ် ရပ်ခဲ့ပြီးပြီ။ နောက်ဆုံး တစ်ဆင့်ပဲ ကျန်တယ်။ နိုင်ငံရေး ကိစ္စတွေကို၊ နောက်ဖြစ်ပေါ်လာမယ့် အစိုးရနဲ့မှ ဆွေးနွေးကြမယ်လို့၊ ကျနော်တို့က တိုင်းရင်းသား လက်နက်ကိုင် တပ်ဖွဲ့တွေကို ကတိ ပေးခဲ့ဖူးတယ်။ နောက်တခါ အမျိုးသား ညီလာခံတက်တဲ့ တိုင်းရင်း သားအဖွဲ့တွေကို၊ အမျိုးသား ညီလာခံထဲမှာ နိုင်ငံရေး ဆွေးနွေးခွင့်ပေးမယ်လို့၊ ကတိပေးခဲ့ဖူးတယ်။ ဒီကတိ တွေကို ပေးခဲ့ပြီးမှ၊ ဗိုလ်ချုပ်မှူးကြီး သန်းရွှေက အကုန်ဖျက်ခဲ့တယ်။ ဒါကြောင့် ဒီကနေ့ဖြစ်နေတဲ့ ပြဿနာ တွေ၊ အကုန် တက်လာခဲ့တာ။ နောက်ဖြစ်ပေါ်လာမယ့် အစိုးရနဲ့မှ ဆွေးနွေးကြမယ် ဆိုတာကို၊ ပြောခြဲ့ပီးသား။ မြန်မာနိုင်ငံမှာ တပ်မတော်ဆိုတာ တစ်ခုတည်း ရှိရမယ် ဆိုတာကိုလည်း၊ တိုင်းရင်းသား အဖွဲ့တွေ အားလုံးက လည်း လက်ခံခဲ့ပါတယ်။ အသွင်ပြောင်းတဲ့ ပုံစံကိုတော့၊ နောက်ဖြစ်ပေါ်လာမယ့် အစိုးရနဲ့မှ ညှိယူကြမယ်၊ နိုင်ငံရေး ကိစ္စတွေကို နိုင်ငံရေးနည်းနဲ့ ဖြေရှင်းကြမယ်လို့၊ ပြောခဲ့တယ်။ KIOနဲ့ ငြိမ်းချမ်းရေး လုပ်တုန်းက ဆိုရင်၊ KIO ခေါင်းဆောင် ဦးဇော်မိုင်ကို ဗိုလ်ချုပ်ကြီးခင်ညွှန့် ကိုယ်တိုင်ပြောခဲ့ဖူးတယ်။ KIO/KIA ဟာ၊ ကချင်ပြည် နယ်မှာ ခင်ဗျားတို့ စည်းရုံးနိုင်တယ် ဆိုရင်၊ နောက်ဖြစ်ပေါ် လာမယ့်အစိုးရမှာ၊ KIO/KIA ခေါင်းဆောင်က ၀န်ကြီးချုပ် ဖြစ်လာမှာပေါ့ဗျာ၊ ဆိုပြီး အဲလောက်ထိ အာမခံချက်ပေးတဲ့ အနေအထားတွေ ရှိခဲ့တယ်။
ဦးရော်နီညိမ်း ။ ။ ကချင်ပြည်နယ်ဝန်ကြီးချုပ် (Chief Minister) ကို ဆိုလိုတာပေါ့။
ဦးအောင်လင်းထွဋ် ။ ။ မှန်ပါတယ် ခင်ဗျ။ ဒါပေမဲ့ စည်းရုံးတယ်ဆိုတဲ့နေရာမှာ၊ သေနတ်နဲ့တော့ စည်းရုံးလို့ မရဘူးပေါ့ဗျာ။ တကယ့် နိုင်ငံရေး သမားတွေအနေနဲ့ စည်းရုံးကြဖို့ပါ။ တိုင်းရင်းသားတွေနဲ့ နိုင်ငံရေးအရ ဆွေးနွေးပြီးရင်၊ ဖြစ်လာရမယ့် အနေအထားတွေပါ။ အခုဟာက လှမ်းခဲ့တဲ့ခြေလှမ်းက၊ အဲဒီဘက်ကို ရောက် မလာပဲနဲ့၊ ၂၀၀၉ခုနှစ် အစပိုင်းလောက်က စပြီး ဘယ်တုန်းကမှ ပြောဆိုခဲ့ဖူးခြင်း မရှိတဲ့၊ နယ်ခြားစောင့်တပ် ဆိုတဲ့ ကိစ္စပေါ်လာတယ်။ အမျိုးသားညီလာခံမှာ တိုင်းရင်းသားတွေက နိုင်ငံရေးအရ ဆွေးနွေးမယ်လုပ်တော့ လည်း၊ လုံးဝခါးခါးသည်းသည်း ငြင်းခဲ့တယ်။ ဒါတွေအားလုံးရဲ့ တရားခံဟာ၊ ဗိုလ်ချုပ်မှူးကြီး သန်းရွှေလို့ပဲ၊ ပြောရမှာပဲ။ အကုန်လုံး သူ ဖျက်ပစ်တာချည့်ပဲ။ ကောင်းပြီ ကောင်းရက်နဲ့ နှစ်(၂၀)လောက်၊ အားလုံး လုပ်ခဲ့ကြ တာတွေကို၊ (၂) နှစ်လောက်နဲ့ သူ အကုန်ဖျက်ပစ်တာ ခင်ဗျ။
ဦးရော်နီညိမ်း ။ ။ အဲဒါက နိုင်ငံရေးပရိယာယ်၊ စစ်ရေးပရိယာယ်ကော၊ မဖြစ်နိုင်ဘူးလား။ ဒီလို တိုင်းရင်းသား လက်နက်ကိုင် အဖွဲ့တွေနဲ့ မငြိမ်းမချမ်း ဖြစ်နေအောင် လုပ်ထားမှ၊ ဒီတပ်မတော်ကို စည်းရုံးထားလို့ ရမယ်၊ ပြည်သူလူထုကိုလည်း၊ တိုင်းပြည်မှာ ဒီလိုအန္တရာယ် ရန်စွယ်တွေ ရှိနေပါတယ်လို့၊ ပြထားပြီး၊ ကျုပ်တို့စစ်တပ် က မရှိရင်၊ အင်အားမကောင်းရင်၊ မရဘူး ဆိုတာမျိုးပေါ့။ ဟိုတုန်းက စကားမျိုးနဲ့ပြောရင်၊ တမင်သက်သက် သူပုန်မွေးထားသလို ဖြစ်မနေဘူးလား။ ပုန်ကန် တိုက်ခိုက်နေတဲ့ သူတွေကို၊ မပုန်ကန်ချင်အောင်၊ လုပ်ကိုင် ဆောင်ရွက်ပေးရင် အားလုံး လက်နက်စွန့်ပြီးတော့၊ အားလုံးဟာ ဒီတိုင်းပြည်အတွက် ကောင်းရာမွန်ရာတွေ ကို ၀ိုင်းပြီးလုပ်ကြမယ့် အခြေအနေတွေကို၊ ဖန်တီးနိုင်ရဲ့သားနဲ့၊ တမင်သက်သက် သူပုန်မွေးထားတဲ့အခြေ အနေကို ဖန်တီးထားတာ ဖြစ်မနေဘူးလား။ ကိုယ့်အာဏာ မြဲနေအောင်။
ဦးအောင်လင်းထွဋ် ။ ။ ဗိုလ်ချုပ်မှူးကြီးသန်းရွှေဟာ စစ်ခေါင်းဆောင်ပဲ ပြောပြော၊ နိုင်ငံရေး ခေါင်းဆောင်ပဲ ပြောပြော၊ ဘာပဲပြောပြော မြန်မာ အယူအရ ဘုရင်မင်းပေ့ါ။ မင်းမှာသစ္စာ၊ လူမှာကတိ၊ ဆိုတဲ့ မြန်မာစကား ပုံ ရှိနေတယ်။ ကတိတစ်ခု ပေးပြီးသား၊ သစ္စာတစ်ခု ပြုပြီးသား၊ လွယ်လွယ်ကူကူ ရှောက်ပြီး ဖျက်နေတာက တော့၊ ခုနပြောသလို သူပုန်ရှိနေမှ စစ်တပ်ရဲ့ အခန်းကဏ္ဍက ရှိနေမယ်ဆိုတဲ့၊ ဒီအတွေးအခေါ်မျိုး၊ ကျနော် တို့မှာလည်း ရှိခဲ့ဖူးပါတယ်။ ဒီအတွေးအခေါ်မျိုး ရိုက်သွင်း ခံခဲ့ရဖူးပါတယ်။ ဒါပေမဲ့ ကမ္ဘာကြီးက ပြောင်းလဲနေ ပြီ ဗျ။ ကျန်တဲ့ နိုင်ငံတွေမှာ ဘယ်သူပုန် သူကန်တွေမှ၊ ကျနော်တို့နဲ့ အိမ်နီးနားချင်း ပတ်ဝန်းကျင် နိုင်ငံတွေမှာ၊ ဘယ်သူမှ မရှိတော့ဘူး။ ကျနော်တို့နိုင်ငံမှာပဲ နှစ်(၅၀) ကျော်နေပြီ။ တိုင်းပြည်ကလည်း အောက်တန်းနောက် တန်းကို ဟိုး-နောက်ဆုံးကို ရောက်နေကြပြီဗျ။ ဒီအတွေးအခေါ် မျိုးတွေကို စွန့်လွတ်သင့်ကြပြီ။ ဒီအခုရှိကြတဲ့ လူတွေလည်း ဒီအတွေးအခေါ် မျိုးကို မထားသင့်ကြတော့ဘူး။ စစ်တပ် အုပ်ချုပ်တာလည်း၊ နှစ်ပေါင်းများစွာ ၁၉၆၂ ခုနှစ်ကနေ အုပ်ချုပ်တယ်။ မြန်မာပြည်ဘယ် အဆင့် ရောက်သွားပြီးဆိုတာလည်း၊ ကျနော်တို့ ကိုယ်တိုင် စစ်တပ်ထဲမှာ နေခဲ့တဲ့ကောင် ဆိုတော့၊ အားလုံး လည်းသိတယ်။ ဘယ်လိုမှ မအောင်မြင်နိုင်တဲ့ ဥစ္စာကြီး။ ဘာဖြစ်လို့ ဆက်လုပ်ချင်နေ ကြတာလဲ။
ဦးရော်နီညိမ်း ။ ။ စစ်ထောက်လှမ်းရေးအရာရှိဟောင်းနဲ့ သံတမန်ဟောင်း ဗိုလ်မှူးဟောင်း ဦးအောင်လင်းထွဋ်ကို၊ ဆက်သွယ် မေးမြန်းဆွေးနွေးပြီး၊ တင်ဆက်ခဲ့တာ ဖြစ်ပါတယ် ခင်ဗျာ။ ကျနော် ရော်နီညိမ်း ပါ။
Ref: VOA News
နိုင်ငံရေးအကျဉ်းသားများ လွတ်မြောက်ဖွယ်ရှိ
2011-11-13
မနက်ဖြန် တနင်္လာနေ့မှာ နောက်ထပ် နိုင်ငံရေးအကျဉ်းသားတွေ လွှတ်ပေးဖို့ ရှိတယ်လို့ အမည် မဖော်လိုတဲ့ အစိုးရ အရာရှိတွေက ပြောဆိုကြောင်း အေအက်ဖ်ပီ၊ အေပီနဲ့ ရိုက်တာ သတင်းဌာနတွေက ဖော်ပြကြပါတယ်။
ရန်ကုန်မြို့အပြင်ဘက် နယ်ဝေးထောင်တွေမှာ ထိန်းသိမ်းခံထားရတဲ့ ယုံကြည်ချက်ကြောင့် အကျဉ်းကျ နေသူ တချို့ကို လွှတ်ပေးမှာ ဖြစ်တယ်လို့ ဆိုပါတယ်။
စစ်မှန်တဲ့ အမျိုးသား ရင်ကြားစေ့ရေး အမှန်တကယ် ပေါ်ပေါက်လာဖို့ ဆိုရင် အစိုးရအနေနဲ့ ကျန်နေတဲ့ နိုင်ငံရေး အကျဉ်းသား အားလုံးကို တကြိမ်တည်းနဲ့ အပြီး လွှတ်ပေး သင့်တယ်လို့ နိုင်ငံရေး အကျဉ်းသားများ လွတ်မြောက်ရေး တက်ကြွလှုပ်ရှားသူ ၈၈ မျိုးဆက် ကျောင်းသားခေါင်းဆောင် ကိုဖြိုးမင်းသိန်းက ပြောပါတယ်။
မြင်းခြံထောင်မှာ ထောင်ဒဏ် ၆၅ နှစ်ကျော် ချမှတ်ခံထားရတဲ့ နိုင်ငံရေးအကျဉ်းသူ မသက်သက်အောင်ရဲ့ မိခင် ဒေါ်စုစုကြည် ကတော့… သမ္မတ ဦးသိန်းစိန် အနေနဲ့ နိုင်ငံရေး အကျဉ်းသားတွေကို ဓားစားခံလို မလုပ်ဘဲ အားလုံး လွှတ်ပေးမယ် ဆိုရင် အလွန် ဝမ်းမြောက်မိမှာ ဖြစ်တယ်လို့ ပြောပါတယ်။
ဒီကနေ့ အစိုးရထုတ် သတင်းစာတွေမှာ အမျိုးသား လူ့အခွင့်အရေး ကော်မရှင်ကနေ နိုင်ငံတော်သမ္မတကို နိုင်ငံရေး အကျဉ်းသားတွေ လွှတ်ပေးဖို့ တင်ပြထားတဲ့ မေတ္တာရပ်ခံစာကို ဖော်ပြထားပါတယ်။
အရင်တကြိမ်ကလည်း လူ့အခွင့်အရေးကော်မရှင်ရဲ့ အခုလို မေတ္တာရပ်ခံစာ ထွက်ပေါ်လာပြီး နောက်တရက်မှာ လွတ်ငြိမ်း ချမ်းသာခွင့် အမိန့်နဲ့ အကျဉ်းသားတွေကို လွှတ်ပေးခဲ့ပါတယ်။ အဲဒါကြောင့် အခု ထွက်ပေါ်လာတဲ့ မေတ္တာရပ်ခံစာ အပေါ် နိုင်ငံရေး အကျဉ်းသားတွေရဲ့ မိသားစုတွေက မျှော်လင့်နေကြပါတယ်။
Ref: RFA News
အစိုးရနှင့် ငြိမ်းချမ်းရေး ဆွေးနွေးရန် KNU ကိုယ်စားလှယ်အဖွဲ့ ဖွဲ့
ဖနိဒါ | သောကြာနေ့၊ နိုဝင်ဘာလ ၁၁ ရက် ၂၀၁၁
ချင်းမိုင်(မဇ္စျိမ) ။ ။ ကရင်အမျိုးသား အစည်းအရုံး KNU က အရေးပေါ် ညီလာခံကျင်းပခြင်း သုံးရက်မြောက် ကြာသာပတေး နေ့တွင် အစိုးရနှင့် ငြိမ်းချမ်းရေး ဆွေးနွေးရန် ကိုယ်စားလှယ် ခုနှစ်ဦးပါအဖွဲ့ကို ဖွဲ့စည်း လိုက်သည်ဟု KNU အသိုင်းအဝိုင်းမှ သိရသည်။
ငြိမ်းချမ်ရေး ဆွေးနွေးရန် KNU ဒုဥက္ကဋ္ဌ ပဒိုဒေးဗစ် တာကပေါ၊ အထွေထွေအတွင်းရေးမှူး နော်စီဖိုးရာစိန်၊ စစ်ဦးစီး ချုပ် ဗိုလ်ချုပ်ကြီး မူတူးစေးဖိုး၊ တရားရေးဌာနမှူး ပဒိုဒေးဗစ်ထော၊ ကျန်းမာရေးဌာမှ ဗိုလ်မှူးစောရောဂျာခင်နှင့် သစ်တော်ဌာမှူး ပဒိုစောအားတိုး၊ ဘားအံခရိုင် ဥက္ကဋ္ဌ ပဒိုအောင်မော်အေးတို့ကို ဖွဲ့စည်းလိုက်သည်ဟု နီးစပ်သူ တဦးက ပြောသည်။
“ငြိမ်းချမ်းရေးကိုယ်စားလှယ် ဖွဲ့လိုက်တာက သေချာသွားပြီ။ အသေးစိတ်တော့မသိရသေးဘူး။ ခုနှစ်ယောက်မှာ ခေါင်းဆောင်တွေ ပါတယ်။ ခရိုင်ကတယောက် ပါတယ်။”ဟု သူက မဇ္စျိမကို ပြောသည်။
KNU ထိပ်ပိုင်းခေါင်များဖြစ်သော ဗဟိုကော်မတီဝင်များ အပါအဝင် စစ်ဘက်နှင့် အရပ်ဘက်အဖွဲ့ဝင်များ စုစုပေါင်း ၅ဝ ဦးခန့် ညီလာခံတွင် ဆွေးနွေးနေသည်ဟု သိရသည်။
၁၉၉၄ ခုနှစ်က ကရင်အမျိုးသားအစည်းအရုံး KNU ခွဲထွက်ခဲ့သော ဗိုလ်ချုပ် နှုတ်ခမ်းမွှေး ဦးဆောင်သော တိုးတက်သော ဗုဒ္ဓဘာသာ ကရင်အမျိုးသားအစည်းအရုံး DKBA ၏ အစိုးရနှင့် အပစ်အခတ်ရပ်ရေးကို ကရင်ပြည်နယ် မြဝတီမြို့ တာအုထာ့ ကျေးရွာတွင် သောကြာနေ့၌ ရှင်းလင်းခဲ့သည်။
ကရင်ပြည်နယ် ကြာအင်းဆိပ်မြို့နယ်၊ ကျိုက်ဒိုမြို့နယ်၊ ကော့ကရိတ်မြို့နယ်များမှ မယ်ထော်တလေး၊ အင်ကြင်း မြိုင်၊ မင်းလက်ပံ၊ ဖလူးကြီး၊ ဖလူးလေး၊ ကျောက်ခက်၊ သေ့ဘောဘိုး၊ တောင်နီ၊ ဆုံဆည်းမြိုင်၊ ဝေါ်လေ စသည့် ကျေးရွာပါင်း ၃၇ ရွာမှ ဒေသခံ ကိုယ်စားလှယ် ၇ဝ ကျော်ကို ဗိုလ်ချုပ်နှုတ်ခမ်းမွှေးက ယနေ့ နံနက် ၈ နာရီမှ ၁ဝ နာရီခွဲထိ အပစ်အခတ် ရပ်မှုကို ရှင်းပြခဲ့ခြင်း ဖြစ်သည်။
“စစ်အစိုးရနဲ့ နှစ်ဦးသဘောတူပြီးတော့ အပစ်အခတ် ရပ်ထားတာကို သူတို့က ရှင်းပြတယ်။ ဒေသဖွံ့ဖြိုးရေးတွေက လမ်းပန်း ဆက်သွယ်ရေးတို့၊ လမ်း၊ တံတားတွေ၊ အဆောက်အဦးတွေ ကျနော်တို့ ပြည်သူတွေအတွက် လုပ်ကိုင်ပေးမယ် ဆိုတာတွေပေါ့နော်၊ ကျနော်တို့ တတွေကတော့ အဲဒီလို ရပ်ထားတာကတော့ သဘော တူညီကြတာပေါ့နော်။” ဟု သေ့ဘောဘိုး ကျေးရွာ အုပ်စုမှ ကိုယ်စားလှယ် တဦးက ပြောသည်။
ဒေသဖွံ့ဖြိုးရေးလုပ်ငန်းများ လုပ်ဆောင်ပေးမည်ဟု DKBA ခေါင်းဆောင်များက ပြောဆိုခဲ့သဖြင့် ထိုဒေသများတွင် ပညာရေး နိမ့်ကျနေသဖြင့် ဒေသဖွံ့ဖြိုးရေးလုပ်ငန်းလုပ်ဆောင်ရာတွင် အဓိက အားဖြင့် ပညာရေးဆိုင်ရာ ဖွံ့ဖြိုးမှုကို လုပ်ဆောင်ရန် လိုလား နေသည်။
ယနေ့ ရှင်းလင်းပွဲတွင် DKBA ခေါင်ဆောင်များဖြစ်သော ဗိုလ်ချုပ်နှုတ်ခမ်းမွှေး ဒုစစ်ဦးစီးချုပ် စောမူရှေး၊ စစ်ရေးချုပ် ဗိုလ်မှူး စောစိန်မြင့်၊ စစ်ထောက်ချုပ် ဗိုလ်စတီးတို့က ရှင်းလင်းခဲ့ကြသည်ဟု ဆိုသည်။
“ကျနော်တို့က ပြန်ပြီးတော့ တောင်းဆိုရမယ်။ တခါတည်းဆွေးနွေးပြီး တခါတည်း တောင်းလို့ တခါတည်းလုပ်လို့ မရတဲ့ အနေအထားမှာ ရှိနေတယ်နော်။ ဖွံ့ဖြိုးရေးဆိုတာက နိုင်ငံတော်မှာ ကျနော်တို့ တင်ပြမယ်။ ကျနော်တို့ရွာမှာ ဆေးခန်း လိုတယ်။ စာသင်ကျောင်းလိုတယ်။ တံတားဆောက်ဖို့ လိုတယ်။ အဲဒါတွေပဲ လုပ်ရမှာပေါ့။”ဟု DKBA မှ ဗိုလ်မှူး စောဆန်းအောင်က ပြောသည်။
DKBA အဖွဲ့ကို မူးယစ်ဆေးဝါးနှင့်ပတ်သက်၍ ဆက်စပ်မှုရှိသည်ဟု စွတ်စွဲပြောဆိုမှုနှင့် ပတ်သက်၍ မေးမြန်းသည် ဟု မဟုတ်ကြောင်း ငြင်းဆိုသည်။
နိုဝင်ဘာ ၆ ရက်နေ့မှစတင်၍ နှစ်ဘက်အပစ်ခတ် ရပ်စဲခဲ့သည့် အကြောင်းကို ရှင်းလင်းရန် ယမန်နေ့ ကြာသပတေးနေ့တွင် ပြုလုပ်ရန် စီစဉ် ခဲ့သော်လည်း လူထုမှ အချိန်မီရောက်မလာခဲ့သဖြင့် ရွှေ့ဆိုင်းလိုက်ကာ ယနေ့မှ ပြုလုပ်ခဲ့ခြင်း ဖြစ်သည်။
နိုဝင်ဘာလ ၃ ရက်နေ့က ဗဟိုအစိုးရ ကိုယ်စာလှယ်ဘက်မှ တိုင်းရင်းသားရေးရာနှင့် ပြည်တွင်း ငြိမ်းချမ်းရေး ဖော်ဆောင်ရေး ကော်မတီဥက္ကဋ္ဌနှင့် ကြံ့ခိုင်ရေး အတွင်းရေးမှူး (၂) ဦးသိန်းဇော်နှင့် ဗိုလ်ကြီးမောင်မောင်သိန်းတို့ ဒုတိယအကြိမ် တွေ့ဆုံပြီး သဘောတူ လက်မှတ်ရေးထိုး ခဲ့ကြသည်။
အပစ်ခတ်ရပ်ရန်၊ မြဝတီမြို့တွင် DKBA၏ ဆက်ဆံရေးရုံး ဖွင့်လှစ်ခွင့်ပြုရန်၊ နယ်မြေကျော်ကာ လက်နက်ကိုင် သွား လာလျှင် ကြိုတင် အကြောင်းကြားရန်၊ နယ်မြေ သတ်မှတ်ပေးရန်နှင့် နှစ်ဘက် ဆွေးနွေးပြီးနောက် ပြည်ထောင်စု လွှတ်တော်တွင် ဆက်လက် ဆွေးနွေးရန်တို့ ပါဝင်သည်။
Ref: မဇ္ဈိမ
အခြေခံ ဥပဒေဆိုင်ရာ ပြင်ဆင်မှုလုပ်ရန် ကြံ့ခိုင်ရေး အမတ်များ ကြိုးပမ်း
ကိုဝိုင်း
သောကြာနေ့၊ နိုဝင်ဘာလ ၁၁ ရက် ၂၀၁၁
ချင်းမိုင် (မဇ္ဈိမ) ။ ။ ကြားဖြတ်ရွေးကောက်ပွဲကျင်းပရန် နီးလာချိန်တွင် အစိုးရအဖွဲ့ဝင်များကို လွှတ်တော် အမတ်နေရာ ပြန်ပေးရန် ရည်ရွယ်၍ ၂ဝဝ၈ ဖွဲ့စည်းပုံပါ ဥပဒေ တချို့ကို ပြင်ဆင် ဖြည့်စွက်နိုင်ရန် အာဏာရ ကြံ့ခိုင် ဖွံ့ဖြိုးရေးပါတီမှ အမတ်အချို့ ကြိုးပမ်းမှုများ ရှိနေကြောင်း မဇ္ဈိမက စုံစမ်းသိရှိရသည်။
ဖွဲ့စည်းပုံ အခြေခံဥပဒေပါ "နိုင်ငံတော်သမ္မတ၊ ဒုသမ္မတများသည် မည်သည့်လွှတ်တော် ကိုယ်စားလှယ်မျှ မဖြစ်စေရ" ဟူသည့် အချက်ကို ကြံ့ခိုင်ရေး အမတ်များက ပယ်ဖျက် လိုနေသည်။ ယင်းအပြင် “သမ္မတများသည် မိမိရွေးချယ် ခံခဲ့သော မြို့နယ်များ၏ လွှတ်တော် ကိုယ်စားလှယ် အဖြစ် ပြန်လည် ရပ်တည်ခွင့်ရှိသည်။”ဟု ကြံ့ခိုင်ရေး အမတ်များမှ ဖြည့်စွက် လိုကြောင်း မဇ္ဈိမက ရရှိထားသည့် အထောက်အထားများက ဖေါ်ပြသည်။
သမ္မတများအပါအဝင် ပြည်ထောင်စုဝန်ကြီးများ၊ ဒုဝန်ကြီးများ၊ ပြည်ထောင်စု စာရင်းစစ်ချုပ်တို့ အဖြစ် တာဝန် ထမ်းဆောင် ရပါက လွှတ်တော်အမတ် အဖြစ်မှ နုတ်ထွက်ရမည် ဟူသည့် ဖွဲ့စည်းပုံ အခြေခံဥပဒေ အခန်း (၃) တွင် ပြဋ္ဌာန်းထားသည့် ပုဒ်မအချို့ကို ဖြည့်စွက် ပြင်ဆင်ရန် ကြံ့ခိုင်ရေး အမတ်များ လွှတ်တော်ပြင်ပတွင် ကြိုးပမ်း နေကြခြင်းလည်းဖြစ်သည်။
အခွင့်အရေးဆုံးရှုံးရသည်ဟု အကြောင်းပြ၍ လွှတ်တော်သို့ အဆိုတင်နိုင်ရေး အမတ်ဦးရေ၏ ၂ဝ ရာခိုင်နှုန်း ရရှိနိုင်ရန် ကြံ့ခိုင်ရေးနှင့် ပါတီတချို့မှ ကိုယ်စားလှယ်များ အုပ်စုဖွဲ့ လက်မှတ်ထိုးသည့် အဆင့်သာ ရှိသေးကြောင်း ပြည်သူ့လွှတ်တော် ကိုယ်စားလှယ် တဦးက မဇ္ဈိမကိုပြောသည်။
“တချို့ အဲဒါ လက်မှတ် လိုက်ထိုးကြတယ်လို့ ကြားပါတယ်။ သမ္မတရော ဘာရော လွှတ်တော် ကိုယ်စားလှယ်ထဲ မပါတော့ဘူး ဆိုရင် သူတို့ရဲ့ အခွင့်အရေး ဆုံးရှုံးတယ်။ သူတို့နယ်မြေမှာလည်း မလုပ်ပေးနိုင်ဘူး။ လွှတ်တော်နဲ့ လုံးဝ အဆက်ပြတ် သွားလို့ရှိရင် လွှတ်တော်က ဘာဆုံးဖြတ်တယ် ဆိုတာလည်း သူတို့ သိခွင့်မရှိဘူးလို့ အကြောင်း ပြတယ်လို့ ပြောတာပဲ။” ဟု သူကပြောသည်။
ပြည်ထောင်စု စာရင်းစစ်ချုပ်၊ ပြည်ထောင်စုဝန်ကြီးနှင့် ဒုတိယဝန်ကြီးများသည် တာဝန်ပေးခံရသည့် နေ့မှစ၍ “လွှတ်တော် ကိုယ်စားလှယ် အဖြစ်မှ နုတ်ထွက်ပြီး ဖြစ်သည်။” ဟု ဆိုသော ပုဒ်မ ၂၄၂ (င)၊ ၂၃၂ (ဈ)၊ ၂၃၄ (စ) တို့မှ စာပိုဒ်ကိုလည်း အလားတူ ပြင်ဆင်ရန် စိုင်းပြင်းနေသည်။
ကြံ့ခိုင်ရေးနှင့် စစ်တပ်အမတ်ပေါင်းပြီး ပြည်ထောင်စုလွှတ်တော် အမတ်အားလုံး၏ ၇၅ ရာခိုင်နှုန်း ကျော်ဖြင့် ဖော်ပြပါ ဥပဒေများကို ပြင်နိုင်ရန် အခွင့်အလမ်း ရှိနေသော်လည်း အမျိုးသား ဒီမိုကရေစီ အဖွဲ့ချုပ်၊ အစိုးရနှင့် လွှတ်တော်အကြား ဆက်ဆံရေး ကောင်းမွန်နေသဖြင့် ယင်းကြိုးပမ်းမှုမှာ လွယ်လွယ်ဖြင့် အောင်မြင်မည်ဟု ပြည်သူ့လွှတ်တော်အမတ်က မယူဆပေ။
တိုင်းရင်းသားစည်းလုံး ညီညွတ်ရေးပါတီ ပြောခွင့်ရသူ ဦးဟန်ရွှေကမူ ဖွဲ့စည်းပုံပါ ပြင်ဆင်ရန် ကြိုးစားနေမှုကို မကြားသိ သော်လည်း အာဏာပိုင် အဖွဲ့အစည်းဝင်များ အနေဖြင့် လူထုထံ မှ အမြင်ရှင်းလင်းမှုကို ကြိုးစား ရယူသင့်သည်ဟု ဆိုသည်။
“တချိန်တုန်းက ကျင့်သုံးခဲ့တဲ့ အစဉ်အလာအရက one party system ဆိုရင် ဒါပြဿနာမဟုတ်ပါဘူး။ ပါတီစုံ စနစ် ဆိုရင်တော့ လွှတ်တော် ကိုယ်စားလှယ် ဆိုတာကလည်း ဘယ် source ကလာတာလဲ။ ဘယ်ပါတီက လာတာလဲ ဆိုတာရှိတာကိုး။ အဲဒီဟာမှာ အာဏာပိုင် အဖွဲ့အစည်းဆိုတဲ့ ပုဂ္ဂိုလ်က ရှင်းရှင်းလင်းလင်းနဲ့ လုပ်နိုင်လို့ရှိရင်တော့ ပိုပြီးတော့ ကောင်းတာပေါ့။” ဟု သူကပြောသည်။
တိုင်းရင်းသားစည်းလုံး ညီညွတ်ရေးပါတီအဆိုအရ လစ်လပ်နေသော အမတ်နေရာ ၄၈ နေရာရှိသော ကြားဖြတ် ရွေးကောက်ပွဲတွင် မွန်ပြည်နယ်၊ ရန်ကုန်တိုင်း၊ ပဲခူးတိုင်း၊ ဧရာဝတီတိုင်း၊ ကချင်ပြည်နယ်၊ ရှမ်းပြည်နယ် တို့တွင်နေရာ ၂ဝ ခန့် ဝင်ပြိုင်ရန် လျာထားသည်။ အချို့သော နိုင်ငံရေးပါတီများက ရွေးကောက်ပွဲ ကော်မရှင်ကို ကိုးကားပြောကြားရာတွင် လစ်လပ်နေသော အမတ်နေရာမှာ ၇ဝ အထိ ရှိသည်ဟုဆိုသည်။
အမျိုသားဒီမိုကရေစီပါတီသစ် သင်္ကန်းကျွန်းမြို့နယ် ပြည်သူ့လွှတ်တော်အမတ် ရှေ့နေ ဦးသိန်းညွန့်က အစိုးရ အဖွဲ့ဝင်များ အမတ်နေရာပါ ယူခွင့် လှုပ်ရှားနေမှုနှင့် ပတ်သက်၍ မကြား သိရသော်လည်း ဖြစ်လာလိမ့်မည်ဟု လည်း မျှော်လင့် မထားသူပင်ဖြစ်သည်။
“အဲဒီလိုအခြေအနေမျိုး ရောက်လာမယ်လို့ အခုအခြေ အနေမှာတော့ မထင်သေးဘူး။” ဟုပြောသည်။
ပြင်ဆင်ရန်ကြိုးစားနေသည့် ကျန်ဥပဒေများတွင် ပြည်ထောင်စုဝန်ကြီး ရွေးကောက်ပွဲနီးချိန်တွင် ပါတီစည်းရုံးရေး ပြုလုပ်နိုင်ရန်၊ နေပြည်တော် ကောင်စီ ဥက္ကဋ္ဌနှင့် ကောင်စီဝင်များ လွှတ်တော် အမတ်အဖြစ် ပြန်ရပ်တည်ခွင့်၊ ပြည်ထောင်စု အဆင့် တရားသူကြီးများနှင့် တိုင်း/ပြည်နယ် တရားသူကြီး တို့၏ တာဝန်ထမ်းဆောင်ခွင့် သက်တမ်း ပြင်ဆင်မှုများလည်း ပါဝင်သည်။
အခြေခံဥပဒေအရ လွှတ်တော်အမတ် ဖြစ်ခွင့် မရှိသူများထဲတွင် နိုင်ငံတော် ဖွဲ့စည်းပုံ အခြေခံ ဥပဒေ ဆိုင်ရာခုံရုံး အဖွဲ့ဝင်များ၊ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌနှင့် အဖွဲ့ဝင်များ၊ ပြည်ထောင်စု စာရင်းစစ်ချုပ်နှင့် ဒုစာရင်းစစ်ချုပ်၊ ပြည်ထောင်စု ရာထူးဝန် အဖွဲ့ ဥက္ကဋ္ဌနှင့် အဖွဲ့ဝင်များလည်း ပါဝင်သည်။
Ref: မဇ္ဈိမ
အစာငတ်ခံဆန္ဒပြ နိုင်ငံရေး အကျဉ်းသား ထောင်ဝင်စာပိတ်
ထွန်းထွန်း
သောကြာနေ့၊ နိုဝင်ဘာလ ၁၁ ရက် ၂၀၁၁
နယူးဒေလီ (မဇ္ဈိမ) ။ ။ ထောင်ဒဏ်လျှော့ရက် ရရှိရေး ဆန္ဒပြနေသည့် အင်းစိန် အကျဉ်းထောင်မှ အကျဉ်းသား ၁၅ ဦးအား နိုဝင်ဘာ လကုန်အထိ ထောင်ဝင်စာ ပိတ်ထားလိုက်ပြီ ဖြစ်ကြောင်း နိုင်ငံရေး အကျဉ်းသားများ အကျိုးဆောင် ကွန်ယက်ထံမှ သိရသည်။
ထောင်လက်စွဲပါ ဥပဒေအရ သာမန် အကျဉ်းသားများ လျှော့ရက်ခံစားရချိန်တွင် နိုင်ငံရေး အကျဉ်းသားများအား လျှော့ရက် မရသည့်အတွက် အောက်တိုဘာလ ၂၆ ရက်မှ စ၍ အစာငတ်ခံ ဆန္ဒပြခဲ့ကြခြင်းလည်း ဖြစ်သည်။
“ကိုစိုးမိုးထွန်းတို့၊ ကိုညီညီထွန်းတို့ရဲ့ မိသားစုဝင်တွေ ဒီကနေ့ ထောင်ဝင်စာ သွားတွေ့ပါတယ်။ သွားတွေ့တဲ့ အခါ ကျတော့ ထောင်အာဏာပိုင် တွေက ထောင်ဝင်စာကိုတော့ ပေးမတွေ့ဘူး ပေါ့ဗျာ။ ပါဆယ်သွင်းခွင့်ပဲ ပြုတယ် ဆိုပြီး ပြောတယ်။ ထောင်ဝင်စာ ကိုလည်း တလပိတ်ထားတယ်လို့ ပြောတယ်” ဟု နိုင်ငံရေး အကျဉ်းသားများ အကျိုးဆောင် ကွန်ယက် တာဝန်ခံ ကိုအောင်ဇော်ထွန်း က မဇ္ဈိမကို ပြောသည်။
အင်းစိန်ထောင်တွင် ၁၄ ၇က်လျှင် တကြိမ် မိသားစုနှင့် တွေ့ခွင့်ရှိပြီး ခုနှစ် ရက်လျှင် တကြိမ် ပါဆယ်ပို့ခွင့် ရှိရာ ပါဆယ် ပို့ခွင့်ကို နိုဝင်ဘာလ ၄ ရက်မှစ၍ ပြန်လည် ခွင့်ပြုထားသည်ဟု သိရသည်။
အစာငတ်ခံ ဆန္ဒပြသူများမှာ ထောင်လက်စွဲအရ သေဒဏ်ကျ၊ နှစ်အကန့်အသတ် မရှိနှင့် တသက်တကျွန်း ထောင် ဒဏ် ကျခံ ရသူများမှ လွဲ၍ အကျဉ်းသားတိုင်း လျှော့ရက် ခံစားခွင့်ရသော်လည်း ယင်းကဲ့သို့ မပေးခဲ့သည့် အတွက် ဆန္ဒပြခဲ့ခြင်းလည်း ဖြစ်သည်။
ထောင်လက်စွဲ ဥပဒေအရ အကျဉ်းထောင်အတွင်း ဆန္ဒပြခြင်း သို့မဟုတ် အကျဉ်းသား အချင်းချင်း ပြဿနာ တစုံတရာ ရှိလာပါက စစ်ခွေးတိုက် ပို့ခြင်း၊ ထောင်ပြောင်းခြင်း၊ ဒေါက်တပ်ခြင်း၊ ရိုက်နှက်ခြင်း၊ ထောင်ဝင်စာ ပိတ်ခြင်းများ ပြုလုပ်လေ့ရှိရာ ယခု ပိတ်ခြင်းမှာလည်း အပြစ်ပေးခြင်း တမျိုးဖြစ်သည်ဟု ကိုအောင်ဇော်ထွန်း က ပြောဆိုသည်။
“ထောင်လက်စွဲဥပဒေပါ လျှော့ရက်ကို မပေးကတည်းက ချိုးဖောက်တာပဲလေ။ သူတို့ဘက်က ပေးအပ်ရမယ့် အခွင့်အရေး တွေကို မပေးအပ်တဲ့ အတွက် နိုင်ငံရေးအကျဉ်းသားတွေက ဆန္ဒပြတာပဲ။ အဲဒါကိုမှ နောက်ထပ် ထောင်ဝင်စာ ထပ်ပိတ်တယ် ဆိုတာကတော့ ဖိနှိပ်မှုကို ဖိနှိပ်မှုနဲ့ပဲ ထပ်ပြီးတော့ လုပ်တယ်လို့ ကျနော်တို့က သုံးသပ်တယ်။ လက်မခံပါဘူး” ဟု ကိုအောင်ဇော်ထွန်းက ဆိုသည်။
သူက ဆက်ပြီး ပါဆယ်ထုပ်ပို့ခွင့်ပြုထားသည့်အတွက် အစာငတ်ခံဆန္ဒပြမှုမှာ ရပ်ဆိုင်းသွားပြီဟု ယူဆ ရကြောင်းနှင့် မည်သည့် သဘော တူညီချက်များ ရှိသည်ကိုမူ မသိရသေးကြောင်း၊ စနေနေ့တွင်လည်း အကျဉ်းသား မိသားစုများက သွားရောက် စုံစမ်း ဖြစ်ကြောင်း ပြောသည်။
မြန်မာနိုင်ငံတွင် နိုင်ငံရေး အကျဉ်းသားများကို လျှော့ရက်ခံစားခွင့် ပိတ်ပင်ခြင်းကို ၁၉၉၇ ခုနှစ်မှစ၍ စတင်ခဲ့သည်။
Ref: မဇ္ဈိမ
ကြားဖြတ်ရွေးကောက်ပွဲ ဒေါ်အောင်ဆန်းစုကြည် ပါဝင်နိုင်ဖွယ်ရှိ
2011-11-13
လာမယ့် ကြားဖြတ်ရွေးကောက်ပွဲမှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် ပါဝင်နိုင်ဖွယ် ရှိကြောင်း NLD ပါတီက ပြောဆို လိုက်ပါတယ်။
အမျိုးသား ဒီမိုကရေစီအဖွဲ့ချုပ် အနေနဲ့ ပြန်လည် မှတ်ပုံတင်ကောင်း တင်မှာဖြစ်ပြီး ဒေါ်အောင်ဆန်းစုကြည် လည်း ရွေးကောက်ပွဲ ဝင်နိုင်ကြောင်း ပါတီ ပြောရေးဆိုခွင့် ရှိသူ ဦးဉာဏ်ဝင်းက ပြောဆိုတယ်ဆိုပြီး AFP သတင်းဌာနက ဖော်ပြထားပါတယ်။
အခုလို ဒေါ်အောင်ဆန်းစုကြည် ကြားဖြတ်ရွေးကောက်ပွဲ ဝင်နိုင်တယ်ဆိုတဲ့ သတင်းနဲ့ပတ်သက်ပြီး NLD ပြောခွင့်ရပုဂ္ဂိုလ် ဦးဥာဏ်ဝင်းကို RFA က မေးမြန်းကြည့်တဲ့အခါ ဦးဉာဏ်ဝင်းက…
“ဒါ ဒေါ်အောင်ဆန်းစုကြည် ကိုယ်တိုင် ဖြေပါလိမ့်မယ်။ ကျနော့်အနေနဲ့ကတော့ မြင်ရတွေ့ရတဲ့ အခြေအနေ ပေါ်မှာ ဖြစ်နိုင်ခြေ ရှိတယ်လို့ ကျနော် ပြောခဲ့ပါတယ်”
အထက်လွှတ်တော်နဲ့ အောက်လွှတ်တော်မှာ အမတ်နေရာ ၄ဝ လောက် လစ်လပ်နေတဲ့အတွက် ကြားဖြတ် ရွေးကောက်ပွဲ လုပ်ပြီး ပြန်လည် ရွေးချယ်ရမှာ ဖြစ်ပါတယ်။ ဒါပေမယ့် ဒီရွေးကောက်ပွဲ ဘယ်တော့ ကျင်းပမယ် ဆိုတာကိုတော့ ဦးသိန်းစိန် အစိုးရက ကြေညာထားတာ မရှိသေးပါဘူး။
ပြီးခဲ့တဲ့ သောကြာနေ့က NLD ပါတီ တာဝန်ရှိသူတွေ အစည်းအဝေးတရပ် ကျင်းပခဲ့ပေမယ့် ပါတီမှတ်ပုံ တင်ရေးနဲ့ ရွေးကောက်ပွဲ ဝင်ရေးကို ဆုံးဖြတ်ချက် မချရသေးဘဲ လာမယ့် နိုဝင်ဘာလ ၁၈ ရက်နေ့ကို ရွှေ့ဆိုင်း ထားပါတယ်။ ဒေါ်အောင်ဆန်းစုကြည် အနေနဲ့ ဘယ် ရွေးကောက်ပွဲ နယ်မြေက ဝင်ရောက် ယှဉ်ပြိုင်မယ် ဆိုတာမျိုး တိတိကျကျ ထုတ်ဖော်ပြောဆိုခြင်း မရှိသေးပါဘူး။
Ref: RFA News
Friday, November 11, 2011
ကွာဟချက် တစ်ဖက်စောင်းနင်းမဖြစ်စေဖို့
''တစ်နေ့ နှစ်ပုဒ်နေ့တိုင်းရေး နေတာတွေ လျော့လိုက်ပါတော့။ တစ်ပတ်နှစ်ပုဒ်လောက်ပဲ ရေးပြီး နားနားနေနေ သက်သက် သာသာ နေဖို့ကောင်းပြီ'' အဖေဖြစ်သူကို မွေးကင်းစ ကလေးငယ်လေး တစ်ယောက် စောင့်ကြည့် သလို အရိပ် တကြည့်ကြည့် စောင့်ကြည့် နေလေ့ရှိတဲ့ သမီးရဲ့ ပြောစကား ဖြစ်တယ်။
ရန်ကုန်ကို စွန့်ခွာဖို့
ဖြစ်လိုက်ရင် အားလုံးမျက်လုံး ပြူး မျက်ဆန်ပြူး ဖြစ်ရလောက် အောင် အသည်းအသန် ဖြစ်တတ် တာကြောင့် ရာသီဥတု ပူပြင်းလာပြီ ဆိုရင် သမီးက စိတ်ပူမြဲဖြစ်တယ်။ အချိန်ပြည့် အောက်စီဂျင်ပိုက် တပ်မထားရဘဲ မောတဲ့ အချိန်လောက်သာ တပ်ရတဲ့ အချိန်တွေတုန်းကဆို ရင်ပူစ ပြုတာနဲ့ မေမြို့(ပြင်ဦးလွင်) သွားပြီး ဒေါ်ဒေါ်(လူထုအမေမာ) နဲ့ နေဖို့ ဆော်သြလေ့ ရှိတယ်။ အခုတော့ မသွားနိုင်တော့တာတောင် ခြောက်နှစ်ကျော်၊ ခုနစ်နှစ်ရှိပြီ။ ရန်ကုန် အပူဒဏ်တွေကို လှိမ့်ခံနေရတယ်။ အဲဒီ အခါမျိုးမှာ စာရေးတာ နားထားဖို့ အမြဲ ပြောတတ်တယ်။ တစ်ခါတလေ ကျတော့ ရန်ကုန်ကို အပြီးစွန့်ခွာပြီး အေးတဲ့ဒေသမှာ သွားနေကြ ဖို့လည်း ပြောတတ်တယ်။
ရှမ်းပြည်နယ်ကို သံယောဇဉ်ကြီး
သမီးက ရန်ကုန်မှာမွေးပေမယ့် ၈ တန်းအောင်တဲ့ထိ တောင်ကြီးနဲ့ ကလောမှာ နေထိုင် ကြီးပြင်းခဲ့ရတာ ဖြစ်လေတော့ ရှမ်းပြည်နယ်ကို အတော် သံယောဇဉ်ကြီးတာ။ အစားအသောက်က အစ သီပေါသူ အမေနဲ့တူလို့ ရှမ်းခေါက်ဆွဲတို့၊ ရှမ်းမုန့်တီ တို့၊ ခေါပုတ်တို့ပဲ ကြိုက်တယ်။ မုန့်တီမကြိုက်ဘူး။ မုန့်ဟင်းခါး မကြိုက်ဘူး။ ပြင်ဦးလွင်မှာတော့ ရှမ်းစာတွေလည်းပေါ၊ ရာသီဥတုကလည်း ကလောလိုအေးတော့ အဖေ ပြင်ဦးလွင်မှာ နေချင်လည်း အနီး စခန်းမှာရှိတဲ့ ခြံလေးထဲ အိမ်ဆောက် လိုက်တာပေါ့လို့ နွေရာသီရောက်တိုင်း ပြောမြဲဖြစ်တယ်။ ဒါပေမယ့် ခုချိန်အထိ ရန်ကုန်က မခွာနိုင်သေးပါဘူး။
စိတ်ပျက်စရာ
ရန်ကုန်မှာ ရေမကြည်ပါဘူး။ မြက်လည်းမနုပါဘူး။ ပစ္စန္တရစ် အရပ်ကြီးတစ်ခုလို စိတ်ပျက်စရာပါ။ ဒါဖြင့်ရင် ဘာကြောင့် ရန်ကုန်ကို မစွန့်ခွာနိုင် သေးတာလဲ။ စာရေးတဲ့ ကိစ္စကြောင့်တော့ မဟုတ်တာ သေချာတယ်။ အရင်က ဒေါ်ဒေါ်(လူထု အမေမာ)နဲ့အတူ ပြင်ဦးလွင်မှာ သုံး လေးလ နွေခိုကြစဉ်က စာတွေရေးပြီး အမြန်ချောနဲ့ ပို့လို့ အဆင်ပြေနေတာပဲ။ အခုဆို အီးမေးနဲ့ ပို့မလား၊ ဖက်စ်နဲ့ပို့မလား ပိုလို့တောင် လွယ်သေး။ ရန်ကုန်က မစွန့်ခွာနိုင်တဲ့ အကြောင်းရင်းကို သေသေချာချာ စဉ်းစား ကြည့်တယ်။ စီးပွားရေး လုပ်သူ မဟုတ်တော့ လုပ်ကွင်း လုပ်ကွက်တွေနဲ့ ဈေးကွက်တွေလည်း ကြည့် နေဖို့ မလိုဘူး။ ၀န်ထမ်း မဟုတ်လို့ ရုံးကိစ္စတို့ ဘာတို့လည်း စဉ်းစားစရာ မရှိဘူး။
အရေးကိစ္စမှန်သမျှ
ရန်ကုန်ဟာ ပထမမြို့တော်မဟုတ်တာ အတော်တောင်ကြာပါပြီ။ ဒါပေမယ့် လူတွေအတွက် အသုံးဝင်မှု တန်ဖိုးကတော့ ကျမသွားဘူး။ အရင် အတိုင်းပဲ။ လူတိုင်းအတွက် အခြေခံ လိုအပ်ချက်တွေဖြစ်တဲ့ နေရေးထိုင်ရေး စားသောက်ရေး၊ ပညာရေး၊ ကျန်းမာရေး၊ အရေး ကိစ္စမှန် သမျှ ရန်ကုန်လောက် ပြည့်စုံတာ ဘယ်မှမရှိဘူး။ ကိုယ့်ကိစ္စကိုယ် ပြောရင်တောင် ရန်ကုန်ကလွဲပြီး ဘယ်မှ နေမဖြစ်ဘူးလို့ ပြောရမှာပဲ။ အောက်စီဂျင်ကို စက်နဲ့ ရှူတယ် ဆိုပေမယ့် မီးပျက်တဲ့ အခါ သုံးဖို့ ဆေးရုံတွေမှာ သုံးတဲ့အိုးလည်း ဆောင်ထားရတယ်။ အဲဒီအိုးက ကုန်သွားရင် ပြန်ဖြည့်ရတယ်။ ရန်ကုန်မှာတော့ ကုန်တာနဲ့ ဖုန်းဆက်လိုက်ရင် နာရီဝက်အတွင်း အိမ်အရောက် လာပို့တယ်။ မန္တလေးတို့ ပြင်ဦးလွင်တို့မှာ အဲဒီလိုလုပ်လို့ မရဘူး။ ကိုယ်တိုင် အိုးလွတ်ယူသွားပြီး ဖြည့်ခိုင်းရတယ်။ တစ်ရက် အလုပ် မဟုတ်တော့ မလွယ်ဘူး။
ဆေးရုံကြီးကို ပြေးကြရတာပဲ
အခုဆိုရင် အခြေအနေက သန့်စင်ခန်းဝင်တာ၊ ရေချိုးတာတောင် ပိုက်ဖြုတ်ထားလို့ မရတော့ဘူး။ အချိန်ပြည့် တပ်ထားရတယ်။ အောက် စီဂျင်စက်ကြီးကို ရေချိုးခန်းထဲကို ယူသွားလို့ မဖြစ်တော့ သံအိုးကို ယူသွားရတယ်။ ဒီတော့ နှစ်ရက်တစ်ခါလောက် အိုးလဲရတယ်။ ဒီလို ဝေယျာဝစ္စတွေ ရှုပ်ရှုပ်ထွေးထွေးနဲ့ အသက်ရှင် နေရတာဖြစ်တော့ စိတ်သွားတိုင်း ကိုယ်က မပါနိုင်ဘူး။ ဒါတင်မက၊ ပုဂ္ဂလိက ဆေးရုံတွေ ဘယ်လောက် ကောင်းတယ်ပြောပြော တကယ် အရေးကြုံလာတော့ ရန်ကုန် ဆေးရုံကြီးကို ပြေးကြရတာချည်းပဲ။ တချို့ စက်ကိရိယာ မျိုးတွေက အစိုးရ ဆေးရုံကြီးမှာပဲ ရှိတယ်။ တန်ဖိုးကြီးတဲ့ ပစ္စည်းမျိုးကို ပုဂ္ဂလိက ဆေးရုံတွေက ရင်းနှီးမြှုပ်နှံမှု လုပ်ချင်ကြတာ မဟုတ်ဘူး။
အသက်ကို ဖက်နဲ့ထုပ်
ကိုယ့်အခြေအနေက ဆေးရုံကြီးတွေ၊ ဆရာဝန်ကြီးတွေနဲ့ လက်တစ်ကမ်းလောက် အဝေးမှာသာ နေလို့ဖြစ်တာ။ စိတ်ရှိပေမယ့် လက်တွေ့မှာ အခြေအနေက မပေးဘူး။ ကျေးလက်နဲ့ မြို့ပြဆိုတာထား၊ ရန်ကုန်နဲ့ မန္တလေး တောင် ကွာခြားချက်က သိပ်ကြီးတယ်။ ကိုယ်ကလည်း အသက်ကို ဖက်နဲ့ ထုပ်ထားသလို ယဲ့ယဲ့ကလေး နေရတာ မဟုတ်လား။ ဘယ်မှာ မြို့ငယ်လေးတွေမှာ နေလို့ဖြစ်မှာလဲ။ မန္တလေးဆိုတာ မြို့ငယ်လေး မဟုတ်ပါဘူး။ အခုလည်း မြို့ကြီးပါ။ ရှေးကဆို နေပြည်တော်ပါလို့ ဘယ်လိုပဲပြောပြော လိုအပ်ချက်တွေ ပြည့်စုံမှုကတော့ အများကြီး ကွာခြားလှပါတယ်။
အမှိုက်ပြဿနာ
မန္တလေးနဲ့ ရန်ကုန်သာ ကွာခြားလွန်းတာ မဟုတ်ဘူးခင်ဗျ။ မန္တလေးနဲ့ မုံရွာလည်း အများကြီး ကွာခြားပါတယ်။ မန္တလေးနဲ့ လားရှိုး၊ မန္တလေးနဲ့ တောင်ကြီးတို့လည်း အများကြီး ကွာခြားပါတယ်။ ဒီလို ကွာခြားလွန်းတော့ နှစ်တွေ ကြာလာတဲ့ အခါမှာ ရန်ကုန်လို မြို့ကြီးရဲ့ လူဦးရေက အဆမတန် တိုးပွား လာတဲ့ အတွက် ပြဿနာပေါင်းစုံ ပေါ်ပေါက် လာခဲ့ပါတယ်။ အခုဆိုရင် ရန်ကုန်မှာ အမှိုက် ပြဿနာကြောင့် တာဝန်ရှိသူတွေ တော်တော် ခေါင်းကိုက်နေကြရပြီ။ သိပ်မကြာခင်မှာ ရေမလုံလောက်မှု ကြုံတွေ့လာမယ့် လက္ခဏာတွေ စပြီး ပြနေပြီ။ နေစရာအိမ် အခက်အခဲတွေလည်း မလွဲမသွေ ကြုံတွေ့ ကြရလိမ့်မယ်။ အခုတောင် ၀န်ထမ်း မိသားစုတွေ အရင်က လို ရေကျော်၊ ပုဇွန်တောင်၊ ကျောက်မြောင်းစတဲ့ ရပ်ကွက်မျိုးမှာ အိမ်ငှား မနေနိုင်ကြတော့ဘူး။
ခြေသလုံးအိမ်တိုင်လူတန်းစား
ဖွံ့ဖြိုးတိုးတက်မှု ကွာခြားလွန်းတော့ နယ်ကလူတွေမြို့တက်လာပြီး ကြုံရာကျပန်း လုပ်ကြတာတွေ တစ်နေ့တခြား များသထက် များလာတယ်။ ၁၉၄၈၊ ၄၉၊ ၅၀ ပြည်တွင်း စစ်အရှိန် အပြင်းဆုံး ကာလများက ရန်ကုန်မှာ ကျူးကျော် ရပ်ကွက်တွေ ရှောင်မလွတ်အောင် များပြား လာခဲ့ဖူးတယ်။ ပြည်တွင်းစစ် အရှိန် သေသွားတော့လည်း အဲဒီလူတွေကနယ် မပြန်ကြတော့ဘူး။ ဒီလိုနဲ့ပဲ ၁၉၅၀ ၀န်းကျင်က လူဦးရေ ငါးသိန်း သာသာလောက်ပဲ ရှိတဲ့ ရန်ကုန်လူဦးရေ ဟာ သိန်း ၂၀ ကျော်အထိ ရှိလာခဲ့တယ်။ အိန္ဒိယနိုင်ငံမှာ ဆိုရင် မြို့ကြီးတိုင်းမှာ အိုးမဲ့အိမ်မဲ့ ခြေသလုံးအိမ် တိုင်လူတန်းစား (ခုခေတ်အခေါ် ပြည်တွင်း ရွှေ့ပြောင်းလုပ်သားများ) တွေရဲ့ ပြဿနာဟာ တစ်နေ့တခြား ဆိုးသထက် ဆိုးလာတာကို တွေ့ကြရတယ်။
တစ်ဖက်စောင်းနင်း၊ မဖြစ်အောင်
တရုတ်ပြည်မှာလည်း ရှေးကမရှိပေမယ့် အခုတော့ လယ်သမားတွေ မြို့တက်ပြီး ကြုံရာကျပန်း လုပ်တာတွေ ထိန်းမနိုင် သိမ်းမရ အခြေ အနေမျိုးထိ ရောက်လာတယ် ဆိုတဲ့ သတင်းတွေ ကြားသိ နေရတယ်။ ဖွံ့ဖြိုးမှု ကွာခြားချက် အဆမတန် ကြီးမား လာခြင်းက လူမှုရေး ပြဿနာမျိုးစုံကို ဖြစ်ပေါ်လာစေပြီး အဲဒီက နောက်တစ်ဆင့် တက်တော့ လူ့အဖွဲ့အစည်း အတွင်းက ပဋိပက္ခတွေကို ပြင်းထန် လာစေတယ်။ အဲဒါတွေကို တားဆီးဖို့ အတွက် ကျေးလက်နဲ့ မြို့ပြကွာဟမှု ပပျောက်ရေး ဆောင်ရွက်သလို၊ မြို့ကြီး မြို့ငယ်တွေကြား ဖွံ့ဖြိုးမှု တစ်ဖက်စောင်းနင်း မဖြစ်အောင်လည်း ဆောင်ရွက်ဖို့လိုကြောင်း နှိုးဆော် လိုက်ပါရစေ။
Ref: EMG News
NLD မှတ်ပုံတင်ရေး တိုင်းနဲ့ ပြည်နယ်အမြင်
မသင်းသီရိ
ကြာသပတေး, 10 နိုဝင်ဘာ 2011
အမျိုးသားဒီမိုကရေစီအဖွဲ့ချုပ် NLD ပါတီကို နိုင်ငံရေးပါတီအဖြစ်မှတ်ပုံတင်ရေး မတင်ရေး ကိစ္စကို နိုင်ငံ တ၀ှန်းက ဗဟိုဦးစီး အဖွဲ့ဝင်တွေနဲ့ ဆွေးနွေးပြီး ဆုံးဖြတ်ချက်မချခင် တချို့ပြည်နယ်နဲ့ တိုင်းတွေမှာ ဆွေးနွေး နေကြတဲ့အထဲ မတူကွဲပြားတဲ့ အမြင်တွေ ရှိနေကြပါတယ်။ အများစုကတော့ နိုင်ငံရေးပါတီ အဖြစ် မှတ်ပုံတင်ဖို့ သဘောတူကြပေမယ့် ကြားဖြတ် ရွေးကောက်ပွဲမှာ ၀င်ရောက် ယှဉ်ပြိုင်ဖို့နေရာမှာ မတူတဲ့ အမြင်တချို့ ရှိနေတာပါ။ ဒီအခြေအနေ အပြည့်အစုံကိုတော့ မသင်းသီရိက တင်ပြ ပေးထားပါတယ်။
NLD ပါတီကို နိုင်ငံရေးပါတီအဖြစ်မှတ်ပုံတင်ရေး၊ မတင်ရေး ကိစ္စအတွက် ပြီးခဲ့တဲ့ နိုဝင်ဘာ ၈ ရက်နေ့က NLD ဗဟို အလုပ်အမှုဆောင် အဖွဲ့ဝင်တွေ ဆွေးနွေးအပြီး လာမယ့် နိုဝင်ဘာ ၁၈ ရက်နေ့မှာ တနိုင်ငံလုံးက NLD ဗဟိုဦးစီးတွေနဲ့ ထပ်မံတွေ့ဆုံပြီး ဆုံးဖြတ်ချက်ချဖို့ NLD က စီစဉ်ထားတာပါ။ ဒါ့ကြောင့်မို့ ၁၈ ရက်မတိုင်ခင် တချို့ ပြည်နယ် တိုင်းတွေမှာ NLD အဖွဲ့ဝင်တွေရဲ့ သဘောထားတွေနဲ့ ဆွေးနွေးတိုင်ပင် နေတာတွေ ရှိနေပါတယ်။
မန္တလေးတိုင်း၊ မိတ္ထီလာခရိုင်ထဲက NLD ပါတီဝင်တွေကတော့ နိုင်ငံရေးပါတီအဖြစ် မှတ်ပုံတင်ဖို့မှာ သဘော တူကြတာ များပေမယ့် ကြားဖြတ် ရွေးကောက်ပွဲ ၀င်ဖို့မှာတော့ မတူတဲ့ အမြင်တွေ ရှိတာမျိုး သိရတယ်လို့ မိတ္ထီလာခရိုင်က NLD ဗဟိုဦးစီး တယောာက်ဖြစ်တဲ့ ဒေါက်တာသိန်းလွင်က ပြောပါတယ်။
“မေးကြည့်တဲ့အခါမှာ တချို့ကလည်း မတင်ချင်ဘူးပေါ့။ တချို့ကလည်း တင်ချင်တယ်ပေါ့။ ပါတီမှတ်ပုံ တင်ဖို့ ကိစ္စနဲ့ ပတ်သက်လို့ ကတော့ တော်တော်များများက သဘောတူပါတယ်။ ရွေးကောက်ပွဲ ၀င်ရေး ကိစ္စကတော့ တကဏ္ဍ ဖြစ်နေတယ်လေ။ တချို့ ကျတော့လည်း ရတဲ့ အခွင့်အရေးကို ရတဲ့နေရာမှာ ရတဲ့ပုံစံနဲ့ လုပ်ရတဲ့အခါမှာ NLD က ရသလောက် ၀င်ယူကြမယ် ဆိုတဲ့ အနေအထားမျိုးတော့ ရှိပါတယ်။ လိုရင်းကတော့ တင်ရေးနဲ့ ၀င်ရေးပေါ့။ မှတ်ပုံလည်းတင်၊ ၀င်စရာရှိတာလည်း ၀င်လိုက်တော့။ ၀င်လိုက်တော့ ဆိုတာက ကျနော်တို့ ကြားထဲမှာ လုပ်ရမယ့် အလုပ်တွေက အများကြီး ရှိသေးတယ်။ အတိုင်းအတာ တခုအထိ ပါတီထဲမှာ တစိတ်တပိုင်း ၀င်ထားခြင်း အားဖြင့် အကျိုးရှိမယ်လို့ မြင်တယ်”
တခါ ကရင်ပြည်နယ်က NLD ပါတီဝင်တွေဟာ ဆိုရင်လည်း ပါတီမှတ်ပုံတင်ရေးကို ကန့်ကွက်သူ မရှိ လက်ခံပေမယ့် ကြားဖြတ် ရွေးကောက်ပွဲ ၀င်ဖို့မှာတော့ တချို့က သဘောမတူတာ ရှိတယ်လို့ ပြောပါတယ်။
ဒါပေမယ့် ဒီမိုကရေစီနည်းအရ အများဆန္ဒအတိုင်း လိုက်နာဆောင်ရွက်မှာ ဖြစ်သလို တိုင်းရင်းသားအရေး အားလုံး ပြေလည်ဖို့ အတွက် ဘယ်လို ညှိနှိုင်း ဆောင်ရွက်မှုမျိူး မဆို လိုက်နာ ဆောင်ရွက်မယ်လို့ ကရင်ပြည်နယ် NLD ပါတီက ခေါင်းဆောင် တဦးဖြစ်တဲ ဒေါ်နန်းခင်ထွေးမြင့်က ပြောပါတယ်။
“အဲဒီအပေါ်မှာတော့ နည်းနည်းကွဲပြားမှုရှိတယ်။ ဒါပေမယ့် အဲဒါကျတော့လည်း ရန်ကုန်ကျမှပဲ ပြန်ပြီးတော့ စုစည်း ပြီးတော့ ပြန်ညှိနှိုင်းပြီးတော့ ဆုံးဖြတ်ကြမယ်လို့ တိုင်ပင် ထားကြတယ်။ တချို့ကလည်း မ၀င်ချင်ဘူး။ သူတို့ တဦးထဲ ဆန္ဒပေါ့နော်။ မ၀င်ချင်ဘူး ဆိုပေမယ့် အများဆန္ဒ အတိုင်းပါပဲ။ အများဆန္ဒက ၀င်မယ့်ဘက်က ဖြစ်တယ်ဆိုလို့ ရှိရင် အန်တီတို့ ကလည်း ကျေကျေနပ်နပ်ပဲ လက်ခံမှာပါ။ လောလောဆယ် ဖြစ်နေတဲ့ တိုင်းရင်းသားတွေရဲ့ စစ်ပွဲတွေကလေ တိုင်းရင်းသား တွေရော၊ ဒေသခံ ရှိတဲ့လူတွေ၊ မြို့ပေါ်မှာရှိတဲ့ လူတွေက ဒီလောက် မသိသာပေမယ့် နယ်စပ်မှာနေတဲ့ တိုင်းရင်းသားတွေက အင်မတန် ဒုက္ခရောက်ပါတယ်။ အဲဒီလို အန်တီတို့ ဒီဘက်မှာ တင်းနေလို့ရှိရင် အဲဒီလို ရေရှည်ကြီး ဖြစ်နေလိမ့်မယ်အတွက် အဲဒါကို တထစ်လျှော့တဲ့ အနေနဲ့ အန်တီတို့လည်း လျှော့ပေးမယ်လို့ စိတ်က ကူးထားပါတယ်”
မန္တလေးတိုင်းကတော့ လတ်တလော ဗဟိုဦးစီး အစည်းဝေးလုပ်ပြီး သဘောထား မမေးမြန်းရ သေးပေမယ့် NLD ပါတီကို ဦးဆောင် နေကြတဲ့ ဗဟိုနဲ့အတူ တခြား ပြည်နယ်၊ တိုင်းတွေရဲ့ သဘောထားအတိုင်း လုပ်ဆောင်မယ်လို့ NLD မန္တလေးတိုင်း ဒုဥက္ကဋ္ဌ ဦးသိန်းတန်က ဆိုပါတယ်။
“အမျိုးမျိုးတော့ ရှိရမှာပေါ့ခင်ဗျာ။ ယတိပြတ်တော့ ပြောလို့မရပါဘူး။ တခြားတိုင်းတွေ ဘယ်လို လုပ်ထားသလဲ၊ ဘာပြောမလဲ ဆိုတာ ကျနော်တို့လည်း unseen လေ။ ဘာမှ မသိရသေးဘူးလေ ခင်ဗျာ။ အဲဒီကျမှပဲ ကျနော်တို့ ဆွေးနွေး ကြရမှာပေါ့။ ”
မန္တလေးတိုင်းရဲ့ သဘောထားပါရှင်။
တခါ ရှမ်းပြည်နယ်ကတော့ ဖြစ်ချင်တဲ့ ဆန္ဒတွေထက် ဖြစ်သင့်တာတွေကို ဒေါ်အောင်ဆန်းစုကြည်ရဲ့ ခေါင်းဆောင်မှု အောက်မှာ လိုက်ပါ ဆောင်ရွက်မယ်လို့ ရှမ်းပြည်နယ် ဗဟိုဦးစီး အဖွဲဝင် ဒေါ်ခင်မိုးမိုးက ဆိုပါတယ်။
“ကျမတို့ ရှမ်းပြည်နယ်သဘောထားကတော့ ဒီအချိန်မှာ ဖြစ်သင့်ဖြစ်ထိုက်တာကို ဖြစ်အောင်လုပ်ရမယ့် အချိန် ဖြစ်ပါတယ်။ ဒါကြောင့်မို့လို့ မှတ်ပုံတင်ရေးကို ကျမတို့ ရှမ်းပြည်က လက်ခံပါတယ်။ ဒါပေမဲ့ ကျမတို့က ကြားဖြတ် ရွေးကောက်ပွဲ ၀င်တာကိုလည်း လက်ခံပါတယ်။ ဒေါ်အောင်ဆန်းစုကြည်ရဲ့ခေါင်းဆောင်မှုအောက်မှာ ဆက်လက်ပြီး ပါတီ ရှင်သန်အောင် လုပ်ရမှာမို့လို့ကို အသွင်တွေ ပြောင်းလာတယ်။ အဲဒီလိုပဲ ကျမတို့ကလည်း တိုးတက်မှုအတွက် ပြောင်းလဲတာကို လက်ခံတဲ့သဘော ဖြစ်ပါတယ်။”
ဒါကတော့ ရှမ်းပြည်နယ် ဗဟိုဦးစီးအဖွဲဝင် ဒေါ်ခင်မိုးမိုးဖြစ်ပါတယ်။
လာမယ့် ၁၈ ရက်နေ့ အစည်းဝေးကိုတက်မယ့် ဧရာဝတီတိုင်းက ဗဟိုဦးစီအဖွဲ့ဝင် ဦးမန်းညွန့်သိန်း ကတော့ လက်ရှိ အစိုးရကို ဘယ်လောက် ယုံကြည်ရမလဲ ဆိုတဲ့ စဉ်းစာချက် သူ့မှာ ရှိနေတဲ့အတွက် ပါတီရဲ့ ရှေ့ရပ်တည်ချက်ဆိုင်ရာ တွေကို ထည့်သွင်း စဉ်းစားဖို့ လိုမယ်လို့ သုံးသပ်ပါတယ်။
“မှတ်ပုံတင်လိုက်ပြီးတော့ မ၀င်ဘဲနေလို့ရရင်လည်း နေစေချင်တယ်။ ၁၉၉၀ ခုနှစ်က ရှိသေးတာကိုး။ တကယ်လို့ မတော်တဆများ ယိုင်သွားမယ် ဆိုရင် တို့ ဘယ်လို လုပ်ကြမလဲ ဆိုတဲ့ဟာလေးလည်း ပြန်စဉ်းစားရတယ်။ တို့ရဲ့အတွေ့အကြုံနဲ့ ပေါ့လေ။ နှစ် ၂၀ ကျော် ဖြတ်သန်း ခဲ့တဲ့ဟာ အမျိုးမျိုး အလှည့်ပတ် ခံပြီးတော့ သံသယ အကျိုးကတော့ ရှိနေတယ်။ အခြေခံမှာ ပြောင်းလဲမှုတွေ မရှိသေးဘူးလား ဆိုတော့ အခြေခံမှာ ဒီ ကျေးရွာအုပ်စု၊ အုပ်ချုပ်ရေးမှူးတွေ ရွေးတာကျတော့ နဂိုရ်မူလ လူတွေပဲ သို့မဟုတ် သူတို့ ကြံ့ခိုင်ရေးကလူတွေ၊ သို့မဟုတ် အာဏာပိုင်နဲ့ ဆက်စပ်တဲ့ လူတွေချည့်ပဲ။ ဒီလိုပဲ ငွေများတရားနိုင်၊ ငွေနည်း တရားရှုံး နေတာတွေလည်း ရှိနေတယ်”
ဧရာဝတီက ဦးမန်းညွန့်သိန်းပါ။ NLD ပါတီဟာ နိုင်ငံရေးပါတီအဖြစ် မှတ်ပုံတင်မယ်ဆိုရင်တော့ ဒီနှစ်မကုန်ခင် ကျင်းပ ပေးမယ် ဆိုတဲ့ ကြားဖြတ် ရွေးကောက်ပွဲကို ဥပဒေအရ ၀င်ရောက် ယှဉ်ပြိုင်ရမှာ ဖြစ်သလို ဒေါ်အောင်ဆန်းစုကြည် ကိုယ်တိုင် ၀င်နိုင်ခြေ ရှိတယ်လို့ NLD ပါတီ ပြောခွင့်ရသူ ဦးဉာဏ်ဝင်းက VOA မြန်မာပိုင်းကို ပြောခဲ့ပါတယ်။
Ref: VOA News
Posts
