ခိုင်သွယ်
Monday, 28 March 2011
ဧရာဝတီတိုင်းနှင့် မွန်ပြည်နယ်တွင် မတ်လအတွင်း အချိန်အခါမဟုတ် ရွာသောမိုးကြောင့် ဆားကွင်းများ ပျက်စီး၍ ဆား ထုတ်လုပ်မှုများ လျော့ကျ သွားခဲ့ကြောင်း ဆား လုပ်ငန်းရှင်များက ပြောသည်။
ဧရာဝတီတိုင်းအတွင်း၌ မတ်လ ၁၃ ရက်နေ့မှ ၁၈ ရက်နေ့အထိ မိုးရက်ဆက် ရွာသွန်းမှုကြောင့် နေလှန်း ဆားကွင်း တချို့မှာ ပျက် စီး သွားပြီး ဆား ထုတ်လုပ်မှု ရပ်ဆိုင်း သွားခဲ့ကာ မတ်လ၂၀ ရက်နေ့တွင် လုပ်ငန်း ပြန်လည် စတင်ခဲ့သော်လည်း ဆားသိမ်းနိုင်မည့် ရက် နည်းပါး သွားသည့်အပြင် မိုးထပ်မိပါက ဆားများ ထပ်မံ ဆုံးရှုံး နိုင်သောကြောင့် လည်းကောင်း၊ ဆားလုပ်ငန်းရှင် တချို့မှာ ဆား လုပ်ငန်း ပြန်လည် စတင်ရန် ငွေကြေး အခက်အခဲ ရှိနေသောကြောင့် လည်းကောင်း လုပ်ငန်း ရပ်ဆိုင်း ထားလိုက်ရ၍ ဆားထုတ်လုပ်မှု လျော့ကျ သွားရခြင်းဖြစ်ကြောင်း ဧရာဝတီ တိုင်း ဆားလုပ်ငန်းရှင်များ က ဆိုသည်။
“ကွင်းက ဆားတွေက ထွက်ခါနီးမှာ မိုးမိသွားလို့ အခုမှ ပြန်လုပ်နေရတယ်၊ ဒီနေ့ စလုပ်မှ ၁၅ ရက် ရက် ၂၀ လောက် ကြာမှ ဆား ပြန်ရတော့မယ်၊ ဒါတောင်မှ ဒီရက်တွေ အတွင်း မိုးထပ်မမိမှ ဆားရတော့မှာ၊ မိုးမိရင်တော့ ထပ်ရှုံး ကြဦးမှာပဲ။ ဆားဈေးကောင်း တာ သိပေမယ့် မိုးကလည်း မသေချာတော့ တ၀က်လောက်က ဆား မထုတ်တော့ဘူး ဆိုပြီး စိတ်လျှော့ ကုန်တယ်၊ ကျနော်တို့လို စွန့်ပြီး လုပ်တဲ့ သူတွေတောင်မှ မျက်ခုံးလှုပ်တယ်၊ မိုးကလည်း အစိုးမရဘူး”ဟု ဧရာဝတီတိုင်း လပွတ္တာခရိုင် ဟိုင်းကြီးကျွန်း မြို့နယ်မှ ဆား လုပ်ငန်းရှင် တဦးက ပြောသည်။
ဧရာဝတီတိုင်းရှိ ဆားကွင်းများတွင် မိုးရေများ ၁ ပေနီးပါး အထိ ကျန်နေသောကြောင့် ရေဖောက် ထုတ်ခြင်း၊ ကွင်းဆေးခြင်းများ လုပ် နေရကြောင်း၊ ထို့အပြင် ဆားထုတ်ရက်မှာ ရာသီကုန်သည် အထိ စုစုပေါင်းရက်၂၀ ၀န်းကျင် အထိသာ ကျန်ရှိပြီး ထိုရက်အတွင်း မိုးရွာပါက ဆားကွင်းများ ပျက်စီးမည်ဖြစ်ကာ ယခုနှစ် ဆားရာသီ အတွင်း ဆားထုတ်လုပ် နိုင်တော့မည် မဟုတ်ကြောင်း၊ လက်ရှိ အ ခြေ အနေ အရလည်း ဆားကွင်း တချို့ကို ပြန်လည် ပြင်ဆင် လုပ်ကိုင်နိုင်သူ နည်းပါးလှကြောင်း ဆားလုပ်ငန်းရှင်များ ထံမှ သိရှိရ သည်။
“ဒီနှစ်အတွက် ဆားရာသီက မေလဆန်းဆိုရင် ကုန်ပြီ၊ ကျနော်တို့ ဧရာဝတီသားတွေ ဆားထုတ်နိုင်မဲ့ ရက်က စုစုပေါင်း ရက်၂၀ လောက်ပဲ ကျန်တယ်၊ အဲဒီရက်မှာ နေကလုံးဝပူနေမှ ဆက်တိုက်ပူမှ ဆားကြုံးနိုင်မှာ မိုးထပ်ရွာရင် ပျက်ကုန်မှာပဲ၊ ငွေ ဆယ့်လေး ငါးသိန်းလည်း ထပ်ရင်းဖို့ မရှိတော့ဘူး၊ ကြွေးဟောင်း မကျေဘဲ ကြွေးသစ်တွေပဲ တင်နေတော့ မတတ်နိုင်တော့ဘူး”ဟု လပွတ္တာခရိုင် သင်္ကန်းကုန်း ကျေးရွာသားတဦးက ပြောသည်။
အဆိုပါ ဆားကွင်းများမှာ ၂၀၀၈ ခုနှစ် နာဂစ်မုန်တိုင်းဒဏ်ကြောင့် ပျက်စီးခဲ့သည့်ဆားကွင်းများ ဖြစ်ပြီး ချေးငွေများဖြင့် ပြန် လည် ပတ်နေရာမှ မိုးကြောင့် ထပ်မံ ပျက်စီးသွားသည့် အတွက် ဆားလုပ်ငန်းရှင်များ ငွေ ထပ်ချေးရခြင်းဖြစ်ကြောင်း သိရသည်။
ဧရာဝတီတိုင်း လပွတ္တာခရိုင်အတွင်း ဆားကွင်းဧက ၁ သောင်း ၀န်းကျင်အထိရှိပြီး ယခုပြန်လည် စတင်လျက် ရှိသော ဆားကွင်း များမှာ စုစုပေါင်း ဧက ၄၀၀၀ ၀န်းကျင်သာ ရှိကြောင်း ဒေသတွင်း ဆားဖိုများက ပြောဆိုသည်။
ပြည်တွင်းဆားဈေးကွက်တွင်လည်း တရုတ် ဆားကုန်သည်များက ဂျပန်ပြည်သို့ တင်ပို့ရောင်းချ နေကြသောကြောင့် မြန်မာပြည်မှ ဆားများအား အလုံး အရင်းဖြင့် ၀ယ်ယူလျက်ရှိပြီး ပြည်တွင်း ဆားဈေးနှုန်းများလည်း မြင့်တက်လျက် ရှိကာ ဆား တပိဿာ ကျပ် ၂၀၀ ဈေးမှ ယခုအခါ ကျပ် ၃၀၀၀ အထိ ပေါက်ဈေးရှိနေကြောင်း သိရှိရသည်။
“ဒီပုံအတိုင်းဆိုရင် ဒီနှစ် ဧရာဝတီတိုင်းက ဆားထွက်နှုန်းကျမယ်၊ မွန်ပြည်နယ်ကလည်း ဆားကွင်းတွေ ထိတော့ ကျမှာပဲ၊ ရခိုင်ပြည် နယ်ဘက်ကလည်း မနှစ်ကထက်တော့ ကျမယ့် အနေအထား ရှိတယ်၊ ပြည်တွင်း ဖူလုံရုံ ရှိပေမယ့် တရုတ် ကုန်သည်တွေ ထပ်ဝယ်နေ ဦးမယ် ဆိုရင်တော့ ဆားဈေး ခေါင်ခိုက်တဲ့နှစ် ဖြစ်တော့မှာပဲ”ဟု ဘုရင့်နောင်မှ ဆားကုန်သည်တဦးက ပြောသည်။
ပြီးခဲ့သည့် မတ်လ အလယ်ကလည်း တရုတ်ကုန်သည်များ၏ ၀ယ်ယူမှုကြောင့် အိမ်သုံးဆားနှင့် အိုင်အိုဒင်းဆား ဆယ်ဆကျော် တက်သွား ခဲ့သေးသည်။
ပြည်တွင်းတွင် ဆားဈေးမြင့်တက်မှုကြောင့် ဆားအသုံးပြုနေရသော ရေခဲစက်များ၊ မုန့်လုပ်ငန်းများ စသည့် လုပ်ငန်းများမှ ဆားများကို ၀ယ်သူ သိုလှောင်၍လည်းကောင်း၊ ဆားဖိုများအား စရံငွေကြိုတင်ပေး၍လည်း ၀ယ်ယူ စုဆောင်းမှုများ ရှိနေကြောင်း ဆား အသုံးပြုသူများက ပြောဆိုသည်။
မြန်မာနိုင်ငံတွင် ဧရာဝတီတိုင်း၊ မွန်ပြည်နယ်၊ ရခိုင်ပြည်နယ်၊ ပဲခူးတိုင်းတို့မှ ဆားများ ထုတ်လုပ်လျက်ရှိပြီး ဧရာဝတီ တိုင်းမှ ဆား အများဆုံး ထုတ်လုပ်ကာ ပြည်တွင်း ဈေးကွက်တွင် ရောင်းချကြောင်း သိရှိရသည်။
Ref: ဧရာဝတီ်
Tuesday, March 29, 2011
အခါမဲ့ မိုးကြောင့် ဆားကွင်းများ ပျက်စီး
Friday, March 25, 2011
တော်လှန်သူတို့ လက်စွဲကျမ်း
ဂါမဏီ
၂၀၁၁ ခု ဇန်နဝါရီ ၁၄ ရက်မှာ ကျူးနီးရှားတော်လှန်ရေး အောင်ပွဲ ခံပြီးနောက်မှာ အိဂျစ် ဒီမိုကရေစီ သမားတွေ ကလဲ အာဏာရှင် မူဘာရတ်ကို လူထု တော်လှန်ရေးနဲ့ ဖြုတ်ချဖို့ ပြင်ဆင် ခဲ့ကြပါတယ်။ ဒီလို ပြင်ဆင်ရာမှာ ဖေ့စ်ဘွတ် နဲ့ တွစ်တာ အင်တာနက် ကွန်ယက်တွေနဲ့ လှုပ်ရှား ခဲ့ကြတယ်လို့ အခုအခါ ယေဘုယျ သိထားကြပါတယ်။ ဒါပေမဲ့ အဲဒီကွန်ယက် နှစ်မျိုးကို မသုံးဘဲ အဓိကကျတဲ့ ပြင်ဆင်မှု တခုကို လုပ်ခဲ့တာ ရှိပါသေးတယ်။ အဲဒါကတော့ "အိဂျစ် တော်လှန်ရေး လက်စွဲ" လို့ခေါ်တဲ့ စာမျက်နှာ ၂၆ မျက်နှာပါ လူထု တိုက်ပွဲနည်းနာ အသေးစိတ် အစီအစဉ်တွေကို အီးမေးနဲ့လဲ ဖြန့်၊ ပုံနှိပ်ပြီး လူကိုယ်တိုင်လဲ ဖြန့်ခဲ့တာ ဖြစ်ပါတယ်။ အဲဒီကနေ ဇန်နဝါရီ ၂၅ ရက် အိဂျစ် တော်လှန်ရေး ကို စနစ်တကျ ဖောက်ခွဲ ဆင်နွှဲ ခဲ့ပါတော့တယ်။
ဒီစာတမ်းကို အာရဘီ ဘာသာနဲ့ ရေးထားတဲ့ အတွက် တိုက်ရိုက် မြန်မာပြန်ဖို့ ခက်ပေမဲ့ အမေရိကန် နိုင်ငံထုတ် အတ္တလတ္တိတ် စာစောင်က စာမျက်နှာ ၁၊ ၂၊ ၃၊ ၄၊ ၁၀၊ ၁၂၊ ၁၃၊ ၂၂ နဲ့ ၂၆ ကို အင်္ဂလိပ် ဘာသာ ပြန်ဆိုပေးခဲ့တာ ကြောင့် အဲဒီ ၉ မျက်နှာကို အခု မြန်မာလို ထပ်ဆင့် ပြန်ဆိုပြီး လက်စွဲ စာအုပ်ပါ မူရင်း ကိုင်ရိုမြို့ မြေပုံတွေ သရုပ်ဖော်ပုံ တွေကို ဖြည့်စွက် ဖော်ပြ လိုက်ပါတယ်။
အီဂျစ်တော်လှန်ရေး လက်စွဲ
အရေးကြီးအချက်အလက်များနှင့် နည်းနာများ
ကျေးဇူးပြု၍ အီးမေး၊ ပုံနှိပ် နှင့် မိတ္တူကူးခြင်းများ ဖြင့်သာ ဖြန့်ဝေပါရန်။
တွစ်တာ နှင့် ဖေ့စ်ဘွတ်ကို စောင့်ကြည့်ထောက်လှမ်း နေပါတယ်။ ရဲ သို့မဟုတ် လုံခြုံရေး (ထောက်လှမ်းရေး) လက်ထဲ ဒီလက်စွဲ စာအုပ် ရောက်မသွားအောင် သတိပြုပါ။
အိဂျစ်ပြည်သူတို့၏တောင်းဆိုချက်များ
၁။ ဟော့စနီမူဘာရတ် နဲ့ သူ့ဝန်ကြီးတွေ ပါဝင်တဲ့ အာဏာရှင် အစိုးရ ပြုတ်ကျရေး
၂။ အရေးပေါ်ဥပဒေ ထုတ်ပြန်ထားမှု အဆုံးသတ်ရေး
၃။ လွတ်လပ်ရေး
၎။ တရားမျှတရေး
၅။ အိဂျစ်ပြည်သူတို့ရဲ့အကျိုးစီးပွားကို ဦးထိပ်ထားတဲ့ စစ်အစိုးရ မဟုတ်သော အစိုးရသစ် ပေါ်ထွန်းရေး
၆။ အိဂျစ်နိုင်ငံရဲ့ အရင်းအမြစ်တွေအားလုံးကို အကျိုးရှိရှိ စီမံ ခန့်ခွဲရေး
အာဏာဖီဆန်ရေး၏ မဟာဗျူဟာရည်မှန်းချက်များ
၁။ အရေးကြီးအစိုးရအဆောက်အဦးများကို သိမ်းပိုက်ရန်
၂။ ရဲ နဲ့ စစ်တပ် ကို ပြည်သူ့ဘက်ပါအောင် ကြိုးစားစည်းရုံးရန်
၃။ တော်လှန်ရေးအတွင်း မိမိတို့ ညီအစ်ကိုများ ညီအစ်မများကို ကာကွယ် စောင့်ရှောက်ရန်
အစီအစဉ်အကောင်အထည်ဖော်ဖို့ ခြေလှမ်းများ
၁။ လုံခြုံရေးတပ်ဖွဲ့များနဲ့ အလှမ်းဝေးတဲ့ လူနေရပ်ကွက်လမ်းတွေ ပေါ်မှာ ကိုယ့် သူငယ်ချင်းတွေ မိတ်ဆွေတွေ အိမ်နီး နားချင်းတွေနဲ့ စုဝေးပါ။
၂။ အိဂျစ်ပြည်အကျိုး၊ ပြည်သူ့လွတ်လပ်ရေးအကျိုးကို ဖော်ဆောင်တဲ့ ကြွေးကြော် သံတွေ တိုင်ပါ (အပြုသဘေ positive ကြွေးကြော်သံ ဖြစ်ရမယ်)။
၃။ ရပ်ကွက်ထဲက တခြားလူတွေ ဆန္ဒပြပွဲထဲပါဝင်ဖို့ အားပေးလှုံ့ဆော်ပါ (ဒီမှာလဲ အပြုသဘော positive စကားအသုံး အနှုန်း ဖြစ်ရမယ်)။
၎။ ဖြစ်နိုင်သမျှအကြီးဆုံး လူစုလူဝေးဖြစ်လာစေဖို့ အင်အားအင်မတန်များတဲ့အုပ်စုတွေ ဖြစ်လာတဲ့အခါ အဓိက လမ်းမကြီးတွေပေါ် ထွက်ပါ။
၅။ အစိုးရအဆောက်အဦးတွေကို သိမ်းပိုက်နိုင်ဖို့အတွက် အပြုသဘော ကြွေးကြော် သံတွေ တိုင်ရင်း အရေးကြီး အစိုးရ အဆောက် အဦးတွေဆီ ဦးတည် ချီတက်ပါ။
ချီတက်စုဝေးရန် လမ်းကြောင်းများ (စာသားများက အာရဘီ ဘာသာနဲ့ ဖြစ်လို့ ချန်ထား ခဲ့ပါတယ်။)
လိုအပ်တဲ့ အဝတ်အစား အသုံး အဆောင်များ
အသုံးအဆောင်များကို အသုံးချနည်း
၁။ အလျှော့မပေးနဲ့၊ နောက်မဆုတ်နဲ့၊ အိဂျစ်ပြည်သား။
နံပတ်ဒုတ်ကို ဒိုင်းနဲ့ကာ
လုံထိန်းမျက်နှာ စပရေးနဲ့မှုတ်။
၂။ မှုတ်ဆေးဗူးကို နောက်ထပ်အသုံးချနည်း။
ရဲကား စစ်ကား လုံထိန်းကား ရှေ့မှန်တွေကို စပရေးဗူးနဲ့ဆေးမှုတ်၊
CCTV တွေကို စပရေးဗူးနဲ့ ဆေးမှုတ်။
၃။ ကားအိပ်ဇောပေါက်မှာ ရေစိုတဘက် ထိုးထည့်ပြီး ကားမသွား နိုင်အောင်လုပ်။
၎။ ရဲကား လုံထိန်းကား စစ်ကား ဘီးအောက်မှာ ဆပ်ပြာရည် ထည့်ထားတဲ့ ပလပ်စတစ် အိပ်တွေ ပစ်ထည့်ပြီး ကားမောင်းတဲ့ အခါ ထိန်းရ ခက်အောင်လုပ်။
(အောက်ပါသရုပ်ဖော်ပုံတွေအတွက် တွဲဖက်စာသားတွေကို အင်္ဂလိပ်ဘာသာ ပြန်ထားတာ မရှိသေးလို့ ပုံသက်သက် ဖော်ပြလိုက်ပါတယ်။- ဘာသာပြန်သူ)
ပိုစတာ နမူနာအချို့ (ပုံတချို့က အင်္ဂလိပ်ဘာသာ ပြန်မထားလို့ မူရင်းအတိုင်း ပြလိုက်ပါတယ်။)
ယခုဖော်ပြထားတဲ့ အချက်အလက်များကို ဖြန့်ဝေနည်းပုံစံ
၁။ တွစ်တာ သို့မဟုတ် ဖေ့စ်ဘွတ် သို့မဟုတ် တခြားဝက်ဘ်ဆိုက် တွေကို အသုံး မပြုဖို့ မေတ္တာ ရပ်ခံပါတယ်။ ဘာကြောင့်လဲ ဆိုတော့ အဲဒါတွေ အားလုံးကို ပြည်ထဲရေး ဝန်ကြီးဌာနက စောင့်ကြည့် ထောက်လှမ်းနေလို့ ဖြစ်ပါတယ်။
၂။ အီးမေး သို့မဟုတ် ပုံနှိပ် သို့မဟုတ် မိတ္တူကူး ဖြန့်ဝေပါ။ အထူးသဖြင့် ကိုယ့်ရုံးမှာ သို့မဟုတ် ဆိုင်မှာ မိတ္တူကူးစက် copier ၊ ပုံနှိပ်ထုတ်စက် printer ရှိရင် ဒုတိယ နှစ်နည်းနဲ့ ဖြန့်ပါ။
၃။ ကိုယ့်ပြည်သူပြည်သားချင်း သစ္စာမဖောက်ပါနဲ့၊ ဒီစာတမ်း ပုလိပ်လက် မရောက်စေဖို့ သေချာ အာမခံပါ။
အခုဆိုရင် သင်ဟာ နည်းလမ်းတွေ သိသွားပြီ ဖြစ်တဲ့ အတွက် လက်ဆင့် ကမ်းလိုက်ပါတော့။
အီဂျစ်ပြည် အဓွန့်ရှည်ပါစေ။
ဂါမဏိ ဘာသာပြန်သည်။
Ref: WFWW
မြန်မာခြိမ်းခြောက်မှု နျူကလီးယားမဟုတ် စကဒ်ဒုံးကျည်
ဂျင်အင်ဒရူး
ကြာသပတေးနေ့၊ မတ်လ ၂၄ ရက် ၂၀၁၁
ချင်းမိုင် (မဇ္ဈိမ) ။ ။ မြန်မာနိုင်ငံက စကဒ်ပုံစံဒုံးကျည်များ ထုတ်လုပ်ရန် စီစဉ်နေသည် ဟူသော သတင်းများသည် အရှေ့တောင် အာရှ နိုင်ငံများအတွင်း အာဏာ ချိန်ခွင်လျှာကို ပျက်စီး သွားစေနိုင်ပြီး ဒေသတွင်း စစ်လက်နက် ပြိုင်ပွဲတရပ် ပေါ်ထွက် လာစေနိုင်ကြောင်း မြန်မာ့အရေး ကျွမ်းကျင်သူ ဘာတီလင်တနာ Bertil Lintner က သတိပေး ထားသည်။
မြန်မာနှင့် မြောက်ကိုရီးယား နိုင်ငံများအကြောင်း ယုံကြည်အားထားလောက်သည့် စာအုပ်များ ရေးသားခဲ့သူ လင်တနာက “ကျနော်ရထားတဲ့ အထူးသီးသန့် သတင်းတွေအရ ဧရာဝတီ အနောက်ဘက်ကမ်း မကွေးတိုင်း မင်းဘူးမြို့တောင်ဘက်မှာ ရှိတဲ့ မင်းလှဆိုတဲ့ မြို့လေးက စစ်တပ် လက်နက် စက်ရုံတွေမှာ ခေတ်မီဆန်းပြားတဲ့ စကဒ်ဒုံးကျည်တွေ ထုတ်လုပ် နေတယ်လို့ သိထားရပါတယ်’’ ဟု ပြောသည်။
ဤထိပ်တန်း လျှို့ဝှက်စီမံကိန်းတွင် မြန်မာစစ်တပ်ပညာသည်များကို မြောက်ကိုရီးယား လက်နက် ပါရဂူများက အကူအညီ ပေးနေသည်ဟု ဟောင်ကောင် အခြေစိုက် သတင်းဌာန Asia Pacific Media Services ၏ ဝက်ဆိုက်တွင် တင်ထားသော ဘာတီလင်တနာ၏ စာတမ်းတွင် ပါရှိသည်။
နည်းဗျူဟာသုံး ပဲ့ထိန်းအမျိုးအစား ဒုံးကျည်များဖြစ်သော စကဒ်ဒုံးကျည်များကို စစ်အေး တိုက်ပွဲ ကာလအတွင်း ဆိုဗီယက် ယူနီယံက စတင် ထုတ်လုပ်ခဲ့သည်။ ထို့နောက် မြောက်ကိုရီးယားက အဆိုပါ စကဒ်ဒုံးကျည်များကို သူ့လက်နက်တိုက် အတွင်း လွန်ခဲ့သော နှစ် ၂ဝ ကျော်ကပင် ထည့်သွင်း တပ်ဆင်ခဲ့သည်။ အီဂျစ်နိုင်ငံမှ နည်းဗျူဟာသုံး လက်နက် အမြောက်အမြား ဝယ်ယူ တပ်ဆင်ခဲ့သည်။ လက်ရှိ အသုံးပြုနေသော သူ့ကိုယ်ပိုင် Hwasong-6 အမျိုးအစား ဒုံးကျည်ကို နောက်ပိုင်းတွင် ထုတ်လုပ်ခဲ့ပြီး အီရန်နှင့် ဆီးရီးယား နိုင်ငံများသို့ တင်ပို့ခဲ့သည်။
လက်ရှိ အသုံးပြုနေသော ထိုလက်နက်သည် ထိပ်ဖူး ၈ဝဝ ကီလိုဂရမ်ကို သယ်ဆောင်ကာ ၇ဝဝ ကီလိုမီတာ အကွာအဝေး အထိ ရောက်ရှိအောင် ပစ်ခတ်နိုင်သည်။ ထို့ကြောင့် ဒေသတွင်း စစ်ပွဲများတွင် ထိရောက်သော အလွန် အစွမ်းထက်သည့် တာလတ်ပစ် လက်နက် ဖြစ်လာခဲ့သည်။
“မြန်မာနိုင်ငံသာ စကဒ်ဒုံးလက်နက် ပိုင်ဆိုင်သွားပါက ယင်းသို့ တာဝေးပစ် ဒုံးကျည်မရှိသည့် အရှေ့တောင် အာရှ အိမ်နီးချင်း နိုင်ငံများကြားတွင် နှာတဖျား သာသွားမည် ဖြစ်သည်။ လက်နက်ပြိုင်ပွဲ တရပ်လည်း အဆိုပါ နိုင်ငံများ ကြားတွင် ပေါ်ပေါက် လာစေနိုင်ပြီး၊ အိမ်နီးချင်း ထိုင်းနိုင်ငံကိုလည်း အလားတူ ဒုံးလက်နက်များ ထုတ်လုပ်ရန်သော်၎င်း၊ ဝယ်ယူရန်သော်၎င်း တွန်းအား ပေးလိုက်သလို ဖြစ်လိမ့်မည်’’ ဟု လင်တနာက သတိပေးသည်။
မြန်မာနိုင်ငံသည် နျူကလီးယားလက်နက် ပိုင်ဆိုင်ရန် ကြိုးပမ်းနေသည်ဆိုသည့် ယူဆချက်များ အစား မြန်မာနိုင်ငံ ၏ ဒုံးလက်နက် အစီအစဉ်ကို ပို၍ အလေးအနက်ထား ကိုင်တွယ် သင့်သည်ဟု သူက ဆိုသည်။ မြန်မာနိုင်ငံက နျူကလီးယား လက်နက် ပိုင်ဆိုင်ရေး ဆိုသည်မှာ လတ်တလော ကာလအတွင်း ဖြစ်နိုင်ခြေ မရှိသည့် စိတ်ကူးယဉ် စီမံကိန်း တခုမျှသာ ဖြစ်သည်ဟုလည်း သူက ပြောသည်။ ထို့ကြောင့် မြန်မာနိုင်ငံ၏ စကဒ်ဒုံးကျည် ထုတ်လုပ်ရေး အစီအစဉ်ကိုသာ လေးနက်စွာ ကိုင်တွယ်ရန် လိုအပ်သည်ဟုပါ သူက ပြောသည်။
ဤဒုံးကျည် အစီအစဉ်များအကြောင်း ပထမဆုံးပေါ်ထွက်လာသည်မှာ ဝီကီလိ ဝဘ်ဆိုဒ်က ဖော်ထုတ်ခဲ့သည့် ရန်ကုန်ရှိ အမေရိကန် သံရုံးမှ ဝါရှင်တန်သို့ ၂ဝ၁ဝ ခုနှစ်တွင် ပေးပို့ခဲ့သော ကြေးနန်းစာတွင် ဖြစ်သည်။
အမေရိကန်သံရုံး၏ သတင်းရင်းမြစ်တခုက မကွေးတိုင်းအတွင်း စစ်တပ်ပိုင်မြေအတွင်း သံကူ ကွန်ကရစ် မြေအောက် အဆောက်အအုံ တခု တည်ဆောက်လျက် ရှိပြီး ထိုအထဲတွင် မြောက်ကိုရီးယား ပညာသည်များက မြေပြင်မှ ဝေဟင်ပစ် ဒုံးကျည်များ တပ်ဆင်လျက် ရှိသည်ဟု သတင်း ပေးပို့လာသည်။ အဆိုပါ သတင်းရစ်မြစ် ကပင် “ပုံမှန် အရွယ်ထက် ပိုမိုကြီးမားသော အရွယ်အစား ရှိသည့် အားဖြည့် သံမဏိ ထည်ကြီး တခုကို ဖောင်ကြီးတခုဖြင့် တင်ဆောင် သွားသည်ကို မြင်တွေ့ခဲ့ရကြောင်း’’ ပြောကြားခဲ့သည်။
လက်နက်စက်ရုံကို မြေအောက်တွင် တဝက်တပျက်မြှုပ်၍ တည်ဆောက်ထားခြင်းကြောင့် ဝေဟင်မှ ထောက်လှမ်း လေ့လာရန် ခဲယဉ်းသည်ဟု လင်တနာက ပြောသည်။ ယခုအခါ လက်နက် စက်ရုံနှစ်ခုက စကဒ်ပုံစံ ဒုံးကျည်များ အပါအဝင် တိုင်းပြည်တွင်း ယခုထိ ထုတ်လုပ် ခဲ့သမျှထက် ပိုမို အဆင့်မြင့်သော လက်နက်များကို ထုတ်လုပ်လျက် ရှိသည်ဟု သူ့ သတင်းရင်းမြစ်များက သူ့ကို ပြောပြသည်ဟု သူက ဆိုသည်။
“သံရုံးကြေးနန်းထဲမှာ ရည်ညွှန်းဖော်ပြထားတဲ့ စက်ရုံဟာ မင်းလှမြို့နယ် ကုန်းကြီးကျေးရွာ အတွင်း တည်ရှိတဲ့ ကပစ အမှတ် ၁ဝ စက်ရုံဖြစ်တယ် ဆိုတာ အခုအခါ ရှင်းသွားပြီ။ အဲဒီစက်ရုံကို ၁၉၉၃ ခုနှစ်မှာ စတင် ဆောက်လုပ်ခဲ့ပြီး မကြာသေးခင် ကမှ ပြီးစီးသွားခဲ့တယ်’’ ဟု လင်တနာက ပြောသည်။
“အဆိုပါ စက်ရုံသည် မြေဧက ၆ဝဝဝ (၂၄၂၈ ဟက်တာ) ကျယ်ဝန်းပြီး စက်ရုံ တည်ဆောက်ခြင်း ရည်ရွယ်ချက်မှာ မြေပြင်မှ ဝေဟင်ပစ်၊ မြေပြင်မှ မြေပြင်ပစ်နှင့် ဝေဟင်မှ ဝေဟင်ပစ် ဒုံးလက်နက်များ ထုတ်လုပ်ရန်ဖြစ်သည်’’ ဟု စက်ရုံတွင် အလုပ် လုပ်ကိုင်ခဲ့သူ သတင်းရင်းမြစ်၏ အပြောအရ သိရသည်။
’’စက်ရုံမှာ အလုပ်လုပ်တဲ့ မြောက်ကိုရီးယား ပညာရှင်တွေက ပထမတော့ တရုတ်ပြည်က တဆင့် ကုန်းလမ်းကနေ တိတ်တဆိတ် ဝင်လာတာလို့ သိရတယ်။ သူတို့ကို မြန်မာနိုင်ငံ ကာကွယ်ရေးဌာန လက်နက် ထုတ်လုပ်ရေး ညွှန်ကြားရေးမှူးရုံး (ကကထုတ်) က အရာရှိတွေက နယ်စပ်မှာ သွားကြိုပြီး ခေါ်လာခဲ့တာလို့ သိရတယ်’’ ဟု အဆိုပါ သတင်းရင်းမြစ်က ပြောသည်။
အဆိုပါ ကပစ ၁ဝ တွင် စစ်ဘက်ပညာသည်နှင့် အခြားစစ်သည် ၆ဝဝ မှ ၉ဝဝ ကြား အခြေစိုက်ကာ တာဝန် ထမ်းဆောင် နေသည်ဟု လင်တနာက ပြောသည်။ “အစပိုင်းမှာ ရုရှနဲ့ တရုတ် ပညာရှင်တွေလည်း စက်ရုံ ဆောက်လုပ်ရေးမှာ ပါသေးတယ်။ နောက်တော့ သူတို့ ထွက်သွားပြီး မြောက်ကိုရီးယား စစ်လက်နက် ပါရဂူတွေ အစား ဝင်လာပုံရတယ်’’ ဟု သူက ပြောသည်။
မင်းလှမြို့နယ်ရှိ ဒုတိယစစ်လက်နက်စက်ရုံဖြစ်သော ကပစ ၂ ကို မလွန်ကျေးရွာအနီး မြေဧက တသိန်းပေါ်တွင် ခွဲဖြန့် တည်ဆောက် ထားသည်ဟု သူက ဆိုသည်။ ထိုစက်ရုံဟောင်းတွင် အင်ဂျင်နီယာနှင့် အခြားစစ်သည် ၉ဝဝ တာဝန် ထမ်းဆောင်နေပြီး ၆ဝ မမ၊ ၈၁ မမ၊ ၁၂ဝ မမ စိန်ပြောင်းများနှင့် ၁ဝ၅ မမ အမြောက်များ ထုတ်လုပ်နေသည်ဟု သူ့သတင်းရင်းမြစ်က သူ့ကို ပြောပြသည်။
အဆိုပါ စက်ရုံဝင်းအတွင်း အလွန်ကြီးမားသည့် စက်ပစ်ကွင်းနှင့် လက်နက် စမ်းသပ်ကွင်း တခုလည်း ထည့်သွင်း တည်ဆောက် ထားပြီး အမြောက်နှင့် ဒုံးများ အပါအဝင် လက်နက်ကြီးများကို စမ်းသပ် ပစ်ခတ်နေသည်ဟု အဆိုပါ သတင်းရင်းမြစ် ကပင် လင်တနာကို ပြောသည်။
“ဒီသတင်းရင်းမြစ်ရဲ့ အပြောအရ စင်္ကာပူလို မြေလုံလုံလောက်လောက် မရှိတဲ့ နိုင်ငံက ဒီလက်နက် စမ်းသပ်ကွင်း တည်ဆောက်ရေး အတွက် ငွေထုတ် ပေးခဲ့တယ်။ လက်နက်တွေကို စင်္ကာပူက ယူလာပြီး ဒီမှာ စမ်းသပ် ပစ်ခတ်ကြတယ်’’ ဟု လင်တနာက ပြောဆိုသည်။
“အခုအထိ ရရှိထားတဲ့ သတင်းတွေအရတော့ မင်းလှမှာရှိတဲ့ ကပစ စက်ရုံနှစ်ရုံကနေ အခုမှ အစပျိုးစ၊ အလွန် အငြင်းပွားဖွယ် လျှို့ဝှက် သိပ်သည်းလှတဲ့ နျူကလီးယား လက်နက်တွေ ထုတ်လုပ်နေတယ်၊ ပါဝင် ပတ်သက်နေတယ် ဆိုတဲ့ သတင်းတွေတော့ မကြားရ သေးပါဘူး။ နျူကလီးယား သုတေသန လုပ်ငန်းတွေကို ပခုက္ကူ မြောက်ဘက်က မြိုင်မှာ လုပ်နေတယ်လို့ သိရတယ်။ မကွေးတိုင်း အတွင်း မင်းလှ စက်ရုံတွေနဲ့ အတော်ဝေးဝေး နေရာမှာလည်း လုပ်နေတယ်လို့ သိရတယ်’’ ဟု လင်တနာက ပြောသည်။
ကပစ ၂ စက်ရုံတွင် မြောက်ကိုရီးယားနိုင်ငံ ပါဝင်ပတ်သက်နေမှုမှာ နိုင်ငံတကာ အတွက် စိုးရိမ် ပူပန်စရာ ဖြစ်နေဆဲဖြစ်သည်။ မြန်မာနိုင်ငံ၏ အစဉ်အလာ စစ်ရေး မဟာမိတ် တရုတ်နိုင်ငံ အတွက်ပင် စိုးရိမ်စရာ ဖြစ်နေသည်။ ၁၉၉ဝ စုနှစ်များအတွင်း ၂ဝဝဝ စုနှစ်များ အစောပိုင်းအထိ အလုံးအရင်းဖြင့် စစ်လက်နက်ပစ္စည်း အမြောက် အမြားကို တင်ပို့ခဲ့ပြီးနောက် တရုတ်နိုင်ငံမှ လက်နက်များ ပေးပို့ခြင်းမှာ သိသာစွာ လျော့နည်း ကျဆင်းသွားပြီဟု လင်တနာက ပြောဆိုသည်။
Ref: မဇ္ဈိမ
စိစစ်ရေးကော်မတီဝင် ၂၂ ဦးအနက် ကြံ့ဖွံ့ ၁၈ ဦး
ဖနိဒါ
ကြာသပတေးနေ့၊ မတ်လ ၂၄ ရက် ၂၀၁၁
ချင်းမိုင် (မဇ္စျိမ) ။ ။ ပထမအကြိမ် ပြည်ထောင်စုလွှတ်တော် ဒုတိယ အစည်းအဝေးမှ စ၍ လွှတ်တော် အမတ်များကို စိစစ်နိုင်ရန် စိစစ်ရေးကော်မတီ ဖွဲ့စည်းရာ၌ အဖွဲ့ဝင် ၂၂ ဦးအနက် ၁၈ ဦးမှာ ကြံ့ခိုင် ဖွံ့ဖြိုးရေး အမတ်များ ဖြစ်နေသည်။
ရှမ်းတိုင်းရင်းသားများ ဒီမိုကရက်တစ်ပါတီနှင့် ရခိုင် တိုင်းရင်းသားများ တိုးတက်ရေး ပါတီမှ ၂ ဦးစီဖြင့် စုစုပေါင်း ၄ ဦး ပါဝင်ကာ ကျန် ၁၈ ဦးကို ကြံ့ဖွံ့ အမတ်များအဖြစ် ဗုဒ္ဓဟူးနေ့ ၁၄ ကြိမ်မြောက် ပြည်ထောင်စု လွှတ်တော်က ကန့်ကွက်သူ မရှိ ဖွဲ့စည်း ပေးလိုက်ခြင်း ဖြစ်သည်။
ယင်းကော်မတီက အမတ်များကို ကတ်ပြားထုတ်ပေးခြင်း၊ လွှတ်တော်အဝင် အထွက် စစ်ဆေးခြင်း၊ လွှတ်တော်ထံ တင်ပြသည့် စာရွက် စာတမ်းများအား စိစစ်၍ လွှတ်တော် ဥက္ကဋ္ဌထံ တင်ပြခြင်းတို့ ပြုလုပ်ရမည် ဖြစ်သည်။
“ခါတိုင်း လွှတ်တော်ရေးရာ ကော်မတီတွေမှာ ကြံ့ဖွံ့ပါတီနဲ့ တိုင်းရင်းသား ပါတီတွေကို ၅ ပုံ ၁ ပုံ၊ ၄ ပုံ ၁ ပုံ လောက် ပါနေတာ တွေ့ရတယ်။ အခု မတရားဘူး။ ဒါသည် ပြည်ထောင်စု အဆင့် မပါဘူး သတ်မှတ်တယ်။ သူတို့လူတွေပဲ ထပ်ထည့်လိုက်တော့ သူတို့ နေရာတကာ အားလုံးယူတဲ့ သဘောပဲ။ သူတို့က စိစစ် လာမယ်ဆိုရင် မသမာမှုတွေ သူတို့ထဲမှာတင် အများကြီး ရှိလာနိုင်တယ်” ဟု အမတ်တဦးက မဇ္ဈိမကို ပြောသည်။
ပြီးခဲ့သည့် မတ်လ ၇ ရက်နေ့တွင်လည်း ပြည်သူ့လွှတ်တော်နှင့် အမျိုးသား လွှတ်တော် အစည်း အဝေးများတွင် အစိုးရ၏ အာမခံချက်၊ ကတိနှင့် ဝန်ခံချက်များကို ဆောင်ရွက်ရန် စိစစ်ရေး ကော်မတီတရပ် ဖွဲ့စည်း ခဲ့သေးသည်။
ယင်းကော်မတီသည် ပြည်သူ့လွှတ်တော်ဆိုင်ရာ နည်းဥပဒေ ၇၁ အရ “လွှတ်တော်တွင် ပြည်ထောင်စု အစိုးရက အခါအားလျော်စွာ ပေးခဲ့သည့် အာမခံချက်များ၊ ကတိများနှင့် တာဝန် ခံချက်များကို လိုက်နာ ဆောင်ရွက်ခြင်း ရှိ၊ မရှိ စိစစ်ပြီး လွှတ်တော်သို့ တင်ပြရမည်” ဟု ပြဋ္ဌာန်းပါရှိသည်။
၎င်းတို့၏ တာဝန်မှာ လွှတ်တော်အမတ်များ၏ မေးမြန်းချက်ကို ဖြေကြားသည့် ပြည်ထောင်စု အဖွဲ့အစည်းက မည်ကဲ့သို့ ဆောင်ရွက်ပေးမည် ဆိုသည့် စကား၊ ကတိ၊ အာမခံချက်များကို မှတ်တမ်း တင်ထားပြီး စိစစ်ရမည်။ ထို့အပြင် ပြည်ထောင်စု အစိုးရအဖွဲ့က တင်သွင်းသော ဥပဒေကြမ်း၊ ဆုံးဖြတ်ချက်၊ အဆို သို့မဟုတ် အစီရင်ခံစာများနှင့် စပ်လျဉ်းပြီး ကတိပြုထားသည့် အာမခံချက်များ၊ ကတိများနှင့် တာဝန်ခံချက်များကိုလည်း စိစစ်ရမည်ဖြစ်သည်။
လွှတ်တော် နှစ်ရပ်လုံးတွင် ကော်မတီ ၄ ရပ်စီ ဖွဲ့စည်းခဲ့ရာ ပြီးခဲ့သည့် ဖေဖော်ဝါရီလကုန်ပိုင်းတွင် စိစစ်ရေးကော်မတီ အပါအဝင် ဥပဒေကြမ်း၊ ပြည်သူ့ငွေစာရင်းနှင့် လွှတ်တော် အခွင့်အရေး ကော်မတီတို့ ဖွဲ့စည်းခဲ့သည်။
ထိုကော်မတီဝင်အားလုံး၏ လုပ်ပိုင်ခွင့် သက်တမ်းများကို လွှတ်တော်က တနှစ်ပြည့်သော အခါ ပြန်လည် သုံးသပ်ပြီး သင့်လျော်သလို လဲလှယ်အစားထိုး တာဝန် ပေးအပ်မည် ဖြစ်သည်။
အလားတူ ဗုဒ္ဓဟူးနေ့တွင် ဥပဒေပြုရေး၊ အုပ်ချုပ်ရေး၊ တိုင်းရင်းသားလူမျိုးများ အရေး၊ စီးပွားရေး၊ ဘဏ္ဍာရေး၊ လူမှုရေး၊ နိုင်ငံခြားရေးတို့ အပြင် အခြားရေးရာ ကိစ္စများကို လေ့လာ တင်ပြစေရေး အတွက် လွှတ်တော် နှစ်ရပ်လုံး ညှိနိုင်းနိုင်ရန် ပူးပေါင်းကော်မတီများ ဖွဲ့စည်းခဲ့သည်။
လွှတ်တော်ကော်မတီ ၄ ရပ်က ဆောင်ရွက်ရမည့် ကိစ္စများမှအပ အကြောင်းကိစ္စ တရပ်ရပ်ကို လွှတ်တော် နှစ်ရပ်လုံးက လေ့လာရန်ရှိပါက လွှတ်တော် ဥက္ကဋ္ဌနှင့် ပြည်သူ့ လွှတ်တော်နှင့် အမျိုးသား လွှတ်တော်တို့ ညှိနိုင်း၍ တူညီသော ကိုယ်စားလှယ်များ ပါဝင်သော ယင်းသို့သော ပူးပေါင်း ကော်မတီကို ဖွဲ့စည်းခဲ့ခြင်း ဖြစ်သည်။
ထိုပူးပေါင်းကော်မတီများ၏ သက်တမ်းသည် သက်ဆိုင်ရာ လွှတ်တော်များသို့ အစီရင်ခံစာ တင်သွင်း ပြီးသည့် အချိန်အထိ ဖြစ်သည်။
စိစစ်ရေးကော်မတီ ပြည်သူ့လွှတ်တော် နှင့် အမျိုးသားလွတ်တော် စာရင်း
Ref: မဇ္ဈိမ
မြန်မာနိုင်ငံ လူ့အခွင့်အရေး ဆုံးဖြတ်ချက် မူကြမ်း သောကြာနေ့ အတည်ပြုမည်
ဒေါ်ခင်မျိုးသက်
ကြာသပတေး, 24 မတ် 2011
မြန်မာနိုင်ငံမှာ ယုံကြည်ချက်ကြောင့် အကျဉ်းကျနေသူတွေကို အမြန်ဆုံး ပြန်လွှတ်ပေးဖို့ မြန်မာနိုင်ငံ ဆိုင်ရာ ကုလသမဂ္ဂရဲ့ လူ့ အခွင့်အရေး အထူး ကိုယ်စားလှယ် တောမတ်စ် အိုဟေး ကင်တားနား (Tomas Ojea Quintana) က ထပ်မံ တောင်းဆို လိုက်ပါတယ်။ မြန်မာ စစ်အစိုးရသစ် အနေနဲ့ လူ့အခွင့်အရေး ချိုးဖောက်မှုတွေကို ရပ်တန်းက ရပ်အောင် လုပ်ဆောင်ဖို့ တောင်းဆို ထားတဲ့ လူ့အခွင့်အရေး ကောင်စီရဲ့ ဆုံးဖြတ်ချက် မူကြမ်းကို ဆက်လက် ညှိနှိုင်းနေဆဲမို့ မတ်လ ၂၅ ရက်၊ သောကြာနေ့မှာ ဆွေးနွေး အတည်ပြုဖို့ ရှိတယ်လို့ သိရပါတယ်။ အပြည့်အစုံကို ဒေါ်ခင်မျိုးသက်က တင်ပြ ပေးထားပါတယ်။
ကုလသမဂ္ဂ လူ့အခွင့်အရေး ကောင်စီရဲ့ ၁၆ ကြိမ်မြောက် အစည်းအဝေးကို ဖေဖော်ဝါရီလ ၂၈ ရက်ကနေ မတ်လ ၂၅ ရက်နေ့အထိ ဆွစ်ဇာလန်နိုင်ငံ ဂျီနီဗာ ရုံးချုပ်မှာ ကျင်းပ နေပါတယ်။ မြန်မာနိုင်ငံ ဆိုင်ရာ ဆုံးဖြတ်ချက် မူကြမ်းကို အဖွဲ့ဝင် နိုင်ငံတွေက ဆက်လက်ညှိနှိုင်းဆဲ ဖြစ်ပေမဲ့ မြန်မာနိုင်ငံ ဆိုင်ရာ ဆုံးဖြတ်ချက်ဟာ မနှစ်ကထက် ပိုမို ပြည့်စုံမှာဖြစ်ပြီး အသစ် တက်လာတဲ့ အစိုးရအဖွဲ့ အနေနဲ့ လူ့အခွင့်အရေး ချိုးဖောက်မှုတွေ ရပ်ဆိုင်းသွားအောင် လုပ်ဆောင်ဖို့အတွက် တောင်းဆို ထားတယ်လို့ ကုလသမဂ္ဂရဲ့ မြန်မာနိုင်ငံ ဆိုင်ရာ လူ့အခွင့်အရေး အထူး ကိုယ်စားလှယ် တောမတ်စ် အိုဟေး ကင်တားနားက ဗွီအိုအေကို ပြောပါတယ်။
“လူ့အခွင့်အရေး ကောင်စီရဲ့ ဆုံးဖြတ်ချက် မူကြမ်းဟာ အရင်ကနဲ့ ဆင်တူပါတယ်။ အခြေခံအားဖြင့် ပိုရှည်ပြီးတော့ မြန်မာ စစ်အစိုးရ အနေနဲ့ လူ့အခွင့်အရေး ကျူးလွန် ချိုးဖောက်မှုတွေကို အဆုံး သတ်ပေးဖို့ ယေဘုယျအားဖြင့် တောင်းဆို ထားတာပါ။ အသေးစိတ် အချက် အလက်တွေအနက် ကျနော့်ရဲ့ လုပ်ပိုင်ခွင့် အာဏာအရ လုပ်ဆောင်ပေးဖို့၊ အစိုးရသစ် တက်လာပြီးနောက်ပိုင်း ကျနော့်ကို မြန်မာပြည် နောက်တခါ လာခွင့်ပြုဖို့ တောင်းဆို ထားပါတယ်။”
မစ္စတာ ကင်တားနားဟာ ၂၀၁၀ ဖေဖော်ဝါရီလထဲမှာ မြန်မာနိုင်ငံကို ကိုယ်တိုင် သွားရောက်ပြီး လူ့အခွင့်အရေး အခြေအနေ တွေကို စစ်ဆေးခဲ့ပါတယ်။ မတ်လထဲမှာ မြန်မာနိုင်ငံတွင်း လူသားချင်း စာနာမှုဆိုင်ရာ ရာဇ၀တ်မှုတွေနဲ့ စစ်ရာဇ၀တ်မှုတွေ ကျူးလွန်နိုင်ခြေ ရှိတာမို့ ကုလသမဂ္ဂက စုံစမ်းရေး ကော်မရှင်ဖွဲ့ စုံစမ်းဖို့ တောင်းဆို ခဲ့တဲ့နောက်ပိုင်း မြန်မာ အာဏာပိုင်တွေက အခုထိ မစ္စတာ ကင်တားနားကို မြန်မာနိုင်ငံတွင်း လာရောက်ခွင့် မပြုသေးပါဘူး။
ပြီးခဲ့တဲ့နှစ်က ကုလသမဂ္ဂရဲ့ အကြံပြုချက်တွေကို မြန်မာစစ်အစိုးရဘက်က လုပ်ဆောင်မှု သေသေချာချာ မရှိသေးဘဲ လူ့အခွင့်အရေး ချိုးဖောက်မှုတွေဟာ ဆိုးဆိုးဝါးဝါး ရှိနေသေးတာမို့ မြန်မာနိုင်ငံထဲမှာ ကိုယ်တိုင် သွားရောက်ပြီး ထပ်မံ စစ်ဆေးခွင့်ရဖို့ အရေးတကြီး လိုအပ် နေတယ်လို့လည်း ပြောပါတယ်။
“ကျနော့်အတွက် နောက်ထပ် အရေးကြီးတဲ့ ကိစ္စကတော့ မြန်မာနိုင်ငံတွင်းမှာ လူ့အခွင့်အရေး ကျူးလွန် ချိုးဖောက်မှုတွေကို စုံစမ်း စစ်ဆေးဖို့ပါပဲ။ လူ့အခွင့်အရေး ကောင်စီ အနေနဲ့ တိုက်တွန်း ထားတာက ဘက်မလိုက်ဘဲ လေးလေးနက်နက် ရှိမယ့် စုံစမ်း စစ်ဆေးရေး ကော်မရှင် ဖွဲ့စည်းပြီးတော့ လူ့အခွင့်အရေး ချိုးဖောက်မှုတွေကို စစ်ဆေးဖို့ပါပဲ။ ဒီတောင်းဆိုချက်ကို အစိုးရဘက်က လိုက်လျောခြင်း မရှိဘူးဆိုရင် နိုင်ငံတကာ လူ့အဖွဲ့အစည်းက ကြားဝင် ဆောင်ရွက်ပေးရမှာ ဖြစ်ပါတယ်။ ဒီအချက်ဟာ ဆုံးဖြတ်ချက်မှာ အဓိကပါ။”
မြန်မာစစ်အစိုးရ အနေနဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် မြန်မာ နိုင်ငံသား အားလုံး အတွက် နှိပ်စက် စော်ကားမှုတွေ မခံရအောင် ကာကွယ် စောင့်ရှောက်ပေးဖို့၊ အခြေခံ ရပိုင်ခွင့်တွေနဲ့ လူ့အခွင့်အရေးတွေကို လေးစားဖို့လည်း ဆုံးဖြတ်ချက်မှာ တောင်းဆို ထားပါတယ်။
အထူးသဖြင့် မြန်မာနိုင်ငံမှာ နိုင်ငံရေး အကျဉ်းသားဦးရေဟာ ၂,၂၀၀ လောက် ရှိနေပြီး ရွေးကောက်ပွဲလို မြန်မာနိုင်ငံရဲ့ အပြောင်းအလဲ လုပ်ငန်းစဉ်တွေ အတွက် သူတို့ကို ပါဝင်ခွင့် ပေးရမှာ ဖြစ်ပေမဲ့ အခုထိ မပေးသေးဘဲ ရပိုင်ခွင့်တွေ ဆုံးရှုံးနေတာမို့ ရှမ်းအမျိုးသား ဒီမိုကရေစီ အဖွဲ့ချုပ် ခေါင်းဆောင် ဦးခွန်ထွန်းဦး၊ ၈၈ မျိုးဆက် ကျောင်းသား ခေါင်းဆောင်တွေ ဖြစ်တဲ့ ကိုမင်းကိုနိုင်နဲ့ ကိုကိုကြီးတို့ အပါအ၀င် နိုင်ငံရေး အကျဉ်းသား အားလုံးကို အမြန်ဆုံး ပြန်လွှတ်ပေးဖို့ လိုအပ်တယ်လို့လည်း ပြောပါတယ်။
“ဒါဟာ သိပ်ကို အရေးကြီးတဲ့ အကြံပြုချက်ပါပဲ။ လူ့အခွင့်အရေး ကိုယ်စားလှယ် အတွက်ရော လူ့အခွင့်အရေး ကောင်စီ အတွက်ရောပါ မြန်မာ စစ်အစိုးရ အနေနဲ့ ကုလသမဂ္ဂရဲ့ နိုင်ငံတကာ လူ့အခွင့်အရေး စံနှုန်းတွေကို လေးစား လိုက်နာပြီး နိုင်ငံရေး အကျဉ်းသားတွေ အားလုံးကို ပြန်လွှတ် ပေးဖို့ပါပဲ။ အစိုးရသစ် အနေနဲ့ နိုင်ငံရေး အကျဉ်းသားတွေကို လျှော့ရက်နဲ့ လွှတ်ပေးဖို့၊ လွတ်ငြိမ်း ချမ်းသာခွင့်နဲ့ လွှတ်ပေးဖို့ ဥပဒေအရ လုပ်ပိုင်ခွင့် ရှိပါတယ်။ ဒီအချက်ကို လူ့အခွင့်အရေး ကောင်စီ၊ ကုလသမဂ္ဂ၊ ဒေသတွင်း အိမ်နီးချင်း အာဆီယံ နိုင်ငံတွေ အပါအ၀င် နိုင်ငံတကာကလည်း တောင်းဆို နေတာပါ။”
အခုလို ကုလသမဂ္ဂ လူ့အခွင့်အရေး ကောင်စီရဲ့ မြန်မာနိုင်ငံတွင်းက နိုင်ငံရေး အကျဉ်းသား အားလုံး လွှတ်ပေးဖို့ တောင်းဆိုမှုတွေ အပါအ၀င် တခြား ရှင်းလင်း ပြတ်သားတဲ့ တောင်းဆိုမှုတွေ အတွက် မြန်မာ စစ်အစိုးရသစ် အနေနဲ့ လေးစား လိုက်နာဖို့နဲ့ သေသေချာချာ ပူးပေါင်းဆောင်ရွက်ဖို့ လိုအပ်တယ်လို့လည်း ပြောကြားခဲ့ပါတယ်။
Ref: VOA News
မီဒီယာသို့ ပေါက်ကြားသည့် အမေး/အဆိုများ ပယ်ချခံရ
မျိုးသန့်
ကြာသပတေးနေ့၊ မတ်လ ၂၄ ရက် ၂၀၁၁
ချင်းမိုင် (မဇ္စျိမ) ။ ။ လွှတ်တော်ထဲ မေးမြန်းမည့် မေးခွန်းများနှင့် အဆိုများသည် မဆွေးနွေးမီ ပြည်ပ မီဒီယာများသို့ ကြိုတင် ပေါက်ကြား ခဲ့သဖြင့် အမျိုးသား လွှတ်တော် ဥက္ကဋ္ဌ ဦးခင်အောင်မြင့်က ပယ်ဖျက်မှုများ ပြုလုပ်ခဲ့ကြောင်း လွှတ်တော်တက် အမတ်များ ထံမှ စုံစမ်း သိရှိရသည်။
“ဦးခင်အောင်မြင့် ပြောတာက တချို့ဟာတွေက ကောင်းတယ်တဲ့၊ သင့်တော်တဲ့ အဆိုတွေ ဖြစ်တယ်တဲ့။ တချို့ဟာတွေက လွှတ်တော်မှာ တင်သွင်း ဆွေးနွေးမှုတွေ မလုပ်ရသေးဘဲနဲ့ အပြင် မီဒီယာတွေကို ရောက်နေတဲ့ အတွက် အဲဒါတွေကို ဖြုတ်လိုက်တယ်တဲ့။ ဘယ်ဟာ ပယ်ဖျက်တယ်တော့ မပြောဘူး” ဟု လွှတ်တော် အမတ်တဦးက မဇ္ဈိမကို ပြောသည်။
အမျိုးသားလွှတ်တော်ဥက္ကဋ္ဌလည်းဖြစ်၊ ပြည်ထောင်စုလွှတ်တော်၏ နာယကလည်း ဖြစ်သူ ဦးခင်အောင်မြင့်သည် တပ်မတော် စိတ်ဓာတ် စစ်ဆင်ရေး ဌာန၏ အကြီးအကဲဟောင်း တဦးလည်း ဖြစ်သည်။ သူသည် ဇန်နဝါရီလ ၃၁ ရက်နေ့ အမျိုးသား လွှတ်တော် အစည်းအဝေး တွင်လည်း လွှတ်တော်အတွင်း သူနိုင် ကိုယ်နိုင် စကားနိုင် လုပြောခြင်းမျိုး မဖြစ်စေရန် အမတ်များကို မှာကြား ခဲ့သေးသည်။
လွှတ်တော်တက် အမတ်များအနေဖြင့် လွှတ်တော်တွင်း ဆွေးနွေးမည့် အဆိုများနှင့် မေးခွန်းများကို ၁ဝ ရက်ကြိုတင်၍ လွှတ်တော်ရုံး ဒုတိယ ညွှန်ကြားရေးမှူးချုပ်မှ တဆင့် သက်ဆိုင်ရာ လွှတ်တော် ဥက္ကဋ္ဌများထံ ပေးပို့ခဲ့ရသည်။
ထို့နောက် လွှတ်တော်ဥက္ကဋ္ဌ စိစစ်ပြီးဖြစ်သည့် မေးခွန်းများနှင့် အဆိုများကို မည်သည့်နေ့တွင် ဆွေးနွေးရန် ရှိကြောင်း တရက် ကြိုတင်ကာ အမတ်များထံ လွှတ်တော်ရုံးက ပေးပို့ထားလေ့ရှိပြီး နောက်နေ့တွင် ဆွေးနွေးကြခြင်း ဖြစ်သည်။
ပြည်သူ့လွှတ်တော်နှင့် အမျိုးသားလွှတ်တော်ဆိုင်ရာ ဥပဒေနှင့် နည်းဥပဒေများ အခန်း ၁၇ (ဃ) တွင် လွှတ်တော် ဥက္ကဋ္ဌများက ဆွေးနွေးရန် ခွင့်ပြုချက် မရသေးမီ မည်သည့်အဆိုကိုမျှ ထုတ်ပြန်ကြေညာခြင်း မပြုရဟု ဖော်ပြထားသည်။
အချို့အဆိုများ ပယ်ဖျက်ခဲ့ကြောင်း ဗုဒ္ဓဟူးနေ့ အစည်းအဝေးတွင် အမျိုးသား လွှတ်တော် ဥက္ကဋ္ဌ ဦးခင်အောင်မြင့်က ပြောဆိုခဲ့သည့် အပြင်၊ ထိုသို့မဖြစ်ရေး ထိန်းသိမ်းရန် လိုအပ်ကြောင်း မှာကြား ခဲ့သေးသည်ဟု အမျိုးသား လွှတ်တော်တက် အမတ် တဦးကလည်း ပြောသည်။
အမျိုးသားလွှတ်တော်တွင် အဆိုများ ပယ်ဖျက်ကြောင်း ပြောခဲ့သော်လည်း ပြည်သူ့ လွှတ်တော်တွင် ထိုသို့သော ဖြစ်ရပ်မျိုး မရှိဘဲ အဆိုများ ဆွေးနွေးခွင့် ရခဲ့သည်ဟု ပြည်သူ့ လွှတ်တော်တက် အမတ်တဦးက ဆိုသည်။
ယနေ့ ပြည်ထောင်စုလွှတ်တော်တွင် ကြံ့ဖွံ့အမတ်၊ လယ်/ဆည်ဝန်ကြီး ဦးဋ္ဌေးဦး၏ စီးပွားရေး ပိတ်ဆို့မှု ကန့်ကွက်ရန် အဆိုတင်ခဲ့ပြီး၊ ၎င်းအဆိုကို သောကြာနေ့ အစည်းအဝေးတွင် ဆွေးနွေး ကြမည်ဖြစ်သည်။
အနောက်နိုင်ငံများ၏ စီးပွားရေး ပိတ်ဆို့မှုကို ပြန်လည်ရုပ်သိမ်းစေရန် ရွေးကောက်ပွဲဝင် ပါတီများ လိုလားနေကြပြီး ယခု ဦးဋ္ဌေးဦး၏ အဆိုသည် စီးပွားရေး ပိတ်ဆို့မှုကို ရုပ်သိမ်းရန် တောင်းဆိုသည့် အဆို မဟုတ်ဘဲ ကန့်ကွက်သည့် အဆို ဖြစ်နေခြင်းကြောင့် သောကြာနေ့ လွှတ်တော်တွင် သူ့အနေဖြင့် ပါဝင်ဆွေးနွေးမည် မဟုတ်ဟု အမျိုးသား ဒီမိုကရေစီ အင်အားစု NDF ပါတီမှ အမတ် ဦးခိုင်မောင်ရည်က ဆိုသည်။
“ကျနော်တို့ပါတီက စီးပွားရေးပိတ်ဆို့တာကို ရုပ်သိမ်းပေးဖို့အဆို ဆိုရင်တော့ ကျနော်က ထောက်ခံတယ်။ အခုဟာက သူတို့ဟာ ဘာကြောင့် ပိတ်ဆို့တာလဲ၊ ပိတ်ဆို့တဲ့ အကြောင်းရင်းတွေ ရှိပါတယ်။ အဲဒီပိတ်ဆို့တဲ့ အကြောင်းရင်းတွေကို တဖက်က လိုက်လျောမှ တဖက်က လိုက်လျောလာမှာ ဖြစ်တဲ့အတွက် နှစ်ဖက်လုံး ကိစ္စဖြစ်တယ်။ အဲဒီတော့ ပိတ်ဆို့တဲ့ ဘက်ကိုကော၊ ပိတ်ဆို့ခံရတဲ့ ဘက်ကိုကော နှစ်ဖက်လုံးကို တောင်းဆိုရမှာ ဖြစ်တယ်။ အဲဒီလို ဆွေးနွေးဖို့ အခုဟာက ရုပ်သိမ်းပေးဖို့ တောင်းဆိုတာလည်း မဟုတ်ဘူး၊ ကန့်ကွက်ပါတယ် ဆိုတော့ ကျနော်တို့က ဆွေးနွေးစရာကို မရှိတော့ဘူး” ဟု သူက ပြောသည်။
ကြာသပတေးနေ့ ပြည်ထောင်စုလွှတ်တော်တွင် ဒေါက်တာမြတ်ဥာဏစိုးက မြန်မာနိုင်ငံတွင် စီးပွားရေးကို အထောက် အကူ ပြုမည့် အမျိုးသား စီးပွားရေး ကော်မရှင် တခု ဖွဲ့စည်းရန် အဆိုကို တင်သွင်းခဲ့ရာ ထောက်ခံမည်သူ မရှိဟု လွှတ်တော် အမတ်များက ပြောသည်။
ဒေါက်တာမြတ်ဥာဏစိုး၏ ဒုတိယအဆိုဖြစ်သည့် စီးပွားရေး အထူးဇုန်များ ထပ်မံတိုးချဲ့ရန် အဆိုသည်လည်း ထောက်ခံမဲ ၁၃၉ မဲ ကန့်ကွက်မဲ ၄ဝဝ ကျော်ဖြင့် ရှုံးနိမ့်ခဲ့သည်။
ကြံ့ဖွံ့အမတ်ဖြစ်သူ စက်မှု ၁ ဝန်ကြီး ဦးအောင်သောင်း၏ ကျောင်းသားများအတွက် ပညာသင် ထောက်ပံ့ ကြေးပေးရန် ရှိ/မရှိ မေးခွန်းကို ပညာရေးဝန်ကြီး ဒေါက်တာ ချမ်းငြိမ်းက တနှစ်လျှင် ကျောင်းသား ၁၅ဝဝ ကျော်ကို ပညာသင်စရိတ် ပေးနေကြောင်း ပြန်လည် ဖြေကြားခဲ့သည်။
မြန်မာနိုင်ငံတွင် ဓာတ်မြေသြဇာများ ထုတ်လုပ်မှု အရည်အသွေး မြင့်မားရေး မေးခွန်းကို လယ်/ဆည်ဝန်ကြီးက ဓာတ်မြေ သြဇာများ အတု ထုတ်လုပ်မှုများ ရှိပါက အရေးယူ သွားမည်ဟု ဖြေကြားခဲ့သည်။
ပြည်ထောင်စုလွှတ်တော်သည် ယခုလ ၂၈-၂၉ ရက်နေ့များအထိ ကျင်းပ ဖွယ်ရှိပြီး၊ ၃ဝ ရက်နေ့တွင် ဝန်ကြီးများ နေရာ ချထားရန် ရှိနိုင်သည်ဟု အမတ်များက ခန့်မှန်းကြသည်။
Ref: မဇ္ဈိမ
ပင်လယ်တွင်း၌ ရေလုပ်သား ၃ ထောင်ကျော် ပျောက်ဆုံးနေ
နရီလင်းလက်
Thursday, 24 March 2011
လေပြင်းမုန်တိုင်း တိုက်ခတ်မှုကြောင့် ဖောင်များ၊ စက်လှေများ ပျက်ပြီး ပင်လယ်ထဲတွင် မျောပါနေသည့် ရေလုပ်သား ၇၀၀၀ ကျော် ရှိနေသော်လည်း ယမန်နေ့က အထိ ကယ်ဆယ် ရရှိသူပေါင်းမှာ ၃၇၀၀ ခန့်သာ ရှိသေးကြောင်း မြန်မာနိုင်ငံ ငါးလုပ်ငန်း အဖွဲ့ချုပ်နှင့် နီးစပ်သူ တဦးထံမှ သိရသည်။
“ကျနော်တို့ဆီက ငါးဖမ်းစက်လှေတွေ ပင်လယ်မှာ အစီး ၄၀၀ ကျော်လောက်ရှိတယ်။ အဲဒါတွေကို ချိတ်ဆက်ပြီး ပင်လယ်ပြင်က ဆယ်လို့ရသမျှ ရေလုပ်သားတွေကို ဆယ်ဖို့ အကြောင်း ကြားထားတယ်။ အခု လောလောဆယ် အထိတော့ ရန်ကုန်ကို ရောက်လာတာ ၃၇၀၀ ကျော်ရှိပြီ” ဟု သူကပြောသည်။
မတ်လ ၂၂ ရက်နေ့ထုတ် နိုင်ငံပိုင် သတင်းစာတွင် တပ်မတော် (ရေ) စစ်ရေယာဉ်များ၊ ပင်လယ်တွင်း ငါးဖမ်း ရေယာဉ်များနှင့် ဒေသခံ ငါးဖမ်း စက်လှေများက ရေလုပ်သား ၃၃၇၄ ဦးကို ကယ်တင်နိုင်ခဲ့ကြောင်း၊ ၎င်း ရေလုပ်သားများ အနက် ၃၁၅၂ ဦးကို သက်ဆိုင်ရာ နေရပ်များသို့ ပို့ဆောင်ပေးခဲ့ကြောင်း၊ ကျန်ရှိနေသော ရေလုပ်သား ၂၂၂ ဦးကိုမူ တာဝန်ရှိသူများက လိုအပ်သော ဆေးဝါးများ၊ အ၀တ် အထည်များ၊ စားသောက် ဖွယ်ရာများဖြင့် ထောက်ပံ့ ကူညီစောင့်ရှောက် ပေးထားကြောင်း ရေးသားထားသည်။
မတ်လ ၁၄ ရက်နေ့ မှ ၁၆ ရက်နေ့အထိ မိုင် ၆၀ မှ ၇၀ နှုန်းရှိ လေပြင်းတိုက်ခတ်မှု မြန်မာနိုင်ငံ အောက်ပိုင်း ဒေသများတွင် ဖြစ်ပွားခဲ့ရာ ပင်လယ်ကမ်းစပ်တွင် နေထိုင်သည့် ရေလုပ်သားများ၊ မိသားစုများ အပါအ၀င် ငါးဖမ်းထွက်သည့် ဖောင်များပျက်ခြင်း၊ စက်လှေနစ်ခြင်းတို့ကြောင့် ပင်လယ်တွင်း မျောပါသွားခဲ့ရသည်။
“အခုလောလောဆယ် စာရင်းသိရတဲ့ စက်လှေ၊ ငါးဖမ်းလှေမှာ ပါသွားတဲ့ လူစာရင်းအရ ၇၀၀၀ ကျော်ဆိုပေမယ့် ကမ်းနားမှာ နေတဲ့ လူတွေက လူစာရင်းမရှိဘူး။ ကောက်လို့လည်း မရနိုင်သေးဘူး။ ဒါတွေ တိတိကျကျ ထပ်သိရရင် လူစာရင်း ပိုများ လာနိုင်တယ်” ဟု ဗိုလ်တထောင် သံလျှက်စွန်း ရေတပ်စခန်းမှ တာဝန်ရှိသူတဦးက ပြောသည်။
သူက ဆက်လက်၍ “ရေတပ်ကနေ ဆယ်ယူရသမျှရော၊ ငါးဖမ်းလှေတွေ လာအပ်တဲ့ လူတွေကိုပါ စစ်ဆေးနေတယ်။ လူတွေ ကတော့ အရမ်း များနေတယ်။ ကုန်းပေါ်ရောက်တော့ တာဝန်ရှိသူတွေက ကားတွေ စီစဉ်ပေးပြီး သက်ဆိုင်ရာ ဒေသတွေကို ချက်ခြင်း ပြန်ပို့တာ” ဟု ဆိုသည်။
မုန်တိုင်းကြောင့် သေဆုံးသူ အလောင်း ၂၀၀ ကျော်ကို ပင်လယ်တွင်း ဆယ်ယူရရှိထားသည်ဟုလည်း သိရသည်။
မြန်မာနိုင်ငံ ငါးလုပ်ငန်း အဖွဲ့ချုပ်နှင့် နီးစပ်သူတဦးက “ဒေသခံ ငါးဖမ်းထွက်တဲ့ လူတွေ မုန်တိုင်းထဲ ပါလာတာ များတယ်။ ရန်ကုန်က ထွက်တဲ့ ငါးဖမ်းစက်လှေ အကြီးကြီး တွေကတော့ ဘာမှ မဖြစ်ဘူး။ ပင်လယ်ထဲမှာ ဘယ်နှယောက် ကျန်သေးတယ် ဆိုတာ တိတိကျကျ ပြောလို့ မရသေးဘူး ဖြစ်နေတယ်။ မကယ်နိုင်ဘဲ ကျန်နေတာတွေလည်း ရှိနိုင်တယ်။ သင်္ဘောတွေကလည်း ဒေသ အမျိုးမျိုး ပြန့်နေတော့ အဲဒီအနီးအနား မှာရှိနေ တဲ့ ငါးဖမ်းလှေတွေက ဆယ်လာပေးတာပါ” ဟု ပြောသည်။
ဆယ်ယူရခဲ့သော ရေလုပ်သားများ ထဲတွင် ဧရာဝတီ တိုင်းနှင့် မွန်ပြည်နယ်မှများကြောင်း၊ ပင်လယ် ရေစီးနှင့် အတူ မျောပါလာခြင်း ဖြစ်သောကြောင့် ရန်ကုန်ဘက်သို့ အများစု ရောက်လာကြကြောင်း သူက ဆိုသည်။
ထို့အပြင် စွမ်းအင်ဝန်ကြီးဌာန မြန်မာ့ရေနံနှင့် သဘာဝဓာတ်ငွေ့ လုပ်ငန်းနှင့် ရေနံရှာဖွေ တူးဖော်ရေး လုပ်ငန်းများတွင် အကျိုးတူ ပူးပေါင်း ဆောင်ရွက်နေသည့် Total E & P Myanmar ကုမ္ပဏီကလည်း ရေလုပ်သားများကို ကူညီ ရှာဖွေပေးခဲ့ပြီး ရေလုပ်သားများ လိုအပ်သည့် ကျန်းမာရေး စောင့်ရှောက်မှု၊ ဆေးဝါး၊ အ၀တ်အထည်၊ အသုံးအဆောင် ပစ္စည်းများနှင့် ရေလုပ် သားတဦးလျှင် ကျပ် ၂ သောင်းစီကို ထောက်ပံ့ပေးခဲ့၍ ၎င်းတို့ပိုင် ရေယာဉ်ဖြင့် ရန်ကုန်သို့ ပို့ဆောင်ပေးခဲ့သည်ဟု ယနေ့ထုတ် အစိုးရပိုင် သတင်းစာတွင် ဖော်ပြထားသည်။
“ဒုက္ခသည်တွေကို သွားစောင့်ပြီး သတင်းမေးမလို့ ပေးတွေ့ဘူး။ ရေလုပ်သားတွေရဲ့ နေရပ်ကို ပြန်ဖို့ ကားဂိတ်ကို ချက်ခြင်း ပြန်လွှတ်တာ။ မပြန်မှာစိုးလို့တောင် အစောင့်နဲ့ လိုက်ပို့တယ်” ဟု ရန်ကုန်အခြေစိုက် ဂျာနယ် သတင်းထောက် တဦးက ပြောသည်။
လေပြင်း တိုက်ခတ်မှုများကြောင့် ရန်ကုန်တိုင်းအတွင်း နေအိမ် အလုံး ၁၁၀၊ တဲ ၃၈ လုံးနှင့် ဧရာဝတီတိုင်း အတွင်း အိမ်ခြေ ၂၀ ခန့် ပြိုကျ ပျက်စီးသွားခဲ့ကြောင်း မတ်လ ၁၃ ရက်နေ့ထုတ် မြန်မာ့အလင်း သတင်းစာတွင် ဖော်ပြထားသည်။
မြန်မာ တနိုင်ငံလုံးတွင် လေပြင်းများ တိုက်ခတ်ခြင်း၊ မိုးထစ်ချုန်းရွာခြင်း၊ လျှပ်စီးလက်ခြင်း၊ မိုးသီး ကြွေခြင်း အပါအ၀င် မိုးသက်လေပြင်းများ တိုက်ခတ်မည် ဖြစ်ကြောင်း မိုးလေ၀သနှင့် ဇလဗေဒ ညွှန်ကြားမှု ဦးစီးဌာနက မတ်လ ၁၄ ရက်နေ့က သတင်း ထုတ်ပြန်ထားခဲ့သော်လည်း ဖြစ်ပေါ်ခဲ့သည့် စိုက်ဆင်း လေပြင်းများ၏ ပြင်းအားနှင့် ဖြစ်နိုင်ခြေကိုမူ ဖော်ပြခဲ့ခြင်း မရှိပေ။
Ref: ဧရာဝတီ်
စိတ်ကြွဆေး ရောင်းဝယ်မှုနှင့် မြန်မာ ၃ ဦး ဘန်ကောက်တွင် အဖမ်းခံရ
သန်းထိုက်ဦး
Thursday, 24 March 2011
မြန်မာနိုင်ငံသား ၃ ဦးကို ရာဘ (ခေါ်) မက်သာ အဖက်တမင်း စိတ်ကြွဆေးပြား ၃ သိန်းကျော်နှင့် အတူ ဘတ်ငွေ ၅ သိန်း ၆ သောင်း တို့ကို ထိုင်း အာဏာပိုင်များက ထိုင်းနိုင်ငံ ဘန်ကောက် မြို့တွင် ပြီးခဲ့သော အင်္ဂါနေ့က ဖမ်းဆီးခဲ့ကြောင်း ထိုင်း သတင်းများ အရ သိရသည်။
အဆိုပါ မြန်မာနိုင်ငံသားများကို ဘန်ကောက်မြို့ရှိ တက္ကသိုလ် အရှေ့ တနေရာတွင် ထိုင်းရဲများက သတင်းအရ ၀င်ရောက် ဖမ်းဆီး ခဲ့ပြီး သက်သေခံ ပစ္စည်းများ အဖြစ် စိတ်ကြွဆေးပြား ၂၀၀၀၀၀ အပြင် ကားတစီး၊ ဘဏ်စာအုပ် ၃ အုပ်နှင့် ဘတ်ငွေ ၅၆၀၀၀၀ တို့ကို သိမ်းဆည်း ရမိကြောင်း Office oF The NARCOTICS CONTROL BOARD(ONCB) ၏ အင်တာနက် စာမျက်နှာတွင်ဖော်ပြ ထားသည်။
ထို့အပြင် ဖမ်းမိထားသော တရားခံများ၏ နေထိုင်သော အခန်းများ၌ ဆက်လက် ရှာဖွေမှုပြုလုပ်ခဲ့ရာ စိတ်ကြွဆေးပြား ၁၂၁၆၀၀ ထပ်မံ ဖမ်းဆီး ရမိခဲ့ပြီး စုစုပေါင်း ၃၂၁၆၀၀ ရှိကြောင်း ONCB က ဆိုသည်။
အဖမ်းခံရသူများသည် ဘန်ကောက်မြို့သို့ တရားမ၀င် လာရောက် အလုပ် လုပ်ကိုင်နေပြီး ဘန်ကောက် အနီးတ၀ိုက်တွင် လည်း စိတ်ကြွဆေးပြားများ ရောင်းချနေကြောင်း ၎င်း သတင်း၌ ရေးသား ထားသည်။
အဖမ်းခံရသူများသည် အသက် ၂၅ အရွယ် တဦး အပါအ၀င် အသက် ၂၈ နှစ် နှင့် ၃၆ နှစ် အရွယ်များ ဖြစ်ပြီး ဖမ်းမိ ထားသော စိတ်ကြွ ဆေးပြားများ၏ တန်ဖိုးမှာ ခန့်မှန်းခြေ ဘတ် သန်း ၁၀၀ ခန့် ရှိပြီး အမေရိကန် ဒေါ်လာဖြင့် ၃၃၀၀၀ ခန့်ရှိကြောင်း သိရ သည်။
တရားခံများကို မည်သည့်နေရာ၌ ထိန်းသိမ်း ထားသည်ကို မသိရှိရသကဲ့သို့ ဥပဒေအရ မည်သို့ အရေးယူ ဆောင်ရွက်မှု များကို ယင်း သတင်းတွင် ဖော်ပြထားခြင်း မရှိပေ။
ယခု မတ်လဆန်းပိုင်းတွင်လည်း အသက် ၂၃ နှစ်နှင့် ၁၉ နှစ် အရွယ် မြန်မာ အမျိုးသမီး ၂ ဦးတို့ကို ဘန်ကောက် မြို့တွင် စိတ်ကြွ ဆေးပြား ၃ သိန်းနှင့် အတူ ဖမ်းဆီး မိခဲ့ကြောင်း ONCB က ဆိုသည်။
ပြီးခဲ့သည့် ၂၀၁၀ ပြည့်နှစ် ဧပြီလ အတွင်းကလည်း မူးယစ်ဆေးဝါး သယ်ဆောင်လာသူ များနှင့် ထိုင်းစစ်တပ် တို့ ထိုင်း-မြန်မာ နယ်စပ်တွင် ပစ်ခတ်မှု ဖြစ်ပွားခဲ့ရာ မူးယစ်ဆေး သယ်ဆောင်သူ ၃ ဦး သေဆုံးပြီး စိတ်ကြွဆေးပြား ၂ သိန်း ဖမ်းဆီး မိခဲ့သည်။
မူးယစ်ဆေးဝါးများကို ရှမ်းပြည်နယ်အတွင်းရှိ တချို့သော တိုင်းရင်းသား လက်နက်ကိုင် ငြိမ်းချမ်းရေး အဖွဲ့များက ထုတ်လုပ် နေကြပြီး တာချီလိတ်မြို့ဘက်မှ ထိုင်းနိုင်ငံ အတွင်းသို့ သယ်ဆောင်ရောင်းချမှုများ ရှိကြောင်း သတင်းများတွင် ဖော်ပြထားသည်။
ယင်း ဒေသတွင်းရှိ တိုင်းရင်းသားလက်နက်ကိုင် ငြိ်မ်းချမ်းရေးအဖွဲ့ တဖွဲ့ ဖြစ်သော ၀ ပြည်သွေးစည်း ညီညွတ်ရေး တပ်ဖွဲ့ (UWSA) သည် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများကို အာရှတွင် အမြောက် အမြား ကျယ်ပြန့်စွာ ထုတ်လုပ် နေသည့် အဖွဲ့ တဖွဲ့ဖြစ်ကြောင်း အမေရိကန် မူးယစ်ဆေးဝါး တိုက်ဖျက်ရေး အဖွဲ့ကဆိုသည်။
တချိန်တည်းတွင်ပင် မြန်မာ အာဏာပိုင်များကလည်း မူးယစ်ရာဇာ နော်ခမ်းကို ဖမ်းဆီးမိန့် ထုတ်ပြန် ထားသည်။ နော်ခမ်းသည် ရွှေတြိဂံ ဒေသတွင် မူးယစ်ဆေးဝါး မှောင်ခို ကုန်ကူးနေသူဖြစ်ပြီး ၎င်းမှာ တရုတ်၊ ထိုင်းနှင့် လာအို နိုင်ငံများကလည်း အလိုရှိနေ သူ ဖြစ်သည်။
Ref: ဧရာဝတီ်
ရွှေတြိဂံနယ်မြေ ငလျင်ကြောင့် အနည်းဆုံး လူ ၂ ဦး သေဆုံး
ဦးမိုးဇော်
ကြာသပတေး, 24 မတ် 2011
မြန်မာ၊ ထိုင်းနဲ့ လောနိုင်ငံ ထိစပ်နေတဲ့ ရွှေတြိဂံဒေသမှာ ဗဟိုပြု လှုပ်ခတ် သွားခဲ့တဲ့ ငလျင်ကြောင့် ထိုင်း၊ မြန်မာ နယ်စပ်က မယ်ဆိုင်မြို့မှာ လူတယောက် သေဆုံးခဲ့ရပြီး တာချီလိတ် မြို့မှာလည်း အနည်းဆုံး ကလေးတယောက် သေဆုံးပြီး ၆ ယောက်လောက် ထိခိုက်ဒဏ်ရာ ရခဲ့တယ်လို့ ဒေသခံတွေက ပြောပါတယ်။ ငလျင်လှုပ်ပြီး နောက်ပိုင်းမှာ တာချီလိတ်မြို့မှာ ဖုန်းလိုင်းနဲ့ လျှပ်စစ်မီးတွေ ပြတ်တောက် သွားခဲ့သလို နောက်ဆက်တွဲ ငလျင်ငယ်တွေ ဆက်တိုက် လှုပ်ခတ်နေတာကြောင့် လူတွေဟာ အိမ်အထဲမှ လမ်းမတွေပေါ်မှာ ထွက်နေ ကြရပါတယ်။ ကြာသပတေးနေ့ ညဦးပိုင်းက လှုပ်ခတ်ခဲ့တဲ့ ငလျင်ရဲ့ နောက်ဆက်တွဲ အခြေအနေတွေကို ဗွီအိုအေ ထိုင်းအခြေစိုက် သတင်းထောက် ကိုမိုးဇော်က တင်ပြပေးထားပါတယ်။
ထိုင်းနိုင်ငံမြောက်ပိုင်း ချင်းရိုင်မြို့နဲ့ မိုင် ၇၀ လောက်အကွာ ရွှေတြိ ဂံဒေသကို ဗဟိုပြုပြီး မနေ့ည ၈ နာရီခွဲလောက်က အင် အားပြင်းထန်တဲ့ ငလျင် ၂ ကြိမ် လှုပ်ခတ်ခဲ့ပါတယ်။ ဒီငလျင်တွေရဲ့ ပြင်းအားကိုတော့ အမေရိကန် ဘူမိဗေဒ လေ့လာရေး ဌာနက ပြင်းအားအဆင့် ရစ်ခ်ျစတာစကေး ၇ ရှိတယ်လို့ အစောပိုင်းက သတင်း ထုတ်ပြန်ပြီး နောက်ပိုင်းမှာတော့ ထိုင်း မိုးလေ၀သ ဌာနက ပြင်းအား ၆.၈ ရှိတယ်လို့ သတင်း ထုတ်ပြန်ပါတယ်။
ဒီလှုပ်ခတ်ခဲ့တဲ့ ငလျင်ကြောင့် ထိုင်းနယ်စပ်က မြန်မာနိုင်ငံ တာချီလိတ်မြို့မှာတော့ ကလေးတယောက် သေဆုံးပြီး လူ ၆ ယောက် ထိခိုက် ဒဏ်ရာရတယ်လို့ ဒေသခံတယောက်က ပြောပါတယ်။
“ကလေးတယောက် သေတယ်။ နောက် လူ ၆ ယောက်လောက် ဆေးရုံမှာ ဒဏ်ရာနဲ့ ရောက်နေတယ်။”
ဒီလို သေဆုံး ဒဏ်ရာရတာနဲ့ ပတ်သက်ပြီး သီးခြား အတည်ပြုချက်တော့ မရသေးပါဘူး။ ငလျင် လှုပ်ပြီးနောက်ပိုင်း တာချီလိတ် မြို့မှာ တယ်လီဖုန်း လိုင်းနဲ့ လျှပ်စစ်မီးတွေ ပြတ်တောက် သွားခဲ့ပါတယ်။ တာချီလိတ်မြို့နဲ့ ကပ်လျက် တည်ရှိတဲ့ ထိုင်းနိုင်ငံ မယ်ဆိုင် မြို့မှာလည်း အမျိုးသမီး တယောက် သေဆုံး ခဲ့တယ်လို့ မယ်ဆိုင်မှာ နေထိုင်နေသူ တယောက်က အခုလို ပြောပါတယ်။
“ကျနော်တို့ အနီးအနားမှာတော့ အထိအခိုက် မရှိဘူး။ ကျနော်တို့နဲ့ နည်းနည်းလေးဝေးတဲ့ နေရာက ဗလီ ရှိတဲ့ ရပ်ကွက်မှာက အုတ်နံရံ တခု ပြိုကျသွားပြီး လူတယောက်သေတယ်။ မယ်ဆိုင်မှာ လူတယောက် သေတယ်။ အမျိုးသမီး တယောက်ပဲ။ ဒါ ဒီအနီး အနားကပဲ ကြားသေး တာပေါ့နော်။ ကျန်တဲ့နေရာတော့ မသိသေးဘူး။ ဘာလို့လဲဆိုတော့ ဒီမှာ ညကလည်း ၁၀ နာရီ၊ ၁၁ နာရီ ဖြစ်နေတာ ဆိုတော့လေ။ တော်ရုံတန်ရုံ ဘယ်သူမှလည်း မပြင် မထွက်ကြတော့ မပြောနိုင် သေးဘူးလေ၊ ဘယ်နားမှာ ဘာဖြစ်တယ် ဆိုတာ။”
ငလျင်ကြီး ၂ ကြိမ် လှုပ်ပြီးတဲ့နောက်မှာ ငလျင်ငယ်လေးတွေ ဆက်တိုက်လှုပ်ခဲ့တယ် လို့လည်း သူက ဆက်ပြောပါတယ်။
“၂ ကြိမ်မှာ ပထမတကြိမ်က တော်တော်ပြင်းပြင်းထန်ထန် လှုပ်ပြီးတာနဲ့ ခဏလေးနေတော့ နောက်တကြိမ် ထပ်လှုပ်တယ်လေ။ ထပ်လှုပ်ပြီးတဲ့ အပြင်ကို အခုထိလည်း တချက်တချက် လှုပ်တုန်းပဲ။ ကျနော်တို့ဆို အပြင်မှာပဲ၊ အထဲမှာ ထိုင် မနေရဲဘူးပေါ့။ အခုထက်ထိ ဆိုရင်က ၄ ကြိမ်လောက် ရှိနေပြီ။”
မြန်မာစံတော်ချိန် ည ၁၀ နာရီကျော်လောက်မှာလည်း အတော်အတန် ပြင်းအားရှိတဲ့ ငလျင် တကြိမ် ထပ်မံ လှုပ်ခတ် ခဲ့တာကိုတော့ တာချီလိတ် ဒေသခံ တယောက်က အခုလို ပြောပါတယ်။
“ငလျင်တွေ တအားလှုပ်နေတယ်။ ခုနလေးပဲ လှုပ်သွားတယ်။ ၈ နာရီ ၂၀ လောက်ကနေ စလှုပ်တာပေါ့။ အိမ်တွေ တော်တော်များများ တုန်ခါ သွားတာပေါ့။ စံစိုင်းမှာဆို အိမ်တအိမ် အက်သွားတာပေါ့၊ တိုက်ကြီးက။ ညတွင်းချင်းတော့ ဘယ်မှ မသွားရဲဘူး။ ကိုယ့်အိမ်ထဲမှာ ကိုယ်နေ၊ လမ်းဘေးမှာ တက်ထိုင်နေကြတာပဲ။ ၈ နာရီလောက်မှာ အပြင်းဆုံး တကြိမ်၊ နောက်တခါ ၉ နာရီလောက်မှာ တကြိမ်၊ နောက်တော့ အသေးလေးတွေ အသေးလေးတွေ လှုပ်ပြီး ခု ခဏလေးပဲ ၂ မိနစ်လောက်ပဲ ရှိသေးတယ်။ နည်းနည်း ပြင်းပြင်းတချက် လှုပ်သွားပြန်တယ်။ အခုလှုပ်နေတယ် အခုလှုပ်နေတယ်။ တအားနဲ့ လှုပ်နေတယ်။ တအားပြင်းတယ် တအားပြင်းတယ် အခု။ လူတွေ အကုန်ပြေးဆင်း ကုန်ပြီ။ အကုန် လမ်းမပေါ်ရောက်နေပြီ။”
ဒီလှုပ်ခတ်မှုကတော့ ပထမဆုံးအကြိမ် လှုပ်ခတ်တာလောက် မပြင်းဘူးလို့ မယ်ဆိုင်မှာ နေထိုင်သူက ပြောပါတယ်။
“ပထမဆုံး ဖြစ်တာထက်စာရင် နည်းနည်းတော့ နည်းတယ်။ ဒါပေမဲ့ ပြင်းတော့ ပြင်းတယ်။ စက္ကန့်ပိုင်းလေးပဲ ဖြစ်ပြီးတော့ ငြိမ်သွားတယ်။ ဒါပေမဲ့ အောက် မြေကြီးက အခုထက်ထိ တုန်နေတုန်းပဲ။”
ဒါကတော့ မြန်မာစံတော်ချိန် ည ၁၀ နာရီခွဲလောက်က ဖြေဆိုသွားတာ ဖြစ်ပါတယ်။
ဒီလို မြေငလျင်တွေ ဆက်တိုက်လှုပ်ခဲ့တာကြောင့် တာချီလိတ်နဲ့ မယ်ဆိုင်က ဒေသခံတွေဟာ အိမ်အတွင်းမှာ မအိပ်ရဲဘဲ လမ်းမတွေပေါ်မှာ အိပ်နေကြရပါတယ်။
ရွှေတြိဂံဒေသမှာ ဗဟိုပြု လှုပ်ခတ်ခဲ့တဲ့ ငလျင်ဟာ တရုတ်၊ မြန်မာ နယ်စပ်က ရွှေလီ၊ မြန်မာပြည် အလယ်ပိုင်းက စစ်ကိုင်း၊ ကယားပြည်နယ် လွိုင်ကော်၊ ပဲခူးမြို့ကြီးတွေ အပြင် ထိုင်းနိုင်ငံ ချင်းမိုင်နဲ့ ဘန်ကောက်မြို့တွေမှာလည်း သက်ရောက်မှု ရှိခဲ့ပါတယ်။ အခုဖြစ်တဲ့ ငလျင်ဟာ ကုန်းတွင်းပိုင်းမှာ ဖြစ်ပွားခဲ့တာကြောင့် ဆူနာမီ သတိပေးချက်တွေတော့ ထုတ်ပြန်တာ မရှိခဲ့ပါဘူး။
Ref: VOA News
Thursday, March 24, 2011
စီးပွားရေး ပိတ်ဆို့မှုများ ဆက်ထားဖို့ လိုကြောင်း ဒေါ်အောင်ဆန်းစုကြည် ပြောကြား
2011-03-23
မြန်မာနိုင်ငံ အပေါ် အနောက် နိုင်ငံတွေက စီးပွားရေးအရ ပိတ်ဆို့ ထားတာတွေကို ဆက်ပြီး ထားဖို့ လိုမယ်လို့ ဒေါ်အောင်ဆန်းစုကြည်က မတ်လ ၂၃ ရက် ဒီကနေ့ ဂျာမနီက သတင်းစာ တစောင်နဲ့ မေးမြန်းခန်းမှာ ပြောကြား လိုက်ပါတယ်။
မြန်မာနိုင်ငံ အပေါ် ထားရှိတဲ့ ပိတ်ဆို့မှုတွေကို ရုပ်သိမ်းရေး ဥရောပ သမဂ္ဂက ပြန်လည် စဉ်းစားမဲ့ အချိန်မှာ ဒေါ်အောင်ဆန်းစုကြည်က ခုလို ပြောဆို လိုက်တာပါ။
ဒေါ်အောင်ဆန်းစုကြည်က ဂျာမန်သတင်းစာ Franfurter Rundschau နဲ့ မေးမြန်းခန်းမှာ ပိတ်ဆို့မှုတွေ ရုပ်သိမ်း ပေးဖို့ ဆိုရင် တိုးတက်မှု အပြောင်းအလဲ တခုခု မြင်တွေ့ရဖို့ လိုတယ်လို့ ပြောပါတယ်။
မြန်မာနိုင်ငံက လူ့ အခွင့်အရေး ချိုးဖောက်မှုတွေကြောင့် ဥရောပနဲ့ အမေရိကန် နိုင်ငံတွေက စီးပွားရေး အပါအဝင် တခြား ပိတ်ဆို့မှုတွေ ကန့်သတ်ထားတာ ဖြစ်ပါတယ်။
အမေရိကန်နိုင်ငံအနေနဲ့ မြန်မာနိုင်ငံအပေါ် ကန့်သတ်ထားတဲ့ ပိတ်ဆို့မှုတွေကို ဆက်ပြီး ထားရှိဖို့ ဆုံးဖြတ် ထားပေမဲ့ ဥရောပသမဂ္ဂ EU အနေနဲ့လာမဲ့ ဧပြီလအတွင်း ပြန်လည် သုံးသပ် စဉ်းစားဖို့ ရှိနေပါတယ်။
စီးပွားရေးပိတ်ဆို့မှုကို ထောက်ခံသူတွေအနေနဲ့ နိုင်ငံရေးအကျဉ်းသား ၂,၂၀၀ ကျော် ရှိနေတဲ့ စစ်အစိုးရကို ဖိအားပေးနိုင်ဖို့ မြန်မာန်ိင်ငံအပေါ် ပိတ်ဆို့မှုတွေ ထားရှိဖို့ လိုအပ်တယ်လို့ ယူဆပါတယ်။
ဒါပေမဲ့ သဘာဝ သယံဇာတ ကြွယ်ဝတဲ့ မြန်မာနိုင်ငံက အရင်းအမြစ်တွေကို မျက်စိကျနေတဲ့ အနောက်နိုင်ငံက စီးပွားရေး သမားများ အာဆီယံ ကုမ္မဏီများ၊ အိန္ဒိယ၊ တရုတ်၊ ထိုင်းနဲ့ တောင်ကိုရီးယားက စီးပွားရေး သမားတွေကတော့ ဒီအယူအဆကို လက်ခံချင်ပုံ မရဘူးလို့ AFP သတင်း တရပ်မှာ ဖော်ပြထားပါတယ်။
ဒေါ်အောင်ဆန်းစုကြည်က ဂျာမန်သတင်းစာနဲ့ မေးမြန်းခန်းမှာရွေးကောက်ပွဲ ပြီးကတည်းက မြန်မာ နိုင်ငံမှာ ဘာတွေ ပြောင်းလဲ လာတာ မြင်ရသလဲလို့ မေးခွန်း ပြန်ထုတ် ထားပါတယ်။ ကျွန်မ အရင်ပြောခဲ့ဖူး သလိုပါပဲ၊ ဘာမှ ရှင်းရှင်းလင်းလင်း မမြင်ရ သေးပါဘူးလို့ ပြောဆို သွားပါတယ်။
Ref: RFA News
ကျောက်ပန်းတောင်း အင်န်အယ်လ်ဒီ၏ လူမှုရေးလုပ်ငန်း နှောင့်ယှက်ခံရ
2011-03-23
မန္တလေးတိုင်း ကျောက်ပန်းတောင်းမြို့ အင်န်အယ်လ်ဒီ အဖွဲ့ဝင်တွေက မြို့နယ်အတွင်းရှိ တောင်ပုံတောင် ကျေးရွာ သွားပြီး အသက်အရွယ် ကြီးတဲ့ သူတွေကို ဆေးဝါးနဲ့ ငွေကြေး လှူဒါန်းခဲ့ကြတာကို ဒေသခံ အာဏာပိုင်တွေက တားဆီး နှောင့်ယှက် ခဲ့တယ်လို့ အင်န်အယ်လ်ဒီ အဖွဲ့ဝင် ကိုအေးခိုင်က ပြောပါတယ်။
“၇၈ နှစ်က ၁၀၁ နှစ်ရှိတဲ့ သက်ကြီးရွယ်အို လူ ၃၀ ကို မျက်နှာသုတ်ပုဝါတွေ၊ တိုင်းရင်းဆေးတွေ အားဆေးတွေ ကန်တော့ကြတာ အဲဒီဟာကို ကျနော်တို့ ပြန်တဲ့ အချိန်မှာ ပုပ္ပားရဲစခန်းက ရဲ ၂ ဦးရယ် နောက်တခါ ရယက ဥက္ကဋ္ဌ ကိုစိုးဝင်းရယ်၊ မယက စာရေးတဦးက နေပြီးတော့ နှလုံးရောဂါသည် ဒေါ်ဝင်းရီ၊ ဒေါ်ဝင်းဌေးတို့ အိမ်ကို လာပြီးတော့ ဘာလို့ လက်ခံတာတုန်း ဆိုပြီးတော့ ခြိမ်းခြောက် တယ်ပေါ့။ နှလုံးရောဂါသည် ဒေါ်ဝင်းဌေးက လန့်ဖျပ် သွားတယ်ပေါ့။ အဲဒါအပြင်ကို ကန်တော့ခံ သက်ကြီးရွယ်အို ဒေါ်ခင်ကြည်၊ ဒေါ်စောငယ်နဲ့ ဦးလှသောင်းရဲ့ အိမ်ကို သွားပြီး နောက်ကို အင်န်အယ်လ်ဒီက လာရင် လက်မခံဖို့ ခြိမ်းခြောက်တဲ့ စကားတွေ ပြောဆိုကြတယ်။”
ဒေသခံ ပြည်သူလူထုက အင်န်အယ်လ်ဒီရဲ့ လူမှုရေး လုပ်ငန်းတွေကို ထောက်ခံ လာရုံတင်မက အားကိုးတဲ့ အဆင့် အထိ ဖြစ်လာလို့ အာဏာ ပိုင်တွေက အခုလို နှောင့်ယှက်တာ ဖြစ်ပြီး ကျောက်ပန်းတောင်း အင်န်အယ်လ်ဒီ အနေနဲ့ကတော့ အနှောင့်အယှက် ဘယ်လိုပဲ တွေ့တွေ့ လူမှုရေး လုပ်ငန်းတွေကို ဆက်လက် လုပ်ကိုင်သွားမယ့် အကြောင်း ကိုအေးခိုင်က ဆက်ပြောပါတယ်။
“ကျနော်တို့အနေနဲ့ကတော့ ဒီလူမှုရေးလုပ်ငန်းတွေကို ဘယ်လိုခြိမ်းခြောက် ခြိမ်းခြောက် ဆက်လက် လုပ်ဆောင် သွားမှာပါ။ ကျနော်တို့ အမျိုးသား ဒီမိုကရေစီ အဖွဲ့ချုပ် ဗဟိုကိုလည်း ဒီအကြောင်းတွေကို တင်ပြမှာပါ။ အဖြစ် အပျက်တွေကိုလေ ကျနော်တို့ အခုဆိုရင် ရေရှားပါး နေကြပြီ။ ကျနော်တို့ ရေတွေ ဝေဖို့ အစီအစဉ်တွေ ဆွဲနေပါတယ်။ ရွာတွေ အတော်များများကို ဒီလကုန်ကနေ စပြီး လုပ်ကြမှာပါ။ ငွေတွေလည်း လှူနေတယ်။ ရေတွေ ဘာတွေလည်း ပေးဝေသွားမယ်။ တောင်ပုံတောင်ရွာမှာလည်း ခြိမ်းခြောက်နေပေမဲ့ ရွာသူ ရွာသားတွေက သူတို့ရွာကလည်း မကြောက်တဲ့ အကြောင်းကို ပြချင်လို့ပါတဲ့။ ကျနော်တို့ ဖိတ်ခေါ်ထားတယ် ထပ်သွားဦးမှာပါ။”
ကျောက်ပန်းတောင်းမြို့ အင်န်အယ်လ်ဒီ အဖွဲ့ဝင်တွေဟာ ၂၀၁၀ ခုနှစ် ဒေါ်အောင်ဆန်းစုကြည် နေအိမ် အကျယ်ချုပ် ကနေ ပြန်လည် လွတ်မြောက် လာပြီးနောက်ပိုင်း ကျေးရွာ စာသင်ကျောင်းတွေက ကလေးတွေကို စာအုပ်တွေ ပေးဝေတာ၊ အစားအစာနဲ့ ရေပေးဝေတဲ့ လူမှုရေး လုပ်ငန်းတွေ လုပ်ဆောင်နေကြတာ ဖြစ်ပါတယ်။
Ref: RFA News
ကိုယ်ကျိုးစီးပွားအတွက် ဆန်ရှင် ရုပ်စေချင်သူများဟု အတိုက်အခံချင်း စွပ်စွဲ
ကျော်ခ | ဗုဒ္ဓဟူးနေ့၊ မတ်လ ၂၃ ရက် ၂၀၁၁
ချင်းမိုင် (မဇ္ဈိမ) ။ ။ အမေရိကန်နှင့် ဥရောပနိုင်ငံများ၏ မြန်မာနိုင်ငံအပေါ် စီးပွားရေး ပိတ်ဆို့ ထားမှုကို ပြန်ဖွင့်ပေးရန် တိုက်တွန်း နေကြသော ရွေးကောက်ပွဲဝင် နိုင်ငံရေး ပါတီများနှင့် အာဆီယံ နိုင်ငံများကို ကိုယ်ကျိုးစီးပွားနှင့် မျက်နှာသာ ရရန် လုပ်သူများဟု မြန်မာပြည်တွင်း လျှို့ဝှက် လှုပ်ရှားနေသော အတိုက်အခံ သံဃာများနှင့် ကျောင်းသား အဖွဲ့များက ဝေဖန် လိုက်သည်။
မြန်မာနိုင်ငံလုံးဆိုင်ရာ သံဃာ့တပ်ပေါင်းစု အဖွဲ့ကြီး၊ ၈၈ မျိုးဆက် ကျောင်းသားများ၊ ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ်တို့၏ ပူးပေါင်းကြေညာချက်တွင် “စစ်အစိုးရ ပေးသလောက်ကိုယူ လွှတ်တော်ထဲကနေ ချဲ့ယူ သွားမည်ဆိုသည့်” ပါတီများနှင့် အာဆီယံ နိုင်ငံများ၏ လုပ်ရပ်သည် ၄င်းတို့ ကိုယ်ကျိုးစီးပွားနှင့် စီးပွားရေး အခွင့်အလမ်းများ အတွက် စစ်အစိုးရထံမှ မျက်နှာသာ ရရန် ကြံစည် ကြိုးပမ်းမှု တရပ်ဟု ပါရှိသည်။
ကမ္ဘာ့ဒီမိုကရေစီနိုင်ငံများ၏ ပိတ်ဆို့အရေးယူမှုများမှာ ပြည်သူလူထုနှင့် လုံးဝ မပတ်သက်ဟု ဆိုကာ နိုင်ငံခြား ရင်းနှီး မြှုပ်နှံမှုများ မျှော်နေခြင်းမှာ ဝ မရှိဘဲ ဝိ လုပ်နေခြင်းဟုလည်း ပါရှိသည်။
“လူ့အခွင့်အရေး ချိုးဖောက်မှုတွေကြောင့် ပြည်ပနိုင်ငံတွေက ဒဏ်ခတ် အရေးယူ ပိတ်ဆို့ ခဲ့ကြတယ်လေ။ ဒါကို ပယ်ဖျက် ပေးစေချင်ရင် အာဆီယံ နိုင်ငံတွေနဲ့ ဒီပါတီတွေက မြန်မာနိုင်ငံ အတွင်းမှာ လူအခွင့်အရေးတွေ ရရှိအောင် တိုက်တွန်းမှုတွေ အရင် မလုပ်ပဲနဲ့ ဖွင့်ပေးဖို့ကိုသာ လုပ်တယ်ဆိုတာ ကိုယ်ကျိုးရှာတာပဲ ဖြစ်တဲ့အတွက် ဒါဟာ အင်မတန် အောက်တန်းကျတဲ့ အလုပ်ဖြစ်တယ်” ဟု သံဃာ့တပ်ပေါင်းစု အဖွဲ့ ပြောရေးဆိုခွင့်ရှိသူ ဦးဓမ္မသီရိက မဇ္ဈိမကို ပြောသည်။
မြန်မာနိုင်ငံအပေါ် အမေရိကန်နှင့် အနောက်နိုင်ငံများ၏ စီးပွားရေး ပိတ်ဆို့ အရေးယူမှု ရုပ်သိမ်းပေးရန် ၂ဝ၁ဝ ရွေးကောက်ပွဲဝင် ပါတီများ ဖြစ်သည့် ဒီမိုကရေစီနှင့် ငြိမ်းချမ်းရေး ပါတီ၊ ဒီမိုကရက်တစ် ပါတီ (မြန်မာ)၊ ပြည်ထောင်စု ဒီမိုကရေစီပါတီ၊ ကျားဖြူပါတီ၊ ရခိုင် အမျိုးသား တိုးတက်ရေးပါတီ၊ ဝံသာနု NLD၊ အမျိုးသား နိုင်ငံရေး မဟာမိတ်များ အဖွဲ့ချုပ် ပါတီ၊ အမျိုးသား ဒီမိုကရေစီ အင်အားစု၊ ရခိုင် တိုင်းရင်းသားများ တိုးတက်ရေးပါတီတို့ စုပေါင်း တောင်းဆိုခဲ့ကြသည်။
ယင်းပါတီများ၏ တင်ပြချက်တွင် မြန်မာနိုင်ငံအပေါ် အနောက်နိုင်ငံများ၏ စီးပွားရေး ပိတ်ဆို့မှုများသည် စစ်အစိုးရကို ပစ်မှတ် ထားသော်လည်း နိုင်ငံ၏ စီးပွားရေး အခွင့်အလမ်း၊ လူအခွင့်အရေး မြင့်တက်လာရန်နှင့် အခြေခံ ပြည်သူလူထု အလုပ်အကိုင် အခွင့်အလမ်းများ ရရှိလာစေရန် ထိုပိတ်ဆို့မှုများ ပြန်ရုပ်သိမ်း ပေးသင့်သည်ဟု ဆိုသည်။
အလားတူ ဇန်နဝါရီလလယ်က အင်ဒိုနီးရှားတွင် ကျင်းပသော အာဆီယံနိုင်ငံခြားရေး ဝန်ကြီးများ အစည်းအဝေး တွင်လည်း ပိတ်ဆို့မှု ရုပ်ပေးရန် တောင်းဆိုခဲ့ကြသည်။
စီးပွားရေး ပိတ်ဆို့မှု ကန့်ကွက်သူများက စစ်အစိုးရ ခေါင်းဆောင်များနှင့် လက်ရင်းလူယုံ စီးပွားရေး သမားများ၏ ကြွယ်ဝ ချမ်းသာမှုကို ထောက်ပြသည်။
“နအဖရဲ့ဖိနှိပ်ဒဏ်ခတ်မှုကို တိုင်းရင်းသား ပြည်သူလူထု တရပ်လုံး အနှစ် ၂ဝ ကျော် တောက်လျှောက် ခံလာခဲ့ရတယ်။ နအဖ က ပြည်သူတွေ အပေါ်မှာ လူအခွင့်အရေး ချိုးဖောက် ကျူးလွန်နေတာတွေကို ချွင်းချက်မရှိ ရုပ်သိမ်းပြီး လွတ်လပ်တဲ့ လူ့ဘောင်တရပ်ကို တည်ဆောက်ခြင်း အားဖြင့် အနောက် နိုင်ငံတွေရဲ့ ပိတ်ဆို့မှုတွေ ရုပ်သိမ်း သွားနိုင်တဲ့ အကောင်းဆုံး နည်းလမ်း ဖြစ်တယ် ဆိုတာကို ကျမတို့ ပြောချင်တယ်” ဟု ဗကသ ပြောဆိုခွင့်ရှိသူ မကြည်သာတင့်က မဇ္ဈိမကိုပြောသည်။
၈၈ မျိုးဆက် ကျောင်းသားများအဖွဲ့မှ ကိုထွန်းမြင့်အောင်က “နိုင်ငံတကာရဲ့ ရင်းနှီးမြှုပ်နှံမှုတွေ မလာတာ ဆန်ရှင် တွေကြောင့်တင် မဟုတ်ဘူးဗျ။ စီးပွားရေး လာလုပ်လိုတဲ့ နိုင်ငံခြား ကုမ္ပဏီတွေ ကိုယ်နှိုက်က မြန်မာပြည်ရဲ့ စီးပွားရေး စနစ်ဟာ ကမောက်ကမ ဖြစ်တယ်။ လုပ်ထုံး လုပ်နည်းတွေက ရှုပ်ထွေးတယ်။ ခြစားမှုတွေ၊ မသမာမှုတွေ ပြည့်လျှံနေတယ်။ အဲတော့ စီးပွားရေး အလားအလာအရ အာမခံချက် မရှိတဲ့ တိုင်းပြည်မှာ လာမလုပ်ချင် ကြတာလဲပါတယ်” ဟု ပြောသည်။
Ref: မဇ္ဈိမ
Posts
