2012-10-17
၈၈ မျိုးဆက် ကျောင်းသား ခေါင်းဆောင်တွေ ဖြစ်ကြတဲ့ ကိုဂျင်မီ၊ စမ်းချောင်း ကိုကိုကြီး၊ မနီလာသိန်း၊ မမီးမီးနဲ့ ကိုထွန်းထွန်း တို့ဟာ ပဲခူးတိုင်း ဝေါမြို့နယ် အတွင်းက ရေဘေးဒဏ်ခံခဲ့ရတဲ့ ကော့ဝင်းကျေးရွာ ဘုန်းတော်ကြီးသင် စာသင်ကျောင်းကို ဒီကနေ့ ညနေက သွားရောက်ကြခဲ့ပြီး ငွေသား ၂၅ သိန်း အပါအ၀င် အိမ်သုံးဆေးဝါးနဲ့ အစားအစာ စုစုပေါင်း တန်ဖိုး သိန်း ၁၀၀ နီးပါး လှူဒါန်းခဲ့ပါတယ်။
၈၈ မျိုးဆက် ကျောင်းသားများ အဖွဲ့ရဲ့ မူဝါဒအရ ရေဘေးနဲ့ ပတ်သက်ရင် အဆိုးဝါးဆုံး နေရာတွေကို ရှာဖွေ လှူဒါန်းခဲ့တာ ဖြစ်တယ်လို့ ကိုဂျင်မီက RFA ကို ပြောပါတယ်။
"ပညာသင်ပေးနေတဲ့ ကျောင်းတကျောင်းမှာ အတော်လေး အခြေအနေ ဆိုးနေတယ်လို့ ကျွန်တော်တို့ကို အကြောင်းကြား လာတယ်။ ကျွန်တော်တို့ အဖွဲ့ရဲ့ မူဝါဒအရ ရေဘေးနဲ့ ပတ်သက်ရင် အဆိုးဝါးဆုံး နေရာတွေကို ရှာဖွေ လှူဒါန်းတာ ဖြစ်တဲ့အတွက် ကျွန်တော်တို့ စိစစ် လိုက်တဲ့အခါမှာ တကယ်ပဲ ဟောဒီနေရာက ဆိုးဝါးနေတယ်။ အဲဒါကြောင့် ကျွန်တော်တို့ လာပြီး ကူညီထောက်ပံ့တာပါ။"
၈၈ မျိုးဆက် ကျောင်းသားများ အဖွဲ့ရဲ့ ဝေါမြို့ခရီးစဉ် အပါအ၀င် ဧရာဝတီတိုင်း ရေဘေးနဲ့ ပတ်သက်လို့ လှူဒါန်းတာ ၄ ကြိမ်မြောက် ရှိပြီလို့ သိရပါတယ်။
Ref: RFA News
Thursday, October 18, 2012
ဝေါမြို့နယ် ရေဘေးဒုက္ခသည် အတွက် ၈၈ ကျောင်းသားအဖွဲ့ လှူဒါန်း
လက်ပံတောင်းတောင် ပြည်သူ့ညီလာခံ ကျင်းပမည်
2012-10-17
လက်ပံတောင်းတောင် ကြေးနီစီမံကိန်း ရပ်ဆိုင်းရေးနဲ့ အလုပ်သမား၊ လယ်သမား၊ တိုင်းရင်းသား အရေးတွေ ဆွေးနွေးမယ့် ပြည်သူ့ ညီလာခံ တရပ်ကို ကြေးနီ စီမံကိန်းဒေသ ဆည်တဲကျေးရွာမှာ မနက်ဖြန် မနက်မှာ ကျင်းပဖို့ ပြင်ဆင်နေပြီး ညီလာခံ တက်ရောက်ဖို့ ကိုယ်စားလှယ် ၃၀၀ ကျော် ရောက်ရှိနေပြီလို့ သိရပါတယ်။
ကိုယ်စားလှယ်တွေထဲမှာ UNA ခေါ် စည်းလုံးညီညွတ်သော တိုင်းရင်းသားလူမျိုးများ အဖွဲ့ ပါဝင်သလို ကချင်၊ ကယား၊ ကယန်း အဖွဲ့တွေကလည်း တက်ရောက်မှာ ဖြစ်ပါတယ်။ ဒါ့အပြင် ဗကသများ အဖွဲ့ချုပ်ဝင်တွေ၊ ကျောင်းသား သမဂ္ဂ ဖြစ်မြောက်ရေး ခေါ် ကသဖ အဖွဲ့ဝင်တွေ၊ အလုပ်သမား၊ လယ်သမား အရေး ဆောင်ရွက်နေသူတွေ အပြင် ကွန်ယက် အသီးသီးက ကိုယ်စားလှယ်များ၊ မုံရွာနဲ့ မန္တလေးက ဒေသခံတွေ တက်ရောက်ကြမှာ ဖြစ်ပြီး လူအင်အား တစ်သောင်းခန့် တက်ရောက် လိမ့်မယ်လို့ မျှော်မှန်း ထားပါတယ်။
ဒီညီလာခံမှာ ကြေးနီစီမံကိန်းကြောင့် အဲဒီဒေသတဝိုက်က ပြည်သူတွေ နစ်နာမှုကို ဆွေးနွေးကြမှာ ဖြစ်တဲ့အပြင်၊ တနိုင်ငံလုံးက တိုင်းရင်းသားတွေရဲ့ တန်းတူညီမျှရေးနဲ့ ကိုယ်ပိုင်ပြဌာန်းခွင့် ဆုံးရှုံးနေရတဲ့ ကိစ္စနဲ့ ရသင့် ရထိုက်တဲ့ အလုပ်သမား လယ်သမား အခွင့်အရေး ကိစ္စတွေ ထည့်သွင်း ဆွေးနွေးမှာ ဖြစ်တယ်လို့ UNA အဖွဲ့ကိုယ်စားလှယ်အဖြစ် လက်ပံတောင်းတောင် ပြည်သူ့ ညီလာခံတက်ဖို့ ရောက်နေတဲ့ ရခိုင် ဒီမိုကရေစီ အဖွဲ့ချုပ် ဥက္ကဋ္ဌ ဦးသာဘန်းက RFA ကို ပြောပါတယ်။
Ref: RFA News
အမျိုးသား ဒီမိုကရေစီ အဖွဲ့ချုပ် တိုင်းအဆင့် ညီလာခံ ကျင်းပရေး ရှင်းလင်း
2012-10-17
အမျိုးသား ဒီမိုကရေစီ အဖွဲ့ချုပ်ရဲ့ တိုင်းအဆင့် ညီလာခံ ကျင်းပရေး ကော်မရှင်တွေ အတွက် ညီလာခံ ကျင်းပရေး စီမံချက် ရှင်းလင်းပွဲကို ရန်ကုန်မြို့၊ ရွှေဂုံတိုင်က တော်ဝင်နှင်းဆီ ခန်းမမှာ ဒီကနေ့ ကျင်းပခဲ့ပါတယ်။
အမျိုးသား ဒီမိုကရေစီ အဖွဲ့ချုပ်ရဲ့ တိုင်းအဆင့် ညီလာခံ ကျင်းပရေး ကော်မရှင်တွေ အတွက် ညီလာခံ ကျင်းပရေး စီမံချက် ရှင်းလင်းပွဲကို ရန်ကုန်မြို့၊ ရွှေဂုံတိုင်က တော်ဝင်နှင်းဆီ ခန်းမမှာ ဒီကနေ့ ကျင်းပခဲ့ပါတယ်။
အဲဒီ အစည်းအဝေးမှာ NLD ပါတီရဲ့ ပြည်လုံးကျွတ် ညီလာခံကို လာမည့် ဒီဇင်ဘာလ သို့မဟုတ် နောက်နှစ် ဇန်န၀ါရီလ ထဲမှာ ကျင်းပသွားဖို့ ရှိတယ်လို့ ဦးဥာဏ်ဝင်းက RFA ကို ပြောပါတယ်။
ဒီကနေ့ ကျင်းပတဲ့ ရှင်းလင်းပွဲကို NLD ပါတီ ညီလာခံ ကျင်းပရေး ကော်မရှင် ဥက္ကဋ္ဌ ဦးတင်ဦးနဲ့ အတွင်းရေးမှူး ဦးဥာဏ်ဝင်းတို့ တက်ရောက် ခဲ့ကြပါတယ်။ ပါတီတွင်း ပြဿနာတွေကို ပါတီတွင်းမှာပဲ ဖြေရှင်းနိုင်ဖို့ ကြိုးစားရမယ်လို့ ဦးဥာဏ်ဝင်းက တက်ရောက်လာတဲ့ NLD ပါတီ ကိုယ်စားလှယ်တွေကို ရှင်းလင်း ပြောကြားခဲ့ပါတယ်။
ဒီကနေ့ ကျင်းပတဲ့ ညီလာခံ ကျင်းပရေး စီမံချက် ရှင်းလင်းပွဲကို ရန်ကုန်တိုင်းဒေသကြီးက ညီလာခံ ကိုယ်စားလှယ် ၆၀၀ ကျော် တက်ရောက်ခဲ့ပါတယ်။
Ref: RFA News
Wednesday, October 17, 2012
ပြည်ခိုင်ဖြိုးပါတီ ဥက္ကဋ္ဌ သမ္မတ ဦးသိန်းစိန်ကို ပြန်လည်ရွေးချယ်
စုမြတ်မွန်
16.10.2012
နေပြည်တော်မှာ ကျင်းပနေတဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီညီလာခံကနေ ပါတီ ဥက္ကဋ္ဌနဲ့ ဒုတိယ ဥက္ကဋ္ဌတွေကို ပြန်လည် ရွေးချယ်ခဲ့တာမှာ ဥက္ကဋ္ဌ အဖြစ် သမ္မတ ဦးသိန်းစိန်ကို ပြန်လည် ရွေး ချယ်ခဲ့ပါတယ်။ ဒုတိယ ဥက္ကဋ္ဌ တာဝန်အတွက် ကိုတော့ ပြည်သူ့လွှတ်တော် ဥက္ကဋ္ဌ သူရဦးရွှေမန်း အပါအဝင် ၃ ယောက် ရွေးချယ် ခဲ့ကြပါတယ်။ ဖွဲ့စည်းပုံ အခြေခံ ဥပဒေအရ သမ္မတ္တက ပါတီ ဥက္ကဋ္ဌ ရာထူးယူတဲ့ ကိစ္စအပေါ်မှာ မေးခွန်း ထုတ်စရာဖြစ်နေချိန်မှာ ဥက္ကဋ္ဌ တာဝန်တွေကို ဒုဥက္ကဋ္ဌ သူရ ဦးရွှေမန်းက ဆောင်ရွက် သွားမှာဖြစ်တယ်လို့ ဒုဥက္ကဋ္ဌ တယောက်ဖြစ်တဲ့ ဦးဋ္ဌေးဦးက VOA ကိုပြောပါတယ်။ အပြည့်အစုံကို ဘန်ကောက် ရုံးကနေ မစုမြတ်မွန်က တင်ပြပေးထားပါတယ်။
ဒီကနေ့ ကြံ့ခိုင်ရေးနဲ့ ဖွံ့ဖြိုးရေးပါတီညီလာခံမှာ ဗဟိုကော်မတီဝင်တွေ၊ ဗဟိုအလုပ် အမှုဆောင်ကော်မတီ ဝင်တွေနဲ့ ပါတီဥက္ကဋ္ဌ၊ ဒုဥက္ကဋ္ဌ ရာထူးနေရာတွေကို အဆင့်ဆင့် ရွေးချယ်ခဲ့ တာမှာ သမ္မတ ဦးသိန်းစိန်ကို ဥက္ကဋ္ဌအဖြစ် ပြန်ပြီး ရွေးချယ်ခဲ့တဲ့ အကြောင်း ဒုဥက္ကဋ္ဌ အဖြစ် အရွေးခံရတဲ့ ဦးဌေးဦးက VOA မြန်မာပိုင်းကို ခုလို ပြောပါတယ်။
“ဥက္ကဋ္ဌကတော့ သမ္မတကြီး ဦးသိန်းစိန်ပဲ။ အဲဒါကိုပဲ ကျနော်တို့ ဗဟိုအလုပ် အမှုဆောင် အဖွဲ့တွေက သဘော တူတယ်။ ဒု-ဥက္ကဋ္ဌ ကတော့ သူရ ဦးရွှေမန်း၊ ကျနော်၊ နောက် သူရဦးအေးမြင့်ရယ်- သုံးယောက် ရှိပါတယ်။”
ဖွဲ့စည်းပုံ အခြေခံ ဥပဒေအရဆိုရင် သမ္မတ၊ ဒုသမ္မတတွေဟာ ရာထူး လက်ခံယူတဲ့နေ့က စလို့ ရာထူး သက်တမ်း အတွင်းမှာ သူတုိ့ ဝင်ထားတဲ့ ပါတီအဖွဲ့အစည်းရဲ့ ပါတီလုပ်ငန်းတွေမှာ ပါဝင်ဆောင်ရွက်ခြင်း မပြုရ-လို့ ပုဒ်မ ၆၄ မှာ ဖော်ပြ ထားပါတယ်။ ပါတီ တာဝန်တွေကို မထမ်းနိုင်မယ့် အတူတူ ပါတီဥက္ကဋ္ဌ တာဝန် ယူတာကရော အဓိပ္ပာယ်ရှိရဲ့လားလို့ မေးတာကိုတော့ ဦးဋ္ဌေးဦးက ခုလို ဖြေပါတယ်။
“သမ္မတက မူလကတည်းက ကျနော်တို့ ဥက္ကဋ္ဌပဲ။ ဒါကြောင့် သူ့ကိုပဲ ကျနော်တို့ ပြန်ရွေးတယ်။ သို့သော်လည်းပဲ တာဝန်ကို သူရ ဦးရွှေမန်းက ပူးတွဲ ထမ်းဆောင်လိမ့်မယ်။ ဖွဲ့စည်းပုံ အခြေခံ ဥပဒေကို ကျနော်တို့လည်း တော်တော်များများ ဖတ်ထားပါတယ်။ ဒါကြောင့် သူတာဝန်ယူလို့ မရဘူး။ ဒါကြောင့် ဒုတိယ ဥက္ကဋ္ဌဖြစ်တဲ့ သူရဦးရွှေမန်းက ပူးတွဲ တာဝန် ထမ်းဆောင်မယ်။ သို့သော်လည်း ကျနော်တို့က သမ္မတကြီးကို ဥက္ကဋ္ဌနေရာက ဖယ်မပစ်ဘူး။”
ပြည်သူ့လွတ်တော်ဥက္ကဋ္ဌလည်းဖြစ်၊ ရှေ့နေတယောက်လည်းဖြစ်တဲ့ ဦးသိန်းညွန့်ကတော့ ဖွဲ့စည်းပုံထဲ မှာ ဥက္ကဋ္ဌ ရာထူးကနေ မဖယ်ရလို့ အတိအကျ ပြောမထားတဲ့ အတွက် ဖွဲ့စည်းပုံကို ချိုးဖောက်တယ် လို့ ပြောလို့ မရနိုင်ဘူးလို့ ဆိုပါတယ်။
“ဖွဲ့စည်းပုံအခြေခံဥပဒေကို လေ့လာကြည့်ရင် သမ္မတဖြစ်နေတဲ့အချိန်မှာ ပါတီလုပ်ငန်း ဝင်မလုပ်ရ လို့သာ ရေးတာ။ ပါတီကနေ နုတ်ထွက် ရမယ်လို့ မရေးထားဘူး။ အဲဒီတော့ သူဥက္ကဋ္ဌ လုပ်မယ်ဆိုရင် သူ ဥက္ကဋ္ဌ လုပ်နိုင်တယ်။ သို့သော် ပါတီတွင်း လုပ်ငန်းတွေဖြစ်တဲ့ နေ့စဉ်လုပ်ငန်းတွေ သူဝင်လုပ်လို့ မရဘူး။ ရှင်းရှင်းပြောရရင် ဒီဖွဲ့စည်းပုံက မူလရေးသားစဉ် ကတည်းကိုက အခုလို အဓိပ္ပာယ်နှစ်ခွ ထွက်နိုင်တဲ့ အရေးအသားတွေ ပါလာသလို တစ်ချိန်တည်းမှာ လုပ်သာ ကိုင်သာအောင် ဆွဲထားတဲ့ သဘောတွေလည်း ရှိတယ်။ သမ္မတဖြစ်နေတဲ့အ ချိန်မှာ ပါတီလုပ်ငန်းတွေ ဝင်မလုပ်ရ-လို့ ဒါပဲ ရေး ထားတာ။ ပါတီဝင်အဖြစ်က နုတ်ထွက်ရမယ် ဆိုရင်တော့ ရှင်းတာပေါ့။ အဲဒါကြောင့် သူလုပ်နေတာ ကို ကျနော်တို့က အခြေခံဥပဒေနဲ့ ညိစွန်းတယ်လို့ ပြောရင်တော့ လက်ရှိ အခြေခံဥပဒေအရကို မှားနေတယ်။”
အခုလို လက်ရှိအာဏာရ လွှတ်တော်မှာ အမတ်နေရာ အများစုနေရာရထားတဲ့ ပါတီမှာ ဥက္ကဋ္ဌ၊ ဒုဥက္ကဋ္ဌ အပါအဝင် ပါတီ တာဝန်တွေကို ပြန် လည် ရွေးချယ် ဖွဲ့စည်းတာနဲ့ ပတ်သက်လို့ အမျိုးသား ဒီမိုကရေစီ အဖွဲ့ချုပ် NLD ပါတီရဲ့ သဘောထားကို ပြောခွင့်ရသူ ပြည်သူ့လွှတ်တော် ကိုယ်စားလှယ် ဦးအုန်းကြိုင်က ခုလို ပြောပါတယ်။
“ကြံ့ခိုင်ဖွံ့ဖြိုးရေးမှာ သူ့ခေါင်းဆောင်မှုအပိုင်းအစဉ်အတိုင်း ဖြစ်တာပဲလို့ ဒီလိုပဲ ပြောရမှာပါ။ ဥပမာ ဆိုပါတော့ - ဦးရွှေမန်း ဆိုရင် သူက ကြံ့ခိုင်ဖွံ့ဖြိုးရေး ထဲမှာရော အရင်တုန်းက တော်တော်လေး ဦးဆောင်မှုနေရာက လုပ်လာခဲ့တယ် ဆိုတော့ ဒါကတော့ သူ့ဦးဆောင်မှု အစဉ်အတိုင်းပဲ ဖြစ် သွားတာလို့ ပြောရမှာပါ။ အတွင်းရေးမှူးတို့ ဘာတို့ ဆိုတာလည်း ဒီလိုပါပဲ။ ဒါနဲ့ ပတ်သက်လို့တော့ သိပ် ထူးထူးခြားခြား သိပ် အပြောင်းအလဲ ရှိတယ်လို့ ကျနော် မပြောချင်ပါဘူး။ ဥပဒေနဲ့ မညီဘူး ဆိုရင်တော့ ဒါ ဘယ်လိုများဖြစ်မလဲ၊ ဒါကတော့ အများပြည်သူရဲ့အမြင်မှာ စိတ်ဝင်စား စရာ ဖြစ် လာနိုင်တာပေါ့။”
သမ္မတဦးသိန်းစိန်နဲ့ ပြည်သူ့လွှတ်တော်ဥက္ကဋ္ဌဦးရွှေမန်းတို့ကြားမှာ အာဏာအားပြိုင်မှုတွေ ရှိနေတဲ့ အတွက် ပါတီ ဥက္ကဋ္ဌရာထူးနေရာ ကနေ သမ္မတက ဖယ်မပေးတာဆိုတဲ့ ပြောဆိုမှုတွေ ရှိနေချိန်မှာ ခုလို ပါတီခေါင်းဆောင်ပိုင်း ရာထူးတွေကို ပြန်လည်ရွေးချယ် ခဲ့တာဖြစ်ပါတယ်။ ဒီကိစ္စနဲ့ ပတ်သက်လို့ ဒုဥက္ကဋ္ဌဦးဋ္ဌေးဦးကတော့ ဒီပြောဆိုမှုတွေ မဟုတ်ပါဘူးလို့ ငြင်းပါတယ်ရှင်။
Ref: VOA News
နိုင်ငံလုံးဆိုင်ရာ လယ်သမားသမဂ္ဂ ဖွဲ့နိုင်ရန် ကြိုးပမ်းမည်ဟု မစုစုနွေး ပြော
နေမျိုး
အင်္ဂါနေ့၊ အောက်တိုဘာလ ၁၆ ရက် ၂၀၁၂
နယူးဒေလီ (မဇ္ဈိမ) ။ ။ လယ်သမားများ၏ အခွင့်အရေးများ ကာကွယ်ပေးနိုင်မည့် နိုင်ငံလုံး ဆိုင်ရာ တောင်သူ လယ်သမား သမဂ္ဂကြီး ပေါ်ပေါက်ရေး အတွက် ဆောင်ရွက်လျက် ရှိကြောင်း မစုစုနွေး က ပြောသည်။
တောင်သူလယ်သမား သမဂ္ဂ အဖွဲ့ငယ်များအား ရပ်/ကျေး အဆင့်မှ စတင်ကာ ဖွဲ့စည်းနေကြောင်း မုံရွာမြို့သို့ ရောက်ရှိနေသည့် အမျိုးသား ဒီမိုကရေစီ အဖွဲ့ချုပ် လူငယ်အဖွဲ့ဝင် မစုစုနွေး က ပြောဆိုလိုက်ခြင်း ဖြစ်သည်။
“တောင်သူလယ်သမား သမဂ္ဂ (မုံရွာခရိုင်) ပေါ့။ ၃ဝ ရှိရင် အသင်းအဖွဲ့ ဖွဲ့ခွင့်ရှိတယ်လေ။ ကျမတို့မှာ ၃ဝ မကပါဘူး။ ရပ်/ကျေး အဆင့်သမဂ္ဂ အဖွဲ့တဖွဲ့တိုင်းမှာ အနည်းဆုံး အလုပ်အမှုဆောင် ၄ဝ-၅ဝ ရှိတယ်။ ဝင်ခွင့်လျှောက်လွှာမှာ မည်သူမဆို ဝင်ခွင့် ပေးထားတယ်။ အဓိက က မြန်မာတနိုင်ငံလုံးဆိုင်ရာ တောင်သူလယ်သမား သမဂ္ဂ အဖွဲ့ချုပ်ကြီး ပေါ်ပေါက်ဖို့ပဲ” ဟု မဇ္ဈိမကို သည်။
စစ်ကိုင်းတိုင်းအတွင်း ကျေးရွာအုပ်စုများ စုစည်း၍ တောင်သူလယ်သမား သမဂ္ဂ အဖွဲ့ငယ်ပေါင်း ၁ဝ ဖွဲ့ ဖွဲ့စည်းနိုင်ခဲ့ပြီ ဖြစ်ကြောင်း သိရသည်။
တိုင်းပြည်၏ အခြားနေရာများကဲ့သို့ စစ်ကိုင်းတိုင်းတွင်လည်း လယ်ယာမြေသိမ်းခံရမှုများ ဖြစ်ပွားနေကြောင်း သူက ဆက်ပြောသည်။
“ဓါးမဦးချ တောင်သူတွေက တောရိုင်းမြေတွေကို ခုတ်ထွင်တယ်ရှင်။ တောရိုင်းတွေ ကျသွားတော့ ထွန်ကြ ယက်ကြတယ်။ မြေတွေ ကောင်းလာတော့ ကုမ္ပဏီတွေက သူတို့ ပိုင်ဆိုင်တယ်ဆိုပြီး ပြောလာတယ်ရှင်။ တဧကကို သိန်း တရာကျော်လောက် ရှိတယ်။ တောင်သူတွေ သွားပြောတဲ့ အခါကျတော့ ဥပဒေနဲ့ ရှင်းတယ်ပေါ့။ ပုဒ်မတပ် တရားစွဲ ခံနေရတဲ့ တောင်သူတွေ တရားရုံးမှာ ရင်ဆိုင်နေရတာတွေ ရှိနေတယ်” ဟု မစုစုနွေး က ဆိုသည်။
မြန်မာ့စီးပွားရေး ဦးပိုင်လီမိတက်နှင့် တရုတ်ကုမ္ပဏီ ဝမ်ပေါင်တို့ ဖက်စပ် လုပ်ဆောင်သည့် ဆားလင်းကြီး မြို့နယ်ရှိ လက်ပံတောင်းတောင် ကြေးနီ စီမံကိန်းမှလည်း လယ်ယာဧကပေါင်း ၇,၈ဝဝ ကျော် သိမ်းယူထားသည်။
လယ်သမား သမဂ္ဂများ ဖွဲ့စည်းနိုင်ရေး အစိုးရအား တရားဝင်တင်ပြသွားမှာဖြစ်ပြီး တောင်သူ လယ်သမား အခွင့်အရေး ကာကွယ်သည့် သင်တန်းများ၊ တောင်သူများ သိသင့် သိထိုက်သည့် ဥပဒေများအား ကျွမ်းကျင် သူများနှင့် တိုင်ပင်ကာ ပို့ချသွားမည်ဟု ဆိုသည်။
“ဘဘ ဝိဓူရ သခင်ချစ်မောင်တို့ လုပ်ခဲ့တဲ့ အတိုင်းပဲ ကျမတို့လုပ်မယ်။ အရင် တောင်သူလယ်သမား သမဂ္ဂ အလံက အနီအောက်ခံမှာ ကြယ်ဖြူ တလုံးတည်း။ ဘဘတို့ ခေတ်တုန်းက တရားပွဲတွေ၊ ဟောပြောပွဲလုပ်ခဲ့တယ်။ တောင်သူ လယ်သမားတွေကို အကာ အကွယ်ပေးဖို့ တနိုင်ငံလုံးနဲ့ဆိုင်တဲ့ တောင်သူလယ်သမားအဖွဲ့ကြီး တဖွဲ့ ပေါ်ဖို့ ကြိုးစား ခဲ့ဖူးတယ်” ဟု မဇ္စျိမကို ပြောသည်။
၁၉၃၉ ခုနှစ်က မြန်မာနိုင်ငံတွင် ပထမဆုံး ပေါ်ပေါက်လာသည့် ဗမာနိုင်ငံလုံးဆိုင်ရာ တောင်သူလယ်သမား အစည်းအရုံး (ဗတလစ)ကို သခင်မြ ဥက္ကဋ္ဌ အဖြစ် ဆောင်ရွက်ပြီး သခင်အောင်ဆန်း၊ သခင်သန်းထွန်း စသည်တို့က အမှုဆောင်များအဖြစ် ပါဝင်ကာ လွတ်လပ်ရေးကြိုးပမ်းမှုတွင် ရှေ့တန်းမှ ညီညွတ်စွာ ပါဝင်ခဲ့ကြသည်။
တလညစ ကိုမူ လွတ်လပ်ရေးရပြီး ၁၉၅ဝ ခုတွင် အာဏာရ ဖဆပလ ၏ ဆိုရှယ်လစ် ပါတီတွင်းမှ သခင်ချစ်မောင်တို့ ဆိုရှယ်နီများ ခွဲထွက်ပြီးနောက် ဖွဲ့စည်းခဲ့ခြင်းဖြစ်ပြီး အတိုက်အခံ ပမညတ တွင် ပါဝင်ခဲ့သည်။
သို့သော် ၁၉၆၂ ခုနှစ် ဗိုလ်ချုပ်ကြီးနေဝင်း ဦးဆောင်၍ စစ်အာဏာသိမ်းပြီးနောက် ဗတလစ၊ တလညစ တို့အပါအဝင် သမဂ္ဂ အားလုံး တရားမဝင် ဖျက်သိမ်း ခံခဲ့ရသည်။
Ref: မဇ္ဈိမ
တရားသေလွှတ်ပေးရန် NLD ဦးဉာဏ်ဝင်း လျှောက်လဲချက် တရားရုံး ပယ်ချ
ဖနိဒါ
အင်္ဂါနေ့၊ အောက်တိုဘာလ ၁၆ ရက် ၂၀၁၂
ချင်းမိုင်(မဇ္စျိမ) ။ ။ အမျိုးသားဒီမိုကရေစီအဖွဲ့ချုပ် NLD ၏ ဗဟိုအောင်နိုင်ရေး အဖွဲ့ မန်နေဂျာ ဦးဉာဏ်ဝင်း ကို မမှန် သတင်းပေးမှုဖြင့် စွဲဆိုထားသည့် အမှုအား တရားသေလွှတ်ပေးရန် ဇမ္ဗူသီရီမြို့နယ် တရားလွှတ်ရုံး၌ အင်္ဂါနေ့ ရုံးချိန်းတွင် လျှောက်လဲ ခဲ့သော်လည်း ပယ်ချလိုက်ကြောင်း ဦးဉာဏ်ဝင်း က ပြောသည်။
ဧပြီလ ၁ ရက်နေ့က ကျင်းပခဲ့သော ကြားဖြတ် ရွေးကောက်ပွဲတွင် ဆန္ဒမဲလက်မှတ် တချို့ပေါ်တွင် ဖယောင်း သုတ်ထား သည်ဟု ဦးဉာဏ်ဝင်း က ရွေးကောက်ပွဲ ကော်မရှင်ထံ သတင်းပို့ တိုင်ကြားခဲ့မှုကို မမှန်မကန် သတင်းပေးမှု ပုဒ်မ ၁၈၂ ဖြင့် ပြည်ထောင်စု ရွေးကောက်ပွဲ ကော်မရှင်က တရားစွဲဆို ခဲ့မှုအား တရားသေ လွှတ်ပေးရန် လျှောက်လဲချက် အား တရားသူကြီး ဦးမြသိန်း က ပယ်ချခဲ့ခြင်း ဖြစ်သည်။
“ဒါက ဥပဒေအရ တရားစွဲနိုင်တာက မမှန်သတင်းပေးခံရတဲ့လူ၊ ဒါမှမဟုတ် သူ့ထက် ရာထူးအဆင့် အနိမ့် အမြင့်ပဲ စွဲရမှာ။ အခုဟာက ပြည်ထောင်စု ရွေးကောက်ပွဲကော်မရှင်ရဲ့ ရုံးအဖွဲ့က ညွန်ကြားရေးမှူးက စွဲတာ ဥပဒေပြဋ္ဌာန်းချက် အရ ဒီလိုစွဲခွင့် မရှိဘူး။ ရုံးက တနာရီလောက်ပဲ စဉ်းစားပြီးတော့ ဒါက ပြည်ထောင်စု ကော်မရှင် ဆုံးဖြတ်ချက်အရ စွဲတာမို့လို့ နည်းဥပဒေနဲ့ ညီပါတယ်လို့ ကျနော်တို့ လျှောက်လွှာကို ပယ်ပါတယ်” ဟု ဦးဉာဏ်ဝင်း က ပြောသည်။
ပြစ်မှုဆိုင်ရာ ကျင့်ထုံးဥပဒေအရ ပြည်ထောင်စု ရွေးကောက်ပွဲကော်မရှင်က တရားစွဲဆိုပိုင်ခွင့် မရှိဘဲ တိုင်ကြားခံရ သည့် ပုဂ္ဂိုလ်သော်လည်းကောင်း၊ ၎င်းထက် အဆင့် မြင့်သည့် ပြည်သူ့ဝန်ထမ်းသော်လည်းကောင်း တင်ပြမှသာလျှင် တရား စွဲဆိုပိုင်ခွင့် ရှိသည်ဟု ပြဋ္ဌာန်းချက်အရ လျှောက်လဲခဲ့ခြင်း ဖြစ်သည်ဟု ဦးဉာဏ်ဝင်း က ပြောသည်။
မဲပြားအချို့တွင် ဖယောင်းသုတ်သည်ဟု ဦးဉာဏ်ဝင်း က သတင်းပေးပို့သည်မှာ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌထံ ဖြစ်သည်ဟု သူက ပြောသည်။
ယခု တရားလိုအဖြစ် တရားစွဲဆိုသူမှာ ကော်မရှင် ရုံးအဖွဲ့မှ ညွန်ကြားရေးမှူး ဦးသောင်းလှိုင် ဖြစ်၍ ၎င်းက တရားစွဲဆို ပိုင်ခွင့် မရှိကြောင်း လျှောက်လဲချက်အား ပယ်ချခဲ့၍ တရားသူကြီး၏ ဆုံးဖြတ်ချက်သည် ဥပဒေနှင့် မညီညွတ်ကြောင်း ရှုမြင်သည်ဟု ဦးဉာဏ်ဝင်း က ဆိုသည်။
နံနက် ၁ဝ နာရီမှာ မွန်လွဲ ၂ နာရီထိ မကွေးတိုင်း ကော်မရှင်အဖွဲ့ဝင် တဦးအား စစ်ဆေးမေးမြန်းခဲ့ပြီး နိုဝင်ဘာလ ၁ ရက်နေ့ ရုံးချိန်း အတွက် တရားလိုပြ သက်သေ တဦးသာ စစ်ဆေးရန် လိုတော့သည်ဟု သိရသည်။
၎င်းအမှုနှင့်ပတ်သက်၍ တရားရုံးမှ စစ်ဆေးနေဆဲ ဆုံးဖြတ်ချက် မချမှတ်မီ ပြစ်မှု ကျူးလွန်သည်ဟု ရေးသားခဲ့သည့် ဟူသော စွပ်စွဲချက်ဖြင့် အပတ်စဉ်ထုတ် ‘ပြည်မြန်မာ’နှင့် ‘Messenger’ ဂျာနယ်တို့အား ဦးဉာဏ်ဝင်း က တရားစွဲဆို ထားသည်။
တရားရုံးအား မထီမဲ့မြင်ပြုမှု ပုဒ်မ ၃ ငြိမ်စွန်းနေသည်ဟူ၍ အောက်တိုဘာလ ၂ ရက်နေ့က တရားစွဲဆိုမှုအား အောက်တိုဘာလ ၂၉ ရက်နေ့တွင် တရားလွှတ်တော်ရုံး၌ တရားလိုဘက်မှ လျှောက်လဲချက်ပေးမည် ဖြစ်ကြောင်း ဦးဉာဏ်ဝင်း က ပြောသည်။
“တရားစွဲထားတာက ပထမအဆင့် ကြားနာမယ်။ ကျနော်တို့ တဖက်တည်းပဲ ကြားနာမယ်။ ပထမအဆင့် ပြီးလို့ လက်ခံ လိုက်ပြီဆိုရင် နှစ်ဖက်ကြားနာတာ။ ကျနော်တို့ဘက်က တရားရုံးကို ဦးတိုက်လျှောက်ထားတယ်လို့ လျှောက်လဲချက် ပေးရမှာ” ဟု မဇ္ဈိမကို ပြောဆိုသွားသည်။
Ref: မဇ္ဈိမ
ပုံစံ ၁၇ နှင့် ၁၉ ပယ်ဖျက်တော့မည်
သာလွန်ဇောင်းထက်
October 16, 2012
မြန်မာနိုင်ငံကူးလက်မှတ် လျှောက်ထားသူတိုင်း မဖြစ်မနေ ပြုလုပ်ရသည့် အခွန် ကင်းရှင်းကြောင်း ထောက်ခံချက် ပုံစံ ၁၇ နှင့် ပုံစံ ၁၉ တင်ပြ ရခြင်းအဆင့်ကို မကြာမီ ပယ်ဖျက်ဖြေလျှော့ ပေးတော့မည်ဖြစ်ကြောင်း ဘဏ္ဍာရေးနှင့် အခွန်ဝန်ကြီး ဌာန ဒုတိယ ၀န်ကြီး ဒေါက်တာ မောင်မောင်သိမ်းက ဧရာဝတီသို့ ပြောသည်။
နိုင်ငံရပ်ခြား သွားမည့်သူများ နိုင်ငံကူးလက်မှတ် လျှောက်ထားရာတွင် အခွန်ကင်းရှင်းကြောင်း ထောက်ခံစာ ပုံစံ ၁၇ နှင့် ပုံစံ ၁၉ ကို ရယူ တင်ပြရကြောင်း၊ ယင်းသို့ အခွန်ကင်းရှင်းကြောင်း ထောက်ခံစာ ပြုလုပ်ရာတွင် ပြည်သူအများစု အခက်အခဲများ ကြုံတွေ့နေရ သည်ကို ကြားသိနေရကြောင်း၊ အခွန်ကင်းရှင်းကြောင်း ထောက်ခံစာ တင်ပြခိုင်းခြင်းကြောင့် နိုင်ငံတော် အခွန်ဝင်ငွေ တိုးပွား လာခြင်းလည်း မရှိကြောင်း၊ ဥပဒေအရ နိုင်ငံသားအခွန် ကင်းရှင်းကြောင်း ထောက်ခံစာများ တင်ပြရမည် ဖြစ်သော်လည်း ဥပဒေတွင်ပင် ကင်းလွတ်ခွင့် ပေးခွင့်လည်း ရှိကြောင်း၊ ထို့ကြောင့် ပြည်သူများ နိုင်ငံကူးလက်မှတ် လျှောက်ထားရာတွင် အဆင်ပြေ ချောမွေ့စေရန် အတွက် ပုံစံ ၁၇ နှင့် ပုံစံ ၁၉ တင်ပြရသည့် စနစ်ကို ပယ်ဖျက်သွားရန် ရှိကြောင်း ဒေါက်တာ မောင်မောင်သိမ်းက ရှင်းပြသည်။
“ပုံစံ ၁၇ ဆိုတာက မိမိနေထိုင်တဲ့ မြို့နယ်မှာ အခွန်ကင်းရှင်းကြောင်း ထောက်ခံချက်၊ ပုံစံ ၁၉ ဆိုတာက ပြည်ပ ထွက်ခွာမယ့် သူတွေ အခွန် ကင်းရှင်းကြောင်း စိစစ်ထောက်ခံပေးတာ။ ပုံစံ ၁၇ နဲ့ ပုံစံ ၁၉ မပါရင် နိုင်ငံကူး လက်မှတ် ထုတ်လို့မရဘူး။ ပုံစံ ၁၇ နဲ့ ပုံစံ ၁၉ စနစ်ကြောင့် နိုင်ငံတော်မှာ အခွန် တိုးရတာ သွားတာမျိုးလည်း မရှိဘူး။ ဥပဒေထဲမှာလည်း ကင်းလွတ်ခွင့် ပေးလို့ရတယ် ဆိုတာပါတယ်။ အဲဒီတော့ သာမန်ပြည်သူတွေ အဆင်ပြေစေဖို့ ပုံစံ ၁၇ နဲ့ ၁၉ တင်ပြရတာကို ဖြေလျှော့ပေးဖို့ လုပ်နေပြီ” ဟု ဒေါက်တာ မောင်မောင်သိမ်းက ပြောသည်။
အခွန်ကင်းရှင်းကြောင်း ပုံစံ ၁၇ နှင့် ပုံစံ ၁၉ ကို ပြည်တွင်းအခွန်များ ဦးစီးဌာနက ထုတ်ပေးနေခြင်း ဖြစ်သည်။
မလေးရှားနိုင်ငံသို့ သွားရောက် အလုပ်လုပ်ရန် ပြင်ဆင်နေသည့် မရမ်းကုန်းမြို့နယ်မှ လူငယ်တဦးက ပုံစံ ၁၇ ရရန် အလွန်ခက်ခဲပြီး ပြည်တွင်းအခွန်များ ဦးစီးဌာနရုံးသို့ အကြိမ်ကြိမ် သွားရောက်ရကြောင်း ပြောဆိုသည်။
“ကျနော်က မအူပင်ဇာတိ၊ မအူပင်ကနေ သန်းခေါင်စာရင်းကို မရမ်းကုန်းမြို့နယ်မှာ ပြောင်းပြီး လုပ်ထားတော့ အခွန် ကင်းရှင်းကြောင်း ထောက်ခံစာကို မရမ်းကုန်းမြို့နယ် အခွန်ရုံးမှာ သွားလုပ်တယ်။ ကျနော်က ဘာလုပ်ငန်းမှ မပိုင်ဆိုင်တာကိုလည်း၊ အခွန်ပေးစရာ မရှိတာကို ထောက်ခံစာတွေအစုံနဲ့ တင်ပြတယ်။ သန်းခေါင်စာရင်းက အသစ်ဖြစ်နေလို့ နောက် ၆ လကြာမှ အခွန်ကင်းရှင်းကြောင်း ထောက်ခံစာ ပုံစံ ၁၇ ပေးမယ်။ အခု မလေးရှားသွား အလုပ်လုပ်မယ့် အစီအစဉ် ပျက်ကုန်ပါတယ်” ဟု အဆိုပါလူငယ်က ဧရာဝတီသို့ ပြောသည်။
ပြည်ပနိုင်ငံများတွင် သွားရောက် အလုပ်လုပ်ရန် ပြင်ဆင်နေကြသည့် လူငယ်အများစုက အခွန်ကင်းရှင်းကြောင်း ထောက်ခံစာ ပုံစံ ၁၇ နှင့် ပုံစံ ၁၉ ပြုလုပ်ရာတွင် အခက်အခဲများ ရှိကြောင်း ပြောဆိုကြသည်။
“အခွန်ရုံးကိုသွားရ၊ အခွန် ဦးစီးမှူး အစည်းအဝေး တက်နေလို့ပါဆိုတော့ နာရီပေါင်းများစွာ ထိုင်စောင့်ရနဲ့ တနေ့လည်းမပြတ်၊ နှစ်ရက်သုံးရက် အချိန်ကုန်တယ်။ နယ်မှာ သန်းခေါင်စာရင်း ၀င်ထားတဲ့သူတွေဆိုရင် နယ်နဲ့ ရန်ကုန်ကို သွားလိုက်၊ ပြန်လိုက် အခေါက်ခေါက်အခါခါ သွားရတယ်။ ခရီးစရိတ်နဲ့ အတော်ကို မစားသာပါဘူး” ဟု စစ်ကိုင်းမြို့မှ လူငယ်တဦးက
ဆိုသည်။
ဒေါက်တာ မောင်မောင်သိမ်းက ဘဏ္ဍာရေးနှင့် အခွန်ဝန်ကြီးဌာန အနေဖြင့် ပုံစံ ၁၇ နှင့် ပုံစံ ၁၉ ကြောင့် ပြည်သူများ အခက်အခဲ ကြုံတွေ့နေရသည်ကို သိရှိခြင်းကြောင့် ယင်းသို့ ဖြေလျှော့မှုများ ပြုလုပ်ရန် စီစဉ်ခြင်း ဖြစ်ကြောင်း ဧရာဝတီသို့ ရှင်းပြသည်။
ထို့အပြင် ပြည်သူများအကြား အခွန်နှင့်ပတ်သက်၍ မရှင်းလင်းမှုများ၊ မပြေလည်မှုများရှိပါက မေးမြန်းစေနိုင်ရန်၊ ကြုံတွေ့နေရသော အခက်အခဲများကို တင်ပြနိုင်ရန်အတွက် အများပြည်သူ ဆက်ဆံရေး ရုံးတရုံးကို ရန်ကုန်မြို့တွင်
ယခုလ နှောင်းပိုင်းအတွင်း ဖွင့်လှစ်သွားမည်ဖြစ်ကြောင်း ရှင်းပြသည်။
“ပြည်တွင်းအခွန်နဲ့ ပတ်သက်လို့ မရှင်းလင်းတာ၊ မေးချင်တာ၊ မြန်းချင်တာ၊ နောက်ပြီး အခက်အခဲတွေရှိရင် ဘယ်လို လုပ်ရမလဲဆိုတာ မေးနိုင်မြန်းနိုင်အောင် ဆက်ဆံရေး ရုံးတရုံးဖွင့်ဖို့ လုပ်နေတယ်။ လာမယ့်နှစ်ပတ်အတွင်း ရန်ကုန်မှာဖွင့်ဖို့ရှိတယ်” ဟု ဒေါက်တာ မောင်မောင်သိမ်းက ပြောသည်။
ယင်းဆက်ဆံရေးရုံးတွင် ငွေရေးကြေးရေး၊ ဘဏ်များဆိုင်ရာသတင်းများနှင့် ပတ်သက်၍လည်း စုံစမ်းမေးမြန်းနိုင်မည် ဖြစ်ကြောင်း သိရသည်။
Ref: ဧရာဝတီ
အ.က.သ ခေါင်းဆောင် ကိုသက်ဝင်းအောင် ကွယ်လွန်ခြင်း ၆ နှစ်မြောက် အခမ်းအနား ကျင်းပ
2012-10-16
၈ လေးလုံး အရေးတော်ပုံကာလ အတွင်းက အခြေခံပညာကျောင်းသားများ သမဂ္ဂ (အ.က.သ) ခေါင်းဆောင် တစ်ဦးဖြစ်တဲ့ ကိုသက်ဝင်းအောင် ကွယ်လွန်ခြင်း ၆ နှစ်မြောက် အခမ်းအနားကို ရန်ကုန်မြို့ ဗဟန်းမြို့နယ်က တော်ဝင်နှင်းဆီ ခန်းမမှာ ဒီကနေ့ နေ့လည်က ကျင်းပပြုလုပ်ခဲ့ပါတယ်။
တက္ကသိုလ်ကျောင်းသား ခေါင်းဆောင်တွေ ဖမ်းဆီးခံရချိန်မှာ ၈ လေးလုံး အရေးတော်ပုံ ကြီးကို အရှိန်အဟုန် မပျက်အောင် သယ်ဆောင် လာခဲ့တဲ့ အ.က.သ ကျောင်းသား ခေါင်းဆောင်တွေကို မှတ်မှတ်ရရ အသိအမှတ်ပြုကြောင်း ၈၈ မျိုးဆက်ကျောင်းသား ခေါင်းဆောင် ကိုမင်းကိုနိုင်က ဒီကနေ့ အခမ်းအနားမှာ ပြောကြားခဲ့ပါတယ်။
မြန်မာနိုင်ငံဟာ လွန်ခဲ့တဲ့ နှစ် ၂၀ ကျော်က အမှောင်ခေတ်ကို ရောက်ခဲ့တဲ့ အတွက်ကြောင့် သူ့ရဲ့သား အသက်ပေးခဲ့ရတာ ဖြစ်တယ်လို့ ကိုသက်ဝင်းအောင်ရဲ့ အဖေ ဦးဝင်းမောင်ကလည်း RFA ကို ပြောပါတယ်။
၂၀၀၆ ခုနှစ် အောက်တိုဘာလ ၁၆ ရက်နေ့က မန္တလေးအိုးဘို အကျဉ်းထောင်မှာ ကွယ်လွန် သွားတဲ့ အ.က.သ ခေါင်းဆောင် ကိုသက်ဝင်းအောင် ရဲ့ ကွယ်လွန်ခြင်း ၆ နှစ်ပြည့် အခမ်းအနားကို ကိုသက်ဝင်းအောင်ရဲ့ မိဘတွေ ဖြစ်ကြတဲ့ ဦးဝင်းမောင်နဲ့ ဒေါ်မြမြအေး၊ ၈၈ မျိုးဆက်ကျောင်းသား ခေါင်းဆောင်တွေ၊ အ.က.သ ကျောင်းသား ခေါင်းဆောင်ဟောင်းတွေ၊ နိုင်ငံရေး အကျဉ်းသားဟောင်းတွေ အပါအ၀င် လူဦးရေ ၁၀၀၀ ကျော် တက်ရောက် ခဲ့ကြပါတယ်။
Ref: RFA News
ဖားကန့်မြို့နယ်လမ်းမပေါ် ရဲနဲ့ စစ်သားများ ရမ်းကား
2012-10-16
ကချင်ပြည်နယ် ဖားကန့် ကျောက်စိမ်းတွင်းဒေသ လုံးခင်းကျေးရွာအုပ်စုမှာ မနေ့က အောက်တိုဘာလ ၁၅ ရက် ညနေ ၅နာရီခွဲ အချိန်မှာ အဲဒီရပ်ကွက်မှာ ရှိတဲ့ မလန်း ဘုန်းကြီးကျောင်း သွားတဲ့လမ်းပေါ်မှာ ရဲနဲ့ စစ်သား ၈ ယောက်လောက်က လမ်းသွား လမ်းလာတွေကို စစ်ဆေးနေပြီး ရိုက်နှက် တာတွေလည်း ရှိခဲ့တယ်လို့ သိရှိရပါတယ်။
အရက်သောက်ထားတဲ့ ရဲ နဲ့စစ်သားတွေက မလန်းဘုန်းကြီးကျောင်းကနေ ဥပုသ်စောင့် ပြန်လာတဲ့ အမျိုးသမီး အချို့ကိုလည်း စစ်ဆေးမေးမြန်း တယ်လို့ ဆိုပါတယ်။ အမျိုးသားတွေကို ခေါင်းပေါ်လက်တင်ခိုင်း၊ မြေပြင်ပေါ်မှောက်ခိုင်းပြီး ရိုက်နှက်ရာမှာ အနည်းဆုံး လူ ၁၀ ယောက်လောက် အရိုက်နှက်ခံရတယ်လို့ မျက်မြင်တွေ့သူ ဒေသခံ တစ်ဦးက RFA ကို ပြောပါတယ်။
လွန်ခဲ့တဲ့ အောက်တိုဘာလ ၁၃ ရက်နေ့ ည ၁၀ နာရီအချိန်ကလည်း အဲဒီ ငြိမ်းချမ်းသာယာ ရပ်ကွက်မှာပဲ ရဲနဲ့ စစ်သား အယောက် ၃၀ နီးပါးက ဒေသခံပြည်သူ အယောက် ၆၀ လောက်ကို မြေပြင်ပေါ် မှောက်ခိုင်းပြီး အဲဒီအထဲက ၁၀ ယောက်လောက်ကို ရိုက်နှက် ခဲ့တယ်လို့ သိရပါတယ်။
Ref: RFA News
၂၀၁၄ မှာ မွန် နှစ်ပါတီ အမည်သစ်ဖြင့် ပေါင်းရန် သဘောတူ
ဟင်္သာနီ (မွန်မြေ)
အင်္ဂါနေ့၊ အောက်တိုဘာလ ၁၆ ရက် ၂၀၁၂
စံခလပူရီ (မဇ္ဈိမ) ။ ။ တရားဝင် မွန်နိုင်ငံရေးပါတီ နှစ်ခု ဖြစ်သည့် မွန်ဒေလုံးဆိုင်ရာ ဒီမိုကရေစီ ပါတီ (AMRDP) နှင့် မွန် ဒီမိုကရေစီပါတီ (MDP) တို့သည် ၂ဝ၁၄ နှစ်ကုန်၌ အမည်သစ် တခုဖြင့် ပေါင်းစည်းကြရန် နှစ်ဖက် ပါတီခေါင်းဆောင်များက သဘော တူညီလိုက်ကြသည်။
လတ်တလော၌ လုပ်ငန်းတူများကို Join Action (ပူးတွဲဆောင်ရွက်မှု) အနေဖြင့် ပေါင်းစည်း လုပ်ဆောင် သွားကြမည် ဖြစ်ကြောင်း အောက်တိုဘာလ ၁၃ ရက်နေ့က ပူးတွဲ သဘောထား ထုတ်ပြန် လိုက်ကြသည်။
စက်တင်ဘာလ ၁၃ ရက်နေ့၌ မုဒုံမြို့၊ အောင်စေတီ ကျောင်းတိုက်၌ ပြုလုပ်ခဲ့သည့် ၆ ကြိမ်မြောက် မွန်လူမျိုးရေးရာ ညှိနှိုင်းဆွေးနွေး ပွဲ၌ ပေါင်းစည်းရေးကို နှစ်ဖက် ခေါင်းဆောင်းများ ထပ်မံသဘောတူ လက်မှတ်ရေးထိုးခဲ့ကြပြီး ၂ဝ၁၄ ခုနှစ်၊ ဒီဇင်ဘာလ နောက်ဆုံး ထားကာ တပါတီတည်းအဖြစ် ပေါင်းစည်းရေးအတွက် ညှိနှိုင်းမှုများ ဆက်တိုက် ပြုလုပ် နိုင်ရေး အတွက်လည်း လစဉ် ဆက်လက်တွေ့ဆုံ သွားကြမည်ဟု ဆိုသည်။
“ကျနော်တို့ ပါတီဘက်က ပေါင်းစည်းဖို့အရေးမှာ သဘောထား တင်းမာနေတယ်လို့ ပြောဆိုသံတွေ ရှိနေပါတယ်။ အမှန်က ကျနော်တို့ ပါတီတွင်းမှာလည်း ဒီပြဿနာ ရှိနေပါတယ်။ အခုလို ပေါင်းဖို့ ဆုံးဖြတ်လိုက်ပြီ ဆိုပေမယ့်လို့ လက်တွေ့မှာ ပေါင်းချင်တဲ့ လူနဲ့ မပေါင်းချင်တဲ့လူနဲ့ သဘောထား နှစ်ခွ ကြုံကောင်း ကြုံနိုင်မှာပါ။ ဒါပေမယ့် ကျနော် တို့ ယုံကြည်တာက အမျိုးသား အကျိုး စီးပွားအတွက် ပေါင်းစည်းသင့်ပါတယ်။ ပေါင်းစည်းဖို့ လမ်းကြောင်းပေါ် လျှောက်ကြရင်းနဲ့ပဲ မပေါင်းတဲ့လူတွေက နောက်မှာ ကျန်ခဲ့ကြမှာပါ” ဟု AMRDP ဥက္ကဋ္ဌ နိုင်ငွေသိန်း က မဇ္ဈိမကို ပြောသည်။
နှစ်ပါတီ စလုံးမှ အချိုးအစားတူ ကိုယ်စားလှယ်များဖြင့် ပေါင်းစည်းရန်၊ ၎င်းကိုယ်စားလှယ် အချိုးအစားများမှ ဥက္ကဋ္ဌ နှင့် ဗဟို အလုပ်မှုဆောင် ကော်မီတီကိုလည်း ပြန်လည် ရွေးချယ်ရန်နှင့် နှစ်ဖက်လုံးမှ လက်ခံနိုင်သည့် ပါတီ နာမည်သစ်တခု ပေးကာ နိုင်ငံရေး ပါတီ အဖြစ် ပြန်လည် မှတ်ပုံတင်ရန် မူ ၃ ချက် မှတ်ထားသည်။
MDP မှ ဒု-ဥက္ကဋ္ဌ (၂) နိုင်တင်အောင် ဦးဆောင်ပြီး ဒေါက်တာ မင်းစိုးလင်း၊ ဒေါက်တာ မင်းကြည်ဝင်းနှင့် နိုင်စိုးမြင့် တို့ကို ပူးတွဲကော်မတီ အတွက် ကိုယ်စားလှယ်အဖြစ် ပေးပို့ရန်ရှိပြီး AMRDP မှမူ ကိုယ်စားလှယ် ပေးပို့နိုင်ခြင်း မရှိသေးပေ။
“မွန်ပြည်သူတွေက ပေါင်းစေချင်တယ်ဆိုတဲ့ အနေအထားကတော့ ရှင်းပါတယ်။ ၂ဝ၁၅ ရွေးကောက်ပွဲမှာ မွန်မဲတွေ တခြား ပါတီတွေ ဆီကို မရောက်စေချင်တော့လို့ပါ။ အဲတော့ ရှိနေတဲ့ မွန် နှစ်ပါတီကို တပါတီတည်း ပေါင်းပြီး မဲတွေ ကို တပါတီထဲဆီကို ရောက်အောင် ဆန္ဒတွေ ရှိပါတယ်။ ပေါင်းတယ် ဆိုပေမယ့်လည်း အခု ပထမအဆင့် Join Action နဲ့ စပြီး လုပ်ဆောင်သွားမယ်။ နောက်မှ လိုအပ်သလို ဆက်လက်ညှိနှိုင်း လုပ်ဆောင်သွားကြမယ်” ဟု အောင်စေတီကျောင်းတိုက် ဆွေးနွေးပွဲသို့ တက်ရောက်ခဲ့သူ MDP ဗဟို အလုပ် အမှုဆောင် အဖွဲ့ဝင် နိုင်စိုးမြင့် က မဇ္ဈိမကို ပြောသည်။
MDP ၏ ယခင်အမည်ဖြစ်သည့် မွန်အမျိုးသား ဒီမိုကရေစီ အဖွဲ့ချုပ် MNDF ကို ၁၉၈၈ ခုနှစ်တွင် စတင်ဖွဲ့စည်းခဲ့ပြီး ၁၉၉ဝ ရွေးကောက်ပွဲတွင် ၅ နေရာ အနိုင် ရခဲ့သည်။ ထိုစဉ်က စစ်အစိုးရမှ ရွေးကောက်ပွဲ ရလဒ်ကို အသိအမှတ်
ပြုရန် ငြင်းပယ် ခဲ့ပြီးနောက် ၁၉၉၁ ခုနှစ်တွင် ပါတီခေါင်းဆောင်များ ဖမ်းဆီးခံရကာ မွန်ပြည်နယ်နေ့ ဖြစ်သည့် ၁၉၉၂ မတ်လ ၁၉ ရက်နေ့တွင် ပါတီ ဖျက်သိမ်း ခံခဲ့ရသည်။
AMRDP ကိုမူ ၂ဝ၁ဝ ရွေးကောက်ပွဲ မတိုင်မီ ဖွဲ့စည်းခဲ့ပြီး ရွေးကောက်ပွဲအတွင် ပြည်သူ့လွှတ်တော် ၃ နေရာ၊ အမျိုးသား လွှတ်တော် ၄ နေရာနှင့် ပြည်နယ်လွှတ်တော် ၉ နေရာဖြင့် စုစုပေါင်း ၁၆ နေရာ အနိုင်ရရှိထားသည်။
Ref: မဇ္ဈိမ
Tuesday, October 16, 2012
မြန်မာနဲ့ စစ်ရေးတိုးမြှင့်ဆက်ဆံဖို့ အမေရိကန်စဉ်းစား
ဒေါ်ခင်မျိုးသက်
15.10.2012
ပြုပြင်ပြောင်းလဲရေးတွေ ဆက်ပြီးတော့ လုပ်ဆောင်နေတဲ့ မြန်မာနိုင်ငံကို အမေရိကန်အစိုးရက စစ်ဖက် ဆက်ဆံရေးပါ တိုးမြှင့်ဖို့ အတွက် စဉ်းစားနေတယ်လို့ အမေရိကန် ဒုတိယနိုင်ငံခြားရေး ဝန်ကြီး ဝီလျံဘန်းစ် William Burnsက အောက်တိုဘာလ ၁၅ရက်နေ့ ဂျပန်နိုင်ငံ တိုကျိုမြို့မှာ ပြုလုပ်တဲ့ သတင်းစာ ရှင်းလင်းပွဲမှာ ပြောကြားခဲ့ပါတယ်။ အကြောင်းစုံကို ဒေါ်ခင်မျိုးသက်က တင်ပြပေးထား ပါတယ်။
မြန်မာနိုင်ငံအပါအဝင် အာရှဒေသ ငါးနိုင်ငံ ခရီးထွက်လာတဲ့ အမေရိကန်ဒုတိယနိုင်ငံခြားရေးဝန်ကြီး ဝီလျံဘန်းစ်နဲ့ အဖွဲ့ဟာ တနင်္လာနေ့မှာ ဂျပန်နိုင်ငံ တိုကျိုမြို့မှာရောက်နေတုန်း သတင်းထောက်တွေက အမေရိကန်-မြန်မာ ဆက်ဆံရေးနဲ့ ပတ်သက်ပြီး မေးမြန်း ခဲ့ရာမှာ စစ်ဖက်ဆက်ဆံရေး အတွက်ပါ တိုးမြှင့်ဖို့ စဉ်းစားနေတယ်လို့ ပြောကြား ခဲ့ပါတယ်။
မြန်မာနိုင်ငံမှာ ပြုပြင်ပြောင်းလဲမှုတွေ အခုထိဆက်ပြီးတော့ လုပ်ဆောင်နေတာကို အမေရိကန်နိုင်ငံဘက်က ကူညီ ပံ့ပိုးပေးနိုင်မယ့် နည်းလမ်းတွေကို ကျယ်ကျယ်ပြန့်ပြန့်စဉ်းစားနေကြောင်းနဲ့ ဒီထဲမှာ စစ်တပ်ခြင်း ဆက်ဆံမှု ပါတာမို့ စစ်ရေး ဆက်ဆံမှု အပိုင်းတွေပါ လုပ်ဖို့ စဉ်းစားနေတာလို့ ဆိုပါတယ်။
မြန်မာနိုင်ငံမှာ စစ်တပ်က အရပ်သားအစိုးရကို ဆက်ပြီး ပံ့ပိုးပေးနေတာနဲ့ တိုင်းရင်းသားဒေသတွေမှာ အပစ်အခတ် ရပ်စဲမှုတွေ ဖြစ်လာပြီဆိုရင် အမေရိကန်ပြည်ထောင်စုက မြန်မာ စစ်တပ်နဲ့ ပူးတွဲ စစ်ရေးလေ့ကျင့်တာတွေ လုပ်ပြီး အမေရိကန်နိုင်ငံရဲ့ နိုင်ငံတကာ စစ်ပညာ သင်တန်းတွေမှာ မြန်မာစစ်ဘက်က တက်ရောက် သင်ကြားခွင့်တွေပေးဖို့ အထိ စဉ်းစားသလား ဆိုတဲ့ အမေးကို ဖြေကြားခဲ့တာပါ။
ဒ့ါအပြင် မြန်မာနိုင်ငံမှာ လုပ်ဆောင်နေတဲ့ ပြုပြင်ပြောင်းလဲမှုတွေအလိုက် တူညီတဲ့တုန့်ပြန်မှုတွေ လုပ်နေရာမှာ မြန်မာနိုင်ငံရဲ့ ပို့ကုန်တင်သွင်းမှုကန့်သတ်ချက်တွေ ရုပ်သိမ်းဖို့ စတင်လုပ်ဆောင်နေပြီဖြစ်သလို နိုင်ငံတကာ ငွေကြေးအဖွဲ့အစည်းတွေ မြန်မာနိုင်ငံမှာ ဝင်ရောက်ဆောင်ရွက်ဖို့ ခွင့်ပြုတာနဲ့ အမေရိကန်ရဲ့ မြန်မာအပေါ် စီးပွားရေးပိတ်ဆို့ ဒဏ်ခတ်ထားမှုအတွက် သိသိသာသာဖြေလျှော့ပေးခဲ့တယ်လို့လည်း ပြောပါတယ်။
ဒါပေမယ့် တိုင်းရင်းသားဒေသတချို့မှာ တိုက်ပွဲတွေ အခုထိ ရှိနေသေးတာမို့ ဒါတွေရပ်စဲအောင်လုပ်ဖို့နဲ့ တိုင်းရင်းသားလူနည်းစုတွေရဲ့ အခွင့်အရေးကို လေးစားဖို့ အရေးကြီးကြောင်းပြောကြားခဲ့သလို ကျန်နေသေးတဲ့ နိုင်ငံရေးအကျဉ်းသားတွေ
ပြန်ပြီးလွှတ်ပေးတာမျိုး ပြုပြင်ပြောင်းလဲဖို့ လိုနေတာတွေအတွက် ဆက်လက် လုပ်ဆောင်သွားဖို့လည်း တိုက်တွန်းခဲ့ပါတယ်။
သမ္မတဦးသိန်းစိန် အမေရိကန်ပြည်ထောင်စုကို မလာခင်မှာ နိုင်ငံရေးအကျဉ်းသားတချို့ကို ထပ်ပြီးလွှတ်ပေးခဲ့တာကို တွေ့ရတဲ့အတွက် ဒါကို အားပေးပေမယ့် ထောင်ထဲမှာ ကျန်နေသေးတဲ့ နိုင်ငံရေးအကျဉ်းသားအားလုံးကို ပြန်ပြီးလွှတ်ပေးဖို့ လိုအပ်ပါတယ်လို့ လည်း ပြောကြားခဲ့ပါတယ်။
အမေရိကန်ဒုတိယနိုင်ငံခြားရေးဝန်ကြီးနဲ့အတူ အမေရိကန်အရပ်ဖက်နဲ့စစ်ဖက်အရာရှိ သုံးဆယ်ကျော် လိုက်ပါလာပြီး ဒီအထဲမှာ အရှေ့အာရှနဲ့ပစိဖိတ်ဒေသ အမေရိကန်စစ်ဌာနချုပ်ရဲ့ ကြည်းတပ်တပ်မှူးကြီး ဒုတိယဗိုလ်ချုပ်ကြီး Lt Gen Francis Wiercinski လည်း ပါဝင်ပါတယ်။
သူတို့အဖွဲ့ဟာ ဂျပန်ကနေ တောင်ကိုရီးယားနဲ့ တရုတ်နိုင်ငံကို သွားရောက်ဖို့ရှိပြီး အောက်တိုဘာလ ၁၈ရက်နေ့မှာတော့ မြန်မာနိုင်ငံကို သွားရောက်မှာဖြစ်ပါတယ်။ နေပြည်တော်မှာ သမ္မတဦးသိန်းစိန်နဲ့ အစိုးရတာဝန်ရှိသူတွေကိုရော မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကိုပါ တွေ့ဆုံမှာဖြစ်သလို မြန်မာနိုင်ငံက အပြန်မှာတော့ အိန္ဒိယနိုင်ငံကို ခရီးဆက်ဖို့ရှိပါတယ်။
Ref: VOA News
ရုံးဖွင့်ခွင့် သဘောတူလက်မှတ် ရေးထိုးထားပြီး ဖြစ်ကြောင်း OIC တုန့်ပြန်
ကိုဝင်းမင်း
15.10.2012
အစ္စလာမ်နိုင်ငံများ ပူးပေါင်းဆောင်ရွက်ရေးအဖွဲ့ OIC ဆက်ဆံရေးရုံးကို မြန်မာနိုင်ငံထဲမှာ ဖွင့်ခွင့်ပြုမှာ မဟုတ်ဘူးလို့ အစိုးရက သတင်း ထုတ်ပြန် လိုက်ပါတယ်။ မြန်မာနိုင်ငံထဲမှာ OIC ဆက်ဆံရေးရုံး ဖွင့်ခွင့်မပြုဖို့ ဆန္ဒပြပွဲတွေ နေရာ အတော်များများမှာ ဖြစ်ပွားနေချိန်မှာပဲ အခုလို သတင်း ထုတ်ပြန် လိုက်တာပါ။ OIC အဖွဲ့ကတော့ အခုလို ရုံးခန်းဖွင့်ဖို့ ပယ်ဖျက်လိုက်တဲ့ အကြောင်း သူတို့ဆီကို တရားဝင် အကြောင်းကြားလာမျိုး မရှိသေးဘူးလို့ ဆိုပါတယ်။ ဒီအကြောင်း အပြည့်အစုံကိုတော့ ဦးဝင်းမင်းက တင်ပြ ထားပါတယ်။
နိုင်ငံပေါင်း ၅၇နိုင်ငံပါဝင်တဲ့ အစ္စလာမ်နိုင်ငံများ ပူးပေါင်းဆောင်ရွက်ရေးအဖွဲ့ရဲ့ ဆက်ဆံရေးရုံး ကို မြန်မာနိုင်ငံမှာ ဖွင့်ခွင့် မပြုဘူးလို့ ည ၈ နာရီ မြန်မာရေဒီယိုနဲ့ ရုပ်မြင်သံကြားတွေ က ကြေညာ လိုက်ပါတယ်။ OIC ဆက်ဆံရေးရုံး ဖွင့်ခွင့် မပြုဖို့ ရခိုင်ပြည်နယ် စစ်တွေမြို့နဲ့ မန္တလေးမြို့ကြီးတွေ အပါအဝင် အခြားမြို့အနည်းငယ်မှာ ဆန္ဒပြပွဲတွေ ဒီရက်ပိုင်း အတွင်းကစ ဖြစ်လာခဲ့ပြီး အချိန်မှာ မြန်မာ အစိုးရဘက်က ပြည်သူလူထုရဲ့ ဆန္ဒနဲ့ မကိုက်ညီလို့ အခုလို ဆုံးဖြတ်ရတာလို့ဆိုပါတယ်။
အခုလို OIC ရုံးဖွင့်ဖို့ကို မြန်မာအစိုးရရဲ့ နယ်စပ်ရေးရာဝန်ကြီး ဦးသိန်းဌေးနဲ့ OIC အဖွဲ့ရဲ့ ကိုယ်စားလှယ်တွေကြား ပြီးခဲ့တဲ့ စက်တင်ဘာ ကပဲ ရခိုင်ပြည်နယ်က ဒုက္ခသည်တွေ ကူညီရေး နားလည်မှု စာချွန်လွှာတခု လက်မှတ်ရေးထိုးပြီး သဘော တူခဲ့ကြတယ်လို့ OIC ပြန်ကြားရေးဌာနက Ms. Maha အခုလို ပြောပါတယ်။
“သဘောတူညီမှုဟာ မြန်မာအစိုးရဘက်က နယ်စပ်ရေးရာဝန်ကြီး နဲ့ OIC ကိုယ်စားလှယ်တို့ကြား ပြီးခဲ့တဲ့လ စက်တင်ဘာလက လက်မှတ်ရေးထိုး ခဲ့တာဖြစ်ပါတယ်။ ရုံးခွဲနှစ်ခု ဖွင့်ခွင့်ပြုဖို့ ရန်ကုန်နဲ့ ရခိုင်၊ စစ်တွေမှာပါ။”
အခုလိုလက်မှတ်ရေးထိုးခဲ့တဲ့ ဒီနားလည်မှု စာချွန်လွှာထဲမှာ ရခိုင်ပြည်နယ်မှာ ရိုဟင်ဂျာ မူဆလင်နဲ့ ဗုဒ္ဓဘာသာဝင် ရခိုင်တွေကြား ဖြစ်ခဲ့တဲ့ ပဋိပက္ခနဲ့ လူသားချင်း ဆိုင်ရာ ကူညီမှုတွေကို ညှိနှိုင်းဖြေရှင်းစောင့်ကြည့်ပေးဖို့ အခုလို ရုံးခွဲဖွင့်ဖို့ ထည့်သွင်း ခဲ့တာဖြစ်တယ်လို့ ဆိုပါတယ်။ ဒါပေမယ့် အခုလို ရုံးခွဲဖွင့်ဖို့ မပြုတော့တဲ့ ဆုံးဖြတ်ချက်ကို တရားဝင် အကြောင်းကြားစာ အနေနဲ့ မရရှိသေးဘူးလို့ OIC ပြန်ကြားရေးဌာနက Ms. Mahar က ဆက်ပြောပါတယ်။
“ကျမတို့အနေနဲ့ မြန်မာအစိုးရထံက အဲ့ဒီ့ကိစ္စနဲ့ပတ်သက်လို့ တရားဝင်အကြောင်းကြားတာမျိူး လက်ခံရရှိခြင်း မရှိသေးပါဘူး။ ဒါပေမယ့်လို့ ကျမတို့ဆီမှာ ရှိတဲ့အချက် ကတော့ OIC နဲ့ မြန်မာအစိုးရကြား လက်မှတ်ရေးထိုးထားတဲ့ သဘောတူညီမှုပါ။ OIC ရုံးခွဲတွေ ဖွင့်ခွင့်ပြု မယ်ဆိုတဲ့ သဘောတူညီမှု ဖြစ်တာမို့ အခုလို ဖွင့်ခွင့်မပြုနိုင်ဘူးလို့ ပြောလာတာကို ကျမတို့ နားမလည်နိုင်ပါဘူး။ သဘောတူညီမှု လက်မှတ်ရေးထိုးထားပြီးသားပါ။”
တချိန်တည်းမှာ RNDP ခေါ် ရခိုင်တိုင်းရင်းသားများ တိုးတက်ရေး ပါတီခေါင်းဆောင်နဲ့ လွှတ်တော်အမတ် ဒေါက်တာအေးမောင်ကတော့ OIC အနေနဲ့ ဘာသာရေးအဖွဲ့ဖြစ်တဲ့အတွက် တိုက်ရိုက်ရုံးဖွင့်ခွင့်ပေးတာထက် စာရင် မြန်မာအစိုးရကတဆင့် စိစစ်ပြီး အကူအညီတွေကို ရောက်သင့်တဲ့နေရာကို ပို့သင့်တယ်လို့ဆိုပါတယ်။
“ကာလတခုအထိ လာပြီးကာမှ ကိုယ်တိုင်ပါဝင်လုပ်ဆောင်မယ်ဆိုတဲ့ အပိုင်းကြည့်တဲ့အခါမှာ ကျနော်တို့ ပွင့်ပွင့်လင်းလင်းပြောရင် လူတွေက ဘယ်သူတွေ ဘာညာဆိုတာ ကျနော်တို့က သေချာသိနိုင်တဲ့ သဘောမဟုတ်တဲ့အခါကျတော့ အင်မတန်ကြောက်စရာကောင်းတယ်ဗျ။ ဘာတွေကို ယူသွားမလဲ။ ဘာတွေကို ဖော်ထုတ်မလဲ။ မဟုတ်တဲ့ဟာကို ဘယ်လိုဝါဒဖြန့်မလဲ ဆိုတာလည်းရှိတယ်။ အဲ့တာကြောင့် အစိုးရအဖွဲ့ကတဆင့် ကူပေးတာ လက်ခံတယ်။”
တကယ်တော့ မြန်မာနိုင်ငံမှာ ပြီးခဲ့တဲ့ ဇွန်လကစပြီး ရခိုင်နဲ့မူဆလင်တွေကြား ပဋိပက္ခတွေ ဖြစ်လာခဲ့အပြီးမှာ လူပေါင်းအနည်းဆုံး ၇၀ကျော်သေဆုံးခဲ့ရပြီး အခုလို ရခိုင်ပြည်နယ်အတွင်းမှာလည်း မူဆလင်နဲ့ ဗုဒ္ဓဘာသာ ဒုက္ခသည်ပေါင်း ရှစ်သောင်းပတ်ဝန်းကျင် ဖြစ်လာခဲ့ရတာပါ။
Ref: VOA News
Posts
