2012-10-08
ဒေါ်အောင်ဆန်းစုကြည်ဟာ သူ့ရဲ့ ၂ ပတ်ကျော်ကြာ အမေရိကန်ခရီးစဉ် သတင်းစာ ရှင်းလင်းပွဲကို ဒီကနေ့ နေ့လည်က ရန်ကုန်မြို့၊ ရွှေဂုံတိုင်မှာ ရှိတဲ့ အမျိုးသား ဒီမိုကရေစီ အဖွဲ့ချုပ် ပါတီရုံးချုပ်မှာ ပြုလုပ် ခဲ့ပါတယ်။
သမ္မတအဖြစ် တာဝန်ထမ်းဆောင်လိုစိတ် ရှိ မရှိ သတင်းထောက် တစ်ဦးက မေးမြန်းရာမှာ ဒေါ်အောင်ဆန်းစုကြည်က ပြည်သူလူထု လိုလားရင် သမ္မတ အဖြစ် တာဝန် ထမ်းဆောင်မှာ ဖြစ်ကြောင်း ပြောပါတယ်။
"ကျွန်မပြောတယ်။ ကျွန်မက နိုင်ငံရေးပါတီတစ်ခုရဲ့ ခေါင်းဆောင်ပဲလို့၊ နိုင်ငံရေးပါတီတစ်ခု ခေါင်းဆောင်နေမှတော့ သမ္မတလည်း လုပ်ရဲတဲ့ သတ္တိရှိရမှာပဲ။ အဲဒီတော့ ပြည်သူလူထု လိုလားရင် လုပ်မှာပဲ။"
သမ္မတ ဦးသိန်းစိန်ရဲ့ အမေရိကန်ခရီးစဉ် အတွင်းမှာလည်း သတင်းထောက်တစ်ဦးက ဒေါ်အောင်ဆန်းစုကြည်ကို သမ္မတအဖြစ် လက်ခံနိုင်ခြင်း ရှိ မရှိ မေးမြန်းခဲ့ပါတယ်။ အဲဒီအပေါ် သမ္မတဦးသိန်းစိန်က ပြည်သူက ဒေါ်အောင်ဆန်းစုကြည်ကို ရွေးချယ်တင်မြှောက်ရင် လက်ခံနိုင်ကြောင်း ဖြေကြားခဲ့ပါတယ်။
ကချင်ပြည်နယ် နဲ့ ရခိုင်ပြည်နယ်က ပဋိပက္ခအရေးတွေ နဲ့ ပတ်သက်ပြီး မေးမြန်းရာမှာတော့ ဒေါ်အောင်ဆန်းစုကြည်က အခုလို ဖြေကြားပါတယ်။
"အန်တီ ခရီးသွားတဲ့အခါ ကျတော့လည်း ကချင်ပြည်နယ်မှာ ဖြစ်နေတဲ့ ကိစ္စတွေနဲ့ ပတ်သက်လို့၊ ရခိုင်ပြည်နယ်မှာ ဖြစ်နေတဲ့ကိစ္စ... တစ်ဘက်က ဟိုတစ်ဘက်ကို မရှုံ့ချရကောင်းလား ဆိုပြီးတော့ အန်တီ့ကို ဝေဖန်ကြတယ်။ သဘောမတူကြဘူး။ ဒါပေမယ့် အန်တီက ပြောတယ်။ အန်တီက စေ့စပ်ပေးချင်တဲ့သူ တစ်ယောက်အနေနဲ့ ဟိုဘက်ဒီဘက် အပြစ်ဆိုလေ့မရှိဘူး။ အန်တီ့ကို အသုံးချလို့ ရတော့မှာ မဟုတ်ဘူး။ တစ်ဘက်အတွက်ပဲ အသုံးချလည်း ခံမှာမဟုတ်ဘူး။ နှစ်ဘက်အတွက် အဆင်ပြေဖို့ပဲ အန်တီ အသုံးချခံမှာ။ ပြည်တွင်း ငြိမ်းချမ်းရေးမှာတော့ အခုအချိန်မှာ အန်တီတို့ အနေနဲ့ တရားဝင် ပတ်သက်နိုင်တဲ့ အခြေအနေမှာ မရှိသေးပါဘူး။ တိုင်းရင်းသားတွေက လိုလားလို့ ရှိရင်တော့ ပါဝင်ဖို့ အဆင်သင့်ပါပဲ။ ဒါပေမဲ့ အခု တိုင်းရင်းသားတွေနဲ့ ဆွေးနွေးနေတာတော့ အန်တီတို့ မဟုတ်ဘူး။ အစိုးရက ဆွေးနွေးနေတာပါ။"
ဒေါ်အောင်ဆန်းစုကြည်က သူ့အနေနဲ့ တရုတ်နိုင်ငံကို သွားဖို့ အစီအစဉ် မရှိသေးပေမယ့် သွားချင်တဲ့ ဆန္ဒရှိပြီး ဒါဟာ အမေရိကန်နိုင်ငံကို သွားရောက်ခဲ့လို့ တရုတ်နိုင်ငံက စိုးရိမ်မှာ ပူပန်ပြီး သွားလိုတာမျိုး မဟုတ်ဘူးလို့လည်း ပြောခဲ့ပါတယ်။
Ref: RFA News
Tuesday, October 9, 2012
ဒေါ်အောင်ဆန်းစုကြည် အမေရိကန်ခရီးစဉ် သတင်းစာ ရှင်းလင်း
OIC ရုံးဖွင့်မည်ကို ရခိုင်လူထု မလိုလား
ခင်ဦးသာ
October 8, 2012
အစ္စလာမ်မစ် ပူးပေါင်း ဆောင်ရွက်ရေးအသင်း OIC ရုံးကို ရခိုင်ပြည်နယ်နှင့် မြန်မာနိုင်ငံတွင် ဖွင့်လှစ်ရန် ကြိုးပမ်းနေခြင်းအား ရခိုင်ပြည်သူ အများစု က ကန့်ကွက်ကြောင်း သိရသည်။
မောင်တောမြို့ အလိုတော်ပြည့်ကျောင်းတိုက်မှ ဆရာတော် ဦးမဏိစာရ က ဧရာဝတီကို “စစ်တွေနဲ့ ရခိုင်ပြည်တွင်းက ဘယ်နေရာမှာပဲ ဖြစ်ဖြစ် ဖွင့်ဖို့ ကိစ္စ ကန့်ကွက်တယ်၊ အလားတူပဲ မြန်မာနိုင်ငံရဲ့ တခြားဒေသတွေမှာ ဖွင့်ခွင့်ပေးမယ် ဆိုရင် လည်းပဲ သဘောမတူဘူး”ဟု မိန့်သည်။
OIC ရုံးအား ရခိုင်ပြည်၏ မည်သည့်နေရာတွင်မဆို ဖွင့်လှစ်ခွင့် ပေးမည်မဟုတ် သကဲ့သို့ မြန်မာနိုင်ငံ၏ တခြားဒေသများတွင် လည်း ဖွင့်လှစ်ရန် ကြိုးပမ်းပါက လည်း ကန့်ကွက်ကြောင်း မကြာသေးခင်က ပြုလုပ်ခဲ့သည့် ရသေ့တောင် ရခိုင်ဒေသ လူထု စည်းဝေးပွဲ ဆုံးဖြတ်ချက်၌ လည်း ပါရှိ သည်။
စစ်တွေဒေသမှ သံဃာတော် ၁၀၈ ပါးသည် OIC ဖွင့်ရေး ကိစ္စကန့်ကွက်သည့် အနေဖြင့် မနက်ဖြန် အောက်တိုဘာ ၉ ရက်တွင် လမ်းလျှောက် ချီတက် ကြမည်ဟု သံဃာတော်များ စည်းကမ်း ထိန်းသိမ်းရေး အဖွဲ့ (စစ်တွေ) မှ အရှင် ဦးဥတ္တမကလည်း မိန့်ကြားသည်။
ဘင်္ဂလားဒေ့ရှ် နိုင်ငံ၊ စစ်တကောင်း ဒေသရှိ ဗုဒ္ဓဘာသာဝင် ဘုန်းတော်ကြီးကျောင်းများ၊ လူနေအိမ်များ မီးရှို့ဖျက်ဆီး ခံရခြင်း နှင့် ပတ်သက်၍ ဗုဒ္ဓဘာသာ ၀င်များအား ကာကွယ်ပေးရန် သံဃာတော် အပါး ၁၀၀ ကျော်က တောင်းဆို ဆန္ဒပြမှု တခု ရန် ကုန်မြို့၌ ပြီးခဲ့သည့် ရက်ပိုင်းက ပြူလုပ်ရာတွင်လည်း မြန်မာနိုင်ငံတွင်း OIC ရုံးဖွင့်ခွင့်ကို ကန့်ကွက် ခဲ့ကြသေးသည်။
OIC အဖွဲ့သည် အစ္စလာမ်နိုင်ငံ ၅၇ ခုအား ကိုယ်စားပြုဖွဲ့သည့် အဖွဲ့တခုဖြစ်ပြီး ရခိုင်ပြည်နယ်မြောက်ပိုင်းရှိ မူဆလင် များကို ကူညီထောက်ပံ့နိုင်ရေး မြန်မာနိုင်ငံတွင် ရုံးဖွင့်နိုင်ရေး အတွက် မြန်မာ အစိုးရနှင့် သဘောတူညီမှု ရရှိထားပြီး ဖြစ်သည်။
OIC ရုံးဖွင့်ခွင့်ကို ရခိုင်နိုင်ငံရေး ပါတီများကလည်း လုံးဝ ကန့်ကွက်ကြောင်း ဧရာဝတီ ကို ပြော သည်။
“တကယ်လို့ အစိုးရက အမိန့်အာဏာနဲ့ ဖွင့်မယ်ဆိုရင်ဆို ရခိုင်ပြည်သူလူထုရဲ့ အားနဲ့ ကျနော်တို့က ကန့်ကွက်မှာပါ၊ ပြည်နယ် အစိုးရက ဖွင့်ခွင့်ပေးမယ် ဆိုရင်လည်း လွှတ်တော်မှာ ကန့်ကွက် ရပါလိမ့်မယ်”ဟု ရခိုင် တိုင်းရင်းသားများ တိုးတက်ရေး ပါတီ (RNDP) ၏ ဥက္ကဋ္ဌနှင့် အမျိုးသား လွှတ်တော် ကိုယ်စားလှယ် ဒေါက်တာ အေးမောင်က ပြောသည်။
ရခိုင်ဒေသတွင်း ပဋိပက္ခများကြောင့် ဒုက္ခရောက်နေသူများအား လူသားချင်းစာနာ ထောက်ပံ့မှုများကို OIC အပြင် မည်သည့်နိုင် ငံ၏ အဖွဲ့အစည်း များကို မဆို လက်ခံကြောင်း၊ ကူညီထောက်ပံ့ရေး ကိစ္စ ကို OIC အနေဖြင့် သီးသန့်ရုံး ဖွင့်ရန် မလိုဘဲ အစိုးရနှင့် ပူးပေါင်း ဆောင်ရွက်မှုများ လုပ်ဆောင်နိုင်ကြောင်း ၎င်းက ဆက်ပြောသည်။
“ရခိုင်ဒေသမှာ OIC ရုံးဖွင့်မယ်ဆိုရင် ပဋိပက္ခတွေကို ပိုပြီးတော့ ကြီးထွားလာစေနိုင်တယ်၊ နိုင်ငံတခုရဲ့ အချုပ်အချာ အာဏာကို ခြိမ်းခြောက် လာနိုင်တာမျိုး၊ နယ်မြေတခုရဲ့ ဘာသာရေး၊ နိုင်ငံရေးတွေ အပေါ်မှာ ၀င်ရောက်စွက်ဖက်မှု တွေ ဖြစ်လာမှာကို လည်းပဲ စိုးရိမ်ပါတယ်”ဟု ဒေါက်တာ အေးမောင်က ဆိုသည်။
အကယ်၍ နိုင်ငံတကာ ဖိအားများကြောင့် ရန်ကုန်မြို့၊ နေပြည်တော်တို့တွင် ဖွင့်ခွင့်ပေးမည်ဟု ဆိုလျှင် ၎င်းတို့ အနေဖြင့် ကန့်ကွက်ရန် မရှိကြောင်း ဆက်ပြောသည်။
ရခိုင်ပြည်နယ် အစိုးရ၏ သတင်းပြန်ကြားရေးနှင့်မှတ်တမ်း စုဆောင်ရေး ဆပ်ကော်မတီ ဥက္ကဋ္ဌနှင့်ပြည်နယ် ဥပဒေချုပ် ဦးလှ သိန်း က ပြောဆိုရာတွင် OIC ရုံးဖွင့်ရေး ကိစ္စနှင့် ပတ်သက်၍ ဗဟိုအစိုးရ အပါအ၀င် မည်သည့် အဖွဲ့အစည်းကမျှ ပြောဆိုခြင်း၊ ဆွေးနွေးခြင်း မရှိသေးကြောင်း ဧရာဝတီကို ပြောသည်။
OIC ရုံးဖွင့်မည့် ကိစ္စအား ကန့်ကွက်ခြင်းနှင့် ရခိုင်အမျိုးသမီးများ အပါအ၀င်မြန်မာ အမျိုးသမီးထု တရပ်လုံး၏ ဘ၀ လုံခြုံရေး၊ အခွင့်အရေး များ ရရှိရေးတို့ အတွက် စစ်တွေမြို့ခံ အမျိုးသမီးများ ဦးဆောင် လှုပ်ရှားမှု တခုကို စစ်တွေမြို့၌ လုပ်ဆောင် ရန် ခွင့်ပြုချက် ရထားပြီး ဖြစ်ကြောင်း ခေါင်းဆောင်ဖြစ်သူ ဒေါ်ညိုအေးက ပြောသည်။ ရခိုင် ဒီမိုကရေစီ အဖွဲ့ချုပ် (ALD) ပါတီ က လည်း ရခိုင်ဒေသတွင်း OIC ရုံးဖွင့်မည့် ကိစ္စကို ကန့်ကွက် ထားကြောင်း သိရသည်။
ရန်ကုန်အခြေစိုက် အစ္စလမ်သာသနာရေးရာ ကောင်စီဌာနချုပ် ၏ ပြောခွင့်ရသူ ဦးဝဏ္ဏရွှေကို ဆက်သွယ် စုံစမ်းရာ ၎င်းတို့အဖွဲ့ အနေဖြင့် OIC နှင့်တရားဝင် ပတ်သက်ဆက်သွယ်မှု မရှိကြောင်း၊ ရုံးဖွင့်ရေး ကိစ္စသည် အစိုးရနှင့်OIC တို့ အကြား ဆွေးနွေး မှုသာ ဖြစ်ကြောင်း၊ သို့သော် လူအများ၏ ကောင်းကျိုးအတွက် ပြုလုပ်သည့်အဖွဲ့ ဖြစ်ပါက မည်သည့် နိုင်ငံတကာ အဖွဲ့ကိုမဆို ကြိုဆိုကြောင်း ဧရာဝတီ ကိုပြောသည်။
OIC အဖွဲ့သည် အစ္စလာမ်နိုင်ငံများ ကိုယ်စားပြုသည့် အစိုးရများ စုပေါင်း ဖွဲ့စည်းထားကြောင်း၊ အကြမ်းဖက်မှု လုပ်ဆောင်သည့် အဖွဲ့ မဟုတ်ကြောင်း၊ သို့သော် OIC အဖွဲ့၏ လှုပ်ရှားဆောင်ရွက်မှု၊ ရည်ရွယ်ချက်များကို အတိအကျမသိရသေး ကြောင်း၊ သို့ဖြစ်၍ ရုံးဖွင့်ခွင့် ကိစ္စ ကန့်ကွက်သူ များနှင့် ပတ်သက်၍လည်း မှတ်ချက် မပေးလိုကြောင်း ဦးဝဏ္ဏရွှေ က ဆိုသည်။
OIC ၏ လူသားချင်း စာနာမှုဆိုင်ရာ ရုံးတစ်ရုံး မြန်မာပြည်တွင် ဖွင့်လှစ်ရန် မြန်မာအစိုးရနှင့် သဘော တူညီချက် လက်မှတ် ရေးထိုး လိုက်ပြီဖြစ်ကြောင်း ကူဝိတ်နိုင်ငံရှိ OIC အထွေထွေ အတွင်းရေးမှူးရုံးက ကြေညာချက် ထုတ်ပြန်ထားသည်။
ရခိုင်ပြည်နယ်ရှိ မူဆလင်များအရေး OIC အတွင်းရေးမှူးချုပ်က အချက်အလက် ရှာဖွေရေး အဖွဲ့တဖွဲ့ကို ရခိုင်ပြည်သို့ သွားရောက် ခဲ့ပြီးနောက် ယင်းသဘော တူညီချက်ကို စက်တင်ဘာလအတွင်း လက်မှတ်ရေးထိုးခြင်းဖြစ်သည်။
OIC အတွင်းရေးမှူးချုပ်လည်း မြန်မာနိုင်ငံ သွားရောက်ဖို့ အစီအစဉ်ရှိပြီး ခရီးစဉ်အတွက် မြန်မာ အစိုးရနှင့် ဆွေးနွေးနေသည်။
Ref: ဧရာဝတီ
“၀” ၊ မိုင်းလား အဖွဲ့များ နှင့် ကာချုပ် တွေ့ဆုံ
ရန်ပိုင်
October 8, 2012
ဒု ဗိုလ်ချုပ်မှူးကြီး မင်းအောင်လှိုင် ကာကွယ်ရေးဦးစီးချုပ် တာဝန်ယူပြီးနောက် ပထမဆုံး အကြိမ် အဖြစ် တရုတ်နယ်စပ် အခြေစိုက် အပစ်ရပ် အဖွဲ့များဖြစ်သည့် ၀ပြည်သွေးစည်ညီညွတ်ရေး အဖွဲ့ (UWSA)၊ မိုင်းလား အခြေစိုက် အမျိုးသား ဒီမိုကရေစီ မဟာမိတ် တပ်မတော် (NDAA) ခေါင်းဆောင်များနှင့် ရှမ်းပြည် အရှေ့ ပိုင်း ကျိုင်းတုံ အခြေစိုက် တြိဂံတိုင်း စစ်ဌာနချုပ်တွင် ပြီးခဲသည့် စနေနေ့က တွေ့ဆုံဆွေးနွေးသည်။
UWSA အဖွဲ့ ဒု ဥက္ကဋ္ဌ ရှောက်မီလျံ၊ NDAA အဖွဲ့ ဥက္ကဋ္ဌ ဦးစိုင်းလင်းတို့နှင့် တွေ့ဆုံဆွေးနွေးခြင်းဖြစ်ပြီး၊ မည်သည့် အကြောင်း အရာများ ဆွေးနွေးသည်ကိုမူ ထုတ်ပြန်ကြေညာခြင်း မရှိပေ။
“ပြဿာနာ ကြီးကြီးမားမားရှိလို့ တွေ့ဆုံတာမဟုတ်ပါဘူး၊ နယ်မြေ အတွင်းမှာဖြစ်ပေါ်နေတဲ့ လတ်တလော အခြေ အနေလေးတွေကို ပြောကြမှာပါ”ဟု UWSA အဖွဲ့၏ ဗဟိုကော်မတီဝင် တဦးဖြစ်သူ ဦးဘွမ်တိန်းက ဧရာဝတီကို ပြောဆိုသည်။
ယခင် စစ်အစိုးရလက်ထက် အပစ်ရပ် တိုင်းရင်းသားလက်နက်ကိုင်အဖွဲ့ များအား နယ်ခြားစောင့် တပ်ဖွဲ့များ အဖြစ် ပြောင်းလဲရန် ကြိုးစားရာ တဖက်နှင့် တဖက်တင်းမာမှုများ ဖြစ်ပွားခဲ့ပြီး အဆိုပါအဖွဲ့များနှင့် ဆက်ဆံရေး တန်းသွား ခဲ့သော်လည်း သမ္မတ ဦးသိန်းစိန် အစိုးရ လက်ထက် ပြီးခဲ့သည့်နှစ် စက်တင်ဘာလအတွင်း က ပဏာ မငြိမ်းချမ်းရေး သဘော တူညီချက်များ အောက်ခြေ တပ်မှူးများ အဆင့် ဆွေးနွေးပွဲများမှ တဆင့် ရယူနိုင်ခဲ့သည်။
ထိုသဘောတူညီချက်များတွင် ဆက်ဆံရေးရုံးများကို မြို့ကြီးများတွင် ပြန်လည်ဖွင့်လှစ်ရန်၊ နှစ်ဘက်တပ်ဖွဲ့များ လက်ရှိ အခြေ အနေအတိုင်း ဆက်ရှိနေရန်၊ လက်နက်ကိုင် တပ်ဖွဲ့များ အစိုးရနယ်မြေများသို့ လာရောက်လျှင် ကြိုတင်အကြောင်းကြားရန်နှင့် ငြိမ်းချမ်းရေး ဆွေးနွေးရာတွင် တူညီသည့် ဘုံအချက်များကိုသာ ဆွေးနွေးပြီး ပဋိပက္ခဖြစ်မည့် အငြင်းပွားဖွယ်အချက်များကို ရှောင် ရန်၊ နှစ်ဖက်တင်းမာမှု ဖြစ်ပွားစဉ်က ၀နယ်မြေမှ ထွက်ခွာသွားသည့် အစိုးရ၀န်ထမ်းများကို ပြန်လည်လက်ခံရန် စသည့်အချက် များ ပါဝင်သည်။
ဒု ဗိုလ်ချုပ်မှူးကြီး မင်းအောင်လှိုင်နှင့် ၀ လက်နက်ကိုင်တပ်ဖွဲ့ (UWSA)တို့ တွေ့ဆုံမှုသည် မြန်မာတပ်မ တော်နှင့် ကချင်လွတ်လပ် ရေး တပ်ဖွဲ့ (KIA)တို့ တိုက်ပွဲများ ဖြစ်ပွားချိန်နှင့်လည်း တိုက်ဆိုင်နေသည်။
တရုတ်မြန်မာနယ်စပ်ရှိ စစ်ရေး၊ နိုင်ငံရေး အကဲခတ် ဦးအောင်ကျော်ဇောက“တရုတ်နယ်စပ်က တိုင်းရင်းသားတွေက တရုတ်နဲ့ အရမ်း နီးစပ်သလို၊ လက်ရှိ ၀တပ်ဖွဲ့ အနေအထားအရလည်း မြန်မာတပ်က တိုက်ဖို့ မလွယ်သေးဘူး၊ ဒါကြောင့် သတိကြီးကြီးနဲ့ ကိုင်တွယ်နေတဲ့ ပုံပဲ”ဟု ဆိုသည်။
တရုတ်နယ်စပ်အခြေစိုက် တိုင်းရင်းသားများအရေးသည် တရုတ်အစိုးရအပေါ်တွင်လည်း မူတည်ပြီး၊ အစိုးရသစ် လက်ထက်တွင် အမေရိကန်နှင့် အနီးကပ် ဆက်ဆံလာ ခြင်း၊ မြစ်ဆုံရေကာတာ စီမံကိန်းကို ရုတ်သိမ်း ခဲ့ခြင်းတို့သည် တရုတ်- မြန်မာ ဆက်ဆံရေးကို ထိခိုက်နိုင် ကြောင်း၊ ထိုကြောင့် တရုတ် အစိုးရက တိုင်းရင်းသားများကို ကျောထောက်နောက်ခံပြန်လည် ပြုလာနိုင်ကြောင်း ဦးအောင် ကျော်ဇောက သုံးသပ်သည်။
ဒု ဗိုလ်ချုပ်မှူးကြီး မင်းအောင်လှိုင်သည် တိုင်းရင်းသားအရေးနှင့် ပတ်သက်လျှင် ပြတ်ပြတ်သားသား ကိုင်တွယ်သူ တဦးဟု အများက ပြောဆိုကြ သော်လည်း စစ်တပ်ပိုင် မြ၀တီ သတင်းဌာနမှ ဖော်ပြ သည့် ဓာတ်ပုံများ၌မူ ၀တိုင်းရင်းသားခေါင်းဆောင် ရှောက်မီလျံ နှင့် ရင်းနှီးစွာ ဖက်လှဲတကင်း နှုတ်ဆက်နေသည်ကို တွေ့ရသည်။
ကြိဂံတိုင်းစစ်ဌာနချုပ်တွင် တိုင်းမှူးအဖြစ် တာဝန်ယူခဲ့သူ ဒု ဗိုလ်ချုပ်မှူးကြီး မင်းအောင်လှိုင်သည် ဒေသတွင်းရှိ တပ်ရင်း တပ်ဖွဲ့များ ၏ အနေ အထား စစ်ရေးလေ့ကျင့်မှု များကိုလည်း သွားရောက်စစ်ဆေး ခဲ့သေးသည်။
Ref: ဧရာဝတီ
မန္တလေး ဖယောင်းတိုင်ထွန်း ဆန္ဒပြသူများ တရားစွဲဆို ခံရ
နေမျိုး
တနင်္လာနေ့၊ အောက်တိုဘာလ ၀၈ ရက် ၂၀၁၂
နယူးဒေလီ (မဇ္ဈိမ) ။ ။ မန္တလေးမြို့ လျှပ်စစ်မီး လုံလောက်စွာရရှိရေးအတွက် မေလအတွင်းက ဖယောင်းတိုင် မီးထွန်း ဆန္ဒဖော်ထုတ် ရာတွင် ပါဝင်ခဲ့သူများအား ငြိမ်းချမ်းစွာ စီတန်း လှည့်လည်ခွင့် ဆိုင်ရာ ဥပဒေဖြင့် ချမ်းအေး သာစံမြို့နယ်၊ အမှတ် ၈ ရဲစခန်းသို့ စနေနေ့က ခေါ်ယူခဲ့ကြောင်း သိရှိရသည်။
အဆိုပါနည်းဥပဒေမှာ ၎င်းတို့ ဆန္ဒပြစဉ်က အတည်ပြု မပြဋ္ဌာန်းရသေး၍ တရားမဝင်ကြောင်း စွပ်စွဲခံထားသူ မအမာနီ က ပြောသည်။
“ဒီပုဒ်မက ၂ဝ၁၁ ဒီဇင်ဘာ ၂ ရက်နေ့က မူကြမ်းထွက်လာတယ်။ အဲဒီဥပဒေ မူကြမ်းက ကျနော်တို့ အမှုဖြစ်ချိန်မှာ မူကြမ်းပဲ ထွက်သေးတယ်။ အတည် မဖြစ်သေးဘူး။ အဲဒီအချိန်မှာ ဘယ်ပြည်သူမှ မသိသေးဘူး” ဟု မဇ္ဈိမကို ပြော သည်။
ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့်ဆိုင်ရာ နည်းဥပဒေကို ဇွန် ၁၄ ရက်နေ့မှသာ ထုတ်ပြန် ထားခြင်း ဖြစ်သည်။
စက်တင်ဘာ ၆ ရက်နေ့ နေ့လည်ပိုင်းက ဒု-ရဲအုပ် ချစ်ကိုကို အပါအဝင် လူ ၇ ယောက်က မအမာနီ အား ရဲစခန်းမှ စစ်ချက် ရယူရန် အတွက် လာရောက် အကြောင်းကြားခဲ့ပြီး တနင်္ဂနွေနေ့တွင် သွားရောက်ခဲ့ရာမှ မေလ ၂၇ ရက်နေ့ ကတည်းက ၎င်းတို့အား အမှုဖွင့် ထားပြီးဖြစ်ကြောင်း သိရှိခဲ့ရသည်ဟု ဆိုသည်။
မေလလယ်ပိုင်းက မန္တလေးမြို့တွင် သုံးညဆက်တိုက် လျှပ်စစ်မီးရရှိရေး ဖယောင်းတိုင်မီးထွန်း ဆန္ဒပြပွဲများ ဖြစ်ပွား ခဲ့ပြီး ၈၈ ကျောင်းသားဟောင်းများ အဖွဲ့မှ မအမာနီလည်း ပါဝင်ခဲ့သည်။
“ပြည်သူတရပ်လုံး ခံစားချက်ကို ပြည်သူတွေ ထုတ်ဖော်တာ။ ကျနော်တို့ ဦးဆောင်တာလည်း မဟုတ်ဘူး။ ပြည်သူ တရပ်လုံး လုပ်တဲ့ ကိစ္စ။ အဲဒီဓါတ်ပုံထဲက လူတွေကို လိုက်ပြီး စစ်မယ်ဆိုရင်၊ ဖယောင်းတိုင်မီးထွန်း ဆန္ဒဖော်ထုတ် တဲ့ ပြည်သူတရပ်လုံးကို အမှု ဖွင့်ရမယ့် သဘောပဲ” ဟု မအမာနီ က ဆိုသည်။
ထိုစဉ်က ဆန္ဒဖော်ထုတ်ရာတွင် ပြည်သူလူထုအင်အား ထောင်ချီပါဝင်ခဲ့သော်လည်း သူမနှင့်အတူ NLD ပါတီမှ ဒေါ်ခင်သန်းမြင့်နှင့် အခြား အမျိုးသားတဦး စုစုပေါင်း ၃ ဦးကိုမှ ရွှေးချယ် အမှုဖွင့်ထားကြောင်း ၎င်း ကဆိုသည်။
“အဲဒီတုန်းက ငြိမ်းငြိမ်းချမ်းချမ်း ဆန္ဒပြတဲ့သူတွေကို ဖမ်းမှာလား၊ တရားစွဲမှာလားလို့ မေးတော့ တိုင်းလျှပ်စစ် ဝန်ကြီး ဒေါက်တာမြင့်ကြူက ပြောပါတယ် ဖမ်းလည်းမဖမ်းပါဘူး၊ တရားလည်းမစွဲပါဘူးလို့ သူကိုယ်တိုင် ပြောတယ်ဗျ။ နိုင်ငံရေးလောက မှာ ၈၈ ကတည်းက လှုပ်ရှားနေတဲ့ သူတွေ၊ နာမည်ရှိနေတဲ့ လူတွေအကုန်လုံး မတ်လည်း ရပ်မကြည့်နဲ့ ဝင်လည်းမပါနဲ့၊ အဲလိုဖြစ်နေတဲ့ အပြင်ကို ကျနော်တို့ကို ရဲစခန်းက ခေါ်တယ်ဆိုတဲ့ သတင်းတွေက ပြည်သူလူထုကိုပါ ခြိမ်းချောက်တဲ့ သဘော ဖြစ်နေတယ်” ဟု ဆိုသည်။
ရဲစခန်းမှ ပြန်လာပြီးနောက် စက်တင်ဘာ ၈ ရက်နေ့ ရက်စွဲဖြင့် သူမ အပြင် နောက်ထပ် ၉ ဦးအား တရားစွဲဆိုခံ ရနိုင်ဖွယ် ရှိကြောင်း သူ ဖေ့စ်ဘွတ် စာမျက်နှာတွင် ရေးသားဖော်ပြ ထားသည်။
သမ္မတကြီးဦးသိန်းစိန်နှင့် လူထုခေါင်းဆောင် ဒေါ်အောင်ဆန်းစုကြည်တို့က ပြုပြင်ပြောင်းလဲမှုများ ပြုလုပ်နေ သော်လည်း အောက်ခြေ အာဏာပိုင် အဖွဲ့အစည်း များတွင် ပြုပြင်ပြောင်းလဲမှုများကို မမြင်တွေ့ရကြောင်း “သူတို့ဘက်က ရုံးတင်လာရင် ကျနော်လည်း ရှေ့နေငှားမှာ။ စွဲသင့်တဲ့သူ မှန်သမျှကို ကျနော်ကလည်း တရားစွဲမှာပါ။ လူခွင့်ရေး ချိုးဖောက်မှု ဘက်ကနေ တရားစွဲမှာပါ” ဟု မအမာနီ က မဇ္စျိမကို ပြောသွားသည်။
ထိုအချိန်က ဖယောင်းတိုင်းမီးထွန်း ဆန္ဒဖော်ထုတ်သူ ၆ဝ ဦးခန့်အား နယ်မြေခံ ထောက်လှမ်းရေး SB က ခေါ်ယူ မေးမြန်းမှုများ ပြုလုပ် ခဲ့သော်လည်း ဖမ်းဆီး အရေးယူခြင်း မရှိခဲ့ပေ။
မေလ အတွင်းက လျှပ်စစ်မီးရရှိရေး အတွက် မုံရွာနှင့် မန္တလေးမြို့များတွင် ပြည်သူလူထုအင်အား ထောင် နှင့်ချီ ဆန္ဒပြခဲ့ကြသည်။
အဆိုပါ စီတန်းလှည့်လည်ခွင့် ဥပဒေပုဒ်မဖြင့် တရားစွဲဆိုခံရပြီး ပြစ်မှုထင်ရှားလျှင် ၁ နှစ်အထက် မပိုသော ထောင်ဒဏ်၊ ကျပ်ငွေ ၃ သောင်းထက် မပိုသော ဒဏ်ငွေဖြစ်စေ၊ ဒဏ် နှစ်ရပ်စလုံးကို ဖြစ်စေ ချမှတ်နိုင်သည်။
Ref: မဇ္ဈိမ
အစိုးရ ငြိမ်းကော်မတီ ဒု-ဥက္ကဋ္ဌ ဦးသိန်းဇော်နှင့် SSA-N ထပ်မံတွေ့ဆုံမည်
ဖနိဒါ
တနင်္လာနေ့၊ အောက်တိုဘာလ ၀၈ ရက် ၂၀၁၂
ချင်းမိုင်(မဇ္စျိမ) ။ ။ ရှမ်းပြည် တပ်မတော်(မြောက်ပိုင်း) SSPP/SSA-N နှင့် ပြည်ထောင်စု အစိုးရ ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌ ပြည်သူ့ လွှတ်တော် ကိုယ်စားလှယ် ဦးသိန်းဇော်တို့ ဗုဒ္ဓဟူးနေ့တွင် လားရှိူးမြို့၌ ထပ်မံတွေ့ဆုံရန် ရှိကြောင်း SSA ပြောခွင့်ရသူ ဗိုလ်မှူး စိုင်းလှ က ပြောသည်။
ဇန်နဝါရီလက ပထမဆုံးအကြိမ် အပစ်အခတ် ရပ်စဲခဲ့ပြီးနောက် ဒုတိယအကြိမ်မြောက် တွေ့ဆုံဆွေးနွေး ကြမည် ဖြစ်ပြီး SSA မှ ခုနှစ်ဦးပါ ကိုယ်စားလှယ် အဖွဲ့အား အထွေထွေ အတွင်းရေးမှူး(၁) ဗိုလ်မှူးကြီး ခွန်ဆိုင်း က ဦးဆောင်မည်ဟု ဆိုသည်။
“ငြိမ်းချမ်းရေးနဲ့ ပတ်သက်ပြီးတော့ ဆွေးနွေးမယ်ထင်တယ်။ ဘာအချက်အလက် အဓိက ဆွေးနွေးမယ် ဆိုတာ ကြိုတင် မပြောထားဘူး။ ဒီသုံးရက် အတွင်းမှာ တွေ့မယ်။ မနက်ဖြန်တော့ မဟုတ်ဘူး။ သဘက်ခါလောက် တွေ့မယ်” ဟု ဗိုလ်မှူး စိုင်းလက ပြောသည်။
မိုင်းရှူးမြို့နယ် ကူးတိုးဆိပ်(တာဆမ်းဖူး) SSA တပ်များကို အောက်တိုဘညလ ၅ ရက်နေ့ နောက်ဆုံးထား၍ ဆုတ်ခွာပေးရန် ရှမ်းပြည် နယ်စပ် ရေးရာနှင့် လုံခြုံရေးဝန်ကြီး ဗိုလ်မှူးကြီးအောင်သူ က စာပို့ထားသည်။
“ကျနော်တို့ သဘောတူညီချက်တွေ ပြောရမယ်။ အကောင်အထည်ဖော်တယ်။ လိုက်နာဆောင်ရွက်တာ မရှိတာကြောင့် ပြဿနာ ခဏခဏ ဖြစ်နေတယ်လေ။ အဲဒါ သဘော တူညီထားတဲ့ အတိုင်း လိုက်နာ ကျင့်သုံးဖို့ ပြောမယ်။ ဒီလို ဆက်ဖယ်ဆိုရင် ပြဿနာတော့ ဖြစ်မှာပဲ” ဟု ဗိုလ်မှူး စိုင်းလှ က ဆက်ပြောသည်။
အပစ်အခတ် ရပ်စဲရေး သဘောတူ လက်မှတ်ရေးထိုး ခဲ့ပြီးနောက် တိုက်ပွဲပေါင်း အကြိမ် ၅ဝ ကျော် ဖြစ်ပွား ခဲ့သည်ဟု ဆိုသည်။ ရှမ်းပြည်နယ် လားရှိုးမြို့နှင့် တောင်ကြီးမြို့တို့တွင် SSPP/SSA-N ဆက်သွယ်ရေးရုံးများ ဖွင့်လှစ် ထားပြီး ဖြစ်သည်။
Ref: မဇ္ဈိမ
ချင်းတိုင်းရင်းသား နှစ်ပါတီ ပူးပေါင်းမည်
2012-10-08
ချင်းအမျိုးသားပါတီ (CNP) နဲ့ ချင်းတိုးတက်ရေးပါတီ (CPP) တို့ ပူးပေါင်းပြီး ချင်းအမျိုးသား တိုးတက်ရေး ပါတီ (Chin National progressive Party, CNPP) ထူထောင်ဖို့ ဆုံးဖြတ် လိုက်ကြတယ်လို့ သိရပါတယ်။
အခုလို ပါတီနှစ်ခု ပေါင်းစည်းနိုင်ဖို့ အတွက် မနေ့က ပြုလုပ်တဲ့ ချင်းတိုးတက်ရေးပါတီ CPP ရဲ့ ဗဟို အလုပ်အမှုဆောင် အစည်းအဝေး ကနေ ဆုံးဖြတ်ချက် ချလိုက်တဲ့အကြောင်း ပါတီပြောရေးဆိုခွင့်ရှိသူ အထွေထွေ အတွင်းရေးမှူး (၂) ဦးရှိန်းထွန်းက အခုလို ပြောပါတယ်။
“မနေ့က လုပ်တဲ့ အစည်းအဝေးမှာ ဆုံးဖြတ်ကြတယ်ပေါ့နော်၊ အဓိက CNP ကနေလှမ်းပြီး ကမ်းလှမ်း တာကတော့ ကြာပြီ။ ကျွန်တော်တို့ အတွင်းထဲမှာ ဆွေးနွေး စရာလေးတွေ အချက်တွေ၊ စုဆောင်းပြီးတော့မှ အချက် (၉) ချက်နဲ့ မနေ့ကတင်ပြီးတော့မှ ကျွန်တော်တို့ CNP ကို အကြောင်း ပြန်ထားပါတယ်။”
ဒီအချက် (၉) ချက်ထဲက အရေးအကြီးဆုံး အချက်အနေနဲ့ CNP ပါတီဟာ (၉) မြို့နယ်ကို ကိုယ်စားပြုတဲ့ ပြည်နယ် ပါတီ အဆင့် မှတ်ပုံ တင်ထားတဲ့အတွက် ဒီပါတီကို တရားဝင် ဖျက်သိမ်းပြီး၊ တနိုင်ငံလုံးဆိုင်ရာ National level အဖြစ် မှတ်ပုံ တင်ထားတဲ့ CPP ပါတီနဲ့ ပူးပေါင်းကာ တနိုင်ငံလုံး အတိုင်းအတာဆောင်တဲ့ CNPP ပါတီကို ထူထောင်တဲ့ သဘော ဖြစ်တယ်လို့လည်း ဦးရှိန်းထွန်းက ပြောပါတယ်။
“CNP ကို ဖျက်သိမ်းပြီးတော့မှ CNPP ဆိုတဲ့ အမည်နာမအောက်ထဲ ပူးပေါင်းဖို့ အဲဒါ အချက်တချက်ပါတယ်။ နောက် ဒုတိယ အချက် အရေးအကြီးဆုံး မှာကတော့ CNP က ပူးပေါင်းရေး ကော်မတီက ကြားကာလမှာ ပူးပေါင်းရေး ကော်မတီ ဖွဲ့မယ်ပေါ့နော်။ အဲဒီပူးပေါင်းရေး ကော်မတီ ဖွဲ့တဲ့ သက်တမ်းက တနှစ်ဖြစ်မယ်။ နာယက အနေနဲ့က CNP ကကူမယ်။ CPP ကပူးပေါင်းရေး ကော်မတီ ဥက္ကဋ္ဌ အနေနဲ့ယူမယ်၊ အတွင်းရေးမှူးနေရာက CNP ကယူမယ် ဆိုတာက နံပါတ်(၂) အချက် အဓိက အချက်ပေါ့နော်။”
ဒီလိုစတင် အကောင်အထည်ဖော်ဖို့ အတွက် ညီလာခံတရပ် ခေါ်ယူ ဖွဲ့စည်းသွားဖို့ ရှိတယ်လို့ သိရပါတယ်။
Ref: RFA News
ဖားကန့်ရှိ စစ်ပြေးဒုက္ခသည်တချို့ နေရပ်သို့ ပြန်
ဖနိဒါ
တနင်္လာနေ့၊ အောက်တိုဘာလ ၀၈ ရက် ၂၀၁၂
ချင်းမိုင်(မဇ္စျိမ) ။ ။ အစိုးရတပ်နှင့် ကချင်လွတ်လပ်ရေးတပ် KIA အကြား ဖြစ်ပွားနေသော တိုက်ပွဲများကြောင့် ဖားကန့်မြို့ အတွင်း ထွက်ပြေး တိမ်းရှောင်နေသော စစ်ပြေး ဒုက္ခသည် အချို့ မိမိနေရပ်သို့ အောက်တိုဘ လဆန်းပိုင်း မှ စတင်၍ ပြန်နေကြပြီ ဖြစ်ကြောင်း သိရသည်။
တိုက်ပွဲများ ဖြစ်ပွားခြင်း မရှိတော့၍ ဖားကန့်မြို့ပေါ်ရှိ စစ်ပြေးဒုက္ခသည် ၈,ဝဝဝ ကျော်အနက် အချို့မှာ ပြန်သွားကြခြင်း ဖြစ်သည်။
“ကျနော်တို့ နမ်းဖိတ်စခန်းက စစ်ပြေးဒုက္ခသည် အိမ်ထောင် လေး ငါးခုလောက် ပြန်သွားပြီး မှော်ဝမ်းကြီး ကလည်း တချို့ပြန်တယ်။ အပြီးပြန်တာတော့ မဟုတ်ဘူး။ တကယ်လို့ တိုက်ပွဲ ပြန်ဖြစ်လာပြီဆိုရင် ပြန်လာနေဖို့ လက်မှတ်ထိုး ထားကြတယ်” ဟု ကက်သလစ် အသင်းတော်မှ တရားဟောဆရာ နော်ဂျာ က ပြောသည်။
အင်္ဂါနေ့တွင် မှော်မောင်းလယန်နှင့် ရှရော်ခ ကျေးရွာရှိ စာသင်ကျောင်းများ ပြန်လည် ဖွင့်လှစ်တော့မည်ဟု ဆိုသော် လည်း အခြေ အနေမှာ မရေရောသေးကြောင်း “ဒီမှာက တည်ငြိမ်တာ မဟုတ်သေးဘူး။ ကျနော်တို့လည်း ဇဝေဇဝါ ဖြစ်နေ ကြတယ်။ တချို့ ကချင်တွေက မပြန်ရဲဘူး။ ဇဝေဇဝါ ဖြစ်နေကြတယ်” ဟု ဆရာနော်ဂျာ က ပြောသည်။
တနင်္ဂနွေနေ့မှ စတင်၍ ဖားကန့်မြို့နယ် မြို့ဦးစေတီနှင့် ကျောက်လိုင်ဂူ ဘုန်ကြီးကျောင်းတွင် စစ်ပြေး ဒုက္ခသည်များ ကို လက်မခံတော့ကြောင်း ပြောဆို လာသဖြင့် တချို့ စစ်ပြေး ဒုက္ခသည်များ နေရပ်ရင်းသို့ ပြန်သွားကြသော်လည်း တချို့မှာ မပြန်ရဲဘဲ ဖြစ်နေ ကြသေးသည်။
ဖားကန့်မြို့ပေါ် နှစ်ခြင်းအသင်းတော် ဘုရားကျောင်း၊ ကက်သလစ်အသင်းတော် ဘုရားကျောင်း၊ ဗုဒ္ဓဘာသာ ဘုန်းကြီးကျောင်း စသည့် တို့တွင် ဖွင့်လှစ်ထားသည့် ဒုက္ခသည်စခန်း ၃၉ ခု ရှိသည်။
သြဂုတ်လ ၁၉ ရက်နေ့မှစတင်၍ နှစ်ဖက်စစ်တပ်များ စတင်တင်းမာခဲ့၍ မှောမောင်းကုန်း၊ တောင်ပြို၊ သူဌေးချောင်း၊ ဆိုင်းဂျာဘွမ်၊ မနားချောင်း၊ ဗလခ၊ မှော်ဝမ်းကြီး၊ မှောင်ဝမ်းကလေး၊ ရှရော်ခ၊ ဇွပ်ငိုင်၊ မျောက်ဖြူ၊ ရှရော်ခ၊ မှော်မောင်း လယန် စသည့် ကျေးရွာများ အပါအဝင် ၂ဝ ကျော်မှ ရွာသားများ အိုးအိမ်များ စွန့်ထား၍ မြို့ပေါ်သို့ တိမ်းရှောင်ခဲ့ခြင်း ဖြစ်သည်။
သို့သော် မြစ်ကြီးနား၊ ဝိုင်းမော်၊ ဗန်းမော်နှင့် တရုတ်နယ်စပ်တလျှောက် ထွက်ပြေး ခိုလှိုနေကြသော စစ်ပြေး ဒုက္ခသည် များမှာ နေရပ်ရင်းသို့ ပြန်နေနိုင်ခြင်း မရှိသေးပေ။
KIO နှင့် ပြည်ထောင်စု ငြိမ်းချမ်းရေး လုပ်ငန်းဖော်ဆောင်ရေး ကော်မတီ ကိုယ်စားလှယ်များ တွေ့ဆုံဆွေးနွေး မှုမှာ နှစ်လကျော်ကြာ ရပ်ဆိုင်းနေသည်။ ပြီးခဲ့သည့် ဇွန်လ ဆန်းက နောက်ဆုံး တွေ့ဆုံခဲ့သော်လည်း ယနေ့ထိ ပြန်လည် တွေ့ဆုံမည့် နေရာ ညှိနှိုင်း၍ မရသေးပေ။
Ref: မဇ္ဈိမ
Monday, October 8, 2012
သမ္မတဦးသိန်းစိန် တောင်ကိုရီးယားခရီး စတင်
မနန္ဒာချမ်း
07.10.2012
မြန်မာသမ္မတ ဦးသိန်းစိန် ဟာ ၃ ရက်ကြာ တောင်ကိုရီးယားနိုင်ငံ ခရီးစဉ်ကို ဒီကနေ့ စတင်လိုက်ပါပြီ။ နှစ်နိုင်ငံ ဆက်ဆံရေး မြှင့်တင်ဖို့ ရည်ရွယ်ချက်နဲ့ သွားရောက်တဲ့ ဒီခရီးစဉ် အတွင်း စီးပွားရေးဆိုင်ရာ ကိစ္စရပ်တွေအပြင် ဖွံ့ဖြိုးရေး အကူအညီတွေ ကိစ္စလည်း ထည့်သွင်း ဆွေးနွေးဖို့ ရှိတယ်လို့ သမ္မတရုံးက ပြောပါတယ်။ သမ္မတ ဦးသိန်းစိန် အစိုးရ လက်ထက်မှာ အခုလို တောင်ကိုရီးယား နဲ့ မြန်မာနိုင်ငံအကြား ဆက်ဆံရေး တိုးတက်လာတဲ့အပေါ် မြန်မာ့နိုင်ငံရေး အကဲခတ်တွေက ဘယ်လို သုံးသပ်ကြပါသလဲ။ အပြည့်အစုံကို မနန္ဒာချမ်း က တင်ပြထားပါတယ်။
မြန်မာသမ္မတ ဦးသိန်းစိန်ဦးဆောင်တဲ့ ကိုယ်စားလှယ်အဖွဲ့ဟာ ၃ ရက်ကြာမယ့် တောင်ကိုရီးယားနိုင်ငံ ခရီးစဉ်ကို အောက်တိုဘာလ ၇ ရက် တနင်္ဂနွေနေ့ မနက်က စတင်ထွက်ခွာ သွားပါပြီ။ တောင်ကိုရီးယား သမ္မတ အီမြောင်ဘတ်ရဲ့ ဖိတ်ကြားချက်နဲ့ သွားရောက်တဲ့ ဒီခရီးစဉ် အတွင်း နှစ်နိုင်ငံ ဆက်ဆံရေး တိုးမြှင့်မှု အပါအ၀င် ကုန်သွယ်မှုနဲ့ ရင်းနှီးမြှုပ်နှံမှုလို စီးပွားရေး ဆိုင်ရာ ကိစ္စရပ်တွေရော၊ မြန်မာနိုင်ငံ ဖွံ့ဖြိုး တိုးတက်ရေး အတွက် လိုအပ်နေတဲ့ အကူအညီတွေ ကိစ္စပါ ထည့်သွင်း ဆွေးနွေးဖို့ ရှိတယ်လို့ သမ္မတရုံး ညွှန်ကြားရေးမှူး ဦးဇော်ဌေး က ပြောပါတယ်။
“အဓိက ကတော့ နှစ်နိုင်ငံ ဆက်ဆံရေး မြှင့်တင်ဖို့၊ ပူးပေါင်းဆောင်ရွက်ရေး မြှင့်တင် ဖို့။ တောင်ကိုရီးယား သမ္မတ အီမြောင်ဘတ်ရဲ့ ဖိတ်ကြားချက် အရ သွားတာပါ။ နှစ်နိုင်ငံ ပူးပေါင်း ဆောင်ရွက်မှု မြှင့်တင်ဖို့။ နှစ်နိုင်ငံ ဆက်ဆံမှု အပြန်အလှန် ဖလှယ်ဖို့ပေါ့။ အားလုံး အကျုံးဝင်မှာပါ။ သူက ဘက်စုံ ပူးပေါင်း ဆောင်ရွက်မှုမြှင့်တင်ရေး တို့ အကုန်ပါတာပါ။ စီးပွားရေးကတော့ အဓိက ဇောင်းပေးပေါ့။ ကျန်တာတွေကတော့ အားလုံး ပါမှာပါ။ လောလောဆယ် ထုတ်ပြန်ချက်ကတော့ နှစ်နိုင်ငံ ခေါင်းဆောင်တွေ ဆက်ဆံမှု မြှင့်တင်ဖို့ပေါ့။ ၁၀ ရက်နေ့ ပြန်ရောက်မယ်ဗျ။”
သမ္မတရုံး ညွှန်ကြားရေးမှူး ဦးဇော်ဌေး ဖြစ်ပါတယ်။ မြန်မာနိုင်ငံမှာ သမ္မတ ဦးသိန်းစိန်အစိုးရ တက်လာပြီးတဲ့နောက် ဒီ ၂၀၁၂ ခုနှစ် မေလပိုင်းမှာပဲ တောင်ကိုရီးယား သမ္မတ အီမြောင်ဘတ် ဟာ မြန်မာနိုင်ငံကို ၂ ရက်ကြာ ခရီး လာရောက်ခဲ့ပါတယ်။ အဲ့ဒီခရီးစဉ်ဟာ ဆယ်စုနှစ် ၃ စုနီးပါးကြာ ကာလအတွင်း တောင်ကိုရီးယား ထိပ်တန်း ခေါင်းဆောင်တဦးရဲ့ သမိုင်းဝင် မြန်မာနိုင်ငံကို လာရောက်ခဲ့တဲ့ ခရီးစဉ်လည်း ဖြစ်ခဲ့တာပါ။
မြန်မာနိုင်ငံကို တောင်ကိုရီးယားသမ္မတ တဦးအနေနဲ့ နောက်ဆုံး လာရောက်ခဲ့တာက ၁၉၈၃ ခုနှစ်တုန်းက ဖြစ်ပါတယ်။ အဲဒီအချိန်က သမ္မတ ချန်ဒူးဝှမ်နဲ့အဖွဲ့ဟာ ရန်ကုန် အာဇာနည်ကုန်းမှာ အာဇာနည် ခေါင်းဆောင်ကြီးတွေကို ဂါရ၀ပြုမယ့်အချိန်၊ မြောက်ကိုရီးယား သူလျှိုတွေရဲ့ ဗုံးခွဲလုပ်ကြံဖို့ ကြိုးစားမှုကြောင့် တောင်ကိုရီးယား ဒုဝန်ကြီးချုပ်နဲ့ နိုင်ငံခြားရေးဝန်ကြီး အပါအ၀င် အစိုးရအဖွဲ့ဝင် အတော်များများ ထိခိုက် ဒဏ်ရာရ သေဆုံးခဲ့ကြရပါတယ်။ ဒါကြောင့် မြန်မာအစိုးရကလည်း မြောက်ကိုရီးယားအစိုးရနဲ့ သံတမန်ဆက်ဆံရေးကို အဲ့ဒီအချိန်ကစပြီး ချက်ချင်း ရပ်စဲခဲ့ပါတယ်။ ၂၀၀၇ ခုနှစ်ကျမှ မြန်မာနိုင်ငံနဲ့ မြောက်ကိုရီးယားကြားမှာ သံတမန်အဆက်အသွယ်တွေ ပြန်ထူထောင်လာခဲ့တာ ဖြစ်ပါတယ်။
ဒါကြောင့်လည်း တောင်ကိုရီးယားသမ္မတ အီမြောင်ဘတ်ရဲ့ မေလတုန်းက မြန်မာနိုင်ငံကို လာရောက်တဲ့ ခရီးစဉ်အတွင်းမှာ မြန်မာနဲ့ မြောက်ကိုရီးယားအကြား စစ်ရေးဆက်ဆံမှု အခြေအနေတွေကိုလည်း မြန်မာခေါင်းဆောင်တွေနဲ့ ဆွေးနွေးခဲ့တာ ဖြစ်ပါတယ်။ အခုလို သမ္မတ ဦးသိန်းစိန်အစိုးရ လက်ထက်မှာ နှစ်နိုင်ငံခေါင်းဆောင်တွေ အပြန်အလှန် သွားရောက်တဲ့အထိ ဆက်ဆံရေး ကောင်းမွန်လာတဲ့အပေါ် မြန်မာ့နိုင်ငံရေး အကဲခတ်တွေကတော့ ကြိုဆိုခဲ့ကြ ပါတယ်။ ဒေသတွင်းမှာ အဲ့ဒီလို စီးပွားရေး ဖွံ့ဖြိုးတိုးတက်တဲ့ တောင်ကိုရီးယားနိုင်ငံနဲ့ ဆက်ဆံရေး ကောင်းမွန်အောင် တည်ဆောက်နိုင်မှ မြန်မာနိုင်ငံရဲ့ လိုအပ်ချက်တွေကိုလည်း ကူညီပေးတာလိုမျိုး အပြန်အလှန် အကျိုး ဖြစ်ထွန်းမှုတွေ ရှိလာနိုင်မယ်လို့ ၀ါရင့် သံတမန်တဦးဖြစ်တဲ့ သခင်ချန်ထွန်း က အခုလို ပြောခဲ့ပါတယ်။
“တောင်ကိုရီးယားက စီးပွားရေး ဖွံ့ဖြိုးနေတဲ့နိုင်ငံ၊ စက်မှုနိုင်ငံ တနိုင်ငံ ဖြစ်တယ်လေ။ မြောက်ကိုရီးယား နဲ့ အပြိုင် ဆက်သွယ်ရေးကို မြန်မာနဲ့ရော၊ ကမ္ဘာအရပ်ရပ်က နိုင်ငံ အသီးသီးနဲ့ပါ ကောင်းချင်တာပေါ့။ အခု မြန်မာကရော အစစအရာရာ လိုအပ်နေတာ။ စီးပွားရေးနဲ့ စက်မှုလက်မှု ထွန်းကားဖို့ဆိုတာ လိုနေတယ်။ သူတို့နိုင်ငံရဲ့ အခြေအနေအရ တောင်ကိုရီးယားက ပေးနိုင်ကမ်းနိုင်၊ လှူနိုင်ဒါန်းနိုင်တဲ့ အခြေအနေမှာရှိတော့၊ ဒါ မိတ်ဆွေ နိုင်ငံ တနိုင်ငံ အနေနဲ့ ပူးပေါင်း ဆောင်ရွက်ပြီးတော့၊ အကူအညီတွေ တောင်းနိုင်အောင် ရနိုင်အောင် အမှန်ကတော့ ရင်းနှီးအောင် ပေါင်းထားရမှာပဲ။ ဒါကြောင့်မို့ နှစ်နိုင်ငံ အနေနဲ့ လိုအပ်ချက်တွေ၊ ကိုယ့်နိုင်ငံရဲ့လိုအပ်ချက်နဲ့ ကိုယ်၊ နှစ်နိုင်ငံ စီးပွားဖက် နိုင်ငံတွေဖြစ်အောင် ကြိုးစားနေကြတယ်လို့ ဒီလိုပဲ မြင်ပါတယ်။”
ဝါရင့် သံတမန်ကြီး သခင်ချန်ထွန်း ဖြစ်ပါတယ်။ ၃ ရက်ကြာ တောင်ကိုရီးယားနိုင်ငံကို သွားရောက်တဲ့ မြန်မာသမ္မတ ဦးသိန်းစိန်ရဲ့ ခရီးစဉ်အတွင်း သမ္မတဦးသိန်းစိန်နဲ့ အတူ နိုင်ငံခြားရေးဝန်ကြီး ဦးဝဏ္ဏမောင်လွင်၊ သမ္မတရုံး ၀န်ကြီးဌာန ပြည်ထောင်စုဝန်ကြီး ဦးစိုးသိန်း နဲ့ ဦးတင်နိုင်သိန်းတို့ အပါအ၀င် လျှပ်စစ်၊ စက်မှု၊ ပို့ဆောင်ရေးနဲ့ ကျန်းမာရေး ၀န်ကြီးဌာနတွေက ၀န်ကြီးတွေရော၊ ရန်ကုန်၊ မန္တလေး နဲ့ ပဲခူးတိုင်း ဒေသကြီးတွေက ၀န်ကြီးချုပ်တွေရော လိုက်ပါသွားကြတာ ဖြစ်ပါတယ်။ မြန်မာနိုင်ငံမှာ တောင်ကိုရီးယား ကုမ္ပဏီတွေရဲ့ တိုက်ရိုက် ရင်းနှီးမြှုပ်နှံမှုဟာ နံပါတ် (၄) အဆင့်မှာ ရှိပြီးတော့ ကုမ္ပဏီပေါင်း ၄၉ ခုကနေ အမေရိကန်ဒေါ်လာ သန်းပေါင်း ၃ ထောင်နီးပါးအထိ ရင်းနှီးမြှုပ်နှံထားတာလည်း ဖြစ်ပါတယ်။
Ref: VOA News
လက်ပံတောင်းတောင်စီမံကိန်း ဆန့်ကျင်ဆန္ဒပြသူတွေကို ဦးပိုင်ကုမ္ပဏီ တရားစွဲ
2012-10-05
လက်ပံတောင်းတောင် ကြေးနီစီမံကိန်း ဆန့်ကျင်တဲ့အနေနဲ့ အခေါင်းပုံစံလုပ်ပြီး မီးရှို့ ဆန္ဒပြခဲ့တဲ့ ကိစ္စအပေါ် ဒေသခံတွေနဲ့ ဒေသခံတွေကို ကူညီသူတွေ၊ ကျောင်းသားခေါင်းဆောင်တွေ စုစုပေါင်း ၁၆ ယောက်ကို တရားစွဲဖို့ စီမံကိန်း တာဝန်ရှိသူတွေက ဆားလင်းကြီးမြို့နယ် ရဲစခန်းမှာ မနေ့က အမှု ဖွင့်လိုက်တယ်လို့ သတင်းရရှိပါတယ်။
ပြီးခဲ့တဲ့ စက်တင်ဘာလ ၅ ရက်နေ့က မုံရွာ-ပုသိမ် လမ်းမကြီးနဲ့ ညောင်ပင်ကြီး- ပုလဲ လမ်းဆုံ အနား မြန်မာ ဝမ်ပေါင်ကုမ္ပဏီ ရုံးခန်းနဲ့ မလှမ်းမကမ်းမှာ အခေါင်းပုံစံ ပြုလုပ်ပြီး မီးရှို့ ဆန္ဒပြတဲ့ အပေါ် မြန်မာစစ်တပ်ပိုင် ဦးပိုင်ကုမ္ပဏီနဲ့ တရုတ် ဝမ်ပေါင် ကုမ္ပဏီတို့ကို နစ်နာစေရန် ကြံစည်မှုနဲ့ ဦးပိုင်ကုမ္ပဏီက အမှုဖွင့်တာလို့ သိရပါတယ်။
အမှုဖွင့်လိုက်ပေမယ့် သက်ဆိုင်ရာက တရားဝင် အကြောင်းမကြားသေးဘူးလို့ အမှုဖွင့် ခံရတဲ့ ၁၆ ဦးထဲမှာ ပါဝင်နေသူ နိုင်ငံရေး အကျဉ်းသားဟောင်း ကိုဟန်ဝင်းအောင်က RFA ကိုပြောပါတယ်။
သူတို့ကို ပုဒ်မ ၁၄၃၊ ၁၄၇၊ ၅ဝဝ တို့နဲ့ အမှုဖွင့်လိုက်တာလို့ ဆိုပါတယ်။ အမှု ဖွင့်ခံရတဲ့ သူတွေထဲမှာ ကိုဟန်ဝင်းအောင်၊ ကိုအောင်စိုး၊ ဗကသများ အဖွဲ့ချုပ် ဥက္ကဋ္ဌ ကိုကျော်ကိုကို၊ ကိုကောင်းဆက်၊ ကိုအာကာထက်မိုး၊ နိုင်ငံရေး အကျဉ်းသူဟောင်း မတင်မာဆွေ၊ ဒေသခံ မသွဲ့သွဲ့ဝင်း၊ ကိုအောင်ဇော်ဦးတို့ ပါဝင်တယ်လို့ သိရပါတယ်။
Ref: RFA News
SSPP တပ်များ ဆုတ်ပေးရန် ရှမ်းပြည်နယ်ဝန်ကြီး ပြော
ဟင်္သာနီ (မွန်မြေ)
သောကြာနေ့၊ အောက်တိုဘာလ ၀၅ ရက် ၂၀၁၂
စံခလပူရီ (မဇ္ဈိမ) ။ ။ ရှမ်းပြည် တိုးတက်ရေးပါတီ (SSPP) ၏ လက်အောက်ခံ တပ်များ တပ်စွဲထားသည့် ရှမ်းပြည်နယ် အလယ်ပိုင်း၊ မိုင်းရှူးမြို့နယ် အနီးရှိ ကူးတိုးဆိပ် (တာဆန်ပူး) မှ တပ်များ အားလုံးကို သောကြာနေ့ နောက်ဆုံး ထားပြီး ဆုတ်ခွါပေးရန် ရှမ်းပြည် နယ်စပ်ရေးရာနှင့် လုံခြုံရေး ဝန်ကြီး ဗိုလ်မှူးကြီး အောင်သူ က SSPP အား စာပို့၍ အကြောင်းကြားခဲ့ကြောင်း SSPP ပြောခွင့်ရ ဗိုလ်မှူးကြီး ဖိန်ဖ က ပြောသည်။
“စာ ပေးလာတဲ့ရက် အတိအကျကိုတော့ ကျနော် မမှတ်မိတော့ဘူး။ ကျနော်တို့ ဆက်ဆံရေး အရာရှိ ဂျွန်နော်လစ်က တဆင့် ကျနော်တို့ ဆီကို ပေးလာတယ်။ ဂျွန်နော်လစ်က ကျနော်တို့ ဘက်က ငြိမ်းချမ်းရေး အကျိုးတော်ဆောင်လည်း ဖြစ်တယ်။ ဒီလ ၅ ရက်နေ့ နောက်ဆုံးထားပြီး တပ်တွေ ဆုတ်ပေးဖို့ ပြောထားတယ်” ဟု မဇ္ဈိမကို ပြောသည်။
ယခု အစိုးရတပ်မှ တပ်ဆုတ်ပေးရန် ပြောကြားခဲ့သော ကူးတိုးဆိပ်မှာ SSPP ဌာနချုပ်နှင့် ၈ မိုင်ခန့်သာ ကွာဝေးသည် ဟု သိရှိရပြီး တပ်ဆုတ်ပေးရန် ကိစ္စအား SSPP ဗဟိုမှ တစုံတရာ ညွှန်ကြားချက်ပေးခြင်း မရှိသေးဟု ဆိုသည်။
“ကျနော်တို့ ဌာနချုပ်ကတော့ ကနေ့အထိ ဘာမှ ညွှန်ကြားတာ မရှိသေး။ မနေ့က တောင်ကြီး ဆက်ဆံရေး တာဝန်ခံ က ဗိုလ်မှူး ဆေးဖိန်ဖ ကနေ အစိုးရ တပ်ဘက်က ဗိုလ်မှူးကြီး သူရဆီကို သွားပြီး ရှင်းပြတယ်။ အဲဒီဒေသက ကျနော် တို့ နေလာတာ ကြာပြီ။ ဆုတ်ခိုင်းတဲ့ ကိစ္စကို ဗဟိုကို တင်ပြမယ်။ ဗဟိုကနေ ဘာမှ အကြောင်းမပြန်သေးဘူးလို့ သွားရောက် ရှင်းပြခဲ့တယ်” ဟု SSPP ပြောခွင့်ရ ဗိုလ်မှူးကြီး ဖိန်ဖ က ပြောသည်။
SSPP နှင့် အစိုးရတို့သည် ၂ဝ၁၂ ခုနှစ်၊ ဇန်နဝါရီလ ၂၈ ရက်နေ့ကပင် အပစ်အခတ် ရပ်စဲရေး သဘောတူ လက်မှတ် ရေးထိုးခဲ့ပြီး ဖြစ်သော်လည်း ထိုသို့ လက်မှတ် ရေးထိုးပြီးနောက် ယနေ့အထိ တိုက်ပွဲပေါင်း ၅ဝ နီးပါး ဖြစ်ပွားခဲ့ ကြောင်းလည်း သိရှိရသည်။
နှစ်ဖက် တပ်များ ဖမ်းဆီးထားသည့် သုံ့ပန်းများကို လဲလှယ်၍ ပြန်လွှတ်ပေးကြရန် စက်တင်ဘာလ ၈ ရက်နေ့က လာရှိုးမြို့၌ SSPP ကိုယ်စားလှယ် ဂျွန်နော်လစ်နှင့် ဝန်ကြီး ဦးအောင်မင်းတို့ တွေ့ဆုံ ဆွေးနွေးခဲ့ကြပြီး သဘောတူညီ မှု ရရှိခဲ့သည်။
အောက်တိုဘာလ ၁ ရက်နေ့ကလည်း SSPP တပ်မဟာ (၁)၊ ပလောင် အမျိုးသား လွတ်မြောက်ရေး တပ်ဦး၏ တပ်ရင်း (၂၅၇) နှင့် ကချင်လွက်လပ်ရေးတပ် KIA တပ်မဟာ (၄) မှ ပူးပေါင်း တပ်ဖွဲ့များနှင့် အစိုးတပ်၏ ကွတ်ခိုင် အခြေစိုက် ခမရ ၅ဝ၂၊ ၃၂၄ တပ်ဖွဲ့များနှင့် နမ့်ဆန်း၊ ကွတ်ခိုင် ဒေသအတွင်း တိုက်ပွဲများ ဖြစ်ပွားခဲ့သည်။
အစိုးရ တပ်ဖက်မှ SSPP အား တပ်ဆုတ်ပေးရန် ပြောကြားခဲ့မှုမှာ ယခုအကြိမ်မှာ လေးကြိမ်မြောက် ဖြစ်သည်။ ဇူလိုင်လ ၂၅ ရက်နေ့ နောက်ဆုံး ထားပြီး မိုင်းရှူးမြို့နယ်၊ မိုင်အွတ် တပ်စခန်း တခုနှင့် လာရှိုးမြို့နှင့် မိုင်းရယ် မြို့ကြား ရှိ နမ့်မဂွင်မှ SSPP တပ်များကို ဆုတ်ပေးရန် တောင်းဆိုခဲ့သည်။ ထိုအကြိမ်တွင် SSPP မှ ထပ်မံ၍ တပ်ဆုတ်ပေးရန် မဖြစ်နိုင်တော့ကြောင်း ဗဟို ကော်မီတီမှ ဆုံးဖြတ်ခဲ့သည်။
ဇူလိုင် လဆန်း၌လည်း ထိုကဲ့သို့ တပ်ဆုတ်ပေးရန် နှစ်ကြိမ် တောင်းဆိုခဲ့ပြီး မိုင်းရှူးဂွင်ရှိ ၇ မိုင်ကုန်း ခေါ် မိုင်းအွတ် SSPP စခန်းနှစ်ခုကို ဆုတ်ပေးခဲ့သည်။
စစ်ရေး အခြေအနေ တင်းမာနေမှုကြောင့် သြဂုတ်လဆန်းမှ စပြီး SSPP ဌာနချုပ် ဖြစ်သော ဝမ်းဟိုင်းဒေသ အဝင် လမ်းကြောင်းများကို အစိုးရဘက်မှ ရှိပြီးသား အင်အား တပ်ရင်း ၁ဝ ရင်းအပြင် နောက်ထပ် အင်အား ၁,ဝဝဝ ခန့်ဖြင့် ထပ်မံအင်အား ဖြည့်တင်း၍ ယနေ့အထိ ပိတ်ဆို့ ထားခဲ့သည်။
ဝမ်းဟိုင်း ဌာနချုပ်သည် ရှမ်းပြည်နယ် ကျေးတီမြို့နယ် အရှေ့ဖက် မိုင်းရှူး၏ အနောက်ဖက်၊ မိုင်းယောင်း၏ အရှေ့မြောက်ဖက်၊ တန်းယန်းမြို့နယ်နှင့် လာရှိုး အကြား၌ ရှိသည်။
SSPP ၏ တပ်ဖွဲ့များသည် ရှမ်းပြည်နယ် အလယ်ပိုင်းနှင့် မြောက်ပိုင်းဒေသရှိ မိုင်းရှူးဂွင်၊ မိုင်းမဂွင်နှင့် ဝမ်းဟိုင်းဂွင်များ ၌ လှုပ်ရှားနေကြသည်။
Ref: ဧရာဝတီ
သံလွင် တာဆန်းဆည် စီမံကိန်း စတင်ရန် ပြင်ဆင်နေ
သန်းထိုက်ဦး
October 6, 2012
ရှမ်းပြည်နယ် တောင်ပိုင်း သံလွင်မြစ်ပေါ်ရှိ အာရှတွင် အမြင့်ဆုံးဖြစ်လာနိုင်သော တာဆန်းဆည် မဟာ ရေအားလျှပ်စစ် စီမံကိန်းကို စတင် တည်ဆောက်ရန် ပြင်ဆင်နေကြောင်း သိရသည်။
အဆိုပါ စီမံကိန်းသည် ရှမ်းပြည်နယ် လင်းခေးခရိုင် မိုင်းပန်မြို့နှင့် မိုင်းဆတ်ခရိုင် မိုင်းတုံမြို့နယ် ကြားတွင် တည်ရှိပြီး လတ်တလောတွင် China Three Gorges Project Development Corporation (CTGPDC) ကုမ္ပဏီမှ ၀န်ထမ်းများက ကွင်းဆင်းလေ့လာ မှုများ ပြုလုပ်နေကြောင်း ထိုင်းနိုင်ငံ ချင်းမိုင်မြို့အခြေစိုက် ရှမ်းသဘာဝ ပတ်ဝန်းကျင် ထိန်းသိမ်းရေး အဖွဲ့မှ ကိုစိုင်းစိုင်းက ဧရာဝတီသို့ ပြောသည်။
“တရုတ်အဖွဲ့တွေက ဆန်းစစ်လေ့လာမှုတွေ လုပ်နေတယ်၊ သူတို့ စီမံကိန်း အတွက် ဒီဇိုင်းအသစ် ပြန်လုပ်ဖို့ရယ်၊ နောက်ပြီးတော့ တရုတ် နယ်စပ်ကနေ လမ်းဖောက်ဖို့ အတွက် လာလေ့လာတယ်လို့ ကြားတယ်” ဟု ၎င်းက ဆိုသည်။
ကိုစိုင်းစိုင်း၏ အဆိုအရ ပြီးခဲ့သည့်နှစ် ဒီဇင်ဘာလမှ စတင်၍ ယင်းဒေသအတွင်း အစိုးရနှင့် တိုင်းရင်းသား လက်နက်ကိုင် တပ်ဖွဲ့ဝင်များ အပစ်အခတ် ရပ်စဲရေး ပြုလုပ်ခဲ့ပြီးနောက်ပိုင်း ယင် စီမံကိန်းကြီးကို စတင်ရန် CTGPDC ကုမ္ပဏီ ၀န်ထမ်းများက ကွင်းဆင်းလေ့လာမှုများ စတင်ခဲ့ခြင်း ဖြစ်ကြောင်း သိရသည်။
ယင်း စီမံကိန်းကို သံလွင်မြစ်ပေါ်တွင် တာတမံ နှစ်ဆင့် တည်ဆောက်မည် ဖြစ်ပြီး မြန်မာနိုင်ငံတွင် ယခုလက်ရှိ အသုံးပြုနေသော လျှပ်စစ် ပမာဏ၏ နှစ်ဆကျော်ထုတ်ယူ နိုင်သည်ဟု ရှမ်းပြည်နယ် ၀န်ကြီးချုပ် ဦးစပ်အောင်မြတ်က ပြောကြားကြောင်းလည်း ယခုလ ပထမပတ်ထုတ်က ပေါ်ပြူလာသတင်းဂျာနယ်တွင် ဖော်ပြထားသည်။
“ဒီနေရာမှာ ကျောက်တောင်တွေပဲ ရှိတယ်။ ပြောင်းရွှေ့ရမယ့် ဒေသခံ အနေအထားကလည်း အနည်းဆုံး နေရာဖြစ်နေတယ်” ဟု ၎င်းက ဆိုသည်။
မြန်မာ စစ်အစိုးရက ပထမဦးဆုံး ထိုင်းနိုင်ငံမှ အမ်ဒီအိက်စ် ကုမ္ပဏီ အုပ်စု (MDX Group) နှင့် ရှမ်းပြည်နယ်တွင် တာဆန်းဆည် တည်ဆောက်ရန် ၂၀၀၇ ခုနှစ်တွင် သဘော တူခဲ့သည်။
ထိုအချိန်က MDX Group နှင့် မကျေလည်မှုများ ရှိခဲ့သည်ဟု ကောလာဟလများ ထွက်ပေါ်ခဲ့ပြီး နောက်ပိုင်း ၂၀၀၈ ခုနှစ်၊ နှစ်လယ်ပိုင်းတွင် ဆိုင်နို ဟိုက်ဒရို၊ တရုတ်နိုင်ငံတောင်ပိုင်း ပါဝါဂရစ် ကုမ္ပဏီ၊ တရုတ် CTGPDC တို့က မြန်မာနိုင်ငံ သံလွင်မြစ်ဝှမ်း ဖွံ့ဖြိုး တိုးတက်မှုအတွက် သဘောတူစာချုပ် လက်မှတ် ရေးထိုးခဲ့ကြောင်း မြန်မာနိုင်ငံ မြစ်ချောင်းများဆိုင်ရာ ကွန်ယက်အဖွဲ့ မှတ်တမ်းများတွင် ဖော်ပြ ထားသည်။
ရှမ်းပြည် တောင်ပိုင်း မိုးနဲမြို့နယ် မဲဆန္ဒနယ် အမှတ် ၂ ရှမ်းတိုင်းရင်းသားများ ဒီမိုကရက်တစ် ပါတီ (SNDP) မှ လွှတ်တော် ကိုယ်စားလှယ် တဦးဖြစ်သူ ဦးစိုင်းမောင်ကြီးက သံလွင်မြစ်ပေါ်တွင် တည်ဆောက်မည့် ရေကာတာ စီမံကိန်းကြောင့် ရှမ်းတိုင်းရင်းသားများ သာမက ကရင်ပြည်နယ်၊ မွန်ပြည်နယ်နှင့် ကယားပြည်နယ်ရှိ တိုင်းရင်းသားများ သဘာဝ ဆိုးကျိုးများ ကြုံရနိုင်ကြောင်း ဧရာဝတီသို့ ပြောသည်။
“ထုံစံအတိုင်း အရင် အတိတ်ကာလကို ပြန်ကြည့်မယ်ဆိုရင် လောပိတ ရေအားလျှပ်စစ် စီမံကိန်းတို့၊ ဇော်ဂျီ ရေအားလျှပ်စစ် စီမံကိန်းတို့ ဆိုရင် ဖြတ်သာသွားတယ်၊ မြင်သာမြင် မကြင်ရတဲ့ ဘ၀ အဲဒီလိုမျိုးပေါ့။ အခုလည်း တာဆန်းရေကာတာ စီမံကိန်းလည်း ထင်သာမြင်သာမှု မရှိဘူးဆိုတော့ ကောင်းကျိုးတွေ ခံစားရမယ်လို့ မမျှော်လင့်ပါဘူး” ဟု ၎င်းက ဆိုသည်။
စီမံကိန်းနှင့် ပတ်သက်သည့် အဖွဲ့အစည်းများအနေနှင့် ပြည်သူလူထု၏ ဆန္ဒမပါဘဲ အကောင်အထည် ဖော်ဆောင်ခြင်း မပြုလုပ် သင့်ကြောင်း ဦးစိုင်းမောင်ကြီးက ဆက်ပြောသည်။
ရေကာတာ ဆောက်လုပ်ရေး စီမံကိန်းနှင့် ရေအားလျှပ်စစ် စက်ရုံ တည်ဆောက်ရေး အတွက် အနည်းဆုံး ဒေါ်လာ သန်း ၆၀၀၀ ကုန်ကျမည်ဖြစ်ပြီး ရေကာတာ၏ အမြင့်သည် ၂၂၈ မီတာ ဖြစ်ပြီး အာရှတိုက်တွင် အမြင့်ဆုံးရေကာတာ ဖြစ်မည်ဟု သိရသည်။
မြန်မာနိုင်ငံ မြစ်ချောင်းများဆိုင်ရာ ကွန်ယက်၏ မှတ်တမ်းအရ တရုတ်နိုင်ငံရှိ အမြင့်ဆုံး ဆည်ဖြစ်သည့် ဧရာမ Three George Dam ထက်ပင် မြင့်ဖွယ် ရှိသည်ဟု သိရပြီး ယင်းဆည်တည်ဆောက်မှုနှင့် ပတ်သက်၍ ဆိုးကျိုးများကို ဒေသခံများအား အသိပေးခြင်း မရှိဟု ဆိုသည်။
၂၀၀၅ ခုနှစ်က စစ်အစိုးရ ထုတ်ဝေသည့် နိုင်ငံတော် ဖွံ့ဖြိုးတိုးတက်မှု မှတ်တမ်းစာအုပ်တွင် “တာဆန်း (သံလွင်) အမည်တွင်မည့် အဆိုပါ မဟာရေအား လျှပ်စစ် စီမံကိန်းကြီးမှ ထုတ်ယူရရှိမည့် လျှပ်စစ်ဓာတ်အား ပမာဏမှာ ၇၁၁၀ မဂ္ဂါဝပ် ဖြစ်ပေသည်” ဟု ဖော်ပြထားသည်။
“သံလွင်မြစ်၏ စွမ်းအားကို အသုံးချ၍ ပြည်ထောင်စုကြီး ထွန်းကားအောင် နိုင်ငံတော်က စွမ်းဆောင်ပေးမည့် မဟာ ရေအား လျှပ်စစ် စီမံကိန်းကြီး ဖြစ်သည်” ဟု ၎င်းစာအုပ်တွင် ရေးထားသည်။
လွန်ခဲ့သည့် ၂၀၀၉ ခုနှစ်တွင် ရှမ်းသဘာဝ ပတ်ဝန်းကျင် ထိန်းသိမ်းရေးအဖွဲ့က ထုတ်ပြန်သော“ဘဝဇစ်မြစ် မပြတ်ရေး အတွက် တင်းခံရခြင်း” (Roots and Resilience) အမည်ရှိ အစီရင်ခံစာတွင် သံလွင်မြစ်ရိုးပေါ်တွင် တည်ဆောက်မည့် တာဆန်း ရေကာတာ စီမံကိန်းကြောင့် ဒေသခံပြည်သူများ ဆင်းရဲဒုက္ခ ရောက်နေရကြောင်း ဖော်ပြထားသည်။
လွန်ခဲ့သောနှစ်များကပင် လူဦးရေ တသောင်းခွဲခန့်သည် ၎င်းဒေသမှ ဖယ်ပေးခဲ့ရပြီး အများစုမှာ ထိုင်းနိုင်ငံသို့ ထွက်ပြေးခဲ့ရကြောင်း အစီရင်ခံစာတွင် ရေးသားထားသည်။
ယခင် စစ်အစိုးရက လက်ထက်၌ တရုတ်နှင့် ထိုင်းနိုင်ငံရှိ ကုမ္ပဏီများ ပူးပေါင်း၍ သံလွင်မြစ်မကြီးနှင့် မြစ်လက်တက် များပေါ်တွင် ရေကာတာ ၇ ခု တည်ဆောက်ရန် လျာထားခဲ့ကြောင်း၊ တရုတ် ကုမ္ပဏီများ အဓိက တာဝန်ယူ ဆောက်လုပ်နေသည့် ရေအား လျှပ်စစ် စီမံကိန်းများမှ လျှပ်စစ်ဓာတ်အား ပမာဏ ၃၅၆၄၀ မဂ္ဂါဝပ် ထွက်ရှိရန် မျှော်လင့်ထားပြီး အများစုကို တရုတ်သို့ တင်ပို့ရောင်းချရမည်ဖြစ်ကြောင်း သိရသည်။
လက်ရှိအချိန်အထိ ကချင်၊ ရှမ်း၊ ကယားပြည်နယ်၊ မန္တလေးတိုင်းနှင့် စစ်ကိုင်းတိုင်းများတွင် ဆောက်လုပ်နေဆဲ ရေကာတာ စီမံကိန်း၂၁ ခုရှိကြောင်း သိရသည်။
ကရင်ပြည်သူ့ပါတီ (KPP) မှ တွဲဖက် အတွင်းရေးမှူး ဦးစောမိုးမြင့်က “ဧရာဝတီကိုပဲ လူတွေက အာရုံစိုက် ကြတယ်၊ သံလွင်ကိုတော့ လူတွေက မေ့နေကြတယ်” ဟု ဧရာဝတီသို့ ပြောသည်။
Ref: ဧရာဝတီ
စစ်တွေမြို့ ဗလီဝင်း မီးလောင်မှုဖြစ်ပွား
မနန္ဒာချမ်း
07.10.2012
မကြာသေးခင် လတွေအတွင်း အကြမ်းဖက် ပဋိပက္ခတွေ ဖြစ်ပွားခဲ့တဲ့ ရခိုင်ပြည်နယ် စစ်တွေမြို့က ဗလီကျောင်းဝင်း တခုတွင်းမှာ ဒီကနေ့ နေ့ခင်းပိုင်းက မီးလောင်မှု ဖြစ်ပွား ခဲ့ပါတယ်။ ပစ္စည်း သိုလှောင်တဲ့ အဆောင် တခုသာ မီးလောင်ခဲ့တာဖြစ်ပြီး အချိန်မီ ငြိမ်းသတ်နိုင်ခဲ့ သလို ဖြစ်ရတဲ့ အကြောင်းရင်းကိုလည်း စုံစမ်း စစ်ဆေးနေဆဲလို့ စစ်တွေ တာဝန်ရှိသူတွေ က ပြောပါတယ်။ ဒီလို အခြေအနေကြောင့် ဗလီအနီး တ၀ိုက်မှာ လုံခြုံရေးကိုလည်း အာဏာပိုင်တွေ ဘက်က တင်းတင်းကြပ်ကြပ် ချထား ခဲ့တယ်လို့ မျက်မြင် သက်သေတွေ က ပြောပါတယ်။ အသေးစိတ်ကိုတော့ ဆက်သွယ်စုံစမ်း ထားတဲ့ မနန္ဒာချမ်း က တင်ပြထားပါတယ်။
ရခိုင်ပြည်နယ် စစ်တွေမြို့၊ ဆရာတော် ဦးဥတ္တမပန်းခြံနီးက မူစလင်ဗလီကျောင်းဝင်း တခုမှာ တနင်္ဂနွေနေ့ နေ့လယ်ပိုင်းက မီးလောင်မှု ၂ ကြိမ် ဖြစ်ပွားခဲ့တာပါ။ ဗလီကျောင်းဝင်း အတွင်းမှာ ရှိတဲ့ စာအုပ်တွေ၊ ကပ်ထူ စက္ကူတွေ သိုလှောင်ထားတဲ့ သက်ကယ်တဲ တတဲ မီးလောင်ခဲ့တာ ဖြစ်ပြီး ဖြစ်ရတဲ့ အကြောင်းရင်းကို စုံစမ်း စစ်ဆေးနေဆဲ ဖြစ်တယ်လို့ စစ်တွေ ထိန်းသိမ်း ကွပ်ကဲရေး အဖွဲ့ ပြန်ကြားရေး အဖွဲ့ဝင် ဦးဝင်းမြိုင်က ပြောပြပါတယ်။
“ဗလီကျောင်းဝင်းထဲမှာ။ အဆောင်လား အိမ်လား ပြောရခက်တယ်။ ပစ္စည်းတွေ လှောင်ထား တာပေါ့။ တဲအကြီးကြီးပေါ့။ တော်တော်ကြီးတဲ့ တဲပေါ့။ သူတို့ အိမ်တွေမှာ စာအုပ်တွေ စုပုံထားတာ ရှိတယ်။ သူတို့ အဲဒီမှာ စာအုပ်တွေ မီးလောင်တာလေ။ မီးသတ်က ငြိမ်းပေးခဲ့တယ်။ နောက်ငြိမ်းပြီးတော့ ထပ် လောင်တဲ့ အခါကျတော့ လူတွေက ဗလီ အတွင်းထဲလည်း ဖြစ်နေတယ်ဆိုတော့ ၀ိုင်းကူကြတာပေါ့ လူတွေက။ သူတို့ ဗလီထဲ ဆိုတော့ ကျနော်လည်း မသိဘူးခင်ဗျ။ အဲဒီမှာ မီးသတ်က သွားရှင်းတဲ့ အခါကျတော့ စာအုပ်တွေရယ်၊ ကပ်ထူ စက္ကူတို့ ဘာတို့ ၀ယ်ထားတာလား မသိပါဘူး။ လှောင်ထားတာနဲ့ တူပါတယ်။ ကျနော် မေးကြည့်တဲ့ အခါကျတော့ သူတို့ဟာသူတို့ လောင်တာ၊ သူတို့ ဘယ်လိုဖြစ်လို့ လောင်မှန်းလည်း မသိဘူး။ အဲဒီမှာ နေ့လယ် ၁ နာရီ ခွဲလောက်က။ ဗလီရဲ့ တဘက်မှာ ဆိုင်တွေ ရှိတယ်လေ။ သူတို့က မီးခိုးတွေ မြင်တော့ မီးသတ်ကို လှမ်း ဖုန်းဆက်တယ်။ ဆက်တော့ မီးသတ်က ပထမတခါ လာငြိမ်းသွားတယ်။ တခါ ထပ်လောင်တော့ ဒုတိယအကြိမ် လာငြိမ်းတော့ ထိတ်လန့်ပြီးတော့ ၀ိုင်းကြည့်ကြတာပေါ့။ အဲဒါတွေပါ။ မများပါဘူးခင်ဗျ။ အဲဒီ တအိမ်တည်းပဲ မီးလောင်ပြီးတော့ မီးသတ်ကလည်း ချက်ချင်း လာငြိမ်း သွားပါတယ်။ ညနေ ၅ နာရီလောက်ကျတော့ အေးအေးဆေးဆေး ပါပဲ။ ဘာမှမရှိတော့ဘူး။ မီးသတ်က ငြိမ်းသွားတာပေါ့။”
ဒါ့အပြင် ဒေသခံ ဗုဒ္ဓဘာသာဝင်တွေနဲ့ မူစလင်တွေကြား အပြန်အလှန် တိုက်ခိုက်မှုတွေ ဖြစ်ပွားခဲ့ပြီး လူပေါင်း ၈၈ ယောက်အထိ သေဆုံးခဲ့ရတဲ့ အဖြစ်အပျက်တွေ ကြုံခဲ့ဖူးတဲ့ ရခိုင်ပြည်နယ်မှာ အခုလို တရက်တည်းမှာတင် ၂ ကြိမ် ဖြစ်ခဲ့တာကြောင့် ဒေသခံတွေ အနေနဲ့ ထိတ်လန့်မှုတော့ ဖြစ်ခဲ့တယ် လို့လည်း စစ်တွေ ထိန်းသိမ်း ကွပ်ကဲရေး အဖွဲ့ ပြန်ကြားရေး အဖွဲ့ဝင် ဦးဝင်းမြိုင် က ပြောပါတယ်။ မီးလောင်မှုဖြစ်တဲ့နေရာကို ကိုယ်တိုင် သွားကြည့်ခဲ့တဲ့ စစ်တွေမြို့ခံ တဦးကတော့ မီးလောင်မှုဖြစ်ပြီး မကြာခင်မှာပဲ အခြေအနေတွေ ရုတ်ရုတ်သဲသဲ မဖြစ်အောင် အာဏာပိုင်တွေကနေ လုံခြုံရေး အပြည့် ချထားခဲ့တာကြောင့် အနားထိ ကြည့်ခွင့်မရခဲ့ ဘူးလို့ အခုလို ပြောပြပါတယ်။
“ကျနော် သွားတဲ့အခါ အဲဒီနေရာကို ရောက်တဲ့အခါမှာ လုံခြုံရေးတွေ အထပ်ထပ် ချထားတယ် ဆိုတော့ ကျနော်တို့ ၀င်လို့ မရတော့ဘူး။ အချိန်က လေးနာရီကျော် ငါးနာရီလောက်တော့ ရှိပြီ။ မီးလောင်တာကို ကျနော့် အိမ်ကနေ မြင်ရတယ်။ မီးခိုးတွေ မြင်လိုက်ရတယ်။ ဒါပေမဲ့ များများ စားစားတော့ မဟုတ်ဘူး။ ကျနော် မော်တော် ဆိုင်ကယ်နဲ့ ထွက်သွားပြီးတော့ ပတ်ကြည့်တယ်။ ပတ်ကြည့်တော့ အဲဒီမှာ လုံခြုံရေးတွေက အကုန်လုံး ချထားပြီဆိုတော့ ကျနော်လည်း ရှေ့ကို ၀င်လို့ မရတော့ဘူးလေ။ အိမ်တခုမှ မလောင်ဘူး။ အဲဒီ ဗလီကျောင်းထဲက အဆောင်တခုပဲ နည်းနည်းပါးပါး လောင်တာ။ လုံခြုံရေးတွေကတော့ အထပ်ထပ် ချထားတယ်။”
ညနေပိုင်းမှာတော့ အခြေအနေတွေဟာ အေးအေးဆေးဆေးပဲ တွေ့ရတယ်လို့လည်း အဲ့ဒီ စစ်တွေမြို့ခံက ပြောဆိုခဲ့ပါတယ်။ ပြီးခဲ့တဲ့ လကုန်ပိုင်းကလည်း ဘင်္ဂလားဒေ့ရ်ှနယ်စပ် က ကောက်ဇက်ဘဇား (Cox's Bazaar) နဲ့ ရာမူး (Ramu) လို့ခေါ်တဲ့ ပန်းဝါမြို့မှာ ဗုဒ္ဓဘာသာ ဘုန်းတော်ကြီးကျောင်းတွေ၊ ဘုရားတွေ အပါအ၀င် စာသင်ကျောင်းနဲ့ လူနေအိမ် တော်တော်များများ ကို မီးရှို့ ဖျက်ဆီးမှုတွေ ဖြစ်ခဲ့ပါသေးတယ်။ လူ ၂ ဦး သေဆုံးတဲ့အထိ ဖြစ်ခဲ့တဲ့ ဒီအကြမ်းဖက် တိုက်ခိုက်မှု တွေနောက်ပိုင်း ဘင်္ဂလားဒေ့ရှ် ဘက်မှာလည်း ညမထွက်ရ အမိန့်ကို အာဏာပိုင်တွေက ထုတ်ပြန် ခဲ့ရတာပါ။
မြန်မာနိုင်ငံမှာတော့ ရခိုင်ဒေသခံတွေနဲ့ မူဆလင်တွေအကြား လအတန်ကြာဖြစ်ခဲ့တဲ့ အဓိကရုဏ်းတွေကို လွတ်လပ်တဲ့ စုံစမ်း စစ်ဆေးရေးကော်မရှင် တရပ်ကို သြဂုတ်လက ဖွဲ့စည်းခဲ့ပြီး ဒီအဖွဲ့အနေနဲ့ စစ်ဆေးမှုတွေကို စတင် လုပ်ဆောင်နေပြီ ဖြစ်ပါတယ်။ ပြီးခဲ့တဲ့ ဇွန်လက ရခိုင်ပြည်နယ်မှာ လူ ၉၀ နီးပါး သေဆုံးပြီး ၈ သောင်းလောက် အိုးမဲ့အိမ်မဲ့ ဖြစ်ခဲ့ရတဲ့အထိ ဖြစ်ပွားခဲ့တဲ့ အကြမ်းဖက် အဓိကရုဏ်းတွေ ကြောင့် အစိုးရက ထုတ်ပြန်ခဲ့ရတဲ့ ပုဒ်မ (၁၄၄) ညမထွက်ရအမိန့်ကို စစ်တွေမြို့မှာ အခုထိ ရုပ်သိမ်းခြင်း မရှိသေးပါဘူး။
Ref: VOA News
Posts
