2012-06-05
မနေ့ ညက မြန်မာနိုင်ငံ ရန်ကုန်မြို့ကိုရောက်ရှိလာတဲ့ သြစတြေးလျ နိုင်ငံခြားရေး ၀န်ကြီး မစ္စတာ Bob Carr ဟာ ဒီကနေ့ မွန်းလွဲပိုင်းမှာ အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် နဲ့ တွေ့ဆုံမှာဖြစ်ကြောင်း ဒေါ်အောင်ဆန်းစုကြည်ရဲ့လြုံခုံရေး အရာရှိ ဦးခွန်သာမြင့်က ပြောပါတယ်။
အလားတူ မစ္စတာ Carr ဟာ ၈၈ မျိုးဆက် ကျောင်းသားခေါင်းဆောင်တွေ နဲ့လည်း တွေ့ဆုံမယ်လို့ သိရပါတယ်။ မနက်ဖြန်မှာတော့ သြစတြေးလျ နိုင်ငံခြားရေး ၀န်ကြီးဟာ နေပြည်တော်မှာ မြန်မာ အစိုးရ ၀န်ကြီးတွေနဲ့ တွေ့ဆုံမှာ ဖြစ်ပါတယ်။
သမ္မတ ဦးသိန်းစိန်နဲ့လည်း တွေ့ဆုံဖွယ် ရှိပါတယ်။ တွေ့ဆုံတဲ့အခါ လက်ရှိ ဒီမိုကရေစီပြုပြင် ပြောင်းလဲမှု လမ်းကြောင်း အတိုင်း ဆက်လက်လျှောက်လှမ်းဖို့ ဦးသိန်းစိန်ကို တိုက်တွန်းမှာ ဖြစ်တယ်လို့ ဆိုပါတယ်။
သြစတြေးလျ အစိုးရဟာ မြန်မာအပေါ် ပိတ်ဆို့အရေးယူ ထားခဲ့ရာမှာ မူလက ပိတ်ဆို့ အရေး ယူထားတဲ့ ပုဂ္ဂိုလ် အမည်စာရင်း (၃၉၂) ယောက် ရှိခဲ့ရာက၊ ပြုပြင်ပြောင်းလဲမှုတွေ ပေါ်ပေါက်လာ အပြီးမှာတော့ အဲဒီ ပိတ်ဆို့ခံ အမည်စာရင်းထဲမှာ (၁၂၆) ယောက်သာ ကျန်တဲ့အထိ လျှော့ပေါ့ခဲ့ပါတယ်။
ဒါ့အပြင် လာမယ့် ဘဏ္ဍာရေးနှစ်မှာ မြန်မာအတွက် ကူပံ့ငွေ (၃၀) ရာနှုန်း တိုးတက် ကူညီမှာဖြစ်လို့ အမေရိကန်ဒေါ်လာ (၆၄) သန်းနီးပါး မြန်မာက ရရှိမှာဖြစ်ပါတယ်။
မြန်မာအစိုးရ ခေါင်းဆောင်တွေ အားလုံးဟာ ပိတ်ဆို့မှုတွေ ပြန်လာစေချင်ကြမှာ မဟုတ်ဘူးဆိုတာ မိမိ ယုံကြည်ကြောင်း၊ မြန်မာအပေါ် ပိတ်ဆို့မှုတွေကို အခြေအနေတွေနဲ့ ကိုက်ညီအောင် မိမိတို့ ပြန်လည်သုံးသပ် ကြရမှာဖြစ်ကြောင်း၊ အစိုးရအဖွဲ့၊ အတိုက်အခံအဖွဲ့တွေနဲ့ မိမိတွေ့ဆုံပြီးတဲ့အခါ ပိတ်ဆို့မှုနဲ့ ပတ်သက်ပြီး မိမိ ဆုံးဖြတ်မှာဖြစ်ကြောင်း သြစတြေးလျ နိုင်ငံခြားရေးဝန်ကြီး မစ္စတာ Bob Carr က ပြောဆိုပါတယ်။
Ref: RFA News
Wednesday, June 6, 2012
သြစတြေးလျ နိုင်ငံခြားရေး ၀န်ကြီး ဒေါ်အောင်ဆန်းစုကြည် နှင့် တွေ့မည်
VOA နဲ့ MRTV သဘောတူညီချက်
အောင်လွင်ဦး
အင်္ဂါ, 05 ဇွန် 2012
မြန်မာနိုင်ငံမှာ ဗွီအိုအေ အမေရိကန်အသံရဲ့ သတင်းမီဒီယာ လုပ်ငန်းတွေ လုပ်ကိုင်နိုင်ဖို့ ခွင့်ပြု သွားမှာ ဖြစ်တဲ့ အကြောင်း ပြန်ကြားရေး ၀န်ကြီး က ပြောလိုက်ပါတယ်။ ဗွီအိုအေ ညွှန်ကြားရေးမှူး ရဲ့ မြန်မာနိုင်ငံ ခရီးစဉ် ဒုတိယမြောက်နေ့အဖြစ် နေပြည်တော်မှာ ပြန်ကြားရေးဝန်ကြီး ဦးကျော်ဆန်း နဲ့ တွေ့ဆုံချိန်မှာ အခုလို လက်ခံသွားမယ့် အစီအစဉ်ကို လက်မှတ်ရေးထိုး သဘောတူလိုက်တာ ဖြစ်ပါ တယ်။ အပြည့်အစုံ ကိုတော့ ကိုအောင်လွင်ဦး ကပြောပြပေးမှာ ဖြစ်ပါတယ်။
မြန်မာနိုင်ငံက သတင်းအချက်အလက်တွေကို ပြည်တွင်းမှာ စုဆောင်း ရယူနိုင်ဖို့ ဗွီအိုအေ အမေရိကန် အသံ မြန်မာပိုင်းရဲ့ သတင်းထောက် တွေ ပြည်တွင်းမှာ သတင်း ယူခွင့်ပြုဖို့နဲ့ ဗွီအိုအေ က ထုတ်လွှင့်တဲ့ အစီအစဉ် တချို့ကို မြန်မာနိုင်ငံမှာ ပြန်လည် ထုတ်လွှင့်ဖို့ စတာတွေကို မြန်မာ အစိုးရဘက်က လက်ခံ လိုက်တာ ဖြစ်ပါတယ်။ အစိုးရရုံးစိုက်ရာ နေပြည်တော်မှာ ပြန်ကြားရေး ၀န်ကြီးဌာန တာဝန်ရှိသူတွေနဲ့ အင်္ဂါ နေ့မှာ လက်မှတ်ရေးထိုး သဘောတူညီချက် ရရှိခဲ့တာလုိ့ ဗွီအိုအေ မြန်မာပိုင်းကို ညွှန်ကြားရေးမှူး David Ensor က ပြောပြပါတယ်။
“မြန်မာအစိုးရ ရုပ်မြင်သံကြားနဲ့ ရေဒီယိုဌာန ညွန်ကြားရေးမှူးချုပ်နဲ့အတူ ဒီကနေ့ လက်မှတ်ရေးထိုးကြ တာ ဖြစ်ပါတယ်။ သဘောတူညီချက် မှာတော့ ဗွီအိုအေက ထုတ်လုပ်တဲ့ အင်္ဂလိပ်စာ သင်ခန်းစာတို တချုို့ကို မြန်မာရေဒီယိုတွေကတဆင့် ပြန်လည် ထုတ်လွှင့်ဖို့နဲ့ ရုပ်မြင်သံကြား မှာလည်း အလားတူ ပြသနိုင်ဖို့တွေ ပါဝင်ပါတယ်။ ဒါဟာ တိုးတက်မှု တခုပါ၊ ကြီးကြီးမားမား မဟုတ်ပေမဲ့ အရေးကြီးတဲ့ ဖြစ်ထွန်းမှု တခု ဖြစ် သလို၊ ဒီထက် ကြီးကြီးမားမား အခြေအနေတွေ ပေါ်ပေါက်လာဖို့လည်း မျှော်လင့်ထားပါတယ်။ ဒုတိယ အနေနဲ့ကတော့ မြန်မာပြန်ကြားရေး ၀န်ကြီးနဲ့ တွေ့ချိန်မှာ ဗွီအိုအေ မြန်မာပိုင်းဌာန အနေနဲ့ ပြည်တွင်းကို အကြိမ်ကြိမ် ၀င်ပြီး အလုပ်လုပ်ခွင့် ရနိုင်မယ့် ပြည်ဝင်ခွင့်ဗီဇာ ထုတ်ပေး ရေး အစီအစဉ်ကို အားပေးတဲ့အကြောင်း ပြောကြားသွားတာ ဖြစ်ပါတယ်။”
မြန်မာနိုင်ငံမှာ ဗွီအိုအေ အနေနဲ့ တရားဝင် ရုံးခွဲတခု ဖွင့်လှစ်ပြီး လုပ်ငန်းတွေ လုပ်ကိုင်ခွင့် ရရှိရေးအတွက်လည်း မြန်မာအာဏာပိုင်တွေနဲ့ ဆွေးနွေးခဲ့တယ်လို့ ညွန်ကြားရေးမှူး David Ensor က ပြောပါတယ်။ ဒီလို အခြေအနေတွေ ပေါ်ပေါက်လာမယ် ဆိုရင်တော့ ဒါဟာ မီဒီယာ လုပ်ငန်း အပါအ၀င် မြန်မာနိုင်ငံ ဖွံ့ဖြိုးတိုးတက်ရေးမှာ အထောက်အကူ ဖြစ်စေလိမ့်မယ်လို့ မျှော်လင့်တဲ့ အကြောင်း လည်း သူက ပြောခဲ့တာပါ။ ခရီးစဉ်မှာ အတူလိုက်ပါသွားတဲ့ ဗွီအိုအေ မြန်မာပိုင်းရဲ့ ဌာနမှူး ဦးသန်းလွင်ထွန်း ကတော့ ရုံးခန်းဖွင့်လှစ်ပြီး လုပ်ကိုင်နိုင်ဖို့ ကိစ္စအတွက် လိုအပ်တဲ့ ဥပဒေရေးရာ ပြင်ဆင်မှုတွေ ရှိနေသေး တာမို့ လတ်တလောမှာ မဖြစ်နိုင်သေးတဲ့အကြောင်း ပြန်ကြားရေးဝန်ကြီးက ရှင်းပြတယ်လို့ ပြောပါတယ်။
“VOA ရုံးခန်းဖွင့်ဖို့ကိစ္စနဲ့ ပတ်သက်လို့ကတော့ ဒီ ၀န်ကြီး ဦးကျော်ဆန်းက ပြောတာက ပြန်ကြားရေး ၀န်ကြီးဌာနအနေနဲ့ အခု လာမယ့် လွှတ်တော်အစည်းအဝေးတွေမှာ အသံလွှင့်မီဒီယာ ဥပဒေကြမ်းတခုကို တင်သွင်းဖို့ ရှိတယ်၊ အဲဒါက ဇူလိုင်လထဲမှာ ဖြစ်မယ်လို့ သူတို့ ပြောပါတယ်။ အဲတော့ ဇူလိုင်လအတွင်းမှာ ဒီ အသံလွှင့်မီဒီယာဥပဒေကြမ်းကို လွှတ်တော်က အတည်ပြုပေးလိုက်ပြီးတဲ့အခါကျလို့ ရှိရင်တော့ VOA အပါအ၀င် တခြား မြန်မာ့မီဒီယာတွေ အနေနဲ့ ရုံးခန်းဖွင့်ဖို့ ကိစ္စတွေ အတော်လေး တရားဝင် အားဖြင့် ပြေပြေ လည်လည်ဖြစ်သွားမယ်လို့ ပြောပါတယ်။ သူ့အနေနဲ့ ပြောတဲ့သဘောက ဇူလိုင်၊ သြဂုတ် လ အလွန်ဆုံးပဲပေါ့။ အဲဒီနောက်ပိုင်းမှာတော့ ရုံးခန်းတွေ တရားဝင် ဖွင့်ဖို့ ကိစ္စ တွေက ဖြစ်လာနိုင် ပါတယ်လို့ သူ ပြောပါတယ်။ ကျနော်တို့ အနေနဲ့ကတော့ ခုလောလောဆယ်မှာ ၀န်ကြီးအနေနဲ့ အသေ အချာ ပြောလိုက်တဲ့ VOA သတင်းထောက်တွေ မြန်မာနိုင်ငံထဲကို အကြိမ်ကြိမ် ၀င်ခွင့်ရမယ့် ဗီဇာမျိုး ကို ပြန်ကြားရေးဝန်ကြီးဌာနကနေပြီးတော့ ထောက်ခံချက်နဲ့ ရရှိအောင် ဆောင်ရွက်ပေးမယ် ဆိုတာလောက်နဲ့ပဲ ကျနော်တို့အနေနဲ့ တော်တော်လေး ကျေနပ်ရမယ်ဆိုတဲ့ သဘော ရှိတာပေါ့။”
ဗွီအိုအေ တာဝန်ရှိသူတွေရဲ့ မြန်မာနိုင်ငံခရီးစဉ် ကြာသပတေးနေ့ အဆုံးမသတ်မီမှာတော့ နိုင်ငံရေး ပါတီတွေနဲ့လည်း ရန်ကုန်မြို့မှာ တွေ့ဆုံ သွားဖို့ ရှိသလို၊ အသံလွှင့်လုပ်ငန်းတွေနဲ့ မြန်မာနိုင်ငံက မီဒီယာ လုပ်ငန်းက သက်ဆိုင်သူတွေနဲ့လည်း တွေ့ဆုံဖို့ စီစဉ်ထားတယ်လို့ ဦးသန်းလွင်ထွန်း က ပြောပါတယ်။
မြန်မာနိုင်ငံမှာ ပြီးခဲ့တဲ့နှစ်က အရပ်သား အစိုးရတရပ်အဖြစ် တက်လာပြီးတဲ့နောက် နိုင်ငံရေး အပြောင်း အလဲတွေ နဲ့အတူ သတင်းမီဒီယာ အပေါ် ထိန်းချုပ်မှု တချို့ကိုလည်း လျှော့ပေါ့လာရာမှာတော့ ဗွီအိုအေ အပါအ၀င် ပြည်ပသတင်းဌာနတွေရဲ့ အင်တာနက် ၀ဘ်ဆိုဒ်တွေကို အရင်က ပိတ်ပင် ထားတာတွေကို လည်း ဖွင့်ပေးခဲ့တာ ဖြစ်ပါတယ်။
Ref: VOA News
ဘင်္ဂါလီ ဗလီရှေ့တွင် အစ္စလာမ်ဘာသာဝင်များ တောင်ကုတ်ကိစ္စ ကန့်ကွက် ဆန္ဒပြ
ကိုပေါက်
အင်္ဂါနေ့၊ ဇွန်လ ၀၅ ရက် ၂၀၁၂
နယူးဒေလီ (မဇ္ဈိမ) ။ ။ ရန်ကုန်မြို့၊ ဆူးလေဘုရားအနီး ဘင်္ဂါလီဗလီရှေ့တွင် အင်္ဂါနေ့ နေ့လည်ပိုင်းက အစ္စလာမ် ဘာသာဝင်များ ဆန္ဒပြမှု တရပ် ဖြစ်ပွားခဲ့သည်။
ဇွန်လ ၃ ရက်နေ့က ရခိုင်ပြည်နယ် တောင်ကုတ်မြို့တွင် ခရီးသွား အစ္စလာမ် ဘာသာဝင် ၁ဝ ဦးအား ဒေသခံ လူအုတ် က သတ်ဖြတ်ခဲ့မှုနှင့် ပတ်သက်၍ တရားမျှတမှု လိုချင်ကြောင်း၊ ထို့ပြင် နိုင်ငံပိုင် မီဒီယာများမှ အသုံးပြုလိုက်သည့် “မွတ်ဆလင် ကုလား” ဟူသည့် စကားလုံးနှင့် ပတ်သက်၍လည်း ကန့်ကွက်သည့်အနေဖြင့် ဆန္ဒပြကြခြင်း ဖြစ်သည်ဟု မဇ္ဈိမသတင်းထောက် လင်းဘိုဘို က ပြောသည်။
ဗလီရှေ့တွင် ဆန္ဒပြ အစ္စလာမ် ဘာသာဝင် အယောက် ၅ဝ ခန့်နှင့် လာရောက် ကြည့်ရှုသူ စုစုပေါင်း ၃ဝဝ ခန့်အား အခြေအနေ အေးချမ်းစွာ ဖြစ်စေရန် အတွက် အစ္စလာမ် ဘာသာဝင် တဦးဖြစ်သူ ၈၈ ကျောင်းသား ခေါင်းဆောင် ကိုမြအေး က နှစ်ကြိမ်တိုင် လာရောက်အားပေး ထိန်းသိမ်းခဲ့ကြောင်း သိရသည်။
“ခုတော့ လူစုကွဲသွားပါပြီ။ ကိုမြအေး ဒုတိယအခေါက် ပြန်ရောက် မလာခင်က အခြေအနေ တော်တော် တင်းနေတယ်။ ကိုမြအေးလည်း တော်တော် မောနေတယ်။ တော်တော် ကြိုးစားပမ်းစား ထိန်းသွားရှာပါတယ်။ အလ္လာက မှာ ထားချက်တွေ၊ ငြိမ်းချမ်းရေး ရှေးရှုဖို့တွေ ရှင်းပြသွားတယ်ဗျ။ အဓိက က မလိုလားအပ်တဲ့ ပြဿနာတွေထဲကို၊ လူတစုက ဖန်တီးနေတဲ့ လှည့်ကွက်ထဲကို ဝင်မသွားမိဖို့ လိုပါတယ် လို့ပြောတယ်” ဟု လင်းဘိုဘို က ပြောသည်။
ထို့ပြင် ရခိုင်ပြည်နယ်တွင်း ဖြစ်ပေါ်ခဲ့သည့် အဖြစ်အပျက်များနှင့်ပတ်သက်၍ တရားမျှတမှုမှာ ဧကန်လိုအပ်ကြောင်း လည်း ကိုမြအေး က တောင်းဆိုသွားပြီး နိုင်ငံပိုင် မီဒီယာများ၏ သုံးနှုန်းခေါ်ဆိုမှုနှင့် ပတ်သက်၍လည်း ကန့်ကွက် သွားသည်။
“ခရီးသွား ၁ဝ ယောက်ကို ရက်ရက်စက်စက် သတ်ပစ် တာကိုလည်း တရားမျှတမှု လိုချင်ပါတယ်။ အစိုးရက ကြေညာ တဲ့အခါမှာ ကျနော်တို့ကို မွတ်ဆလင် ကုလားတွေလို့ ကြေညာတယ်။ အဲလိုဆိုရင် တိုင်းပြည်အတွက် အသက်စွန့်သွား တဲ့ ဆရာကြီး ဦးရာဇတ်ကို မွတ်ဆလင် ကုလားကြီးလို့ ခေါ်မလားဗျာ” ဟု နိုင်ငံပိုင် မီဒီယာများအား ကိုမြအေး က ဝေဖန်ပြောဆို လိုက်သည်။
ထို့ပြင် မေလ ၂၈ ရက်နေ့က ဖြစ်ပွားခဲ့သည့် မသီတာထွေး အား အဓမ္မပြုကျင့် သတ်ဖြတ်ခဲ့သည့် အမှုအားလည်း အမှုမှန်ပေါ်ပေါက်ပြီး တရားမျှတစွာ အရေးယူပေးရန် လိုလားကြောင်း ကိုမြအေး က တောင်းဆိုသွားသည်။
“အစိုးရပိုင် သတင်းမီဒီယာတွေ သုံးတာက discriminate လုပ်တာပေါ့။ လူမျိုးရေး ပဋိပက္ခကို ဖြစ်ပွားလာအောင် ဖန်တီးနေတဲ့ အသုံးအနှုန်းမျိုးဖြစ်နေတယ်လို့ ကိုမြအေးက ပြောသွားတယ်။ ကိုမြအေးရဲ့စကားကို အတော်များများ က လေးစားကြတာ တွေ့ရတယ်။ သူရောက်မလာခင်တုန်းက တော်တော်ကြီးကို ကြမ်းကြမ်းတမ်းတမ်းတွေ ဖြစ်နေ တာကိုး။ ပွက်လောရိုက်နေတာ” ဟု မဇ္ဈိမ သတင်းထောက်က ပြောသည်။
တောင်ကုတ်မြို့ သတ်ဖြတ်မှုတွင် တောင်တွင်းကြီးမြို့မှ ဆွေမျိုးသားချင်း ၃ ဦး သေဆုံးခဲ့သည့် ဒေါ်ခင်နှင်းလှ ကလည်း “ကျမတို့ဟာ နိုင်ငံရေးတွေလည်း နားမလည်ပါဘူး။ ဒီကိစ္စကို အမှုမှန် ပေါ်ပေါက်စေချင်တယ်။ အစိုးရကို မဝေဖန် လိုပါဘူး။ ကုလားဆိုတာ အရင်တုန်းက အစိုးရအနေနဲ့ သုံးနှုန်းခဲ့တာ မတွေ့ပါဘူး။ ခုကျမှ ဘာလို့ ဒီစကားလုံးသုံးလဲ မသိပါဘူး” ဟု မဇ္ဈိမကို ပြောသည်။
ထို့နောက် ကိုမြအေးက “အစ္စလာမ်ဘာသာဝင်များ ကိုယ်စား တရားမျှတမှုရအောင် ကျနော် ကြိုးစားပါမယ်။ ကျနော် ကတိပေးပါတယ်” ဟု ပြောဆိုကာ ဆန္ဒပြသူ လူအုပ်အား အေးချမ်းစွာ လူစုခွဲစေခဲ့သည်။
လာရောက်ကြည့်ရှုနေကြသည့် အစ္စလာမ်ဘာသာဝင် မဟုတ်သူများနှင့် တစုံတရာ ကတောက်ကဆ မဖြစ်ပွားခဲ့ဘဲ ဗလီလူကြီးများ၏ ထိန်းသိန်းမှုဖြင့် ဆန္ဒပြပွဲ ပြီးဆုံးသွားကြောင်း သိရသည်။
Ref: မဇ္ဈိမ
Tuesday, June 5, 2012
နိုင်ငံရေးအပြောင်းအလဲ အချိန်ယူရမည်ဟု မြန်မာကာကွယ်ရေး ဝန်ကြီး တုံ့ပြန်
ကိုသားညွန့်ဦး
တနင်္လာ, 04 ဇွန် 2012
မြန်မာနိုင်ငံမှာ စစ်တပ်က နေရာယူအုပ်ချုပ်ထားတာ အထူးသဖြင့် လွှတ်တော်တွင်း ၂၅ ရာခိုင်နှုန်း စစ်တပ်က ပါဝင်နေတဲ့အပေါ် တဖြည်းဖြည်းနဲ့ လျှော့ချသွားမယ်၊ လက်ရှိ နိုင်ငံရေးပြုပြင်ပြောင်းလဲမှုတွေ ကိုလည်း စစ်တပ်က ၁၀၀% ထောက်ခံပါတယ်လို့ မြန်မာနိုင်ငံ ကာကွယ်ရေး ၀န်ကြီးက ပြောဆိုခဲ့ပေ မယ့် နိုင်ငံရေးလေ့လာသူတွေ ကတော့ ဒီအပေါ်မှာ သံသယ ရှိနေဆဲဖြစ်ပါတယ်။ အထူးသဖြင့်တော့ လက်ရှိနိုင်ငံရေး အပြောင်း အလဲတွေဟာ ခိုင်ခိုင်မာမာ မရှိသေးသလို လူပုဂ္ဂိုလ်တွေ အပေါ်မှာ တည်နေ သလိုဖြစ်နေတယ်လို့ ပြောပါတယ်။ ဒီအကြောင်း ကိုသားညွန့်ဦးက ဆက်ပြီး တင်ဆက်ပေးမှာပါ။
စင်ကာပူနိုင်ငံမှာ ပြုလုပ်နေတဲ့ အာရှဒေသ၊ လုံခြုံရေး ညီလာခံမှာ မြန်မာ ကာကွယ်ရေး ၀န်ကြီး ဒုတိယ ဗိုလ်ချုပ်ကြီးလှမင်း တက်ရောက် ခဲ့ရာမှာ မြန်မာနိုင်ငံ အတွင်း အပြောင်းအလဲတွေနဲ့ ပတ်သက်လို့ မြန်မာ စစ်တပ်ရဲ့ သဘောထားကို တတ်ရောက်လာသူ အချို့က မေးခွန်း ထုတ်ခဲ့ကြပါ တယ်။ စစ်တပ် အနေနဲ့ လက်ရှိမြန်မာ အစိုးရပြုလုပ်နေတဲ့ နိုင်ငံရေးပြုပြင်ပြောင်းလဲမှုတွေကို ၁၀၀% ထောက်ခံ ပါတယ်လို့ ပြောခဲ့ သလို လက်ရှိ လွှတ်တော်တွင်း စစ်တပ်က ၂၅ % နေရာ ယူထားတာကိုလည်း တဖြည်းဖြည်း လျှော့ချ သွားဖွယ် ရှိတယ်လို့လည်း စကားပြန်က တဆင့် ပြောသွားပါတယ်။
လွှတ်တော်ထဲ ၂၅ % ပါဝင်ပတ်သက်မှုနဲ့ ပတ်သက်လို့ ပွင့်ပွင့်လင်းလင်း ပြောရမယ် ဆိုရင်တော့ ဥပမာ အားဖြင့် ရေချိုထဲက ငါးကို ရုတ်တရက် ရေငန်ထဲကို ထည့်လို့ မရသလို အသွင် ကူးပြောင်းရေး အတွက် အချိန်တော့ ယူရပါမယ်၊ အခုဖွဲ့စည်းပုံပါ ၂၅ % တပ်က နေရာ ယူထားတာဟာ အသေ ဆုပ်ကိုင်ထားဖို့ မဟုတ်ပါဘူး၊ ဖွဲ့စည်းပုံပါ အချက်အလက်တွေကို ပြောင်းလဲနိုင်တဲ့ နည်းလမ်းတွေ ရှိပါတယ်၊ သင့်လျော်တဲ့ အချိန် ကျရင်တော့ ၂၅ % ပါဝင်မှုကို လျှော့ချပြီး အပြောင်းအလဲတွေ ရှိလာမှာပါ ဆိုပြီးတော့ ဒုတိယ ဗိုလ်ချုပ်ကြီး လှမင်းက ဖြေဆိုသွားတာပါ။
ဒါပေမယ့်လည်း မြန်မာစစ်ဘက် အရပ်ဘက် ဆက်ဆံရေး သုံးသပ်လေ့လာသူ တဦးဖြစ်တဲ့ ဦးဌေးအောင် ကတော့ အခုလို ကတိပေး ပြောဆိုမှုတွေ အပေါ်မှာ သံသယ ရှိပါတယ်။ အထူးသဖြင့်တော့ အပြောင်း အလဲတွေ၊ ဒီလို ပြောဆိုချက်တွေဟာ တစ်ခုလုံးကို တကယ် ကိုယ်စားပြုရဲ့လား၊ လူပုဂ္ဂိုလ်တွေ အပေါ်မှာ တည်သလိုဖြစ်နေသလားဆိုတာ သူက မေးခွန်းထုတ်ပါတယ်။
“ကျနော်တို့ သတိထားပြီးတော့ စောင့်ကြည့်ရမယ်လို့ ထင်တယ်။ ဘာဖြစ်လို့လဲဆိုတော့ ဗိုလ်ချုပ် မှူးကြီးစောမောင် ကလည်းပဲ အလားတူပဲ ဦးစီးချုပ်ဖြစ်စဉ် ကာလ န၊ ဝ၊ တ ဥက္ကဋ္ဌဖြစ်စဉ် ကာလက ဒီရွေးကောက်ပွဲ ပြီးလို့ရှိရင် စစ်တန်းလျားကိုပြန်ပါမယ်လို့ ကတိတွေပေးခဲ့ပေမဲ့ နောက်ပိုင်းမှာ သူ့ကို ဖယ်ရှားလိုက်တဲ့ အခါကျတော့ ဒီကတိတွေက သူနဲ့အတူ ပျောက်ကွယ် သွားတာမျိုးတွေ ရှိတယ်။ အခုလည်းပဲ ဗိုလ်ချုပ်ကြီး လှမင်းပဲဖြစ်စေ၊ ဒါမှမဟုတ် သမ္မတကြီး ဦးသိန်းစိန်ပဲဖြစ်စေ- နောက်ပြီးတော့ ဦးရွှေမန်းပဲဖြစ်စေပေါ့လေ- သူတို့က ခေါင်းဆောင်တွေ ပီပီပေါ့နော် ကတိကဝတ်တွေ ပေးထားပေမဲ့ တချိန်ချိန် ကျလို့ရှိရင် တပ်မတော်က အမျိုးမျိုးကြောင့် အာဏာပြန်သိမ်းဖို့၊ နောက်ကြောင်းပြန် လှည့်ဖို့ ဖြစ်လာမယ် ဆိုလို့ရှိရင် သူတို့ကို ဖယ်ရှား လိုက်တာနဲ့ သူတို့ရဲ့ကတိစကားတွေက သူတို့နဲ့ အတူတူ ပါသွားတဲ့ သဘောမျိုးပဲဖြစ်သွားမှာပဲ။”
ရှမ်းတိုင်းရင်းသားခေါင်းဆောင်တဦးဖြစ်တဲ့ ခွန်ထွန်းဦးကတော့ အာဏာပိုင်တွေ အတွင်းမှာကို တဦးနဲ့တဦး အပြော အဆိုတွေ မညီညွတ်သေးတာကြောင့် အခု အပြောင်းအလဲ ဆိုတာဟာလည်း ခိုင်မာပါ့မလား စိုးရိမ်တယ်လို့ ပြောပါတယ်။
“ကျနော့်အထင်ပြောရရင်တော့ စိတ်ချရလောက်တဲ့အနေအထားမျိုးတော့ မရောက်သေးဘူးဗျ။ အထူး သဖြင့် တိုင်းရင်းသားတွေ ဆွေးနွေးတာဟာ တကြောင်း၊ တဂါထာ၊ တရွာ၊ တပုဒ်ဆန်းဖြစ်နေ တယ်။ ပြောတာ ဆိုတာတွေက မညီညွတ်သေးဘူးဖြစ်နေတယ်။ ငြိမ်းချမ်းရေးက စိတ်ချရတဲ့ ငြိမ်းချမ်းရေး ရမှသာလျှင် ပြီးပြည့်စုံ လိမ့်မယ်လို့ ကျနော်ယုံကြည်တယ်။ အဲဒီတော့ အခုလို ငြိမ်းချမ်းရေး တည်ဆောက် ယူတဲ့နေရာမှာ စိတ်မချနေရလို့ ရှိရင် အမေရိကန်ဆီက လက်နက်တွေယူပြီးတော့ ဒီတိုင်းရင်းသားတွေကို ပြန်တိုက်နေရင် ကျနော်တို့ ဘယ်လိုလုပ်မလဲ။ အဲဒါက စဉ်းစားစရာဖြစ်နေပါတယ်။”
အာရှလုံခြုံရေးညီလာခံကို အမေရိကန်ကာကွယ်ရေးဝန်ကြီး လီယွန် ပန်နက်တာလည်း တက်ရောက်နေ တာပါ။ မြန်မာနိုင်ငံမှာ ပြုပြင် ပြောင်းလဲမှုတွေ လက်တွေ့ အကောင်အထည်ဖော်ပြီး နိုင်ငံရေး လွတ်လပ်ခွင့် ပိုပေးလာမယ် ဆိုရင် အမေရိကန်နဲ့ မြန်မာကြား စစ်ဘက် ဆက်ဆံရေး တိုးတက်စေမဲ့ နည်းလမ်းတွေ ကို ဆွေးနွေးသွားဖို့ အမေရိကန် ဘက်က လိုလိုလားလား ရှိတယ်လို့ မစ္စတာ Panetta က ပြောခဲ့ပါတယ်။ ဦးဌေးအောင် ကတော့ မြန်မာစစ်တပ်ဟာ အမေရိကန်နဲ့ ပိုပြီး နီးနီးကပ်ကပ် ဆက်ဆံလိုတဲ့ သဘောထား ရှိနေတယ်လို့ ယူဆပါတယ်။ ဒါကြောင့် အမေရိကန်က မြန်မာစစ်တပ်ကို အပြောင်းအလဲဖြစ်အောင် လုပ်နိုင်မယ်လို့ပြောပါတယ်။
“သူတို့အနေနဲ့ အစကတည်းကကို မြန်မာစစ်ခေါင်းဆောင်တွေက အနောက်နိုင်ငံတွေမှာ သွားပြီးတော့ စစ်ပညာသင်ချင်တာ မျိုးတို့၊ အနောက်နိုင်ငံတွေ မှာပဲ သွားပြီးတော့ အနောက်နိုင်ငံတွေက စစ်လက်နက် ပစ္စည်းတွေ တင်မကဘဲနဲ့ အနောက်နိုင်ငံထုတ် ပစ္စည်းတွေကို ဝယ်ယူချင်တာ မျိုးတို့၊ သူတို့ရဲ့ သားသမီးတွေကိုလည်း အနောက်နိုင်ငံတွေမှာပဲ ပညာ သင်စေချင်တာမျိုးတို့ ဒါမျိုး အနောက်နိုင်ငံတွေကို သူတို့ အနေနဲ့ အထင်ကြီးလေးစားတဲ့ စိတ်ဓာတ်တွေလည်း ရှိတယ်။ အဲဒါကြောင့် အခု အမေရိကန်နိုင်ငံက လာပြီး ဗမာ အစိုးရခေါင်းဆောင်တွေကို အခုလိုပေါ့ ကမ်းလှမ်းမှုတွေ လုပ်လာမယ် ဆိုရင်တော့ ဒါ အများကြီးကောင်းတယ် လို့ပဲ ကျနော်က ယူဆပါတယ်။”
လက်ရှိ မြန်မာနိုင်ငံရေးပြုပြင်ပြောင်းလဲမှုတွေမှာ စစ်အုပ်စုအတွင်း အပြောင်းအလဲကို လက်မခံတဲ့ သဘောထား တင်းမာသူတွေ ရှိနေဆဲပဲလို့ လေ့လာသူတွေက ယူဆနေကြတာပါ။ ဒါကြောင့်လည်း ဒုတိယဗိုလ်ချုပ်မှူးကြီး မင်းအောင်လှိုင်ဦးဆောင်တဲ့ စစ်တပ်က မြန်မာ့နိုင်ငံရေး ပြုပြင် ပြောင်းလဲမှုတွေမှာ ဘယ်လို အခန်းကဏ္ဍက ပါဝင်နိုင်မလဲဆိုပြီးတော့ နိုင်ငံတကာကလည်း စူးစမ်းနေပုံရပါတယ်။ အထူးသဖြင့် ကချင်ဒေသ မှာ အပစ်ရပ်ဖို့ သမ္မတက ညွှန်ကြားချက်ထုတ်ပေမဲ့ စစ်တပ်ကလိုက်နာမှုမရှိဘူးလို့ ယူဆချက်တွေကြောင့် စစ်တပ်ဟာ အပြောင်းအလဲမှာ အဟန့်အတားဖြစ်နိုင်တယ်လို့ မြင်နေကြတာပါ။ ဒါပေမယ့်လည်း ကာကွယ်ရေးဝန်ကြီးကတော့ စစ်တပ်အနေနဲ့ အစိုးရအဖွဲ့ရဲ့ လုပ်ငန်းတွေကို အပြည့် အ၀ထောက်ခံပါတယ်၊ မြန်မာ့စစ်တပ်ဟာ ဘယ်တုန်းကမှ အစိုးရကို ပုန်ကန်တာမျိုး မရှိခဲ့ဘူး လို့ ပြောဆိုသွားပါတယ်။
Ref: VOA News
ရခိုင်အဓိကရုဏ်း အစိုးရသတိပေး
ကိုမိုးဇော်
တနင်္လာ, 04 ဇွန် 2012
မြန်မာနိုင်ငံ အနောက်ဘက်ခြမ်း ရခိုင်ပြည်နယ်တွင်းမှာ ဒီရက်ပိုင်း ဖြစ်ပွားတဲ့ အဓိကရုဏ်းတွေ အတွင်း လူ ၁၀ ဦးအထိ သေဆုံး ခဲ့တယ်လို့ ဒေသခံတွေက ပြောပါတယ်။ သွေးထွက်သံယို ပဋိပက္ခတွေ ဖြစ်ပွားခဲ့တဲ့ အပေါ်မှာတော့ တရားဥပဒေ စိုးမိုးမှု အားနည်းချက် အဖြစ် နိုင်ငံရေးခေါင်းဆောင်တွေက ထောက်ပြနေကြ တာပါ။ ရခိုင်ပြည်နယ်က အဓိကရုဏ်းတွေရဲ့ နောက်ဆုံး အခြေအနေတွေကိုတော့ ဆက်သွယ် စုံစမ်းထားတဲ့ ထိုင်းအခြေစိုက် သတင်းထောက် ကိုမိုးဇော်က တင်ပြပေးထားပါတယ်။
ရခိုင်ပြည်နယ်၊ သံတွဲကနေ ရန်ကုန်ကို ထွက်ခွာလာတဲ့ အဝေးပြေး ကားပေါ်မှာ လိုက်ပါလာသူ အစ္စလာမ် ဘာသာဝင်တွေကို တနင်္ဂနွေနေ့ ညနေပိုင်းက တောင်ကုတ်မြို့ခံတွေက သံတွဲ၊ တောင်ကုတ် ကားလမ်း ဆုံမှာ တားဆီး သတ်ဖြတ်ခဲ့ပါတယ်။ သေဆုံးသူ အရေအတွက်နဲ့ ပတ်သက်လို့ အာဏာပိုင်တွေ ဘက်က တစုံတရာ ထုတ်ပြန်ထားတာ မရှိသေးပါဘူး။ အခင်းဖြစ်ပွားပုံကို တောင်ကုတ်မြို့ခံတယောက်က အခုလို ပြောပါတယ်။
“ညနေ လေးနာရီခွဲလောက်က သံတွဲကရောက်တဲ့ကား၊ ရိုးမသစ္စာ ကားပေါ်မှာ မွတ်စလင် ဗလီဆရာ ၇ ယောက် ပါလာတယ်။ အဲဒါ သူတို့ကို တောင်ကုတ်က အဖွဲ့တွေ ကားထဲမှာပဲ သတ်မယ်၊ ဖြတ်မယ်ဆိုလို့ ကားဂိတ်က အတင်း ကားကို ထွက်ခိုင်းတာနဲ့ ကားက ထွက်သွားတယ်၊ ထွက်သွားလို့ လမ်းမှာ ဆိုင်ကယ်နဲ့ လိုက်သွားကြပြီးတော့ သံတွဲ လမ်းဆုံမှာ ကားကို ရပ်ခိုင်းပြီး ဗလီဆရာတွေကို ဝိုင်းပြီး ရိုက်သတ် ပစ်လိုက်ကြ တယ်။ ဗလီဆရာတွေက ၇ ယောက်၊ ကားမောင်းတဲ့ ဒရိုင်ဗာနဲ့ စပယ်ယာ ၂ ယောက်ပေါ့နော်။ ”
နောက်ဆုံးရတဲ့ သတင်းအရဆို သတ်ခံရသူ စုစုပေါင်း ၁၀ ယောက်ဖြစ်ပါတယ်။ ဒီသတ်ဖြတ် ခံရသူတွေ ထဲမှာ ကားမောင်းသူနဲ့ ယာဉ်နောက်လိုက် ၂ ယောက် အပါအ၀င် တောင်တွင်းကြီးမြို့က ၆ ယောက်၊ မြောင်းမြမြို့ က ၂ ယောက်တို့ ဖြစ်တယ်လို့ တခြားဒေသခံတွေက ပြောပါတယ်။
ဒီသတ်ဖြတ်မှုဟာ ရမ်းမြဲမြို့နယ် ကျောက်နီမော်ရွာက မသီတာထွေးခေါ် ရခိုင် အမျိုးသမီး တယောက် ကို မေလ ၂၈ ရက်နေ့က အစ္စလာမ် ဘာသာဝင် လူငယ် ၃ ယောက်က အဓမ္မပြုကျင့် သတ်ဖြတ်မှုနဲ့ ဆက်စပ်ဖြစ်ပေါ် လာတာဖြစ်ပါတယ်။ မသီတာထွေး သတ်ဖြတ် ခံခဲ့ရပြီးတဲ့နောက်မှာ ကျောက်နီမော်ရွာ၊ ရမ်းဗြဲမြို့နဲ့ ကျောက်ဖြူမြို့က လူထုက ကန့်ကွက် ဆန္ဒပြတာတွေ တောက်လျှောက်ဖြစ်ခဲ့ပါတယ်။
တောင်ကုတ်မြို့မှာ သတ်ဖြတ်မှု မဖြစ်ပွားခင် မနက်ခင်းကလည်း လူမျိုးရေး အရ လှုံ့ဆော်တာတွေ ဖြစ်ပွားခဲ့ တယ်လို့ တောင်ကုတ်မြို့ခံက ပြောပါတယ်။
“မိုးလင်းကာစကနေပြီးတော့ တောင်ကုတ်မြို့ရဲ့ဈေး ပတ်ဝန်းကျင်မှာ စာတွေဖြန့်ကြတယ်၊ လှုံ့ဆော်ကြ တယ်။ ကုလားတွေ မြို့ဝင်တာ၊ ထွက်တာတွေကို လက်မခံဖို့၊ တွေ့ရင် သတ်ကြဖို့ အဲဒါတွေကို လှုံ့ဆော်တဲ့ စာတွေ - အဲဒီ ကျောက်နီမော်မှာဖြစ်တဲ့ ကလေးမလေးရဲ့ ဓာတ်ပုံတွေနဲ့ ပူးပြီးတော့ လှုံ့ဆော် ထားတာတွေ ရှိတယ်။”
ဒီတိုက်ခိုက်မှုမှာ လူ ၂၀၀ လောက် ပါဝင်တယ်လို့ ဒေသခံတွေက ခန့်မှန်းပါတယ်။ အခုချိန်ထိတော့ တစုံ တရာ ဖမ်းဆီး အရေးယူတာ မရှိသေးပါဘူး။ သေဆုံး သွားသူတွေရဲ့ ရုပ်အလောင်းတွေ ကိုတော့ ဒီကနေ့ သံတွဲမြို့မှာ သင်္ဂြိုဟ်တယ်လို့ ပြောပါတယ်။
တောင်ကုတ်မြို့၊ အစ္စလာမ်ဘာသာဝင်တွေ သတ်ဖြတ် ခံရတာဟာ တရားဥပဒေ စိုးမိုးမှုရဲ့ အားနည်း တာကြောင့်ဖြစ်တယ်လို့ တောင်ကုတ်မြို့ အမျိုးသား ဒီမိုကရေစီ အဖွဲ့ချုပ်က အတွင်းရေးမှူး ဦးခင်လှက ပြောပါတယ်။
“ကျနော့အနေနဲ့ပြောရမယ် ဆိုရင်တော့ တရားဥပဒေ စိုးမိုးမှု မရှိလို့ ဖြစ်တာလို့ မြင်တယ်။ ဘာလို့လဲ ဆိုတော့ အချိန်က စောစောကြီးပဲ၊ လေးနာရီခွဲ လောက်ပဲ ရှိတယ်။ ဖြစ်တဲ့ ကိစ္စမှာလည်း တချက်တည်း ခုတ်၊ ထိုး၊ သတ်ပြီးတော့ လူတယောက်ကို ထွက်ပြေး သွားတာမျိုး မဟုတ်ဘူးပေါ့နော်။ တိုင်းပြည်ကို ငြိမ်ဝပ် ပိပြားဖို့ ဥပဒေစိုးမိုးဖို့ ကိုင်တွယ်နေတဲ့ ပုဂ္ဂိုလ်တွေမှာတော့ တာဝန်ရှိတယ်လို့ ကျနော်ထင်တယ်။”
ဦးခင်လှက ဒီမိုကရေစီနိုင်ငံထူထောင်နေချိန် မှာတော့ လူမျိုးရေး၊ ဘာသာရေး အမုန်း တရားတွေ၊ အာဃတတွေနဲ့ လုပ်ဆောင်လို့ မရနိုင်ကြောင်းလည်း ထောက်ပြပါတယ်။ ရခိုင် တိုင်းရင်းသားများ တိုးတက်ရေးပါတီ ဥက္ကဋ္ဌ ဒေါက်တာအေးမောင် ကလည်း အခုလို သုံးသပ်ပါတယ်။
“တောင်ကုတ်မှာ ဖြစ်သွားတဲ့ကိစ္စကလည်းပဲ ဒါ လူအုပ်စုနဲ့ ထိန်းမနိုင် သိမ်းမရ ဖြစ်ပြီးကာမှ၊ တရားဥပဒေ စိုးမိုးမှု၊ ဆင်ခြင်စွာ ထိန်းသိမ်းနိုင်မှု အင်္ဂါရပ်တွေမှာ တစုံတခု အတိုင်းအတာ အထိ ယိုယွင်း သွားတယ်လို့ သုံးသပ် ပါတယ်။ နောင် ဒါမျိုး ဖြစ်စဉ်တွေ မဖြစ်ပေါ်နိုင်အောင် ဘာသာ အသီးသီးက ပုဂ္ဂိုလ်ကြီးတွေနဲ့ လူထုကို ချပြ၊ ဘာသာရပ် ဆိုင်ရာအရ ဆွေးနွေး၊ ညှိညှိနှိုင်းနှိုင်းနဲ့ ထိန်းထိန်း သိမ်းသိမ်းဖြစ်ဖို့ မေတ္တာ ရပ်ခံခဲ့ပါတယ်။”
မနေ့ညပိုင်းကလည်း စစ်တွေမြို့မှာ နာဇီဈေး ဈေးကောက်နှုန်းမြင့်တက် လာတာကို ဦးဆောင် ဆန္ဒပြခဲ့ သူ ပျောက်ဆုံးတာနဲ့ ပတ်သက်ပြီး ရဲစခန်းကို ၀ိုင်းဝန်း ဆန္ဒပြရာက လူထုနဲ့ ရဲတပ်ဖွဲ့ အကြားမှာ အခင်းဖြစ်ပွား ခဲ့ပါတယ်။ ဆန္ဒပြလူထုက ရဲစခန်းကို ပုလင်းတွေ၊ ခဲတွေနဲ့ ပစ်ပေါက်ခဲ့တာကြောင့် ရဲတပ်ဖွဲ့ ဘက်ကလည်း မိုးပေါ်ကို သေနတ်ပစ်ဖောက် သတိပေးပြီး နောက်ပိုင်းမှာ လူအုပ်အကြား ပစ်ခတ်ဖြိုခွင်း ခဲ့ပါတယ်။
ရခိုင်တိုင်းရင်းသားများတိုးတက်ရေးပါတီရဲ့ ပြည်နယ်လွှတ်တော် ကိုယ်စားလှယ် ဦးအောင်မြကျော် ကတော့ ထိခိုက် ဒဏ်ရာရသူ ၁၃ ယောက်ရှိပြီး ဒဏ်ရာ ကြီးမားတာ မရှိကြောင်း ပြောပါတယ်။
ဒီနေ့မှာတော့ တောင်ကုတ်ရော စစ်တွေမြို့မှာပါ ပုံမှန်အခြေအနေတိုင်း ငြိမ်သက်နေခဲ့တယ် လို့ ဒေသခံတွေက ပြောပါတယ်။
မြန်မာအစိုးရ ပြန်ကြားရေးဝန်ကြီးဌာန အင်တာနက်စာမျက်နှာ မှာတော့ ရခိုင်ပြည်နယ် အတွင်း ဖြစ်ပွားနေတဲ့ အခြေ အနေတွေကို အစိုးရက တရား ဥပဒေနဲ့ အညီဆောင်ရွက်သွားမှာဖြစ်ကြောင်းနဲ့ ပြည်သူတွေ အနေနဲ့ တည်ငြိမ်အေးချမ်း မှုနဲ့ တရားဥပဒေ စိုးမိုးမှုကို ထိခိုက်စေမယ့် အပြုအမှုတွေကို ရှောင်ရှားဖို့နဲ့ ဥပဒေနဲ့အညီ နေထိုင်ဆောင်ရွက်ကြဖို့ တိုက်တွန်း ထားပါတယ်။
Ref: VOA News
Monday, June 4, 2012
ထိုင်းနိုင်ငံ ခရီးစဉ် အပေါ် ဒေါ်အောင်ဆန်းစုကြည် ကျေနပ်မှုရှိ
2012-06-03
(၂၄) နှစ်တာ ကာလအတွင်း ဒေါ်အောင်ဆန်းစုကြည်ရဲ့ ပထမဦးဆုံး နိုင်ငံခြားခရီးစဉ်ဖြစ်တဲ့ ထိုင်းနိုင်ငံ ခရီးစဉ် ပြီးဆုံးသွားပြီး ဒီကနေ့ မနက်မှာပဲ ဒေါ်အောင်ဆန်းစုကြည်နဲ့ အဖွဲ့ဟာ ရန်ကုန်မြို့ကို ပြန်လည် ရောက်ရှိလာပါတယ်။
ထိုင်းနိုင်ငံမှာ (၆) ရက်ကြာ နေထိုင်စဉ် ကာလအတွင်း ထိုင်း အာဏာပိုင်တွေရဲ့အစီအစဉ်နဲ့ မြန်မာရွှေ့ပြောင်း အလုပ်သမားတွေ၊ နယ်စပ် ဒုက္ခသည်တွေကို သွားရောက်တွေ့ဆုံ နိုင်ခဲ့ပါတယ်။
ထိုင်းခရီးစဉ် တခုလုံးပေါ်မှာ ဒေါ်အောင်ဆန်းစုကြည်က စိတ်ကျေနပ်မှု ရခဲ့တယ်လို့ သူနဲ့အတူ ထိုင်းနိုင်ငံကို လိုက်ပါသွားတဲ့ NLD ပါတီ ပြည်သူ့လွှတ်တော် ကိုယ်စားလှယ် ဒေါ်စန္ဒာမင်းက RFA ကို ပြောပါတယ်။
"ကျွန်မတို့ ရာသီဥတုမကောင်းလို့ နဲနဲ နောက်ကျပါတယ်။ ၁၀ နာရီလောက် ပြန်ရောက်ပါတယ်။ ခရီးစဉ်အပေါ်မှာ ကျွန်မတို့ အားရကျေနပ်မှု ရှိပါတယ်။ ဒေါ်အောင်ဆန်းစုကြည် အနေနဲ့ အထူးပဲ ကျေနပ်ပါတယ်။ ဒီထိုင်းအစိုးရ စီစဉ်ပေးတဲ့ ခရီးစဉ်အတိုင်းပဲ ဒီ မယ်လ၊ မဲဆောက်ကို သွားတာပါ။ သူတို့ စီစဉ်ပေးတဲ့ အတိုင်းပဲ ဒုက္ခသည်စခန်းကို ၀င်ခဲ့ရတယ်။ သူတို့စီစဉ်ပေးတဲ့ သူတွေနဲ့ပဲ တွေ့ခဲ့ရတယ်။ ဒါပေမယ့် ဒီအပေါ်မှာ ဒေါ်အောင်ဆန်းစုကြည်အနေနဲ့ အားရ ကျေနပ်မှုရှိပါတယ်။"
ဒေါ်အောင်ဆန်းစုကြည်က သူ့ရဲ့ ပထမဦးဆုံး နိုင်ငံခြားခရီးစဉ်ဟာ နော်ဝေနိုင်ငံ ဖြစ်ရမယ်လို့ ပြောကြားခဲ့ဖူးပေမယ့် အခုတော့ ထိုင်းနိုင်ငံ ခရီးစဉ် ပေါ်ပေါက်ခဲ့ရပါတယ်။ ဒီလအတွင်းမှာပဲ ဒေါ်အောင်ဆန်းစုကြည်ဟာ ဥရောပကို ခရီးဆက်ဖို့ရှိပြီး နော်ဝေ၊ ဗြိတိန်နဲ့ အိုင်ယာလန်နိုင်ငံတွေကို သွားရောက်မှာ ဖြစ်ပါတယ်။
Ref: RFA News
ဒုက္ခသည်များ၏ အခက်အခဲ ဒေါ်အောင်ဆန်းစုကြည် စုံစမ်းလေ့လာ
လင်းသန့်
June 2, 2012
ထိုင်းနိုင်ငံသို့ ရောက်ရှိနေသော မြန်မာ့ဒီမိုကရေစီခေါင်ဆောင် ဒေါ်အောင်ဆန်းစုကြည်သည် ထိုင်း-မြန်မာ နယ်စပ်ရှိ မယ်လ ဒုက္ခသည် စခန်းသို့ ယနေ့နံနက် ထိုင်းစံတော်ချိန် ၁၀ နာရီခွဲခန့်က လာရောက်ခဲ့ပြီး ထိုင်း တာဝန်ရှိသူများ၊ ဒုက္ခသည် ကိုယ်စားလှယ်များနှင့် တွေ့ဆုံကာ မြန်မာ ဒုက္ခသည်များအရေး မေးမြန်းစုံစမ်း လေ့လာသွားကြောင်း သတင်းရရှိသည်။
“ဒုက္ခသည်တွေရဲ့ တ၀က်ကျော်ကျော်လောက်က မှတ်ပုံ မတင်ရသေးဘူးပေါ့လေ။ မှတ်ပုံ မတင်ရသေးတဲ့ ဒုက္ခသည်တွေ အနေနဲ့ ထိုင်းနိုင်ငံ အစိုးရဘက်က ဘယ်လို စီစဉ်နေလဲ၊ ဘယ်လိုကြောင့် သူတို့ကို မှတ်ပုံ မတင်ရလဲ၊ မှတ်ပုံတင်ဖို့ အစီအစဉ်တွေ ရှိသလား၊ ဘယ်လို ပုံစံမျိုးနဲ့ မှတ်ပုံ တင်မှာလဲဆိုတာ ဒေါ်အောင်ဆန်းစုကြည်က မေးမြန်းသွားတယ်” ဟု ဒေါ်အောင်ဆန်းစုကြည်နှင့် တွေ့ဆုံခဲ့သည့် မယ်လ ဒုက္ခသည်စခန်း ဥက္ကဋ္ဌ ကိုစောထွန်းထွန်းက ဧရာဝတီသို့ ပြောသည်။
ထို့အပြင် စခန်းတွင်းရှိ ကလေးငယ်များ ကျောင်းမတက်ဖြစ်ခြင်း၊ ကျောင်းပညာ တပိုင်းတစဖြစ်ခြင်းများနှင့် အဖက်ဖက်က အခက်အခဲများ ရင်ဆိုင်နေရသည်မှာ နိုင်ငံတကာ အကူအညီ အထောက်အပံ့ နည်းသွားခြင်းကြောင့် လားဟု ဒေါ်အောင်ဆန်းစုကြည်က မေးမြန်းရာ ထိုင်းတာဝန်ရှိသူများ၊ NGO များက ပြန်လည် ဖြေကြားကြောင်း သိရသည်။
ဒေါ်အောင်ဆန်းစုကြည်သည် မယ်လဒုက္ခသည် စခန်းတွင်းရှိ ဆေးရုံတွင် လှည့်လည်လေ့လာ ခဲ့ပြီးနောက် စခန်းတွင်း ရိုးရာ ၀တ်စုံများနှင့် စောင့်ကြိုနေကြသော ဒုက္ခသည်များကို ကားပေါ်မှပင် နှုတ်ခွန်းဆက် စကား ပြောကြားပြီး နေ့လယ် ၁ နာရီကျော်တွင် မယ်လ ဒုက္ခသည်စခန်းမှ မဲဆောက်မြို့သို့ ယာဉ်တန်းဖြင့် ဆက်လက် ထွက်ခွာခဲ့သည်။
မယ်လဒုက္ခသည်စခန်းမှ အသက် ၃၉ နှစ်အရွယ် ကိုချစ်ဦးက “အရမ်းပျော်တာပေါ့နော်။ ကျနော်နဲ့အတူတူ ဒီက ပြည်သူတွေလည်း အားလုံး ထပ်တူထပ်မျှ ခံစားရ တယ်ပေါ့၊ ဒေါ်စုကို တွေ့ရတာ။ ဒေါ်စုပြောတာက ပြည်တွင်းကို အားလုံး အမြန်ပြန်နိုင်ဖို့ အတွက် သူကြိုးစားပေးမယ်ပေါ့။ အာဏာပိုင်တွေကို သူပြောခဲ့တယ်ပေါ့” ဟု ဆိုသည်။
ဒုက္ခသည်တဦးဖြစ်သူ မမြင့်ချိုက “အခုလို ဒေါ်အောင်ဆန်းစုကြည် လာလို့ ကျမတို့ ကျေးဇူးတင်ပါတယ်။ ကျမ ဒုက္ခသည် စခန်းမှာ နေလာတာ အနှစ် ၂၀ လောက်ရှိပါပြီ။ ကျမတို့ အမေမိဘတွေရော၊ မောင်နှမတွေရော အားလုံးက အမေရိကန် ရောက်ကုန်ကြပြီ။ ဒီမှာ ကျမတဦးတည်း ကျန်တယ်။ ကျမတို့ မြန်မာပြည်ပြန်ဖို့ ကတော့ ဘယ်လို ဆုံးဖြတ်ရမှန်း ကျမတို့လည်း မသိတော့ဘူး” ဟု ပြောသည်။
မယ်လဒုက္ခသည်စခန်းသို့ ဒေါ်အောင်းဆန်းစုကြည် လာရောက်သည်မှာ ကောင်းသည့် လက္ခဏာနှင့် မြန်မာ ဒုက္ခသည်များ အတွက် ခွန်အားဖြစ်သော်လည်း ဒုက္ခသည်များ၏ အခက်အခဲ အခြေအနေများကို အသေးစိပ် တင်ပြနိုင်ရန် အခွင့်အရေး မရခဲ့ကြောင်း စခန်းဥက္ကဋ္ဌ ကိုစောထွန်းထွန်းက ဧရာဝတီကို ပြောသည်။
ဒေါ်အောင်ဆန်းစုကြည် စီးနင်းလိုက်ပါလာသည့် ယာဉ်တန်းကို လေဆိပ်နှင့် မယ်လ ဒုက္ခသည် စခန်းသို့ သွားရာလမ်း တလျှောက်တွင် မဲဆောက်ရှိ ထောင်နှင့်ချီသော မြန်မာရွှေ့ပြောင်း အလုပ်သမားများ၊ ကျောင်းသားကျောင်းသူများ၊ မဲဆောက်ဒေသ တခွင်ရှိ မြန်မာနိုင်ငံသားများက ကြိုဆိုကြသည်။
မယ်လဒုက္ခသည်စခန်းမှ မဲဆောက်သို့ အပြန်လမ်းတွင် မယ်တော်ရှိ ဒေါက်တာ စင်သီယာမောင်၏ ဆေးခန်းနှင့် ပညာသင်ကျောင်းသို့ ဒေါ်အောင်ဆန်းစုကြည် လာရောက်လေ့လာမည် ဆိုသည့် သတင်းများ ထွက်ပေါ် လာသော်လည်း ရောက်ရှိလာခြင်း မရှိဘဲ မဲဆောက်လေဆိပ်သို့ တန်းသွားကာ လေဆိပ်တွင် သတင်းစာ ရှင်းလင်းပွဲ လုပ်ကြောင်း သိရသည်။
“ကျမတို့အားလုံးကတော့ ဒီမှာ မျှော်လင့်ကြတယ်ပေါ့နော်။ ဒီ ကျောင်းသူ ကျောင်းသားတွေရော၊ ကျန်းမာရေး၊ ပညာရေး လူမှုရေး ၀န်ထမ်းတွေ အားလုံး ဒီမှာ စုံစုံညီညီနဲ့ ကြိုဆိုကြချင်တယ်လေ။ ဒေါ်စုရဲ့ အားပေး စကားတွေလည်း ကြားချင်ကြတယ်ပေါ့နော်။ နောက် နယ်စပ်ဒေသ အခြေအနေ အားလုံးကိုလည်း ကျမတို့ ဆွေးနွေး တင်ပြချင်တယ်။ အဲဒီလိုမျိုး အခြေအနေမှာ ဒေါ်စု မလာနိုင်တဲ့ အတွက်ကြောင့် ကျမတို့ အားလုံး ၀မ်းနည်းကြတယ်” ဟု ဒေါက်တာ စင်သီယာမောင်က ဧရာဝတီကို ပြောသည်။
သို့သော် ဒေါ်အောင်ဆန်းစုကြည်အနေဖြင့် နယ်စပ်ဒေသ အခြေစိုက် လူထုအခြေပြု အဖွဲ့အစည်းများနှင့် အင်အားစု များ၏ ပူးပေါင်းဆောင်ရွက်နေမှု၊ နယ်စပ်ဒေသရောက် မြန်မာများ၏ ပညာရေး၊ လူမှုရေး၊ ကျန်းမာရေး အခြေအနေများကို လေ့လာ သိရှိသွားနိုင်မည်ဟု ယုံကြည်မျှော်လင့်ကြောင်း ဒေါက်တာ စင်သီယာမောင်က ဆက်ပြောသည်။
ကရင်အမျိုးသား အစည်းအရုံး (KNU) အထွေထွေ အတွင်းရေးမှူးချုပ် ဒေါ်နော်စီဖိုးရာစိန်က “တိုင်းရင်းသား ခေါင်းဆောင်တွေပဲဖြစ်ဖြစ်၊ ဒီမိုကရေစီ အင်အားစုတွေပဲဖြစ်ဖြစ် အခု သူက နယ်စပ်မှာ လာပြီ ဆိုတော့ တွေ့ချင်တာပေါ့။ ဒါပေမယ့် လာမယ့် အစီအစဉ်လည်း ကျမတို့ မသိဘူး။ ဘယ်သူက စီစဉ်ပေးတာလဲ၊ ဘယ်သူက လုပ်ပေးတာလဲ ကျမတို့ မသိဘူးပေါ့နော်။ မသိတဲ့ အတွက်ကြောင့် အဆင်ပြေမှု တခုမှ မရှိဘူး။ မြန်မာပြည်သူ ပြည်သားတွေကတော့ မျှော်လင့်ချက်ကြီးကြီးနဲ့ စောင့်နေတာ၊ တွေ့ရတော့ စိတ်မကောင်းဖြစ်ကြတာပေါ့” ဟု ပြောသည်။
ရောင်ခြည်ဦး အလုပ်သမားများအဖွဲ့မှ ကိုမိုးဆွေကလည်း “မဲဆောက်မှာရှိတဲ့ ရွှေ့ပြောင်းအလုပ်သမားတွေက ဘာပဲ ပြောပြော ကိုယ့်ခေါင်းဆောင် ဆိုတော့ သူတို့ တွေ့ချင်ကြတယ်ပေါ့။ အခုဟာက လေယာဉ်ကွင်းကနေ ကားက တရှိန်ထိုး မောင်းထွက် သွားတယ်။ မျက်နှာလေးတောင် မြင်ခွင့် မရလိုက်ဘူးဆိုတော့ စိတ်မကောင်းကြဘူး” ဟု ဆိုသည်။
ဒေါ်အောင်ဆန်းစုကြည်သည် နှစ်ပေါင်း ၂၄ နှစ်အတွင်း ပထမဆုံး ပြည်ပခရီးစဉ်အဖြစ် ထိုင်းနိုင်ငံ ဘန်ကောက်မြို့တွင် ကျင်းပသော ကမ္ဘာ့စီးပွားရေး ဖိုရမ်သို့ တက်ရောက်ပြီး ခရီးစဉ်အတွင်း ထိုင်းနိုင်ငံရောက် ရွှေ့ပြောင်း အလုပ်သမားများ အရေး၊ မြန်မာဒုက္ခသည်များ အရေးကို ထိုင်း အာဏာပိုင်များနှင့် ဆွေးနွေးမှုများ ပြုလုပ်ခြင်း ဖြစ်သည်။
Ref: ဧရာဝတီ
မကွေးတက္ကသိုလ် ကျောင်းသားများ သမဂ္ဂဖွဲ့စည်း
2012-06-03
မကွေးမြို့မှာ မြေလတ် ကျောင်းသားများသမဂ္ဂကို မနေ့က ဖွဲ့စည်းလိုက်ပြီး သမဂ္ဂ မရှိရင် အခွင့်အရေး မရှိဘူးဆိုတဲ့ လှုပ်ရှားမှုကို ဆောင်ရွက်သွားမှာ ဖြစ်ကြောင်း သတင်းရရှိပါတယ်။
မကွေးမြို့ပေါ်မှာရှိတဲ့ တက္ကသိုလ်နဲ့ ကောလိပ်ကျောင်း ၄ ကျောင်းက ကျောင်းသား ကိုယ်စားလှယ်တွေ ပါဝင် ဖွဲ့စည်းခဲ့တာ ဖြစ်ပါတယ်။ သမဂ္ဂရဲ့ ပြန်ကြားရေး တာဝန်ရှိသူ ကိုချမ်းငြိမ်းသူက အခုလို ပြောပြပါတယ်။
"အဖွဲ့ဝင် အယောက် ၂၀ ပါပါတယ်။ အဓိက ရည်ရွယ်ချက်ကတော့ ကျောင်းတွေမှာ ကျောင်းသားတွေရဲ့ အခွင့် အရေးတွေ ပြန်လည် ရရှိဖို့ရယ်၊ တက္ကသိုလ်ကျောင်း ပညာရေးတွေကိုလည်း အဆင့် အတန်း မြင့်မားအောင် ပြန်လုပ်မယ်ပေါ့။ ရှေ့ဆက်လုပ်မယ့် လုပ်ငန်းစဉ်ထဲမှာ ပါတယ်။ အင်္ကျီတွေ ထုတ်မယ်။ အရှေ့က ဗိုလ်ချုပ်အောင်ဆန်း သမဂ္ဂတုန်းက ပုံနဲ့ အနောက်မှာတော့ No Union, No Rights ဆိုတဲ့ သမဂ္ဂ မရှိရင် အခွင့်အရေး မရှိဘူး ဆိုတဲ့စာ။ နောက်ပြီး မောင်သန့်ရေးတဲ့ မြန်မာဘာသာပြန် ကျောင်းတွင်း ဒီမိုကရေစီဆိုတဲ့ စာအုပ်တွေကိုလည်း အုပ် ၂၀၀၀ လောက် ဖြန့်မယ်"
ကျောင်းသားသမဂ္ဂ ဖွဲ့စည်းပြီးနောက် မြေလတ် ဒေသတွင်းက မြို့နယ်တွေမှာ ကျောင်းသားသမဂ္ဂတွေ ဆက်လက် ပေါ်ထွန်းလာအောင် ကူညီဆောင်ရွက်သွားမယ် လို့လည်း ပြောဆိုခဲ့ပါတယ်။
ဒါ့အပြင် ဒီဇွန်လအတွင်း ပြည်တွင်း ငြိမ်းချမ်းရေးအတွက် ဆုတောင်းပွဲ တစ်ရပ်ကိုလည်း ပြုလုပ်သွားမှာဖြစ်ကြောင်း သိရပါတယ်။ ဒီမိုကရေစီကို မြတ်နိုးတဲ့ ကျောင်းပတ်ဝန်းကျင် ဖြစ်လာရေးကို ရည်ရွယ်ပြီး မောင်သန့် ရေးသားတဲ့ ကျောင်းတွင်း ဒီမိုကရေစီ ဆိုတဲ့ စာအုပ်ကိုလည်း ထပ်ဆင့် ဖြန့်ဝေသွားဖို့ စီစဉ်ထားကြောင်း သိရပါတယ်။
Ref: RFA News
လယ်သမား ၁၆ ရာခိုင်နှုန်းသာ အစိုးရ လျှပ်စစ်ကို အသုံးပြုရဟု စစ်တမ်းဆို
ကျော်ဖုန်းကျော် | တနင်္ဂနွေနေ့၊ ဇွန်လ ၀၃ ရက် ၂၀၁၂
ရန်ကုန် (မဇ္စျိမ) ။ ။ မြန်မာနိုင်ငံ၏ ကျေးလက်တွင် နေထိုင်ကြသော လယ်သမားများ အနက်မှ ၁၆ ရာခိုင်နှုန်းသာ အစိုးရက ပေးသော လျှပ်စစ်ကို သုံးစွဲရသည်ဟု မြန်မာနိုင်ငံ ဆန်စပါး လုပ်ငန်း အသင်းမှ
ကောက်ယူ ထားသော စစ်တမ်းတွင် ဖော်ပြထားသည်။
၂၀၁၁ ခုနှစ် နိုဝင်ဘာလမှ ၂၀၁၂ ခုနှစ် မတ်လ အတွင်း လယ်သမား အများစုနေထိုင်သည့် ရခိုင်ပြည်နယ်၊ စစ်ကိုင်းတိုင်း၊ ပဲခူးတိုင်း နှင့် ဧရာဝတီတိုင်းတို့မှ လယ်သမား ၃,၆၀၀ ရာကို သုတေသနပြု စစ်တမ်းကောက်ယူထားခြင်း ဖြစ်သည်။
အဆိုပါ စစ်တမ်းအရ ကျေးလက်နေ လူထုအများစုမှာ လျှပ်စစ် သုံးစွဲနိုင်ခြင်း မရှိသလို၊ လျှပ်စစ် သုံးစွဲနိုင်သူ များသည်လည်း အစိုးရ ပေးသော လျှပ်စစ်ထက် ပုဂ္ဂလိကမှ ရရှိသော လျှပ်စစ်ကို ပိုမို အားထားနေရသည်ဟု သိရသည်။
ကျေးလက်ဒေသများတွင် လျှပ်စစ်ကို အစိုးရထံမှလည်းကောင်း၊ ပုဂ္ဂလိက မီးစက်များမှ လည်းကောင်း၊ ကိုယ်ပိုင် မီးစက်များဖြင့်လည်းကောင်း၊ အခြားသော နည်းလမ်းများဖြင့်လည်းကောင်း ရရှိကြသည်ဟု စစ်တမ်းက ဆိုသည်။
တောင်သူလယ်သမားကိစ္စများကို လွန်ခဲ့သည့်သုံးနှစ်မှ စ၍ အကူအညီပေးခဲ့သော AFDC (Activists for Free & Development Communities) အဖွဲ့မှ ပြန်ကြားရေး တာဝန်ခံ ကိုပြည့်ဖြိုး က “ရန်ကုန်လို မြို့ကြီးမှာတောင် လျှပ်စစ်မီး မမှန်တာ။ နယ်က လယ်သမားတွေကတော့ ပိုဆိုးတာပေါ့။ လယ်သမားတွေက သူတို့ လယ်ကွင်းထဲက ဖြတ်သွားတဲ့ လျှပ်စစ် တာဝါတိုင်တွေကို နေ့တိုင်း မြင်နေရပေမယ့် သူတို့ရွာတွေ ကတော့
မှောင်နေဆဲပါပဲ” ဟု ဆိုသည်။
လျှပ်စစ် လုံလောက်စွာ မရရှိပါက လယ်သမားများ၏ လူမှုဘဝမှာလည်း တိုးတက်ရန် မဖြစ်နိုင်ကြောင်း၊ လျှစ်စစ် မရှိပါက ရာသီဥတု သတင်းကိုပင် လယ်သမားများ ကောင်းမွန်စွာ ရရှိရန် ခက်ခဲကြောင်း ကိုပြည့်ဖြိုး က ပြောသည်။
လယ်သမားများ လျှပ်စစ်မီးရရှိမှု အလွန်နည်းပါးနေသဖြင့် ကျေးလက်ဒေသ ဖွံ့ဖြိုးရေး အတွက် လျှပ်စစ်မီး ထောက်ပံ့ပေးရန် စဉ်းစား သင့်ကြောင်း စစ်တမ်းက အကြံပြုထားသည်ကိုလည်း တွေ့ရသည်။
ကျေးလက်နေ လယ်သမားများအနေနှင့် လျှပ်စစ်ဓာတ်အားရရှိမှု အလွန် နည်းပါးရုံ သာမက ပို့ဆောင်ရေး နှင့် ဆက်သွယ်ရေး အခက်အခဲများကို ရင်ဆိုင်နေရ သဖြင့် သတင်း အချက်အလက် ရရှိရန်၊ ဆန်စပါး
ရောင်းချရန်အပြင် ကျန်းမာရေး စောင့်ရှောက်မှုအတွက်ပါ အဓိက အတားအဆီး ဖြစ်နေသည်ဟု စစ်တမ်းက ဆိုသည်။
ယခုလအတွင်းတွင် ရန်ကုန်၊ မန္တလေး၊ ပြည်၊ သုံးခွ စသည့်မြန်မာနိုင်ငံ တဝှန်းရှိ မြို့များတွင် လျှပ်စစ် လုံလောက်စွာပေးရန် တောင်းဆိုသည့် ဆန္ဒပြမှုများဖြစ်ပွားနေပြီး အစိုးရက လျှပ်စစ်ပြတ်တောက်ခြင်း သည် မဟာဓါတ်အားလိုင်း သွယ်တန်းသည့် တာဝါတိုင်အား ကချင် လွတ်လပ်ရေးအဖွဲ့ က ဗုံးခွဲ ဖျက်စီးမှုကြောင့်ဟု အကြောင်းပြချက် ပေးခဲ့သည်။
Ref: မဇ္ဈိမ
ရွှေတူး အလုပ်သမား ဆန္ဒပြမှု အရှိန်မြင့်
မသင်းသီရိ
တနင်္ဂနွေ, 03 ဇွန် 2012
ရမည်းသင်းခရိုင် မိုးထိမိုးမိတောင်က ရွှေတွင်းတွေမှာ ဆက်ပြီး အလုပ်လုပ်ကိုင်ခွင့် ရရေး အတွက် အလုပ်သမား ဦးရေ သုံးသောင်းကျော်ဟာ ၃ ရက်မြောက်နေ့ အဖြစ် ဆက်ပြီး ဆန္ဒပြနေကြပါတယ်။ ဒီကနေ့မှာတော့ ဆန္ဒပြနေတဲ့ အလုပ်သမားတွေနဲ့ ကန်ထရိုက် ယူထားတဲ့ ကုမ္ပဏီကြား ညှိနှိုင်းတာတွေ ရှိခဲ့ပေမဲ့ ပြေလည်မှု မရသေးပါဘူး။ အလုပ်သမားတွေ ဘက်ကတော့ သူတို့တောင်းဆို ထားတဲ့ အချက်တွေ မရမချင်း ဆက်ပြီး ဆန္ဒပြ သွားမယ်လို့လည်း ပြောပါတယ်။ ဒါပေမဲ့ ကုမ္ပဏီဘက်ကတော့ ဒီရွှေတွင်း မိုင်းတွေကို အကြီးစား လုပ်ငန်းတွေ အဖြစ် ပြောင်းလဲ လုပ်ကိုင်ဖို့ စီမံကိန်းတွေကို အကောင်အထည် ဖော်တာတာ ဖြစ်တယ်လို့ ဆိုပါတယ်။ ဒီအခြေအနေတွေ ကိုတော့ မသင်းသီရိက အပြည့်အစုံ တင်ပြထားပါတယ်။
မန္တလေးတိုင်း ဒေသကြီး ရမည်းသင်းခရိုင်ရဲ့ အရှေ့ဘက် မိုင် ၃၀ အကွာလောက်မှာ ရှိတဲ့ မိုးထိမိုးမိ ရွှေတွင်းဒေသက ရွှေတူးတဲ့ မိုင်းတွင်းတွေမှာ ဦးရေ သောင်းနဲ့ ချီတဲ့ အလုပ်သမားတွေ ဆန္ဒပြတာ ဒီကနေ့ဆိုရင် သုံးရက် ဆက်တိုက် ရှိနေပါပြီ။ အဓိက ကတော့ ရွှေတူးဖော်ရေး လုပ်ငန်းတွေမှာ အသေးစား လုပ်ငန်းရှင်တွေကို ဆက်ပြီးတော့ အလုပ် လုပ်ကိုင်ခွင့် မပေးတာကြောင့် ဖြစ်ပါတယ်။ ဒီကနေ့ ဇွန်လ ၃ ရက် တနင်္ဂနွေနေ့မှာတော့ ကုမ္ပဏီဘက်က တာဝန်ရှိသူ တချို့နဲ့ အလုပ်သမားတွေ ညှိနှိုင်းတာ ရှိပေမဲ့ အဆင်ပြေမှု မရသေးဘူးလို့ အလုပ်သမားခေါင်းဆောင် ကိုဌေးအောင်ကျော်က ပြောပါတယ်။
“လူအင်အားကတော့ သုံးသောင်းကျော် ငါးသောင်း ပတ်ဝန်းကျင်ပေါ့လေ။ ဒီအင်အားလောက်နဲ့ ကျနော်တို့ ဆန္ဒပြနေတာပေါ့နော်။ သူတို့က ၇ ရက်နေ့ကျရင် တိကျတဲ့အဖြေကို ပေးပါ့မယ်ဆိုပြီး အခု ကျနော်တို့ကို အဲဒီလို ပြန်ပြောပါတယ်။ ဒီနေ့မှာ ပြောတာပေါ့နော်။ ၇ ရက်နေ့အထိ စောင့်ကြည့်ရမှာပေါ့။ ကျနော်တို့ လုပ်သားတွေ ခံစားခွင့်ကို အရင်အတိုင်းရရှိရေး၊ အဲဒီလောက်ပါပဲ ကျနော်တို့တောင်းဆိုတာက။ သိပ်အထွေအထူး မများပါဘူး။”
ဒီပြဿနာဟာ မေလဆန်းကတည်းက လုပ်ငန်းငယ်တွေကို ရပ်ပစ်ကတည်းက ဒီမိုင်းတွင်းတွေမှာ စဖြစ်နေခဲ့တာ ဖြစ်ပြီး ညှိနှိုင်းမှုတွေ ရှိခဲ့ပေမဲ့ မအောင်မြင်တာကြောင့် သောင်းနဲ့ချီတဲ့ အလုပ်သမားတွေ စုဝေးဆန္ဒပြခဲ့ကြတာ ဖြစ်တယ်လို့ ပြောပါတယ်။ အလုပ်သမားတွေကတော့ သူတို့ တောင်းဆိုချက်တွေကို မရမချင်း ဆက်ပြီးတော့ ဆန္ဒပြသွားမှာဖြစ်သလို သက်ဆိုင်ရာအစိုးရ ဌာနတွေဆီကိုလည်း တင်ပြဖို့ စီစဉ်ထားတယ်လို့ ပြောပါတယ်။
“တစ်လကျော်နေပါပြီ။ သူတို့က ဟိုလိုလျှော့လိုက်၊ ဒီလိုလျှော့လိုက်နဲ့ အဲဒီလို လျှော့ လျှော့ပြီးတော့ လုပ်လာခဲ့တာ ကနေ့ အချိန်အထိပေါ့နော်။ ကျနော်တို့ဆိုရင် ဒါ အကုန်ရပ်ထားရတာဗျ။ လူ ငါးသိန်းလောက်ကတော့ အကုန်လုံး အခက်အခဲဖြစ်သွားမှာဗျ။ အခု ကျနော်တို့ဆိုရင်ပဲ ကိုယ့်နေရပ်ကို ပြန်ပို့တဲ့သူက ပို့ခံရတာပေါ့နော်။ ကျနော်တို့ကတော့ ကျနော်တို့ရဲ့ တောင်းဆိုချက်တွေကို မရမချင်း ဆန္ဒဖော်ထုတ်တာတွေကို နေပြည်တော်ရယ်၊ ရန်ကုန်အထိမှာပါ လုပ်ဖို့ စီစဉ်ထားတာပေါ့နော်။”
သတ္ထုတွင်း ၀န်ကြီးဌာနကနေ ကွန်ထရက်ယူထားတဲ့ အမျိုးသား ကြီးပွားတိုးတက်ရေး ကုမ္ပဏီ ဒါရိုက်တာ ဦးထွန်းအောင်စိုးကတော့ အသေးစားလုပ်ငန်းတွေကနေ အကြီးစားလုပ်ငန်းတွေကို ပြောင်းမယ်ဆိုတဲ့ စီမံကိန်းတွေကို အကောင်အထည် ဖော်တာဖြစ်တယ်လို့ ပြောပါတယ်။ ဒါကြောင့်မိုလို့ ဒီစီမံကိန်းတွေအကြောင်း လုပ်ငန်းငယ်တွေကိုလည်း ကြိုတင်အကြောင်းကြားထားတာ ဖြစ်သလို သူတို့ကိုလည်း ၇ လ လုပ်ကိုင်ခွင့် ပေးပြီးသားဖြစ်တယ် ဆိုတဲ့ အခြေအနေတွေကို ရှင်းပြပါတယ်။
“ဒီနေ့လည်း ကျနော် သူတို့နဲ့ ဆွေးနွေးဖြစ်ပါတယ်။ အဓိက ကတော့ သူတို့က သွားမယ်ဆိုရင် ကျနော်တို့က နိုင်ငံတော်ကို ၇၃ ပိဿာပေါ့။ ငါးနှစ်ဆိုရင် ၅.၅၇ ပေးသွင်းရမှာပေါ့နော်။ နှစ်ရှည်လည်း လုပ်ရမယ့်ဟာဖြစ်တဲ့ အတွက်ကြောင့်မိုလို့ ဒီလို အသေးစားနဲ့သွားမယ်ဆိုရင် တစ်နှစ်ခွဲ နှစ် နှစ်တွင်းမှာ ဒီမိုင်းကြီးက ဆက်ပြီးတော့ ထုတ်လုပ်ဖို့ အခက်အခဲဖြစ်သွားရင် နိုင်ငံတော် အတွက်လည်း နစ်နာမယ်ပေါ့နော်။ ဒါကြောင့်မိုလို့ ကျနော်တို့က ရှေ့ဆက်သွားဖို့ဆိုရင် ဘယ်လို သူတို့အနေနဲ့ အာမခံချက် ပေးမလဲ၊ ဒါလည်း သူတို့ကို ကျနော်တို့ မေးခဲ့ပြီးပါပြီ။ ပြောခဲ့ပြီးပါပြီ။ ရှင်းခဲ့ပြီးပါပြီ။”
အခု ဒီမိုင်းတွင်းက အသေးစားလုပ်ငန်းတွေကို အကြီးစားလုပ်ငန်းတွေ ပြောင်းနိုင်ဖို့အတွက် အလုပ်သမားတွေနဲ့ ဆက်လက်ညှိနှိုင်းသွားမှာ ဖြစ်သလို အကြီးစားလုပ်ငန်းတွေနဲ့ အလုပ်သမားတွေ ပူးပေါင်း လုပ်ဆောင်သွားဖို့ကိုလည်း ကုမ္ပဏီဘက်က ကူညီနိုင်ဖို့တွေကိုလည်း စီစဉ်ထားတယ်လို့ ဆက်ပြီးတော့ ရှင်းပြပါတယ်။
“ကျနော်တို့မှာ အခု လုပ်ကွက်ကြီးထဲမှာ ရွှေစင် ရယ်၊ ထုံးကြီးရယ် ဆိုပြီးတော့ လုပ်ကွက်ကြီး နှစ်ခု ရှိတယ်။ ဒါကတော့ ကုမ္ပဏီ လုပ်ကွက်ကြီးတွေပေါ့နော်။ ကျန်တဲ့ဇုံတွေမှာ ဇုံ ၁၂ ဇုံ ရှိပါတယ်။ တခြားဇုံတွေမှာ ကျနော်တို့ အဖွဲ့ဝင်တွေနဲ့ ပူးပေါင်းပြီး လုပ်ဖို့ ဖြစ်ပါတယ်။ သူတို့လက်အောက်မှာ မဟုတ်ပါဘူး။ သူတို့နဲ့ ပူးပေါင်းပြီး စောစောကပြောသလို အစုစားသော်လည်းကောင်း၊ လခစားသော်လည်းကောင်း သူတို့ လုပ်လို့ရတယ်လို့ ပြောထားပါတယ်။”
ဒီရွှေတွင်း လုပ်ကွက်တွေကို အမျိုးသား ကြီးပွားတိုးတက်ရေး ကုမ္ပဏီက ၂၀၁၁ ခုနှစ် စက်တင်ဘာလမှာ ကန်ထရိုက် စယူထားတာ ဖြစ်ပြီးတော့ ငါးနှစ်သက်တမ်း စာချုပ်နဲ့ ချုပ်ဆိုထားတာ ဖြစ်ပါတယ်။ အခု မိုးထိမိုးမိဒေသမှာ အသေးစားလုပ်ငန်းတွေက ၃၆ ခုမက ရှိနေပြီးတော့ ဧက ၂၀ ကျယ်ဝန်းတဲ့ လုပ်ကွက်တကွက်ကို တနှစ်ကို ရွှေ ၂၄ ကျပ်သား ပေးဆောင်ပြီး အလုပ်လုပ်ကိုင်နေကြတာ ဖြစ်ပါတယ်။
Ref: VOA News
စစ်တွေ အဓိကရုဏ်း ထိခိုက်မှုရှိ
တနင်္ဂနွေ, 03 ဇွန် 2012
မနေ့ညပိုင်း ၁၀ နာရီလောက်မှာ ရခိုင်ပြည်နယ်၊ စစ်တွေမြို့ ရဲစခန်းရှေ့မှာ လူစုလူဝေးနဲ့ ဆူပူ ခဲ့ရာကနေ ပစ်ခတ်တဲ့ အဆင့်အထိ ရောက်သွား ခဲ့ရပြီး လူ တချို့ ဒဏ်ရာ ရခဲ့ပါတယ်။ ဖြစ်ပွားပုံကတော့ လွန်ခဲ့တဲ့ တလက ဈေးကောက်နှုန်း ကြီးမားမှုကို ဦးဆောင်ပြီး ဆန္ဒပြခဲ့သူ တဦးကို ဆန့်ကျင်ဘက် အုပ်စုက ဝိုင်းရိုက်လို့ သေဆုံးသွားတယ် ဆိုတဲ့ သတင်း ထွက်ပေါ်ခဲ့ရာကနေ ဆူပူမှု ဖြစ်လာ ခဲ့ရတာပါ။ အခုလို ဖြစ်ပျက်ရတဲ့ အခြေအနေကို ကိုယ်တိုင် မြင်တွေ့ခဲ့သူ လွှတ်တော်ကိုယ်စားလှယ် ဦးဖေသန်းက ဗွီအိုအေကို အခုလို ပြောပါတယ်။
“၁၀ နာရီကျော်ကျော်လောက်မှာ လူထုက ခဲနဲ့ ပေါက်တော့တာပါပဲ။ တအုပ်စုကို ၁၀၀ လောက်တော့ ရှိမယ်ဗျ။ ဟိုဘက် ၅၀၊ ဒီဘက် ၅၀ လောက်။ ရဲစခန်းကို ခဲနဲ့ ပေါက်ကြတာပေါ့။ ခဲနဲ့ပေါက်တော့ နာရီဝက်လောက် အထိကတော့ ဘာမှ မလုပ်ပါဘူး။ ရဲက ဒီအတိုင်း ကြည့်နေပါတယ်။ အဲဒါနဲ့တင် နောက် နာရီဝက်ကျော်ကျော်လောက် ကြာတော့ ရဲက သေနတ်နဲ့ မိုးပေါ်ထောင်ပစ်ပါတယ်။ ၁၁ နာရီ ခွဲလောက်မှာတော့ လူတွေကို တည့်တည့် ပစ်တော့တာပဲ။ အဲဒီမှာ လူ သုံးယောက် ကျနော့်ရှေ့တင်ပဲ ဒဏ်ရာ ရပြီးတော့ ဆိုင်ကယ်တွေနဲ့ တင်ပြီးတော့ ဆေးရုံကို အရေးပေါ်ပြေးသွား ကြတယ်ခင်ဗျ။ ဒါပေမဲ့ လူအုပ်စုက ကွဲမသွားဘူး။ နောက်ထပ် ခဲနဲ့ ထပ်ပစ်နေကြတယ်။”
ဈေးကောက်ကိစ္စ ဖြစ်ပွားခဲ့တာက အရင်အခေါ် နာဇီကျေးရွာ၊ စက်ရုံစုကျေးရွာ ဈေးမှာ ဈေးကောက် အဆမတန် မြှင့်ကောက်ခဲ့လို့ ရခိုင် တိုင်းရင်းသားများ တိုးတက်ရေး ပါတီရဲ့ စည်းရုံးရေးမှူး ဦးအောင်သန်းဝေ ဦးဆောင်တဲ့ ဈေးသည် တစုက ပြည်ထောင်စု ဝန်ကြီးချုပ်ရုံးရှေ့မှာ ဆန္ဒပြပြီး ဈေးကောက်နှုန်းတွေ လျှော့ပေါ့ပေးဖို့ တောင်းဆို ခဲ့ကြတာပါ။ အဲဒီတောင်းဆိုမှုကြောင့် ရခိုင်ပြည်ထောင်စု ဝန်ကြီးချုပ်က ချက်ချင်းပဲ ဈေးကောက် အပြောင်းအလဲတွေ လုပ်ပေးခဲ့ပါတယ်။
ရဲစခန်းရှေ့ကို ရောက်လာသူတွေက အရိုက်ခံရသူ ဦးအောင်သန်းဝေ သေဆုံးသွားတယ်၊ အလောင်းကို ကားပေါ် တင်သွားတယ် ဆိုတဲ့ သတင်းတွေကြောင့် ရဲစခန်းရှေ့မှာ သွားပြီး အလောင်း ရှာပေးဖို့၊ တရားခံတွေကို ဖမ်းပေးဖို့ တောင်းဆို ခဲ့ကြတာပါ။ ဒါကြောင့် ကာယကံရှင် ဦးအောင်သန်းဝေ ကိုယ်တိုင်က သူ ဘာမှ မဖြစ်တဲ့ အကြောင်း ရဲစခန်းရှေ့ကို ကိုယ်တိုင် လာရောက် ဖြေရှင်းပုံနဲ့ ပတ်သက်လို့ အခုလို ပြောပြပါတယ်။
“လူထုက ကျနော့်ကို မတွေ့ရရင် မကျေနပ်တဲ့ သဘောမျိုး ဖြစ်နေတာ။ အဲဒါ လူထုကိုတော့ ကျနော် အကျိုးအကြောင်း ပြောပြ လိုက်တာပေါ့။ သူတို့ ဦးအောင်သန်းဝေ အစစ် ဟုတ်မဟုတ် ဆိုတာ သူတို့လည်း သေချာ မသိကြဘူးလေ။ ကျနော့် မှတ်ပုံတင် ကဒ်ပြားတို့၊ ပါတီဝင် ကဒ်ပြားတို့ အကုန် ထုတ်ပြပါတယ်။ တချို့ကတော့ နားလည်ပြီး ပြန်သွားတယ်။ တချို့ကတော့ အဲဒီမှာ အစ်မရယ် မူးယစ်သောက်စား ထားတဲ့သူတွေ ပါတာပေါ့။ အဲဒီလူတွေ ကတော့ ခပ်ရိုင်းရိုင်းပေါ့။ အကြမ်းဖက်ချင်တဲ့ ဆန္ဒ သဘောထားတွေ တွေ့ရတယ်ခင်ဗျ။ ကျနော်တောင်မှ မနေ့က ဟိုကောင်တွေ သတ်လို့မသေဘဲ ဒီက ကျနော့်တို့လူပါ ဆိုပြီးမှ ပါလာတဲ့ မသမာတဲ့ သူတွေရဲ့ လက်ချက်ကြောင် မသေတာ ကံကောင်းပဲဗျ။ အုပ်ခဲတွေရော ဘာတွေရော ပျံနေတပဲ။ ဒီက ရဲစခန်းမှာ။”
ဦးအောင်သန်းဝေကတော့ ရဲစခန်းအတွင်းမှာပဲ ရခိုင်ပြည်နယ်၊ အမျိုးသား လွှတ်တော် အမတ် ဒေါက်တာအေးမောင်နဲ့ အတူ ရှိနေတာပါ။ အခုလို ပစ်ခတ်မှုတွေ စတင်ပုံနဲ့ ပတ်သက်လို့ ရဲစခန်း ထဲမှာ ရောက်နေတဲ့ ဒေါက်တာအေးမောင်က ဗွီအိုအေကို အခုလို ပြောပါတယ်။
“ဒီဘက်က ရဲစခန်းဝင်းထဲကို တံခါးဖွင့်ဖို့ လုပ်ကြတာ ရှိတာပေါ့နော်။ အဲဒီမှာ ရဲတွေနဲ့ တော်တော်များများ ပစ်ကြခတ်လိုက်ကြတာတော့ ကျနော်တို့ ကြားပါတယ်။ ကျနော်တို့ ကတော့ လုံခြုံတဲ့နေရာမှာ ရှိတာပေါ့နော်။ အဲဒီ အကြာကြီးပေါ့နော်။ ခဲတွေနဲ့ ပစ်၊ ပုလင်းတွေနဲ့ ပစ်တဲ့အသံတွေ ကြားလိုက် ရပါတယ်။ အဲဒီနောက်မှာ အချက်ပေါင်း တော်တော်များများဟာ မိုးကို ထောင်ပစ်တဲ့ သဘော ကြားပါတယ်။ အဲဒီနောက်မှာ တံခါးတခု ပွင့်သွားတယ် ဆိုတဲ့ အသံလည်း ကြားပါတယ်။ တံခါးရဲ့ လူဝင်ပေါက်လေး ပွင့်သွားတယ် ဆိုတဲ့အခါမှာ ဒီဘက်ကို ကျော်ဝင်လာမှာ စိုးလို့ ထောင်ပစ်တဲ့ သဘောလို့လည်း ကျနော်တို့ ကြားတာပေါ့ဗျာ။”
စစ်တွေမြို့နယ်၊ အမှတ် (၁) ရဲစခန်းထဲမှာ ရှိနေတဲ့ ဒေါက်တာအေးမောင်ကို ဗွီအိုအေက ဆက်သွယ် မေးမြန်းခဲ့တာပါ။ ကျမတို့ ဆက်သွယ် မေးမြန်းချိန်ဟာ ည သန်းကောင်ကျော်အချိန် ဖြစ်နေပြီး အဲဒီအချိန်မှာ လက်ရှိဖြစ်နေတဲ့ အခြေအနေကိုလည်း ဒေါက်တာအေးမောင်က အခုလို ပြောပြပါတယ်။
“အခု ကြားနေရတဲ့အသံက ရှေ့ကို မတက်လာဖို့ပေါ့ဗျာ။ နောက် လူတွေ ကွယ်နေပါ ဆိုတာကို ရခိုင်လို ပြောနေကြတာပါ။ ရဲဘက်က တာဝန်ရှိတဲ့ ပုဂ္ဂိုလ်တွေ ထင်ပါတယ်။”
ညပိုင်း ၁၁ နာရီလောက်မှာ လူ သုံးယောက် ဒဏ်ရာရတယ်လို့ သိထားရပေမဲ့ အခု တနင်္လာနေ့ မနက်ဘက် ၁ နာရီ ဝန်းကျင်မှာတော့ စစ်တွေမြို့ထဲ နောက်ထပ် ပစ်ခတ်မှုတွေ ရှိနေတယ်ဆိုတဲ့အကြောင်း မြို့ခံတဦးက ပြောပါတယ်။
“ကျနော်တို့ ဖြစ်တာက ပထမက ၉ နာရီ ၀န်းကျင်လောက်ကနေ မိုးပေါ်ကို ထောင်ပစ်သံတွေ ကြားတာပေါ့။ အခုကျတော့ ည ၁ နာရီ ၀န်းကျင်လောက်မှာ လူအုပ်ကို လှမ်းပစ်တဲ့အသံတွေ ကြားလာတယ်။ နောက်ပြီးတော့ လမ်းကြားတွေထဲအထိ လိုက်ပစ်တယ်၊ နေရာအနှံ့အပြားကနေ သေနတ်သံတွေ ထွက်တာပေါ့နော်။ စောစောပိုင်းကတော့ ကျနော်တို့ ရဲစခန်းဘက်ကို ခဲနဲ့ ထုတယ် ဆိုတဲ့ အသံတွေ ကြားရတယ်ပေါ့လေ။ အဲဒီနောက်ပိုင်း ရဲစခန်းကနေ မိုးပေါ်ထောင်ပစ်တယ်။ နောက်ပြီးတဲ့အခါကျတော့ အခု နေရာအနှံ့အပြားကနေ လူအုပ်တွေထဲအထိ လိုက်ပစ်တာပေါ့။ ရဲကားတွေကလည်း လမ်းကြားတွေထဲအထိ ရောက်လာတယ်။ အခု ၇ ယောက်လောက် ဆေးရုံတင်ထားရတယ် ဆိုတဲ့ သတင်းတွေတော့ ကြားနေရတယ်။ ကျနော်တို့ သိထားသလောက်ပေါ့။ ကိုယ်တိုင်တော့ မမြင်ရသေးဘူးပေါ့နော်။ ၁ နာရီ ၀န်းကျင်လောက်မှာ ပစ်တဲ့အခါကျတော့ အဆောက်အဦးတွေပါ မှန်တယ်။ ကျနော်တို့ အိမ် အပေါ်ထပ်တွေဘာတွေ မှန်တယ်။ သေနတ်မှန်တယ်။”
လူစုခွဲရာမှာ မျက်ရည်ယိုဗုံးတွေသုံးပြီး လူစုခွဲခဲ့ကြောင်းနဲ့ ထိခိုက်ဒဏ်ရာ ရသူတွေ ရှိတယ်လို့ ဒေသခံ နောက်တဦးက ပြောပါတယ်။ ဒီသတင်းတွေနဲ့ ပတ်သက်လို့ အာဏာပိုင်တွေဘက်က သီးခြားအတည်ပြုချက်ရဖို့ အခင်းဖြစ်ပွားရာ အမှတ်(၁) ရဲစခန်းကို ဆက်သွယ်ခဲ့ပေမဲ့ ဆက်သွယ်လို့ မရခဲ့ပါဘူး။ လက်ရှိ အနေအထားမှာတော့ ရဲတပ်ရင်း တပ်ဖွဲ့တွေက စစ်တွေမြို့ရဲ့ လမ်းတွေပေါ်မှာ လုံခြုံရေး ကင်းလှည့်နေကြောင်းကိုလည်း သိရပါတယ်။
Ref: VOA News
KIO နှင့် အစိုးရ ငြိမ်းအဖွဲ့ တရုတ်နယ်စပ်တွင် ထပ်မံ တွေ့ဆုံ
ဖနိဒါ
သောကြာနေ့၊ ဇွန်လ ၀၁ ရက် ၂၀၁၂
ချင်းမိုင်(မဇ္စျိမ) ။ ။ ကချင်လွတ်လပ်ရေးအဖွဲ့ KIO နှင့် ဦးအောင်မင်း ဦးဆောင်သော ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့တို့ သောကြာနေ့က တရုတ်-မြန်မာနယ်စပ် မိုင်ဂျာနယ် မြို့တွင် လေးနာရီကျော်ကြာ တွေ့ဆုံခဲ့ကြ သည်။
မီးရထားဝန်ကြီး ဦးဆောင်သော အစိုးရ ကိုယ်စားလှယ် ခြောက်ဦးနှင့် ဆရာကြီး ဆွမ်းလွတ်ဂမ်၊ ဒုစစ်ဦးစီးချုပ် ဗိုလ်မှူးချုပ် ဂွမ်မော် ဦးဆောင်သော KIO ကိုယ်စားလှယ် ခြောက်ဦးတို့ နံနက် ၈ နာရီမှ မွန်လွဲ ၁၂ နာရီကျော်ထိ
တွေ့ဆုံ ခဲ့ကြသည်ဟု ငြိမ်းချမ်းရေး အကျိုးဆောင် တဦးဖြစ်သော ဦးဂွမ်ဂျာက ပြောသည်။
“နိုင်ငံတော်အဆင့် ဖွဲ့စည်းထားတဲ့အတွက် နှစ်ဖက် ချက်ချင်းတွေ့လိုက်ရင် မဖြစ်မှာ စိုးလို့။ ခုတော့ အတွင်းကျကျ အလွတ်သဘော ဘာတွေ ဖြစ်ချင်တယ်ဆိုတာကို ဆွေးနွေးတယ်။ ပြီးမှ နိုင်ငံတော်အဆင့် သမ္မတ ပါဝင်တဲ့
ဆွေးနွေးမယ်” ဟု မဇ္စျိမကို ပြောသည်။
စားပွဲပေါ် နိုင်ငံရေးဆွေးနွေးရန်အတွက် နှစ်ဦးနှစ်ဖက် ယုံကြည်မှုရှိရန်အတွက် အစိုးရဘက်မှ ရှေ့တန်း ထိုးစစ်ဆင်နေမှုများ ရုပ်သိမ်းရန် KIO ဘက်မှ တင်ပြခဲ့သည်ဟု သူက ဆက်ပြောသည်။
“တဦးနဲ့တဦး ယုံကြည်မှု ရှိရမယ်။ ခုလို စစ်ကြောင်းတွေ ထိုးနေရင် မရဘူး။ ဒါကြောင့် စစ်တပ်ကို ရုပ်သိမ်းဖို့။ ပစ်ခတ်မှုတွေကို နှစ်ဖက် လျှော့သွားမယ်ဆိုရင် တဦးနဲ့ တဦး ယုံကြည်မှု ရသွားမှ စားပွဲပေါ် နိုင်ငံရေး ဆွေးနွေးရင်
ဖြစ်မယ်။ ရွှေလီမှာ ဆွေးနွေးတဲ့ စစ်မက် ဖြစ်ပွားနေတဲ့ နေရာဒေသကိစ္စတွေလည်း တဖြည်းဖြည်း ဆွေးနွေးသွားဖို့ တင်ပြတယ်” ဟု ပြောသည်။
အားလုံး ဆွေးနွေးမှုတွင် အစိုးရဘက်မှ တပ်စခန်း တပ်ရုပ်သိမ်းရေးကိစ္စ သဘော တူညီသည် အထိ ဆွေးနွေးသွားရေး တို့ကို KIO ဘက်မှ တင်ပြခဲ့ရာ အဆိုပါ တင်ပြချက်ကို အစိုးရဘက်မှ လုပ်ဆောင်ခြင်း မရှိဘဲ တိုက်ပွဲများ ဆက်လက် ဖြစ်ပွားခဲ့သည်။
KIO ဘက်မှ တင်ပြချက်များကို ဝန်ကြီး ဦးအောင်မင်းက သမ္မတ ဦးသိန်းစိန်ထံ တင်ပြသွားပြီး မည်သို့ ဆက်လက် လုပ်ဆောင်မည်ကို သုံး၊ လေးကြိမ် တွေ့ဆုံ ဆွေးနွေးပြီးနောက် နိုင်ငံတော်အဆင့် ဆွေးနွေးရန် ဆုံးဖြတ်မည်
ဖြစ်ကြောင်း ဦးဂွမ်ဂျာ က ဆိုသည်။
ငြိမ်းချမ်းရေး အကျိုးဆောင်များအဖြစ် ဦးလှမောင်ရွှေ၊ ဒေါက်တာ ကျော်ရင်လှိုင်၊ ဦးတင်မောင်သန်းတို့ လိုက်ပါခဲ့သလို၊ ကချင်ငြိမ်းချမ်းရေးအကျိုးဆောင် ဦးယွပ်ဇော်ခေါင်နှင့် ဦးဂွမ်ဂျာတို့လည်း တွေ့ဆုံမှုတွင် ပါဝင်ခဲ့သည်ဟု ဆိုသည်။
ဝန်ကြီး ဦးအောင်မင်းဦးဆောင်သော ကိုယ်စားလှယ်များသည် မိုင်ဂျာယန်မှ ဗန်းမော်မြို့တွင် ရောက်ရှိနေပြီ ဖြစ်ကြောင်း သိရသည်။
လာမည့် ဇွန် ၁ဝ ရက်မှ ၂ဝ ရက်အတွင်း နောက်တကြိမ် ပြန်လည် တွေ့ဆုံဖွယ် ရှိကြောင်း သိရသည်။
ဦးအောင်မင်း ခေါင်းဆောင်သော အစိုးရ ငြိမ်းချမ်းရေးကိုယ်စားလှယ်အဖွဲ့နှင့် KIO တို့ ပြီးခဲ့သည့် မေလ ၂၁ ရက်နေ့က ထိုင်း-မြန်မာနယ်စပ်တနေရာတွင် အလွှတ်သဘော တွေ့ဆုံခဲ့သေးသည်။
ထို့ပြင် ငြိမ်းချမ်းရေးကိုယ်စားလှယ်အဖွဲ့ ခေါင်းဆောင်အဖြစ်မှ အနားယူသွားသည့် ဦးအောင်သောင်း ဦးဆောင်သော အဖွဲ့နှင့် KIO တို့ တရုတ်နိုင်ငံ ရွှေလီမြိုကတွင် သုံးကြိမ် တွေ့ဆုံဆွေးနွေးခဲ့ဖူးသည်။
နှစ်ဖက် အပစ်အခတ် ရပ်စဲရေး သဘောတူညီမှု ယခုချိန်ထိ မရရှိသေးရှိပေ။
Ref: မဇ္ဈိမ
Posts
