တနင်္လာ, 29 သြဂုတ် 2011
လစ်ဗျားခေါင်းဆောင် မိုမာ ဂဒါဖီ (Moammar Gadhafi) ရဲ့ ဇနီးနဲ့ ကလေး ၃ ယောက်ဟာ တနင်္လာနေ့မှာ အယ်လ်ဂျီးရီးယား နိုင်ငံကို ရောက်ရှိ လာပါတယ်။ သူတို့ကို အယ်လ်ဂျီးရီးယား အာဏာပိုင်တွေက လစ်ဗျားကို နောက်ပိုင်းမှာ လွှဲပြောင်းပြီး အပ်နှံပေးဖို့ လစ်ဗျား အတိုက်အခံ သူပုန်တွေက တောင်းဆို ခဲ့ကြပါတယ်။
မစ္စတာ ဂဒါဖီရဲ့ ဇနီးဖြစ်သူ ဆဖီယာ (Safiya)၊ သမီး အီရှာ (Aisha) နဲ့ သား ၂ ယောက်ဖြစ်တဲ့ မိုဟာမက် (Mohammad) နဲ့ ဟန်နီဘောလ် (Hannibal) တို့ဟာ အယ်လ်ဂျီးရီးယား နိုင်ငံကို ကားနဲ့ လာရောက်ခဲ့တယ်လို့ အယ်လ်ဂျီးရီးယား နိုင်ငံခြားရေး ၀န်ကြီးဌာနက ကြေညာချက် ထုတ်ပြန်ပါတယ်။
မစ္စတာ ဂဒါဖီရဲ့ သားသမီးတွေနဲ့အတူ သားမက်၊ ချွေးမနဲ့ မြေးတွေပါ အတူ လိုက်ပါ လာကြတယ်လို့လည်း ပြောပါတယ်။
ဒီလို ရောက်လာကြတာနဲ့ ပတ်သက်ပြီး ကုလသမဂ္ဂ လုံခြုံရေး ကောင်စီကိုရော၊ လစ်ဗျား အတိုက် အခံတွေရဲ့ အသွင် ကူးပြောင်းရေး အမျိုးသား ကောင်စီ (TNC) ကိုပါ အကြောင်းကြား ခဲ့တယ်လို့ အယ်လ်ဂျီးရီးယား အာဏာပိုင်တွေက ပြောပါတယ်။
မြောက်အာဖရိက ဒေသက လစ်ဗျားရဲ့ တဦးတည်းသော အိမ်နီးချင်း ဖြစ်တဲ့ အယ်လ်ဂျီးရီးယားက လစ်ဗျား အတိုက်အခံ TNC အဖွဲ့ကို အသိအမှတ် မပြုဘဲ မစ္စတာ ဂဒါဖီကို ထောက်ခံ နေတဲ့အပြင် ကြေးစား စစ်သားတွေကိုပါ စေလွှတ် ခဲ့တယ်လို့ အတိုက်အခံ သူပုန်တွေ ဘက်က အရင်တုန်းက စွပ်စွဲခဲ့ပါတယ်။ ဒါပေမဲ့ အယ်လ်ဂျီးရီးယားက ဒါကို ငြင်းဆိုပါတယ်။
လစ်ဗျားခေါင်းဆောင် မစ္စတာ ဂဒါဖီနဲ့အတူ သူ့ရဲ့သားတွေ အခုထိ ဘယ်မှာရှိနေတယ် ဆိုတာကို ဘယ်သူမှ မသိကြသေးပါဘူး။
သားတယောက်ဖြစ်တဲ့ ခါမစ်စ် (Khamis) ဟာ စနေနေ့ ထရီပိုလီ (Tripoli) မှာ ဖြစ်ပွားခဲ့တဲ့ တိုက်ပွဲမှာ ကျဆုံး ခဲ့တယ်လို့ အတိုက်အခံ ထိပ်တန်း အရာရှိတွေက ပြောပါတယ်။ ဒါပေမဲ့ အခုထက်ထိ အတိအကျ ဘယ်သူမှ မသိသေးပါဘူး။
Ref: VOA News
Tuesday, August 30, 2011
ဂဒါဖီ ဇနီးနဲ့ သားသမီးတွေ အယ်လ်ဂျီးရီးယားမှာ ခိုလှုံ
အထွေထွေ လွတ်ငြိမ်းချမ်းသာခွင့် မျှော်လင့်ချက် နည်းနေသေး
ခင်ဦးသာ
Monday, 29 August 2011
အထွေထွေ လွတ်ငြိမ်းချမ်းသာခွင့်နှင့် ပတ်သက်သော အဆိုတခုအား လွှတ်တော်တွင် အတည်ပြု ဆွေးနွေး ခဲ့သော်လည်း သမ္မတ ဦးသိန်းစိန်မှ တဆင့် နိုင်ငံတော် ကာကွယ်ရေးနှင့် လုံခြုံရေး ကောင်စီ၌ ထပ်မံဆွေးနွေးမည့် ကိစ္စအပေါ် မျှော်လင့်ချက် နည်းပါးကြောင်း ကိုယ်စားလှယ်တချို့က ပြောကြသည်။
“လွှတ်တော် ဥက္ကဋ္ဌက သမ္မတဆီကို တင်ပေးဖို့အတွက် လက်ခံတာက ပြည်တွင်း ပြည်ပက ဖိအားတွေ၊ တောင်းဆိုမှုတွေ ဆက်တိုက် လုပ်နေ ကြတာကြောင့်လို့ ထင်ပါတယ်။ နိုင်ငံရေး အကျဉ်းသားတွေကို တကယ် ပြန်လွှတ်ဖို့ ကာလတခု ကြာဦးမယ်လို့ ထင်တယ်” ဟု ပြည်သူ့လွှတ်တော် ကိုယ်စားလှယ် တဦးက ဆိုသည်။
“အထွေထွေ လွတ်ငြိမ်းချမ်းသာခွင့် အမိန့်များ ဆက်လက်ထုတ်ပြန် စေရေးအတွက် နိုင်ငံတော် သမ္မတအား ဤလွှတ်တော်က မေတ္တာ ရပ်ခံကြောင်း” အဆိုကို သြဂုတ်လ ၂၆ ရက်နေ့ကပြုလုပ်သည့် ပြည်သူ့လွှတ်တော် အစည်းအဝေး၌ ဦးသိန်းညွန့်က တင်သွင်းရာ စစ်တပ် ကိုယ်စားလှယ်များ အပါအ၀င် အများစု၏ ထောက်ခံမှုဖြင့် အတည်ပြုခဲ့ကြသည်။
အဆိုတင်သွင်းခဲ့သူ ဦးသိန်းညွန့်က “လွတ်ငြိမ်းချမ်းသာခွင့်ကို လွှတ်တော်က အတည်ပြုပြီးပြီ ဆိုတော့ ချက်ချင်း အမိန့် မထုတ်ရင်လည်း ထုတ်တဲ့ အချိန်အထိတော့ စိတ်ရှည်ရှည်နဲ့ စောင့်ရမှာပေါ့” ဟု ဧရာဝတီကို ပြောသည်။
ဦးသိန်းညွန့်၏ အဆိုအား စစ်တပ် ကိုယ်စားလှယ်များက ထောက်ခံသည့်အတွက် နေအိမ်အကျယ်ချုပ် ကျခံနေရသော ထောက်လှမ်းရေး အကြီးအကဲ ဗိုလ်ချုပ်ကြီးဟောင်း ခင်ညွန့် အပါအဝင် ထောင်ဒဏ်များ ကျခံနေရသော စစ်ထောက်လှမ်းရေး အဖွဲ့ဝင်များနှင့် ပတ်သက်၍ လူအများက စိတ်ဝင်စား နေကြသည်။
“ထောင်ဒဏ် ကျခံနေတဲ့သူတွေ ပြန်လွှတ်ပေးသင့်တယ်လို့ စစ်တပ် ကိုယ်စားလှယ် ပြောတယ်ဆိုတာက ထောက်လှမ်းရေး အဖွဲ့ကို ရည်ညွှန်းတယ်လို့ ထင်တယ်။ ကာကွယ်ရေး ဦးစီးချုပ်က ရွေးချယ်ထားတဲ့ ကိုယ်စားလှယ်တွေကို လက်ညှိုးထောင်၊ ခေါင်းညိတ်တဲ့ အဆင့်ပဲ ထင်ထားတာ” ဟု ပြည်ပ အခြေစိုက် စစ်ရေးလေ့လာသူ ဦးဌေးအောင်က ဆိုသည်။
အစိုးရသစ် လက်ထက်တွင် ပြည်နယ်၊ တိုင်း ၀န်ကြီးချုပ်များကသာ လုပ်ပိုင်ခွင့်များရနေပြီး စစ်တိုင်းမှူးက အာဏာ မရှိတော့ကြောင်း၊ လွှတ်တော်၌ စစ်တပ် ကိုယ်စားလှယ်များ ကိုယ်တိုင် ပါဝင်ဆွေးနွေး လာခြင်းသည် စစ်တပ်နှင့် လွှတ်တော်တို့ အကြား အားပြိုင်မှု ပုံစံမျိုး ဖြစ်လာကြောင်း ဦးဌေးအောင်က ပြောသည်။
“၂၀၀၈ ဖွဲ့စည်းပုံက ဒီမိုကရေစီမကျပေမယ့် စီမံခန့်ခွဲမှု လုပ်တဲ့နေရာမှာ အစိုးရအဖွဲ့၊ ဥပဒေပြု လွှတ်တော်နဲ့ ပါတီတွေ ကြားမှာ
check and balance ဖြစ်အောင် ညှိထားပေးတဲ့ သဘောတွေ့ရတယ်” ဟု ၎င်းက ဆက်ပြောသည်။
လွှတ်တော်၌ ၂၅ ရာခိုင်နှုန်း ပါဝင်သော စစ်တပ် ကိုယ်စားလှယ်များထဲမှ ဗိုလ်မှူးကြီးအဆင့်ရှိ ကိုယ်စားလှယ် ၂ ဦးက ပါဝင် ဆွေးနွေးရာ၌ တပ်မတော် သားများသည် အကြောင်းကြောင်းကြောင့် အရပ်ဘက် တရားရုံး၏ ပြစ်ဒဏ်ပေးခြင်းကို ခံထာ ရကြောင်း၊ ထိုသူများသည် နိုင်ငံအတွက် အလုပ်လုပ်ခဲ့ သူများဖြစ်၍ ၎င်းတို့ကိုလည်း လွတ်ငြိမ်း ချမ်းသာခွင့် ပေးသင့်ကြောင်း ဆွေးနွေး ခဲ့ကြသည်ဟု ပြည်သူ့လွှတ်တော် ကိုယ်စားလှယ်တချို့က ပြောသည်။
ထိုအဆိုအား ပထမအကြိမ်ပြုလုပ်သော အစည်အဝေးများ၌ တင်သွင်းခဲ့ရာ ပယ်ချ ခံခဲ့ရသည်။
ကုလသမဂ္ဂ လူ့အခွင့်အရေးအရာရှိ မစ္စတာ သောမတ်စ် အိုဟေး ကင်တားနားသည် ခရီးစဉ်အတွင်း မြန်မာ အစိုးရ၏ တာဝန်ရှိသူများ၊ လွှတ်တော်ဥက္ကဋ္ဌ များနှင့် ဆွေးနွေးရာ၌ နိုင်ငံရေး အကျဉ်းသားများ လွှတ်ပေးရေးကိစ္စကို ထပ်မံ တိုက်တွန်း ခဲ့သော်လည်း ယုံကြည်ချက်ကြောင့် အကျဉ်းကျ ခံနေရသူ မရှိကြောင်း ပြည်ထောင်စု တရားသူကြီးချုပ် ဦးထွန်းထွန်းဦးက တန်ပြန် ပြောဆိုခဲ့သည်။
အမျိုးသား လွှတ်တော်ဥက္ကဋ္ဌ ဦးခင်အောင်မြင့်ကလည်း နိုင်ငံတော်၏ တည်ငြိမ်အေးချမ်းမှုကို အနှောင့်အယှက် မပြုတော့ကြောင်း သေချာသည့် အချိန်တွင်မှ အကျဉ်းသားများအား လွှတ်ပေးရန် ရှိကြောင်း ပြောဆိုခဲ့သည်။
ယနေ့ လွှတ်တော် အစည်းအဝေးတွင် ဦးသိန်းညွန့်က အကျဉ်းထောင်ဥပဒေများ ပြင်ဆင်ရန် အဆိုတရပ် တင်သွင်းခဲ့ရာ အတည်ပြု နိုင်ခဲ့ပြီး အဆိုပါ အကြောင်းအရာကို ဆက်လက် ဆွေးနွေး သွားမည်ဖြစ်ကြောင်း သိရသည်။
Ref: ဧရာဝတီ
အကျဉ်းထောင်ဥပဒေ ပြင်ဆင်ရေး အဆို ပြန်ရုပ်သိမ်းရ
ဦးမိုးဇော်
တနင်္လာ, 29 သြဂုတ် 2011
ပထမအကြိမ် ပြည်သူ့လွှတ်တော် ဒုတိယ ပုံမှန်အစည်းအဝေးကို ဒီကနေ့ ဆက်လက် ကျင်းပရာမှာ လူ့ဂုဏ်သိက္ခာ ကျဆင်းစေတဲ့ လက်ရှိ အကျဉ်းထောင် ဥပဒေ ပြင်ဆင်ပေးဖို့ အဆို တင်သွင်းခဲ့ပေမဲ့ ပြည်ထဲရေး ၀န်ကြီးက ဒီဥပဒေကို ပြန်လည် ပြင်ဆင်ဖို့ ဆောင်ရွက်ထားပြီး ဖြစ်တာကြောင့် အဆိုကို မဲမခွဲဘဲ ရုပ်သိမ်း ခဲ့ရပါတယ်။ ဒီအဆိုကို လွှတ်တော ကိုယ်စားလှယ် ၇ ဦးက ထောက်ခံ ဆွေးနွေးခဲ့ကြပြီး ၃ယောက်ကတော့ ကန့်ကွက် ခဲ့ကြပါတယ်။ ဒီကနေ့ ကျင်းပတဲ့ လွှတ်တော်အတွင်းက မေးမြန်းတာတွေ၊ အဆို တင်သွင်းတာတွေနဲ့ ဥပဒေကြမ်း အတည်ပြုတဲ့ အကြောင်းတွေကို ထိုင်းအခြေစိုက် သတင်းထောက် ကိုမိုးဇော်က တင်ပြ ပေးထားပါတယ်။
ဒီကနေ့ ကျင်းပတဲ့ ပြည်သူ့လွှတ်တော် အစည်းအဝေးမှာ လွှတ်တော်ကိုယ်စားလှယ် ၁၂ ဦးက မေးခွန်း မေးမြန်းခဲ့ပြီး အကျဉ်းထောင် ဥပဒေ ပြင်ဆင်ရေး အဆိုတခု တင်သွင်းခဲ့ သလို ဥပဒေမူကြမ်း ၂ ခု ရေးဆွဲဖို့လည်း ဆွေးနွေးခဲ့ပါတယ်။ ဒီဆွေးနွေး မေးမြန်းမှုတွေ ထဲမှာတော့ လက်ရှိ ကျင့်သုံးနေတဲ့ အကျဉ်းထောင် ဥပဒေ ပြင်ဆင်ရေး အဆိုအပေါ်မှာ ပြည်သူ့လွှတ်တော် ကိုယ်စားလှယ် အတော်များများက စိတ်ဝင်စား ခဲ့ကြပါတယ်။
အကျဉ်းထောင်ဥပဒေ ပြင်ဆင်ရေး အဆိုကို ဘာကြောင့် တင်သွင်းရသလဲ ဆိုတာကိုတော့ ဒီအဆိုရှင်ဖြစ်တဲ့ သင်္ဃန်းကျွန်း မဲဆန္ဒနယ်က ပြည်သူ့ လွှတ်တော် ကိုယ်စားလှယ် ဦးသိန်းညွန့်က အခုလို ပြောပြပါတယ်။
“ဆွေးနွေးရတဲ့ အဖြေကတော့ ၁၈၉၄ ခုနှစ် အကျဉ်းထောင်များ အက်ဥပဒေက ကိုလိုနီခေတ်က ပြဋ္ဌာန်းခဲ့တဲ့ ဥပဒေ၊ လူ့ဂုဏ် သိက္ခာကို ညှိုးနွမ်းစေတဲ့ အရာတွေ ပါတယ်၊ ဒီဥပဒေမှာ။ နောက်တခါ မြန်မာနိုင်ငံ လက်မှတ် ရေးထိုးထားတဲ့ အပြည်ပြည် ဆိုင်ရာ လူ့အခွင့်အရေး ကြေညာစာတမ်း အပိုဒ် ၄၅ နဲ့ မညီဘူး။ ဒါကြောင့် ၂၁ ရာစုနဲ့ ညီညွတ်တဲ့၊ လူ့ဂုဏ် သိက္ခာကို အာမခံတဲ့ အကျဉ်းထောင်များ ဥပဒေ တရပ်ကို မူကြမ်းရေးဆွဲ သတ်မှတ်ပြီး တတိယ ပုံမှန် အစည်းအဝေးမှာ တင်ပြဖို့ ကျနော် တင်ပြပါတယ်။”
ဒီအဆိုကို ရခိုင်တိုင်းရင်းသားများ တိုးတက်ရေးပါတီ၊ ရှမ်းတိုင်းရင်းသားများ ဒီမိုကရက်တစ်ပါတီ၊ အမျိုးသား ဒီမိုကရေစီ အင်အားစု ပါတီနဲ့ တိုင်းရင်းသား စည်းလုံးညီညွတ်ရေး ပါတီက ပြည်သူ့လွှတ်တော် ကိုယ်စားလှယ် ၇ ဦးက ထောက်ခံပြီး အခြား ပြည်သူ့လွှတ်တော် ကိုယ်စားလှယ် ၃ ဦးကတော့ ပြင်ဆင်စရာ မလိုကြောင်း ကန့်ကွက် ဆွေးနွေးခဲ့ပါတယ်။
ဒီအဆိုနဲ့ ပတ်သက်ပြီး ပြည်ထဲရေးဝန်ကြီးက ဥပဒေမူကြမ်း ပြင်ဆင်ထားပြီးဖြစ်ကြောင်း ပြန်လည် ဆွေးနွေးတဲ့ နောက်မှာ လွှတ်တော် ဥက္ကဋ္ဌက ဒီအဆိုဟာ မလိုအပ်တော့ဘူးလို့ ဆုံးဖြတ်ခဲ့တယ်လို့ ဦးသိန်းညွန့်က ဆက်ပြောပါတယ်။
“ဒီနေ့ ပြည်ထဲရေးဝန်ကြီး တင်ပြတဲ့အခါမှာ သူတို့ကိုယ်တိုင် ပြန်လည်ပြင်ဆင်ဖို့ သတ်မှတ်ထားတဲ့ ဥပဒေထဲမှာ ဒီဥပဒေက တခုပါတယ်။ ဒီဥပဒေနဲ့ ပတ်သက်ပြီးတော့ သမ္မတရုံးကိုရော၊ ရှေ့နေချုပ်ရုံးကိုရော သူတို့ ဆောင်ရွက်ခဲ့တဲ့ လုပ်ငန်းတွေ တင်ပြတယ်။ အဲဒီလို တင်ပြပြီး ဒီဥပဒေနဲ့ ပတ်သက်ပြီးတော့ သူတို့ ရေးဆွဲထားတဲ့ တတိယအကြိမ် မူကြမ်းကို ဥက္ကဋ္ဌ ပုံမှန်လွှတ်တော် အစည်းအဝေးကို တင်ပြမယ်လို့ ပြောလိုက်ပြီ၊ လုပ်ထုံးလုပ်နည်းနဲ့အညီ။ အဲဒါကြောင့် လွှတ်တော်ဥက္ကဋ္ဌက ဒါကို ဒီနေ့ မဲမခွဲတော့ဘူး။
“ကျနော့်အဆိုဟာ လုပ်ငန်းအရပြောရင် ပြည်ထဲရေးဝန်ကြီးက လွှတ်တော်တင်မှာ မဟုတ်လို့ ဆက်လက် ဆောင်ရွက်ရန် မလိုတော့ဘူး။ သို့သော် လွှတ်တော်က ဒီအဆိုနဲ့ ပတ်သက်ပြီး မှတ်တမ်း တင်ထားကြောင်း ဒီနေ့ လွှတ်တော် ဥက္ကဋ္ဌက ကြေညာခဲ့ပါတယ်။”
ရခိုင်တိုင်းရင်းသားများ တိုးတက်ရေးပါတီက မြေပုံမြို့နယ် ပြည်သူ့လွှတ်တော် ကိုယ်စားလှယ် ဦးဖေသန်းက ဦးသိန်းညွန့် တင်ပြတာနဲ့ ပြည်ထဲရေး ၀န်ကြီး ပြောဆိုသလိုပဲ လက်ရှိ အကျဉ်းထောင် ဥပဒေဟာ အမှန်တကယ် ပြုပြင်သင့်ပြီ ဖြစ်ကြောင်း အခုလို ပြောပါတယ်။
“ဒီဥပဒေကတော့ လူ့ဂုဏ်သိက္ခာကို ချိုးနှိမ်ခံရတဲ့ ဥပဒေလို့ ယူဆတယ်လေ။ ကျနော်တို့ ကိုယ်တိုင်ကလည်း ထောင်ထဲမှာ နေခဲ့ဖူးတော့ အမှန်တကယ် အကျဉ်းသားတွေရဲ့ တွေ့ကြုံ ခံစားနေရတဲ့ ဒုက္ခတွေ အများကြီး သိပါတယ်။ ဘာမှ ဘ၀ အာမခံချက် မရှိသလို ဘာမှ အကာအကွယ်ပေးမှု မရှိဘူး။ အိပ်တော့လည်း သမံတလင်းမှာ အိပ်ရတယ်။ စားတော့လည်း ပဲကြားကို သားရေစာနဲ့ ခြားပြီး စားရတယ်။ အကုန်လုံးပေါ့ဗျာ၊ ဘာမှ လူ့အခွင့်အရေး ဆိုတာ မရှိဆုံး နေရာပေါ့။
“အရပ်သား အကျဉ်းသား အရာရှိ ဆိုပြီးတော့ တမျိုး ဗိုလ်ကျတာတွေ ရှိတယ်ဗျ။ ၀ါဒါတွေ ကလည်း ဗိုလ်ကျတာတွေ ရှိတယ်။ အကျဉ်းသားတွေကို ကန်ကျောက် ပစ်လို့ရတယ်။ သူတို့ ဆက်ဆံချင်သလို ဆက်ဆံလို့ရတယ်။ အထူးသဖြင့် ကျန်းမာရေး ကိစ္စနဲ့ ပတ်သက်ပြီးတော့ ဘာမှ အာမခံချက် မရှိတာ၊ ခြေချင်းတွေ ခတ်တာ၊ ဒေါက်တွေ ခတ်တာ၊ အဲဒါမျိုး အများကြီးပေါ့ဗျာ။ နောက်ဆုံး နယ်ဝေး ထောင်တွေကို ပို့လို့ရတယ်။ နောက်ပြီး ရှေ့တန်းတွေ ပို့လို့ရတယ်။ အဲဒီဟာမျိုးကတော့ ဒီအချိန်မှာ မရှိသင့်တော့ပါဘူး။”
ဦးဖေသန်းကတော့ ပြည်ထဲရေးဝန်ကြီး တင်ပြခဲ့သလို လက်ရှိ အကျဉ်းထောင် ဥပဒေကို အမှန်တကယ် ပြုပြင် လိမ့်မယ် လို့လည်း မျှော်လင့် ထားပါတယ်။
ဒီကနေ့ မေးမြန်းတဲ့ မေးခွန်း ၁၂ ခုထဲမှာတော့ ထူးခြားတဲ့ မေးခွန်းတခုက ၁၉၉၀ ပြည့် ရွေးကောက်ပွဲမှာ ရွေးချယ် ခံခဲ့ရတဲ့ အမတ် ၁၂၀ ကို လက်ရှိ အသိအမှတ်ပြုမှု ရှိ၊ မရှိဆိုတဲ့ မေးခွန်းဖြစ်ပါတယ်။ ဒီမေးခွန်းကို ဦးသိန်းညွန့်ကပဲ မေးမြန်းတာဖြစ်ပြီး ၁၉၉၀ ပြည့် ရွေးကောက်ပွဲ ရလဒ်ဟာ လူထုဆန္ဒအရ ရွေးချယ်ထားတာကြောင့် မေးမြန်းရတာ ဖြစ်တယ်လို့ ပြောပါတယ်။
ဒီမေးခွန်းကိုတော့ ရွေးကောက်ပွဲ ကော်မရှင် အဖွဲ့ဝင် ဦးမြင့်နိုင်က ၂၀၁၀ ရွေးကောက်ပွဲ ဥပဒေ ပြဋ္ဌာန်းပြီး နောက်မှာ ၉၀ ပြည့် အမတ်တွေဟာ ပျက်ပြယ်ပြီဖြစ်ကြောင်း ရှင်းလင်း ခဲ့ပါတယ်။
ဒီကနေ့ အခြား တင်ပြဆွေးနွေးကြတဲ့ အကြောင်းအရာတွေမှာတော့ ရပ်ကွက်၊ ကျေးရွာ အုပ်ချုပ်ရေးမှူး ရွေးချယ်တဲ့ ဥပဒေမူကြမ်း ပြင်ဆင်ရေးနဲ့ နိုင်ငံရေးဥပဒေ ပုဒ်မ ၅(ည) ကို ဖျက်သိမ်းဖို့ ဆိုတာတွေလည်း ပါဝင်ခဲ့ပါတယ်။
Ref: VOA News
စစ်ယာဉ်တန်းကို KIA ခြုံခိုတိုက်ခိုက်
သန်းထိုက်ဦး
Monday, 29 August 2011
အစိုးရတပ် စစ်ယာဉ်တန်းကို ကချင် လွတ်လပ်ရေး တပ်မတော် (KIA) တပ်ဖွဲ့များက ယခင်အပတ်အတွင်း ခြုံခို တိုက်ခိုက် ခဲ့သောကြောင့် ယာဉ်မောင်းတဦး ကျဆုံးပြီး ကားတစီး မီးလောင် ပျက်စီးသွားသည်။
တရုတ်နိုင်ငံမှ ၀ယ်ယူထားသော စစ်ထရပ်ကားများဖြင့် ရှမ်းပြည်နယ် မြောက်ပိုင်း မူဆယ်မြို့မှ တဆင့် မန္တလေးသို့ မောင်းနှင် သွားနေစဉ် လမ်းခုလတ် တနေရာ၌ ခြုံခို တိုက်ခိုက်ခဲ့ကြောင်း ကချင် လွတ်လပ်ရေးအဖွဲ့ (KIO) တွဲဖက် အတွင်းရေးမှူး ဦးလနန်က ဧရာဝတီသို့ ပြောသည်။
“အစီး ၁၀၀ လောက် ဆင်းသွား ကြပြီ။ ကျနော်တို့ ဘက်ကလည်း အားလုံးတော့ မလုပ်နိုင်ဘူးလေ။ နှောင့်ယှက်တဲ့ သဘောနဲ့ပဲ နောက်ဆုံးကျန်တဲ့ ၁၀ စီးထဲက တစီးကို ပစ်ခတ်ခဲ့တာပါ” ဟု ၎င်းက ဆိုသည်။
အစိုးရယာဉ်တန်းကို KIA တပ်ရင်း ၉ မှ တပ်ဖွဲ့ဝင် တချို့က လှမ်း၍ ပခုံးထမ်း လောင်ချာ (RPG) နှင့် ပစ်ခတ် ခဲ့ကြောင်း သိရသည်။
“သူတို့ရဲ့ စစ်ရေး လှုပ်ရှားမှုတွေကို ကျနော်တို့ ဖြစ်နိုင်သလောက် လိုက်ပြီးတော့ ဟန့်တားတာမျိုး၊ အနှောင့်အယှက် ပေးတာမျိုး လုပ်သွားမယ်” ဟု ဦးလနန်က ယခင်တပတ်က ပြောခဲ့သည်။
တိုက်ခိုက်ခံရသော အစိုးရတပ်ကို မသိရသေးကြောင်း ဦးလနန်က ဆိုသည်။
ထိုယာဉ်တန်းကို မတိုက်ခိုက်မီ တရက်ကလည်း ကားလမ်းမ တလျှောက် လုံခြုံရေး ယူထားသော အစိုးရတပ်နှင့် KIA တပ်ဖွဲ့ ၀င်များအကြား တိုက်ပွဲငယ်များ ဖြစ်ပွားခဲ့သေးသည်။
ထိုသို့ တိုက်ပွဲငယ်များ၊ ပစ်ခတ်မှုများ ဖြစ်ပွားနေသော်လည်း ကချင် ပြည်နယ် ၀န်ကြီးချုပ် ဦးလဂျွန်ငန်ဆိုင်းက ပြည်နယ် တည်ငြိမ် အေးချမ်းရေး ဆောင်ရွက်ထားမှု အခြေအနေ ရှင်းလင်း တင်ပြခြင်းနှင့် ပြည်သူ့ ဆန္ဒ သဘောထားများ မေးမြန်း တင်ပြချက်များ အပေါ် ဖြေကြားခြင်း အခမ်းအနားကို မြစ်ကြီးနား မြို့တော်ခန်းမတွင် ယခုလ ၂၇ ရက်နေ့က ကျင်းပခဲ့သည်ဟု ယနေ့ထုတ် အစိုးရ သတင်းစာတွင် ဖော်ပြထားသည်။
ယင်းအခမ်းအနားကို ဘာသာရေး အသင်းအဖွဲ့များ၊ အစိုးရအာဏာပိုင်များ၊ တိုင်းရင်းသားများနှင့် ကျေးရွာ အုပ်ချုပ်ရေး မှူးများ၊ စာနယ်ဇင်းများ၊ NGO၊ INGO အဖွဲ့များ တက်ရောက် ခဲ့သည်ဟု သတင်းစာက ဆိုသည်။
ဇွန်လ ၉ ရက်နေ့တွင် စတင်ဖြစ်ပွားခဲ့သည့် အစိုးရတပ်နှင့် KIA အကြား တိုက်ပွဲများကြောင့် နေရပ်စွန့်ခွာ ထွက်ပြေးရ သူပေါင်း ၂၀၀၀၀ ကျော် ရှိကြောင်း၊ ထွက်ပြေး လာသည့် ဒုက္ခသည်များသည် တရုတ်-မြန်မာ နယ်စပ် တလျှောက်ရှိ KIA ထိန်းချုပ် ဒေသများတွင် ခိုလှုံနေကြကြောင်း သိရသည်။
ထို့အပြင် တချို့ဒုက္ခသည်များမှာ မြစ်ကြီးနား၊ ၀ိုင်းမော်မြို့တို့တွင်ရှိသော ဆွေမျိုးများထံ သွားရောက် နေထိုင် နေကြပြီး ဘာသာရေး အဆောက် အအုံများတွင် အများစု ခိုလှုံ နေထိုင်ကြရသည်ဟု ကချင် လူ့အခွင့်အရေး လှုပ်ရှားသူများက ဆိုသည်။
ကချင် ဒုက္ခသည်များကို KIA အပါအ၀င် ဒေသခံ ဘုရားကျောင်းများနှင့် အဖွဲ့အစည်းတချို့တို့မှ ကောက်ခံ ရရှိထားသော အလှူငွေများဖြင့် ထောက်ပံ့ ပေးထားရကြောင်း သိရသည်။
Ref: ဧရာဝတီ
အလုပ်သမား အဖွဲ့အဖွဲ့များ ဖွဲ့စည်းနိုင်ရေး အမျိုးသားလွှတ်တော် အတည်ပြု
မျိုးသန့်
တနင်္လာနေ့၊ သြဂုတ်လ ၂၉ ရက် ၂၀၁၁
ချင်းမိုင် (မဇ္ဈိမ) ။ ။ ကြံ့ခိုင်ဖွံ့ဖြိုးရေး ပါတီဝင် အလုပ်သမားဝန်ကြီး ဦးအောင်ကြည် တင်သွင်းခဲ့သည့် အလုပ်သမား အဖွဲ့အစည်းများ ဖွဲ့စည်း နိုင်ရေးနှင့် အကန့်အသတ်ဖြင့် ဆန္ဒ ဖော်ထုတ်နိုင်မည့် ဥပဒေမူကြမ်းကို တနင်္လာနေ့ ပထမအကြိမ် အမျိုးသား လွှတ်တော်တွင် အစည်းအဝေးတွင် အတည်ပြု ပေးလိုက်ပြီ ဖြစ်သည်။
အဆိုပါ ဥပဒေမူကြမ်းကို ပြည်သူ့လွှတ်တော်တွင် ဆန္ဒခံယူရမှာဖြစ်ပြီး အတည်ပြုပါက ပြည်ထောင်စု လွှတ်တော်၏ အတည် ပြုချက်ကို ရယူပြီးနောက် ဥပဒေအဖြစ် ပေါ်ပေါက်လာမည် ဖြစ်သည်။
ဥပဒေမူကြမ်းတွင် အလုပ်ရှင် အလုပ်သမား အသင်းအဖွဲ့များ ဖွဲ့စည်းနိုင်ပြီး၊ အလုပ်သမားများ ဆန္ဒ ပြလိုပါက ဒေသခံ အာဏာပိုင်များမှ ခွင့်ပြုထားသည့် နေရာတွင် လူအရေအတွက် အကန့်အသတ်ဖြင့် ဆန္ဒဖေါ်ထုတ်ခွင့် ရရှိမည်ဟု ဥပဒေ မူကြမ်းကို ဖတ်ခွင့်ရသူ ဒီမိုကရေစီ ပါတီသစ် ပါတီမှ အမျိုးသား လွှတ်တော် အမတ် ဦးဖုန်းမြင့်အောင်က ဆိုသည်။
အလုပ်သမား အဖွဲ့အစည်း ဖွဲ့စည်းရာတွင် အစိုးရ၊ အုပ်ချုပ်ရေး၊ ကာကွယ်ရေးနှင့် အလုပ်သမားဝန်ကြီး ဌာနတို့မှ လူပုဂ္ဂိုလ်များ ပါဝင်ခွင့် မရှိဟု သိရသည်။ “ အလုပ်သမားတွေက သူတို့ ကိုယ်စားလှယ်နဲ့ သူတို့ဖွဲ့ရမှာပါ၊” ဟု ဦးဖုန်းမြင့်အောင်က ပြောသည်။
ကွယ်လွန်သူ အာဏာရှင်ဟောင်း ဗိုလ်ချုပ်ကြီးနေဝင်း လက်ထက်ကတည်းက ယခုတိုင် လွတ်လပ်သော အလုပ်သမား သမဂ္ဂများ ဖွဲ့စည်းခွင့် ပိတ်ပင်ထားခဲ့ပြီး အစိုးရမှ ကြီးမှူးသည့် အသင်းအဖွဲ့များသာ တည်ရှိနေခဲ့သည်။
တနင်္လာနေ့ အမျိုးသားလွှတ်တော်တွင် သစ်တောဝန်ကြီး ဦးဝင်းထွန်းမှ သစ်တော ဥပေဒမူကြမ်းကို တင်သွင်းခဲ့ရာ သစ်တောနှင့် သဘာဝ ပတ်ဝန်းကျင် ထိန်းသိမ်းရေး၊ သစ်တော ဧရိယာများ တိုးမြှင့်ရန်နှင့် သစ်ပင်များ စိုက်ပျိုးရန်တို့ ပါဝင်သည်ဟု ဦးဖုန်းမြင့်အောင်က ပြောသည်။ ယင်းအဆိုကို အင်္ဂါနေ့ အမျိုးသား လွှတ်တော်တွင် ဆက်လက် ဆွေးနွေးမည် ဖြစ်သည်။
ပြည်သူ့လွှတ်တော်တွင် ဦးသိန်းညွန့်မှ ၂၁ ရာစုနှင့်ညီညွတ်သော လူ့ဂုဏ်သိက္ခာနှင့် ညီညွတ်သည့် ဥပဒေ တရပ် မူကြမ်း ရေးဆွဲပြီး တင်သွင်းရာတွင် ၁၈၉၄က ပြဋ္ဌာန်းခဲ့သော အကျဉ်းထောင်များ အက်ဥပဒေသည် ကိုလိုနီခေတ်က ပြဋ္ဌာန်းခဲ့သော ဥပဒေ ဖြစ်သည့် အပြင် လူ့ဂုဏ်သိက္ခာကို ညှိုးနွမ်း သေးသိမ်စေသည့် အရေးယူ ဆောင်ရွက်မှုများကို ခွင့်ပြုထားသည်များ ရှိနေခြင်းကြောင့် ဖွဲ့စည်းပုံ အခြေခံ ဥပဒေနှင့် ဆန့်ကျင်နေသည့် အတွက် ထိုဥပေဒကို ပြန်လည်ပြင်ဆင်ရန် ထည့်သွင်း ဆွေးနွေးသွားသည်။
ယင်းအဆိုကို တိုင်းရင်းသား စည်းလုံး ညီညွတ်ရေးပါတီ၊ အမျိုးသားဒီမိုကရေစီ အင်အားစုပါတီ၊ ရခိုင် တိုင်းရင်းသားများ တိုးတက်ရေး ပါတီတို့မှ အမတ်များ ပါဝင်သော အမတ် ၇ ယောက်မှ ထောက်ခံ ဆွေးနွေးပြီး ကြံ့ခိုင်ဖွံ့ဖြိုးရေး ပါတီမှ အမတ် ၂ ယောက်က ကန့်ကွက် ဆွေးနွေး ကြသည်။
ကန့်ကွက် ဆွေးနွေးသူ မင်္ဂလာဒုံ မဲဆန္ဒနယ်မှ ကြံ့ဖွံ့အမတ်များ ဖြစ်သည့် ဦးတင်မောင်ဝင်းနှင့် ဇီးကုန်း မဲဆန္ဒနယ်မှ ဦးတင်မောင်မြင့် တို့မှ ကိုလိုနီခေတ်မှ ထိုဥပဒေကို ပြဋ္ဌာန်းခဲ့ခြင်း ဖြစ်သော်လည်း လွတ်လပ်ရေး ရပြီးနောက်ပိုင်း အကျဉ်းထောင်များကို မြန်မာ လူမျိုးများ အုပ်ချုပ်နေခြင်းကြောင့် နှိပ်စက်မှုများနှင့် မတရား ပြုလုပ်မှုများ မရှိတော့ကြောင်း ဆွေးနွေးသွားသည်။
ဤအဆိုကို ပြည်ထဲရေးဝန်ကြီး ဒုဗိုလ်ချုပ်ကြီး ကိုကိုမှ ခေတ်နှင့် မလျော်ညီတော့သော ယင်းဥပဒေများကို ပြည်ထဲရေး ဝန်ကြီးဌာနမှ ပြန်လည် ပြင်ဆင်ရန် စတင်နေပြီ ဖြစ်ကြောင်း ဖြေသည်။
တနင်္လာနေ့ ပြည်သူ့လွှတ်တော်တွင် ပြည်သူ့လွှတ်တော် အမတ် ဦးသိန်းညွန့်မှပင် ၁၉၅ဝ ပြည့်နှစ် အရေးပေါ် စီမံမှု အက်ဥပဒေ (၁၇/၁၉၅ဝ) ဖျက်သိမ်းပေးရန် တင်သွင်း ခဲ့သေးသည်။ ယင်းအဆိုကို အင်္ဂါနေ့ လွှတ်တော် အစည်းအဝေးတွင် ဆက်လက် ဆွေးနွေးမည် ဖြစ်သည်။
ပြည်သူ့လွှတ်တော်တွင် ၁၉၉ဝ ပြည့်နှစ် ပါတီစုံ အထွေထွေး ရွေးကောက်ပွဲ ပြည်သူ့လွှတ်တော် အမတ် ၁၂ဝ ၏ အခန်းကဏ္ဍနှင့် စပ်လျဉ်းသည့် မေးခွန်းကို ဦးသိန်းညွန့်မှ မေးမြန်း ခဲ့သေးသည်။
ယင်းမေးခွန်းကို ရွေးကောက်ပွဲ ကော်မရှင် အဖွဲ့ဝင်ဖြစ်သည့် ဦးမြင့်နိုင်မှ ဖြေကြားရာတွင် ၁၉၉ဝ ရွေးကောက်ပွဲတွင် အနိုင်ရ လွှတ်တော် ကိုယ်စားလှယ် အရေအတွက်မှာ ၁၀၇ ယောက်သာ ရှိပြီး၊ ၇၊ ၃၊ ၂ဝ၁ဝတွင် ရွေးကောက်ပွဲ ပြန်လည် မှတ်ပုံတင်ကြရန် ဥပဒေထုတ် ကြေညာခဲ့ပြီး ဖြစ်ပြီး ဖွဲ့စည်းပုံ အခြေခံ ဥပဒေနှင့် ညီညွတ်ခြင်း မရှိသည့် အတွက် ၁၉၉၀ ရွေးကောက်ပွဲ ရလဒ်သည် အလိုအလျောက် ပျက်ပျယ်ပြီ ဖြစ်ကြောင်း ပြန်လည် ဖြေကြား သွားခဲ့သည်။
ပြည်သူ့လွှတ်တော်နှင့် အမျိုးသားလွှတ်တော်တို့ကို တနင်္လာနေ့ နံနက် ၁ဝ နာရီတွင် စတင်ပြီး ညနေ ၄း၂ဝ တွင် ပြီးဆုံး ကြသည်။
Ref: မဇ္ဈိမ
ကျပ်ငွေဈေးချရန် တရားမဝင်ကားများ ဒေါ်လာဖြင့်ဒဏ်တပ်မည်
Monday, 29 August 2011
ပြည်တွင်းသို့ တရားမ၀င် တင်သွင်းလာသော ဂျပန်လုပ် Super Custom ယာဉ်များကို အမေရိကန် ဒေါ်လာဖြင့် ဒဏ်ကြေး ရိုက်၍ ဒေါ်လာဈေး ပြန်လည် မြင့်တက်စေရန် လုပ်ဆောင်သွားမည် ဖြစ်ကြောင်း အမှတ် ၁ နှင့် ၂ စက်မှုဝန်ကြီးဌာန ပြည်ထောင်စု ၀န်ကြီး ဦးစိုးသိန်းက တရားဝင် ပြောဆိုလိုက်သည်။
နေပြည်တော်တွင် သြဂုတ်လ ၂၈ ရက်နေ့က ကျင်းပပြုလုပ်သော သတင်းစာ ရှင်းလင်းပွဲ၌ ဦးစိုးသိန်းက ထိုသို့ ပြောဆို လိုက်ခြင်းဖြစ်သည်။
ပြည်တွင်းသို့ တရားမ၀င် တင်သွင်းလာသည့် Super Custom ခေါ် Hi – Ace ကားများကို ပြည်တွင်း စက်မှုဇုန်ထုတ် ကားများ အဖြစ် လိုင်စင် ၀င်သောအခါ ဒဏ်ရိုက်သည့် အနေဖြင့် ယခင်က မြန်မာကျပ်ငွေဖြင့် အခွန်ဆောင်စေ ခဲ့ကြောင်း၊ သို့ရာတွင် ယခုအခါ ကျပ်ငွေအစား ဒေါ်လာဖြင့် ပြောင်းလဲ ဒဏ်ရိုက်၍ အမေရိကန် ဒေါ်လာ တန်ဖိုး မြှင့်သွားမည် ဖြစ်ကြောင်း ဦးစိုးသိန်းက ဆိုသည်။
ဂျပန်လုပ် Super Custom ကားများကို စက်မှုဇုန်ထုတ် ကားအဖြစ် ပြောင်းလဲရန် လိုင်စင်ဝင်သည့် အချိန်တွင် ဒဏ်ရိုက်သည့် အနေဖြင့် ယခင်က ကားတစီးလျှင် ကျပ်သိန်း ၁၀၀ ဒဏ်ဆောင်ရကြောင်း၊ ယခုအခါ တစီးလျှင် ဒေါ်လာ ၁၃၀၀၀ ဆောင်ရမည် ဖြစ်ကြောင်း နေပြည်တော်တွင် ကျင်းပသည့် သတင်းစာ ရှင်းလင်းပွဲသို့ တက်ရောက်ခဲ့သူ သတင်းထောက် တဦးက ပြောသည်။
“အံစာတုံးပုံစံ ကားတွေကို တစီး ဒေါ်လာ ၂ သောင်း ဆောင်ခိုင်းတယ်။ စက်တင်ဘာလ ၁၅ ရက်အထိ နှစ်ပတ်အတွင်း ဆောင်ရမှာပါ။ စုစုပေါင်း ကားစီးရေ ၈၀၀ နီးပါးရှိတယ်။ အဲဒီလို ဒေါ်လာနဲ့ ဆောင်ခိုင်းတာက ဒေါ်လာတန်ဖိုး ပြန်တက်ပြီး ပို့ကုန် စီးပွားရေး ပြန်ကောင်း လာစေချင်လို့ ဆိုပြီး ၀န်ကြီးက ပြောတယ်” ဟု ၎င်းက ဆိုသည်။
ကားထုတ်လုပ်ရေး ကုမ္ပဏီများက Super Custom ကား အများစုကို နယ်စပ်၊ ဆိပ်ကမ်းများမှ တဆင့် အကောက် အခွန် ဦးစီးဌာန အပါအ၀င် အာဏာပိုင်များကို ကျပ် သိန်းထောင်သောင်းချီ လာဘ်ပေးကာ တင်သွင်း ခဲ့ကြခြင်းဖြစ်ပြီး ယခုအခါ ၀ယ်ယူသူ ပြည်သူများ လက်ထဲသို့ ရောက်ရှိနေပြီ ဖြစ်ကြောင်း၊ ထို့ကြောင့် အစိုးရ၏ ဒဏ်ငွေရိုက်ခြင်း အစီအစဉ်သည် Super Custom ကား ၀ယ်ယူထားသူ ပြည်သူများကို အထိနာစေမည် ဖြစ်ကြောင်း ရန်ကုန်ရှိ ကားပွဲစားများက ပြောကြသည်။
“ကားထုတ်လုပ်ရေး ကုမ္ပဏီတွေက လာဘ်ထိုးပြီး သွင်းခဲ့ကြတာ။ အခု သူတို့လက်ထဲမှာ ကားတွေ မရှိတော့ဘူး။ တစီးကို ကျပ်သိန်း ၃၀၀ လောက်နဲ့ ရောင်းပြီး သွားပြီ။ ၀ယ်စီးတဲ့သူတွေ လက်ထဲမှာ ကားတွေက ရောက်နေပြီ။ အခုလို ကားတစီးကို ဒေါ်လာ သောင်းချီ ဒဏ်ရိုက်မယ် ဆိုရင် ကားဝယ်စီးမိတဲ့ သူတွေ အတော်ဒုက္ခ ရောက်ပြီ။ တကယ်လို့ ဒဏ်ကြေး မဆောင်နိုင်ရင်လည်း ကားက လိုင်စင်မဲ့ကား ဖြစ်သွားပြီ” ဟု ဟံသာဝတီ ကားပွဲစား တဦးက ရှင်းပြသည်။
တရားမ၀င် ခိုးသွင်းလာသည့် ဂျပန်လုပ် Super Custom ကားများကို ဒေါ်လာသောင်းချီ ဒဏ်ရိုက်သော်လည်း ကားများ ခိုးသွင်းသည့် ကုမ္ပဏီများ၊ လာဘ်ငွေယူ ခွင့်ပြုခဲ့သည့် အာဏာပိုင်များကို တစုံတရာ အရေးယူ ဆောင်ရွက်ခြင်း မရှိပေ။
Super Custom ကားများကို ဒေါ်လာသောင်းချီ ဒဏ်ဆောင်ပြီးမှသာ လိုင်စင်ထုတ်ပေးမည်ဟု ဆိုသော်လည်း ယနေ့ အမေရိကန် ဒေါ်လာ အရောင်းအ၀ယ် ဈေးကွက်တွင် အမေရိကန် ဒေါ်လာတန်ဖိုး ထိုးတက်ခြင်း မရှိသေးပေ။
“ဒေါ်လာဈေး တအားထိုးတက်တာ မျိုးတော့မရှိဘူး။ တအိအိတော့ တက်သွားလိမ့်မယ် ထင်တယ်။ ၀ယ်အား များလာရင်တော့ ဈေး သေချာပေါက် တက်မှာပါ” ဟု ဒေါ်လာငွေလဲဒိုင် တဦးက ပြောသည်။
ယနေ့ ဒေါ်လာဈေးကွက်၌ အမေရိကန် တဒေါ်လာ ၇၂၀ နှင့် ၇၃၀ ကြားတွင် အရောင်းအ၀ယ် ရှိနေသည်။
၂၀၀၀ ပြည့်နှစ်မှ ၂၀၁၁ ခုနှစ်အထိ ဆယ်နှစ်တာ ကာလအတွင်း စက်မှု ၂ ၀န်ကြီးဌာနက ပြည်တွင်းထုတ် ကားစီးရေ ၉၈၈၈၄ စီး ထုတ်လုပ်ခွင့် ပြုခဲ့ပြီး ၂၀၁၁ -၂၀၁၂ ဘဏ္ဍာရေးနှစ်တွင် ကားစီးရေ ၉၅၇၇ စီး ထုတ်လုပ်ခွင့် ပြုထားကြောင်း အမှတ် ၂
စက်မှုဝန်ကြီး ဌာန၏ ထုတ်ပြန်ချက် တရပ်တွင် ဖော်ပြခဲ့သည်။
Ref: ဧရာဝတီ
Monday, August 29, 2011
ဒေါ်အောင်ဆန်းစုကြည် ဆောင်းပါး ပုံနှိပ်ဖော်ပြခွင့် မရသေး
ကိုရန်နိုင်
တနင်္ဂနွေ, 28 သြဂုတ် 2011
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ ပုဂံဘုရားဖူး ခရီးသွားဆောင်းပါး တပုဒ်ကို ပြည်သူ့ခေတ် ဂျာနယ်မှာ ဖော်ပြဖို့ စာပေ စိစစ်ရေးကနေ ခွင့်ပြုချက် တောင်းခံခဲ့ရာ ပထမ အကြိမ်မှာ ခွင့်ပြုချက် မရခဲ့ပါဘူး။ ပြည်သူ့ခေတ် ဂျာနယ် တာဝန် ရှိသူကတော့ ဒီဆောင်းပါးကို ပုံနှိပ် ထုတ်ဝေခွင့် ရဖို့အတွက် စာပေ စိစစ်ရေးကို ထပ်မံ တင်ပြ သွားမယ်လို့ ဗွီအိုအေကို ပြောပါတယ်။ အကြောင်းစုံကို ဆက်သွယ် စုံစမ်းထားတဲ့ ကိုရန်နိုင်က တင်ပြ ပေးထားပါတယ်။
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် မကြာသေးခင် လတွေအတွင်း သွားရောက်ခဲ့တဲ့ ပုဂံ ခရီးစဉ်နဲ့ ပတ်သက်ပြီး ခရီးသွား မှတ်တမ်း ဆောင်းပါးကို စာပေစိစစ်ရေးက အခုချိန်ထိ ဖော်ပြခွင့် မပြုသေးဘဲ ဖြစ်နေပါတယ်။ ပြည်တွင်း အပတ်စဉ်ထုတ် ဂျာနယ် တခုဖြစ်တဲ့ ပြည်သူ့ခေတ် ဂျာနယ်က အဲဒီဆောင်းပါးကို ပြီးခဲ့တဲ့ တပတ်ကျော်က စာပေ စိစစ်ရေးက ပုံနှိပ် ထုတ်ဝေဖို့ ခွင့်မပြုခဲ့ဘူးလို့ ပြည်သူ့ခေတ် ဂျာနယ်ရဲ့ အယ်ဒီတာချုပ် ဆရာ ဦးဖေမြင့်က ပြောပါတယ်။
“ကျနော်တို့က အရင်တပတ်ကျော်လောက်က တင်တာဗျ။ အရင်တကြိမ်တုန်းက ကျနော်တို့ မရဘူးပေါ့။ ဒေါ်အောင်ဆန်းစုကြည်နဲ့ ပတ်သက်တဲ့ ဟာတွေပေါ့ဗျာ။ အဲဒါတွေကို ပေးတန်သလောက် ပေးတဲ့ဟာလည်း ပေးတယ်၊ မပေးတဲ့ဟာလည်း မပေးဘူး။ စိစစ်ရေးမှာတော့ သူ့ဘာသာသူ သတ်မှတ်ချက်တွေတော့ ရှိပါလိမ့်မယ်နဲ့ တူတယ်။ အဲဒီတော့ အဲဒါတွေအရ မပေးနိုင်သေးလို့ စောစောက မပေးတာလို့ ထင်တယ်ဗျ။”
ပြည်တွင်း သတင်းဂျာနယ် တချို့နဲ့ တချို့ အင်တာနက် စာမျက်နှာတွေမှာတော့ ဒီဆောင်းပါးကို စာပေ စိစစ်ရေးက ခွင့်ပြု လိုက်ပြီ ဆိုပြီး ပြောဆိုတာတွေ ထွက်ပေါ် နေပါတယ်။ ဒါပေမဲ့လည်း အခုချိန်ထိတော့ စာပေ စိစစ်ရေးကို ခွင့်ပြုချက်ရဖို့ ပြန်မတင်ရ သေးဘူးလို့ ဆရာ ဦးဖေမြင့်က ပြောပါတယ်။ ဒါပေမဲ့ လာမယ့် ရက်ပိုင်းတွေ အတွင်းမှာ ခွင့်ပြုချက် ရနိုင်ဖို့အတွက် ထပ်ပြီး ကြိုးပမ်း သွားမယ်လို့ သူက အခုလို ပြောပါတယ်။
“ကျနော်တို့ ပထမ တင်တယ်ဗျာ။ တင်တဲ့ဟာကို အဆင်မပြေဘူးပေါ့ဗျာ။ အဆင်မပြေတော့ ကျနော်တို့က ပြန်မတင်ရ သေးဘူးဗျ။ အခုမှ ခင်ဗျားတို့ ပြောကြ ဆိုကြတယ်ဗျာ၊ အဲဒါကို ခွင့်ပြုတယ်တို့ ဘာတို့ဆိုတာ၊ ကျနော်တို့ကလည်း မမေးရ သေးဘူးဗျ စိစစ်ရေး ရုံးကို။ မမေးရသေးတဲ့ အခါကျတော့ မနက်ဖြန် တနင်္လာနေ့ကျမှပဲ မေးမြန်းကြည့်ပြီး အခြေအနေကြည့်ပြီး အဲဒါကို တင်သင့်တယ် ဆိုရင် တင်မှာပေါ့ဗျာ။ တင်ရင်တော့ ကျနော်တို့က မူလစာကို တင်မှာပေါ့လေ။ အဲဒီသဘောပါပဲ၊ ကျနော်တို့က အဲဒီအတိုင်းပဲ တင်မှာပါ။”
ပြည်သူ့ခေတ် ဂျာနယ်ရဲ့ အယ်ဒီတာချုပ် ဆရာ ဦးဖေမြင့် ပြောသွားတာ ဖြစ်ပါတယ်။
ဒီဆောင်းပါးဟာ ပြည်တွင်းထုတ် ဂျာနယ်တွေကို ဒေါ်အောင်ဆန်းစုကြည် ပထမဆုံး ပေးပို့တဲ့ ဆောင်းပါးလည်း ဖြစ်တယ်လို့ သိရပါတယ်။
မြန်မာနိုင်ငံဟာ သတင်းနဲ့ စာနယ်ဇင်း လွတ်လပ်ခွင့် အဆိုးဆုံးနိုင်ငံတွေထဲက တနိုင်ငံအဖြစ် စာရင်းသွင်း ခံထားရတဲ့ နိုင်ငံတနိုင်ငံ ဖြစ်ပါတယ်။ ပြီးခဲ့တဲ့ နအဖ စစ်အစိုးရ လက်ထက်မှာ ဒေါ်အောင်ဆန်းစုကြည်နဲ့ ဆိုင်တဲ့ သတင်းတွေနဲ့ နိုင်ငံရေး သတင်း စတာတွေကို ပြည်တွင်း သတင်း ဂျာနယ်တွေမှာ ဖော်ပြတာတွေကို အာဏာပိုင်တွေ ဘက်က တင်းတင်းကျပ်ကျပ် တားမြစ် ထိန်းချုပ် ထားခဲ့ပါတယ်။
ဒါပေမဲ့ ပြီးခဲ့တဲ့နှစ် နိုဝင်ဘာလက ဒေါ်အောင်ဆန်းစုကြည် နေအိမ်အကျယ်ချုပ်က ပြန်လွတ်မြောက်လာပြီးတဲ့ နောက်မှာတော့ ဒေါ်အောင်ဆန်းစုကြည်နဲ့ ဆိုင်တဲ့ သတင်းတွေကို ပြည်တွင်း သတင်းဂျာနယ် တွေမှာ မကြာခဏ ဆိုသလို ဖော်ပြတာတွေ ရှိလာခဲ့တာကို တွေ့ရပါတယ်။
ဒေါ်အောင်ဆန်းစုကြည်ရဲ့ ခရီးသွားဆောင်းပါးနဲ့ ပတ်သက်ပြီးတော့ ပြည်တွင်းထုတ် သတင်းဂျာနယ် တွေမှာ ဖော်ပြခွင့်ရဖို့ ခွင့်ပြုချက် မရသေး ပေမဲ့လည်း ဂျပန်နိုင်ငံထုတ် မိုင်နိချိ သတင်းစာမှာ မြန်မာပြည်က ပေးစာ ဆိုပြီး ဒေါ်အောင်ဆန်းစုကြည် အင်္ဂလိပ် ဘာသာနဲ့ ဆောင်းပါးတွေ ရေးသား နေတာတွေမှာ ပုဂံဘုရားဖူး ခရီးစဉ် အကြောင်း ရေးသားထားတဲ့ ဆောင်းပါး ၂ စောင်ကို မိုင်နိချိ သတင်းစာက ဖော်ပြခဲ့ပြီး ဖြစ်ပါတယ်။
Ref: VOA News
တောင်ကြီး ရွှေညောင် ရေဘေး လူ ၁,၇၀၀ ကယ်ဆယ်ရေးစခန်း ရောက်
အေးလဲ့
ကြာသပတေးနေ့၊ သြဂုတ်လ ၂၅ ရက် ၂၀၁၁
ချင်းမိုင် (မဇ္ဈိမ) ။ ။ ရှမ်းပြည်နယ်တောင်ပိုင်း တောင်ကြီးနှင့် ရွှေညောင် ဒေသများတွင် တောင်ကျရေ ကြီးမှု ယခင် အပတ်တွင် ဖြစ်ခဲ့ရာ ရေဘေး ဒုက္ခသည် ၁,၇၀၀ ခန့် ကယ်ဆယ်ရေး စခန်းများတွင် ခိုလှုံနေရသည်။
သောကြာနေ့ကစတင်ပြီး ၃ ရက်ကြာ ရွာသွန်းသည့် မိုးကြောင့် တောင်ကျရေကြီး ရေလျှံမှုဖြစ်ကာ ရွှေညောင်မြို့တွင် အိမ်ခြေ ၂၃၈ အိမ်မှ ရေဘေး ဒုက္ခသည် ၉၉၁ ဦးနှင့် ညောင်ရွှေမြို့နယ်မှ အိမ်ခြေပေါင်း ၁၂၄ ရှိ ရေဘေး ဒုက္ခသည် ၇၀၀ တို့ကို ကယ်ဆယ်ရေး စခန်း နှစ်ခုဖွင့်ကာ ကူညီနေရသည်။
ရေဘေး ဒုက္ခသည်များ အတွက် မြို့နယ် ရေဘေး ကူညီရေးအဖွဲ့နှင့် တောင်ကြီးမြို့နယ် အမျိုးသား ဒီမိုကရေစီ အဖွဲ့ချုပ် မှလည်း ကူညီနေသည်။ အင်္ဂါနေ့နှင့် ဗုဒ္ဓဟူး နေ့များတွင် ထမင်းထုပ်နှင့် ဆေးဝါး အပါအဝင် ကျပ်ငွေ ၃ သိန်းခွဲဖိုး ကူညီခဲ့သည်ဟု NLD ၏ တောင်ကြီးမြို့နယ် NLD ပါတီဝင် ဒေါ်ခင်မို့မို့အေးက ဆိုသည်။
အလားတူ သြဂုတ်လ ၂၀ ရက်နေ့က တောင်ကြီးမြို့ပေါ်ရှိ ချမ်းမြသာစည် ရပ်ကွက်တွင်လည်း မိုးသည်းထန်စွာ ရွာသွန်းမူကြောင့် မြေပြိုခြင်း၊ လူနေအိမ်များ ရေနစ်မြုပ်မှု ဖြစ်ခဲ့ခြင်းကြောင့် ရေဘေး ဒုက္ခသည်များကို နဂါးပွက် ဘုန်းတော်ကြီး ကျောင်းတွင် ရွှေ့ပြောင်း ထားကြောင်း ဗုဒ္ဓဟူးနေ့ထုတ် မြန်မာ့အလင်း သတင်းစာတွင် ဖော်ပြထားသည်။
ဇူလိုင်လနှင့် သြဂုတ်လ ၂ လအတွင်း ရခိုင်ပြည်နယ်ရှိ ၇ မြို့နယ်၊ ကချင်ပြည်နယ် ဖားကန့်မြို့နှင့် မြို့နယ်တချို့၊ ပဲခူးတိုင်း၊ ကရင်ပြည်နယ်၊ မွန်ပြည်နယ်၊ မန္တလေးတိုင်း အစရှိသည့် မြို့နယ်များတွင် မြစ်ရေ၊ ချောင်းရေများ ရေလျှံကာ ရေကြီးမှုများ ဖြစ်ပေါ်ခဲ့သည်။
Ref: မဇ္ဈိမ
လွှတ်တော်တွင်း ဆွေးနွေးမှုများ ပြည်သူသိခွင့်မရှိ
ခင်ဦးသာ
Friday, 26 August 2011
လွှတ်တော် အစည်းအဝေးများ၌ ဆွေးနွေး ပြောဆိုမှုများ၏ အသေးစိတ် အချက် အလက်များကို အများပြည်သူ သိရှိနိုင်ရန် နိုင်ငံပိုင် မီဒီယာများက ဖော်ပြပေးခြင်း မရှိဘဲ စိစစ်ဖြတ်တောက် ပြီးသားကိုသာ သိရှိခွင့် ရနေသည်။
လွှတ်တော် ကိုယ်စားလှယ်များသည် ဒေသခံပြည်သူများနှင့် တိုက်ရိုက်တွေ့ဆုံ၍ ၎င်းတို့၏ လိုအပ်ချက်များ၊ အခက် အခဲများကို တင်ပြပေးရန် တောင်းဆို ထားချက်များနှင့် ပတ်သက်၍ ကိုယ်စားလှယ်များ၏ အပြန်အလှန် ဆွေးနွေးချက်များကို ရုပ်မြင် သံကြား၊ ရေဒီယို၊ သတင်းစာများမှ ပြည်စုံစွာ ဖော်ပြပေးသင့်ကြောင်း နေုပြည်တော်ရောက် လွှတ်တော် ကိုယ်စားလှယ်များက ဆိုသည်။
“စာမျက်နှာ ၄ မျက်နှာလောက်ဆွေးနွေးတာကို သတင်းစာမှာ ဖော်ပြတော့ ၂ ကြောင်းစာ လောက်ပဲ ပါလာတယ်။ ဒီ လုပ်ရပ်တွေဟာ ပြည်သူတွေက ကိုယ်စားလှယ်တွေ အပေါ် အထင်လွဲမှုတွေ ဖြစ်ပေါ်စေတယ်” ဟု အမျိုးသား လွှတ်တော် ကိုယ်စားလှယ် တဦးက ဧရာဝတီကို ပြောသည်။
မြန်မာနိုင်ငံ၌ ဖဆပလခေတ် လွှတ်တော်အစည်းအဝေးများတွင် အပြန်အလှန် ဆွေးနွေးမှုများကို ရေဒီယိုမှ တဆင့် နိုင်ငံသို့ ထုတ်လွှင့် ပေးခဲ့ကြောင်း၊ သတင်းစာများ၊ သတင်းထောက် များကလည်း လွတ်လပ်စွာ သတင်းယူခွင့်၊ မေးမြန်းခွင့်၊ ရေးသားခွင့်များ ရှိခဲ့ကြောင်း ဒီမိုကရက်တစ် ပါတီ (မြန်မာ) ၏ ဥက္ကဋ္ဌ ဦးသုဝေက ပြောသည်။
“ဖဆပလ ခေတ်က လွှတ်တော်အစည်းအဝေးတွေကို ကိုယ်စားလှယ် မဟုတ်တဲ့ ပရိသတ်တွေကလည်း ဧည့်သည် အဖြစ် တက်ရောက် နားထောင်ခွင့် ရှိပါတယ်” ဟု ဦးသုဝေက ဆိုသည်။
ဒီမိုကရေစီစနစ် ဖော်ဆောင်၍ မြန်မာ့လူ့ဘောင် အဖွဲ့အစည်းကို ဒီမိုကရေစီအသိုင်းအ၀န်း ဖြစ်စေရန် ဆောင်ရွက် နေသည်ဟု သမ္မတ ဦးသိန်းစိန်က ၎င်းတာဝန်ယူပြီး ချိန်မှစ၍ မကြာခဏ မိန့်ခွန်း ပြောဆိုနေသည့်တိုင် လက်တွေ့ ကျင့်သုံးမှု အားနည်း သည်ဟု ကိုယ်စားလှယ် များက ဝေဖန်ကြသည်။
ဦးသိန်းစိန်သည် နိုင်ငံရေးအပြောင်းအလဲ လုပ်၍ ဒီမိုကရေစီလမ်းကြောင်းကို ဖော်ဆောင်နေသည်ဟု ဆိုသော်လည်း အစိုးရသည် နိုင်ငံရေး ပြုပြင် ပြောင်းလဲရေးထက် စီးပွားရေး ကိစ္စကိုသာ လုပ်ဆောင်နေကြောင်း၊ မြန်မာ့နိုင်ငံရေး အခြေအနေသည် ပြောင်းလဲရန် ခက်ခဲ နေဦးမည်ဖြစ်ကြောင်း ကိုယ်စားလှယ်များက ဆိုသည်။
ပြည်သူ့လွှတ်တော် ကိုယ်စားလှယ် ဦးဘရှိန်က “လွှတ်တော်အတွင်းမှာတော့ ပြောဆိုဆွေးနွေးမှုဟာ ပထမ တကြိမ် ထက်တော့ တိုးတက်မှု တွေ့ရတယ်။ အဲဒီ ဆွေးနွေးမှုတွေကို ပြန်ကြားရေးက ဆင်ဆာဖြတ်တာက ဘာကြောင့်လဲ၊ ပြည်သူတွေကို မသိစေ ချင်တာက အစိုးရကို ကြောက်လို့လား၊ ပြည်သူကို ကြောက်လို့လားတော့ မသိဘူး” ဟု ဆိုသည်။
ဒီမိုကရေစီ နိုင်ငံများနှင့် ကမ္ဘာ့နိုင်ငံအများစု၏ လွှတ်တော်အစည်းအဝေးများ၌ နိုင်ငံတော်၏ လုံခြုံရေးကို ထိုခိုက်စေမည့် အကြောင်းအရာမှ အပ ဆွေးနွေးမှုများ၊ ငြင်းခုံမှုများကို သတင်းစာ၊ စာစောင်များက လွတ်လပ်စွာ ရေးသားကြသည့် အပြင် ပြည်သူများ တိုက်ရိုက် ကြည့်ရူနိုင်ရန် ရုပ်မြင်သံကြား အစီအစဉ် များကလည်း ထုတ်လွှင့်ပြသလေ့ ရှိသည်။
“ဆွေးနွေးမှု အပြည့်အစုံကို ပြည်သူတွေ သိရအောင် ဆောင်ရွက်ပေးဖို့အတွက် ကိုယ်စားလှယ်တွေက အစည်းအဝေး တွေမှာ တောင်းဆိုမှုတွေ လုပ်ကြဖို့ ရှိပါတယ်” ဟု ဦးဘရှိန်က ဆိုသည်။
လက်ရှိကျင်းပနေသော လွှတ်တော်အစည်းအဝေးများ စတင်သည့်နေ့တွင် ပြည်တွင်းအခြေစိုက် ပြည်ပ သတင်းဌာန များမှ သတင်းထောက်များ၊ ဂျာနယ်များမှ သတင်းထောက်များ ၃၀ ကျော် တက်ရောက်ခွင့် ရခဲ့သော်လည်း ဓာတ်ပုံ ရိုက်ခြင်းကို
ခွင့်ပြုပေးပြီး မေးခွန်းများ လွတ်လပ်စွာ မေးမြန်းခွင့်၊ ရေးသားခွင့် မရဟု တက်ရောက်သူ ဂျာနယ် သတင်းထောက် တဦးက ပြောသည်။
သြဂုတ်လ ၂၂ ရက် နေ့တွင် သတင်းထောက် ၃၂ ဦးတက်ရောက်သတင်းယူပြီး ကြာသပတေး နေ့တွင် ၃ ဦးသာ သတင်း ယူတေ့ာကြောင်း Weekly Eleven ဂျာနယ်၏ အွန်လိုင်းစာမျက်နှာ၌ ရေးသား ထားသည်။
သင်္ဃန်းကျွန်းမြို့နယ်မှ ပြည်သူ့လွှတ်တော် ကိုယ်စားလှယ် ဦးသိန်းညွန့်ကလည်း ကိုယ်စားလှယ်များသည် မိမိတို့ ဒေသခံ ပြည်သူများ၏ လိုအပ်ချက်များကို တင်ပြ ဆွေးနွေးကြောင်း၊ ယင်းအကြောင်း အရာ များအား မဖော်ပြခြင်း၊ အဆိုပြုချက် တချို့အား
ပယ်ချ ခံရခြင်း ကိစ္စများကို ၎င်းတို့လည်း သေချာ မသိရှိကြောင်း ပြောဆိုသည်။
“မီဒီယာတွေကို ကြိုပြောရင် အပယ်ခံရလို့ ကျနော့်ကိုမေးရင် သတင်းစာထဲက အတိုင်းပဲ ဖတ်ပြတော့မယ်” ဟု ဦးသိန်းညွန့်က ဧရာဝတီကို ပြောသည်။
ကိုယ်စားလှယ်များသည် လွှတ်တော်၌ တင်သွင်းမည့်အဆိုများကို မီဒီယာများအား ကြိုတင်ပြောဆိုမှု တချို့ရှိခဲ့၍ ပထမ အကြိမ်
အစည်းအဝေးများ ကျင်းပစဉ်က ပယ်ချခံရမှုများ ရှိခဲ့သည်။ တရားရုံးနှင့် ပတ်သက်သော ၁၉၂၆ ခုနှစ်က ထုတ်ပြန်ထားသည့် ဥပဒေ တရပ်ကို ဖျက်သိမ်းပေးရန် အဆိုတခုအား မနေ့က အစည်းအဝေး၌ ဦးသိန်းညွန့်က တင်သွင်းခဲ့ရာ ပယ်ချခံခဲ့ရသည်။
သမ္မတဦးသိန်းစိန်သည် မီဒီယာနှင့်ပြည်သူ့အသံကို အလေးထားသည့်အနေဖြင့် “ပဉ္စမ မဏ္ဍိုင် ဖြစ်တဲ့ ပြည်သူ့ ဆန္ဒကို အလေး ထားရမယ်” ဟု သြဂုတ်လ ၂၂ ရက်နေ့က အရပ်သား အစိုးရ အနေဖြင့် ပထမဆုံး ကျင်းပသည့် လွှတ်တော်၌ သမ္မတ ဦးသိန်းစိန်က မိန့်ခွန်း ပြောရာတွင် ထည့်သွင်း ပြောဆိုခဲ့သည်။
လွှတ်တော် ကိုယ်စားလှယ်များသည် ပါလီမန်ဒီမိုကရေစီကို စတင်အကောင်အထည် ဖော်ဆောင် နေသူများ ဖြစ်သည်နှင့် အညီ နောက်လူများ အတု ယူနိုင်ရန် ဆောင်ရွက်ဖို့ လိုကြောင်း၊ ပြည်သူများက တင်မြှောက်ထားသည့် အစိုးရဖြစ်၍ ပြည်သူတို့၏ စိတ်ကျေနပ်မှု၊ ယုံကြည် ကိုးစားမှု ခံယူထိုက်သူများ ဖြစ်အောင် လုပ်ဆောင် သွားကြဖို့ အတွက်လည်း ဦးသိန်းစိန်က ဆိုသည်။
ပြည်ထောင်စုလွှတ်တော် နာယကနှင့် အမျိုးသားလွှတ်တော် ဥက္ကဋ္ဌ ဦးခင်အောင်မြင့်ကလည်း ကုလသမဂ္ဂ ဆိုင်ရာ လူ့အခွင့်အရေး အရာရှိ မစ္စတာ သောမတ်စ် ကင်တားနားနှင့်တွေ့စဉ် ပြောဆိုရာတွင် လွှတ်တော်တွင် “ပြည်သူ့အသံ- လွှတ်တော်အသံ၊ ပြည်သူ့ဆန္ဒ-လွှတ်တော်ဆန္ဒ၊ ပြည်သူ့ မျှော်လင့်ချက်- လွှတ်တော် ဆောင်ရွက်ချက်” ဆိုသည့် ဆောင်ပုဒ် ထားကာ ယင်းဆောင်ပုဒ် အတိုင်း လုပ်ဆောင် နေကြောင်း ပြောဆိုခဲ့သည်ဟု ယနေ့ထုတ် အစိုးရ သတင်းစာများက ရေးသားထားသည်။
Ref: ဧရာဝတီ
နိုင်ငံရေး အကျဉ်းသားများအား လွှတ်မပေးနိုင်သေး
ရန်ပိုင်
Friday, 26 August 2011
နိုင်ငံတော် တည်ငြိမ်အေးချမ်းမှုကို အနှောင့်အယှက် မပြုကြောင်း သေချာသည့် အချိန်ကျမှသာ နိုင်ငံရေး အကျဉ်းသား များကို ပြန်လွှတ်ပေးမည်ဟု အမျိုးသား လွှတ်တော် ဥက္ကဋ္ဌ ဦးခင်အောင်မြင့်က ကုလသမဂ္ဂ လူ့အခွင့်အရေး အရာရှိ မစ္စတာ သောမတ်စ် အိုဟေး ကင်တားနားနှင့် နေပြည်တော်၌ တွေ့ဆုံစဉ် ပြောဆိုလိုက်သည်။
ယခုအစိုးရသည် သဘောထား ပျော့ပြောင်းကြောင်း၊ နိုင်ငံတော်၏ လုပ်အားစုများကို အဆုံးအရှုံး ခံပြီး အကျဉ်း ထောင်ထဲ ထည့်ထားခြင်းမျိုးအား မည်သည့် အစိုးရကမျှ ပြုလုပ်လိုမည် မဟုတ်ကြောင်း၊ နိုင်ငံတော် တည်ငြိမ် အေးချမ်းမှုကို အနှောင့် အယှက် မပြုကြောင်း သေချာသည့် အချိန်တွင် အကျဉ်းသား များအား ပြန်လည် လွှတ်ပေးမည် ဖြစ်ကြောင်း မစ္စတာ ကင်တားနား၏ တောင်းဆိုချက်ကို ဦးခင်အောင်မြင့်က ဖြေကြားသည်ဟု ယနေ့ထုတ် သတင်းစာများတွင် ဖော်ပြထားသည်။
မစ္စတာကင်တားနားသည် အမျိုးသားလွှတ်တော် ဥက္ကဋ္ဌ ဦးခင်အောင်မြင့်နှင့် သီးခြား တွေ့ဆုံခဲ့ခြင်း ဖြစ်သည်။
ကုလသမဂ္ဂ အထွေထွေ အတွင်းရေးမှူးချုပ် အပါအ၀င် မိမိနှင့် အာဆီယံနိုင်ငံများက အကျဉ်းသားများ လွှတ်ပေးရန် တိုက်တွန်းကြောင်း၊ ဒေါ်အောင်ဆန်းစုကြည်အား ထိန်းသိမ်းထားမှုကို ရုပ်သိမ်းပြီးနောက် နိုင်ငံအတွက် အကျိုး ရှိစေမည့် တွေ့ဆုံ ဆွေးနွေးမှုများ ဆောင်ရွက်နေသည့် နည်းတူ တခြားသူများအား လွှတ်ပေးခြင်းဖြင့် အလားတူ အကျိုး သက်ရောက်မှု ရှိမည်ဟု ယုံကြည်ကြောင်း မစ္စတာ ကင်တာနား ပြောဆိုသည်ဟု ရေးသား ထားသည်။
ထို့အပြင် အင်းစိန်ထောင်သို့ သွားရောက်ပြီး နိုင်ငံရေး အကျဉ်းသား ကိုညီညီထွန်း၊ ကိုဖြိုးဝေအောင် အပါအ၀င် အကျဉ်းသားနှင့် အချုပ်သား ၆ ဦး၊ အကျဉ်းသူ ၁ ဦးတို့ကိုလည်း တွေ့ဆုံခဲ့သည်။
မစ္စတာကင်တားနားသည် ယမန်နေ့က မြန်မာနိုင်ငံမှ ပြန်လည်ထွက်ခွာခဲ့ပြီး မထွက်ခွာမီ ရန်ကုန် မင်္ဂလာဒုံ လေဆိပ်တွင် သတင်းစာ ရှင်းလင်းပွဲ ပြုလုပ်ခဲ့ရာ မြန်မာနိုင်ငံ၏ လူ့အခွင့်အရေးနှင့် ပတ်သက်၍ အစိုးရအား ယခုထက်ပိုမို လုပ်ဆောင်ရန် တိုက်တွန်း ထားသည့် ကြေညာချက် တစောင် ထုတ်ပြန်ခဲ့သည်။
ထိုကြေညာချက်တွင် မြန်မာနိုင်ငံ၌ ပြစ်မှုကျူးလွန်သည်ဟု သံသယရှိသူများကို စုံစမ်း စစ်ဆေးနေစဉ် အတောအတွင်း ရိုက်နှက်ခြင်း၊ လိင်အင်္ဂါ အပါအ၀င် ခန္ဓာကိုယ်၏ တချို့ အစိတ် အပိုင်းများအား မီးရှို့ကာ နှိပ်စက် ညှဉ်းပမ်းခြင်း၊ နာမကျန်း ဖြစ်နေစဉ် ဆေးဝါးကုသမှု လုံလောက်စွာ မပေးခြင်း၊ အစာရေစာ ဖြတ်တောက်ခြင်း၊ အိပ်စက်ခြင်းခွင့် မပေးခြင်းများ ရှိကြောင်း၊ ထို့အပြင် အကျဉ်းသား များကို စစ်တပ်၏ ပေါ်တာ အဖြစ် အဓမ္မ လုပ်အားပေး ခိုင်းစေခြင်းများလည်း ရှိကြောင်း စစ်ဆေး တွေ့ရှိရသည့် အတွက် စိုးရိမ်သည်ဟု ဖော်ပြထားသည်။
မစ္စတာ ကင်တားနားသည် ပြည်သူ့လွှတ်တော်ဥက္ကဋ္ဌ သူရ ဦးရွှေမန်း၊ ပြည်ထောင်စု တရားသူကြီးချုပ် ဦးထွန်းထွန်းဦး၊ ပြည်ထောင် စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေး၊ ပြည်ထဲရေး ၀န်ကြီး ဒုတိယ ဗိုလ်ချုပ်ကြီး ကိုကို၊ ကာကွယ်ရေး ၀န်ကြီးဌာန ၀န်ကြီး ဗိုလ်ချုပ်လှမင်း၊ နိုင်ငံခြားရေး ၀န်ကြီး ဦးဝဏ္ဏမောင်လွင်၊ အလုပ်သမား ၀န်ကြီးဌာနနှင့် လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာန ၀န်ကြီး ဦးအောင်ကြည်၊ ပြည်ထောင်စု ရှေ့နေချုပ် ဒေါက်တာထွန်းရှင်၊ မြန်မာနိုင်ငံ ရဲတပ်ဖွဲ့ ဒုရဲချုပ် ဇော်ဝင်းတို့ နှင့်လည်း သီးခြားစီ တွေ့ဆုံ ခဲ့သေးသည်။
ပြည်ထောင်စု တရားသူကြီးချုပ် ဦးထွန်းထွန်းဦးနှင့် တွေဆုံစဉ် မစ္စတာကင်တာနားက ယုံကြည်ချက်ကြောင့် အကျဉ်းကျ ခံနေရသူများ ကိစ္စကို ပြောဆိုရာ၌ ဦးထွန်းထွန်းဦးက မြန်မာနိုင်ငံတွင် ယုံကြည်ချက်ကြောင့် အကျဉ်းကျ ခံနေရသူ မရှိဘဲ ပြစ်မှု ကျူးလွန်၍ ပြစ်ဒဏ် ကျခံရသူများသာ ရှိကြောင်း ပြန်လည်ပြောဆိုသည် ဟု သတင်းစာတွင် ရေးသားထားသည်။
ပြည်ထဲရေး ၀န်ကြီး ဒု ဗိုလ်ချုပ်ကြီး ကိုကိုကလည်း ယုံကြည်ချက်ကြောင့် အကျဉ်းကျ ခံရသည့် အကျဉ်းသား ဆိုသူများတွင် မူးယစ် ဆေးဝါးမှု၊ လူသတ်မှု၊ ဗုံးဖောက်ခွဲမှု၊ သောင်းကျန်းသူများ၊ တခြားပြစ်မှုများနှင့် အကျဉ်းကျသူများ ပါဝင်ကြောင်း၊ မြန်မာနိုင်ငံတွင် အစိုးရသစ် ပေါ်ပေါက်ပြီးနောက် သမ္မတ ဦးသိန်းစိန်က လွတ်ငြိမ်း ချမ်းသာခွင့် ပေးခဲ့ပြီးဖြစ်ကြောင်း၊ အခါ အားလျော်စွာ လွတ်ငြိမ်း ချမ်းသာခွင့်ကို ဆက်လက် ပေးသွားမည် ဖြစ်ကြောင်း မစ္စတာ ကင်တာနားက ပြောဆိုသည်ဟုလည်း သိရသည်။
ကုလသမဂ္ဂ လူ့အခွင့်အရေး စုံစမ်းစစ်ဆေးသူ မစ္စတာ သောမတ်စ် အိုဟေး ကင်တားနားသည် ပြီးခဲ့သည့် သြဂုတ်လ ၂၁ ရက်နေ့က မြန်မာနိုင်ငံသို့ ရောက်ရှိလာပြီး အစိုးရ အဖွဲ့ဝင်များ၊ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် အမျိုးသား ဒီမိုကရေစီ အဖွဲ့ချုပ် ဗဟို အလုပ်အမှုဆောင်များ၊ တခြားသော နိုင်ငံရေး ပါတီများ၊ လူ့အခွင့်အရေး လှုပ်ရှား သူများနှင့်လည်း တွေ့ဆုံခဲ့သည်။
နိုင်ငံရေး အကျဉ်းသားများ ကူညီ စောင့်ရှောက်ရေးအသင်း မြန်မာနိုင်ငံ (AAPP) ၏ တွဲဖက် အတွင်းရေးမှူး ကိုဘိုကြည်က “နိုင်ငံရေး အကျဉ်းသား မရှိဘူး ဆိုတဲ့ စကားက နိုင်ငံတကာက လူတွေနဲ့တွေ့ရင် သူတို့ အမြဲတမ်း သုံးတဲ့ စကားပါ။ ဒါက ဘာကို ပြသလဲ ဆိုတော့ လက်ရှိ ပကတိ အခြေအနေကို လက်မခံနိုင်ဘူး ဆိုတာပြတယ်” ဟု မှတ်ချပေး ပြောဆိုသည်။
Ref: ဧရာဝတီ
နိုင်ငံရေးအကျဉ်းသား လွှတ်ရေးအဆို တပ်မတော်သား အမတ်များပါ ထောက်ခံ
မျိုးသန့်
သောကြာနေ့၊ သြဂုတ်လ ၂၆ ရက် ၂၀၁၁
ချင်းမိုင် (မဇ္ဈိမ) ။ ။ သောကြာနေ့ ပထမအကြိမ် ပြည်သူ့လွှတ်တော် ဒုတိယ ပုံမှန် အစည်းအဝေးတွင် နိုင်ငံရေး အကျဉ်းသားများ လွတ်မြောက်ရေးနှင့် ပတ်သက်သည့် အဆိုသည် လွှတ်တော် ဆွေးနွေးပွဲများ အတွင်း ထောက်ခံ ဆွေးနွေးသူ အများဆုံး ရရှိခဲ့သည့် အဆိုတခု ဖြစ်ကာ တပ်မတော်သား လွှတ်တော် အမတ်များပါ ပထမဆုံး အကြိမ် ဝင်ရောက် ထောက်ခံ ဆွေးနွေးသည့် အဆိုတခု ဖြစ်ခဲ့သည်ဟု ပြည်သူ့လွှတ်တော် အမတ်များက ပြောသည်။
မတ်လအတွင်းက ကျင်းပခဲ့သည့် လွှတ်တော် စည်းဝေးပွဲများနှင့် ယခု ကျင်းပဆဲ လွှတ်တော် အစည်းအဝေး များတွင် တင်သွင်း ခဲ့သည့် အဆိုတခုကို ထောက်ခံ ဆွေးနွေးမှုမှာ အမတ် ၁ ဦးမှ ၄ ဦး အထိသာ ရှိခဲ့သည်။
သို့သော် ပြည်သူ့လွှတ်တော် အမတ် ဦးသိန်းညွန့် ကြာသပတေးနေ့တွင် တင်သွင်းခဲ့သည့် “ယုံကြည်ချက်ကြောင့် အကျဉ်းကျ ခံနေရ သူများအတွက် အထွေထွေ လွတ်ငြိမ်းချမ်းသာခွင့် သမ္မတမှ ထုတ်ပြန်ပေးရေး” အဆိုကို ပြည်သူ့ လွှတ်တော်တွင် သောကြာနေ့က ဆွေးနွေးရာ၊ တိုင်းရင်းသား ပါတီများမှ လွှတ်တော် အမတ်များ သာမက တပ်မတော်သား အမတ်များ၊ စုစုပေါင်း ၁၅ ဦး ဆွေးနွေး ထောက်ခံ ခဲ့ကြခြင်းကြောင့် ထောက်ခံမှု အများဆုံးရသည့် အဆိုတခုဟု လွှတ်တော် အမတ်များက ပြောကြသည်။
၂၅ ရာခိုင်နှုန်းဝေစုမှ တပ်မတော်သား လွှတ်တော် အမတ်များဖြစ်သည့် ဗိုလ်မှူးကြီး ဋ္ဌေးလှိုင်၊ ဗိုလ်မှူးကြီး တင့်ဆန်း တို့မှ အချို့သော တပ်မတော် သားများသည် အကြောင်း အမျိုးမျိုးကြောင့် အရပ်ဘက် တရားရုံးမှ ပြစ်ဒဏ်များ ကျခံခဲ့ရပြီး ထိုသူများသည် နိုင်ငံအတွက် အလုပ် လုပ်ခဲ့သူများ ဖြစ်ခြင်းကြောင့် ထိုသူများပါ လွတ်ငြိမ်း ချမ်းသာခွင့်တွင် ပါဝင်စေလိုသည့် အတွက် ဦးသိန်းညွန့်၏ လွတ်ငြိမ်း ချမ်းသာခွင့် အဆိုကို ထောက်ခံကြောင်း ဆွေးနွေး သွားကြသည်။ တနေ့တည်းမှာပင် အင်းစိန်ထောင်တွင်း တံခါးပိတ် တရားရုံးက ဗိုလ်ကြီးဟောင်း နေမျိုးဇင်ကို အီလက်ထရောနစ် ဥပဒေ ချိုးဖောက်မှုဖြင့် ထောင်ဒဏ် ၁၀ နှစ် ချမှတ် လိုက်သည်။
ယင်းကဲ့သို့ တပ်မတော်သား လွှတ်တော်အမတ်များ ပါဝင်ဆွေးနွေးခြင်းမှာ ပထမဆုံး ဖြစ်ကြောင်းလည်း ပြည်သူ့ လွှတ်တော် အမတ် ဦးခိုင်မောင်ရည်က ဆိုသည်။
“ဒါ ပထမဦးဆုံး ဆွေးနွေးခြင်းပဲ ဆွေးနွေးတဲ့သူတွေကလည်း ဗိုလ်မှူးကြီးအဆင့် ရှိသူတွေ ထိပ်ဆုံးမှာ ထိုင်တဲ့ နှစ်ယောက် ခုံနံပတ် ၁၊ ၂ အဲဒီမှာ ထိုင်တဲ့ နှစ်ယောက်က ထဆွေးနွေး သွားတာ” ဟု မဇ္ဈိမကို ပြောသည်။
ဦးသိန်းညွှန့်၏ အဆိုပါ အဆိုကို တိုင်းရင်းသား စည်းလုံးညီညွတ်ရေး ပါတီ အပါအဝင် တိုင်းရင်းသား ပါတီများ ဖြစ်သည့် ရှမ်း တိုင်းရင်းသားများ တိုးတက်ရေးပါတီ၊ ရခိုင် တိုင်းရင်းသားများ တိုးတက်ရေး ပါတီ၊ ဖလုံစဝေါ် ပါတီ၊ မွန်ဒေသလုံး ဆိုင်ရာ ဒီမိုကရေစီ ပါတီ၊ ချင်းတိုးတက်ရေး ပါတီများမှ ထောက်ခံ ဆွေးနွေးခဲ့ကြသည်။
ယင်းအပြင် အမျိုးသား ဒီမိုကရေစီ အင်အားစု ပါတီမှ ခွဲထွက်ကာ ပါတီသစ်ထောင်ခဲ့သူ ဦးသိန်းညွန့်၏ အဆိုကို အမျိုးသား ဒီမိုကရေစီ အင်အားစု ပါတီမှ ဦးစိုးဝင်းနှင့် ဒေါက်တာ သန်းဝင်းတို့မှလည်း ထောက်ခံ ခဲ့ကြသည်။ သို့သော် ကြံ့ဖွံ့ အမတ်များဖြစ်သည့် ဦးစံလင်းနှင့် ဒေါ်လဲ့လဲ့ဝင်းဆွေ တို့မှ ကန့်ကွက် ဆွေးနွေး ခဲ့ကြသည်ဟု သိရသည်။
ဦးသိန်းညွန့်၏ အဆိုတွင် “ယုံကြည်ချက်ကြောင့် အကျဉ်းကျခံနေရသူများ အတွက် အထွေထွေ လွတ်ငြိမ်း ချမ်းသာခွင့် သမ္မတမှ ထုတ်ပြန်ပေးရေး” ဟု သုံးနှုန်း ထားခြင်းကြောင့် ပြည်ထဲရေးဝန်ကြီး ဒုတိယ ဗိုလ်ချုပ်ကြီး ကိုကိုမှ နိုင်ငံတော် သမ္မတ ဦးသိန်းစိန်ထံ ဆက်လက် တင်ပြပေးရန် လွှတ်တော် ဥက္ကဋ္ဌ သူရဦးရွှေမန်းက မေတ္တာ ရပ်ခံခဲ့ပြီး ဒုဗိုလ်ချုပ်ကြီး ကိုကိုက သမ္မတထံ ဆက်လက် တင်ပြပေးမည် ဖြစ်သည်။
နိုင်ငံရေး အကျဉ်းသားများနှင့် ပတ်သက်သည့် အဆိုကို ဦးသိန်းညွန့်မှ ယခုလ ၈ ရက်နေ့တွင် လွှတ်တော်ရုံး တင်ပြ ထားခဲ့ပြီး၊ ကြံ့ခိုင် ဖွံ့ဖြိုးရေး အမတ်တဦးဖြစ်သူ သူရ ဦးအေးမြင့်မှလည်း လွတ်ငြိမ်း ချမ်းသာခွင့်နှင့် ပတ်သက်သည့် အဆိုကို ယခုလ ၂ဝ ရက်နေ့တွင် လွှတ်တော်ရုံးသို့ တင်ပြထားသည်ဟု သိရသည်။
သောကြာနေ့ လွှတ်တော် ဆွေးနွေးပွဲများတွင် နိုင်ငံရေး အကျဉ်းသားများနှင့် ပတ်သက်သည့် ယင်းအဆိုကို ဆွေးနွေးသူ များခြင်းကြောင့် ထိုအဆို တခုတည်းသာ ဆွေးနွေး နိုင်ခဲ့ကြသည်ဟု ပြည်သူ့လွှတ်တော် အမတ်များက ပြောကြသည်။
ပြည်သူ့လွှတ်တော်၏ မေးခွန်းများတွင် ဦးသိန်းညွန့်မှ မေးမြန်းသည့် မေးခွန်းဖြစ်သည့် သင်္ကန်းကျွန်း မြို့နယ်မှ လူကုန်ကူး ခံရသူ ၂၆ ဦး နှင့်ပတ်သက်သည့် မေးခွန်းကို အလုပ်သမား ဝန်ကြီး ဦးအောင်ကြည်မှ လူကုန်ကူးမှု ကျူးလွန်သူဟု ယူဆရသူ ဦးကျော်မြင့်ကို ဖမ်းဆီး စစ်ဆေးနေပြီ ဖြစ်ကြောင်း ဖြေသည်။
ယင်းအပြင် ရှေ့နေ စာမေးပွဲများ ပြန်လည် ကျင်းပခွင့်၊ လိုင်စင် သိမ်းခံရသူများ အတွက် ပြန်ထုတ်ပေးရန် ရှိမရှိကို ဦးသိန်းညွန့်မှ မေးမြန်းရာ တရားသူကြီးချုပ် ဦးထွန်းထွန်းဦးမှ “တရားရုံးမှ သတ်မှတ်ထားသည့် ဥပဒေ ၁၂/၇ အရ ရှေ့နေ စည်းကမ်း မလိုက်နာသူ များကို ရှေ့နေ လိုင်စင် ပြန်ထုတ်ပေးရန် မရှိပါ” ဟု ပြန်လည် ဖြေကြားခဲ့သည်။
ဦးသိန်းညွန့်၏ နောက်ထပ်မေးခွန်းတခုဖြစ်သည့် ၂ဝဝ၈ ဖွဲ့စည်းပုံ အခြေခံဥပဒေတွင် တရားရုံးများ တခါးဖွင့်ပြီး ပြည်သူ့ ရှေ့တွင် တရား စီရင်ရန် ဖေါ်ပြထားသော်လည်း အင်းစိန်ထောင်တွင် အထူး တရားရုံးများ ဖွင့်ကာ တခါးပိတ် စစ်ဆေး နေခြင်းသည် ဥပဒေနှင့် ကိုက်ညီမှု ရှိမရှိ မေးသည်ကို ပြည်ထောင်စု တရားသူကြီးချုပ်မှ အထူးတရားရုံးများ လုပ်ရခြင်းသည် သက်သေများ တရားခံများ၏ လုံခြုံရေးအရ၊ လုပ်ရခြင်းဖြစ်ပြီး မြန်မာပြည်တွင် တခါးပိတ် စစ်ဆေးခြင်း မရှိပါဟု ပြန်လည် ဖြေကြားသည်။
ယင်းအပြင် ဦးသိန်းညွန့်မှ သင်္ဘောသားများ ကားသွင်းခွင့်ရှိမရှိ မေးခွန်းကို မေးမြန်းခဲ့ရာ စီးပွား ကူးသန်း ဝန်ကြီး ဦးဝင်းမြင့်မှ ပို့ကုန်သွင်းကုန် စည်းကမ်း အတိုင်း လုပ်နေခြင်းကြောင့် သင်္ဘောသားများ ကားသွင်းခွင့် မရှိကြောင်း ဖြေသည်။
သောကြာနေ့ အမျိုးသား လွှတ်တော် အစည်းအဝေးတွင် အမျိုးသား လွှတ်တော် အမတ် ဦးခက်ထိန်နန်က ဖားကန့် ဒေသရှိ ကျောက်စိမ်းများကို ရေရှည် စနစ်တကျ ထိန်းသိမ်း တူးဖေါ်ရေး အဆို တင်သွင်းရာ အမျိုးသား လွှတ်တော် အမတ်များ အားလုံး သဘောတူ လက်ခံခဲ့ကြသည်။
ဦးခက်ထိန်နန်၏ အဆိုကို သတ္တုတွင်းဝန်ကြီး ဦးသိန်းထိုက်က ဖြည့်စွက် ဆွေးနွေးရာတွင် အဆိုပါ ဒေသ အတွင်းရှိ ကျောက်စိမ်း လုပ်ကွက်များကို လျှော့မည်ဖြစ်ကာ တိုင်းရင်းသား အမည်ခံ တရုတ် လူမျိုးများ၏ လုပ်ငန်းခွင် အတွင်း ကြီးစိုးမှု များကိုလည်း စိစစ်သွားရန် ရှိသည်ကြောင်း ဖြေကြားသည်ဟု အမျိုးသား လွှတ်တော် အမတ် ဦးဖုန်းဖြင့်အောင်က ဆိုသည်။
“လုပ်ကွက်တွေကို လျော့ပါမယ် စက်တွေနဲ့ တူးတာတွေလည်း လျှော့ပါမယ်၊ တိုင်းရင်းသား အမည်ခံပြီးတော့ တရုတ်တွေ ကြီးစိုး နေတာတွေကိုလည်း သက်ဆိုင်ရာ ကချင်ပြည်နယ် အစိုးရ နေပြီးတော့ စနစ်တကျ စစ်ဆေး ပါမယ် ဒေသခံတွေ ဦးစားပေးတဲ့ စနစ်ကို ကျင့်သုံးမယ် အဲဒီလိုပြောပါတယ်” ဟု ဦးဖုန်းမြင့်အောင်က မဇ္ဈိမကို ပြောသည်။
ယင်းအပြင် အမျိုးသား လွှတ်တော်တွင် အလုပ်သမားဝန်ကြီး ဦးအောင်ကြည်မှ အလုပ်သမားများနှင့် ပတ်သက်သည့် ဥပဒေ မူကြမ်းကို တင်သွင်သွားပြီး အဆိုပါ မူကြမ်းကို လာမည့် တနင်္လာနေ့တွင် လွှတ်တော်မှ ဆက်လက် ဆွေးနွေးမည် ဖြစ်သည်။
ဦးအောင်ကြည်၏ ဥပဒေမူကြမ်းတွင် အလုပ်သမားသမဂ္ဂများ ဖွဲ့စည်းနိုင်ရန်၊ အလုပ်သမားများမှ မကျေနပ်ချက်များ ရှိပါက သက်ဆိုင်ရာ၏ အစီအစဉ်ဖြင့် ဆန္ဒပြခွင့်နှင့် အလုပ်ရှင် အဖွဲ့အစည်းများ ဖွဲ့စည်းရေး စသည့်အချက်များ ပါဝင်ကြောင်း ဥပဒေမူကြမ်းကို ဖတ်ခွင့်ရသူ ဦးဖုန်းမြင့်အောင်က ဆိုသည်။
အမျိုးသားလွှတ်တော်၏ သောကြာနေ့ အဆိုများတွင် အမျိုးသား လွှတ်တော် အမတ် ဦးခင်ရွှေ၏ ဒေါ်လာဈေး ပြန်လည် သတ်မှတ်ပေးရန် အဆိုကို တနင်္လာနေ့တွင် ဆွေးနွေးရန်ရှိပြီး ဦးခင်ရွှေ၏ နောက်ထပ် အဆို တခုဖြစ်သည့် ခရီးသွား လုပ်ငန်းများကို ဟိုတယ်နှင့် ခရီးသွားလုပ်ငန်းကို ဝန်ကြီးဌာနမှ ဦးစီးမှုမရှိဘဲ ဝန်ကြီးဌာနမှ ပုဂ္ဂိုလ်များ အပါအဝင် ပုဂ္ဂလိက လုပ်ငန်း ရှင်များနှင့် ဖွဲ့စည်းရန် အဆိုကိုလည်း လွှတ်တော်မှ အတည်ပြု ပေးခဲ့သည်။
သောကြာနေ့ လွှတ်တော်များကို နံနက် ၁ဝ နာရီတွင် စတင်ကြကာ၊ ပြည်သူ့လွှတ်တော်သည် မွန်းလွဲ ၂း၃ဝ တွင် ပြီးဆုံးပြီး အမျိုးသား လွှတ်တော်သည် ညနေ ၄း၁၅ တွင် ပြီးဆုံးသည်။ လွှတ်တော် နှစ်ရပ်သည် စနေ၊ တနင်္ဂနွေတွင် ခေတ္တ ရပ်နားမည်ဖြစ်ကာ တနင်္လာနေ့တွင် ပြန်လည် စတင်မည် ဖြစ်သည်။
Ref: မဇ္ဈိမ
Saturday, August 27, 2011
၁၉၈၀ လွတ်ငြိမ်းချမ်းသာခွင့် နှင့် တပ်မှူးဟောင်းများ၏ အတွေ့အကြုံ - အပိုင်း (၁)
ရော်နီညိမ်း
စနေ, 20 သြဂုတ် 2011
၁၉၈၀ ခုနှစ်မှာ၊ အာဏာရ မြန်မာ့ဆိုရှယ်လစ်လမ်းစဉ်ပါတီ ဥက္ကဋ္ဌ ဦးနေ၀င်းရဲ့ ညွှန်ကြားချက်နဲ့၊ အဲဒီအချိန်က အစိုးရက၊ အထွေထွေ လွတ်ငြိမ်း ချမ်းသာခွင့် အမိန့်ကို ထုတ်ပြန် ခဲ့ပါတယ်။ အဲဒီ လွတ်ငြိမ်း ချမ်းသာခွင့်နဲ့ တိုက်ရိုက် ပတ်သက် ဆက်နွယ်ခဲ့သူ၊ အငြိမ်းစား ဗိုလ်ကြီး ဦးခင်မောင်ညွန့် နဲ့ အငြိမ်းစား ဗိုလ်ချုပ်ကြီး သူရ ဦးတင်ဦး တို့ကို ဦးရော်နီညိမ်းက ဆက်သွယ် မေးမြန်းပြီး၊ ဒီသီတင်းပတ်ရဲ့ တပ်မှူးတပ်သား ပြောစကား ကဏ္ဍကို၊ စီစဉ် တင်ဆက်ထားပါတယ်။
ဦးရော်နီညိမ်း ။ ။ ဦးခင်မောင်ညွန့် ခင်ဗျား၊ ၁၉၈၀ လွတ်ငြိမ်းချမ်းသာခွင့် အမိန့်ကို၊ မြန်မာ့ ဆိုရှယ်လစ် လမ်းစဉ် ပါတီအစိုးရက ထုတ်ပြန် လိုက်တဲ့အခါမှာ၊ ပါလီမန် ဒီမိုကရေစီပါတီရဲ့အင်အားစုတွေ၊ ဘယ်လိုစဉ်းစား ဆုံးဖြတ်ကြသလဲ ခင်ဗျ။ အဲဒီအချိန်က အစိုးရရဲ့ ကမ်းလှမ်းမှုကို ယုံကြည် လက်ခံတဲ့သူက အများစုလား၊ အန်ကယ်က မယုံကြည် လက်မခံလို့၊ မပြန်ပဲ နေခဲ့တာလား၊ အဲဒါလေး ကျနော်တို့ကို ရှင်းပြပေးပါ ခင်ဗျ။
(ပါလီမန်ဒီမိုကရေစီပါတီ Parliament Democracy Party – PDP ။ ။ ၁၉၆၉ ဧပြီ (၁၁) ရက်တွင် ဆေး ကုသမှု ခံယူရန် အကြောင်းပြချက်နှင့်၊ မြန်မာနိုင်ငံမှ အိန္ဒိယသို့၊ ရောက်ရှိလာသော ၀န်ကြီးချုပ်ဟောင်း ဦးနုမှ၊ ၁၉၆၉ စက်တင်ဘာလတွင် ထိုင်းနိုင်ငံမှ တဆင့်၊ ဗြိတိန်သို့ ရောက်ရှိပြီး၊ ပါလီမန် ဒီမိုကရေစီပါတီ Parliament Democracy Party – PDP ကို တည်ထောင်ပြီး၊ ဗိုလ်ချုပ်ကြီး နေ၀င်း ဦးဆောင်သော တော်လှန်ရေး ကောင်စီ အစိုးရကို လက်နက်ကိုင် တော်လှန် တိုက်ခိုက်မည်ဟု လန်ဒန် ကြေညာချက်ဖြင့်၊ ကမ္ဘာသို့ ကြေညာခဲ့သည်။ ထို့ နောက် ထိုင်း-မြန်မာနယ်စပ်ကို အခြေစိုက်ပြီး၊ ပါလီမန် ဒီမိုကရေစီ ပါတီ လက်အောက်ခံ ပြည်ချစ် တပ်မတော် ထူထောင်သော အခါ၊ စစ်တိုင်း သုံးတိုင်း ဖွဲ့စည်းရာတွင်၊ အလယ်ပိုင်းတိုင်းကို ဦးသွင် (ကျိုက်မရော ပါလီမန် အမတ်)၊ တောင်ပိုင်းတိုင်းကို ဗိုလ်ရန်နိုင် (ရဲဘော်သုံးကျိပ်)၊ အနောက်မြောက် တိုင်းကို ဗိုလ်မှူးအောင် (ရဲဘော် သုံးကျိပ်) တို့က၊ ဦးဆောင်ခဲ့သည်။)
ဦးခင်မောင်ညွန့် ။ ။ ၁၉၇၂ ခုနှစ် သြဂုတ်လအကုန်၊ စက်တင်ဘာလထဲမှာ၊ ကျနော်က အဲဒီ တော်လှန်ရေး နယ်မြေကို ရောက်သွားခဲ့ပြီ။ အခြေအနေ မှန်ကို ပြောမယ်ဆိုရင်၊ ၁၉၇၅ ခုနှစ်က စပြီးတော့၊ PDP ရဲ့ လှုပ်ရှား မှု ကျဆင်း လာတယ်ပေါ့ ခင်ဗျာ။ ကျဆင်း လာရတာကလည်း ဘာကြောင့်လည်း ဆိုရင်၊ နိုင်ငံရေး ခေါင်းဆောင် စစ်ရေး ခေါင်းဆောင်တွေက၊ အချင်းချင်း သဘောထားတွေ ကွဲလွဲ ခဲ့ကြပြီးတော့မှ၊ အားအင်တွေ ချည့်နဲ့နေတဲ့ အချိန်မှာ၊ အစိုးရကလည်း အဲဒီလို ကြေညာလိုက်တဲ့ အချိန်မှာ၊ တော်တော် အများစု ပြန်လိုတဲ့ ပုဂ္ဂိုလ်တွေက၊ ဒါဟာ အခွင့်အရေးပဲ ဆိုပြီးတော့၊ ပြန်သွားကြတာပဲ။ သို့သော် မပြန်တဲ့ သူတွေကတော့၊ သူတို့ရဲ့ ယုံကြည်ချက် ကြောင့်မို့လို့ပဲ၊ သူတို့ မပြန်ပဲ နေခဲ့တာပဲ။ အများစုကတော့ ပြန်သွားကြပါတယ်။ ရဲဘော် သုံးကျိပ်ဝင် ဗိုလ်မှူးအောင်၊ အနောက်မြောက်တိုင်း၊ တိုင်းမှူး လုပ်သွားတဲ့ ပုဂ္ဂိုလ်လည်း၊ ပြန်သွားတယ်။ တောင်ပိုင်းတိုင်း၊ တိုင်းမှူး ဗိုလ်ရန်နိုင်လည်း ပြန်သွားတယ်။ ဗိုလ်ချုပ်ကြီး စောကြာဒိုး၊ ဦးဇာလီမော်၊ တော်တော်များများ ပြန်သွား ကြပါတယ်။
ဦးရော်နီညိမ်း ။ ။ ဟုတ်ကဲ့ ခင်ဗျ။ အဲဒီလိုမျိုး ပြန်မသွားပဲ ကျန်ခဲ့တဲ့ အန်ကယ်တို့လို လူတွေက၊ ဘယ် လို ခံစားချက် ရှိခဲ့ပါသလဲ ခင်ဗျ။
ဦးခင်မောင်ညွန့် ။ ။ အထူးသဖြင့် တော်တော် များများကတော့၊ ကျနော် သိရ သလောက်ကတော့၊ သူတို့ရဲ့ ယုံကြည်ချက်ကြောင့် မပြန်တာပါ ခင်ဗျ။
ဦးရော်နီညိမ်း ။ ။ ဟုတ်ကဲ့ခင်ဗျ။ ယုံကြည်ချက်ကြောင့် မပြန်တာ၊ ဆိုတာက၊ ဒီတိုက်ပွဲဟာ မပြီးသေးဘူး၊ ဆက်တိုက် ရဦးမယ် ဆိုတဲ့ ယုံကြည်ချက်လား၊ ဒါမှမဟုတ် တိုက်ပွဲကတော့ ဆက်မတိုက် နိုင်တော့ဘူး၊ ခုန အန်ကယ်ပြောသလို၊ ကိုယ့်အင်အားက ချည့်နဲ့ လာတာကြောင့်။ သို့သော်လည်းပဲ တဘက်ကနေပြီးတော့ အာဏာရနေတဲ့ အစိုးရက၊ “လာပါ ပြန်ခဲ့ပါ ပူးပေါင်း ဆောင်ရွက်ကြပါစို့” ဆိုတဲ့ ဖိတ်ခေါ်မှုမျိုးကို မယုံကြည်နိုင်လို့ လား ခင်ဗျ။ အန်ကယ် ကိုယ်တိုင်ကကော၊ ဘယ်လို အယူအဆနဲ့ နေခဲ့ပါသလဲ။
ဦးခင်မောင်ညွန့် ။ ။ အန်ကယ်ရဲ့ကိုယ်ပိုင်အယူအဆ personal convictionအရ ပြောမယ်ဆိုရင်၊ အန်ကယ် ကတော့ မယုံလို့ မပြန်တာပဲ။ ဘာလို့ မယုံရသလဲ ဆိုတဲ့ အချက် အလက်တွေကို စာရင်းပြုစုပြီးသာ ချပြရရင်၊ အများကြီးပဲ။ ခပ်တိုတိုလေး ချုံးပြောမယ် ဆိုရင်တော့၊ ၁၉၆၂ခုနှစ် အာဏာသိမ်းတာက စတာပဲ။ အာဏာသိမ်း တာက ဗိုလ်(ဗိုလ်ချုပ်ကြီး)နေ၀င်းက ပြောတယ်၊ တိုင်းပြည်ကြီး ဆိုးဝါးလာတဲ့ အခြေအနေ၊ ချောက်ထဲကျဖို့ လက်နှစ်လုံးလောက် လိုလို့၊ သူက အာဏာ သိမ်းလိုက်ရတယ်၊ ဆိုတော့၊ အမှန်ကတော့ တပ်မတော် အကြီးအကဲ ကာကွယ်ရေး ဦးစီးချုပ် ဆိုတာက၊ ၁၉၄၇ ဖွဲ့စည်း အုပ်ချုပ်ပုံ အခြေခံဥပဒေ တည်တံ့ရေးကို၊ အသက်နဲ့လဲ ပြီး ခုခံ ကာကွယ်ပါမယ်လို့၊ ကတိက၀တ် ပြုထားရတဲ့ ပုဂ္ဂိုလ် ခင်ဗျ။ အဲဒီတော့၊ တကယ်တမ်း တိုင်းပြည် အခြေ အနေက ဆိုးဝါးတယ် ဆိုရင်၊ သူဟာ တပ်မတော်ရဲ့အကြီးအကဲ တယောက်အနေနဲ့၊ ပြည်သူကနေ တရားဝင် ရွေးကောက် တင်မြှောက်ထားတဲ့ အစိုးရကို၊ ဘယ်လို အချက်တွေက ဆိုးဝါးနေတယ်၊ ဘယ်လိုတွေတော့ ဖြစ်နေပြီ၊ ဘယ်လို လုပ်ဖို့သင့်တယ်၊ စသည်ဖြင့် အကြံဥာဏ် ပေးရမယ်၊ တကယ်တမ်း sincere ဖြစ်ရင်၊ ကာ ကွယ်ရေးဦးစီးချုပ် အနေနဲ့ အစိုးရကို ပြောကိုပြောရမယ်၊ အကြံဥာဏ် မပေးပဲနဲ့၊ အာဏာ သိမ်းတယ် ဆိုတာ ကတော့၊ တိုင်းပြည် သစ္စာဖေါက် ဆိုတဲ့ နေရာကို အလိုလို ရောက်သွားတာပါပဲ။ အဲဒါက လုံးဝ ယုံကြည်စရာ မရှိတဲ့ အချက်တချက်ပဲ။
ဦးရော်နီညိမ်း ။ ။ ဒီဟာက ယုံတဲ့လူတွေလည်း ရှိတာပဲ၊ ခုန ပြောတဲ့ လက်ျာအင်အားစုတွေ ထဲက၊ ခုန အန်ကယ်ပြောတဲ့ ပုဂ္ဂိုလ်တွေ၊ ယုံလို့ ပြန်သွားကြတာပဲ။ လက်ဝဲ အင်အားစုကလည်း၊ တောတွင်း အင်အား စုတွေထဲက ဗိုလ်သက်ထွန်း (ဗမာပြည် ကွန်မြူနစ်ပါတီ ဗဟိုကော်မတီဝင်) တို့လည်း၊ ပြန်ဝင်လာတာကို၊ ကျနော်တို့ တွေ့ခဲ့ကြရတာပဲ။ အဲဒီဟာတွေ ဖြစ်ခဲ့တယ်။ အဲဒီလိုတွေ ဖြစ်ခဲ့ပြီးမှ၊ ထပ်ပြီး ဘာထူးခြားတာ တွေ့ခဲ့ ရသလဲ ဆိုတော့၊ အစိုးရရဲ့ ကမ်းလှမ်းချက်ကို ယုံကြည်လို့ ပြန်သွားပါတယ် ဆိုတဲ့ အထဲက၊ အန်ကယ်တို့ PDP ကပဲ နမူနာပြမယ် ဆိုရင်၊ ၁၉၈၀ လွတ်ငြိမ်းခွင့်နဲ့ ပြန်သွားကြပြီးတော့မှ၊ ၈၈၈၈ လူထု အရေးတော်ပုံကြီး ပေါ်လာတဲ့ အခါမှာ၊ ပြန်ပြီး တောခိုကြတဲ့ မြ၀တီ ဦးရဲခေါင်တို့ ဒေါက်တာမန်းမြင့်ဆိုင်တို့၊ ရှိခဲ့တာကို၊ ကျနော်တို့ တွေ့ခဲ့ဘူး ပါတယ်။ ဒါပေမဲ့လည်း၊ အစိုးရကို ယုံကြည်လို့ (မြန်မာနိုင်ငံမှာ) ဆက်ပြီးနေတဲ့ ဗိုလ်ချုပ်ကြီး စောကြာဒိုးလို ပုဂ္ဂိုလ်မျိုးဆိုရင်၊ ၁၉၉၀ ရွေးကောက်ပွဲ ကော်မရှင် အဖွဲ့ဝင် ထဲမှာတောင်၊ သူက ပါလာတယ်။ အဲဒါမျိုးလည်း တွေ့ခဲ့ရပါတယ်။ အဲဒီအခါကျတော့၊ ဟိုတုန်းက ၁၉၈၀ လွတ်ငြိမ်း ချမ်းသာခွင့်နဲ့ ခေါ်တုန်းကတောင်မှ၊ မယုံလို့ ဆိုပြီး မပြန်ပဲ ပြည်ပမှာပဲ နေနေတဲ့ အန်ကယ့်အနေနဲ့၊ အခု သမ္မတဦးသိန်းစိန်က ပြည်ပက အင်အားစုတွေ ကို ပြန်လာချင်ရင် စဉ်းစားပေးမယ် ဆိုတဲ့ ကမ်းလှမ်းမှုကို၊ ဘယ်လို မြင်ပါသလဲ ခင်ဗျ။
ဦးခင်မောင်ညွန့် ။ ။ ပထမပြောချင်တာက၊ ၁၉၈၀ အထွေထွေ လွတ်ငြိမ်းချမ်းသာခွင့် ဆိုတာက၊ ကျနော့် အမြင်မှာ၊ လွတ်ငြိမ်း ချမ်းသာခွင့်သာ ပေးတာ ခင်ဗျ။ လူမှုလွတ်လပ်ခွင့် အခွင့်အရေးတို့၊ တရားမျှတရေးတို့၊ ဒီမိုကရေစီရေးတို့ အတွက်၊ ဘာမှ အာမခံချက် မရှိဘူး၊ ပြန်လာရင် သူတို့ ဘောင်ထဲမှာ နေဖို့ပဲ၊ သူခေါ်တာက ပြန်လာဖို့ပဲ ခေါ်တာ။ ကျနော်တို့က ဒီမိုကရေစီကို ယုံကြည်လို့၊ လူမှု အခွင့်အရေးတွေကို ရှိစေချင်လို့၊ ဒါတွေ ကို လုပ်လာခဲ့တဲ့ ဟာမှာ၊ ဘာမှမထူးပဲ ပြန်သွားရမယ် ဆိုတာက၊ ကျနော်တို့ အနေနဲ့ တိုင်းပြည်ထဲက ထွက်လာတာ၊ ဘာအဓိပ္ပာယ် ရှိတော့မလဲ။ နောက်ပြီးတော့၊ လောကကြီးမှာ၊ ဒီကနေ့အထိ ကျနော် စွဲစွဲမြဲမြဲ ယုံကြည်တာ က၊ ကိုယ့်တိုင်းပြည် ကိုယ့်လူမျိုး ကိုယ့်ဆွေမျိုးသားချင်း၊ ကိုယ့်သူငယ်ချင်း အပေါင်းအသင်း တွေလောက်၊ ကောင်းတဲ့ အသိုင်းအ၀ိုင်း ဆိုတာ မရှိပါဘူးခင်ဗျ။ ဒီနေ့အထိ ဒါတွေကို ကျနော် မြတ်နိုးတယ်၊ တွယ်တာတယ်၊ စွဲလမ်းနေတယ်။ ဒါပေမဲ့ ကျနော် မြန်မာပြည် ပြန်သွားတာဟာ၊ အဓိပ္ပာယ်ရှိရှိ ပြန်တာပဲ၊ ဖြစ်ချင်တယ်။ အခု လည်း ကျနော် မယုံကြည်ဘူး၊ ဘာလို့ မယုံကြည်လဲ ဆိုရင်၊ ဒီနေ့ အနှစ်သာရ အားဖြင့် ကြည့်မယ်ဆိုရင်၊ တိုင်းပြည်မှာ ၂၀၀၈ ဖွဲ့စည်း အုပ်ချုပ်ပုံ အခြေခံဥပဒေက၊ လုံးဝကို ဒီမိုကရေစီ အခြေခံတွေနဲ့ ဖျောင့်ဖျောင့်ကြီး ဆန့်ကျင်နေတယ်။ ဒီ ဖွဲ့စည်း အုပ်ချုပ်ပုံ အခြေခံဥပဒေ ကနေ ပေါက်ဖွားလာတဲ့ အစိုးရ တရပ်ကို ကျနော်တို့က၊ ဘယ် လိုယုံလို့ ရမှာလဲ။ နောက်ပြီးတော့ သူတို့ရဲ့ နောက်ကွယ်မှာ၊ ကြိုးဆွဲနေတဲ့ စစ်အာဏာရှင်ကြီး တွေက ရှိမြဲပဲ။ အဲဒီတော့ သူတို့ (လက်ရှိအစိုးရ) ဟာ၊ တိုင်းပြည်အပေါ်မှာ sincere ဖြစ်တယ်၊ ပြည်သူ လူထုအပေါ်မှာ sincere ဖြစ်တယ် ဆိုရင်၊ တိုတိုလေးပဲ ကျနော် ပြောချင်တာက (၁) နိုင်ငံရေးနဲ့ ပတ်သက်ပြီး၊ ဖမ်းထားတဲ့ ပုဂ္ဂိုလ်အပေါင်းကို၊ ချွင်းချက်မရှိ အမြန်ဆုံး လွှတ်ပေးပါ။ (၂) ဒေါ်အောင်ဆန်းစုကြည်ရဲ့ NLD ပါတီကို တရား ၀င်ပါတီ အဖြစ် ပြန်လည် ကြေညာပေးပါ၊ (၃) ပြည်တွင်း ငြိမ်းချမ်းရေး အတွက် သက်ဆိုင်ရာ ပုဂ္ဂိုလ်တွေ အဖွဲ့အ စည်းတွေ တိုင်းရင်းသား ခေါင်းဆောင်တွေနဲ့ ညှိနှိုင်း ဆွေးနွေးပါ။ အဲဒီ လုပ်ငန်းစဉ်တွေကို ဦးသိန်းစိန် အစိုးရက အကောင်အထည် မဖေါ်နိုင် သရွေ့ကတော့၊ ပြည်သူတွေကကော ပြည်ပ နိုင်ငံတွေကပါ၊ ဦးသိန်းစိန် အစိုးရကို trust ဖြစ်ဖို့ဆိုတာ အင်မတန် ခဲယဉ်းပါတယ်။ အားလုံး သိတဲ့အတိုင်း reliable မဖြစ်ဘူးဆိုရင် trust မရှိရင်၊ အရာရာဟာ အလုပ်မဖြစ်ဖို့ သေချာနေတယ်လို့ပဲ ကျနော် ပြောချင်ပါတယ် ခင်ဗျာ။
ဦးရော်နီညိမ်း ။ ။ ၁၉၇၄ ခုနှစ်မှာ၊ လွတ်လပ်ပြီး မြန်မာနိုင်ငံရဲ့ စတုတ္ထမြောက် ကာကွယ်ရေး ဦးစီးချုပ် ဖြစ်လာခဲ့သူ ဗိုလ်ချုပ်ကြီး သူရတင်ဦးဟာ၊ ၁၉၇၆ ခုနှစ်ဆန်းမှာ ကာကွယ်ရေး ဦးစီးချုပ် အဖြစ်ကရော တာကွယ် ရေးဝန်ကြီး အဖြစ် ကပါ အနားပေးခြင်း ခံခဲ့ရပြီးတော့၊ ၁၉၇၆ စက်တင်ဘာလမှာ နိုင်ငံတော် လုပ်ကြံမှုသတင်း ကို ထိန်ချန်မှုနဲ့၊ ဖမ်းဆီး ခံခဲ့ရပါတယ်။ ၁၉၇၇ ဇန်န၀ါရီလမှာ အငြိမ်းစား ဗိုလ်ချုပ်ကြီး သူရ ဦးတင်ဦးဟာ အလုပ် ကြမ်းနဲ့ ထောင်ဒဏ်(၇)နှစ် ချမှတ် ခံခဲ့ရပြီးတော့၊ ၁၉၈၀ အထွေထွေ လွတ်ငြိမ်း ချမ်းသာခွင့်နဲ့ ပြန်ပြီး လွတ်မြောက် လာခဲ့ပါတယ်။ နိုင်ငံရေး အကျဉ်းသား အဖြစ်ကနေ လွတ်မြောက်လာခဲ့သူ ဒီကနေ့ အမျိုးသား ဒီမိုကရေစီ အဖွဲ့ချုပ်ရဲ့ ဒုတိယ ဥက္ကဋ္ဌ ဦးတင်ဦးကို၊ ၁၉၈၀မှာ လွတ်မြောက် လာပြီးတဲ့နောက် အတွေ့အကြုံတွေကို မေးမြန်း ဆွေးနွေး ကြည့်ခဲ့ပါတယ်။
ဦးရော်နီညိမ်း ။ ။ ဦးနေ၀င်းရဲ့ ၁၉၈၀ အထွေထွေ လွတ်ငြိမ်းချမ်းသာခွင့် ပေးလိုက်တဲ့ အခါမှာ၊ သုံးမျိုး သုံးစားကို တွေခဲ့ရပါတယ်။ ပြည်ပ ရောက်နေသူတွေ ဗိုလ်ချုပ်ကြီး စောကြာဒိုးတို့၊ ဗိုလ်ရန်နိုင်တို့၊ ပြန်လာကြတယ်။ ပြည်တွင်းမှာလည်း တောတွင်း အင်အားစုတွေထဲက ဗိုလ်သက်ထွန်းတို့ ပြန်ဝင် လာကြတယ်။ ဒါက တမျိုးပါ။ အန်ကယ်တို့ ကျတော့၊ အဲဒီ လွတ်ငြိမ်း ချမ်းသာခွင့်နဲ့၊ နိုင်ငံရေးအကျဉ်းသား အဖြစ်ကနေ၊ လွတ်မြောက် လာခဲ့တယ်။ တတိယ တမျိုးက၊ လွတ်ငြိမ်း ချမ်းသာခွင့်နဲ့၊ ခေါ်ပေမဲ့၊ မယုံလို့ ဆိုပြီး၊ ပြန်မလာကြတဲ့သူ တွေ။ အဲဒီလို သုံးမျိုးသုံးစား တွေ့ရပါတယ်။ နောက်ပိုင်းမှာ ယုံကြည်လို့ ပြန်လာပါတယ် ဆိုတဲ့ သူတွေထဲက နေ၊ နောက် (၈) နှစ်လောက် ကြာတော့၊ နောက်တခေါက် တောခိုကြတဲ့ သူတွေလည်း ရှိသေးတယ်။ ယုံကြည် လို့ ပြန်လာကြတဲ့ သူတွေထဲမှာ၊ ဆက်ပြီး သူကောင်း ပြုခံရတာကတော့ ဥပမာ ဗိုလ်ချုပ်ကြီး စောကြာဒိုး ဆိုရင်၊ ၁၉၉၀ ရွေးကောက်ပွဲ ကော်မရှင်ထဲမှာ အဖွဲ့ဝင်လူကြီး (၅) ဦးထဲက (၁) ဦး ဖြစ် လာခဲ့တယ်။ အဲဒါတွေကို ကျနော် တို့က ပြန်ပြီး review လုပ်ကြည့်တဲ့ အခါမှာ၊ ၁၉၈၀ အထွေထွေ လွတ်ငြိမ်း ချမ်းသာခွင့်နဲ့ နိုင်ငံရေး အကျဉ်းသား အဖြစ်ကနေ၊ လွတ်မြောက် လာခဲ့သူတွေရဲ့ အုပ်စုထဲမှာ အန်ကယ့်ကို ကျနော်တို့က မြင်ကြည့်လိုက် ပါတယ်။ အဲဒီတုန်းက လွတ်ငြိမ်း ချမ်းသာခွင့်နဲ့ နိုင်ငံရေး အကျဉ်းသားတွေကို လွှတ်ပေးခဲ့တဲ့ အခါမှာ၊ ဘယ်သူ့ကိုတော့ လွှတ်ပေးတယ်၊ ဘယ်သူ့ကိုတော့ လွှတ်မပေးသေးဘူး ဆိုပြီး၊ ချန်ထား ခဲ့တာတွေ ရှိခဲ့ပါသလား ခင်ဗျ။
ဦးတင်ဦး။ ။ ၁၉၈၀ တုန်းက ကျနော် မှတ်မိသလောက်၊ အဲဒီနေ့က နယုန်လပြည့်နေ့ ထင်ပါရဲ့ ခင်ဗျ။ နိုင်ငံတော် သံဃာ့ မဟာနာယက ဖွဲ့စည်းတာနဲ့၊ သံဃာ့ဂိုဏ်း ပေါင်းစုံ ညီညွတ်တယ် ဆိုတာကို အကြောင်းပြုပြီးတော့၊ အကျဉ်းသား အားလုံးကို လွှတ်လိုက်တာပဲ ခင်ဗျ။ ကျန်ခဲ့တယ် ဆိုတာမျိုးတော့ မကြားမိဘူးခင်ဗျ။ အခု တခါမှာတော့ ဦးသိန်းစိန်တို့၊ နိုင်ငံရေး အကျဉ်းသားတွေကို စေတနာမှန်မှန်နဲ့ လွှတ်လိုက်ရင်တော့၊ ကောင်းတာပေါ့ဗျာ။ သူတို့တွေ (အစိုးရ) အတွက်လည်း၊ စိုးရိမ်စရာ ပူပန်စရာ အကြောင်း မရှိပါဘူး။
ဦးရော်နီညိမ်း ။ ။ သူတို့က အခု နိုင်ငံရေးအကျဉ်းသားတွေ လွှတ်ပေးမယ်ဆိုတဲ့ စကား၊ တလုံးမှ မပြောသေးဘူး။ အပြင် ရောက်နေတဲ့ ပုဂ္ဂိုလ်တွေ၊ အစိုးရကို ဆန့်ကျင်နေတဲ့ ပုဂ္ဂိုလ်တွေကို ပြန်လာကြလို့ ပြော တဲ့နေရာမှာ၊ အရင်က အခုလိုပဲ ကမ်းလှမ်း ခဲ့တာမှာ ပြန်မလာကြတဲ့ သူတွေ ဘာဖြစ်လို့ ပြန်မလာကြသလဲ ဆိုတဲ့ cause တွေကို၊ ကျနော်တို့က review လုပ်နေတာပါ။ ဥပမာ၊ ဗိုလ်ကြီးဟောင်း ဦးခင်မောင်ညွန့်။ စစ်တက္က သိုလ် အပတ်စဉ်(၁)ကနေ ဆင်းတယ်၊ ၁၉၆၅ မှာ သူဟာ အနောက်တောင်တိုင်း စစ်ဌာနချုပ် နယ်မြေမှာ တာဝန် ထမ်းဆောင်နေစဉ်မှာ၊ သူ့ကို ဗိုလ်မှူးကြီးဟောင်း ဦးကြည်မောင် ဗိုလ်မှူးချုပ်ဟောင်း ဦးအောင်ကြီးတို့နဲ့ ဆက်နွယ်ပြီး တပ်တွင်း ပုန်ကန်ရန် ကြံစည်မှုနဲ့ ဖမ်းပြီး၊ ရေကြည်အိုင် ထောက်လှမ်းရေး အကျဉ်းစခန်းမှာ ထည့်လိုက် ပြီးတော့၊ (၄) နှစ်လောက် ကြာတော့၊ သူ ပြန်လွတ်တယ်။ ဦးနု တော်လှန်ရေးမှာ တောခိုပြီး၊ ဗိုလ်မှူးအောင်က သူတို့ရဲ့ ပြည်ချစ် တပ်မတော်ရဲ့ အနောက်မြောက်တိုင်းမှာ တိုင်းမှူး၊ ဦးခင်မောင်ညွန့်က ဒုတိုင်းမှူးနဲ့ နေနေရာ ကနေ၊ ဦးနု တော်လှန်ရေး ပျက်သွားပြီးတဲ့နောက်၊ ၁၉၈၀ မှာ အစိုးရက အထွေထွေ လွတ်ငြိမ်းချမ်းသာခွင့် ခေါ် လိုက်တော့၊ မပြန်ပဲနဲ့ ယုံကြည်ချက်နဲ့ ဆက်ပြီး ပြည်ပမှာ နေနေတဲ့ သူ့ကို ကျနော်က ဆက်သွယ် မေးမြန်းတာ မှာ၊ နိုင်ငံရေး လွတ်လပ်ခွင့် ရမှာ မဟုတ်ဘူးလို့ သူယုံကြည်လို့ သူ မပြန်တဲ့ အဓိက အကြောင်းကို၊ သူက ပြောပါတယ်။ အဲဒီတော့ အန်ကယ်ရဲ့ အတွေ့အကြုံ အရကော၊ ၁၉၈၀ မှာ လွတ်ငြိမ်း ချမ်းသာခွင့်နဲ့ ပြန်လွတ်လာပြီး တဲ့နောက်၊ နိုင်ငံရေး လွတ်လပ်မှုမျိုး မဟုတ်ပဲ၊ အန်ကယ့် တကိုယ်ချင်း လွတ်လပ်မှု အတိုင်းအတာ၊ ဘယ်လောက် ရှိပါသလဲ ခင်ဗျ။
ဦးတင်ဦး။ ။ လွတ်တော့ လွတ်လာတာပေါ့ ဗျာ။ သို့သော်လည်းပဲ၊ အခါအားလျော်စွာ စောင့်ကြည့်တာမျိုး တွေကတော့ ရှိတာပေါ့။ အဲဒီတုန်းက လွတ်ပြီး နောက်တနေ့မှာပဲ၊ မဟာစည် ရိပ်သာကို သွားပြီး၊ ကျနော်က သင်္ကန်းဝတ် ရဟန်းခံ ၀ိပဿနာ တရား အားထုတ်တာပေါ့။ အဲဒီအထဲမှာ သူတို့ (ထောက်လှမ်းရေး) ထဲက စောင့်ကြည့်တဲ့ ပုဂ္ဂိုလ်တွေကလည်း၊ ရိပ်သာမှာ အလှည့်ကျ ၀င်လာပြီးတော့ သူတို့ပါ တရား ထိုင်တာတွေ ဘာတွေ လုပ်ရင်းနဲ့၊ သူတို့ကို ကြည့်ခိုင်း ပြုခိုင်းထားတာတွေ ရှိနေတယ် ဆိုတာ၊ ကျနော် သတိ ပြုမိတာပေါ့ ခင်ဗျာ။
ဦးရော်နီညိမ်း ။ ။ နောက် သီတင်းပတ် စနေနေ့ မနက်ခင်းနဲ့ ညနေခင်းတွေမှာ၊ “၁၉၈၀ လွတ်ငြိမ်း ချမ်းသာခွင့် နှင့် တပ်မှူးဟောင်းများ၏ အတွေ့အကြုံ - အပိုင်း (၂)” ကို၊ ဆက်ပြီး၊ တင်ဆက်သွားပါမယ် ခင်ဗျာ။ ကျနော် ရော်နီညိမ်း ပါ။
Ref: VOA News
Posts
