ကြည်ဝေ Monday, July 19, 2010
၆၃ ကြိမ်မြောက် အာဇာနည်နေ့တွင် ဗိုလ်ချုပ် အောင်ဆန်းနှင့် အတူလက်တွဲ အလုပ် လုပ်ခဲ့ကြသော ခေါင်းဆောင် ဟောင်းများ၊ ၀ါရင့် နိုင်ငံရေး သမားများ၊ တိုင်းရင်းသား ခေါင်းဆောင်များ၊ ဒီမိုကရေစီ အင်အားစုများ၊ လူငယ်များ တက်ရောက်သော အာဇာနည် စကားဝိုင်းနှင့် ဟောပြောပွဲကို ကာကွယ်ရေး ဦးစီးချုပ်ဟောင်း၊ အမျိုးသား ဒီမိုကရေစီ အဖွဲ့ချုပ် (NLD) ဒုတိယ ဥက္ကဌ ဦးတင်ဦး နေအိမ်တွင် နံနက် ၉ နာရီမှ နေ့လယ် ၁၂ နာရီအထိ ကျင်းပခဲ့သည်။
“ဘဘတို့အနေနဲ့ အခုလို အာဇာနည်နေ့ အထိမ်းအမှတ် ဆွမ်းကျွေးပြီး ကုသိုလ် ကောင်းမှု လုပ်ပြီး အမျှဝေ ပေးတာ၊ ပြီးတော့ စကားဝိုင်းလေး၊ ဟောပြောပွဲလေး လုပ်တယ်ဆိုတာ အာဇာနည်နေ့ရဲ့ လေးနက်မှု ပျောက်ပျက် မသွားဖို့ကို အဓိကထားပြီး လုပ်တာပါ” ဟု ဦးတင်ဦးက ၎င်း၏ နေအိမ်တွင် အာဇာနည်နေ့ အခမ်းအနား ကျင်းပရခြင်းနှင့် ပတ်သက်၍ ပြောဆိုသည်။
NLD အနေနှင့် ၁၉၈၉ ခုနှစ်ကတည်းက အာဇာနည်နေ့ အခမ်းအနားကို ကျင်းပခဲ့ပြီး ကျဆုံး သွားသော အာဇာနည် ခေါင်းဆောင် ကြီးများအတွက် ကုသိုလ်ပြု အမျှဝေခြင်းကို နှစ်စဉ် ရွှေဂုံတိုင်၊ ဗဟန်းမြို့နယ်ရှိ ၎င်း အဖွဲချုပ်ရုံးတွင် နှစ်စဉ် ပြုလုပ်ခဲ့ကြောင်း သိရသည်။
ယခုနှစ်တွင် စစ်အစိုးရ ကျင်းပမည့် ရွေးကောက်ပွဲ မဝင်ဟု ဆုံးဖြတ်ပြီး ပါတီမှတ်ပုံ မတင်ခဲ့သောကြောင့် မေလ ၆ ရက်နေ့က ပါတီ မှတ်ပုံတင် သက်တမ်း ကုန်ဆုံးသွားခဲ့ရာ အာဇာနည်နေ့ အခမ်းအနားကို ဦးတင်ဦး နေအိမ်တွင် ကျင်းပခဲ့ခြင်း ဖြစ်သည်။
“နှစ်တွေကြာသွားပြီ ဆိုပေမယ့် ဒီအခမ်းအနားက တရေးတယူ ပြုလုပ်ရမယ့် အခမ်းအနားပဲ ဟိုတုန်းကဆို အာဇာနည်နေ့ အခမ်းအနားကို လေးလေးနက်နက် ထားပြီး လုပ်ကြပါတယ်။ အခုလိုတော့ မဟုတ်ဘူးပေါ့” ဟု အာဇာနည် ဦးဘ၀င်း၏ ဆွေမျိုး မိသားစုဝင် တဦးက ပြောပြသည်။
အာဇာနည်ကြီးများ ကျဆုံးခဲ့သော ၁၉၄၇ ခုနှစ်မှ ၁၉၈၈ ခုနှစ် မတိုင်ခင်အထိ အာဇာနည်နေ့ အခမ်းအနားကို နိုင်ငံတော် အခမ်းအနား တခုအဖြစ် သတ်မှတ်ပြီး လေးလေးနက်နက် ကျင်းပပေးခဲကြောင်း၊ အာဇာနည် မိသားစု ၀င်များကိုလည်း ဂရုတစိုက်နှင့် အလေးအနက်ထား ဖိတ်ကြားခြင်း၊ လေးလေးစားစား ဆက်ဆံခြင်း၊ အာဇာနည်နေ့ အခမ်းအနားသို့ တက်ရောက် နိုင်ရေးအတွက် အကြိုအပို့ ယာဉ်များနှင့် စနစ်တကျ စီစဉ်ဆောင်ရွက်ပေးခဲ့ကြောင်း ၎င်းက ပြောပြသည်။
“ဟိုတုန်းကဆိုရင် အာဇာနည်နေ့ ဥသြသံကြားရင် ရင်ထဲကို ဘယ်လိုကြီးမှန်း မသိဘူး။ ၀မ်းနည်းပြီး ငိုချင်သလိုလို ဖြစ်ကြတာ၊ ကျမတို့တင် မကဘူး လူတိုင်းပဲလေ။ လူတွေကလည်း ဥသြသံ ကြားတာနဲ့ ရောက်ရာနေရာမှာ ရပ်ပြီး အလေးပြု ကြတယ်။ အခုတော့ ဒီအကျင့်တွေကိုလည်း ဖျောက်ဖျက် ပစ်လိုက်ကြပါပြီ” ဟု မိုင်းပွန် စော်ဘွားကြီးနှင့် ဆွေမျိုးတော်စပ်သူ တဦးက ပြောဆိုသည်။
အာဇာနည် ၉ ဦး ကျဆုံးခဲ့ပြီးနောက် ၁၉၄၈ ခုနှစ် နောက်ပိုင်း နှစ်စဉ် အာဇာနည်နေ့တိုင်း နံနက် ၁၀ နာရီ ၃၇ မိနစ်တွင် စက်ရုံ အလုပ်ရုံ များက ဥသြဆွဲသည်နှင့် တပြိုင်နက် လူအများက ဥသြသံကြားရာ နေရာတွင် ရပ်ကာ ၁ မိနစ်ခန့် ငြိမ်သက်စွာ အလေးပြု ကြကြောင်း၊ သို့ရာတွင် ၁၉၈၉ ခုနှစ် စစ်အစိုးရ လက်ထက်တွင်မူ အဆိုပါ အစဉ်အလာများ မရှိတော့ဘဲ အစိုးရဌာန များတွင်လည်း အာဇာနည်နေ့ ဆွမ်းကပ် အလှူအတန်းပြု အမျှပေးဝေခြင်းများ ပြုလုပ်ခွင့် မရှိတော့ကြောင်း၊ ကျောင်းသူ ကျောင်းသား များကိုလည်း အာဇာနည်နေ့ မမေ့စေရေး အတွက် အာဇာနည်နေ့ အထိန်းအမှတ် စာစီစာကုံး ပြိုင်ပွဲများ၊ ကဗျာရွတ် ပြိုင်ပွဲများ မကျင်းပ စေတော့ကြောင်း၊ အာဇာနည်ကုန်းတွင် ပြုလုပ်သော အာဇာနည်နေ့ အခမ်းအနားကိုပင် ပြီးစလွယ် ကျင်းပသည်ကို မြင်ရကြောင်း အာဇာနည်မိသားစု ၀င်များက ပြောဆိုဝေဖန်ကြသည်။
“စစ်အစိုးရက အာဇာနည်နေ့ကို မှေးမှိန်အောင်လုပ်နေတယ်။ အာဇာနည်နေ့မှာ ကျနော်တို့ ရပြီးသား အခွင့်အရေး တွေတောင် ဒီအစိုးရက ဆုံးရှုံးအောင် လုပ်နေပါတယ်။ ဒါကို ကျနော်တို့က ကျယ်ကျယ်ပြန့်ပြန့် ဖြစ်အောင် ဆောင်ရွက်နိုင်ဖို့၊ လုပ်ပေးနိုင်ဖို့ ကျနော်တို့မှာ တာဝန်ရှိတယ်” ဟု တိုင်းရင်းသား ခေါင်းဆောင် ဦးကျင်ရှင်းထန်က အာဇာနည်နေ့ အခမ်းအနားနှင့် ပတ်သက်ပြီး သုံးသပ် ဝေဖန်သည်။
မြန်မာနိုင်ငံကို လွတ်လပ်ရေးရရန် ကျိုးပမ်းပေးခဲ့သော အမျိုးသားခေါင်းဆောင်၊ တပ်မတော် ခေါင်းဆောင် ဗိုလ်ချုပ် အောင်ဆန်း၏ သမီးဖြစ်သူ ဒေါ်အောင်ဆန်းစုကြည်အား အကျယ်ချုပ်ဖြင့် ဖမ်းဆီးထားသဖြင့် အာဇာနည်နေ့ အခမ်းအနားကို မတက်ရောက် နိုင်ခဲ့ပေ။
၁၉၄၇ ခုနှစ် ဇူလိုင်လ ၁၉ ရက်နေ့သည် မြန်မာနိုင်ငံ လွတ်လပ်ရေးအတွက် တိုက်ပွဲဝင်ခဲ့ကြသော အာဇာနည် ကြီးများ၏
ကျဆုံးသောနေ့ ဖြစ်သကဲ့သို့ ၁၉၈၉ ခုနှစ် ဇူလိုင်လ ၁၉ ရက်နေ့တွင် မြန်မာနိုင်ငံကို ဒီမိုကရေစီရရှိရေး တိုက်ပွဲ ၀င်ခဲ့ကြသည့် ကျောင်းသား လူငယ်များအား စစ်အစိုးရက နှိမ်နင်း တိုက်ခိုက်သော နေ့တနေ့ ဖြစ်သည့်အတွက် ထိုနေ့တွင် သေဆုံး သွားသူများ၊ ထောင်ဒဏ် အပြစ်ပေးခံရသူများ အတွက်လည်း အာဇာနည်နေ့ပင် ဖြစ်ကြောင်း NLD ဗဟို အလုပ်အမှုဆောင် အဖွဲ့ဝင်ဟောင်း ဦးသန်းထွန်းက ပြောသည်။
“မြန်မာနိုင်ငံ လွတ်လပ်ရေးရအောင် ကြိုးပမ်းခဲ့တဲ့ ဗိုလ်ချုပ်အောင်ဆန်း အပါအ၀င် အာဇာနည် ကြီးတွေကို အလေးပြုရမယ့် နေ့ဖြစ်သလို၊ ဒီမိုကရေစီ အရေးတော်ပုံမှာ ပါဝင် တိုက်ပွဲဝင်ခဲ့ကြတဲ့ ရဟန်းရှင်လူ ကျောင်းသူ ကျောင်းသားတွေကိုလည်း အလေးပြုရမှာပါ” ဟု သူက ဆိုသည်။
ဦးတင်ဦးနေအိမ်တွင် ကျင်းပသော အာဇာနည်နေ့ ဟောပြောပွဲသို့ တက်ရောက် လာကြသည့် တိုင်းရင်းသား ခေါင်းဆောင်များ၊
ဒီမိုကရေစီ ခေါင်းဆောင်များနှင့် အမျိုးသား NLD အဖွဲ့ဝင် စုစုပေါင်း ၁၀၀ ကျော်ခန့် ရှိပြီး ဦးတင်ဦး နေအိမ်နှင့် အနီးတ၀ိုက် ရွှေတောင်ကြား၊ ဘောဂလမ်းအနီး တ၀ိုက်တွင် အရပ်ဝတ်ရဲများက တက်ရောက်သူများအား မှတ်တမ်း တင်လျက် ရှိသည်ကို တွေ့ရသည်။ ထို့ပြင် စွမ်းအားရှင်များ၊ ယူနီဖောင်းဝတ် လုံထိန်း ၃၀၀ ခန့်သည်လည်း ရဲကားများ၊ စစ်ကားများ၊ ဒိုင်နာ ကားများဖြင့် စောင့်ကြည့် လျက်ရှိကြောင်း တွေ့မြင်ရသည်။
ဗိုလ်ချုပ်အောင်ဆန်းနှင့်တကွ သခင်မြ၊ မိုင်းပွန်စော်ဘွားစ၀်စံထွန်း၊ မန်းဘခိုင်၊ ဦးဘချို၊ ဦးရာဇာတ်၊ ဦးဘ၀င်း၊ ဦးအုန်းမောင်၊ ရဲဘော်ကိုထွေး အာဇာနည်ခေါင်းဆောင် ၉ ဦးတို့သည် မြန်မာနိုင်ငံ လွတ်လပ်ရေး ရရန် ကြိုးပမ်းနေစဉ် ၁၉၄၇ ခုနှစ် ဇူလိုင်လ ၁၉ ရက်နေ့၊ နံနက် ၁၀ နာ၇ီ ၃၇ မိနစ်တွင် လုပ်ကြံ သတ်ဖြတ် ခံခဲ့ရသည်။
Ref: ဧရာဝတီ်
Tuesday, July 20, 2010
ဦးတင်ဦး နေအိမ်တွင် အာဇာနည်နေ့ အထိမ်းအမှတ် စကားဝိုင်း ကျင်းပ
မြန်မာရွေးကောက်ပွဲ လွတ်လပ်ပြီး တရားမျှတဖို့ အာဆီယံ တိုက်တွန်း
ဦးသားညွန့်ဦး
တနင်္လာ, 19 ဇူလိုင် 2010
အခုကျင်းပနေတဲ့ အာဆီယံ အရှေ့တောင်အာရှ နိုင်ငံများအသင်း နိုင်ငံခြားရေး ၀န်ကြီးများ အစည်းအဝေး အတွင်း လာမယ့် မြန်မာနိုင်ငံ ရွေးကောက်ပွဲကို လွတ်လပ်မျှတတဲ့ ရွေးကောက်ပွဲဖြစ်ဖို့ တွန်းအားပေး ပြောဆိုမှုတွေ ရှိနေပါတယ်။ မြန်မာနိုင်ငံအပေါ် အပြုသဘောဆောင် ချဉ်းကပ် ဆက်ဆံမယ် ဆိုတဲ့ အာဆီယံရဲ့ မူသဘောအတိုင်း တိုးတိုးတိတ်တိတ် ဖျောင်းဖျ ပြောဆိုဖွယ် ရှိတယ်လို့လည်း လေ့လာသူတွေက ခန့်မှန်းပါတယ်။ အပြည့်အစုံကို ကိုသားညွန့်ဦးက တင်ပြ ပေးထားပါတယ်။
အခု ဗီယက်နမ်နိုင်ငံ ဟနွိုင်းမြို့မှာ ကျင်းပနေတဲ့ အာဆီယံ အစည်းအဝေးအတွင်း ဒေသအတွင်းက မြောက်ကိုရီးယားနဲ့ မြန်မာ့အရေး ကိစ္စတွေကို ဆွေးနွေးဖွယ် ရှိပါတယ်။ မြောက်ကိုရီးယား နျူကလီးယား ကိစ္စနဲ့ တောင်ကိုရီးယား သင်္ဘော နှစ်မြုပ်ခံရတဲ့ အပေါ် အာဆီယံတွေ သဘောထား ထွက်လာစရာ ရှိသလို မြန်မာနိုင်ငံမှာ ဒီနှစ်ပြုလုပ်မယ့် ရွေးကောက်ပွဲနဲ့ ပတ်သက်လို့လည်း အာဆီယံရဲ့ တညီတည်း အသံကိုလည်း ညှိနှိုင်းဖွယ် ရှိတယ်လို့ ခန့်မှန်းကြပါတယ်။ လက်ရှိ အာဆီယံ အလှည့်ကျဥက္ကဋ္ဌ ဖြစ်နေတဲ့ ဗီယက်နမ်နိုင်ငံ နိုင်ငံခြားရေး ၀န်ကြီး ဖန်ယာကင်း (Phan Gia Khiem) ကတော့ မြန်မာ့ ရွေးကောက်ပွဲနဲ့ ပတ်သက်လို့ အခုလို ပြောပါတယ်။
“မြန်မာနိုင်ငံ ရွေးကောက်ပွဲဟာ လွတ်လပ်မျှတပြီး အားလုံးပါဝင်နိုင်တဲ့ ရွေးကောက်ပွဲ ဖြစ်လာဖို့ ကျနော်တို့ မျှော်လင့် ထားပါတယ်။”
ဗီယက်နမ်နိုင်ငံက အခုလို အပြုသဘော ပြောခဲ့ပေမဲ့ ရွေးကောက်ပွဲ မတိုင်ခင် အခုရှိနေတဲ့ နိုင်ငံရေး အခြေအနေအရ ဒါဟာ လွတ်လပ်မျှတမှု ရှိတဲ့ ရွေးကောက်ပွဲ ဖြစ်လာမှာ မဟုတ်ဘူးလို့ အနောက် နိုင်ငံကြီးတွေကတော့ မြန်မာ အစိုးရကို ဝေဖန်နေတာတွေ ရှိပါတယ်။ အာဆီယံ အသင်းထဲက နိုင်ငံတွေ အကြားမှာကို မြန်မာနဲ့ ပတ်သက်လို့ မတူညီတဲ့ သဘောထား အမျိုးမျိုး ရှိနေတာကြောင့် အာဆီယံ အတွင်းမှာ တိုးတိုးတိတ်တိတ် သဘောထား ညှိရမယ့် အခြေအနေ ရှိတယ်လို့ NCUB ပြည်ထောင်စု မြန်မာနိုင်ငံ အမျိုးသားကောင်စီ အထွေထွေ အတွင်းရေးမှူး ဦးမောင်မောင်က ပြောပါတယ်။
“ဖိလစ်ပိုင် နိုင်ငံခြားရေး ၀န်ကြီးက ပြီးခဲ့တဲ့လပိုင်းက ပြောထားတာ ရှိပါတယ်။ ဒီရွေးကောက်က အတုအယောင်ကြီး ဖြစ်တယ်လို့ ပြောထားတယ် ဆိုတော့ Lead လုပ်တဲ့ ဗီယက်နမ် အနေနဲ့ ပြောလိုက်ပေမဲ့ အာဆီယံ တခုလုံးက ဒီသဘောထား မရှိဘူး ဆိုတာတော့ ကျနော်တို့ နားလည်လို့ ရပါတယ်။”
အခု ၂၀၁၀ ရွေးကောက်ပွဲကလည်း မြန်မာနိုင်ငံရဲ့ နိုင်ငံရေးမှာ အလှည့် အပြောင်းလို ဖြစ်နေတဲ့ အခါကြတော့ အာဆီယံက တလျှောက်လုံး မြန်မာနိုင်ငံနဲ့ ပတ်သက်လို့ အပြုသဘော ချဉ်းကပ်မှု၊ ချဉ်းကပ်မှုနဲ့ ပြောနေတာ အခုအချိန်မှာရော တကယ် တခုခု ထိထိရောက်ရောက် ဘာပြောနိုင်မယ်လို့ ယူဆလဲခင်ဗျ။
“အခု ကျနော်မြင်တာကတော့ ဟိုးအရင်တုန်းက အာဆီယံ ၀င်ခါစမှာလည်း အာမခံခဲ့တယ်၊ ဒါပေမဲ့ ပြောင်းလဲမှု မလုပ်ခဲ့ဘူး။ ဒါပေမဲ့ နောက်ပိုင်းမှာ ယိုးဒယားနိုင်ငံက ဒေါက်တာ ဆူရင် ပစ်ဆူဝန် (Dr. Surin Pitsuwan) တို့ အာဆီယံ အတွင်းရေးမှူး ဖြစ်လာတဲ့ အချိန်မှာတော့ သူတို့ ပိုပြီးတော့ လက်တွေ့ကျတဲ့ သဘောထားတွေ ပြောလာတယ်။ တိုးတိုးတိတ်တိတ် ပြောလာတာတော့ ကျနော်တို့ သိတယ်။ အိမ်နီးချင်း နိုင်ငံဆိုတော့ အပြုသဘောတော့ ပြောနေရမှာပေါ့။ စစ်ထဖြစ်လို့တော့ မရဘူးပေါ့။
“သို့သော်လည်း Politically မှာ သူတို့ နောက်ကွယ်မှာ ပြောနေတဲ့ ကိစ္စတွေ အများကြီးရှိတယ်။ ဒီ့အပြင် နအဖက နျူကလီးယား လုပ်ဖို့ ကြိုးစားနေတဲ့ ကိစ္စကို အာဆီယံ အစိုးရတွေ တော်တော်လေး လန့်ပြီး သတိထားနေတယ် ဆိုတာတော့ ကျနော်တို့ သတိထားမိတယ်။”
အခု ၂၀၁၀ ရွေးကောက်ပွဲ ရလဒ်နဲ့ ပတ်သက်လို့ အထူးသဖြင့် အနောက်နိုင်ငံတွေ အမေရိကန်တို့၊ ဗြိတိန်တို့ကတော့ ပြတ်ပြတ် သားသား ပြောထားတာ ရှိပါတယ်။ ဒီအခြေအနေ အတိုင်းဆိုရင် အများလက်ခံနိုင်မယ့် ရွေးကောက်ပွဲရလဒ်၊ တရားဝင်မှုရှိမှာ မဟုတ်ဘူးလို့ သူတို့ ပြောနေတယ်။ ဒါပေမဲ့ အာဆီယံကတော့ အခုထက်ထိ မပြောသေးဘူး။ အဲတော့ အခု အခြေအနေအတိုင်း သွားမယ့် ရလဒ်နဲ့ ပတ်သက်လို့ရော အာဆီယံက ဘယ်လို သဘောထားမယ်လို့ ယူဆပါသလဲ။
“အိမ်နီးချင်းနိုင်ငံတွေက ပိုသိပါတယ်။ ပွင့်လင်းမှု ရှိသလား၊ အားလုံးကို တန်းတူရည်တူပေးပြီး နိုင်ငံရေး စည်းရုံးခွင့် ရှိသလားဆိုတဲ့ ကိစ္စတွေမှာ၊ အခု အောက်ခြေမှာ ဖြစ်နေတဲ့ အနေအထားပေါ့၊ ကြံ့ဖွံ့က ပြောင်းလာတဲ့ ပါတီက ဘယ်လောက်အထိ လုပ်ပိုင်ခွင့် ရှိသလဲ၊ လာပြီး မှတ်ပုံတင်တဲ့ ပါတီတွေတောင် ဘာမှ လုပ်ခွင့်မရှိဘူးဆိုတဲ့ အနေအထားကိုတော့ အိမ်နီးချင်းနိုင်ငံတွေ အားလုံး သိနေကြတယ်။ အမေရိကန်တို့၊ အင်္ဂလန်တို့လို အဝေးကြီးကနေ အကျယ်ကြီး အော်လို့ မရပေမဲ့ အနီးကပ်ပြီး ဖိအားပေးနေတယ် ဆိုတာတော့ ကျနော် ထပ်ပြီး ပြောချင်ပါတယ်။”
အခုလာမယ့် သောကြာနေ့ကျရင်တော့ ဥရောပနိုင်ငံတွေနဲ့ အမေရိကန် ပြည်ထောင်စုတို့ ပါဝင်တဲ့ အာဆီယံဒေသ လုံခြုံရေး အစည်းအဝေး (ARF) မှာလည်း မြန်မာကိစ္စကို နိုင်ငံခြားရေး ၀န်ကြီးတွေ ဆွေးနွေးကြမယ့် အလားအလာ ရှိပါတယ်။ ARF ပြီးရင် ထုတ်ပြန်မယ့် ပူးတွဲကြေညာချက် မူကြမ်း ဗီယက်နမ်နိုင်ငံက ပြုစုထားရာမှာတော့ မြန်မာနိုင်ငံ ရေရှည် တည်ငြိမ်ရေးနဲ့ အလားအလာ ကောင်းတွေအတွက် အခုလာမယ့် ရွေးကောက်ပွဲဟာ လွတ်လပ်မျှတပြီး အားလုံးပါဝင်နိုင်တဲ့ ရွေးကောက်ပွဲဖြစ်ဖို့ အရေးကြီးတယ် ဆိုတဲ့ အချက်ကို ထည့်သွင်းထားပါတယ်။ ဒါကြောင့် အခု အာဆီယံ အစည်းအဝေး ကာလ အတွင်းမှာတော့ မြန်မာ့ အရေးကိစ္စကို အိမ်နီးချင်း နိုင်ငံတွေဘက်က တစုံတရာတော့ တိုးတိုးတိတ်တိတ် ဖိအား ပေးကြလိမ့်မယ်လို့ ယူဆရပါတယ်။
Ref: VOA News
သျှမ်းပြည်မှ နိုင်ငံရေးပါတီ ၁၅ ခု ၀င်ရောက်ယှဉ်ပြိုင်ဖွယ်ရှိ
Friday, 16 July 2010
နအဖစစ်အုပ်စုဦးစီးကျင်းပမည့် ၂၀၁၀ ရွေးကောက်ပွဲ၌ သျှမ်းပြည် တ၀ှမ်းလုံးမှ နိုင်ငံရေးပါတီ ၁၅ ပါတီထက် မနည်း ၀င်ရောက် ယှဉ်ပြိုင်ရန် ရှိကြောင်း လက်ရှိ နောက်ဆုံး သတင်းများအရ စုံစမ်း သိရှိရပါသည်။
“အခုကျနော်တို့ သိရသလောက်ဆို ရှမ်းပြည် ဒေသခံ တိုင်းရင်းသားတွေကို ကိုယ်စားပြုတဲ့ ပါတီက ၁၀ ခု ရှိတယ်၊ အဲထဲက ကချင်ပါတီက မှတ်ပုံတင် မကျသေးဘူး။ နောက်ကျန်တဲ့ ပါတီတွေကတော့ သျှမ်းပြည်ထဲက မဟုတ်တဲ့/ တခြားက လာတဲ့ ပါတီတွေ ဖြစ်တယ်”- ဟု အမည်မဖေါ်လိုသည့် လားရှိုး ဒေသခံ တဦးက ပြောပါသည်။
သျှမ်းပြည်တွင်းမှမဟုတ်သော တခြားမှလာသည့် နိုင်ငံရေးပါတီများမှာ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ တိုင်းရင်းသား စည်းလုံးညီညွှတ် ရေးပါတီ၊ အမျိုးသား ဒီမိုကရက်တစ် အင်အားစု၊ ပြည်ထောင်စု ဒီမိုကရေစီပါတီ နှင့် ပြည်ထောင်စု အမျိုးသား နိုင်ငံရေးအဖွဲ့ချုပ်တို့ ဖြစ်သည်ဟု ဆို၏။
“ကြံ့ဖွတ်ပါတီက သန်းရွှေစစ်အုပ်စု ကျောထောက်နောက်ခံပြုတဲ့ ပါတီဖြစ်တယ်၊ လူအား ငွေအားနဲ့ အာဏာ အရှိဆုံးပါတီ -လုပ်ချင်တာ လုပ်နေတယ်၊ ပါတီဝင်တွေကို အဓမ္မ ခေါ်ယူတယ်၊ ရံပုံငွေဆိုလဲ တိုင်းပြည်ပိုက်ဆံကို တိုက်ရိုက် ယူသုံးတယ်လို့ ကြားတယ်။ တစည ပါတီကလဲ အဲဒီအတိုင်းဘဲ ကြံ့ဖွတ်လောက်တော့ ပေါ်ပေါ်ထင်ထင် မလုပ်ဘူး၊ သူ့ခေတ်က မဆလ ခေတ်ဆိုတော့ ခေတ်လွန် သွားပြီပေါ့နော်” - ဟု သျှမ်းပြည်တောင်ပိုင်းမှ အမျိုးသားရေး လှုပ်ရှားနေသူ တဦးက ပြောပါသည်။
ထို့ပြင်NLD ခွဲထွက် ဒေါက်တာသန်းငြိမ်း ဦးဆောင် အမျိုးသား ဒီမိုကရေစီ အင်အားစု၊ ပင်လုံညီလာခံ တက်ရောက်ခဲ့သူ ရပလ အဖွဲ့အ၀င် ၀ါရင့် သျှမ်းနိုင်ငံရေးသမားကြီး (အသက် ၈၀ ကျော်) ဦးရွှေအုန်း (ကင်ဆာရောဂါ ခံစားနေရသူ၊ ကျန်းမာရေး အခြေအနေအရ နယ်လှည့် ခရီးထွက် ခြင်းရပ်နားထားရ) ဦးဆောင်သည့် ပြည်ထောင်စု ဒီမိုကရေစီ ပါတီဖြစ်ပြီး ပြည်ထောင်စု အမျိုးသား နိုင်ငံရေး အဖွဲ့ချုပ်မှာမူ နအဖ စစ်အုပ်စု နှင့် နီးစပ်သူဟု နာမည်ကျော်သည့် (၈၈ ကျောင်းသားနာမည်ခံ) အေးလွင် က ဦးဆောင်ကြောင်း ကြားသိရပါသည်။
“အဲဒီ အေးလွင်ဆိုတဲ့ ပုဂ္ဂိုလ်က ဦးခွန်ထွန်းဦး နဲ့ သျှမ်းခေါင်းဆောင် အဖမ်းမခံရခင် ၂၀၀၅ နှစ်ဆန်းပိုင်း သျှမ်းပြည် အတိုင်အပင်ခံ ကောင်စီဖွဲ့ဖို့ အစည်းအဝေးမှာ သူက ဗွီဒီယိုနဲ့ ဓါတ်ပုံ ကင်မရာမင်း၊ နအဖကို အစီရင်ခံ သတင်းပို့တာ သူပဲလို့ အများက ယူဆထားတယ်၊ အခု သျှမ်းပြည်မှာ လာရောက် ယှဉ်ပြိုင်မှာကလဲ သူကိုယ်တိုင် ဦးဆောင်မယ်လို့ သတင်းကြားထားတယ်” - ဟု တောင်ကြီးသား တဦးက ပြောပါသည်။
သျှမ်းပြည်တိုင်းရင်းသားများအား ကိုယ်စားပြုသည့် တိုင်းရင်းသားနိုင်ငံရေး ပါတီများမှာ -- Inn National Development Party (INDP) အင်း အမျိုးသား တိုးတက်ရေးပါတီ၊/ Kayan National Party (KDP)ကယန်း အမျိုးသားပါတီ၊ Ko Kang Democracy and Unity Party (KDUP) ကိုးကန့် ဒီမိုကရေစီနှင့် ညီညွှတ်ရေးပါတီ၊Pa-O National Party (PNO) ပအိုဝ်း အမျိုးသားအဖွဲ့ချုပ်၊ Taaung (Palaung) National Party (PNP) တအောင်း(ပလောင်) အမျိုးသားပါတီ၊ Shan National Democratic Party (SNDP) သျှမ်း တိုင်းရင်းသားများ ဒီမိုကရက်တစ် ပါတီ(ကျားဖြူပါတီ)၊Wa Democratic Party (WDP) ၀ ဒီမိုကရက်တစ်ပါတီ၊ Wa National Union Party (WNUP) ၀ အမျိုးသား ညီညွတ်ရေး ပါတီနှင့် ခွင့်ပြုမိန့်မကျသေးသည့် Northern Shan State Development Party (NSSPP) သျှမ်းပြည်မြောက်ပိုင်း ဖွံ့ဖြိုး တိုးတက်ရေးပါတီ (သျှမ်းပြည်မြောက်ပိုင်း ကချင်ပါတီ) တို့ဖြစ်သည်။
Ref: သျှမ်းသံတော်ဆင့်
ဝ တပ်သားတစ်ဦး သေဆုံးသွားသော ပစ်ခတ်မှုသည် နအဖ စစ်တပ်က သွေးတိုး စမ်းနေခြင်းလော
Monday, 19 July 2010
မြန်မာစစ်တပ်နှင့် ငြိမ်းချမ်းရေးယူထားသော ၀ ပြည်သွေးစည်းညီညွတ်ရေး ပါတီ (UWSA) ထိန်းချုပ် နယ်မြေအနီး သျှမ်းပြည် (မြောက်ပိုင်း) ဟိုပန်မြို့နယ် ပလောင် စံပြကျေးရွာတွင် မြန်မာ စစ်တပ်နှင့် ၀တပ်ဖွဲ့တို့ ဇူလိုင်လ ၁၇ ရက်နေ့ နံနက် ၁၀ နာရီ ကျော်ခန့်က ပစ်ခတ်မှု ဖြစ်ပွားခဲ့ရာ ၀ တပ်ဖွဲ့မှ တပ်သားတစ်ဦး ကျဆုံးသွားကြောင်း သိရသည်။
မြန်မာစစ်တပ်၏ တပ်မ ၉၉ လက်အောက်ခံ ခမရ ၁၀၉ တပ်ရင်းမှ အင်အား ၃၀ ကျော်ခန့်ပါသော စစ်ကြောင်းနှင့် ၀ တပ်သား ၄ ဦးတို့ ပလောင် စံပြရွာအတွင်း အချင်းများပြီး ပစ်ခတ်ကြခြင်း ဖြစ်သည်။
ထိုနေ့က ၎င်းရွာအနီးရှိ နမ့်တိန်း ၀ တပ်စခန်းမှ ၀ တပ်သား ၄ ဦးသည် ရွာအတွင်းသို့ ၀င်လာစဉ် မြန်မာစစ်တပ်နှင့် ထိပ်တိုက် တိုးမိ၍ နှစ်ဘက် စကားများကြပြီး ၀ တပ်သားတစ်ဦးက သေနတ်မိုးပေါ် ပစ်ဖေါက်ခဲ့ရာ မြန်မာစစ်တပ်က ပြန်လည် ပစ်ခတ် သဖြင့် အဆိုပါ ၀ တပ်သားတစ်ဦး သေဆုံးရခြင်း ဖြစ်ကြောင်း ၀ တပ်ဖွဲ့နှင့် နီးစပ်သူက သျှမ်းသံတော်ဆင့်သို့ ပြောသည်။
“စကားများတော့ ဒေါသထွက်ပြီး ကျနော်တို့ဆီက တစ်ယောက် သေနတ် မိုးပေါ်ထောင်ပစ်တာ ဗမာတပ်က ပြန်ပစ်တော့ အဲဒီ တစ်ယောက် ကျသွားတယ် နှစ်ဘက်စလုံး နေရာယူကြတာပေါ့ သေနတ် ၄/၅ ချက်လောက် ပစ်ပြီး ချက်ခြင်း ပြန်ဆုတ် သွားတယ်။ ကိုယ့်ဘက်က ၄ ယောက်တည်း ဆိုတော့ လိုက်ပစ်ရလို့လည်း မရဘူး ဗမာတပ်ကတော့ လက်နက်ကြီးတွေ အပြည့်အစုံ ပါတယ် ” ဟု သူက ပြောသည်။
နှစ်ဘက်ပစ်ခတ်မှု ဖြစ်ပွားချိန်သည် ၀ တပ်ဖွဲ့ခေါင်းဆောင်များ ၄င်းတို့ ဋ္ဌာနချုပ်ရှိရာ ပန်ဆန်းမြို့၌ အစည်းအဝေး တက်ရောက် နေချိန်နှင့် တိုက်ဆိုင်နေသဖြင့် မြန်မာစစ်တပ်၏ သွေးတိုးစမ်းမှု ဖြစ်ဖွယ်ရှိကြောင်း တရုတ်နယ်စပ်ရှိ စစ်ရေး နိုင်ငံရေး လေ့လာသူ ဦးအောင်ကျော်ဇောက ဆိုသည်။
“၀ တပ်က ဇူလိုင် ၁၅ ရက်နေ့ကနေ ၂၀ ရက်နေ့အထိ မြို့နယ်အထက် ကေဒါတွေ တပ်ရင်း ကေဒါတွေ အားလုံး လူပေါင်း ၁၀၀၀ ကျော်လောက် အစည်းအဝေးက ပန်ဆန်းမှာ လုပ်နေတယ် နောက်တစ်ခုက ဒီတစ်လ အတွင်းမှာ ၉၉ တပ်မက တပ်တွေ ၀ နယ် မျက်နှာစာမှာ အရမ်း လှုပ်ရှားလာတယ် လူကြီးတွေ မရှိတဲ့အချိန် ၀င်လာ သလားပေါ့ သွေးထိုးများ စမ်းသလားပေါ့ ” ဟု သူက ဆိုသည်။
နယ်မြေချင်းထိစပ်နေသောကြောင့် မြန်မာစစ်တပ်နှင့် ၀ တပ်ဖွဲ့တို့အကြား အောက်ခြေတပ်သားများ မကြာခဏ စကားများသည့် ဖြစ်ရပ်များ ရှိဖူးသော်လည်း ယခု သွေးထွက်သံယို ဖြစ်ပွားမှုသည် ပထမအကြိမ် လူသိရှင်ကြား ထွက်ပေါ်လာခြင်း ဖြစ်ကြောင်း သူက ဆက်ပြောသည်။
လွန်ခဲ့သည့်နှစ် သြဂုတ်လပိုင်းက ကိုးကန့်တပ်ဖွဲ့အား မြန်မာစစ်တပ်က ထိုးစစ်ဆင် တိုက်ခိုက်ခဲ့အပြီး ၀တပ်ဖွဲ့ နယ်မြေနှင့် ထိစပ်နေသော ကွမ်းလုံ၊ ဟိုပန်မြို့ အနီးတစ်ဝိုက်တွင် မိထ္ထီလာမြို့ အခြေဆိုက် တပ်မ ၉၉ က တပ်စွဲ လှုပ်ရှားနေခြင်း ဖြစ်သည်။
နအဖက နယ်စပ်ဒေသများရှိ အပစ်ရပ် တိုင်းရင်းသားလက်နက်ကိုင် အဖွဲ့များအား နယ်ခြားစောင့်တပ် အသွင်ပြောင်းဖွဲ့ စည်းရန် လွန်ခဲ့သည့်နှစ် ဧပြီလကတည်းက အဆိုပြုထားပြီး ၎င်းအဆိုပြုချက် ငြင်းဆန်နေဆဲ လက်နက်ကိုင် အဖွဲ့များတွင် ၀ ပြည် သွေးစည်း ညီညွတ်ရေး ပါတီလည်း ပါဝင်သည်။
Ref: သျှမ်းသံတော်ဆင့်
ဗိုလ်ချုပ်မှူးကြီးသန်းရွှေ ဒုတိယအကြိမ် အိန္ဒိယနိုင်ငံသို့ သွားမည်
ဇာနည်မာန်
Monday, July 19, 2010
ဗိုလ်ချုပ်မှူးကြီး သန်းရွှေသည် လာမည့် ဇူလိုင် ၂၅ ရက်နေ့မှ ၂၉ အထိ အိမ်နီးချင်း အိန္ဒိယနိုင်ငံသို့ ဒုတိယ အကြိမ်အဖြစ် သွားရောက်မည် ဖြစ်ကြောင်း သတင်းရရှိသည်။
အိန္ဒိယ နိုင်ငံခြားရေး ၀န်ကြီးဌာန သတင်း ရပ်ကွက်၏ အဆိုအရ ဗိုလ်ချုပ်မှူးကြီးသည် မြတ်စွာဘုရား ပွင့်တော်မူရာ ဗုဒ္ဓဂယာနှင့် ပရိနိဗ္ဗာန် ပြုတော်မူရာ ကုသိနာရုံသို့ ပထမဆုံး သွားရောက်ပြီးမှ နယူးဒေလီမြို့တွင် အိန္ဒိယ သမ္မတ ပရာတီဘာ ပတေးလ်၊ ၀န်ကြီးချုပ် မာမိုဟမ်ဆင်းတို့နှင့် တွေ့ဆုံ၍ ဟိုက်ဒြာဘက်ရှိ ဆေးဝါး ထုတ်လုပ်ရေး လုပ်ငန်းများ၏ နည်းပညာများကို သွားရောက် လေ့လာမည်ဟု သိရသည်။
“ဒါက နှစ်နိုင်ငံ အိမ်နီးချင်း အစိုးရချင်း ဆက်ဆံရေး တိုးမြှင့်ဖို့ လာတွေ့ တာပါပဲ။ အာဖဂန်၊ သီရိလင်္ကာနဲ့ နီပေါက သမ္မတ တွေလည်း ဒီလိုပဲ လာကြ တာပဲလေ” ဟု အိန္ဒိယ နိုင်ငံခြားရေး ၀န်ကြီးဌာနမှ အရာရှိ တဦးက ဧရာဝတီသို့ ပြောသည်။
နှစ်နိုင်ငံ အစိုးရ ထိပ်တန်းခေါင်းဆောင်များ တွေ့ဆုံချိန်အတွင်း နှစ်နိုင်ငံ ကုန်သွယ်မှုများ၊ စီးပွားကူးသန်းမှု ဆိုင်ရာ နားလည်မှု စာချွန်လွှာများ ချုပ်ဆိုရန်ရှိပြီး၊ နည်းပညာ အကူအညီများ ဖလှယ်ရေး၊ နှစ်နိုင်ငံ နယ်စပ် ပြဿနာများနှင့် နယ်စပ်ဒေသမှ အိန္ဒိယ ခွဲထွက်ရေး သူပုန်များ ကိစ္စတို့ကို ဆွေးနွေး လိမ့်မည်ဟု အဆိုပါ အရာရှိက ဆိုသည်။
ဗိုလ်ချုပ်မှူးကြီးသန်းရွှေ၏ ခရီးစဉ် အသေးစိတ် အစီအစဉ်များ နယူးဒေလီရှိ မြန်မာသံရုံးသို့ ညွှန်ကြားစာ အဖြစ် ရောက်ရှိနေပြီ ဖြစ်သောကြောင့် လုံခြုံရေးများလည်း စနစ်တကျ စီမံထားပြီး ဖြစ်ကြောင်း သံရုံး အသိုင်းအဝန်းက အတည်ပြု ပြောဆိုသည်။ သို့ရာတွင် အသေးစိတ် ပြောပြရန်ကိုမူ ငြင်းဆိုသည်။
လက်ရှိအခြေအနေတွင် အိန္ဒိယကို ကုလသမဂ္ဂနှင့် အမေရိကန်နိုင်ငံတို့က မြန်မာ့ ဒီမိုကရေစီရေးကို ထဲထဲဝင်ဝင် လုပ်ကိုင်ရန် တိုက်တွန်းမှုများ ရှိနေသော်လည်း ဗိုလ်ချုပ်မှူးကြီး သန်းရွှေ၏ ခရီးစဉ်သည် ဒီမိုကရေစီရေး အတွက် တစုံတရာ ထိရောက်မှု ရှိလိမ့်မည် မဟုတ်ဟု အိန္ဒိယရောက် မြန်မာ့ ဒီမိုကရေစီရေး လှုပ်ရှားသူများက မှတ်ချက်ပြုသည်။
“အိန္ဒိယက ပြီးခဲ့တဲ့ရက်တွေတုန်းက ပါကစ္စတန်နဲ့ ဆွေးနွေးပွဲကလည်း ပျက်ပြားသွားတော့ သူ့ရဲ့အရှေ့ဘက် နယ်စပ်ကိုလည်း အေးချမ်း စေချင်တယ်လို့ ယူဆတယ်။ ပြည်သူတွေ မျှော်လင့်နေတဲ့ အပြောင်းအလဲ ကိုတော့ အိန္ဒိယက ဗိုလ်ချုပ်မှူးကြီး သန်းရွှေကို တိုက်တွန်းလိမ့်မယ်လို့ မမျှော်လင့်ဘူး” ဟု အိန္ဒိယ အခြေစိုက် NCGUB ၀န်ကြီး ဒေါက်တာ တင့်ဆွေက ပြောသည်။
ခရီးစဉ်အပြီးတွင် စီးပွားရေးအရ နှစ်နိုင်ငံဆက်ဆံမှု တိုးမြင့်မှုများနောက်တွင် တာတာ ကုမ္ပဏီ ကဲ့သို့ အိန္ဒိယ စီးပွားရေး ကုမ္ပဏီ ကြီးများက မြန်မာနိုင်ငံတွင်း ရင်းနှီး မြှုပ်နှံမှုများ ပိုမို လုပ်လာမည် ဖြစ်သော်လည်း စီးပွားရေး တိုးတက်မှုများ၏ အကျိုးအမြတ်ကိုမူ ပြည်သူလူထုက ခံစားရမည် မဟုတ်ကြောင်း သူက သုံးသပ်သည်။
ဗိုလ်ချုပ်မှူးကြီး၏ ယခုအကြိမ် အိန္ဒိယသို့ လာရောက်မှုသည် ၆ နှစ်တာကာလအတွင်း ဒုတိယ အကြိမ်ဖြစ်သည်။ ပြီးခဲ့သည့် ၂၀၀၄ ခုနှစ် အောက်တိုဘာလ အတွင်း ပထမဆုံးအကြိမ် လာရောက်စဉ်က သူနှင့်အတူ စွမ်းအင် ၀န်ကြီးဌာန၊ သယ်ယူ ပို့ဆောင်ရေး ၀န်ကြီးဌာနတို့မှ ၀န်ကြီးများလည်း ပါဝင်ခဲ့ပြီး နှစ်နိုင်ငံ စီးပွားရေး ကူးသန်း ရောင်းဝယ်မှု စာချုပ်များ ချုပ်ဆိုခဲ့သည်။ ထို့အတူ စွမ်းအင်နှင့် ပတ်သက်၍ နှစ်နိုင်ငံ နည်းပညာ ထောက်ပံ့ကူညီမှုများ ပြုရန် ဆွေးနွေး ခဲ့ကြသည်။
နှစ်နိုင်ငံ အစိုးရချင်း ဆက်ဆံရေး တိုးမြှင့်လာမှုနောက်တွင် အိန္ဒိယ နိုင်ငံမှ စီးပွားရေး လုပ်ငန်းကြီးဖြစ်သော တာတာ ကုမ္ပဏီကဲ့သို့ စီးပွားရေး လုပ်ငန်းစုများက မြန်မာနိုင်ငံတွင် ရင်းနှီး မြုပ်နှံမှုများ ပြုလုပ် လာကြသည်။
တာတာလုပ်ငန်းစုကြီးမှ တာတာ ကုန်တင်ကားထုတ်လုပ်မှုစက်ရုံကို မြန်မာနိုင်ငံတွင် တည်ထောင်ရန် ၂၀၀၉ ခုနှစ်အတွင်းက စာချုပ် ချုပ်ဆိုခဲ့ပြီး၊ Essar ကုမ္ပဏီကလည်း ကုလားတန် စီမံကိန်း အမည်ဖြင့် ရခိုင်ကမ်းရိုးတန်း စစ်တွေတွင် ပင်လယ်ကူး သင်္ဘောဆိပ်ကမ်း ဆောက်လုပ်ခွင့်၊ စီမံဆောင်ရွက်ခွင့်၊ အသုံးပြုခွင့်တို့ ရရှိထားကြောင်း အိန္ဒိယ စီးပွားရေး သတင်းများက ဆိုသည်။
ထို့အတူ ချင်းတွင်းမြစ်ပေါ်တွင် တည်ဆောက်မည့် ထမံသီ ရေကာတာတွင်လည်း နည်းပညာနှင့် ပစ္စည်း အကူအညီပေးရန် အိန္ဒိယ အစိုးရက သဘောတူညီထားသည်။
ကမ္ဘာ့အင်အားအကြီးဆုံး ဒီမိုကရေစီနိုင်ငံဖြစ်သော အိန္ဒိယ နိုင်ငံသည် မြန်မာ့ဒီမိုကရေစီရေးကို ထောက်ခံ အားပေးမှုများ ရှိခဲ့သော်လည်း ၁၉၉၀ နောက်ပိုင်း အရှေ့မျှော်ဝါဒ ကျင့်သုံးချိန်မှ စ၍ မြန်မာ စစ်အစိုးရနှင့် ပူးပေါင်း၍ နယ်စပ် ဒေသများရှိ ခွဲထွက်ရေး သူပုန် စစ်ဆင်ရေးများ၊ စီးပွားရေးနှင့် ကူးသန်း ရောင်းဝယ်မှု တိုးမြှင့် လုပ်ဆောင်ခြင်းများ၊ စစ်အစိုးရအား လက်နက်နှင့် နည်းပညာ ထောက်ပံ့မှုများ ပြုလုပ်ခဲ့သည်။
Ref: ဧရာဝတီ်
အာဇာနည်ဗိမာန်တွင် နိုင်ငံရေးပါတီများ ဂါရဝပြု
တနင်္လာနေ့၊ ဇူလိုင်လ ၁၉ ရက် ၂၀၁၀
ရန်ကုန် (မဇ္ဈိမ) ။ ။ ၂ဝ၁ဝ ရွေးကောက်ပွဲဝင်မည့် နိုင်ငံရေးပါတီ ၁၈ ပါတီက ၆၃ နှစ်မြောက် အာဇာနည်နေ့ အခမ်းအနား ကျင်းပရာ ရန်ကုန်တိုင်း ဗဟန်းမြို့နယ်ရှိ အာဇာနည် ဗိမာန်သို့ ယနေ့ သွားရောက် ဂါရဝ ပြုခဲ့ကြသည်။
ထိုအထဲတွင် နိုင်ငံရေးသမားကြီး ဦးသုဝေ ဥက္ကဋ္ဌအဖြစ် ခေါင်းဆောင်သည့် ဒီမိုကရက်တစ် ပါတီ (မြန်မာ)၊ ဦးဖြိုးမင်းသိန်း ဦးဆောင်သည့် ပြည်ထောင်စု ဒီမိုကရေစီပါတီ၊ ဒေါက်တာသန်းငြိမ်း၏ အမျိုးသား ဒီမိုကရေစီ အင်အားစုပါတီ (NDF) နှင့် စာရေးဆရာ ဝေမှူးသွင် အတွင်းရေးမှူး တာဝန်ယူသည့် မြန်မာ့ဒီမိုကရေစီ ကွန်ကရက်၊ ၈၈ မျိုးဆက် ကျောင်းသားလူငယ်များ (ပြည်ထောင်စု မြန်မာနိုင်ငံ)၊ ပြည်ထောင်စု မြန်မာနိုင်ငံ အမျိုးသား နိုင်ငံရေးအဖွဲ့ချုပ်၊ တိုင်းရင်းသား စည်းလုံးညီညွတ်ရေးပါတီ (တစည)၊ ကြံ့ခိုင်ဖွံ့ဖြိုးရေးပါတီ၊ မတူကွဲပြားခြင်းနှင့် ငြိမ်းချမ်းရေးပါတီလည်း ပါဝင်သည်။
ယခုလ ၁၄ ရက်နေ့တွင် ရန်ကုန်တိုင်း ရွေးကောက်ပွဲ ကော်မရှင်က ရန်ကုန်ရှိ မှတ်ပုံတင်ကျပြီး နိုင်ငံရေးပါတီ ၂၁ ပါတီကို ခေါ်ယူတွေ့ဆုံကာ အာဇာနည်နေ့ အခမ်းအနားသို့ တပါတီလျှင် ၇ ဦးကျနှုန်းဖြင့် လာရောက်နိုင်ပြီး တရက်ကြိုတင် စာရင်းပြရန် လိုအပ်ကြောင်း ပြောဆိုခဲ့သည်။
ထို့အပြင် ပါတီများတွင် သတ်မှတ် ဝတ်စုံရှိလျှင် ဝတ်ဆင်ရန်၊ အလေးပြုမယ့် ပန်းခွေ၊ ပန်းခြင်းများကို မြိုင်ကြီးငူ ဓမ္မာရုံ၌ တရက်ကြိုတင် အပ်နှံရန်တို့ အပြင် ပါတီများ အနေဖြင့် မိမိတို့ကားများတွင် ပါတီအလံ၊ ဆိုင်းဘုတ်များကို တပ်ဆင်ခွင့် ပြုကြောင်းနှင့် တက်ရောက်လာသည့် ပါတီများမှ ပုဂ္ဂိုလ်များကို ရွှေတိဂုံ စေတီတော် မြောက်ဘက်မုဒ်ရှိ ပခုက္ကူဓမ္မာရုံတွင် နံနက်စာဖြင့် ဧည့်ခံမည်ဟုပါ ဆိုခဲ့သည်။
သို့သော် ရွေးကောက်ပွဲကော်မရှင်က ယမန်နေ့တွင် ရုတ်တရက် အစီအစဉ် ပြောင်းလဲ ခဲ့သဖြင့် ကိုယ်စားလှယ်များ အခက်အခဲ ကြုံတွေ့ရသည်။ အချို့ပါတီများက ယခင်အစီအစဉ် အတိုင်း ထင်မှတ်ပြီး ရွှေတိဂုံ အရှေ့မုဒ်တွင် စုဝေးခဲ့သော်လည်း အာဇာနည် အခမ်းအနား ပြီးဆုံးချိန် နံနက် ၁ဝ နာရီကျမှ မိမိအစီအစဉ် ဖြင့်သာ အကန့်အသတ် မရှိ လာရောက်ကြရန် ရွေးကောက်ပွဲ ကော်မရှင်ရုံးက တယ်လီဖုန်းဖြင့် ဆက်သွယ် အကြောင်းကြားခဲ့သည်။
‘’ပြောထားတာက တမျိုး၊ အခု တက်ရတာက တမျိုး၊ အာဇာနည်နေ့ အခမ်းအနားကို တက်ရတာ ဖြစ်တဲ့ အတွက်သာ ဘာမှ မပြောကြတာဘဲ ရှိလိမ့်မယ်။ အစီအစဉ်ကို ခုတမျိုး ခုတမျိုး ပြောင်းနေတာကတော့ အပြောနဲ့ လက်တွေ့ မညီဘူးဆိုတာ ဖော်ပြတာပဲ’’ ဟု မတူကွဲပြားခြင်းနှင့် ငြိမ်းချမ်းရေး ပါတီမှ ကြည့်မြင်တိုင်မြို့နယ် မဲဆန္ဒနယ် ကိုယ်စားလှယ်လောင်း အဖြစ် လျာထားသူ ကိုအောင်မြင့်ဦးက ပြောသည်။
ပြည်ထောင်စု ဒီမိုကရေစီပါတီ ဥက္ကဋ္ဌ ဦးဖြိုးမင်းသိမ်းက ’’ကျနော် တွေးတာက တခုခုကြောင့်လား ပေါ့ဗျာ။ အခုလာတော့ ၁ဝ နာရီမှာ အာဇာနည်တွေကို သွားပြီးတော့ အလေးပြုရမယ်တဲ့။ စောင့်နေရတာပေါ့။ ရွှေတိဂုံ အရှေ့မုဒ်မှာ စုနေကြတာ အများကြီး။ အခက်အခဲကတော့ ရှိတာပေါ့ဗျာ’’ ဟု ပြောသည်။
လုံခြုံရေးစိစစ်မှုအဖြစ် အာဇာနည်ကုန်းသို့ အလံများ၊ ဆိုင်းဘုတ်များ ကိုင်ဆောင်ခွင့် မပြုသလို၊ လက်ကိုင်ဖုန်းနှင့် ဘောပင်များကိုပါ ယူဆောင်ခွင့်မပြုဘဲ ပန်းခွေ၊ ပန်းခြင်းတို့ကိုသာ ခွင့်ပြုခဲ့သည်။
၂ဝ၁ဝ ရွေးကောက်ပွဲကို သပိတ်မှောက်ထာသော အဓိက အတိုက်အခံ အဖွဲ့ကြီးဖြစ်သည့် ၁၉၉ဝ ခုနှစ် ရွေးကောက်ပွဲ အနိုင်ရ အမျိုးသား ဒီမိုကရေစီ အဖွဲ့ချုပ် NLD မှ လူငယ် ဖော်ဆောင်ရေး အဖွဲ့ဝင် ကိုမြင့်ဋ္ဌေး၊ ကိုအောင်စိုး၊ ကိုဘမော်နှင့် ကိုမျိုးညွန့်တို့ ဦးဆောင်သည့် ပါတီဝင် လူငယ် ၈ဝ ခန့်လည်း အာဇာနည် ဗိမာန်သို့ ယနေ့ သွားရောက် ဂါရဝ ပြုခဲ့ကြသည်။
“ကျနော်တို့က ဗိုလ်ချုပ်အောင်ဆန်း ဓာတ်ပုံပါတဲ့ တီရှပ်အင်္ကျီကို ဝတ်ထားတယ်။ တီရှပ်အင်္ကျီမှာ ရေးထား တာက တပ်မတော်၏ ဖခင်ကြီး ဗိုလ်ချုပ် အောင်ဆန်းဆိုတာ ပါတယ်။ အဲဒီ တီရှပ်အင်္ကျီကို ဝတ်ပြီး ဝင်လို့ မရပါဘူး။ ချွတ်ပြီးတော့ ဝင်လို့ရှိရင် ဝင်ခွင့်ပေးမယ်လို့ ပြောတော့၊ ကျနော်တို့က တီရှပ် အင်္ကျီတွေကို ချွတ်ပြီးတော့ ဝင်ပြီး အလေးပြုခဲ့တယ်” ဟု အဖွဲ့ချုပ် လူငယ် ဖော်ဆောင်ရေး တာဝန်ခံ (၁) ကိုမျိုးညွန့်က ပြောသည်။
NLD လူငယ်များသည် ပါတီဒုဥက္ကဋ္ဌ ဦးတင်ဦး၏ ဗဟန်းမြို့နယ်ရှိ နေအိမ်တွင် ယနေ့နံနက် ၉ နာရီမှ ၁၂ နာရီအထိ ကျင်းပသည့် အာဇာနည်နေ့ အခမ်းအနားသို့ တက်ရောက်ပြီးနောက် အာဇာနည် ဗိမာန်သို့ သွားရောက် ဂါရဝပြုခြင်း ဖြစ်သည်။
ဒုဥက္ကဋ္ဌ နေအိမ်တွင် ကျင်းပသည့် အာဇာနည်နေ့ အခမ်းအနားတွင် ဝါရင့်နိုင်ငံရေးသမားကြီးများ၊ လွှတ်တော်ကိုယ်စားပြု ကော်မတီ CRPP အဖွဲ့ဝင်များ၊ တိုင်းရင်းသား ခေါင်းဆောင်များ၊ NLD အဖွဲ့ဝင်များ စုစုပေါင်း လူဦးရေ ၅ဝဝ ခန့် တက်ရောက်ခဲ့သည်။
ဝါရင့်နိုင်ငံရေးသမားကြီးများဖြစ်သည့် သခင်ချန်ထွန်းနှင့် ဦးအုန်းမောင်၊ NLD ခေါင်းဆောင် ဦးတင်ဦးနှင့် ဦးသန်းထွန်းတို့က ဗိုလ်ချုပ်အောင်ဆန်းနှင့် အာဇာနည် ခေါင်းဆောင်ကြီးများ အကြောင်းကို ဟောပြော ခဲ့ကြသည်။
ထို့ပြင် NLD ပါတီခေါင်းဆောင်တဦးဖြစ်သူ ဦးဝင်းတင်က အာဇာနည်ခေါင်းဆောင်များကို လုပ်ကြံရာတွင် ပါဝင်ခဲ့သော ဂဠုန်ဦးစော၏တပည့် စိန်ကြီးကို ဥပမာပေးကာ လူငယ်များကို ဆုံးမသြဝါဒပေးခဲ့ကြောင်း ပါတီဝင် အမျိုးသမီးတဦးက ပြောသည်။
သူက “လူငယ်တွေဟာ ဘယ်လောက်ပဲ ကိုယ့်ခေါင်းဆောင်ပေါ်တွင် ကြည်ညိုလေးစား၊ ယုံကြည်ပါစေ ဘေးကလူတွေ သွေးထိုး ပြောဆိုတဲ့ အခါ မှားယွင်းပြီးတော့ မိမိခေါင်းဆောင်ကို ပြန်သတ်တဲ့ အဖြစ်မျိုး၊ ကိုယ်အဖွဲ့အစည်းကို ကိုယ်ဖျက်ဆီးတဲ့ အဖြစ်မျိုး ရောက်နိုင်တယ်။ လူငယ်တွေအနေနဲ့ တခြား အဖွဲ့အစည်းက မဟုတ်မမှန် ဝါဒဖြန့်ချိပြီးတော့ သိမ်းသွင်းတာ မခံရအောင် ကြိုးစားဖို့ လိုတယ်။ လူငယ်တွေအနေနဲ့ လမ်းမှားရောက်ဖို့ လွယ်ကူကြောင်း အန်ကယ် ဦးဝင်းတင်က ဥပမာပေး ဆုံးမခဲ့သေးတယ်” ဟု ပြောသည်။
ဗိုလ်ချုပ်အောင်ဆန်း၊ သခင်မြ၊ မန်းဘခိုင်၊ မိုင်းပွန်စော်ဘွားကြီး စပ်စံထွန်း၊ ဦးရာဇာတ်၊ ဒီးဒုတ် ဦးဘချို၊ ဦးဘဝင်း၊ ဦးအုန်းမောင်၊ ရဲဘော် ကိုထွေးစသည့် အာဇာနည် ခေါင်းဆောင်ကြီး ၉ ဦးတို့သည် ၁၉၄၇ ခုနှစ် ဇူလိုင်လ ၁၉ ရက်နေ့တွင် ရန်ကုန်မြို့ အတွင်းဝန်များ ရုံး၌ အစည်းအဝေး ပြုလုပ်နေစဉ် ဂဠုန်ဦးစော၏ တပည့်များက လုပ်ကြံသဖြင့် ကျဆုံး ခဲ့ရသည်။
Ref: မဇ္ဈိမ
(၆၃) ကြိမ်မြောက်အာဇာနည်နေ့ သတင်းယူခွင့် ကန့်သတ်ခံရ
မျိုးချစ်သူ
၁၉ ဇူလိုင် ၂၀၁၀
ရန်ကုန်မြို့ ဗဟန်းမြို့နယ်ရှိ အာဇာနည်ဗိမာန်တွင် ယနေ့ကျင်းပသော (၆၃) နှစ်မြောက် အာဇာနည်နေ့၌ ပြည်တွင်း သတင်းထောက်များ၊ နိုင်ငံခြား သတင်းထောက်များကို ကန့်သတ်မှုများ ပြုလုပ်ခဲ့ကြောင်း ပြည်တွင်း အခြေစိုက် မီဒီယာများမှ သိရသည်။
ပြည်တွင်းသတင်းဂျာနယ်တခုမှ သတင်းထောက်တဦးက “ကျနော်တို့ အာဇာနည်နေ့ တက်ချင်ပေမယ့် တက်ခွင့် မရဘူးဗျ၊ သူတို့က ကန့်သတ် ထားတာတဲ့၊ မနှစ်က အတိုင်းပဲ လူတွေကို ခေါ်တာတဲ့။ ကျနော်တို့ မီဒီယာတွေ ကတော့ အာဇာနည်နေ့ကို တက်ရောက် သတင်းယူချင် ကြတာပဲလေ” ဟု ပြောသည်။
ယခုနှစ်တွင် ပြည်တွင်းသတင်းထောက်များကို (၁၀) ဦးသာ ဖိတ်ကြားခဲ့ကြောင်း ရန်ကုန် စည်ပင်အရာထမ်း တဦးက ပြောသည်။
မြန်မာနိုင်ငံ နိုင်ငံခြားသတင်းထောက်များအသင်းမှ ၀ါရင့် သတင်းထောက်တဦးက “ဖိတ်တော့ဖိတ်တယ်ဗျ၊ ဒါပေမယ့် ကျနော် သိရသလောက်တော့ တက်ချင်သူတွေ တက်ခွင့်မရဘူး၊ လူသစ်တွေ တက်ခွင့်မရဘူး၊ အမှန်တော့ ဘယ်သတင်းဌာနကို ဖိတ်ပါတယ်၊ အဲဒီက လူ (၂) ဦး၊ ဒါမှမဟုတ် (၃) ဦးကို သတင်းယူဖို့ ဖိတ်ပါတယ် ဆိုတာမျိုး ဖြစ်သင့်တာပေါ့” ဟု ပြောသည်။
ပြည်တွင်း သတင်းမီဒီယာများကမူ ထိုသို့ (၁၀) ဦးသာ သတင်းယူခွင့် ကန့်သတ် ဖိတ်ကြားသည့် အတွက် ကျေနပ်မှု မရှိကြကြောင်း သိရသည်။
“သတင်းဂျာနယ်ကို သတင်းယူဖို့ မဖိတ်ရင် ဘယ်သူ့ကို ဖိတ်ရဦးမှာလဲဗျာ၊ အခုလုပ်ပုံက အဓိပ္ပာယ်မရှိဘူး။ ကျနော်တို့လို သတင်း ဂျာနယ်ကိုတော့ မဖိတ်ဘဲ နံနက်ခင်း၊ လျှပ်တပြက်၊ live news ၊ 7days ၊ weekly ၊ ရန်ကုန်တိုင်း၊ ပြည်မြန်မာ အဲဒီဂျာနယ် စုစုပေါင်း (၁၀) ခုကို ဖိတ်တယ်တဲ့။ ကျနော်တို့ကတော့ လုံးဝ မကျေနပ်ဘူး။ ဘာပဲဖြစ်ဖြစ် ပြည်တွင်းမှာ ဂျာနယ်ပေါင်း (၁၇၀) လောက် ရှိတယ်ဗျာ၊ အခု (၁၀) ခုပဲ ဖိတ်တယ်ဆိုတာကတော့ စိတ်ပျက်စရာပဲ။ ဈေးကွက်ထဲမှာ အမှန်တကယ်ထွက်ပြီးတော့ ရောင်းနေရတဲ့ သတင်းဂျာနယ်တောင် အစောင် (၅၀) ကျော် ပြေးမလွတ်ဘူး ရှိတယ်။ ကျနော် တယောက်တည်းတော့ မဟုတ်ဘူး။ မတက်ရတဲ့ ဂျာနယ်တွေကလည်း မကျေနပ်ဘူး” ဟု ပြည်တွင်း သတင်း မီဒီယာသမား တဦးကလည်း ပြောဆိုသည်။
ရန်ကုန်မြို့တော်ဝန်သည် အာဇာနည်နေ့ကို ဦးစီးကျင်းပနေသည်မှာ ပြီးခဲ့သည့် (၆၀) နှစ်မြောက် အာဇာနည် နေ့ကပင် ဖြစ်သည်။
လွန်ခဲ့သော ၁၉၄၇ ခုနှစ် ဇူလိုင်လ (၁၉) ရက်နေ့တွင် ဗိုလ်ချုပ်အောင်ဆန်းနှင့် အာဇာနည် ခေါင်းဆောင်ကြီးများသည် ရန်ကုန်မြို့ အတွင်းဝန်များ ရုံးအတွင်း အစည်းအဝေး ပြုလုပ်နေစဉ် ဂဠုန်ဦးစော ခေါင်းဆောင်သော မသမာသူများက လုပ်ကြံခဲ့သည့် အတွက် ကျဆုံးခဲ့ရခြင်း ဖြစ်သည်။
ကျဆုံးခဲ့သည့် အာဇာနည်ခေါင်းဆောင်ကြီးများမှာ ဗိုလ်ချုပ်အောင်ဆန်း၊ ဒီးဒုတ်ဦးဘချို၊ သခင်မြ၊ ဦးအဗ္ဗဒူရာဇတ်၊ ဦးဘ၀င်း၊ မန်းဘခိုင်၊ စပ်စံထွန်း၊ ဦးအုန်းမောင်နှင့် ရဲဘော်ကိုထွေးတို့ ဖြစ်သည်။
ယခင်က အာဇာနည်နေ့သို့ မရောက်မီတွင် ဗိုလ်ချုပ်အောင်ဆန်း ဂုဏ်ပြုတေးသီချင်းများ မြန်မာအသံမှ ထုတ်လွှင့်ခြင်း၊ အာဇာနည်နေ့တွင် ၀မ်းနည်းခြင်း အထိမ်းအမှတ် အလံတ၀က် လွှင့်ထူခြင်း၊ အာဇာနည်များ ကျဆုံးချိန်တွင် တနိုင်ငံလုံး ဥသြဆွဲ အလေးပြုခြင်းတို့ ပြုလုပ်ခဲ့သော်လည်း ယခု စစ်အစိုးရ လက်ထက်တွင် ယင်းသို့ လုပ်ဆောင်ခြင်းများ မရှိတော့ပေ။
ဗိုလ်ချုပ်အောင်ဆန်း၏သမီးဖြစ်သူ ဒေါ်အောင်ဆန်းစုကြည်မှာ နေအိမ်တွင် အကျယ်ချုပ် ချထားခြင်း ခံနေရပြီး အာဇာနည်နေ့သို့ တက်ရောက်နိုင်ခြင်း မရှိခဲ့ပေ။
နအဖက ယခုနှစ် အာဇာနည်နေ့ အခမ်းအနားတွင် နိုင်ငံရေးပါတီများအား တက်ရောက်ခွင့် ပြုခဲ့သော်လည်း အမျိုးသား ဒီမိုကရေစီ အဖွဲ့ချုပ် (NLD) အနေဖြင့် ၂၀၁၀ ရွေးကောက်ပွဲတွင် ပါဝင်မည် မဟုတ်ကြောင်း အတိအလင်း ကြေညာကာ ပါတီ မှတ်ပုံတင်ခြင်းလည်း မပြုလုပ်ခဲ့သည့် အတွက် ယနေ့ကျင်းပသော အာဇာနည်နေ့ အခမ်းအနားကို တက်ရောက်ခွင့် ဖိတ်ကြားခြင်း မခံခဲ့ရပေ။
အာဇာနည်နေ့အခမ်းအနားကို အမျိုးသားဒီမိုကရေစီ အဖွဲ့ချုပ် ဒု-ဥက္ကဋ္ဌ ဦးတင်ဦး၏ နေအိမ်တွင် ပြုလုပ်ခဲ့ကြောင်း သိရသည်။
Ref: ခေတ်ပြိုင်
စစ်အစိုးရ ကြံ့ခိုင်ဖွံ့ဖြိုးရေး ပါတီသစ် ရွေးကောက်ပွဲစည်းမျဉ်း ဖောက်ဖျက်၊ HRW ဝေဖန်
တနင်္လာ, 19 ဇူလိုင် 2010
မြန်မာစစ်အစိုးရ အနေနဲ့ သူတို့ဖွဲ့စည်းထားတဲ့ လူမှုရေး အသင်းကြီးကို ဖျက်သိမ်းပြီး ရွေးကောက်ပွဲမှာ ပါဝင် ယှဉ်ပြိုင်ဖို့ မြန်မာစစ်တပ် ခေါင်းဆောင် တွေပဲ ဖွဲ့စည်းထားတဲ့ နိုင်ငံရေးပါတီနဲ့ ပူးပေါင်း လိုက်တာဟာ ရွေးကောက်ပွဲမှာ စစ်တပ်ကပဲ ကြီးစိုးထားမယ် ဆိုတာကို ပြသ နေတယ်လို့ နယူးယောက်ခ် အခြေစိုက် Human Rights Watch လူ့အခွင့်အရေး စောင့်ကြည့်ရေးအဖွဲ့က မနေ့က ကြေညာချက် တစောင် ထုတ်ပြန်ပြီး ရှုတ်ချလိုက်ပါတယ်။
ဒါ့အပြင် ဒီရွေးကောက်ပွဲ အပေါ်မှာ နိုင်ငံတကာရဲ့ ယုံကြည်လက်ခံမှုကိုလည်း ထိခိုက်စေမှာ ဖြစ်တယ်လို့ ဆိုပါတယ်။
ပြီးခဲ့တဲ့ ဧပြီလအတွင်းက မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန် အပါအ၀င် တခြား စစ်တပ် အကြီးအကဲ ၂၆ ဦးတို့ဟာ စစ်ရာထူးတွေကို စွန့်လွှတ်ပြီး တခြား ၀န်ကြီးတွေနဲ့အတူ ကြံ့ခိုင်ဖွံ့ဖြိုးရေး ပါတီကို ထူထောင်ပြီး ရွေးကောက်ပွဲမှာ ၀င်ရောက် အရွေးခံဖို့ ပြင်ဆင်ခဲ့တာ ဖြစ်ပါတယ်။
မြန်မာစစ်အစိုးရဟာ ပြည်ထောင်စု ကြံ့ခိုင်ရေး အသင်းကို လွန်ခဲ့တဲ့ ၂ ပတ်၊ ဇူလိုင်လ ၆ ရက်က ဖျက်သိမ်း လိုက်ပြီးတော့ အသင်းကြီးရဲ့ ပိုင်ဆိုင်မှုနဲ့ သက်ဆိုင်ရာ ရုံးတွေကို ကြံ့ခိုင်ရေးနဲ့ ဖွံ့ဖြိုးရေးပါတီ (USDP) ကို လွှဲပြောင်းဖို့ စီစဉ်ခဲ့တာကလည်း ရွေးကောက်ပွဲ ဖြစ်စဉ်ကို ပြောင်ပြောင် တင်းတင်း အနှောင့်အယှက် ပေးလိုက်တာပဲလို့ Human Rights Watch အဖွဲ့က ပြောပါတယ်။
အခုလို အစိုးရပိုင် ပစ္စည်းဥစ္စာနဲ့ ရန်ပုံငွေတွေကို နိုင်ငံရေးပါတီကို လွှဲပြောင်း ပေးလိုက်တာဟာ စစ်အစိုးရကပဲ ထုတ်ပြန် ထားတဲ့ ရွေးကောက်ပွဲ ဥပဒေကို ချိုးဖောက်တာ ဖြစ်တယ်လို့ မြန်မာ့အရေး စောင့်ကြည့် အကဲဖြတ်သူတွေက ဝေဖန်နေကြတာ ဖြစ်ပါတယ်။
ကြံ့ခိုင်ဖွံ့ဖြိုးရေး အသင်းကြီးကို ဗိုလ်ချုပ်မှူးကြီးသန်းရွှေ ကိုယ်တိုင် နာယကအဖြစ် ဦးဆောင်ပြီး ၁၉၉၃ ခုနှစ် ကတည်းက စတင် ဖွဲ့စည်း ကတည်းက နည်းမျိုးစုံနဲ့ စုဆောင်းထားတဲ့ အသင်းဝင်ပေါင်း ၂၄ သန်းကနေ ၂၆ သန်း လောက်ကိုလည်း ကြံ့ခိုင်ဖွံ့ဖြိုးရေး ပါတီဝင် အဖြစ် လွှဲပြောင်းနိုင်ချေ ရှိနေတဲ့ အပေါ်မှာလည်း Human Rights Watch အဖွဲ့က ရှုတ်ချ ခဲ့ပါတယ်။
Ref: VOA News
Monday, July 19, 2010
ဦးအောင်ဆန်း၏နောက်ဆုံးနေ့
ဇူလိုင်လ ၁၉ ရက်၊ စနေနေ့ ၁၀ နာရီခွဲ။
မိုးလင်းကတည်းကပင် ကောင်းကင်သည် အုံ့မှိုင်း ညို့မှုန်လျက်ရှိသည်။ တိမ်တိုက်ဟူ၍ ဘာမှ ကြည်လင်စွာ မမြင်ရ။ မိုးကိုကြည့်ရသည်မှာ မြူသန်းနေသော ပင်လယ်ပြင်ကြီးလို ၀ိုးဝိုး ၀ါးဝါးနေသည်။ မိုးသည် ကင်းကင်း လွတ်လွတ်စဲသည် ဟူ၍မရှိ၊ တဖွဲဖွဲ ဖွဲနေလိုက်၊ တဖြိုင်ဖြိုင်ရွာချလိုက် နှင့်၊ နောက် စွေ၍ နေလေသည်။
ဒီကနေ့ အတွင်းဝန်များရုံးသို့ သွားစရာရှိသည်။ တိုင်းပြုပြည်ပြုလွှတ်တော် အထူးအရာရှိ ဦးသိန်းဟန် (ဇော်ဂျီ) က စနေနေ့ နေ့လယ်တွင် ဆောင်းပါး လာယူရန် ချိန်းထားသည်။ ဗိုလ်ချုပ်၏ အပါးတော်မြဲ ဗိုလ်ထွန်းလှ ထံမှလည်း ခရီးသွားခြင်း ဆောင်းပါးဝင်ယူရင်း ခဏတဖြုတ် စကားစမည် ပြောပြီးနောက် ဇော်ဂျီဆီသို့ သွားမည်ဟု စိတ်ကူးထား သည်။
၁၀ နာရီလောက်ကတည်းက အ၀တ်အစားလဲပြီး မိုးအတိတ်ကို စောင့်လျက်ရှိသည်။ မိုးကား မစဲနိုင်။ သို့နှင့် စားပွဲတွင် ထိုင်ကာ အပြီး မသတ်သေးသော ကဗျာတပုဒ်ကို စပ်ရင်း ၁၁ နာရီ ထိုးသွားလေပြီ။ မိုးကား မတိတ်သေးပေ။
နောက်ဆုံးတွင် မိုးစဲလိမ့်မည် မဟုတ်ဟု စိတ်ချလိုက်ပြီး အပေါ်အင်္ကျီ ၀တ်ကာ လမ်းမကြီးသို့ ထွက်ခဲ့သည်။ အဆင်သင့် တွေ့သော ဒေါင်းတံဆိပ် တာမွေ ဘတ်စ်ကားကို တက်စီးလိုက်သည်။ ကားထဲတွင် ကြည့်မြင်တိုင် ဘက်မှ လိုက်ပါလာမည် ထင်ရသော တောသား ၃ ယောက်နှင့် တရုတ်မ ၂ ဦးကို တွေ့ရသည်။ ကား ပြတင်း တံခါးများမှာ ပိတ်ထားသည်။ ခရီးသည်တို့ကား တိတ်ဆိတ်စွာ လိုက်ပါ လာကြသည်။ အပြင်ဘက်တွင်ကား မိုးသည်ရွာလျက်ပင်။ ရွှံ့ဗွက် ချိုင့်ဝှမ်းတို့ဖြင့် ပြွမ်းသော ရန်ကုန် ကားလမ်းကား စိုစွတ်လှသည်။
ကားသည် သိမ်ကြီးဈေးတွင် ခေတ္တရပ်ပြီး ဆက်လက်၍ တဟုန်တည်း မောင်းလာသည်။ ခရီးသည် အဆင်း အတက် သိပ် မရှိလှ။ သို့နှင့် စပတ်လမ်း (ယခု ဗိုလ်အောင်ကျော်လမ်း) ရောက်လျှင် ကျနော် ဆင်းလိုက်သည်။
ထို့နောက် ဒါလဟိုဇီ လမ်း(ယခု မဟာဗန္ဓုလ လမ်း)ဘက်မှ စပတ်လမ်းကို ဖြတ်ကူး လိုက်သည်။ လမ်းဘေးတွင် မော်တော်ကားများသည် ဟိုတစု သည်တစု ရပ်လျက်ရှိသည်။ ကားတချို့ကား သွားလာလျက်။
ထီးဆောင်းလျက်၊ မိုးကာဝတ်လျက် လူများသည် သွားကြလာကြနှင့် ရှုပ်ရှက် ခတ်နေသည်။
သူရိယတိုက်ရှေ့အ၀င် တံခါးမပေါက်ကြီးတွင်ကား လူများသည် အတွင်းသိုမျှော်လိုက်။ စကား ပြောလိုက်နှင့် နေကြ သည်ကိုတွေ့မြင်ရသည်။ ကျနော်ကား ရုံးဆင်းချိန်မို့ လူတွေရှုပ်နေတာ ထင်ပါရဲ့ ဟုသာ သာမန် အောက်မေ့ မိသည်။
ကျနော်သည် အင်မတန်အရိပ်ခြေကို မသိတတ်၊ မမြင်တတ်သူ ဖြစ်ချေသည်။ ခါတိုင်းကဲ့သို့ပင် ရဲရဲတင်းတင်း တံခါး ပေါက်မှ အတွင်းသို့ ၀င်သွားသည်။ လမ်းကူး တွင်ကားလက်နက်ကိုင် စစ်သားများ စောင့်ကျပ်လျက် ရှိသည်ကို တွေ့ရသည်။ ခါတိုင်းလည်း စောင့်နေကျပဲဟု ထင်လိုက်မိသည်။ ကျနော်သည် အတွင်းဝန်ရုံးကို သွားခဲ လှပေသည်။
ညှိုးလျော်သော မျက်နှာနှင့် လုံချည် အပြာ ၀တ်ထားသော စာရေးမ နှစ်ဦးသည် သုတ်သုတ် သုတ်သုတ်နှင့် ရုံးထဲမှ ထွက်လာသည်။ သို့နှင့် အလယ် ဆင်ဝင်အောက် ကားဆိုက်သည့် နေရာသို့ ရောက်လာသည်။ ခါတိုင်းလို ရုံးစေများ ချာပရာစီများ ရပ်ပြုနေသည်ကို အလျင်းမတွေ့ရ၊ တိတ်ဆိတ် ငြိမ်သက်၍ နေသည်။
ဗိုလ်ထွန်းလှ အခန်းသို့တက်ရန် လှေကားထစ် တထစ် နှစ်ထစ် တက်မိပြီးမှ တိတ်ဆိတ် ငြိမ်ချက်သား ကောင်းလှသည် ကို စိတ်ထင့်သွား၍ ဗိုလ်ထွန်းလှ ခေတ္တရုံးဆင်းချိန် လက်ဖက်ရည်သောက် သွားနေ လိမ့်မည်ဟုတွေးကာ မတက် တော့ဘဲ ဆင်ဝင်အောက်မှဖြတ်သန်းကာ တဘက်ရှိ တိုင်းပြုပြည်ပြု လွှတ်တော်ရုံးခန်းသို့ လာခဲ့လေသည်။ ဇော်ဂျီထံသို့ အပြန်ကျမှပဲ ၀င်တော့မည်လေ၊
လွှတ်တော်ရုံး ၀င်ဝင်ခြင်း သခင်နု၏ ရုံးခန်းတံခါးမှာ ပိတ်ထားသည်ကို တွေ့ရသည်။ သက္ကလပ် ခန်းဆီး အစိမ်းပုတ် ကြီးမှာလည်း ဆွဲပိတ်၍ထားသည်။ သခင်နု၏ ရုံးခန်းကိုကျော်၍ ဇော်ဂျီ၏ အခန်းသို့ ရောက်လေပြီ။ သူ့အခန်းမှာ လည်း တံခါး ပိတ်ထားပြီး ခန်းဆီး အစိမ်းပုတ်ကြီးလည်း ဆွဲ၍ထားသည်။ ရုံးစေ နှစ်ယောက်မှာ နံရံကို မှီကာရပ်နေကြသည်။ ခါတိုင်းလို စကားပြော မနေကြ။ သူတို့သည် ငေးမှိုင်တွေဝေ၍ တမျိုးကြီး ဖြစ်နေသည်ဟု အောက်မေ့လိုက်သည်။
ကျနော်က ငိုင်တိုင်တိုင်နေသော ရုံးစေတဦးအား ‘ဦးသိန်းဟန်ရှိသလား’ ဟုမေးသည်။ ‘ရှိပါတယ်ခင်ဗျ’ ဟု ခပ်တိုးတိုး သာသာအေးအေး ဖြေသည်။ သည်တော့မှ မျက်နှာ ပျက်နေကြောင်း အသေအချာ သိလိုက်တော့သည်။ စိတ်ထဲတွင်ကား မရှင်း။
တံခါးစေ့ထားသဖြင့် အတွင်းသို့ ရုတ်တရက် မ၀င်ဝံ့သေးဘဲ တံခါးဝတွင် ရပ်ကာ ရုံးစေဘက်သို့ တဖန်လှည့်၍ ‘‘အထဲမှာ အစည်းအဝေး လုပ်နေသလား’’ ဟု မေးရသည်။
ရုံးစေသည် ဘာမှမပြောဘဲ အသာတယာ စေ့ထားသော တံခါးကိုဖွင့်ပေးသည်။ လှမ်းကြည့်လိုက်ရာ သူ၏စားပွဲတွင် ထိုင်နေသော ဇော်ဂျီကိုတွေ့မှ ထီးကို ထောင်ပြီး အတွင်းသို့ ၀င်လိုက်သည်။
ရုံးခန်းကား တိတ်ဆိတ်ငြိမ်သက်လျက်။ စေ့ထားသော ပြတင်းတံခါးမှ ပြာစိမ်းစိမ်း မှန်ရောင် ရိုက်ဟပ်သဖြင့် အခန်းသည် စိမ်းစိမ်း ပြာပြာ ဖြစ်နေသည်။ အခန်းထိပ်ရှိ စားပွဲကြီးတွင်ကား တိုင်းပြုပြည်ပြု လွှတ်တော် အကြံပေး အရာရှိ ၀တ်လုံ ဦးချန်ထွန်းသည် ခေါင်းငိုက်ကာ ငေးမှိုင်လျက် ရှိသည်။
ဇော်ဂျီသည် ကျနော်ဝင်လာသည်ကို မြင်သော အခါ ဆိတ်ဆိတ်ပင်၊ စကားမဟဘဲ ထိုင်ရန် ကုလားထိုင်ကိုသာ လက်ဖြင့် ညွှန်ပြသည်။ သူသည် ငေးငိုင်၍နေသည်။ အတန်ကြာ တိတ်ဆိတ်လျက် ရှိသည်။ ကျနော်ကား ခါတိုင်းလှုပ်ရှား ဆူညံ၍ နေတတ်သော အတွင်းဝန်များရုံးသည် ဘာကြောင့် ယခုလို အုံ့မှိုင်း ရီဝေ၍နေသည်၊ ဆိတ်ငြိမ်၍ နေသည်ကို အံ့သြလျက်ရှိသည်။
အတန်ကြာ ဆိတ်ငြိမ်နေရာမှ ‘‘အားလုံးတော့ ဒုက္ခဖြစ်ကုန်ပြီ’’ ဟု ဇော်ဂျီက တိုးတိုး ညည်းလေသည်။ ကျနော်ကား ဘာမှန်း မသိသေးသဖြင့် ကြောင်နေရာ သူက အကဲခတ်မိ၍ နေရာမှထကာ လက်ပြ၍ အပြင်သို့ ခေါ်ခဲ့သည်။ ကျနော်သည် ထိက်ကနဲ ဖြစ်သွားသည်။
‘‘လက်ဖက်ရည်ဆိုင် သွားရအောင်’’
မိုးတဖွဲဖွဲတွင် ရုံးခန်းအပြင်ဘက် မြေနီလမ်းကလေးပေါ်ရောက်မှ ကျနော်က မနေနိုင်၍ ဘာဖြစ်လို့လဲ ဆရာ ဟု မေးမိသည်။
‘‘မင်း မကြားသေးဘူးလား’’ဟု ဇော်ဂျီက အံ့သြနေသည်။
‘‘ဟင့်အင်း … ကျနော်အခုပဲ ဘတ်စ်ကားပေါ်ကဆ င်းပြီး ရုံးကိုတန်းလာတာ’’
သည်တော့မှ ဇော်ဂျီက ဖြစ်ပုံကို ပြောပြသည်။ ခြသေ့င်္တပ် စစ်ယူနီဖေါင်းကို ၀တ်ထားသော လက်နက်ကိုင် လူ ၄ ယောက်သည် ကျနော် ဖြတ်လာခဲ့သော အလယ် ဆင်ဝင်အောက်မှ တက်လာကာ ဦးအောင်ဆန်း ရုံးခန်း အတွင်းသို့ အတင်းတွန်းဝင်၍ အစည်းအဝေး ပြုလုပ်လျက်ရှိသော အမှုဆောင် ၀န်ကြီးများအား စတင်းဂန်းဖြင့် ပစ်ခတ်ကြပြီး မည်သူမျှ ဖမ်းဆီးခြင်း မခံရဘဲ ဂျစ်ကားဖြင့် ထွက်ပြေး လွတ်မြောက် သွားသည်။ ကျနော် မရောက်မီ ၁ နာရီ ကျော်ကျော်ခန့်က ဖြစ်သည်။
ကျနော်သည် သည်သတင်းကိုကြားသောအခါ ထိတ်လန့် တုန်လှုပ်သွားသည်။ အသားများ တဆတ်ဆတ် တုန်လာသည်။ အတွင်းဝန်ရုံး လက်ဖက်ရည် ဆိုင်ထဲတွင်ကား စာရေး စာချီ စသော ရုံးသားတို့သည် ညှိုးငယ်သော မျက်နှာဖြင့် ဆိတ်ငြိမ်စွာ စားသောက်၍ နေကြသည်ကို တွေ့မြင်ရသည်။ တစားပွဲခြားရှိ နိုင်ငံရေးရာ အတွင်းဝန် ကိုကျော်မြင့် ကလေးက လှမ်း၍ နှုတ်ဆက်လိုက်သည်။ သူသည် ခပ်အေးအေး ခပ်တွေတွေပင် လက်ဖက်ရည်ကို သောက်နေသည်။
‘‘အင်မတန်နှမြောဖို့ ကောင်းတယ်ဗျာ၊ သိပ်ပြီး ရက်စက်ကြမ်းကြုတ်တဲ့ နိုင်ငံရေး လုပ်ကြံမှုပဲ’’ စသည်ဖြင့် လူအချို့သည် ငြီးတွားလျက် ရှိကြသည်။
ဇော်ဂျီက ‘‘အမျိုးသားပျက်စီးခြင်းတရပ်ပဲ’’ ဟု တသသ ပြောသည်။
‘‘ကျနော် ရုံးဝင်းထဲဝင်လာတော့ လက်နက်ကိုင် ပုလိပ်တွေကိုတွေ့တယ်။ ဒါပေမယ့် ကျနော် ၀င်လာတာကို မတားကြဘူး။ ဆင်ဝင်အောက် အ၀င်မှာတောင် အသိစာရေး ၁ ယောက်နဲ့ တွေ့သားပဲ။ သူကလည်း ဘာမှ မပြောဘူး’’။
‘‘လူတွေဟာ မပြောရက်ကြဘူး’’ ဟု ဇော်ဂျီက ဆိုလေသည်။
လက်ဖက်ရည်သောက်နေကြစဉ် ခုတင်ပဲ ဆေးရုံကပြန်လာသော ရုံးသားတဦး အပါး ကပ်လာ၍ ‘‘ဘယ့်နဲ့လဲ’’ဟု ကျနော်တို့က ၀ိုင်း၍ မေးမြန်းကြသည်။ သူက မိုင်းပွန်စော်ဘွားကြီးမှ တပါး အားလုံး ဆုံးရှာပြီဟု ပြောသည်။ သူ့အသံမှာ တုန်နေ၍ မျက်နှာမှာ ဖြူဖတ်ဖြူရော် ဖြစ်နေသည်။
‘‘ဗိုလ်ချုပ်ကော’’ ဟု တယောက်က တိုးတိုးမေးသည်။
‘‘မျက်နှာကို အ၀တ်ဖြူနဲ့ ဖုံးထားတယ်’’
ကျနော်လည်း ကြာကြာမနေနိုင်ဘဲ ဂျူဒါအီစကယ်လမ်း(ယခု သိမ်ဖြူလမ်း) တံခါးပေါက်မှ ကျော်၍ အပြင်ဘက် လမ်းသို့ ထွက်ခဲ့သည်။ မိုးသည် တစိမ့်စိမ့်ရွာလျက်ပင်။ လူတအုပ်သည် မိုးထဲတွင် ထီးဆောင်း၍၊ တချို့ ထီးမပါဘဲ၊ အချို့ ပလက်ဖောင်း ပေါ်တွင်ရပ်ကာ အတွင်းဝန်ရုံး ဘက်သို့ မျှော်ကြည့်နေကြသည်။ ကုလားနှင့် တရုတ်လည်း ပါသည်။
လူတယောက်က ကျနော်၏ လက်မောင်းကိုဆွဲကိုင်၍ ‘‘ဒီမယ်… ခုနက၀န်ကြီးတွေ သေနတ်ပစ်ခံရတယ် ကြားတယ်၊ ဟုတ်သလားခင်ဗျာ’’ဟု မေးသည်။ သူကား အကြောင်းမျိုးစုံကို သိချင် နေပေလိမ့်မည်။
‘‘ဟုတ်ကဲ့…’’ ဟူ၍သာ ဖြေကြားပြီး တဘက်သို့ ဖြတ်ကူးရင်း အသင့်တွေ့ရသော ဒေါင်းတံဆိပ် ကားကို တက်စီးလိုက်သည်။ ကားသည် လမ်းမတော်ဘက်သို့ ပြေးလျက် ရှိသည်။
ကားထဲတွင် လူမနည်းလှပေ။ ခရီးသည်အားလုံး မျက်စိမျက်နှာမကောင်းကြ။ ခပ်ရွယ်ရွယ် မိန်းမပျိုတဦးက ‘‘ဖြစ်မှဖြစ်ရလေနော် ဖြစ်မှဖြစ်ရလေ’’ ဟု မြည်တမ်းလျက် ရှိသည်။
ဈေးသည်ဟုထင်ရသော ခပ်အိုအိုမိန်းမကြီး နှစ်ယောက်သည် ‘‘ဗိုလ်ချုပ် အသက်ရှင်ပါစေတော်’’ ဟု ဆုတောင်း၍ နေသည်။
ယခုမှပင် သိရသော မိန်းမတယောက်က မေးမြန်းသည်ကို ‘‘မပြောကြနဲ့ မပြောကြနဲ့’’ ဟု အသာ လက်ကုတ်၍ တီးတိုးတားမြစ်သည်။ သူတို့သည် မပြောရက်ကြ။ သန့်ပြန့်စွာ ၀တ်စားထားသော တရုတ်တဦး က‘‘အားကီး ရက်စက်တာပဲ’ဟု ကျနော့် ဘက်သို့ လှည့်၍ ရေရွတ်လျက်ရှိသည်။ မျက်နှာထား တင်းတင်းနှင့် ဘတ်စ်ကား ဒရိုင်ဘာသည် တောက်ခေါက်လိုက်သည်။
သိမ်ကြီးဈေးသို့ ရောက်သောအခါ လူသွားလူလာ ကင်းရှင်းနေပေပြီ။ ဈေးဆိုင်များ ပိတ်ထားလေပြီ။ သတင်းသည် တမုဟုတ်ချင်း ပျံ့နှံ့၍ သွားလေပြီ။ မော်တော်ကား၊ လန်ချားတို့ကား ခပ်မြန်မြန် သွားလာနေကြသည်။
ကားလမ်းပေါ်မှဆင်း၍ လမ်းထဲသို့ ၀င်လာသောအခါ အိမ်ဝတွင် လူတို့သည် မှိုင်တိုင်တိုင်နှင့် ရပ်ကာ ကြည့်နေသည်ကို တွေ့မြင်ရသည်။ လူတို့သည် အငြိမ်မနေနိုင်ကြ။ မိုးသည်မစဲဘဲ ရွာလျက်ပင်။
လူတို့သည် ဖြစ်မှဖြစ်ရလေ၊ ဖြစ်မှဖြစ်ရလေ ဟု တတွတ်တွတ် မြည်တမ်းရင်းပင် ညနေ စောင်းလာတော့သည်။ ဗိုလ်ချုပ် ဆုံးကြောင်းကား ညနေထုတ် သတင်းစာများမှ ကြားရလေပြီ။
မည်သူ့မျက်နှာကြည့်ကြည့် မျက်နှာညှိုးငယ်နွမ်းလျ စွာနှင့်။ လမ်းမပေါ်မှ စက်ပြင်ဆရာ တဦး၏ မိန်မပါးစပ်မှ ‘‘ကျုပ်တို့တော့ ထမင်းလည်း မချက်တော့ဘူး၊ စားချင်စိတ်လည်း မရှိတော့ပါဘူးရှင်’’ဟူသော အသံသည် သဲ့သဲ့မျှ ပေါ်ထွက်လာသည်။
နေ၀င်မီးငြိမ်း အမိန့်ထုတ်ထားသဖြင့် ညဥ့်ဦးသည် တိတ်ဆိတ်ကာ မှောင်လှသည်။ အိမ်သားများ ဆုံတိုင်း နေ့ခင်းက အကြောင်းကိုသာ ပြောကြသည်။ ရှိုက်သံ၊ တမ်းတသံ၊ ညဉ်းညူသံ၊ တသသံ။
တိတ်ဆိတ်မှောင်မည်းသဖြင့် စောစော အိပ်ရာဝင်ကြသော်လည်း အိပ်မပျော်နိုင်ကြ။ နေ့ခင်းကဟာ အိပ်မက်ပဲ ဖြစ်ပါစေတော့ဟု မိန်းမများက ဆုတောင်းကြသည်။
ညဥ့်နက်သော်လည်း ချောင်းဟန့်သံ၊ လူးလွန့်သံတို့သည် ဆက်၍နေသည်။ ရှဲခနဲ မီးခြစ်၍ နောက်ဖေး ထကြ ပြန်သည်။
တရေးနိုးဆုံလျှင် ‘‘ဘယ်တော့များမှ မေ့ပျောက်ပါ့မလဲနော်’’ဟု အိပ်ချင်သံနှင့် ဆိုကြသည်။ တရေးနိုးတိုင်း သတိရလျက် ရှိသည်။ မကြာခဏအိပ်မက်ပြီး နိုးသည်။ သို့နှင့်ပင် တအောက်မေ့မေ့၊ တသသနှင့် ထိုညကို လွန်မြောက် ရသည်။
၁၉၄၇
သြဂုတ်လ
“အယ်ဒီတာ စာပွဲ၊ စာပေ၊ အနုပညာ ဝေဖန်ရေး နှင့် ပန်းနုရောင်အို” စာအုပ်မှ
အချို့လူသားကား အိုလေဂုဏ်ပြောင်လေဟု ဆိုအပ်၏
နိုင်ငံတခုမှာ ရှစ်လေးလုံးလို တမျိုးသားလုံး လက္ခဏာ ဆောင်တဲ့ အရေးအခင်းကြီးတွေ ဖြစ်ပွားတယ် ဆိုရင် ကျဆုံး သွားတဲ့ အာဇာနည်တွေ၊ အသက်ရှင် တိုက်ပွဲဝင်နေတဲ့ သူရဲကောင်းတွေ၊ ကိုယ်တိုင်က တက်တက်ကြွကြွ မလုပ်နိုင်ပေမယ့် ကိုယ့်ရဲ့ မယိမ်းယိုင်တဲ့ ရပ်တည်မှု၊ ရေးသား ပြောကြားချက် တွေနဲ့ ပြည်သူ လူထုကို နိုင်ငံရေး အသိတွေ ပေးနေပြီး တိုင်းပြည်က လေးစား ကြည်ညိုတာ ခံရတဲ့ပုဂ္ဂိုလ်တွေ၊ နောက်ပြီး သစ္စာဖောက်တွေ ဆိုပြီး သတ်သတ်မှတ်မှတ် ပြောစရာလူတွေ ပေါ်ထွက် လာလေ့ရှိပါတယ်။ အဲဒီအထဲမှာ ဆရာကြီး နန်းညွန့်ဆွေဟာ တတိယ အမျိုးအစားထဲက ပုဂ္ဂိုလ်ကြီး ဖြစ်ပါတယ်။ ဒါကို သူ့အသုဘကို စာပေလောက၊ နိုင်ငံရေးလောက၊ ရုပ်ရှင်လောက၊ အနုပညာလောက စတဲ့ နယ်ပယ် အသီးသီးက လူတွေ လာပို့၊ အသုဘရှုကြတာက ဖော်ပြ သက်သေ ခံနေပါတယ်။
လူထုအရေးတော်ပုံကြီးတခု ပေါ်ပေါက်တယ်ဆိုရင် ဘယ်တုန်းကမှ နိုင်ငံရေးနဲ့ မနီးစပ်ခဲ့တဲ့ လူတွေ ရှေ့တန်းက တက်တက်ကြွကြွ ပါလာတာ တွေ့ရလေ့ ရှိပါတယ်။ မထူးဆန်းတဲ့ နိယာမပါ။ ဒီနိယာမကို အနီးဆုံး သမိုင်းထဲက ဖြစ်တဲ့ ရှစ်လေးလုံး အရေးတော်ပုံကြီးမှာ အမြင်သာဆုံးလို့ ပြောရင် ရပါတယ်။ ဒီလို ပါဝင်သူ စာရင်းထဲမှာ ဆရာကြီး နန်းညွန့်ဆွေကိုတောင် စာရင်း သွင်းရင် ရမလားမသိပါ။ ပြောရရင် ဆရာကြီးဟာ ဂျပန်ခေတ်ဆီ တုန်းက အာရှ လူငယ်မှာ ပါဝင် လှုပ်ရှားခဲ့တဲ့နောက် ဘယ်နိုင်ငံရေး လှုပ်ရှားမှုတွေမှာမှ မပါဝင်ခဲ့သလောက် နေခဲ့တာပါ။ ဒီလိုနဲ့ ရှစ်လေးလုံး အရေးတော်ပုံကြီး ပေါ်လာတယ် ဆိုတော့ ဆရာကြီး နန်းညွန့်ဆွေဟာ အရေးကြီးလျှင်ဖြင့် သွေးနီးရာ ပါစမြဲ ဖြစ်ကြောင်း ဖော်ပြခဲ့ပါတယ်။ ဒါပေမယ့် အဲဒီနောက်ပိုင်းမှာတော့ သူ့အသက်အရွယ်နဲ့ ကျန်းမာရေးက သူ့ကို သားဖြစ်သူနဲ့ ရင်ပေါင်တန်းပြီး ဆက်လက် လုပ်ကိုင်နိုင်အောင် ခွင့်မပြုခဲ့ပါဘူး။
ပြောရမယ်ဆိုရင် ရှစ်လေးလုံးအရေးတော်ပုံကြီးရဲ့သမိုင်းဟာ နိုင်ငံတကာက အရေးတော်ပုံ ကြီးတွေမှာ ဖြစ်လေ့ ဖြစ်ထရှိတဲ့ အတိုင်းပဲ နောက်ဆက်တွဲတွေ ဖြစ်ပေါ်ခဲ့ပါတယ်။ အဲဒါကတော့ ဖိနှိပ်သူ အစိုးရရဲ့ရက်စက်တဲ့ နှိပ်ကွပ်မှု တာရှည်ဆက်လက် တည်ရှိ နေတာနဲ့အတူ အရေးတော်ပုံကြီး တုန်းက တက်ကြွ လှုပ်ရှားသူတွေထဲမှာ ဇွဲနဘဲနဲ့ ဆက်လက် တောင့်ခံနိုင်သူတွေ လျော့-လျော့လာတာပါပဲ။ အရောင်အသွေး ပြောင်းကုန်တာ၊ လေသံ ပြောင်းကုန်တာ စတဲ့ အပြောင်းတကာ မျိုးစုံကို တွေ့ရနေရချိန်မှာ ဆရာကြီး နန်းညွန့်ဆွေလို လူတွေဟာ အသက်အရွယ်နဲ့ ကျန်းမာရေးက လွဲပြီး ဘာမှ မပြောင်းလဲဘဲ ကြံ့ကြံ့ခိုင် ရပ်တည် နေခဲ့ကြတာကို လူထုတွေ အကြားမှာ ကျောက်ရုပ်ထုကြီးတွေ သဖွယ် တွေ့ခဲ့ ကြရပါတယ်။ အိုကြီးအိုမ အရွယ်ကျမှ ကိုယ့်ကလောင်ကို အပိတ် ခံရတယ်ဆိုတော့ ဆရာကြီးဟာ ပါးစပ် ပိတ်မသွားဘဲ တခြား ကလောင်နာမည် (ဥပမာသုခမိန်) တွေနဲ့ ကိုယ့်အမြင်ကို မဖြစ်ဖြစ်အောင် ဆက်ဖော်ပြ ခဲ့တာကိုကြည့်ရင် ဆရာကြီးရဲ့ မာန်မလျှော့-ဟန်မပျော့တဲ့ ဇာတိကို တွေ့မြင် ကြရပါတယ်။ ဆရာကြီးလို ပုဂ္ဂိုလ်တွေရဲ့ နိုင်ငံရေး စိတ်ဓာတ်ဟာ တချို့လူတွေလို ကောက်ရိုးမီး မဟုတ်ဘဲ ဖွဲမီးလို တောက်လျှောက် လောင်ခဲ့တာမို့ နိုင်ငံရေး လုပ်သူတွေအဖို့ စံယူစရာ ကောင်းလှပါတယ်။ ဒါကြောင့်လည်းပဲ အရွယ်အမျိုးမျိုး ပါရှိတဲ့ ဆရာကြီးတို့ မိသားစုဟာ နအဖ အာဏာရှင်တွေနဲ့ ဓမ္မာနဲ့ သောကလို ဖြစ်နေတာ ဖြစ်ပါတယ်။ အခုတော့ ဗမာပြည်မှာလို အသက် (၈၀-၉၀) ကျော်အရွယ်အထိ ထောက်လှမ်းရေးက စောင့်ကြည့်ခြင်း ခံရတယ်၊ တအိမ်သားလုံး စောင့်ကြည့် ခံရတယ်ဆိုတဲ့ ကိစ္စမျိုး တခြားနိုင်ငံတွေမှာ ရှိမှ ရှိရဲ့လား လို့တောင် စဉ်းစား နေရပါပြီ။
ဒီနိုင်ငံမှာက စစ်အာဏာရှင်သက်တမ်း ရှည်ကြာလာတာနဲ့ အမျှ ကျေးလက်တွေ၊ တောင်ပေါ်တွေမှာရော မြို့ပြ တွေမှာပါ မိသားစုတွေ ဒုက္ခမျိုးစုံတွေ့ရ၊ တကွဲတပြား ဖြစ်ရတာတွေ များသထက် များလာနေပါတယ်။ အခုဆိုရင် ဒီလိုအဖြစ်မျိုးဟာ ဆန်းတောင် မဆန်းတော့ဘူးလို့ ဆိုနိုင်ပါတယ်။ ဆရာကြီးတို့ မိသားစုလည်းပဲ ဒီလို ကန္တာရခရီးကို ဖြတ်သန်းခဲ့ရတယ် ဆိုတာကို လူတိုင်း သိကြပါတယ်။ ဆရာကြီး အသုဘလိုပဲ မြို့ပေါ်မှာ ရှိနေတဲ့ လူကုန်-လူစုံလိုက်ပို့ပေမယ့် အိမ်သားတွေထဲက လိုက်မပို့ နိုင်တာတွေရှိတဲ့ အသုဘမျိုးတွေ မြန်မာပြည်မှာ များပဲများလှ ပါပကောလား။
ဆရာကြီးဟာ ဇရာကြောင့်၊ ဘယာကြောင့် ကွယ်လွန်သွားတာလို့ ဆိုရပေမယ့် ရှေ့တန်းမှာ ရန်သူနဲ့ သူတပြန် ကိုယ်တပြန် ပစ်ခတ်ရင်း ကျဆုံးသွားတဲ့ အာဇာနည်တွေနဲ့ တတန်းတည်းထား ဂုဏ်ပြုထိုက်သူ ဖြစ်ပါတယ်။ အကြောင်းက သူဟာ နောက်ဆုံး အချိန်အထိ သူရဲ့လက်နက် (ကလောင်) ကို မချဘဲ ရပ်တည် သွားလို့ပါပဲ။ ဒီနေရာမှာ ထောက်ပြဖို့ ကောင်းတာ တခုက ဒီနေ့အခါမှာ တချို့လူတွေဟာ ကိုယ်နဲ့ သိတယ်ဆိုရင်၊ ဒါမှမဟုတ် ကိုယ့်နာမည်ပါ တွဲတင်နိုင်မယ်ဆိုရင် လက်နက် ချသွားသူကိုလည်း အာဇာနည်တွေနဲ့ တတန်းတည်းထား ဂုဏ်ပြုတာတွေ တွေ့နေရတာပါပဲ။ ဒါဟာ မီဒီယာခေတ်၊ အင်တာနက်ခေတ်မို့ ထင်တိုင်း လုပ်လို့ရတဲ့ လက္ခဏာ မဟုတ်ပါဘူး။ စံတွေ ပျောက်ကုန်တဲ့ လက္ခဏာ ဖြစ်ပါတယ်။ ဒါကြောင့် အခု ဆရာကြီးလိုပုဂ္ဂိုလ်ကို ဂုဏ်ပြုရာမှာ အဲဒါမျိုးတွေနဲ့ အသေအချာ ခွဲခြားဖို့တော့ လိုပါတယ်။ ပူဇာစ ပူဇနေယျာနံ ဆိုတဲ့ ပူဇော်ထိုက်သူကို ပူဇော်ရာ၏ ဆိုတာလိုပဲ နိုင်ငံရေးမှာလည်း ဆရာကြီး နန်းညွန့်ဆွေတို့လို ဂုဏ်ပြု ထိုက်သူတွေကို ဂုဏ်ပြုတာပဲ ဖြစ်ရပါမယ်။
မြန်မာပြည်ရဲ့ဒီမိုကရေစီအရေးတော်ပုံကြီးဟာ ခရီးရှည်ကြီး ချီတက်ရဦးမယ့် သဘောတွေ မြင်တွေ့ နေရပါတယ်။ နောက်ထပ် ကျဆုံးမှုတွေ၊ အနစ်နာခံမှုတွေကို မရှောင် မလွှဲသာ တွေ့ကြရ၊ လုပ်ကြ ရဦးမှာပါ။ အဲဒီလို ရှည်လျားတဲ့ လမ်းကြမ်းကြီးကို ဆက်လျှောက်ဖို့ ဆိုရင် စံပြတွေ အများကြီးလိုပါတယ်။ ဒီအတွက် ကောက်ရိုးမီး လှုပ်ရှားခဲ့ သူတွေကို စံမပြုဘဲ သေတဲ့အထိ၊ အသက် ရှစ်ဆယ်ကျော် ကိုးဆယ် နီးပါးအထိ မားမားမတ်မတ် ရပ်ခံ အလျှော့မပေး ခဲ့သူတွေကိုသာ စံပြုရပါမယ်။ သူရဲကောင်းတို့၊ အာဇာနည်တို့ ဆိုတာဟာ အရေးတော်ပုံကြီး တခုပေါ်လာ၊ အခွင့်အရေးကောင်း တခု ကြုံလာတယ် ဆိုတာနဲ့ ဖြစ်မြောက်လာတာ မဟုတ်ပါဘူး။ ရေရှည် တိုက်ပွဲလမ်းကြောင်းကြီး ပေါ်မှာ မှတ်ကျောက်တင်၊ အစမ်းသပ် ခံပြီးမှ ဖြစ်မြောက်လာတာ ဖြစ်တယ်ဆိုတာ ဆရာကြီး နန်းညွန့်ဆွေရဲ့ ဘ၀နဲ့ ရပ်တည် လှုပ်ရှားမှုတွေက ဖော်ပြနေပါတယ်။ ဒီနေရာမှာ ဆရာကြီး နန်းညွန့်ဆွေ ကောင်းရာသုဂတိ လားပါစေလို့ ဆုတောင်းနေဖို့ မလိုပါဘူး။ ဆရာကြီးနန်းညွန့်ဆွေလို လူတွေများများ ပေါ်ပေါက်ပါစေလို့ပဲ ဆုတောင်း လိုက်ပါတယ်။
Ref: ခေတ်ပြိုင်
၂၀၁၀ ရွေးကောက်ပွဲ မြန်မာ့လူထုဆန္ဒ မဖော်ပြနိုင်ဟု ဗြိတိန် ဝေဖန်
တနင်္ဂနွေ, 18 ဇူလိုင် 2010
မြန်မာနိုင်ငံမှာ လာမယ့် ၂၀၁၀ ရွေးကောက်ပွဲဟာ မြန်မာပြည်သူတွေရဲ့ ဆန္ဒကို ထပ်ဟပ်မှု မရှိတာကြောင့် ဒီလို ရွေးကောက်ပွဲ အခြေအနေကို ဗြိတိသျှအစိုးရ အနေနဲ့ လက်ခံမှာ မဟုတ်ဘူးလို့ ပြောပါတယ်။ ထိုင်းနိုင်ငံကို ၂ ရက်ကြာ ရောက်ရှိနေတဲ့ ဗြိတိသျှ နိုင်ငံခြားရေး ၀န်ကြီးဌာန အငယ်တန်းဝန်ကြီး ဂျရယ်မီ ဘရောင်း (Jeremy Browne) က ထိုင်း နိုင်ငံခြားရေး ၀န်ကြီး ကဆစ် ပီရွန်း (Kasit Piromya) နဲ့ တွေ့ဆုံအပြီး ဘန်ကောက်မှာ သတင်းထောက်တွေကို မြန်မာနိုင်ငံ အကြောင်း ပြောသွားခဲ့တာပါ။
မြန်မာနိုင်ငံတွင်း နိုင်ငံရေး အကျဉ်းသားပေါင်း ၂,၀၀၀ ကျော် ရှိနေတာကြောင့် ဒီလို အခြေအနေမျိုးတွေ နဲ့တော့ အဓိပ္ပာယ် ပြည့်ဝတဲ့ ရွေးကောက်ပွဲ တရပ် ဖြစ်မလာနိုင်ဘူးလို့ သူက ထောက်ပြပါတယ်။ ဗြိတိသျှအစိုးရ အနေနဲ့ကတော့ မြန်မာ အစိုးရဘက်ရဲ့ ပြီးခဲ့တဲ့ လုပ်ရပ်တွေ အပေါ်မှာ စိတ်ပျက်မိတယ်လို့ မစ္စတာ ဂျရယ်မီ ဘရောင်းက ပြောသွားပါတယ်။
“မြန်မာနိုင်ငံမှာ အခုလုပ်တော့မယ့် ရွေးကောက်ပွဲဟာ အများပြည်သူလူထု အမြင်ကို ထင်ဟပ်တဲ့ တရားဝင် ဖော်ပြချက် တရပ်လို့ ကျနော်တို့ မမြင်ပါဘူး။ ဒါကြောင့်လည်း မြန်မာနိုင်ငံမှာ အခုလက်ရှိ အခြေအနေကို လက်ခံလို့ မရဘူးလို့ ကျနော်တို့မှာ ခိုင်မာတဲ့အမြင် ရှိထားပါတယ်။”
မစ္စတာဘရောင်းဟာ အခုလအတွင်းမှာပဲ ဗြိတိသျှ ပါလီမန်မှာ မြန်မာနိုင်ငံ ရွေးကောက်ပွဲနဲ့ ပတ်သက်လို့ အယုံအကြည် မရှိတဲ့သဘော ပြောခဲ့ ပါသေးတယ်။ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေ ဖမ်းဆီးထိန်းသိမ်း ခံနေရသရွေ့ အခု ရွေးကောက်ပွဲဟာ တရားမျှတမှု ရှိနိုင်မှာ မဟုတ်ဘူးလို့ ဗြိတိသျှ ပါလီမန်ကို ပြောခဲ့ပါတယ်။
အခုနောက်ပိုင်း နိုင်ငံတကာက အထူးစိုးရိမ်လာနေတဲ့ မြန်မာ၊ မြောက်ကိုရီးယား နျူကလီးယား ဆက်ဆံရေးနဲ့ ပတ်သက်လို့လည်း စိုးရိမ်ကြောင်း မစ္စတာဘရောင်းက သတင်းထောက်တွေကို ပြောခဲ့ပါသေးတယ်။
“ဒါဟာ နိုင်ငံတကာ ဥပဒေကို ချိုးဖောက်မှုပါပဲ။ အခုလို ပုံစံမျိုးနဲ့ နျူကလီးယားလက်နက် ပြန့်ပွားတာ လက်မခံနိုင်ဘူး ဆိုတာ ကျနော်တို့မှာ ပြတ်ပြတ်သားသား ပြင်းထန်တဲ့ သဘောထား ရှိပါတယ်။ ဒါကြောင့် နိုင်ငံတကာ အဆင့်မှာ ဒီကိစ္စကို အပြင်းထန်ဆုံး ကန့်ကွက် ပြောဆိုသွားမှာပါ။”
ကုလသမဂ္ဂ လုံခြုံရေးကောင်စီ အနေနဲ့ မြောက်ကိုရီးယားဆိုင်ရာ ဆုံးဖြတ်ချက်မှာ မြောက်ကိုရီးယား နိုင်ငံ နျူကလီးယားနဲ့ ဒုံးလက်နက် ဆိုင်ရာ ပြင်ပ အဆက်အဆံ မလုပ်ဖို့ ပြင်းပြင်းထန်ထန် တားမြစ်ထားပါတယ်။ ဒါကြောင့်လည်း မြောက်ကိုရီးယားဟာ မြန်မာနိုင်ငံရဲ့ နျူကလီးယားနဲ့ ဒုံးလက်နက်ဆိုင်ရာ အစီအစဉ်တွေမှာ ပတ်သက်နေတယ်လို့ စွပ်စွဲချက်တွေ ပေါ်ခဲ့ပြီး ဒီကိစ္စ မှန်ခဲ့ရင် လုံခြုံရေးကောင်စီ ဆုံးဖြတ်ချက်ကို ချိုးဖောက်တာပဲ ဆိုပြီး နိုင်ငံတကာက ပြစ်တင် ဝေဖန်ထားပါတယ်။ ဒါပေမဲ့ ဒီစွပ်စွဲချက်နဲ့ ပတ်သက်လို့ တရားဝင် နိုင်ငံတကာ စုံစမ်းမှုမျိုးတော့ မရှိသေးပါဘူး။
Ref: VOA News
လက်ရှိစစ်အုပ်စု လမ်းစဉ်နဲ့ ဗိုလ်ချုပ်အောင်ဆန်း လမ်းစဉ် ကွဲပြား
By ဦးသားညွန့်ဦး တနင်္ဂနွေ, 18 ဇူလိုင် 2010
မြန်မာ့တပ်မတော်ကို စတင် တည်ထောင်သူလည်းဖြစ်၊ အမျိုးသား ခေါင်းဆောင်ကြီးလည်း ဖြစ်တဲ့ ဗိုလ်ချုပ်အောင်ဆန်းရဲ့ အခန်း ကဏ္ဍကို ဒီကနေ့ စစ်တပ်အတွင်းမှာ စနစ်တကျကို မှေးမှိန် ဖျောက်ဖျက် လာနေတာဟာ ဒီကနေ့ စစ်ခေါင်းဆောင်တွေရဲ့ လမ်းစဉ်နဲ့ ဗိုလ်ချုပ်အောင်ဆန်းရဲ့ လမ်းစဉ် ပြဒါးတလမ်း သံတလမ်း ဖြစ်တယ်ဆိုတာ ပြနေတာပဲလို့ တပ်မတော် အရာရှိဟောင်း တဦးက ပြောပါတယ်။ အပြည့်အစုံကို ကိုသားညွန့်ဦးက ဆက်သွယ်မေးမြန်းပြီး တင်ပြပေးထားပါတယ်။
ဗိုလ်ချုပ်အောင်ဆန်း ကျဆုံးခဲ့တဲ့ အာဇာနည်နေ့ အောက်မေ့ဖွယ် အခမ်းအနားတွေကို နိုင်ငံတော်အဆင့် မှာတောင် အကျဉ်းချုံးပြီး ကျင်းပ လာသလို အာဇာနည်နေ့ ဗိမာန်ဆိုလည်း လုံခြုံရေးတွေ အထူး တင်းကျပ်တာကြောင့် ဗိုလ်ချုပ်အောင်ဆန်းနဲ့ အာဇာနည် ခေါင်းဆောင်ကြီးတွေကို သွားရောက် ဂါဝရပြုချင်သူတွေ အဖို့ အတော်လေး စိတ်အနှောင့်အယှက် ဖြစ်ကြရပါတယ်။ ဗိုလ်ချုပ်အောင်ဆန်းရဲ့ မိန့်ခွန်း၊ ဗိုလ်ချုပ်အောင်ဆန်း ဓာတ်ပုံတွေကိုလည်း အစိုးရ မီဒီယာတွေမှာ မတွေ့ သလောက်ပါပဲ။
တပ်မတော်ရဲ့ဖခင်၊ တပ်မတော်ကို ဦးစီးတည်ထောင်ခဲ့တဲ့ ဗိုလ်ချုပ်အောင်ဆန်း ကျဆုံးတဲ့ အာဇာနည်နေ့ကို တချိန်က တပ်အတွင်း တပ်ရင်းတပ်ဖွဲ့ အခြေစိုက် စခန်းတွေမှာ လေးလေးနက်နက်ကို ပုံမှန် ကျင်းပခဲ့ကြတယ်လို့ စစ်တက္ကသိုလ် အပတ်စဉ် ၁ ဆင်း ဗိုလ်ကြီးဟောင်း ဦးခင်မောင်ညွန့်က ပြန်ပြောင်း ပြောပြပါတယ်။
“စစ်တက္ကသိုလ်မှာလည်း စစ်တက္ကသိုလ်မှာပေါ့ဗျာ၊ နောက်ပြီးတော့ ဗိုလ်သင်တန်းဆင်းပြီးနောက် တပ်ရင်း တပ်ဖွဲ့တွေ ရောက်သွားတဲ့ အချိန်အခါမှာ သော်လည်းကောင်း အာဇာနည်နေ့ လုပ်မယ့်ဟာနဲ့ ပတ်သက်ပြီးတော့ ကျနော်တို့က ကြိုတင်ပြီး ဘယ်လိုပုံဖော်မလဲ၊ ခေါင်းဆောင်ကြီးတွေပေါ့၊ အထူးသဖြင့် ဗိုလ်ချုပ်အောင်ဆန်းရဲ့ မှာကြားချက်တွေ၊ သူ့ရဲ့ အဆိုအမိန့်တွေ၊ သူ့ရဲ့ တိုင်းပြည်အပေါ်မှာ ထားတဲ့ စေတနာတွေ အဲဒါတွေကို ပေါ်လွင်အောင် ဖော်တဲ့ အာဇာနည်နေ့ အခမ်းအနားမျိုး ဖြစ်အောင် ကျင်းပခဲ့ပါတယ်။
“တချို့နေရာတွေမှာဆိုရင် သက်ဆိုင်ရာ တပ်စုမှူး၊ တပ်ခွဲမှူးက မိမိတပ်စု၊ တပ်ခွဲထဲမှာရှိတဲ့ အရာရှိ၊ အရာခံ၊ အကြပ်၊ တပ်သား အကုန်လုံးကို ပညာပေးအနေနဲ့ ခေါင်းဆောင်ကြီးတွေရဲ့ မိန့်ကြားချက်၊ လုပ်ဆောင်ချက်၊ သူတို့ရဲ့စိတ်ထား၊ စေတနာ၊ သူတို့ ခင်းပေးတဲ့လမ်း၊ ဒါတွေကို အဆင့်အတန်း အကုန်လုံးမှာ ရှင်းပြ၊ ပြောပြပြီးတော့ ဆွေးနွေးပွဲတွေ ဘာတွေ လုပ်ခဲ့တာ ရှိခဲ့ဖူးပါတယ်။”
အခုတော့ ပြင်ပ အရပ်ဘက်မှာတင် မဟုတ်ဘဲနဲ့ ဗိုလ်ချုပ်အောင်ဆန်း တည်ထောင်ခဲ့တဲ့ စစ်တပ် အတွင်းမှာကို ဗိုလ်ချုပ်အောင်ဆန်း ပုံရိပ်တွေကို ဖျောက်ဖျက်ပစ်ပြီး ဗိုလ်ချုပ်ကျဆုံးတဲ့ အာဇာနည်နေ့တွေကို မကျင်းပ ဖြစ်သလောက်ပဲလို့ ဦးခင်မောင်ညွန့်က ပြောပါတယ်။ ၆၂ အာဏာသိမ်း စစ်တပ်ဟာ ၇၀ ခုနှစ်ဝန်းကျင် ကာလကတည်းက တပ်ရင်း တပ်ဖွဲ့တွေ အတွင်း အာဇာနည်နေ့ နှစ်စဉ် ကျင်းပမှုကို မှေးမှိန်လာအောင် လုပ်ပစ်ခဲ့တယ်လို့ ဆိုပါတယ်။
ဗိုလ်ချုပ်အောင်ဆန်းနဲ့တကွ ကျဆုံးလေပြီးသော အာဇာနည် ခေါင်းဆောင်ကြီးများဆိုတဲ့ စကားရပ်မှာတောင် ဗိုလ်ချုပ်အောင်ဆန်း အမည်ကို ဖြုတ်ပစ် လိုက်ပါတယ်။ အခုလို ဗိုလ်ချုပ်အောင်ဆန်းကို ဖျောက်ဖျက် ပစ်နေတာ တကယ်တော့ လက်ရှိ စစ်အုပ်စုရဲ့ လမ်းစဉ်နဲ့ ဗိုလ်ချုပ်အောင်ဆန်းရဲ့ တပ်မတော်အပေါ်ထားတဲ့ လမ်းစဉ်၊ နိုင်ငံအပေါ်ထားတဲ့ လမ်းစဉ် ဖြောင့်ဖြောင့် ဆန့်ကျင်နေတာကြောင့် ဖြစ်တယ်လို့ ဦးခင်မောင်ညွန့်က သုံးသပ်ပါတယ်။
“အာဏာရှင် အဆက်ဆက်ဟာ သူတို့သွားတဲ့လမ်းနဲ့ ကျနော်တို့ရဲ့ အမျိုးသား ခေါင်းဆောင်ကြီး ဗိုလ်ချုပ်အောင်ဆန်း ချမှတ်ခဲ့တဲ့ လမ်းဟာ ဆီနဲ့ရေလို၊ ပြဒါးတလမ်း၊ သံတလမ်းလို ဖြောင့်ဖြောင့်ကြီး ဆန့်ကျင်နေကြတော့ ဗိုလ်ချုပ်အောင်ဆန်းရယ်လို့ ပြောလိုက်ရင် ဗိုလ်ချုပ်အောင်ဆန်းရဲ့ ရပ်တည်ချက်တွေ၊ သဘောထားတွေ၊ တိုင်းပြည်အပေါ်မှာ သူထားခဲ့တဲ့ စေတနာတွေ၊ လုပ်ဆောင်မှုတွေနဲ့ ဒီနေ့ သူတို့ရဲ့ လုပ်ဆောင်မှုတွေက ဖြောင့်ဖြောင့်ကြီး ဆန့်ကျင်နေတော့ ဒီဟာကို သူတို့၊ အထူးသဖြင့် တပ်ထဲမှာ ရှိတဲ့လူတွေ အနေနဲ့ သော်လည်းကောင်း၊ တို့သွားနေတဲ့ လမ်းကြောင်းဟာ တို့အမျိုးသား ခေါင်းဆောင်ကြီး ဗိုလ်ချုပ်အောင်ဆန်း ချမှတ် လုပ်ဆောင် ခဲ့တာတွေနဲ့ တခြားစီ ဖြစ်နေပါပြီလားဆိုတာ မြင်တွေ့မှာကို သူတို့ အင်မတန် ကြောက်ရွံ့တယ်ခင်ဗျ။
“အဲဒါကြောင့် အာဇာနည်နေ့ကို၊ အထူးသဖြင့် ဗိုလ်ချုပ်အောင်ဆန်းကို သူ့ရဲ့ မှာကြားချက်တွေ၊ သူ့ရဲ့ ယုံကြည်ချက်တွေ၊ သူ့ရဲ့ ဆောင်ရွက်ချက်တွေ၊ အဲဒါကို မှေးမှိန်ပြီး ပပျောက်အောင် လုပ်တာဟာ အဓိကပဲလို့ ကျနော် ပြောချင်ပါတယ်။”
တပ်မတော်ဟာ တိုင်းပြည်အတွက်ပဲ ဖြစ်စေရမယ်၊ တိုင်းပြည်ဟာ တပ်မတော်အတွက် မဟုတ်ရဆိုတဲ့ စကား ဗိုလ်ချုပ်အောင်ဆန်း ပြောခဲ့ပါတယ်။ လက်ရှိ စစ်အစိုးရကတော့ တပ်မတော်သာ အမိ၊ တပ်မတော်သာ အဖလို့ ဆောင်ပုဒ်တပ် ကြွေးကြော်သလို အနာဂတ် မြန်မာ့ နိုင်ငံရေးမှာ တပ်မတော်ရဲ့ အခန်းကဏ္ဍ ရှိရမယ်လို့ တောင်းဆိုခဲ့ပါတယ်။ ဒါကြောင့်လည်း ဒီအချက်တွေကို ထောက်ပြီး
တပ်မတော် တည်ထောင်တဲ့ ဗိုလ်ချုပ်အောင်ဆန်းရဲ့ အယူအဆနဲ့ ဒီကနေ့ တပ်တည်ရှိမှု ကွဲလွဲနေပြီလို့ သုံးသပ်ဝေဖန်မှုတွေ ရှိပါတယ်။
Ref: VOA News
Posts
